Iarraidh ar réamhrialú ón Hoge Raad der Nederlanden (an Ísiltír) a taisceadh an 6 Aibreán 2022 – DX

(Cás C-241/22)

(2022/C 276/04)

Teanga an cháis: an Ollainnis

An chúirt a rinne an tarchur

Hoge Raad der Nederlanden

Páirtithe sna príomhimeachtaí

Na ceisteanna a tharchuirtear:

An dtagann na bearta reachtacha a bhaineann le rochtain a thabhairt d’údaráis phoiblí ar shonraí tráchta agus suímh (sonraí sainaitheantais san áireamh) i ndáil le cionta coiriúla a chosc, a imscrúdú, a bhrath agus a ionchúiseamh faoi raon feidhme Threoir 2022/58/CE (1) má bhaineann siad le rochtain a thabhairt ar shonraí nach gcoinnítear ar bhonn bearta reachtacha atá leagtha amach in Airteagal 15(1) de Threoir 2002/58/CE, ach a choinníonn an soláthraí ar bhonn eile?

An mbaineann na téarmaí “cionta coiriúla tromchúiseacha” agus “coireacht thromchúiseach”, a úsáidtear i mbreithiúnais na Cúirte Breithiúnais atá luaite i míreanna 5.7 agus 5.8, (2) le coincheapa neamhspleácha de chuid dhlí an Aontais, nó an bhfuil sé faoi údaráis inniúla na mBallstát iad féin chun a bhfuil iontu a shonrú?

b)	Más coincheapa neamhspleácha iad de chuid dhlí an Aontais, conas a chinntear céard is “cionta coiriúla tromchúiseacha” nó “coireacht thromchúiseach” ann?

An féidir rochtain a thabhairt d’údaráis phoiblí ar shonraí tráchta agus suímh (seachas sonraí sainaitheantais) chun críche cionta coiriúla a chosc, a imscrúdú a bhrath agus a ionchúiseamh faoi Threoir 2002/58/CE mura bhfuil aon chionta coiriúla nó coireacht thromchúiseach ann, go háirithe nuair is féidir glacadh leis, i gcás sonrach, nach bhfuil ach cur isteach teoranta ag eascairt as tabhairt na rochtana ar na sonraí sin, go háirithe ar an gceart chun príobháideachais dá dtagraítear in Airteagal 2(b) de Threoir 2002/58/CE?

(1) Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le próiseáil sonraí pearsanta agus le cosaint an príobháideachais in earnáil na cumarsáide leictreonaí (Treoir maidir leis an bpríobháideachas agus leis an gcumarsáid leictreonach (IO 2002 L 201, lch 37).

(2) Cásanna C-203/15 (Tele2 Sverige), C-698/15 (Watson agus páirtithe eile), C-511/18, C-512/18 agus C-520/18 (La Quadrature du Net agus páirtithe eile), C-207/16 (Ministerio Fiscal) agus C-746/18 (Prokuratuur).