Foilsiú teachtaireachta maidir le leasú caighdeánach a fhormheas, ar leasú é ar shonraíocht táirge atá ann le haghaidh ainm in earnáil an fhíona, dá dtagraítear in Airteagal 17(2) agus (3) de Rialachán Tarmligthe (AE) 2019/33 ón gCoimisiún

(2023/C 230/15)

Foilsítear an teachtaireacht seo i gcomhréir le hAirteagal 17(5) de Rialachán Tarmligthe (AE) 2019/33 ón gCoimisiún (1).

FORMHEAS LEASAITHE CHAIGHDEÁNAIGH A CHUR IN IÚL

‘Jumilla’

PDO-ES-A0109-AM06

Dáta teachtaireachta: 4 Aibreán 2023

TUAIRISC AR AN LEASÚ FORMHEASTA AGUS CÚISEANNA LEIS

1. Dhá chineál nua a chur leis

Tuairisc:

Cuireadh na cineálacha Merseguera agus Viognier leis.

Leasaíodh pointe 6 den tsonraíocht agus pointe 7 den doiciméad aonair.

Is leasú caighdeánach é mar ní chomhlíonann sé aon cheann de na critéir a leagtar síos in Airteagal 105(2) de Rialachán (AE) 1308/2013, CMO aonair.

Cúis:

Cineál geal Viognier.

Ceadaíonn na húdaráis an cineál sin, i réigiún Murcia agus i bPobal Féinrialaitheach Castile-La Mancha araon. Rinne dhá fhíonlann chláraithe agus dheimhnithe de ATFC Jumilla staidéir a bhí mar bhonn leis na tuarascálacha teicniúla. Cuireadh san áireamh iad sin nuair a rinneadh measúnú ar an gcineál maidir lena oiriúnacht fíonta ATFC Jumilla a tháirgeadh. Deimhníonn na tuarascálacha go bhfuil na saintréithe iomchuí talmhaíochta agus fíonbhunaithe ag an gcineál le cur san áireamh sa tsonraíocht don ATFC sin. Is mó na roghanna atá ar fáil d’oibreoirí maidir le fás, táirgeacht agus ina dhiaidh sin an fíon a chur ar an margadh, ach an cineál sin a chuimsiú. Táirge eile do thomhaltóirí atá ann, táirge ina dtugtar le chéile na saintréithe tipiciúla a bhíonn ann de thoradh aeráid agus ithirchineál an ATFC sin, ach saintréith na fíonchaoire a choinneáil mar sin féin.

An cineál geal Merseguera a thabhairt isteach arís.

Ceadaíonn na húdaráis an cineál sin, i réigiún Murcia agus i bPobal Féinrialaitheach Castile-La Mancha araon. Áiríodh an cineál sin mar chineál atá oiriúnach le haghaidh fíonta ATFC Jumilla a dhéanamh. Is é an rún cineál fíonchaoire áitiúil a athshlánú a údaraíodh roimhe sin sa tsonraíocht le haghaidh an ATFC sin. Le himeacht ama, cruthaíodh gur oiriúnaíodh an cineál sin do dhálaí aeráide an limistéir seo, a shaintréithe iomchuí talmhaíochta agus fíonbhunaithe á léiriú go maith le haghaidh fíonta ATFC Jumilla a dhéanamh. Le roinnt blianta anuas, measadh nach raibh na cineálacha fíonchaor geal chomh maith leis na cineálacha dearga, as ar baineadh den tsonraíocht iad. Is léir ón taithí, áfach, go bhfuil na cineálacha geala oiriúnaithe go foirfe don ATFC sin. Thairis sin, táirgeann siad fíonta ag a bhfuil saintréithe de cháilíocht leordhóthanach chun a bheith curtha ar an margadh mar fhíonta ATFC Jumilla, agus dá bhfuil éileamh an mhargaidh ina leith. Cineál geal amháin den sórt sin is ea Merseguera.

2. Athruithe ar na rialacha lipéadaithe

Tuairisc:

Méadaíodh airde uasta cheadaithe na litreacha in ainm an ainmniúcháin tionscnaimh faoi chosaint (‘Jumilla’) ó 10 mm go 20 mm. Ní mór don airde uasta sin a bheith níos lú ná méid an trádmhairc i gcónaí, áfach.

Leasaíodh roinn 8(b)(v) den tsonraíocht táirge agus roinn 9 den doiciméad aonair.

Is leasú caighdeánach é mar ní chomhlíonann sé aon cheann de na critéir a leagtar síos in Airteagal 105(2) de Rialachán (AE) 1308/2013, CMO aonair.

Cúis:

Tá an méadú ar airde uasta ainm an ainmniúcháin tionscnaimh faoi chosaint ar lipéid an fhíona sin beartaithe chun a chur ar chumas na n-oibreoirí an focal ‘JUMILLA’ a dhéanamh níos feiceálaí ar an bpacáistíocht. Cuideoidh é sin é a chur chun cinn do thomhaltóirí.

DOICIMÉAD AONAIR

1. Ainm(neacha)

Jumilla

2. Cineál táisc gheografaigh

STFC – Sonrúchán Tionscnaimh faoi Chosaint

3. Catagóirí na dtáirgí fíniúna

Fíon

3.	Fíon licéir

4. Tuairisc ar an bhfíon nó ar na fionnta

1. Fíonta geala (Jumilla agus Jumilla Dulce)

TUAIRISC THÉACSÚIL GHAIRID

Cuma: dath idir gloiní agus tópás. Glé agus geal.

Dea-bholadh: torthaí úra. D’fhéadadh blasanna torthaí triomaithe a bheith ar na fíonta milse.

Blas: cothromaíocht idir aigéadacht agus milseacht. Sna fíonta milse, tá an mhilseacht níos treise ná an aigéadacht.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	11
Íosmhéid aigéadachta iomláine	4 ghram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	13,3
Uasmhéid dé-ocsaíde sulfair iomláine (mar mhilleagraim in aghaidh an lítir)

2. Fíonta rosé (Jumilla agus Jumilla Dulce)

TUAIRISC THÉACSÚIL GHAIRID

Cuma: dath idir caordhearg agus dath éadrom an bhradáin. Glé agus geal.

Dea-bholadh: torthaí úra. Torthaí dearga. D’fhéadadh blasanna torthaí triomaithe a bheith ar na fíonta milse.

Blas: aigéadacht chothrom. Sna fíonta milse, tá an mhilseacht níos treise ná an aigéadacht.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	11,5
Íosmhéid aigéadachta iomláine	4 ghram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	13,3
Uasmhéid dé-ocsaíde sulfair iomláine (mar mhilleagraim in aghaidh an lítir)

3. Fíonta rosé (Jumilla Monastrell)

TUAIRISC THÉACSÚIL GHAIRID

Cuma: dath idir caordhearg agus dath éadrom an bhradáin. Glé agus geal.

Dea-bholadh: torthaí úra. Torthaí dearga. D’fhéadadh blasanna torthaí triomaithe a bheith ar na fíonta milse.

Blas: aigéadacht chothrom. Sna fíonta milse, tá an mhilseacht níos treise ná an aigéadacht.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	12
Íosmhéid aigéadachta iomláine	4 ghram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	13,3
Uasmhéid dé-ocsaíde sulfair iomláine (mar mhilleagraim in aghaidh an lítir)

4. Fíonta dearga (Jumilla Monastrell)

TUAIRISC THÉACSÚIL GHAIRID

Cuma: dath idir corcairghorm agus donnrua, d’fhéadfadh fíonta milse imir ócair a fhorbairt. Glé agus geal.

Dea-bholadh: torthaí dearga. Torthaí dubha. Tá blasanna torthaí triomaithe ar na fíonta milse.

Blas: aigéadacht chothrom. Tainneach. Sna fíonta milse, tá an mhilseacht níos treise ná an aigéadacht.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	12,5
Íosmhéid aigéadachta iomláine	4 ghram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	13,3
Uasmhéid dé-ocsaíde sulfair iomláine (mar mhilleagraim in aghaidh an lítir)

5. Fíonta dearga (Jumilla agus Jumilla Dulce)

TUAIRISC THÉACSÚIL GHAIRID

Cuma: dath idir corcairghorm agus donnrua, d’fhéadfadh fíonta milse imir ócair a fhorbairt. Glé agus geal.

Dea-bholadh: torthaí dearga. Torthaí dubha. Tá blasanna torthaí triomaithe ar na fíonta milse.

Blas: aigéadacht chothrom. Tainneach. Sna fíonta milse, tá an mhilseacht níos treise ná an aigéadacht.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	12
Íosmhéid aigéadachta iomláine	4 ghram in aghaidh an lítir, arna léiriú mar aigéad tartarach
Uasmhéid aigéadachta luainí (mar mhilleachoibhéisí in aghaidh an lítir)	13,3
Uasmhéid dé-ocsaíde sulfair iomláine (mar mhilleagraim in aghaidh an lítir)

6. Fíonta licéir (Tinto Monastrell)

TUAIRISC THÉACSÚIL GHAIRID

Cuma: dath idir caordhearg agus ócar. Glé agus geal.

Dea-bholadh: torthaí dubha. Torthaí triomaithe.

Blas: tá an mhilseacht níos treise ná an aigéadacht. Tainneach.

*	Ceanglais anailíseacha nach bhfuil sa tábla, tá siad i gcomhréir le reachtaíocht fíona an Aontais atá i bhfeidhm.

Saintréithe anailíseacha ginearálta
Uasmhéid nirt alcóil iomláin (mar % den toirt)
Íosmhéid nirt alcóil iarbhír (mar % den toirt)	15
Íosmhéid aigéadachta iomláine	ina milleachoibhéisí in aghaidh an lítir
Uasmhéid aigéadachta luainí (mar mhilleachoibhéisí in aghaidh an lítir)
Uasmhéid dé-ocsaíde sulfair iomláine (mar mhilleagraim in aghaidh an lítir)

5. Cleachtais fíon oireachta

5.1. Cleachtais fhíoneolaíocha shonracha

An modh saothraithe

Is féidir le fíonghoirt a chumhdaítear san ainmniúchán tionscnaimh faoi chosaint ‘Jumilla’ a bheith faoi réir modhanna saothraithe fairsing nó diansaothraithe.

—	Saothrú fairsing: le haghaidh fíonghoirt ina bhfuil na paraiméadair thalmhaíochta thíos á gcomhlíonadh ag an dlús plandaí ar chúiseanna tír-raoin, airde, báistí agus tosca comhshaoil eile: uasmhéid 1 900 planda in aghaidh an heicteáir agus íosmhéid 1 100 planda in aghaidh an heicteáir.

—	Diansaothrú: le haghaidh fíonghoirt a, de réir dálaí comhshaoil arís, chomhlíonann na paraiméadair thalmhaíochta seo a leanas: dlús plandaithe idir 3 350 agus 1 500 planda in aghaidh an heicteáir.

Cleachtas fíoneolaíochta sonrach

Buaintear na fíonchaora ar bhealach nach ndéanann díobháil dá gcáilíocht. Le haghaidh fíonta a chumhdaíonn an ATFC, ní úsáidtear ach fíonchaora sláintiúla atá sách aibí agus ag 10.70o Baumé ar a laghad le haghaidh fíonchaora geala, agus 11o Baumé le haghaidh fíonchaora dearga.

Ní mór d’fhíonchaora Monastrell atá beartaithe le haghaidh fíon licéir a bheith ag 13o Baumé ar a laghad nuair a bhuantar iad.

Le linn an bhrú, bíonn an t-úrfhíon agus an fíon faoi réir brúnna as a thagann táirgeacht uasta nach féidir, tar éis claochlaithe, a bheith níos mó ná 74 lítear fíona críochnaithe in aghaidh 100 cileagram fíonchaor.

Chun críoch an phróisis aosaithe a ríomh, is é an chéad lá de mhí Dheireadh Fómhair gach bliain a ghlactar mar an tús.

5.2. Uastáirgeacht

1. Cineálacha dearga a shaothraítear go forleathan

5 000 cileagram fíonchaor in aghaidh an heicteáir

37 heictilítear in aghaidh an heicteáir

3. Cineálacha geala a shaothraítear go forleathan

5 625 cileagram fíonchaor in aghaidh an heicteáir

41.62 heictilítear in aghaidh an heicteáir

5. Diansaothrú

8 750 cileagram fíonchaor in aghaidh an heicteáir

64.75 heictilítear in aghaidh an heicteáir

6. Limistéar geografach críochaithe

Cuimsíonn an limistéar táirgthe le haghaidh fíonta a chumhdaíonn ainmniúchán tionscnaimh faoi chosaint ‘Jumilla’ talamh suite laistigh de bhardais Jumilla, i gcúige Murcia, agus Fuentealamo, Albatana, Ontur, Hellín, Tobarra agus Montealegre del Castillo i gcúige Albacete.

7. Cineál/cineálacha fíonchaor

AIREN

CABERNET SAUVIGNON

CHARDONNAY

GARNACHA TINTA

GARNACHA TINTORERA

MACABEO – VIURA

MALVASIA AROMÁTICA - MALVASÍA SITGES

MERLOT

MERSEGUERA

MONASTRELL

MOSCATEL DE GRANO MENUDO

PEDRO XIMENEZ

PETIT VERDOT

SAUVIGNON BLANC

SYRAH

TEMPRANILLO - CENCIBEL

VERDEJO

VIOGNIER

8. Tuairisc ar an nasc (na naisc)

8.1. Fíon

An fhíonchaor is tábhachtaí is ea Monastrell, cineál an-chrua atá oiriúnaithe go foirfe do dhálaí garga an limistéir, lena thriomach, a shamhraí an-te agus sioc san earrach. Táirgtear fíonta tathagacha, méithe leis, lán le halcól agus le haigéadacht agus dea-bholaithe an-sainiúil de thorthaí aibí agus seirbhe atá comhtháite go maith.

Comhlíonann na cineálacha údaraithe eile Monastrell go foirfe, rud a chobhsaíonn an dath agus a chuireann aigéadacht agus inniúlacht aosaithe leis, chomh maith leis na dea-bholaithe a chomhchuibhiú go foirfe.

8.2. Fíonta licéir

Déantar na fíonta sin as Monastrell, cineál a thugann dóibh déine dhatha idir measartha agus an-ard, beagnach teimhneach seans, de thoradh na dteochtaí arda a bhaineann go sonrach leis an limistéar.

9. Coinníollacha breise fíor-riachtanacha (pacáistiú, lipéadú, ceanglais eile)

Lipéadú

Creat dlíthiúil

Sa reachtaíocht náisiúnta

Cineál an choinníll bhreise

Forálacha breise a bhaineann le lipéadú

Tuairisc ar an gcoinníoll

Ní mór ainm an ainmniúcháin tionscnaimh faoi chosaint a bheith go feiceálach ar na lipéid, i gcló nach mór a bheith 3 mhilliméadar in airde ar a laghad agus 20 milliméadar in airde ar a mhéad. Ní mór don airde uasta sin a bheith níos lú ná méid an trádmhairc freisin.

Ní mór an ainm a bheith taobh leis na focail ‘Denominación de Origen Protegida’ [ainmniúchán tionscnaimh faoi chosaint] nó ‘Denominación de Origen’ [ainmniúchán tionscnaimh], focail nach mór iad a bheith i gclófhoireann 2 mhilliméadar ar airde ar a laghad, ach nach mór iad a bheith níos lú i gcónaí ná ainm ATFC a ghabhann leis.

Is iad na tagairtí eile a bheidh ann na tagairtí a leagtar síos sa reachtaíocht ghinearálta maidir le lipéadú fíona, agus sna rialacha sonracha agus sna rialacháin maidir le lipéadú a bhunaigh an Bord Rialála agus atá i bhfeidhm faoi láthair.

Ní mór séalaí cáilíochta, lipéid thánaisteacha nó lipéid uimhrithe arna eisiúint ag an mBord Rialála a bheith sa phacáistíocht. Ní mór don fhíonlann iad sin a ghreamú agus ní mór dóibh a bheith infheicthe ar an bpacáistíocht ar bhealach a chuireann cosc ar a n-athúsáid.

Fíonta a iompar

Creat dlíthiúil

Le haghaidh eagraíocht a bhainistíonn ATFCanna/TGFCanna, i gcás ina ndéanann Ballstáit foráil dó.

Cineál an choinníll bhreise

Pacáistiú laistigh den limistéar geografach críochaithe

Tuairisc ar an gcoinníoll

Ní mór an fíon a phacáistiú go heisiach i saoráidí lonnaithe laistigh de limistéar táirgthe ATFC Jumilla.

Chun úsáid iomchuí an ATFC a áirithiú, ní mór na fíonta cosanta uile a sheoladh sa phacáistíocht.

Ní chríochnaíonn táirgeadh na bhfíonta ag a bhfuil ainmniúchán tionscnaimh le húrfhíon a aistriú go fíon trí choipeadh alcólach agus próisis bhreise eile, ach le pacáistiú. Ní mór é sin a mheas mar an chéim deiridh i dtáirgeadh na bhfíonta sin, toisc go bhfuil cleachtais fhíoneolaíocha eile mar chuid den phróiseas a dhéanfadh difear do na saintréithe speisialta, is iad sin: scagadh, cobhsú agus cineálacha beart ceartaitheach éagsúla. Thairis sin, in roinnt mhaith cásanna, bíonn gá le tréimhse aosaithe i mbuidéil chun corr a chur ar iarbhlas an fhíona. Anuas air sin, is léir go méadaítear an riosca go dtiocfadh athruithe ar an táirge trí iompar thar achair fhada nó ar feadh tréimhsí fada, athruithe amhail ocsaídiú nó athruithe teochta a dhéanann dochar don cháilíocht. Dá bhrí sin, chun cáilíocht an fhíona a chaomhnú, is gá é a chur i mbuidéil laistigh de limistéar críochaithe an ATFC.

Ceapann údarás inniúil na Spáinne an comhlacht rialúcháin agus déanann an Comhlacht Náisiúnta Creidiúnaithe é a chreidiúnú faoi ISO 17065 maidir le deimhniúchán táirgí. I gcás toirteanna builc a sheoltar chuig oibreoirí taobh amuigh den limistéar críochaithe, ní féidir leis an gcomhlacht rialúcháin ach tionscnamh agus comhlíontacht le ATFC Jumilla a ráthú chomh fada le pointe an tseolta. Ar chúiseanna lóistíochta agus costais, áfach, ní fhéadfaidh an comhlacht rialúcháin a oibriú i dtíortha cinn scríbe nach ndéanann, sa chleachtas, na húdaráis náisiúnta inniúla rialuithe iontu ach oiread. Téann thart faoi 75 % de choinsíneachtaí chuig tríú tíortha. Dá dheasca sin, ní bhíonn a fhios ag an gcomhlacht rialúcháin conas a chuirtear na fíonta sin ar an margadh. Is eol dó nach dtaispeántar an lipéad tánaisteach ná an séala uimhrithe ar na buidéil mar is gá toisc nach mbíonn iarrataí orthu ó na hoibríochtaí buidéalaithe. Ciallaíonn sé sin nár cheart oibríochtaí buidéalaithe a bhaineann le ATFC Jumilla a bheith taobh amuigh den limistéar críochaithe. Dá bhrí sin, chun an tionscnamh a ráthú agus chun rialú a choimirciú, is gá an fíon uile a chur i mbuidéil laistigh den limistéar críochaithe.

Nasc chuig an tsonraíocht táirge

https://www.mapa.gob.es/es/alimentacion/temas/calidad-diferenciada/dop-igp/htm/DOP_Jumilla.aspx

(1) IO L 9, 11.1.2019, lch. 2.