|
30.1.2023 |
GA |
Iris Oifigiúil an Aontais Eorpaigh |
C 35/51 |
Breithiúnas na Cúirte Ginearálta an 30 Samhain 2022 – KN v an Pharlaimint
(Cás T-401/21) (1)
(Dlí institiúideach - Comhalta de CESE - Nós imeachta um urscaoileadh chun buiséad CESE a chur chun feidhme don bhliain airgeadais 2019 - Rún ón bParlaimint lena n – ainmnítear an t – iarratasóir mar údar iompraíochta um chiapadh morálta - Caingean le haghaidh neamhniú - Gníomh nach bhfuil faoi réir achomhairc - Neamh – inghlacthacht - Imeachtaí le haghaidh damáistí - Cosaint sonraí pearsanta - Toimhde na neamhchiontachta - Oibleagáid rúndachta - Prionsabal an dea – riaracháin - Comhréireacht - Sárú tromchúiseach leordhóthanach ar an smacht reachta lena dtugtar cearta do dhaoine aonair)
(2023/C 35/59)
Teanga an cháis: an Fhraincis
Páirtithe
Iarratasóir: KN (ionadaithe: M. Casado García-Hirschfeld agus M. Aboudi, Dlíodóirí)
Cosantóir: Parlaimint na hEorpa (ionadaithe: R. Crowe, C. Burgos agus M. Allik, i gcáil Gníomhairí)
Ábhar
Trína chaingean iarrann an t-iarratasóir, ar thaobh amháin de bhun Airteagal 263 CFAE, go ndéanfaí Cinneadh (AE, Euratom) 2021/1552 ó Pharlaimint na hEorpa an 28 Aibreán 2021 maidir le hurscaoileadh i ndáil le cur chun feidhme bhuiséad ginearálta an Aontais Eorpaigh don bhliain airgeadais 2020, Roinn VI – Coiste Eacnamaíoch agus Sóisialta na hEorpa (IO 2021 L 340, lch 140), chomh maith le Rún (AE) 2021/1553 ó Pharlaimint na hEorpa an 29 Aibreán 2021 ina bhfuil barúlacha atá ina gcuid dhílis den chinneadh maidir le hurscaoileadh i ndáil le cur chun feidhme bhuiséad ginearálta an Aontais Eorpaigh don bhliain airgeadais 2019, Roinn VI – Coiste Eacnamaíoch agus Sóisialta na hEorpa (IO 2021 L 340, lch 141), a neamhniú, agus ar an taobh eile, de bhun Airteagal 268 CFAE, cúiteamh i gcás aon damáiste a dhéanfaí dó mar thoradh ar na gníomhartha a chonspóidtear.
An chuid oibríochtúil
|
1) |
Diúltaítear don achomharc. |
|
2) |
Ordaítear do KN na costais a íoc. |