“8505 11 00 go 8505 19 90

Buanmhaighnéid agus earraí a bhfuil sé beartaithe buanmhaighnéid a dhéanamh díbh tar éis a maighnéadaithe

Áirítear faoi na fo-cheannteidil seo maighnéid chuisneora arb é atá iontu maighnéad a bhfuil earra maisiúil ceangailte de. Is é an maighnéad is saintréith do na táirgí ilchodacha de réir bhrí RLG 3 (b), toisc gur dearadh é go príomha ar dhóigh gur féidir é a ghreamú go héasca de dhromchla miotail agus a bhogadh timpeall ar an dromchla sin agus, a mhéid a bhaineann leis an chuid is mó de na maighnéid sin, ar dhóigh gur féidir páipéar nó earraí beaga eile a ghreamú de dhromchla miotail. Dá bhrí sin, is feidhm thánaisteach í feidhm mhaisiúcháin an earra.

Samplaí de roinnt de na maighnéid chuisneora mhaisiúla:

Tuairim is 6 cm x 6 cm x 5 cm is toise dó

Tuairim is 7 cm x 9 cm x 2 cm is toise dó

Tuairim is 8 cm x 8 cm x 2 cm is toise dó

Tuairim is 8 cm x 6,5 cm x 1 cm is toise dó

Tuairim is 5,5 cm x 8 cm x 1 cm is toise dó

Tuairim is 2 cm x 1,5 cm x 0,5 cm is toise dó

Sna trí shampla seo a leanas, cé go bhfuil an maighnéad beag i gcomparáid le méid an mhaisiúcháin, tá an maighnéad láidir go leor chun an maisiúchán an-éadrom a ghreamú de dhromchla miotail.

Ní áirítear leis na fo-cheannteidil seo:

Maighnéid chuisneora atá ceangailte d’earra fóntais. Is mar earra fóntais (osclóir buidéal, féilire, coimeádóir ama, pionna éadaigh, mar shampla) is féidir a ghreamú de dhromchla miotail a dearadh an táirge. Tá feidhm dá chuid féin ag an earra fóntais (buidéal a oscailt, an dáta nó an t-am a thaispeáint, mar shampla). Is é an t-earra fóntais is saintréith do na táirgí ilchodacha de réir bhrí RLG 3 (b), toisc nach bhfuil ag an maighnéad ach ról tacúil (i.e. táirge fóntais a ghreamú de dhromchla miotail).

Samplaí de roinnt de na hearraí sin:

”