AN COIMISIÚN EORPACH

An Bhruiséil,15.12.2025

COM(2025) 756 final

2025/0389(NLE)

Togra le haghaidh

CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh i gComhairle Comhlachais an Aontais Eorpaigh agus Phoblacht na Moldóive a mhéid a bhaineann leis an bhFochoiste um Athchóiriú ar an Riarachán Poiblí a bhunú faoin gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive den pháirt eile, agus maidir le bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú

 

2025/0389 (NLE)

Togra le haghaidh

CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh i gComhairle Comhlachais an Aontais Eorpaigh agus Phoblacht na Moldóive a mhéid a bhaineann leis an bhFochoiste um Athchóiriú ar an Riarachán Poiblí a bhunú faoin gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive den pháirt eile, agus maidir le bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 217, i gcomhar le hAirteagal 218(9) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)Tháinig an Comhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile 1 (‘an Comhaontú’), i bhfeidhm an 1 Iúil 2016.

(2)Aithnítear sa Bhrollach a ghabhann leis an gComhaontú gealltanas na bPáirtithe athchóirithe agus próisis chomhfhogasaithe a thabhairt chun cinn i bPoblacht na Moldóive, bunaithe ar luachanna coiteanna, lena n-áirítear, mar atá, urraim don dea-rialachas.

(3)Tagraítear in Airteagal 3 den Chomhaontú don sprioc maidir le hidirphlé polaitiúil, is é sin an urraim don dea-rialachas a threisiú, rud atá ríthábhachtach chun an caidreamh idir na Páirtithe a fheabhsú.

(4)In Airteagal 4 den Chomhaontú maidir le comhar i ndáil leis an athchóiriú intíre, iarrtar ar Pháirtithe an Chomhaontaithe oibriú i gcomhar le chéile chun a áirithiú go mbeidh a mbeartais inmheánacha bunaithe ar phrionsabail choiteanna, go háirithe cobhsaíocht agus éifeachtacht institiúidí daonlathacha.

(5)Dírítear in Airteagal 47 den Chomhaontú ar an gcomhar a fheabhsú i réimse bhainistíocht an airgeadais phoiblí lena n-áirithítear go bhforbrófar beartas buiséid agus córais iontaofa don smacht poiblí inmheánach agus don iniúchadh seachtrach, arna ailíniú le bunphrionsabail na cuntasachta, na trédhearcachta, na heacnamaíochta, na héifeachtúlachta agus na héifeachtachta.

(6)Le hAirteagal 107 den Chomhaontú, leagtar amach an sprioc chun comhthuiscint agus comhar déthaobhach a chur chun cinn i réimse an bheartais réigiúnaigh, maidir le modhanna foirmlithe agus cur chun feidhme beartas réigiúnach, lena n-áirítear rialachas agus comhpháirtíocht il-leibhéil, le béim ar leith ar cheantair faoi mhíbhuntáiste a fhorbairt agus ar chomhar críochach, agus leis sin bealaí cumarsáide a bhunú agus malartú faisnéise a fheabhsú idir na húdaráis náisiúnta, réigiúnacha agus áitiúla, gníomhairí socheacnamaíocha agus an tsochaí shibhialta.

(7)Le hAirteagal 140 den Chomhaontú, ceadaítear do Phoblacht na Moldóive páirt a ghlacadh i ngníomhaireachtaí an Aontais atá ábhartha do chur chun feidhme an Chomhaontaithe, inar comhlacht comhairliúcháin de chuid an Aontais é Coiste Eorpach na Réigiún.

(8)Le hAirteagail 436 (1) den Chomhaontú, cumhachtaítear an Chomhairle Comhlachais chun cinntí a ghlacadh, chun cuspóirí an Chomhaontaithe a bhaint amach.

(9)Le hAirteagal 439 (2) den Chomhaontú, déantar foráil gur féidir leis an gComhairle Comhlachais aon choiste nó comhlacht speisialta a bhunú i réimsí ar leith is gá do chur chun feidhme an Chomhaontaithe.

(10)Déanfaidh an Chomhairle Comhlachais cinneadh maidir leis an bhFochoiste um Athchóiriú ar an Riarachán Poiblí a bhunú agus maidir le bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú.

TAR ÉIS AN CINNEADH SEO A GHLACADH:

Airteagal 1

Is é an seasamh atá le glacadh thar ceann an Aontais sa Chomhairle Comhlachais arna bunú leis an gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile, go dtacófar le cruthú an Fhochoiste um Athchóiriú ar an Riarachán Poiblí agus go ndéanfar bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú, agus beidh sé bunaithe ar an dréachtghníomh ó Chomhairle Comhlachais an Aontais Eorpaigh agus Phoblacht na Moldóive atá i gceangal leis an gCinneadh seo.

Airteagal 2

Is chuig an gCoimisiún a dhírítear an Cinneadh seo.

Arna dhéanamh sa Bhruiséil,

(1)    IO L 260, 30.8.2014, lgh. 4–738

AN COIMISIÚN EORPACH

An Bhruiséil,15.12.2025

COM(2025) 756 final

IARSCRÍBHINN

a ghabhann leis an

Togra le haghaidh Cinneadh ón gComhairle

maidir leis an seasamh atá le glacadh thar ceann an Aontais Eorpaigh i gComhairle Comhlachais an Aontais Eorpaigh agus Phoblacht na Moldóive a mhéid a bhaineann leis an bhFochoiste um Athchóiriú ar an Riarachán Poiblí a bhunú faoin gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive den pháirt eile, agus maidir le bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú

COMHLACHAS IDIR AN tAONTAS EORPACH AGUS POBLACHT NA MOLDÓIVE —————— An Chomhairle Comhlachais	An Bhruiséil, XXX 2025
	AE-MD.XXXX/25

GNÍOMHARTHA REACHTACHA AGUS IONSTRAIMÍ EILE    

Ábhar:

Dréacht-CHINNEADH Ó CHOMHAIRLE COMHLACHAIS AN AONTAIS EORPAIGH AGUS PHOBLACHT NA MOLDÓIVE a mhéid a bhaineann leis an bhFochoiste um Athchóiriú ar an Riarachán Poiblí a bhunú faoin gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive den pháirt eile, agus maidir le bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú

CINNEADH UIMH. X/2025

Ó CHOMHAIRLE COMHLACHAIS AE-POBLACHT NA MOLDÓIVE

an ... [dáta]

a mhéid a bhaineann leis  an bhFochoiste um Athchóiriú ar an Riarachán Poiblí a bhunú faoin gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive den pháirt eile, agus bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive a fhormhuiniú

TÁ COMHAIRLE COMHLACHAIS AE-POBLACHT NA MOLDÓIVE,

Ag féachaint don Chomhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile (‘an Comhaontú’), agus go háirithe Airteagal 436 i gcomhar le hAirteagal 439 de,

AG AITHINT DI gur colún bunúsach den phróiseas um méadú é an tAthchóiriú ar an Riarachán Poiblí, agus go mbeidh sé ríthábhachtach inniúlachtaí na n-institiúidí poiblí a threisiú chun go rachaidh Poblacht na Moldóive chun cinn ar chonair a lánpháirtithe san Aontas, agus go bhféadfadh idirphlé agus comhar idir na húdaráis áitiúla san Aontas Eorpach agus iad siúd i bPoblacht na Moldóive a bheith ina rannchuidiú lárnach d’fhorbairt a gcaidreamh agus do lánpháirtiú Phoblacht na Moldóive san Aontas,

AG AITHINT DI go léirítear le bunú Fochoiste bliantúil um Athchóiriú ar an Riarachán Poiblí céim thábhachtach chun tosaigh i dtreisiú chaidreamh an Aontais agus Phoblacht na Moldóive agus i bhfeabhsú an idirphlé beartais sa réimse ríthábhachtach seo, agus go dtreiseofaí an t-idirphlé díreach eatarthu trí bhunú an Chomhchoiste Comhairliúcháin idir Coiste Eorpach na Réigiún agus údaráis áitiúla tofa Phoblacht na Moldóive a fhormhuiniú,

AG TABHAIRT DÁ hAIRE DI go mbeidh an Fochoiste um Athchóiriú ar an Riarachán Poiblí ina ardán d’idirphlé beartais straitéiseach agus go n-éascóidh sé plé agus comhordú maidir le príomh-athchóirithe i réimse an riaracháin phoiblí agus go mbeidh ról lárnach aige san fhaireachán a dhéanfar ar chur chun feidhme an treochláir um Athchóiriú ar an Riarachán Poiblí agus i dtreoraíocht a thabhairt chun ailíniú le caighdeáin agus le dea-chleachtais na hEorpa a áirithiú; agus go mbeadh an Comhchoiste Comhairliúcháin ina ardán chun dea-chleachtais an Aontais a roinnt maidir le rialachas áitiúil agus réigiúnach agus le hábhair a bhaineann le cur chun feidhme an Chomhaontaithe Comhlachais ar an leibhéal críochach, agus dá bhrí sin go soláthrófaí foirm chobhsaí chomhsheasmhach chomhair le húdaráis áitiúla na Moldóive agus go dtabharfaí deis dóibh ról gníomhach a bheith acu trí chomhcheannas a bheith acu ar an gComhchoiste Comhairliúcháin agus trína chlár oibre a chomhchinneadh, agus trí mholtaí a eisiúint.

De bharr an mhéid seo a leanas:

(1)De bhun Airteagail 436 den Chomhaontú, tá sé de chumhacht ag an gComhairle Comhlachais cinntí a dhéanamh chun cuspóirí an Chomhaontaithe a bhaint amach.

(2)De bhun Airteagail 439(2) den Chomhaontú, féadfaidh an Chomhairle Comhlachais a chinneadh aon choiste nó comhlacht speisialta a chur ar bun i réimsí ar leith atá riachtanach chun an Comhaontú seo a chur chun feidhme agus cinnfidh sí comhdhéanamh, dualgais agus feidhmiú na gcomhlachtaí sin.

(3)Chun deis a thabhairt don phlé ar leibhéal na saineolaithe maidir leis na príomhréimsí a thagann faoi raon feidhme chur i bhfeidhm an Chomhaontaithe, ba cheart an Fochoiste um Athchóiriú ar an Riarachán Poiblí agus an Comhchoiste Comhairliúcháin a bhunú.

TAR ÉIS A CHINNEADH MAR A LEANAS:

Airteagal 1

An Fochoiste um Athchóiriú ar an Riarachán Poiblí

1.Bunaítear leis seo an Fochoiste um Athchóiriú ar an Riarachán Poiblí.

2.Rialófar agus cuirfear i bhfeidhm Rialacha Nós Imeachta an Fhochoiste um Athchóiriú ar an Riarachán Poiblí mutatis mutandis i gcomhréir le hAirteagal 16 de Rialacha Nós Imeachta an Choiste Comhairliúcháin a leagtar amach in Iarscríbhinn II a ghabhann le Cinneadh Uimh. 1/2014 an 16 Nollaig 2014 ó Chomhairle Comhlachais AE-Poblacht na Moldóive.

3.Féadfar raon feidhme an Fhochoiste um Athchóiriú ar an Riarachán Poiblí atá bunaithe a leasú, nó a athrú ar bhealach eile, le comhaontú frithpháirteach idir na Páirtithe.

Airteagal 2

An Comhchoiste Comhairliúcháin

1.Leis seo, déantar bunú an Chomhchoiste Comhairliúcháin idir Coiste Eorpach na Réigiún agus Poblacht na Moldóive, ina mbeidh líon comhionann ionadaithe ó Choiste na Réigiún, de pháirt, agus ionadaithe tofa d’údaráis áitiúla Phoblacht na Moldóive, den pháirt eile, a fhormhuiniú.

2.Déanfaidh Comhchoiste Comhairliúcháin Phoblacht na Moldóive a ghníomhaíochtaí, ar a thionscnamh féin, d’fhonn idirphlé a chur chun cinn agus comhar idir na húdaráis áitiúla a chothú.

3.Glacfaidh Comhchoiste Comhairliúcháin Phoblacht na Moldóive a Rialacha Nós Imeachta féin.

4.Féadfaidh Comhchoiste Comhairliúcháin Phoblacht na Moldóive moltaí a chur faoi bhráid na Comhairle Comhlachais.

5.Is iad Coiste Eorpach na Réigiún agus Rialtas Phoblacht na Moldóive a íocfaidh as caiteachas a bhaineann le cruinnithe Chomhchoiste Comhairliúcháin Phoblacht na Moldóive, lena n-áirítear eagrúchán eagraíochta, rannpháirtíocht óna dtoscairí agus óna bhfoireann tacaíochta, chomh maith le costais taistil agus chothaithe.

Airteagal 3

Tiocfaidh an Cinneadh seo i bhfeidhm ar dháta a ghlactha.

Arna dhéanamh ag ...,

Thar ceann na Comhairle Comhlachais

An Cathaoirleach