Iarraidh ar réamhrialú ón Naczelny Só Administracyjny (an Pholainn) arna taisceadh an 5 Iúil 2022 — P Sp. z o.o. v Dyrektor Izby Administracji Skarbowej w Lublinie

(Cás C-442/22)

(2022/C 380/05)

Teanga an cháis: An Pholainnis

An chúirt a rinne an tarchur

Naczelny Sąd Administracyjny

Páirtithe sna príomhimeachtaí

Iarratasóir:: P Sp. z o.o.

Cosantóir: Dyrektor Izby Administracji Skarbowej w Lublinie

Na ceisteanna a tharchuirtear

An gcaithfear Airteagal 203 de Threoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha (1) a léirmhíniú sa chiall gur i gcás inar eisigh fostaí de chuid duine inchánach chun críocha CBL sonrasc CBL calaoiseach, inar luaigh sé sonraí an fhostóra mar dhuine inchánach, gan a eolas ná a thoiliú, go measfar gurb é an duine a chuireann CBL ar an sonrasc agus atá faoi dhliteanas an CBL a íoc mar sin:

—	an duine inchánach chun críocha CBL ar úsáideadh a chuid sonraí go neamhdhleathach i dtéacs an tsonraisc, nó

—	an fostaí a d’iontráil CBL go neamhdhleathach ar shonrasc ag baint úsáid as sonraí an duine inchánaigh?

Maidir leis an gceist cé atá le meas, de réir bhrí Airteagal 203 de Threoir 2006/112/CE ón gComhairle, mar dhuine a chuireann CBL ar an sonrasc agus atá faoi dhliteanas an CBL a íoc mar sin sna himthosca dá dtagraítear sa chéad cheist, an bhféadfar a chur i leith duine inchánach chun críocha CBL a fhostaíonn fostaí atá tar éis sonraí an duine inchánaigh a fhostaíonn é a iontráil go neamhdhleathach ar an sonrasc CBL, nár fheidhmigh sé dícheall cuí maidir le maoirseacht a dhéanamh ar an bhfostaí?

(1) IO 2006, L 347, lch. 1.