1.

Maidir le hAirteagal 2 agus Airteagal 5(2)(b) de Threoir 2001/29/CE ó Pharlaimint na hEorpa agus ón gComhairle an 22 Bealtaine 2001 maidir le comhchuibhiú gnéithe áirithe den chóipcheart agus de chearta gaolmhara sa tsochaí faisnéise,

ní mór léiriú a dhéanamh mar seo a leanas:

ní chumhdaítear leis an eisceacht don cheart eisiach atá ag údair agus eagraíochtaí craoltóireachta, chun atáirgeadh saothar cosanta a údarú nó a thoirmeasc, seirbhís a thairgeann oibreoir chun craoltaí teilifíse ar líne a atarchur chuig custaiméirí tráchtála lena gceadaítear, ar bhonn réitigh néal-óstála nó bunaithe ar na crua-earraí agus na bogearraí is gá a chuirtear ar fáil san áitreabh, taifeadadh leanúnach nó aonuaire ar na craoltaí sin, ar thionscnamh úsáideoirí deiridh na seirbhíse sin, i gcás ina bhfuil an chóip a rinne an chéad cheann de na húsáideoirí sin a roghnaigh craoladh curtha ar fáil, ag an oibreoir, do líon neamhchinntithe úsáideoirí ar mian leo féachaint ar an ábhar céanna.

2.

Maidir le hAirteagal 3(1) de Threoir 2001/29/CE,

ní mór léiriú a dhéanamh mar seo a leanas:

ní ‘cumarsáid a chur in iúl don phobal’ é soláthar arna dhéanamh ag oibreoir d’athchraoltaí teilifíse ar líne dá chustaiméir tráchtála do na crua-earraí agus na bogearraí is gá, lena n-áirítear cúnamh teicniúil, a chuireann ar chumas an chustaiméara sin ligean dá chustaiméirí féin craoltaí teilifíse ar líne a athsheinm, de réir bhrí na forála sin, fiú más eol don oibreoir sin go bhféadfar a sheirbhís a úsáid chun rochtain a fháil ar ábhar craolacháin faoi chosaint gan toiliú ó na húdair.