Iarraidh ar réamhrialú ó Finanzgericht Düsseldorf (an Ghearmáin) a taisceadh an 23 Bealtaine 2022 – f6 Cigarettenfabrik GmbH & Co. KG v Hauptzollamt Bielefeld

(Cás C-336/22)

(2022/C 318/40)

Teanga an cháis: an Ghearmáinis

An chúirt a rinne an tarchur

Finanzgericht Düsseldorf

Páirtithe sna príomhimeachtaí

Iarratasóir: f6 Cigarettenfabrik GmbH & Co. KG

Cosantóir: Hauptzollamt Bielefeld

Na ceisteanna a tharchuirtear

1.

An gcaithfear Airteagal 1(2) de Threoir 2008/118/CE (1), arna leasú le Treoir (AE) 2019/475 (2), a léirmhíniú sa chaoi go gcuirtear bac ar riail náisiúnta de chuid Ballstáit maidir le cáin tobac a ghearradh ar thobac téite lena bhforáiltear, agus an cháin á ríomh, in éineacht leis an ráta cánach do thobac píopa, go ngearrfar cáin bhreise, arb ionann í agus 80 % den mhéid cánach do thoitíní lúide an méid cánach do thobac píopa?

2.

I gcás nach cáin indíreach eile chun críocha sonracha ar earraí faoi réir máil de réir bhrí Airteagal 1(2) de Threoir 2008/118 an cháin bhreise ar thobac téite, an gcaithfear Airteagal 14(3) de Rialachán 2011/64/AE (3) a léirmhíniú sa chaoi go gcuirtear bac ar riail náisiúnta de chuid Ballstáit maidir le cáin tobac a ghearradh ar thobac téite lena bhforáiltear, agus an cháin á ríomh, in éineacht le ráta cánach do thobac píopa, go ngearrfar cáin bhreise, arb ionann í agus 80 % den mhéid cánach do thoitíní lúide an méid cánach do thobac píopa?

3.

I gcás nach cáin indíreach eile chun críocha sonracha ar earraí faoi réir máil de réir bhrí Airteagal 1(2) de Threoir 2008/118 an cháin bhreise ar thobac téite, an gcaithfear pointe (b) den chéad fhomhír d’Airteagal 14(1) agus pointe (c) den chéad fhomhír d’Airteagal 14(2) de Threoir 2011/64 a léirmhíniú sa chaoi go gcuirtear bac ar riail náisiúnta de chuid Ballstáit maidir le cáin tobac a ghearradh ar thobac téite lena bhforáiltear, agus an cháin á ríomh, go ndéanfar an cháin sin a chinneadh de bhun ráta cánach ad valorem agus ráta cánach sonrach bunaithe ar an meáchan agus ar an líon cipíní tobac?

---

(1)  Treoir ón gComhairle an 16 Nollaig 2008 maidir leis na socruithe ginearálta maidir le dleacht mháil agus lena n-aisghairtear Treoir 92/12/CEE (IO 2009 L 9, lch. 12).

(2)  Treoir ón gComhairle an 18 Feabhra 2019 lena leasaítear Treoracha 2006/112/CE agus 2008/118/CE maidir leis an mbardas Iodálach Campione d’Italia agus uiscí Iodálacha Loch Lugano a chuimsiú mar chuid de chríoch chustaim an Aontais agus le cur i bhfeidhm críochach Threoir 2008/118/CE (IO 2019 L 83, lch. 42).

(3)  Treoir ón gComhairle an 21 Meitheamh 2011 maidir le struchtúr agus rátaí na ndleachta máil a chuirtear i bhfeidhm ar thobac monaraithe (IO 2011 L 176, lch. 24).