1.

Maidir le hAirteagal 16(2)(c) de Threoir 2009/28/CE ó Pharlaimint na hEorpa agus ón gComhairle an 23 Aibreán 2009 maidir le húsáid fuinnimh ó fhoinsí in-athnuaite a chur chun cinn agus lena leasaítear agus lena n-aisghairtear ina dhiaidh sin Treoir 2001/77/CE agus 2003/30/CE,

ní mór léiriú a dhéanamh mar seo a leanas:

ní mór rochtain tosaíochta ar an eangach leictreachais atá ag suiteálacha giniúna leictreachais a úsáideann foinsí in-athnuaite fuinnimh a dheonú ní hamháin do shuiteálacha a tháirgeann leictreachas go heisiach ó fhoinsí in-athnuaite fuinnimh, ach freisin dóibh siúd a tháirgeann ó fhoinsí in-athnuaite agus ó fhoinsí traidisiúnta fuinnimh araon.

2.

Maidir le hAirteagal 16(2)(c) de Threoir 2009/28,

ní mór léiriú a dhéanamh mar seo a leanas:

tá rochtain tosaíochta ag suiteáil a tháirgeann leictreachas ó fhoinsí in-athnuaite fuinnimh agus ó fhoinsí traidisiúnta fuinnimh araon ar an eangach maidir leis an gcion den leictreachas a tháirgtear ó fhoinsí in-athnuaite fuinnimh amháin. Is faoi na Ballstáit atá sé na rialacha mionsonraithe a leagan síos chun an rochtain tosaíochta sin a chur i bhfeidhm, trí chritéir thrédhearcacha agus neamh-idirdhealaitheacha a shocrú a cheadóidh, agus ceanglais a bhaineann le hiontaofacht agus sábháilteacht na n-eangaí a chothabháil á gcur san áireamh acu, ord tosaíochta de réir mhéid an sciartha d’fhoinsí fuinnimh in-athnuaite a úsáideann gach suiteáil chun leictreachas a tháirgeadh.