1)

Ní mór Airteagal 135 agus Airteagal 137 de Threoir 2006/112/CE ón gComhairle an 28 Samhain 2006 maidir leis an gcomhchóras cánach breisluacha a léirmhíniú sa chaoi nach gcuirtear cosc ar reachtaíocht náisiúnta lena gcuirtear de choinníoll ar cheart duine inchánach rogha a dhéanamh cáin bhreisluacha (CBL) a ghearradh ar dhíol maoine dochorraithe go n-aistreofar an mhaoin sin chuig duine inchánach atá, agus an t-idirbheart sin á chur i gcrích, cláraithe cheana chun críocha CBL.

2)

Ní mór forálacha Threoir 2006/112 mar aon le prionsabail na neodrachta cánach, na héifeachtachta agus na comhréireachta a léirmhíniú sa chaoi nach gcuirtear bac ar reachtaíocht náisiúnta ná ar chleachtas náisiúnta faoina gceanglaítear ar an díoltóir maoine dochorraithe an asbhaint ar an gcáin bhreisluacha arna híoc roimhe sin ar an tsócmhainn sin a choigeartú tar éis diúltú dó an ceart chun rogha cánach i ndáil leis an díol sin ar an gcúis nár chomhlíon an ceannaitheoir, ar dháta an díola, na coinníollacha a leagadh síos chun go bhféadfadh an díoltóir an ceart sin a fheidhmiú. Cé nach mbaineann úsáid iarbhír na maoine dochorraithe atá i gceist ag an gceannaitheoir i dtaca le gníomhaíochtaí atá faoi réir CBL le hábhar i ndáil leis sin, ceanglaítear ar na húdaráis inniúla, mar sin féin, a fháil amach ar tharla calaois nó mí-úsáid ar thaobh an duine inchánach a raibh sé ar intinn aige a cheart chun rogha cánach a fheidhmiú i ndáil leis an idirbheart atá i gceist.