Clár Ábhar

1.NÓS IMEACHTA BUISÉADACH

1.1. Dréachtbhuiséad Tosaigh 2021 agus Litir Leasaitheach 1/2021

1.2. Glacadh bhuiséad 2021

1.3. Ioncam a shanntar do CERT

2.STAID LEACHTACHTA AGUS BAINISTÍOCHT AR LEITHREASUITHE

2.1. Bainistíocht ar leithreasuithe

2.1.1. Leithreasuithe atá ar fáil le haghaidh bhliain airgeadais 2021

2.1.2. Forghníomhú leithreasuithe atá ar fáil le haghaidh bhliain airgeadais 2021

2.1.3. Forghníomhú buiséid leithreasuithe a vótáladh ‑ Caiteachas faoi bhainistíocht dhíreach arna dhéanamh ag an gCoimisiún

2.2. Íocaíochtaí míosúla

2.2.1. Íocaíochtaí míosúla leis na Ballstáit faoi bhainistíocht chomhpháirteach

2.2.1.1. Íocaíochtaí míosúla leis an bhforáil maidir le caiteachas

2.2.1.2. Cinntí maidir le híocaíochtaí míosúla

3.CUR CHUN FEIDHME BHUISÉAD CERT 2021

3.1. Glacadh leithreasuithe CERT

3.2. Barúlacha maidir le cur chun feidhme an bhuiséid

3.2.1. Airteagal 08 02 03: Caiteachas a bhaineann leis an margadh lasmuigh de na Pleananna Straitéiseacha CBT

3.2.1.1. Réamhrá

3.2.1.2. Mír 08 02 03 01: POSEI agus na hOileáin Bheaga Aeigéacha (cé is moite d’íocaíochtaí díreacha)

3.2.1.3. Míreanna 08 02 03 02: Táirgí talmhaíochta a chur chun cinn – Cláir shimplí

3.2.1.4. Mír 08 02 03 04: Scéimeanna scoile

3.2.1.5. Mír 08 02 03 05: Ola Olóige

3.2.1.6. Mír 08 02 03 06: Torthaí agus glasraí

3.2.1.7. Mír 08 02 03 07: Fíon

3.2.1.8. Mír 08 02 03 08: Beachaireacht

3.2.1.9. Mír 08 02 03 10: Bearta stórála poiblí agus príobháideacha

3.2.2. Airteagal 08 02 05: Íocaíochtaí díreacha lasmuigh de Phleananna Straitéiseacha CBT

3.2.2.1. Mír 08 02 05 01: POSEI agus Oileáin Aeigéacha Bheaga (íocaíochtaí díreacha)

3.2.2.2. Mír 08 02 05 02: An Scéim Íocaíochta Aonair Limistéir (SIAL)

3.2.2.3. Mír 08 02 05 03: Íocaíocht athdháilte

3.2.2.4. Mír 08 02 05 04: Scéim na hÍocaíochta Bunúsaí (BPS)

3.2.2.5. Mír 08 02 05 05: Íocaíocht do chleachtais talmhaíochta a dhéanann leas na haeráide agus an chomhshaoil

3.2.2.6. Mír 08 02 05 07: Íocaíocht d’fheirmeoirí óga

3.2.2.7. Mír 08 02 05 08: Íocaíocht i leith barr sonrach le haghaidh cadáis

3.2.2.8. Mír 08 02 05 09: Scéim tacaíochta cúpláilte deonaí

3.2.2.9. Mír 08 02 05 10: Scéim na bhfeirmeoirí beaga

3.2.2.10. Mír 08 02 05 11: Cúlchiste le haghaidh géarchéimeanna in earnáil na talmhaíochta

3.2.2.11. Mír 08 02 05 12: Íocaíochtaí díreacha i ndáil le smacht airgeadais a aisíoc

3.2.3. Airteagal 08 02 06: Straitéis bheartais, comhordú agus iniúchadh

3.2.3.1. Mír 08 02 06 01: Ceartuithe airgeadais i bhfabhar na mBallstát tar éis imréiteach cuntas

3.2.3.2 Mír 08 02 06 02: Díospóidí a réiteach

3.2.3.3. Mír 08 02 06 03: CERT – Cúnamh teicniúil oibríochtúil

3.2.4. Airteagal 08 02 99: Cláir agus gníomhaíochtaí roimhe seo a chur i gcrích

3.2.4.1. Mír 08 02 99 01: Cur i gcrích bearta roimhe seo faoin ‘gCiste Eorpach um Ráthaíocht Talmhaíochta (CERT)’ ‑ Bainistíocht chomhpháirteach

4.CUR CHUN FEIDHME AN IONCAIM A SHANNTAR DO CERT

Iarscríbhinní (féach an doiciméad ar leithligh):

Iarscríbhinn 1

Iarscríbhinn 2

IARSCRÍBHINN 3-I

Iarscríbhinn 3-II

Iarscríbhinn 4

Nós imeachta buiséadach le haghaidh Leithreasuithe CERT 2021

Anailís ar fhorghníomhú buiséadach CERT – Bliain airgeadais 2021

Anailís ar fhorghníomhú Buiséadach CERT – Ioncam sannta bhliain airgeadais 2021. C4

Anailís ar fhorghníomhú Buiséadach CERT – Ioncam sannta bhliain airgeadais 2021. C5

Forghníomhú Buiséadach CERT de réir an airteagail agus de réir an Bhallstáit – Bliain airgeadais 2021

Tabhair faoi deara: Tá Doiciméad Inmheánach Oibre de chuid an Choimisiúin ag gabháil leis an tuarascáil seo. Beidh téacs iomlán an Doiciméid Inmheánaigh Oibre seo (i mBéarla) agus na táblaí atá i gceangal (i mBéarla) ar fáil freisin ar shuíomh gréasáin Europa Ard‑Stiúrthóireacht na Talmhaíochta ( http://ec.europa.eu/agriculture/cap-funding/financial-reports/eagf/index_en.htm ).

1.NÓS IMEACHTA BUISÉADACH 1

1.1.Dréachtbhuiséad Tosaigh 2021 agus Litir Leasaitheach 1/2021

Ghlac an Coimisiún Dréachtbhuiséad tosaigh 2021 agus mhol sé don Údarás Buiséadach é an 27 Iúil 2020. EUR 40 179.1 milliún a bhí i méid iomlán na leithreasuithe faoi chomhair gealltanas a moladh le haghaidh CERT. Ghlac an Chomhairle a seasamh maidir le Dréachtbhuiséad 2021 an 28 Meán Fómhair 2020, lena gcuirtear méadú EUR 164.3 milliún ar na leithreasuithe faoi chomhair gealltanas le haghaidh CERT. Ghlac Parlaimint na hEorpa a seasamh an 12 Samhain 2020, lena gcuirtear méadú EUR 262.9 milliún ar na leithreasuithe faoi chomhair gealltanas le haghaidh CERT i gcomparáid leis an Dréachtbhuiséad.

D’fhoilsigh an Coimisiún Litir Leasaitheach (AL) Uimh. 1 a ghabhann le Dréachtbhuiséad 2021 an 13 Samhain 2020 lena gcuirtear méadú EUR 222.2 milliún ar na riachtanais i ngealltanais i gcomparáid leis an Dréachtbhuiséad. Mar sin féin, rinneadh na riachtanais bhreise sin a chúiteamh go páirteach leis an méadú EUR 33.3 milliún ar an ioncam sannta a bhfuil coinne leis go mbeidh sé ar fáil in 2021. Dá thoradh sin, tháinig méadú EUR 188.9 milliún ar na leithreasuithe faoi chomhair gealltanas a iarradh le haghaidh CERT san AL i gcomparáid leis an Dréachtbhuiséad.

Níor tháinig an Coiste Idir‑réitigh, ar a bhfuil comhaltaí ó Pharlaimint na hEorpa agus ón gComhairle, ar chomhaontú maidir le téacs comhpháirteach laistigh den teorainn ama 21 lá dá dtagraítear in Airteagal 314(6) den Chonradh ar Fheidhmiú an Aontais Eorpaigh.

1.2.Glacadh bhuiséad 2021

Ghlac an Coimisiún dara Dréachtbhuiséad 2021 an 10 Nollaig 2020. Dearbhaíodh go raibh buiséad 2021 glactha ag an gComhairle agus ag Parlaimint na hEorpa an 14 Nollaig agus an 18 Nollaig 2020, faoi seach. EUR 40 368.0 milliún a bhí i méid iomlán na leithreasuithe faoi chomhair gealltanas sa bhuiséad le haghaidh CERT agus EUR 40 353.7 milliún a bhí ina leithreasuithe faoi chomhair íocaíochtaí.

Is é is cúis leis an difríocht idir leithreasuithe faoi chomhair gealltanas agus faoi chomhair íocaíochtaí go n‑úsáidtear leithreasuithe difreálaithe i gcás bearta áirithe, a chuireann an Coimisiún chun feidhme go díreach. Baineann na bearta sin go príomha le cur chun cinn táirgí talmhaíochta agus cúnaimh theicniúil oibriúcháin.

Go sonrach, as na leithreasuithe faoi chomhair gealltanas CERT a vótáladh le haghaidh réimse beartais 08 (Beartas Talmhaíochta agus Muirí) arb ionann iad agus EUR 40 368.0 milliún: foráladh EUR 2 618.1 milliún le haghaidh caiteachas a bhaineann leis an margadh lasmuigh de Phleananna Straitéiseacha CBT faoi Airteagal 08 02 03; foráladh EUR 37 431.7 milliún le haghaidh íocaíochtaí díreacha lasmuigh de Phleananna Straitéiseacha CBT faoi Airteagal 08 02 05; agus foráladh EUR 307.3 milliún le haghaidh straitéis beartais, comhordúcháin agus iniúchta faoi Airteagal 08 02 06.

Soláthraítear tuilleadh mionsonraí in iarscríbhinn 1.

1.3.Ioncam a shanntar do CERT 2

I gcomhréir le hAirteagal 43 de Rialachán (AE) Uimh. 1306/2013 maidir le maoiniú an Chomhbheartais Talmhaíochta, ainmnítear ioncam de thionscnamh ceartuithe airgeadais faoi chinntí cuntasaíochta nó faoi chinntí imréitigh comhréireachta, neamhrialtachtaí agus an tobhaigh bainne mar ioncam a shanntar do mhaoiniú chaiteachas CERT. De réir na rialacha sin, is féidir ioncam sannta a úsáid chun maoiniú aon chaiteachais a bhaineann le CERT a chumhdach. Mura n‑úsáidtear cuid den ioncam seo, tabharfar an chuid sin ar aghaidh go huathoibríoch go dtí an bhliain airgeadais ina dhiaidh sin.

Tráth buiséad 2021 a bhunú, measadh gurbh é EUR 619 milliún an méid ioncaim shannta a raibh coinne lena bhailiú le linn bhliain airgeadais 2021. Measadh nach dtabharfar aon ioncam sannta anonn ó bhliain airgeadais 2020 go 2021.

Cuireadh an t‑ioncam sannta measta san áireamh le haghaidh riachtanais mhaoinithe scéim na híocaíochta bunúsaí nuair a ghlac an tÚdarás Buiséadach buiséad 2021.

I gcás scéim na híocaíochta bunúsaí (íocaíochtaí díreacha), is ionann an tsuim leithreasuithe a vótáil an tÚdarás Buiséadach agus an t‑ioncam sannta measta le chéile agus an riachtanas iomlán measta EUR 14 791 mhilliún.

2.STAID LEACHTACHTA AGUS BAINISTÍOCHT AR LEITHREASUITHE

2.1.Bainistíocht ar leithreasuithe

2.1.1.Leithreasuithe atá ar fáil le haghaidh bhliain airgeadais 2021

In EUR
An chuid den bhuiséad a bhaineann le caiteachas (1)	Leithreasuithe faoi chomhair gealltanas	Leithreasuithe faoi chomhair íocaíochtaí	An chuid den bhuiséad a bhaineann le hioncam (AR) (2)	Réamhaisnéisí
1. Leithreasuithe tosaigh le haghaidh CERT lena n‑áirítear	40 367 954 000.00	40 353 742 883.00	1. An Ciste Eorpach um Ráthaíocht Talmhaíochta — Ioncam sannta	619 000 000.00
1a. Leithreasuithe faoi bhainistíocht chomhpháirteach	40 192 561 720.00	40 192 561 720.00	Réamhaisnéis iomlán maidir le AR	619 000 000.00
1b. Leithreasuithe faoi bhainistíocht dhíreach	175 392 280.00	161 181 163.00
2. Buiséad leasaitheach
3. Aistriú go / amach as CERT le linn na bliana	3 500 000.00	50 974 605.50
4. Leithreasuithe críochnaitheacha le haghaidh CERT lena n‑áirítear	40 371 454 000.00	40 302 768 277.50
4a. Leithreasuithe faoi bhainistíocht chomhpháirteach	40 201 408 720.00	40 201 408 720.00
4b. Leithreasuithe faoi bhainistíocht dhíreach	170 045 280.00	101 359 557.50
(1) Leithreasuithe a chuirfear isteach i mbuiséad 2021 tar éis an t‑ioncam sannta a bhfuil coinne lena bhailiú in 2021 agus an t‑ioncam a tugadh anonn ó 2020 go 2021 a asbhaint i gcomhréir le hAirteagal 12 de Rialachán (AE, EURATOM) 2018/1046. (2) AR: Ioncam sannta le bailiú le linn na bliana airgeadais. Níl aon mhéid ioncaim curtha isteach ar an líne ioncaim (p.m.), ach léirítear an méid a tuaradh sna nótaí buiséid

2.1.2.Forghníomhú leithreasuithe atá ar fáil le haghaidh bhliain airgeadais 2021

			In EUR
	Forghníomhú leithreasuithe faoi chomhair gealltanas	Forghníomhú leithreasuithe faoi chomhair íocaíochtaí
Bainistíocht chomhpháirteach (1)	40 612 300 603.41	40 612 300 603.41
Caiteachas faoi bhainistíocht dhíreach	164 242 458.62	90 289 047.09
Iomlán	40 776 543 062.03	40 702 589 650.50

(1) Méideanna a gealladh. Gealltanais agus íocaíochtaí lúide ioncam sannta EUR 615 736 140.23 (féach pointe 4 agus iarscríbhinn 3-I) a fuarthas le haghaidh bainistíocht chomhroinnte: EUR 39 996 564 463.18

Le haghaidh bhliain airgeadais 2021, EUR 40 776 543 062 a bhí sa mhéid iarbhír leithreasuithe faoi chomhair gealltanas a úsáideadh agus i gcás leithreasuithe faoi chomhair íocaíochtaí, EUR 40 702 589 650.5 a bhí iontu.Tugtar tuilleadh mionsonraí maidir le forghníomhú leithreasuithe faoi bhainistíocht chomhpháirteach i roinn 3.2 thíos.

Forghníomhú buiséid leithreasuithe a vótáladh ‑ Caiteachas faoi bhainistíocht dhíreach arna dhéanamh ag an gCoimisiún

In EUR
Caiteachas faoi bhainistíocht dhíreach	Leithreasuithe faoi chomhair gealltanas		Leithreasuithe faoi chomhair íocaíochtaí		Méideanna le tabhairt anonn go 2022 (2)
Leithreasuithe (C1)(1)	170 045 280.00	101 359 557.50		-
Forghníomhú (C1)	164 242 458.62	90 289 047.09		363 383.24
Leithreasuithe a cealaíodh	5 802 821.38	10 707 127.17		-
(1) Seasann C1 do leithreasuithe an bhuiséid a vótáladh. Áirítear leis an méid sin aistrithe ‘in’ CERT ó ‘Fhorbairt tuaithe’ de mhéid EUR 3 500 000.00 le haghaidh leithreasuithe faoi chomhair gealltanas, go ‘bainistíocht chomhpháirteach’ de mhéid EUR 8 847 000 le haghaidh leithreasuithe faoi chomhair gealltanas agus faoi chomhair íocaíochtaí agus aistrithe ‘amach’ as CERT de mhéid iomlán EUR 50 974 605.50 le haghaidh leithreasuithe faoi chomhair íocaíochtaí. (2) Méideanna le tabhairt anonn go 2022 i gcás leithreasuithe neamhdhifreáilte amháin.

EUR 170.0 milliún a bhí sna leithreasuithe faoi chomhair gealltanas a bhí ar fáil le haghaidh caiteachas faoi bhainistíocht dhíreach i mbuiséad 2021. Gealladh méid EUR 164.2 milliún in 2021. Cealaíodh comhardú na leithreasuithe sin, arb ionann é sin agus EUR 5.8 milliún.

Is leithreasuithe difreáilte iad tromlach na leithreasuithe CERT le haghaidh caiteachas faoi bhainistíocht dhíreach arna dhéanamh ag an gCoimisiún.

Is ionann an tabhairt anonn uathoibríoch go 2022, nach mbaineann ach le leithreasuithe neamhdhifreáilte, agus EUR 0.4 milliún.

2.2.Íocaíochtaí míosúla

2.2.1.Íocaíochtaí míosúla leis na Ballstáit faoi bhainistíocht chomhpháirteach

2.2.1.1. Íocaíochtaí míosúla leis an bhforáil maidir le caiteachas

Maítear in Airteagal 18(1) de Rialachán (AE) Uimh. 1306/2013 go ‘ndéanfaidh an Coimisiún íocaíochtaí míosúla le haghaidh caiteachas a dhéanann gníomhaireachtaí íocaíochta creidiúnaithe na mBallstát le linn na míosa tagartha’. Déanfar íocaíochtaí míosúla le gach Ballstát ar a dhéanaí an tríú lá oibre den dara mí tar éis na míosa ina ndéantar an caiteachas.

Is aisíocaíocht ghlan‑chaiteachais iad na híocaíochtaí míosúla (tar éis ioncam a asbhaint) a rinneadh cheana féin agus cuirtear ar fáil iad ar bhonn na ndearbhuithe míosúla a chuireann na Ballstáit ar aghaidh. 3 Tá cuntasaíocht mhíosúil chaiteachais agus ioncaim faoi réir seiceálacha agus ceartúchán ar bhonn na ndearbhuithe sin. Thairis sin, is íocaíochtaí críochnaitheacha a bheidh sna híocaíochtaí sin tar éis fhíoruithe an Choimisiúin faoin nós imeachta imréitigh cuntas.

Cumhdaítear íocaíochtaí a dhéanann na Ballstáit ón 16 Deireadh Fómhair 2020 go dtí an 15 Deireadh Fómhair 2021 faoin gcóras le haghaidh íocaíochtaí míosúla.

EUR 40 499.6 milliún a bhí in iomlán na méideanna a cinneadh le haghaidh íocaíochtaí míosúla sa bhliain airgeadais ar fad. Agus méideanna a gnóthaíodh ó chinntí imréitigh agus ó aisíocaíocht méideanna a cuireadh ar fionraí roimhe seo á gcur san áireamh, íocadh EUR 39 998.8 milliún leis na Ballstáit le héifeacht.

2.2.1.2.Cinntí maidir le híocaíochtaí míosúla

Ghlac an Coimisiún cinneadh íocaíochta le haghaidh gach ceann den dá thréimhse dhéag den bhliain airgeadais. Thairis sin, glacadh cinneadh breise i mí na Nollag lenar coigeartaíodh an caiteachas iomlán is inmhuirir i leith na bliana.

3.CUR CHUN FEIDHME BHUISÉAD CERT 2021

3.1.Glacadh leithreasuithe CERT

B’ionann cur chun feidhme leithreasuithe CERT agus EUR 40 776.5 milliún 4 . Cistíodh an caiteachas sin le leithreasuithe tosaigh an bhuiséid trí úsáid a bhaint as an ioncam a sannadh do CERT, agus trí aistriú ó CETFT go CERT. Baineadh úsáid iomlán as méid EUR 55.5 milliún a tugadh anonn ó 2020 ón ioncam a sannadh do CERT agus cuireadh EUR 613.6 milliún chun feidhme ón ioncam sannta EUR 615.7 milliún a bailíodh in 2021. Laistigh de chaibidil 08 02, b’ionann caiteachas CERT agus EUR 2 599.6 milliún le haghaidh bearta margaidh, agus EUR 37 878.8 milliún le haghaidh íocaíochtaí díreacha.

Chun mionsonraí maidir le cur chun feidhme an bhuiséid de réir réimse beartais a fháil, féach iarscríbhinn 2.

Le hiarscríbhinn 4, déantar miondealú ar an gcaiteachas ar bhearta margaidh, ar íocaíochtaí díreacha agus ar iniúchadh ar chaiteachas talmhaíochta de réir an airteagail agus de réir an Bhallstáit a chur i láthair.

3.2.Barúlacha maidir le cur chun feidhme an bhuiséid

Déantar tráchtaireacht ghairid thíos maidir le cur chun feidhme na leithreasuithe agus maidir le húsáid an ioncaim shannta a chur i láthair bunaithe ar mhionsonraí a thugtar in iarscríbhinní 2, 3-I agus 3-II. Ní thugtar tuairisc sa roinn seo ar línte buiséid a bhfuil ráta forghníomhaithe acu atá an‑ghar do na méideanna arna mbuiséadú.

3.2.1.Airteagal 08 02 03: Caiteachas a bhaineann leis an margadh lasmuigh de na Pleananna Straitéiseacha CBT

3.2.1.1. Réamhrá

EUR 2 599.6 milliún a bhí san fhorghníomhú iomlán (i leithreasuithe faoi chomhair gealltanas) don airteagal seo agus cistíodh é nach mór go heisiach le leithreasuithe a vótáladh. I gcás míreanna lenar sháraigh na riachtanais na leithreasuithe buiséadacha, cumhdaíodh an caiteachas breise trí aistrithe ó mhíreanna eile den bhuiséad. I gcás na mbeart margaidh ina raibh gannchaitheamh ar leithreasuithe an bhuiséid, aistríodh na leithreasuithe a bhí ar fáil mar thoradh air sin go línte buiséid eile laistigh de CERT chun caiteachas breise a chumhdach de réir mar ba ghá.

Cumhdaíodh leis na bearta a bhain le bearta tacaíochta margaidh earnálacha na dtorthaí agus na nglasraí agus an fhíona go háirithe, trí POSEI agus na hOileáin Bheaga Aeigéacha (gan íocaíochtaí díreacha a áireamh), cur chun cinn, beachaireacht agus scéimeanna scoile freisin.

I gcomhthéacs na mbeart eisceachtúil a rinneadh faoin gcaibidil seo chun cuidiú le táirgeoirí déileáil le géarchéim COVID‑19, rinne an Coimisiún bearta atá dírithe ar earnálacha an fhíona 5 agus na dtorthaí agus na nglasraí 6 .

Chun mionsonraí a fháil maidir leis na haistrithe a rinneadh, féach iarscríbhinn 2.

3.2.1.2.Mír 08 02 03 01: POSEI agus na hOileáin Bheaga Aeigéacha (cé is moite d’íocaíochtaí díreacha)

Rinneadh leithreasuithe EUR 224.0 milliún a bhuiséadú faoi mhír bhuiséid 08 02 03 01. Aistríodh EUR 3.0 milliún as an mír bhuiséid seo.

3.2.1.3.Míreanna 08 02 03 02: Táirgí talmhaíochta a chur chun cinn – Cláir shimplí

Ba é paindéim COVID‑19 go príomha ba chúis leis an tearc‑fhorghníomhú EUR 22.5 milliún i gcomparáid leis na riachtanais arna mbuiséadú. Aistríodh an méid chun riachtanais mhíreanna buiséid eile CERT a chumhdach.

3.2.1.4.Mír 08 02 03 04: Scéimeanna scoile

B’ionann an caiteachas a tabhaíodh ar scéimeanna scoile agus EUR 156.2 milliún i gcomparáid leis na riachtanais EUR 205 mhilliún arna mbuiséadú. Aistríodh an difríocht (EUR 48.8 milliún) chun caiteachas eile CERT a chumhdach. Leis an nglacadh íseal, léirítear na hiarmhairtí a tháinig chun cinn de thoradh phaindéim COVID‑19 maidir le cur chun feidhme na scéimeanna sin.

3.2.1.5.Mír 08 02 03 05: Ola Olóige

Rinneadh leithreasuithe EUR 43.0 milliún a bhuiséadú le haghaidh na gclár ola olóige. B’ionann an caiteachas a tabhaíodh ar an mír bhuiséid seo agus EUR 57.6 milliún. Aistríodh an difríocht (EUR 14.6 milliún) ó mhíreanna buiséid eile laistigh den airteagal céanna. Is éard is cúis leis an róthomhaltas go príomha an méadú atá tagtha ar iarrataí ar airleacain chomh maith le híocaíochtaí gan íoc arna ndearbhú ag Ballstát amháin tar éis rialú ó chúirt náisiúnta a bhaineann le cur chun feidhme cláir oibre bhliantúil a bhí ann roimhe seo.

3.2.1.6.Mír 08 02 03 06: Torthaí agus glasraí

B’ionann an caiteachas a thabhaigh na Ballstáit ar an mír bhuiséid seo agus EUR 891.4 milliún. I dteannta na leithreasuithe EUR 867.0 milliún a vótáladh, aistríodh EUR 24.4 milliún ó línte buiséid eile CERT chun na riachtanais a chumhdach.

3.2.1.7.Mír 08 02 03 07: Fíon

Bhí foráil sa bhuiséad maidir le leithreasuithe EUR 1 026.0 milliún chun riachtanais mheasta na mbeart le haghaidh na hearnála seo a chumhdach. Aistríodh EUR 3.8 milliún chun an forghníomhú iomlán a chumhdach, arbh ionann é agus EUR 1 029.8 milliún. I gcás bhearta COVID‑19, caitheadh méid iomlán EUR 72.6 milliún ar earnáil an fhíona (Driogadh éigeandála: EUR 42.81 mhilliún, Stóráil géirchéime: EUR 20.99 milliún, Árachas buainte: EUR 8.79 milliún).

3.2.1.8.Mír 08 02 03 08: Beachaireacht

Rinneadh leithreasuithe EUR 59 milliún a bhuiséadú le haghaidh na beachaireachta agus caitheadh EUR 46.6 milliún den mhéid sin. Aistríodh an difríocht (EUR 12.4 milliún) laistigh den airteagal céanna.

3.2.1.9.Mír 08 02 03 10: Bearta stórála poiblí agus príobháideacha

Sáraíodh an méid EUR 9 milliún arna bhuiséadú le EUR 25.3 milliún. Aistríodh an difríocht ó laistigh den airteagal céanna. Baineann sé sin go príomha le cabhair le haghaidh stóráil phríobháideach ola olóige, rud a glacadh in 2019 agus ar dhearbhaigh na Ballstáit íocaíochtaí gan íoc ar fiú EUR 28.1 milliún ina leith le haghaidh bhliain airgeadais 2021.

3.2.2.Airteagal 08 02 05: Íocaíochtaí díreacha lasmuigh de Phleananna Straitéiseacha CBT

Ba í bliain airgeadais 2021 an séú bliain ar cuireadh athchóiriú 2013 ar an gComhbheartas Talmhaíochta i bhfeidhm. EUR 37 878.8 milliún a bhí sa chaiteachas iomlán maidir leis an airteagal buiséid seo. Áirítear leis sin EUR 428.3 7 milliún a íocadh as aisíocaíocht íocaíochtaí díreacha le feirmeoirí i ndáil le smacht airgeadais, a maoiníodh ó EUR 475.0 milliún a tugadh anonn ó 2020 (chun mionsonraí a fháil, féach pointe 3.2.2.11). Cistíodh an chuid eile de na híocaíochtaí a rinneadh (EUR 37 450.5 milliún) trí leithreasuithe a vótáladh (EUR 36 781.4 milliún) agus trí ioncam sannta (EUR 669.1 milliún). Baineadh úsáid as an dara luach go príomha chun cuid den chaiteachas a tabhaíodh ar scéim na híocaíochta bunúsaí a chumhdach (chun mionsonraí a fháil, féach pointe 3.2.2.4). B’ionann iomlán na leithreasuithe nár úsáideadh agus EUR 693.9 milliún, agus tugadh EUR 686.4 milliún den mhéid sin anonn go bliain airgeadais 2022 chun go ndéanfaidh na Ballstáit é a aisíoc leis na tairbhithe. Áiríodh leis sin EUR 487.6 milliún den chúlchiste géarchéime nár úsáideadh.

Is iad na príomhscéimeanna a chistítear faoin airteagal seo an scéim íocaíochta aonair limistéir (SIAL), scéim na híocaíochta bunúsaí (BPS), an íocaíocht do chleachtais talmhaíochta a dhéanann leas na haeráide agus an chomhshaoil agus an scéim tacaíochta cúpláilte deonaí. Íoctar an chuid is mó de na scéimeanna cúnaimh san airteagal buiséid seo go neamhspleách ar tháirgeadh (íocaíochtaí díreacha díchúpláilte). Tá siad go léir faoi réir urramú na traschomhlíontachta.

3.2.2.1. Mír 08 02 05 01: POSEI agus Oileáin Aeigéacha Bheaga (íocaíochtaí díreacha)

Leis an bhforghníomhú le haghaidh POSEI agus le haghaidh na nOileán Beag Aeigéach (íocaíochtaí díreacha) tabhaíodh suas le 100.1 % de na riachtanais arna mbuiséadú (EUR 431.0 milliún). Cumhdaíodh na riachtanais gan choinne le haistrithe ó mhíreanna eile laistigh den airteagal céanna.

3.2.2.2.Mír 08 02 05 02: An Scéim Íocaíochta Aonair Limistéir (SIAL)

A mhéid a bhaineann le SIAL, EUR 4 406 milliún a bhí sna leithreasuithe sa bhuiséad agus thabhaigh na Ballstáit íocaíochtaí arbh ionann iad agus EUR 4 362.5 milliún. Is é an toradh atá air sin forghníomhú buiséid 99 %. Aistríodh an méid EUR 43.5 milliún atá fágtha chuig míreanna buiséid eile laistigh den airteagal céanna.

3.2.2.3.Mír 08 02 05 03: Íocaíocht athdháilte

EUR 1 610.0 milliún a bhí sna riachtanais arna mbuiséadú le haghaidh na híocaíochta athdháilte agus EUR 1 597.7 milliún nó 99.2 % de na riachtanais arna mbuiséadú an caiteachas a dhearbhaigh na Ballstáit. Aistríodh EUR 12.3 milliún go míreanna buiséid laistigh den airteagal céanna.

3.2.2.4.Mír 08 02 05 04: Scéim na hÍocaíochta Bunúsaí (BPS)

A mhéid a bhaineann le BPS, measadh gurbh é EUR 14 791.0 milliún méid na riachtanas buiséadach. Chun na riachtanais sin a chumhdach, vótáil an tÚdarás Buiséadach leithreasuithe arbh ionann iad agus EUR 14 172.0 milliún tar éis EUR 619.0 milliún den ioncam a sannadh don scéim sin a chur san áireamh. EUR 14 812.4 milliún an caiteachas a dhearbhaigh na Ballstáit le haghaidh na scéime seo agus is ionann an méid sin agus 100.1 % de na riachtanais mheasta. Cumhdaíodh na riachtanais bhreise EUR 21.4 milliún le haistrithe ó mhíreanna agus airteagail buiséid eile.

3.2.2.5.Mír 08 02 05 05: Íocaíocht do chleachtais talmhaíochta a dhéanann leas na haeráide agus an chomhshaoil

EUR 10 778.0 milliún a bhí sna leithreasuithe a vótáladh sa bhuiséad le haghaidh na híocaíochta do chleachtais talmhaíochta a dhéanann leas na haeráide agus an chomhshaoil, an glasú mar a ghairtear de, ach EUR 10 775.7 milliún a bhí sa chaiteachas a thabhaigh na Ballstáit, rud a thugann ráta forghníomhaithe de 99.8 %.

3.2.2.6.Mír 08 02 05 07: Íocaíocht d’fheirmeoirí óga

Maidir leis an íocaíocht d’fheirmeoirí óga, measadh gurbh é EUR 574 mhilliún méid na riachtanas sa bhuiséad. EUR 484.0 billiún nó 84.3 % de na riachtanais arna mbuiséadú a bhí sa chaiteachas. Aistríodh an barrachas go míreanna buiséid eile laistigh den airteagal céanna.

3.2.2.7.Mír 08 02 05 08: Íocaíocht i leith barr sonrach le haghaidh cadáis

Maidir leis an íocaíocht i leith barr sonrach le haghaidh cadáis, measadh gurbh é EUR 242 mhilliún méid na riachtanas sa bhuiséad. EUR 240.8 milliún, i.e. 99.5 % den mhéid arna bhuiséadú a bhí sa chaiteachas.

3.2.2.8.Mír 08 02 05 09: Scéim tacaíochta cúpláilte deonaí

Le haghaidh na míre buiséid seo, measadh gurbh é EUR 4 019 milliún méid na riachtanas sa bhuiséad. EUR 4,015 mhilliún, i.e. 99.9 % de na riachtanais a bhí sa chaiteachas.

3.2.2.9.Mír 08 02 05 10: Scéim na bhfeirmeoirí beaga

Maidir le scéim na bhfeirmeoirí beaga, measadh gurbh é EUR 707.1 milliún méid na riachtanas sa bhuiséad. EUR 726.3 milliún, i.e. 102.7 % de na riachtanais a bhí sa chaiteachas. Cumhdaíodh na riachtanais bhreise EUR 19.2 milliún le hioncam sannta go príomha.

3.2.2.10. Mír 08 02 05 11: Cúlchiste le haghaidh géarchéimeanna in earnáil na talmhaíochta

Tá sé beartaithe le leithreasuithe an Airteagail seo caiteachas a chumhdach le haghaidh bearta nach mór a dhéanamh chun déileáil le géarchéimeanna móra a dhéanann difear do tháirgeadh nó do dháileadh talmhaíochta. Bunaítear an cúlchiste géarchéime trí laghdú a chur i bhfeidhm, ag tús gach bliana, ar na híocaíochtaí díreacha tríd an sásra um smacht airgeadais i gcomhréir le hAirteagail 25 agus 26 de Rialachán (AE) Uimh. 1306/2013 chomh maith le hAirteagal 8 de Rialachán (AE) Uimh. 1307/2013 8 . In 2021 níor úsáideadh an cúlchiste géarchéime EUR 487.6 milliún agus tugadh an méid comhfhreagrach anonn go 2022 lena aisíoc leis na tairbhithe.

3.2.2.11. Mír 08 02 05 12: Íocaíochtaí díreacha i ndáil le smacht airgeadais a aisíoc

Ní leithdháileann an tÚdarás Buiséadach aon leithreasú ar an airteagal seo. Fónann an t‑airteagal seo don chuspóir na leithreasuithe nach bhfuil gealltanas tugtha ina leith agus a vótáladh ón gcúlchiste géarchéime nár úsáideadh a tugadh anonn a bhailiú chun aisíocaíocht an smachta airgeadais a chuirtear i bhfeidhm ar íocaíochtaí díreacha a mhaoiniú 9 .

Gach bliain, más infheidhme, socraítear le Rialachán Cur Chun Feidhme ón gCoimisiún na méideanna nach mór do gach Ballstát a aisíoc le feirmeoirí agus, i gcomhréir leis an abairt tosaigh d’Airteagal 12(2) de Rialachán (AE, Euratom) 2018/1046, cinntear leis nach mbeidh an caiteachas i ndáil leis an aisíocaíocht sin incháilithe do mhaoiniú ón Aontas ach amháin más rud é gur íocadh na méideanna leis na tairbhithe roimh an 16 Deireadh Fómhair den bhliain airgeadais chuig a dtugtar anonn na leithreasuithe. As an méid EUR 475 mhilliún, a fhreagraíonn don smacht airgeadais a cuireadh i bhfeidhm le linn bhliain airgeadais 2020 a tugadh anonn go buiséad 2021 lena aisíoc, rinne na Ballstáit EUR 428.3 milliún a aisíoc. Aisíocadh méid EUR 41.4 milliún ar leithligh leis an Ríocht Aontaithe. Maidir le bliain airgeadais 2021, socraítear le Rialachán Cur Chun Feidhme (AE) 2021/2091 ón gCoimisiún 10 méid na haisíocaíochta ag EUR 686.4 milliún (le haghaidh AE 27).

Le linn bhliain airgeadais 2021, cuireadh smacht airgeadais i bhfeidhm chun cúlchiste géarchéime EUR 487.6 milliún a bhunú agus chun a áirithiú nach gcaitear níos mó ná iarmhéid glan CERT. Dá bhrí sin, socraíodh ag méid i bhfad níos airde ná an cúlchiste géarchéime é.

3.2.3.Airteagal 08 02 06: Straitéis bheartais, comhordú agus iniúchadh

3.2.3.1.Mír 08 02 06 01: Ceartuithe airgeadais i bhfabhar na mBallstát tar éis imréiteach cuntas

Áirítear leis an mír sin an caiteachas chun ceartuithe cuntasaíochta agus comhréireachta féideartha i bhfabhar na mBallstát a mhaoiniú.

EUR 228.3 milliún a bhí sna ceartuithe i bhfabhar na mBallstát tar éis imréiteach cuntas agus imréiteach comhréireachta agus , i.e. EUR 4.8 milliún níos ísle ná an méid EUR 233.1 milliún arna bhuiséadú.

3.2.3.2Mír 08 02 06 02: Díospóidí a réiteach

Tá na leithreasuithe sa mhír seo beartaithe chun go gcumhdófar caiteachas dá bhféadfaí an Coimisiún a chur faoi dhliteanas le cinneadh ón gcúirt bhreithiúnais, lena n‑áirítear an costas a bhaineann le socrú éilimh ar dhamáistí agus ús. Forghníomhaíodh méid EUR 0.3 milliún agus níor foráladh aon leithreasú i mbuiséad 2021. Cumhdaíodh an riachtanas le haistriú.

3.2.3.3.Mír 08 02 06 03: CERT – Cúnamh teicniúil oibríochtúil

Maoinítear leis an mír seo, i measc nithe eile, gníomhaíochtaí faoi chuimsiú an Líonra sonraí um chuntasaíocht feirme (LSCF), Córais TF, suirbhéanna athstruchtúraithe talmhaíochta, aontaí agus foilseacháin atá dírithe ar fheasacht an phobail ar an CBT a fheabhsú, lena n‑áirítear gníomhaíochtaí faoi chumarsáid chorparáideach, agus costais le haghaidh ceannacháin íomhánna satailíte chun cuidiú leis na Ballstáit rialú agus faireachán a dhéanamh ar iarratais ar chabhair. EUR 63.3 milliún a bhí sna leithreasuithe a gealladh agus bhí foráil sa bhuiséad maidir le leithreasuithe EUR 74.2 milliún. D’fhan an difríocht leis an méid arna bhuiséadú (EUR 10.9 milliún) a aistríodh go páirteach lasmuigh den airteagal neamhúsáidte go páirteach ar an líne bhuiséid seo.

3.2.4.Airteagal 08 02 99: Cláir agus gníomhaíochtaí roimhe seo a chur i gcrích

3.2.4.1.Mír 08 02 99 01: Cur i gcrích bearta roimhe seo faoin ‘gCiste Eorpach um Ráthaíocht Talmhaíochta (CERT)’ ‑ Bainistíocht chomhpháirteach

Foráiltear leis an mír seo buiséad le haghaidh iarbhearta ó na margaí, íocaíochtaí díreacha agus forbairt tuaithe ar gá iad a chur i gcrích fós. Bhí foráil sa bhuiséad maidir le leithreasuithe EUR 6.6 milliún chun riachtanais mheasta na mbeart uile le haghaidh na míre seo a chumhdach. EUR 2.9 milliún a bhí sa chaiteachas. Aistríodh an difríocht leis an méid arna bhuiséadú (EUR 3.7 milliún) lasmuigh den airteagal.

4.CUR CHUN FEIDHME AN IONCAIM A SHANNTAR DO CERT

EUR 55.5 milliún a bhí san ioncam sannta iarbhír a tugadh anonn ó 2020 go 2021 agus úsáideadh ina iomláine é chun caiteachas bhliain airgeadais 2021 a mhaoiniú i gcomhréir le hAirteagal 12 den Rialachán Airgeadais. Mar a chuirtear i láthair in iarscríbhinn 3-II, cumhdaíodh leis an méid sin caiteachas le haghaidh scéim na híocaíochta bunúsaí.

A mhéid a bhaineann leis an ioncam sannta a bailíodh in 2021, léirítear in iarscríbhinn 3-I gurbh ionann an t‑ioncam sin agus EUR 615.7 milliún agus d’eascair sé as:

¾an nós imeachta um cheartuithe imréitigh, EUR 503 mhilliún;

¾na fáltais ó neamhrialtachtaí, EUR 112.7 milliún;

Ón ioncam sannta a bailíodh in 2021, úsáideadh na méideanna a leanas:

¾EUR 582.9 milliún faoi scéim na híocaíochta bunúsaí (BPS, íocaíochtaí díreacha).

¾EUR 17.9 milliún le haghaidh na n‑íocaíochtaí i leith cleachtais talmhaíochta atá chun leas na haeráide agus an chomhshaoil (íocaíochtaí díreacha).

¾EUR 12.9 milliún le haghaidh cistí oibriúcháin eagraíochtaí táirgeoirí.

Tugadh comhardú an ioncaim shannta a bailíodh in 2021 (EUR 2.1 milliún) anonn go huathoibríoch go buiséad 2022.

Chun mionsonraí a fháil, féach Iarscríbhinní 3-I agus 3-II.

(1) Cuirtear an nós imeachta sin i láthair in iarscríbhinn 1.

(2) Ní chuirtear na méideanna sin isteach i línte ioncaim an bhuiséid (mír 6 2 0 0 le haghaidh an ioncam a shanntar do CERT), ina luaitear ‘p.m.’ (‘pro memoria’), ach luaitear an méid a tuaradh sna nótaí buiséid le haghaidh an Airteagail seo.

(3) Tarchuireann na Ballstáit na dearbhuithe caiteachais míosúla sin trí dhearbhú an 12ú lá den mhí N+1.

(4) Áirítear leis an bhfigiúr sin aisíocaíocht an smachta airgeadais a bhaineann leis an gcúlchiste géarchéime talmhaíochta a tugadh anonn ó bhliain airgeadais 2020. Mar sin féin, ní áirítear leis EUR 41 383 278.00 a aisíocadh leis an Ríocht Aontaithe tar éis chinneadh C(2021)3685.

(5) Rialachán Cur Chun Feidhme (AE) 2021/1763 ón gCoimisiún an 6 Deireadh Fómhair 2021 lena leasaítear Rialachán Cur Chun Feidhme (AE) 2020/600 a mhéid a bhaineann leis na maoluithe ar Rialachán Cur Chun Feidhme (AE) 2016/1150 chun aghaidh a thabhairt ar an ngéarchéim in earnáil an fhíona arbh é paindéim COVID‑19 ba chúis léi; IO L 355 an 7.10.2021, lch. 3-5

(6) Rialachán Tarmligthe (AE) 2021/2245 ón gCoimisiún an 12 Deireadh Fómhair 2021 lena leasaítear Rialachán Tarmligthe (AE) 2017/891 a mhéid a bhaineann le ríomh luach an táirgthe arna mhargú d’eagraíochtaí táirgeoirí in earnáil na dtorthaí agus na nglasraí; IO L 453 an 17.12.2021, lch. 3-4.

(7) Gan EUR 41 383 278.00 a aisíocadh leis an Ríocht Aontaithe tar éis chinneadh C(2021)3685 a chur san áireamh

(8) IO L 347, 20.12.2013, lch. 608

(9) Is féidir na leithreasuithe sin a thabhairt anonn, i gcomhréir le pointe (d) den chéad fhomhír agus leis an tríú fomhír d’Airteagal 12(2) de Rialachán (AE, Euratom) 2018/1046, agus i gcomhréir le hAirteagal 26(5) de Rialachán (AE) Uimh. 1306/2013. Cuirtear ar fáil do na Ballstáit iad le haghaidh aisíocaíocht leis na faighteoirí deiridh a thagann faoi réir chur i bhfeidhm an smachta airgeadais i gcomhréir le hAirteagal 26, míreanna (1) go (4) de, le linn na bliana airgeadais chuig a dtugtar anonn na leithreasuithe.

(10)

IO L 427, 30.11.2021, lch. 162–165