1.

Maidir le hAirteagal 6(2) de Threoir 2008/115/CE ó Pharlaimint na hEorpa agus ón gComhairle an 16 Nollaig 2008 maidir le caighdeáin choiteanna agus nósanna imeachta coiteanna sna Ballstáit i ndáil le náisiúnaigh tríú tír atá ag fanacht go neamhdhleathach a fhilleadh,

ní mór léiriú a dhéanamh mar seo a leanas:

ceanglaítear ar údaráis inniúla Ballstáit cead a thabhairt do náisiúnach tríú tír atá ag fanacht go neamhdhleathach ar chríoch an Bhallstáit sin agus ag a bhfuil cead cónaithe bailí nó údarú bailí eile lena dtugtar ceart fanachta arna eisiúint ag Ballstát eile dul chuig an mBallstát eile sin sula nglacfaidh siad cinneadh um fhilleadh, más gá sin sna himthosca, i ndáil leis an náisiúnach sin, cé go measann na húdaráis sin gur dócha nach gcomhlíonfaidh an náisiúnach sin iarraidh chun dul chuig an mBallstát eile sin.

2.

Maidir le hAirteagal 6(2) de Threoir 2008/115,

ní mór léiriú a dhéanamh mar seo a leanas:

sa mhéid a cheanglaíonn sé ar na Ballstáit cead a thabhairt do náisiúnaigh tríú tír atá ag fanacht go neamhdhleathach ar a gcríoch dul go dtí an Ballstát a d’eisigh cead cónaithe bailí nó údarú eile dóibh lena dtugtar ceart fanachta dóibh sula nglacfaidh na Ballstáit sin cinneadh um fhilleadh, más gá sin sna himthosca, i ndáil leis na náisiúnaigh sin, tá éifeacht dhíreach ag an bhforáil sin agus féadfaidh daoine aonair í a agairt dá réir sin os comhair na gcúirteanna náisiúnta.

3.

Maidir le hAirteagal 6(2) de Threoir 2008/115,

ní mór léiriú a dhéanamh mar seo a leanas:

nuair, murab ionann agus an fhoráil sin, nach gceadaíonn Ballstát do náisiúnach tríú tír atá ag fanacht go neamhdhleathach ar a chríoch dul láithreach chuig an mBallstát a d’eisigh cead cónaithe bailí nó údarú eile dó lena dtugtar ceart fanachta dó sula nglacann sé cinneadh um fhilleadh i ndáil leis an náisiúnach sin, ceanglaítear ar na húdaráis inniúla náisiúnta, lena n-áirítear cúirteanna náisiúnta a bhfuil achomharc i gcoinne an chinnidh sin um fhilleadh agus an toirmisc ar dhul isteach a ghabhann leis os a gcomhair, gach beart is gá a dhéanamh chun mainneachtain údaráis náisiúnta oibleagáidí a eascraíonn as an bhforáil sin a chomhlíonadh a leigheas.