28.11.2022 |
GA |
Iris Oifigiúil an Aontais Eorpaigh |
C 451/3 |
Breithiúnas na Cúirte (an Tríú Dlísheomra) an 6 Deireadh Fómhair 2022 (iarraidh ar réamhrialú ón Sofiyski gradski sad – an Bhulgáir) – nós imeachta coiriúil i gcoinne HV
(Cás C-266/21) (1)
(Tarchur chun réamhrialú - Comhbheartas iompair - Treoir 2006/126/CE - Airteagal 11(2) agus (4) - Fionraí an chirt mótarfheithicil a thiomáint - Ceadúnas tiomána arna eisiúint ag an mBallstát ina bhfuil gnáthchónaí orthu mar mhalairt ar cheadúnas tiomána arna eisiúint ag Ballstát eile - Diultú an chéad Bhallstáit cinneadh an ceart chun tiomáint a chur ar fionraí arna ghlacadh ag an dara Ballstát a chur i bhfeidhm - Oibleagáid ar an dara Ballstát gan aitheantas a thabhairt, i gcríocha dá chuid féin, do bhailíocht an cheadúnais tiomána atá curtha ar fionraí)
(2022/C 451/04)
Teanga an cháis: an Bhulgáiris
An chúirt a rinne an tarchur
Sofiyski gradski sad
Páirtithe sna príomhimeachtaí
HV
Idiragraí: Sofiyska gradska prokuratura
An chuid oibríochtúil
Maidir le forálacha comhcheangailte Airteagal 11(2) agus an dara fomhír d’Airteagal 11(4) de Threoir 2006/126/CE ó Pharlaimint na hEorpa agus ón gComhairle an 20 Nollaig 2006 maidir le ceadúnais tiomána,
ní mór léiriú a dhéanamh mar seo a leanas:
ceadaítear don Bhallstát ina bhfuil gnáthchónaí ar shealbhóir ceadúnais tiomána arna eisiúint ag an mBallstát sin dul gan aitheantas a thabhairt do chinneadh agus dul gan é a chur i bhfeidhm ina chríoch, ar cinneadh é lena chuirtear ar fionraí ceart an sealbhóra sin mótarfheithicil a thiomáint arna ghlacadh ag Ballstát eile mar gheall ar chion tráchta bóthair a rinneadh i gcríoch an Bhallstáit sin, lena n-áirítear an cás inar eisíodh an ceadúnas tiomána sin mar mhalairt ar cheadúnas tiomána arna eisiúint cheana féin ag an mBallstát inar ndearnadh an cion tráchta bóthair.