|
2.5.2023 |
GA |
Iris Oifigiúil an Aontais Eorpaigh |
C 155/49 |
Breithiúnas na Cúirte Ginearálta an 8 Márta 2023 – Sympatex Technologies v EUIPO – Liwe Española (Sympathy Inside)
(Cás T-372/21) (1)
(Trádmharc de chuid an Aontais Eorpaigh - Imeachtaí freasúra - Iarratas ar fhocalmharc de chuid an Aontais Eorpaigh “Sympathy Inside” - Trádmharc de chuid an Aontais Eorpaigh “INSIDE.” - Foras coibhneasta le diúltú - Baol mearbhaill - Airteagal 8(1)(b) de Rialachán (CE) Uimh. 207/2009 [anois: Airteagal 8(1)(b) de Rialachán (AE) 2017/1001] - Fíor-úsáid a bhaint as an marc roimhe seo - An dara fomhír (a) d’Airteagal 15(1) de Rialachán Uimh. 207/2009 [anois: an dara fomhír (a) d’Airteagal 18(1) de Rialachán 2017/1001] - Gan athrú tagtha ar an tsainiúlacht)
(2023/C 155/62)
Teanga an cháis: an Béarla
Páirtithe
Iarratasóir: Sympatex Technologies GmbH (Unterföhring, an Ghearmáin) (ionadaí: E. Strauß, Dlíodóir)
Cosantóir: Oifig Maoine Intleachtúla an Aontais Eorpaigh (ionadaithe: G. Predonzani agus D. Gája, Gníomahairí)
Páirtí eile sna himeachtaí os comhair an Bhoird Achomhairc de EUIPO, ag idirghabháil os comhair na Cúirte Ginearálta: Liwe Española, SA (Puente Tocinos, an Spáinn) (ionadaí: Á. Pérez Lluna, Dlíodóir)
Ábhar
Lena chaingean faoi Airteagal 263 CFAE, iarrann an t-iarratasóir go neamhneofaí an cinneadh ón gCúigiú Bord Achomhairc d’Oifig Maoine Intleachtúla an Aontais Eorpaigh (EUIPO) an 26 Aibreán 2021 (Cás R 1777/2018-5).
An chuid oibríochtúil
|
(1) |
Diúltaítear don chaingean. |
|
(2) |
Ordaítear do Sympatex Technologies GmbH na costais a íoc. |