Réamhfhógra faoi chomhchruinniú

(Cás M.10751 – CVC FUNDS / LFP / MEDIACO)

Cás a d’fhéadfaí a chur faoin nós imeachta simplithe

(Téacs atá ábhartha maidir le LEE)

(2022/C 236/08)

An 10 Meitheamh 2022, fuair an Coimisiún fógra maidir le comhchruinniú atá beartaithe, fógra a tugadh de bhun Airteagal 4 de Rialachán (CE) Uimh. 139/2004 ón gComhairle (1).

Is leis na gnóthais seo a leanas a bhaineann an fógra sin:

—	CVC Capital Partners SICAV-FIS SA (“CVC Funds”, Lucsamburg),

—	Ligue de Football Professionnel (“LFP”, an Fhrainc),

—	Filiale LFP 1 (“MediaCo”, an Fhrainc).

Gheobhaidh CVC Funds agus LFP comhrialú ar MediaCo de réir bhrí Airteagal 3(1)(b) agus Airteagal 3(4) den Rialachán um Chumaisc. Is trí cheannach scaireanna i gcuideachta nuabhunaithe, ar cuideachta í atá ina comhfhiontar, atáthar ag déanamh an chomhchruinnithe.

Is iad seo a leanas gníomhaíochtaí gnó na ngnóthas lena mbaineann:

—	CVC Funds: líonra de ghnólachtaí cothromais phríobháidigh agus comhairleacha infheistíochta a bhfuil leasanna aige i roinnt cuideachtaí i dtionscail éagsúla san Eoraip, sna Stáit Aontaithe agus i réigiún an Aigéin Chiúin agus na hÁise go príomha,

—	LFP: cumann spóirt de chuid na Fraince arb é atá ann 45 chlub sacair ghairmiúil na Fraince, cumann atá freagrach faoi dlí na Fraince as an dá shraithchomórtas sacair ghairmiúil de chuid na bhfear sa Fhrainc a eagrú, a bhainistiú, a rialáil, a chur chun cinn agus a thráchtálú,

—	MediaCo: comhfhiontar nuachruthaithe a bunaíodh chun saothrú cearta tráchtála áirithe a bhaineann le sacar gairmiúil sa Fhrainc a mhargú agus a bhainistiú, lena n-áirítear cearta craoltóireachta sacair, cearta urraíochta agus margaíochta agus cearta sonraí gealltóireachta.

Tar éis réamhscrúdú a dhéanamh, is é cinneadh an Choimisiúin go bhféadfadh an t-idirbheart faoinar tugadh fógra a bheith faoi raon feidhme an Rialacháin um Chumaisc. Ach forchoimeádtar an cinneadh críochnaitheach maidir leis sin.

De bhun an Fhógra ón gCoimisiún maidir le nós imeachta simplithe i ndáil le cóireáil comhchruinnithe áirithe faoi Rialachán (CE) Uimh. 139/2004 ón gComhairle (2), ba cheart a thabhairt faoi deara gur cás é seo ab fhéidir a chóireáil faoin nós imeachta a leagtar amach san Fhógra.

Iarrann an Coimisiún ar thríú páirtithe leasmhara aon bharúil a bheadh acu maidir leis an oibríocht atá beartaithe a chur faoi bhráid an Choimisiúin.

Ní mór na barúlacha a bheith faighte ag an gCoimisiún tráth nach déanaí ná 10 lá tar éis dháta a fhoilsithe seo. Ba cheart an tagairt seo a leanas a lua i gcónaí:

M.10751 – CVC FUNDS / LFP / MEDIACO

Is féidir barúlacha a sheoladh chuig an gCoimisiún le ríomhphost, le facs nó tríd an bpost. Baintear úsáid as na sonraí teagmhála seo thíos:

R-phost: COMP-MERGER-REGISTRY@ec.europa.eu

Facs +32 22964301

Seoladh poist:

European Commission

Directorate-General for Competition

Merger Registry

1049 Bruxelles/Brussel

BELGIQUE/BELGIË

(1) IO L 24, 29.1.2004, lch. 1 (an “Rialachán um Chumaisc”).

(2) IO C 366, 14.12.2013, lch. 5.