(4)

An 22 Deireadh Fómhair 2019, d’fhoilsigh an Coimisiún Eorpach Teachtaireacht maidir le fíorú ar chur i bhfeidhm iomlán acquis Schengen ag an gCróit (5), inar thángthas ar an gconclúid “go measann an Coimisiún go bhfuil na bearta is gá glactha ag an gCróit chun a áirithiú go gcomhlíontar na coinníollacha is gá chun na codanna ábhartha uile de acquis Schengen a chur i bhfeidhm. Beidh ar an gCróit leanúint de bheith ag obair go comhsheasmhach maidir le cur chun feidhme na ngníomhaíochtaí leanúnacha uile, go háirithe i réimse bhainistiú na dteorainneacha seachtracha, chun a áirithiú go leanfar de na dálaí sin a chomhlíonadh. Dearbhaíonn an Coimisiún freisin go leanann an Chróit de na gealltanais a bhaineann le acquis Schengen, mar a gabhadh ar láimh ina caibidlíocht aontachais, a chomhlíonadh”.

(4)

An 22 Deireadh Fómhair 2019, d’fhoilsigh an Coimisiún Eorpach Teachtaireacht maidir le fíorú ar chur i bhfeidhm iomlán acquis Schengen ag an gCróit (5), inar thángthas ar an gconclúid “go measann an Coimisiún go bhfuil na bearta is gá glactha ag an gCróit chun a áirithiú go gcomhlíontar na coinníollacha is gá chun na codanna ábhartha uile de acquis Schengen a chur i bhfeidhm. Beidh ar an gCróit leanúint de bheith ag obair go comhsheasmhach maidir le cur chun feidhme na ngníomhaíochtaí leanúnacha uile, go háirithe i réimse bhainistiú na dteorainneacha seachtracha, chun a áirithiú go leanfar de na dálaí sin a chomhlíonadh. Dearbhaíonn an Coimisiún freisin go leanann an Chróit de na gealltanais a bhaineann le acquis Schengen, mar a gabhadh ar láimh ina caibidlíocht aontachais, a chomhlíonadh”. Ba cheart don Chróit Parlaimint na hEorpa agus an Chomhairle a chur ar an eolas i scríbhinn faoin… [sé mhí tar éis dháta theacht i bhfeidhm an Chinnidh seo] na gníomhaíochtaí leantacha a rinneadh tar éis an phlean gníomhaíochta i réimse bhainistiú na dteorainneacha seachtracha agus chur chun feidhme aon ghníomhaíochtaí leanúnacha a bhaineann leis sin, lena n-áirítear maidir leis an sásra neamhspleách chun faireachán a dhéanamh ar ghníomhaíochtaí póilíní.

(4a)

Tar éis theacht i bhfeidhm an Chinnidh seo, i gcomhréir le hAirteagal 13 de Rialachán (AE) 2022/922 ón gComhairle, ba cheart don Choimisiún, ina chlár meastóireachta bliantúil, meastóireacht thréimhsiúil nó théamach a áireamh ar chur i bhfeidhm acquis Schengen ag an gCróit i réimse bhainistiú na dteorainneacha seachtracha, lena n-áirítear ábhair imní maidir le staid na gceart bunúsach. I bhfianaise na dtuarascálacha agus na líomhaintí maidir le drochíde agus brú siar imirceach ag na teorainneacha, ba cheart go n-áireofaí sa mheastóireacht sin cuairt ar an gCróit, chomh maith le hobair leantach bhliantúil ar an sásra faireacháin neamhspleách athbhunaithe ag na teorainneacha seachtracha. Ba cheart don Choimisiún moltaí iomchuí a dhéanamh maidir le gníomhaíochtaí arb é is aidhm dóibh aghaidh a thabhairt ar aon easnaimh a sainaithníodh agus faisnéis shoiléir agus rialta a chur ar fáil fúthu .

(5)

An 9 Nollaig 2021, tháinig an Chomhairle ar an gconclúid go ndearna an Chróit na coinníollacha maidir le cur i bhfeidhm gach cuid den acquis ábhartha a chomhlíonadh (6).

(5)

An 9 Nollaig 2021, tháinig an Chomhairle ar an gconclúid go ndearna an Chróit na coinníollacha maidir le cur i bhfeidhm gach cuid den acquis ábhartha a chomhlíonadh (6) agus d’iarr sí ar an gCróit leanúint de bheith ag obair go comhsheasmhach ar chur chun feidhme acquis Schengen agus ar na gealltanais a bhaineann le acquis Schengen .