|
9.1.2023 |
GA |
Iris Oifigiúil an Aontais Eorpaigh |
C 7/22 |
Breithiúnas na Cúirte Ginearálta an 19 Deireadh Fómhair 2022 – Ighoga Region 10 agus páirtithe eile v an Coimisiún
(Cás T-582/20) (1)
(Státchabhair - Tógáil óstán agus ionad comhdhála in Ingolstadt - Cinneadh nár tugadh aon Státchabhair - Cearta nós imeachta na bpáirtithe leasmhara - Mainneachtain nós imeachta imscrúdaithe foirmiúil a thionscnamh - Neamhláithreacht deacrachtaí tromchúiseacha)
(2023/C 7/28)
Teanga an cháis: an Ghearmáinis
Páirtithe
Iarratasóirí: Interessengemeinschaft der Hoteliers und Gastronomen Region 10 eV (Ighoga Region 10) (Ingolstadt, an Ghearmáin), MJ, MK (ionadaí: A. Bartosch, Dlíodóir)
Cosantóir: An Coimisiún Eorpach (ionadaithe: B. Stromsky agus K. Blanck, i gcáil Gníomhairí)
Idiragraí mar thaca leis an gcosantóir: Poblacht Chónaidhme na Gearmáine (ionadaí: J. Möller, i gcáil Gníomhaire)
Ábhar
Trína gcaingean atá bunaithe ar Airteagal 263 CFAE, iarrann na hiarratasóirí go gcuirfí cinneadh C(2020) 2623 final ón gCoimisiún Eorpach an 28 Aibreán 2020, lena ndearbhaítear, ag deireadh na céime réamhscrúdaithe sa nós imeachta um Státchabhair SA. 48582 (2017/FC), nárbh ionann na bearta a séanadh sa ghearán a rinne Ighoga Region 10 an 4 Iúil 2017 agus maidir le tógáil leanúnach Ionad Comhdhála Ingolstadt (an Ghearmáin) agus óstán in aice láimhe, agus Státchabhair arna chur i bhfeidhm ag an nGearmáin i bhfabhar an ghrúpa Maritim agus KHI Immobilien GmbH, ar neamhní.
An chuid oibríochtúil
|
1) |
Diúltaítear don chaingean. |
|
2) |
Ordaítear do Interessengemeinschaft der Hoteliers und Gastronomen Region 10 e. V. (Ighoga Region 10), MJ agus MK a gcostais féin agus na costais arna dtabhú ag an gCoimisiún Eorpach a íoc. |
|
3) |
Ordaítear do Phoblacht Chónaidhme na Gearmáine a costais féin a íoc. |