|
27.3.2023 |
GA |
Iris Oifigiúil an Aontais Eorpaigh |
C 112/5 |
Breithiúnas na Cúirte Breithiúnais (an Tríú Dlísheomra) an 9 Feabhra 2023 (iarraidh ar réamhrialú ón Oberster Gerichtshof – an Ostair) – UniCredit Bank Austria AG v Verein für Konsumenteninformation
(Cás C-555/21 (1), UniCredit Bank Austria)
(Tarchur chun réamhrialú - Cosaint tomhaltóirí - Treoir 2014/17/AE - Comhaontuithe creidmheasa do thomhaltóirí i dtaca le maoin chónaithe dho-aistrithe - Airteagal 25(1) - Aisíocaíocht luath - Ceart an tomhaltóra chun laghdú a fháil ar chostas iomlán an chreidmheasa ar chomhréir le hús agus costais atá dlite don tréimhse atá fágtha den chomhaontú - Airteagal 4(13) - Coincheap “costas iomlán an chreidmheasa don tomhaltóir” - Costais neamhspleách ar fhad an chomhaontaithe)
(2023/C 112/06)
Teanga an cháis: an Ghearmáinis
An chúirt a rinne an tarchur
Oberster Gerichtshof
Páirtithe sna príomhimeachtaí
Iarratasóir: UniCredit Bank Austria AG
Cosantóir: Verein für Konsumenteninformation
An chuid oibríochtúil
Maidir le hAirteagal 25(1) de Threoir 2014/17/AE ó Pharlaimint na hEorpa agus ón gComhairle an 4 Feabhra 2014 maidir le comhaontuithe creidmheasa do thomhaltóirí a i dtaca le maoin chónaithe dho-aistrithe agus lena leasaítear Treoir 2008/48/CE agus Treoir 2013/36/AE agus Rialachán (AE) Uimh. 1093/2010,
ní mór léiriú a dhéanamh mar seo a leanas:
ní chuirtear cosc leis ar reachtaíocht náisiúnta lena bhforáiltear nach n-áirítear i gceart an tomhaltóra chun laghdú a fháil ar chostas iomlán an chreidmheasa i gcás ina n-aisíocfar an creidmheas go luath ach ús agus costais atá ag brath ar fhad an chreidmheasa.