30.1.2023 |
GA |
Iris Oifigiúil an Aontais Eorpaigh |
C 35/26 |
Iarraidh ar réamhrialú ó Fechtbank Gelderland (an Ísiltír) a taisceadh an 12 Deireadh Fómhair 2022 – Y v Inspecteur van de Belastingdienst Amsterdam
(Cás C-641/22)
(2023/C 35/30)
Teanga an cháis: an Ollainnis
An chúirt a rinne an tarchur
Rechtbank Gelderland
Páirtithe sna príomhimeachtaí
Iarratasóir: Y
Cosantóir: Inspecteur van de Belastingdienst Amsterdam
An cheist a tharchuirtear
An gcaithfear Airteagal 135(1)(g) den Treoir maidir le CBL (1) a léiriú sa chaoi go bhféadfaí a mheas go bhfuil riosca infheistíochta i gceist do shealbhóirí i gciste pinsin amhail an ciste pinsin sna príomhimeachtaí, agus an gciallaíonn sé sin gurb ionann an ciste pinsin agus “ciste infheistíochta speisialta” de réir bhrí na forála sin? An mbaineann a leanas le hábhar:
— |
cé acu an bhfuil riosca infheistíochta aonair i gceist do na sealbhóirí nó nach bhfuil nó an leor gur ar na sealbhóirí go comhchoiteann agus ní ar aon duine eile na hiarmhairtí a bhaineann le torthaí na hinfheistíochta? |
— |
méid an riosca chomhchoitinn nó aonair? |
— |
a mhéid a bhaineann fachtóirí eile, amhail an líon blianta pinsin arna dhéanamh, an méid tuarastail agus an fachtóir lascaine, le méid an tsochair pinsin? |
— |
go bhfuil ráthaíocht go dtí EUR 250 000 000 curtha ar fáil ag an bhfostóir don tréimhse 2014 go 2020 d’fhonn an pinsean atá beartaithe a dhéanamh a bhaint amach? |
(1) Treoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha (IO 2006 L 347, lch. 1).