|
31.7.2023 |
GA |
Iris Oifigiúil an Aontais Eorpaigh |
C 271/7 |
Breithiúnas ón gCúirt Bhreithiúnais (an Naoú Dlísheomra) an 15 Meitheamh 2023 (iarraidh ar réamhrialú ón Sąd Okręgowy w Warszawie – an Pholainn) – YQ, RJ v Getin Noble Bank S.A
(Cás C-287/22 (1), Getin Noble Bank (Comhaontú creidmheasa a chur ar fionraí nó a chomhlíonadh))
(Tarchur chun réamhrialú - Cosaint tomhaltóirí - Téarmaí éagóracha i gconarthaí tomhaltóra - Treoir 93/13/CEE - Iasacht mhorgáiste atá innéacsaithe d’airgeadra eachtrach - Airteagal 6(1) - Airteagal 7(1) - Iarratas ar bhearta eatramhacha - Feidhmíocht an chomhaontaithe iasachta a chur ar fionraí - Lánéifeachtacht na héifeachta athdheimhnithí a áirithiú)
(2023/C 271/09)
Teanga an cháis: an Pholainnis
An chúirt a rinne an tarchur
Sąd Okręgowy w Warszawie
Páirtithe sna príomhimeachtaí
Iarratasóirí: YQ, RJ
Cosantóir: Getin Noble Bank S.A.
An chuid oibríochtúil
Maidir le hAirteagal 6(1) agus Airteagal 7(1) de Threoir 93/13/CEE ón gComhairle an 5 Aibreán 1993 maidir le téarmaí éagóracha i gconarthaí tomhaltóra, arna léamh i bhfianaise phrionsabal na héifeachtachta,
ní mór léiriú a dhéanamh mar seo a leanas:
sa chaoi go gcoisctear cásdlí náisiúnta ar dá réir a fhéadfaidh cúirt náisiúnta iarratas ar dheonú beart eatramhach arna thaisceadh ag tomhaltóir a bhfuil an fionraí á lorg aige a dhíbhe, go dtí go ndéanfar cinneadh críochnaitheach maidir le neamhbhailíocht an chomhaontaithe iasachta arna thabhairt i gcrích ag an tomhaltóir sin ar an bhforas go bhfuil téarmaí éagóracha sa chomhaontú iasachta sin, íocaíocht na dtráthchodanna míosúla atá dlite faoin gcomhaontú iasachta sin, i gcás inar gá na bearta eatramhacha sin a dheonú chun éifeachtacht iomlán an chinnidh sin a áirithiú.