Breithiúnas ón gCúirt Bhreithiúnais (an Séú Dlísheomra) an 4 Bealtaine 2023 (iarraidh ar réamhrialú ón Rayonen sad – Kula – an Bhulgáir) – OP (C-529/21), MN (C-530/21), KL (C-531/21), IJ (C-532/21), GH (C-533/21), EF (C-534/21), CD (C-535/21), AB (C-536/21), AB (C-732/21), BC (C-733/21), CD (C-734/21), DE (C-735/21), EF (C-736/21), FG (C-737/21), GH (C-738/21) v Glavna direktsia “Pozharna bezopasnost i zashtita na naselenieto” kam Ministerstvo na vatreshnite raboti

(Cásanna Uamtha C-529/21 go C-536/21 agus C-732/21 go C-738/21, (1) Glavna direktsia “Pozharna bezopasnost i zashtita na naselenieto” (Obair oíche) agus páirtithe eile)

(Tarchur chun réamhrialú - Beartas sóisialta - Eagrú ama oibre - Treoir 2003/88/CE - Airteagal 1(3) - Raon feidhme - Airteagal 8 - Airteagal 12 - Sláinte agus sábháilteacht oibrithe oíche ag an obair - Leibhéal cosanta d’oibrithe oíche atá oiriúnach do chineál a gcuid oibre - Treoir 89/391/CEE - Airteagal 2 - Oibrithe san earnáil phoiblí agus oibrithe san earnáil phríobháideach - Airteagal 20 de Chairt um Chearta Bunúsacha an Aontais Eorpaigh - Cóir chomhionann)

(2023/C 216/14)

Teanga an cháis: an Bhulgáiris

An chúirt a rinne an tarchur

Rayonen sad – Kula

Páirtithe sna príomhimeachtaí

Iarratasóirí: OP (C-529/21), MN (C-530/21), KL (C-531/21), IJ (C-532/21), GH (C-533/21), EF (C-534/21), CD (C-535/21), AB (C-536/21), AB (C-732/21), BC (C-733/21), CD (C-734/21), DE (C-735/21), EF (C-736/21), FG (C-737/21), GH (C-738/21)

Cosantóir: Glavna direktsia “Pozharna bezopasnost i zashtita na naselenieto” kam Ministerstvo na vatreshnite raboti

An chuid oibríochtúil

Maidir le hAirteagal 1(3) de Threoir 2003/88/CE ó Pharlaimint na hEorpa agus ón gComhairle an 4 Samhain 2003 a ghabhann le gnéithe áirithe d’eagrú ama oibre, arna léamh i gcomhar le hAirteagal 2 de Threoir 89/391/CEE ón gComhairle an 12 Meitheamh 1989 maidir le bearta a thabhairt isteach chun feabhsuithe ar shábháilteacht agus ar shláinte oibrithe ag an obair a spreagadh,

ní mór léiriú a dhéanamh mar seo a leanas:

tá feidhm ag Treoir 2003/88 maidir le hoibrithe san earnáil phoiblí, amhail comhraiceoirí dóiteáin, a mheastar a bheith ina n-oibrithe oíche, sa mhéid a dhéanann na hoibrithe sin a gcuid gníomhaíochtaí faoi ghnáththosca.

Maidir le hAirteagal 12 de Threoir 2003/88, arna léamh i bhfianaise Airteagal 20 den Chairt um Chearta Bunúsacha an Aontais Eorpaigh,

ní mór léiriú a dhéanamh mar seo a leanas:

cuirfear bac leis ar ghnáthfhad na hoibre oíche arna shocrú ag seacht n-uaire an chloig i reachtaíocht Ballstáit d’oibrithe san earnáil phríobháideach gan feidhm a bheith acu maidir le hoibrithe san earnáil phoiblí, amhail comhraiceoirí dóiteáin, más rud é, a mhéid atá catagóirí na n-oibrithe lena mbaineann i staid inchomparáide, go bhfuil an difríocht sa chóir sin bunaithe ar chritéar oibiachtúil agus réasúnach, is é sin, má bhaineann an difríocht le haidhm a cheadaítear go dlíthiúil leis an reachtaíocht sin, agus tá sé comhréireach leis an aidhm sin.

(1) IO C 257, 4.7.2022.