20.2.2023 |
GA |
Iris Oifigiúil an Aontais Eorpaigh |
C 63/21 |
Iarraidh ar réamhrialú ón Varhoven administrativen sad (an Bhulgáir) a taisceadh an 29 Samhain 2022 – Direktor na Direktsia “Obzhalvane i danachno-osiguritelna praktika” – Sofia pri Tsentralno upravlenie na NAP v “Valentina Heights” EOOD
(Cás C-733/22)
(2023/C 63/27)
Teanga an cháis: an Bhulgáiris
An chúirt a rinne an tarchur
Varhoven administrativen sad
Páirtithe sna príomhimeachtaí
Achomharcóir ar phointe dlí: Direktor na Direktsia “Obzhalvane i danachno-osiguritelna praktika” – Sofia pri Tsentralno upravlenie na NAP
Freagróir ar an achomharc:“Valentina Heights” EOOD
Na ceisteanna a tharchuirtear
1. |
An gcaithfear Airteagal 98(2), arna léamh i gcomhar le pointe 12 d’Iarscríbhinn III, de Threoir 2006/112/CE (1) ón gComhairle an 28 Samhain 2006 maidir leis an gcomhchóras cánach breisluacha a léiriú sa chaoi go bhféadfaí an ráta laghdaithe cánach breisluacha dá bhforáiltear san fhoráil sin i ndáil le cóiríocht in óstáin agus bunachais chosúla a chur i bhfeidhm i gcás nach bhfuil na bunachais sin aicmithe i gcomhréir leis na forálacha dlí náisiúnta de Bhallstát [na cúirte] atá ag iarraidh an réamhrialaithe? |
2. |
I gcás go dtabharfar freagra diúltach ar an gceist sin, an gcaithfear Airteagal 98(2), arna léamh i gcomhar le pointe 12 d’Iarscríbhinn III, de Threoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha a léiriú sa chaoi go gceadaítear cur i bhfeidhm an ráta laghdaithe ar bhonn roghnach maidir le gnéithe nithiúla agus sonracha de chatagóir sholáthair ar leith, i gcás ina bhfuil coinníoll nach dtarlóidh an chóiríocht sin in óstáin agus bunachais chosúla ach amháin i saoráidí cóiríochta atá aicmithe i gcomhréir leis na forálacha dlí náisiúnta de Bhallstát [na cúirte] atá ag iarraidh an réamhrialaithe nó a bhfuil teastas sealadach eisithe ina leith maidir le tús a bheith curtha le himeachtaí aicmithe i gcatagóir. |
(1) Treoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha (IO 2006 L 347, lch. 1).