1. 

Saorghluaiseacht daoine – An tsaoirse chun seirbhísí a sholáthar – Saorghluaiseacht caipitil – Forálacha an chonartha – Athbhreithniú ar an bheart náisiúnta a bhaineann le saoirsí bunúsacha – Critéir chun na rialacha is infheidhme a chinneadh

(Airteagail 45, 56 agus 63 CFAE)

(féach mír 18)

2. 

Saorghluaiseacht daoine – Oibrithe – Forálacha an chonartha – Raon feidhme – Reachtaíocht chánach – Reachtaíocht náisiúnta ar fhorchur cánach ar luach na gceart pinsin arna bhfáil ag oibrithe imirceacha – Cuimsiú

(Airteagal 45 CFAE)

(féach míreanna 19-21)

3. 

Saorghluaiseacht daoine – Oibrithe – Reachtaíocht chánach – Reachtaíocht náisiúnta ar fhorchur cánach ar luach na gceart pinsin arna bhfáil ag oibrithe imirceacha – Aistriú chuig eagraíocht an chuideachta árachais pinsin atá lonnaithe i mBallstát eile – Oibleagáid ar an gcuideachta árachais pinsin sin ráthaíocht a thabhairt an cháin a bhailiú nó aontú le bheith faoi dhliteanas cáin dá leithéid a íoc – Do-ghlacthacht – Bonn cirt – Easnamh

(Airteagal 45 CFAE)

(féach míreanna 32-40, 47, 54 agus an chuid oibríochtúil 1)

1. 

Trí na riachtanais maidir le haistrithe caipitil pinsin a leagtar síos in Airteagal 19(a)(1)(d) agus Airteagal 19(b)(1) agus (2) den Wet op de loonbelasting 1964 (an tAcht um Cháin ar Phá 1964) a ghlacadh agus a choinneáil i bhfeidhm, sa leagan is infheidhme sa chás seo, in Airteagal 40(c) den Uitvoeringsregeling invorderingswet (Foraithne Cur Feidhme an Achta um Chánacha a Bhailiú), in Airteagal 10(d)(3) den Uitvoeringsbesluit Loonbelasting 1965 (Foraithne Cur Chun Feidhme an Achta um Cháin ar Phá 1965) agus Iarscríbhinn IV a ghabhann le Besluit Loonheffingen, inkomstenbelasting, internationale aspecten van pensioenen en stamrechten (Cinneadh maidir le hasbhaintí párolla, cáin ioncaim, gnéithe idirnáisiúnta a bhaineann le pinsin agus cearta ar íocaíochtaí tréimhsiúla) an 9 Deireadh Fómhair 2015, faoina gcaithfidh an eagraíocht árachais pinsin atá lonnaithe i mBallstát eile seachas Ríocht na hÍsiltíre ráthaíocht a [thabhairt] cáin a bhailiú ar [aistriú] luach na gceart pinsin atá dlite [d’]oibrithe a théann i mbun oibre sa Bhallstát eile sin agus ar mian leo luach a gceart pinsin a aistriú nó, ina éagmais sin, a bheith faoi dhliteanas [i leith na cánach] atá dlite nó an fhéidearthacht [a thairiscint do na hoibrithe sin ráthaíocht leordhóthanach a [thabhairt], gur mhainnigh Ríocht na hÍsiltíre a oibleagáidí faoi Airteagal 45 CFAE a chomhlíonadh.

2. 

Ordaítear do Ríocht na hÍsiltíre na costais a íoc.