Foilsiú iarratas ar cheadú leasaithe, nach mionleasú é, ar shonraíocht táirge de bhun Airteagal 50(2), pointe (a), de Rialachán (AE) Uimh. 1151/2012 ó Pharlaimint na hEorpa agus ón gComhairle maidir le scéimeanna cáilíochta le haghaidh táirgí talmhaíochta agus earraí bia

(2023/C 306/04)

Leis an bhfoilsiú seo, tugtar an ceart chun cur in aghaidh chur i bhfeidhm an leasaithe de bhun Airteagal 51 de Rialachán (AE) Uimh. 1151/2012 ó Pharlaimint na hEorpa agus ón gComhairle (1), laistigh de 3 mhí ó dháta an fhoilsithe seo.

IARRATAS AR FHORMHEAS A DHÉANAMH AR LEASÚ NACH MIONLEASÚ É AR SHONRAÍOCHT TÁIRGE SONRÚCHÁIN TIONSCNAIMH FAOI CHOSAINT NÓ TÁISC GHEOGRAFAIGH FAOI CHOSAINT

Iarratas ar fhormheas a dhéanamh ar leasú i gcomhréir leis an gcéad fhomhír d’Airteagal 53(2) de Rialachán (AE) Uimh. 1151/2012

‘Marchfeldspargel’

Uimh. AE: PGI-AT-1462-AM04 – 25.5.2022

ATFC ( ) TGFC (X)

1.   Grúpa iarratasóra agus leas dlisteanach

Verein Marchfeldspargel g.g.A.

c/o Mag. Gerhard Sulzmann

2304 Mannsdorf/Donau, Kirchengasse 1

ÖSTERREICH

Fón. +43 6641308521

R-phost: office@marchfeldspargel.at

Ionadaí/Teagmhálaí: Mag. Gerhard Sulzmann

Is é an t-iarratasóir comharba dlíthiúil an chomhlachais a chuir an t-iarratas isteach ar dtús agus déanann sé ionadaíocht ar gach táirgeoir reatha TGFC ‘Marchfeldspargel’. Dá bhrí sin tá sé i dteideal an t-iarratas a dhéanamh.

2.   Ballstát nó tríú tír

An Ostair

3.   Ceannteideal sa tsonraíocht táirge a ndéanann an leasú (na leasuithe) difear dó

☐	Ainm an táirge

☒	Tuairisc ar an táirge

☒	Limistéar geografach

☒	Cruthúnas ar thionscnamh

☒	An modh táirgthe

☒	Nasc leis an limistéar geografach

☒

Lipéadú

☒	Eile [ainm an chomhlachais is iarratasóra, cúraimí agus seoladh nua an chomhlachta rialúcháin, cineál an táirge, ceanglas náisiúnta]

4.   Cineál an leasú nó na leasuithe

☒	Leasú ar an tsonraíocht táirge de ATFC nó TGFC cáilithe nach bhfuil le cáiliú mar mhionleasú i gcomhréir leis an tríú fomhír d’Airteagal 53(2) de Rialachán (AE) Uimh. 1151/2012.

☐	Leasú ar an tsonraíocht táirge de ATFC nó TGFC cláraithe nár foilsíodh Doiciméad Aonair (ná doiciméad coibhéiseach) ina leith nach bhfuil incháilithe mar mhionleasú i gcomhréir leis an tríú fomhír d’Airteagal 53(2) de Rialachán (AE) Uimh. 1151/2012.

5.   Leasú nó leasuithe

Rinneadh an tsonraíocht táirge atá i bhfeidhm faoi láthair, ina bhfuil roinnt doiciméad ar leithligh (sonraíocht ghearr, iarscríbhinní éagsúla), a chumasc, a athbhreithniú agus a thabhairt cothrom le dáta in aon doiciméad amháin chun tuairisc níos soiléire a sholáthar ar na ceanglais, go háirithe a mhéid a bhaineann leis an bpróiseas táirgthe agus cruthúnas ar thionscnamh. Ní fheidhmíonn na hiarscríbhinní eile dá dtagraítear sa tsonraíocht ach mar dhoiciméadacht bhreise.

Ní mór athruithe a dhéanamh ar na dálaí maidir le táirgeadh agus margú an lusa shúgaigh freisin ón taithí a fuarthas roimhe seo ar an tsonraíocht táirge atá i bhfeidhm faoi láthair a chur chun feidhme sa chleachtas, ach freisin soiléiriú maidir leis na céimeanna táirgthe (scamhadh an lusa súgaigh) nach mór a dhéanamh sa limistéar geografach. Cuidíonn na leasuithe uile le cáilíocht TGFC ‘Marchfeldspargel’ a choinneáil ar bun.

Tagraíonn an tagairt arís agus arís eile sna téacsanna reatha don ‘Bund der Marchfelder Spargelgüter’ do réamhtheachtaí dlíthiúil an chomhlachais iarratasóra reatha; formheasadh an t-athrú seo cheana féin le Rialachán Cur Chun Feidhme (AE) 2015/255 ón gCoimisiún an 13 Feabhra 2015 ach níl sé léirithe go fóill i dtéacsanna na sonraíochta. Athraíodh an t-ainm seo arís ina dhiaidh sin go ‘Verein Marchfeldspargel g.g.A’.

Go sonrach:

Tuairisc ar an táirge

Cuireadh Pointe 5b den tsonraíocht atá i bhfeidhm faoi láthair

agus Iarscríbhinn 2 a mhéid a thagraíonn sí do phointe 5b den tuairisc, i.e. na ranna

‘Tuairisc ar chuma

‘Is éard atá i ngais an lusa shúgaigh péacáin óga de na cineálacha a fhástar ó phlandaí an lusa shúgaigh (Asparagus Officinalis L.) le seachadadh nuair a bhíonn siad úr.

I ngach aicme, faoi réir na bhforálacha speisialta le haghaidh gach aicme agus na lamháltais a cheadaítear, ní mór, maidir leis na péacáin, an méid seo leanas:

—	beidh siad iomlán

—	beidh siad slán; i gcás táirgí ar a bhfuil lobhadh nó meathlú a fhágann go bhfuil siad mí-oiriúnach lena gcaitheamh, déanfar iad a eisiamh,

—	beidh siad saor ó dhamáiste de bharr níochán míchuí (is féidir na péacáin a ní ach gan a bheith maothaithe),

—	beidh siad glan, saor, geall leis, ó aon ábhar coimhthíoch infheicthe,

—	beidh cuma agus boladh úr orthu,

—	beidh siad saor, geall leis, ó lotnaidí,

—	beidh siad saor ó dhamáiste ó chreimirí nó feithidí,

—	beidh siad saor, geall leis, ó bhrúnna agus ó bhrúshiséil,

—	beidh siad saor ó thaise sheachtrach neamhghnách, i.e. “triomaithe” go leordhóthanach má tá siad nite nó fuaraithe le huisce fuar,

—	beidh siad saor ó bholadh agus/nó ó bhlas coimhthíoch.

Ní mór don ghearradh ag bun na ngas a bheith chomh glan agus is féidir.

De bhreis air sin, níor cheart do na péacáin a bheith toll, scoilte, scafa ná briste. Mar sin féin, ceadaítear scoilteanna beaga a chruthaítear tar éis péactha, ar choinníoll nach sáraíonn siad “lamháltais cháilíochta” gach aicme.

Ní mór don lus súgach a bheith i mbail lena mbeidh na nithe seo a leanas indéanta:

—	iad a iompar agus a láimhseáil gan dochar a dhéanamh dóibh, agus

—	bail shásúil a bheith orthu ar shroicheadh an chinn scríbe dóibh.

Forálacha maidir le cur i láthair:

a)

Aonfhoirmeacht: Ní mór inneachar gach pacáiste nó cuach laistigh de phacáiste a bheith aonfhoirmeach agus gan ach lus súgach den bhunadh céanna, den cháilíocht chéanna, den dathghrúpa céanna agus, i gcás ina bhfuil méid i gceist, den mhéid céanna. Ní mór an chuid d’inneachar an phacáiste nó an chuach atá infheicthe a bheith ionadaíoch ar an inneachar ar fad.

b)

Féadfar an lus súgach a chur i láthair ar na bealaí seo a leanas: i) i gcuacha atá ceangailte go daingean Ní mór gais an lusa shúgaigh ar an taobh amuigh den chuach a bheith ag freagairt ó thaobh cuma agus trastomhas de le meán an chuachta iomláin. Ní mór do na péacáin an fad céanna a bheith acu. Ní mór na cuacha a shocrú go tráthrialta sa phacáiste agus ní mór dóibh a bheith den mheáchan agus den fhad céanna; féadfar gach cuach a chosaint le páipéar. ii) i bpacáistí aonaid, nó socraithe ach gan a bheith cuachta sa phacáiste

c)	Pacáistiú: Ní mór an lus súgach a phacáil ar bhealach a áiritheoidh cosaint leordhóthanach don táirge.

Tuairisc ar a airíonna

Blas: Tá dea-bholadh mín tipiciúil lusa shúgaigh ag “Marchfeldspargel”. Is é seo an blas fíneálta, éadrom de lus súgach úr, a athraíonn de réir éagsúlachta agus ithreach. Ní fhéadfaidh sé a bheith searbh nó adhmadach. I bprionsabal, tá an dea-bholadh lusa shúgaigh is fearr ag lus súgach bán. Dá mhéad atá dath an lusa shúgaigh idir vialait agus glas, is ea is déine a éiríonn dea-bholadh an lusa súgaigh. De bhreis ar úire an lusa shúgaigh, is léir go bhfuil tionchar mór ag an ullmhúchán ar an mblas freisin.

Aicmítear péacáin an lusa shúgaigh i gceithre ghrúpa de réir datha:

1)	lus súgach bán;

2)	lus súgach vialait: ní mór dath idir bándearg agus vialait/corcra a bheith ar na barra agus ní mór gas bán i bpáirt a bheith orthu;

3)	lus súgach vialait-glas: Lus súgach le dath vialait agus glas i bpáirt;

4)	lus súgach glas: ní mór na barra agus an chuid is mó den ghas a bheith glas.

Ní mór fad na bpéacán a bheith:

—	níos mó ná 17 cm le haghaidh lus súgach fada,

—	12-17 cm le haghaidh lus súgach gearr (barra an lusa súgaigh),

—	12-22 cm le haghaidh lusa shúgaigh Aicme II socraithe, ach gan a bheith cuachta, i bpacáistí,

—	níos lú ná 12 cm le haghaidh barra an lusa shúgaigh.

Ní rachaidh lus súgach bán agus vialait thar 22 cm ar fhad agus ní rachaidh lus súgach vialait-glas agus glas thar 25 cm ar fhad.

Méid de réir trastomhais

Déanfar trastomhas na bpéacán a thomhas ag lárphointe a bhfad. Is iad seo a leanas an trastomhas agus an méid íosta:

Dathghrúpa	Trastomhas íosta		Méid
a) Aicme “Breise”:
bán agus vialait	12 mm	12-16 mm	16 mm+ le hathrú uasta 8 mm in aghaidh an phacáiste
Lus súgach vialait-glas agus glas	10 mm	10-16 mm	16 mm+ le hathrú uasta 8 mm in aghaidh an phacáiste
b) Aicme I:
bán agus vialait	10 mm	10-16 mm	16 mm+ le hathrú uasta 10 mm in aghaidh an phacáiste
Lus súgach vialait-glas agus glas	6 mm	6-12 mm	12 mm+ le hathrú uasta 8 mm in aghaidh an phacáiste
c) Aicme II:
bán agus vialait	8 mm		Níl aon fhoráil maidir le haonfhoirmeacht
Lus súgach vialait-glas agus glas	6 mm		Níl aon fhoráil maidir le haonfhoirmeacht

Tuairisc maidir lena amhábhair

Mar gheall ar na dálaí aeráide sonracha (síneadh thiar na haeráide Panóiní) agus na cineálacha speisialta ithreach (ithreacha cois abhann, seornaiseoim, snaíochair agus gláracha, a bhfuil cion ard húmais agus cionta éagsúla gainimh agus lóis ag gach ceann acu), ní mholann an “Bund der Marchfelder Spargelgüter” ach cineálacha lusa shúgaigh a oireann go háirithe don limistéar fáis seo.

Úsáidtear nó moltar na cineálacha lusa shúgaigh seo a leanas faoi láthair:

Gearmáinis: Ruhm von Braunschweig, Schwetzinger Meisterschuß, Huchels Auslese, Lukullus, Vulkan, Presto, Merkur, Hermes, Eposs, Ravel, Ramos Cineálacha glasa lusa shúgaigh (saor ó antóiciaininí): Spaganiva, Schneewittchen, Schneekopf.

Ollainnis: Venlim, Carlim, Gijnlim, Boonlim, Backlim, Thielim, Horlim, Prelim, Grolim.

Fraincis: Larac, Cito, Aneto, Desto, Sélection “Darbonne n°4”, Sélection “Darbonne n°3”, Jacq. Ma. 2001, Jacq. Ma. 2002, Andreas, Dariana, Cipres, Viola,

Na Stáit Aontaithe: Mary Washington.

Tuairisc ar na saintréithe a dhéanann idirdhealú idir an táirge agus táirgí inchomparáide:

i dtéarmaí blais: Is saintréith de chuid “Marchfeldspargel” ná a dhea-bholadh lusa shúgaigh an-tipiciúil. Ós rud é nach n-úsáidtear ach cineálacha lusa shúgaigh a oireann go maith do na dálaí sonracha ithreach atá sa réigiún Marchfeld, tá níos lú substaintí searbha in “Marchfeldspargel”. Níl sé chomh adhmadach ach oiread. Cúis: Dá fhaide a ghearrtar gais an lusa shúgaigh le linn na buainte, is amhlaidh is gaire don fhréamhstoc adhmadach. Tá “Marchfeldspargel” níos giorra ná táirgí inchomparáide.

i dtéarmaí fad phéacáin an lusa shúgaigh: Ní rachaidh lus súgach vialait-glas agus glas thar 25 cm ar fhad. Is é 27 cm an fad atá ar tháirgí den chineál céanna.

i dtéarmaí táirgeachta: Ciallaíonn na dálaí fabhracha táirgthe go bhfuil sé éasca caighdeáin éiceolaíocha a chomhlíonadh. Feidhmíonn gach comhalta den “Bund der Marchfelder Spargelgüter” de réir na dTreoirlínte Táirgthe Comhtháite (Treoirlínte maidir le táirgeadh comhtháite glasraí san Ostair) nó go horgánach. Tarlaíonn táirgeadh ag suíomhanna atá i bhfad óna chéile ionas gur féidir inmhíolú eipidéimeolaíoch de ghalair agus lotnaidí a sheachaint.

i dtéarmaí dáileacháin: Tá comhaltaí an “Bund der Marchfelder Spargelgüter” in ann táirgí úra lusa shúgaigh a sholáthar ar bhonn laethúil do chustaiméirí ar fud na hOstaire trí chórais iompair speisialta. Tá “Marchfeldspargel” ar fáil áit ar bith san Ostair laistigh de 24 uair an chloig tar éis é a bhaint.’

in ionad an téacs seo a leanas:

Limistéar geografach

Pointe 5c den tsonraíocht táirge

‘c)	Limistéar geografach – Tagraíonn an t-ainm Marchfeld don mhachaire torthúil soir ó Vín idir aibhneacha na Danóibe agus na Moráive. Críochaithe ó dheas ag an Danóib, soir ag an Moráiv, ó thuaidh ag an Weinviertler Hügelland, ar an taobh thiar ag teorainn chathair Vín.’

agus Iarscríbhinn 2, a mhéid a bhaineann sé le pointe 5c (‘Limistéar geografach’),

‘Sonraíocht an limistéir gheografaigh i bhfocail:

Marchfeld: Tá an t-ainm “Marchfeld” seanbhunaithe; tá sé le fáil i ndoiciméad a théann siar chomh fada le 1058 (Becker, Heimatkunde von Niederösterreich, H.II, lch. 52). Tagraíonn sé don mhachaire soir ó Vín idir aibhneacha na Danóibe agus na Moráive. Is mar a leanas atá an críochú de réir limistéir bhardasacha: san Oirthear: March von Mannersdorf chomh fada agus an t-inbhear (teorainn an stáit); sa Deisceart: an Danóib ó Vín go hinbhear na Moráive; san Iarthar: teorainn chathair Vín, ach baineann na seanlonnaíochtaí imeallacha Eßling, Breitenlee, Süßenbrunn agus Stammersdorf le Marchfeld, ar choinníoll go bhfuil úsáid talmhaíochta fós indéanta ansin; sa Tuaisceart: teorainn an Weinviertler Hügelland. Toisc go mbaineann na limistéir phobail ar an imeall thuaidh leis an talamh ina bhfuil machairí agus leis an talamh cnocach araon, tá suíomh na lonnaíochta ag bun imeall an chnoic cinntitheach. Áirítear na bardais seo a leanas ar an imeall thuaidh i Marchfeld: Hagenbrunn, Königsbrunn, Enzersfeld, Großebersdorf, Eibesbrunn, Wolkersdorf, Obersdorf, Pillichsdorf, Großengersdorf, Bockfließ, Auersthal, Raggendorf, Matzen, Prottes, Ollersdorf agus Mannersdorf/March.

Is mar a leanas an miondealú de réir aonad riaracháin:

Cúige:	Ceantar:	Achar:	Daonra cónaitheach:	Bardais:
An Ostair Íochtarach:	Gänserndorf	672  km2	39 655  áitritheoir	44
An Ostair Íochtarach:	Mistelbach	96  km2	8 882  áitritheoir	7
An Ostair Íochtarach:	Imeall Vín	186  km2	11 741  áitritheoir	18
Vín:	(iarcheantair fhorimeallacha)	43  km2	11 803  áitritheoir	4
Iomlán		997  km2	72 081  áitritheoir	73 bhardas.

—	Léarscáil na hOstaire

—	Léarscáil mhionsonraithe de theorainneacha riaracháin reatha (1955)’

a athscríobhadh mar a leanas:

Doiciméad Aonair

Glacadh freisin le teorannú nua Marchfeld i gcomhréir le pointe 4 den doiciméad aonair.

Foras:

Bhí críochú reatha Marchfeld ag éirí contrártha agus faoi réir léirmhínithe de thoradh ar dhifreáil doiléir idir na cineálacha éagsúla bardais (bardais chadastracha agus áitiúla), díscaoileadh cheantar Ostair Íochtarach Wien-Umgebung (imeall Vín) in 2016, mionathruithe eile ar theorainneacha riaracháin, agus sainmhíniú ró-fhlaithiúil ar an gcríochú thuaidh. Seachnaíonn an fhoclaíocht nua na contrárthachtaí seo agus sainmhíníonn sí an limistéar fáis ar bhealach i bhfad níos beachta, gan é a leathnú ná a shrianadh.

Dá bhrí sin, is féidir an difríocht i gcomparáid leis an bhfigiúr reatha le haghaidh achar iomlán Marchfeld a mhíniú tríd an bhfíoras gur tarraingíodh suas an tsonraíocht bhunaidh ag baint úsáide as luach a luaitear sa litríocht atá éagsúil ón luach arna ríomh ar bhonn shonraí aonair reatha Chúige na hOstaire Íochtaraí, Chathair Vín agus Statistik Österreich.

Cuireadh deireadh le cuimsiú sonraí cothrom le dáta ar an limistéar agus ar dhaonra cónaitheach na n-aonad riaracháin aonair mar gheall ar neamhábharthacht na sonraí sin le haghaidh críochú limistéir.

Cruthúnas ar thionscnamh

Rinneadh téacs phointe 5d (‘Cruthúnas ar thionscnamh’) den tsonraíocht táirge atá i bhfeidhm faoi láthair

a aistriú i bhfoirm athbhreithnithe go pointe 4.6. (‘Nasc chuig an limistéar geografach’). Cuirtear forálacha ina ionad anois atá dírithe ar inrianaitheacht a áirithiú:

Foras:

In éagmais aon fhaisnéise inrianaitheachta sa tsonraíocht atá i bhfeidhm faoi láthair, tá ceanglais á leagan síos anois le comhlíonadh ag gach feirm a tháirgeann ‘Marchfeldspargel’ i gcomhréir leis an tsonraíocht chun a áirithiú gur féidir an sreabhadh agus an inrianaitheacht ar ais chuig táirgeoir gach aonaid phacáistithe a fhíorú.

An modh táirgthe

Déantar pointe 5e (‘Modh táirgthe’) sa tsonraíocht táirge atá i bhfeidhm faoi láthair

agus Iarscríbhinn 2, a mhéid a bhaineann sé le pointe 5e (‘Modh táirgthe’),

‘Táirgeadh amhábhar:

Mar gheall ar na dálaí aeráide sonracha (síneadh thiar na haeráide Panóiní) agus na cineálacha speisialta ithreach (ithreacha cois abhann, seornaiseoim, snaíochair agus gláracha, a bhfuil cion ard húmais agus cionta éagsúla gainimh agus lóis ag gach ceann acu), agus na cineálacha lusa shúgaigh a oireann (agus a mholtar) do na dálaí sonracha seo amháin, tá buntáistí ag baint leis na dálaí fáis i gcomparáid le limistéir eile fáis

Tá sé seo mar gheall, freisin, go gcuirtear saintréithe an tsuímh san áireamh i gcás plandálacha nua lusa shúgaigh. (= aird ar cháilíocht na hithreach, aeráil mhaith stoc, easpa tiomargadh ceo, plandálacha nua atá dírithe i gcomhréir le dálaí gaoithe, etc., i.e. táirgeadh comhtháite).

Ní chruthaíonn uainíocht barr aon fhadhbanna mar go bhfuil an limistéar táirgthe do lus súgach (105 heicteár in 1995) diomaibhseach i gcomparáid le limistéar iomlán an réigiúin Marchfeld (997 km2). Dá bhrí sin ní cheadaítear aon dí-éilliú ceimiceach ithreach, mar a chleachtar i limistéir dhiantáirgthe. Ní cheadaítear ach oiread plandáil a dhéanamh ar thalamh ar a ndéantar feirmeoireacht ar lus súgach nuair nach féidir a áirithiú go mbeidh tréimhse ama leordhóthanach ann sula bplandaítear an chéad bharr eile, nó i gcás inar dealraitheach nach bhfuil aon tairbhe leis an nós imeachta a dtugtar tuairisc air thuas do Marchfeld.

I bprionsabal, ní mór an talamh a fhágáil branar le cumhdach glas ar feadh 1-2 bhliain sula bplandaítear barr óg. Mar riail ghinearálta, déantar fo-ithir roimh phlandáil.

Ceannaítear síológa go heisiach ó ghnólachtaí pórúcháin lusa shúgaigh aitheanta, ach amháin má tháirgeann an fheirm féin iad. Ní dhéantar plandáil ach amháin má tá na dálaí ithreach go maith.

Treoirlínte táirgthe maidir le saothrú lusa shúgaigh comhtháite: (= oibríonn gach comhalta den Bund der Marchfelder Spargelgüter táirgeadh IP)

1.	Bainistíocht ithreach agus uainíocht barr – áit a ndéantar lus súgach a athphlandáil, ní mór tréimhse scíthe 10 mbliana ar a laghad a urramú.

2.

Soláthar cothaitheach   Nítrigin — i dtéarmaí Nmin — spriocluachanna — Iarmhéid Nmin ag deireadh na tréimhse fásra: Uasmhéid 80 kg/ha in aghaidh an heicteáir in 0-90 cm. — Gan n-leasachán a úsáid i bplandálacha táirgiúla roimh dheireadh na tochailte.   Leasachán fosfair agus potaise — le haghaidh aicmithe cion cothaitheach B agus C, tar éis iad a bhaint den ghort. — le haghaidh cion cothaitheach D, leasú laghdaithe. — le haghaidh cion cothaitheach E, gan aon leasú.

3.

Cosaint barraí — Tosaíocht le tabhairt do chineálacha atá fulangach do ghalair dhuillí. — Gan aon leathbhá sa limistéar fréimhe. — Foláirimh réigiúnacha agus seiceálacha stoic le comhlíonadh. — Tosaíocht le tabhairt do bhearta bith-theicniúla a chur i bhfeidhm. — Tosaíocht le tabhairt d’úsáid modhanna a chosnaíonn orgánaigh thairbheacha agus a oibríonn go roghnaitheach.

4.

Buaint agus stóráil — próiseáil i gcomhréir le dálaí an mhargaidh. Tuairisc ar an bpróiseas monaraíochta/próiseála: I gcás plandálacha dea-fhorbartha, is féidir tochailt (buaint) a dhéanamh le linn 10-14 lá sa dara bliain. De ghnáth, ní thosaíonn an bhuaint ach sa tríú bliain agus ní mhairfidh sí ach go dtí an 1 Meitheamh. Ón gceathrú bliain, féadfaidh an tochailt leanúint ar aghaidh go dtí an 24 Meitheamh. Níor cheart plandáil a bhuaint ar feadh níos mó ná 8 mbliana san iomlán, áfach. Tá sé an-dian lus súgach a bhuaint. Ní mór gach gas a thochailt de láimh agus ní mór é a ghearradh le scian lusa shúgaigh, agus ansin ní mór an bruach talún a líonadh de láimh arís. Míníonn sé seo freisin praghas ard an ghlasra luachmhar seo. Tugtar an lus súgach chuig an bhfeirm díreach tar éis é a bhuaint agus fuaraítear é le huisce oighir (1-2 °C), gearrtar (de réir faid) agus sórtáiltear (de réir trastomhais) é, agus ansin cuirtear i stóráil fuar é (1-2 °C). Ní rachaidh fad ghais an lusa shúgaigh thar 22 cm don dathghrúpa bán agus vialait, 25 cm don dathghrúpa glas-vialait agus le haghaidh lus súgach glas (27 cm de ghnáth). Cuireann sé seo cosc ar aon adhmadacht nó laghdaíonn sé í. Díoltar é ón bhfeirm ansin nó déantar é a phacáistiú ar an lá céanna agus seoltar ar fud na hOstaire é chuig an trádáil lónadóireachta nó glasraí. Tá comhaltaí an Bund der Marchfelder Spargelgüter in ann táirgí úra lusa shúgaigh a sholáthar ar bhonn laethúil do chustaiméirí ar fud na hOstaire trí chórais iompair speisialta. Tá “Marchfeldspargel” ar fáil áit ar bith san Ostair laistigh de 24 uair an chloig tar éis é a bhaint. Ní mór “Marchfeldspargel” a phacáistiú in ábhair frith-thaise amháin, ar ábhair iad a shraonann solas agus ar féidir iad a shéalú.’

a achoimriú agus a leasú mar a leanas:

Doiciméad aonair:

Tá na habairtí ‘Níl rogha na gcineálacha teoranta, ach molann an grúpa iarratasóirí nach ndéanfaí a shaothrú ach cineálacha lusa shúgaigh a bhfuil a n-oiriúnacht do na dálaí atá i réim i Marchfeld cruthaithe. Úsáidtear na cineálacha lusa shúgaigh seo a leanas nó moltar iad ar aon nós:’ curtha le pointe 3.2 den doiciméad aonair faoin fhophointe ‘Cineálacha:’. An tráth céanna, cuirtear an liosta atá tugtha cothrom le dáta i bpointe 4.5.2. den tsonraíocht in ionad an liosta de chineálacha molta atá ann cheana.

Cuirtear na ceanglais seo a leanas isteach, i gcomhréir le pointe 3.2 freisin:

—	mura dtáirgeann an feirmeoir féin é, ní mór stoc plandála a fháil go heisiach ó bhunaíochtaí pórúcháin lusa shúgaigh aitheanta, nach mór a bheith cláraithe amhlaidh i mBallstát den Aontas.

—	ní mór na critéir maidir le táirgeadh orgánach nó, de rogha air sin, na critéir maidir le soláthar cothaitheach agus cosaint plandaí a shainítear i bpointe 4.5.3.1 den tsonraíocht a chomhlíonadh, agus

—	ní mór do tháirgeoirí TGFC ‘Marchfeldspargel’ deimhniú GRASP bailí a bheith acu (leibhéal comhlíontachta: lán-chomhlíontach) chun TGFC ‘Marchfeldspargel’ a dhíol nó a mhargú.

Sonraítear i bpointe 3.4 den doiciméad aonair nach mór gach céim den táirgeadh, lena n-áirítear aon scamhadh den lus súgach, a dhéanamh laistigh den limistéar geografach.

Sa chéad mhír de phointe 3.5 den doiciméad aonair reatha, forlíontar an abairt

Díoltar TGFC ‘Marchfeldspargel’ úr ón bhfeirm nó déantar é a phacáistiú agus a sheoladh ar an lá céanna; i bhfianaise na n-amlínte sin, agus chun cáilíocht an lusa shúgaigh a choinneáil ar bun, go háirithe a húire agus a bhoige, ní mór an pacáistiú a dhéanamh laistigh den limistéar geografach.’

agus in ionad na habairte deiridh

cuirtear an méid seo a leanas:

Foras:

Tá achoimre agus athstruchtúrú déanta ar an téacs reatha sa tsonraíocht táirge agus in Iarscríbhinn 2, a mhéid a bhaineann leis an bpróiseas táirgthe. Cuirtear isteach anseo freisin an téacs in Iarscríbhinn 2 a bhaineann le pointe 5b (‘Tuairisc maidir le difríochtaí i modhanna táirgthe’) maidir le haonfhoirmeacht agus cur i láthair agus maidir le dáileadh. Níl aon athruithe substainteacha déanta, seachas a mhéid a bhaineann leis na pointí seo a leanas:

—

Cineálacha a nglactar leo: Sa leagan reatha den tsonraíocht, ní liostaítear na cineálacha ceadaithe go huileghabhálach mar liosta de na cineálacha a mholtar díreach toisc go bhfuil siad oiriúnaithe don limistéar agus go n-áirithítear leo gurb ann don bhoige agus don easpa searbhais atá ag teastáil. Mar sin féin, bíonn foclaíocht na gcodanna éagsúla den tsonraíocht ina leith seo ina cúis le léirmhínithe éagsúla arís agus arís eile. Go deimhin, níor fásadh ach na cineálacha seo sa chleachtas. Ar mhaithe le soiléireacht agus seiceálacha á ndéanamh, forlíonadh an liosta seo in 2002 agus ba cheart é a oiriúnú arís anois. Liostaítear na cineálacha seo a leanas mar chineálacha nua:

—

Ramires, Huchels Alpha, Hannibal, Mondeo, Rapsody, Ramada, Raffaelo, Violetta 1192, Viridas, Primaverde, Ariane, Steiniva, Steineo, Vitalim, Herkolim, Avalim, Cumulus, Magnus, Tallems, Fortems, Primems, Cygnus, Bejo 2827, Portlim, Frühlim, Terralim, Cychus, Prius, Finalus, Sunlim, Erasmus, Atticus, Maxlim, Starlim, Aspalim, Xenolim, Vegalim, Bacchus, Darsiane, Darlise, Voltaire, Obelisk, Burgundine, Placosesp, Dazilla, Darbella, Ercole, Franco, Eros, Giove, Violetto di Albegna agus Guelph Millenium.

—

Mar sin féin, i bhfianaise gur díríodh cuspóirí pórúcháin na gcineálacha nua uile ó dheireadh na 1990idí ar bhoige agus ar níos lú substaintí searbha, ba cheart a shonrú an tráth céanna nach bhfuil rogha na gcineálacha teoranta don liosta cineálacha sin, ach tá sé oscailte. Ar an liosta seo tá cineálacha atá molta ag an ngrúpa iarratasóra ar bhonn taithí phraiticiúil, ach ní chuireann sé as an áireamh úsáid cineálacha eile. Níl coinne leis go dtiocfaidh meath ar cháilíocht an táirge i dtéarmaí boige agus leibhéal na substaintí searbha dá bharr. Is faoin táirgeoir rogha na gcineálacha iomchuí. Sula gcuirtear ar an margadh é, seiceálann an comhlacht rialúcháin an lus súgach agus ní fhéadfaidh an t-ainm cosanta TGFC ‘Marchfeldspargel’ a bheith air ach amháin má chomhlíontar na ceanglais cháilíochta dearbhaithe leis. De bhreis ar sin, ós rud é gur barr ilbhliantúil é lus súgach nach féidir a bhuaint go dtí tar éis an tríú bliain, is féidir an riosca go nglacfaidh táirgeoirí d’aon ghnó le laghduithe cáilíochta lena bhféadfaí cosc a chur orthu a dtáirge a mhargú faoin ainm faoi chosaint ar feadh blianta a mheas mar riosca íseal.

—

Tá an Rialachán Speisialta maidir le clár na hOstaire um thalmhaíocht atá neamhdhíobhálach don chomhshaol (ÖPUL) curtha in ionad na dtreoirlínte táirgthe maidir le saothrú comhtháite (IP) lusa shúgaigh. Dá dheasca sin, níl na IPanna bailí a thuilleadh. Dá bhrí sin, ba ghá an tagairt do IPanna a scriosadh. Toisc go bhfuil gá fós le ceanglais na IPanna ar sholáthar cothaitheach agus leasú fosfair agus potaise a chomhlíonadh mar mhalairt ar na ceanglais maidir le táirgeadh orgánach, tá siad seo curtha san áireamh ar leithligh anois i bpointe 4.5.3.1. den tsonraíocht.

—	De bharr comhlíontacht na gcritéar maidir le táirgeadh orgánach nó iad siúd a shainítear tuilleadh in 4.5.3.1 maidir le soláthar cothaitheach agus cosaint plandaí, ráthaítear ní hamháin do thomhaltóirí an cháilíocht is fearr ach táirgeadh atá neamhdhíobhálach don chomhshaol freisin.

—

Foirmeacha nua ar an margadh: De thoradh athruithe ar éileamh tomhaltóirí, féadfar TGFC ‘Marchfeldspargel’ a mhargú freisin mar phíosaí lusa shúgaigh briste nó mar phíosaí lusa shúgaigh (i.e. blúirí le ceann an lusa shúgaigh nó dá uireasa) agus i bhfoirm scafa (féadtar gais iomlána agus píosaí iomlána a scamhadh). Ní dhéanann an scamhadh ná an fíoras go bhfuil na gais briste difear do na saintréithe atá bainteach leis an ainmniúchán ‘Marchfeldspargel’ i súile na dtomhaltóirí. I gcás roinnt mias, iarrtar go sonrach míreanna lusa shúgaigh a thairgtear ar phraghsanna níos ísle. Trí na píosaí seo a áireamh faoin tásc tionscnaimh faoi chosaint méadaítear an chinnteacht do thomhaltóirí go bhfuil lus súgach ardcháilíochta á fháil acu i ndeighleog an táirge seo freisin, agus ligeann sé do tháirgeoirí sciar níos mó dá gcuid buaint a dhíol faoi dhálaí rialaithe.

—

Tá táirgeoirí TGFC ‘Marchfeldspargel’ ar an eolas faoina bhfreagracht i leith custaiméirí agus fostaithe agus as clú an táirge. Ar an gcúis seo, agus i gcomhréir le mianta na gcustaiméirí freisin, ráthaítear leas agus cearta fostaithe (oibrithe buana agus séasúracha) trí dheimhniú faoi GRASP (G lobalG.A.P. R Isk A ssessment on S ocial Practice) [Measúnú riosca ar chleachtas sóisialta GlobalG.A.P.]. Modúl deimhniúcháin breise is ea GRASP chun an riosca i dtaca le leas oibrithe a mheasúnú.

—

Pacáistiú: Déantar na ceanglais maidir leis seo níos soiléire gan aon cheanglais bhreise a fhorchur. Cuireadh ar ceal an srian docht a bhí i bhfeidhm go dtí seo maidir le húsáid ábhar pacáistithe frith-thaise amháin, ar ábhair iad a shraonann solas agus ar féidir iad a shéalú (scriosadh an focal ‘go heisiach’), agus ba cheart go mbeifí in ann imeacht ón srian seo amach anseo.

—

Sonrófar uisce fuar ag teocht 1-8 °C amach anseo chun an lus súgach a fhuarú tar éis é a bhuaint in ionad uisce oighir (1-2 °C). Is féidir uisce oighir a théamh go measartha tapa nuair a chuirtear lus súgach te istigh ann agus nuair a fhanann sé ann ar feadh tréimhse níos faide. Tá raon lamháltais do theocht an uisce leagtha síos dá dheasca sin ar chúiseanna praiticiúla. Tá tionchar dearfach aige seo freisin ar cháilíocht ‘Marchfeldspargel’, toisc go bhféadfadh go mbeidh scoilteanna á léiriú sa lus súgach, a mbíonn tionchar diúltach acu ar a chuma, má fhágtar é ró-fhada ag teocht fuar. Ar na cúiseanna céanna, athraíodh an teocht sa stór fuar ó 1-2 °C go 1-8 °C.

—

Fónann cur chun feidhme na gcéimeanna táirgthe laistigh den limistéar geografach amháin chun cáilíocht a choinneáil ar bun agus chun tionscnamh réigiúnach a áirithiú. Chun cáilíocht an lusa shúgaigh a áirithiú, ní mór bogthaisiú buan a áirithiú le linn na próiseála. Ní féidir é seo a áirithiú a thuilleadh i gcás amanna fada turais. Tá sé fíor-riachtanach, dá bhrí sin, go ndéanfaí fuarú agus pacáistiú laistigh den limistéar geografach. Má bhíonn na bealaí iompair rófhada, i.e. lasmuigh den limistéar sainithe, is cinnte go n-éireoidh an táirge níos tirime. Mar thoradh air seo bheadh caillteanas cáilíochta ann i dtéarmaí chuma úr tipiciúil an lusa shúgaigh úr buainte agus an dea-bholadh tipiciúil lusa shúgaigh. Cuireann úire an táirge cosc ar chaillteanais vitimíní freisin.

Nasc leis an limistéar geografach:

Pointe 5f den tsonraíocht táirge

agus Iarscríbhinn 2 a mhéid a bhaineann sí le pointe 5f (‘Nasc leis an limistéar geografach’),

a ionadú leis an méid seo a leanas:

Doiciméad aonair:

Tosaíonn pointe 5 den doiciméad aonair le soiléiriú ar na tosca atá ríthábhachtach don nasc; agus ansin, maidir leis na habairtí a leanas

cuirfear an méid seo a leanas ina n-ionad:

Forlíontar na mínithe ar chlú ‘Marchfeldspargel’.

Foras:

Tá na tagairtí stairiúla a bhí ar dtús i bpointe 5d (‘Cruthúnas ar thionscnaimh’) corpraithe anois i bpointe 4.6. (‘Nasc leis an limistéar geografach’) agus cumaiscthe leis an téacs reatha ar dhálaí ábhartha aeráide agus ithreach an réigiúin Marchfeld agus tosca daonna a dhéanann difear do cháilíocht an táirge in aon téacs amháin. Níl aon athruithe substainteacha i gceist leis seo. Ó Iarscríbhinn 2 go pointe 5b a tógadh an tagairt don chleachtas gais an lusa shúgaigh a ghearradh níos faide ón bhfréamhstoc adhmadach nó iad a ghearradh níos giorra ná mar is gnách do tháirgí inchomparáide (i.e. an téacs ina dtugtar tuairisc ar na saintréithe lena n-idirdhealaítear ‘Marchfeldspargel’ agus táirgí inchomparáide).

Lipéadú

Léitear an leagan bunaidh de phointe 5h den tsonraíocht táirge mar a leanas:

Cuirtear an méid seo a leanas ina ionad:

Doiciméad aonair:

Cuireadh na treoracha mionsonraithe maidir le lipéadú san áireamh freisin i bpointe 3.6 den doiciméad aonair.

Foras:

Ar mhaithe le soiléireacht agus chun feabhas a chur ar fhaisnéis do chustaiméirí, sonraítear go sainráite nach mór an fhaisnéis bhreise a bheith soiléir agus inléite go soiléir agus nach mór í a chur in áit fheiceálach do chustaiméirí ar gach aonad atá réidh le díol.

Eile

—	Athraíodh ainm an ghrúpa iarratasóra go ‘Verein Marchfeldspargel g.g.A’.

—

I bpointe 6 (‘Comhlacht rialúcháin’), ceartaítear seoladh an chomhlachta rialaithe agus sainítear a chúraimí mar a leanas: ‘Fíorú ar shaintréithe an táirge agus ar na doiciméid agus ar fhianaise ar shochreidteacht agus ar chomhlíontacht na sonraíochta dá dtagraítear i bpointe 4.4. (‘Cruthúnas ar thionscnamh’).

—

An cineál táirge Cuirtear an téacs seo a leanas a chomhfhreagraíonn don ainmníocht in Iarscríbhinn XI a ghabhann le Rialachán Cur Chun Feidhme (AE) Uimh. 668/2014 in ionad na tagartha do ‘glasraí’ i bpointe 4 den tsonraíocht reatha (‘Cineál táirge’): ‘4.1.   An cineál táirge Aicme 1.6. Torthaí, glasraí agus gránaigh úra nó phróiseáilte.’

Dá bhrí sin níl athrú ar an táirge iomchuí ach amháin a mhéid a dhíoltar ‘Marchfeldspargel’ i bhfoirm scafa i bpáirt anois.

—

Baineadh an tagairt don Chód Alimentarius Austriacus sa phointe reatha ar ‘Cheanglais náisiúnta’ toisc nach mór í a chomhlíonadh go ginearálta gan beann ar cé acu a luaitear sa tsonraíocht í nó nach luaitear, go háirithe i bhfianaise nach bhfuil an pointe seo le meas mar ábhar riachtanach i sonraíocht a thuilleadh.

DOICIMÉAD AONAIR

‘Marchfeldspargel’

Uimh. AE: PGI-AT-1462-AM04 – 25.5.2022

ATFC ( ) TGFC (X)

1.   Ainm nó ainmneacha [ATFC nó TGFC]

‘Marchfeldspargel’

2.   Ballstát nó tríú tír

An Ostair

3.   Tuairisc ar an táirge talmhaíochta nó ar an mbia-earra

3.1.    An cineál táirge

Aicme 1.6. Torthaí, glasraí agus gránaigh úra nó phróiseáilte

3.2.   Tuairisc ar an táirge lena mbaineann an t-ainm in (1)

Déantar ‘Marchfeldspargel’ a mhargú úr, scafa nó neamhscafa i ngais iomlána nó mar phíosaí briste lusa shúgaigh nó píosaí lusa shúgaigh. Ní mór go mbeadh gais an lusa shúgaigh (péacáin óga den speiceas lusa shúgaigh ‘Asparagus Officinalis L.’) sláintiúil, saor ó dhamáiste ó níochán míchuí, glan, úr i gcuma agus boladh, saor ó lotnaidí agus saor ó dhamáiste ó chreimirí nó feithidí, saor, geall leis, ó bhrúnna, brúshiséil agus taise sheachtrach neamhghnách, agus saor ó bholaithe agus/nó ó bhlas coimhthíoch. Ní mór don ghearradh ag bun na ngas a bheith chomh glan agus is féidir. Ní fhéadfaidh gais an lusa súgaigh a bheith toll, scoilte, a gcraiceann a bheith bainte díobh (seachas nuair atá an lus súgach le margú mar scafa) nó briste (seachas i gcás ina bhfuil sé le margú mar phíosaí briste lusa shúgaigh nó píosaí lusa súgaigh). Ceadaítear go pointe teoranta scoilteanna beaga a thagann chun solais tar éis na buainte. Tá dea-bholadh mín tipiciúil lusa shúgaigh ag ‘Marchfeldspargel’, gan mórán substaintí searbha. Ní fhéadfaidh a bhlas a bheith ró-shearbh nó ró-adhmadach.

Roinntear an lus súgach i gceithre chatagóir de réir datha:

—	lus súgach bán;

—	lus súgach vialait: barra de dhath idir bándearg agus vialait/corcra agus gas atá bán i bpáirt;

—	lus súgach vialait-glas: dathú vialait agus glas i bpáirt;

—	lus súgach glas: ní mór na barra agus an chuid is mó den ghas a bheith glas.

Ní rachaidh lus súgach bán agus vialait thar 22 cm ar fhad agus ní rachaidh lus súgach vialait-glas agus glas thar 25 cm ar fhad.

Cineálacha:

Níl rogha na gcineálacha teoranta, ach molann an grúpa iarratasóra nach ndéanfaí a shaothrú ach cineálacha lusa shúgaigh a bhfuil a n-oiriúnacht do na dálaí atá i réim i Marchfeld cruthaithe. Úsáidtear nó, in aon chás, moltar na cineálacha lusa shúgaigh seo a leanas:

—	Gearmáinis: Ruhm von Braunschweig, Schwetzinger Meisterschuß, Huchels Auslese, Lukullus, Vulkan, Presto, Merkur, Hermes, Eposs, Ravel, Ramos, Ramires, Huchels Alpha, Hannibal, Mondeo, Rapsody, Ramada, Raffaelo, Violetta 1192

—	Schneekopf, Viridas, Primaverde, Ariane, Steiniva, Steineo — Cineálacha sonracha glasa lusa shúgaigh ón nGearmáin (saor ó antóiciaininí): Spaganiva, Schneewittchen,

—	Ollainnis: Venlim, Carlim, Gijnlim, Boonlim, Backlim, Thielim, Horlim, Prelim, Grolim, Vitalim, Herkolim, Avalim, Cumulus, Magnus, Tallems, Fortems, Primems, Cygnus, Bejo 2827, Portlim, Frühlim, Terralim, Cychus, Prius, Finalus, Sunlim, Erasmus, Atticus, Maxlim, Starlim, Aspalim

—	Cineálacha sonracha glasa lusa shúgaigh ón Ísiltír (saor ó antóiciaininí): Xenolim, Vegalim, Bacchus

—	Cineálacha ón Fhrainc: Larac, Cito, Aneto, Desto, Selection ‘Darbonne n°4’, Selection ‘Darbonne n°3’, Jacq.Ma.2001, Jacq.Ma.2002, Viola, Andreas, Dariana, Cipres, Darsiane, Darlise, Voltaire, Obelisk, Burgundine

—	Cineálacha Spáinneacha: Placosesp, Dazilla, Darbella

—	cineálacha Iodálacha: Ercole, Franco, Eros, Giove, Violetto di Albegna

—	Cineálacha ó Stáit Aontaithe Mheiriceá: Mary Washington

—	Cineálacha ó Cheanada: Guelph Millenium.

Mura dtáirgeann an fheirm féin é, ní mór stoc plandála a fháil go heisiach ó bhunaíochtaí pórúcháin lusa shúgaigh aitheanta atá cláraithe amhlaidh i mBallstát den Aontas.

Ní mór na critéir maidir le táirgeadh orgánach nó, de rogha air sin, na critéir maidir le soláthar cothaitheach agus cosaint plandaí sa tsonraíocht a chomhlíonadh.

Ní mór do tháirgeoirí TGFC ‘Marchfeldspargel’ deimhniú GRASP bailí a bheith acu (leibhéal comhlíontachta: lán-chomhlíontach) chun TGFC ‘Marchfeldspargel’ a dhíol nó a mhargú.

3.3.   Beatha (maidir le táirgí de thionscnamh ainmhíoch amháin) agus amhábhair (maidir le táirgí próiseáilte amháin)

—

3.4.   Céimeanna sonracha sa táirgeadh nach mór dóibh tarlú sa limistéar geografach sainithe

Is laistigh den limistéar geografach sainithe nach mór gach céim den táirgeadh a dhéanamh, lena n-áirítear aon scamhadh den lus súgach.

3.5.   Sainrialacha maidir le slisniú, grátáil, agus pacáistiú etc. an táirge dá dtagraíonn an t-ainm cláraithe

Díoltar TGFC ‘Marchfeldspargel’ úr ón bhfeirm nó déantar é a phacáistiú agus a sheoladh ar an lá céanna; i bhfianaise na n-amlínte sin, agus chun cáilíocht an lusa shúgaigh a choinneáil ar bun, go háirithe a húire agus a bhoige, ní mór pacáistiú a dhéanamh sa limistéar geografach. Déantar ‘Marchfeldspargel’ a mhargú i gcruacha atá ceangailte go daingean, cruachta i mboscaí, nó i bpacáistí beaga. Déantar an lus súgach a shórtáil de réir méide agus de réir na dtrastomhas sa tsonraíocht. Ní mór d’inneachar gach pacáiste nó cuach a bheith aonfhoirmeach agus ní mór lus súgach den bhunadh céanna, den chatagóir táirge chéanna agus den chatagóir datha céanna a áireamh. Ní mór an lus súgach a phacáistiú in ábhair frith-thaise amháin, ar ábhair iad a shraonann solas agus ar féidir iad a shéalú chomh maith. Ceadaítear éagsúlachtaí i gcomhréir le mianta na gcustaiméirí, áfach.

Áirithíonn córas iompair speisialta go bhfuil lus súgach úr an lae ar fáil ar fud na hOstaire laistigh de 24 uair an chloig.

3.6.   Sainrialacha maidir le lipéadú an táirge dá dtagraíonn an t-ainm cláraithe

De bhreis ar na marcálacha sainordaitheacha a cheanglaítear le dlí an Aontais, beidh ar gach aonad pacáilte atá réidh le díol, ar bhealach atá inléite go soiléir agus doscriosta, ainm agus seoladh an táirgeora, an grúpa dathanna, an aicme, an grádú agus an meáchan, de bhreis ar bhaiscuimhir nó dáta.

4.   Sainmhíniú achomair ar an limistéar geografach

Marchfeld: An machaire torthúil soir ó Vín idir aibhneacha na Danóibe agus na Moráive. Tá sé críochaithe ó dheas ag an Danóib, soir ag an Moráiv, siar ag teorainn chathair Vín (cé is moite de bhardais chadastracha Vín Essling, Breitenlee, Süssenbrunn agus Stammersdorf, atá ina gcuid den Marchfeld freisin), agus ó thuaidh ag teorainneacha thiar agus/nó thuaidh na mbardas Hagenbrunn, Enzersfeld in Weinviertel, Großebersdorf, Wolkersdorf im Weinviertel, Auersthal, Matzen-Raggendorf, Prottes agus Angern an der March.

5.   Nasc leis an limistéar geografach

Tá stádas TGFC ‘Marchfeldspargel’ bunaithe ar an gcéad dul síos ar a cháilíocht, mar gheall ar an meascán de thosca nádúrtha agus daonna, agus ar an dara dul síos mar gheall ar a cháil agus a luach speisialta mar tháirge ardleibhéil.

Tá tionchar ag an aeráid ar shíneadh thiar na Steipeanna Panónacha ar an réigiún Marchfeld agus tá cineálacha sonracha ithreach ann (ithreacha cois abhann, seornaiseoim, snaíochair agus gláracha a bhfuil cion ard húmais agus cionta éagsúla gainimh agus lóis ag gach ceann acu). In éineacht le Stíría Thoir Theas, tá an líon is mó uaireanta an chloig gréine in aghaidh na bliana san Ostair ar fad ag an réigiún seo agus tá sé ar cheann de na limistéir is teo sa tír. Tá an réigiún Marchfeld ina réigiún a tháirgeann lus súgach a raibh tionchar aige ón naoú haois déag (le linn tréimhse na monarcachta Ostra-Ungáirí, chuir feirmeacha aonair soláthar ar fáil don Chúirt Víneach), agus mar sin tá an-taithí ag feirmeoirí ‘Marchfeldspargel’ ar shaothrú an lusa shúgaigh. Ciallaíonn na dálaí fabhracha táirgthe go bhfuil sé éasca caighdeáin éiceolaíocha a chomhlíonadh.

Is saintréith de chuid ‘Marchfeldspargel’ é a dhea-bholadh lusa shúgaigh an-sonrach; tá níos lú substaintí searbha ann ná mar a bhíonn i dtáirgí inchomparáide agus is díol suntais é mar gheall ar a bhoige ar leith.

Soláthraíonn na dálaí aeráide in éineacht leis na cineálacha sonracha ithreach an bunús foirfe le haghaidh saothrú an lusa shúgaigh. Ciallaíonn na meánteochtaí arda agus an taise leordhóthanach go n-oireann na dálaí go han-mhaith chun barra a fhás. Dá bhrí sin, tá an fhoirm fhiáin den lus súgach dúchasach don réigiún Marchfeld. Cuidíonn taithí fhada na bhfeirmeoirí an lusa shúgaigh ‘Marchfeldspargel’ lena áirithiú nach moltar ach na cineálacha is fearr a oireann do na dálaí sonracha táirgthe agus, de thoradh a saothrú agus na dálaí ithreach agus aeráide, a fhorbraíonn níos lú substaintí searbha. Thairis sin, gearrtar péacáin ‘Marchfeldspargel’ níos giorra le linn na buainte ná péacáin táirgí inchomparáide, agus mar sin níl siad chomh adhmadach.

Tá dea-cháil ar ‘Marchfeldspargel’ freisin. Tugtar ‘gráinseach’ agus ‘gairdín glasraí’ na hOstaire ar an réigiún Marchfeld. Is é ‘Marchfeldspargel’, ‘rí’ Marchfeld, an ‘branda a thugann a chéannacht don réigiún ar fad’ (féach an t-agallamh ar an suíomh gréasáin unserespezialitaeten.at/der-marchfeldspargel ina ndeir an feirmeoir orgánach áitiúil Markus Brandenstein: ‘Nuair a labhraíonn daoine faoi Marchfeld inniu, smaoiníonn siad ar ‘Marchfeldspargel’). Tá ‘lus súgach Marchfeld úr a thriail’ ar cheann de na ‘deich rud nach mór duit a dhéanamh agus tú ar cuairt go dtí Marchfeld’ (féach amais agus an eochairfhocal seo á chuardach agat).

Déantar tuairisciú forleathan ar thús agus ar dhul chun cinn shéasúr an lusa shúgaigh sna meáin áitiúla agus ar an Idirlíon (e.g. an blag ‘AbHof’ - ‘Tá an lus súgach ar ais ar deireadh: an réigiún Marchfeld’; Iontráil bhlag GOURMET an 12.4.2020 - ‘Díreach ón talamh! Ár lus súgach ó Marchfeld’; Ögreissler – ‘Lus súgach – an glasra ríoga ó Marchfeld’; Tuarascáil ó Stefan Havranek san iris NÖN, 27.3.2020, ar an bhfeachtas dar teideal ‘Is réalta YouTube é lus súgach as Marchfeld’ – iliomad portráidí scannán leis an eochairfhocal ‘Marchfeldspargel’; Alt i nuachtán Wiener Zeitung an 20.4.2018 dar teideal ‘Lus súgach dona agus bréagach – Bíonn feirmeoirí ón Ostair ag gearán go bhfuil lus súgach allmhairithe á ndíol mar ‘Marchfeldspargel’; Alt san irisleabhar Kurier le Ute Brühl agus Julia Schrenk, 23.4.2021, dar teideal ‘Blas an earraigh’, agus roinnt mhaith eile).

Léiríonn roinnt imeachtaí amhail oscailt mhórthaibhseach shéasúr an lusa shúgaigh ó Marchfeld, corónú ‘banríon an lusa shúgaigh’ agus seachtainí speisialta ‘Marchfeldspargel’ i mbialanna ar fud na hOstaire gur táirge uathúil é TGFC ‘Marchfeldspargel’ a bhfuil cáil fhorleathan air agus mórthábhacht mhaoithneach aige (féach an líon ollmhór amas ar an Idirlíon do na heochairfhocail ‘séasúr an lusa shúgaigh ó Marchfeld’, ‘banríon an lusa shúgaigh ó Marchfeld’ nó ‘ócáid mhórthaibhseach an lusa shúgaigh ó Marchfeld’).

Léiríonn oidis éagsúla, mar shampla le haghaidh pióg, bianna bácáilte, uibheagán nó risotto lusa shúgaigh ó Marchfeld, gan ach cúpla ceann a lua, an traidisiún fada a bhaineann le ‘Marchfeldspargel’ a úsáid i gcócaireacht na hOstaire (féach freisin leabhar 1997 le Ingrid Haslinger dar teideal ‘Der Marchfeldspargel Das Kaisergemüse’ [Lus súgach ó Marchfeld – an glasra impiriúil], arna fhoilsiú ag Verlag Pichler, ina dtugtar mionsonraí ar an stair agus ar na modhanna fáis, agus ina bhfuil roinnt oidis ann, nó an leabhar ó 2006 ‘So kocht Österreich’ [Seo an tslí a ndéantar cócaireacht san Ostair], ina bhfuil 150 de na hoidis is fearr ó phríomhchócairí na hOstaire, arna fhoilsiú ag Residenz-Verlag. Deir preaseisiúint OST0010 an 19.6.2006: ‘Ní hiad gliomach, caibheár nó turbard ach breac, spóla uaineola nó “Marchfeldspargel” na “réaltaí” sa leabhar luachmhar oidis seo’).

Tagairt d’fhoilsiú na sonraíochta

https://www.patentamt.at/herkunftsangaben/marchfeldspargel/ agus is féidir rochtain dhíreach a fháil uirthi freisin trí shuíomh gréasáin Oifig Paitinní na hOstaire (www.patentamt.at) trí nascleanúint a dhéanamh mar a leanas: Trádmharcanna/Cuir isteach ar Thrádmharcanna/Tásca Geografacha. Tá an téacs le feiceáil faoi ainm an tsonrúcháin cháilíochta.

---

(1)  IO L 343, 14.12.2012, lch. 1.