An Bhruiséil,9.9.2022

COM(2022) 451 final

Togra le haghaidh

CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh ag an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES COP19)

(Cathair Phanama, Panama, 14-25 Samhain 2022)


MEABHRÁN MÍNIÚCHÁIN

1.Ábhar an togra

Baineann an togra seo leis an gcinneadh lena leagtar síos an seasamh atá le glacadh thar ceann an Aontais ag an 19ú cruinniú de Chomhdháil na bPáirtithe sa Choinbhinsiúin maidir le Trádáil Idirnáisiúnta i Speicis Fauna agus Flora Fiáine i mBaol (CITES COP19) i ndáil le glacadh na gcinntí atá beartaithe chun, inter alia, na Foscríbhinní a ghabhann leis an gCoinbhinsiún a leasú.

2.Comhthéacs an togra

2.1.An Coinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol

Tá sé d’aidhm ag an gCoinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (‘an Coinbhinsiún’ nó CITES) ainmhithe agus plandaí fiáine a chosaint ar róshaothrú trí thrádáil idirnáisiúnta. Tháinig an Coinbhinsiún i bhfeidhm an 1 Iúil 1975.

Is páirtithe sa Choinbhinsiún iad an tAontas agus a Bhallstáit uile 1 .

2.2.Comhdháil na bPáirtithe sa Choinbhinsiún

Is í Comhdháil na bPáirtithe comhlacht rialaithe an Choinbhinsiúin, agus é sin arna bhunú faoi Airteagal XI den Choinbhinsiún. Tagann Comhdháil na bPáirtithe le chéile gach dara nó tríú bliain chun athbhreithniú a dhéanamh ar chur chun feidhme an Choinbhinsiúin. Go háirithe, measann sí agus glacann sí moltaí maidir le leasuithe ar na liostaí de na speicis atá i bhFoscríbhinní I agus II a ghabhann leis an gCoinbhinsiún. Ina theannta sin, déanann Comhdháil na bPáirtithe plécháipéisí agus tuarascálacha ó na Páirtithe, ó na coistí buana, ón Ardrúnaíocht agus ó na meithleacha a mheá, agus molann sí bearta chun an Coinbhinsiúin a chur chun feidhme ar bhealach níos éifeachtaí.

A mhéid is féidir, is trí chomhthoil a dhéanann Comhdháil na bPáirtithe a cinntí faoi mholtaí i leith Foscríbhinní I agus II a leasú. I gcás nach dtagann Comhdháil na bPáirtithe ar chomhthoil, cuirtear na cinntí chun vóta agus is féidir iad a ghlacadh le tromlach dhá thrian de na hionadaithe atá i láthair agus ag vótáil faoi Airteagal XV(1)(b) den Choinbhinsiún. Vóta amháin atá ag gach Páirtí, seachas ag eagraíochtaí réigiúnacha um chomhtháthú eacnamaíochta, arae tá ag na heagraíochtaí sin, i réimsí a n‑inniúlachta, ceart chun vótáil ‘le líon vótaí atá comhionann le líon a mBallstát atá ina bPáirtithe sa Choinbhinsiún’, faoi Airteagal XXI(5) den Choinbhinsiún. Feidhmíonn an tAontas agus na Ballstáit a gcearta vótála gach re seal, ag brath ar ábhar an chinnidh atá le glacadh. Maidir le cinntí a bhaineann le leasú na bhFoscríbhinní, is é an tAontas a fheidhmíonn cearta vótála, ós rud é go dtrasuitear Foscríbhinní CITES i reachtaíocht ábhartha an Aontais 2 .

2.3.Na cinntí a mheastar a ghlacfaidh Comhdháil na bPáirtithe

Idir an 14 Bealtaine 2022 agus an 25 Samhain 2022, le linn an 19ú cruinniú, déanfaidh Comhdháil na bPáirtithe cinneadh maidir le 52 mholadh i leith Foscríbhinní CITES a leasú (‘moltaí le haghaidh liostú’). Is éard is cuspóir do speicis áirithe nó grúpaí speiceas áirithe a chuimsiú sna Foscríbhinní ná faireachán a dhéanamh ar an trádáil tráchtála sna speicis sin, agus an trádáil sin a rialáil (Foscríbhinn II), nó toirmeasc ginearálta a chur ar an gcéanna (Foscríbhinn I).

Mar chodanna dílse den Choimisiún, tá na Foscríbhinní ceangailteach ó thaobh dlí. Faoi Airteagal XV(1)(c) den Choinbhinsiún, tagann leasuithe arna gcinneadh ag Comhdháil na bPáirtithe i bhfeidhm 90 lá tar éis dheireadh Chomhdháil na bPáirtithe.

3.An seasamh atá le glacadh thar ceann an Aontais

Mar Pháirtí sa Choinbhinsiún, tá an tAontas le seasamh a ghlacadh maidir le gach moladh le haghaidh liostú agus maidir leis na dréachtchinntí iomadúla eile ar chlár oibre Chomhdháil na bPáirtithe. Maidir leis na moltaí le haghaidh liostú – lena n‑áirítear iad siúd a chuir an tAontas isteach – chomh maith leis na cinntí eile atáthar a mholadh do Chomhdháil na bPairtithe, tá saineolaithe ón gCoimisiún agus ó na Ballstáit tar éis athbhreithniú a dhéanamh orthu, lena n‑áirítear athbhreithniú a mhéid a bhaineann leis an tionchar a d’fhéadfadh a bheith acu ar rialacha agus ar bheartais ábhartha an Aontais. Is ar an bplé sin i measc na saineolaithe atá seasamh an Choimisiúin bunaithe, ar plé é a reáchtáladh i gcomhthéacs ghrúpaí saineolaithe ábhartha an Choimisiúin.

Maidir leis na moltaí le haghaidh liostú agus maidir le roinnt dréachtchinntí eile ó Chomhdháil na bPáirtithe, is féidir go ndéanfaidh siad difear do rialacha an Aontais nó go ndéanfaidh siad athrú ar raon feidhme na rialacha sin agus is é an chúis is mó atá leis sin go mbeadh leasuithe ar reachtaíocht agus rialacha cur chun feidhme ábhartha an Aontais i gceist leo. Is gá athruithe ar Fhoscríbhinní an Choinbhinsiún a léiriú in acquis an Aontais, trí athruithe comhfhreagracha ar Rialachán (CE) Uimh. 338/97 ón gComhairle agus, i gcás inarb ábhartha, ar rialacháin cur chun feidhme. Mar thoradh air sin, cruthófar nó cuirfear deireadh le srianta ar an trádáil ón Aontas, isteach san Aontas agus laistigh den Aontas maidir leis na speicis a mbaineann na hathruithe sin leo.

Bíonn an Coimisiún i dteagmháil go rialta leis na páirtithe leasmhara a bhfuil leas acu i gcúrsaí a chumhdaítear leis an gCoinbhinsiún, amhail eagraíochtaí neamhrialtasacha comhshaoil, ionadaithe na n‑earnálacha gnó a bhíonn i mbun trádáil nó úsáid táirgí fiadhúlra, agus eagraíochtaí sealgaireachta nó iascaireachta. An 15 Iúil 2022, bhí cruinniú sonrach comhairliúcháin ag seirbhísí an Choimisiúin le páirtithe leasmhara chun a dtuairimí a fháil ar na saincheisteanna a bhí faoi chaibidil le haghaidh CITES COP19. Mar ba chuí, chuir an Coimisiún an t‑ionchur a chuir na páirtithe leasmhara ar fáil san áireamh agus an Cinneadh ón gComhairle atá beartaithe á fhorbairt aige.

Rúnaíocht CITES agus saineolaithe ó eagraíochtaí speisialaithe amhail an tAontas Idirnáisiúnta um Chaomhnú an Dúlra agus Acmhainní Nádúrtha (IUCN), an líonra um fhaireachán na trádála i bhfiadhúlra TRAFFIC, agus Painéal Comhairleach Saineolaithe Eagraíocht Bhia agus Thalmhaíochta na Náisiún Aontaithe chun measúnú a dhéanamh ar mholtaí i leith leasú a dhéanamh ar liostú speiceas CITES, déanann siad sin anailísí breise ar mholtaí a mholtar do Chomhdháil na bPáirtithe. Ní raibh an chuid is mó de na hanailísí sin ar fáil in am le haghaidh an mholta ón gCoimisiún; ba cheart iad go léir a mheas ina n‑iomláine nuair a phléifear an moladh leis na Ballstáit sa Chomhairle.

Ní raibh roinnt de na doiciméid oibre le haghaidh CITES COP19 ar fáil luath go leor le go bhféadfadh an Coimisiún seasamh a mholadh anois a bheadh le glacadh ag an Aontas. Dá bharr sin, i dtaca leis na seasaimh maidir leis na saincheisteanna siúd, molann an Coimisiún go mbunófaí na seasaimh sin le linn na bpléití i meitheal na Comhairle, nó le linn chruinniú Chomhdháil na bPáirtithe i gcás na ndoiciméad nach mbeidh ar fáil go dtí an t‑am sin.

4.Bunús dlí

4.1.Bunús dlí nós imeachta

4.1.1.Prionsabail

In Airteagal 218(9) den Chonradh ar Fheidhmiú an Aontais Eorpaigh (CFAE), déantar foráil maidir le cinntí lena leagtar síos ‘na seasaimh a ghlacfar thar ceann an Aontais i gcomhlacht arna chur ar bun le comhaontú nuair a iarrtar ar an gcomhlacht sin gníomhartha a ghlacadh a bhfuil éifeachtaí dlíthiúla leo, seachas gníomhartha lena bhforlíonfar nó lena leasófar creat institiúideach an chomhaontaithe’.

Áirítear ar na ‘gníomhartha a bhfuil éifeachtaí dlíthiúla leo’ gníomhartha a bhfuil éifeachtaí dlíthiúla leo de bhua rialacha an dlí idirnáisiúnta lena rialaítear an comhlacht i gceist. Áirítear freisin ionstraimí nach bhfuil éifeacht cheangailteach leo faoin dlí idirnáisiúnta, ach a fhéadfaidh ‘tionchar cinntitheach a imirt ar ábhar na reachtaíochta a ghlacfaidh reachtas an Aontais Eorpaigh’ 3 .

4.1.2.Cur i bhfeidhm maidir leis an gcás seo

Comhlacht is ea Comhdháil na bPáirtithe a cuireadh ar bun le comhaontú, eadhon leis an gCoinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol.

Roinnt de na gníomhartha a iarrtar ar Chomhdháil na bPáirtithe a ghlacadh, is gníomhartha iad a bhfuil éifeachtaí dlíthiúla leo. Beidh na Foscríbhinní leasaithe ceangailteach faoin dlí idirnáisiúnta ós rud é gur cuid dhílis den Choinbhinsiúin iad. Beidh tionchar cinntitheach ag cuid de na cinntí eile ó Chomhdháil na bPáirtithe ar ábhar reachtaíocht an Aontais, ar inneachar Rialachán (CE) Uimh. 865/2006 ón gCoimisiún 4 agus Rialachán Cur Chun Feidhme (AE) Uimh. 792/2012 ón gCoimisiún 5 go háirithe. Is é is cúis leis sin go bhfuil an dá ghníomh ailínithe go dlúth le rialacha ábhartha a bhaineann le cur chun feidhme an Choinbhinsiúin mar a chinn Comhdháil na bPáirtithe.

Leis an ngníomh atá beartaithe ní fhorlíontar ná ní leasaítear creat institiúideach an Chomhaontaithe.

Dá bhrí sin, is é Airteagal 218(9) CFAE bunús dlí nós imeachta an chinnidh atá beartaithe.

4.2.Bunús dlí substainteach

4.2.1.Prionsabail

Braitheann an bunús dlí substainteach atá le cinneadh faoi Airteagal 218(9) CFAE go príomha ar chuspóir agus ar ábhar an ghnímh atá beartaithe a nglacfar seasamh thar ceann an Aontais ina leith. Má tá dhá aidhm ag an ngníomh atá beartaithe nó má tá dhá chuid de ann agus más féidir ceann de na haidhmeanna nó de na codanna sin a shainaithint mar phríomhaidhm nó mar phríomhchuid agus an ceann eile mar aidhm nó cuid theagmhasach, ní mór an cinneadh faoi Airteagal 218(9) CFAE a bhunú ar bhunús dlí substainteach aonair, is é sin an bunús dlí a éilítear faoin bpríomhaidhm nó faoin bpríomhchuid.

Maidir le gníomh atá beartaithe a bhfuil roinnt cuspóirí éagsúla á saothrú aige ag an am céanna, nó a bhfuil roinnt codanna éagsúla ann, ar cuspóirí nó codanna iad a bhfuil dlúthnasc doscartha eatarthu gan aon cheann acu a bheith teagmhasach le hais an chinn eile, ní mór, ar bhonn eisceachtúil, na boinn chomhfhreagracha dlí ar fad a áireamh sa bhunús dlí substainteach atá leis an gcinneadh faoi Airteagal 218(9) CFAE.

4.2.2.Cur i bhfeidhm maidir leis an gcás seo

Maidir leis na cinntí atá beartaithe ó Chomhdháil na bPáirtithe, déantar cuspóirí i réimsí an ‘chomhshaoil’ agus na ‘trádála’ a shaothrú leo agus tá codanna iontu a bhaineann leis na réimsí sin. Tá dlúthnasc doscartha idir na gnéithe sin den ghníomh atá beartaithe gan aon cheann acu a bheith teagmhasach le hais an chinn eile.

Dá bhrí sin, tá na forálacha seo a leanas i mbunús dlí substainteach an chinnidh atá beartaithe: Airteagal 192(1) agus Airteagal 207(3) agus (4), na chéad fhomhíreanna.

4.3.Conclúid

Is iad Airteagal 192(1) agus Airteagal 207(3) agus (4), an chéad fhomhír, i gcomhar le hAirteagal 218(9) CFAE, ba cheart a bheith i mbunús dlí an chinnidh atá beartaithe.

Togra le haghaidh

CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh ag an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES COP19)

(Cathair Phanama, Panama, 14-25 Samhain 2022)

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1) agus Airteagal 207(3) agus (4), an chéad fhomhír, i gcomhar le hAirteagal 218(9) de,

Ag féachaint don togra ón gCoimisiún Eorpach,

De bharr an mhéid seo a leanas:

(1)An Coinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (“an Coinbhinsiún”), coinbhinsiún ar aontaigh an tAontas dó le Cinneadh (AE) 2015/451 ón gComhairle an 6 Márta 2015 6 , tháinig sé i bhfeidhm an 1 Iúil 1975.

(2)De bhun Airteagal XI(3) den Choinbhinsiún, féadfaidh Comhdháil na bPáirtithe, inter alia, cinntí a ghlacadh chun Foscríbhinní an Choinbhinsiúin a leasú.

(3)Le linn an 19ú cruinniú de Chomhdháil na bPáirtithe ón 14 Bealtaine 2022 go dtí an 25 Samhain 2022, tá an Chomhdháil le cinntí a ghlacadh maidir le 52 mholadh i leith na Foscríbhinní a ghabhann leis an gCoinbhsiún a leasú, chomh maith le cinntí maidir le go leor ábhair eile a bhaineann le cur chun feidhme agus léirmhíniú an Choinbhinsiúin.

(4)Is iomchuí an seasamh a leagan síos atá le glacadh thar ceann an Aontais i gComhdháil na bPáirtithe, ós rud é go mbeidh na leasuithe ar na Foscríbhinní ceangailteach ar an Aontas agus go bhféadfaidh roinnt cinntí eile tionchar cinntitheach a imirt ar ábhar dhlí an Aontais. Orthu sin tá, go háirithe, Rialachán (CE) 865/2006 ón gCoimisiún lena leagtar síos rialacha mionsonraithe i dtaca le cur chun feidhme Rialachán (CE) Uimh. 338/97 ón gComhairle maidir le speicis fauna agus flora fiáine a chosaint trí thrádáil iontu a rialáil, agus Rialachán Cur Chun Feidhme (AE) Uimh. 792/2012 ón gCoimisiún lena leagtar síos rialacha maidir le dearadh ceadanna, teastas agus doiciméad eile dá bhforáiltear i Rialachán (CE) Uimh. 338/97 ón gComhairle maidir le speicis fauna agus flora fiáine a chosaint trí thrádáil iontu a rialáil agus lena leasaítear Rialachán (CE) Uimh. 865/2006 ón gCoimisiún.

(5)An seasamh atá sé beartaithe a ghlacadh maidir leis na moltaí éagsúla atá os comhair Chomhdháil na bPáirtithe, tá sé bunaithe ar anailís shaineolach ar fhiúntas na moltaí sin, agus forálacha an Choinbhinsiúin á gcur san áireamh, de réir na fianaise eolaíche is fearr atá ar fáil, agus ar a chomhsheasmhaí atá na moltaí sin le rialacha agus beartais ábhartha an Aontais.

TAR ÉIS AN CINNEADH SEO A GHLACADH:

Airteagal 1

Leagtar amach sna hIarscríbhinní an seasamh atá le glacadh thar ceann an Aontais ag an 19ú cruinniú de Chomhdháil na bPáirtithe (COP) sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol.

Airteagal 2

I gcás inar dócha go ndéanfar difear don seasamh dá dtagraítear in Airteagal 1 le faisnéis eolaíoch nó theicniúil nua a thíolacfar tar éis ghlacadh an Chinnidh seo agus roimh COP19 CITES nó lena linn, nó i gcás ina ndéanfar ag an gcruinniú sin moltaí athbhreithnithe nó moltaí nua nach bhfuil seasamh leagtha síos ina leith ag an Aontas fós, déanfar seasamh an Aontais a fhorbairt trí bhíthin comhordú ar an láthair sula n‑iarrfar ar Chomhdháil na bPáirtithe cinneadh a dhéanamh maidir leis na tograí sin. Sna cásanna sin, beidh seasamh an Aontais comhsheasmhach leis na prionsabail a leagtar síos sna hIarscríbhinní a ghabhann leis an gCinneadh seo.

Airteagal 3

Is chuig an gCoimisiún a dhírítear an Cinneadh seo.

Arna dhéanamh sa Bhruiséil,

   Thar ceann na Comhairle

   An tUachtarán

(1)    Cinneadh (AE) 2015/451 ón gComhairle an 6 Márta 2015 maidir le haontachas an Aontais Eorpaigh leis an gCoinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES), IO L 75, 19.3.2015, lgh. 1-3.
(2)    Rialachán (CE) Uimh. 338/97 ón gComhairle maidir le speicis fauna agus flora fiáine a chosaint trí thrádáil iontu a rialáil, IO L 61, 3.3.1997, lch. 1, agus gníomhartha cur chun feidhme ábhartha.
(3)    Breithiúnas na Cúirte Breithiúnais an 7 Deireadh Fómhair 2014, an Ghearmáin v an Chomhairle, C-399/12, ECLI:EU:C:2014:2258, míreanna 61 go 64.
(4)    Rialachán (CE) Uimh. 865/2006 ón gCoimisiún an 4 Bealtaine 2006 lena leagtar síos rialacha mionsonraithe a bhaineann le cur chun feidhme Rialachán (CE) Uimh. 338/97 ón gComhairle maidir le speicis fauna agus flora fiáine a chosaint trí thrádáil iontu a rialáil.
(5)    Rialachán Cur Chun Feidhme (AE) Uimh. 792/2012 ón gCoimisiún an 23 Lúnasa 2012 lena leagtar síos rialacha maidir le dearadh ceadanna, deimhnithe agus doiciméad eile dá bhforáiltear i Rialachán (CE) Uimh. 338/97 ón gComhairle maidir le speicis fauna agus flora fiáine a chosaint trí thrádáil iontu a rialáil agus lena leasaítear Rialachán (CE) Uimh. 865/2006 ón gCoimisiún.
(6)    IO L 75, 19.3.2015, lgh. 1-3.

An Bhruiséil,9.9.2022

COM(2022) 451 final

IARSCRÍBHINN

a ghabhann leis an

Togra le haghaidh CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh ag an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES COP19)


(Cathair Phanama, Panama, 14 - 25 Samhain 2022)


IARSCRÍBHINN I

Seasamh an Aontais maidir leis na príomhcheisteanna atá le plé ag an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES), Cathair Phanama, Panama, 14 - 25 Samhain 2022

(Cathair Phanama, Panama, 14 - 25 Samhain 2022)

A.Breithnithe ginearálta

1.Measann an tAontas gur coinbhinsiún idirnáisiúnta an‑tábhachtach é CITES chun an bhithéagsúlacht a chaomhnú agus chun cur i gcoinne na gáinneála ar fhiadhúlra.

2.Ba cheart don Aontas seasamh uaillmhianach a ghlacadh i gcomhair COP19 CITES, i gcomhréir le beartais ábhartha an Aontais agus le gealltanais idirnáisiúnta, go háirithe na spriocanna a bhaineann leis an bhfiadhúlra faoi Sprioc Forbartha Inbhuanaithe 15, an Creat Domhanda Bithéagsúlachta iar-2020 faoin gCoinbhinsiún maidir leis an mBithéagsúlacht, Fís Straitéiseach CITES agus Rún 75/311 ó Chomhthionól Ginearálta na Náisiún Aontaithe maidir leis an ngáinneáil aindleathach ar fhiadhúlra. Ba cheart do sheasamh an Aontais a bheith ina chuidiú chun na cuspóirí a ghnóthú a leagadh amach ar leibhéal an Aontais trí bhíthin na straitéise Bithéagsúlachta i gcomhair 2030, trí bhíthin an athbhreithnithe atá ar tí a dhéanta ar Phlean Gníomhaíochta an Aontais in aghaidh na Gáinneála ar Fhiadhúlra, trí bhíthin chur chuige an Aontais chun trádáil agus forbairt inbhuanaithe a chur chun cinn, mar a léirítear i mbeartas trádála oscailte, inbhuanaithe agus teanntásach an Aontais, agus trí bhíthin an Chomhaontaithe Ghlais don Eoraip.

3.Is iad seo a leanas ba cheart a bheith ina dtosaíochtaí ag an Aontas ag COP19 CITES:

·úsáid iomlán a bhaint as ionstraimí CITES chun rialáil a dhéanamh ar an trádáil idirnáisiúnta i speicis ainmhíocha agus planda atá i mbaol agus a ndéantar leibhéil neamh‑inbhuanaithe trádála orthu, agus é sin a dhéanamh trí chur chuige eolaíocht‑bhunaithe a shaothrú;

·freagairt an phobail idirnáisiúnta ar an ngáinneáil ar fhiadhúlra a neartú;

·a áirithiú go léireofar fós stádas agus cearta an Aontais mar Pháirtí sa Choinbhinsiún. Is i dtéacs CITES amháin, lena n‑áirítear míreanna 2 go 6 d’Airteagal XXI, a leagtar amach stádas agus cearta an Aontais Eorpaigh;

·a áirithiú go mbeidh na moltaí a ghlacfar comhsheasmhach le rialacha agus beartais ábhartha an Aontais.

4.Ba cheart a chur san áireamh i seasamh an Aontais an cuidiú is féidir do shásraí CITES a thabhairt chun an stádas caomhnúcháin atá ag speicis a fheabhsú, agus ba cheart aitheantas a thabhairt sa seasamh sin don obair atá déanta ag na tíortha sin a bhfuil bearta éifeachtacha caomhnúcháin curtha chun feidhme acu. Ba cheart don Aontas a áirithiú go n‑uasmhéadófar éifeachtúlacht CITES leis na cinntí a ghlacfar ag COP19, trí ualaí neamhriachtanacha riaracháin a íoslaghdú agus trí réitigh phraiticiúla, chostéifeachtacha, inoibrithe a bhaint amach ar fhadhbanna cur chun feidhme agus faireacháin.

5.Is í Comhdháil na bPáirtithe (COP) comhlacht rialaithe CITES agus déanfaidh an Buanchoiste, arb é príomh‑fhochomhlacht COP é, líon áirithe cinntí arna nglacadh ag COP19 CITES a chur chun feidhme. Ba cheart, dá bhrí sin, seasamh an Aontais i gcomhair COP19 CITES a bheith ina threoir freisin do chur chuige an Aontais ag an 75ú agus an 76ú cruinniú den Bhuanchoiste a reáchtálfar díreach roimh COP19 agus díreach ina dhiaidh.

B.Saincheisteanna sonracha

6.Tá seacht moladh is caoga i leith Foscríbhinní CITES a leasú curtha síos lena meá ag COP19 CITES. Is é an tAontas, ina cháil mar phríomh‑mholtóir nó mar chómholtóir, a chuir isteach trí cinn déag de na moltaí sin agus ba cheart don Aontas tacú le glacadh na moltaí sin ar ndóigh. Ba cheart seasamh an Aontais maidir le gach moladh a bhunú ar stádas caomhnúcháin na speiceas ábhartha agus ar an tionchar atá nó a bheadh ag trádáil ar na speicis sin, i gcomhréir le Rún Comhdhála 9.24 maidir leis na critéir a bhaineann le Foscríbhinní I agus II a leasú. Ba cheart aird ar leith a thabhairt ar thuairimí stáit raoin na speiceas lena mbaineann. Measann an tAontas gur cheart, mar riail ghinearálta, tacaíocht a thabhairt do mholtaí i leith Foscríbhinní CITES a leasú, i gcás inar moltaí iad a tháinig as obair Choistí um Plandaí agus Ainmhithe CITES agus as obair an Bhuanchoiste. Maidir le measúnú na moltaí ag Rúnaíocht CITES agus ag an Aontas Idirnáisiúnta um Chaomhnú an Dúlra agus Acmhainní Nádúrtha/TRAFFIC 1 agus, i gcás speicis mhuirí a ndéantar saothrú tráchtála orthu, an measúnú ag painéil saineolaithe thiomnaithe Eagraíocht Bhia agus Talmhaíochta na Náisiún Aontaithe, ba cheart na measúnuithe sin a chur san áireamh freisin ach iad a bheith ar fáil.

7.Mar a aontaíodh i gCinneadh 2022/982 ón gComhairle an 16 Meitheamh 2022 2 , molann an tAontas iad seo a leanas a chuimsiú mar a leanas:

–Physignathus cocincinus (an dragan uisce Síneach) i bhFoscríbhinn II 

–Cuora galbinifrons (an turtar boscach Ind‑Síneach) i bhFoscríbhinn I

–Laotriton laoensis (niút faithneach Laos) i bhFoscríbhinn II)

–Agalychnis lemur (an frog duille léamair) i bhFoscríbhinn II

–speicis uile Sphyrnidae spp. (na siorcanna ceann casúir) nár cuimsíodh fós i bhFoscríbhinn II

–Thelenota ananas, T. anax, T. rubralineata (súmairí cladaigh) i bhFoscríbhinn II

–Khaya spp. (an mahagaine Afracach) (daonraí na hAfraice) i bhFoscríbhinn II le Nóta Mínithe #17

–Afzelia spp. (an mahagaine faighneogach) (daonra na hAfraice) i bhFoscríbhinn II le Nóta Mínithe #17

–Dipteryx spp. i bhFoscríbhinn II le Nóta Mínithe #17 + síolta

–Handroantus spp. (an crann trumpa), Tabebuia spp. agus Roseodendron spp. i bhFoscríbhinn II le Nóta Mínithe #17

–Pterocarpus spp. (an padúc) (daonraí na hAfraice) i bhFoscríbhinn II le Nóta Mínithe #17

–Rhodiola spp. i bhFoscríbhinn II CITES le Nóta Mínithe #2.

Chomh maith leis sin, tá cinneadh déanta ag an Aontas comhurraíocht a dhéanamh ar an moladh ó Phanama go liostófaí Carcharhinidae spp. (na siorcanna carcairinideacha) i bhFoscríbhinn II.

8.Tugann an tAontas dá aire go ndearnadh an‑obair le roinnt bheag blianta anuas chun acmhainn a fhothú le haghaidh chur chun feidhme CITES, maidir le speicis mhuirí go háirithe, lena n‑áirítear an méid a rinneadh trí thacaíocht airgeadais ón Aontas. Tacaíonn an tAontas le comhordú níos fearr idir CITES, eagraíochtaí réigiúnacha bainistithe iascaigh agus comhlachtaí ábhartha eile, agus iad ag gníomhú de réir a sainorduithe féin, agus é d’aidhm aige sin an rialachas a fheabhsú agus an chomhlántacht a mhéadú.

9.Tugann an tAontas dá aire an bhreis fócais in CITES ar speicis crann, rud atá le feiceáil freisin i moltaí an Aontais i leith speicis bhreise crann a liostú i bhFoscríbhinn II CITES ag COP19. Tá ról an‑tábhachtach ag CITES i gcaomhnú foraoisí agus tacaíonn an tAontas le gníomhaíocht níos láidre agus níos comhsheasmhaí idir CITES agus eagraíochtaí agus próisis eile a bhaineann le foraoisí.

10.Ba cheart seasamh an Aontais maidir le moltaí a bhaineann le gáinneáil ar fhiadhúlra a bheith ina léiriú ar chur chuige cuimsitheach an Aontais i leith gáinneáil ar fhiadhúlra a chosc trí aghaidh a thabhairt ar na bunchúiseanna atá léi, trí chreataí dlíthiúla agus beartais a neartú chun aghaidh a thabhairt ar an ngáinneáil ar fhiadhúlra, trí na rialacha atá ann cheana a fhorfheidhmiú go héifeachtach, agus trí chomhpháirtíochtaí domhanda a chothú chun aghaidh a thabhairt ar an ngáinneáil ar fhiadhúlra.

11.I gcomhréir leis na tosaíochtaí sin, tá an tAontas i bhfabhar cosaint níos fearr a thabhairt, trí CITES, do na speicis a allmhairítear isteach san Aontas faoi láthair ag leibhéil nach bhfuil inbhuanaithe nó go mídhleathach. Dá bhrí sin, tacaíonn an tAontas leis na moltaí i leith na Foscríbhinní a leasú i ndáil le speicis éagsúla reiptílí agus amfaibiach, go háirithe roinnt speiceas turtar a allmhairítear chun an Aontais mar pheataí.

12.Ba cheart don Aontas tionscnaimh a spreagadh freisin a chuidíonn acmhainneachtaí na n‑údarás ábhartha a mhéadú, a chuidíonn faisnéis agus dea-chleachtais a chomhroinnt, a chuidíonn díriú ar CITES a chur chun feidhme ar bhealach níos fearr agus ba cheart dó an comhar idir tíortha foinseacha, idirthurais agus cinn scríbe a fheabhsú.

13.Sa chomhthéacs sin, tugann an tAontas dá aire moltaí lena n‑iarrtar go gcruthófaí cistí sonracha chun tairbhe Páirtithe roghnaithe. Measann an tAontas nár cheart cistí nua a chruthú ach amháin i gcásanna a bhfuil údar cuí leo, bunaithe ar anailís chríochnúil ar a n‑indéantacht agus ar a mbreisluach. Níor cheart rochtain ar chistiú a theorannú do pháirtithe roghnaithe nó do ghrúpaí Páirtithe roghnaithe.

14.Is tábhachtach don Aontas a áirithiú go dtuigfear agus go léireofar go haonfhoirmeach gach rún, agus gach nóta mínithe agus gach forchoimeádas. Ó tá an phóitseáil eilifintí agus an gháinneáil ar eabhar fós á ndéanamh go tréan, ba cheart don Aontas gníomhú go sonrach ar mhaithe le míniú na rialacha maidir leis an trádáil in eilifintí beo, go sonrach Rún Comhdhála 11.20 (Rev. COP18) agus Rún Comhdhála 10.10 (Rev. COP18). Ag an 74ú cruinniú den Bhuanchoiste, chuir an tAontas agus na Ballstáit in iúl gur mian leo comhchreat a chruthú le haghaidh na trádála in eilifintí Afracacha beo, bunaithe ar chreat CITES agus ar ghrinnscrúdú eolaíoch trédhearcach láidir. Comhchuibhiú na gcoinníollacha maidir le trádáil in eilifintí Afracacha beo agus cur chun cinn gníomhaíochtaí lena dtugtar aghaidh go díreach ar fhadhb na trádála neamhdhleathaí in eilifintí agus in eabhar, ba cheart é sin a bheith ina thosaíocht ag an Aontas maidir le gach mír de chlár oibre COP19 a bhaineann le heilifintí.

15.Tugann an tAontas dá aire go bhfuil roinnt moltaí maidir le trádáil dhleathach in eabhar eilifinte curtha síos ag roinnt Páirtithe. Faoi chreat CITES, tá toirmeasc faoi láthair ar an trádáil idirnáisiúnta in eabhar. Measann an tAontas nach gcomhlíontar na coinníollacha maidir le hathúdarú na trádála sin agus ní thacaíonn sé le moltaí go n‑athosclódh COP19 an trádáil sin. Maidir le margaí intíre eabhair, ba cheart don Aontas leanúint de bheith ag tacú le bearta comhréireacha agus éifeachtacha, laistigh de raon feidhme an Choinbhinsiúin, atá bunaithe ar an bhfianaise is fearr atá ar fáil.

16.Aithníonn an tAontas go bhféadfadh an trádáil idirnáisiúnta i bhfiadhúlra a bheith ina riosca i dtaca le teacht chun cinn galar zónóiseach. Ba cheart ról a bheith ag CITES, i gcomhréir lena shainordú, i laghdú na rioscaí a d’fhéadfadh a bheith ann do shláinte ainmhithe agus daoine. Ní féidir le haon eagraíocht aghaidh a thabhairt aisti féin ar na dúshláin iomadúla a bhféadfadh, dá ndeasca, go dtiocfadh galair a bhaineann leis an bhfiadhúlra chun cinn agus go leathfaidís. Dá bhrí sin, ba cheart don Aontas CITES a spreagadh chun leanúint de bheith ag neartú a gcomhair ghníomhaigh le heagraíochtaí idir-rialtasacha eile, lena n‑áirítear iad siúd a bhfuil baint acu le sláinte ainmhithe nó leis an tsláinte phoiblí, le trádáil, le bia nó le hiompar, i gcomhréir le ‘cur chuige na hAon Sláinte Amháin’. Tacaíonn an tAontas go láidir leis an ngealltanas athnuaite atá tugtha ag an Eagraíocht Dhomhanda um Shláinte Ainmhithe agus ag CITES oibriú le chéile ar shaincheisteanna sláinte agus leasa ainmhithe ar fud an domhain chun an bhithéagsúlacht a chosaint agus chun ainmhithe a chosaint.

17.Le blianta beaga anuas, de bharr ghéarchéim na gáinneála ar fhiadhúlra agus, mar aon leis sin, de bharr leathnú raon feidhme CITES go speicis agus Páirtithe nua, tá tuilleadh gníomhaíochtaí tugtha isteach faoin raon feidhme atá faoi scáth CITES agus tá méadú nach beag tagtha ar ualach oibre Rúnaíocht CITES. Ba cheart don Aontas na forbairtí sin a chur san áireamh agus é ag déanamh cinntí faoina chuid tosaíochtaí ag COP19 agus faoin mbuiséad a bheidh ag Rúnaíocht CITES amach anseo.

(1)    Tá speisialtóireacht ag an Aontas Idirnáisiúnta um Chaomhnú an Dúlra agus ag TRAFFIC i dtaca le saincheisteanna trádála fiadhúlra agus cuireann siad ar fáil, roimh gach COP, measúnú críochnúil ar mholtaí i leith leasú a dhéanamh ar Fhoscríbhinní CITES.
(2)    https://eur-lex.europa.eu/legal-content/EN/TXT/PDF/?uri=uriserv:OJ.L_.2022.167.01.0095.01.ENG

An Bhruiséil,9.9.2022

COM(2022) 451 final

IARSCRÍBHINN

a ghabhann leis an

Togra le haghaidh CINNEADH ÓN gCOMHAIRLE

maidir leis an seasamh atá le glacadh thar ceann an Aontais Eorpaigh ag an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES COP19)




(Cathair Phanama, Panama, 14 - 25 Samhain 2022)


Seasamh an Aontais maidir le moltaí áirithe a cuireadh faoi bhráid an 19ú cruinniú de Chomhdháil na bPáirtithe sa Choinbhinsiún maidir le Trádáil Idirnáisiúnta i Speicis Fauna agus Flora Fiáine i mBaol (CITES)

(Cathair Phanama, Panama, 14 - 25 Samhain 2022)

“+”

comhartha lena léirítear seasamh i bhfabhar

“–”

comhartha lena léirítear seasamh i gcoinne

“0”

comhartha lena léirítear go bhfuil seasamh oscailte á ghlacadh mar gheall ar easpa faisnéis leordhóthanach chun seasamh a ghlacadh

“(+)”

comhartha lena léirítear go bhfuil tacaíocht le tabhairt, ach go mbraitheann á tabhairt ar fhaisnéis bhreise a bheith ar fáil agus/nó ar leasuithe ar an moladh

“(-)”

comhartha lena léirítear seasamh i gcoinne a athbhreithneofar má chuirtear breis fianaise thacaíochta ar fáil agus/nó má dhéantar leasú suntasach ar an moladh

1.Doiciméid Oibre

Uimhir

Mír ar an gclár oibre

Moltóir 1

Nótaí tráchta

Seasamh

Searmanas oscailte

Gan doiciméad

Aithisc fáilte

Gan doiciméad

Ábhair maidir le riarachán agus airgeadas

1.

Cathaoirleach agus Leas-Chathaoirleach an chruinnithe agus Cathaoirligh Choistí I agus II a thoghadh

Gan doiciméad

2.

An clár oibre a ghlacadh

COP19 Doic. 2

Rún.

 

3.

An plean oibre a ghlacadh

COP19 Doic. 3

 

 

4.

Rialacha Nós Imeachta Chomhdháil na bPáirtithe

 

 

 

4.1

Tuarascáil ón mBuanchoiste COP19 Doic. 4.1

BC

Tacú le leasuithe a moladh ar Riail 7. Tacú leis na leasuithe a moladh ar Riail 25.6 agus béim a chur ar a thábhachtaí atá sé gur ar bhonn eisceachtúil agus le húdar cuí ón gCathaoirleach sa chuirnniú a dhéanfaí aon athrú ar an ord vótála. 

+

 

4.2

Leasú atá beartaithe ar Riail 26

COP19 Doic. 4.2

an Bhotsuáin agus an tSiombáib

Diúltú don mholadh toisc go bhfuil sé contrártha d’airteagal XV den Choinbhinsiún, a bhfuil intuigthe as gur vóta amháin a bhíonn ann in aghaidh an pháirtí. Bheadh caibidlíocht an-chasta ann roimh gach vóta mar thoradh ar an athrú sin.

-

5.

An Coiste um Dhintiúir

 

 

5.1

An Coiste um Dhintiúir a bhunú 

Gan doiciméad

 

5.2

Tuarascáil ón gCoiste um Dhintiúir 

Gan doiciméad

6.

Breathnóirí a ligean isteach

COP19 Doic. 6

 

7.

Riarachán, maoiniú agus buiséad na Rúnaíochta agus chruinnithe Chomhdháil na bPáirtithe

 

 

7.1

Riarachán na Rúnaíochta 
COP19 Doic. 7.1

Rún.

 

7.2

Tuarascáil ó Stiúrthóir Feidhmiúcháin UNEP maidir le cúrsaí riaracháin agus eile

COP19 Doic. 7.2

UNEP

 

 

7.3

Tuarascálacha airgeadais le haghaidh 2020-2022 
COP19 Doic. 7.3

 

7.4

Buiséad agus phlean oibre i gcomhair na tréimhse 2023 go 2025

COP19 Doic. 7.4

 

7.5

Rochtain ar chistiú

COP19 Doic. 7.5

 

7.6

Tionscadal na dtoscairí urraithe 
COP19 Doic. 7.6

Rún.

Tacú leis an moladh ós rud é go mbeidh an obair riaracháin a bhaineann leis an gClár a leathnú chuig an mBuanchoiste, chuig an gCoiste um Ainmhithe agus chuig an gCoiste um Plandaí ina ualach níos troime ar an Rúnaíocht.

+

8.

Straitéis teanga i gcomhair an Choinbhinsiúin 
COP19 Doic. 8

Ní raibh an doiciméad ar fáil in am le haghaidh anailíse.

Ábhair straitéiseacha

9.

Tuarascálacha agus moltaí ón gCoiste

 

 

 

9.1

An Buanchoiste

 

 

 

 

9.1.1

Tuarascáil ón gCathaoirleach  
COP19 Doic. 9.1.1

 

 

9.1.2

Comhaltaí réigiúnacha nua agus comhaltaí réigiúnacha malartacha a thoghadh

Gan doiciméad

 

9.2

An Coiste um Ainmhithe

 

 

 

9.2.1

Tuarascáil ón gCathaoirleach

COP19 Doic. 9.2.1

CA

 

 

9.2.2

Comhaltaí réigiúnacha nua agus comhaltaí réigiúnacha malartacha a thoghadh

Gan doiciméad

 

9.3

An Coiste um Plandaí

 

 

 

9.3.1

Tuarascáil ón gCathaoirleach  
COP19 Doic. 9.3.1

CP

 

 

9.3.2

Comhaltaí réigiúnacha nua agus comhaltaí réigiúnacha malartacha a thoghadh

Gan doiciméad

10.

Fís Straitéiseach CITES
COP19 Doic. 10

BC

Tacú leis an tsraith cinntí. D’fhéadfaí na táscairí a mhodhnú tuilleadh ag brath ar na forbairtí sa Chreat Domhanda Bithéagsúlachta iar-2020.

(+)

11.

Speicis a liostaítear i bhFoscríbhinn-I

COP19 Doic. 11

CA, CP

Tacú leis an moladh, ach a bheith oscailte i gcónaí chun coigeartuithe ar an bpróiseas atá beartaithe a phlé má mholann Páirtithe eile é sin.

+

12.

Tuarascáil maidir leis an trádáil dhomhanda i bhfiadhúlra
COP19 Doic. 12

an Afraic Theas

Go ginearálta, tacaítear le smaoineamh na tuarascála agus na meithle idirsheisiúnaí. Tá éiginnteachtaí fós sa mholadh áfach. Dá bhrí sin, ní féidir tacú leis ach amháin má chuirtear tús le próiseas, trí shraith cinntí, chun an tuarascáil a shainiú ar bhealach níos fearr d’fhonn cinneadh a dhéanamh ag COP20, nó má chuirtear feabhas ar an moladh le linn COP chun ábhar na tuarascála a shoiléiriú a thuilleadh.

(+)

13.

Rannpháirteachas na bpobal dúchasach agus na bpobal áitiúil

COP19 Doic. 13

BC

Tacú leis an moladh na cinntí athbhreithnithe atá in Iarscríbhinn 1 a ghabhann leis an doiciméad a ghlacadh.

+

14.

Slite beatha

COP19 Doic. 14

BC

Tacú le glacadh na gcinntí athbhreithnithe agus le scriosadh Chinneadh 18.37 agus Chinneadh 18.36.

+

15.

Sásraí rannpháirtíochta do phobail tuaithe in CITES

COP19 Doic. 15

Eswatini, an Namaib agus an tSiombáib

Cur i gcoinne na moltaí mar dhoiciméad neamhspleách. Cé go bhfuil an t‑ábhar tábhachtach, tá dhá phróiseas ar leith ann cheana féin faoi CITES a dhíríonn ar PDA (féach pointí 13 agus 14 ar an gclár oibre).

Chun bheith níos éifeachtúla agus chun bheith comhsheasmhach maidir le rannpháirteachas na bpobal dúchasach agus na bpobal áitiúil agus tuaithe, ba cheart do na moltóirí a moladh a ailíniú leis na próisis dá dtagraítear i míreanna 13 agus 14 den chlár oibre agus é a chur faoi bhráid na meithle ábhartha nó an dá mheitheal, de réir mar is iomchuí, lena bhreithniú.

(-)

16.

Forbairt acmhainneachta

COP19 Doic. 16

BC

Tacú leis an dréachtrún agus leis an tsraith moltaí i leith leanúint den obair ar chreat comhtháite um fhothú acmhainneachta. D’fhéadfadh roinnt mionsoiléirithe a bheith riachtanach go háirithe chun raon feidhme phointe 2 b sa dréachtrún a shoiléiriú.

+

17.

Comhoibriú le heagraíochtaí agus le comhaontuithe iltaobhacha comhshaoil

 

 

 

17.1

Comhoibriú le coinbhinsiúin eile a bhaineann leis an mbithéagsúlacht 

COP19 Doic. 17.1

BC

Tacú leis, toisc gur cheart leanúint de bheith ag treisiú na sineirgí idir comhaontuithe iltaobhacha comhshaoil a bhaineann leis an mbithéagsúlacht agus toisc gurb iomchuí don Bhuanchoiste athbhreithniú leanúnach a dhéanamh ar chúrsaí.

+

 

17.2

Comhoibriú leis an Straitéis Dhomhanda maidir le Caomhnú Plandaí 
COP19 Doic. 17.2

CP

Tacú leis na dréacht-Chinntí nua.

+

 

17.3

Comhoibriú leis an Ardán Idir-Rialtasach maidir le Beartas Eolaíochta

um Sheirbhísí Bithéagsúlachta agus Éiceachórais 
COP19 Doic. 17.3

BC

Tacú leis na dréachtchinntí atá in Iarscríbhinn I a ghabhann leis an doiciméad.

+

17.4

An tionscnamh comhpháirteach CITES-CSI Tionscnamh um Fheoiliteoirí Afracacha

COP19 Doic. 17.4

Rún.

Tacú leis an dréachtchinneadh seo faisnéis ábhartha a chur in iúl don Choiste um Ainmhithe agus comhairle a chur ar an Rúnaíocht dá réir maidir leis an Tionscnamh um Fheoiliteoirí Afracacha, mar a mhol an Coiste um Ainmhithe agus roinnt eagraíochtaí breathnóirí.

+

17.5

An Cuibhreannas Idirnáisiúnta um
Choireacht Fiadhúlra a Chomhrac

COP19 Doic. 17.5

Ní raibh an doiciméad ar fáil in am le haghaidh anailíse.

18.

Lá Domhanda an Fhiadhúlra na Náisiún Aontaithe

COP19 Doic. 18

Rún.

Tacú le scriosadh Chinneadh 18.38 maidir le Lá Domhanda an Fhiadhúlra mar a cuireadh i bhfeidhm é.

+

19.

CITES agus foraoisí

COP19 Doic. 19

Rún.

Tacú leis an moladh ach tá gá le roinnt measúnú breise. A mholadh go bhféadfaí dul i gcomhairle leis an gCoiste um Plandaí maidir le téarmaí tagartha an staidéir (b’fhéidir tríd an gcathaoirleach chun an próiseas a dhéanamh níos simplí).

(+)

20.

Clár um speicis crann

COP19 Doic. 20

Rún.

Tacú leis na dréachtchinntí agus spreagadh a thabhairt do na páirtithe uile chun cur le torthaí Chlár CITES um Speicis Crann atá á mhaoiniú ag an Aontas agus chun cur le cur chun feidhme CITES maidir le speicis crann atá liostaithe.

+

21.

Athbhreithniú ar an gclár ETIS 
COP19 Doic. 21

BC

Is féidir tacú le gach moladh. Thacaigh an tAontas go láidir leis an gclár ETIS i gcónaí agus ba cheart dó tacaíocht a chur in iúl go gníomhach.

+

22.

Na cláir ETIS agus MIKE 
COP19 Doic. 22

BC

Tacú leis an moladh ach ba cheart a chur in iúl go láidir, áfach, gur cheart díriú a thuilleadh ar inmharthanacht fhadtéarmach airgeadais MIKE agus ETIS.

+

23.

Ról CITES maidir leis an riosca a laghdú go dtiocfaidh galair zónóiseacha chun cinn amach anseo a bhaineann le trádáil idirnáisiúnta fiadhúlra

COP19 Doic. 23

 

23.1

Tuarascáil ón mBuanchoiste 
COP19 Doic. 23.1

BC

A chur in iúl gur díol sásaimh é an obair atá déanta ag an meitheal idirsheisiúnach. Tacú leis na cinntí atá beartaithe agus leis na leasuithe ar Rún Comhdhála 10.21 (Rev. COP16) maidir le heiseamail bheo a iompar.

+

 

23.2

Aon Sláinte Amháin agus CITES: 

Rioscaí do shláinte an duine agus do shláinte ainmhithe ó thrádáil fiadhúlra 
COP19 Doic. 23.2

an Cósta Eabhair, an Ghabúin, an Ghaimbia, an Libéir, an Nigéir agus an tSeineagáil

Tacú le gnéithe áirithe den dréachtrún, amhail sainmhínithe idirnáisiúnta a úsáid, comhar le húdaráis sláinte ainmhithe agus údaráis sláinte poiblí agus a mholadh go ndéanfaí iad a lánpháirtiú i nDoiciméad 23.1.

Cur i gcoinne na n‑eilimintí eile a théann níos faide ná sainchúram CITES nó nach bhfuil soiléir.

(-)

24.

Impleachtaí phaindéim COVID-19 maidir le cur chun feidhme an Choinbhinsiúin

COP19 Doic. 24

Rún.

Tacú leis na moltaí atá molta ag an Rúnaíocht chun a áirithiú gur féidir cruinnithe CITES a thionól agus obair idirsheisiúnach a dhéanamh freisin nuair a bhíonn fadhbanna oibríochtúla eisceachtúla ann.

+

25.

Plean gníomhaíochta maidir le hábhair a bhaineann le hinscne 
COP19 Doic. 25

Panama

Tacaítear leis go ginearálta go ndéanfar staidéar ar saincheisteanna a bhaineann le hinscne agus go dtabharfar aghaidh orthu go héifeachtach. Mar sin féin, ba cheart a shainiú roimh ré cén ról agus cén fhoirm ba cheart a bheith ag plean gníomhaíochta i gcomhthéacs CITES.

(+)

Ábhair maidir le léirmhíniú agus cur chun feidhme

Rúin agus Cinntí atá déanta cheana

 

 

26.

Athbhreithniú ar Rúin 
COP19 Doic. 26

Rún.

Tacú leis na hathruithe ar na Rúin agus le Cinneadh 14.81 a scriosadh má ghlactar an t‑athrú ábhartha ar Rún Comhdhála 14.8 (Rev. COP17).

+

27.

Athbhreithniú ar Chinntí

COP19 Doic. 27

Ní raibh an doiciméad ar fáil in am le haghaidh anailíse.

Comhlíontacht agus forfheidhmiú ginearálta

 

 

28.

Dlíthe náisiúnta lena gcuirtear an Coinbhinsiún chun feidhme

COP19 Doic. 28

Rún.

Tacú le glacadh na ndréachtchinntí a leagtar amach in Iarscríbhinn 1 a ghabhann le doiciméad COP18 Doic. 26, agus tacú le Cinntí 18.62 go18.67 a scriosadh freisin.

+

29.

Ábhair maidir le comhlíontacht CITES

29.1

Cur chun feidhme Airteagal XIII agus Rún Comhdhála 14.3 (Rev. COP18)

maidir le nósanna imeachta um chomhlíontacht CITES

COP19 Doic. 29.1

Ní raibh an doiciméad ar fáil in am le haghaidh anailíse.

29.2

Tótuába (Totoaba macdonaldi)

COP19 Doic. 29.2

29.2.1

Tuarascáil ón Rúnaíocht

COP19 Doic. 29.2.1

Ní raibh an doiciméad ar fáil in am le haghaidh anailíse.

29.2.2

Cinntí athnuaite agus nuashonraithe le haghaidh COP19

COP19 Doic. 29.2.2

Stáit Aontaithe Mheiriceá

Le meá in éineacht le 29.2.1, rud nach raibh ar fáil an 22/07/2022.

29.3

Éabainn Malagásac (Diospyros spp.) agus crainn rósadhmaid Bhrasaíleacha agus crainn rósadhmaid
(Dalbergia spp.)

COP19 Doic. 29.3

Rún. i gcomhairle le Cathaoirleach an Bhuanchoiste

Tacú leis na dréachtchinntí; maidir le Madagascar go háirithe chun gach stoc-charn a dhaingniú agus maidir le Páirtithe gan glacadh le heiseamail Diospyros spp (#5) nó Dalbergia spp (#15) a (ath)onnmhariú chun crioch trachtala ó Mhadagascar go dtí go mbeidh Cinneadh Fála Dhleathaigh agus Cinneadh Neamhdhíobhála déanta ag Madagascar i leith na speiceas sin ar an leibhéal náisiúnta chun sástacht na Rúnaíochta.

+

30.

Clár Cúnaimh maidir le Comhlíontacht

COP19 Doic. 30

BC

Tacú leis na cinntí maidir le cur chun feidhme an Chláir Cúnaimh maidir le Comhlíontacht. A iarraidh go gcuirfear leis an réamhbhuiséad agus leis na foinsí maoinithe.

+

31.

Athbhreithnithe ar an leibhéal náisiúnta ar Thrádáil Shuntasach COP19 Doic. 31

BC, cuirtear dréachtchinntí atá beartaithe

ag Cathaoirligh CA agus CP san áireamh

Tacú leis, toisc go bhfuil gá le meastóireacht ar cé acu a thugtar nó nach dtugtar aghaidh ar bhealach leordhóthanach ar na saincheisteanna a sainaithníodh san Athbhreithniú ar an leibhéal náisiúnta ar Thrádáil Shuntasach i gcás Mhadagascar.

+

32.

Athbhreithniú ar Rún Comhdhála 11.3 (Rev. COP18) maidir le Comhlíontacht agus forfheidhmiú

COP19 Doic. 32

BC

Tacú le glacadh na leasuithe atá beartaithe ar Rún Comhdhála 11.3 (Rev. COP18).

+

33.

Ábhair maidir le forfheidhmiú 

COP19 Doic. 33

Rún.

Tacú leis na moltaí, agus lena linn sin béim a leagan ar a thábhachtaí atá sé leanúint d’fhorfheidhmiú gníomhach an Choinbhinsiúin a chur chun cinn ar an leibhéal náisiúnta agus idirnáisiúnta, rud a bhraitheann thar aon ní eile ar chumas leordhóthanach na n‑institiúidí forfheidhmiúcháin agus ar speisialtóireacht a n‑aonad.

+

34.

Tuarascálacha bliantúla ar an trádáil neamhdhleathach

COP19 Doic. 34

Ní raibh an doiciméad ar fáil in am le haghaidh anailíse.

35.

Tascfhórsa maidir le trádáil neamhdhleathach in eiseamail de speicis crann atá liostaithe ag CITES

COP19 Doic. 35

BC

Tacú leis na moltaí: a) an doiciméad a thabhairt dá aire, lena n‑áirítear an leasú atá beartaithe ar dhréachtchinneadh 19.CC maidir le hadhmad agus táirgí adhmaid eile a shainaithint, mar a thíolaic an Coiste um Plandaí i ndoiciméad COP19 Doic. 44,2; b) Cinntí 18.79 agus 18.80 maidir le forghníomhú a scriosadh.

+

36.

Tacaíocht don fhorfheidhmiú i ndáil le coireacht fiadhúlra san Afraic Thiar agus Láir

 

36.1

Tuarascáil ón mBuanchoiste

COP19 Doic. 36.1

BC

Tacú leis na cinntí atá beartaithe. Na Páirtithe san Afraic Thiar agus Láir a spreagadh chun iarrachtaí a dhéanamh cur chun feidhme agus forfheidhmiú CITES a neartú. Páirtithe eile, eagraíochtaí rialtasacha, idir-rialtasacha agus neamhrialtasacha agus páirtithe leasmhara a spreagadh chun tacaíocht a chur ar fáil don fhoréigiún sin.

+

 

36.2

Coireacht fiadhúlra agus tacaíocht d’fhorfheidhmiú CITES

san Afraic Thiar agus Láir

COP19 Doic. 36.2

an Cósta Eabhair, an Ghaimbia, an Libéir, an Nigéir agus an tSeineagáil

Tacaíocht ghinearálta a thabhairt don smaoineamh ach easaontú le tosaíocht a thabhairt do réigiún amháin. An ciste is féidir a bheidh ann, ba cheart é a bheith oscailte do gach Páirtí. Ní mór a mheas an ann do roghanna eile chun aghaidh a thabhairt ar na saincheisteanna ar bhealach níos tapúla. Aontú i bprionsabal le dréachtchinntí 19.CC agus 19.DD, ar gá iad a shoiléiriú, áfach. Easaontú le 19.EE - níor cheart Rúnaíocht CITES a bheith páirteach i dtiomsú airgid do chruinnithe a eagraíonn eagraíochtaí eile.

Gan cur i gcoinne meitheal idirsheisiúnach a bhunú má mheasann tíortha de chuid ECOWAS go mbeadh sé sin úsáideach agus inmhianaithe.

0

37.

Coireacht fiadhúlra a bhaineann leis an Idirlíon

COP19 Doic. 37

Rún.

Tacú leis na hathruithe ar Rún Comhdhála 11.3 (Rev. COP18) agus leis na Dréachtchinntí. A mholadh gur cheart, sa bhreis ar dhea-chleachtais, ‘dlíthe náisiúnta’ atá i bhfeidhm ag Páirtithe a shainaithint freisin (eilimint bhreise le Cinneadh 19.AA atá beartaithe).

+

38.

A éileamh go ndéanfar laghdú chun trádáil neamhdhleathach a chomhrac

COP19 Doic. 38

BC

Tacú le glacadh na treoraíochta ag COP19. Tacú freisin le glacadh dréachtchinntí agus leasuithe ar Rún Comhdhála 17.4 chun feabhas a chur ar infhaighteacht na treoraíochta do Pháirtithe i dteangacha uile CITES agus chun na Páirtithe a spreagadh chun í a úsáid.

+

39.

Margaí intíre le haghaidh eiseamail a thrádáiltear go neamhdhleathach go coitianta

COP19 Doic. 39

BC

Tacú leis na moltaí.

+

Rialáil na trádála

 

 

40.

Treoraíocht i dtaca le cinntí maidir le fáil dhleathach a dhéanamh

COP19 Doic. 40

BC

Forbrófar seasamh an Aontais tar éis na ceardlainne atá beartaithe maidir le Cinntí maidir le Fáil Dhleathach (Lúnasa 2022), agus nuair a bheidh an doiciméad nuashonraithe ar fáil.

41.

Córais leictreonacha agus teicneolaíochtaí faisnéise agus fíordheimhniú agus rialú ceadanna

COP19 Doic. 41

BC

Tacú le conclúid an staidéir ar fhíordheimhniú agus rialú ceadanna. Tacú leis na leasuithe atá beartaithe ar Rún Comhdhála 12.3 (Rev. CoP18) maidir le ceadanna agus teastais leis an moladh córais a eagraítear le struchtúr moil a chur san áireamh níos mó. Tacú leis na leasuithe atá beartaithe ar Rún Comhdhála 11.3 (Rev. COP18) maidir le comhlíontacht agus forfheidhmiú, go háirithe chun go mbeidh údaráis chustaim in ann rochtain a fháil ar fhaisnéis i mbunachair sonraí na nÚdarás Bainistíochta.

(+)

42.

Cóid chuspóra ar cheadanna agus ar dheimhnithe CITES

COP19 Doic. 42

BC

Aontú leis na leasuithe atá molta ar na rúin ábhartha agus tacú le glacadh na ndréachtchinntí atá beartaithe chun meitheal chomhpháirteach idirsheisiúnach a athbhunú chun athbhreithniú breise a dhéanamh ar an úsáid a bhaineann Páirtithe as na cóid idirbhirt agus, i measc nithe eile, chun leanúint leis an bplé maidir le cóid chuspóir P agus T.

+

43.

Cinntí Neamhdhíobhála

 

43.1

Tuarascáil ón gCoiste um Ainmhithe agus ón gCoiste um Plandaí

COP19 Doic. 43.1

CA, CP

Tacú leis na dréachtchinntí a comhaontaíodh ag CA31 agus ag CP25.

+

43.2

Cinntí neamhdhíobhála a dhéanamh i dtaca le heiseamail de speicis Fhoscríbhinn-II a thógtar sa mhuirthimpeallacht nach bhfuil faoi dhlínse aon Stáit

COP19 Doic. 43.2

Ríocht Aontaithe na Breataine Móire agus Thuaisceart Éireann

Tacú leis na dréachtchinntí, toisc go bhfuil siad ag teacht le hiarrachtaí leanúnacha chun sineirgí idir CITES agus iascaigh a neartú d’fhonn feabhas a chur ar chaomhnú siorcanna agus roc atá liostaithe in CITES agus faoi bhagairt.

+

44.

Ábhair aitheantais

 

 

 

44.1

Athbhreithniú ar Rún Comhdhála 11.19 (Rev. COP16)

COP19 Doic. 44.1

BC

Tacú leis na moltaí.

+

44.2

Adhmad agus táirgí adhmaid eile a shainaithint

COP19 Doic. 44.2

CP

Tacú leis na dréachtchinntí toisc gur bailíodh a lán faisnéise thar na blianta agus gurbh úsáideach iad a chur le chéile.

+

45.

Córas lipéadaithe le haghaidh trádáil i gcaibheár

COP19 Doic. 45

BC

Tacú leis na dréachtchinntí atá beartaithe agus le scriosadh chinneadh 18.146.

A mholadh go mbunófaí meitheal idirsheisiúnach den Bhuanchoiste a bheidh in ann tús a chur lena cuid oibre nuair a bheidh anailís agus moltaí na Rúnaíochta ar fáil.

+

46.

Trádáil i gcoiréalaigh chlochacha

COP19 Doic. 46

an tAontas Eorpach agus a Bhallstáit

Doiciméad a chuir an tAontas Eorpach agus a Bhallstáit isteach.

+

47.

Eiseamail a tháirgtear trí bhíthin nabith-theicneolaíochta

COP19 Doic. 47

BC, Rún.

Tacú leis na moltaí, go háirithe maidir le cruinniú speisialaithe chun soiléireacht a thabhairt maidir le sainmhínithe agus le saincheisteanna caomhnúcháin.

+

48.

Sainmhíniú ar an téarma ‘cinn scríbe iomchuí agus inghlactha’

COP19 Doic. 48

BC

Tacú le formheas an dá threoirdhoiciméad neamhcheangailteach.

Tacú leis an dréachtchinneadh in Iarscríbhinn 3.

+

49.

Tabhairt isteach ón bhfarraige

COP19 Doic. 49

BC

Tacú leis na cinntí atá molta.

+

50.

Diúscairt na n‑eiseamal arna gcoigistiú

COP19 Doic. 50

BC

Tacú leis na dréachtchinntí COP19 atá beartaithe mar a mhol BC74 agus tacú le scriosadh Chinntí 18.159 go 18.164.

+

51.

Cuótaí le haghaidh trófaithe fiaigh liopard (Panthera pardus)

COP19 Doic. 51

BC

Tacú le leasú mhír 1 a) de Rún Comhdhála 10.14 (Rev. COP16).

+

52.

Eiseamail bheo a iompar:

cur chun feidhme na rialachán iompair a fheabhsú

COP19 Doic. 52

Ceanada, an Cósta Eabhair, an Chéinia, Meicsiceo, an Nigéir, an tSeineagáil agus Stáit Aontaithe Mheiriceá

Tacú leis na cinntí atá beartaithe agus leis na hathruithe ar na rúin, go háirithe maidir leis an rochtain ar Rialacháin IATA. Cuspóir an chéad (mhion)athraithe i Rún Comhdhála 10.21 a shoiléiriú (‘gan beann ar an modh iompair’ a chur isteach).

+

Díolúintí agus forálacha speisialta maidir leis an trádáil

 

 

 

53.

Athbhreithniú ar fhorálacha CITES a bhaineann le trádáil in eiseamail ainmhithe

agus plandaí nach den fhiadhúlra iad

COP19 Doic. 53

BC

Tacú le leanúint leis an Meitheal Idirsheisiúnach toisc go bhfuil na saincheisteanna a dtugtar aghaidh orthu casta agus nach raibh go leor ama ann chun na pointí go léir sa sainordú a phlé.

+

54.

Athbhreithniú ar fhorálacha Rún Comhdhála 17.7 maidir le hAthbhreithniú ar an trádáil

in eiseamail ainmhithe a thuairiscítear a táirgeadh i mbraighdeanas

COP19 Doic. 54

Rún. thar ceann an Bhuanchoiste agus i gcomhairle le Cathaoirleach an Choiste um Ainmhithe

Tacaíocht ghinearálta a thabhairt, ach tá gá le breis oibre chun grinnscrúdú a dhéanamh ar fhoclaíocht na leasuithe ar an Rún agus ar na dréachtchinntí agus ar a dtionchar.

(+)

55.

Clárú oibríochtaí lena ndéantar 

speicis ainmhithe i bhFoscríbhinn-I a phórú i mbraighdeanas chun críoch tráchtála

COP19 Doic. 55

Stáit Aontaithe Mheiriceá

Tacaíocht ghinearálta a thabhairt don mholadh toisc go bhféadfadh na hathruithe atá molta a bheith úsáideach, ach tá gá le grinnscrúdú breise.

(+)

56.

Treoir maidir leis an téarma ‘arna n‑iomadú go saorga’

COP19 Doic. 56

CP

Tacú leis an moladh, ach tá soiléiriú fós le déanamh áfach ar cheisteanna maidir leis an agar-adhmad, úsáid chód foinse Y, agus saincheisteanna eile.

(+)

57.

Eiseamail a fhástar ó shíolta nó ó spóir a bailíodh as an bhfiadhúlra agus a mheastar a bheith arna n‑iomadú go saorga

COP19 Doic. 57

CP i gcomhairle le Cathaoirleach an Bhuanchoiste

Tacú le scriosadh Chinntí 18.179 - 18.181 toisc go bhfuil an obair curtha i gcrích.

+

Ábhair a bhaineann go sonrach le speicis

58.

Bultúir Iar-Afracacha (Accipitridae spp.)

COP19 Doic. 58

BC i gcomhairle le Rún.

Aontú le glacadh dhréacht-Chinntí 19.AA go 19.FF, dréachtchinntí a chuirfear in ionad Chinntí 18.186 go 18.192.

+

59.

Trádáil neamhdhleathach i síotaí 
(Acinonyx jubatus)

COP19 Doic. 59

an Aetóip

Tacú leis na moltaí toisc gur gá soiléiriú a dhéanamh ar an gcúram atá ar an Tascfhórsa um Chait Mhóra agus ar na tíortha raoin, idirthurais agus cinn scríbe lena mbaineann chun breis dul chun cinn a dhéanamh.

+

60.

Amfaibiaigh a chaomhnú
(Amphibia spp.)

COP19 Doic. 60

CA

Tacú leis na moltaí toisc nár bailíodh sonraí leordhóthanacha maidir le speicis amfaibiacha sa trádáil idirnáisiúnta.

+

61.

Eascanna 
(Anguilla spp.)

COP19 Doic. 61

BC i gcomhairle le Cathaoirleach an Choiste um Ainmhithe

Tacú leis na moltaí ón mBuanchoiste go nglacfaí dréachtchinntí 19.AA go 19.DD arna gcur i láthair in Iarscríbhinn 1.

+

62.

Tacsóin a tháirgeann agar-adhmad 

(Aquilaria spp. agus Gyrinops spp.)

 

 

62.1

Tuarascáil ón gCoiste um Plandaí

COP19 Doic. 62.1

CP

Tacú leis an dréacht-Chinneadh A chur in iúl go soiléir, áfach, nach mór gan Rún 10.13 maidir le Cur Chun Feidhme an Choinbhinsiúin maidir le speicis crann ná Rúin fhéideartha eile a lagú maidir le sainmhínithe agus sonraíochtaí iomadaithe shaorga.

+

 

62.2

An stair agus na dúshláin a bhaineann leis an agar-adhmad agus le CITES

COP19 Doic. 62.2

Ríocht Aontaithe na Breataine Móire agus Thuaisceart Éireann.

Tacú leis tar éis a shoiléiriú cé atá ceaptha na staidéir atá beartaithe a chomhordú.

(+)

63.

crainn Boswellia 
(Boswellia spp.)

COP19 Doic. 63

CP

Tacú leis. Cuireann na dréacht-Chinntí bealach chun cinn réasúnta ar fáil chun bearnaí eolais a dhúnadh agus le haghaidh moltaí le haghaidh liostú a d’fhéadfadh páirtithe a dhéanamh amach anseo.

+

64.

Turtair mhara 
(Cheloniidae spp. agus  
Dermochelyidae spp.)

 

 

 

64.1

Tuarascáil ón Rúnaíocht agus ón mBuanchoiste

COP19 Doic. 64.1

BC, Rún.

Tacú leis. Tá dhá speiceas turtar mara i mbaol criticiúil, tá speiceas amháin i mbaol, agus is treocht daonra dhiúltach a thuartar i ngach measúnú de chuid IUCN. Tá gá le hiarrachtaí breise chun tuilleadh meatha agus an t‑imeacht in éag a chosc.

+

64.2

Turtair mhara a chaomhnú

COP19 Doic. 64.2

an Bhrasaíl, an Cholóim, Cósta Ríce, Peiriú agus Stáit Aontaithe Mheiriceá

Ní mór breis anailíse a dhéanamh chun a thuiscint cén gá atá le rún nua. Ba cheart a mheá an féidir roinnt gnéithe a chur leis na cinntí athnuaite maidir le turtair mhara.

0

65.

Siorcanna agus roic 
(Elasmobranchii spp.)

COP19 Doic. 65

BC, CA, i gcomhairle le

Rún. agus CA

Tacú leis na moltaí ón mBuanchoiste agus ón gCoiste um Ainmhithe go nglacfaí dréachtchinntí 19.AA go 19.FF atá in Iarscríbhinn 4 a ghabhann leis an doiciméad.

+

66.

Eilifintí (Elephantidae spp.)

 

66.1

Cur chun feidhme Rún Comhdhála 10.10 (Rev. COP18) maidir leis an Trádáil in eiseamail eilifinte

COP19 Doic. 66.1

Rún. arna iarraidh sin ag BC

Tacú leis an tsraith cinntí in Iarscríbhinní 1 go 4 den doiciméad a bhaineann le dúnadh margaí eabhair intíre, le trádáil in eabhar mamait, le trádáil in eilifintí Áiseacha, le stoic agus le stoc-chairn eabhair eilifinte agus le cur chun feidhme phróiseas an Phlean Gníomhaíochta Náisiúnta maidir le hEabhar.

+

66.2

Stoc-chairn eabhair

66.2.1

Stoc-chairn eabhair:

Cur chun feidhme Rún Comhdhála 10.10 (Rev. COP17) maidir leis anTrádáil in eiseamail eilifinte

COP19 Doic. 66.2.1

Beinin, Buircíne Fasó, an Ghuine Mheánchiorclach, an Aetóip, an Ghabúin, an Chéinia,

an Libéir, an Nígir, an tSeineagáil agus Tóga

A aithint go bhfuil gá le tuairisciú cuí ach a chur in iúl go bhfuil sé den tuairim gur leor na dréachtchinntí nua atá in Iarscríbhinn 4 de COP19 Doic.66.1.

0

66.2.2

Ciste a bhunú a mbeidh rochtain ag Stáit raoin air

ach a ndéanfaidh siad diúscairt neamhthráchtála ar na stoc-chairn eabhair

COP19 Doic. 66.2.2

an Chéinia

Tá gá le measúnú breise. Ní soiléir cad é tuairim na stát raoin — na stáit siúd is mó a ndéanann an moladh difear dóibh. Tacaítear le diúscairt neamhthráchtála eabhair go ginearálta ach tá amhras ann an gá próiseas maoinithe institiúidithe chun tacú le ceann amháin de na modhanna diúscartha le haghaidh aon chineál amháin, agus gan ach sin, de na cineálacha eiseamal a urghabhtar.

0

66.3

Gnéithe de Rún Comhdhála 10.10 (Rev. COP18)

maidir le dúnadh margaí intíre eabhair a chur chun feidhme

COP19 Doic. 66.3

Beinin, Buircíne Fasó, an Ghuine Mheánchiorclach, an Aetóip, an Ghabúin, an Libéir,

an Nígir, an tSeineagáil agus Tóga

Tacú leis an dréachtrún.

+

66.4

Trádáil eilifintí Afracacha beo

66.4.1

Trádáil idirnáisiúnta in eiseamail d'eilifintí Afracacha beo: Athbhreithniú atá beartaithe ar Rún Comhdhála 10.10 (Rev. COP18)

maidir le Trádáil in eiseamail eilifinte

COP19 Doic. 66.4.1

Beinin, Buircíne Fasó, an Ghuine Mheánchiorclach, an Aetóip, an Libéir, an Nígir,

an tSeineagáil agus Tóga

Cur i gcoinne. Ní mór teacht ar réiteach níos leithne maidir leis na gnéithe éagsúla sin (léirmhíniú ar nóta mínithe 2, rialacha sonracha a bhaineann le trádáil in eilifintí Afracacha beo ina meáitear aistrithe eisceachtúla ex situ chomh maith leis an treoir neamhcheangailteach maidir le ‘tithíocht agus cúram’ chomh maith le ‘sochair chaomhnúcháin in situ’). Comhfhreagraíonn cuspóir an doiciméid seo don chuspóir atá ag an Aontas (féach doic. 66.4.2), eadhonan trádáil in eilifintí beo a theorannú do chláir chaomhnúcháin in situ cé is moite d'eisceachtaí teoranta, agus a bheith oscailte chun plé a dhéanamh ar an mbealach chun cinn leis na moltóirí chun an cuspóir a bhaint amach.

(-)

66.4.2

An creat a shoiléiriú:

Moladh ón Aontas Eorpach.

COP19 Doic. 66.4.2

an tAontas Eorpach agus a Bhallstáit

Doiciméad a chuir an tAontas Eorpach agus a Bhallstáit isteach.

+

66.5

Tuarascáil ar an bhFaireachán ar Mharú Neamhdhleathach Eilifintí (MIKE)

COP19 Doic. 66.5

Rún.

Níl gá le haon chinneadh.

66.6

Tuarascáil ar an gCóras Faisnéise um Thrádáil Eilifintí (ETIS)

COP19 Doic. 66.6

Rún.

Is gá breis anailíse a dhéanamh ar thionchar an athraithe ar an dáta tíolactha.

0

66.7

Athbhreithniú ar phróiseas an Phlean Gníomhaíochta Náisiúnta maidir le hEabhar

COP19 Doic. 66.7

an Mhaláiv, an tSeineagáil agus Stáit Aontaithe Mheiriceá

Ba cheart don Aontas tacú leis an bpróiseas athbhreithnithe ar choinníoll go mbeidh sé dírithe ar na saincheisteanna sonracha a sainaithníodh sa doiciméad (saincheisteanna maidir le tuairisciú, go príomha), seachas ar an bpróiseas iomlán.

(+)

67.

Tascfhórsa CITES um Chait Mhóra (Felidae spp.)

COP19 Doic. 67

BC

Tacú leis na dréachtchinntí atá beartaithe maidir le téarmaí tagartha athbhreithnithe agus modus operandi le haghaidh Thascfhórsa CITES um Chait Mhóra, mar a comhaontaíodh ag BC74 agus tacú le scriosadh Chinntí 18.245 18.248

+

68.

Cait mhóra Áiseacha (Felidae spp.)

COP19 Doic. 68

 

Ní raibh an doiciméad ar fáil in am le haghaidh anailíse.

69.

Capaill mhara (Hippocampus spp.)

 

69.1

Tuarascáil ón mBuanchoiste

COP19 Doic. 69.1

BC

Tacú leis na moltaí ón mBuanchoiste go nglacfaí na dréachtchinntí 19.AA go 19.CC atá in Iarscríbhinn 1 a ghabhann leis an doiciméad.

+

 

69.2

Na chéad chéimeanna eile chun an liostú i bhFoscríbhinn-II le haghaidh capaill mhara a chur chun feidhme go rathúil

COP19 Doic. 69.2

Oileáin Mhaildíve, Monacó, an Nigéir, Peiriú, an tSeineagáil, Srí Lanca, Tóga, Ríocht Aontaithe na Breataine Móire agus Thuaisceart Éireann agus Stáit Aontaithe Mheiriceá

Ní mór breis anailíse a dhéanamh ar na moltaí, agus tá gá le breis faisnéise.

0

70.

Speicis crann rósadhmaid 
[Leguminosae (Fabaceae)]

COP19 Doic. 70

CP

Tacú leis na dréachtchinntí mar a comhaontaíodh iad ag an gCoiste um Plandaí maidir leis an gCrann Rósadhmaid.

+

71.

Pangailiní 
(Manis spp.)

71.1

Tuarascáil ón mBuanchoiste

agus ón gCoiste um Ainmhithe

COP19 Doic. 71.1

BC i gcomhairle le Cathaoirleach an Choiste um Ainmhithe

Tacú leis na moltaí, ach d’fhéadfaí pointí breise a luadh i ndoic. 71.2 a chur leo.

+

71.2

Leasuithe atá beartaithe ar Rún Comhdhála 17.10

COP19 Doic. 71.2

Ríocht Aontaithe na Breataine Móire agus Thuaisceart Éireann

Tacú leis na leasuithe atá beartaithe toisc go bhfuil gá le níos mó gníomhaíochta chun trádáil neamhdhleathach i bpangailiní a chosc.

+

72.

Leoin Afracacha 
(Panthera leo)
COP19 Doic. 72

Rún. i gcomhairle le Cathaoirleach an Bhuanchoiste

Tacú leis an moladh ón gCoiste um Ainmhithe maidir le tuilleadh obair idirsheisiúnach a dhéanamh i dtaca leis an leon Afracach (Panthera leo) agus maidir le Cinneadh nua a ghlacadh.

+

73.

Iaguair 
(Panthera onca)

73.1

Tuarascáil ón
mBuanchoiste

COP19 Doic. 73.1

BC

Tacú le cur chun feidhme Chinntí 18.251 agus 18.253 a mhol an Buanchoiste, agus na dréachtchinntí maidir leis an iaguar in Iarscríbhinn 1 a ghabhann leis an doiciméad seo a ghlacadh.

+

 

73.2

Leasuithe atá beartaithe ar na dréachtchinntí

maidir leis an hiaguar a comhaontaíodh ag BC74

COP19 Doic. 73.2

Cósta Ríce, an tSalvadóir, Meicsiceo agus Peiriú

Tacú i bprionsabal leis na leasuithe atá beartaithe ar chinntí an 74ú cruinniú den Bhuanchoiste a léirítear san Iarscríbhinn a ghabhann leis an doiciméad seo, ach tá gá le níos mó faisnéise agus plé chun an creat is fearr a áirithiú le haghaidh gníomhaíochtaí éifeachtacha a bhaineann leis an iaguar.

Cur i gcoinne chruthú na meithle nua ós rud é gur speiceas tosaíochta de chuid Thascfhórsa CITES um Chait Mhóra é an t‑iaguar. Trí mheitheal idirsheisiúnach eile maidir leis an iaguar a bhunú, dhéanfaí an obair a dhúbláil.

0

74.

Trádáil agus bainistiú caomhnúcháin na n‑éan ceoil 
(Passeriformes spp.)

COP19 Doic. 74

CA

Tacú leis na moltaí ón gCoiste um Ainmhithe maidir le Cinntí 18.256 go 18.259 maidir le trádáil agus bainistiú caomhnúcháin na n‑éan ceoil (Passeriformes spp.) a athnuachan de réir mar a bheidh maoiniú ar fáil.

+

75.

Srónbheannaigh 
(Rhinocerotidae spp.)

COP19 Doic. 75

Ní raibh an doiciméad ar fáil in am le haghaidh anailíse.

76.

An t‑antalóp saigeach 
(Saiga spp.)

COP19 Doic. 76

BC.

Tacú leis na cinntí a mhol an Coiste um Ainmhithe arna leasú ag an Rúnaíocht.

+

77.

An sliogán banríona 
(Strombus gigas)

COP19 Doic. 77

Rún.

Tacú le dréachtchinntí 19.AA go 19.DD in Iarscríbhinn 1 a ghabhann leis an doiciméad seo agus tacú le scriosadh Chinntí 18.275 go 18.280.

+

78.

Toirtísí agus turtair fionnuisce 
(Testudines spp.)

COP19 Doic. 78

Rún.

Aontú gur cuireadh Cinntí 18.286 go 18.291 chun feidhme agus go bhféadfar iad a scriosadh. A mholadh go ndéanfar Cinneadh leantach lena n‑iarrfar ar Mhadagascar straitéis chuimsitheach chaomhnúcháin a chur i láthair le haghaidh a chuid speiceas turtar atá faoi bhagairt.

+

79.

Speicis crann Afracacha

COP19 Doic. 79

CP

Tacú leis. Is céim riachtanach é nuashonrú a dhéanamh ar liosta na speiceas crann Afracach agus ar na próisis CITES ghaolmhara atá san Iarscríbhinn a ghabhann le doiciméad CP25 Doic. 28.

+

80.

Éisc mhuirí ornáide

COP19 Doic. 80

CA

Tacú le glacadh dhréachtchinntí 19.AA go 19.BB in Iarscríbhinn 1 a ghabhann leis an doiciméad seo agus tacú le scriosadh Chinntí 18.263 go 18.265.

+

81.

Speicis crann nuathrópaiceacha

COP19 Doic. 81

CP

Tacú leis. Is céim riachtanach é nuashonrú a dhéanamh ar liosta na speiceas crann nuathrópaiceach agus ar na próisis CITES ghaolmhara a chuimsítear san Iarscríbhinn a ghabhann le doiciméad CP25 Doic. 29.

+

82.

Trádáil i speicis plandaí leighis agus aramatacha

COP19 Doic. 82

CP

Tacú leis, ach a chur in iúl go láidir, áfach, nár cheart Rún nua féideartha a theorannú do tháirgí leighis, ach gur cheart go gcuimseodh sé gach cineál táirge ina bhfuil eiseamail de speicis plandaí leighis agus aramatacha.

+

83.

Speicis atá i mbaol imeacht in éag a shainaithint le haghaidh Páirtithe CITES

COP19 Doic. 83

an Ghaimbia, an Libéir, an Nigéir agus an tSeineagáil

Cur i gcoinne bunachar sonraí nua a bhunú, ós rud é gur bonn leordhóthanach é Liosta Dearg IUCN atá ann cheana chun measúnú a dhéanamh.

-

Na Foscríbhinní a Chothabháil

 

 

84.

Ainmníocht chaighdeánach

 

84.1

Tuarascáil ón gCoiste um Ainmhithe agus ón gCoiste um Plandaí

COP19 Doic. 84.1

CA, arna ullmhú ag speisialtóirí CA comhfhreagracha

maidir le hainmníocht

Tacú le glacadh na gCinntí atá beartaithe agus le hathnuachan na gCinntí ó COP18 mar a leagtar amach i nDoic. 84.1 agus tacú le glacadh Rún Comhdhála 12.11 (Rev. COP18) arna athbhreithniú i ndáil le Flora agus Fauna araon.

+

84.2

Ainmníocht chaighdeánach le haghaidh
Dipteryx spp.

COP19 Doic. 84.2

an tAontas Eorpach agus a Bhallstáit

Doiciméad a chuir an tAontas Eorpach agus a Bhallstáit isteach.

+

84.3

Ainmníocht chaighdeánach le haghaidh
Khaya spp.

COP19 Doic. 84.3

an tAontas Eorpach agus a Bhallstáit

Doiciméad a chuir an tAontas Eorpach agus a Bhallstáit isteach.

+

 

84.4

Ainmníocht chaighdeánach le haghaidh
Rhodiola spp.

COP19 Doic. 84.4

an tAontas Eorpach agus a Bhallstáit

Doiciméad a chuir an tAontas Eorpach agus a Bhallstáit isteach.

+

85.

Nótaí mínithe

85.1

Tuarascáil ón mBuanchoiste

COP19 Doic. 85.1

Tacú leis an doiciméad a thíolaic an Buanchoiste, agus tacú le hathbhunú na Meithle.

+

85.2

Córas faisnéise maidir le trádáil in

eiseamail
de speicis crann atá liostaithe ag CITES

COP19 Doic. 85.2

Tacú leis, ós rud é go bhfuil sé tábhachtach obair a rinneadh cheana a shainaithint agus cur léi.

+

85.3

Sásra athbhreithnithe neamhfhoirmiúil ar nótaí mínithe atá ann cheana agus ar nótaí mínithe atá beartaithe

COP19 Doic. 85.3

Tacú leis an gcinneadh atá beartaithe maidir leis an sásra athbhreithnithe neamhfhoirmiúil le haghaidh nótaí mínithe atá ann cheana agus le haghaidh nótaí mínithe atá beartaithe.

+

86.

Táirgí ina bhfuil eiseamail de mhagairlíní atá faoi Fhoscríbhinn-II

COP19 Doic. 86

BC

Tacú leis na dréachtchinntí agus le scriosadh Chinntí 18.327 go 18.330.

+

87.

Leasuithe ar Rún Comhdhála 9.24 (Rev. COP17)

87.1

Leasuithe atá beartaithe ar Rún Comhdhála 9.24 (Rev. COP17)

COP19 Doic. 87.1

Eswatini

Ní mór tuilleadh measúnaithe a dhéanamh ar an moladh seo. Tá gnéithe áirithe ann atá láidir, ach ní mór soiléiriú a dhéanamh ar an dréachtrún agus ní mór athfhoirmliú a dhéanamh ar chodanna de.

(-)

87.2

Speicis uisceacha atá liostaithe i bhFoscríbhinní CITES:

moltaí le haghaidh cur chuige nua maidir le siorcanna agus roic a liostú

COP19 Doic. 87.2

Ní raibh an doiciméad ar fáil in am le haghaidh anailíse.

88.

Forchoimeádais a cuireadh isteach tar éis an 18ú cruinniú de Chomhdháil na bPáirtithe

COP19 Doic. 88

Ní raibh an doiciméad ar fáil in am le haghaidh anailíse.

Moltaí i leith na Foscríbhinní a leasú

89.

Moltaí i leith Foscríbhinní I agus II a leasú

 

Tugtar aghaidh ar mholtaí le haghaidh liostú i gCuid 2 den doiciméad seo, thíos.

89.1

Measúnú na Rúnaíochta ar na moltaí i leith Foscríbhinní I agus II a leasú

COP19 Doic. 89.1

Ní raibh an doiciméad ar fáil in am le haghaidh anailíse.

89.2

Barúlacha ó na Páirtithe

COP19 Doic. 89.2

Ní raibh an doiciméad ar fáil in am le haghaidh anailíse.

89.3

Tuairimí ó na comhairlithe reachtúla

COP19 Doic. 89.3

Ní raibh an doiciméad ar fáil in am le haghaidh anailíse.

Clabhsúr an chruinnithe

90.

Am agus ionad an chéad ghnáthchruinnithe eile de Chomhdháil na bPáirtithe a shocrú

 Gan doiciméad

91.

Focal scoir (Breathnóirí, Páirtithe, Ardrúnaí CITES, Rialtas Óstach)

 Gan doiciméad



2.Moltaí le haghaidh Liostú

Uimhir

Tacsón / Mionsonraí

Moladh

Moltóir

Nótaí tráchta

Seasamh

FAUNA - MAMMALIA

1.

Hippopotamus amphibious  
(Dobhareach)

II – I

Le haistriú ó Fhoscríbhinn II go Foscríbhinn I

Beinin, Buircíne Fasó, Poblacht na hAfraice Láir, an Ghabúin, an Ghuine, an Libéir, Mailí, an Nígir, an tSeineagáil, Tóga

Cur i gcoinne. Ní chomhlíonann an daonra na critéir liostaithe faoi Fhoscríbhinn I.

-

2.

Ceratotherium simum simum 
(an srónbheannach bán deisceartach) (daonra na Namaibe)

I – II

Daonra na Namaibe a aistriú ó Fhoscríbhinn I go Foscríbhinn II leis an nóta mínithe seo a leanas:

Ionas go bhféadfar trádáil idirnáisiúnta a dhéanamh sna nithe seo a leanas, agus chun na críche sin amháin:

a) ainmhithe beo le haghaidh caomhnú in situ amháin; agus

b) trófaithe fiaigh.

Measfar na heiseamail eile go léir a bheith ina n‑eiseamail de speicis a chuimsítear i bhFoscríbhinn I, agus is dá réir sin a dhéanfar an trádáil iontu a rialáil.

an Bhotsuáin,
an Namaib

Is cosúil go gcomhlíontar na critéir bhitheolaíocha le haghaidh íos-athaicmiú. I bhfianaise an íos-athaicmithe shrianta, is cosúil go gcomhlíontar na bearta réamhchúraim freisin. Mar sin féin, tá sonraí in easnamh maidir le hatáirgeadh, le struchtúr daonra agus le méid éifeachtach daonra, rud a chuireann bac ar mheasúnú deiridh.

0

3.

Ceratotherium simum simum (an srónbheannach bán deisceartach) (daonra Eswatini)

An nóta mínithe a scriosadh atá i liosta Fhoscríbhinn II faoi láthair maidir le daonra Eswatini

Eswatini

Cur i gcoinne. Comhlíonann an daonra, fós, na critéir lena liostú i bhFoscríbhinn I, ach dá mba rud é go scriosfaí an nóta mínithe mar atá molta, ní chomhlíonfaí na coimircí réamhchúraim a leagtar amach i Mír A. 2. a) in Iarscríbhinn 4 de Rún Comhdhála 9.24. Dá mba rud é go ndéanfaí an trádáil adharc srónbheannach a atosú, thabharfadh sé sin comhartha a bheadh mícheart an tráth seo a bhfuil ardleibhéal póitseála agus trádála neamhdhleathaí ann. Bhainfeadh sé an bonn freisin ó ghníomhaíochtaí a lán Páirtithe chun an t‑éileamh ar an speiceas sin a laghdú.

-

4.

Loxodonta  
africana  
(An eilifint Afracach) (daonraí na Botsuáine, na Namaibe, na hAfraice Theas agus na Siombáibe)

Leasú a dhéanamh ar Nóta Mínithe 2 a bhaineann le daonraí na Botsuáine, na Namaibe, na hAfraice Theas agus na Siombáibe

Léirítear na leasuithe atá beartaithe le tréstríoc:

Ionas go bhféadfar an méid seo a leanas a dhéanamh, agus chun na críche sin amháin:

a) trádáil i dtrófaithe fiaigh chun críoch neamhthráchtála

b) trádáil in ainmhithe beo go cinn scríbe iomchuí inghlactha mar atá sainithe i Rún Comhdhála 11.20 (Rev. COP17) i gcás na Botsuáine agus na Siombáibe agus ar mhaithe le cláir caomhnaithe in situ i gcás na Namaibe agus na hAfraice Theas;

c) trádáil i seithí;

d) trádáil i bhfionnadh;

e) trádáil in earraí leathair chun críoch trádála nó neamhthrádála i gcás na Botsuáine, na Namaibe, na hAfraice Theas agus na Siombáibe agus chun críocha neamhthrádála i gcás na Siombáibe;

f) trádáil in ekipa-anna atá marcáilte agus deimhnithe ina gceann agus ina gceann agus atá ionchorpraithe i seodra críochnaithe chun críoch neamhthrádála i gcás na Namaibe agus snoiteáin eabhair chun críoch neamhthrádála i gcás na Siombáibe;

g) trádáil in amh-eabhar cláraithe (starrfhiacla iomlána agus píosaí díobh, i gcás na Botsuáine, na Namaibe, na hAfraice Theas agus na Siombáibe) faoi réir an mhéid seo a leanas:

i) stoic ar leis an rialtas iad agus atá cláraithe, agus ar de thionscnamh an Stáit iad (cé is moite den eabhar a urghabhtar agus den eabhar nach eol cad as é) agus na stoic sin amháin;

ii) trádáil le comhpháirtithe trádála a bhfuil sé deimhnithe ina leith ag an Rúnaíocht, i gcomhairle leis an mBuanchoiste, gur leor an reachtaíocht náisiúnta agus na rialuithe trádála intíre atá acu lena chinntiú nach ndéanfar athonnmhairiú ar an eabhar allmhairithe, agus go mbainisteofar é i gcomhréir le gach ceanglas de Rún Comhdhála 10.10 (Rev. COP17) maidir le monaraíocht agus trádáil intíre, agus chuig an comhpháirtithe sin amháin;

iii) ní dhéanfar an trádáil gan fíorú ón Rúnaíocht a bheith faighte ag na tíortha allmhairithe ionchasacha agus ag na stoic ar leis an rialtas iad agus atá cláraithe;

iv) amh-eabhar de bhun díola choinníollaigh stoc eabhair faoi úinéireacht an rialtais arna chomhaontú ag CoP12, i.e. 20 000 kg (an Bhotsuáin), 10 000 kg (an Namaib) agus 30 000 kg (an Afraic Theas);

v) mar aon leis na cainníochtaí a ndearnadh comhaontú ina leith ag CoP12, eabhar ón mBotsuáin, ón Namaib, ón Afraic Theas agus ón tSiombáib atá faoi úinéireacht rialtais, más eabhar é a cláraíodh roimh 31 Eanáir 2007 agus é deimhnithe ag an Ardrúnaíocht, féadfar é a thrádáil agus a sheoladh in éineacht leis an eabhar in (g) iv) in aon díolachán amháin per ceann scríbe faoi dhianmhaoirsiú na hArdrúnaíochta;

vi) ní úsáidfear na fáltais ón tradáil ach ar mhaithe le caomhnú eilifintí agus ar mhaithe le cláir caomhnaithe agus forbraíochta pobail laistigh de raon na n‑eilifintí nó in aice leis, agus ar mhaithe leis na nithe sin amháin; agus

(vii) ní thrádálfar na cainníochtaí breise atá sonraithe i mír g) v) thuas go dtí go measfaidh an Buanchoiste go bhfuil na coinníollacha thuas á gcomhlíonadh; agus

h) ní dhéanfar aon mholadh eile maidir le trádáil eabhair eilifinte ó líonta atá i bhFoscríbhinn II a cheadú a chur faoi bhráid Chomhdháil na bPáirtithe don tréimhse a chuimsíonn dáta CoP14, tréimhse dar gcríoch naoi mbliana tar éis an díola aonair eabhair atá le tarlú i gcomhréir leis na forálacha i míreanna g) i), g) ii), g) iii), g) vi) agus g) vii). Ina theannta sin, is i gcomhréir le Cinneadh 16.55 agus 14.78 a dhéileálfar le moltaí den sórt sin (Rev. CoP16).

Má mholann an Rúnaíocht é, féadfaidh an Buanchoiste a chinneadh go gcuirfear faoi deara go scoirfear den trádáil sin go páirteach nó go hiomlán i gcás neamhchomhlíonadh ag tíortha is onnmhaireoirí nó ag tíortha is allmhaireoirí nó i gcás ina gcruthaítear go bhfuil tionchair dhíobhálacha ag an trádáil ar dhaonraí eile eilifintí.

Measfar na heiseamail eile go léir a bheith ina n‑eiseamail de speicis a chuimsítear i bhFoscríbhinn I, agus is dá réir sin a dhéanfar an trádáil iontu a rialáil.

an tSiombáib

Cur ina choinne agus é sa staid ina bhfuil sé, ós rud é go n‑osclófaí trádáil idirnáisiúnta in eabhar mar thoradh ar an athrú a iarrtar, agus, dá bhrí sin, nach n‑urramaíonn sé na bearta réamhchúraim in Iarscríbhinn 4 a ghabhann le Rún Comhdhála 9.24. Dá dtagtaí ar chomhaontú ag COP19 maidir leis na héifeachtaí a bheadh ag forchoimeádas maidir le hathruithe ar nóta mínithe (d’fhanfadh an nóta mínithe a bhí ann i bhfeidhm), agus go dteorannófaí na hathruithe a dhéanfaí ar an nóta mínithe do scriosadh codanna iomarcacha ar an díolachán aonuaire a rinneadh agus/nó do scriosadh na tagartha don rún ar bhealach a bheadh i gcomhréir le doiciméad AE 66.4.2 atá beartaithe, d’fhéadfadh an tAontas vóta a chaitheamh i bhfabhar athrú.

(-)

5.

Loxodonta  
africana  
(An eilifint Afracach) (daonraí na Botsuáine, na Namaibe, na hAfraice Theas agus na Siombáibe)

II – I

Daonraí na Botsuáine, na Namaibe, na hAfraice Theas agus na Siombáibe a aistriú ó Fhoscríbhinn II go Foscríbhinn I

Buircíne Fasó, an Ghuine Mheánchiorclach, Mailí, an tSeineagáil

Ní chomhlíonann na ceithre dhaonra sin na critéir maidir le liostú i bhFoscríbhinn I.

-

6.

Cynomys mexicanus  
(An marmat machaire Meicsiceach)

I – II

Le haistriú ó Fhoscríbhinn I go Foscríbhinn II

Meicsiceo

Ní chomhlíontar a thuilleadh na critéir maidir le liostú i bhFoscríbhinn I. Ó liostaíodh an speiceas i bhFoscríbhinn I CITES in 1975, níor taifeadadh ach dhá idirbheart trádála idirnáisiúnta (agus bhain an dá idirbheart sin le samplaí chun críoch eolaíoch). Thuairiscigh Údarás um Fhorfheidhmiú an Dlí Mheicsiceo (PROFEPA) gur urghabhadh naoi n‑eiseamal ó 2013 go 2019, ar an leibhéal náisiúnta. Níl aon taifead oifigiúil ann maidir le díol eiseamal den speiceas seo, ná níl margadh náisiúnta ná idirnáisiúnta ann a chuireann a ndaonraí fiáine i mbaol.

+

FAUNA – AVES

7.

Branta canadensis leucopareia (gé ghogalaí Ailiúit)

I - II

Le haistriú ó Fhoscríbhinn I go Foscríbhinn II

Stáit Aontaithe Mheiriceá

Tacú leis an moladh. Tá téarnamh maith déanta ag daonra an fhospeicis seo ón uair a bhí sé ar tí imeacht in éag sna 1960idí go dtí an lá inniu tráth a bhfuil 162 000 de dhaonra ann a bhainistítear go maith trí fhiach rialáilte. Ní thuairiscítear aon trádáil neamhdhleathach.

+

8.

Kittacincla  
malabarica  
(an seáma bánphrompach)

Le cuimsiú i bhFoscríbhinn II

an Mhalaeisia,
Singeapór

Tacú leis an moladh, ós rud é go gcomhlíonann an speiceas critéir liostaithe Fhoscríbhinn II. Mar gheall ar a chumas cantana, tá an speiceas seo ar cheann de na speicis is luachmhaire i dtrádáil éan cliabháin Oirdheisceart na hÁise agus baineann sé leis na speicis is mó úsáid i gcomórtais cantana.

+

9.

Pycnonotus zeylanicus  
(An bulbal ceannbhuí)

II - I

Le haistriú ó Fhoscríbhinn II go Foscríbhinn I

an Mhalaeisia,
Singeapór
Stáit Aontaithe Mheiriceá

Tacú leis an moladh. Comhlíonann an speiceas seo na critéir bhitheolaíocha in Iarscríbhinn 1 a ghabhann le Rún Comhdhála 9.24 (Rev. COP17).

+

10.

Phoebastria  
albatrus  
(An t‑albatras earrghearr)

I - II

Le haistriú ó Fhoscríbhinn I go Foscríbhinn II

Stáit Aontaithe Mheiriceá

Tacú leis an moladh ós rud é nach bhfuil an trádáil idirnáisiúnta ina bagairt a thuilleadh agus nach bhfuil éileamh mór ar na speicis a thuilleadh. Mar sin féin, ós rud é go bhfuil an daonra fós an-bheag agus leochaileach, ba cheart na Stáit Aontaithe agus stáit raoin eile a spreagadh chun a áirithiú go ndéanfar bearta caomhnúcháín iomchuí chun a áirithiú go mbeidh an daonra cobhsaí agus ag dul i méid.

+

FAUNA – REPTILIA

11.

Caiman latirostris (an cadhman srónleathan) (daonra na Brasaíle)

I - II

Daonra na Brasaíle a aistriú ó Fhoscríbhinn I go Foscríbhinn II

an Bhrasaíl

Tacú leis, toisc go gcomhlíontar na critéir i gcomhréir le hAirteagal II, mír 2. a), den Choinbhinsiún agus le Rún Comhdhála 9.24 (Rev. COP17) Iarscríbhinn 4, mír A. 2.A, ii). Tá dea-bhail ar an speiceas, tá córas bainistíochta maith ann, agus tá téarnamh tapa déanta ag an speiceas.

+

12.

Crocodylus  
porosus  
(an crogall sáile) (daonra Oileáin Palawan (na hOileáin Fhilipíneacha)) 

I - II

Daonra Oileáin Palawan (na hOileáin Fhilipíneacha) a aistriú ó Fhoscríbhinn I go Foscríbhinn II agus cuóta nialais leis sin le haghaidh onnmhairiú eiseamal fiáin

na hOileáin Fhilipíneacha

Tacú leis an moladh, ós rud é nach gcomhliontar critéir Fhoscríbhinn I a thuilleadh. Tá gá le roinnt anailís bhreise maidir le hiarrachtaí caomhnúcháin an mholtóra.

(+)

13.

Crocodylus  
siamensis  
(An crogall Siamach) (daonra na Téalainne)

I - II

Daonra na Téalainne a aistriú ó Fhoscríbhinn I go Foscríbhinn II agus cuóta nialasach leis sin le haghaidh eiseamail fhiáine

an Téalainn

Cur i gcoinne an mholta seo, ós rud é go gcomhlíontar fós na critéir bhitheolaíocha le haghaidh liostú i bhFoscríbhinn I. Níl aistriú an fhospeicis seo go Foscríbhinn II i gcomhréir leis na Bearta Réamhchúraim in Iarscríbhinn 4 a ghabhann le Rún Comhdhála CITES 9.24 (Rev. COP17).

-

14.

Physignathus cocincinus  
(An dragan uisce Ind-Síneach)

0 - II

Le cuimsiú i bhFoscríbhinn II

an tAontas Eorpach, Vítneam

Moladh ón Aontas

+

15.

Cyrtodactylus jeyporensis (geiceo cnoic Patinghe)

0 - II

Le cuimsiú i bhFoscríbhinn II

an India

Tacú leis, toisc go gcomhlíontar critéir Fhoscríbhinn II. Tá líon ard á dtrádáil i ndáileadh réasúnta beag den speiceas.

+

16.

Tarentola chazaliae  
(an geiceo clogadcheannach)

0 - II

Le cuimsiú i bhFoscríbhinn II

an Mháratáin,
an tSeineagáil

Comhlíonann an moladh critéir liostaithe Fhoscríbhinn II, ach ba cheart breis faisnéise a iarraidh go háirithe maidir le torthaí comhairliúcháin le tíortha raoin eile agus maidir leis na sonraí cothrom le dáta i dtaca le méid, struchtúr agus treochtaí daonra,

(+)

17.

Phrynosoma platyrhinos  
(an laghairt adharcach ghaineamhlaigh)

0 - II

Le cuimsiú i bhFoscríbhinn II

Stáit Aontaithe Mheiriceá

Tá gá le measúnú breise. Is cosúil go raibh na leibhéil trádála réasúnta cobhsaí le blianta beaga anuas agus go bhféadfadh sé nach mbeadh an trádáil ina bagairt thromchúiseach faoi láthair.

0

18.

Phrynosoma spp. (Laghairteanna Adharcacha)

0 - II

Le cuimsiú i bhFoscríbhinn II

Meicsiceo

Tá gá le measúnú breise. Ní chomhlíontar Critéir A, toisc nach bhfuil an speiceas faoi bhagairt, agus ní léiríonn aon sonraí sonracha go bhféadfadh sé a bheith i mbaol de bharr trádála go luath amach anseo. D’fhéadfadh Critéar B d’Iarscríbhinn 2a Rún Comhdhála 9.24 (Rev. COP17) a bheith infheidhme toisc go bhféadfadh éifeacht a bheith ag onnmhairí dleathacha de dheasca straitéisí fíordhíobhálacha i ndéanamh an fhómhair.

0

19.

Tiliqua adelaidensis  
(an mhionlaghairt ghormtheangach)

0 - I

Le cuimsiú i bhFoscríbhinn I

an Astráil

Tacú leis. Comhlíonann an speiceas roinnt critéar liostaithe a leagtar amach i míreanna B agus C d’Iarscríbhinn 1.

+

20.

Epicrates  
inornatus
(An bua Pórtó Ríceach)

I - II

Le haistriú ó Fhoscríbhinn I go Foscríbhinn II

Stáit Aontaithe Mheiriceá

Tacú leis an moladh. Ní chomhlíonann an speiceas critéir Fhoscríbhinn I a thuilleadh.

+

21.

Crotalus horridus (an nathair shligreach feá)

0 - II

Le cuimsiú i bhFoscríbhinn II

Stáit Aontaithe Mheiriceá

Cur i gcoinne. Ní chomhlíonann an speiceas critéir liostaithe Fhoscríbhinn II. Tá an trádáil idirnáisiúnta ag leibhéal an-íseal, agus d’fhéadfadh sé nach gcabhródh liostú i bhFoscríbhinn II le cosaint na speiceas sa tír. D’fhéadfaí athmhachnamh a dhéanamh ar an moladh dá gcuirfí fianaise thacaíochta bhreise ar fáil.

(-)

22.

Chelus fimbriata and C. orinocensis  
(an matamata Amasónach agus an matamata Oranócóch)

0 - II

Le cuimsiú i bhFoscríbhinn II

an Bhrasaíl, an Cholóim, Cósta Ríce, Peiriú

Cuirtear sonraí neamhréireacha i láthair sa mholadh maidir le foinse na n‑eiseamal sa trádáil dhleathach agus neamhdhleathach agus tá easpa sonraí ann maidir le daonraí reatha. Ina fhoirm reatha, ní léiríonn an moladh go bhfuil an speiceas faoi bhagairt, ná go bhfuil tionchar díobhálach ag an trádáil ar a mharthanas. D’fhéadfaí tacú leis an moladh dá gcuirfeadh na moltóirí fianaise ar fáil gur den fhiadhúlra na heiseamail a trádáladh go neamhdhleathach agus/nó go ndéantar eiseamail a tógadh go neamhdhleathach ar rainsí a chur isteach sna feirmeacha pórúcháin trí sciúradh fiadhúlra, agus nach féidir é sin a chosc gan an speiceas a liostú i bhFoscríbhinn II.

0

23.

Macrochelys temminckii and Chelydra serpentine  
(an turtar sclamhach ailigéadair agus an turtar sclamhach coiteann)

0 - II

Le cuimsiú i bhFoscríbhinn II

Stáit Aontaithe Mheiriceá

Is féidir tacú le liostú Macrochelys temmincki i bhFoscríbhinn II, toisc go gcomhlíonann an speiceas na critéir. Ní amhlaidh atá maidir le Chelydra serpentine áfach. D’fhéadfadh an tAontas tacú le moladh níos cúinge dá gcinnfeadh na moltóirí é a theorannú do Macrochelys temmincki.

(+)

24.

Graptemys barbouri, G. ernsti, G. gibbonsi, G. pearlensis and G. pulchra  
(turtar mapa Barbour, turtar mapa Escambia, turtar mapa Pascagoula, turtar mapa Pearl River, turtar mapa Alabama)

0 - II

Le cuimsiú i bhFoscríbhinn II

Stáit Aontaithe Mheiriceá

Is cosúil nach bhfuil critéir Foscríbhinn II á gcomhlíonadh. Cé go léirítear go bhfuil tionchar ag bagairtí iomadúla ar gach speiceas, níl aon léiriú ann go bhfuil trádáil ina measc. Is féidir athmhachnamh a dhéanamh ar an gcinneadh más féidir leis an moltóir a mhíniú cén fáth nach leor liostú Foscríbhinn III CITES agus conas a d’fheabhsódh liostú Foscríbhinn II CITES an cás.

0

25.

Batagur kachuga (an turtar díonbhlaoscach deargchorónach)

II - I

Le haistriú ó Fhoscríbhinn II go Foscríbhinn I

An India

Tacú leis an moladh. Comhlíonann an speiceas critéir liostaithe Foscríbhinn I. Tá an speiceas faoi bhagairt agus tá sé deacair an ghnáthóg nádúrtha a chosaint.

+

26.

Cuora galbinifrons 
(An turtar boscach Ind-Síneach)

I - II

Le haistriú ó Fhoscríbhinn II go Foscríbhinn I

An tAontas Eorpach, Vítneam

Moladh ón Aontas

+

27.

Rhinoclemmys spp.  
(Turtair choille nuathrópaiceacha)

0 - II

Le cuimsiú i bhFoscríbhinn II

An Bhrasaíl, an Cholóim, Cósta Ríce,
Panama

Tá gá le measúnú breise. Tá údar le R. diademata, R. nasuta, agus R. rubida a liostú i bhFoscríbhinn II mar gheall ar a raon réasúnta beag agus R. pulcherrima de réir an méid ard trádála san am atá caite. Mar sin féin, níl sé soiléir an gcomhlíonann speicis eile critéir Foscríbhinn II.

0

28.

Claudius  
angustatus  
(an musc-thurtar caolcholbhach)

0 - II

Le cuimsiú i bhFoscríbhinn II

Meicsiceo

Tacú leis an moladh. Comhlíontar critéar B d’Iarscríbhinn 2a toisc gur dócha go bhfuil méid atá ábhartha maidir le caomhnú ag baint leis an mbuaint dhleathach agus neamhdhleathach ón dúlra fiáin.

+

29.

Kinosternon spp. (Turtair láibe)

0 - I

0 - II

Kinosternon cora agus K. vogti le cuimsiú i bhFoscríbhinn I agus gach speiceas eile de Kinosternon spp. le cuimsiú i bhFoscríbhinn II

An Bhrasaíl, an Cholóim, Cósta Ríce,
an tSalvadóir,
Meicsiceo, Panama, Stáit Aontaithe Mheiriceá

D’fhéadfadh an tAontas tacú le moladh níos cúinge dá gcinnfeadh na moltóirí é a theorannú do na speicis sin ar féidir a léiriú go gcomhlíonann siad na critéir liostaithe, go háirithe go ndéantar na speicis sin a thrádáil go mór. Is cosúil go gcáilíonn K. cora agus K. vogti lena liostú in Foscríbhinn I; is cosúil go bhfuil speicis bhreise den ghéineas incháilithe lena liostú i bhFoscríbhinn II, ach níl go leor speiceas faoi bhagairt ná ní thuairiscítear trádáil ina leith.

(+)

30.

Staurotypus salvinii agus S. triporcatus 
(an t‑oll-mhusc-thurtar Meicsiceach)

0 - II

Le cuimsiú i bhFoscríbhinn II

an tSalvadóir,
Meicsiceo

Tacú leis. Tá údar maith le Staurotypus triporcatus a liostú, toisc go bhfuil éileamh ard i dtrádáil. Níl sé soiléir an gcomhlíonann Staurotypus salvinii na critéir bhitheolaíocha d’Fhoscríbhinn II, ach tá sé deacair é a idirdhealú ó Staurotypus triporcatus, mar sin is dóichí go gcomhlíonann sé fós an critéar cosúlachta atá i Rún 9.24 (critéar A d’Iarscríbhinn 2 b).

+

31.

Sternotherus spp. (an musc-thurtar)

0 - II

Le cuimsiú i bhFoscríbhinn II

Stáit Aontaithe Mheiriceá

Tá gá le measúnú breise. D’fhéadfaí breithniú ar thacú leis i gcás roinnt speiceas, go háirithe S. depressus.

(+)

32.

Apalone spp. (An turtar blaoscbhog)

0 - II

Le cuimsiú i bhFoscríbhinn II (ach amháin na fospeicis atá i bhFoscríbhinn I)

Stáit Aontaithe Mheiriceá

D’fhéadfaí critéar B d’Iarscríbhinn 2a a bheith á chomhlíonadh, ach tá easpa sonraí ábhartha ann maidir leis an daonra, rud a fhágann go bhfuil sé deacair tionchar na trádála ar dhaonraí fiáine a mheas. Níl ach roinnt fianaise maidir le póitseáil in Apalone spp. fiáin. Mar sin féin, mar gheall ar shaintréithe saolré agus ar bhagairtí breise, d’fhéadfadh turtair bhlaoscbhoga a bheith leochaileach i leith dúshaothrú, rud a éilíonn bearta réamhchúraim.

(+)

33.

Nilssonia leithii (Turtar blaoscbhog Leith)

II – I

Le haistriú ó Fhoscríbhinn II go Foscríbhinn I

an India

Tacú leis an moladh toisc go gcomhlíontar critéir maidir le liostú i bhFoscríbhinn I.

+

FAUNA - AMPHIBIA

34.

Centrolenidae spp. (Froganna gloine)

0 - II

Le cuimsiú i bhFoscríbhinn II

an Airgintín, an Bhrasaíl, Cósta Ríce,
an Cósta Eabhair,
an Phoblacht Dhoiminiceach, Eacuadór, an tSalvadóir, an Ghabúin, an Ghuine, an Nígir, Panama, Peiriú, Tóga, Stáit Aontaithe Mheiriceá

Tá gá le measúnú breise. Is léir nach gcomhlíonann an fhine ar fad lena 158 speiceas an critéar liostaithe le haghaidh liostú i bhFoscríbhinn II.

0

35.

Agalychnis lemur (An frog duille léamair)

0 - II

É a chuimsiú i bhFoscríbhinn II agus cuóta nialais leis sin le haghaidh onnmhairiú bliantúil eiseamal a gabhadh ón bhfiadhúlra a thrádáiltear chun críoch tráchtála.

an Cholóim, Cósta Ríce, an tAontas Eorpach, Panama

Moladh ón Aontas

+

36.

Laotriton laoensis (Niút faithneach Laos)

0 - II

É a chuimsiú i bhFoscríbhinn II agus cuóta nialais leis le haghaidh onnmhairiú eiseamal a gabhadh ón bhfiadhúlra a thrádáiltear chun críoch tráchtála.

an tAontas Eorpach

Moladh ón Aontas

+

FAUNA – ELASMOBRANCHII (Siorcanna)

37.

Carcharhinidae spp. (An siorc sceire liath, an siorc breacdhorcha, an siorc beag-eireaballach, an siorc Gainséiseach, an siorc guaire, an siorc Boirneoch, an siorc Podaiseireach, an siorc rinndubh mínfhiaclach, an siorc buí géarfhiaclach, siorc sceireacha Mhuir Chairib, an siorc duircshrónach, an siorc oíche, an siorc bánsrónach, an siorc dubhsrónach, an siorc bánleicneach, an siorc caillte, siorc beageireaballach an Aigéin Chiúin, siorc leathan-eiteach Bhoirneo, an siorc leathan-eiteach)

0 - II

Le cuimsiú i bhFoscríbhinn II

an Bhanglaidéis,
an Cholóim,
an Phoblacht Dhoiminiceach, Eacuadór, an tSalvadóir,
an tAontas Eorpach, an Ghabúin, Iosrael, Oileáin Mhaildíve,
Panama, an tSeineagáil, na Séiséil,
Srí Lanca, Poblacht Arabach na Siria, Ríocht Aontaithe na Breataine Móire agus Thuaisceart Éireann

Arna gcómholadh ag an Aontas

+

38.

Sphyrnidae spp. (an siorc ceann casúir)

0 - II

Le cuimsiú i bhFoscríbhinn II

an Bhrasaíl, an Cholóim, Eacuadór,
an tAontas Eorpach, Panama

Moladh ón Aontas

+

39.

Potamotrygon albimaculata,  
P. henlei,  
P. jabuti,  
P. leopoldi,  
P. marquesi,  
P. signata and P. wallacei 
 (roc nimhgha fionnuisce Tapajós, an roc nimhgha abhann mórfhiaclach, an roc nimhgha fionnuisce péarlach, an roc nimhgha abhann bánbhalscóideach, roc nimhgha fionnuisce Marques, roc nimhgha abhann Parnaíba, roc nimhgha Cururu)

0 - II

Le cuimsiú i bhFoscríbhinn II

an Bhrasaíl

Tá gá le measúnú breise. Níl sé soiléir an gcomhlíonann gach speiceas na critéir liostaithe, ná an mbeadh an liostú ina chabhair chun dul i ngleic le trádáil neamhdhleathach. Tá gá le breis faisnéise maidir leis an gcaoi a ndéanann na stáit raoin an moladh a léirmhíniú agus a seasamh a ghlacadh maidir leis an moladh.

0

40.

Rhinobatidae spp. (An giotáriasc)

0 - II

Le cuimsiú i bhFoscríbhinn II

Iosrael, an Chéinia, Panama, an tSeineagáil

Tacú leis, toisc go bhfuil formhór na speiceas i mbaol agus faoi réir dianbhrú iascaireachta. Ní hamháin go n‑áiritheodh liostú i bhFoscríbhinn II go mbeadh trádáil idirnáisiúnta neamhdhíobhálach do mharthanas na speiceas seo, ach freisin d'fhágfadh an liostú sin go bhféadfaí sonraí trádála níos fearr a bhailiú. D’fhéadfadh roinnt speiceas a bheith incháilithe lena gcuimsiú i bhFoscríbhinn I amach anseo mura rialáiltear an trádáil.

+

41.

Hypancistrus zebra (an pleiceo séabrúil)

0 - I

Le cuimsiú i bhFoscríbhinn I

an Bhrasaíl

Níor cheart tacú leis an moladh ina fhoirm reatha. Mar sin féin, d’fhéadfadh an tAontas tacú le moladh maidir le liostú i bhFoscríbhinn II le cuóta nialais le haghaidh onnmhairiú eiseamail fiáin. D’fhéadfadh sé go gcomhlíontar na critéir bhitheolaíocha le haghaidh Fhoscríbhinn I i gcás an an speicis, ach, cé gur cosúil gurb ann do thrádáil neamhdhleathach ón mBrasaíl, níl sé soiléir conas a théann an trádáil seo i gcion ar dhaonraí fiáine.

(+)

FAUNA – HOLOTHUROIDEA

42.

Thelenota spp. (an súmaire cladaigh anannúil, an t‑ollsúmaire cladaigh, an súmaire cladaigh deargstríocach)

0 - II

Le cuimsiú i bhFoscríbhinn II

an tAontas Eorpach, na Séiséil,
Stáit Aontaithe Mheiriceá

Moladh ón Aontas

+

FLORA (PLANDAÍ)

43.

Apocynaceae, Cactaceae, Cycadaceae, Dicksoniaceae, Euphorbiaceae, Gnetaceae, Liliaceae, Magnoliaceae, Nepenthaceae, Orchidaceae, Papaveraceae, Podocarpaceae, Sarraceniaceae, Trochodendraceae, Zamiaceae, Zingiberaceae

Speicis flóra le nóta mínithe #1, #4, #14 agus speicis Orchidaceae (orchids) atá liostaithe i bhFoscríbhinn-I    

Nóta mínithe #1 a leasú mar seo a leanas: Gach cuid agus gach díorthach, seachas: […] b) saothráin síolóige nó fíocháin a fhaightear in vitro, i meáin sholadacha nó leachtacha, agus iad á n‑iompar in umair steiriúla;

Nóta mínithe #4 a leasú mar seo a leanas: Gach cuid agus gach díorthach, seachas: […] b) saothráin síolóige nó fíocháin a fhaightear in vitro, i meáin sholadacha nó leachtacha, agus iad á n‑iompar in umair steiriúla;

Nóta mínithe #14 a leasú mar seo a leanas: Gach cuid agus gach díorthach seachas: […] b) saothráin síolóige nó fíocháin a fhaightear in vitro, i meáin sholadacha nó leachtacha, agus iad á n‑iompar in umair steiriúla; […] f) táirgí críochnaithe atá pacáistithe agus ullamh do thrádáil mhiondíola,; níl feidhm ag an díolúine seo maidir le sliseanna adhmaid, coirníní, clocha paidrín ná snoiteáin.

Mír f) den téacs i bhFraincis de Nóta Mínithe #14 a leasú mar seo a leanas: f) les produits finis conditionnés et prêts pour la vente au détail; cette dérogation ne s’applique pas aux copeaux en de bois, aux perles, aux grains de chapelets et aux gravures.

An nóta mínithe idir lúibíní a ghabhann le Foscríbhinn I Orchidaceae sna Foscríbhinní a leasú mar seo a leanas: ORCHIDACEAE Magairlíní (Maidir le gach ceann de na speicis seo a leanas i bhFoscríbhinn-I, saothráin síolóige nó fíocháin a fhaightear in vitro, i meáin sholadacha nó leachtacha, agus iad á n‑iompar in umair steiriúla, ní bheidh siad faoi réir fhorálacha an Choinbhinsiúin ach amháin má chomhlíonann na heiseamail an sainmhíniú ar ‘arna n‑iomadú go saorga’ arna chomhaontú ag Comhdháil na bPáirtithe).

Ceanada

Tacú leis, toisc gur leasú riachtanach é chun gach cás den fhrása ‘i meáin sholadacha nó leachtach’ a chomhchuibhiú i bhFoscríbhinní CITES agus sa tsraith haise de nótaí mínithe.

+

FLORA – BIGNONIACEAE

44.

Handroanthus spp., Roseodendron spp. agus Tabebuia spp. (Na crainn throimpéadacha)

0 - II

Iad a chuimsiú i bhFoscríbhinn II le nóta mínithe #17 (Logóga, adhmad sáfa, leatháin veiníre, sraithadhmad agus adhmad claochlaithe.)

an Cholóim,
an tAontas Eorpach,
Panama

Moladh ón Aontas

+

FLORA – CRASSULACEAE

45.

Rhodiola spp. (an raidióla bláthmhór, an raidióla)

0 - II

Iad a chuimsiú i bhFoscríbhinn II le nóta mínithe #2 (Gach cuid agus gach díorthach seachas: a) síolta agus pailin; agus b) táirgí críochnaithe atá pacáistithe agus ullamh do thrádáil mhiondíola.)

an tSín, an tAontas Eorpach, an Úcráin, Ríocht Aontaithe na Breataine Móire agus Thuaisceart Éireann, Stáit Aontaithe Mheiriceá

Moladh ón Aontas

+

FLORA – LEGUMINOSAE

46.

Afzelia spp.

(Daonraí na hAfraice) (mahagaine Afracach)

0 – II

Daonraí uile na hAfraice a chuimsiú i bhFoscríbhinn II le nóta mínithe #17 (lomáin, adhmad sáfa, lomáin veiníre, sraithadhmad agus adhmad claochlaithe.)

Beinin, an Cósta Eabhair,
an tAontas Eorpach, an Libéir, an tSeineagáil

Moladh ón Aontas

+

47.

Dalbergia sissoo (crann rósadhmaid Thuaisceart na hIndia)

II - 0

Scriosadh ó Fhoscríbhinn II

an India, Neipeal

Cur i gcoinne an mholta i bprionsabal toisc go bhfuil gá le saineolas speisialaithe chun idirdhealú a dhéanamh idir an speiceas seo agus speicis eile. Más féidir leis na moltóirí fianaise bhreise a chur ar fáil maidir le teicnící aitheantais, is féidir athmhachnamh a dhéanamh ar an seasamh.

(-)

48.

Dipteryx spp. (an crann barú, an crann tonca)

0 - II

Iad a chuimsiú i bhFoscríbhinn II le nóta mínithe ‘lomáin, adhmad sáfa, lomáin veiníre, sraithadhmad. adhmad claochlaithe agus síolta’

an Cholóim,
an tAontas Eorpach, Panama

Moladh ón Aontas

+

49.

Paubrasilia echinata (an crann rósadhmaid Brasaíleach)

II – I

Iad a aistriú ó Fhoscríbhinn II go Foscríbhinn I le nóta mínithe ‘Gach cuid, díorthach agus táirge críochnaithe, lena n‑áirítear boghanna d’uirlisí ceoil, seachas uirlisí ceoil agus a gcodanna, atá in gcuid de threalamh ceolfhoirne taistil agus ceoltóirí aonair a bhfuil pas ceoil ar iompar leo i gcomhréir le Rún 16.8.’

an Bhrasaíl

Níl an moladh seo i gcomhréir le forálacha Airteagal I (b) (iii) den Choinbhinsiún lena bhforáiltear nach féidir nóta mínithe a bheith ann maidir le speiceas plandaí atá liostaithe i bhFoscríbhinn I. Ina theannta sin, tá téacs an nóta mhínithe doiléir.

0

50.

Pterocarpus spp.

(daonraí na hAfraice) (an crann flannadhmaid Afracach, an crann flannadhmaid diasach, an crann flannadhmaid mionduilleach, an crann flannadhmaid cruinnduilleach, padúc Afracach)

0 - II

Daonraí uile na hAfraice a chuimsiú i bhFoscribhinn II le nóta mínithe #17 (lomáin, adhmad sáfa, lomáin veiníre, sraithadhmad agus adhmad claochlaithe) agus nótaí mínithe Pterocarpus erinaceus agus P. tinctorius, atá liostaithe cheana féin i bhFoscríbhinn II, a leasú go nóta mínithe #17

an Cósta Eabhair, an tAontas Eorpach, an Libéir, an tSeineagáil, Tóga

Moladh ón Aontas

+

FLORA – MELIACEAE

51.

Khaya spp. (Mahagaine Afracach)

Daonraí uile na hAfraice a chuimsiú i bhFoscríbhinn II le nóta mínithe #17 (lomáin, adhmad sáfa, lomáin veiníre, sraithadhmad agus adhmad claochlaithe.)

Beinin, an Cósta Eabhair,
an tAontas Eorpach, an Libéir, an tSeineagáil

Moladh ón Aontas

+

FLORA – ORCHIDACEAE

52.

Orchidaceae spp. (magairlíní)

Nóta mínithe #4 a leasú, agus an mhír g) nua seo a leanas a chur leis: ‘g) táirgí críochnaithe atá pacáistithe agus ullamh do thrádáil mhiondíola cosmaidí ina bhfuil codanna agus díorthaigh de Bletilla striata, Cycnoches cooperi, Gastrodia elata, Phalaenopsis amabilis nó P. lobbii’

an Eilvéis

Cur i gcoinne mura n‑athraítear an Nóta Mínithe chun cóid foinse ‘W’ agus ‘Y’ a eisiamh. Tá fadhbanna ag baint leis an moladh reatha maidir leis an mbaol a bhaineann le sciúradh fiadhúlra.

(-)

IARSCRÍBHINN […]

(1)    Rún. = Rúnaíocht CITES
BC = an Buanchoiste
CA = an Coiste um Ainmhithe
CP = an Coiste um Plandaí