|
19.9.2022 |
GA |
Iris Oifigiúil an Aontais Eorpaigh |
C 359/63 |
Breithiúnas na Cúirte Ginearálta an 13 Iúil 2022 – VeriGraft v Eismea
(Cás T-457/20) (1)
(Clásal eadrána - Fís 2020: an Clár Réime um Thaighde agus um Nuálaíocht (2014-2020) - Comhaontú deontais “Personalised Tissue-Engineered Veins as a first Cure for Patients with Chronic Venous Insufficiency – P-TEV” - costais fochonraitheoireachta gan choinne - Nós imeachta formheasta simplithe - Luadh fochonraitheoireacht sna tuarascálacha teicniúla tréimhsiúla - Tuarascálacha teicniúla tréimhsiúla formheasta - Costais incháilithe)
(2022/C 359/75)
Teanga an cháis: an Béarla
Páirtithe
Iarratasóir: VeriGraft AB (Gothenburg, an tSualainn) (ionadaithe: P. Hansson agus M. Persson, Dlíodóirí)
Cosantóir: Gníomhaireacht Feidhmiúcháin na Comhairle Nuálaíochta Eorpaí agus na bhFiontar Beag agus Meánmhéide (ionadaithe: A. Galea, i gcáil Gníomhaire, le cúnamh ó D. Waelbroeck agus A. Duron, Dlíodóirí)
Ábhar
Lena chaingean de bhun Airteagal 270 CFAE, iarrann an t-iarratasóir, VeriGraft AB, dearbhú: (i) gurb ionann na costais fochonraitheoireachta a dhiúltaigh an Ghníomhaireacht Feidhmiúcháin um Fhiontair Bheaga agus Mheánmhéide (EASME) agus costais incháilithe faoin gComhaontú Deontais a bhaineann leis an tionscadal “Personalised Tissue-Engineered Veins as the first Cure for Patients with Chronic Venous Insufficiency – P-TEV” le tagairt 778620; (ii) go bhfuil nóta dochair Uimh. 3242004635 arna eisiúint ag EASME de mhéid EUR 106 928,74 gan bhunús; agus (iii) nach bhfuil aon bhunús leis freisin an tsuim EUR 109 230,19 a ghnóthú ón gciste ráthaíochta arna bhunú leis an gComhaontú Deontais.
An chuid oibríochtúil
|
1. |
Seastar leis an iarraidh ó VeriGraft AB chun dearbhaithe gurb ionann na costais fochonraitheoireachta a dhiúltaigh an Ghníomhaireacht Feidhmiúcháin um Fhiontair Bheaga agus Mheánmhéide ina suim EUR 258 588,80 agus costais incháilithe faoin gComhaontú Deontais “Personalised Tissue-Engineered Veins as the first Cure for Patients with Chronic Venous Insufficiency – P-TEV”, le tagairt 778620. |
|
2. |
Seastar leis an iarraidh ó VeriGraft chun dearbhaithe go bhfuil nóta dochair Uimh. 3242004635, arna eisiúint ag an nGníomhaireacht Feidhmiúcháin um Fhiontair Bheaga agus Mheánmhéide ina suim EUR 106 928,74, gan bhunús. |
|
3. |
Seastar leis an iarraidh VeriGraft chun dearbhaithe nach bhfuil bunús le gnóthú shuim EUR 109 230,19 ón gciste ráthaíochta a bunaíodh leis an gComhaontú Deontais “Personalised Tissue-Engineered Veins as the first Cure for Patients with Chronic Venous Insufficiency – P-TEV”, le tagairt 778620. |
|
4. |
Ordaítear do Ghníomhaireacht Feidhmiúcháin na Comhairle Nuálaíochta Eorpaí agus na bhFiontar Beag agus Meánmhéide (Eismea) na costais a íoc. |