|
5.12.2022 |
GA |
Iris Oifigiúil an Aontais Eorpaigh |
C 463/8 |
Breithiúnas na Cúirte Breithiúnais (an Seachtú Dlísheomra) an 13 Deireadh Fómhair 2022 (iarraidh ar réamhrialú ón Bundesfinanzgericht – an Ostair) – DN v Finanzamt Österreich
(Cás C-199/21) (1)
(Tarchur chun réamhrialú - Slándáil shóisialta - Rialachán (CE) Uimh. 883/2004 - Airteagail 67 agus 68 - Sochair teaghlaigh - Teidlíocht ar shochair phinsin - Pinsinéir íoctha ag dhá Bhallstát - Ballstá(i)t ina bhfuil an pinsinéir sin i dteideal sochair teaghlaigh - Rialachán (CE) Uimh. 987/2009 - An tríú habairt d'Airteagal 60(1) - Reachtaíocht Ballstáit lena ndéantar foráil maidir le sochair teaghlaigh a dheonú don tuismitheoir a chuir fáilte roimh an leanbh isteach ina theach nó ina teach - Mainneachtain an tuismitheora sin iarratas a dhéanamh ar na sochair sin - Oibleagáid an t-iarratas a chuir an tuismitheoir eile isteach a chur san áireamh - Iarratas ar aisíocaíocht sochar teaghlaigh a íocadh leis an tuismitheoir eile - Inghlacthacht fianaise)
(2022/C 463/09)
Teanga an cháis: an Ghearmáinis
An chúirt a rinne an tarchur
Bundesfinanzgericht
Páirtithe sna príomhimeachtaí
Iarratasóir: DN
Cosantóir: Finanzamt Österreich
An chuid oibríochtúil
|
1. |
Maidir leis an dara habairt d'Airteagal 67 de Rialachán (CE) Uimh. 883/2004 ó Pharlaimint na hEorpa agus ón gComhairle an 29 Aibreán 2004 maidir le comhordú na gcóras slándála sóisialta, ní mór léiriú a dhéanamh mar seo a leanas: i gcás ina bhfaigheann duine pinsin in dhá Bhallstát, tá an duine sin i dteideal sochair teaghlaigh de réir reachtaíocht an dá Bhallstát sin. I gcás ina ndéanfar fáil na sochair sin i gceann de na Ballstáit sin a eisiamh faoin reachtaíocht náisiúnta, ní bheidh feidhm ag na rialacha tosaíochta dá dtagraítear in Airteagal 68(1) agus (2) den Rialachán sin. |
|
2. |
Maidir leis an tríú habairt d'Airteagal 60(1) de Rialachán (CE) Uimh. 987/2009 ó Pharlaimint na hEorpa agus ón gComhairle an 16 Meán Fómhair 2009 lena leagtar síos an nós imeachta chun Rialachán Uimh. 883/2004 a chur chun feidhme, ní mór léiriú a dhéanamh mar seo a leanas: cuirtear bac leis ar reachtaíocht náisiúnta lena gceadaítear aisghabháil na sochar teaghlaigh a deonaíodh, in éagmais iarratais ón tuismitheoir atá i dteideal chucu faoin reachtaíocht sin, don tuismitheoir eile, ar chuir an institiúid inniúil a iarratas nó a hiarratas san áireamh de réir na forála sin, agus a bhfuil an t-ualach airgeadais a bhaineann le cothabháil an linbh air i ndáiríre. |