MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Baineann an togra seo le modhnú ar Threoir 2009/18/CE ó Pharlaimint na hEorpa agus ón gComhairle an 23 Aibreán 2009 lena mbunaítear na bunphrionsabail a rialaíonn imscrúdú ar thionóiscí in earnáil an mhuiriompair agus lena leasaítear Treoir 1999/35/CE ón gComhairle agus Treoir 2002/59/CE ó Pharlaimint na hEorpa agus ón gComhairle 1 .

Foráiltear le Treoir 2009/18/CE (dá ngairtear an Treoir anseo feasta) do chóras imscrúduithe sábháilteachta chun ceachtanna a fhoghlaim ó thionóiscí muirí agus chun iad a chosc ó bheith ag tarlú in athuair. Déantar imscrúdú ar thionóiscí muirí a thagann faoi raon feidhme na Treorach chun sábháilteacht mhuirí a fheabhsú agus chun an mhuirthimpeallacht a chosaint.

Mar chuid dá chlár um oiriúnacht agus feidhmíocht rialála (REFIT) agus dá chlár oibre maidir le rialáil níos fearr, rinne an Coimisiún meastóireacht ex post 2 agus seiceáil oiriúnachta muiriompair 3 in 2018. Tháinig siad ar an gconclúid, cé gur bhain an Treoir a cuspóirí amach den chuid is mó agus gur chuir sí breisluach AE ar fáil, gur gá í a nuashonrú agus roinnt feabhais a chur uirthi. Is é cuspóir ginearálta an athbhreithnithe ar an Treoir sábháilteacht mhuirí a fheabhsú agus chun an mhuirthimpeallacht a chosaint. Ba cheart creat rialála reatha an Aontais a nuashonrú chun (i) rialacha an Aontais a choimeád i gcás inar gá agus ina bhfuil sé comhréireach; (ii) a áirithiú go gcuirfear chun feidhme i gceart iad; agus (iii) deireadh a chur le haon fhorluí féideartha idir oibleagáidí agus neamhréireachtaí idir píosaí gaolmhara reachtaíochta. Is é an cuspóir uileghabhálach creat dlíthiúil soiléir, simplí agus cothrom le dáta a sholáthar a mhéadaíonn leibhéal foriomlán na sábháilteachta.

I gcás longa a bhíonn ag gabháil do thurais idirnáisiúnta, lena n‑áirítear turais idir na Ballstáit, beidh feidhm ag coinbhinsiúin idirnáisiúnta agus rialacha áirithe de chuid an Aontais. Maidir leis an oibleagáid imscrúdú a dhéanamh ar thaismigh mhuirí nó ar theagmhais loingseoireachta, tá a bunús le fáil i gCoinbhinsiún na Náisiún Aontaithe maidir le Dlí na Farraige 4 (UNCLOS) lena bhforchuirtear oibleagáid ar an stát brataí imscrúdú a dhéanamh.

D’fhorbair an Eagraíocht Mhuirí Idirnáisiúnta (IMO) an Cód maidir le hImscrúdú Taismeach ina dhiaidh sin 5 . Ceanglaítear leis an gCód go ndéanfar imscrúdú sábháilteachta ar thaismigh lena mbaineann caillteanas iomlán na loinge nó bás nó damáiste tromchúiseach don chomhshaol. Moltar leis freisin go ndéanfadh Stát brataí loinge lena mbaineann imscrúduithe ar thaismigh agus ar theagmhais mhuirí eile, má mheastar gur dócha go soláthródh sé faisnéis a d’fhéadfaí a úsáid chun tionóiscí amach anseo a chosc.

Déanann gníomhaíocht an Aontais i réimse na sábháilteachta muirí an creat idirnáisiúnta a chomhlánú agus a chur chun feidhme. Nuair a dhéantar rialacha IMO a thrasuí i gcóras dlí an Aontais, bíonn na forálacha sin inghníomhaithe os comhair Chúirt Bhreithiúnais an Aontais Eorpaigh chun a áirithiú go ndéantar iad a fhorfheidhmiú go haonfhoirmeach ar fud an Aontais.

Glactar céim níos faide sa Treoir ná mar atá i gCód IMO maidir le hImscrúdú Taismeach trí oibleagáid a chur ar na Ballstáit comhlachtaí neamhspleácha um imscrúdú tionóiscí (‘CITanna’) a chur ar bun agus a shonrú ina reachtaíocht náisiúnta go dtugtar fógra do na CITanna sin maidir le taismigh agus teagmhais mhuirí 6 . Ba cheart do na CITanna imscrúdú a dhéanamh ar thionóiscí ag brath ar a ndéine, agus ceanglaítear imscrúdú éigeantach i gcás ‘taismigh mhuirí an‑tromchúiseacha’ 7 . Tá na cineálacha soithí a chumhdaítear leis an Treoir níos leithne ná an méid a chumhdaítear le téacs IMO lena n‑áirítear soithí iascaireachta 15 mhéadar ar fhad agus os a chionn agus luaimh phléisiúir agus árthaí pléisiúir i gcúinsí áirithe. Déantar foráil sa Treoir freisin go leanfar modheolaíocht chomhchoiteann agus imscrúduithe á ndéanamh agus sonraítear inti na coinníollacha chun imscrúduithe comhthreomhara/comhpháirteacha a dhéanamh. Ceanglaítear leis an Treoir ar CITanna tuarascálacha a fhoilsiú ar na himscrúduithe a dhéantar (tuarascálacha ar imscrúdú sábháilteachta). Ba cheart dóibh fógra a thabhairt don Choimisiún freisin maidir le taismigh agus teagmhais mhuirí trí bhunachar sonraí (an tArdán Eorpach um Fhaisnéis faoi Thaismigh Mhuirí – EMCIP), arna bhunú agus arna chothabháil ag an nGníomhaireacht Eorpach um Shábháilteacht Mhuirí 8 (EMSA) chun na críche sin.

I gclár 2018 um Oiriúnacht agus Feidhmíocht Rialála (REFIT) agus sa tseiceáil oiriúnachta muiriompair, cuireadh i dtábhacht gur ghá comhsheasmhacht sa chreat rialála ar fud na mBallstát, agus forfheidhmiú éifeachtach na n‑oibleagáidí idirnáisiúnta ar bhealach aonfhoirmeach agus comhchuibhithe, a áirithiú. Tuairiscíodh go forleathan go raibh fadhbanna ag baint le heasnaimh sa Treoir reatha agus lena cur chun feidhme ag na Ballstáit mar gheall ar dhúshláin a bhaineann le hacmhainní, soláthar foirne agus saineolas.

Seachas an gá atá leis an Treoir a thabhairt cothrom le dáta chun athruithe dlíthiúla, comhshaoil agus teicneolaíochta a tharla san am ó glacadh í a chur san áireamh, tá sé riachtanach freisin na ceachtanna a foghlaimíodh agus í á cur chun feidhme a chur san áireamh. Sa mheastóireacht ex post, ardaíodh neamh‑infheidhmeacht an acquis sábháilteachta muirí i ndáil le catagóir áirithe soithí (soithí iascaireachta) a oibríonn in uiscí AE agus na hábhair imní shuntasacha i leith sábháilteachta don chineál sin soithigh freisin.

I bhfianaise thorthaí na meastóireachta ex post agus na Seiceála Oiriúnachta Muiriompair, agus leis an gcuspóir ginearálta chun sábháilteacht agus cosaint an chomhshaoil a fheabhsú agus creat rialála an Aontais a shimpliú agus cabhrú leis na Ballstáit a bhfreagrachtaí rialála idirnáisiúnta agus AE a chomhlíonadh, ullmhaíodh togra chun Treoir 2009/18/CE a leasú. Is iad seo a leanas cuspóirí sonracha an athbhreithnithe:

–Árthaí iascaireachta, a gcriú agus an comhshaol a chosaint. Ní áirítear soithí iascaireachta atá níos lú ná 15 mhéadar ar fhad laistigh de raon feidhme reatha na Treorach, rud a chiallaíonn nach ndéantar imscrúdú ar thionóiscí a bhaineann le básanna agus caillteanas soithí ar bhealach córasach agus comhchuibhithe ar fud an Aontais Eorpaigh.

–Chun sainmhínithe agus an téacs dlíthiúil a shoiléiriú ionas go ndéanfaidh na Ballstáit imscrúdú ar na tionóiscí uile is gá a imscrúdú ar bhealach tráthúil agus comhchuibhithe.

–Feabhas a chur ar chumas CITanna imscrúduithe tionóiscí a dhéanamh (agus tuairisc a thabhairt orthu) ar bhealach tráthúil, saineolach agus neamhspleách - lena n‑áirítear maidir le breoslaí agus teicneolaíochtaí in‑athnuaite agus ísealcharbóin.

–Roinnt sainmhínithe agus tagairtí do reachtaíocht ábhartha AE agus do Rialacháin IMO a nuashonrú chun soiléireacht agus comhsheasmhacht a áirithiú.

•Comhsheasmhacht le forálacha beartais atá sa réimse beartais cheana

Tá an togra comhsheasmhach go hiomlán le Treoir 2009/16/CE 9 maidir le rialú na Stát calafoirt agus le Treoir 2009/21/CE 10 maidir le ceanglais na Stát brataí. Ní mór na trí Threoir - iad go léir á leasú ag an am céanna - a bheith comhleanúnach lena chéile agus, in aon athrú atá beartaithe ar cheann acu, ní mór an dá Threoir eile agus an timpeallacht rialála idirnáisiúnta níos leithne a chur san áireamh. Tá cuidiú sna ceachtanna a foghlaimíodh ó imscrúduithe sábháilteachta agus na moltaí sábháilteachta a d’eascair astu do na stáit bhrataí agus do na na heagraíochtaí aitheanta a ghníomhaíonn thar a gceann chun próifíl sábháilteachta na soithí atá faoina bhfreagracht a fheabhsú.

•Comhsheasmhacht le beartais eile de chuid an Aontais

Tá an togra mar chuid de chlár REFIT an Choimisiúin agus cuireann sé a chlár oibre maidir le Rialáil Níos Fearr i gcrích trína áirithiú go bhfuil an reachtaíocht atá ann cheana simplí agus soiléir, nach gcruthaíonn sí ualach nach bhfuil gá leis agus go gcoinnítear cothrom le dáta leis na forbairtí polaitiúla, sochaíocha agus teicneolaíocha atá ag teacht chun cinn. Tá an togra seo le haghaidh leasaithe chomh maith leo siúd le haghaidh na dTreoracha eile maidir le sábháilteacht mhuirí mar chuid den acquis sábháilteachta muirí níos leithne agus tá idirghníomhaíocht shuntasach acu leis, lena n‑áirítear gnéithe amhail córas faireacháin agus faisnéise tráchta soithí an Aontais (SafeSeaNet) 11 , Rialachán bunaidh EMSA 12 , an Treoir um shábháilteacht soithí iascaireachta 13 , reachtaíocht an Aontais a bhaineann le hEagraíochtaí Aitheanta 14 , an Treoir Réime um Straitéis Mhuirí 15 agus reachtaíocht chomhshaoil eile an Aontais 16 .

Tá an togra i gcomhréir le cuspóir an Aontais a bheith aeráidneodrach faoi 2050 agus rannchuidíonn sé leis mar a leagtar amach in Airteagal 2(1) de Rialachán (AE) 2021/1119 17 ó Pharlaimint na hEorpa agus ón gComhairle lena mbunaítear creat an Aontais chun aeráidneodracht a bhaint amach.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Is é Airteagal 100(2) CFAE bunús dlí na Treorach Leasaithí, lena bhforáiltear do bhearta chun sábháilteacht iompair a fheabhsú agus d’fhorálacha sonracha maidir le muiriompar.

•Coimhdeacht (i gcás inniúlacht neamheisiach)

Os rud é gur inniúlacht eisiach de chuid an Aontais i gcomhréir le hAirteagal 3(2) CFAE iad ionstraimí imscrúdaithe tionóiscí idirnáisiúnta san earnáil mhuiriompair, níl feidhm ag prionsabal na coimhdeachta maidir leis na hionstraimí sin ná maidir le rialacha an Aontais lena gcuirtear na comhaontuithe sin chun feidhme. Fiú murab amhlaidh an cás, ní bheadh na Ballstáit ag gníomhú dóibh ina n‑aonar in ann aghaidh a thabhairt ar na fadhbanna uile a sainaithníodh agus, dá ndéanfaidís amhlaidh, bheadh ilroinnt reachtaíochta agus saobhadh féideartha ar an margadh inmheánach mar thoradh air. Chun creat dlíthiúil ilroinnte den sórt sin a sheachaint, tá gá le gníomhaíocht AE.

Tá imní ar gach Ballstát faoin Treoir mar Stáit bhrataí, Stáit chósta nó Stáit a bhfuil leas substainteach acu.

•Comhréireacht

Ullmhaíodh an togra chun coinneáil cothrom le dáta leis na forbairtí idirnáisiúnta is déanaí agus chun aghaidh a thabhairt ar thorthaí na gcleachtaí REFIT a luaitear thuas. Rinne an Coimisiún measúnú tionchair freisin chun bearta malartacha a shainaithint agus a mheas chun na cuspóirí céanna a bhaint amach.

Is é cuspóir an leasaithe atá beartaithe an tsábháilteacht mhuirí a fheabhsú. Bainfear é seo amach trí thaismigh a imscrúdú agus foghlaim uathu chun tionóiscí den chineál céanna a chosc sa todhchaí. Meastar go bhfuil sé comhréireach an raon feidhme a shíneadh chun cineálacha áirithe tionóiscí a chumhdach a bhaineann le soithí iascaireachta níos lú. Is cosúil go bhfuil na costais bhreise is gá do CITanna chun taismigh mhuirí an‑tromchúiseacha (TMATanna) a imscrúdú a bhaineann le soithí iascaireachta níos lú ná 15 mhéadar teoranta, go háirithe, i gcomparáid leis na feabhsuithe sábháilteachta féideartha. Áiritheofar leis an leasú nach gcuirfear an t‑ardleibhéal sábháilteachta atá ann faoi láthair i mbaol agus ba cheart go bhfeabhsódh sé sábháilteacht in earnáil na hiascaireachta.

•An rogha ionstraime

Ós rud é nach bhfuil ach roinnt leasuithe le déanamh i ndáil le Treoir 2009/18/CE, is é Treoir leasaitheach an ionstraim dlí is iomchuí.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

Léiríodh sa tseiceáil oiriúnachta go bhfuil príomhchuspóirí na Treorach á gcomhlíonadh ar an iomlán agus go bhfuil siad an‑ábhartha i gcónaí. Gan an Treoir um Imscrúdú Tionóiscí, ní dócha go gcuirfí na 16 CIT a bunaíodh ó 2009 i bhfeidhm. Go deimhin, roimh 2009 rinne an chuid is mó de na Stáit imscrúduithe go príomha chun críocha ionchúisimh choiriúil má rinne siad amhlaidh ar chor ar bith. Chuir cruthú CITanna borradh faoi imscrúduithe tionóiscí ar chúiseanna sábháilteachta, le béim ar neamhspleáchas agus ar mholtaí sábháilteachta a fhorbairt chun críocha tionóiscí a chosc. Ina theannta sin, tháinig an mheastóireacht ar an gconclúid go soláthraítear leis an Treoir creat comhsheasmhach chun tionóiscí muirí a imscrúdú agus ar an gcaoi sin áirithítear léi go ndéantar imscrúduithe ar thionóiscí ar bhealach aonfhoirmeach agus comhchuibhithe ar fud an Aontais.

Mar thoradh ar chineál éigeantach na Treorach tá tuairisciú comhchuibhithe ar thionóiscí agus ar theagmhais, toisc go gcaithfear sraith chaighdeánach ceanglas a chomhlíonadh. Ba é conclúid fhoriomlán na meastóireachta bunaithe ar an measúnú ar ábharthacht, éifeachtacht, éifeachtúlacht, comhleanúnachas agus breisluach AE gur chomhlíon an Treoir ionchais den chuid is mó, ag baint amach tairbhí ar fud an Aontais.

Mar sin féin, tuairiscíodh go forleathan go raibh fadhbanna ag baint le heasnaimh sa chreat beartais reatha mar gheall ar dhúshláin a bhaineann le hacmhainní, soláthar foirne agus saineolas.

•Comhairliúcháin leis na páirtithe leasmhara

Áiríodh iad seo a leanas ar na príomhghníomhaíochtaí comhairliúcháin:

- Trí bhabhta agallamh le hionadaithe príomhpháirtithe leasmhara ar leibhéal an Aontais arna n‑eagrú ag an gcomhairleoir atá i gceannas ar an staidéar tacaíochta seachtrach, arna reáchtáil ó am go chéile ó mhí Feabhra 2021 go mí na Samhna 2021, chun faisnéis shonrach a bhailiú, go háirithe chun tacú le sainiú foriomlán na bhfadhbanna agus na roghanna beartais féideartha agus iad a bheachtú.

- Suirbhé spriocdhírithe páirtithe leasmhara arna eagrú ag an gcomhairleoir atá i gceannas ar an staidéar tacaíochta seachtrach, arna reáchtáil ó mhí an Mheithimh go mí na Samhna 2021, chun faisnéis shonrach a bhailiú, go háirithe chun sainiú na faidhbe, an bhunlíne agus, nuair is féidir, an measúnú ar thionchair na mbeart beartais a d’fhéadfadh a bheith ann a bheachtú.

- Gníomhaíochtaí comhairliúcháin breise arna n‑eagrú ag AS MOVE agus ag an gcomhairleoir atá i gceannas ar an staidéar tacaíochta seachtrach chun tuairimí a bhailiú ó na Ballstáit agus ó phríomhpháirtithe leasmhara maidir leis na bearta beartais éagsúla, agus freisin chun torthaí atá ag teacht chun cinn agus torthaí deiridh an staidéir tacaíochta a bhailíochtú don mheasúnú tionchair atá dírithe ar na tionchair a chainníochtú. Tharla na gníomhaíochtaí sin le linn chruinnithe an Choiste AE le haghaidh Idirphlé Sóisialta in Earnáil an mhuiriompair (an 16 Aibreán 2021, an 23 Meán Fómhair 2021 agus an 16 Nollaig 2021), le linn chruinnithe an Choiste AE le haghaidh Idirphlé Sóisialta san Earnáil Iascaigh Mhara (an 29 Eanáir 2021, an 8 Márta 2021 agus an 16 Samhain 2021), le linn chruinnithe an Choiste AE le haghaidh Idirphlé Sóisialta in Earnáil na gcalafort (an 19 Samhain 2021), le linn chruinnithe Chreat Buanchomhair CITanna (an 10 Márta 2021, an 18 Meitheamh 2021, an 29 Lúnasa 2021, an 22 Meán Fómhair 2021 agus an 7 Deireadh Fómhair 2021), le linn chruinniú neamhfhoirmiúil Stiúrthóirí Muiriompair an Aontais/LEE (an 30 Samhain 2021) agus le linn chruinnithe an Choiste AE um Sábháilteacht ar Muir agus um Thruailliú ó Longa a Chosc (an 17 Bealtaine 2021 agus an 11 Samhain 2021). Eagraíodh ceardlann bailíochtaithe dheiridh freisin chun conclúidí an staidéir tacaíochta ar fhreastail ionadaithe na mBallstát agus ionadaithe tionscail air a bhailíochtú (an 20 Eanáir 2022).

- I bhfianaise chineál an‑teicniúil an chomhaid, ní dhearnadh aon chomhairliúchán poiblí oscailte. Mar sin féin, tairgeadh an deis don phobal i gcoitinne aon tuairim a thabhairt ar an tionscnamh seo, trí fhógra ar leathanach gréasáin AS MOVE agus bosca ríomhphoist feidhmiúil tiomnaithe. Fuarthas tuairim amháin ó chomhlachas úinéirí long a bhain le himscrúdú tionóiscí inar cuireadh fáilte roimh an laghdú ar an ualach riaracháin agus an tacaíocht a d’fhéadfadh a bheith ann do CITanna ó EMSA.

Bhí an fhaisnéis a bailíodh ó pháirtithe leasmhara ríthábhachtach chun ligean don Choimisiún dearadh na roghanna beartais a bheachtú chun a dtionchair eacnamaíocha, shóisialta agus chomhshaoil a mheas, iad a chur i gcomparáid lena chéile agus a chinneadh cén rogha ar dóigh di an cóimheas tairbhí/costas don tsochaí a uasmhéadú agus meicníocht níos éifeachtaí agus níos éifeachtúla a áirithiú chun tionóiscí muirí ar fud an Aontais a imscrúdú. Chomhlánaigh torthaí na bpróiseas sin an taighde deisce a rinneadh mar chuid den staidéar tacaíochta seachtrach.

•Bailiú agus úsáid saineolais

Tógann an t‑athbhreithniú seo go príomha ar na sonraí a bailíodh le linn mheastóireacht ex post 2018 agus an tseiceáil oiriúnachta muiriompair a luadh roimhe seo.

Chomh maith leis na sonraí a bailíodh agus an comhairliúchán a rinneadh, bhí gá le hionchur ó shaineolaithe teicniúla agus dlíthiúla maidir le sainmhínithe teicniúla a fhoirmliú go nithiúil agus maidir le dréachtú soiléir dlí chun an togra seo a ullmhú. Bailíodh an saineolas seo laistigh den Choimisiún, EMSA agus de Chreat Buanchomhair na CITanna. Soláthraítear mionsonraí sa doiciméad inmheánach oibre a ghabhann leis an togra.-

•Measúnú tionchair

Tá an togra bunaithe ar thorthaí measúnaithe tionchair a raibh staidéar tacaíochta a rinne comhairleoir seachtrach ag a bhfuil saineolas sa réimse seo mar bhonn eolais aige.

Scrúdaíodh sa mheasúnú tionchair roghanna beartais difriúla chun an Treoir a leasú, arna bhunú ar na treoirphrionsabail seo a leanas:

(1) An gá atá le hailíniú le hionstraimí idirnáisiúnta agus soiléireacht maidir le sainmhínithe achrannacha nó débhríocha;

(2) Raon feidhme thacaíocht EMSA leis na Ballstáit chun a n‑oibleagáidí tuairiscithe agus imscrúdaithe faoin Treoir agus faoin dlí idirnáisiúnta a chomhlíonadh;

(3) An fhéidearthacht aghaidh a thabhairt ar an bhfadhb shonrach i dtaca le tionóiscí a bhaineann le soithí iascaireachta níos lú.

Léirítear na prionsabail sin sna cuspóirí beartais ar a ndéantar cur síos thíos.

Moltar i Rogha A roinnt athruithe ar an Treoir chun sábháilteacht mhuirí agus cosc ar thruailliú a fheabhsú. Faoin rogha seo bheadh an raon feidhme mar an gcéanna i gcónaí agus bheadh an tsolúbthacht atá acu faoi láthair fós ag na comhlachtaí um imscrúdú tionóiscí (ar a dtugtar ‘Údaráis um imscrúdú sábháilteachta muirí’ anois i gcomhréir le téarmaíocht IMO). Maidir le saincheist na soithí iascaireachta, molann an rogha seo beart neamhrialála trína molfar do Bhallstáit tuairisc a thabhairt ar VSMCanna [taismigh mhuirí an‑tromchúiseacha]. Éilítear leis an rogha beartais seo mar aon leis na cinn eile go léir córas bainistíochta cáilíochta (QMS) a chur i bhfeidhm chun a áirithiú go ndéanann gach údarás um imscrúdú bainistíocht éifeachtach ar acmhainní agus ar chruinneas tuarascálacha imscrúdaithe sábháilteachta.

Féachtar le Rogha B comhchuibhiú níos fearr a chothromú trí bhíthin sainmhínithe níos soiléire le ceanglas teoranta breise le haghaidh soithí iascaireachta níos lú. Maidir le soithí iascaireachta, leasófaí an Treoir chun oibleagáid a chur ar Bhallstáit gach bás agus caillteanas soithigh a bhaineann le soithí iascaireachta níos lú ná 15 mhéadar a thuairisciú do EMCIP. Dhíreofaí ar na saincheisteanna ailínithe agus soiléirithe tríd an Treoir a leasú. Maidir le cuidiú le húdaráis um imscrúdú na mBallstát i ndáil le himscrúduithe tionóiscí a dhéanamh (agus tuairisciú a dhéanamh orthu), ní dhéantar ról tacaíochta EMSA a mhéadú thar an méid dá bhforáiltear sa reachtaíocht atá ann faoi láthair. Laghdaítear an t‑ualach tuairiscithe ar údaráis um imscrúdú beagán trí raon na n‑údarás inniúil a leathnú ar féidir leo tuairisciú don bhunachar sonraí.

Is é Rogha C an rogha is uaillmhianaí maidir le ceanglais mhéadaithe riaracháin agus imscrúdaithe do na húdaráis um imscrúdú. Maidir le soithí iascaireachta, cuirfidh an rogha seo d’oibleagáid ar údaráis um imscrúdú ní hamháin tuairisc a thabhairt ar bhásanna agus ar chaillteanais soithí i ndáil le soithí beaga iascaireachta ach freisin réamh‑mheasúnú a dhéanamh ar a laghad chun a chinneadh an féidir ceachtanna a fhoghlaim agus an gá imscrúdú iomlán a dhéanamh. Ba é conclúid an mheasúnaithe tionchair gurb é Rogha C an rogha beartais is éifeachtaí agus dá bhrí sin an rogha beartais thosaíochta. Cé go bhfuil na costais bhreise is airde ag rogha C, agus costais i gcomparáid le tairbhí á mbreithniú, beidh an tionchar is mó ag Rogha C maidir le sábháilteacht mhuirí a fheabhsú.

Tá tuarascáil ar an measúnú tionchair ag gabháil leis an togra seo 18 , ar cuireadh dréacht di faoi bhráid an Bhoird um Ghrinnscrúdú Rialála (RSB) i mí Aibreáin 2022. D’eisigh an RSB tuairim dhearfach agus rinneadh an tuarascáil ar an measúnú tionchair a athbhreithniú de réir mholtaí RSB, tugtar aghaidh ar bharúlacha RSB sa doiciméad inmheánach oibre a ghabhann leis an togra reachtach seo.

• Cur i bhfeidhm an chur chuige ‘ceann amháin isteach, ceann amháin amach’

Níltear ag súil le costais riaracháin bhreise do ghnólachtaí nó do shaoránaigh.

• Oiriúnacht rialála agus simpliú

Tá gné REFIT ag baint leis an tionscnamh maidir le reachtaíocht sábháilteachta a ailíniú agus a shimpliú, maidir le próifíl sábháilteachta na deighleoige soithí beaga iascaireachta go háirithe a fheabhsú agus maidir le cuidiú le CITanna na mBallstát a bhfeidhmeanna tuairiscithe agus imscrúdaitheacha a chomhlíonadh.

Ina theannta sin, cuimsítear sa rogha beartais thosaíochta gnéithe simplithe toisc go méadóidh sé éifeachtúlacht na CITanna náisiúnta trí shoiléireacht a sholáthar maidir le cathain is gá dóibh imscrúduithe a dhéanamh, ní bheidh ar CITanna réamh‑mheasúnú a dhéanamh ar thaismigh thromchúiseacha a thuilleadh agus is féidir leis na CITanna an fhéidearthacht sonraí a ionchur i mbunachar sonraí EMCIP a tharmligean chuig údaráis inniúla eile. Leis an gcúnamh breise a thugann EMSA do na CITanna sin a iarrann tacaíocht oibríochtúil, ba cheart go gcuirfí feabhas freisin ar cháilíocht agus ar chainníocht na n‑imscrúduithe a dhéantar agus ba cheart go gcuirfí lena gcomhchuibhiú agus lena gcaighdeánú ar fud an Aontais ina theannta sin.

• Cearta bunúsacha

Níl aon iarmhairt ag an togra seo maidir le cosaint na gceart bunúsach.

4.IMPLEACHTAÍ BUISÉADACHA

Is é atá sna costais bhliantúla bhreise mheasta do bhuiséad an Aontais tuairim is EUR 1.88 milliún in aghaidh na bliana in 2030 agus EUR 1.93 milliún in aghaidh na bliana in 2050. Déantar cur síos níos mionsonraithe ar thionchar buiséadach an togra sa Ráiteas Airgeadais Reachtach atá i gceangal leis an togra seo mar fhaisnéis. Tá tionchar buiséadach an togra san áireamh cheana féin sa Togra ón gCoimisiún le haghaidh Rialachán ó Pharlaimint na hEorpa agus ón gComhairle maidir leis an nGníomhaireacht Eorpach um Shábháilteacht Mhuirí agus lena n‑aisghairtear Rialachán (CE) Uimh. 1406/2002.

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

5.EILIMINTÍ EILE

•Socruithe faireacháin, meastóireachta agus tuairiscithe

Sainaithníodh socruithe leormhaithe faireacháin agus tuairiscithe. Tá ról tábhachtach ag EMSA sa phróiseas seo, óir is í an Ghníomhaireacht í atá i gceannas ar fhorbairt agus oibriú chórais sonraí leictreonacha an mhuiriompair.

Is féidir faireachán a dhéanamh ar an gcur chun feidhme trí fhaireachán a bheith á dhéanamh ar bhunachar sonraí EMCIP ag an gCoimisiún agus/nó ag EMSA chun a fhíorú go mbíonn imscrúduithe á ndéanamh ar bhealach tráthúil agus éifeachtach agus go ndéantar na sonraí maidir le taismigh mhuirí nó maidir le fógraí faoi theagmhais mhuirí dá bhforáiltear in Iarscríbhinn II den Treoir agus na tuarascálacha imscrúduithe sábháilteachta a uaslódáil chuig an mbunachar sonraí. Tugann EMSA faoi thimthriallta cuairteanna ar na Ballstáit freisin chun oibríochtaí ar an talamh a fhíorú mar chuid de ról tacaíochta EMSA don Choimisiún 19 . Beidh ar na Ballstáit córas bainistíochta cáilíochta (QMS) a bheith i bhfeidhm acu chun a dheimhniú go bhfuil a eagrú, a bheartais, a phróisis, a acmhainní agus a dhoiciméadacht iomchuí chun a chuspóirí a bhaint amach. Ní mór é seo a dheimhniú agus é a bheith faoi réir iniúchadh tréimhsiúil ina dhiaidh sin. Beidh ar údaráis um imscrúdú torthaí na n‑iniúchtaí bliantúla arna ndéanamh ag an gcomhlacht creidiúnaithe a roinnt leis an gCoimisiún/EMSA ionas gur féidir leis an údarás um imscrúdú a dheimhniú QMS a choinneáil.

Ós rud é gur tréimhse 5 bliana a sceidealaíodh i gcomhair fhad thimthriall iomlán chuairteanna cur chun feidhme EMSA a bheartaítear 20 , moltar go socrófar timthriall meastóireachta na Treorach ag eatraimh deich mbliana.

•Doiciméid mhíniúcháin (i gcás treoracha)

Níl gá le doiciméid mhíniúcháin óir go bhfuil sé mar aidhm leis an togra an córas atá ann cheana a shimpliú agus a shoiléiriú.

•Míniúchán mionsonraithe ar fhorálacha sonracha an togra

Is é Airteagal 1 den dréacht‑Treoir leasaitheach an phríomhchuid de agus tá leasuithe ar roinnt mhaith forálacha i dTreoir 2009/18/CE ann.

Comhlíonadh Chód IMO maidir le hImscrúdú Taismeach

Déantar roinnt sainmhínithe agus tagairtí a nuashonrú chun athruithe sa timpeallacht rialála idirnáisiúnta a chur san áireamh. Go sonrach, déantar an tagairt do Chód IMO maidir le hImscrúdú Taismeach a nuashonrú, déantar roinnt sainmhínithe a fhaightear in Airteagal 3 den Treoir atá le tuiscint i gcomhréir leis na sainmhínithe atá i gCód IMO maidir le hImscrúdú Taismeach a nuashonrú freisin agus scriostar an tagairt do thaismigh thromchúiseacha a baineadh de Chód IMO maidir le Taismigh agus dá dtagraítear in Airteagal 3(3). Déantar roinnt athruithe eile sna forálacha dlíthiúla tar éis Chód IMO maidir le Taismigh, go háirithe athrú an teidil ‘comhlacht imscrúdaithe’ chuig ‘Údarás um imscrúdú sábháilteachta muirí’.

Leagtar amach anseo thíos na hathruithe substainteacha ar an treoir.

Cuspóir agus raon feidhme

I bpointe 2, scriostar Airteagal 2 (d), leathnaítear raon feidhme na Treorach go páirteach leis seo chuig gach soitheach iascaireachta, lena n‑áirítear soithí atá níos lú ná 15 mhéadar ar fhad.

Sainmhínithe

Déantar nuashonrú freisin i bPointe 3 ar roinnt sainmhínithe a bhí achrannach nó a thagraíonn do reachtaíocht AE atá as dáta. Ar an gcéad dul síos, déantar na tagairtí do ‘bhád farantóireachta rothlú ann‑rothlú as’ agus ‘árthach paisinéirí ardluais’ a nuashonrú chun athruithe i reachtaíocht an Aontais a chur san áireamh, sonraítear fad soithigh iascaireachta mar an fad foriomlán i gcomhréir le hAirteagal 2 de Rialachán (AE) 2017/1130. Tugtar aghaidh freisin ar an tsaincheist maidir le gortú neamh‑mharfach as a dtagann bás tamall i ndiaidh an teagmhais mhuirí ba chúis leis. Chun treoir shoiléir a sholáthar go dtí go gcuirfear tús le himscrúdú agus ar an gcaoi sin cur chuige comhchuibhithe a áirithiú ar fud an Aontais, leasaítear an Treoir chun spriocdháta soiléir a áireamh (i.e. 30 lá tar éis na tionóisce, mar atá i modhanna iompair eile).

Oibleagáid chun imscrúdú a dhéanamh agus Údaráis um imscrúdú

I bpointe 5, déantar athruithe ar an oibleagáid imscrúdú a dhéanamh agus foráiltear ann, i ndáil le taismeach muirí an‑tromchúiseach (caillteanas an tsoithigh agus/nó bás) a bhaineann le soitheach iascaireachta atá níos lú ná 15 mhéadar ar fhad, go bhfuil sé d’oibleagáid ar na Ballstáit réamh‑mheasúnú a dhéanamh ar a laghad chun a chinneadh ar cheart imscrúdú sábháilteachta a dhéanamh.

Ina theannta sin, ós rud é gur cuireadh deireadh le coincheap an taismigh thromchúisigh ar leibhéal IMO, cuirtear deireadh freisin leis an oibleagáid a ghabhann leis chun réamh‑mheasúnú a dhéanamh ar thaismigh den sórt sin a cheanglaítear leis an Treoir. Ar deireadh, leasaítear an Treoir chun treoir a sholáthar maidir le tionóiscí a bhaineann le longa a tharlaíonn i gcalafort.

Foráiltear le pointe 8 nach mór do na Ballstáit córas bainistithe cáilíochta (QMS) a bhunú dá nÚdarás um imscrúdú sábháilteachta muirí. Ba cheart don bheart sin feabhas a chur ar cháilíocht na n‑imscrúduithe tionóiscí, ar bhainistiú na n‑acmhainní atá ar fáil ag féachaint don ualach oibre agus go háirithe na tuarascálacha i scríbhinn. Tá oibleagáid chomhchosúil ann maidir le córas riaracháin an Stáit Brataí faoi Airteagal 8(1) de Threoir 2009/21/CE maidir le ceanglais an stáit brataí.

Bunachar sonraí Eorpach le haghaidh taismigh mhuirí

Baineann pointe 14 le hoibleagáidí tuairiscithe na mBallstát maidir leis an Ardán Eorpach um Fhaisnéis faoi Thaismigh Mhuirí (EMCIP). Tá dhá athrú ann, ar an gcéad dul síos sonraítear ann a n‑oibleagáidí maidir le VSMCanna a bhaineann le soithí iascaireachta atá níos lú ná 15 mhéadar ar fhad. Ar an dara dul síos, déantar an Treoir a oiriúnú ionas gur féidir le húdarás inniúil de chuid Ballstáit seachas an tÚdarás um imscrúdú sábháilteachta muirí gach taismeach agus teagmhas muirí seachas VSMCanna a chur in iúl do EMCIP. Faoi láthair, ní féidir ach leis an Údarás um imscrúdú sábháilteachta muirí fógra a thabhairt do EMCIP agus measann roinnt Ballstát gur ualach acmhainní é sin. Ina theannta sin, ba cheart EMSA agus an Coimisiún a bheith in ann sonraí a ionchur i mbunachar sonraí EMCIP. Cuirfidh sé sin ar chumas na n‑údarás um imscrúdú díriú ar a bhfeidhmeanna imscrúdaitheacha agus foráil a dhéanamh nach mbíonn rochtain i gcónaí ag údaráis um imscrúdú ar an gcineál sin bainistíochta sonraí, ós rud é go ndéanann údaráis inniúla eile sa Bhallstát céanna an staidreamh ábhartha a bhailiú, a úsáid agus a bhainistiú.

Tacaíocht agus oiliúint ó EMSA

Leagtar amach i bPointe 15 na féidearthachtaí atá ag EMSA tacaíocht a chur ar fáil d’údaráis Bhallstáit an Aontais um imscrúdú chun a gcuid freagrachtaí faoin Treoir a chomhlíonadh ar bhealach níos fearr. Níl dóthain acmhainní ag go leor CITanna chun saineolaí a bheith acu ar gach disciplín speisialaithe. Ar bhonn na forála sin, d’fhéadfadh EMSA comhthiomsú saineolaithe ó dhisciplíní éagsúla a chur ar fáil a d’fhéadfadh a bheith ina sheirbhís d’aon údarás um imscrúdú iarrthach. Ar an gcaoi chéanna, is féidir le trealamh speisialaithe a bheith an‑chostasach agus níl an buiséad ag formhór na CIBanna chun trealamh den sórt sin a shealbhú go hiomlán. Dá bhrí sin, d’fhéadfadh EMSA uirlisí agus trealamh speisialaithe a sholáthar, ar féidir iad a thabhairt ar iasacht nó a sholáthar do na húdaráis um imscrúdú. Ar an mbealach sin, is féidir an trealamh a fhoinsiú go lárnach in ionad gach údarás um imscrúdú a bheith ag gníomhú. Ar an gcaoi sin dhéanfaí soláthar do bharainneacht scála uile-Aontais.

Maidir le hoiliúint, d’fhéadfadh ról a bheith ag EMSA maidir le feasacht a mhúscailt ar fhorbairtí, faisnéis a scaipeadh, agus plé agus cúrsaí oiliúna a eagrú ar ábhair amhail breoslaí in‑athnuaite agus ísealcharbóin, teicneolaíochtaí digiteacha nua agus forbairtí ábhartha ar leibhéal IMO. Ina theannta sin, d’fhéadfadh EMSA oiliúint thiomnaithe a sholáthar maidir le húsáid teicneolaíochtaí imscrúdaitheacha, trealaimh agus maidir le teicneolaíochtaí nua a bhaineann leis na forbairtí i muiriompar.

Cumhachtaí leasaitheacha

Luaitear i bpointe 17, cé go dtagraíonn an tagairt do Chód IMO maidir le Taismigh don leagan is nuashonraithe, tá sé sin faoi réir an chlásail chaighdeánaigh neamh‑chúlchéimnithe, áfach. Ciallaíonn sé sin, má thagann athruithe ar an leibhéal idirnáisiúnta, go gcoinnítear na caighdeáin in ionstraim an Aontais ar a laghad ar an leibhéal reatha.

Athbhreithniú ar reachtaíocht eile de chuid an Aontais a chur chun feidhme agus a aisghairm

Foráiltear le Pointe 18 go ndéanfaidh an Coimisiún athbhreithniú ar chur chun feidhme na Treorach leasaithe 10 mbliana tar éis a glactha, cuirtear san áireamh leis sin an t‑am is gá chun í a thrasuí agus go dtógann timthriall athbhreithnithe EMSA maidir le cuairteanna ar Bhallstáit 5 bliana ar a laghad de ghnáth.

Foráiltear le pointe 19 go n‑aisghairfear Rialachán (AE) Uimh. 1286/2011 ón gCoimisiún an 9 Nollaig 2011 lena nglactar modheolaíocht chomhchoiteann chun taismigh agus teagmhais mhuirí a imscrúdú. Ghlac IMO Treoirlínte chun cabhrú le himscrúdaitheoirí i gcur chun feidhme an Chóid maidir le hImscrúdú Taismeach (Rún A.1075(28)) an 4 Nollaig 2013, ina soláthraítear modheolaíocht mhionsonraithe chun imscrúdú a dhéanamh ar thaismigh agus ar theagmhais mhuirí. Dá bhrí sin, níl gá a thuilleadh leis an modheolaíocht choiteann a leagtar amach i Rialachán (AE) Uimh. 1286/2011 ón gCoimisiún.

2023/0164 (COD)

Togra le haghaidh

TREOIR Ó PHARLAIMINT NA hEORPA AGUS ÓN gCOMHAIRLE

lena leasaítear Treoir 2009/18/CE lena mbunaítear na bunphrionsabail lena rialaítear imscrúdú tionóiscí in earnáil an mhuiriompair

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 100(2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 21 ,

Ag féachaint don tuairim ó Choiste na Réigiún 22 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Le Treoir 2009/18/CE ó Pharlaimint na hEorpa agus ón gComhairle 23 , bunaítear na bunphrionsabail lena rialaítear imscrúdú tionóiscí in earnáil an mhuiriompair agus déantar foráil maidir le córas imscrúduithe sábháilteachta. Déanann comhlachtaí neamhspleácha imscrúdaitheacha arna mbunú sna Ballstáit imscrúdú ar thionóiscí muirí a thagann faoi raon feidhme na Treorach sin chun sábháilteacht mhuirí a fheabhsú, chomh maith leis an mhuirthimpeallacht a chosaint, trí fhoghlaim ó thionóiscí roimhe seo chun iad a chosc ó bheith ag tarlú in athuair.

(2)Ó tháinig Treoir 2009/18/CE i bhfeidhm, tá athruithe tagtha ar an timpeallacht rialála idirnáisiúnta agus ar fhorbairtí teicneolaíocha. Ba cheart na hathruithe agus na forbairtí sin chomh maith leis an taithí a fuarthas i gcur chun feidhme Threoir 2009/18/CE a chur san áireamh.

(3)Tagraíonn Treoir 2009/18/CE do roinnt téacsanna dlí arna nglacadh ag an Eagraíocht Mhuirí Idirnáisiúnta (IMO) a aisghaireadh, a leasaíodh nó a athbhreithníodh ó tháinig sí i bhfeidhm. ‘Cód IMO maidir le hImscrúdú ar Thaismigh agus Teagmhais Mhuirí’ (Rún IMO A.849(20) an 27 Samhain 1997) a cúlghaireadh le ‘Cód na gCaighdeán Idirnáisiúnta agus na gCleachtas Molta maidir le hImscrúdú Sábháilteachta ar Thaismigh nó Teagmhais Mhuirí (Cód maidir le hImscrúdú Taismeach)’ (Rún MSC 255(84) an 16 Bealtaine 2008) le Rún A.1075(28) Treoirlínte chun Cuidiú le hImscrúdaitheoirí i gcur chun feidhme an Chóid maidir le hImscrúdú Taismeach MSC.255(84)).

(4)Tugtar isteach le Cód IMO maidir le hImscrúdú Taismeach sainmhínithe nua, amhail an sainmhíniú ar ‘Údarás um imscrúdú sábháilteachta muirí’, agus scriostar coincheapa eile, amhail ‘taismeach tromchúiseach’. Ba cheart na hathruithe sin a ionchorprú i dTreoir 2009/18/CE.

(5)Tagraíonn Treoir 2009/18/CE freisin do Chiorclán IMO MSC/MEPC. 3/Ciorc.3 de 2008 a cuireadh in ionad Chiorclán MSC-MEPC. 3/ciorc.4/leasú.1 Tuarascálacha maidir le Taismigh agus Teagmhais Mhuirí Nósanna Imeachta Athbhreithnithe um Thuairisciú Comhchuibhithe an 18 Samhain 2014.

(6)I dTreoirlínte IMO chun Cuidiú le hImscrúdaitheoirí maidir le Cur chun Feidhme an Chóid maidir le hImscrúdú Taismeach (A.1075(28)) a glacadh an 4 Nollaig 2013 tugtar comhairle phraiticiúil maidir le himscrúdú córasach a dhéanamh ar thaismigh agus ar theagmhais mhuirí agus cabhraíonn siad chun anailís éifeachtach agus gníomh coisctheach a fhorbairt. Ba cheart na treoirlínte sin a áireamh i dTreoir 2009/18/CE.

(7)Faoi láthair tá soithí iascaireachta atá níos lú ná 15 mhéadar ar fhad eisiata ó raon feidhme Threoir 2009/18/CE, dá bhrí sin tá seoladh imscrúduithe tionóiscí muirí a bhaineann le soithí iascaireachta den sórt sin neamhchórasach agus neamh‑chomhchuibhithe. Is minice a iompaíonn soithí den sórt sin agus is rud measartha coitianta é go dtiteann baill den chriú thar bord. Dá bhrí sin, is gá na soithí iascaireachta sin, a gcriú agus an comhshaol a chosaint trí réamh‑mheasúnú a thabhairt isteach ar thaismigh mhuirí an‑tromchúiseacha a bhaineann le soithí iascaireachta atá níos lú ná 15 mhéadar ar fhad chun a chinneadh ar cheart do na húdaráis imscrúdú sábháilteachta a oscailt.

(8)Níl roinnt sainmhínithe dá bhforáiltear i dTreoir 2009/18/CE soiléir. Ba cheart an sainmhíniú ar fhad soithigh iascaireachta a leagan amach go háirithe nuair atá idirdhealú ann maidir le cur chuige agus oibleagáidí na n‑údarás um imscrúdú sábháilteachta muirí bunaithe ar fhad an tsoithigh iascaireachta.

(9)Tagraíonn Cód IMO maidir le Taismigh d’imeachtaí nó do shraith teagmhas a tharla ‘go díreach i ndáil le hoibríochtaí loinge’. Tá éagsúlacht shuntasach ag baint leis an gcoincheap seo agus ba cheart é a shoiléiriú. Bíonn tionchar ag an éagsúlacht sin ar ghníomhaíochtaí na n‑údarás um imscrúdú tionóiscí, go háirithe maidir le tionóiscí i gcalafoirt, na féidearthachtaí a bhaineann le himscrúduithe comhpháirteacha agus bailiú sonraí tionóiscí agus imscrúdaithe.

(10)Foráiltear i gCód IMO maidir le Taismigh go bhfuil sé d’oibleagáid ar an údarás muirí imscrúdú a dhéanamh nuair a tharlaíonn taismeach muirí an‑tromchúiseach. Mar sin féin, níl aon treoir ann maidir leis an tréimhse ama ina gcaithfidh bás tarlú tar éis na tionóisce ionas go measfar gur taismeach muirí an‑tromchúiseach é mar thoradh ar an mbás agus dá bhrí sin go ndéanfar imscrúdú air. Dá bhrí sin, ba cheart treoir den sórt sin a sholáthar i dTreoir 2009/18/CE.

(11)Tá éagsúlacht shuntasach idir na baill foirne atá ar fáil, chomh maith le hacmhainní oibríochtúla údarás um imscrúdú sábháilteachta muirí na mBallstát, rud a fhágann go ndéantar tuairisciú agus imscrúdú neamhéifeachtach agus neamhréireach ar thaismigh mhuirí. Dá bhrí sin, ba cheart don Choimisiún, le cúnamh ón nGníomhaireacht Eorpach um Shábháilteacht Mhuirí (EMSA), tacaíocht anailíse an‑speisialaithe a sholáthar le linn imscrúdú aonair (scileanna boga), chomh maith le huirlisí agus trealamh anailíseacha (crua-earraí).

(12)I bhfianaise a bhfuil ráite, ba cheart do EMSA oiliúint a eagrú ar theicnící sonracha agus ar fhorbairtí agus teicneolaíochtaí nua a d’fhéadfadh a bheith ábhartha d’imscrúdú tionóiscí amach anseo. Ba cheart go ndíreodh oiliúint den sórt sin, i measc nithe eile, ar bhreoslaí in‑athnuaite agus ar bhreoslaí ísealcharbóin, atá ábhartha go háirithe i bhfianaise an phacáiste ‘Oiriúnach do 55’, agus uathoibriú, chomh maith le rialacha an Rialacháin Ghinearálta maidir le Cosaint Sonraí (RGCS).

(13)Chun cáilíocht na n‑imscrúduithe tionóiscí a fheabhsú, ba cheart do na Ballstáit córas bainistithe cáilíochta (QMS) a fhorbairt do na húdaráis um imscrúdú sábháilteachta muirí.

(14)Chun coinníollacha aonfhoirmeacha a áirithiú maidir le forálacha na Treorach seo maidir le liosta téacsanna IMO ina raon feidhme, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle ( 24 ).

(15)I bhfianaise thimthriall faireacháin iomlán chuairteanna EMSA ar na Ballstáit chun faireachán a dhéanamh ar chur chun feidhme na Treorach seo, ba cheart don Choimisiún meastóireacht a dhéanamh ar chur chun feidhme na Treorach seo tráth nach déanaí ná [deich mbliana tar éis dháta theacht i bhfeidhm na Treorach dá dtagraítear in Airteagal 23)] agus tuarascáil a thabhairt do Pharlaimint na hEorpa agus don Chomhairle ina leith. Ba cheart do na Ballstáit oibriú i gcomhar leis an gCoimisiún chun an fhaisnéis uile is gá a bhailiú don mheastóireacht.

(16)I gcomhréir le prionsabal na comhréireachta, is gá agus is iomchuí chun an bunchuspóir maidir le sábháilteacht mhuirí a fheabhsú agus cosaint na timpeallachta muirí a bhaint amach, rialacha a leagan síos maidir le tionóiscí sa mhuiriompar a imscrúdú. Ní théann an Treoir seo thar a bhfuil riachtanach chun na cuspóirí arna saothrú a ghnóthú, i gcomhréir le hAirteagal 5(4) den Chonradh ar an Aontas Eorpach.

(17)Ba cheart, dá bhrí sin, Treoir 2009/18/CE a leasú dá réir sin,

TAR ÉIS AN TREOIR SEO A GHLACADH:

Airteagal 1

Leasuithe ar Threoir 2009/18/CE

Leasaítear Treoir 2009/18/CE mar seo a leanas:

(1)In Airteagal 1, cuirtear an méid seo a leanas in ionad mhír 2:

‘2.Ní bheidh sé d’aidhm ag imscrúduithe de bhun na Treorach seo dliteanas a chinneadh ná milleán a chionroinnt. Áiritheoidh na Ballstáit, áfach, nach staonfaidh an tÚdarás um imscrúdú sábháilteachta muirí (dá ngairtear an ‘t‑údarás um imscrúdú’ anseo feasta) ó chúiseanna taismeach muirí nó teagmhas muirí a thuairisciú go hiomlán toisc go bhféadfaí locht nó dliteanas a bhaint as na torthaí.’

(2)Leasaítear Airteagal 2 (2) mar a leanas

(a)cuirtear an méid seo a leanas in ionad phointe (b):

‑‘(b) longa nach dtiomáintear go meicniúil, longa adhmaid de thógáil bhunúsach, luaimh áineasa agus árthaí áineasa mura núsáidtear chun críocha tráchtála iad.’

(b)Scriostar pointe (d)

(3)Cuirtear an méid seo a leanas in ionad Airteagal 3:

‘Airteagal 3

Sainmhínithe

Chun críocha na Treorach seo:

‘1.Ciallaíonn ‘Cód IMO maidir le hImscrúdú Taismeach’ Cód na gcaighdeán idirnáisiúnta agus na gcleachtas molta le haghaidh imscrúdú sábháilteachta ar thaismigh nó ar theagmhais mhuirí atá i gceangal le Rún MSC.255(84) ó Choiste Sábháilteachta Muirí IMO, ina leagan cothrom le dáta;

2. ciallaíonn ‘Treoirlínte IMO chun cabhrú le himscrúdaitheoirí Cód IMO maidir le hImscrúdú Taismeach a chur chun feidhme’ na treoirlínte a glacadh i dTionól IMO le Rún A.1075(28) an 4 Nollaig 2013;

3.tuigfear na téarmaí seo a leanas i gcomhréir leis na sainmhínithe atá i gCód IMO maidir le hImscrúdú Taismeach:

(a)‘taismeach muirí’;

(b)‘taismeach muirí an‑tromchúiseach’;

(c)‘teagmhas muirí’;

(d)‘imscrúdú sábháilteachta muirí’;

(e)‘Údarás um imscrúdú sábháilteachta muirí’;

(f)‘Stát imscrúdaithe sábháilteachta muirí;

(g)‘Stát a bhfuil leas substainteach aige’;

(h)‘mórdhíobháil’;

4. Ciallaíonn ‘treoirlínte IMO maidir le cóir chothrom do mharaithe i gcás tionóisce muirí’ na treoirlínte atá i gceangal le Rún LEG.3(91) ó Choiste Dlí IMO an 27 Aibreán 2006 arna bhformheas ag Comhlacht Rialaithe na hEagraíochta Idirnáisiúnta Saothair ina 296ú seisiún an 12 go dtí an 16 Meitheamh 2006;

5.tuigfear na téarmaí ‘bád farantóireachta róró’ agus ‘árthach paisinéirí ardluais’ i gcomhréir leis na sainmhínithe atá in Airteagal 2 de Threoir (AE) 2017/2110 25 ;

6.tuigfear ‘taifeadán sonraí turais’ (dá ngairtear ‘VDR’ anseo feasta) i gcomhréir leis an sainmhíniú atá i Rún MSC.333(90) de Choiste Sábháilteachta Muirí IMO ina leagan cothrom le dáta;

7.ciallóidh ‘moladh sábháilteachta’ aon togra arna dhéanamh, lena n‑áirítear chun críocha clárúcháin agus rialaithe, ag na daoine seo a leanas:

(a)údarás um imscrúdú an Stáit a sheolann an t‑imscrúdú sábháilteachta, nó a threoraíonn an t‑imscrúdú sábháilteachta, ar bhonn faisnéise a dhíorthaítear ón imscrúdú sin; nó i gcás inarb iomchuí,

(b)an Coimisiún, ag gníomhú dó ar bhonn anailíse teibí ar shonraí agus ar thorthaí na n‑imscrúduithe sábháilteachta a rinneadh;

8.tuigfear ‘fad soithigh iascaireachta’ i gcomhréir leis an sainmhíniú atá in Airteagal 2 de Rialachán (AE) 2017/1130 26 ;

9. ciallaíonn ‘díobháil mharfach’ díobháil a bhaineann do dhuine i dtionóisc agus gur trúig bháis dó nó di í laistigh de 30 lá ó dháta na tionóisce.’

(4)leasaítear Airteagal 4 mar a leanas:

(a)i mír 1, cuirtear an méid seo a leanas in ionad phointe (a):

‘(a) neamhspleách ar imscrúduithe coiriúla nó ar imscrúduithe comhthreomhara eile a dhéantar chun dliteanas a chinneadh nó chun milleán a chionroinnt agus go bhfuil údaráis um imscrúdú in ann tuairisciú ar thorthaí imscrúdaithe sábháilteachta muirí gan treoir ná cur isteach ó aon duine, eagraíocht nó páirtí a bhféadfadh a thoradh difear a dhéanamh dóibh.’

(b)cuirtear an méid seo a leanas in ionad mhír 2, pointe (b):

‑‘(b) gníomhaíochtaí a núdarás um imscrúdú faoi seach a chomhordú a mhéid is gá chun cuspóir na Treorach seo a bhaint amach.’

(5)Cuirtear an méid seo a leanas in ionad Airteagal 5:

‘Airteagal 5

Oibleagáid chun imscrúdú a dhéanamh

1.Áiritheoidh gach Ballstát go ndéanfaidh an t‑údarás um imscrúdú dá dtagraítear in Airteagal 8 imscrúdú sábháilteachta tar éis taismeach muirí an‑tromchúiseach:

(a)ina mbeidh long a mbeidh a bhratach ar foluain aici, is cuma cá bhfuil an taismeach;

(b)a tharlaíonn laistigh dá fharraige theorann agus dá uiscí inmheánacha mar a shainmhínítear in UNCLOS iad, beag beann ar bhratach na loinge nó na long a bhfuil baint acu leis an taismeach; nó

(c)a bhfuil leas substaintiúil an Bhallstáit ag baint leis, beag beann ar shuíomh an taismigh agus ar shuíomh bhratach na loinge nó na long lena mbaineann.

2.I gcás soitheach iascaireachta atá níos lú ná 15 mhéadar ar fhad, déanfaidh an t‑údarás um imscrúdú réamh‑mheasúnú ar an taismeach muirí an‑tromchúiseach chun a chinneadh an ndéanfar imscrúdú sábháilteachta nó nach ndéanfar.

‑‑I gcás ina gcinnfidh an túdarás um imscrúdú gan tabhairt faoi imscrúdú sábháilteachta ar thaismeach muirí antromchúiseach a bhaineann le soitheach iascaireachta atá níos lú ná 15 mhéadar, déanfar na cúiseanna leis an gcinneadh sin a thaifeadadh agus tabharfar fógra ina leith i gcomhréir le hAirteagal 17(3).

3.Sna cinntí dá dtagraítear i mír 2, cuirfidh an t‑údarás um imscrúdú san áireamh an fhianaise a bheidh ar fáil chomh maith leis an bhféidearthacht go ndéanfaí taismigh agus teagmhais sa todhchaí a chosc mar thoradh ar thorthaí an imscrúdaithe sábháilteachta. I gcás aon taismeach nó teagmhas muirí eile, cinnfidh an t‑údarás um imscrúdú an dtabharfar faoi imscrúdú sábháilteachta nó nach dtabharfar.

4.Is é údarás um imscrúdú an Bhallstáit atá i gceannas a chinnfidh an raon feidhme agus na socruithe praiticiúla maidir le himscrúduithe sábháilteachta a dhéanamh i gcomhar le húdaráis choibhéiseacha na Stát eile a bhfuil leas substainteach acu, ar an modh is mó a fheictear dó a chabhródh le cuspóir na Treorach seo a bhaint amach, agus d’fhonn taismí agus teagmhais amach anseo a chosc.

5.Agus imscrúduithe sábháilteachta á ndéanamh aige, leanfaidh an t‑údarás um imscrúdú Treoirlínte IMO chun cabhrú le himscrúdaitheoirí an Cód maidir le hImscrúdú Taismeach a chur chun feidhme. Féadfaidh imscrúdaitheoirí imeacht ó na treoirlínte sin i gcás inar féidir údar a thabhairt leis sin de réir mar is gá, ina mbreithiúnas gairmiúil chun aidhmeanna an imscrúdaithe a bhaint amach. Féadfaidh an Coimisiún na treoirlínte a oiriúnú chun críocha na Treorach seo, agus aon cheacht ábhartha a bhaintear as imscrúduithe sábháilteachta á chur san áireamh, i gcomhréir leis an nós imeachta dá dtagraítear in Airteagal 19.

6.Agus cinneadh á dhéanamh ar tharla taismeach muirí nó teagmhas muirí taobh le duga, feistithe nó i nduga, a raibh baint ag oibrithe ar tír nó ar chalafort leis, ‘go díreach i dtaca le hoibríochtaí loinge’ agus, dá bhrí sin, tá sé faoi réir imscrúdú sábháilteachta, tabharfar aird ar leith ar rannpháirtíocht agus ábharthacht struchtúr, trealamh, nósanna imeachta, criú na loinge agus bainistíocht na loinge maidir leis an ngníomhaíocht atá á déanamh.

7.Cuirfear tús le himscrúdú sábháilteachta gan mhoill tar éis don taismeach nó don teagmhas muirí tarlú agus, ar aon chuma, tráth nach déanaí ná dhá mhí tar éis dó tarlú.

8.Más rud é, le linn imscrúdú sábháilteachta muirí, go dtagann sé chun solais nó go bhfuil amhras ann go ndearnadh cion faoi Airteagail 3, 3bis, 3ter nó 3quarter den Choinbhinsiún chun Cosc a Chur le Gníomhartha Neamhdhleathacha in aghaidh Shábháilteacht na Loingseoireachta Muirí, 1988, cuirfidh an t‑údarás um imscrúdú údaráis slándála muirí an Bhallstáit nó na mBallstát agus aon tríú tír lena mbaineann ar an eolas láithreach.’

(6)Cuirtear an méid seo a leanas in ionad Airteagal 6:

‘Airteagal 6

Oibleagáid fógra a thabhairt

‑Cuirfidh Ballstát de cheangal, faoi chuimsiú a chórais dlí, go dtabharfaidh na húdaráis atá freagrach agus/nó na páirtithe lena mbaineann nó iad araon fógra dá núdarás um imscrúdú gan mhoill faoi tharlú na dtaismeach agus na dteagmhas uile a thagann faoi raon feidhme na Treorach seo.’

(7)Leasaítear Airteagal 7 mar a leanas:

(a)i mír 1, cuirtear an fhomhír seo a leanas in ionad an tríú fomhír:

‑‘Beidh seoladh imscrúduithe sábháilteachta comhthreomhara ar an taismeach nó teagmhas muirí céanna teoranta go docht do chásanna eisceachtúla. I gcásanna den sórt sin, tabharfaidh na Ballstáit fógra don Choimisiún faoi na cúiseanna atá leis na himscrúduithe comhthreomhara sin a dhéanamh. Comhoibreoidh na Ballstáit a sheolann imscrúduithe sábháilteachta comhthreomhara lena chéile. Go háirithe, malartóidh na húdaráis um imscrúdú lena mbaineann aon fhaisnéis ábhartha a bhaileofar le linn a nimscrúduithe faoi seach, go háirithe chun teacht ar chonclúidí comhroinnte, a mhéid is féidir.’

(b)cuirtear an mhír 1a seo a leanas isteach:

‘1a.Le linn an t‑imscrúdú sábháilteachta muirí a dhéanamh, ba cheart do Stáit a bhfuil leas substainteach acu cúnamh a thabhairt, a mhéid is praiticiúil, don Bhallstát nó do na Ballstáit a dhéanann imscrúdú sábháilteachta muirí chun rochtain ar fhaisnéis ábhartha don imscrúdú sábháilteachta muirí. Ba cheart rochtain a thabhairt freisin don imscrúdaitheoir nó do na himscrúdaitheoirí a dhéanann imscrúdú sábháilteachta muirí ar shuirbhéirí Rialtais, ar oifigigh gharda cósta, ar oibreoirí seirbhísí tráchta loinge, ar phíolótaí agus ar phearsanra muirí eile de chuid an Stáit a bhfuil leas substainteach acu ann.’

(8)Cuirtear an méid seo a leanas in ionad Airteagal 8:

‘Airteagal 8

Údaráis um imscrúdú sábháilteachta muirí

1.Áiritheoidh na Ballstáit go ndéanfar imscrúduithe sábháilteachta muirí faoi fhreagracht Údarás um imscrúdú sábháilteachta muirí atá neamhchlaonta agus buan, a bhfuil na cumhachtaí riachtanacha aige, a bhfuil cóir leordhóthanach agus acmhainní airgeadais leordhóthanacha aige agus ag imscrúdaitheoirí atá cáilithe go cuí, atá inniúil in ábhair a bhaineann le taismigh agus teagmhais mhuirí chun imscrúduithe sábháilteachta muirí a dhéanamh ar thaismigh agus ar theagmhais mhuirí.

Ní chuirtear cosc ar imscrúdaitheoirí a cheapadh go hiomchuí a bhfuil na scileanna speisialtóireachta riachtanacha acu chun a bheith mar chuid d’imscrúdú sábháilteachta muirí ar bhonn sealadach, ná ar chomhairleoirí a úsáid chun sainchomhairle a sholáthar maidir le haon ghné d’imscrúdú sábháilteachta muirí.

‑Chun imscrúdú sábháilteachta a dhéanamh ar bhealach neamhchlaonta, beidh an túdarás um imscrúdú neamhspleách ó thaobh a eagraithe, a struchtúir dhlíthiúil agus a chinnteoireachta de d’aon pháirtí a bhféadfadh a leasanna teacht salach ar an gcúram a chuirtear de chúram air.

Maidir leis na Ballstáit thalamhiata nach bhfuil longa ná soithí acu a bhfuil a mbratach ar foluain orthu, sainaithneoidh siad pointe fócasach neamhspleách chun comhoibriú san imscrúdú de bhun Airteagal 5(1)(c).

2.Áiritheoidh an t‑údarás um imscrúdú go mbeidh eolas oibre agus taithí phraiticiúil ag imscrúdaitheoirí aonair ar na réimsí ábhair sin a bhaineann lena ngnáthdhualgais imscrúdaitheacha. Ina theannta sin, áiritheoidh an t‑údarás um imscrúdú go mbeidh rochtain réidh aige ar shaineolas iomchuí, de réir mar is gá.

3.Féadfar na gníomhaíochtaí a thugtar mar chúram don údarás um imscrúdú a leathnú chuig bailiú agus anailísiú sonraí a bhaineann le sábháilteacht mhuirí, go háirithe chun críocha coiscthe, a mhéid nach ndéanann na gníomhaíochtaí sin difear dá neamhspleáchas nó nach ngabhann freagracht leo ó thaobh nithe a bhaineann le rialáil, riarachán nó caighdeánú.

4.Áiritheoidh na Ballstáit, ag gníomhú dóibh faoi chuimsiú a gcóras dlí faoi seach, go ndéanfar aon fhaisnéis a bhaineann le seoladh an imscrúdaithe sábháilteachta muirí a sholáthar d’imscrúdaitheoirí a údaráis um imscrúdú, nó d’aon údarás um imscrúdú eile a ndearna sé cúram an imscrúdaithe sábháilteachta muirí a tharmligean chuige, i gcás inarb iomchuí i gcomhar leis na húdaráis atá freagrach as an bhfiosrúchán breithiúnach, agus údarófar dóibh, dá bhrí sin, an méid seo a leanas a dhéanamh:

(a)rochtain a bheith acu ar aon limistéar ábhartha nó láithreán taismigh chomh maith le rochtain a bheith aige ar aon long, raic nó struchtúr lena n‑áirítear lasta, trealamh nó smionagar;

(b)a áirithiú go liostófar láithreach fianaise agus go ndéanfar cuardach rialaithe agus go mbainfear raic, smionagar nó comhpháirteanna nó substaintí eile lena scrúdú nó lena n‑anailísiú;

(c)a cheangal go ndéanfar scrúdú nó anailís ar na hítimí dá dtagraítear i bpointe (b), agus go mbeidh saor-rochtain acu ar thorthaí na scrúduithe nó na hanailíse sin;

(d)saor-rochtain a bheith acu ar aon fhaisnéis ábhartha agus ar aon sonraí taifeadta, lena n‑áirítear sonraí VDR, a bhaineann le long, taifeadtaí tráchta soithigh, turas, lasta, criú nó aon duine eile, réad, bail nó imthoisc, agus cóipeáil a dhéanamh orthu agus úsáid a bhaint astu;

(e)saor-rochtain a bheith acu ar thorthaí scrúduithe ar chorpáin na n‑íospartach nó ar thorthaí tástálacha a rinneadh ar shamplaí a tógadh ó chorpáin na n‑íospartach;

(f)a cheangal ar dhaoine a bhfuil baint acu le hoibriú loinge nó aon duine ábhartha eile, agus saor-rochtain a bheith acu ar thorthaí scrúduithe nó tástálacha a rinneadh ar shamplaí a tógadh ó dhaoine a bhfuil baint acu le hoibriú loinge nó ó aon duine ábhartha eile;

(g)finnéithe a chur faoi agallamh in éagmais aon duine a bhféadfaí a mheas go gcuireann a leasanna isteach ar an imscrúdú sábháilteachta;

(h)taifid suirbhéireachta agus faisnéis ábhartha atá i seilbh an Stáit brataí, na n‑úinéirí, na gcomhlachtaí aicmiúcháin nó aon pháirtí ábhartha eile a fháil, aon uair a bheidh na páirtithe sin nó a n‑ionadaithe bunaithe sa Bhallstát;

(i)cúnamh a lorg ó na húdaráis ábhartha sna Stáit faoi seach, lena n‑áirítear suirbhéirí Stáit brataí agus suirbhéirí Stát an chalafoirt, oifigigh gharda cósta, oibreoirí seirbhíse tráchta muirí, foirne cuardaigh agus tarrthála, píolótaí nó pearsanra calafoirt nó muirí eile;

5.Cuirfear ar chumas an údaráis um imscrúdú freagra a thabhairt láithreach ar fhógra a fháil tráth ar bith maidir le taismeach, agus acmhainní leordhóthanacha a fháil chun a fheidhmeanna a chomhlíonadh go neamhspleách. Tabharfar stádas dá imscrúdaitheoirí a thabharfaidh dóibh na ráthaíochtaí is gá maidir le neamhspleáchas.

6.Féadfaidh an t‑údarás um imscrúdú a chúraimí faoin Treoir seo a chomhcheangal leis an obair chun imscrúdú a dhéanamh ar tharluithe eile seachas taismigh mhuirí ar an gcoinníoll nach gcuirtear a neamhspleáchas i mbaol de dheasca na n‑imscrúduithe sin.

7.Faoin [dáta an trasuímh] déanfaidh gach Ballstát córas bainistíochta cáilíochta a fhorbairt, a chur chun feidhme agus a chothabháil dá údarás imscrúdaithe. Deimhneofar an córas bainistíochta cáilíochta sin i gcomhréir leis na caighdeáin cháilíochta idirnáisiúnta is infheidhme.’

(9)in Airteagal 9 cuirtear an méid seo a leanas in ionad phointe (a):

‑‘(a) gach fianaise ó fhinné agus gach ráiteas, cuntas agus nóta eile a ghlac nó a fuair an túdarás um imscrúdú le linn an imscrúdaithe sábháilteachta;’

(10)Leasaítear Airteagal 10 mar a leanas:

(a)cuirtear an méid seo a leanas in ionad mhír 1:

‘1.Bunóidh na Ballstáit, i ndlúthchomhar leis an gCoimisiún, creat buanchomhair lena gcuirfear ar chumas a n‑údarás um imscrúdú faoi seach comhoibriú eatarthu féin a mhéid is gá chun cuspóir na Treorach seo a bhaint amach.’

(b)leasaítear mír 3 mar a leanas:

(a)cuirtear an méid seo a leanas in ionad na míre tosaigh agus phointe (a):

‘3.Laistigh den chreat buanchomhair, tiocfaidh na húdaráis um imscrúdú sna Ballstáit ar chomhaontú, go háirithe, maidir leis na módúlachtaí comhair is fearr chun an méid seo a leanas a dhéanamh:’

‑‑‘(a) A chur ar chumas na núdarás um imscrúdú suiteálacha, saoráidí agus trealamh a roinnt chun imscrúdú teicniúil a dhéanamh ar raic agus ar threalamh na loinge agus ar réada eile atá ábhartha maidir leis na himscrúduithe sábháilteachta, lena náirítear faisnéis ó VDRanna agus ó fheistí leictreonacha eile a bhaint agus meastóireacht a dhéanamh uirthi.’

(b)Cuirtear an méid seo a leanas in ionad phointí (h) agus (i):

‘(h) comhar a chur chun cinn le húdaráis um imscrúdú tríú tíortha agus leis na heagraíochtaí idirnáisiúnta um imscrúdú tionóiscí muirí sna réimsí a chumhdaítear leis an Treoir seo;

(i) aon fhaisnéis ábhartha a chur ar fáil d’údaráis um imscrúdú a sheolann imscrúduithe sábháilteachta.’

(11)Cuirtear an méid seo a leanas in ionad Airteagal 14:

‘Airteagal 14

Tuarascálacha ar thionóiscí

1.Beidh mar thoradh ar imscrúduithe sábháilteachta a dhéanfar faoin Treoir seo tuarascáil fhoilsithe a thíolacfar i bhformáid arna sainiú ag an údarás inniúil um imscrúdú agus i gcomhréir leis na ranna ábhartha d’Iarscríbhinn I.

2.Déanfaidh na húdaráis um imscrúdú gach iarracht an tuarascáil dá dtagraítear i mír 1, lena n‑áirítear a conclúidí agus aon mholadh a d’fhéadfadh a bheith ann, a chur ar fáil don phobal, agus go háirithe don earnáil mhuirí, laistigh de 12 mhí ó dháta an taismigh. Mura féidir an tuarascáil chríochnaitheach a thabhairt ar aird laistigh den tréimhse sin, foilseofar tuarascáil eatramhach laistigh de 12 mhí ó dháta an taismigh.

3.Cuirfidh údarás um imscrúdú an Bhallstáit imscrúdúcháin atá i gceannas cóip den tuarascáil chríochnaitheach nó den tuarascáil eatramhach chuig an gCoimisiún. Cuirfidh an t‑údarás um imscrúdú san áireamh barúlacha teicniúla féideartha an Choimisiúin maidir le tuarascálacha críochnaitheacha nach ndéanann difear do shubstaint na dtorthaí chun cáilíocht na tuarascála a fheabhsú ar an mbealach is mó a chabhródh le cuspóir na Treorach seo a bhaint amach.’

(12)Leasaítear Airteagal 15 mar a leanas:

(a)cuirtear an méid seo a leanas in ionad mhír 1:

‘1.Áiritheoidh na Ballstáit go ndéanfaidh na seolaithe moltaí sábháilteachta arna ndéanamh ag na húdaráis um imscrúdú a chur san áireamh go cuí agus, i gcás inarb iomchuí, go dtabharfar obair leantach leordhóthanach dóibh i gcomhréir le dlí an Aontais agus leis an dlí idirnáisiúnta.’

(b)cuirtear an méid seo a leanas in ionad mhír 2:

‘2.I gcás inarb iomchuí, déanfaidh údarás um imscrúdú nó an Coimisiún moltaí sábháilteachta ar bhonn anailís theibí ar shonraí agus ar thorthaí foriomlána na n‑imscrúduithe sábháilteachta a dhéanfar.’

(13)in Airteagal 16, cuirtear an méid seo a leanas in ionad na chéad mhíre:

‘Gan dochar dá cheart chun foláireamh luath a thabhairt, déanfaidh údarás um imscrúdú Ballstáit, ag aon chéim d’imscrúdú sábháilteachta, má mheasann sé go bhfuil gá le gníomhaíocht phráinneach ar leibhéal an Aontais chun riosca i ndáil le taismigh nua a chosc, an Coimisiún a chur ar an eolas gan mhoill faoin ngá le foláireamh luath a thabhairt.’

(14)leasaítear Airteagal 17 mar a leanas:

(a)Cuirtear an mhír 2a nua seo a leanas isteach:

‘2a.Tabharfaidh na Ballstáit fógra don Choimisiún faoi gach taismeach agus teagmhas muirí i gcomhréir leis an bhformáid in Iarscríbhinn II. I gcás soithí iascaireachta atá níos lú ná 15 mhéadar ar fhad, ní gá ach taismigh mhuirí an‑tromchúiseacha a thuairisciú.’

(b)cuirtear an méid seo a leanas in ionad mhír 3:

‘3.Tabharfaidh údaráis um imscrúdú na mBallstát fógra do EMCIP faoi gach taismeach muirí an‑tromchúiseach. Féadfaidh na Ballstáit a chinneadh an t‑údarás náisiúnta inniúil nó na húdaráis náisiúnta inniúla a ainmniú chun tuairisciú a dhéanamh ar gach taismeach agus teagmhas muirí eile. Nuair a bheidh an Coimisiún ar an eolas faoi thaismeach nó teagmhas muirí, tuairisceoidh sé faoi sin do EMCIP freisin.’

(15)cuirtear isteach an tAirteagal 17a nua seo a leanas:

‘Airteagal 17a

Tacaíocht oiliúna agus oibríochtúil

1.Éascóidh an Coimisiún forbairt acmhainní agus comhroinnt eolais laistigh de na húdaráis um imscrúdú agus eatarthu trí oiliúint a chur ar fáil maidir le forbairtí nua dlí agus teicneolaíochta, teicnící agus uirlisí sonracha agus teicneolaíochtaí a bhaineann le longa, a dtrealamh agus a n‑oibríochtaí.

2.Arna iarraidh sin d’údaráis um imscrúdú na mBallstát, agus ar chuntar nach dtagann aon choinbhleacht leasa chun cinn, soláthróidh an Coimisiún tacaíocht oibríochtúil do na Ballstáit sin agus iad i mbun a n‑imscrúduithe sábháilteachta. Áirítear ar thacaíocht den sórt sin uirlisí nó trealamh anailíseach speisialaithe a sholáthar, chomh maith le saineolas.’

(16)Cuirtear an méid seo a leanas in ionad Airteagal 19:

‘Airteagal 19

Nós imeachta coiste

1.Tabharfaidh an Coiste um Shábháilteacht ar Muir agus um Thruailliú ó Longa a Chosc (COSS), a bunaíodh le Rialachán (CE) Uimh. 2099/2002 ó Pharlaimint na hEorpa agus ón gComhairle, cúnamh don Choimisiún. Beidh an Coiste sin ina choiste de réir bhrí Rialachán (AE) Uimh. 182/2011.

2.I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.’

(17)in Airteagal 20, cuirtear an méid seo a leanas in ionad an cheathrú mír:

‘Féadfar leasuithe ar Chód IMO maidir le hImscrúdú Taismeach a eisiamh ó raon feidhme na Treorach seo, de bhun Airteagal 5 de Rialachán (CE) Uimh. 2099/2002.’

(18)Cuirtear an méid seo a leanas in ionad Airteagal 23:

‘Airteagal 23

Athbhreithniú ar chur chun feidhme

Cuirfidh an Coimisiún faoin [Oifig na bhFoilseachán: Cuir isteach dáta: deich mbliana ó dháta theacht i bhfeidhm na Treorach leasaithí seo]tuarascáil faoi bhráid Pharlaimint na hEorpa agus na Comhairle maidir le cur chun feidhme, agus comhlíonadh na Treorach seo.’

(19)in Airteagal 24, cuirtear an mhír seo, mír 3 leis:

‘3. Aisghairtear Rialachán (AE) Uimh. 1286/2011 ón gCoimisiún.’

Airteagal 2

Trasuí

1.Déanfaidh na Ballstáit faoin [Oifig na bhFoilseachán: Cuir isteach dáta: aon bhliain amháin ó dháta theacht i bhfeidhm na Treorach leasaithí seo] na dlíthe, na rialacháin agus na forálacha riaracháin is gá chun an Treoir seo a chomhlíonadh a ghlacadh agus a fhoilsiú.

Nuair a ghlacfaidh na Ballstáit na forálacha sin, beidh tagairt iontu don Treoir seo nó beidh tagairt den sórt sin ag gabháil leo tráth a bhfoilsithe oifigiúil. Is iad na Ballstáit a chinnfidh an bealach chun tagairt den sórt sin a dhéanamh.

2.Déanfaidh na Ballstáit téacs phríomhfhorálacha an dlí náisiúnta a ghlacfaidh siad sa réimse a chumhdaítear leis an Treoir seo a chur in iúl don Choimisiún.

Airteagal 3

Teacht i bhfeidhm

Tiocfaidh an Treoir seo i bhfeidhm an fichiú lá tar éis lá a foilsithe in Iris Oifigiúil an Aontais Eorpaigh.

Airteagal 4

Seolaithe

Dírítear an Treoir seo chuig na Ballstáit.

Arna dhéanamh sa Bhruiséil,

Thar ceann Pharlaimint na hEorpa Thar ceann na Comhairle

An tUachtarán An tUachtarán

RÁITEAS AIRGEADAIS REACHTACH ‘GNÍOMHAIREACHTAÍ’

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

Togra le haghaidh TREOIR Ó PHARLAIMINT NA hEORPA AGUS ÓN gCOMHAIRLE lena leasaítear Treoir 2009/18/CE lena mbunaítear na bunphrionsabail bhunúsacha lena rialaítear imscrúdú tionóiscí in earnáil an mhuiriompair

1.2.Réimsí beartais lena mbaineann

Soghluaisteacht agus Iompar – Muirí

1.3.Baineann an togra le

◻ beart nua

◻ beart nua a leanann treoirthionscadal/réamhbheart 27

☑ síneadh ar bheart atá ann cheana

◻ beart nó bearta a chumasc i dtreo beart eile/beart nua

1.4.Cuspóirí

1.4.1.Cuspóirí ginearálta

Is é an cuspóir ginearálta atá le Treoir 2009/18/CE a leasú sábháilteacht mhuirí a fheabhsú agus cosaint na timpeallachta muirí a fheabhsú trí rannchuidiú le Sprioc Forbartha Inbhuanaithe (SFI) 3 (‘Beatha shláintiúil a áirithiú agus folláine a chur chun cinn do chách ag gach céim’) agus SFI 14 (‘Na haigéin, na farraigí agus na hacmhainní muirí a chaomhnú agus a úsáid go hinbhuanaithe ar mhaithe le forbairt inbhuanaithe’).

1.4.2.Cuspóir(í) sonrach(a)

Is iad seo a leanas cuspóirí sonracha an athbhreithnithe:

Árthaí iascaireachta, a gcriú agus an comhshaol a chosaint. Ní áirítear soithí iascaireachta níos lú ná 15 mhéadar ar fhad laistigh de raon feidhme reatha na Treorach. Ciallaíonn sé sin nach ndéantar imscrúdú ar bhealach córasach agus comhchuibhithe ar fud an Aontais ar thionóiscí a bhaineann le básanna agus caillteanas soithí don deighleog soithigh seo;

Sainmhínithe agus an téacs dlíthiúil a shoiléiriú ionas go ndéanfaidh údaráis um imscrúdú ar thionóiscí na mBallstát imscrúdú ar na tionóiscí uile is gá a imscrúdú ar bhealach tráthúil agus comhchuibhithe;

Feabhas a chur ar chumas na n‑údarás um imscrúdú ar thionóiscí imscrúduithe ar thionóiscí a dhéanamh (agus tuairisc a thabhairt orthu) ar bhealach tráthúil, saineolach agus neamhspleách - lena n‑áirítear maidir le breoslaí agus teicneolaíochtaí in‑athnuaite agus ísealcharbóin.

1.4.3.An toradh/na torthaí agus an tionchar a mheastar a bheidh ann

Sonraigh an tionchar ba cheart a bheith ag an togra/tionscnamh ar na tairbhithe/grúpaí ar a bhfuil sé dírithe.

Táthar ag súil leis go soláthrófar leis an togra cur chuige comhchuibhithe i leith na n‑imscrúduithe sábháilteachta agus, ar an gcaoi sin, go bhfeabhsófar cáilíocht na n‑imscrúduithe trí oiliúint níos fearr, trí imscrúduithe comhordaithe agus acmhainní níos fearr agus trí úsáid a bhaint as córas bainistíochta cáilíochta ag údaráis na mBallstát um imscrúdú tionóiscí. Úsáidtear torthaí na n‑imscrúduithe chun moltaí sábháilteachta a dhéanamh chun atarlú tionóiscí a chosc sa chaoi go sábhálfar anamacha agus go gcoiscfear truailliú.

Meastar freisin go méadófar a bhuí leis an togra cosaint soithí iascaireachta, a gcriú agus an chomhshaoil trí laghdú a dhéanamh ar líon na mbásanna agus na ndíobhálacha pearsanta.

1.4.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

Cinnfear éifeachtacht na Treorach atá beartaithe, i ndáil le cuspóir sonrach Uimh. 1, bunaithe ar líon na mbásanna agus na ngortuithe an‑tromchúiseacha, ar líon na soithí a cailleadh agus ar líon na gcásanna truaillithe ar muir, agus ar a n‑éabhlóid le himeacht ama a cuireadh isteach san Ardán Eorpach um Fhaisnéis faoi Thaismigh Mhuirí (EMCIP).

Cinnfear éifeachtacht na Treorach atá beartaithe, i ndáil le cuspóir sonrach Uimh. 2, bunaithe ar an dáta a thuairiscítear do EMCIP, ar na hanailísí cothrománacha arna ndéanamh ag EMSA agus ar an bplé i gceardlanna agus ar líon na nósanna imeachta um sháruithe sna blianta amach romhainn.

Cinnfear éifeachtacht na Treorach atá beartaithe, i ndáil le cuspóir sonrach uimh. 3, bunaithe ar an anailís chothrománach arna déanamh ag EMSA agus ar thorthaí na n‑iniúchtaí bliantúla ar an gCóras Bainistíochta Cáilíochta a roinnfear leis an gCoimisiún.

1.5.Forais an togra/tionscnaimh

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

Ceanglófar ar EMSA oiliúint bhreise a eagrú i ndáil le breoslaí in‑athnuaite agus ísealcharbóin (rioscaí, úsáid ar bord, cosaintí long, etc.), chun tacú leis na tionscnaimh atá mar chuid den phacáiste ‘Oiriúnach do 55’, ach freisin maidir le: gné dhaonna, seoladh loinge uathoibrithe, anailís sábháilteachta (chun Ballstáit a spreagadh chun sonraí taismeach a úsáid níos fearr), ábhair fhóiréinseacha (grianghraif, sampláil, etc.), tarluithe (dóiteáin, tionóiscí loingseoireachta, damáiste do threalamh, gníomhaíochtaí ceirde, etc.) agus rialacha RGCS.

Cuirfidh EMSA uirlisí agus trealamh oibríochtúil ar fáil freisin le linn imscrúdú aonair mar ROV (cianoibritheoir intumtha), RPAS (ladrainn san aer), Róbait (e.g. chun rochtain a fháil ar limistéir a ndearnadh damáiste dóibh, spásanna iata, etc.), áiseanna VDR (taifeadán sonraí turais), bogearraí mar MADAS (Marine Accident Data Analysis Suite) [Svuít le haghaidh Anailís Sonraí maidir le Tionóiscí Muirí]; acmhainní ad hoc (saotharlanna eolaíochta, tástáil umar); seirbhísí ad hoc (ionsamhlú 3T le haghaidh dóiteáin, caillteanas coimeádán, etc.). Tógfaidh an tacaíocht seo ar na seirbhísí atá ann cheana a sholáthraíonn EMSA i réimsí éagsúla (mar a fheictear thuas ladrainn san aer, ladrainn intumtha, oiliúint in íomhánna satailíte etc.) agus cuirfear ar fáil í ar bhonn tús freastail ar an té is túisce. San fhadtéarma, agus ag brath ar thaithí ar chur chun feidhme, dhéanfaí acmhainní EMSA a oiriúnú dá réir.

Cuirfidh EMSA tacaíocht anailíseach an‑speisialaithe ar fáil freisin le linn Imscrúduithe aonair VSMC (Very Serious Marine Casualty) [Taismeach Muirí An‑Tromchúiseach] ar shaineolaithe ‘caighdeánacha’ agus ‘ardleibhéil’ ó EMSA, d’fhéadfadh anailísithe iompraíochta, síceolaithe agus speisialtóirí eile a bheith san áireamh leo ach gan a bheith teoranta dóibh.

Faoi 2025, beidh gá le coibhéis lánaimseartha beirte chun tacaíocht oibríochtúil agus anailíseach a sholáthar do chúraimí nua EMSA.

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain ó chomhordú, deimhneacht dhlíthiúil, breis éifeachtachta nó comhlántachtaí). Chun críocha an phointe seo, is é a chiallaíonn ‘breisluach a bhaineann le rannpháirtíocht an Aontais’ an luach a thagann as idirghabháil Aontais, ar luach é atá sa bhreis ar an luach a bheadh ann dá mbeadh na Ballstáit ag feidhmiú ina n‑aonair.

Cúiseanna le beart a dhéanamh ar leibhéal an Aontais (ex ante)

Áirithítear le gníomhaíocht an Aontais go mbeidh cothrom iomaíochta ann d’úinéirí long, do chalafoirt agus idir na Ballstáit. Tá sé bunriachtanach imscrúduithe ar leibhéal an Aontais a chomhchuibhiú ina leith sin. I bhfianaise chineál idirnáisiúnta an mhuiriompair agus an ghá atá le cur chuige comhordaithe agus comhchuibhithe maidir le sábháilteacht mhuirí, seachnóidh gníomhaíocht an Aontais éagsúlacht de bhearta náisiúnta a fhorbairt a d’fhéadfadh a bheith neamh‑chomhoiriúnach nó fo-optamach le ceanglais agus spriocanna éagsúla.

An breisluach ar leibhéal an Aontais a mheastar a ghinfear (ex post)

Tá buntáistí ag baint le hidirghabháil ar leibhéal an Aontais nach mbeadh indéanta ar an leibhéal náisiúnta nó ar leibhéal IMO amháin. Measadh go raibh an oibleagáid chun Comhlacht Imscrúdaithe Tionóiscí neamhspleách a chruthú mar phríomh‑bhreisluach na Treorach agus cruthaíodh beagnach leath de chomhlachtaí imscrúdaithe tionóiscí muirí an Aontais mar fhreagra ar an Treoir. Tugann an Treoir reachtaíocht an Aontais i gcomhréir le rialachán IMO agus téann sí thar a gceanglaítear ar leibhéal IMO agus tá sé ar thús cadhnaíochta ar fud an domhain maidir le tuairisciú comhchuibhithe ar thionóiscí agus teagmhais.

1.5.3.Ceachtanna a foghlaimíodh ó thaithí eile den sórt sin san am a chuaigh thart

Tar éis mheastóireacht ex-post REFIT 2018 agus na Seiceála Oiriúnachta Muiriompair, tuairiscíodh go raibh fadhbanna ag baint le heasnaimh sa chreat beartais reatha maidir le saincheisteanna a bhaineann le hacmhainní, soláthar foirne agus saineolas. Cuireann srianta acmhainní teorainn le roinnt Comhlachtaí Imscrúdaithe Tionóiscí (CITanna) sna Ballstáit a gcuid freagrachtaí a chomhlíonadh ar bhealach ceart agus tráthúil. Is amhlaidh atá go háirithe i gcás na mBallstát sin ag a bhfuil cabhlaigh bheaga agus gníomhaíocht theoranta mhuiriompair inar measadh gur ualach díréireach é CIT buan tiomnaithe a bhunú. Ina theannta sin, tá brú ar chumas na mBallstát a n‑oibleagáidí idirnáisiúnta mar Stát brataí, calafort nó Stát cósta i ndáil leis na Treoracha éagsúla a chomhlíonadh. Tuairiscíodh go forleathan go raibh fadhbanna ag CITanna maidir le hacmhainní, soláthar foirne agus saineolas. Rinne roinnt moltaí sa tSeiceáil Oiriúnachta atá ábhartha maidir le himscrúdú tionóiscí lena n‑áirítear úsáid níos fearr a bhaint as acmhainní ar an leibhéal náisiúnta agus ar leibhéal an Aontais, lena n‑áirítear comhthiomsú acmhainní ag tógáil ar an ról agus ar an tacaíocht a sholáthraíonn EMSA agus leas a bhaint as na gnóthachain éifeachtúlachta a thairgtear leis an digitiú agus comhroinnt faisnéise.

Léirítear torthaí na meastóireachta ex post sa mheasúnú tionchair a ghabhann leis an tionscnamh seo mar atá achoimrithe i dTábla 1.

1.5.4.Comhoiriúnacht don Chreat Airgeadais Ilbhliantúil agus sineirgíochtaí a d’fhéadfadh a bheith ann le hionstraimí iomchuí eile

Tá an t‑athbhreithniú atá beartaithe ina phríomhsprioc insoláthartha den Teachtaireacht ón gCoimisiún maidir leis an Straitéis um an tSoghluaisteacht Inbhuanaithe agus Chliste, ina leagtar amach fís an Aontais do chóras iompair na todhchaí. Fógraíodh leis an straitéis go bhfuil sé beartaithe ag an gCoimisiún athbhreithniú mór a thionscnamh ar an reachtaíocht atá ann cheana maidir le freagrachtaí na Stát brataí, rialú Stáit ar chalafoirt agus imscrúdú tionóiscí in 2021 (faoi Thionscnamh Suaitheanta 10 - Sábháilteacht agus slándáil iompair a fheabhsú).

Cruthófar leis an athbhreithniú atá beartaithe sineirgí le píosaí eile de chreat rialála an Aontais, go háirithe Treoir 2009/16/CE maidir le rialú stáit ar chalafoirt agus Treoir 2009/21/CE maidir le comhlíonadh ceanglas stát brataí.

Tá an togra comhoiriúnach leis an gCreat Airgeadais Ilbhliantúil reatha, cé go n‑éileoidh sé athchlárú faoi Cheannteideal 1 maidir leis an ranníocaíocht bhliantúil le EMSA (fritháireamh buiséadach trí laghdú cúiteach ar chaiteachas cláraithe faoi Iompar SCE (02 03 01)). Tá tionchar buiséadach an togra reatha san áireamh cheana féin sa bhuiséad don togra ón gCoimisiún le haghaidh Rialachán ó Pharlaimint na hEorpa agus ón gComhairle maidir leis an nGníomhaireacht Eorpach um Shábháilteacht Mhuirí agus lena n‑aisghairtear Rialachán (CE) Uimh. 1406/2002.

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

Tagraíonn tionchar buiséadach an tionscnaimh seo do na hacmhainní breise is gá do ról méadaitheach EMSA chun imscrúdú taismeach a éascú (i.e. tacaíocht anailíseach an‑speisialaithe a sholáthar le linn imscrúdaithe aonair, uirlisí agus trealamh anailíseach a sholáthar le linn imscrúdaithe aonair, eolas a roinnt nó oiliúint a eagrú ar theicnící/uirlisí sonracha agus forbairtí nua) faoin Treoir atá beartaithe. Is tascanna nua iad seo do EMSA a thiocfaidh chun bheith buan, cé nach dtiocfaidh laghdú ar na tascanna atá ann cheana nó nach gcuirfear deireadh leo de réir a chéile. Ní féidir freastal ar an ngá breise le hacmhainní daonna trí ath‑imlonnú, agus comhlíonfar na riachtanais bhuiséadacha bhreise trí fhritháireamh a dhéanamh ar chláir atá ann cheana arna mbainistiú ag AS MOVE faoin gcreat airgeadais ilbhliantúil reatha.

Déanfar an méadú ar leithreasuithe le haghaidh EMSA a fhritháireamh le laghdú cúiteach ar chaiteachas cláraithe faoi Iompar SCE (02 03 01). Tá tionchar buiséadach an togra reatha san áireamh cheana féin sa bhuiséad don togra ón gCoimisiún le haghaidh Rialachán ó Pharlaimint na hEorpa agus ón gComhairle maidir leis an nGníomhaireacht Eorpach um Shábháilteacht Mhuirí agus lena n‑aisghairtear Rialachán (CE) Uimh. 1406/2002.

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

1.6.Fad agus tionchar airgeadais an togra/tionscnaimh

◻tréimhse theoranta

–◻ Togra/tionscnamh a bheidh i bhfeidhm ón [LL/MM]BBBB go dtí an [LL/MM]BBBB

–◻ Tionchar airgeadais ó BBBB go BBBB

☑ tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB [n.a.],

–agus cuirfear ag feidhmiú go hiomlán ina dhiaidh sin é.

1.7.Na modhanna atá beartaithe chun an buiséad a chur chun feidhme 28

◻ Bainistíocht dhíreach a dhéanann an Coimisiún trí

–◻ ghníomhaireachtaí feidhmiúcháin

◻ Bainistíocht chomhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

◻ eagraíochtaí idirnáisiúnta agus a ngníomhaireachtaí (tabhair sonraí);

◻BEI agus an Ciste Eorpach Infheistíochta;

☑ comhlachtaí dá dtagraítear in Airteagail 70 agus 71;

◻ comhlachtaí dlí poiblí;

◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go soláthraítear ráthaíochtaí leordhóthanacha airgeadais dóibh;

◻ comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíochtaí príobháideacha poiblí a chur chun feidhme agus dá soláthraítear ráthaíochtaí leordhóthanacha airgeadais;

◻ comhlachtaí nó daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

Nótaí

Déanfaidh seirbhísí an Choimisiúin, le cúnamh ón nGníomhaireacht Eorpach um Shábháilteacht Mhuirí de réir mar is iomchuí, an Treoir atá beartaithe a bhainistiú ar an iomlán.

Ceanglófar ar na Ballstáit forálacha na Treorach a thrasuí faoin spriocdháta faoi seach.

2.BEARTA BAINISTÍOCHTA

2.1.Rialacha faireacháin agus tuairiscithe

Sonraigh minicíocht na mbeart agus na coinníollacha atá leo.

Beidh an Coimisiún freagrach ar an iomlán as an Treoir atá beartaithe a chur chun feidhme agus as tuairisciú do Pharlaimint na hEorpa agus don Chomhairle maidir le cur chun feidhme agus comhlíonadh na mBallstát.

Beidh an Coimisiún agus/nó EMSA ag déanamh faireacháin ar bhunachar sonraí EMCIP chun a fhíorú go bhfuil imscrúduithe á ndéanamh go tráthúil agus go héifeachtach agus go ndéantar na tuarascálacha a uaslódáil chuig an mbunachar sonraí, lena n‑áirítear le haghaidh soithí iascaireachta faoi bhun 15 mhéadar a sainaithnítear bearnaí sonraí agus sábháilteachta ina leith. Is iad na táscairí a ndéanfar faireachán sonrach orthu agus iad ag tarraingt ar bhunachar sonraí EMCIP ná líon na mbásanna agus na ngortuithe an‑tromchúiseacha, líon na soithí a cailleadh agus líon na gcásanna truaillithe ar muir, agus a n‑éabhlóid le himeacht ama. Déanfar faireachán ar na táscairí sin go léir de réir an chineáil soithigh atá i gceist. Déanfar faireachán freisin ar líon na moltaí sábháilteachta a fhoilseofar mar thoradh ar na himscrúduithe agus ar an obair leantach a dhéanfar orthu.

Tugann EMSA, thar ceann an Choimisiúin, cuairteanna ar na Ballstáit freisin chun oibríochtaí ar an láthair a fhíorú.

Beidh ar na Ballstáit Córas Bainistíochta Cáilíochta a bheith acu chun a dheimhniú go bhfuil a eagrú, a bheartais, a phróisis, a acmhainní agus a dhoiciméadacht iomchuí chun a chuspóirí a bhaint amach. Ní mór é sin a dheimhniú agus é a bheith faoi réir iniúchadh bliantúil ina dhiaidh sin. Beidh ar CITanna torthaí na n‑iniúchtaí bliantúla arna ndéanamh ag an gcomhlacht creidiúnaithe a roinnt leis an gCoimisiún/EMSA ionas gur féidir leis an CIT a dheimhniú QMS a choinneáil.

Leanfaidh EMSA d’anailísí cothrománacha a dhéanamh, ag tabhairt léiriú ar an gcaoi a bhfuil an reachtaíocht ag feidhmiú agus ag sainaithint bearnaí agus cad is féidir a dhéanamh chun aghaidh a thabhairt orthu, agus ag tuairisciú don Choimisiún agus do na Ballstáit, trí phlé a dhéanamh i gceardlanna i measc nithe eile.

Ar deireadh, deich mbliana tar éis dheireadh dháta chur chun feidhme na reachtaíochta, ba cheart do sheirbhísí an Choimisiúin meastóireacht a dhéanamh lena fhíorú a mhéid a baineadh amach cuspóirí an tionscnaimh.

2.2.Córas bainistíochta agus rialaithe

2.2.1.An bonn cirt atá leis na modhanna bainistíochta, le sásraí cur chun feidhme an chistithe, leis na módúlachtaí íocaíochta agus leis an straitéis rialaithe atá beartaithe

Beidh an Coimisiún freagrach ar an iomlán as an Treoir atá beartaithe a chur chun feidhme agus as tuairisciú do Pharlaimint na hEorpa agus don Chomhairle maidir lena héifeachtúlacht agus maidir lena cur chun feidhme. Tabharfaidh EMSA, de réir mar is iomchuí, cúnamh don Choimisiún i seirbhísí TF agus i bhforbairt na n‑uirlisí TF is gá le haghaidh forálacha tuairiscithe, faireacháin agus fíoraithe na Treorach atá beartaithe, chomh maith le hoiliúint a eagrú. Ceanglófar ar na Ballstáit trasuí na Treorach a dhéanamh ina reachtaíocht náisiúnta faoin spriocdháta a luaitear sa Treoir. Déanfar gníomhaíochtaí forfheidhmithe mar chuid de na himscrúduithe atá ann cheana.

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

Cé go mbeidh an Coimisiún freagrach ar an iomlán as an Treoir atá beartaithe a chur chun feidhme agus as tuairisciú do Pharlaimint na hEorpa agus don Chomhairle maidir le cur chun feidhme agus comhlíonadh na mBallstát, beidh an Ghníomhaireacht Eorpach um Shábháilteacht Mhuirí freagrach as feidhmiú a cuid oibríochtaí agus as cur chun feidhme a creata rialaithe inmheánaigh. Ceanglófar air uirlisí agus modúil TF a fhorbairt, chomh maith le hoiliúint a sholáthar, agus ceanglófar ar na Ballstáit imscrúduithe agus tuairisciú a dhéanamh.

Is é EMSA is fearr chun tuairisciú agus measúnú a dhéanamh ar thascanna comhlíonta, toisc gur obair theicniúil a bheidh anseo, a éilíonn saineolas láidir i mbainistiú sonraí, (go háirithe mar gheall go mbainistíonn EMSA bunachar sonraí EMCIP) chomh maith le tuiscint dhomhain ar ábhair theicniúla chasta a bhaineann le deimhnithe leictreonacha agus oiliúint.

Is iad na Ballstáit is fearr atá in ann forfheidhmiú na Treorach atá beartaithe a chur i gcrích, go háirithe trí leanúint ar aghaidh ag imscrúdú tionóiscí muirí agus ag tuairisciú nuair is gá.

Cuirfidh AS MOVE na rialuithe is gá i bhfeidhm i gcomhréir leis an straitéis mhaoirseachta a glacadh in 2017 maidir le caidreamh na hArd-Stiúrthóireachta le gníomhaireachtaí díláraithe agus le comhghnóthais. Faoin straitéis, déanann AS MOVE faireachán ar tháscairí feidhmíochta maidir le cur chun feidhme an bhuiséid, na moltaí iniúchóireachta agus cúrsaí riaracháin. Cuireann an Ghníomhaireacht tuarascáil ar fáil ar bhonn débhliantúil. Tá na rialuithe a dhéantar ar mhaoirseacht na Gníomhaireachta agus ar an mbainistiú airgeadais agus buiséadach gaolmhar i gcomhréir le Straitéis Rialaithe AS MOVE, a nuashonraíodh in 2022.

Cumhdófar na hacmhainní breise a chuirfear ar fáil do EMSA le córas rialaithe inmheánaigh agus bainistíochta riosca EMSA atá ailínithe leis na caighdeáin idirnáisiúnta ábhartha agus lena n‑áirítear rialuithe sonracha chun coinbhleacht leasa a chosc agus chun cosaint sceithirí a áirithiú.

2.2.3.Meastachán ar chost‑éifeachtúlacht na rialuithe agus an bonn cirt atá leis sin (cóimheas ‘costais rialaithe ÷ luach na gcistí gaolmhara arna mbainistiú’) agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh)

Faoin Treoir atá beartaithe, ní chuirfear maoiniú breise ar fáil ach do EMSA, a bheidh ag teastáil chun uirlisí agus modúil TF a fhorbairt, chomh maith le hoiliúint a sholáthar.

Tá freagracht iomlán ar EMSA as a mbuiséad a chur chun feidhme, agus tá AS MOVE freagrach as na ranníocaíochtaí arna mbunú ag an Údarás Buiséadach a íoc go rialta. Tá an leibhéal riosca earráide a bhfuiltear ag súil leis tráth na híocaíochta agus tráth an dúnta cosúil leis an leibhéal a ghabhann leis na fóirdheontais bhuiséid a chuirtear ar fáil don Ghníomhaireacht.

Ní mheastar go nginfidh na cúraimí breise a eascraíonn as an athbhreithniú atá beartaithe rialuithe breise sonracha. Dá bhrí sin, táthar ag súil go bhfanfaidh an costas rialaithe le haghaidh AS MOVE (arna thomhas i gcomparáid le luach na gcistí a bhainistítear) cobhsaí.

2.3.Bearta chun calaois agus neamhrialtachtaí a chosc

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Frithchalaoise.

Tá roinnt forálacha sa Treoir atá beartaithe atá dírithe go sonrach ar chalaois agus neamhrialtachtaí a chosc. Beidh ar na Ballstáit Córas Bainistíochta Cáilíochta (QMS) a bheith i bhfeidhm acu chun a dheimhniú go bhfuil a n‑eagrú, a mbeartais, a bpróisis, a n‑acmhainní agus a ndoiciméid iomchuí chun a gcuspóirí a bhaint amach. Ní mór é seo a dheimhniú agus é a bheith faoi réir iniúchadh bliantúil ina dhiaidh sin. Beidh ar Chomhlachtaí Imscrúdaithe Tionóiscí (CITanna) torthaí na n‑iniúchtaí bliantúla arna ndéanamh ag an gcomhlacht creidiúnaithe a roinnt leis an gCoimisiún agus/nó EMSA ionas gur féidir leis an CIT a dheimhniú QMS a choinneáil.

Cuireann EMSA i bhfeidhm prionsabail frithchalaoise na nGníomhaireachtaí AE díláraithe, i gcomhréir le cur chuige an Choimisiúin. I mí an Mhárta 2021, ghlac an Ghníomhaireacht Straitéis nuashonraithe Frithchalaoise, bunaithe ar an modheolaíocht agus ar an treoir maidir le straitéis frithchalaoise a chuir OLAF i láthair chomh maith le Straitéis Frithchalaoise AS MOVE. Soláthraíonn sé creat a thugann aghaidh ar shaincheisteanna a bhaineann le cosc, brath agus coinníollacha le haghaidh imscrúduithe ar chalaois ar leibhéal na Gníomhaireachta. Déanann EMSA a bheartais agus a ghníomhaíochtaí a oiriúnú agus a fheabhsú go leanúnach chun an leibhéal is airde sláine d’fhoireann EMSA a chur chun cinn, tacú le riosca calaoise a chosc agus a bhrath go héifeachtach agus na nósanna imeachta iomchuí a bhunú chun cásanna calaoise féideartha agus a dtorthaí a thuairisciú agus a láimhseáil. Ina theannta sin, ghlac EMSA a bheartas um Choinbhleacht Leasa don Bhord Bainistíochta in 2015.

Comhoibríonn EMSA le seirbhísí an Choimisiúin maidir le hábhair a bhaineann le calaois agus neamhrialtacht a chosc. Áiritheoidh an Coimisiún go leanfar leis an gcomhar sin agus go neartófar é.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a n‑imreofar tionchar

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil

Líne bhuiséid

An cineál
caiteachais

Ranníocaíocht

Líon

LD/LN 29 .

ó thíortha de chuid CSTE 30

ó thíortha is iarrthóirí agus tíortha is iarrthóirí ionchasacha 31

Ó thríú tíortha eile

ioncam sannta eile

02 10 02

Neamhdhifreáilte

IS EA

NÍ hEA

·Línte nua buiséid atá á n‑iarraidh

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil

Líne bhuiséid

Cineál
caiteachais

Ranníocaíocht

Líon

LD/LN.

ó thíortha de chuid CSTE

ó thíortha is iarrthóirí agus tíortha is iarrthóirí ionchasacha

ó thríú tíortha eile

ioncam sannta eile

[XX.YY.YY.YY]

TÁ/NÍL

3.2.An tionchar a mheastar a bheidh ar chaiteachas

3.2.1.Achoimre ar an tionchar a mheastar a bheidh aige ar an gcaiteachas

EUR milliún (go dtí an tríú deachúil)

Ceannteideal an chreata airgeadais ilbhliantúil

An Margadh Aonair, Nuálaíocht agus Inneachar Digiteach

An Ghníomhaireacht Eorpach um Shábháilteacht Mhuirí (EMSA)			Bliain N 2025	Bliain N 2026	Bliain N 2027	Bliain N 2028-2034	IOMLÁN
Teideal 1:	Gealltanais	(1)	0.171	0.342	0.342	2.394	3.249
	Íocaíochtaí	(2)	0.171	0.342	0.342	2.394	3.249
Teideal 2:	Gealltanais	(1a)
	Íocaíochtaí	(2a)
Teideal 3:	Gealltanais	(3a)	0.036	1.637	1.880	13.160	16.713
	Íocaíochtaí	(3b)	0.036	1.637	1.880	13.160	16.713
IOMLÁN leithreasuithe le haghaidh ESMA	Gealltanais	=1+1a +3a	0.207	1.979	2.222	15.554	19.962
	Íocaíochtaí	=2+2a +3b	0.207	1.979	2.222	15.554	19.962

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

Ceannteideal an chreata airgeadais ilbhliantúil

‘Caiteachas riaracháin’

EUR milliún (go dtí an tríú deachúil)

		Bliain N	Bliain N+1	Bliain N+2	Bliain N+3	Iontráil na blianta ar fad a theastaíonn le fad an tionchair a thaispeáint (féach pointe 1.6)	IOMLÁN
AS: <…….>
• Acmhainní Daonna
• Caiteachas riaracháin eile
IOMLÁN ARD-STIÚRTHÓIREACHT <…….>	Leithreasuithe

IOMLÁN leithreasuithe
faoi CHEANNTEIDEAL 7
den chreat airgeadais ilbhliantúil

(Iomlán gealltanas = Iomlán íocaíochtaí)

EUR milliún (go dtí an tríú deachúil)

		Bliain 2025	Bliain 2026	Bliain 2027	Bliain 2028-2034	IOMLÁN
IOMLÁN leithreasuithe faoi CHEANNTEIDIL 1 go 7 den chreat airgeadais ilbhliantúil	Gealltanais	0.207	1.979	2.222	15.554	19.962
	Íocaíochtaí	0.207	1.979	2.222	15.554	19.962

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

3.2.2.An tionchar measta ar leithreasuithe ESMA

–☑ Ní éilíonn an togra/tionscnamh go n‑úsáidfear leithreasuithe faoi chomhair oibríochtaí

–◻ Éilíonn an togra/tionscnamh go n‑úsáidfear leithreasuithe faoi chomhair oibríochtaí mar a mhínítear thíos:

Méideanna in EUR milliúin (go dtí an 3ú deachúil)

Sonraigh cuspóirí agus aschuir

⇩

Bliain
N

Bliain
N+1

Bliain
N+2

Bliain
N+3

Iontráil na blianta ar fad a theastaíonn le fad an tionchair a thaispeáint (féach pointe 1.6)

IOMLÁN

ASCHUIR

Cineál 32

Meánchostas

NÍ hEA

Costas

NÍ hEA

Costas

NÍ hEA

Costas

NÍ hEA

Costas

NÍ hEA

Costas

NÍ hEA

Costas

NÍ hEA

Costas

Líon iomlán

Costas iomlán

CUSPÓIR SONRACH Uimh. 1 33 …

- Aschur

Fo-iomlán le haghaidh chuspóir sonrach Uimh. 1

CUSPÓIR SONRACH Uimh. 2...

- Aschur

Fo-iomlán le haghaidh chuspóir sonrach Uimh. 2

COSTAS IOMLÁN

Nuair is infheidhme, léirítear leis na figiúir suim ranníocaíocht an Aontais leis an ngníomhaireacht agus ioncam eile na gníomhaireachta (táillí agus muirir).

3.2.3.An tionchar a mheastar a bheidh ag an togra/tionscnamh ar acmhainní daonna EMSA

3.2.3.1.Achoimre

–◻ Ní éilíonn an togra/tionscnamh go n‑úsáidfear leithreasuithe de chineál riaracháin

–☑ Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

Méideanna in EUR milliúin (go dtí an 3ú deachúil) Nuair is infheidhme, léirítear leis na figiúir suim ranníocaíocht an Aontais leis an ngníomhaireacht agus ioncam eile na gníomhaireachta (táillí agus muirir).

Bliain
2025

Bliain
2026

Bliain
2027

Bliain
2028-2034

IOMLÁN

Foirne sealadacha (Gráid AD)	0.171	0.342	0.342	2.394	3.249
Gníomhairí sealadacha (gráid AST)
Baill foirne ar conradh
Saineolaí náisiúnta ar iasacht

IOMLÁN

0.171

0.342

2.394

3.249

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

Riachtanais foirne (FTE):

Bliain
2025

Bliain
2026

Bliain
2027

Bliain
2028-2034

IOMLÁN

Foirne sealadacha (Gráid AD)	2	2	2	2	2
Gníomhairí sealadacha (gráid AST)
Baill foirne ar conradh
Saineolaí náisiúnta ar iasacht

IOMLÁN

Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

Tosóidh EMSA ag ullmhú na hearcaíochta a luaithe a ghlacfar an togra. Meastar na costais bunaithe ar an toimhde go n‑earcófar an 2 FTE amhail an 1 Iúil 2025. Mar sin, ní gá ach 50 % de na costais AD don chéad bhliain.

3.2.3.2.Na riachtanais acmhainní daonna a mheastar a bheidh ag an máthair-Ard-Stiúrthóireacht

–☑ Ní éilíonn an togra/tionscnamh go n‑úsáidfear acmhainní daonna.

–◻ Éilíonn an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán i méideanna iomlána (nó go dtí an 1ú deachúil ar a mhéad)

		Bliain N	Bliain N+1	Bliain N+2	Bliain N+3	Iontráil na blianta ar fad a theastaíonn le fad an tionchair a thaispeáint (féach pointe 1.6)
·Poist don phlean bunaíochta (oifigigh agus foireann shealadach)
20 01 02 01 agus 20 01 02 02 (Ceanncheathrú agus Oifigí Ionadaíocht an Choimisiúin)
20 01 02 03 (Toscaireachtaí)
01 01 01 01 (Taighde indíreach)
10 01 05 01 (Taighde díreach)

•Foireann sheachtrach (i gCoibhéis Lánaimseartha: FTE) 34
20 02 01 (AC, END, INT ón ‘imchlúdach iomlánaíoch’)
20 02 03 (AC, AL, END, INT agus JPD sna toscaireachtaí)
Líne bhuiséid/línte buiséid (sonraigh) 35	- Sa cheanncheathrú 36
	- I dtoscaireachtaí
01 01 01 02 (AC, END, INT – Taighde indíreach)
10 01 05 02 (CA, INT, SNE – taighde díreach)
Línte buiséid eile (sonraigh)
IOMLÁN

Soláthrófar na hacmhainní daonna is gá le baill foirne ón Ard‑Stiúrthóireacht atá sannta cheana do bhainistíocht an bhirt agus/nó atá athshannta laistigh den Ard‑Stiúrthóireacht, mar aon le haon leithdháileadh breise a d’fhéadfaí a dheonú, i gcás inar gá, don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Oifigigh agus foireann shealadach
Pearsanra seachtrach

Ba cheart tuairisc ar ríomh na gcostas le haghaidh aonaid FTE a áireamh in Iarscríbhinn V, roinn 3.

3.2.4.Comhoiriúnacht don chreat airgeadais ilbhliantúil reatha

–☑ Tá an togra/tionscnamh comhoiriúnach leis an gcreat airgeadais ilbhliantúil reatha.

–☑ Beidh athchlárú an cheannteidil ábhartha sa chreat airgeadais ilbhliantúil ag gabháil leis an togra/tionscnamh seo.

Éileoidh na cúraimí a leithdháilfear ar EMSA athchlárú na líne buiséid don ranníocaíocht bhliantúil leis an nGníomhaireacht (02 10 02) faoin gcreat airgeadais ilbhliantúil reatha. Déanfar an méadú ar leithreasuithe le haghaidh EMSA a fhritháireamh le laghdú cúiteach ar chaiteachas cláraithe faoi Iompar SCE (02 03 01) faoin gcreat airgeadais ilbhliantúil reatha. Is forléargas táscach é an tionchar ar an mbuiséad i ndiaidh an CAI reatha, gan dochar do Chomhaontú CAI amach anseo.

–◻ Éilíonn an togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil 37 .

Mínigh an méid a bhfuil gá leis, agus sonraigh na ceannteidil agus na línte buiséid lena mbaineann agus na méideanna comhfhreagracha.

3.2.5.Ranníocaíochtaí ó thríú páirtithe

–Ní dhéantar foráil sa togra/tionscnamh maidir le cómhaoiniú le tríú páirtithe.

–Déantar foráil sa togra/tionscnamh maidir le cómhaoiniú atá réamh‑mheasta thíos:

EUR milliún (go dtí an tríú deachúil)

	Bliain N	Bliain N+1	Bliain N+2	Bliain N+3	Iontráil na blianta ar fad a theastaíonn le fad an tionchair a thaispeáint (féach pointe 1.6)	Iomlán
Sonraigh an comhlacht cómhaoinithe
IOMLÁN leithreasuithe cómhaoinithe

3.3.An tionchar a mheastar a bheidh ar ioncam

–☑ Ní bheidh tionchar airgeadais ar bith ag an togra ar ioncam.

–◻ Beidh an tionchar airgeadais seo a leanas ag an togra/tionscnamh:

ar acmhainní dílse

ar ioncam eile

‑ má tá an tioncam sannta do línte caiteachais, sonraigh sin

EUR milliún (go dtí an tríú deachúil)

Líne buiséid ioncaim:	Leithreasuithe atá ar fáil don bhliain airgeadais reatha	Tionchar an togra/tionscnaimh 38
		Bliain N	Bliain N+1	Bliain N+2	Bliain N+3	Iontráil na blianta ar fad a theastaíonn le fad an tionchair a thaispeáint (féach pointe 1.6)
Airteagal ………….

I gcás ioncam ilghnéitheach atá ‘sannta’, sonraigh na línte buiséid a n‑imreofar tionchar orthu.

Sonraigh an modh chun an tionchar ar ioncam a ríomh.

(1) IO L 131, 28.5.2009, lch. 114

(2) SWD(2018) 232 final

(3) SWD(2018) 228 final

(4) https://www.un.org/depts/los/convention_agreements/convention_overview_convention.htm

(5) Cód na gCaighdeán Idirnáisiúnta agus na gCleachtas Molta maidir le hImscrúdú Sábháilteachta ar Thaismeach nó ar Theagmhas Muirí (Cód maidir le hImscrúdú Taismeach)

(6) Cumhdaítear leis an oibleagáid sin taismigh agus teagmhais lena mbaineann longa a bhfuil bratach cheann de na Ballstáit ar foluain acu; nó a tharlaíonn laistigh d’fharraigí teorann agus d’uiscí inmheánacha na mBallstát; nó lena mbaineann leasanna substaintiúla eile de chuid na mBallstát. Crios uiscí cósta is ea an fharraige theorann, a shíneann 12 mhuirmhíle (22 km) ar a mhéad ón mbunlíne (an meánmharc íseal-uisce de ghnáth) de stát cósta. Is uiscí inmheánacha iad na huiscí sin ar thaobh na talún de bhunlíne uiscí teorann náisiúin. Ar na huiscí inmheánacha is féidir aibhneacha agus canálacha a áireamh chomh maith le calafoirt agus cuanta. (Airteagal 6 den Treoir maidir le IS)

(7) Mar a shainmhínítear i gCód IMO maidir le hImscrúdú Taismeach agus Teagmhas Muirí – dá dtagraítear in Airteagal 3(2)(b) den Treoir maidir le IS.

(8) www.emsa.europa.eu

(9) IO L 131, 28.5.2009, lch. 57

(10) IO L 131, 28.5.2009, lch. 132

(11) Treoir 2002/59/CE lena mbunaítear córas faireacháin agus faisnéise um thrácht soithí de chuid an Chomhphobail (IO L 208, 5.8.2002, lch. 10)

(12) IO L 208, 5.8.2002, lch. 1

(13) IO L 34, 9.2.1998, lch. 1

(14) Rialachán (CE) Uimh. 391/2009 maidir le rialacha comhchoiteanna agus caighdeáin chomhchoiteanna d’eagraíochtaí cigireachta agus suirbhéireachta loinge (IO L 131, 28.5.2009, lch. 11) agus Treoir 2009/15/CE maidir le rialacha comhchoiteanna agus caighdeáin chomhchoiteanna d’eagraíochtaí cigireachta agus suirbhéireachta loinge agus do ghníomhaíochtaí ábhartha riarachán muirí (IO L 131, 28.5.2009, lch. 47)

(15) IO L 164, 25.6.2008, lch. 19

(16) Amhail Treoir 92/43/CEE (an ‘Treoir maidir le Gnáthóga’), Treoir 2009/147/CE (‘Treoir AE maidir le hÉin’), Treoir (AE) 2019/904 (An Treoir maidir le Táirgí plaisteacha aon úsáide)

(17) IO L 243, 9.7.2021, lch. 1

(18) SWD(2023) 145 final

(19) Tugann EMSA cuairteanna den sórt sin faoi Airteagal 3 de Rialachán (CE) Uimh. 1406/2002 lena mbunaítear Gníomhaireacht Eorpach um Shábháilteacht Mhuirí mar chuid dá phríomhchúraimí; dá bhrí sin, ní mheastar go dtiocfaidh aon chostas breise chun cinn.

(20) Dá bhforáiltear i Modheolaíocht EMSA le haghaidh cuairteanna ar na Ballstáit, http://emsa.europa.eu/implementation‑tasks/visits‑and-inspections/items.html?cid=89&id=3065

(21) IO C , , lch. .

(22) IO C , , lch. .

(23) IO L 131, 28.5.2009, lch. 114

(24) Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).

(25) Treoir (AE) 2017/2110 ó Pharlaimint na hEorpa agus ón gComhairle an 15 Samhain 2017 maidir le córas cigireachtaí d’oibriú sábháilte long paisinéirí róró agus árthaí paisinéirí ardluais i seirbhís rialta agus lena leasaítear Treoir 2009/16/CE agus lena n‑aisghairtear Treoir 1999/35/CE ón gComhairle (IO L 315, 30.11.2017, lch. 61).

(26) Rialachán (AE) 2017/1130 ó Pharlaimint na hEorpa agus ón gComhairle an 14 Meitheamh 2017 lena sainmhínítear saintréithe soithí iascaireachta (IO L 169, 30.6.2017, lch.1)

(27) Mar a thagraítear dó in Airteagal 58(2)(a) nó (b) den Rialachán Airgeadais.

(28) Tá mionsonraí maidir le modhanna trína gcuirfear an buiséad chun feidhme le fáil ar shuíomh gréasáin BUDGpedia, chomh maith le tagairtí don Rialachán Airgeadais: https://myintracomm.ec.europa.eu/corp/budget/financial-rules/budget‑implementation/Pages/implementation‑methods.aspx

(29) LD = Leithreasuithe difreáilte / LN = Leithreasuithe neamhdhifreáilte.

(30) CSTE: Comhlachas Saorthrádála na hEorpa.

(31) Tíortha is iarrthóirí agus, i gcás inarb infheidhme, iarrthóirí ionchasacha ó na Balcáin Thiar.

(32) Is ionann aschuir agus táirgí agus seirbhísí le soláthar (e.g.: líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(33) Mar a thuairiscítear i bpointe 1.4.2. ‘Cuspóir sonrach/Cuspóirí sonracha...’

(34) AC = Ball foirne ar conradh; AL= Ball foirne áitiúil; END = Saineolaí náisiúnta ar iasacht; INT= Ball foirne gníomhaireachta; JPD = Saineolaithe sóisearacha i dtoscaireachtaí.

(35) Fo-uasteorainneacha d’fhoireann sheachtrach arna gcumhdach ag leithreasuithe faoi chomhair oibríochtaí (na seanlínte ‘BA’).

(36) Le haghaidh Chistí Bheartas Comhtháthaithe an Aontais Eorpaigh, an Chiste Eorpaigh Talmhaíochta um Fhorbairt Tuaithe (CETFT) agus an Chiste Eorpaigh Mhuirí, Iascaigh agus Dobharshaothraithe (CEMID) go príomha.

(37) Féach Airteagail 12 agus 13 de Rialachán (AE, Euratom) Uimh. 2093/2020 ón gComhairle an 17 Nollaig 2020 lena leagtar síos an creat airgeadais ilbhliantúil do na blianta 2021 go 2027.

(38) A mhéid a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 20 % de na costais bhailiúcháin a bheith bainte astu.