|
20.2.2023 |
GA |
Iris Oifigiúil an Aontais Eorpaigh |
C 63/33 |
Breithiúnas na Cúirte Ginearálta an 14 Nollaig 2022 – PT Pelita Agung Agrindustri agus PT Permata Hijau Palm Oleo v an Coimisiún
(Cás T-143/20) (1)
(Fóirdheontais - Allmhairí bithdhíosail de thionscnamh na hIndinéise - Rialachán Cur Chun Feidhme (AE) 2019/2092 - Dleacht frithchúitimh chinntitheach - Airteagal 8(1) agus (2) de Rialachán (AE) 2016/1037 - Sladghearradh praghsanna - Brú praghsanna - Airteagal 8(5) de Rialachán 2016/1037 - Nasc cúisíoch - Airteagal 3(1)(a)(iv) agus (2) de Rialachán 2016/1037 - Gníomh arb ionann é agus “dul ar iontaoibh” comhlachta phríobháidigh chun feidhm ar ranníocaíocht airgeadais í a chur i gcrích nó arb ionann é agus “ordú” dó é sin a dhéanamh - Luach saothair nach bhfuil leordhóthanach - Tacaíocht ioncaim nó praghsanna - Airteagal 3(2) agus 6(d), de Rialachán 2016/1037 - Sochar - Airteagal 3(1)(a)(i) agus (2) de Rialachán 2016/1037 - Aistriú díreach cistí - Airteagal 7 de Rialachán 2016/1037 - Méid an tsochair a ríomh - Airteagal 8(1) agus (8) de Rialachán 2016/1037 - Bagairt díobhála ábhartha - Cearta na cosanta)
(2023/C 63/40)
Teanga an cháis: an Béarla
Páirtithe
Iarratasóirí: PT Pelita Agung Agrindustri (Medan, an Indinéis), PT Permata Hijau Palm Oleo (Medan) (ionadaithe: F. Graafsma, J. Cornelis agus E. Rogiest, Dlíodóirí)
Cosantóir: An Coimisiún Eorpach (ionadaithe: P. Kienapfel, G. Luengo agus P. Němečková, Gníomhairí)
Idiragraí, mar thaca leis an gcosantóir: European Biodiesel Board (EBB) (an Bhruiséil, an Bheilg) (ionadaithe: M-S. Dibling agus L. Amiel, Dlíodóirí)
Maidir le
Lena gcaingean de bhun Airteagal 263 CFAE, iarrann na hiarratasóirí go ndéanfaí Rialachán Cur Chun Feidhme (AE) 2019/2092 ón gCoimisiún an 28 Samhain 2019 lena bhforchuirtear dleacht frithchúitimh chinntitheach ar allmhairí bithdhíosail de thionscnamh na hIndinéise (IO 2019 L 317, lch. 42) a neamhniú, a mhéid a bhaineann an Rialachán sin leo.
An chuid oibríochtúil
|
1) |
Diúltaítear don chaingean. |
|
2) |
Ordaítear do PT Pelita Agung Agrindustri agus PT Permata Hijau Palm Oleo na costais a íoc. |