1.

Maidir le hAirteagal 2(83) de Rialachán (AE) Uimh. 651/2014 ón gCoimisiún an 17 Meitheamh 2014 ina ndearbhaítear go bhfuil catagóirí áirithe cabhrach comhoiriúnach leis an margadh inmheánach i gcur i bhfeidhm Airteagail 107 agus 108 [TFEU],

ní mór léiriú a dhéanamh mar seo a leanas:

féadfar eintiteas arna rialú ag an dlí príobháideach a dhéanann roinnt gníomhaíochtaí, lena n-áirítear taighde, ach a dtagann mórchuid dá n-ioncam ó ghníomhaíochtaí eacnamaíocha, amhail seirbhísí oideachais ar chomaoin a sholáthar, a mheas mar “eagraíocht taighde agus scaipthe eolais”, de réir bhrí na forála sin, ar choinníoll gur féidir é a bhunú, i bhfianaise imthosca ábhartha uile an cháis, gurb é an phríomhchuspóir atá ag an eintiteas ná taighde bunúsach, taighde tionsclaíoch nó forbairt thurgnamhach a dhéanamh le neamhspleáchas iomlán, arna bhforlíonadh b'fhéidir, trí ghníomhaíochtaí chun torthaí na ngníomhaíochtaí taighde sin a scaipeadh, trí theagasc, trí fhoilseacháin nó trí aistrithe eolais. Sa chomhthéacs sin, ní féidir a cheangal ar eintiteas den sórt sin cion áirithe dá ioncam a dhíorthú ó thaighde neamheacnamaíoch agus gníomhaíochtaí scaipthe eolais.

2.

Maidir le hAirteagal 2(83) de Rialachán Uimh. 651/2014,

ní mór léiriú a dhéanamh mar seo a leanas:

ní gá, d'fhonn go mbreathnófaí ar eintiteas mar “eagraíocht taighde agus scaipthe eolais” de réir bhrí na forála sin, go ndéanfadh an t-eintiteas sin an t-ioncam a ghineann a phríomhghníomhaíocht sa phríomhghníomhaíocht chéanna sin a athinfheistiú.

3.

Maidir le hAirteagal 2(83) de Rialachán Uimh. 651/2014,

ní mór léiriú a dhéanamh mar seo a leanas:

ní critéir chinntitheacha iad stádas dlíthiúil chomhaltaí agus scairshealbhóirí eintiteas agus brabúsacht féideartha na ngníomhaíochtaí a dhéanann siad agus na cuspóirí a shaothraíonn siad chun an t-eintiteas sin a aicmiú mar “eagraíocht taighde agus scaipthe eolais” de réir bhrí na forála sin.