Iarraidh ar réamhrialú ó Amtsgericht Hamburg (an Ghearmáin) a taisceadh an 22 Nollaig 2022 – flightright GmbH v TAP Portugal

(Cás C-778/22, flightright)

(2023/C 112/33)

Teanga an cháis: an Ghearmáinis

An chúirt a rinne an tarchur

Amtsgericht Hamburg

Páirtithe sna príomhimeachtaí

Iarratasóir: flightright GmbH

Cosantóir: TAP Portugal

An cheist a tharchuirtear

An gcaithfear Airteagal 5(3) de Rialachán (CE) Uimh. 261/2004 (1) a léiriú sa chiall nach mór d’aeriompróir an t-athródú is luaithe is féidir – aistriú nasctha gan “Check-Through” (seiceáil tríd) – a thairiscint do phaisinéir a chaill nasceitilt mar gheall ar imthosca urghnácha, lena mbaineann na paisinéirí a ceann scríbe amach, i gcomparáid le heitilt dhíreach an lá dar gcionn, 5 uair an chloig agus 15 nóiméad níos luaithe, cé go bhfuil moill de 18 uair an chloig agus 15 nóiméad fós i gceist, agus lena bhfuil orthu, in éineacht leis sin, trí eitilt seachas eitilt dhíreach amháin a thógáil agus, ag na nasc-aerfoirt, a mbagáiste a bhailiú, an limistéar slándála a fhágáil agus iad féin agus a mbagáiste a sheiceáil isteach arís, do gach ceann de na heitiltí nua, dhá uair an chloig roimh an am imeachta beartaithe agus, ina dhiaidh sin, dul tríd na seiceálacha slándála arís, i gcás ina bhfuil dhá cheann de na heitiltí sin á n-oibriú ag aeriompróirí náisiúnta de chuid na Brasaíle, agus is “aerlíne ar chostas íseal” ceann amháin acu sin?

---

(1)  Rialachán (CE) Uimh. 261/2004 ó Pharlaimint na hEorpa agus ón gComhairle an 11 Feabhra 2004 lena mbunaítear comhrialacha maidir le cúiteamh agus cúnamh do phaisinéirí i gcás nach gceadófar dóibh bordáil agus i gcás ina gcuirfear eitiltí ar ceal nó i gcás ina gcuirfear moill fhada orthu, agus lena n-aisghairtear Rialachán (CEE) Uimh. 295/91 (IO 2004 L 46, lch. 1).