|
27.2.2023 |
GA |
Iris Oifigiúil an Aontais Eorpaigh |
C 71/9 |
Breithiúnas na Cúirte Breithiúnais (an Dara Dlísheomra) an 12 Eanáir 2023 (iarraidh ar réamhrialú ón Sąd Rejonowy dla m. st. Warszawy w Warszawie – an Pholainn) – J.K. v TP S.A.
(Cás C-356/21) (1)
(Tarchur chun réamhrialú - Cóir chomhionann san fhostaíocht agus sa tslí bheatha - Treoir 2000/78/CE - Airteagal 3(1)(a) agus (c) - Coinníollacha ar a dtabharfar rochtain ar an bhféin-fhostaíocht - Coinníollacha fostaíochta agus oibre - Cosc ar idirdhealú ar bhonn gnéaschlaonta - Duine féinfhostaithe atá ag obair ar bhonn conradh obair shonrach - Foirceannadh agus neamh-athnuachan conartha - Saoirse páirtí conarthach a roghnú)
(2023/C 71/10)
Teanga an cháis: an Pholainnis
An chúirt a rinne an tarchur
Sąd Rejonowy dla m. st. Warszawy w Warszawie
Páirtithe sna príomhimeachtaí
Iarratasóir: J.K.
Cosantóir: TP S.A.
Idiragraí: PTPA
An chuid oibríochtúil
Maidir le hAirteagal 3(1)(a) agus (c) de Threoir 2000/78/CE ón gComhairle an 27 Samhain 2000 lena mbunaítear creat ginearálta ar son na córa comhionainne maidir leis an bhfostaíocht agus leis an obair,
ní mór léiriú a dhéanamh ar an bhforáil sin mar seo a leanas:
Cuirtear cosc leis ar reachtaíocht náisiúnta a bhfuil sé d’éifeacht aici, ar bhonn na saoirse páirtithe conarthacha a roghnú, cinneadh a eisiamh ón gcosaint in aghaidh idirdhealú atá le tabhairt faoin Treoir sin, ar cinneadh diultú d’athnuachan nó tabhairt i gcrích conradh le duine a bhaineann le hobair shonrach a dhéanfadh an duine sin i gcomhthéacs gníomh ar fhéin-fhostaíocht a bhaint amach, mar gheall ar an ngnéaschlaonta.