Cuimsítear faoin bhfo-cheannteideal seo meaisíní cóimeála clár ciorcad priontáilte a úsáidtear chun comhpháirteanna gníomhacha, éighníomhacha nó cónascacha a ghléasadh ar chiorcaid phriontáilte (meaisíní pioc suas agus suigh). Cuirtear na comhpháirteanna sin isteach sa mheaisín go huathoibríoch ar théipeanna (criosanna). Déanann na meaisíní na comhpháirteanna a shuí go díreach ag na suíomhanna atá beartaithe agus gléasann siad iad ar an gciorcad clóite. Tar éis ghléasadh na gcomhpháirteanna, socraítear iad ar an gciorcad clóite trí shádráil nó nascadh teagmhála a dhéanamh orthu, mar shampla. Cé is moite de chóimeáil gaireas leathsheoltóra, is féidir leis na meaisíní sin comhpháirteanna eile a phiocadh suas agus a shuí ar shubstráití”;