AN COIMISIÚN EORPACH
An Bhruiséil,11.7.2022
COM(2022) 339 final
2016/0399(COD)
TEACHTAIREACHT ÓN gCOIMISIÚN
CHUIG PARLAIMINT NA hEORPA
de bhun Airteagal 294(6) den Chonradh ar Fheidhmiú an Aontais Eorpaigh
maidir leis an
seasamh ón gComhairle i ndáil le Rialachán ó Pharlaimint na hEorpa agus ón gComhairle a ghlacadh lena leasaítear Rialachán (CE) Uimh. 805/2004 a mhéid a bhaineann le húsáid an nós imeachta lena ngabhann grinnscrúdú chun é a chur in oiriúint d’Airteagal 290 den Chonradh ar Fheidhmiú an Aontais Eorpaigh
2016/0399 (COD)
TEACHTAIREACHT ÓN gCOIMISIÚN
CHUIG PARLAIMINT NA hEORPA
de bhun Airteagal 294(6) den Chonradh ar Fheidhmiú an Aontais Eorpaigh
maidir leis an
seasamh ón gComhairle i ndáil le Rialachán ó Pharlaimint na hEorpa agus ón gComhairle a ghlacadh lena leasaítear Rialachán (CE) Uimh. 805/2004 a mhéid a bhaineann le húsáid an nós imeachta lena ngabhann grinnscrúdú chun é a chur in oiriúint d’Airteagal 290 den Chonradh ar Fheidhmiú an Aontais Eorpaigh
1.Cúlra
|
An dáta a tarcuireadh an togra chuig Parlaimint na hEorpa agus chuig an gComhairle
(doiciméad COM(2016) 798 final – 2016/0399 COD):
|
13 Márta 2017
|
|
Dáta an tseasaimh ó Pharlaimint na hEorpa, an chéad léamh:
|
17 Aibreán 2019
|
|
|
|
|
An dáta a glacadh an seasamh ón gComhairle:
|
28 Meitheamh 2022
|
2.Cuspóir an togra ón gCoimisiún
Is é is aidhm don togra seo trí ghníomh a chur in oiriúint d’Airteagal 290 den Chonradh ar Fheidhmiú an Aontais Eorpaigh i réimse an cheartais, gníomhartha a thagraíonn fós don nós imeachta rialúcháin lena ngabhann grinnscrúdú.
3.Tráchtanna maidir leis an seasamh ón gComhairle
An seasamh a ghlac an Chomhairle ar an gcéad léamh, léiríonn sé go hiomlán an comhaontú a tugadh i gcrích ar an leibhéal teicniúil agus a deimhníodh le ríomhphost an 8 Meitheamh 2022, ar comhaontú é idir seirbhísí Pharlaimint na hEorpa agus na Comhairle, comhaontú arna éascú ag an gCoimisiún. Measadh nach raibh gá le cruinnithe tríthaobhacha. Áirítear le príomhphointí an chomhaontaithe sin an méid seo a leanas:
–Tugtar aghaidh sa téacs comhréitigh ar ailíniú Rialachán (CE) Uimh. 805/2004 maidir leis na trí ghníomh agus an Rialachán sin amháin, gníomhartha a áirítear sa togra tosaigh ón gCoimisiún. Rinneadh an dá ghníomh eile, Rialachán (CE) Uimh. 1206/2001 ón gComhairle agus Rialachán (CE) Uimh. 1393/2007, a aisghairm idir an dá linn agus, dá bhrí sin, ní áirítear iad sa téacs deiridh a comhaontaíodh.
–Aithrisí 1 agus 2 maidir leis na hathruithe a tugadh isteach le Conradh Liospóin i ndáil le gníomhartha a fhéadfaidh an Coimisiún a ghlacadh, rinneadh na haithrisí sin a ailíniú le haithrisí Rialachán (AE) 2019/1243.
–Moladh dhá aithris chun infheidhmeacht an Rialacháin a shoiléiriú maidir leis an Danmhairg agus le hÉirinn faoi seach.
–An t-aon fhoráil i Rialachán (CE) Uimh. 805/2004 lena bhforáiltear maidir le húsáid an nós imeachta rialúcháin lena ngabhann grinnscrúdú, déanfar í a ailíniú le gníomhartha tarmligthe, mar a mhol an Coimisiún.
–An cumhachtú a thugtar don Choimisiún chun gníomhartha tarmligthe a ghlacadh, tugtar an cumhachtú sin ar feadh tréimhsí inathnuaite cúig bliana, agus oibleagáid ar an gCoimisiún ag dul in éineacht leis tuarascálacha a chur i láthair, naoi mí roimh dhul in éag gach ceann de na tréimhsí sin, maidir leis an gcaoi ar bhain sé úsáid as an gcumhachtú. Is ré neamhchinntithe maidir leis an gcumhachtú a mhol an Coimisiún i dtosach, ach tá teorannú na tréimhse i gcomhréir leis an méid a comhaontaíodh le haghaidh go leor cumhachtuithe ailínithe eile, lena n-áirítear i gcás an dá chomhad eile a áiríodh sa togra ón gCoimisiún agus a aisghaireadh agus ar cuireadh gníomhartha eile ina n-ionad idir an dá linn.
Tacaíonn an Coimisiún leis an gcomhaontú a tugadh i gcrích ar an leibhéal teicniúil.
4.Conclúid
Glacann an Coimisiún leis an seasamh ón gComhairle.