1)

Ní mór Airteagal 101 CFAE agus prionsabal na héifeachtachta a léiriú sa chaoi is nach gcuirtear bac leo ar reachtaíocht náisiúnta, mar a léirítear leis an gcásdlí náisiúnta í, ar dá réir a thosaíonn an tréimhse teorann is infheidhme maidir le caingean i leith damáistí mar gheall ar shárú ar fhorálacha dhlí iomaíochta an Aontais arna tabhairt ag tomhaltóir ar an lá a fhoilsítear in Iris Oifigiúil an Aontais Eorpaigh an achoimre ar an gcinneadh críochnaitheach ón gCoimisiún Eorpach lena bhfuarthas an sárú sin, ar choinníoll gur féidir a mheas go réasúnta gur tháinig an duine dá ndearnadh damáiste ar an eolas faoi na gnéithe riachtanacha a chuir ar a chumas a chaingean le haghaidh damáistí a thionscnamh ar dháta an fhoilsithe sin.

2.

Ní mór Airteagal 10(3) de Threoir 2014/104/AE ó Pharlaimint na hEorpa agus ón gComhairle an 26 Samhain 2014 maidir le rialacha áirithe lena rialaítear caingne i leith damáistí faoin dlí náisiúnta maidir le sáruithe ar fhorálacha dhlí iomaíochta na mBallstát agus an Aontais Eorpaigh (2) a léiriú sa chaoi is go dtagann caingean i leith damáistí mar gheall ar shárú ar an dlí iomaíochta faoina raon feidhme ama, ar caingean í, cé go mbaineann sí le sárú ar tháinig deireadh leis roimh theacht i bhfeidhm na treorach sin, a thugtar tar éis theacht i bhfeidhm na bhforálacha lena dtrasuitear an treoir sin sa dlí náisiúnta, a mhéid is nach ndeachaigh an tréimhse teorann is infheidhme maidir leis an gcaingean sin in éag roimh dhul in éag don tréimhse chun an treoir sin a thrasuí.