|
31.7.2023 |
GA |
Iris Oifigiúil an Aontais Eorpaigh |
C 271/6 |
Breithiúnas na Cúirte Breithiúnais (an Séú Dlísheomra) an 15 Meitheamh 2023 (iarraidh ar réamhrialú ón Tribunale Amministrativo Regionale per il Lazio – an Iodáil) – BM, NP v Ministero dell'Istruzione, dell'Università e della Ricerca – MIUR
(Cás C-132/22 (1), Ministero dell'Istruzione, dell'Università e della Ricerca (Rangú speisialta)]
(Tarchur chun réamhrialú - Saoirse gluaiseachta d'oibrithe - Airteagal 45 CFAE - Rialachán (AE) Uimh. 492/2011 - Airteagal 3(1) - Constaic - Cóir chomhionann - Nós imeachta aicmithe maidir le leithdháileadh post i bhforais phoiblí náisiúnta áirithe - Coinníoll iontrála atá nasctha le taithí ghairmiúil a fuarthas roimhe sin laistigh de na bunaíochtaí sin - Reachtaíocht náisiúnta nach gceadaíonn taithí ghairmiúil a fuarthas i mBallstáit eile a chur san áireamh - Réasúnú - Cuspóir chun dul i ngleic le neamhbhuaine)
(2023/C 271/07)
Teanga an cháis: an Iodáilis
An chúirt a rinne an tarchur
Tribunale Amministrativo Regionale per il Lazio
Páirtithe sna príomhimeachtaí
Iarratasóirí: BM, NP
Cosantóir: Ministero dell'Istruzione, dell'Università e della Ricerca – MIUR
An chuid oibríochtúil
Maidir le hAirteagal 45 CFAE agus Airteagal 3(1)(b) de Rialachán (AE) Uimh. 492/2011 ó Pharlaimint na hEorpa agus ón gComhairle an 5 Aibreán 2011 maidir le saoirse ghluaiseachta d’oibrithe laistigh den Aontas,
ní mór léiriú a dhéanamh mar seo a leanas:
cuirtear cosc leo ar reachtaíocht náisiúnta lena bhforáiltear nach bhféadfar ach iarrthóirí a bhfuil taithí ghairmiúil áirithe faighte acu i bhforais phoiblí náisiúnta le haghaidh oiliúint ealaíne, ceoil agus cóiréagrafaíochta níos airde a ligean isteach i nós imeachta rollaithe ar na liostaí a tharraingítear suas le haghaidh earcaíochta trí bhíthin conarthaí fostaíochta a mhaireann ar feadh tréimhse éiginnte agus ar feadh tréimhse shocraithe, agus cuirtear cosc leo, ar an gcaoi sin, iad a chur san áireamh, chun críocha iad a ligean isteach sa nós imeachta sin, taithí oibre a fuarthas i mBallstáit eile.