AN COIMISIÚN EORPACH

An Bhruiséil,17.11.2021

COM(2021) 709 final

2021/0367(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le loingsithe dramhaíola agus lena leasaítear Rialacháin (AE) Uimh. 1257/2013 agus (AE) Uimh. 2020/1056

(Téacs atá ábhartha maidir le LEE)

{SEC(2021) 402 final} - {SWD(2021) 330 final} - {SWD(2021) 331 final} - {SWD(2021) 332 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

182 mhilliún tona a bhí sa trádáil dramhaíola domhanda in 2018 agus thart ar EUR 80.5 billiún a luach a bhí uirthi 1 . Tá méadú mór tagtha ar thrádáil den sórt sin le deacáidí beaga anuas, agus d’ardaigh sé go beagnach 250 milliún tona in 2011. Tá ról tábhachtach ag an Aontas sa trádáil dhomhanda dramhaíola agus bíonn méideanna suntasacha dramhaíola á seoladh idir na Ballstáit. In 2020 d’onnmhairigh an tAontas thart ar 32.7 mhilliún tona dramhaíola chuig tíortha nach bhfuil san Aontas, sin méadú 75 % ó bhí 2004 ann 2 agus luach EUR 13 bhilliún air sin. dramh-mhiotal feiriúil agus neamhfheiriúil, dramhaíl páipéir, dramhaíl phlaisteach, dramhaíl teicstíle agus dramhaíl ghloine, sin formhór na dramhaíola a onnmhairítear ón Aontas. Chomh maith leis sin, d’allmhairigh an tAontas tuairim agus 16 mhilliún tona dramhaíola dar luach EUR 13.5 billiún. Ina theannta sin, déantar thart ar 67 milliún tona dramhaíola a loingsiú in aghaidh na bliana idir na Ballstáit 3 (loingsithe dramhaíola laistigh den Aontas).

D’fhéadfadh rioscaí don duine agus don chomhshaol a bheith ag baint le dramhaíl a thrasloingsiú thar theorainneacha, go háirithe nuair nach ndéantar é a rialú i gceart. San am céanna, bíonn luach eacnamaíoch dearfach ar an dramhaíl sin, go sonrach mar amhábhair thánaisteacha ar féidir iad a úsáid in ionad bunábhar nó chun an spleáchas ar bhunábhair a laghdú agus ar an gcaoi sin, is féidir rannchuidiú le geilleagar níos ciorclaí.

Tá bearta maidir le maoirseacht agus rialú ar loingsithe dramhaíola i bhfeidhm san Aontas ó bhí 1984 ann. Glacadh Coinbhinsiún Basel maidir le Rialú Gluaiseachtaí Trasteorann Dramhaíola Guaisí agus lena nDiúscairt (Coinbhinsiún Basel) in 1989 chun aghaidh a thabhairt ar fhadhbanna tromchúiseacha a bhaineann le deascadh dramhaíola tocsainí a allmhairítear ón gcoigríoch chuig áiteanna éagsúla den domhan i mbéal forbartha. In 1992 ghlac an Eagraíocht um Chomhar agus Forbairt Eacnamaíochta (ECFE) Cinneadh 4 atá ceangailteach ó thaobh dlí de maidir le rialú gluaiseachtaí trasteorann dramhaíola atá ceaptha le haghaidh córais chóireála (Cinneadh ECFE).

Le Rialachán (CE) Uimh. 1013/2006 5 (an Rialachán maidir le Loingsiú Dramhaíola (RLD)) cuirtear forálacha Choinbhinsiún Basel mar aon le forálacha Chinneadh ECFE chun feidhme i ndlí an Aontais. I ngnéithe áirithe de, tá bearta rialaithe níos déine sa Rialachán maidir le Loingsiú Dramhaíola ná mar atá i gCoinbhinsiún Basel. Leis an Rialachán maidir le Loingsiú Dramhaíola ceanglaítear ar na Ballstáit a áirithiú go ndéanfar loingsithe dramhaíola agus gcórais chóireála a bhainistiú ar bhealach lena gcaomhnaítear an comhshaol agus sláinte an duine i gcoinne aon éifeachtaí díobhálacha a d’fhéadfadh a bheith ann mar thoradh ar dhramhaíl den sórt sin. Leagtar amach sa Rialachán maidir le Loingsiú Dramhaíola sásraí rialaithe maidir le honnmhairiú agus allmhairiú dramhaíola idir an tAontas agus tríú tíortha, agus maidir le loingsithe idir na Ballstáit. Braitheann na cineálacha rialuithe faoin Rialachán maidir le Loingsiú Dramhaíola ar shaintréithe na dramhaíola (mar shampla, dramhaíl ghuaiseach nó neamhghuaiseach), ceann scríbe na dramhaíola, agus an chóireáil a dhéantar uirthi mar chuid de chóras cóireála (mar shampla athchúrsáil) nó oibríochtaí diúscartha (mar shampla cur i líonadh talún). Chomh maith leis sin, leagtar síos leis an Rialachán maidir le Loingsiú Dramhaíola toirmisc ar onnmhairiúcháin maidir le catagóirí áirithe dramhaíola agus cinn scríbe: ar an sampla is tábhachtaí tá an toirmeasc ar dhramhaíl ghuaiseach a onnmhairiú ón Aontas chuig tíortha nach tíortha ECFE iad.

Is é an cuspóir foriomlán don Rialachán maidir le Loingsiú Dramhaíola leibhéal caomhnaithe an chomhshaoil agus na sláinte poiblí a mhéadú ó thionchair loingsithe trasteorann dramhaíola a dhéantar ar bhealach díobhálach don chomhshaol. Tugann sé aghaidh ann ar na fadhbanna a sainaithníodh sa mheastóireacht ar an Rialachán maidir le Loingsiú Dramhaíola a d’fhoilsigh an Coimisiún in Eanáir 2020 6 (féach tuilleadh faisnéise maidir leis sin i bpointe 3 thíos).

Leis an athbhreithniú ar an Rialachán maidir le loingsiú dramhaíola tugtar freagairt don éileamh faoin gComhaontú Glas don Eoraip 7 agus faoi Phlean Gníomhaíochta an Aontais Eorpaigh um an nGeilleagar Ciorclach 8 , agus tá an méid seo leanas d’aidhm aige:

·loingsithe dramhaíola lena hathúsáid agus lena hathchúrsáil san Aontas a éascú;

·a áirithiú nach leagfaidh an tAontas a ndúshláin féin maidir le dramhaíl a fhreagairt ar thríú tíortha; agus

·    dul i ngleic le loingsithe neamhdhleathacha dramhaíola.

Thairis sin, sa Chomhaontú Glas don Eoraip agus sa Straitéis maidir le tionsclaíocht 9 , lena n‑áirítear a nuashonrú 10 , aithníodh go bhfuil tábhacht straitéiseach ag baint le rochtain ar amhábhair agus go bhfuil sí ina réamhchoinníoll ionas go mbeidh an Eoraip in ann na spriocanna atá aige maidir lena a aistriú glas agus digiteach a chomhlíonadh. Leis an bPlean Gníomhaíochta um Amhábhair Chriticiúla 11 cuireadh i dtábhacht go n‑imíonn méideanna mór acmhainní as an Eoraip i bhfoirm dramhaíola, in ionad iad a athchúrsáil go amhábhair thánaisteacha agus cuireann sé sin le héagsúlú na bhfoinsí soláthair le haghaidh na n‑éiceachóras tionsclaíoch san Aontas.

Chomh maith leis sin, d’iarr Parlaimint na hEorpa agus an Chomhairle ar an gCoimisiún athbhreithniú uaillmhianach ar an Rialachán maidir le Loingsiú Dramhaíola a chur i láthair 12 .

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Is é Airteagal 192 den Chonradh ar Fheidhmiú an Aontais Eorpaigh bunús dlí reatha don Rialachán maidir le Loingsiú Dramhaíola, ina leagtar síos cén chaoi ar cheart Airteagal 191 den Chonradh a chur chun feidhme. Tugtar aghaidh in Airteagal 191 ar bheartas an Aontais maidir leis an gcomhshaol, beartas nach mór a bheith ina rannchuidiú chun na cuspóirí seo a leanas a bhaint amach:

·cáilíocht an chomhshaoil a chaomhnú, a chosaint agus a fheabhsú;

·sláinte an duine a chosaint;

·acmhainní nádúrtha a úsáid ar bhealach stuama agus réasúnach; agus

·bearta a chur chun cinn ar an leibhéal idirnáisiúnta chun dul i ngleic le fadhbanna comhshaoil réigiúnacha nó fadhbanna comhshaoil ar fud an domhain, agus go háirithe leis an athrú aeráide a chomhrac.

•Coimhdeacht

Leis an Rialachán maidir le Loingsiú Dramhaíola, áirithítear nach dtéitear timpeall ar reachtaíocht chuimsitheach an Aontais maidir le dramhaíl tríd an dramhaíl a loingsiú chuig tríú tíortha, tíortha ina bhfuil difríocht mhór idir na caighdeáin agus feidhmíocht um bainistiú dramhaíola atá acu agus atá san Aontas. Tá sé tábhachtach rialacha maidir le rialú gluaiseachtaí trasteorann dramhaíola a leagan síos ar leibhéal an Aontais Eorpaigh, chun cás a sheachaint ina roghnódh oibreoirí neamhdhleathacha a ndramhaíl a loingsiú trí Bhallstáit den Aontas nach bhfuil na rialacha intíre chomh dian céanna iontu, chun an dramhaíl sin a onnmhairiú ón Aontas Eorpach (ceannach ó chalafort go calafort). Tá údar cuí le rialacha an Aontais freisin maidir le loingsithe dramhaíola laistigh den Aontas, ós rud é go bhfuil tionscal dramhaíola an Aontais thar a bheith comhtháite agus chun soiléireacht dhlíthiúil agus cóir chomhionann a áirithiú le haghaidh gníomhaithe eacnamaíocha uile an tionscail sin.

•Comhréireacht

Áirithítear leis an Rialachán maidir le Loingsiú Dramhaíola comhsheasmhacht i gcur chun feidhme Choinbhinsiún Basel agus Chinneadh ECFE ag gach Ballstát agus dá thoradh sin, áirithítear bacainní ar loingsithe dramhaíola laistigh den Aontas a sheachaint nó baic ar dhea-fheidhmiú mhargadh inmheánach an Aontais a sheachaint. Ina theannta sin, tá cur chuige an Aontais maidir le loingsiú dramhaíola níos déine ná Coinbhinsiún Basel a mhéid a bhaineann le dramhaíl a onnmhairiú, toisc go gcuirtear cosc leis ar dhramhaíl a onnmhairiú lena diúscairt lasmuigh de thíortha CSTE, agus ar dhramhaíl neamhghuaiseach a onnmhairiú 19 lasmuigh de ECFE. Tá breisluach soiléir don chomhshaol ag baint le cur chuige an Aontais, rud nach mbeadh ann dá mbeadh gach Ballstát ag brath ar Choinbhinsiún Basel ina aonar. Go deimhin, tá an tAontas ar cheann de bheagán páirtithe i gCoinbhinsiún Basel a chuireann rialacha dochta den chineál sin i bhfeidhm.

•An rogha ionstraime

In 1984 glacadh Treoir 84/631/CEE ón gComhairle an 6 Nollaig 1984 20 lenar tugadh isteach bearta ar fud an Aontais‑ maidir le maoirseacht agus rialú loingsithe dramhaíola. Chumhdaigh an Treoir sin loingsithe dramhaíola guaisí. Ceanglaíodh leis an Treoir nós imeachta um réamhthoiliú feasach ar na tíortha lena mbaineann, rud a lig dóibh agóid a dhéanamh i gcoinne lastas sonrach.

Leasaíodh Treoir 84/631/CEE le Treoir 86/279/CEE ón gComhairle an 12 Meitheamh 1986, lenar tugadh isteach forálacha breise chun faireachán níos fearr a dhéanamh ar onnmhairí dramhaíola ón gComhphobal. Tar éis forbairtí idirnáisiúnta i gcomhthéacs Choinbhinsiún Basel agus ECFE, glacadh an chéad Rialachán maidir le Loingsiú Dramhaíola (Rialachán (CEE) Uimh. 259/93 ón gComhairle, lena n‑aisghairtear Treoir 84/631/CEE)in 1993.

Tá sé tábhachtach a thabhairt faoi deara gur measadh go raibh gá le rialachán — seachas treoir — an tráth sin d’fhonn cur i bhfeidhm comhuaineach agus comhchuibhithe a áirithiú sna Ballstáit uile. Tá bonn cirt i gcónaí le rialachán a roghnú toisc go leagtar síos leis ceanglais dhíreacha do na hoibreoirí uile, agus ar an gcaoi sin soláthraítear an deimhneacht dhlíthiúil agus an fhéidearthacht forfheidhmiúcháin atá riachtanach do mhargadh atá lán-chomhtháite ar fud an Aontais. Cinntítear le rialachán freisin go gcuirtear oibleagáidí chun feidhme san am céanna agus ar an mbealach céanna sna 27 mBallstát go léir.

3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

·Bunaítear creat dlí láidir leis an Rialachán maidir le Loingsiú Dramhaíola agus tá an creat sin curtha chun feidhme ag na Ballstáit. Tá an Rialachán maidir le Loingsiú Dramhaíola éifeachtach go ginearálta i dtaca leis an dá phríomhchuspóir atá aige a bhaint amach: an comhshaol agus sláinte an duine a chosaint ar éifeachtaí díobhálacha loingsithe dramhaíola; agus chun gealltanais idirnáisiúnta an Aontais sa réimse sin a chur chun feidhme. D’fhág sé sin go ndéantar rialú níos fearr ar loingsithe dramhaíola agus rannchuidítear leis an dramhaíl a loingsítear ar an leibhéal náisiúnta agus ar leibhéal an Aontais a bhainistiú ar bhealach atá neamhdhíobhálach don chomhshaol.

·An tráth céanna céanna, de bharr na leibhéal agus na mbealaí éagsúla chun an Rialachán maidir le Loingsiú Dramhaíola a chur i bhfeidhm agus a fhorfheidhmiú, agus go minic mar aon le léirmhínithe éagsúla ar a fhorálacha agus ar chórais iniúchta éagsúla, cuirtear isteach ar a chur chun feidhme ar an mbealach is fearr ar fud an Aontais. De bharr na nithe sin cuirtear teorainn le loingsiú dlíthiúil d’ábhair dramhaíola d’ardchaighdeán chuig saoráidí athchúrsála nó déantar é sin a dhíspreagadh, rud atá tábhachtach don aistriú chuig geilleagar ciorclach san Aontas.

·Maidir le honnmhairiú dramhaíola, go háirithe dramhaíl neamhghuaiseach, ón Aontas, easnamh mór is ea maoirseacht neamhleor ar na coinníollacha faoina ndéantar an dramhaíl sin a bhainistiú i dtíortha cinn scríbe, go háirithe i dtíortha i mbéal forbartha. Mar thoradh air sin, tá dúshláin maidir leis an gcomhshaol agus sláinte phoiblí sna tíortha cinn scríbe mar thoradh ar onnmhairiú dramhaíola áirithe ón Aontas. Is caillteanas é sin do thionscail athchúrsála an Aontais.

·Is fadhb mhór é i gcónaí an loingsiú neamhdhleathach dramhaíola laistigh den Aontas, ón Aontas agus chuig an Aontas, mar gheall ar chineál ginearálta fhorálacha an Rialacháin maidir le Loingsiú Dramhaíola. Baineann sé sin go sonrach leis na heilimintí is gá do na húdaráis inniúla a sheiceáil, mar shampla maidir le bainistiú dramhaíola ar bhealach atá neamhdhíobhálach don chomhshaol agus maidir le forfheidhmiú. Mar sin féin, tá sé sin amhlaidh freisin mar gheall ar easnaimh i gcur chun feidhme agus i bhforfheidhmiú an Rialacháin maidir le Loingsiú Dramhaíola.

•Comhairliúcháin leis na páirtithe leasmhara

•Bailiú agus úsáid saineolais

Tacaíodh leis an measúnú tionchair le haghaidh an athbhreithnithe ar an Rialachán maidir le Loingsiú Dramhaíola trí bhíthin staidéar ó shaineolaithe. D’oibrigh na saineolaithe sin go dlúth leis an gCoimisiún trí chéimeanna éagsúla an staidéir. Bhain an Coimisiún úsáid freisin as go leor foinsí eile faisnéise chun an togra seo a ullmhú.

•Measúnú tionchair

Rinneadh ceithre rogha bheartais a mheas sa mheasúnú tionchair sin:

Is é rogha beartais 1an cás bunlíne. Glactar leis leis sin go bhfanfaidh Coinbhinsiún Basel agus Cinneadh ECFE gan athrú den chuid is mó go dtí 2030 ar a laghad. Ina theannta sin, i dtaca leis an Rialachán maidir le Loingsiú Dramhaíola atá ann faoi láthair, lena n‑áirítear a Rialachán tarmligthe, leanfaidh sé d’fheidhm a bheith aige. Leanfar lena chur chun feidhme reatha agus dhéanfaí tuilleadh comhchuibhithe ar fud na mBallstát trí na hiarrachtaí atá á ndéanamh faoi láthair, go háirithe trí threoir agus malartuithe ad hoc a fhorbairt idir na Ballstáit, agus trí na Comhfhreagraithe Loingsithe ar Dramhaíola 21 den chuid is mó. Leanfaidh an tAontas freisin de bhearta domhanda a chur chun cinn chun feabhas a chur ar an rialú ar ghluaiseachtaí trasteorann dramhaíola agus ar bhainistiú dramhaíola in eagraíochtaí idirnáisiúnta, go háirithe Coinbhinsiún Basel agus ECFE.

Tugtar forléargas sa tábla thíos ar roghanna 2, 3 agus 4, ar roghanna malartacha iad ar rogha 1 (an cás bunlíne), agus ar an meascán bearta sna roghanna sin.

 
Le rogha beartais 2 (athruithe spriocdhírithe) tugtar pacáiste beart lenar féidir dul i ngleic go héifeachtach, go pointe, le roinnt de na fadhbanna a chuireann bac ar dhea-fheidhmiú an Rialacháin maidir le Loingsiú Dramhaíola.

I gcomparáid leis an gcás bunlíne, tugtar freagairtí éifeachtacha comhsheasmhacha leis na hathruithe spriocdhírithe chun cuspóirí sonracha a bhaint amach, go háirithe chun an t‑ualach riaracháin a laghdú agus chun loingsiú dramhaíola lena cóireáil a dhéanamh níos airde in ord na réiteach dramhaíola. Mar sin féin, leis na bearta atá beartaithe amháin ní féidir an tairbhe is mó is féidir a bhaint amach mar gheall, den chuid is mó, ar éifeachtúlacht níos ísle agus comhleanúnachas inmheánach níos ísle. I gcomparáid leis na hathruithe struchtúracha (rogha 3), ní rachaidh an rogha seo i ngleic ach go pointe áirithe leis na dúshláin a bhaineann le honnmhairiú dramhaíola (cuspóir 2). Tá na bearta dírithe ar réimsí áirithe fadhbanna amháin, e.g. le critéir a leagan amach chun idirdhealú a dhéanamh idir earraí úsáidte agus dramhaíl (2b) nó leis na hoibleagáidí ar onnmhaireoirí (2a) a shonrú. Aithnítear na tairbhí is mó faoin rogha sin i dtaca le bearta 3a‑3d agus 3f, bearta atá dírithe ar aghaidh níos fearr a thabhairt ar loingsithe neamhdhleathacha dramhaíola laistigh, ón Aontas agus chuig an Aontas (cuspóir 3).

Faoi rogha beartais 3 (athruithe struchtúracha), le bearta 1d, 1e, agus 1f tugtar aghaidh go díreach ar ábhair imní na bpáirtithe leasmhara maidir leis na costais a bhaineann leis an moilleanna ar loingsithe laistigh den Aontas agus dhéanfaí an t‑ualach riaracháin d’údaráis phoiblí agus d’oibreoirí eacnamaíocha a íoslaghdú go mór (cuspóir 1). Trí bhearta 2c, 2d agus 2e a thabhairt isteach, bhunófaí creat nós imeachta ar leibhéal an Aontais chun a ráthú go ndéanfar dramhaíl a onnmhairítear ón Aontas a bhainistiú ar bhealach atá neamhdhíobhálach don chomhshaol. Meastar gur freagairt chomhréireach chórasach é do chuspóir 2. Ní bheadh athruithe áirithe leormhaith ná comhtháite go leor chun an éifeacht riachtanach a bhaint amach ar leibhéal na mBallstát. Is amhlaidh atá go háirithe i gcás bhearta 3e agus 3g atá molta chun aghaidh níos fearr a thabhairt ar loingsithe neamhdhleathacha dramhaíola (cuspóir 3).

Léiríodh sa mheasúnú tionchair nach bhféadfaí cuspóirí uile an athbhreithnithe a bhaint amach ar an mbealach is éifeachtaí, is éifeachtúla agus is comhréirí leis bearta a dhéanfaí faoi roghanna 2 nó 3. I gcomparáid leis na roghanna sin, bheadh níos mó éifeachtachta , ar bhealach éifeachtúil agus comhréireach, mar thoradh ar rogha beartais 4, lena gcomhcheanglaítear bearta i meascán d’athruithe forleathana.

Dá bhrí sin is í Rogha 4 an rogha tosaíochta. Is é an toradh a bheadh ar chumasc na n‑athruithe spriocdhírithe agus struchtúracha a roghnaíodh cur chuige cothrom ó thaobh éifeachtachta (gach cuspóir a bhaint amach) agus éifeachtúlacht (éifeachtúlacht costais). Is é is aidhm dó a áirithiú gur féidir, leis an Rialachán seo, loingsithe laistigh den Aontas a éascú i gcomhréir le cuspóirí an gheilleagair chiorclaigh, tacú le cuspóir an Aontais deireadh a chur lena dhúshláin dramhaíola a fhágáil faoi thríú tíortha, agus rannchuidiú chun dul i ngleic ar bhealach níos fearr le loingsiú neamhdhleathach dramhaíola, gan costais iomarcacha ná suaitheadh iomarcach a bheith ann. Tugtar freagairt leis don (i) ghá atá le bearta nua éifeachtacha chun na trí chuspóir a bhaint amach, agus (ii) don tábhacht a bhaineann leo a bheith curtha chun feidhme agus gan ualach iomarcach ná tionchair neamh‑inmhianaithe a chruthú an tráth céanna.

Tá rogha 4 comhréireach freisin leis na haidhmeanna atá leis an athbhreithniú seo a bhaint amach.

·Maidir le cuspóir 1 i dtaca le loingsiú dramhaíola laistigh den Aontas, tá gach beart faoi rogha 4 riachtanach chun comhtháthú níos fearr ar mhargadh inmheánach dramhaíola an Aontais a bhaint amach agus chun na loingsithe sin a threorú chuig athchúrsáil. Beidh siad ina n-athruithe tábhachtacha ar na nósanna imeachta is infheidhme faoi láthair maidir le loingsithe, a mbeidh tionchar acu ar oibreoirí eacnamaíocha agus ar riaracháin phoiblí araon. Leis na bearta sin, cruthófar gnóthachain thábhachtacha d’oibreoirí eacnamaíocha agus don riaracháin phoiblí araon, trí laghdú a dhéanamh ar an ualach riaracháin, trí laghdú a dhéanamh ar an moill, agus trí phróiseáil níos éifeachtúla faisnéise. Rannchuideoidh siad freisin tacú leis an aistriú chuig geilleagar ciorclach san Aontas, rud a rachaidh chun tairbhe do chosaint an chomhshaoil. Is mó na gnóthachain sin ná na costais a bhaineann leis na bearta nua a bhunú, go háirithe an córas idirmhalartaithe leictreonaigh sonraí (beart 1d) 22 . Maidir leis an oibleagáid an nós imeachta um fhógra a thabhairt i dtaca le loingsithe dramhaíola laistigh den Aontas a dhigitiú tríd an gcóras idirmhalartaithe leictreonaigh sonraí, ní bheidh éifeacht leis go dtí 24 mhí tar éis theacht i bhfeidhm an Rialacháin maidir le Loingsiú Dramhaíola athbhreithnithe, agus tá obair ullmhúcháin leis na Ballstáit agus le páirtithe ar siúl cheana féin chun ullmhú don chóras nua seo.

·Maidir leis an dara cuspóir, mar thoradh ar rogha 4 tiocfaidh athruithe tábhachtacha ar chineálacha cur chuige an Aontais agus ar an gcreat rialála a bhaineann le honnmhairiú dramhaíola ón Aontas. Tá gá leis sin toisc gur theip ar an Rialachán maidir le Loingsiú Dramhaíola atá ann faoi láthair an cuspóir a bhaint amach chun a áirithiú go ndéantar dramhaíl a onnmhairítear ón Aontas a bhainistiú ar bhealach neamhdhíobhálach don chomhshaol, go háirithe chuig tíortha i mbéal forbartha. Gné thábhachtach amháin de rogha 4 is ea go gceanglófar ar oibreoirí eacnamaíocha agus ar údaráis phoiblí gníomhaíochtaí nithiúla a dhéanamh chun a fhíorú go déantar dramhaíl a onnmhairítear ón Aontas a chóireáil ar bhealach inbhuanaithe sna tíortha cinn scríbe Áiritheofar leis sin go dtabharfar ráthaíochtaí ag leibhéal na tíre (bearta 2c agus 2e) agus ag leibhéal saoráide (beart 2a) araon maidir le cóireáil inbhuanaithe dramhaíola sna tíortha cinn scríbe. Ba cheart tairbhí tábhachtacha comhshaoil a chruthú leis na bearta sin. Beidh tionchair eacnamaíocha acu freisin. I gcás roinnt oibreoirí, go háirithe iad a dhéanann dramhaíl a phróiseáil go hábhair thánaisteacha san Aontas, d’fhéadfadh sé go mbeadh méideanna níos airde bunábhair ar fáil ar phraghas níos ísle, agus bheadh tionchar dearfach aige sin ar an iomlán. I gcás na n‑oibreoirí sin a dhéanann dramhaíl a loingsiú ón Aontas, beidh an tionchar sin ag brath ar fhianaise a chur ar fáil go ndéantar dramhaíl onnmhairithe sna tíortha cinn scríbe a chóireáil ar bhealach neamhdhíobhálach don chomhshaol. Dá thoradh sin, d’fhéadfadh sé go n‑éireodh sé níos deacra dramhaíl a onnmhairiú chuig roinnt tíortha, rud a d’imreodh tionchar diúltach ar na cuideachtaí a onnmhairíonn dramhaíl chuig na tíortha sin. Tá na costais a bhaineann leis an staid sin teoranta, áfach, agus is mó iad na sochair chomhshaoil fhoriomlána a bhaineann leis na bearta. Ar deireadh, tá sé tábhachtach a thabhairt faoi deara go n‑áirithítear comhréireacht toisc go ndéanfadh na bearta i rogha 4 an méid seo a leanas:

–córas éagsúil a chur i bhfeidhm idir tíortha cinn scríbe, agus níos mó grinnscrúdaithe a dhéanamh ar thíortha a mheastar nach bhfuil na cleachtais bainistithe dramhaíola iontu chomh hinbhuanaithe leo san Aontas (tíortha nach tíortha ECFE iad);

–sásra a bhunú, gan aon bhratchosc, lena mbeidh an deis ag tíortha allmhairiúcháin dramhaíl a allmhairiú ón Aontas má léiríonn siad go bhfuil siad in ann déileáil leis an dramhaíl ar bhealach inbhuanaithe; agus

–ní thiocfaidís i bhfeidhm ach 3 bliana tar éis do na hathruithe ar an Rialachán teacht i bhfeidhm, rud a fhágfaidh idirthréimhse do gach duine lena mbaineann chun ullmhú do na rialacha nua.

·Maidir leis an tríú cuspóir, foráiltear le rogha 4 sraith beart chun forfheidhmiú Rialacháin maidir le Loingsiú Dramhaíola a fheabhsú. Tá gá leo chun méadú a dhéanamh ar chumas na mBallstát agus an Choimisiúin an líon loingsithe neamhdhleathacha dramhaíola a laghdú. Níl aon chúraimí bunúsacha nua ná aon chostais bhreise ghaolmhara d’oibreoirí agus do na Ballstáit i gceist leis na bearta sin. Le córas forfheidhmiúcháin níos éifeachtaí, chabhrófaí le líon na loingsithe neamhdhleathacha a chosc nó a laghdú agus le coigilteas suntasach costas a bhaint amach le haghaidh glanadh suas agus aisdúichiú, agus le laghdú ar chostais indíreacha do Bhallstáit ina ndéantar idirthuras dramhaíola. Ba cheart laghdú ar chaillteanas ioncaim ó cháin a bheith mar thoradh ar fhorfheidhmiú níos fearr. Ina theannta sin, de bhreis ar na bearta atá beartaithe, úsáidfidh an Coimisiún raon leathan uirlisí chun leanúint de thacaíocht a thabhairt d’iarrachtaí na mBallstát an Rialachán maidir le Loingsiú Dramhaíola a chur chun feidhme agus a fhorfheidhmiú ar bhealach níos fearr. Tá go leor tionscnaimh déanta cheana féin ar leibhéal an Aontais i gcoinne na gáinneála dramhaíola, rud atá ar cheann de thosaíochtaí bheartas foriomlán an Aontais maidir leis an gcoireacht eagraithe 23 . Tá tacaíocht airgeadais á cur ar fáil ag an Aontas freisin do thionscadail oibríochtúla a dhíríonn ar gháinneáil dramhaíola 24 . Ina theannta sin, tá an Coimisiún ag tabhairt cúnaimh leis na Ballstáit sa réimse seo tríd an bhFóram um Chomhlíonadh agus Rialachas Comhshaoil 25 , an clár TAIEX-EIR PEER 2 PEER 26 agus Pacáiste Oiliúna an Aontais ar Dhlí an Chomhshaoil 27 .

I bhfigiúr 1 thíos tugtar forléargas scéimreach ar an rogha tosaíochta, agus ar na bearta atá inti. Déantar cur síos níos mionsonraithe ar an gcaoi a mbaintear amach cuspóirí an athbhreithnithe ar an Rialachán maidir le Loingsiú Dramhaíola leis an rogha thosaíochta a chur i láthair in Iarscríbhinn 14 den tuarascáil ar an measúnú tionchair.

Figiúr 1 – Forléargas ar bhearta sa rogha tosaíochta

I dtaca leis an tionchar eacnamaíoch fhoriomláin, mar thoradh ar an rogha tosaíochta sin, ba cheart coigilteas suntasach a bheith ann d’oibreoirí a sheolann dramhaíl agus do na húdaráis a bhíonn ag déileáil leis na nósanna imeachta chun na loingsithe sin a údarú agus faireachán a dhéanamh orthu, go háirithe a bhuí le bunú an chórais idirmhalartaithe leictreonaigh sonraí. Táthar ag ceapadh go sábhálfaidh sé sin thart ar EUR 1.4 mhilliún in aghaidh na bliana. Beidh coigilteas breise ann mar thoradh ar bhearta eile chun an Rialachán maidir le Loingsiú Dramhaíola a nuachóiriú agus a shimpliú. Beidh na tionchair eacnamaíocha thábhachtacha eile ann mar thoradh ar na bearta a bhaineann le honnmhairiú dramhaíola, ar bearta iad ba cheart a bheith ina gnóthachan eacnamaíoch foriomlán do gheilleagar an Aontais, bunaithe ar shonraí 2019, idir EUR 200-500 milliún in aghaidh na bliana, ag brath ar an méid dramhaíola a choinnítear san Aontas. I gcás oibreoirí eacnamaíocha atá bunaithe san Aontas, beidh difríochtaí suntasacha idir tionchair na mbeart sin ag brath ar an suíomh atá acu sa slabhra luacha agus ar na cineálacha dramhaíola lena mbaineann. I gcás cuid de na hoibreoirí sin a bhfuil baint acu leis an dramhaíl sin a onnmhairiú, is dócha go dtiocfaidh méadú ar na costais a bhaineann leis an dramhaíl sin a onnmhairiú, nó go rachaidh siad chuig ceannaitheoirí eile san Aontas, i gcás ina bhféadfaidís praghsanna níos ísle a fháil ar a gcuid dramhaíola. Bheadh ar chuideachtaí atá ag onnmhairiú dramhaíola scéimeanna iniúchta a bhunú (nó iad a cheannach) chun a fhíorú go ndéanann saoráidí i dtríú tíortha gníomhaíochtaí bainistithe dramhaíola ar bhealach inbhuanaithe; bheadh costais nua ach measartha i gceist leis sin. Ar an taobh eile, d’fhéadfadh oibreoirí eacnamaíocha a dhéanann dramhaíl a athchúrsáil nó a phróiseáil san Aontas a bheith in ann níos mó dramhaíola a úsáid mar bhunábhar, agus ba cheart iad a bheith in ann í a cheannach ar phraghas níos ísle i gcomparáid leis an mbunlíne. Ba cheart go rachadh na bearta maidir le loingsithe neamhdhleathacha chun tairbhe oibreoirí dlíthiúla mar go gcuideoidh siad le dul i ngleic le gníomhaíochtaí neamhdhleathacha; is iomaíocht dhíreach iad le gnó na n‑oibreoirí dlíthiúla. Maidir le cuideachtaí atá lonnaithe i dtríú tíortha a dhéanann an dramhaíl a allmhairítear ón Aontas a phróiseáil agus a iompar, bheadh tionchar dearfach orthu siúd atá ag déanamh a gcuid gníomhaíochtaí ar bhealach atá neamhdhíobhálach don chomhshaol, toisc go ndéanfadh an t‑iniúchadh comhdhlúthú ar a ngníomhaíochtaí agus ar a n‑iomaíochas, cé go bhféadfadh sé freisin roinnt costas a thabhú chun a mbonneagar agus a gcaighdeáin a uasghrádú sa ghearrthéarma. Bheadh tionchar diúltach aige sin ar na cuideachtaí sin nach bhfuil in ann na critéir maidir le bainistiú dramhaíola a leagtar amach sna scéimeanna iniúchóireachta a chomhlíonadh ar bhealach atá neamhdhíobhálach don chomhshaol mar go gcaillfidís custaiméirí ón Aontas.

Bainfidh fiontair bheaga agus mheánmhéide tairbhe mhór as na bearta atá ceaptha le loingsithe dramhaíola a éascú laistigh den Aontas. Cuireann na constaicí agus na hualaí a bhaineann leis na heasnaimh sna nósanna imeachta reatha ualach níos troime orthu i gcomparáid le cuideachtaí móra. Déanfaidh na bearta maidir le honnmhairiú dramhaíola difear do d’fhiontair bheaga agus mheánmhéide a bhfuil baint acu le gníomhaíochtaí gnó a bhaineann le honnmhairiú. Tabhóidh siad costais nua chun iniúchtaí a dhéanamh in áiseanna a bhfuil a ndramhaíl á seoladh acu chucu. Tá na costais sin teoranta i gcónaí, áfach, agus d’fhéadfaí iad a chomhthiomsú le fiontair bheaga agus mheánmhéide eile, go háirithe trí Eagraíochtaí um Fhreagrachta Táirgeoirí 28 . Ar deireadh, maidir leis an dearcadh go bhfanfaidh níos mó dramhaíola san Aontas, mar aon le spriocanna agus oibleagáidí nua faoi dhlí an Aontais chun a áirithiú go ndéanfar í a athchúrsáil, beidh deiseanna ann freisin d’fhiontair bheaga agus mheánmhéide tionscadail agus teicneolaíochtaí nuálacha a fhorbairt chun dramhaíl a athchúrsáil a mbaineann dúshláin ar leith lena gcóireáil, amhail plaisteach agus dramhaíl teicstíle.

Táthar ag ceapadh go mbeidh tionchar foriomlán suntasach dearfach ar an gcomhshaol mar thoradh ar an rogha tosaíochta seo. Mar thoradh ar na bearta atá ceaptha chun an loingsiú dramhaíola lena hathúsáid agus lena hathchúrsáil a éascú san Aontas, déanfar níos mó dramhaíola a chóireáil faoi dhálaí comhshaoil níos fearr. Chomh maith leis sin, mar thoradh ar na bearta sin bheadh méid níos mó d’ábhair thánaisteacha atá ar fáil san Aontas, agus dhéanfaí óghábhar a ionadú mar bhunábhar do roinnt tionscail atá bunaithe san Aontas. Bheadh tionchar dearfach ar an gcomhshaol ag na bearta atá beartaithe a bhaineann le dramhaíl a onnmhairiú toisc go ráthódh siad níos fearr go ndéanfaí loingsiú dramhaíola go tríú tíortha a bhainistiú ar bhealach atá neamhdhíobhálach don chomhshaol. D’fhéadfadh sé freisin go mbeadh idir 2.4 agus 6 mhilliún tona dramhaíola á gcoimeád san Aontas gach bliain, dramhaíl a dhéanfaí a chóireáil de réir chaighdeáin an Aontais agus a phróiseáil ina n‑ábhair thánaisteacha. Cé nach féidir tionchar airgid a dhéanadh maidir leis na gnóthachain chomhshaoil sin go léir, ar na tairbhí a bhaineann le cóireáil níos fearr ar dhramhaíl iarmharach san Aontas agus le loingsiú chuig tríú tíortha a sheachaint, bheadh EUR 266‑666 in aghaidh na bliana nó níos mó. Is dócha go mbeidh na gnóthachain fhoriomlána níos airde fós. Trí rannchuidiú le feabhas a chur ar éifeachtacht agus éifeachtúlacht an chórais forfheidhmiúcháin ar an iomlán, chuideodh na bearta a bhaineann le loingsithe neamhdhleathacha na tionchair thromchúiseacha chomhshaoil a eascraíonn as loingsithe neamhdhleathacha dramhaíola a chosc agus a laghdú, rud a thabharfadh tairbhí comhshaoil ar an iomlán.

Ar deireadh, maidir leis an tionchar sóisialta foriomlán, leis na bearta a bhaineann le honnmhairiú dramhaíola agus leis na bearta i gcoinne loingsithe neamhdhleathacha dramhaíola, ba cheart tionchar diúltach ar shláinte an duine (e.g. fadhbanna riospráide, gortuithe) agus dálaí saothair (e.g. gan sochair shóisialta, pá íseal) a laghdú, tionchair a eascraíonn as bainistiú neamh-inbhuanaithe dramhaíola, rud a thabharfadh sochair fhoriomlána don tsochaí ar an gcoigríoch agus san Aontas araon. Ba cheart 9 000‑23 000 post a chruthú in earnálacha athchúrsála agus athúsáide an Aontais mar thoradh ar dhramhaíl a chóireáil san Aontas Eorpach. Is dócha go gcruthófar poist bhreise sna réimsí sin mar thoradh ar na bearta atá ceaptha chun a áirithiú go bhfeidhmeoidh an Rialachán maidir le Loingsiú Dramhaíola níos fearr do loingsithe dramhaíola san Aontas lena n‑athchúrsáil agus lena n‑athúsáid. I dtríú tíortha d’fhéadfadh caillteanas post a bheith ann in earnáil na cóireála dramhaíola foirmiúla nó neamhfhoirmiúla i gcás ina n‑onnmhairítear níos lú dramhaíola go dtí an tír sin.

•Oiriúnacht rialála agus simpliú

Baintear leas as féidearthacht an digitithe a mhéad is féidir sa togra seo chun costais riaracháin a laghdú. Is amhlaidh an cás go háirithe i gcás an togra maidir le córas éigeantach ar fud an Aontais a bhunú chun sonraí agus faisnéis atá nasctha le loingsithe dramhaíola a eisiúint agus a mhalartú go leictreonach. Ní mheastar go mbeidh costais an-ard ar an gCoimisiún, ar na Ballstáit ná ar ghnólachtaí mar thoradh ar chóras den sórt sin a fhorbairt lena gcomhcheanglaítear ardáin náisiúnta agus/nó ardáin atá ann cheana, amhail na dálaí arna mbunú faoi Rialachán (AE) 2020/1056 maidir le faisnéis leictreonach faoi iompar lastais agus córas ar leibhéal an Aontais. Mar sin féin, cuirfidh sé uirlis chumhachtach ar fáil d’údaráis na mBallstát agus don Choimisiún chun faireachán agus forfheidhmiú a dhéanamh, chomh maith le huirlis éifeachtúil do ghnólachtaí chun na hoibleagáidí sa rialachán atá beartaithe a chomhlíonadh.

•Cearta bunúsacha

Níl aon iarmhairtí ag gabháil leis an togra maidir le cosaint na gceart bunúsach.

4.IMPLEACHTAÍ BUISÉADACHA

Tugtar le tuiscint sa togra go n‑úsáidfear acmhainní daonna agus caiteachas chun cur chun feidhme cuí roinnt forálacha ann a áirithiú. Táthar ag súil go bhfaighfear cuid de na riachtanais acmhainní daonna ó leithdháiltí an Choimisiúin atá ann cheana. Soláthrófar na hacmhainní daonna is gá ón gCoimisiún le baill foirne ó AS ENV a bhfuil bainistíocht na gníomhaíochta faoina gcúram cheana. D’fhéadfadh ath-imlonnú laistigh den Ard-Stiúrthóireacht, nó ó Ard-Stiúrthóireachtaí eile atá in ann iad féin a shaoradh ó na cúraimí reatha a bhaineann le cur chun feidhme an Rialacháin atá i bhfeidhm, rannchuidiú le bainistiú na gníomhaíochta freisin. Chaithfí leithdháileadh breise a thabhairt don Ard-Stiúrthóireacht atá i mbun bainistíochta agus don Oifig Eorpach Frith-Chalaoise (OLAF) faoin nós imeachta maidir le leithdháileadh bliantúil agus faoi réir srianta buiséadacha.

Tá roinnt airteagal sa togra ina bhfuil mionsonraí ar shreafaí oibre breise a mbeidh gá lena ndéanamh chun an rialachán a chur chun feidhme agus a mbeadh gá iad a ghlacadh trí ghníomhartha cur chun feidhme nó tarmligthe sna blianta thar éis a theacht i bhfeidhm. Cumhdófar leo sin forbairt rialacha comhchuibhithe maidir le haicmiú dramhaíola, maidir le ráthaíochtaí airgeadais a ríomh, measúnú a dhéanamh ar fhógraí tríú tíortha maidir le honnmhairí dramhaíola an Aontais a fháil, agus obair chomhordaithe maidir le forfheidhmiú an Rialacháin. Tá liosta mionsonraithe de na gníomhaíochtaí sin a bheartaítear thíos.

·Modh ríofa comhchuibhithe a bhunú le haghaidh ráthaíochtaí airgeadais nó na n‑árachas coibhéiseach;

·Leibhéil tairsí chomhchuibhithe éillithe a scrúdú agus a bhunú chun dramhaíl áirithe a aicmiú mar dhramhaíl atá ar an liosta glas nó nach bhfuil.

·Critéir a scrúdú agus a bhunú chun idirdhealú a dhéanamh idir earraí athláimhe agus dramhaíl le haghaidh rudaí nó substaintí áirithe;

·Creat nua a bhunú agus a choinneáil ar bun chun dramhaíl ar an liosta glas a onnmhairiú ón Aontas chuig tír nach bhfuil in ECFE, go háirithe liosta tíortha a bhfuil onnmhairiú na dramhaíola sin údaraithe dóibh a bhunú agus a thabhairt cothrom le dáta.

·Faireachán a dhéanamh ar onnmhairiú dramhaíola go tíortha in ECFE agus chun fadhbanna comhshaoil a d’fhéadfadh a bheith mar thoradh ar onnmhairí den sórt sin a mhaolú

·Obair grúpa tiomnaithe ar leibhéal an Aontais Eorpaigh a bhunú agus a éascú, grúpa a bhfuil sé de chúram acu comhar maidir le forfheidhmiú an Rialachán maidir le Loingsiú Dramhaíola a éascú agus a fheabhsú (‘grúpa forfheidhmiúcháin dramhaíola’).

Beidh ról sonrach ag an gCoimisiún trí OLAF maidir le hobair na mBallstát a chomhlánú i bhforfheidhmiú fhorálacha an Rialacháin seo i gcásanna casta trasteorann agus rachadh sé i mbun an méid seo a leanas:

·cigireacht a dhéanamh ar áitribh/báid/loingsithe oibreoirí eacnamaíocha;

·bailiú faisnéise/faisnéise ó réimse leathan foinsí;

·obair anailíseach (úsáid custam agus bunachair shonraí speisialaithe agus uirlisí tiomnaithe);

·ábhair fhóiréinseacha a fháil;

·comhordú le gníomhaireachtaí forfheidhmithe dlí, le húdaráis faireachais margaidh agus le húdaráis bhreithiúnacha;

·comhar le tríú tíortha (trí chomhaontuithe maidir le cúnamh frithpháirteach nó trí chomhaontuithe maidir le comhar riaracháin); agus

·comhar le gníomhaireachtaí eile de chuid an Aontais (OIPE, Europol, Eurojust, Frontex...)

Chun an lárchóras a fhorbairt le haghaidh malartú leictreonach faisnéise ar loingsithe dramhaíola, tá obair déanta go hinmheánach in AS ENV, ach beidh gá le síneadh a chur leis i ndáil le forbairt agus cothabháil lárchórais chun sonraí a mhalartú chun críocha loingsithe dramhaíola. Úsáidfear an t‑ardán IMSOC 29 atá ann cheana mar bhonn.

Is é an Coimisiún Eorpach a bheidh freagrach as an rialachán a chur chun feidhme go ginearálta agus as glacadh gach gnímh cur chun feidhme agus tarmligthe a bheartaítear leis an rialachán. Ceanglaítear leis sin na gnáthphróisis chinnteoireachta lena n‑áirítear comhairliúchán leis na páirtithe leasmhara agus nósanna imeachta coiste. Tá na meastacháin airgeadais atá ann faoi láthair bunaithe ar an méid seo a leanas:

·Le haghaidh AS ENV: 1 phost breise AD coibhéiseach lánaimseartha le tacaíocht ó 1.5 gníomhairí conarthacha coibhéiseacha lánaimseartha, chomh maith le costais oibriúcháin (e.g. staidéar, comhairleacht sheachtrach, cruinnithe,...), atá beartaithe le haghaidh chur chun feidhme ginearálta an Rialacháin agus an obair ullmhúcháin is gá agus reachtaíocht thánaisteach a dhréachtú i gcomhréir leis na spriocdhátaí atá beartaithe sa Rialachán maidir le Loingsiú ar Dramhaíola. Is é an costas iomlán EUR 4 137 000 don tréimhse 2024-2027, bunaithe ar an nuashonrú is déanaí ar chostas fhoireann an Choimisiúin mar a thuairiscítear ar shuíomh gréasáin AS BUDG: https://myintracomm.ec.europa.eu/budgweb/en/pre/legalbasis/Pages/pre-040-020_preparation.aspx .

·Le haghaidh OLAF: 1 phost breise AD coibhéiseach lánaimseartha, atá beartaithe do chur chun feidhme na bhforálacha forfheidhmiúcháin ábhartha sa Rialachán. Is é an costas iomlán EUR 456 000 don tréimhse 2024-2026, bunaithe ar an nuashonrú is déanaí ar chostas fhoireann an Choimisiúin mar a thuairiscítear ar shuíomh gréasáin AS BUDG: https://myintracomm.ec.europa.eu/budgweb/en/pre/legalbasis/Pages/pre-040-020_preparation.aspx .

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

Mar thoradh ar an Rialachán nua, ba cheart méadú a theacht ar an dramhaíl a dhéantar a athúsáid agus a athchúrsáil san Aontas, na caighdeáin agus na cleachtais a fheabhsú maidir le bainistiú dramhaíola i dtíortha a allmhairíonn dramhaíl ón Aontas agus líon na loingsithe neamhdhleathacha dramhaíola a laghdú laistigh den Aontas agus idir tríú tíortha agus an tAontas araon. Ba cheart dó rannchuidiú le margaí láidre dinimiciúla a fhorbairt le haghaidh ábhair thánaisteacha agus le dlús a chur leis an aistriú chuig geilleagar ciorclach san Aontas Eorpach agus i dtríú tíortha

I dtaca le faireachán, dhéanfaí faireachán ar fhadhbanna a d’fhéadfadh a bheith ann maidir le comhlíonadh agus forfheidhmiú trí thuarascálacha rialta cur chun feidhme na mBallstát agus trí thuarascálacha ar dhul chun cinn arna ndréachtú ag an gCoimisiún bunaithe ar thuarascálacha na mBallstát sin.

I ndáil leis sin, tugtar ar aird gurb é príomhbheart chun éifeachtúlacht chur chun feidhme an Rialacháin seo a fheabhsú ná córas ar fud an Aontais a bhunú chun doiciméid agus faisnéis a mhalartú go leictreonach (idirmhalartú leictreonach sonraí nó ‘EDI’). Leis sin, ba cheart rochtain níos fearr a bheith ag na gníomhaithe uile lena mbaineann ar go leor sonraí atá ábhartha maidir le cur chun feidhme an Rialacháin. Go sonrach, beidh tacar sonraí i bhfad níos cuimsithí agus níos comhsheasmhaí ag na húdaráis inniúla chun faireachán a dhéanamh ar shruthanna dramhaíola, laistigh den Aontas, ón Aontas agus chuig an Aontas, agus le faireachán a dhéanamh ar shreabha dramhaíola laistigh den Aontas, chuig an Aontas agus uaidh, tiocfaidh feabhas orthu freisin. Ba cheart a áirithiú leis an gcóras EDI go ndéantar sonraí struchtúrtha a idirmhalartú, rud a chiallaíonn gur féidir le húdaráis inniúla na mBallstát agus an Coimisiún eastóscadh a dhéanamh go comhsheasmhach. Ba cheart feabhas suntasach a chur ar cháilíocht an tuairiscithe leis sin agus, dá bhrí sin, féadfar faireachán níos fearr a dhéanamh ar an gcaoi a bhfuil an Rialachán á chur chun feidhme.

Ina theannta sin, bheadh an fhoráil nua maidir le hathbhreithniú ar phleananna cigireachta na mBallstát ag an gCoimisiún ina foinse thábhachtach faisnéise chun faireachán a dhéanamh ar chur chun feidhme agus forfheidhmiú an Rialacháin.

Sa bhreis air sin, dhéanfaí faireachán agus plé ar shaincheisteanna maidir le comhlíonadh agus forfheidhmiú i gcomhthéacs an Ghrúpa nua um Fhorfheidhmiú Loingsiú dramhaíola, a d’fhéadfadh gníomhaíochtaí agus bearta breise a shainaithint a bheadh le déanamh ar leibhéal an Aontais chun éifeachtacht an Rialacháin a mhéadú amach anseo.

Ar deireadh, dhéanfaí athbhreithniú ar an Rialachán laistigh de 10 bliana tar éis a theacht i bhfeidhm chun a áirithiú go bhfuil a chuspóirí á mbaint amach agus go bhfuil bonn cirt i gcónaí lena fhorálacha.

•Míniúchán mionsonraithe ar fhorálacha sonracha an togra

Leagtar síos le hAirteagal 1 ábhar an Rialacháin, arb é sin chun bearta a leagan síos chun an comhshaol agus sláinte an duine a chosaint trí na drochthionchair a d’fhéadfadh teacht as loingsiú dramhaíola a chosc nó a laghdú.

Le hAirteagal 2 leagtar amach raon feidhme an Rialacháin.

In Airteagal 3 tá sainmhínithe.

I dTeideal II tá forálacha maidir loingsithe laistigh den Aontas bíodh idirthuras trí thríú tíortha i gceist nó ná bíodh.

Leagtar amach in Airteagal 4 an creat nós imeachta foriomlán a bhfuil feidhm aige maidir le loingsiú dramhaíola laistigh den Aontas.

I gCaibidil 1 den Teideal seo tá na forálacha is infheidhme maidir leis nós imeachta um réamhfhógra agus réamhthoiliú i scríbhinn.

Bunaítear le hAirteagal 5 an dualgas atá ar fhógróir iarraidh ar fhógra a chur isteach agus é ag pleanáil do dhramhaíl loinge faoi Airteagal 4(1) agus (2).

Sonraítear in Airteagal 6 na ceanglais a bhaineann leis an gconradh is gá a chur san áireamh san iarraidh ar fhógra.

Sonraítear in Airteagal 7 an ceanglas maidir leis an ráthaíocht airgeadais nach mór a bheith i bhfeidhm do loingsithe dramhaíola ar tugadh fógra ina leith.

Leagtar amach in Airteagal 8 na céimeanna nós imeachta agus na spriocdhátaí maidir le faisnéis bhreise a iarraidh agus a thíolacadh chun iarraidh ar fhógra a chomhlánú.

Leagtar amach in Airteagal 9 na céimeanna nós imeachta agus na spriocdhátaí d’údaráis inniúla chun cinneadh a dhéanamh maidir le toiliú a thabhairt nó agóid a dhéanamh i gcoinne loingsithe atá beartaithe, de réir mar a iarrtar san fhógra.

Déantar foráil in Airteagal 10 maidir leis na húdaráis inniúla lena mbaineann coinníollacha a leagan síos maidir le loingsiú toilithe.

Déantar foráil le hAirteagal 11 maidir le cosc ar loingsithe dramhaíola lena diúscairt, ach amháin má chomhlíontar coinníollacha áirithe, agus sa chás sin is féidir loingsithe dramhaíola a fhormheas.

Déantar foráil le hAirteagal 12 maidir leis na forais ar ar féidir le húdarás inniúil agóid a dhéanamh i gcoinne loingsithe dramhaíola lena hathghabháil.

Déantar foráil in Airteagal 13 maidir leis an bhféidearthacht fógraí ginearálta a eisiúint i gcás loingsithe iomadúla ar an dramhaíl chéanna chuig an tsaoráid chóireála chéanna.

Tá forálacha in Airteagal 14 maidir leis na coinníollacha a bhaineann le saoráidí aisghabhála dramhaíola a bheith réamhthoilithe sna Ballstáit, maidir le haitheantas frithpháirteach na saoráidí sin ag na Ballstáit agus maidir leis an nós imeachta mear sonrach chun dramhaíl áirithe a loingsiú go saoráidí den sórt sin.

Tá forálacha breise in Airteagal 15 a bhaineann le loingsithe chuig oibríochtaí eatramhacha cóireála dramhaíola.

Tá ceanglais in Airteagal 16 tar éis toilithe loingsithe.

Tá forálacha in Airteagal 17 maidir le hathruithe ar an loingsiú tar éis toiliú a fháil.

I gCaibidil 2 den Teideal seo tá Airteagal 18, ina ndéantar foráil maidir leis na ceanglais ghinearálta faisnéise le haghaidh loingsithe dramhaíola atá ar an liosta‑ glas.

I gCaibidil 3 den Teideal seo tá ceanglais ghinearálta.

Toirmisctear le hAirteagal 19 dramhaíl a mheascadh le linn an loingsithe.

Tá forálacha in Airteagal 20 maidir le doiciméid agus faisnéis a choinneáil.

Tá forálacha in Airteagal 21 maidir le rochtain phoiblí ar fhógraí.

Tá oibleagáidí maidir le gabháil ar ais i gCaibidil 4 den Teideal seo agus is éard atá inti Airteagail 22 go 25, ina ndéantar foráil maidir le loingsithe a ghlacadh ar ais agus costais na gcásanna glacadh ar ais sin a iompar.

I gCaibidil 5 den Teideal seo tá forálacha riaracháin ginearálta.

Déantar foráil in Airteagal 26 maidir le heisiúint agus malartú na faisnéise agus na ndoiciméad a cheanglaítear faoin Rialachán seo a dhéanamh trí mheán leictreonach, agus leagtar síos ann na coinníollacha faoinar gá córais don mhalartú sin a oibriú.

Déantar foráil in Airteagal 27 maidir leis na teangacha inar gá doiciméid agus teachtaireachtaí a eisiúint i gcomhthéacs an Rialacháin seo.

Déantar foráil in Airteagal 28 maidir leis na ceanglais nós imeachta is infheidhme a bheidh le leanúint i gcás easaontais maidir le haicmiú dramhaíola nó ábhair a sheoltar. Déantar foráil ann freisin maidir le cumhacht a thabhairt don Choimisiún bearta cur chun feidhme a ghlacadh chun aicmiú dramhaíola áirithe a shoiléiriú agus an t‑idirdhealú idir earraí úsáidte agus dramhaíl i gcás tráchtearraí áirithe a shoiléiriú.

Leagtar amach in Airteagal 29 na costais a fhéadfar a ghearradh ar fhógróirí.

Déantar foráil in Airteagal 30 maidir leis na féidearthachtaí a bhaineann le comhaontuithe a dhéanamh i limistéar teorann i gcásanna eisceachtúla.

I gCaibidil 6 den Teideal seo tá forálacha maidir le loingsithe laistigh den Aontas ina bhfuil idirthuras trí thríú tíortha i gceist.

Déantar foráil in Airteagal 31 maidir le moilleanna sonracha ar údarás inniúil na dtríú tíortha lena mbaineann a thoiliú i scríbhinn a thabhairt i gcás loingsithe lena gcur ar láimh laistigh den Aontas a bhfuil idirthuras trí na tríú tíortha sin i gceist.

Déantar foráil in Airteagal 32 maidir le moilleanna sonracha ar údarás inniúil na dtríú tíortha lena mbaineann a thoiliú i scríbhinn a thabhairt i gcás loingsithe laistigh den Aontas a bhfuil idirthuras trí na tríú tíortha sin i gceist.

Tá airteagal amháin i dTeideal III (Airteagal 33) agus baineann sé leis an ngá atá ann go mbeadh córais náisiúnta ag na Ballstáit maidir le loingsiú dramhaíola laistigh de Bhallstát amháin d’fhonn comhchuibheas le córas an Aontais a chosaint.

I dTeideal IV tá forálacha maidir le honnmhairí ón Aontas go tríú tíortha.

Tá forálacha i gCaibidil 1 den Teideal seo maidir le dramhaíl a onnmhairiú ón Aontas lena diúscairt.

Déantar foráil in Airteagal 34 maidir le toirmeasc onnmhairithe ach amháin do thíortha CSTE.

Déantar foráil in Airteagal 35 maidir leis na ceanglais nós imeachta nuair a dhéantar onnmhairiú chuig tíortha CSTE. Déantar tagairt san an Airteagal seo mutatis mutandis do Theideal II agus déantar foráil leis maidir le hoiriúnuithe ábhartha agus le breisithe ábhartha ar na forálacha atá ann. Tagraíonn na forálacha nós imeachta i gCaibidil 2 de Theideal IV siar don Airteagal seo.

Tá forálacha i gCaibidil 2 den Teideal seo maidir le dramhaíl a onnmhairiú ón Aontas lena cóireáil.

Tá forálacha i Roinn 1 maidir le honnmhairiú dramhaíola guaisí agus dramhaíola áirithe eile chuig tíortha nach bhfuil in ECFE, agus foráiltear in Airteagal 36 do thoirmeasc ar onnmhairiú dramhaíola guaisí agus dramhaíola eile chuig tíortha nach bhfuil in ECFE ón Aontas Eorpach.

Tá forálacha i Roinn 2 maidir le honnmhairiú dramhaíola neamhghuaisí chuig tíortha nach bhfuil in ECFE agus déantar foráil in Airteagail 37-40 maidir le toirmeasc onnmhairithe dramhaíola neamhghuaisí chuig tíortha nach bhfuil in ECFE ach amháin i gcás ina dtugann tír nach bhfuil in ECFE fógra go bhfuil sí toilteanach allmhairiú a dhéanamh agus go léiríonn sí go bhfuil sí in ann dramhaíl áirithe a bhainistiú ar bhealach atá neamhdhíobhálach don chomhshaol. Tá an nós imeachta sna hAirteagail sin freisin chun fógra a thabhairt maidir lena dtoilteanas agus lena gcumas dramhaíl a fháil agus a bhainistiú, agus an chumhacht don Choimisiún na fógraí sin a mheasúnú agus liosta a fhoilsiú de na tíortha atá incháilithe chun onnmhairí dramhaíola áirithe ar an liosta glas a fháil ón Aontas.

Tá forálacha i Roinn 3 maidir le honnmhairí chuig tíortha ECFE.

In Airteagal 41 tá na ceanglais nós imeachta maidir le honnmhairí le haghaidh aisghabhála chuig tíortha atá lasmuigh den Aontas. Déantar tagairt san an Airteagal seo mutatis mutandis do Theideal II agus d’Airteagal 35, agus déantar foráil leis maidir le hoiriúnuithe ábhartha agus le breisithe ábhartha ar na forálacha atá ann.

Déantar foráil in Airteagal 42 maidir le faireachán a dhéanamh ar onnmhairiú chuig tíortha ECFE agus maidir le nós imeachta cosanta i gcás ina n‑eascraíonn cás as dramhaíl a onnmhairiú chuig na tíortha sin i gcás nach mbainistítear an dramhaíl sin ar bhealach atá neamhdhíobhálach don chomhshaol. Déantar foráil san Airteagal sin maidir le cumhacht a thabhairt don Choimisiún beart a dhéanamh nuair is gá i gcás nach mbainistítear an dramhaíl ar bhealach atá neamhdhíobhálach don chomhshaol.

Tá oibleagáidí breise i gCaibidil 3 den Teideal seo a bhfuil feidhm acu maidir le honnmhairiú dramhaíola.

In Airteagal 43 tá oibleagáidí ar onnmhaireoirí a áirithiú go bhfuil an dramhaíl a onnmhairíonn siad á bainistiú ag an gceann scríbe ar bhealach atá neamhdhíobhálach don chomhshaol.

In Airteagal 44 tá oibleagáidí ar na Ballstáit onnmhairiúcháin na bearta is gá a ghlacadh chun a áirithiú go gcuirfear na forálacha sa Teideal seo chun feidhme go cuí.

I gCaibidil 4 den Teideal seo tá forálacha ginearálta.

Toirmisctear le hAirteagal 45 dramhaíl a onnmhairiú chuig an Antartaice.

Foráiltear le hAirteagal 46 go mbeidh toirmeasc ar onnmhairiú chuig tíortha nó críocha thar lear lena diúscairt agus chuig tíortha agus críocha guaiseacha lena hathghabháil agus go mbeidh feidhm mutatis mutandis ag Teideal II maidir le honnmhairí eile le haghaidh aisghabhála.

I dTeideal V tá forálacha maidir le honnmhairí chuig an Aontas ó thríú tíortha.

Tá forálacha i gCaibidil 1 den Teideal seo maidir le dramhaíl a allmhairiú isteach san Aontas lena diúscairt.

Le hAirteagal 49 cuirtear toirmeasc ar allmhairí ach amháin ó thír is Páirtí i gCoinbhinsiún Basel nó ó thír a bhfuil comhaontú i bhfeidhm ina leith nó ó limistéir eile le linn géarchéimeanna nó cogaidh.

In Airteagal 48 tá ceanglais nós imeachta le haghaidh allmhairí ó thír is Páirtí i gCoinbhinsiún Basel nó ó limistéir eile le linn géarchéimeanna nó cogaidh. Déantar tagairt san an Airteagal seo mutatis mutandis do Theideal II agus déantar foráil leis maidir le hoiriúnuithe ábhartha agus le breisithe ábhartha ar na forálacha atá ann. Tagraíonn na forálacha nós imeachta i gCaibidil 2 de Theideal IV siar don Airteagal seo.

Tá forálacha i gCaibidil 2 den Teideal seo maidir le dramhaíl a allmhairiú isteach san Aontas lena haisghabháil.

Le hAirteagal 49 cuirtear toirmeasc ar allmhairí ach amháin ó thír Chinneadh ECFE nó ó thír is Páirtí i gCoinbhinsiún Basel nó ó thír a bhfuil comhaontú i bhfeidhm ina leith nó ó limistéir eile le linn géarchéimeanna nó cogaidh.

In Airteagal 50 tá ceanglais nós imeachta le haghaidh allmhairí ó thír Chinneadh ECFE nó ó limistéir eile le linn géarchéimeanna nó cogaidh. Déantar tagairt san an Airteagal seo mutatis mutandis do Theideal II agus d’Airteagal 45, agus déantar foráil leis maidir le hoiriúnuithe ábhartha agus le breisithe ábhartha ar na forálacha atá ann.

In Airteagal 51 tá ceanglais nós imeachta le haghaidh allmhairí ó thír nach tír tír Chinneadh ECFE, ó thír nach Páirtí i gCoinbhinsiún Basel nó ó limistéir eile le linn géarchéimeanna nó cogaidh. Tagraítear san Airteagal seo mutatis mutandis d’Airteagal 45.

I gCaibidil 3 den Teideal seo tá oibleagáidí breise.

In Airteagal 52 tá oibleagáidí ar Bhallstáit allmhairiúcháin chun bainistíocht fhónta ar dhramhaíl allmhairithe a áirithiú agus cosc a chur ar aon allmhairiú den sórt sin má tá cúis lena chreidiúint nach ndéanfar an dramhaíl a bhainistiú i gceart.

I gCaibidil 4 den Teideal seo tá forálacha ginearálta.

Le hAirteagal 53 déantar foráil maidir le feidhm mutatis mutandis a bheith ag Teideal II i gcás allmhairí ó thíortha nó ó chríocha thar lear.

I dTeideal VI tá forálacha maidir le hidirthurais tríd an Aontas ó thríú tíortha agus chuig tríú tíortha.

Tá forálacha in Airteagal 54 maidir le hidirthuras le haghaidh diúscartha.

Tá forálacha in Airteagal 55 maidir le hidirthuras le haghaidh aisghabhála.

I dTeideal VII tá forálacha maidir leis an Rialachán seo a chur i bhfeidhm. 

I gCaibidil 1 den Teideal seo tá airteagal amháin (Airteagal 56) agus déantar foráil maidir leis na hoibleagáidí ginearálta orthu siúd uile a bhfuil baint acu le loingsiú dramhaíola na bearta is gá a dhéanamh chun a áirithiú, le linn thréimhse an loingsithe agus le linn a hathghabhála agus a diúscartha, go mbainisteofar aon dramhaíl a dhéanfaidh siad a loingsiú gan sláinte an duine a chur i mbaol agus ar bhealach a bheidh neamhdhíobhálach don chomhshaol.

I gCaibidil 2 den Teideal seo tá forálacha maidir le forfheidhmiú an Rialacháin seo.

Tugtar aghaidh i Roinn 1 ar ghníomhaíochtaí forfheidhmiúcháin na mBallstát.

Tá forálacha maidir le hiniúchtaí in Airteagal 57.

Tá forálacha in Airteagal 58 maidir le doiciméid agus fianaise.

Tá forálacha in Airteagal 59 maidir le pleananna cigireachta na mBallstát. 

Tá forálacha maidir le pionóis in Airteagal 60.

Tá forálacha in Airteagal 61 maidir le comhar forfheidhmiúcháin ar an leibhéal náisiúnta.

Tá forálacha in Airteagal 62 maidir le comhar forfheidhmiúcháin idir na Ballstáit.

Tá forálacha in Airteagal 63 maidir leis an ngrúpa forfheidhmiúcháin loingsithe dramhaíola.

Tugtar aghaidh i Roinn 2 ar ghníomhaíochtaí forfheidhmiúcháin an Choimisiúin i gcomhthéacs an Rialacháin seo.

I dTeideal VIII tá forálacha deiridh:

Tá forálacha in Airteagal 69 maidir le hoibleagáidí tuairiscithe na mBallstát.

Tá forálacha maidir le comhar idirnáisiúnta in Airteagal 70.

Tá forálacha in Airteagal 71 maidir le húdaráis inniúla a ainmniú sna Ballstáit.

Tá forálacha in Airteagal 72 maidir le comhfhreagraithe a ainmniú.

Tá forálacha in Airteagal 73 maidir le hoifigí custaim iontrála agus imeachta an Aontais a ainmniú.

Tá forálacha in Airteagal 74 maidir le fógra a thabhairt faoi ainmnithe agus an fhaisnéis faoi ainmnithe.

In Airteagal 75 tá forálacha maidir le leasú a dhéanamh ar Iarscríbhinní I go X a ghabhann leis an Rialachán seo.

Leagtar amach in Airteagail 76 agus 77 na coinníollacha maidir le gníomhartha tarmligthe agus gníomhartha cur chun feidhme a ghlacadh ag an gCoimisiún.

Leasaítear le hAirteagal 78 Rialachán (AE) Uimh. 1257/2013 chun é agus an Rialachán seo a ailíniú leis na hoibleagáidí idirnáisiúnta is infheidhme de chuid an Aontais agus na mBallstát maidir le soithí a bhfuil a ré caite.

Leasaítear le hAirteagal 79 Rialachán (AE) 2020/1056 chun na tagairtí a dhéantar sa Rialachán sin do dhoiciméid iompair dramhaíola a thabhairt cothrom le dáta.

Déantar foráil in Airteagal 80 maidir le hathbhreithniú a dhéanamh ar an Rialachán seo in 2034.

Le hAirteagal 81 déantar foráil maidir le rialacha idirthréimhseacha agus aisghairmeacha.

Le hAirteagal 82 déantar foráil maidir le teacht i bhfeidhm agus cur i bhfeidhm an Rialacháin seo.

2021/0367 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le loingsithe dramhaíola agus lena leasaítear Rialacháin (AE) Uimh. 1257/2013 agus (AE) Uimh. 2020/1056

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 192(1) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 30 ,

Ag féachaint don tuairim ó Choiste na Réigiún,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Is gá rialacha a leagan amach ar leibhéal an Aontais chun an comhshaol agus sláinte an duine a chosaint ar na drochthionchair a d’fhéadfadh a bheith ann mar thoradh ar dhramhaíl a loingsiú. Ba cheart go rannchuideodh na rialacha sin le bainistiú dramhaíola atá neamhdhíobhálach don chomhshaol a éascú, i gcomhréir le hord na réiteach dramhaíola a leagtar síos in Airteagal 4 de Threoir 2008/98/CE ó Pharlaimint na hEorpa agus ón gComhairle 31 , mar aon le tionchair fhoriomlána úsáidte acmhainní a laghdú agus éifeachtúlacht na húsáide sin a fheabhsú, rud atá ríthábhachtach maidir leis an aistriú chuig geilleagar ciorclach. 

(2)I ngeall ar Rialachán (CE) Uimh. 1013/2006 ó Pharlaimint na hEorpa agus ón gComhairle 32 rinneadh feabhsuithe tábhachtacha le 15 bliana anuas chun an comhshaol agus sláinte an duine a chosaint ar na drochthionchair a d’fhéadfadh a bheith ann mar thoradh ar dhramhaíl a loingsiú. Leis an meastóireacht 33 a rinne an Coimisiún ar an Rialachán sin, áfach, léiríodh roinnt dúshlán agus easnamh nach mór aghaidh a thabhairt orthu trí bhíthin forálacha nua rialála.

(3)Leis an gComhaontú Glas don Eoraip 34 , leagtar amach treochlár uaillmhianach chun an tAontas a chlaochlú ina gheilleagar inbhuanaithe aeráidneodrach atá tíosach ar acmhainní. Leis an gComhaontú sin, iarrtar ar an gCoimisiún athbhreithniú a dhéanamh ar rialacha an Aontais maidir le loingsithe dramhaíola a bhunaítear faoi Rialachán (CE) Uimh. 1013/2006. Leis an bPlean Gníomhaíochta Nua don Gheilleagar Ciorclach 35 a glacadh i mí an Mhárta 2020, cuirtear i dtábhacht arís eile gur gá gníomhú chun a áirithiú go n‑éascaítear loingsithe dramhaíola atá ceaptha lena n‑athúsáid agus lena n‑athchúrsáil san Aontas, nach n‑onnmhairíonn an tAontas a dhúshláin dramhaíola go tríú tíortha agus go dtugtar aghaidh ar loingsithe neamhdhleathacha dramhaíola ar bhealach níos fearr. Sa bhreis ar na tairbhí comhshaoil agus sóisialta, d’fhéadfadh sé go bhfeabhsófaí spleáchas an Aontais ar amhábhair. D’iarr an Chomhairle 36 agus Parlaimint na hEorpa 37 araon go ndéanfaí athbhreithniú ar rialacha reatha an Aontais maidir le loingsithe dramhaíola a bhunaítear faoi Rialachán (CE) Uimh. 1013/2006.

(4)Leasaíodh Rialachán (CE) Uimh. 1013/2006 roinnt uaireanta cheana agus is gá leasuithe móra eile a dhéanamh air chun a áirithiú go gcomhlíonfar cuspóirí beartais an Chomhaontaithe Ghlais don Eoraip agus an Phlean Gníomhaíochta Nua don Gheilleagar Ciorclach. Ba cheart, dá bhrí sin, Rialachán nua a chur in ionad Rialachán (CE) Uimh. 1013/2006.

(5)Forlíonann an Rialachán seo reachtaíocht bainistithe dramhaíola ginearálta an Aontais. amhail Treoir 2008/98/CE. Tagraítear leis do na sainmhínithe sa Treoir sin, lena n‑áirítear na sainmhínithe ar dhramhaíl agus ar oibríochtaí bainistithe dramhaíola ginearálta. Cuimsítear leis freisin roinnt sainmhínithe breise chun cur i bhfeidhm aonfhoirmeach an Rialacháin seo a éascú. 

(6)Leis an Rialachán seo, déantar Coinbhinsiún Basel an 22 Márta 1989 maidir le Rialú Gluaiseachtaí Trasteorann Dramhaíola Guaisí agus lena nDiúscairt 38 (‘Coinbhinsiún Basel’) a chur chun feidhme ar leibhéal an Aontais. Is é is aidhm do Choinbhinsiún Basel sláinte an duine agus an comhshaol a chosaint ar na drochthionchair a eascraíonn as giniúint, gluaiseacht trasteorann agus bainistiú dramhaíola guaisí agus dramhaíola eile. Tá an tAontas ina Pháirtí i gCoinbhinsiún Basel ó bhí 1994 ann 39 .

(7)Leis an Rialachán seo, cuirtear leasú ar Choinbhinsiún Basel 40 (an Leasú Toirmisc) chun feidhme ar leibhéal an Aontais freisin, ar leasú é a glacadh in 1995 agus a tháinig i bhfeidhm ar leibhéal idirnáisiúnta an 5 Nollaig 2019. Leagtar síos leis an Leasú Toirmisc toirmeasc ginearálta ar onnmhairí uile dramhaíola guaisí atá beartaithe lena ndiúscairt deiridh, lena n‑athúsáid, lena n‑athchúrsáil agus lena gcóireáil ó thíortha a liostaítear in Iarscríbhinn VII a ghabhann le Coinbhinsiún Basel chuig gach tír eile. Dhaingnigh an tAontas an Leasú Toirmisc agus chuir sé chun feidhme é ó bhí 1997 ann 41 .

(8)I mí Dheireadh Fómhair 2020, chuir an tAontas fógra, lena gcumhdaítear dramhaíl a loingsiú laistigh den Aontas, faoi bhráid Ardrúnaíocht Choinbhinsiún Basel faoi Airteagal 11 den Choinbhinsiún sin. I gcomhréir leis an Airteagal sin, d’fhéadfadh sé, dá bhrí sin, go leagfadh an tAontas rialacha sonracha amach a mbeadh feidhm acu maidir le loingsithe dramhaíola laistigh den Aontas nach bhfuil níos lú fóntais leo ó thaobh an chomhshaoil de ná na rialacha dá bhforáiltear le Coinbhinsiún Basel.

(9)I bhfianaise gur fhormheas an tAontas an Cinneadh ó Chomhairle ECFE an 30 Márta 1992 maidir le Rialú Gluaiseachtaí Trasteorann Dramhaíola atá Ceaptha le haghaidh Córais Chóireála 42  (‘Cinneadh ECFE’), is gá ábhar an Chinnidh sin, lena n‑áirítear na leasuithe air, a ionchorprú i reachtaíocht an Aontais.

(10)Tá sé tábhachtach an faireachán agus an rialú a dhéantar ar loingsithe dramhaíola a eagrú agus a rialáil ar bhealach lena gcuirtear san áireamh gur gá cáilíocht an chomhshaoil agus shláinte an duine a chaomhnú, a chosaint agus a fheabhsú agus lena n‑áirithítear go gcuirtear na rialacha maidir le loingsithe dramhaíola i bhfeidhm ar bhealach aonfhoirmeach ar fud an Aontais.

(11)Is gá dúbailt a sheachaint le reachtaíocht infheidhme an Aontais maidir le hiompar ábhar áirithe a d’fhéadfaí a aicmiú mar dhramhaíl faoin Rialachán seo.

(12)Loingsithe dramhaíola a ghineann fórsaí armtha nó eagraíochtaí fóirithinte, ba cheart iad a eisiamh ó raon feidhme an Rialacháin seo nuair a allmhairítear isteach san Aontas iad i gcásanna áirithe (lena n‑áirítear idirthuras laistigh den Aontas nuair a thagann an dramhaíl isteach san Aontas). Ba cheart ceanglais an dlí idirnáisiúnta agus comhaontuithe idirnáisiúnta a urramú i ndáil le loingsithe den sórt sin. Sna cásanna sin, ba cheart aon údarás inniúil idirthurais agus an t‑údarás inniúil cinn scríbe san Aontas a chur ar an eolas roimh ré maidir leis an loingsiú agus a cheann scríbe.

(13)Is gá dúbailt le Rialachán (CE) Uimh. 1069/2009 ó Pharlaimint na hEorpa agus ón gComhairle 43 a sheachaint, rialachán a bhfuil forálacha ann cheana lena gcumhdaítear coinsíneacht, dáileadh agus gluaiseacht fhoriomlán (bailiú, iompar, láimhseáil, próiseáil, úsáid, cóireáil nó diúscairt, clárú, doiciméid tionlacain agus inrianaitheacht) seachtháirgí ainmhithe laistigh den Aontas, isteach ann agus amach as.

(14)Tá feidhm ag Rialachán (AE) Uimh 1257/2013 ó Pharlaimint na hEorpa agus ón gComhairle 44 maidir le longa móra tráchtála faoi bhratach Ballstáit den Aontas, a eisiadh ó raon feidhme Rialachán (CE) Uimh. 1013/2006. Tar éis theacht i bhfeidhm idirnáisiúnta an Leasaithe Toirmisc le déanaí, áfach, is gá a áirithiú go bhfuil na longa a chumhdaítear le raon feidhme Rialachán (AE) Uimh. 1257/2013 agus a ndearnadh dramhaíl díobh san Aontas faoi réir na rialacha ábhartha de chuid an Aontais maidir le loingsithe dramhaíola lena gcuirtear chun feidhme an Leasú Toirmisc, chun comhoiriúnacht dhian dhlíthiúil chóras dlí an Aontais le hoibleagáidí idirnáisiúnta a áirithiú. San am céanna, is gá Rialachán (AE) Uimh. 1257/2013 a leasú chun a shoiléiriú nach n‑athchúrsálfar longa a thagann faoi raon feidhme an Rialacháin sin agus a ndearnadh dramhaíl díobh san Aontas ach ag na saoráidí sin a áirítear sa Liosta Eorpach de shaoráidí athchúrsála long a leagtar síos faoin Rialachán sin, saoráidí atá lonnaithe i dtíortha a liostaítear in Iarscríbhinn VII a ghabhann le Coinbhinsiún Basel.

(15)Cé gur faoin mBallstát é faireachán agus rialú a dhéanamh ar loingsithe dramhaíola laistigh den Bhallstát féin, ba cheart do chórais náisiúnta a bhaineann le loingsithe dramhaíola an gá atá le comhleanúnachas le córas an Aontais a chur san áireamh chun leibhéal ard cosanta le haghaidh an chomhshaoil agus shláinte an duine a áirithiú.

(16)I gcás loingsithe dramhaíola nach liostaítear in Iarscríbhinn III, Iarscríbhinn IIIA nó Iarscríbhinn IIIB a ghabhann leis an Rialachán seo agus atá ceaptha le haghaidh córais chóireála, is iomchuí faireachán agus rialú barrmhaith a áirithiú trí réamhthoiliú i scríbhinn a éileamh i gcás loingsithe den sórt sin. Ba cheart réamhfhógra a áireamh le nós imeachta den sórt sin, lena gcuirtear ar a gcumas do na húdaráis inniúla a bheith ar an eolas go cuí ionas gur féidir leo na bearta uile is gá a dhéanamh chun sláinte an duine agus an comhshaol a chosaint. Ba cheart dó é a chur ar a gcumas do na húdaráis inniúla agóidí réasúnaithe a chur in aghaidh na loingsithe sin.

(17)Chun tacú le cur chun feidhme na bhforálacha atá i dTreoir 2008/98/CE, forálacha a ceapadh chun bailiú ar leithligh dramhaíola a mhéadú agus giniúint dramhaíola measctha cathrach a laghdú, ba cheart loingsithe dramhaíola measctha cathrach a bheith faoi réir grinnscrúdú ar leith. Thairis sin, chun tacú le spriocanna a bhaint amach maidir le hathchúrsáil a mhéadú agus diúscairt dramhaíola a laghdú, mar a leagtar amach i dTreoir 2008/98/CE agus i dTreoir 1999/31/CE ón gComhairle 45 , ba cheart loingsithe dramhaíola atá ceaptha lena ndiúscairt i mBallstát eile a thoirmeasc go ginearálta. Ba cheart loingsithe dramhaíola atá ceaptha lena ndiúscairt a cheadú i gcásanna eisceachtúla amháin. Sna cásanna sin, ba cheart do na Ballstáit prionsabail na gaireachta agus na neamhthuilleamaíochta a chur san áireamh ar leibhéal an Aontais agus ar an leibhéal náisiúnta, i gcomhréir le Treoir 2008/98/CE agus Airteagal 16 den Treoir sin go háirithe, mar aon le tosaíocht na cóireála. Ba cheart do na Ballstáit a bheith in ann a áirithiú go ndéanann na saoráidí bainistithe dramhaíola a chumhdaítear le Treoir 2010/75/AE ó Pharlaimint na hEorpa agus ón gComhairle 46 na teicnící is fearr atá ar fáil a chur i bhfeidhm mar a shainmhínítear sa Treoir sin i gcomhréir le cead na saoráide, agus a áirithiú go gcóireáiltear an dramhaíl uile i gcomhréir le ceanglais a leagtar síos i reachtaíocht an Aontais maidir le sláinte an duine agus an comhshaol a chosaint i ndáil le córais diúscartha.

(18)I gcás loingsithe dramhaíola a liostaítear in Iarscríbhinn III, Iarscríbhinn IIIA nó Iarscríbhinn IIIB a ghabhann leis an Rialachán seo agus atá ceaptha le haghaidh córais chóireála, is iomchuí íosleibhéal faireacháin agus rialaithe a áirithiú trína éileamh go mbíonn faisnéis áirithe faoi na daoine agus na tíortha a bhfuil baint acu leis na loingsithe, tuairisc ar an dramhaíl lena mbaineann agus cainníochtaí na dramhaíola lena mbaineann, an cineál córais cóireála a loingsítear an dramhaíl lena haghaidh agus sonraí na saoráidí a dhéanfaidh cóireáil ar an dramhaíl ag gabháil leis an loingsiú.

(19)Is gá na forais a leagan síos lenar féidir leis na Ballstáit agóid a chur in aghaidh loingsithe dramhaíola a bheidh le cóireáil. I gcás loingsithe den sórt sin, ba cheart do na Ballstáit a bheith in ann a áirithiú go ndéanann na saoráidí bainistithe dramhaíola a chumhdaítear le Treoir 2010/75/AE na teicnící is fearr atá ar fáil a chur i bhfeidhm mar a leagtar amach sa Treoir sin i gcomhréir le cead na saoráide. Ba cheart do na Ballstáit a bheith in ann a áirithiú freisin go gcóireáiltear an dramhaíl i gcomhréir le ceanglais maidir le sláinte an duine agus an comhshaol a chosaint i ndáil le córais chóireála arna mbunú i reachtaíocht an Aontais agus, i bhfianaise Airteagal 16 de Threoir 2008/98/CE, go gcóireáiltear an dramhaíl i gcomhréir le pleananna bainistithe dramhaíola a bhunaítear de bhun na Treorach sin chun a áirithiú go gcuirtear chun feidhme oibleagáidí cóireála nó athchúrsála atá ceangailteach ó thaobh an dlí de, oibleagáidí a leagtar síos i Reachtaíocht an Aontais.

(20)Is gá foráil a dhéanamh maidir le céimeanna agus coimircí nós imeachta, nuair is mian le fógróir dramhaíl a loingsiú faoi réir an nós imeachta um réamhfhógra agus réamhthoiliú i scríbhinn, ar mhaithe leis an deimhneacht dhlíthiúil agus chun cur i bhfeidhm aonfhoirmeach an Rialacháin seo agus feidhmiú cuí an mhargaidh inmheánaigh a áirithiú. Is gá a áirithiú freisin, i gcomhréir le hAirteagal 6(11) de Choinbhinsiún Basel, gurb iad na hoibreoirí ábhartha a sheasann na costais a eascraíonn as cásanna nach féidir an loingsiú dramhaíola atá faoi réir réamhfhógra agus réamhthoiliú i scríbhinn a thabhairt i gcrích nó nuair atá sé neamhdhleathach. Chuige sin, ba cheart don fhógróir ráthaíocht airgeadais nó árachas coibhéiseach a bhunú le haghaidh gach loingsithe den dramhaíl sin.

(21)Chun an t‑ualach riaracháin a laghdú le haghaidh oibreoirí poiblí agus príobháideacha araon a bhfuil baint acu le loingsithe chuig saoráidí a aithnítear mar shaoráidí ‘réamhthoilithe’, is gá coinníollacha a leagan amach faoinar féidir an stádas ‘réamhthoilithe’ a dheonú, chun a n‑aitheantas frithpháirteach ó na Ballstáit uile a áirithiú agus chun na ceanglais maidir le dramhaíl a loingsiú chuig na saoráidí sin a chomhchuibhiú.

(22)Chun laghdú a chur ar an moill ar phróiseáil fógraí maidir le loingsiú dramhaíola agus chun malartú faisnéise idir na húdaráis ábhartha a éascú, is gá faisnéis agus sonraí a bhaineann le loingsithe aonair dramhaíola laistigh den Aontas a eisiúint agus a mhalartú trí mhodh leictreonach. Is gá cumhacht a thabhairt don Choimisiún freisin chun na ceanglais nós imeachta agus oibríochtúla a leagan amach le haghaidh chur chun feidhme praiticiúil na gcóras lena n‑áiritheofar go ndéanfar faisnéis a chur isteach agus a mhalartú go leictreonach (amhail idirnascacht, ailtireacht agus slándáil). Is gá am leordhóthanach a thabhairt do na húdaráis inniúla sna Ballstáit agus do na hoibreoirí eacnamaíocha chun ullmhú don athrú ó chur chuige atá bunaithe ar pháipéar, mar a leagtar síos i Rialachán (CE) 1013/2006, go cur chuige lena ndéantar faisnéis agus doiciméid a mhalartú go leictreonach. Ba cheart don oibleagáid nua sin a bheith infheidhme 24 mhí tar éis dháta chur i bhfeidhm an Rialacháin seo. 

(23)Ba cheart oibreoirí eacnamaíocha a bhfuil baint acu le hiompar dramhaíola a cheadú chun an timpeallacht a úsáid mar a bhunaítear i Rialachán (AE) Uimh. 2020/1056 ó Pharlaimint na hEorpa agus ón gComhairle 47 chun an fhaisnéis a éilítear faoin Rialachán seo a mhalartú agus an dramhaíl á hiompar agus ba cheart idir-inoibritheacht na gcóras dá bhforáiltear sa Rialachán seo agus na timpeallachta le haghaidh malartú faisnéise leictreonaí faoin iompar lastais a áirithiú.

(24)Chun an obair a éascú a dhéanann custaim chun an Rialachán seo a chur chun feidhme, is gá don lárchóras a oibríonn an Coimisiún lenar féidir faisnéis agus doiciméid a chur isteach agus a mhalartú go leictreonach a bheith idir-inoibritheach le Timpeallacht an Ionaid Ilfhreastail maidir le Custam de chuid an Aontais, atá á forbairt faoi láthair ar leibhéal an Aontais 48 , nuair a bheidh an obair theicniúil ar fad is gá chun an idir-inoibritheacht sin a áirithiú críochnaithe.

(25)An fhaisnéis agus na doiciméid le haghaidh na gceanglas nós imeachta faoin Rialachán seo, ba cheart d’údaráis inniúla i dtríú tíortha a bheith in ann iad a eisiúint agus a mhalartú, ar mhodh leictreonach tríd an gcóras a oibrítear ar leibhéal an Aontais, más mian leo é agus má chomhlíonann siad na ceanglais chun sonraí a mhalartú tríd an gcóras sin.

(26)Chun inrianaitheacht loingsithe dramhaíola a áirithiú agus ionas nach gcuirfear isteach ar bhainistiú dramhaíola a loingsítear thar theorainneacha, ba cheart toirmeasc a chur ar dhramhaíl a mheascadh le dramhaíl eile ó thús an loingsithe go bhfaightear an dramhaíl i gcóras cóireála nó diúscartha.

(27)Chun cur chun feidhme na n‑oibleagáidí a leagtar síos sa Rialachán seo a éascú, tá sé tábhachtach go gcoimeádann oibreoirí eacnamaíocha agus údaráis inniúla doiciméid agus faisnéis is gá chun dramhaíl a loingsiú ar feadh íostréimhse 5 bliana ó dháta tosaithe an loingsithe.

(28)I gcomhréir le Coinbhinsiún Choimisiún Eacnamaíochta na Náisiún Aontaithe don Eoraip (UNECE) maidir le Rochtain ar Fhaisnéis, Rannpháirtíocht Phoiblí i gCinnteoireacht agus Rochtain ar Cheartas i gCúrsaí Comhshaoil an 25 Meitheamh 1998 (Coinbhinsiún Aarhus) 49 , ba cheart ceangal a bheith ar na Ballstáit a áirithiú go gcuireann na húdaráis inniúla ábhartha faisnéis ar fáil go poiblí trí bhíthin modh iomchuí faoi fhógraí loingsithe a thoiligh siad agus faoi loingsithe dramhaíola atá faoi réir cheanglais ghinearálta faisnéise an Rialacháin seo, i gcás nach faisnéis rúnda í an fhaisnéis sin faoi reachtaíocht náisiúnta nó reachtaíocht an Aontais.

(29)Chun na ceanglais a leagtar amach in Airteagal 9(2), (3) agus (4) de Choinbhinsiún Basel a chur chun feidhme, ba cheart oibleagáid a leagan síos go bhfuil dramhaíl ó loingsiú nach féidir a chríochnú mar a bhí beartaithe le tabhairt ar ais chuig an tír seolta nó le cóireáil nó le diúscairt ar bhealach malartach. Ba cheart gurbh éigean don duine arb é a ghníomhaíocht is cúis leis an loingsiú neamhdhleathach an dramhaíl atá i gceist a ghlacadh ar ais nó socruithe malartacha a dhéanamh lena cóireáil nó lena diúscairt agus na costais a eascraíonn as na hoibríochtaí glacadh ar ais a sheasamh. Dá éagmais sin, ba cheart do na húdaráis inniúla seolta nó cinn scríbe, de réir mar is iomchuí, oibriú i gcomhar chun a áirithiú go mbainistítear an dramhaíl lena mbaineann ar bhealach atá neamhdhíobhálach don chomhshaol.

(30)Chun a áirithiú go bhfuil údaráis inniúla in ann próiseáil chuí a dhéanamh ar na doiciméid a chuirtear faoina mbráid maidir le dramhaíl a loingsiú, is gá oibleagáid a leagan amach go soláthróidh an fógróir aistriúchán údaraithe de na doiciméid sin i dteanga atá inghlactha ag na húdaráis sin, má iarrann siad amhlaidh.

(31)Chun nach gcuirfear isteach ar loingsithe dramhaíola nó earraí mar gheall ar easaontas idir údaráis inniúla maidir le stádas na dramhaíola nó na n‑earraí sin, is gá nós imeachta a leagan amach chun easaontais den sórt sin a réiteach. Tá sé tábhachtach maidir leis sin go mbunaíonn na húdaráis inniúla a gcinntí ar na forálacha a bhaineann le seachtháirgí a chinneadh agus leis an stádas maidir le hábhair nach dramhaíl a thuilleadh iad de Threoir 2008/98/CE. Is gá nós imeachta a leagan amach freisin chun easaontais a réiteach idir údaráis inniúla maidir le cé acu ba cheart do dhramhaíl a bheith faoi réir an nós imeachta um fhógra a thabhairt nó nár cheart. Chun comhchuibhiú níos fearr ar fud an Aontais a áirithiú maidir leis na coinníollacha faoinar cheart dramhaíl a bheith faoi réir an nós imeachta um fhógra a thabhairt, ba cheart é a thabhairt de chumhacht don Choimisiún gníomhartha cur chun feidhme a ghlacadh lena mbunaítear critéir chun dramhaíl shonrach atá sna hIarscríbhinní ábhartha a ghabhann leis an Rialachán seo a aicmiú, rud lena chinnfear cé acu atá sí faoi réir an nós imeachta um fhógra a thabhairt nó nach bhfuil. Ina theannta sin, chun nach ndearbhófar dramhaíl go bréagach mar earraí úsáidte agus chun soiléireacht dhlíthiúil a sholáthar, ba cheart é a thabhairt de chumhacht don Choimisiún gníomhartha cur chun feidhme a ghlacadh chun idirdhealú a dhéanamh idir earraí úsáidte agus dramhaíl, i gcás tráchtearraí sonracha a bhfuil idirdhealú den sórt sin tábhachtach lena n‑aghaidh, go háirithe lena n‑onnmhairiú ón Aontas.

(32)Chun é a chur ar a gcumas do rialtais teorainn a chur le caiteachas poiblí a bhaineann le nósanna imeachta um loingsiú dramhaíola a láimhseáil agus a bhaineann leis an Rialachán seo a chur chun feidhme, is gá foráil a dhéanamh don fhéidearthacht go bhféadfaí costais riaracháin iomchuí comhréireacha a bhaineann leis na nósanna imeachta sin agus le faireachán, le hanailísí agus le cigireachtaí a ghearradh ar an bhfógróir.

(33)Chun ualaí riaracháin a laghdú agus in imthosca eisceachtúla, a bhaineann le cásanna sonracha tíreolaíocha nó déimeagrafacha, féadfaidh na Ballstáit comhaontuithe déthaobhacha a thabhairt i gcrích lena laghdaítear déine an nós imeachta um fhógra a thabhairt le haghaidh loingsithe sreafaí sonracha dramhaíola i ndáil le loingsithe trasteorann chuig an tsaoráid oiriúnach is cóngaraí atá suite sa limistéar teorann idir an dá Bhallstát lena mbaineann. Ba cheart do na Ballstáit a bheith in ann comhaontuithe den sórt sin a thabhairt i gcrích le tír atá ina páirtí sa Chomhaontú maidir leis an Limistéar Eorpach Eacnamaíoch, agus i gcás ina loingsítear an dramhaíl ón tír seolta agus ina gcóireáiltear an dramhaíl inti ach ina dtrasnaíonn sí trí Bhallstát eile.

(34)Chun comhshaol na dtíortha lena mbaineann a chosaint, is gá soiléiriú a dhéanamh ar raon feidhme an toirmisc onnmhairiúcháin, a leagtar síos i gcomhréir le Coinbhinsiún Basel, ón Aontas d’aon dramhaíl a bheidh le diúscairt i dtríú tír nach tír CSTE (Comhlachas Saorthrádála na hEorpa) í.

(35)Féadfaidh tíortha atá ina bPáirtithe sa Chomhaontú maidir leis an Limistéar Eorpach Eacnamaíoch na nósanna imeachta rialaithe a ghlacadh dá bhforáiltear maidir le loingsithe laistigh den Aontas. Sna cásanna sin, ba cheart do loingsithe idir an tAontas agus na tíortha sin a bheith faoi réir na rialacha céanna agus atá loingsithe laistigh den Aontas.

(36)Chun comhshaol na dtíortha lena mbaineann a chosaint, is gá soiléiriú a dhéanamh ar raon feidhme an toirmisc onnmhairiúcháin ar dhramhaíl ghuaiseach a bheidh le cóireáil i dtríú tíortha nach bhfuil feidhm ag Cinneadh ECFE maidir leo, i gcomhréir le Coinbhinsiún Basel. Go sonrach, is gá soiléiriú a dhéanamh ar an liosta dramhaíola a bhfuil feidhm ag an toirmeasc sin maidir leis agus a áirithiú go n‑áirítear leis an dramhaíl a liostaítear in Iarscríbhinn II a ghabhann le Coinbhinsiún Basel, eadhon dramhaíl a bhailítear ó thithe, iarmhair ó loisceadh dramhaíola tí agus dramhaíl phlaisteach is deacair a athchúrsáil.

(37)Is gá rialacha diana a bhunú maidir le dramhaíl neamhghuaiseach a onnmhairiú lena cóireáil chuig tríú tíortha nach bhfuil feidhm ag Cinneadh ECFE maidir leo, chun a áirithiú nach ndéanann an dramhaíl sin damáiste don chomhshaol nó don tsláinte phoiblí sna tíortha sin. Faoi na rialacha sin, níor cheart onnmhairiú ón Aontas a cheadú ach chuig na tíortha a áirítear leis an liosta a tharraingíonn an Coimisiún suas agus atá le nuashonrú ag an gCoimisiún, i gcás go gcuireann na tíortha sin iarraidh faoi bhráid an Choimisiúin ina gcuirtear in iúl go bhfuil siad toilteanach glacadh le dramhaíl áirithe neamhghuaiseach ón Aontas agus ina léirítear an cumas atá acu an dramhaíl sin a bhainistiú ar bhealach atá neamhdhíobhálacha don chomhshaol, ar bhonn na gcritéar a leagtar síos sa Rialachán seo. Ba cheart onnmhairiú chuig tíortha seachas iad siúd a áirítear ar an liosta sin a thoirmeasc. Chun tréimhse leordhóthanach a áirithiú le haghaidh an aistrithe chuig an gcóras nua seo, ba cheart foráil a dhéanamh maidir le hidirthréimhse 3 bliana a bheith ann tar éis dháta chur i bhfeidhm ginearálta an Rialacháin seo.

(38)Tá na tíortha a bhfuil feidhm ag cinneadh ECFE maidir leo faoi réir na rialacha agus na moltaí a leagann ECFE síos maidir le loingsiú agus bainistiú dramhaíola agus bíonn caighdeáin níos airde iontu de ghnáth maidir le bainistiú dramhaíola ná mar a bhíonn sna tíortha nach bhfuil feidhm ag cinneadh ECFE maidir leo. Tá sé tábhachtach, áfach, nach mbíonn onnmhairiú dramhaíola guaisí ón Aontas atá ceaptha lena cóireáil ina chúis le damáiste don chomhshaol nó don tsláinte phoiblí i dtíortha a bhfuil feidhm ag cinneadh ECFE maidir leo. Is gá, dá bhrí sin, sásra a bhunú chun faireachán a dhéanamh ar loingsithe dramhaíola neamhghuaisí chuig na tíortha sin. I gcásanna ina dtagann méadú mór ar onnmhairiú dramhaíola neamhghuaisí ón Aontas chuig an tír lena mbaineann laistigh de thréimhse ghairid agus ina bhfuil easpa faisnéise ar fáil lena léirítear cumas na tíre lena mbaineann chun an dramhaíl sin a chóireáil ar bhealach atá neamhdhíobhálach don chomhshaol, ba cheart don Choimisiún dul i mbun idirphlé leis an tír lena mbaineann agus, mura bhfuil an fhaisnéis leordhóthanach chun a chruthú go gcóireáiltear an dramhaíl ar bhealach atá neamhdhíobhálach don chomhshaol, ba cheart a thabhairt de chumhacht don Choimisiún an t‑onnmhairiú sin a chur ar fionraí.

(39)Ba cheart na bearta is gá a dhéanamh chun a áirithiú, i gcomhréir le Treoir 2008/98/CE agus reachtaíocht eile an Aontais maidir le dramhaíl, go ndéantar dramhaíl a loingsítear laistigh den Aontas agus dramhaíl a allmhairítear isteach san Aontas a bhainistiú i rith na tréimhse loingsithe lena n‑áirítear cóireáil nó diúscairt sa tír ceann scríbe, gan sláinte an duine a chur i mbaol agus gan próisis nó modhanna a úsáid a d’fhéadfadh dochar a dhéanamh don chomhshaol. Is gá a áirithiú go mbainistítear an dramhaíl a onnmhairítear ón Aontas ar bhealach atá neamhdhíobhálach don chomhshaol i rith na tréimhse loingsithe agus lena n‑áirítear cóireáil nó diúscairt sa tríú tír is ceann scríbe. Chuige sin, ba cheart oibleagáid a thabhairt isteach le haghaidh onnmhaireoirí dramhaíola chun a áirithiú go bhfuil an tsaoráid a ghlacann an dramhaíl sa tríú tír is ceann scríbe faoi réir iniúchadh neamhspleách tríú páirtí, sula n‑onnmhairítear an dramhaíl chuig an tsaoráid atá i gceist. Is é cuspóir an iniúchta sin comhlíontacht na saoráide atá i gceist le critéir shonracha a leagtar síos sa Rialachán seo a fhíorú, ar critéir iad a ceapadh chun a áirithiú go mbainisteofar an dramhaíl ar bhealach atá neamhdhíobhálach don chomhshaol. I gcás inarb é conclúid an iniúchta nach gcomhlíonann an tsaoráid atá i gceist na critéir a leagtar síos sa Rialachán seo, níor cheart don onnmhaireoir a bheith i dteideal dramhaíl a onnmhairiú chuig an tsaoráid sin. Ba cheart don oibleagáid sin feidhm a bheith aige maidir leis na saoráidí atá suite sna tríú tíortha uile, lena n‑áirítear na tíortha atá ina mball de ECFE. Luaitear i gCinneadh ECFE maidir le dramhaíl a onnmhairítear chuig tír ECFE eile ‘go mbeidh sí beartaithe do chórais chóireála laistigh de shaoráid cóireála ina gcóireálfar dramhaíl ar bhealach atá neamhdhíobhálach don chomhshaol i gcomhréir leis na dlíthe náisiúnta, na rialacháin agus na cleachtais a bhfuil an tsaoráid faoina réir’. Mura bhfuil aon eilimint nó critéar i gCinneadh ECFE lena sonraítear an chaoi chun an ceanglas sin a chur chun feidhme a mhéid a bhaineann le dramhaíl ‘a bhainistiú ar bhealach atá neamhdhíobhálach don chomhshaol’. D’uireasa critéar coiteann lena sainítear na coinníollacha faoina gcóireálfar dramhaíl sna saoráidí ábhartha, is gá aghaidh a thabhairt ar an mbaol go ndéanfaí dramhaíl a onnmhairítear ón Aontas chuig tíortha ECFE a mhíbhainistiú i saoráidí sonracha agus mar sin, ba cheart do shaoráidí atá suite sna tíortha sin a bheith faoi réir na gceanglas iniúchta dá bhforáiltear sa Rialachán seo.

(40)I bhfianaise an chirt atá ag gach Páirtí i gCoinbhinsiún Basel, de bhun Airteagal 4(1) de, toirmeasc a chur ar allmhairiú dramhaíola guaisí nó allmhairiú dramhaíola a liostaítear in Iarscríbhinn II a ghabhann leis an gCoinbhinsiún sin, ba cheart allmhairí dramhaíola isteach san Aontas atá ceaptha lena ndiúscairt a cheadú i gcás ina bhfuil an tír is onnmhaireoir ina Páirtí sa Choinbhinsiún sin. Ba cheart allmhairí dramhaíola isteach san Aontas atá ceaptha lena gcóireáil a cheadú i gcás inar tír í an tír is onnmhaireoir a bhfuil feidhm ag Cinneadh ECFE maidir léi nó i gcás ina bhfuil an tír is onnmhaireoir ina Páirtí i gCoinbhinsiún Basel. I gcásanna eile, níor cheart allmhairí a cheadú ach amháin má tá an tír is onnmhaireoir faoi cheangal ag comhaontú déthaobhach nó iltaobhach nó ag socrú atá comhoiriúnach le reachtaíocht an Aontais agus i gcomhréir le hAirteagal 11 de Choinbhinsiún Basel, seachas nuair nach féidir déanamh amhlaidh i gcásanna éigeandála, déanta síochána, coimeádta síochána nó cogaidh.

(41)Ba cheart don Rialachán seo na rialacha a léiriú a leagtar síos le Cinneadh 2013/755/AE ón gComhairle maidir le honnmhairí agus allmhairí dramhaíola chuig tíortha agus críocha thar lear agus ó na tíortha agus na críocha sin 50 .

(42)I gcásanna sonracha loingsithe a dhéantar laistigh den Aontas lena mbaineann idirthuras trí thríú tíortha, ba cheart feidhm a bheith ag forálacha sonracha a bhaineann le nós imeachta an toilithe ag tríú tíortha. Is gá forálacha sonracha a ghlacadh freisin a bhaineann leis na nósanna imeachta a bhfuil feidhm acu maidir le hidirthuras dramhaíola tríd an Aontas chuig tríú tíortha agus ó na tíortha sin.

(43)Ar chúiseanna comhshaoil agus i bhfianaise stádas ar leith an Antartaigh, cuirfear toirmeasc sainráite leis an Rialachán seo ar dhramhaíl a onnmhairiú chuig an gcríoch sin.

(44)Chun cur chun feidhme agus forfheidhmiú comhchuibhithe an Rialacháin seo a áirithiú, is gá oibleagáidí a leagan amach go ndéanfaidh na Ballstáit cigireachtaí ar na loingsithe dramhaíola. Is gá cigireachtaí ar loingsithe dramhaíola a phleanáil go leormhaith freisin chun an acmhainneacht is gá le haghaidh na gcigireachtaí a chinneadh agus chun cosc éifeachtach a chur ar loingsithe neamhdhleathacha. Le Rialachán (CE) Uimh. 1013/2006, ceanglaíodh ar na Ballstáit a áirithiú go mbunófaí pleananna cigireachta le haghaidh loingsithe dramhaíola faoin 1 Eanáir 2017. Chun cur i bhfeidhm na bhforálacha ar bhealach níos comhsheasmhaí a éascú agus chun cur chuige comhchuibhithe i leith na gcigireachtaí ar fud an Aontais a áirithiú, ba cheart do na Ballstáit fógra a thabhairt don Choimisiún maidir lena bpleananna cigireachta, agus ba cheart é a chur de chúram ar an gCoimisiún na pleananna sin a athbhreithniú agus, i gcás inarb iomchuí, moltaí a eisiúint maidir le feabhsuithe.

(45)Tá rialacha éagsúla sna Ballstáit a mhéid a bhaineann leis an gcumhacht a bheith ag údaráis a bhfuil baint acu le cigireachtaí i mBallstáit, agus leis an bhféidearthacht a bheith ann go bhféadfaidís fianaise a éileamh chun dlíthiúlacht loingsithe a chinntiú. D’fhéadfadh sé go mbeadh baint ag an bhfianaise sin, inter alia, le cé acu is dramhaíl í an tsubstaint nó an réad nó nach ea, cé acu a aicmíodh an dramhaíl go cuí nó nár aicmíodh, cé acu a loingseofar an dramhaíl chuig saoráidí a bhainistíonn dramhaíl ar bhealach atá neamhdhíobhálach don chomhshaol i gcomhréir leis an Rialachán seo nó nach loingseofar. Dá bhrí sin, ba cheart foráil a dhéanamh leis an Rialachán seo gur féidir le húdaráis a bhfuil baint acu le cigireachtaí i mBallstáit an fhianaise sin a éileamh. Féadfar an fhianaise sin a iarraidh ar bhonn forálacha ginearálta nó cás ar chás. I gcás nach gcuirtear an fhianaise sin ar fáil nó ina meastar nach leor í, ba cheart a mheas gur loingsiú neamhdhleathach é iompar na substainte nó an réada lena mbaineann, nó loingsiú na dramhaíola lena mbaineann, agus ba cheart déileáil leis i gcomhréir le forálacha ábhartha an Rialacháin seo.

(46)Ba cheart do na Ballstáit rialacha a leagan síos maidir le pionóis riaracháin is infheidhme maidir le sáruithe ar an Rialachán seo agus a áirithiú go bhforfheidhmítear iad. Ba cheart do na pionóis dá bhforáiltear a bheith éifeachtach, comhréireach agus athchomhairleach. Fuarthas amach leis an meastóireacht a rinneadh ar Rialachán (CE) Uimh. 1013/2006 gurb é ceann de na heasnaimh atá ann go bhfuil difríocht mhór idir na rialacha náisiúnta maidir le pionóis ar fud an Aontais. Dá bhrí sin, chun cur i bhfeidhm na bpionós ar bhealach níos comhsheasmhaí a éascú, ba cheart critéir choiteanna neamh-uileghabhálacha a leagan síos chun na cineálacha agus na leibhéil pionóis atá le forchur i gcás sáruithe ar an Rialachán seo a chinneadh. Ba cheart do na critéir sin, inter alia, cineál agus tromchúis an tsáraithe agus na tairbhí eacnamaíocha a baineadh as agus an damáiste a rinneadh don chomhshaol mar gheall ar an sárú a chur san áireamh, a mhéid is féidir iad a chinneadh. Thairis sin, anuas ar na pionóis riaracháin a éilítear faoin Rialachán seo, ba cheart do na Ballstáit a áirithiú gur cion coiriúil é dramhaíl a loingsiú go neamhdhleathach i gcásanna tromchúiseacha, i gcomhréir leis na forálacha a leagtar síos i dTreoir 2008/99/CE ó Pharlaimint na hEorpa agus ón gComhairle an 19 Samhain 2008 51 .

(47)Leis an taithí a fuarthas ó Rialachán (CE) Uimh. 1013/2006 a chur i bhfeidhm, léiríodh go gcruthaíonn rannpháirtíocht gníomhaithe éagsúla ar an leibhéal náisiúnta dúshláin don chomhordú agus don chomhar maidir le forfheidhmiú. Dá bhrí sin, ba cheart do na Ballstáit a áirithiú go bhfuil sásraí éifeachtacha ag na húdaráis uile atá rannpháirteach i bhforfheidhmiú an Rialacháin seo chun é a chur ar a gcumas dóibh dul i gcomhar agus comhordú a dhéanamh ar bhonn intíre maidir le beartais forfheidhmithe agus gníomhaíochtaí chun aghaidh a thabhairt ar loingsithe neamhdhleathacha dramhaíola a fhorbairt agus a chur chun feidhme, lena n‑áirítear na pleananna cigireachta a leagan síos agus a chur chun feidhme.

(48)Is gá do na Ballstáit dul i gcomhar, ar bhonn déthaobhach agus iltaobhach, le chéile chun cosc agus brath loingsithe neamhdhleathacha dramhaíola a éascú. Chun comhordú agus comhar ar fud an Aontais a fheabhsú a thuilleadh, ba cheart grúpa tiomnaithe forfheidhmithe a bhunú ina mbeidh ionadaithe ainmnithe ó na Ballstáit agus ón gCoimisiún rannpháirteach, mar aon le hionadaithe ó institiúidí, comhlachtaí, oifigí, gníomhaireachtaí agus gréasáin ábhartha eile. Ba cheart don ghrúpa forfheidhmithe sin teacht le chéile go rialta. Ba cheart dó a bheith ina fhóram, inter alia, chun eolas agus faisnéis faoi threochtaí i loingsithe neamhdhleathacha a roinnt agus chun tuairimí a mhalartú maidir le gníomhaíochtaí forfheidhmithe, lena n‑áirítear dea-chleachtais.

(49)Chun tacú le gníomhaíochtaí forfheidhmithe na mBallstát agus chun iad a chomhlánú, ba cheart é a thabhairt de chumhacht don Choimisiún gníomhaíochtaí imscrúdaithe agus comhordaithe a dhéanamh i ndáil le loingsithe neamhdhleathacha, a d’fhéadfadh mórthionchair dhíobhálacha a bheith acu ar shláinte an duine nó ar an gcomhshaol. Agus na gníomhaíochtaí sin á ndéanamh, ba cheart don Choimisiún gníomhú agus ráthaíochtaí nós imeachta á n‑urramú acu go hiomlán. D’fhéadfadh an Coimisiún a mhachnamh a dhéanamh, mar ábhar a bhaineann lena eagrúchán inmheánach, ar ghníomhaíochtaí forfheidhmithe áirithe dá bhforáiltear leis an Rialachán seo a chur de chúram ar an Oifig Eorpach Frith-Chalaoise (OLAF), ag a bhfuil saineolas ábhartha sa réimse sin.

(50)Ba cheart do na Ballstáit faisnéis a bhaineann le cur chun feidhme an Rialacháin seo a sholáthar don Choimisiún, trí bhíthin na dtuarascálacha a chuirtear faoi bhráid Ardrúnaíocht Choinbhinsiún Basel agus ar bhonn ceistneora ar leithligh araon. Ba cheart don Choimisiún tuarascáil a sholáthar gach 4 bliana maidir le cur chun feidhme an Rialacháin seo, bunaithe ar an bhfaisnéis a chur na Ballstáit ar fáil chomh maith le faisnéis eile, a bhailítear go háirithe trí thuarascálacha ad hoc arna ndéanamh ag an gCoimisiún agus an Gníomhaireacht Eorpach Chomhshaoil maidir le loingsithe dramhaíola plaistí agus sruthanna sonracha dramhaíola eile atá ina n‑ábhar imní.

(51)Tá an comhar idirnáisiúnta éifeachtúil maidir le loingsithe dramhaíola a rialú ríthábhachtach chun a áirithiú go rialaítear loingsithe dramhaíola agus go ndéantar faireachán orthu ar leibhéal iomchuí. Ba cheart malartú faisnéise, freagracht chomhroinnte agus iarrachtaí comhair idir an tAontas gona Bhallstáit agus tríú tíortha a chur chun cinn chun bainistiú dramhaíola atá neamhdhíobhálach don chomhshaol a áirithiú.

(52)Chun malartú faisnéise agus comhar a éascú chun an Rialachán seo a chur chun feidhme, ba cheart do na Ballstáit údaráis inniúla agus comhfhreagraithe a ainmniú agus fógra a thabhairt don Choimisiún fúthu, agus ba cheart don Choimisiún an fhaisnéis sin a chur ar fáil go poiblí.

(53)Chun rialú loingsithe dramhaíola a áirithiú, ba cheart go mbeadh na Ballstáit i dteideal oifigí sonracha custaim iontrála agus imeachta a ainmniú le haghaidh loingsithe dramhaíola a thagann isteach san Aontas agus a imíonn uaidh, ba cheart do na Ballstáit fógra a thabhairt don Choimisiún fúthu agus ba cheart don Choimisiún an fhaisnéis sin a chur ar fáil go poiblí.

(54)Chun an Rialachán seo a fhorlíonadh nó a leasú, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le hAirteagal 37(13), Airteagal 40(8) agus Airteagal 72 den Rialachán seo. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena n‑áirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr 52 . Go sonrach, chun rannpháirtíocht chomhionann in ullmhú na ngníomhartha tarmligthe a áirithiú, faigheann Parlaimint na hEorpa agus an Chomhairle na doiciméid uile ag an am céanna leis na saineolaithe sna Ballstáit, agus bíonn rochtain chórasach ag a gcuid saineolaithe ar chruinnithe ghrúpaí saineolaithe an Choimisiúin a bhíonn ag déileáil le hullmhú na ngníomhartha tarmligthe.

(55)Chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún chun bearta a ghlacadh maidir le modh comhchuibhithe chun ráthaíocht airgeadais nó árachas coibhéiseach a ríomh, chun aicmiú dramhaíola faoin Rialachán seo a shoiléiriú (lena n‑áirítear tairseach leibhéil éillithe a leagan síos le haghaidh dramhaíl áirithe) agus chun an t‑idirdhealú idir earraí úsáidte agus dramhaíl a shoiléiriú le haghaidh cineálacha áirithe tráchtearraí nuair a loingsítear thar theorainneacha iad. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle 53 .

(56)Bunaítear le Rialachán (AE) 2020/1056 creat dlíthiúil maidir le faisnéis rialála a chur in iúl go leictreonach idir na hoibreoirí eacnamaíocha lena mbaineann agus údaráis inniúla i ndáil le hiompar earraí ar chríoch an Aontais agus cumhdaítear codanna den Rialachán seo lena fhorálacha. Chun comhsheasmhacht idir na hionstraimí a áirithiú, is gá Rialachán (AE) 2020/1056 a leasú.

(57)Is gá foráil a dhéanamh go mbeidh am leordhóthanach ag oibreoirí eacnamaíocha a n‑oibleagáidí nua faoin Rialachán seo a chomhlíonadh, agus ag na Ballstáit agus ag an gCoimisiún chun an bonneagar riaracháin is gá maidir le cur i bhfeidhm an Rialacháin a chur ar bun. Dá bhrí sin, ba cheart cur i bhfeidhm roinnt forálacha sa Rialachán seo a chur siar go dtí dáta ar réasúnta é go mbeidh bailchríoch curtha ar na hullmhúcháin sin. Tiocfaidh an chuid is mó de na forálacha sa Rialachán seo i bhfeidhm 2 mhí tar éis a theacht i bhfeidhm, agus beidh na forálacha a bhaineann leis na hoibleagáidí a leagtar amach in Airteagal 26 maidir le doiciméid a eisiúint agus a mhalartú go leictreonach infheidhme 2 bhliain tar éis an dáta sin, agus beidh forálacha áirithe a bhaineann le dramhaíl a onnmhairiú infheidhme 3 bliana tar éis an dáta sin. Chun aon bhearna rialála a sheachaint, is gá a áirithiú go leanfaidh forálacha áirithe de Rialachán (CE) Uimh. 1013/2006 d’fheidhm a bheith acu, go dtí an dáta a bheidh feidhm ag na forálacha den rialachán seo a mbaineann cur i bhfeidhm moillithe leo.

(58)Ós rud é nach féidir leis na Ballstáit cuspóirí an Rialacháin seo a ghnóthú go leordhóthanach agus, de bharr a fhairsinge agus a éifeachtaí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú,

TAR ÉIS AN RIALACHÁN SEO A GHLACADH:

Teideal I 
Forálacha Ginearálta

Airteagal 1
Ábhar

Leagtar síos sa Rialachán seo bearta chun an comhshaol agus sláinte an duine a chosaint trí na drochthionchair a d’fhéadfadh teacht as loingsiú dramhaíola a chosc nó a laghdú. Bunaítear leis nósanna imeachta agus córais rialaithe maidir le loingsiú dramhaíola, ag brath ar thionscnamh, ceann scríbe agus bealach an loingsithe, ar chineál an loingsithe a sheolfar agus ar an gcineál cóireála atá le cur i bhfeidhm ar an dramhaíl nuair a bhainfidh sí ceann scríbe amach.

Airteagal 2
Raon feidhme

1.Beidh feidhm ag an Rialachán seo maidir leis an méid seo a leanas:

(a)loingsithe dramhaíola idir na Ballstáit, bíodh idirthuras trí thríú tíortha i gceist nó ná bíodh;

(b)loingsithe dramhaíola a allmhairítear isteach san Aontas ó thríú tíortha;

(c)loingsithe dramhaíola a onnmhairítear ón Aontas chuig tríú tíortha;

(d)loingsithe dramhaíola ar idirthuras tríd an Aontas ar an tslí chuig tríú tíortha nó uathu.

2.Ní bheidh feidhm ag an Rialachán seo maidir leis an méid seo a leanas:

(a)dramhaíl a dhíluchtú ar an gcósta, lena n‑áirítear fuíolluisce agus fuíll a ghintear ó ghnáthoibríocht loinge agus ardán amach ón gcósta, ar choinníoll go mbeidh an dramhaíl sin faoi réir cheanglais an Choinbhinsiúin Idirnáisiúnta um Thruailliú ó Longa a Chosc nó ionstraimí idirnáisiúnta eile atá ceangailteach ó thaobh an dlí;

(b)dramhaíl a ghintear ar bord feithiclí, traenacha, eitleáin agus longa, go dtí an chéad stad, stáisiún, aerfort nó calafort san Aontas ina bhfanfaidh an fheithicil, traein, eitleán nó long ar feadh tréimhse atá fada go leor le gur féidir an dramhaíl a dhíluchtú chun í a chóireáil nó a dhiúscairt;

(c)loingsithe dramhaíola radaighníomhaí a shainmhínítear in Airteagal 5 de Threoir 2006/117/Euratom ón gComhairle 54 ;

(d)seoltaí seachtháirgí ainmhí agus táirgí díorthaithe a shainítear in Airteagal 3(1) agus (2) de Rialachán (CE) Uimh. 1069/2009, seachas seachtháirgí ainmhí nó táirgí díorthaithe atá measctha nó éillithe le dramhaíl a liostaítear mar ghuaiseach í san Iarscríbhinn a ghabhann le Cinneadh 2000/532/CE ón gCoimisiún 55 ;

(e)loingsithe dramhaíola dá dtagraítear in Airteagal 2(1), pointe (e), agus in Airteagal 2(2), pointí (a), (d) agus (e), de Threoir 2008/98/CE, i gcás ina gcumhdaítear na loingsithe sin cheana le reachtaíocht eile de chuid an Aontais;

(f)loingsithe dramhaíola ón Antartach isteach san Aontas atá i gcomhréir le ceanglais an Phrótacail um Chosaint Comhshaoil a ghabhann leis an gConradh Antartach 56 ;

(g)loingsithe CO2 chun críoch stórála geolaíche i gcomhréir le Treoir 2009/31/CE ó Pharlaimint na hEorpa agus ón gComhairle 57 ;

(h)longa faoi bhratach Ballstáit a thagann faoi raon feidhme Rialachán (AE) Uimh. 1257/2013, cé is moite de longa a thiocfaidh chun a bheith ina ndramhaíl i limistéar faoi dhlínse náisiúnta Ballstáit, a bhfuil feidhm ag Airteagal 36, Teideal VII agus Teideal VIII maidir leo;

3.Maidir le hallmhairí dramhaíola a ghineann fórsaí armtha nó eagraíochtaí um fhóirithint i gcásanna oibríochtaí géarchéime, oibríochtaí déanta síochána nó feachtais síochánaíochta i gcás ina seoltar an dramhaíl sin, ag na fórsaí armtha nó na heagraíochtaí um fhóirithint lena mbaineann nó thar a gceann, go díreach nó go hindíreach chuig an tír cinn scríbe, ní bheidh feidhm ach ag Airteagal 48(6) maidir leo.

4.Maidir le loingsithe dramhaíola ón Antartach go tríú tíortha, a théann tríd an Aontas san idirthuras, beidh siad faoi réir Airteagail 36 agus 56.

5.Maidir le loingsithe dramhaíola go heisiach laistigh de Bhallstát, ní bheidh feidhm ach ag Airteagal 33 maidir leo.

Airteagal 3
Sainmhínithe

Chun críocha an Rialacháin seo, tá feidhm ag na sainmhínithe seo a leanas:

(1)ciallaíonn ‘meascán dramhaíola’ dramhaíl a ghintear mar thoradh ar dhá chineál dramhaíola éagsúla nó níos mó a mheascadh, d’aon ghnó nó go neamhthoiliúil, a liostaítear in iontrálacha difriúla in Iarscríbhinní III, IIIB agus IV, nó, i gcás inarb infheidhme, i bhfleascanna difriúla nó fo-fhleascanna difriúla de chuid na n‑iontrálacha sin. Maidir le dramhaíl a sheoltar i loingsiú dramhaíola aonair, ina bhfuil dhá chineál dramhaíola nó níos mó, i gcás ina bhfuil gach cineál dramhaíola ar leithligh, ní meascán dramhaíola é sin;

(2)ciallaíonn ‘diúscairt eatramhach’ aon cheann de chórais diúscartha na dramhaíola faoi D 13 go D 15 dá dtagraítear in Iarscríbhinn I a ghabhann le Treoir 2008/98/CE;

(3)ciallaíonn ‘cóireáil eatramhach’ aon cheann de chórais chóireála na dramhaíola faoi R 12 agus R 13 dá dtagraítear in Iarscríbhinn II a ghabhann le Treoir 2008/98/CE;

(4)ciallaíonn ‘bainistiú ar bhealach atá neamhdhíobhálach don chomhshaol’ gach céim phraiticiúil a ghlacadh chun a áirithiú go ndéanfar dramhaíl a bhainistiú ar bhealach ina ndéanfar sláinte an duine agus an comhshaol a chosaint i gcoinne na n‑éifeachtaí diúltacha a d’fhéadfadh bheith ann mar thoradh ar an dramhaíl sin;

(5)ciallaíonn ‘coinsíní’ an duine nó an gnóthas faoin dlínse náisiúnta de chuid na tíre cinn scríbe lena seoltar an dramhaíl chun an dramhaíl sin a chóireáil nó a dhiúscairt;

(6)ciallaíonn ‘fógróir’:

(a)maidir le loingsiú dramhaíola de thionscnamh Ballstáit, aon duine nádúrtha nó duine dlítheanach faoi dhlínse náisiúnta an Bhallstáit sin a bheartaíonn nó a dhéanann loingsiú dramhaíola agus ar a sanntar an dualgas maidir le fógra a thabhairt, agus a liostaítear thíos:

(i)an táirgeoir dramhaíola bunaidh;

(ii)an táirgeoir dramhaíola nua a dhéanann oibríochtaí sula seolfar an loingsiú,

(iii)bailitheoir a bhfuil an loingsiú dramhaíola bailithe le chéile aige nó aici agus a bhfuil le tosú ó shuíomh aonair fógartha, ó chainníochtaí beaga éagsúla den chineál céanna dramhaíola arna mbailiú ó fhoinsí éagsúla;

(iv)déileálaí nó bróicéir ag gníomhú thar ceann aon cheann de na catagóirí a shonraítear i bpointí (i), (ii) nó (iii);

(v)i gcás ina bhfuil gach ceann de na daoine a shonraítear thuas anaithnid nó dócmhainneach, sealbhóir na dramhaíola;

(b)maidir le dramhaíl a allmhairiú isteach san Aontas, nó é a iompar tríd an Aontas, ar dramhaíl nach de thionscnamh Ballstáit í, aon cheann de na daoine nádúrtha nó na daoine dlítheanacha seo a leanas faoi dhlínse náisiúnta na tíre seolta a bheartaíonn nó a dhéanann loingsiú dramhaíola nó a bhfuil rún aige loingsiú dramhaíola a dhéanamh nó a rinne loingsiú dramhaíola:

(i)an duine a ainmnítear le dlí na tíre seolta;

(ii)in éagmais duine a ainmnítear le dlí na tíre seolta, sealbhóir na dramhaíola an tráth a rinneadh an t‑onnmhairiú;

(7)ciallaíonn ‘bailitheoir’ aon duine nádúrtha nó duine dlítheanach a dhéanann dramhaíl a bhailiú mar a shainmhínítear in Airteagal 3, pointe (10) de Threoir 2008/98/CE.

(8)ciallaíonn ‘údarás inniúil’:

(a)i gcás Ballstáit, an comhlacht arna ainmniú ag an mBallstát lena mbaineann i gcomhréir le hAirteagal 71;

(b)i gcas tríú tír is páirtí i gCoinbhinsiún Basel an 22 Márta 1989 maidir le rialú gluaiseachtaí trasteorann dramhaíola guaisí agus lena ndiúscairt (‘Coinbhinsiún Basel’);, an comhlacht arna ainmniú ag an tír sin mar an t‑údarás inniúil chun críocha Choinbhinsiún Basel i gcomhréir le hAirteagal 5 de;

(c)i gcás aon tír nach dtagraítear di i bpointe (a) nó pointe (b), an comhlacht arna ainmniú mar an t‑údarás inniúil ag an tír nó an réigiún lena mbaineann nó, in éagmais ainmniúchán den sórt, an t‑údarás rialaitheach le haghaidh na tíre nó an réigiúin, de réir mar is iomchuí, a bhfuil dlínse aici nó aige maidir le loingsithe dramhaíola lena gcóireáil nó a lena ndiúscairt, nó lena n‑idirthuras, de réir mar a bheidh;

(9)ciallaíonn ‘an t‑údarás inniúil seolta’ an t‑údarás inniúil le haghaidh an limistéir ina mbeartaítear an loingsiú dramhaíola a thionscnamh, nó ina dtionscnaítear é;

(10)ciallaíonn ‘an t‑údarás inniúil cinn scríbe’ an t‑údarás inniúil le haghaidh an limistéir ag a bheartaítear an loingsiú dramhaíola a dhéanamh nó ag a dhéantar an loingsiú dramhaíola, nó ina luchtaítear dramhaíl sula ndéantar í a chóireáil nó a dhiúscairt i limistéar nach bhfuil faoi dhlínse náisiúnta de chuid tír ar bith;

(11)ciallaíonn ‘an t‑údarás inniúil idirthurais’ an t‑údarás inniúil le haghaidh tír ar bith, seachas tír an údaráis inniúil seolta agus tír an údaráis inniúil cinn scríbe, trína mbeartaítear an loingsiú dramhaíola a dhéanamh nó trína ndéantar é;

(12)ciallaíonn ‘tír seolta’ aon tír óna mbeartaítear loingsiú dramhaíola a thionscnamh nó óna dtionscnaítear é;

(13)ciallaíonn ‘tír cinn scríbe’ aon tír a mbeartaítear loingsiú dramhaíola a dhéanamh chuici nó ina ndéantar loingsiú dramhaíola lena gcóireáil nó lena ndiúscairt inti, nó d’fhonn luchtú a dhéanamh sula ndéantar an chóireáil nó an diúscairt i limistéar nach bhfuil faoi dhlínse náisiúnta tír ar bith;

(14)ciallaíonn ‘tír idirthurais’ aon tír, seachas an tír seolta nó an tír cinn scríbe, trína mbeartaítear loingsiú dramhaíola a dhéanamh nó trína ndéantar é;

(15)ciallaíonn ‘limistéar faoi dhlínse náisiúnta tíre’ aon limistéar talún nó limistéar muirí ina bhfuil freagracht riarthach agus freagracht rialaitheach á bhfeidhmiú ag stát i gcomhréir le dlí idirnáisiúnta maidir le sláinte an duine agus an comhshaol a chosaint;

(16)ciallaíonn ‘tíortha agus críocha thar lear’ na tíortha agus na críocha a liostaítear in Iarscríbhinn II a ghabhann leis an gConradh;

(17)ciallaíonn ‘oifig custaim onnmhairithe’ oifig custaim onnmhairithe mar a shainmhínítear in Airteagal 1, pointe (16), de Rialachán Tarmligthe (AE) 2015/2446 ón gCoimisiún 58 ;

(18)ciallaíonn ‘oifig custaim imeachta’ oifig custaim imeachta mar a chinntear i gcomhréir le hAirteagal 329 de Rialachán Cur Chun Feidhme (AE) 2015/2447 ón gCoimisiún 59 ;

(19)ciallaíonn ‘oifig custaim iontrála’ oifig custaim na céadiontrála mar a shainmhínítear in Airteagal 1, pointe (15), de Rialachán Tarmligthe (AE) 2015/2446 ;

(20)ciallaíonn ‘allmhaire’ aon dramhaíl a thagann isteach san Aontas ach ní áirítear ann idirthuras tríd an Aontas;

(21)ciallaíonn ‘onnmhaire’ aon dramhaíl a fhágann an tAontas ach ní áirítear ann idirthuras tríd an Aontas;

(22)ciallaíonn ‘idirthuras’ loingsiú dramhaíola nó loingsiú dramhaíola beartaithe trí thír amháin nó níos mó seachas an tír seolta ná an tír cinn scríbe;

(23)ciallaíonn ‘iompar’ dramhaíl a iompar de bhóthar, d’iarnród, d’aer, d’fharraige nó d’uiscebhealach intíre;

(24)ciallaíonn ‘loingsiú’ iompar dramhaíola a bheidh le cóireáil nó le diúscairt ó phointe an luchtaithe go dtí go ndéanfar an dramhaíl a chóireáil nó a dhiúscairt sa tír cinn scríbe, atá beartaithe lena dhéanamh, nó a dhéantar:

(a)idir tír agus tír eile;

(b)idir tír agus tíortha agus críocha thar lear nó limistéir eile, faoi chosaint na chéad tíre sin;

(c)idir tír agus aon limistéar geografach nach bhfuil ina chuid de thír ar bith faoin dlí idirnáisiúnta;

(d)idir tír agus an tAntartach;

(e)ó thír amháin trí aon cheann de na limistéir dá dtagraítear i bpointí (a) go (d);

(f)laistigh de thír, trí aon cheann de na limistéir dá dtagraítear i bpointí (a) go (d), agus atá de thionscnamh agus a chríochnaíonn in aon tír amháin; nó

(g)ó limistéar geografach nach bhfuil faoi dhlínse náisiúnta de chuid tír ar bith, chuig tír;

(25)ciallaíonn ‘loingsiú neamhdhleathach’ aon loingsiú dramhaíola a dhéantar:

(a)gan fógra a thabhairt do na húdaráis inniúla lena mbaineann de bhun an Rialacháin seo;

(b)gan toiliú ó na húdaráis inniúla lena mbaineann de bhun an Rialacháin seo;

(c)le toiliú arna fháil ó na údaráis inniúla lena mbaineann de bhun an Rialacháin seo trí bhíthin brionnú, mífhaisnéis nó calaois;

(d)ar bhealach nach bhfuil i gcomhréir leis an bhfaisnéis atá sna doiciméid fhógartha nó sna doiciméid ghluaiseachta;

(e)ar bhealach arb é an toradh a bheidh ann cóireáil nó diúscairt a sháraíonn rialacha an Aontais nó rialacha idirnáisiúnta;

(f)contrártha d’Airteagail 11, 34, 36, 37, 42, 44, 45, 46 nó 47;

(g)ar bhealach arb é an toradh a bheidh ann, i ndáil le loingsithe dramhaíola dá dtagraítear in Airteagal 4(3) agus (5), aon cheann de na nithe seo a leanas:

(i)nach liostaítear an dramhaíl in Iarscríbhinn III, Iarscríbhinn IIIA nó Iarscríbhinn IIIB,

(ii)neamhchomhlíonadh Airteagal 4(5),

(iii)neamhchomhlíonadh Airteagal 18;

(26)ciallaíonn ‘cigireacht’ gníomhaíocht arna déanamh ag údarás chun a fháil amach an gcomhlíonann bunaíocht, gnóthas, bróicéir, déileálaí, loingsiú dramhaíola nó an chóireáil nó an diúscairt ghaolmhar na ceanglais a leagtar amach sa Rialachán seo;

(27)ciallaíonn ‘ord na réiteach dramhaíola’ ord na réiteach dramhaíola dá dtagraítear in Airteagal 4 de Threoir 2008/98/CE.

Thairis sin, beidh feidhm ag na sainmhínithe maidir le ‘dramhaíl’, ‘dramhaíl ghuaiseach’, ‘cóireáil’, ‘diúscairt’, ‘córas cóireála’, ‘ullmhú le haghaidh athúsáide’, ‘athúsáid’, ‘athchúrsáil’, ‘táirgeoir dramhaíola’, ‘sealbhóir na dramhaíola’, ‘déileálaí’ agus ‘bróicéir’ a leagtar síos in Airteagal 3, pointí (1), (2), (14), (19), (15), (16), (13), (17), (5), (6), (7) agus (8) faoi seach de Threoir 2008/98/CE.

Teideal II 
Loingsithe laistigh den Aontas bíodh idirthuras trí thríú tíortha i gceist nó ná bíodh

Airteagal 4
Creat nós imeachta foriomlán

1.Tá toirmeasc ar loingsithe gach cineál dramhaíola a bheidh le diúscairt, ach amháin i gcás údarú sainráite i gcomhréir le hAirteagal 11. Chun údarú a fháil i gcomhréir le hAirteagal 11 maidir le loingsiú dramhaíola a bheidh le diúscairt, beidh feidhm ag an nós imeachta um réamhfhógra agus réamhthoiliú i scríbhinn a leagtar síos i gCaibidil 1.

2.Beidh feidhm ag an nós imeachta um réamhfhógra agus réamhthoiliú i scríbhinn a leagtar síos i gCaibidil 1 maidir le loingsithe na gcineálacha dramhaíola seo a leanas atá ceaptha le haghaidh córais chóireála:

(a)dramhaíl a liostaítear in Iarscríbhinn IV;

(b)dramhaíl nach n‑aicmítear faoi phointe iontrála amháin aonair in Iarscríbhinn III, Iarscríbhinn IIIB ná Iarscríbhinn IV;

(c)meascáin dramhaíola, mura liostaítear iad in Iarscríbhinn IIIA.

3.Beidh loingsithe na gcineálacha dramhaíola seo a leanas a bheidh le cóireáil faoi réir na gceanglas faisnéise ginearálta a leagtar síos in Airteagal 18, más rud é gur mó ná 20 kg an méid a sheoltar:

(a)dramhaíl a liostaítear in Iarscríbhinn III nó Iarscríbhinn IIIB;

(b)meascáin dramhaíola, ar choinníoll nach ndéanfaidh comhdhéanamh na meascán sin dochar dá gcóireáil ar bhealach atá neamhdhíobhálach don chomhshaol, agus ar choinníoll go liostaítear na meascáin sin in Iarscríbhinn IIIA.

4.Maidir le loingsithe dramhaíola atá ceaptha go sainráite le haghaidh anailíse saotharlainne nó tástálacha cóireála turgnamhacha chun measúnú a dhéanamh ar a saintréithe fisiceacha nó ceimiceacha nó chun a n‑oiriúnacht le haghaidh córais chóireála nó diúscartha na dramhaíola a chinneadh, beidh siad faoi réir na gceanglas faisnéise ginearálta a leagtar síos in Airteagal 18 i gcás go gcomhlíontar gach ceann de na coinníollacha seo a leanas:

(a)ní mó méid na dramhaíola ná an chainníocht atá ag teastáil go réasúnta chun an anailís nó an tástáil a dhéanamh i ngach cás ar leith;

(b)ní mó méid na dramhaíola ná 150 kg ná aon mhéid níos mó ná sin a chomhaontaítear ar bhonn cás ar chás ag na húdaráis inniúla lena mbaineann agus ag an bhfógróir.

5.Beidh feidhm ag mír 2 maidir le loingsithe dramhaíola de dhramhaíl mheasctha chathrach arna mbailiú ó theaghlaigh phríobháideacha, ó tháirgeoirí dramhaíola eile nó ón dá dhream, chomh maith le dramhaíl mheasctha chathrach a ndearnadh córas cóireála dramhaíola uirthi ach nár athraíodh a hairíonna go substaintiúil, i gcás go bhfuil an dramhaíl sin ceaptha le haghaidh córais chóireála. Cuirfear toirmeasc ar loingsithe dramhaíola den chineál sin a bheidh le diúscairt.

Caibidil 1
Réamhfhógra agus réamhthoiliú i scríbhinn

Airteagal 5
Fógra

1.Ní cheadaítear ach d’fhógróirí a bhfuil ceadúnas faighte acu nó atá cláraithe i gcomhréir le Caibidil IV de Threoir 2008/98/CE réamhfhógra i scríbhinn (‘fógra’) a chur isteach.

I gcás ina mbeartaíonn na fógróirí sin dramhaíl dá dtagraítear in Airteagal 4(1) nó (2) a loingsiú, cuirfidh siad fógra isteach chuig gach údarás inniúil lena mbaineann.

I gcás ina gcuirfidh na fógróirí sin fógra ginearálta isteach maidir le roinnt loingsithe dá dtagraítear in Airteagal 13, comhlíonfaidh siad na ceanglais a leagtar síos san Airteagal sin freisin.

I gcás ina mbeidh loingsiú ceaptha dul chuig saoráid réamhthoilithe de bhun Airteagal 14, beidh feidhm ag na ceanglais nós imeachta i míreanna 6, 8, agus 9 den Airteagal sin.

2.Beidh na doiciméid seo a leanas san fhógra:

(a)an doiciméad fógartha a leagtar amach in Iarscríbhinn IA (an ‘doiciméad fógartha’);

(b)an doiciméad gluaiseachta a leagtar amach in Iarscríbhinn IB (an ‘doiciméad gluaiseachta’).

Soláthróidh an fógróir an fhaisnéis sa doiciméad fógartha agus, nuair a bheidh sí ar fáil, an fhaisnéis sa doiciméad gluaiseachta.

I gcás nach é táirgeoir dramhaíola bunaidh an fógróir dá dtagraítear in Airteagal 3, pointe (6)(a)(i), áiritheoidh an fógróir go síneoidh an táirgeoir dramhaíola bunaidh nó ceann de na daoine a luaitear in Airteagal 3, pointe 6(a)(ii) nó (iii) an doiciméad fógartha freisin.

3.Beidh an fhaisnéis agus an doiciméadacht mar a liostaítear i gCuid 1 d’Iarscríbhinn II sa doiciméad fógartha nó san iarscríbhinn a ghabhann leis. Beidh an fhaisnéis agus an doiciméadacht dá dtagraítear i gCuid 2 d’Iarscríbhinn II sa doiciméad gluaiseachta nó san iarscríbhinn a ghabhann leis nuair a bheidh sin ar fáil.

4.Measfar go ndearnadh fógra mar is gceart nuair is deimhin leis an údarás inniúil seolta gur líonadh an doiciméad fógartha agus an doiciméad gluaiseachta i gcomhréir le mír 3.

5.I gcás ina n‑iarrann aon cheann de na húdaráis inniúla é, soláthróidh fógróir faisnéis agus doiciméadacht bhreise. Leagtar amach i gCuid 3 d’Iarscríbhinn II liosta d’fhaisnéis agus doiciméadacht bhreise a bhféadfar a iarraidh.

Measfar gur líonadh fógra mar is gceart nuair is deimhin leis an údarás inniúil cinn scríbe gur líonadh an doiciméid fógartha agus an doiciméad gluaiseachta a ndearnadh mar is gceart i gcomhréir le mír 3 le haon fhaisnéis agus doiciméadacht bhreise mar a liostaítear i gCuid 3 d’Iarscríbhinn II.

6.Déanfar fianaise maidir le conradh arna thabhairt i gcrích i gcomhréir le hAirteagal 6 nó dearbhú lena ndeimhnítear gurb ann dó i gcomhréir le hIarscríbhinn IA a sholáthar chuig na húdaráis inniúla lena mbaineann an tráth a thugtar an fógra.

7.Déanfar dearbhú gur bunaíodh ráthaíocht airgeadais nó árachas coibhéiseach i gcomhréir le hAirteagal 7 a sholáthar ag an bhfógróir tríd an gcuid iomchuí den doiciméad fógartha a líonadh isteach.

Maidir leis an ráthaíocht airgeadais nó an t‑árachas coibhéiseach dá dtagraítear in Airteagal 7 nó, i gcás ina bhformheasfaidh na húdaráis inniúla lena mbaineann, dearbhú lena ndeimhnítear gurb ann dó i gcomhréir le hIarscríbhinn IA, soláthrófar í nó é chuig na húdaráis inniúla lena mbaineann mar chuid den doiciméad fógartha an tráth a thugtar an fógra.

De mhaolú ar an gcéad fhomhír, féadfar an fhianaise dá dtagraítear san fhomhír sin, i gcás ina gceadóidh na húdaráis inniúla lena mbaineann déanamh amhlaidh, ar an bhfógra sin a bheith tugtha, ach ar a dhéanaí sula dtosófar an loingsiú.

8.Leis an bhfógra cumhdaítear an loingsiú dramhaíola óna áit seolta bunaidh agus áirítear ann a cóireáil nó a diúscairt eatramhach nó neamheatramhach.

I gcás ina ndéantar córais eatramhacha nó neamheatramhacha chóireála nó diúscartha na dramhaíola i dtír seachas an chéad tír cinn scríbe, léireofar an córas neamheatramhach dramhaíola agus a cheann scríbe san fhógra agus beidh feidhm le hAirteagal 15(6).

Ní chumhdaítear ach cód céannachta dramhaíola amháin le haghaidh gach fógra. Thairis sin, i gcás nach n‑aicmítear dramhaíl faoi iontráil aonair amháin in Iarscríbhinn III, Iarscríbhinn IIIB nó Iarscríbhinn IV, ní chumhdaítear ach cód céannachta dramhaíola amháin le haghaidh gach fógra.

Thairis sin, i gcás nach n‑aicmítear meascáin dramhaíola faoi iontráil aonair amháin in Iarscríbhinn III, Iarscríbhinn IIIB nó Iarscríbhinn IV ach go liostaítear iad in Iarscríbhinn IIIA, déanfar cód gach coda den dramhaíl a shonrú de réir a dtábhachta.

Airteagal 6
Conradh

1.Beidh gach loingsiú dramhaíola a bhfuil fógra ag teastáil ina leith faoi réir an cheanglais go dtabharfar an conradh idir an fógróir agus an coinsíní i gcrích maidir le cóireáil nó diúscairt na dramhaíola faoina dtugtar fógra.

2.Beidh an conradh tugtha i gcrích agus éifeacht leis an tráth a thugtar an fógra agus ar feadh fad an loingsithe go dtí go n‑eiseofar deimhniú i gcomhréir le hAirteagal 15(5), Airteagal 16(4), nó, i gcás inarb iomchuí, Airteagal 15(4).

3.Áireofar na hoibleagáidí seo a leanas sa chonradh:

(a)oibleagáid ar an bhfógróir chun an dramhaíl a thabhairt ar ais i gcás nár críochnaíodh an loingsiú nó an chóireáil nó an diúscairt mar a beartaíodh nó i gcás go ndearnadh é mar loingsiú neamhdhleathach, i gcomhréir le hAirteagal 22 agus Airteagal 24(2);

(b)oibleagáid ar an gcoinsíní chun an dramhaíl a chóireáil nó a dhiúscairt más rud é go ndearnadh é mar loingsiú neamhdhleathach, i gcomhréir le hAirteagal 24(4);

(c)oibleagáid ar an tsaoráid inar cóireáladh nó inar diúscraíodh an dramhaíl, chun a sholáthar, i gcomhréir le hAirteagal 16(4), deimhniú go ndearnadh an dramhaíl a chóireáil nó a dhiúscairt, i gcomhréir leis an bhfógra agus leis na coinníollacha a shonraítear san fhógra agus le ceanglais an Rialacháin seo.

4.I gcás ina mbeidh an dramhaíl a sheoltar ceaptha le haghaidh córais eatramhacha cóireála nó diúscartha na dramhaíola, áireofar na hoibleagáidí breise seo a leanas sa chonradh:

(a)ar an gcoinsíní chun a sholáthar, i gcomhréir le hAirteagal 15(4) agus, i gcás inarb iomchuí, Airteagal 15(5), an deimhniú/na deimhnithe ón tsaoráid nó ó na saoráidí atá i mbun chórais neamheatramhacha cóireála nó diúscartha na dramhaíola, go ndearnadh an dramhaíl go léir a bhfuarthas i gcomhréir leis an bhfógra agus leis na coinníollacha san fhógra agus le ceanglais an Rialacháin seo a chóireáil nó a dhiúscairt, agus sonróidh sé/sí i gcás inarb iomchuí cainníocht agus cineál na dramhaíola a bheidh cumhdaithe le gach deimhniú;

(b)ar an gcoinsíní, i gcás inarb infheidhme, fógra a chur isteach chuig údarás inniúil bunaidh na tíre seolta bunaidh i gcomhréir le hAirteagal 15(6), pointe (b).

5.I gcás ina ndéantar an dramhaíl a loingsiú idir dhá bhunaíocht faoi rialú an eintitis dhlítheanaigh chéanna, féadfar an conradh dá dtagraítear i mír 1 a ionadú le dearbhú ón eintiteas dlítheanach sin. Cumhdaítear na hoibleagáidí dá dtagraítear i mír 3 leis an dearbhú sin.

Airteagal 7
Ráthaíocht airgeadais nó árachas coibhéiseach

1.Beidh gach loingsiú dramhaíola a bhfuil fógra ag teastáil ina leith faoi réir ceanglas ráthaíochta airgeadais nó árachas coibhéiseach, lena gcumhdaítear na costais seo a leanas:

(a)costais iompair;

(b)costais chóireála nó costais diúscartha, lena n‑áirítear aon chóras eatramhach atá ag teastáil;

(c)costais stórála ar feadh 90 lá.

2.Cumhdaítear na costais a thagann chun cinn i gcomhthéacs na gcásanna seo a leanas leis an ráthaíocht airgeadais nó an t‑árachas coibhéiseach:

(a)cásanna nach féidir loingsiú nó an chóireáil nó an diúscairt a chríochnú mar a beartaíodh, dá dtagraítear in Airteagal 22;

(b)cásanna ina bhfuil loingsiú nó an chóireáil nó an diúscairt neamhdhleathach, dá dtagraítear in Airteagal 24.

3.Maidir leis an ráthaíocht airgeadais nó an t‑árachas coibhéiseach, déanfaidh an fógróir é nó ag duine nádúrtha eile nó duine dlítheanach eile thar a cheann nó thar a ceann agus beidh éifeacht leis an tráth a thugtar an fógra nó, i gcás ina dtugann an t‑údarás inniúil a fhormheasann an ráthaíocht airgeadais nó an t‑árachas coibhéiseach cead déanamh amhlaidh, nuair a thosófar an loingsiú ar a dhéanaí. Beidh feidhm ag an ráthaíocht airgeadais nó an t‑árachas coibhéiseach maidir leis an loingsiú faoina dtugtar fógra nuair a thosófar an loingsiú ar a dhéanaí.

4.Déanfaidh an t‑údarás inniúil seolta an ráthaíocht airgeadais nó an t‑árachas coibhéiseach a fhormheas, lena n‑áirítear foirm, foclaíocht agus méid an chumhdaigh.

I gcásanna allmhaire isteach san Aontas, déanfaidh an t‑údarás inniúil cinn scríbe san Aontas méid an chumhdaigh a athbhreithniú freisin agus, más gá, ráthaíocht airgeadais nó árachas coibhéiseach breise a fhormheas.

5.Beidh an ráthaíocht airgeadais nó an t‑árachas coibhéiseach bailí ar feadh an loingsithe faoina dtugtar fógra agus chur i gcrích chóireáil nó dhiúscairt na dramhaíola faoina dtugtar fógra agus cumhdófar iad leis an céanna.

Scaoilfear an ráthaíocht airgeadais nó an t‑árachas coibhéiseach nuair a gheobhaidh an t‑údarás inniúil lena mbaineann an deimhniú dá dtagraítear in Airteagal 16(4) nó, i gcás inarb iomchuí, an deimhniú dá dtagraítear in Airteagal 15(5) a mhéid a bhaineann le córais eatramhacha chóireála nó diúscartha na dramhaíola.

6.De mhaolú ar mhír 5, i gcás ina mbeidh an dramhaíl a loingsítear ceaptha le haghaidh córais eatramhacha chóireála nó diúscartha na dramhaíola agus go ndéanfar córas cóireála nó diúscartha na dramhaíola breise sa tír cinn scríbe, féadfar an ráthaíocht airgeadais nó an t‑árachas coibhéiseach a scaoileadh nuair a fhágfaidh an dramhaíl an tsaoráid eatramhach agus nuair a gheobhaidh an t‑údarás inniúil lena mbaineann an deimhniú dá dtagraítear in Airteagal 16(4). Sa chás sin, déanfar aon loingsiú dramhaíola breise chuig saoráid chóireála nó saoráid diúscartha a chumhdach ag ráthaíocht airgeadais nua nó ag árachas coibhéiseach nua murar deimhin leis an údarás inniúil nach bhfuil gá leis an ráthaíocht airgeadais nó an t‑árachas coibhéiseach sin. Sna himthosca sin, beidh an t‑údarás inniúil cinn scríbe freagrach maidir le hoibleagáidí a thagann chun cinn i dtaca le cás glacadh ar ais nuair nach féidir an loingsiú dramhaíola nó córas cóireála nó diúscartha na dramhaíola a chríochnú mar a beartaíodh, dá dtagraítear in Airteagal 22, nó i gcás loingsiú neamhdhleathach, dá dtagraítear in Airteagal 24.

7.Beidh rochtain ag an údarás inniúil laistigh den Aontas a d’fhormheas an ráthaíocht airgeadais nó an t‑árachas coibhéiseach ar an ráthaíocht nó an t‑árachas sin agus bainfidh sé leas as maoiniú, lena n‑áirítear chun na críche íocaíochtaí a dhéanamh leis na húdaráis eile lena mbaineann, chun na hoibleagáidí a thagann chun cinn i gcomhréir le hAirteagail 23 agus 25 a chomhlíonadh.

8.I gcás fógra ginearálta de bhun Airteagal 13, féadfar ráthaíocht airgeadais nó árachas coibhéiseach lena gcumhdaítear codanna den fhógra ginearálta a bhunú, seachas ceann lena gcumhdaítear an fógra ginearálta foriomláin. I gcásanna den sórt, beidh feidhm ag an ráthaíocht airgeadais nó an t‑árachas coibhéiseach maidir leis an loingsiú faoina dtugtar fógra a chumhdaítear leis ag tús an loingsithe sin.

9.Scaoilfear an ráthaíocht airgeadais nó an t‑árachas coibhéiseach dá dtagraítear i mír 1 nuair a gheobhaidh an t‑údarás inniúil lena mbaineann deimhniú dá dtagraítear in Airteagal 16(4) nó, i gcás inarb iomchuí, in Airteagal 15(5) a mhéid a bhaineann le córais eatramhacha cóireála nó diúscartha na dramhaíola. Beidh feidhmmutatis mutandis ag mír 6.

10.Déanfaidh an Coimisiún, ar a dhéanaí faoin [Oifig na bhFoilseachán: Cuir isteach an dáta a bheidh ann 2 bhliain tar éis don Rialachán seo a theacht i bhfeidhm], measúnú ar an indéantacht modh ríofa comhchuibhithe a bhunú chun méid na ráthaíochtaí airgeadais nó na n‑árachas coibhéiseach a chinneadh agus, i gcás inarb iomchuí, gníomh cur chun feidhme a ghlacadh chun an modh ríofa comhchuibhithe a bhunú. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

Agus an measúnú dá dtagraítear sa chéad fhomhír á dhéanamh ag an gCoimisiún, cuirfidh sé san áireamh, inter alia, rialacha ábhartha na mBallstát maidir leis an ráthaíocht airgeadais nó an t‑árachas coibhéiseach dá dtagraítear san Airteagal seo a ríomh.

Airteagal 8
Iarrataí ar fhaisnéis agus doiciméadacht arna ndéanamh ag na húdaráis inniúla lena mbaineann

1.Más rud é nach ndéantar an fógra mar is gceart dá dtagraítear in Airteagal 5(4), iarrfaidh an t‑údarás inniúil seolta faisnéis agus doiciméadacht ón bhfógróir i gcomhréir le hAirteagal 5(3).

Seolfar an iarraidh ar fhaisnéis agus doiciméadacht dá dtagraítear sa chéad fhomhír chuig an fógróir laistigh de 3 lá oibre tar éis an fógra a chur isteach.

2.Soláthróidh an fógróir an fhaisnéis agus an doiciméadacht dá dtagraítear i mír 1 laistigh de 7 lá oibre tar éis na hiarrata ón údarás inniúil seolta.

3.I gcás ina measfaidh an t‑údarás inniúil seolta nach ndearnadh an fógra mar is gceart go fóill mar a thagraítear in Airteagal 5(3) tar éis an fhaisnéis agus an doiciméadacht a iarradh a chur leis an bhfógra, nó i gcás nár soláthraíodh aon fhaisnéis ag an bhfógróir de bhun mhír 2, cinnfidh sé nach mbeidh an fógra bailí agus ní dhéanfar tuilleadh próiseála air.

Cuirfidh an t‑údarás inniúil seolta an fógróir agus na húdaráis inniúla lena mbaineann ar an eolas maidir leis an gcinneadh dá dtagraítear sa chéad fhomhír, laistigh de 7 lá tar éis an fhaisnéis agus an doiciméadacht a iarradh a chur leis an bhfógra nó i gcás nár soláthraíodh aon fhaisnéis don fhógróir de bhun mhír 2.

4.I gcás ina ndearnadh an fógra mar is gceart dá dtagraítear in Airteagal 5(3), cuirfidh an t‑údarás inniúil seolta an fógróir agus na húdaráis inniúla ar an eolas faoin méid sin láithreach.

I gcás ina measfaidh aon cheann de na húdaráis inniúla lena mbaineann go mbeidh faisnéis nó doiciméadacht bhreise ag teastáil chun an fógra dá dtagraítear in Airteagal 5(4) a chríochnú, déanfaidh sé, laistigh de 3 lá oibre tar éis an fhaisnéis dá dtagraítear sa chéad fhomhír a fháil, an fhaisnéis nó an doiciméadacht sin a iarraidh ón bhfógróir agus na húdaráis inniúla eile a chur ar an eolas maidir leis an iarraidh sin.

5.Soláthróidh an fógróir an fhaisnéis agus an doiciméadacht dá dtagraítear i mír 4 laistigh de 7 lá oibre tar éis na hiarrata ón údarás inniúil lena mbaineann.

I gcás ina measfaidh aon cheann de na húdaráis inniúla nár críochnaíodh an fógra go fóill, nó i gcás nár soláthraíodh an fógróir an fhaisnéis a iarraidh, laistigh den spriocdháta a leagtar amach sa chéad fhomhír, déanfaidh an t‑údarás inniúil lena mbaineann, laistigh de 3 lá oibre tar éis don sprioc‑am a leagtar amach sa chéad fhomhír dul in éag, cinneadh nach bhfuil an fógra bailí agus ní dhéanfar tuilleadh próiseála air.

Mura mbeidh aon chinneadh mar a thagraítear sa dara fomhír glactha laistigh den sprioc-am a leagadh amach, measfar go mbeidh an fógra críochnaithe.

Cuirfidh an t‑údarás inniúil lena mbaineann an fógróir agus na húdaráis inniúla eile lena mbaineann ar an eolas maidir leis an gcinneadh dá dtagraítear sa dara fomhír.

6.Más rud é, laistigh de 30 lá tar éis an fógra a chur isteach, nár ghníomhaigh an t‑údarás inniúil seolta i gcomhréir le mír 3 nó mír 4, an chéad fhomhír, soláthróidh sé an fógróir le míniúchán réasúnaithe arna iarraidh sin.

Más rud é, laistigh de 30 lá tar éis an fógra a chur isteach, nár ghníomhaigh údarás inniúil faoi mhír 4, an dara fhomhír, nó mír 5, agus nár thoiligh sé le loingsiú dramhaíola de bhun Airteagal 11(2) nó go ndearna sé agóid maidir le loingsiú dramhaíola de bhun Airteagal 12 ar chúiseanna a bhaineann leis an bhfógra gan a bheith críochnaithe mar a thagraítear in Airteagal 5(4), soláthróidh sé an fógróir le míniúchán réasúnaithe arna iarraidh sin.

Airteagal 9
Toilithe ó na húdaráis inniúla agus tréimhsí maidir le hiompar, cóireáil nó diúscairt

1.Déanfaidh na húdaráis inniúla cinn scríbe, na húdaráis inniúla seolta agus na údaráis inniúla idirthurais, laistigh de 30 lá tar éis an fógra a chur isteach, ceann de na cinntí réasúnaithe seo a leanas a ghlacadh maidir leis an loingsiú faoina dtugtar fógra:

(a)toiliú gan choinníollacha;

(b)toiliú le coinníollacha i gcomhréir le hAirteagal 10;

(c)agóidí i gcomhréir le hAirteagal 12.

Féadfar toiliú intuigthe ó na húdaráis inniúla seolta agus na húdaráis inniúla idirthurais a mheas mura ndéanfar agóid a thaisceadh laistigh den teorainn ama 30 lá dá dtagraítear sa chéad fhomhír. Beidh an toiliú intuigthe sin bailí ar feadh na tréimhse dá dtagraítear sa toiliú i scríbhinn arna thabhairt ag an údarás inniúil cinn scríbe.

2.Déanfaidh na húdaráis inniúla cinn scríbe agus, i gcás inarb iomchuí, na húdaráis inniúla seolta agus na údaráis inniúla idirthurais, a gcinneadh agus na cúiseanna leis sin a tharchur chuig an fógróir laistigh den teorainn ama 30 lá dá dtagraítear i mír 1. Beidh an cinneadh sin ar fáil do gach údarás inniúil lena mbaineann.

Más rud é, laistigh de 30 lá tar éis an fógra a chur isteach, nach ndearna an t‑údarás inniúil cinn scríbe cinneadh faoi mhír 1, soláthróidh sé an fógróir le míniúchán réasúnaithe arna iarraidh sin.

3.Rachaidh toiliú i scríbhinn maidir le loingsiú dramhaíola beartaithe in éag ar an dáta is déanaí mar a léirítear sa doiciméad fógartha. Ní chumhdaítear leis tréimhse níos faide ná 1 bhliain féilire nó aon tréimhse níos lú ná sin mar a léirítear sa chinneadh ó na húdaráis inniúla lena mbaineann.

4.Ní féidir an loingsiú ata beartaithe a dhéanamh ach amháin tar éis na ceanglais a leagtar amach in Airteagal 16(1), pointí (a) agus (b) a chomhlíonadh, agus le linn thréimhse bhailíochta an toilithe intuigthe nó an toilithe i scríbhinn de chuid na n‑údarás inniúil lena mbaineann. Beidh an tír seolta fágtha ag loingsiú faoi dheireadh thréimhse bhailíochta na dtoilithe intuigthe nó na dtoilithe i scríbhinn de chuid na n‑údarás inniúil lena mbaineann.

5.Déanfar cóireáil nó diúscairt na dramhaíola i ndáil leis an loingsiú atá beartaithe a chríochnú tráth nach déanaí ná 1 bhliain féilire tar éis fháil na dramhaíola ag an tsaoráid ina ndéantar an dramhaíl a seoladh a chóireáil nó a dhiúscairt, mura rud é go luaitear tréimhse níos lú ná sin ag na húdaráis inniúla lena mbaineann ina gcinneadh.

6.Déanfaidh na húdaráis inniúla lena mbaineann a dtoiliú intuigthe nó a dtoiliú i scríbhinn a tharraingt siar i gcás ina mbeidh eolas acu ar aon cheann de na nithe seo a leanas:

(a)níl comhdhéanamh na dramhaíola mar a fógraíodh faoi;

(b)ní dhearnadh na coinníollacha a fhorchuirtear ar an loingsiú a urramú;

(c)ní dhearnadh an dramhaíl a chóireáil nó a dhiúscairt i gcomhréir le cead na saoráide ina ndéantar córas cóireála nó diúscartha na dramhaíola;

(d)seoladh, cóireáladh nó diúscraíodh an dramhaíl, nó tá sí lena loingsiú, lena cóireáil nó lena diúscairt ar bhealach nach bhfuil i gcomhréir leis an bhfaisnéis a sholáthraítear sna doiciméid fógartha agus ghluaiseachta nó atá i gceangal leo.

7.Déanfaidh aon tarraingt siar toilithe a tharchur trí bhíthin fógra foirmiúil chuig an bhfógróir, na húdaráis inniúla lena mbaineann agus an coinsíní.

Airteagal 10
Coinníollacha maidir le loingsiú dramhaíola

1.Féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníollacha a leagan síos le haghaidh a dtoilithe maidir le loingsiú faoina dtugtar fógra. Déanfar na coinníollacha sin a bhunú ar cheann amháin nó níos mó de na forais a liostaítear in Airteagal 12.

2.Chomh maith leis sin, féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníollacha a leagan síos maidir le dramhaíl a iompar laistigh dá ndlínse náisiúnta. Ní bheidh na coinníollacha iompair sin níos déine ná na cinn a leagtar síos maidir le loingsithe dramhaíola arna ndéanamh go hiomlán laistigh dá ndlínse náisiúnta agus déanfar comhaontuithe atá ann cheana, go háirithe comhaontuithe idirnáisiúnta ábhartha, a chur san áireamh iontu.

3.Chomh maith leis sin féadfaidh na húdaráis inniúla seolta, na húdaráis inniúla cinn scríbe agus na húdaráis inniúla idirthurais, laistigh den teorainn ama 30 lá dá dtagraítear in Airteagal 9(1), coinníoll a leagan síos lena measfar go mbeidh a dtoiliú tarraingthe siar mura mbeidh an ráthaíocht airgeadais nó an t‑árachas coibhéiseach infheidhme ar a dhéanaí nuair a thosóidh an loingsiú faoina dtugtar fógra, mar a cheanglaítear le hAirteagal 7(3).

4.Maidir leis an údarás inniúil a leagann síos na coinníollacha, déanfaidh sé na coinníollacha a shonrú sa doiciméad fógartha agus cuirfidh sé i gceangal leis iad.

5.Anuas air sin féadfaidh an t‑údarás inniúil cinn scríbe, laistigh den teorainn ama 30 lá dá dtagraítear in Airteagal 9(1), coinníoll a leagan síos go gcoinneoidh an tsaoráid a gheobhaidh an dramhaíl taifead rialta ar ionchuir, aschuir agus/nó cothromaíochtaí maidir leis an dramhaíl agus córais chóireála nó diúscartha na dramhaíola bhainteacha mar a shonraítear san fhógra, agus ar feadh thréimhse bailíochta an fhógra. Síneoidh duine a bheidh freagrach go dlíthiúil as an tsaoráid na taifid sin agus seolfar na taifid chuig an údarás inniúil cinn scríbe laistigh 1 mhí de thabhairt i gcrích chóras cóireála nó diúscartha na dramhaíola faoina dtugtar fógra.

Airteagal 11
Loingsithe dramhaíola a bheidh le diúscairt a thoirmeasc

1.I gcás ina gcuirtear isteach fógra maidir le loingsiú dramhaíola a bheidh le diúscairt i gcomhréir le hAirteagal 5, ní dhéanfaidh na húdaráis inniúla seolta agus na húdaráis inniúla cinn scríbe a dtoiliú i scríbhinn maidir leis an loingsiú dramhaíola sin, laistigh den teorainn ama 30 lá dá dtagraítear in Airteagal 9(1), ach amháin sa chás go gcomhlíontar gach ceann de na coinníollacha seo a leanas:

(a)léireoidh an fógróir:

(i)nach bhfuil cóireáil na dramhaíola indéanta ar mhodh atá teicniúil réasúnach ó thaobh na heacnamaíochta de, nó nach mór an dramhaíl a dhiúscairt mar gheall ar oibleagáidí dlíthiúla i ndlí an Aontais nó sa dlí idirnáisiúnta;

(ii)nach bhfuil diúscairt na dramhaíola indéanta ar mhodh atá teicniúil réasúnach ó thaobh na heacnamaíochta de sa tír inar táirgeadh é;

(iii)go bhfuil an loingsiú nó an diúscairt atá beartaithe i gcomhréir le hord na réiteach dramhaíola agus le prionsabail na gaireachta agus na neamhthuilleamaíochta ar leibhéal an Aontais agus ar an leibhéal náisiúnta mar a leagtar síos i dTreoir 2008/98/CE;

(b)nár ciontaíodh an fógróir nó an coinsíní cheana i gcion maidir le loingsiú neamhdhleathach ná aon ghníomh neamhdhleathach eile i ndáil le cosaint an chomhshaoil;

(c)nár mhainnigh fógróir na saoráide Airteagail 15 agus 16 a chomhlíonadh i ndáil le loingsithe dramhaíola roimhe sin;

(d)nach mbeidh an loingsiú nó an diúscairt atá beartaithe ag teacht salach ar oibleagáidí a eascraíonn as coinbhinsiúin idirnáisiúnta arna dtabhairt i gcrích ag an mBallstát/na Ballstáit lena mbaineann nó ag an Aontas;

(e)go ndéanfar an dramhaíl lena mbaineann a chóireáil i gcomhréir le caighdeáin um chosaint an chomhshaoil atá ceangailteach ó thaobh an dlí i ndáil le córais diúscartha na dramhaíola arna mbunú i reachtaíocht an Aontais, agus, i gcás ina gcumhdaítear an tsaoráid le Treoir 2010/75/AE, go ndéanfaidh an tsaoráid an teicníocht is fearr atá ar fáil a chur i bhfeidhm mar a shainmhínítear in Airteagal 3(10) den Treoir sin i gcomhréir le cead na saoráide;

(f)nach dramhaíl mheasctha chathrach an dramhaíl (cód dramhaíola 20 03 01 nó 20 03 99) arna mbailiú ó theaghlaigh phríobháideacha, ó tháirgeoirí dramhaíola eile nó ón dá dhream, nó dramhaíl mheasctha chathrach a ndearnadh córas cóireála na dramhaíola uirthi nár athraíodh a hairíonna go substaintiúil.

2.Ní thabharfaidh na húdaráis inniúla idirthurais a dtoiliú maidir leis an loingsiú dramhaíola sin, laistigh den teorainn ama 30 lá dá dtagraítear in Airteagal 9(1), ach sa chás go gcomhlíontar na coinníollacha a leagtar amach i mír 1, pointí (b), (c) agus (d), den Airteagal seo.

3.I gcás nár údaraigh na húdaráis inniúla lena mbaineann loingsiú dramhaíola a bheidh le diúscairt laistigh den teorainn ama 30 lá dá dtagraítear in Airteagal 9(1), scoirfidh an fógra maidir leis an loingsiú dramhaíola sin de bheith bailí agus beidh toirmeasc ar an loingsiú i gcomhréir le hAirteagal 4(1). I gcásanna ina mbeidh sé beartaithe go fóill ag an bhfógróir an loingsiú a dhéanamh, déanfar fógra nua a chur isteach, mura gcomhaontóidh gach údarás inniúil lena mbaineann agus an fógróir a mhalairt.

4.Maidir le toilithe a dhéanfaidh údaráis inniúla i gcomhréir le mír 1, cuirfear iad in iúl don Choimisiún láithreach agus cuirfidh an Coimisiún na Ballstáit eile ar an eolas faoin méid sin.

Airteagal 12
Agóidí maidir le loingsithe dramhaíola a bheidh le cóireáil

1.I gcás ina mbeidh fógra curtha isteach maidir le loingsiú dramhaíola beartaithe a bheidh le cóireáil i gcomhréir le hAirteagal 5, féadfaidh na húdaráis inniúla cinn scríbe agus na húdaráis inniúla seolta, laistigh den teorainn ama 30 lá dá dtagraítear in Airteagal 9(1), agóidí réasúnaithe a dhéanamh bunaithe ar cheann amháin nó níos mó de na forais seo a leanas:

(a)ní bheadh an loingsiú ná an chóireáil atá beartaithe i gcomhréir le Treoir 2008/98/CE;

(b)ní dhéanfar an dramhaíl lena mbaineann a chóireáil i gcomhréir le pleananna bainistithe dramhaíola nó pleananna coiscthe dramhaíola arna dtarraingt suas de bhun Airteagail 28 agus 29 de Threoir 2008/98/CE;

(c)ní bheadh an loingsiú ná an chóireáil atá beartaithe i gcomhréir le reachtaíocht náisiúnta a bhaineann le cosaint an chomhshaoil, ord poiblí, sábháilteacht phoiblí nó cosaint na sláinte poiblí maidir le gníomhartha arna ndéanamh sa tír ina bhfuil an t‑údarás inniúil a ndéanfaidh an agóid;

(d)ní bheadh an loingsiú ná an chóireáil atá beartaithe i gcomhréir le reachtaíocht náisiúnta sa tír seolta maidir le cóireáil na dramhaíola, lena n‑áirítear cóireáil na dramhaíola i gcás ina mbainfeadh an loingsiú dramhaíola beartaithe le dramhaíl a bheidh le cóireáil i saoráid a bhfuil caighdeáin chóireála níos lú aici maidir leis an dramhaíl áirithe ná na caighdeáin chóireála sa tír seolta, lena n‑urramaítear an gá atá le feidhmiú cuí an mhargaidh inmheánaigh a áirithiú, seachas sna cásanna seo a leanas:

(i)go bhfuil reachtaíocht chomhfhreagrach an Aontais , go háirithe maidir le dramhaíl, agus ceanglais atá chomh dian, ar a laghad, leo siúd a leagtar síos sa reachtaíocht Aontais sin tugtha isteach sa reachtaíocht náisiúnta lena dtrasuitear an reachtaíocht Aontais sin;

(ii)go ndéanfar córas cóireála na dramhaíola sa tír cinn scríbe faoi choinníollacha atá coibhéiseach a bheag nó a mhór leo siúd a fhorordaítear i reachtaíocht náisiúnta na tíre seolta;

(iii)nár tugadh fógra faoin reachtaíocht náisiúnta sa tír seolta, seachas an méid a chumhdaítear le pointe (i), i gcomhréir le Treoir (AE) 2015/1535 ó Pharlaimint na hEorpa agus ón gComhairle 60 , i gcás ina gceanglaítear é sin leis an Treoir sin;

(e)go bhfuil gá ag an mBallstát le teorannú maidir le loingsithe dramhaíola ag teacht isteach atá ceaptha le haghaidh córais chóireála seachas i gcás athchúrsála agus ullmhú lena n‑athúsáid d’fhonn a líonra bainistithe dramhaíola a chosaint, i gcás ina bhfuil sé bunaithe gurbh é a bheadh mar thoradh ar na loingsithe sin dramhaíl intíre arna giniúint a dhiúscairt nó a chóireáil ar bhealach nach mbeadh comhsheasmhach lena bpleananna bainistithe dramhaíola;

(f)gur ciontaíodh an fógróir nó an coinsíní cheana i gcion maidir le loingsiú neamhdhleathach nó aon ghníomh neamhdhleathach eile i ndáil le cosaint an chomhshaoil.

(g)gur mhainnigh fógróir na saoráide Airteagail 15 agus 16 a chomhlíonadh arís agus arís eile i ndáil le loingsithe dramhaíola roimhe sin;

(h)go mbeidh an loingsiú nó an chóireáil atá beartaithe ag teacht salach ar oibleagáidí a eascraíonn as coinbhinsiúin idirnáisiúnta arna dtabhairt i gcrích ag na Ballstáit lena mbaineann nó ag an Aontas;

(i)nach bhfuil údar leis an gcóireáil, mar gheall ar chóimheas na dramhaíola is féidir a chóireáil agus cóimheas na dramhaíola nach féidir a chóireáil, luach measta na n‑ábhar atá le cóireáil ar deireadh nó costas cóireála nó costas diúscartha an chodáin neamh-inchóireáilte, ag féachaint do cheisteanna eacnamaíocha nó comhshaoil;

(j)go mbeidh an dramhaíl atá beartaithe le loingsiú lena diúscairt seachas lena cóireáil;

(k)nach ndéanfar an dramhaíl lena mbaineann a chóireáil i gcomhréir le caighdeáin um chosaint an chomhshaoil atá ceangailteach ó thaobh an dlí i ndáil le córais chóireála na dramhaíola, nó i ndáil le hoibleagáidí cóireála nó athchúrsála atá ceangailteach ó thaobh an dlí arna mbunú i reachtaíocht an Aontais nó déanfar an dramhaíl a chóireáil i saoráid a chumhdaítear le Treoir 2010/75/AE, ach nach gcuirtear an teicníocht is fearr atá ar fáil i bhfeidhm sa tsaoráid sin mar a shainmhínítear in Airteagal 3(10) den Treoir sin.

2.Féadfaidh na húdaráis inniúla idirthurais, laistigh den teorainn ama 30 lá dá dtagraítear i mír 1, agóidí réasúnaithe a dhéanamh maidir leis an loingsiú dramhaíola beartaithe a bheidh le cóireáil bunaithe ar na forais a leagtar amach i mír 1, pointí (c), (f), (g) agus (h), den Airteagal seo, agus ar na forais sin amháin.

3.I gcás ina measfaidh na húdaráis inniúla, laistigh den teorainn ama 30 lá dá dtagraítear i mír 1, gur réitíodh na fadhbanna ónar eascair a n‑agóidí, cuirfidh siad an fógróir ar an eolas láithreach maidir leis an méid sin. 

4.I gcás nach mbeidh na fadhbanna ónar eascair na hagóidí sin réitithe laistigh den teorainn ama 30 lá dá dtagraítear i mír 1, scoirfidh an fógra maidir leis an loingsiú dramhaíola a bheidh le cóireáil de bheith bailí. I gcásanna ina mbeidh sé beartaithe go fóill ag an bhfógróir an loingsiú a dhéanamh, déanfar fógra nua a chur isteach, mura gcomhaontóidh gach údarás inniúil lena mbaineann agus an fógróir a mhalairt.

5.Déanfaidh na Ballstáit na hagóidí a rinne na húdaráis inniúla ar na forais a leagtar amach i mír 1, pointí (d) agus (e), den Airteagal seo a thuairisciú chuig an gCoimisiún i gcomhréir le hAirteagal 68.

6.Cuirfidh na húdaráis inniúla seolta an Coimisiún agus na Ballstáit eile de chuid na reachtaíochta náisiúnta ar an eolas maidir leis na forais ar a rinne na húdaráis inniúla na hagóidí i gcomhréir le mír 1, pointí (d) agus (e), agus luafaidh siad an dramhaíl agus córais chóireála na dramhaíola lena mbaineann na hagóidí, sula ndéanfar an reachtaíocht sin a agairt mar fhorais le hagóid réasúnaithe.

Airteagal 13
Fógra ginearálta

1.Féadfaidh an fógróir fógra ginearálta lena gcumhdaítear roinnt loingsithe éagsúla a chur isteach i gcás ina gcomhlíontar gach ceann de na ceanglais seo a leanas:

(a)tá na hairíonna fisiceacha agus ceimiceacha céanna go bunúsach ag an dramhaíl atá sna loingsithe éagsúla;

(b)Seoltar an dramhaíl atá sna loingsithe éagsúla chuig an coinsíní céanna agus chuig an tsaoráid chéanna;

(c)is ionann ródúchán na loingsithe éagsúla, go háirithe pointí imeachta agus pointí iontrála gach tíre lena mbaineann, mar a léirítear sa doiciméad fógartha.

2.Más rud é, de bharr imthosca gan choinne, nach féidir an ródúchán céanna a leanúint le haghaidh gach loingsithe, cuirfidh an fógróir na húdaráis inniúla lena mbaineann ar an eolas trí bhíthin fógra ginearálta a luaithe is féidir agus sula dtosóidh na loingsithe i gcás ina bhfuiltear ar an eolas cheana faoin gá atá le modhnú.

I gcás ina mbeifear ar an eolas maidir leis an modhnú ar an ródúchán sula dtosóidh na loingsithe agus ina mbeidh údaráis inniúla i gceist seachas iad siúd lena mbaineann an fógra ginearálta, ní féidir an fógra ginearálta a úsáid agus cuirfear fógra nua isteach i gcomhréir le hAirteagal 5.

3.Féadfaidh na húdaráis inniúla lena mbaineann a gcomhaontú maidir le fógra ginearálta a úsáid a chur faoi réir faisnéis agus doiciméadacht bhreise a sholáthar ina dhiaidh sin, i gcomhréir le hAirteagal 5(3) agus (4).

Airteagal 14
Saoráidí cóireála réamhthoilithe

1.Féadfaidh duine dlítheanach nó duine nádúrtha ar leis saoráid chóireála nó atá ag feidhmiú rialaithe ar an tsaoráid iarraidh a chur isteach chun an tsaoráid sin a bheith réamhthoilithe chuig an údarás inniúil lena bhfuil dlínse aige ar an tsaoráid, mar a ainmnítear de bhun Airteagal 71.

2.Áireofar an fhaisnéis seo a leanas san iarraidh dá dtagraítear i mír 1:

(a)ainm, uimhir chlárúcháin agus seoladh na saoráide cóireála;

(b)cóipeanna de cheadanna a eisíodh chuig an tsaoráid chóireála chun cóireáil dramhaíola a dhéanamh de bhun Airteagal 23 de Threoir 2008/98/CE, chomh maith leis na caighdeáin agus na deimhnithe lena gcomhlíonann an tsaoráid, i gcás inarb ábhartha;

(c)tuairisc ar na teicneolaíochtaí a úsáidtear, lena n‑áirítear R-chóid, maidir leis an gcóras cóireála a n‑iarrtar an réamhthoiliú ina leith;

(d)na cineálacha dramhaíola a n‑iarrtar an réamhthoiliú ina leith, mar a liostaítear in Iarscríbhinn IV a ghabhann leis an Rialachán seo.nó, i gcás inarb ábhartha, san Iarscríbhinn a ghabhann le Cinneadh 2000/532/CE;

(e)an chainníocht iomlán le haghaidh gach cineál dramhaíola a n‑iarrtar an réamhthoiliú ina leith, i gcomparáid leis an toilleadh cóireála lena gceadaítear an tsaoráid;

(f)taifid maidir le gníomhaíochtaí na saoráide atá nasctha le cóireáil dramhaíola, lena gcumhdaítear, go háirithe, méid agus cineálacha na dramhaíola a chóireáiltear sna 3 bliana roimhe sin, i gcás inarb ábhartha;

(g)fianaise nó fianú nár ciontaíodh an duine nádúrtha nó an duine dlítheanach ar leis an tsaoráid nó atá ag feidhmiú rialaithe ar an tsaoráid i gcion maidir le loingsiú neamhdhleathach nó aon ghníomh neamhdhleathach eile i ndáil le bainistiú dramhaíola.

3.Tá sé de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 76 chun mír 2 a leasú a mhéid a bhaineann le faisnéis atá le háireamh san iarraidh.

4.Beidh feidhm ag an nós imeachta dá dtagraítear i míreanna 5 go 10 den Airteagal seo maidir le saoráid ar cuireadh iarraidh isteach ina leith a réamhthoiliú i gcomhréir le mír 1.

5.Déanfaidh an t‑údarás inniúil, laistigh de 45 lá tar éis dó an iarraidh dá dtagraítear i mír 1 a fháil, an iarraidh a mheasúnú agus déanfaidh sé cinneadh an ndéanfar an iarraidh a fhormheas;

6.I gcás ina mbeidh gach faisnéis dá dtagraítear i mír 2 soláthraithe ag an duine dlítheanach nó an duine nádúrtha dá dtagraítear i mír 1, déanfaidh an t‑údarás inniúil an iarraidh a fhormheas agus eiseoidh sé réamhthoiliú maidir leis an tsaoráid lena mbaineann. Féadfar coinníollacha a bheith sa réamhthoiliú a bhaineann le fad an réamhthoilithe, cineálacha agus cainníochtaí na dramhaíola a chumhdaítear leis an réamhthoiliú, na teicneolaíochtaí a úsáidtear nó coinníollacha eile atá ag teastáil chun a áirithiú go ndéantar an dramhaíl a bhainistiú ar bhealach atá neamhdhíobhálach don chomhshaol.

7.De mhaolú ar mhír 6, féadfaidh an t‑údarás inniúil diúltú den iarraidh maidir le réamhthoiliú a fhormheas mura deimhin leis go n‑áiritheofar cóireáil ardchaighdeáin ar an dramhaíl lena mbaineann le heisiúint na réamhthoilithe.

8.Déanfar an cinneadh chun an iarraidh maidir le réamhthoiliú a dhiúltú nó a fhormheas a chur in iúl don duine dlítheanach nó don duine nádúrtha a chur an iarraidh isteach a luaithe a dhéanfaidh an t‑údarás inniúil é agus beidh sé réasúnaithe go cuí.

9.Mura sonraítear a mhalairt sa chinneadh chun an iarraidh maidir le réamhthoiliú a fhormheas, beidh réamhthoiliú saoráide cóireála bailí ar feadh 7 mbliana.

10.Féadfaidh an t‑údarás inniúil réamhthoiliú saoráide cóireála a chúlghairm tráth ar bith. Beidh cinneadh chun réamhthoiliú a chúlghairm réasúnaithe go cuí agus cuirfear in iúl é don tsaoráid lena mbaineann.

11.Déanfaidh an duine dlítheanach nó an duine nádúrtha dá dtagraítear i mír 1 aon athrú san fhaisnéis dá dtagraítear i mír 2 a chur in iúl don údarás inniúil láithreach. Cuirfidh an t‑údarás inniúil lena mbaineann na hathruithe sin san áireamh agus an iarraidh maidir le réamhthoiliú a mheasúnú aige agus, i gcás inarb iomchuí, tabharfaidh sé an réamhthoiliú cothrom le dáta.

12.I gcás fógra ginearálta a chuirtear isteach i gcomhréir le hAirteagal 13 a bhaineann le loingsithe atá ceaptha dul chuig saoráid réamhthoilithe, déanfar an tréimhse bhailíochta maidir leis an toiliú dá dtagraítear in Airteagal 9(3) agus (4) a fhadú go 3 bliana. De mhaolú ar an riail seo, féadfaidh na húdaráis inniúla lena mbaineann a chinneadh an tréimhse sin a ghiorrú i gcásanna atá réasúnaithe go cuí.

13.Déanfaidh na húdaráis inniúla a d’eisigh réamhthoiliú maidir le saoráid i gcomhréir leis an Airteagal seo, tríd an bhfoirm a leagtar amach in Iarscríbhinn VI a úsáid, an méid seo a leanas a chur in iúl don Choimisiún agus, i gcás inarb iomchuí, do Rúnaíocht ECFE:

(a)ainm, uimhir chlárúcháin agus seoladh na saoráide cóireála;

(b)tuairisc ar na teicneolaíochtaí a úsáidtear, lena n‑áirítear R-chóid;

(c)na cineálacha dramhaíola mar a liostaítear in Iarscríbhinn IV nó lena mbaineann an réamhthoiliú;

(d)an chainníocht foriomlán réamhthoilithe;

(e)an tréimhse bhailíochta;

(f)aon athrú sa réamhthoiliú;

(g)aon athrú san fhaisnéis a fógraíodh;

(h)aon chúlghairm maidir leis an réamhthoiliú.

14.De mhaolú ar Airteagail 8, 9, 10 agus 12, maidir leis an toiliú arna thabhairt i gcomhréir le hAirteagal 9(1), na coinníollacha arna bhforchur i gcomhréir le hAirteagal 10 nó na hagóidí arna ndéanamh i gcomhréir le hAirteagal 12 ag gach údarás inniúil lena mbaineann maidir leis an bhfógra maidir le loingsithe dramhaíola atá ceaptha dul chuig saoráid réamhthoilithe, beidh siad ar fad faoi réir teorainn ama de 7 lá oibre tar éis fháil na faisnéise dá dtagraítear in Airteagal 8(4), an chéad fhomhír.

15.Más mian le húdarás inniúil amháin nó níos mó faisnéis bhreise a iarraidh i gcomhréir le hAirteagal 8(4), an dara fomhír, i ndáil le fógra maidir le loingsithe dramhaíola chuig saoráid réamhthoilithe, déanfar na tréimhsí ama a luaitear san fhomhír sin, chomh maith leis na tréimhsí ama a luaitear in Airteagal 8(5), an chéad fhomhír agus an dara fomhír, a ghiorrú go 1 lá maidir le hAirteagal 8(4), an dara fomhír, agus Airteagal 8(5), an dara fomhír, agus 2 lá maidir le hAirteagal 8(5), an chéad fhomhír.

16.D’ainneoin mhír 14, féadfaidh an t‑údarás inniúil cinn scríbe a chinneadh go bhfuil tuilleadh ama ag teastáil chun faisnéis nó doiciméadacht bhreise a fháil ón bhfógróir.

Sna cásanna sin, déanfaidh an t‑údarás inniúil sin, laistigh de 7 lá oibre ón dáta a fuair sé an fhaisnéis dá dtagraítear sa chéad fhomhír d’Airteagal 8(4), an méid sin a chur in iúl don fhógróir.

Ní bheidh an t‑am foriomlán atá ag teastáil chun ceann de na cinntí dá dtagraítear in Airteagal 9(1) a dhéanamh níos mó ná 30 lá tar éis an dáta a cuireadh an fógra isteach i gcomhréir le hAirteagal 5.

Airteagal 15
Soláthar breise maidir le córais eatramhacha chóireála agus córais eatramhacha diúscartha

1.I gcás ina mbeidh loingsiú dramhaíola ceaptha le haghaidh córas eatramhach cóireála nó le haghaidh córas eatramhach diúscartha, maidir leis na saoráidí go léir ina mbeartófar córais eatramhacha chóireála chomh maith le córais neamheatramhacha chóireála agus córais eatramhacha diúscartha a dhéanamh ina diaidh sin, déanfar iad a léiriú sa doiciméad fógartha chomh maith leis an gcóras eatramhacha cóireála nó córas eatramhacha diúscartha.

2.Ní fhéadfaidh na húdaráis inniúla seolta agus na húdaráis inniúla cinn scríbe a thoiliú a thabhairt maidir le loingsiú dramhaíola atá ceaptha le haghaidh córas eatramhach cóireála nó córas eatramhach diúscartha ach amháin sa chás nach bhfuil forais agóide ann, i gcomhréir le hAirteagal 12, maidir leis na loingsithe dramhaíola chuig na saoráidí ina ndéanfar aon chóras eatramhach cóireála nó córas neamheatramhach cóireála nó córas eatramhach diúscartha.

3.Laistigh de 1 lá tar éis don tsaoráid ina ndéantar córas eatramhach cóireála nó córas eatramhach diúscartha an dramhaíl a fháil, soláthróidh an tsaoráid sin deimhniú chuig an bhfógróir go bhfuair sí an dramhaíl. Déanfar an deimhniú sin a sholáthar maidir leis an doiciméad gluaiseachta nó a chur i gceangal leis an doiciméad gluaiseachta.

4.A luaithe is féidir, ach tráth nach déanaí ná 30 lá tar éis thabhairt i gcrích chóras eatramhach cóireála na dramhaíola nó córas eatramhach diúscartha na dramhaíola, agus tráth nach déanaí ná 1 bhliain féilire, nó tréimhse níos giorra dá dtagraítear in Airteagal 9(5), tar éis an dramhaíl a fháil, déanfaidh an tsaoráid a dhéanfaidh an córas sin, faoina freagracht, deimhniú gur tugadh an córas i gcrích.

Déanfar an deimhniú sin a chur isteach agus beidh sé sa doiciméad gluaiseachta nó i gceangail leis an doiciméad gluaiseachta.

5.I gcás ina ndéanfaidh saoráid cóireála nó saoráid diúscartha a dhéanann córas eatramhach cóireála na dramhaíola nó córas eatramhach diúscartha na dramhaíola an dramhaíl a sholáthar le haghaidh aon chóras eatramhacha nó neamheatramhach cóireála nó diúscartha na dramhaíola ina dhiaidh sin chuig saoráid atá sa tír cinn scríbe, gheobhaidh an chéad saoráid a luaithe is féidir ach tráth nach déanaí ná 1 bhliain féilire, nó an tréimhse níos giorra dá dtagraítear in Airteagal 9(5), tar éis an dramhaíl a sholáthar, deimhniú ón tsaoráid sin gur tugadh córas neamheatramhach cóireála nó diúscartha na dramhaíola i gcrích.

Déanfaidh an tsaoráid sin a dhéanann córas eatramhach cóireála nó diúscartha na dramhaíola na deimhnithe ábhartha a tharchur chuig an bhfógróir agus chuig na húdaráis inniúla lena mbaineann, lena n‑aithnítear na loingsithe lena mbaineann na deimhnithe.

6.Nuair a dhéanfar soláthar mar a mhínítear i mír 5 chuig saoráid atá lonnaithe sa tír seolta bunaidh nó i mBallstát eile, beidh fógra nua ag teastáil i gcomhréir leis an Rialachán seo.

7.Nuair a dhéanfar soláthar mar a mhínítear i mír 5 chuig saoráid atá lonnaithe i dtríú tír, beidh fógra nua ag teastáil i gcomhréir leis an Rialachán seo agus beidh feidhm ag na forálacha maidir le húdaráis inniúla lena mbaineann freisin maidir leis an údarás inniúil bunaidh na tíre seolta bunaidh.

Airteagal 16
Ceanglais tar éis toiliú maidir le loingsiú dramhaíola a fháil

1.Tar éis do na húdaráis inniúla lena mbaineann toiliú a thabhairt maidir le loingsiú faoina dtugtar fógra, déanfaidh gach gnóthas atá páirteach an doiciméad gluaiseachta, nó i gcás fógra ginearálta, na doiciméid ghluaiseachta, a líonadh isteach ag gach pointe a léirítear. Áiritheoidh siad go ndéanfar an fhaisnéis sa doiciméad gluaiseachta a chur ar fáil go leictreonach, lena n‑áirítear le linn thréimhse an idirthurais, chuig na húdaráis ábhartha.

2.Nuair a bheidh toiliú i scríbhinn faighte ag an bhfógróir ó na húdaráis inniúla seolta, údaráis inniúla cinn scríbe agus údaráis inniúla idirthurais, nó nuair is féidir leis nó léi toiliú intuigthe a mheas i ndáil leis na húdaráis inniúla seolta, údaráis inniúla idirthurais, soláthróidh sé an dáta iarbhír maidir leis an loingsiú agus líonfaidh sé an doiciméad gluaiseachta a mhéid is féidir, ar a laghad 1 lá oibre sula dtosóidh an loingsiú.

3.Déanfaidh an tsaoráid, laistigh de 1 lá tar éis di an dramhaíl a fháil, deimhniú a sholáthar chuig an bhfógróir agus chuig na húdaráis inniúla ábhartha go bhfuair sí an dramhaíl.

4.Déanfaidh an tsaoráid a ndéanfaidh córas neamheatramhach cóireála nó diúscartha na dramhaíola, a luaithe is féidir agus tráth nach déanaí ná 30 lá tar éis thabhairt i gcrích an chórais sin, agus tráth nach déanaí ná 1 bhliain féilire, nó an tréimhse níos giorra ná sin dá dtagraítear in Airteagal 9(5), tar éis an dramhaíl a fháil, a dheimhniú, faoina freagracht, gur tugadh an chóireáil neamheatramhach dramhaíola nó an diúscairt neamheatramhach dramhaíola i gcrích.

5.Cuirfear an deimhniú dá dtagraítear i mír 4 isteach chuig an bhfógróir agus chuig na húdaráis inniúla, ag an tsaoráid ina ndéantar an córas nó, sa chás nach bhfuil rochtain aici ar chóras dá dtagraítear in Airteagal 26, tríd an bhfógróir.

Airteagal 17
Athruithe ar an loingsiú tar éis toiliú a fháil

1.Má dhéantar aon athrú fíor-riachtanach ar shonraithe agus/nó coinníollacha an loingsithe a toilíodh, cuirfidh an fógróir na húdaráis inniúla lena mbaineann agus an coinsíní ar an eolas láithreach agus, i gcás inar féidir, sula dtosóidh an loingsiú. Athruithe fíor-riachtanacha a bheidh in athruithe ar an gcainníocht bheartaithe, an tslí bheartaithe, an ródúchán beartaithe, lá an loingsithe nó ar an iompróir.

2.I gcásanna athruithe fíor-riachtanacha dá dtagraítear i mír 1, cuirfear fógra nua isteach, mura léireoidh gach údarás inniúil lena mbaineann nach gá fógra nua de bharr na n‑athruithe beartaithe.

3.I gcás ina mbeidh údaráis inniúla seachas na húdaráis inniúla lena mbaineann páirteach sna hathruithe fíor-riachtanacha dá dtagraítear i mír 1, cuirfear fógra nua isteach.

Caibidil 2

Airteagal 18
Ceanglais faisnéise ghinearálta

1.Dramhaíl dá dtagraítear in Airteagal 4(3) agus (4) atá ceaptha lena loingsiú, beidh sí faoi réir na gceanglas faisnéise ginearálta a leagtar amach i míreanna 2 go 7 den Airteagal seo.

2.An duine a shocraíonn an loingsiú, agus é faoi dhlínse náisiúnta na tíre seolta, líonfaidh sé isteach an fhaisnéis ábhartha a chuimsítear in Iarscríbhinn VII agus cuirfidh sé isteach í, tráth nach déanaí ná 1 lá sula ndéanfar an loingsiú.

3.An duine dá dtagraítear i mír 2, áiritheoidh sé go gcuirfear an fhaisnéis dá dtagraítear sa mhír sin ar fáil go leictreonach do na húdaráis ábhartha, le linn na tréimhse iompair san áireamh.

4.Soláthróidh an tsaoráid chóireála nó an tsaotharlann agus an coinsíní nó, i gcás nach bhfuil rochtain acu siúd ar chóras dá dtagraítear in Airteagal 26, an duine dá dtagraítear i mír 2, dearbhú don fhógróir agus do na húdaráis ábhartha, laistigh de 1 lá tar éis fháil na dramhaíola, go bhfuarthas an dramhaíl tríd an bhfaisnéis ábhartha a chuimsítear in Iarscríbhinn VII a líonadh isteach.

5.Deimhneoidh an tsaoráid chóireála, faoina freagracht féin, a luaithe is féidir agus tráth nach déanaí ná 30 lá tar éis chur i gcrích an chórais cóireála, agus tráth nach déanaí ná 1 bhliain féilire tar éis fháil na dramhaíola, gur cuireadh an chóireáil i gcrích tríd an bhfaisnéis ábhartha a chuimsítear in Iarscríbhinn VII a líonadh isteach.

6.An duine dá dtagraítear i mír 2, cuirfidh sé an t‑údarás inniúil seolta ar an eolas láithreach bonn i gcás inar cuireadh cosc ar loingsiú a allmhairiú isteach sa tír cinn scríbe, i gcás inar dhiúltaigh an coinsíní don loingsiú nó i gcás nach féidir an loingsiú a chur i gcrích mar a bhí beartaithe ar dtús.

7.An conradh dá dtagraítear in Iarscríbhinn VII idir an duine a shocraíonn an loingsiú agus an coinsíní chun an dramhaíl a chóireáil, beidh sé i bhfeidhm a luaithe a thosaíonn an loingsiú. I gcás nach féidir loingsiú dramhaíola ná cóireáil na dramhaíola sin a chur i gcrích mar a bhí beartaithe nó i gcás ina ndearnadh an loingsiú mar loingsiú neamhdhleathach, áireofar sa chonradh sin oibleagáid ar an duine a shocraíonn an loingsiú nó, i gcás nach féidir leis an duine sin an loingsiú dramhaíola ná cóireáil na dramhaíola sin a chur i gcrích, ar an gcoinsíní, an dramhaíl a ghlacadh ar ais nó cóireáil na dramhaíola a áirithiú ar bhealach eile; agus soláthar a dhéanamh, más gá, le haghaidh a stórála idir an dá linn.

8.Soláthróidh an duine a shocraíonn an loingsiú nó an coinsíní cóip den chonradh dá dtagraítear i mír 7 don údarás inniúil lena mbaineann arna iarraidh sin don údarás.

9.An fhaisnéis a éilítear in Iarscríbhinn VII, beidh fáil uirthi chun críoch cigireachta, forfheidhmithe, pleanála agus staidrimh ag na Ballstáit agus ag an gCoimisiún, i gcomhréir le hAirteagal 26 agus leis an reachtaíocht náisiúnta.

10.An fhaisnéis dá dtagraítear i mír 2, caithfear léi mar fhaisnéis rúnda i gcás ina bhfuil gá leis sin de réir reachtaíocht an Aontais nó na reachtaíochta náisiúnta.

11.I gcás ina loingsítear an dramhaíl idir dhá bhunaíocht faoi rialú an eintitis dhlítheanaigh chéanna, féadfar dearbhú arna dhéanamh ag an eintiteas dlítheanach sin a chur in ionad an chonartha dá dtagraítear i mír 7. Cumhdóidh an dearbhú sin mutatis mutandis na hoibleagáidí dá dtagraítear i mír 7.

Caibidil 3
Dramhaíl a mheascadh, doiciméadacht agus rochtain ar fhaisnéis

Airteagal 19
Toirmeasc ar dhramhaíl a mheascadh i rith an loingsithe

Ón uair a thosaíonn an loingsiú go dtí go bhfaighfear an dramhaíl i saoráid chóireála nó diúscartha, ní mheascfar an dramhaíl, mar a shonraítear san fhógra í nó mar a thagraítear di in Airteagal 18, le haon dramhaíl eile.

Airteagal 20
Doiciméid agus faisnéis a choinneáil

1.Coinneoidh na húdaráis inniúla, an fógróir, an coinsíní agus an tsaoráid a fhaigheann an dramhaíl gach doiciméad san Aontas a sheolann na húdaráis inniúla nó arna sheoladh ag na húdaráis inniúla i ndáil le loingsiú faoina dtugtar fógra ar feadh 5 bliana ar a laghad ón dáta ar a dtosaíonn an loingsiú. I gcás fógraí ginearálta i gcomhréir le hAirteagal 13, beidh feidhm ag an oibleagáid sin amhail ón dáta ar a dtosaíonn an loingsiú deireanach.

2.Faisnéis a thugtar de bhun Airteagal 18(1), coinneoidh an duine a dhéanann socruithe don loingsiú, an coinsíní agus an tsaoráid a fhaigheann an dramhaíl an fhaisnéis sin san Aontas ar feadh 5 bliana ar a laghad ón dáta ar a dtosaíonn an loingsiú.

Airteagal 21
Rochtain phoiblí ar fhógraí

Na húdaráis inniúla seolta nó cinn scríbe, úsáidfidh siad modhanna iomchuí chun faisnéis a chur ar fáil go poiblí faoi fhógraí maidir le loingsithe ar thoiligh siad leo nó a ndearnadh siad agóid ina gcoinne, agus faoi loingsithe dramhaíola faoi réir na gceanglas faisnéise ginearálta, i gcás nach bhfuil an fhaisnéis sin rúnda faoin reachtaíocht náisiúnta nó reachtaíocht an Aontais.

Caibidil 4
Oibleagáidí glacadh ar ais

Airteagal 22
Glacadh ar ais nuair nach féidir loingsiú a chur i gcrích mar a bhí beartaithe

1.I gcás ina gcuirtear ar a shúile d’aon cheann de na húdaráis inniúla lena mbaineann nach féidir loingsiú dramhaíola, a chóireáil nó a dhiúscairt san áireamh, a chur i gcrích mar a bhí beartaithe i gcomhréir le téarmaí an fhógra agus na ndoiciméad agus/nó an chonartha gluaiseachta dá dtagraítear in Airteagal 6, cuirfidh an t‑údarás inniúil sin an t‑údarás inniúil seolta ar an eolas faoin méid sin láithreach bonn. I gcás ina ndiúltaíonn saoráid chóireála nó diúscartha do loingsiú a fuair sí, cuirfidh an tsaoráid an t‑údarás inniúil cinn scríbe ar an eolas faoin méid sin láithreach bonn.

2.Áiritheoidh an t‑údarás inniúil seolta go nglacfaidh an fógróir an dramhaíl atá i gceist ar ais chuig a limistéar dlínse nó chuig áit éigin eile laistigh den tír seolta, ach amháin sna cásanna dá dtagraítear i mír 3. Déanfaidh an t‑údarás inniúil seolta an fógróir a shainaithint de réir an oird a thugtar le fios in Airteagal 3, pointe (6). I gcás nach bhfuil sin indéanta, comhlíonfaidh an t‑údarás inniúil sin féin, nó duine nádúrtha nó dlítheanach thar a cheann, forálacha an Airteagail seo.

An glacadh ar ais dá dtagraítear sa chéad fhomhír, tarlóidh sé laistigh de 90 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, i ndiaidh don údarás inniúil seolta tabhairt faoi deara nó i ndiaidh dó a bheith curtha ar an eolas ag na húdaráis inniúla cinn scríbe nó idirthurais nach féidir an loingsiú dramhaíola a bhfuarthas toiliú ina leith, ná a chóireáil nó diúscairt, a chur i gcrích mar a bhí beartaithe, agus i ndiaidh dó a bheith curtha ar an eolas faoi na cúiseanna leis sin. D’fhéadfadh comhairle mar sin a bheith ann mar thoradh ar fhaisnéis a chuir údaráis inniúla eile isteach, inter alia, chuig na húdaráis cinn scríbe nó idirthurais.

3.An oibleagáid glacadh ar ais a leagtar amach i mír 2, ní bheidh feidhm aici má tá na húdaráis inniúla seolta, idirthurais agus cinn scríbe sásta go bhfuil an dramhaíl inchóireáilte nó indiúscartha ar bhealach eile ag an bhfógróir sa tír cinn scríbe nó áit éigin eile nó, mura bhfuil sin indéanta, ag an údarás inniúil seolta nó ag duine nádúrtha nó dlítheanach thar a cheann.

An oibleagáid glacadh ar ais a leagtar amach i mír 2, ní bheidh feidhm aici má meascadh an dramhaíl arna loingsiú, le linn an chórais ag an tsaoráid lena mbaineann, le dramhaíl eile ar bhealach doleigheasta sular cuireadh ar a shúile d’údarás inniúil lena mbaineann nárbh féidir an loingsiú faoina dtugtar fógra a chur i gcrích mar a thagraítear dó sin i mír 1. Meascán den chineál sin, déanfar é a chóireáil nó a dhiúscairt ar bhealach eile i gcomhréir leis an gcéad fhomhír den mhír seo.

4.I gcásanna glacadh ar ais mar a thagraítear dóibh i mír 2, cuirfear fógra nua isteach, seachas i gcás ina gcomhaontaíonn na húdaráis inniúla lena mbaineann gur leor iarraidh chuí-réasúnaithe arna déanamh ag an údarás inniúil seolta tosaigh.

Beidh fógra nua le cur isteach ag an bhfógróir tosaigh, i gcás inarb iomchuí, nó mura bhfuil sin indéanta, ag aon duine nádúrtha nó dlítheanach arna shainaithint i gcomhréir le hAirteagal 3, pointe (6) de réir an oird a thugtar le fios san fhoráil sin nó, mura bhfuil sin indéanta ach oiread, ag an údarás inniúil seolta tosaigh ná ag duine nádúrtha ná dlítheanach thar a cheann.

Ní chuirfidh na húdaráis inniúla in aghaidh ná ní dhéanfaidh siad agóid i gcoinne cur ar ais dramhaíola ó loingsiú nach féidir a chur i gcrích, ná in aghaidh nó i gcoinne an chórais cóireála agus diúscartha lena mbaineann.

5.I gcásanna ina bhfuil socruithe eile ann lasmuigh den tír cinn scríbe thosaigh mar a thagraítear di i mír 3, beidh fógra nua le cur isteach, i gcás inarb iomchuí, ag an bhfógróir tosaigh nó, mura bhfuil sin indéanta, ag aon duine nádúrtha ná dlítheanach arna shainaithint i gcomhréir le hAirteagal 3, pointe (6) de réir an oird a thugtar le fios san fhoráil sin nó, mura bhfuil sin indéanta ach oiread, ag an údarás inniúil seolta tosaigh ná ag duine nádúrtha ná dlítheanach thar a cheann.

I gcás ina gcuirfidh an fógróir fógra nua den sórt sin isteach, cuirfear é freisin faoi bhráid údarás inniúil na tíre seolta tosaigh.

6.I gcásanna ina bhfuil socruithe eile ann sa tír cinn scríbe thosaigh mar a thagraítear di i mír 3, ní bheidh gá le fógra nua agus is leor iarraidh chuí-réasúnaithe. An iarraidh chuí-réasúnaithe sin, ina lorgófar comhaontú leis an socrú eile, cuirfidh an fógróir tosaigh faoi bhráid an údaráis inniúil cinn scríbe agus seolta í nó, mura bhfuil sin indéanta, cuirfidh an t‑údarás inniúil seolta tosaigh faoi bhráid an údaráis inniúil cinn scríbe í.

7.Mura bhfuil aon fhógra nua le cur isteach i gcomhréir le míreanna 4 nó 6, beidh doiciméad gluaiseachta nua le líonadh isteach ag an bhfógróir tosaigh i gcomhréir le hAirteagal 15 nó Airteagal 16 nó, mura bhfuil sin indéanta, ag aon duine nádúrtha ná dlítheanach arna shainaithint i gcomhréir le hAirteagal 3, pointe (6) de réir an oird a thugtar le fios san fhoráil sin nó, mura bhfuil sin indéanta ach oiread, ag an údarás inniúil seolta tosaigh ná ag duine nádúrtha ná dlítheanach thar a cheann.

I gcás ina gcuirfidh an t‑údarás inniúil seolta tosaigh fógra nua isteach i gcomhréir le mír 4 nó 5, ní bheidh gá le ráthaíocht airgeadais nua ná le hárachas coibhéiseach. Faoi réir chomhaontú na n‑údarás inniúil uile lena mbaineann, féadfar doiciméad gluaiseachta an loingsithe thosaigh a úsáid don ghlacadh ar ais.

8.Beidh deireadh le hoibleagáid an fhógróra agus le fo-oibleagáid na tíre seolta maidir leis an dramhaíl a ghlacadh ar ais nó socrú eile a dhéanamh le haghaidh cóireála nó diúscartha a luaithe a eiseoidh an tsaoráid an deimhniú cóireála nó diúscartha neamheatramhaí dá dtagraítear in Airteagal 16(4), nó, i gcás inarb iomchuí, in Airteagal 15(5). I gcás na cóireála nó diúscartha eatramhaí dá dtagraítear in Airteagal 7(6), beidh deireadh le fo-oibleagáid na tíre seolta a luaithe a eiseoidh an tsaoráid an deimhniú dá dtagraítear in Airteagal 15(4).

I gcás ina n‑eisíonn saoráid deimhniú cóireála nó diúscartha sa chaoi go mbíonn loingsiú neamhdhleathach ann dá dheasca, agus scaoiltear an ráthaíocht airgeadais mar gheall air sin, beidh feidhm ag Airteagal 24(4) agus Airteagal 25(2).

9.I gcás ina dtagtar ar dhramhaíl ó loingsiú nach féidir a chur i gcrích laistigh de Bhallstát, lena n‑áirítear a chóireáil agus a dhiúscairt, is é an t‑údarás inniúil a bhfuil dlínse aige ar an limistéar inar thángthas ar an dramhaíl a bheidh freagrach as a áirithiú go ndéanfar socruithe le haghaidh stóráil shábháilte na dramhaíola go dtí go gcuirfear ar ais í nó go dtí go ndéanfar í a chóireáil nó a dhiúscairt ar bhonn neamheatramhach ar bhealach eile.

10.I gcás nach gcomhlíonann fógróir dá dtagraítear in Airteagal 3, pointe (6)(a)(iv) aon cheann de na hoibleagáidí glacadh ar ais a leagtar amach san Airteagal seo agus in Airteagal 23, is é táirgeoir bunaidh na dramhaíola, táirgeoir nua na dramhaíola nó an bailitheoir a shonraítear in Airteagal 3, pointí (6)(a)(i), (ii) nó (iii), faoi seach, a rinne an déileálaí nó an bróicéir a údarú chun gníomhú thar a cheann, a mheasfar a bheith mar an fógróir chun críocha na n‑oibleagáidí glacadh ar ais sin.

Airteagal 23
Costais maidir le glacadh ar ais i gcás nach féidir loingsiú a chur i gcrích

1.Costais a eascraíonn as glacadh ar ais dramhaíola ó loingsiú nach féidir a chur i gcrích, lena n‑áirítear costais a bhaineann lena iompar, a chóireáil nó a dhiúscairt de bhun Airteagal 22(2) nó (3), agus, amhail ón dáta ar a gcuirfear an t‑údarás inniúil seolta ar an eolas nach féidir loingsiú dramhaíola ná cóireáil ná diúscairt an loingsithe sin a chur i gcrích, gearrfar costais stórála de bhun Airteagal 22(9) i gcomhréir leis an ord seo a leanas:

(a)ar an bhfógróir de réir ord an liosta in Airteagal 3, pointe (6); nó, mura bhfuil sin indéanta, ar an duine dá dtagraítear i bpointe (b);

(b)ar dhaoine nádúrtha nó dlítheanacha eile de réir mar is iomchuí; nó, mura bhfuil sin indéanta, ar an duine dá dtagraítear i bpointe (c);

(c)ar an údarás inniúil seolta; nó, mura bhfuil sin indéanta ach oiread i gcomhréir le pointe (d);

(d)faoi mar a chomhaontaítear idir na húdaráis inniúla lena mbaineann.

2.Beidh an tAirteagal seo gan dochar d’fhorálacha de chuid an Aontais agus d’fhorálacha náisiúnta a bhaineann le dliteanas.

Airteagal 24
Glacadh ar ais i gcás loingsiú neamhdhleathach

1.I gcás ina dtagann údarás inniúil ar loingsiú a mheasann sé a bheith ina loingsiú neamhdhleathach, cuirfidh sé na húdaráis inniúla eile lena mbaineann ar an eolas láithreach bonn.

2.I gcás inar féidir freagracht as an loingsiú neamhdhleathach a líomhnú ar an bhfógróir, áiritheoidh an t‑údarás inniúil an méid seo a leanas:

(a)go nglacfaidh an fógróir an dramhaíl ar ais de facto, chun socruithe a dhéanamh le haghaidh a cóireála nó a diúscartha; nó, murar cuireadh fógra isteach, i gcomhréir le pointe (b);

(b)go nglacfaidh an fógróir an dramhaíl ar ais de jure, chun socruithe a dhéanamh le haghaidh a cóireála nó a diúscartha; nó, mura bhfuil sin indéanta, i gcomhréir le pointe (c);

(c)go nglacfaidh an t‑údarás inniúil seolta féin nó duine nádúrtha nó dlítheanach thar a cheann ar ais í, chun socruithe a dhéanamh le haghaidh a cóireála nó a diúscartha; nó, mura bhfuil sin indéanta, i gcomhréir le pointe (d);

(d)de rogha air sin, go ndéanfaidh an t‑údarás inniúil seolta féin nó duine nádúrtha nó dlítheanach thar a cheann í a chóireáil nó a dhiúscairt sa tír cinn scríbe nó sa tír seolta; nó, mura bhfuil sin indéanta, i gcomhréir le pointe (e);

(e)de rogha air sin, go ndéanfaidh an t‑údarás inniúil seolta féin nó duine nádúrtha nó dlítheanach thar a cheann í a chóireáil nó a dhiúscairt i dtír eile má thagann na húdaráis inniúla uile lena mbaineann ar chomhaontú.

An glacadh ar ais, cóireáil nó diúscairt dá dtagraítear sa chéad fhomhír, tarlóidh sé laistigh de 30 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, i ndiaidh don údarás inniúil seolta tabhairt faoi deara nó i ndiaidh dó a bheith curtha ar an eolas ag na húdaráis inniúla cinn scríbe nó idirthurais maidir le loingsiú neamhdhleathach agus na cúiseanna leis sin. D’fhéadfadh comhairle mar sin a bheith ann mar thoradh ar fhaisnéis a chuir údaráis inniúla eile isteach, inter alia, chuig na húdaráis cinn scríbe nó idirthurais.

I gcásanna glacadh ar ais mar a thagraítear dóibh sa chéad fhomhír, pointí (a), (b) agus (c), cuirfear fógra nua isteach, seachas i gcás ina gcomhaontaíonn na húdaráis inniúla lena mbaineann gur leor iarraidh chuí-réasúnaithe arna déanamh ag an údarás inniúil seolta tosaigh.

Is é an duine nó an t‑údarás a liostaítear sa chéad fhomhír, pointí (a), (b) nó (c), a chuirfidh an fógra nua isteach, agus i gcomhréir leis an ord sin.

Ní chuirfidh na húdaráis inniúla in aghaidh nó ní dhéanfaidh siad agóid i gcoinne cur ar ais dramhaíl a bhaineann le loingsiú neamhdhleathach. I gcás socruithe eile mar a thagraítear dóibh sa chéad fhomhír, pointí (d) agus (e), arna ndéanamh ag an údarás inniúil seolta, cuirfidh an t‑údarás inniúil seolta tosaigh nó duine nádúrtha nó dlítheanach thar a cheann fógra nua isteach, seachas i gcás ina gcomhaontaíonn na húdaráis inniúla lena mbaineann gur leor iarraidh chuí-réasúnaithe arna déanamh ag an údarás sin.

3.I gcás nach gcomhlíonann fógróir a shonraítear in Airteagal 3, pointe (6)(a)(iv) aon cheann de na hoibleagáidí glacadh ar ais a leagtar amach san Airteagal seo agus in Airteagal 25, is é táirgeoir bunaidh na dramhaíola, táirgeoir nua na dramhaíola nó an bailitheoir dá dtagraítear in Airteagal 3, pointí (6)(a)(i), (ii) nó (iii), faoi seach, a rinne an déileálaí nó an bróicéir a údarú chun gníomhú thar a cheann, a mheasfar a bheith mar an fógróir chun críocha na n‑oibleagáidí glacadh ar ais sin.

4.I gcás inar féidir freagracht as loingsiú neamhdhleathach a líomhnú ar an gcoinsíní, áiritheoidh an t‑údarás inniúil cinn scríbe go mbeidh an dramhaíl atá i gceist cóireáilte nó diúscartha ar bhealach atá neamhdhíobhálach don chomhshaol:

(a)ag an gcoinsíní; nó, mura bhfuil sin indéanta, i gcomhréir le pointe (b);

(b)ag an údarás inniúil féin nó ag duine nádúrtha nó dlítheanach thar a cheann.

An chóireáil nó diúscairt dá dtagraítear sa chéad fhomhír, tarlóidh sé laistigh de 30 lá, nó laistigh d’aon tréimhse eile a fhéadfaidh na húdaráis inniúla lena mbaineann a chomhaontú eatarthu féin, i ndiaidh don údarás inniúil cinn scríbe tabhairt faoi deara nó i ndiaidh dó a bheith curtha ar an eolas ag na húdaráis inniúla seolta nó idirthurais maidir le loingsiú neamhdhleathach agus na cúiseanna leis sin. D’fhéadfadh comhairle mar sin a bheith ann mar thoradh ar fhaisnéis a chuir údaráis inniúla eile, inter alia, isteach chuig na húdaráis inniúla seolta agus idirthurais.

Oibreoidh na húdaráis inniúla lena mbaineann i gcomhar le chéile, de réir mar is gá, maidir le cóireáil nó diúscairt na dramhaíola i gcomhréir leis an mír seo.

5.I gcás nach bhfuil aon fhógra nua le cur isteach, beidh doiciméad gluaiseachta nua le líonadh isteach i gcomhréir le hAirteagal 15 nó Airteagal 16 ag an duine atá freagrach as glacadh ar ais nó, mura bhfuil sin indéanta, ag an údarás inniúil seolta tosaigh.

I gcás ina gcuirfidh an t‑údarás inniúil seolta tosaigh fógra nua isteach, ní bheidh gá le ráthaíocht airgeadais nua ná le hárachas coibhéiseach.

6.I gcásanna nach féidir freagracht as an loingsiú neamhdhleathach a líomhnú ar an bhfógróir nó ar an gcoinsíní, oibreoidh na húdaráis inniúla lena mbaineann i gcomhar le chéile lena áirithiú go gcóireálfar nó go ndiúscrófar an dramhaíl atá i gceist.

7.I gcás cóireáil eatramhach nó diúscairt eatramhach dá dtagraítear in Airteagal 7(6) ina dtagtar ar loingsiú neamhdhleathach tar éis chur i gcrích an chórais cóireála eatramhaí nó an chórais diúscartha eatramhaí, beidh deireadh le fo-oibleagáid na tíre seolta, an dramhaíl a ghlacadh ar ais nó socrú eile a dhéanamh le haghaidh a cóireála nó diúscartha nuair a bheidh an deimhniú dá dtagraítear in Airteagal 15(4) eisithe ag an tsaoráid.

I gcás ina n‑eisíonn saoráid deimhniú cóireála nó diúscartha sa chaoi go mbíonn loingsiú neamhdhleathach ann dá dheasca, agus scaoiltear an ráthaíocht airgeadais mar gheall air sin, beidh feidhm ag mír 4 den Airteagal seo agus ag Airteagal 25(2).

8.I gcás ina dtagtar ar dhramhaíl laistigh de Bhallstát, a bhaineann le loingsiú neamhdhleathach, is é an t‑údarás inniúil a bhfuil dlínse aige ar an limistéar inar thángthas ar an dramhaíl a bheidh freagrach as a áirithiú go ndéanfar socruithe le haghaidh stóráil shábháilte na dramhaíola go dtí go nglacfar ar ais í nó go dtí go ndéanfar í a chóireáil nó a dhiúscairt ar bhonn neamheatramhach ar bhealach eile.

9.Ní bheidh feidhm ag Airteagail 34 agus 36 i gcásanna ina nglacfar loingsithe neamhdhleathacha ar ais chuig an tír seolta más tír í an tír seolta sin atá cumhdaithe ag na toirmisc a leagtar amach sna hAirteagail sin.

10.I gcás loingsiú neamhdhleathach dá dtagraítear in Airteagal 3, pointe (25)(g), beidh an duine a shocraíonn an loingsiú faoi réir na n‑oibleagáidí céanna leis an bhfógróir de réir mar a leagtar síos iad san Airteagal seo.

11.Beidh an tAirteagal seo gan dochar d’fhorálacha de chuid an Aontais agus d’fhorálacha náisiúnta a bhaineann le dliteanas.

Airteagal 25
Costais maidir le glacadh ar ais i gcás loingsiú neamhdhleathach

1.Costais a eascraíonn as glacadh ar ais dramhaíola a bhaineann le loingsiú neamhdhleathach, lena n‑áirítear costais a iompair, a chóireála nó a dhiúscartha de bhun Airteagal 24(2) agus, amhail ón dáta ar a gcuirfear an t‑údarás inniúil seolta ar an eolas gur loingsiú neamhdhleathach atá ann, gearrfar costais stórála de bhun Airteagal 24(8) ar na páirtithe seo a leanas:

(a)an fógróir de facto dá dtagraítear in Airteagal 24(2), pointe (a) mar a shainaithnítear é de réir an oird a thugtar le fios in Airteagal 3, pointe (6); nó, murar cuireadh fógra isteach, i gcomhréir le pointe (b);

(b)an fógróir de jure nó aon duine nádúrtha nó dlítheanach de réir mar is iomchuí; nó, mura bhfuil sin indéanta, i gcomhréir le pointe (c);

(c)an t‑údarás inniúil seolta.

2.Costais a eascraíonn as cóireáil nó diúscairt de bhun Airteagal 24(4), lena n‑áirítear costais fhéideartha iompair agus stórála de bhun Airteagal 24(7), gearrfar ar an gcoinsíní iad; nó, mura bhfuil sin indéanta, ar an údarás inniúil cinn scríbe.

3.Costais a eascraíonn as cóireáil nó diúscairt de bhun Airteagal 24(6), lena n‑áirítear costais fhéideartha iompair agus stórála de bhun Airteagal 24(8), gearrfar ar na páirtithe seo a leanas iad:

(a)an fógróir, mar a shainaithnítear é i gcomhréir leis an aicmiú a leagtar síos in Airteagal 3, pointe (6), agus/nó an coinsíní, ag brath ar chinneadh na n‑údarás inniúil lena mbaineann; nó, mura bhfuil sin indéanta, i gcomhréir le pointe (b);

(b)daoine nádúrtha nó dlítheanacha eile de réir mar is iomchuí; nó, mura bhfuil sin indéanta, i gcomhréir le pointe (c);

(c)na húdaráis inniúla seolta agus cinn scríbe.

4.I gcás loingsiú neamhdhleathach dá dtagraítear in Airteagal 3, pointe (25)(g), beidh an duine a shocraíonn an loingsiú faoi réir na n‑oibleagáidí céanna leis an bhfógróir de réir mar a leagtar síos iad san Airteagal seo.

5.Beidh an tAirteagal seo gan dochar d’fhorálacha de chuid an Aontais agus d’fhorálacha náisiúnta a bhaineann le dliteanas.

Caibidil 5
Forálacha riaracháin ginearálta

Airteagal 26
Cur isteach agus malartú leictreonach faisnéise

1.Cuirfear isteach agus malartófar an fhaisnéis agus na doiciméid seo a leanas trí mhodhanna leictreonacha, is é sin, tríd an lárchóras dá dtagraítear i mír 2 nó trí chóras náisiúnta i gcomhréir le mír 3:

(a)I gcás dramhaíl dá dtagraítear in Airteagal 4(1) agus (2):

(i) fógra faoi loingsiú pleanáilte de bhun Airteagail 5 agus 13;

(ii) iarraidh ar fhaisnéis agus dhoiciméadacht de bhun Airteagail 5 agus 8;

(iii) cur isteach faisnéise agus doiciméadachta de bhun Airteagail 5 agus 8;

(iv) faisnéis agus cinntí de bhun Airteagal 8;

(v) toiliú le loingsiú faoina dtugtar fógra agus, más infheidhme, fógra oifigiúil faoi aistarraingt an toilithe de bhun Airteagal 9;

(vi) coinníollacha maidir le loingsiú de bhun Airteagal 10;

(vii) agóidí i gcás nach gcomhlíontar na coinníollacha in Airteagal 11(2);

(viii) agóidí i gcoinne loingsiú de bhun Airteagal 12;

(ix) faisnéis faoi chinntí chun réamhthoiliú a eisiúint do shaoráidí cóireála sonracha de bhun Airteagal 14(8) agus (10);

(x) faisnéis agus cinntí de bhun Airteagal 14(11) agus (15);

(xi) dearbhú go bhfuarthas an dramhaíl de bhun Airteagail 15 agus 16;

(xii) deimhniú maidir le cóireáil nó diúscairt na dramhaíola de bhun Airteagail 15 agus 16;

(xiii) réamhfhaisnéis maidir le tús iarbhír an loingsithe de bhun Airteagal 16;

(xiv) na doiciméid atá le dul in éineacht le gach iompar i gcomhréir le hAirteagal 16;

(xv) faisnéis faoi athruithe ar an loingsiú tar éis toiliú de bhun Airteagal 17;

(xvi) más indéanta, toilithe agus doiciméid ghluaiseachta le seoladh de bhun Theidil IV, V agus VI;

(b)I gcás dramhaíl dá dtagraítear in Airteagal 4(3), an fhaisnéis agus an doiciméadacht a éilítear faoi Airteagal 18.

2.Oibreoidh an Coimisiún lárchóras a chumasóidh cur isteach agus malartú leictreonach na faisnéise agus na ndoiciméad dá dtagraítear i mír 1. Soláthróidh an lárchóras sin mol a úsáidfear le haghaidh mhalartú na faisnéise agus na ndoiciméad dá dtagraítear i mír 1 i bhfíor-am idir córais náisiúnta um idirmhalartú leictreonach sonraí atá ann cheana.

Údaráis inniúla na mBallstát nach bhfuil córas náisiúnta um idirmhalartú leictreonach sonraí curtha ar bun acu, úsáidfidh siadsan an lárchóras sin freisin chun an fhaisnéis agus na doiciméid dá dtagraítear i mír 1 a chur isteach agus a mhalartú go díreach, trí mhodhanna leictreonacha.

Déanfaidh an lárchóras sin foráil freisin maidir lena idir-inoibritheacht leis an timpeallacht um fhaisnéis leictreonach faoi iompar lastais arna bunú faoi Rialachán (AE) 2020/1056 ó Pharlaimint na hEorpa agus ón gComhairle 61 .

Laistigh de 4 bliana tar éis ghlacadh an ghnímh cur chun feidhme dá dtagraítear i mír 4, déanfaidh an lárchóras sin foráil maidir lena idir-inoibritheacht le timpeallacht an ionaid ilfhreastail maidir le custam de chuid an Aontais.

3.Féadann na Ballstáit a gcórais náisiúnta féin a oibriú ach áiritheoidh siad go bhfuil na córais sin idir-inoibritheach leis an lárchóras dá dtagraítear i mír 2, go n‑oibrítear iad i gcomhréir leis na ceanglais agus na rialacha a leagtar síos sna gníomhartha cur chun feidhme arna nglacadh ag an gCoimisiún de bhun mhír 4, agus go malartaíonn siad faisnéis agus doiciméid leis an lárchóras i bhfíor-am.

4.Ar a dhéanaí faoin [Oifig na bhFoilseachán: Cuir isteach dáta 12 mhí tar éis dháta theacht i bhfeidhm an Rialacháin seo], glacfaidh an Coimisiún gníomhartha cur chun feidhme chun an méid seo a leanas a bhunú:

(a)na ceanglais is gá le haghaidh idir-inoibritheacht idir an lárchóras dá dtagraítear i mír 2 agus na córais náisiúnta, lena n‑áirítear samhail sonraí agus prótacal maidir le malartú sonraí;

(b)aon cheanglas teicniúil agus eagraíochtúil eile, lena n‑áirítear ceanglais maidir le gnéithe slándála agus rialachas sonraí, ar gá leo chun an cur isteach agus malartú leictreonach faisnéise agus doiciméad dá dtagraítear i mír 1 a chur chun feidhme go praiticiúil.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2).

Airteagal 27
Teanga

1.Aon fhógra, fhaisnéis, doiciméadacht nó teachtaireacht eile a chuirtear isteach de bhun fhorálacha an Teidil seo, soláthrófar iad i dteanga atá inghlactha ag na húdaráis inniúla lena mbaineann.

2.Soláthróidh an fógróir aistriúcháin údaraithe ar na doiciméid dá dtagraítear i mír 1 do na húdaráis inniúla lena mbaineann i dteanga atá inghlactha acu, i gcás ina n‑iarrann siad sin.

Airteagal 28
Easaontú faoi cheisteanna maidir le haicmiú

1.Agus cinneadh á dhéanamh acu faoi cé acu an measfar nó nach measfar mír nó substaint arna heascairt as próiseas táirgthe mar dhramhaíl, i gcás nárbh é príomhaidhm an phróisis táirgthe an mhír nó substaint sin a tháirgeadh, bunóidh na Ballstáit a gcinneadh ar na coinníollacha a leagtar síos in Airteagal 5 de Threoir 2008/98/CE.

Agus cinneadh á dhéanamh acu faoi cé acu an measfar nó nach measfar nach dramhaíl a thuilleadh í dramhaíl a cuireadh faoi chóras athchúrsála nó córas cóireála de chineál eile, bunóidh na Ballstáit a gcinneadh ar na coinníollacha a leagtar síos in Airteagal 6 de Threoir 2008/98/CE.

Mura féidir leis na húdaráis inniúla seolta agus cinn scríbe teacht ar chomhaontú faoin aicmiú a mhéid a bhaineann leis an idirdhealú idir dramhaíl agus neamh-dhramhaíl, caithfear leis an mír nó an tsubstaint amhail is dá mba dhramhaíl í chun críche an loingsithe. Beidh sé sin gan dochar do cheart na tíre cinn scríbe déileáil leis an ábhar loingsithe i gcomhréir lena reachtaíocht náisiúnta, tar éis don ábhar loingsithe a cheann scríbe a bhaint amach agus i gcás ina bhfuil a leithéid de reachtaíocht i gcomhréir le dlí an Aontais nó an dlí idirnáisiúnta.

2.Mura féidir leis na húdaráis inniúla seolta agus cinn scríbe teacht ar chomhaontú faoi aicmiú dramhaíola mar dhramhaíl a liostaítear in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV, nó mar dhramhaíl nach liostaítear in aon cheann de na hIarscríbhinní sin, beidh loingsiú na dramhaíola sin faoi réir Airteagal 4(1) agus (2).

3.Mura féidir leis na húdaráis inniúla seolta agus cinn scríbe teacht ar chomhaontú faoi cé acu an ndéanfar an córas cóireála dramhaíola arna fhógairt a aicmiú mar chóras cóireála nó mar chóras diúscartha, beidh feidhm ag forálacha an Rialacháin seo maidir le diúscairt.

4.Chun aicmiú comhchuibhithe na dramhaíola arna liostú in Iarscríbhinn III, Iarscríbhinn IIIA, Iarscríbhinn IIIB nó Iarscríbhinn IV a éascú san Aontas, tá de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 76 chun an Rialachán seo a fhorlíonadh trí chritéir amhail tairseacha éillithe a bhunú, a bheidh ina mbonn le haicmiú dramhaíola áirithe in Iarscríbhinn III, IIIA, IIIB nó IV.

Tá de chumhacht ag an gCoimisiún freisin gníomhartha tarmligthe a ghlacadh i gcomhréir le hAirteagal 76 chun an Rialachán seo a fhorlíonadh trí chritéir a bhunú chun idirdhealú a dhéanamh idir earraí úsáidte agus dramhaíl, i gcás catagóirí sonracha tráchtearraí a bhfuil tábhacht ar leith leis an idirdhealú sin dóibh maidir le honnmhairiú dramhaíola ón Aontas.

   Airteagal 29
Costais riaracháin

Féadfaidh na húdaráis lena mbaineann costais riaracháin iomchuí chomhréireacha a ghearradh ar an bhfógróir chun na nósanna imeachta um maoirseacht agus um fhógra a thabhairt, chomh maith le gnáthchostais le haghaidh anailísí agus cigireachtaí iomchuí, a chur chun feidhme.

Airteagal 30
Comhaontuithe maidir le réigiún teorann

1.I gcásanna eisceachtúla, agus i gcás ina bhfuil údar cuí le beart mar sin mar gheall ar chás sonrach geografach nó déimeagrafach, féadfaidh na Ballstáit comhaontuithe déthaobhacha a thabhairt i gcrích agus mar thoradh ar na comhaontuithe sin, ní bheidh an nós imeachta um fhógra a thabhairt maidir le loingsithe de shruthanna dramhaíola ar leith chomh dian a mhéid a bhaineann le loingsithe trasteorann chuig an tsaoráid chuí is gaire atá suite sa limistéar trasteorann idir an dá Bhallstát lena mbaineann.

2.Féadfar na comhaontuithe déthaobhacha dá dtagraítear i mír 1 a dhéanamh freisin i gcás ina seoltar dramhaíl ón tír seolta agus i gcás ina gcóireáiltear í sa tír seolta ach go ndéanann sí idirthuras trí Bhallstát eile.

3.Féadfaidh na Ballstáit na comhaontuithe déthaobhacha dá dtagraítear i mír 1 a thabhairt i gcrích freisin le tíortha atá ina bpáirtithe sa Chomhaontú maidir leis an Limistéar Eorpach Eacnamaíoch.

4.Tabharfar fógra don Choimisiún faoi na comhaontuithe dá dtagraítear san Airteagal seo sula dtagann siad i bhfeidhm.

Caibidil 6
Loingsithe laistigh den Aontas nuair a bhíonn idirthuras trí thríú tíortha i gceist

Airteagal 31
Loingsithe dramhaíola a bheidh le diúscairt

I gcás ina ndéantar loingsiú dramhaíola laistigh den Aontas agus ina bhfuil idirthuras i gceist trí thríú tír amháin nó níos mó, agus an dramhaíl le diúscairt, fiafróidh an t‑údarás inniúil seolta den údarás inniúil sna tríú tíortha sin cé acu ar mhaith leo a dtoiliú leis an loingsiú pleanáilte a sheoladh i scríbhinn nó nár mhaith:

(a)laistigh de 60 lá i gcás ina bhfuil an tríú tír ina Páirtí i gCoinbhinsiún Basel, ach amháin má tá an ceart sin tarscaoilte aici i gcomhréir le téarmaí an Choinbhinsiúin sin; nó

(b)laistigh de thréimhse arna comhaontú idir na húdaráis inniúla i gcás nach Páirtí i gCoinbhinsiún Basel í an tríú tír.

Airteagal 32
Loingsithe dramhaíola a bheidh le cóireáil

1.I gcás ina ndéantar loingsiú dramhaíola laistigh den Aontas agus go bhfuil idirthuras i gceist trí thríú tír amháin nó níos mó nach bhfuil feidhm ag Cinneadh ón gComhairle maidir le Rialú Gluaiseachtaí Trasteorann Dramhaíola atá Ceaptha le haghaidh Córais Chóireála (‘Cinneadh ECFE’) maidir léi, agus i gcás ina mbeidh an dramhaíl le cóireáil, beidh feidhm ag Airteagal 31.

2.Nuair a dhéantar loingsiú dramhaíola laistigh den Aontas, lena n‑áirítear loingsithe idir ceantair sa Bhallstát céanna, agus tá idirthuras i gceist trí thríú tír amháin nó níos mó a bhfuil feidhm ag Cinneadh ECFE maidir leo, agus i gcás ina mbeidh an dramhaíl le cóireáil, féadfar an toiliú dá dtagraítear in Airteagal 9 a sholáthar go hintuigthe, agus mura ndearnadh agóid nó murar sonraíodh coinníollacha, féadfar tús a chur leis an loingsiú 30 lá tar éis an dáta a chuir an fógróir an fógra isteach i gcomhréir le hAirteagal 5.

Teideal III 
Loingsithe a dhéantar go heisiach laistigh de Bhallstát

Airteagal 33
Córas le haghaidh loingsithe a dhéantar go heisiach laistigh de Bhallstát

1.Leagfaidh na Ballstáit córas iomchuí síos le haghaidh maoirseacht agus rialú loingsithe a dhéantar go heisiach laistigh dá ndlínse náisiúnta. Cuirfear san áireamh leis an gcóras sin an gá le comhleanúnachas le córas an Aontais arna bhunú le Teidil II agus VII.

2.Cuirfidh na Ballstáit an Coimisiún ar an eolas faoina gcóras le haghaidh maoirseacht agus rialú loingsithe dramhaíola. Cuirfidh an Coimisiún na Ballstáit eile ar an eolas faoin méid sin.

Teideal IV 
Onnmhairí ón Aontas chuig tríú tíortha

Caibidil 1
Onnmhairí dramhaíola atá ceaptha lena diúscairt

Airteagal 34
Toirmeasc ar onnmhairí

1.Tá toirmeasc ar onnmhairiú dramhaíola ón Aontas a bheidh le diúscairt.

2.Ní bheidh feidhm ag an toirmeasc i mír 1 maidir le honnmhairiú dramhaíola, má tá an dramhaíl sin le diúscairt, chuig tíortha CSTE atá ina bPáirtithe freisin i gCoinbhinsiún Basel.

3.De mhaolú ar mhír 2, beidh toirmeasc ar onnmhairiú dramhaíola, má tá an dramhaíl sin le diúscairt, chuig tír CSTE atá ina Páirtí i gCoinbhinsiún Basel:

(a)i gcás ina bhfuil toirmeasc ar allmhairiú dramhaíola den sórt sin sa tír CSTE;

(b)i gcás nach gcomhlíontar na coinníollacha a leagtar síos in Airteagal 11(2);

(c)i gcás ina bhfuil cúis ag an údarás inniúil seolta a chreidiúint nach mbeidh an dramhaíl faoi réir bainistiú atá neamhdhíobhálach don chomhshaol sa tír cinn scríbe mar a thagraítear dó in Airteagal 56.

4.Ní bheidh feidhm ag an toirmeasc i mír 1 maidir le dramhaíl atá faoi réir oibleagáid glacadh ar ais de bhun Airteagal 22 nó Airteagal 24.

Airteagal 35
Nósanna imeachta onnmhairithe chuig tíortha CSTE

1.I gcás ina ndéantar dramhaíl a onnmhairiú ón Aontas chuig tír CSTE atá ina Páirtí i gCoinbhinsiún Basel agus i gcás ina bhfuil an dramhaíl le diúscairt sa tír sin, beidh feidhm ag forálacha Theideal II mutatis mutandis, chomh maith leis na hoiriúnuithe agus na forálacha breise a leagtar amach i míreanna 2 agus 3.

2.Beidh feidhm ag na hoiriúnuithe seo a leanas:

(a)i gcomhréir le hAirteagal 26, cuirfidh an fógróir an iarraidh ar fhógra agus an fhaisnéis agus doiciméadacht isteach i gcomhréir le hAirteagal 5(3), agus an tráth céanna, soláthróidh sé tríd an bpost, i bhfacs nó i ríomhphost iad agus síniú digiteach leo, chuig na húdaráis inniúla lena mbaineann sna tíortha idirthurais agus cinn scríbe lasmuigh den Aontas, seachas má tá na húdaráis sin nasctha leis an lárchóras dá dtagraítear in Airteagal 26(2);

(b)i gcomhréir le hAirteagal 26, cuirfidh an fógróir aon fhaisnéis agus doiciméadacht bhreise isteach i gcomhréir le hAirteagal 5(4), agus an tráth céanna, soláthróidh sé tríd an bpost, i bhfacs nó i ríomhphost iad agus síniú digiteach leo, chuig na húdaráis inniúla lena mbaineann sna tíortha idirthurais agus cinn scríbe lasmuigh den Aontas, ach amháin má tá na húdaráis sin nasctha leis an lárchóras dá dtagraítear in Airteagal 26(2);

(c)cuirfidh an t‑údarás inniúil seolta na húdaráis inniúla lena mbaineann sna tíortha idirthurais agus cinn scríbe lasmuigh den Aontas ar an eolas faoi aon iarraidh ar fhaisnéis agus doiciméadacht óna thaobh siúd agus faoina chinneadh maidir leis an loingsiú beartaithe, tríd an bpost, i bhfacs nó i ríomhphost agus síniú digiteach léi, ach amháin má tá na húdaráis sin nasctha leis an lárchóras dá dtagraítear in Airteagal 26(2);

(d)an t‑údarás inniúil idirthurais lasmuigh den Aontas, beidh 60 lá aige tar éis dháta tharchur a admhála go bhfuair sé an fógra, chun toiliú intuigthe a sholáthar nó chun toiliú i scríbhinn a thabhairt le coinníollacha nó gan choinníollacha, i gcás ina bhfuil cinneadh déanta ag an tír lena mbaineann nach n‑éileoidh sí réamhthoiliú i scríbhinn agus gur chuir an tír na Páirtithe i gCoinbhinsiún Basel ar an eolas faoin méid sin, i gcomhréir le hAirteagal 6(4) den Choinbhinsiún sin;

(e)an t‑údarás inniúil seolta san Aontas, déanfaidh sé cinneadh toiliú leis an loingsiú dá dtagraítear in Airteagal 9 ach ní dhéanfaidh sé amhlaidh nó go mbeidh toiliú i scríbhinn faighte aige ón údarás inniúil cinn scríbe agus, i gcás inarb iomchuí, toiliú intuigthe nó i scríbhinn ón údarás inniúil idirthurais lasmuigh den Aontas, agus tráth nach luaithe ná 61 lá tar éis an dáta a dhéanann an t‑údarás inniúil idirthurais admháil fála an fhógra a tharchur, ach amháin má tá toiliú i scríbhinn ag an údarás inniúil seolta ó na húdaráis inniúla eile lena mbaineann, agus sa chás sin, féadfaidh sé an cinneadh dá dtagraítear in Airteagal 9 a dhéanamh roimh an teorainn ama sin.

3.Beidh feidhm ag na forálacha breise seo a leanas:

(a)seolfaidh an t‑údarás inniúil idirthurais san Aontas admháil chuig an bhfógróir go bhfuair sé an fógra agus seolfaidh sé cóipeanna chuig na húdaráis inniúla eile lena mbaineann;

(b)áiritheoidh na húdaráis inniúla seolta agus, i gcás inarb iomchuí, na húdaráis inniúla idirthurais san Aontas go gcuirfear an oifig custaim onnmhairithe agus an oifig custaim imeachta ar an eolas faoina gcinntí chun toiliú leis an loingsiú;

(c)soláthróidh an t‑iompróir cóip den doiciméad gluaiseachta don oifig custaim onnmhairithe agus don oifig custaim imeachta tríd an bpost, i bhfacs nó i ríomhphost agus síniú digiteach leis, nó, i gcás ina bhfuil rochtain ag an oifig custaim onnmhairithe air, tríd an lárchóras dá dtagraítear in Airteagal 26(2);

(d)a luaithe a fhágfaidh an dramhaíl an tAontas, cuirfidh an oifig custaim imeachta an t‑údarás inniúil seolta san Aontas ar an eolas gur fhág an dramhaíl an tAontas;

(e)i gcás nach bhfuil aon fhaisnéis faighte ón tsaoráid ag an údarás inniúil seolta san Aontas faoi fháil na dramhaíola 42 lá tar éis don dramhaíl an tAontas a fhágáil, cuirfidh sé an t‑údarás inniúil cinn scríbe ar an eolas faoin méid sin gan mhoill;

(f)beidh na téarmaí agus coinníollacha seo a leanas sa chonradh dá dtagraítear in Airteagal 6:

(i)i gcás ina n‑eisíonn saoráid deimhniú diúscartha mícheart, agus scaoiltear an ráthaíocht airgeadais dá dheasca sin, is é an coinsíní a sheasfaidh na costais arna n‑eascairt as an dualgas chun an dramhaíl a chur ar ais chuig limistéar dlínse an údaráis inniúil seolta agus as a cóireáil nó diúscairt ar bhealach eile atá neamhdhíobhálach don chomhshaol;

(ii)laistigh de 3 lá ó fháil na dramhaíola lena diúscairt, seolfaidh an tsaoráid cóipeanna sínithe den doiciméad gluaiseachta comhlánaithe, cé is moite den deimhniú diúscartha dá dtagraítear i bpointe (iii), chuig an bhfógróir agus chuig na húdaráis inniúla lena mbaineann;

(iii)deimhneoidh an tsaoráid, a luaithe is féidir ach tráth nach déanaí ná 30 lá tar éis chur i gcrích na diúscartha agus in aon chás, tráth nach déanaí ná 1 bhliain féilire tar éis an dramhaíl faoina cúraim a fháil, gur cuireadh an diúscairt i gcrích agus seolfaidh sí cóipeanna sínithe den doiciméad gluaiseachta ina bhfuil an deimhniú chuig an bhfógróir agus chuig na húdaráis inniúla lena mbaineann;

(g)laistigh de 3 lá oibre tar éis na cóipeanna dá dtagraítear i bpointí (f)(ii) agus (f)(iii) a fháil, cuirfidh an fógróir an fhaisnéis sna cóipeanna sin ar fáil go leictreonach i gcomhréir le hAirteagal 26.

4.Ní féidir an loingsiú a dhéanamh ach amháin má chomhlíontar na coinníollacha uile seo a leanas:

(a)tá toiliú i scríbhinn faighte ag an bhfógróir ó na húdaráis inniúla seolta, cinn scríbe agus, i gcás inarb iomchuí, idirthurais lasmuigh den Aontas agus comhlíonadh na coinníollacha arna leagan síos sna cinntí sin;

(b)áirithítear go bhfuil an dramhaíl á bainistiú ar bhealach atá neamhdhíobhálach don chomhshaol mar a thagraítear dó sin in Airteagal 56.

5.I gcás ina ndéantar dramhaíl a onnmhairiú, beidh sí ceaptha le haghaidh córais diúscartha laistigh de shaoráid atá ag oibriú nó a bhfuil údarú aici oibriú sa tír cinn scríbe, faoin dlí náisiúnta is infheidhme.

6.I gcás ina dtagann oifig custaim onnmhairithe nó oifig custaim imeachta ar loingsiú neamhdhleathach, cuirfidh sí an t‑údarás inniúil sa tír ina bhfuil an oifig custaim ar an eolas faoi sin gan mhoill. Déanfaidh an t‑údarás inniúil sin an méid a leanas:

(a)cuirfidh sé an t‑údarás inniúil seolta san Aontas ar an eolas gan mhoill faoin loingsiú neamhdhleathach; agus

(b)áiritheoidh sé go gcoinneofar an dramhaíl go dtí go ndéanfaidh an t‑údarás inniúil seolta a mhalairt de chinneadh agus go dtí go gcuirfidh sé an cinneadh sin in iúl i scríbhinn don údarás inniúil i dtír na hoifige custaim ina bhfuil an dramhaíl á coinneáil.

Caibidil 2
Onnmhairí dramhaíola atá ceaptha lena gcóireáil

Roinn 1
Onnmhairí dramhaíola guaisí agus dramhaíola áirithe eile chuig tíortha nach bhfuil feidhm ag Cinneadh ECFE maidir leo

Airteagal 36
Toirmeasc ar onnmhairí

1.Tá toirmeasc ar onnmhairiú na dramhaíola seo a leanas ón Aontas a bheidh le cóireáil i dtíortha nach bhfuil feidhm ag Cinneadh ECFE maidir leo:

(a)dramhaíl a liostaítear mar dhramhaíl ghuaiseach i gCuid 1 d’Iarscríbhinn V a ghabhann leis an Rialachán seo;

(b)dramhaíl a liostaítear mar dhramhaíl ghuaiseach sa liosta dramhaíola dá dtagraítear in Airteagal 7 de Threoir 2008/98/CE;

(c)dramhaíl a liostaítear i gCuid 2 d’Iarscríbhinn V a ghabhann leis an Rialachán seo;

(d)dramhaíl ghuaiseach nach n‑aicmítear faoi iontráil aonair amháin in Iarscríbhinn V a ghabhann leis an Rialachán seo ná sa liosta dramhaíola dá dtagraítear in Airteagal 7 de Threoir 2008/98/CE;

(e)meascáin de dhramhaíl ghuaiseach agus meascáin de dhramhaíl ghuaiseach le dramhaíl neamhghuaiseach nach n‑aicmítear faoi iontráil aonair amháin in Iarscríbhinn V a ghabhann leis an Rialachán seo ná sa liosta dramhaíola dá dtagraítear in Airteagal 7 de Threoir 2008/98/CE;

(f)dramhaíl ar fhógair an tír cinn scríbe ina leith go bhfuil sí guaiseach faoi Airteagal 3 de Choinbhinsiún Basel;

(g)dramhaíl a bhfuil toirmeasc curtha ar a hallmhairiú ag an tír cinn scríbe;

(h)dramhaíl a bhfuil cúis ag an údarás inniúil seolta a chreidiúint ina leith nach mbainisteofar í ar bhealach atá neamhdhíobhálach don chomhshaol mar a thagraítear dó sin in Airteagal 56, sa tír cinn scríbe lena mbaineann;

(i)dramhaíl dá dtagraítear in Airteagal 4(5).

2.Ní bheidh feidhm ag mír 1 maidir le dramhaíl atá faoi réir oibleagáid glacadh ar ais de bhun Airteagal 22 nó Airteagal 24.

3.I gcásanna eisceachtúla, féadfaidh Ballstáit foráil a dhéanamh, ar bhonn fianaise dhoiciméadach arna soláthar ag an bhfógróir, go n‑eisiafar dramhaíl ghuaiseach shonrach a liostaítear in Iarscríbhinn V a ghabhann leis an Rialachán seo nó sa liosta dramhaíola dá dtagraítear in Airteagal 7 de Threoir 2008/98/CE ón toirmeasc ar onnmhairiú dá dtagraítear i mír 1, i gcás nach léiríonn an dramhaíl sin aon cheann de na hairíonna a liostaítear in Iarscríbhinn III a ghabhann le Treoir 2008/98/CE, agus na critéir agus na scoithluachanna agus teorainneacha tiúchana is infheidhme á gcur san áireamh maidir le haicmiú dramhaíola mar dhramhaíl ghuaiseach de réir mar a shonraítear san Iarscríbhinn sin. I gcás ina ndearnadh tástáil chun measúnú a dhéanamh ar airí guaiseach dramhaíola agus trí leas a bhaint as tiúchan na substaintí guaiseacha mar a thugtar le fios í in Iarscríbhinn III a ghabhann le Treoir 2008/98/CE, is ag torthaí na tástála a bheidh tosaíocht.

4.Fiú mura liostaítear dramhaíl mar dhramhaíl ghuaiseach in Iarscríbhinn V ná sa liosta dramhaíola dá dtagraítear in Airteagal 7 de Threoir 2008/98/CE, nó fiú má liostaítear i gCuid 1, Liosta B d’Iarscríbhinn V í, ní hionann sin agus a rá nach dtréithreofar a leithéid de dhramhaíl mar dhramhaíl ghuaiseach i gcásanna eisceachtúla, agus go mbeidh sí faoi réir an toirmisc ar onnmhairiú dá bhrí sin má léiríonn sí aon cheann de na hairíonna a liostaítear in Iarscríbhinn III a ghabhann le Treoir 2008/98/CE, agus na critéir agus na scoithluachanna agus teorainneacha tiúchana is infheidhme á gcur san áireamh maidir le haicmiú dramhaíola mar dhramhaíl ghuaiseach de réir mar a shonraítear san Iarscríbhinn sin. I gcás ina ndearnadh tástáil chun measúnú a dhéanamh ar airí guaiseach dramhaíola agus trí leas a bhaint as tiúchan na substaintí guaiseacha mar a thugtar le fios í in Iarscríbhinn III a ghabhann le Treoir 2008/98/CE, is ag torthaí na tástála a bheidh tosaíocht.

5.Sna cásanna dá dtagraítear i míreanna 3 agus 4, cuirfidh an Ballstát lena mbaineann an tír cinn scríbe bheartaithe ar an eolas roimh dó cinneadh a dhéanamh maidir le toiliú le loingsithe beartaithe chuig an tír sin. Tabharfaidh na Ballstáit fógra don Choimisiún faoi chásanna mar sin roimh dheireadh gach bliana féilire. Seolfaidh an Coimisiún an fhaisnéis sin ar aghaidh chuig na Ballstáit uile agus chuig Rúnaíocht Choinbhinsiún Basel. Ar bhonn na faisnéise a soláthraíodh, féadfaidh an Coimisiún barúlacha a chur in iúl agus, i gcás inarb iomchuí, Iarscríbhinn V a oiriúnú don Rialachán seo i gcomhréir le hAirteagal 72.

Roinn 2
Onnmhairí dramhaíola neamhghuaisí chuig tíortha nach bhfuil feidhm ag Cinneadh ECFE maidir leo

Airteagal 37
Toirmeasc ar onnmhairí

1.Tá toirmeasc ar onnmhairiú na dramhaíola seo a leanas ón Aontas a bheidh le cóireáil i dtíortha nach bhfuil feidhm ag Cinneadh ECFE maidir leo:

(a)dramhaíl a liostaítear in Iarscríbhinn III, Iarscríbhinn IIIA nó Iarscríbhinn IIIB;

(b)dramhaíl neamhghuaiseach atá san áireamh sa liosta dramhaíola dá dtagraítear in Airteagal 7 de Threoir 2008/98/CE, i gcás nach liostaítear cheana í in Iarscríbhinn III, Iarscríbhinn IIIA ná Iarscríbhinn IIIB.

2.Ní bheidh feidhm ag mír 1 maidir le honnmhairí dramhaíola a bheidh le cóireáil chuig tír atá san áireamh sa liosta tíortha a bunaíodh i gcomhréir le hAirteagal 38 i gcás na dramhaíola a shonraítear sa liosta sin.

Ní féidir onnmhairiú den sórt sin a dhéanamh ach amháin ar choinníoll go mbeidh an dramhaíl le dul chuig saoráid arna ceadúnú faoi reachtaíocht intíre na tíre lena mbaineann, chun go gcuirfear an dramhaíl sin faoi chórais chóireála. Ina theannta sin, beidh onnmhairiú den sórt sin faoi réir na gceanglas faisnéise ginearálta a leagtar síos in Airteagal 18 nó, i gcás ina dtugann an tír lena mbaineann an méid sin le fios san iarraidh dá dtagraítear in Airteagal 39, faoi réir an nós imeachta um réamhfhógra agus réamhthoiliú i scríbhinn dá dtagraítear in Airteagal 35.

Airteagal 38
Liosta tíortha a bhunú a bhfuil sé údaraithe dramhaíl neamhghuaiseach ón Aontas a onnmhairiú chucu lena cóireáil

1.Tá de chumhacht ag an gCoimisiún gníomh tarmligthe a ghlacadh i gcomhréir le hAirteagal 76 chun an Rialachán seo a fhorlíonadh trí liosta tíortha a bhunú nach bhfuil feidhm ag Cinneadh ECFE maidir leo agus a bhfuil sé údaraithe dramhaíl neamhghuaiseach ón Aontas a onnmhairiú chucu lena cóireáil (‘liosta tíortha a bhfuil sé údaraithe onnmhairiú chucu’). Áireofar sa liosta sin tíortha a sheol iarraidh isteach de bhun Airteagal 39(1) agus a léirigh go gcomhlíonann siad na ceanglais a leagtar amach in Airteagal 39(3), ar bhonn measúnú arna dhéanamh ag an gCoimisiún de bhun Airteagal 40.

2.Áireofar an fhaisnéis seo a leanas sa liosta dá dtagraítear i mír 1:

(a)ainm na dtíortha a bhfuil sé údaraithe dramhaíl neamhghuaiseach ón Aontas a onnmhairiú chucu lena cóireáil;

(b)an dramhaíl shonrach a údaraítear lena honnmhairiú ón Aontas chuig gach tír dá dtagraítear i bpointe (a);

(c)faisnéis amhail seoladh idirlín, a chumasóidh rochtain ar liosta saoráidí atá ceadúnaithe faoi reachtaíocht intíre gach tíre dá dtagraítear i bpointe (a) chun cóireáil na dramhaíola dá dtagraítear i bpointe (b) a dhéanamh;

(d)i gcás ina bhfuil fáil uirthi, faisnéis faoi aon nós imeachta sonrach um rialú a bhfuil feidhm aige faoi reachtaíocht intíre gach tíre dá dtagraítear i bpointe (a) maidir le hallmhairiú na dramhaíola dá dtagraítear i bpointe (b), lena n‑áirítear léiriú ar cé acu an bhfuil an t‑allmhairiú sin faoi réir an nós imeachta um réamhfhógra agus réamhthoiliú i scríbhinn dá dtagraítear in Airteagal 35 nó nach bhfuil.

3.Glacfar an liosta dá dtagraítear i mír 1 faoin [Oifig na bhFoilseachán Cuir isteach dáta 30 mí tar éis dháta theacht i bhfeidhm an Rialacháin seo], ach amháin i gcás nach gcuireann aon tír iarraidh isteach de bhun Airteagal 39(1) nó i gcás nach gcomhlíonann aon tír na ceanglais a leagtar amach in Airteagal 39(3) amhail an tráth sin.

Faoin [Oifig na bhFoilseachán Cuir isteach dáta 3 mhí tar éis dháta theacht i bhfeidhm an Rialacháin seo], rachaidh an Coimisiún i dteagmháil le gach tír nach bhfuil feidhm ag Cinneadh ECFE maidir léi, chun an fhaisnéis riachtanach a sholáthar dóibh maidir le conas is féidir leo a bheith san áireamh ar an liosta tíortha a bhfuil sé údaraithe onnmhairiú chucu.

Chun a bheith san áireamh ar an liosta tíortha a bhfuil sé údaraithe onnmhairiú chucu arna ghlacadh faoin [Oifig na bhFoilseachán Cuir isteach dáta 30 mí tar éis dháta theacht i bhfeidhm an Rialacháin seo], cuirfidh na tíortha nach bhfuil feidhm ag Cinneadh ECFE maidir leo a n‑iarraidh isteach de bhun Airteagal 39(1) faoin [OP Cuir isteach dáta 9 mí tar éis dháta theacht i bhfeidhm an Rialacháin seo].

4.Déanfaidh an Coimisiún an liosta tíortha a bhfuil sé údaraithe onnmhairiú chucu a thabhairt cothrom le dáta go rialta, agus gach 2 bhliain ar a laghad tar éis bhunú an liosta, chun an méid seo a leanas a dhéanamh: 

(a)tír a chur leis an liosta, a chuimseofar i gcomhréir le mír 1;

(b)tír a bhaint den liosta a scoireann de na ceanglais a leagtar amach in Airteagal 39 a chomhlíonadh;

(c)an fhaisnéis dá dtagraítear i mír 2, pointí (b), (c) agus (d) a thabhairt cothrom le dáta, ar bhonn iarraidh arna fáil ón tír lena mbaineann agus, má bhaineann an iarraidh sin le dramhaíl nua a chur leis an liosta, ar choinníoll gur léirigh an tír lena mbaineann go gcomhlíonann sí na ceanglais a leagtar amach in Airteagal 39 i ndáil leis an dramhaíl nua atá i gceist;

(d)aon eilimint eile a áireamh ar an liosta nó a bhaint de, atá ábhartha maidir lena áirithiú go bhfuil faisnéis chruinn nuashonraithe ar an liosta.

5.I gcás aon athrú ar an bhfaisnéis arna soláthar don Choimisiún faoi Airteagal 39(3), soláthróidh na tíortha atá san áireamh ar an liosta dá dtagraítear i mír 1 nuashonrú ar an bhfaisnéis a shonraítear san fhoirm a leagtar amach in Iarscríbhinn VIII, chomh maith le fianaise thacaíochta ábhartha, gan mhoill.

Na tíortha atá san áireamh ar an liosta dá dtagraítear i mír 1, soláthróidh siad don Choimisiún in aon chás, sa chúigiú bliain tar éis a n‑áireamh den chéad uair, nuashonrú ar an bhfaisnéis a shonraítear san fhoirm a leagtar amach in Iarscríbhinn VIII, chomh maith le fianaise thacaíochta ábhartha.

Tar éis dó faisnéis agus fianaise dá dtagraítear sa chéad fhomhír agus sa dara fomhír den mhír seo a fháil, féadfaidh an Coimisiún faisnéis bhreise a iarraidh ar an tír lena mbaineann chun léiriú a fháil go bhfuil na ceanglais a leagtar amach in Airteagal 39 fós á gcomhlíonadh aici.

6.I gcás ina dtagann faisnéis chun cinn a léiríonn ar bhealach inchreidte nach bhfuil na ceanglais a leagtar amach in Airteagal 39 á gcomhlíonadh a thuilleadh i gcás tír atá san áireamh cheana ar an liosta dá dtagraítear i mír 1, iarrfaidh an Coimisiún ar an tír sin a tuairimí faoin bhfaisnéis sin a sholáthar, laistigh de thréimhse 2 mhí ar a mhéad ón uair a iarradh uirthi barúlacha a sholáthar, chomh maith le fianaise thacaíochta ábhartha ina léirítear go bhfuil na ceanglais sin fós á gcomhlíonadh. Féadfar tréimhse bhreise 2 mhí a chur leis an tréimhse sin i gcás ina ndéanann an tír lena mbaineann iarraidh réasúnaithe ar an síneadh sin.

7.I gcás nach soláthraíonn an tír lena mbaineann a tuairimí agus an fhianaise thacaíochta arna hiarraidh laistigh den teorainn ama dá dtagraítear sa chéad fhomhír den mhír seo, nó i gcás nach leormhaith an fhianaise arna soláthar chun a léiriú go bhfuil na ceanglais a leagtar amach in Airteagal 39 fós á gcomhlíonadh, bainfidh an Coimisiún an tír sin den liosta gan moill mhíchuí.

8.Féadfaidh an Coimisiún dul i dteagmháil tráth ar bith le tír atá san áireamh ar an liosta dá dtagraítear i mír 1 chun faisnéis a fháil atá ábhartha maidir lena áirithiú go mbeidh na ceanglais a leagtar amach in Airteagal 39 fós á gcomhlíonadh ag an tír sin.

Airteagal 39
Ceanglais maidir le háireamh ar an liosta tíortha a bhfuil sé údaraithe onnmhairiú chucu

1.Tíortha nach bhfuil feidhm ag Cinneadh ECFE maidir leo agus a bhfuil rún acu dramhaíl áirithe dá dtagraítear in Airteagal 37(1) a fháil ón Aontas lena cóireáil, cuirfidh siad iarraidh isteach chuig an gCoimisiún ina dtabharfaidh siad le fios go bhfuil siad sásta an dramhaíl sin a fháil agus a bheith san áireamh ar an liosta dá dtagraítear in Airteagal 38. Soláthrófar an iarraidh sin agus an doiciméadacht uile nó teachtaireachtaí eile lena mbaineann i mBéarla.

2.Cuirfear an iarraidh dá dtagraítear i mír 1 isteach trí leas a bhaint as an bhfoirm a leagtar amach in Iarscríbhinn VIII agus áireofar san iarraidh an fhaisnéis uile a shonraítear san fhoirm.

3.An tír a bhfuil an iarraidh á déanamh aici, léireoidh sí go bhfuil na bearta uile is gá curtha i bhfeidhm agus á gcur chun feidhme aici lena áirithiú go mbainisteofar an dramhaíl lena mbaineann ar bhealach atá neamhdhíobhálach don chomhshaol mar a thagraítear dó sin in Airteagal 56.

Chuige sin, léireoidh an tír a bhfuil an iarraidh á déanamh aici an méid seo a leanas:

(a)tá straitéis chuimsitheach nó plean cuimsitheach um bainistiú dramhaíola aici a chumhdóidh a críoch iomlán agus a léireoidh go bhfuil sí ábalta agus go bhfuil sí réidh le háirithiú go mbainisteofar dramhaíl ar bhealach atá neamhdhíobhálach don chomhshaol. Beidh na heilimintí seo a leanas ar a laghad san áireamh sa phlean nó straitéis sin:

(i)an méid dramhaíola iomláine a ghintear sa tír ar bhonn bliantúil, chomh maith leis an méid dramhaíola a gcumhdaíonn raon feidhme na hiarrata seo é (‘dramhaíl lena mbaineann an iarraidh’), agus meastacháin maidir leis an gcaoi a bhforbródh na méideanna sin sna 10 mbliana atá romhainn amach;

(ii)meastachán ar chumas cóireála reatha na tíre le haghaidh dramhaíola i gcoitinne, chomh maith le meastachán ar chumas cóireála na tíre le haghaidh na dramhaíola lena mbaineann an iarraidh, agus meastóireacht maidir leis an gcaoi a bhforbródh an cumas sin sna 10 mbliana atá romhainn amach;

(iii)an sciar de dhramhaíl intíre a bhailítear aisti féin, chomh maith le haon chuspóir agus beart chun an ráta sin a mhéadú amach anseo;

(iv)léiriú ar an sciar de dhramhaíl intíre lena mbaineann an iarraidh a úsáidtear mar líonadh talún, chomh maith le haon chuspóir agus beart chun an sciar sin a laghdú amach anseo;

(v)léiriú ar an sciar de dhramhaíl intíre lena mbaineann an iarraidh a athchúrsáiltear, chomh maith le haon chuspóir agus beart chun an sciar sin a mhéadú amach anseo;

(vi)faisnéis faoin méid dramhaíola a chaitear amach mar bhruscar agus faoi na bearta a dhéantar chun bruscar a chosc agus a ghlanadh suas;

(vii)straitéis maidir le conas a áirithiú go mbainisteofar dramhaíl a allmhaireofar isteach ina críoch ar bhealach atá neamhdhíobhálach don chomhshaol, lena n‑áirítear tionchar féideartha an allmhairithe sin ar an gcaoi a mbainisteofar dramhaíl intíre arna giniúint;

(viii)faisnéis faoin modheolaíocht a úsáidtear chun na sonraí dá dtagraítear i bpointí (i) go (vi) a ríomh;

(b)tá creat dlíthiúil um bainistiú dramhaíola i bhfeidhm sa tír, ina n‑áireofar na heilimintí seo a leanas ar a laghad:

(i)córais údarúcháin nó cheadúnaithe le haghaidh saoráidí bainistithe dramhaíola;

(ii)córais údarúcháin nó cheadúnaithe le haghaidh iompair dramhaíola;

(iii)forálacha atá ceaptha chun a áirithiú go mbainisteofar an dramhaíl iarmharach, arna giniúint tríd an gcóras cóireála le haghaidh na dramhaíola lena mbaineann an iarraidh, ar bhealach atá neamhdhíobhálach don chomhshaol mar a thagraítear dó sin in Airteagal 56;

(iv)rialuithe leormhaithe ar thruailliú a bheith i bhfeidhm maidir le córais bainistithe dramhaíola, lena n‑áirítear teorainneacha astaíochta chun an t‑aer, an ithir agus an t‑uisce a chosaint, agus bearta chun astaíochtaí gás ceaptha teasa arna n‑eascairt as na córais sin a laghdú;

(v)forálacha maidir le forfheidhmiú, cigireachtaí agus pionóis atá ceaptha chun a áirithiú go gcuirtear na ceanglais intíre agus idirnáisiúnta maidir le bainistiú agus seoladh dramhaíola chun feidhme;

(c)is Páirtí í sna comhaontuithe comhshaoil iltaobhacha dá dtagraítear in Iarscríbhinn VIII, agus tá na bearta glactha aici ar gá leo chun a hoibleagáidí faoi na comhaontuithe sin a chur chun feidhme;

(d)tá straitéis curtha i bhfeidhm aici chun an reachtaíocht intíre maidir le bainistiú dramhaíola agus seoladh dramhaíola a fhorfheidhmiú, ina gcumhdaítear bearta um rialú agus faireacháin, lena n‑áirítear faisnéis faoi líon na gcigireachtaí a rinneadh ar loingsithe dramhaíola agus ar shaoráidí bainistithe dramhaíola, agus faoi na pionóis arna ngearradh i gcásanna inar sáraíodh na rialacha intíre ábhartha.

Airteagal 40
Measúnú na hiarrata ar a bheith san áireamh ar an liosta tíortha a bhfuil sé údaraithe onnmhairiú chucu

1.Déanfaidh an Coimisiún, de bhun Airteagal 39, measúnú gan moill mhíchuí ar na hiarrataí a chuirtear isteach agus, má tá sé sásta go gcomhlíontar na ceanglais a leagtar amach san Airteagal sin, áireoidh sé an tír a bhfuil an iarraidh á déanamh aici ar an liosta tíortha a bhfuil sé údaraithe onnmhairiú chucu. Beidh an measúnú bunaithe ar an bhfaisnéis agus ar an bhfianaise thacaíochta a sholáthair an tír a bhfuil an iarraidh á déanamh aici, chomh maith le faisnéis ábhartha eile, agus is é is aidhm don mheasúnú a chinneadh cé acu an bhfuil nó nach bhfuil gach beart is gá curtha i bhfeidhm agus á gcur chun feidhme ag an tír a bhfuil an iarraidh á déanamh aici lena áirithiú go mbainisteofar an dramhaíl lena mbaineann ar bhealach atá neamhdhíobhálach don chomhshaol mar a thagraítear dó sin in Airteagal 56. Chun an measúnú sin a dhéanamh, úsáidfidh an Coimisiún, mar phointí tagartha, na forálacha ábhartha sa reachtaíocht agus sa treoraíocht dá dtagraítear in Iarscríbhinn IX.

2.Le linn don mheasúnú a bheith á dhéanamh aige, má mheasann an Coimisiún go bhfuil an fhaisnéis arna soláthar ag an tír a bhfuil an iarraidh á déanamh aici neamhiomlán nó nach leor í lena léiriú go bhfuil na ceanglais a leagtar amach in Airteagal 39 á gcomhlíonadh, tabharfaidh sé deis don tír sin faisnéis bhreise a sholáthar laistigh de thréimhse 3 mhí ar a mhéad. Féadfar tréimhse bhreise 3 mhí a chur leis an tréimhse sin i gcás ina ndéanann an tír lena mbaineann iarraidh réasúnaithe ar an síneadh sin.

3.I gcás nach soláthraíonn an tír a bhfuil an iarraidh á déanamh aici an fhaisnéis bhreise laistigh den teorainn ama dá dtagraítear i mír 2 den Airteagal seo, nó i gcás ina meastar fós go bhfuil an fhaisnéis bhreise arna soláthar neamhiomlán nó nach leor í lena léiriú go bhfuil na ceanglais a leagtar amach in Airteagal 39 á gcomhlíonadh, cuirfidh an Coimisiún an tír a bhfuil an iarraidh á déanamh aici ar an eolas gan moill mhíchuí nach féidir leis an tír sin a bheith san áireamh ar an liosta tíortha a bhfuil sé údaraithe onnmhairiú chucu agus nach bpróiseálfar a hiarraidh a thuilleadh. Sa chás sin, cuirfidh an Coimisiún an tír bhfuil an iarraidh á déanamh aici ar an eolas freisin faoi na cúiseanna atá leis an gconclúid sin. Tá sé sin gan dochar don fhéidearthacht go ndéanfadh an tír a bhfuil an iarraidh á déanamh aici iarraidh nua a chur isteach de bhun Airteagal 39.

Roinn 3
Onnmhairiú chuig tíortha a bhfuil feidhm ag Cinneadh ECFE maidir leo

Airteagal 41
Córas ginearálta maidir le honnmhairí dramhaíola

1.I gcás ina ndéantar dramhaíl a liostaítear in Iarscríbhinn III, IIIA, IIIB nó IV, dramhaíl nach n‑aicmítear, nó meascáin de dhramhaíl nach n‑aicmítear faoi aon iontráil amháin in Iarscríbhinn III nó in Iarscríbhinn IV, a onnmhairiú ón Aontas agus í le cóireáil i dtíortha a bhfuil feidhm ag Cinneadh ECFE maidir leo, bíodh idirthuras i gceist trí thíortha a bhfuil feidhm ag Cinneadh ECFE maidir leo nó ná bíodh, beidh feidhm mutatis mutandis ag na forálacha i dTeideal II, i dteannta na n‑oiriúnuithe agus na bhforálacha breise a liostaítear i míreanna 2, 3 agus 5.

2.Beidh feidhm ag na hoiriúnuithe seo a leanas:

(a)meascáin de dhramhaíl a liostaítear in Iarscríbhinn IIIA atá ceaptha le haghaidh córas eatramhach, beidh siad faoi réir an nós imeachta um réamhfhógra agus réamhthoiliú i scríbhinn má tá aon chóras cóireála nó córas diúscartha eatramhach nó neamheatramhach ina dhiaidh sin le bheith ann i dtír nach bhfuil feidhm ag Cinneadh ECFE maidir léi;

(b)dramhaíl a liostaítear in Iarscríbhinn IIIB, beidh sí faoi réir an nós imeachta um réamhfhógra agus réamhthoiliú i scríbhinn;

(c)beidh toirmeasc ar onnmhairiú dramhaíola dá dtagraítear in Airteagal 4(5);

(d)féadfar an toiliú de réir mar a cheanglaítear i gcomhréir le hAirteagal 9 a sholáthar i bhfoirm toiliú intuigthe ón údarás inniúil cinn scríbe lasmuigh den Aontas.

3.A mhéid a bhaineann le honnmhairí dramhaíola a liostaítear in Iarscríbhinn IV, beidh feidhm ag na hoiriúnuithe agus na forálacha breise a liostaítear in Airteagal 35(2) agus Airteagal 35(3), pointí (a) go (e).

Ina theannta sin, beidh na téarmaí agus coinníollacha seo a leanas sa chonradh dá dtagraítear in Airteagal 6:

(a)i gcás ina n‑eisíonn saoráid deimhniú cóireála mícheart, agus scaoiltear an ráthaíocht airgeadais dá dheasca sin, is é an coinsíní a sheasfaidh na costais arna n‑eascairt as an dualgas chun an dramhaíl a chur ar ais chuig limistéar dlínse an údaráis inniúil seolta agus as a cóireáil nó diúscairt ar bhealach eile atá neamhdhíobhálach don chomhshaol;

(b)laistigh de 3 lá ó fháil na dramhaíola lena cóireáil, seolfaidh an tsaoráid cóipeanna sínithe den doiciméad gluaiseachta comhlánaithe, cé is moite den deimhniú cóireála dá dtagraítear i bpointe (c), chuig an bhfógróir agus chuig na húdaráis inniúla lena mbaineann;

(c)deimhneoidh an tsaoráid, a luaithe is féidir ach tráth nach déanaí ná 30 lá tar éis chur i gcrích na cóireála agus in aon chás, tráth nach déanaí ná 1 bhliain féilire tar éis an dramhaíl faoina cúraim a fháil, gur cuireadh an chóireáil i gcrích agus seolfaidh sí cóipeanna sínithe den doiciméad gluaiseachta ina bhfuil an deimhniú sin chuig an bhfógróir agus chuig na húdaráis inniúla lena mbaineann.

Laistigh de 3 lá oibre tar éis dó na cóipeanna dá dtagraítear i bpointí (b) agus (c) a fháil, cuirfidh an fógróir an fhaisnéis sna cóipeanna sin ar fáil go leictreonach i gcomhréir le hAirteagal 26.

4.Ní féidir loingsiú dramhaíola atá faoi réir réamhfhógra agus réamhthoiliú i scríbhinn a dhéanamh go dtí go gcomhlíonfar na coinníollacha seo a leanas:

(a)tá toiliú i scríbhinn faighte ag an bhfógróir ó na húdaráis inniúla seolta, cinn scríbe agus, i gcás inarb iomchuí, idirthurais, nó tá toiliú intuigthe soláthartha ag na húdaráis inniúla cinn scríbe agus idirthurais lasmuigh den Aontas nó is féidir glacadh leis go bhfuil an toiliú intuigthe sin ann agus comhlíontar na coinníollacha a leagtar síos sna cinntí ar leith;

(b)Comhlíontar Airteagal 35(4), pointí (b), (c) agus (d).

5.I gcás ina bhfuil onnmhairiú, dá dtagraítear i mír 1, de dhramhaíl a liostaítear in Iarscríbhinn IV ar idirthuras trí thír nach bhfuil feidhm ag Cinneadh ECFE maidir léi, beidh feidhm ag na hoiriúnuithe seo a leanas:

(a)údarás inniúil idirthurais na tíre nach bhfuil feidhm ag Cinneadh ECFE maidir léi, beidh 60 lá aige tar éis dháta tharchur a admhála go bhfuair sé an fógra, chun toiliú intuigthe a sholáthar nó chun toiliú i scríbhinn a thabhairt le coinníollacha nó gan choinníollacha, i gcás ina bhfuil cinneadh déanta ag an tír lena mbaineann nach n‑éileoidh sí réamhfhógra agus réamhthoiliú i scríbhinn agus i gcás inar chuir an tír na Páirtithe i gCoinbhinsiún Basel ar an eolas faoin méid sin i gcomhréir le hAirteagal 6(4) den Choinbhinsiún sin;

(b)an t‑údarás inniúil seolta san Aontas, déanfaidh sé cinneadh toiliú leis an loingsiú dá dtagraítear in Airteagal 9 ach ní dhéanfaidh sé amhlaidh go dtí go mbeidh toiliú intuigthe nó i scríbhinn faighte aige ó údarás inniúil idirthurais na tíre nach bhfuil feidhm ag Cinneadh ECFE maidir léi, agus tráth nach luaithe ná 61 lá tar éis an dáta a sheoltar admháil fála an údaráis inniúil idirthurais, ach amháin má tá toiliú i scríbhinn na n‑údarás inniúil eile lena mbaineann faighte ag an údarás inniúil seolta, agus sa chás sin, féadfaidh sé an cinneadh dá dtagraítear in Airteagal 9 a dhéanamh roimh an teorainn ama sin.

6.I gcás ina ndéanfar dramhaíl a onnmhairiú, beidh sí ceaptha le haghaidh córais chóireála laistigh de shaoráid atá ag oibriú, nó a bhfuil údarú aici oibriú, faoin dlí náisiúnta is infheidhme sa tír cinn scríbe.

7.I gcás ina dtagann oifig custaim onnmhairithe nó oifig custaim imeachta ar loingsiú neamhdhleathach, cuirfidh sí an t‑údarás inniúil sa tír ina bhfuil an oifig custaim sin ar an eolas faoin méid sin gan mhoill. Déanfaidh an t‑údarás inniúil sin an méid a leanas:

(a)cuirfidh sé an t‑údarás inniúil seolta san Aontas ar an eolas gan mhoill faoin loingsiú neamhdhleathach; agus

(b)áiritheoidh sé go gcoinneofar an dramhaíl go dtí go ndéanfaidh an t‑údarás inniúil seolta a mhalairt de chinneadh agus go dtí go gcuirfidh sé an cinneadh sin in iúl i scríbhinn don údarás inniúil i dtír na hoifige custaim ina bhfuil an dramhaíl á coinneáil.

Airteagal 42
Faireachán ar an nós imeachta onnmhairithe agus cosanta

1.Déanfaidh an Coimisiún faireachán ar na leibhéil onnmhairithe dramhaíola ón Aontas chuig tíortha a bhfuil feidhm ag Cinneadh ECFE maidir leo, chun a áirithiú nach ndéanfaidh an t‑onnmhairiú sin damáiste tromchúiseach don chomhshaol ná do shláinte an duine sa tír cinn scríbe. Mar chuid den fhaireachán sin, déanfaidh an Coimisiún measúnú ar iarrataí ó dhaoine nádúrtha nó dlítheanacha a bhfuil faisnéis agus sonraí ábhartha ag gabháil leo lena léirítear go ndéanann onnmhairiú dramhaíola ón Aontas damáiste tromchúiseach don chomhshaol nó do shláinte an duine i dtír a bhfuil feidhm ag Cinneadh ECFE maidir léi.

2.I gcás ina bhfuil méadú suntasach tagtha ar onnmhairiú dramhaíola ón Aontas chuig tír a bhfuil feidhm ag Cinneadh ECFE maidir léi laistigh de thréimhse ghearr, agus i gcás nach bhfuil fianaise leormhaith ar fáil a léiríonn go bhfuil ar chumas na tíre lena mbaineann an dramhaíl sin a chóireáil ar bhealach atá neamhdhíobhálach don chomhshaol mar a thagraítear dó in Airteagal 56, iarrfaidh an Coimisiún ar údaráis inniúla na tíre lena mbaineann faisnéis a sholáthar, laistigh de 60 lá, maidir leis na coinníollacha faoina gcóireáiltear an dramhaíl lena mbaineann agus maidir le cumas na tíre lena mbaineann an dramhaíl atá i gceist a bhainistiú. Féadfaidh an Coimisiún síneadh a chur leis an teorainn ama sin má dhéanann an tír lena mbaineann iarraidh réasúnaithe air sin.

3.Is é is aidhm don iarraidh dá dtagraítear i mír 2 a fhíorú go bhfuil an méid seo a leanas déanta sa tír lena mbaineann:

(a)tá creat dlíthiúil leormhaith curtha i bhfeidhm agus á chur chun feidhme le haghaidh onnmhairiú agus bhainistiú na dramhaíola lena mbaineann, chomh maith le bearta leormhaithe lena áirithiú go mbainisteofar an dramhaíl iarmharach arna giniúint trí chóireáil na dramhaíola lena mbaineann ar bhealach atá neamhdhíobhálach don chomhshaol;

(b)tá cumas leormhaith ina críoch chun bainistiú na dramhaíola lena mbaineann a dhéanamh ar bhealach atá neamhdhíobhálach don chomhshaol, agus an méid méadaithe dramhaíola atá á hallmhairiú isteach ina críoch á chur san áireamh aici;

(c)tá straitéis leormhaith curtha i bhfeidhm chun aghaidh a thabhairt ar an tionchar diúltach a d’fhéadfadh a bheith ag méadú ar allmhairiú na dramhaíola lena mbaineann ar bhailiú agus ar bhainistiú na dramhaíola intíre arna giniúint;

(d)tá bearta forfheidhmithe leormhaithe i bhfeidhm agus curtha chun feidhme chun aghaidh a thabhairt ar loingsithe neamhdhleathacha nó cóireáil neamhdhleathach fhéideartha na dramhaíola lena mbaineann.

4.Maidir leis an iarraidh dá dtagraítear i mír 2, i gcás nach soláthraíonn an tír lena mbaineann fianaise leormhaith mar a thagraítear di i mír 3 go mbainistítear an dramhaíl ar bhealach atá neamhdhíobhálach don chomhshaol i gcomhréir le hAirteagal 56, tá de chumhacht ag an gCoimisiún gníomhartha tarmligthe a ghlacadh i gcomhréir le hAirteagal 76 chun an Rialachán seo a fhorlíonadh trí thoirmeasc a chur ar onnmhairiú na dramhaíola lena mbaineann chuig an tír sin.

Cuirfidh an Coimisiún an toirmeasc sin i leataobh nuair a bheidh fianaise leormhaith aige go mbainisteofar an dramhaíl lena mbaineann ar bhealach atá neamhdhíobhálach don chomhshaol.

Caibidil 3
Oibleagáidí breise

Airteagal 43
Oibleagáidí ar onnmhaireoirí

1.Ní dhéanfaidh duine nádúrtha ná dlítheanach dramhaíl a onnmhairiú ón Aontas ach amháin má tá sé in ann a léiriú maidir leis na saoráidí atá chun an dramhaíl sin a fháil sa tír cinn scríbe, go ndéanfaidh siad an dramhaíl a bhainistiú ar bhealach atá neamhdhíobhálach don chomhshaol mar a thagraítear dó sin in Airteagal 56.

2.Chun an oibleagáid dá dtagraítear i mír 1 a chomhlíonadh, áiritheoidh duine nádúrtha nó dlítheanach a bhfuil rún aige dramhaíl a onnmhairiú ón Aontas, go ndearna tríú páirtí creidiúnaithe neamhspleách a bhfuil na cáilíochtaí iomchuí aige iniúchadh ar na saoráidí a mbeidh an dramhaíl á bainistiú acu sa tír cinn scríbe.

3.An t‑iniúchadh dá dtagraítear i mír 2, fíorófar leis go gcomhlíonann an tsaoráid lena mbaineann na critéir a leagtar síos in Iarscríbhinn X. Ní dhéanfaidh duine dlítheanach ná nádúrtha dramhaíl a onnmhairiú chuig saoráid nach gcomhlíonann na critéir sin.

4.Duine nádúrtha nó dlítheanach a bhfuil rún aige dramhaíl a onnmhairiú, áiritheoidh sé go ndearnadh iniúchadh dá dtagraítear i mír 2 ar an tsaoráid atá chun an dramhaíl a bhainistiú sa tír cinn scríbe, roimh dó an dramhaíl a onnmhairiú chuig an tsaoráid lena mbaineann, agus go ndéanfar an t‑iniúchadh arís go tráthrialta, de réir cur chuige rioscabhunaithe, gach 3 bliana ar a laghad tar éis an chéad iniúchta.

Duine nádúrtha nó dlítheanach a mbeidh dramhaíl á honnmhairiú aige ón Aontas, déanfaidh sé iniúchadh ad hoc gan mhoill i gcás ina bhfaigheann sé faisnéis inchreidte go bhfuil saoráid ann nach bhfuil na critéir a leagtar amach in Iarscríbhinn X á gcomhlíonadh aici a thuilleadh.

5.Duine nádúrtha nó dlítheanach a choimisiúnaigh iniúchadh nó a rinne iniúchadh le haghaidh saoráid faoi leith i gcomhréir le mír 2, áiritheoidh sé go gcuirfear an t‑iniúchadh sin ar fáil do dhaoine nádúrtha nó dlítheanacha eile a bhfuil rún acu dramhaíl a onnmhairiú chuig an tsaoráid atá i gceist, faoi choinníollacha tráchtála cothroma.

6.I gcás ina n‑iarrann údarás inniúil nó údarás a bhfuil baint aige le cigireachtaí é, soláthróidh duine nádúrtha nó dlítheanach fianaise dhoiciméadach go ndearnadh iniúchtaí mar a thagraítear dóibh i mír 2 sna saoráidí uile a ndéanann siad an dramhaíl atá i gceist a onnmhairiú chucu. Soláthrófar an fhianaise dhoiciméadach sin i dteanga a nglacfaidh na húdaráis inniúla lena mbaineann léi.

7.Daoine nádúrtha nó dlítheanacha a bhfuil dramhaíl á honnmhairiú lasmuigh den Aontas acu, cuirfidh siad faisnéis ar fáil go poiblí ar bhonn bliantúil trí mhodhanna leictreonacha maidir leis an gcaoi a gcomhlíonann siad a n‑oibleagáidí faoin Airteagal seo.

8.I gcás ina bhfuil comhaontú idirnáisiúnta ann idir an tAontas agus tríú tír a bhfuil feidhm ag Cinneadh ECFE maidir léi, ina n‑aithnítear go mbainisteoidh na saoráidí sa tríú tír sin an dramhaíl ar bhealach atá neamhdhíobhálach don chomhshaol, i gcomhréir leis na critéir a leagtar síos in Iarscríbhinn X, eisiafar daoine nádúrtha agus dlítheanacha a bhfuil rún acu dramhaíl a onnmhairiú chuig an tríú tír sin ón oibleagáid i mír 2.

9.Arna iarraidh sin don údarás inniúil nó d’údarás a bhfuil baint aige le cigireachtaí, maidir le duine nádúrtha nó dlítheanach atá díolmhaithe de bhun mhír 8, soláthróidh sé fianaise dhoiciméadach den chomhaontú ábhartha idirnáisiúnta mar a luaitear sa mhír sin i dteanga a nglacfaidh na húdaráis inniúla léi.

Airteagal 44
Oibleagáidí ar Bhallstáit onnmhairiúcháin

1.Déanfaidh na Ballstáit gach beart is gá lena áirithiú nach ndéanfaidh daoine nádúrtha ná dlítheanacha faoina ndlínse náisiúnta dramhaíl a onnmhairiú i gcásanna nach gcomhlíontar na coinníollacha a leagtar síos in Airteagail 36 go 43 maidir le honnmhairiú den sórt sin.

2.Déanfaidh na Ballstáit fíoruithe rialta, de réir cur chuige rioscabhunaithe, lena áirithiú go gcomhlíonann daoine nádúrtha agus dlítheanacha a bhfuil dramhaíl á honnmhairiú acu ón Aontas na hoibleagáidí dá dtagraítear in Airteagal 43.

I gcás ina bhfuil faisnéis inchreidte ag Ballstáit a léiríonn nach bhfuil a n‑oibleagáidí faoi Airteagal 43 á gcomhlíonadh ag daoine nádúrtha ná dlítheanacha a bhfuil dramhaíl á honnmhairiú acu ón Aontas, déanfaidh siad na fíoruithe is gá.

Caibidil 4
Forálacha ginearálta

Airteagal 45
Onnmhairiú chuig an Antartach

Beidh toirmeasc ar onnmhairiú dramhaíola ón Aontas chuig an Antartach.

Airteagal 46
Onnmhairiú chuig tíortha nó críocha thar lear

1.Beidh toirmeasc ar onnmhairiú dramhaíola ón Aontas chuig tír nó críoch thar lear, ar dramhaíl í a bheidh le diúscairt sa tír sin.

2.A mhéid a bhaineann le honnmhairiú dramhaíola a bheidh le cóireáil i dtíortha nó críocha thar lear, beidh feidhm mutatis mutandis ag an toirmeasc a leagtar amach in Airteagal 36.

3.A mhéid a bhaineann le honnmhairiú dramhaíola a bheidh le cóireáil i dtíortha nó críocha thar lear nach gcumhdaítear leis an toirmeasc a leagtar amach in Airteagal 36, beidh feidhm mutatis mutandis ag forálacha Theideal II.

Teideal V 
Allmhairiú isteach san Aontas ó thríú tíortha

Caibidil 1
Allmhairí dramhaíola atá ceaptha lena ndiúscairt

Airteagal 47
Toirmeasc ar allmhairiú

1.Beidh toirmeasc ar allmhairiú isteach san Aontas dramhaíl a bheidh le diúscairt seachas allmhairí a thagann ó na háiteanna seo a leanas:

(a)tíortha atá ina bPáirtithe i gCoinbhinsiún Basel;

(b)tíortha lenar thug an tAontas, nó an tAontas agus a Bhallstáit comhaontuithe nó socruithe déthaobhacha nó iltaobhacha a luíonn le reachtaíocht an Aontais agus i gcomhréir le hAirteagal 11 de Choinbhinsiún Basel i gcrích;

(c)tíortha eile lenar thug Ballstáit aonair comhaontuithe nó socruithe déthaobhacha i gcomhréir le mír 2 i gcrích; nó

(d)limistéir eile i gcás nach féidir comhaontuithe nó socruithe déthaobhacha de bhun phointí (b) nó (c) a thabhairt i gcrích, ar fhorais eisceachtúla le linn cásanna éigeandála, déanta síochána, coimeádta síochána nó cogaidh, nó i gcás nár ainmníodh údarás inniúil sa tír seolta nó nach bhfuil an t‑údarás inniúil in ann gníomhú.

2.I gcásanna eisceachtúla, is féidir leis na Ballstáit comhaontuithe nó socruithe déthaobhacha a thabhairt i gcrích maidir le diúscairt dramhaíola sonraí sna Ballstáit sin, i gcás nach mbainisteofar an dramhaíl sin ar bhealach atá neamhdhíobhálach don chomhshaol sa tír seolta.

Leis na comhaontuithe agus na socruithe sin, déanfar an méid seo a leanas:

(a)beidh siad ag luí le reachtaíocht an Aontais agus i gcomhréir le hAirteagal 11 de Choinbhinsiún Basel.

(b)ráthófar leo go ndéanfar na córais diúscartha i saoráid údaraithe agus go gcomhlíonfaidh na córais sin na ceanglais maidir le bainistiú ar bhealach atá neamhdhíobhálach don chomhshaol dá dtagraítear in Airteagal 56; agus

(c)rathófar leo go dtáirgtear an dramhaíl sa tír seolta agus go ndéanfar an diúscairt sa Bhallstát a thug an comhaontú nó an socrú i gcrích agus sa Bhallstát sin amháin.

(d)tabharfar fógra don Choimisiún ina leith sula dtabharfar i gcrích iad nó, i gcásanna éigeandála, suas le 1 mhí ar a mhéad tar éis iad a thabhairt i gcrích.

3.Bunófar comhaontuithe nó socruithe déthaobhacha nó iltaobhacha dá dtagraítear i mír 1, pointí (b) agus (c) ar na ceanglais nós imeachta d’Airteagal 48.

4.Ceanglófar ar na tíortha dá dtagraítear i mír 1, pointí (a), (b) agus (c) iarraidh chuí-réasúnaithe roimh ré a chur faoi bhráid údarás inniúil an Bhallstáit cinn scríbe ar an mbonn nach bhfuil an acmhainn theicniúil agus na saoráidí is gá acu ná nach féidir leo iad a fháil go réasúnta chun an dramhaíl a dhiúscairt ar bhealach atá neamhdhíobhálach don chomhshaol dá dtagraítear in Airteagal 56.

Airteagal 48
Ceanglais nós imeachta maidir le hallmhairí

1.I gcás ina ndéantar dramhaíl a bheidh le diúscairt a allmhairiú isteach san Aontas ó thíortha atá ina bPáirtithe i gCoinbhinsiún Basel, beidh feidhm ag forálacha Theideal II mutatis mutandis, chomh maith leis na hoiriúnuithe agus na forálacha breise a leagtar amach i míreanna 2 agus 3.

2.Beidh feidhm ag na hoiriúnuithe seo a leanas:

(a)cuirfidh an fógróir an iarraidh ar fhógra isteach i gcomhréir le hAirteagal 26, ach amháin mura bhfuil an fógróir bunaithe laistigh den Aontas agus mura bhfuil rochtain aige ar chóras dá dtagraítear in Airteagal 26, agus sa chás sin, soláthrófar an iarraidh ar fhógra, agus go háirithe an fhaisnéis agus doiciméadacht dá dtagraítear in Airteagal 5(3) do na húdaráis inniúla lena mbaineann tríd an bpost, i bhfacs nó i ríomhphost agus síniú digiteach leo;

(b)cuirfidh an fógróir isteach aon fhaisnéis bhreise i gcomhréir le hAirteagal 26, agus go háirithe an fhaisnéis agus an doiciméadacht dá dtagraítear in Airteagal 5(4), ach amháin mura bhfuil an fógróir bunaithe laistigh den Aontas agus mura bhfuil rochtain aige ar chóras dá dtagraítear in Airteagal 26, agus sa chás sin, soláthrófar an fhaisnéis sin do na húdaráis inniúla lena mbaineann tríd an bpost, i bhfacs nó i ríomhphost agus síniú digiteach leo;

(c)áiritheoidh an fógróir, nó i gcás nach bhfuil an fógróir bunaithe laistigh den Aontas agus mura bhfuil rochtain aige ar chóras dá dtagraítear in Airteagal 26, an t‑údarás inniúil cinn scríbe san Aontas, go gcuirtear an fhaisnéis ábhartha uile san áireamh sa chóras sin;

(d)cuirfidh na húdaráis inniúla seolta agus cinn scríbe san Aontas na húdaráis inniúla lena mbaineann sna tíortha idirthurais agus seolta lasmuigh den Aontas ar an eolas faoi aon iarraidh ar fhaisnéis agus doiciméadacht óna dtaobh siúd agus faoina gcinneadh maidir leis an loingsiú atá beartaithe, tríd an bpost, i bhfacs nó i ríomhphost agus síniú digiteach léi, ach amháin má tá rochtain ag na húdaráis inniúla sna tíortha lena mbaineann ar an lárchóras dá dtagraítear in Airteagal 26(2);

(e)an t‑údarás inniúil idirthurais lasmuigh den Aontas, beidh 60 lá aige tar éis dháta tharchur a admhála go bhfuair sé an fógra, chun toiliú intuigthe a sholáthar nó chun toiliú i scríbhinn a thabhairt le coinníollacha nó gan choinníollacha, má tá cinneadh déanta ag an tír lena mbaineann nach n‑éileoidh sí réamhthoiliú i scríbhinn agus gur chuir an tír na Páirtithe i gCoinbhinsiún Basel ar an eolas faoin méid sin, i gcomhréir le hAirteagal 6(4) den Choinbhinsiún sin;

(f)sna cásanna dá dtagraítear in Airteagal 46(1), pointe (d) a bhaineann le cásanna éigeandála, déanta síochána, coimeádta síochána nó cogaidh, ní éileofar toiliú na n‑údarás inniúil seolta.

3.Beidh feidhm ag na forálacha breise seo a leanas:

(a)soláthróidh an t‑údarás inniúil idirthurais san Aontas admháil don fhógróir go bhfuair sé an fógra agus soláthróidh sé cóipeanna do na húdaráis inniúla lena mbaineann;

(b)áiritheoidh na húdaráis inniúla cinn scríbe agus, i gcás inarb iomchuí, na húdaráis inniúla idirthurais san Aontas go gcuirfear an oifig custaim iontrála ar an eolas faoina gcinntí chun toiliú leis an loingsiú;

(c)déanfaidh an t‑iompróir cóip den doiciméad gluaiseachta a sheachadadh chuig an oifig custaim iontrála tríd an bpost, i bhfacs nó i ríomhphost agus síniú digiteach leis, nó, i gcás ina bhfuil rochtain ag an oifig custaim iontrála air, tríd an lárchóras dá dtagraítear in Airteagal 26(2); agus

(d)a luaithe a scaoiltear an dramhaíl le haghaidh nós imeachta custaim ag na húdaráis custaim iontrála, cuirfidh an oifig custaim iontrála na húdaráis inniúla cinn scríbe agus idirthurais san Aontas ar an eolas gur tháinig an dramhaíl isteach san Aontas.

4.Ní féidir an loingsiú a dhéanamh ach amháin má chomhlíontar na coinníollacha uile seo a leanas:

(a)tá toiliú i scríbhinn faighte ag an bhfógróir ó na húdaráis inniúla seolta, cinn scríbe agus, i gcás inarb iomchuí, idirthurais agus comhlíonadh na coinníollacha arna leagan síos sa toiliú sin;

(b)tugadh conradh i gcrích idir an fógróir agus an choinsíní dá dtagraítear in Airteagal 6 agus tá éifeacht leis an gconradh sin;

(c)bunaíodh ráthaíocht airgeadais nó árachas coibhéiseach dá dtagraítear in Airteagal 7 agus tá éifeacht leo sin; agus

(d)áirithítear bainistiú ar bhealach atá neamhdhíobhálach don chomhshaol mar a thagraítear dó sin in Airteagal 33.

5.I gcás ina dtagann oifig custaim iontrála ar loingsiú neamhdhleathach, cuirfidh sí an t‑údarás inniúil sa tír ina bhfuil an oifig custaim sin ar an eolas gan mhoill. Déanfaidh an t‑údarás inniúil sin an méid a leanas:

(a)cuirfidh sé an t‑údarás inniúil cinn scríbe san Aontas ar an eolas gan mhoill faoin loingsiú neamhdhleathach, agus ina dhiaidh sin cuirfidh an t‑údarás inniúil sin an t‑údarás inniúil seolta lasmuigh den Aontas ar an eolas; agus

(b)áiritheoidh sé go gcoinneofar an dramhaíl go dtí go ndéanfaidh an t‑údarás inniúil seolta lasmuigh den Aontas a mhalairt de chinneadh agus go dtí go gcuirfidh sé an cinneadh sin in iúl i scríbhinn don údarás inniúil i dtír na hoifige custaim ina bhfuil an dramhaíl á coinneáil.

6.Maidir le dramhaíl a ghineann fórsaí armtha nó eagraíochtaí um fhóirithint i gcásanna oibríochtaí géarchéime, oibríochtaí déanta síochána nó feachtais síochánaíochta, i gcás ina loingsítear an dramhaíl sin, ag na fórsaí armtha nó ag na heagraíochtaí um fhóirithint sin nó thar a gceann, cuirfear aon údarás inniúil idirthurais agus an t‑údarás inniúil cinn scríbe san Aontas ar an eolas roimh ré faoin loingsiú sin agus faoina cheann scríbe.

Caibidil 2
Allmhairí dramhaíola atá ceaptha lena gcóireáil

Airteagal 49
Toirmeasc ar allmhairiú

1.Beidh toirmeasc ar dhramhaíl a bheidh le cóireáil a allmhairiú isteach san Aontas, seachas allmhairí a thagann ó na háiteanna seo a leanas:

(a)tíortha a bhfuil feidhm ag Cinneadh ECFE maidir leo;

(b)tíortha eile atá ina bPáirtithe i gCoinbhinsiún Basel;

(c)tíortha lenar thug an tAontas, nó an tAontas agus a Bhallstáit comhaontuithe nó socruithe déthaobhacha nó iltaobhacha a luíonn le reachtaíocht an Aontais agus i gcomhréir le hAirteagal 11 de Choinbhinsiún Basel i gcrích;

(d)tíortha eile lenar thug Ballstáit aonair comhaontuithe nó socruithe déthaobhacha i gcomhréir le mír 2 i gcrích; nó

(e)limistéir eile i gcás nach féidir comhaontuithe nó socruithe déthaobhacha de bhun phointí (c) nó (d) a thabhairt i gcrích, ar fhorais eisceachtúla le linn cásanna éigeandála, déanta síochána, coimeádta síochána nó cogaidh, nó i gcás nár ainmníodh údarás inniúil sa tír seolta nó nach bhfuil an t‑údarás inniúil in ann gníomhú.

2.I gcásanna eisceachtúla, is féidir le Ballstáit aonair comhaontuithe nó socruithe déthaobhacha a thabhairt i gcrích maidir le cóireáil dramhaíola sonraí sna Ballstáit sin, i gcás nach mbainisteofar an dramhaíl sin ar bhealach atá neamhdhíobhálach don chomhshaol, sa tír seolta.

Beidh feidhm ag Airteagal 47(2), an dara fomhír sna cásanna sin.

3.Maidir le comhaontuithe nó socruithe déthaobhacha nó iltaobhacha ar tugadh fúthu i gcomhréir le mír 1, pointí (c) agus (d), bunófar iad ar na ceanglais nós imeachta a leagtar amach in Airteagal 48 a mhéid is ábhartha sin.

Airteagal 50
Ceanglais nós imeachta maidir le hallmhairí ó thíortha a bhfuil feidhm ag Cinneadh ECFE maidir leo

1.I gcás ina ndéantar dramhaíl a bheidh le cóireáil a allmhairiú isteach san Aontas ó thíortha agus trí thíortha a bhfuil feidhm ag Cinneadh ECFE maidir leo, beidh feidhm ag forálacha Theideal II mutatis mutandis, chomh maith leis na hoiriúnuithe agus na forálacha breise a leagtar amach i míreanna 2 agus 3.

2.Beidh feidhm ag na hoiriúnuithe seo a leanas:

(a)féadfar an toiliú de réir mar a cheanglaítear i gcomhréir le hAirteagal 9 a sholáthar i bhfoirm toiliú intuigthe ón údarás inniúil seolta lasmuigh den Aontas;

(b)sna cásanna dá dtagraítear in Airteagal 49(1), pointe (e) a bhaineann le cásanna éigeandála, déanta síochána, coimeádta síochána nó cogaidh, ní éileofar toiliú na n‑údarás inniúil seolta.

3.Beidh feidhm ag na forálacha breise seo a leanas: Airteagal 48(2), pointí (a) go (e), agus Airteagal 48(3), pointí (b), (c) agus (d).

4.Ní féidir an loingsiú a dhéanamh ach amháin má chomhlíontar na coinníollacha uile seo a leanas:

(a)tá toiliú i scríbhinn faighte ag an bhfógróir ó na húdaráis inniúla seolta, cinn scríbe agus, i gcás inarb iomchuí, idirthurais, nó tá toiliú intuigthe soláthartha ag na húdaráis inniúla seolta lasmuigh den Aontas nó is féidir glacadh leis go bhfuil an toiliú intuigthe sin ann agus comhlíontar na coinníollacha a leagtar síos sna cinntí ar leith;

(b)tugadh conradh i gcrích idir an fógróir agus an choinsíní dá dtagraítear in Airteagal 6 agus tá éifeacht leis an conradh sin;

(c)bunaíodh ráthaíocht airgeadais nó árachas coibhéiseach dá dtagraítear in Airteagal 7 agus tá éifeacht leo sin; agus

(d)áirithítear bainistiú ar bhealach atá neamhdhíobhálach don chomhshaol mar a thagraítear dó sin in Airteagal 56.

5.I gcás ina dtagann oifig custaim iontrála ar loingsiú neamhdhleathach, cuirfidh sí an t‑údarás inniúil sa tír ina bhfuil an oifig custaim sin ar an eolas gan mhoill. Déanfaidh an t‑údarás inniúil sin an méid seo a leanas:

(a)cuirfidh sé an t‑údarás inniúil cinn scríbe san Aontas ar an eolas gan mhoill agus ina dhiaidh sin cuirfidh an t‑údarás inniúil sin an t‑údarás inniúil seolta lasmuigh den Aontas ar an eolas faoin loingsiú neamhdhleathach; agus

(b)áiritheoidh sé go gcoinneofar an dramhaíl go dtí go ndéanfaidh an t‑údarás inniúil seolta lasmuigh den Aontas a mhalairt de chinneadh agus go dtí go gcuirfidh sé an cinneadh sin in iúl i scríbhinn don údarás inniúil i dtír na hoifige custaim ina bhfuil an dramhaíl á coinneáil.

Airteagal 51 
Ceanglais nós imeachta maidir le hallmhairí ó thíortha nó trí thíortha nach bhfuil feidhm ag Cinneadh ECFE maidir leo

I gcás ina n‑allmhairítear dramhaíl a bheidh le cóireáil isteach san Aontas ó thír nach bhfuil feidhm ag Cinneadh ECFE maidir léi nó trí thír nach bhfuil feidhm ag Cinneadh ECFE maidir léi ar tír í atá ina Páirtí i gCoinbhinsiún Basel, beidh feidhm ag Airteagal 48 mutatis mutandis.

Caibidil 3
Oibleagáidí breise

Airteagal 52
Oibleagáidí ar Bhallstáit allmhairiúcháin

1.I gcás allmhairí isteach san Aontas, éileoidh agus déanfaidh an t‑údarás inniúil cinn scríbe san Aontas gach beart is gá chun a áirithiú go ndéantar aon dramhaíl a loingsítear isteach ina limistéar dlínse a bhainistiú gan sláinte an duine a chur i mbaol agus gan phróisis ná modhanna a úsáid a d’fhéadfadh dochar a dhéanamh don chomhshaol, agus i gcomhréir le hAirteagal 13 de Threoir 2008/98/CE agus reachtaíocht eile an Aontais maidir le dramhaíl le linn thréimhse an loingsithe, lena n‑áirítear cóireáil nó diúscairt sa tír cinn scríbe.

2.Cuirfidh an t‑údarás inniúil dá dtagraítear i mír 1 toirmeasc freisin ar allmhairí dramhaíola ó thríú tíortha i gcás ina bhfuil cúis aige a chreidiúint nach mbainisteofar an dramhaíl i gcomhréir leis na ceanglais a leagtar amach i mír 1.

Caibidil 4
Allmhairí ó thíortha agus críocha thar lear

Airteagal 53
Allmhairí ó thíortha agus críocha thar lear

1.I gcás ina ndéantar dramhaíl a allmhairiú isteach san Aontas ó thíortha agus críocha thar lear, beidh feidhm mutatis mutandis ag Teideal II.

2.Féadfaidh tír nó críoch thar lear agus an Ballstát lena bhfuil sé nasctha nósanna imeachta náisiúnta an Bhallstáit sin a chur i bhfeidhm maidir le loingsithe ó thír nó críoch thar lear chuig an Ballstát sin sa chás nach bhfuil tír ar bith eile páirteach sa loingsiú mar thír idirthurais.

3.Maidir le Ballstáit a chuireann mír 2 i bhfeidhm, cuirfidh siad an Coimisiún ar an eolas faoi na nósanna imeachta náisiúnta a chuirtear i bhfeidhm.

Teideal VI 
Idirthuras tríd an Aontas ó thríú tíortha agus chuig tríú tíortha

Airteagal 54
Idirthuras tríd an Aontas de dhramhaíl a bheidh le diúscairt

I gcás ina seoltar dramhaíl a bheidh le diúscairt tríd na Ballstáit ó thríú tíortha agus chuig tríú tíortha, beidh feidhm ag Airteagal 48 mutatis mutandis, leis na hoiriúnuithe agus na forálacha breise seo a leanas:

(a)déanfaidh an chéad údarás inniúil idirthurais san Aontas agus an ceann deireanach, i gcás inarb iomchuí, a áirithiú go gcuirfear an oifig custaim iontrála agus an oifig custaim imeachta ar an eolas maidir lena gcinntí faoi seach chun toiliú leis an loingsiú nó, má thug siad toiliú intuigthe, maidir leis an admháil i gcomhréir le hAirteagal 48(3), pointe (a);

(b)cuirfidh an oifig custaim imeachta an t‑údarás inniúil/na húdaráis inniúla idirthurais san Aontais ar an eolas gur fhág an dramhaíl an tAontas a luaithe a fhágann an dramhaíl an tAontas.

Airteagal 55
Idirthuras tríd an Aontas de dhramhaíl a bheidh le cóireáil

1.I gcás ina seoltar dramhaíl a bheidh le cóireáil tríd na Ballstáit ó thír nach bhfuil feidhm ag Cinneadh ECFE maidir léi nó chuig an tír sin, beidh feidhm ag Airteagal 54 mutatis mutandis.

2.I gcás ina seoltar an dramhaíl a bheidh le cóireáil trí na Ballstáit ó thír a bhfuil feidhm ag Cinneadh ECFE maidir léi nó chuig an tír sin, beidh feidhm ag Airteagal 50 mutatis mutandis, leis na hoiriúnuithe agus na forálacha breise seo a leanas:

(a)déanfaidh an chéad údarás inniúil idirthurais san Aontas agus an ceann deireanach, i gcás inarb iomchuí, a áirithiú go gcuirfear an oifig custaim iontrála agus an oifig custaim imeachta ar an eolas maidir lena gcinntí faoi seach chun toiliú leis an loingsiú nó, má thug siad toiliú intuigthe, maidir leis an admháil i gcomhréir le hAirteagal 48(3), pointe (a);

(b)cuirfidh an oifig custaim imeachta na húdaráis inniúla idirthurais san Aontais ar an eolas gur fhág an dramhaíl an tAontas a luaithe a fhágann an dramhaíl an tAontas.

3.I gcás ina seoltar dramhaíl a bheidh le cóireáil trí na Ballstáit ó thír nach bhfuil feidhm ag Cinneadh ECFE maidir léi chuig tír a bhfuil feidhm ag Cinneadh ECFE maidir léi nó a mhalairt, beidh feidhm ag mír 1 maidir leis an tír nach bhfuil feidhm ag Cinneadh ECFE maidir léi agus beidh feidhm ag mír 2 a mhéid a bhaineann leis an tír a bhfuil feidhm ag Cinneadh ECFE maidir léi.

Teideal VII 
Bainistiú agus forfheidhmiú ar bhealach atá neamhdhíobhálach don chomhshaol

Caibidil 1

Airteagal 56
Bainistiú ar bhealach atá neamhdhíobhálach don chomhshaol

1.Maidir leis an táirgeoir dramhaíola, an fógróir agus aon ghnóthas eile atá páirteach i loingsiú dramhaíola nó ina cóireáil nó diúscairt, déanfaidh sé gach beart is gá chun a áirithiú go ndéantar aon loingsiú dramhaíola a bhainistiú gan sláinte an duine a chur i mbaol agus ar bhealach atá neamhdhíobhálach don chomhshaol ar feadh thréimhse an loingsithe agus le linn chóireáil nó dhiúscairt na dramhaíola.

2.Maidir le dramhaíl a onnmhairiú, measfar go mbeidh an dramhaíl a sheoltar á bainistiú ar bhealach atá neamhdhíobhálach don chomhshaol a mhéid a bhaineann le córas cóireála nó diúscartha na dramhaíola lena mbaineann, i gcás inar féidir a léiriú go ndéanfar an dramhaíl a bhainistiú i gcomhréir le ceanglais maidir le sláinte an duine agus an comhshaol a chosaint atá coibhéiseach tríd is tríd leis na ceanglais maidir le sláinte an duine agus an comhshaol a chosaint a leagtar síos i reachtaíocht an Aontais. Agus an choibhéis tríd is tríd sin á measúnú, ní bheidh gá na ceanglais a eascraíonn as reachtaíocht an Aontais a chomhlíonadh go hiomlán, ach ba cheart a léiriú go n‑áiritheoidh na ceanglais a chuirtear i bhfeidhm sa tír cinn scríbe leibhéal cosanta maidir le sláinte an duine agus an comhshaol atá mar an gcéanna leis na ceanglais a eascraíonn as reachtaíocht an Aontais.

Caibidil 2
Forfheidhmiú

Roinn 1
Cigireachtaí ag na Ballstáit agus pionóis

Airteagal 57
Cigireachtaí

1.Déanfaidh na Ballstáit, chun an Rialachán seo a fhorfheidhmiú, cigireachtaí ar bhunaíochtaí, gnóthais, bróicéirí agus déileálaithe i gcomhréir le hAirteagal 34 de Threoir 2008/98/CE, agus cigireachtaí ar loingsithe dramhaíola agus ar an gcóireáil nó an diúscairt bhainteach.

2.Déanfar cigireachtaí ar loingsithe ag ceann amháin de na suíomhanna seo a leanas ar a laghad:

(a)ag an bpointe tionscnaimh, arna dhéanamh leis an táirgeoir dramhaíola, le sealbhóir na dramhaíola nó leis an bhfógróir;

(b)ag an bpointe cinn scríbe, lena n‑áirítear cóireáil nó diúscairt eatramhach agus neamh-eatramhach, arna dhéanamh leis an gcoinsíní nó leis an tsaoráid;

(c)ag teorainneacha an Aontais;

(d)le linn an loingsithe laistigh den Aontas.

Airteagal 58
Doiciméadacht agus fianaise

1.Áireofar mar chuid de na cigireachtaí ar loingsithe ar a laghad fíorú doiciméad, céannacht na ngníomhaithe a bhaineann leis na loingsithe sin a dheimhniú agus, i gcás inarb iomchuí, seiceáil fhisiceach ar an dramhaíl.

2.Chun a áirithiú nach dramhaíl atá i gceist le substaint nó rud atá á iompar de bhóthar, d’iarnród, d’aer, d’fharraige nó d’uiscebhealach intíre, féadfaidh na húdaráis a bhfuil baint acu le cigireachtaí a iarraidh ar an duine nádúrtha nó an duine dlítheanach a bhfuil seilbh aige ar an tsubstaint nó an rud lena mbaineann, nó a shocraíonn an tsubstaint nó an rud a iompar, chun fianaise dhoiciméadach a chur isteach:

(a)faoi thionscnamh agus faoi cheann scríbe na substainte nó an ruda lena mbaineann; agus

(b)nach dramhaíl í, lena n‑áirítear, i gcás inarb iomchuí, fianaise ar fheidhmiúlacht.

Chun críoch na chéad fomhíre, áireofar freisin cosaint na substainte nó an ruda lena mbaineann in aghaidh díobhála le linn iompair, luchtaithe agus díluchtaithe, amhail pacáistiú leordhóthanach agus cruachadh iomchuí.

Beidh forálacha na míre seo gan dochar do chur i bhfeidhm Airteagal 23(2) agus Iarscríbhinn VI a ghabhann le Treoir 2012/19/AE ó Pharlaimint na hEorpa agus ón gComhairle 62 .

3.Féadfaidh na húdaráis a bhfuil baint acu le cigireachtaí teacht ar an gconclúid gur dramhaíl atá sa tsubstaint nó sa rud lena mbaineann sna cásanna seo a leanas:

(a)nach ndearnadh an fhianaise dá dtagraítear i mír 2 nó an fhianaise a theastaíonn faoi reachtaíocht eile de chuid an Aontais chun a áirithiú nach dramhaíl atá i substaint nó i rud, a chur isteach laistigh den tréimhse a shonraigh siad; nó

(b)ina measann siad nach leor an fhianaise agus an fhaisnéis atá ar fáil dóibh chun teacht ar chonclúid, nó ina measann siad nach leor an chosaint a thugtar in aghaidh díobhála dá dtagraítear sa dara fomhír de mhír 2.

I gcás ina gcinneann na húdaráis gur dramhaíl atá i substaint nó rud i gcomhréir leis an gcéad fhomhír, measfar go mbeidh iompar na substainte nó an ruda lena mbaineann nó an loingsiú dramhaíola lena mbaineann ina loingsiú neamhdhleathach. Dá bhrí sin, déileálfar leis i gcomhréir le hAirteagail 24 agus 25 agus déanfaidh na húdaráis a bhfuil baint acu le cigireachtaí údarás inniúil na tíre ina ndearnadh an chigireacht a chur ar an eolas, gan mhoill, dá réir sin.

4.D’fhonn a fháil amach an gcomhlíontar an Rialachán seo le loingsiú dramhaíola, féadfaidh na húdaráis a bhfuil baint acu le cigireachtaí a chur de cheangal ar an bhfógróir, an duine a shocraíonn an loingsiú, sealbhóir na dramhaíola, an t‑iompróir, an coinsíní agus ar an tsaoráid a fhaigheann an dramhaíl fianaise dhoiciméadach ábhartha a chur isteach chucu laistigh de thréimhse a shonróidh siad.

5.Chun a fháil amach cé acu atá loingsiú dramhaíola atá faoi réir na gceanglas ginearálta faisnéise a leagtar amach in Airteagal 18 ceaptha le haghaidh córais chóireála i gcomhréir le hAirteagal 56 nó nach bhfuil, féadfaidh na húdaráis a bhfuil baint acu le cigireachtaí a chur de cheangal ar an duine a shocraíonn an loingsiú fianaise dhoiciméadach ábhartha a chur isteach, ar faisnéis í a sholáthróidh an tsaoráid eatramhach cóireála agus an tsaoráid neamh-eatramhach cóireála agus, más gá, a fhormheasfaidh an t‑údarás inniúil cinn scríbe.

6.I gcás nár cuireadh an fhianaise dá dtagraítear i mír 4 faoi bhráid na n‑údarás a bhfuil baint acu le cigireachtaí laistigh de thréimhse a shonraigh siad, nó ina measfaidh siad nach leor an fhianaise agus an fhaisnéis atá ar fáil dóibh chun teacht ar chonclúid, measfar go mbeidh an loingsiú lena mbaineann ina loingsiú neamhdhleathach agus déileálfar leis i gcomhréir le hAirteagail 24 agus 25. Cuirfidh na húdaráis a bhfuil baint acu leis na cigireachtaí an t‑údarás inniúil de chuid na tíre ina ndearnadh an chigireacht ar an eolas, gan mhoill, dá réir sin.

7.Tugtar de chumhacht don Choimisiún, trí bhíthin gníomhartha cur chun feidhme, tábla comhghaoil idir cóid na hainmníochta comhcheangailte, dá bhforáiltear i Rialachán (CEE) Uimh. 2658/87 63 ón gComhairle agus na hiontrálacha dramhaíola a liostaítear in Iarscríbhinn III, Iarscríbhinn IIIA, Iarscríbhinn IIIB, Iarscríbhinn IV agus Iarscríbhinn V a ghabhann leis an Rialachán seo a ghlacadh. Coinneoidh an Coimisiún an gníomh seo cothrom le dáta chun athruithe ar an ainmníocht sin agus ar na hiontrálacha a liostaítear sna hIarscríbhinní sin a léiriú, agus chun aon chód nua a áireamh a bhaineann le dramhaíl sa Chóras Ainmníochta Comhchuibhithe a d’fhéadfadh an Eagraíocht Dhomhanda Chustaim a ghlacadh. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 77(2). Fanfaidh Rialachán Cur Chun Feidhme (AE) 2016/1245 64 ón gCoimisiún i bhfeidhm go dtí go ndéanfaidh an Coimisiún an cumhachtú dá dtagraítear san Airteagal atá ann cheana a fheidhmiú.

Airteagal 59
Pleananna cigireachta

1.Cuirfidh na Ballstáit, i ndáil lena gcríoch gheografach iomlán, plean amháin nó níos mó ar bun, bíodh sé ina phlean ann féin nó mar chuid atá sainithe go soiléir de phleananna eile, chun cigireachtaí a dhéanamh de bhun Airteagal 57(1) (‘plean cigireachta’).

Beidh pleananna cigireachta bunaithe ar mheasúnú riosca a chumhdóidh sruthanna sonracha dramhaíola agus foinsí loingsithe neamhdhleathacha, torthaí cigireachtaí roimhe sin agus sonraí faisnéisbhunaithe á gcur san áireamh i gcás inarb iomchuí, amhail sonraí ó imscrúdaithe de chuid na bpóilíní agus na n‑údarás custaim agus anailísí ar ghníomhaíochtaí coiriúla. Beidh sé d’aidhm ag an measúnú riosca sin, inter alia, an t‑íoslíon agus minicíocht na gcigireachtaí atá riachtanach a shainaithint, lena n‑áirítear seiceálacha fisiceacha ar bhunaíochtaí, gnóthais, bróicéirí, déileálaithe agus loingsithe dramhaíola nó ar an gcóireáil nó ar an diúscairt ghaolmhar.

2.Beidh na gnéithe seo a leanas ar a laghad san áireamh sna pleananna cigireachta:

(a)cuspóirí agus tosaíochtaí na gcigireachtaí, lena n‑áirítear tuairisc ar an gcaoi a sainaithníodh na cuspóirí agus na tosaíochtaí sin;

(b)an limistéar geografach a chumhdaítear leis an bplean cigireachta;

(c)faisnéis faoi na cigireachtaí atá beartaithe, lena n‑áirítear faoi sheiceálacha fisiceacha;

(d)na tascanna a shanntar do gach údarás a bhfuil baint aige le cigireachtaí;

(e)socruithe don chomhar idir údaráis a bhfuil baint acu le cigireachtaí;

(f)faisnéis faoi oiliúint na gcigirí maidir le hábhair a bhaineann le cigireachtaí; agus

(g)faisnéis faoi na hacmhainní daonna, na hacmhainní airgeadais agus na hacmhainní eile chun an plean cigireachta a chur chun feidhme.

3.Déanfar athbhreithniú ar an bplean cigireachta gach 3 bliana ar a laghad agus, i gcás inarb iomchuí, tabharfar cothrom le dáta é. Déanfar meastóireacht san athbhreithniú sin ar a mhéid a cuireadh cuspóirí agus eilimintí eile den phlean cigireachta sin chun feidhme.

4.Gan dochar do na ceanglais rúndachta is infheidhme, cuirfidh na Ballstáit an Coimisiún ar an eolas maidir leis na pleananna cigireachta dá dtagraítear i mír 1 agus maidir le haon athbhreithniú substaintiúil a dhéanfar orthu gach 3 bliana, agus den chéad uair 1 bhliain tar éis dháta theacht i bhfeidhm an Rialacháin seo.

5.Déanfaidh an Coimisiún na pleananna cigireachta a d’fhógair na Ballstáit a athbhreithniú i gcomhréir le mír 4 agus, i gcás inarb iomchuí, tuarascálacha a tharraingt suas bunaithe ar athbhreithniú na bpleananna sin, maidir le cur chun feidhme an Airteagail seo. Féadfaidh na tuarascálacha sin a áireamh, inter alia, moltaí maidir le tosaíochtaí cigireachtaí agus maidir le comhar agus comhordú forfheidhmiúcháin idir na húdaráis inniúla a bhfuil páirt acu sna cigireachtaí. Féadfar na tuarascálacha sin a chur i láthair, i gcás inarb iomchuí, i gcruinnithe an ghrúpa forfheidhmiúcháin um loingsiú dramhaíola arna bhunú faoi Airteagal 63.

Airteagal 60
Pionóis

1.Déanfaidh na Ballstáit na rialacha maidir leis na pionóis riaracháin is infheidhme maidir le sáruithe ar an Rialachán seo a leagan síos agus glacfaidh siad gach beart is gá lena áirithiú go gcuirfear i bhfeidhm iad. Beidh na pionóis dá bhforáiltear éifeachtach, comhréireach agus athchomhairleach. Tabharfaidh na Ballstáit fógra don Choimisiún faoi na rialacha sin agus na bearta sin gan mhoill agus faoi aon leasú ina dhiaidh sin a dhéanfaidh difear dóibh.

2.Agus cineál agus leibhéal na bpionós a fhorchuirfear i gcás sáruithe á gcinneadh acu, tabharfaidh na húdaráis inniúla de chuid na mBallstát aird chuí ar na critéir seo a leanas:

(a)cineál, tromchúis agus fad an tsáraithe;

(b)i gcás inarb iomchuí, cineál an tsáraithe a bheith déanta d’aon ghnó nó le faillí;

(c)láidreacht airgeadais an duine nádúrtha nó dhlítheanaigh a bhreithnítear freagrach, a léirítear, mar shampla, trí láimhdeachas iomlán an duine dhlítheanaigh a bhreithnítear freagrach, nó ioncam bliantúil an duine nádúrtha a bhreithnítear freagrach;

(d)na tairbhí eacnamaíocha a bhaineann an duine nádúrtha nó an duine dlítheanach atá freagrach ón sárú, a mhéid a d’fhéadfaí iad a chinneadh;

(e)an damáiste don chomhshaol de dheasca an tsáraithe, a mhéid a d’fhéadfaí é a chinneadh;

(f)aon ghníomh arna dhéanamh ag an duine nádúrtha nó an duine dlítheanach atá freagrach as an damáiste de dheasca an tsáraithe a mhaolú nó a leigheas;

(g)leibhéal comhair an duine nádúrtha nó dhlítheanaigh a bhreithnítear freagrach leis an údarás inniúil;

(h)sáruithe arna ndéanamh roimhe sin ag an duine nádúrtha nó ag an duine dlítheanach atá freagrach;

(i)aon ghníomh arb é is aidhm dó dul timpeall ar na rialuithe riaracháin nó bac a chur leo agus

(j)aon toisc ghéaraitheach nó mhaolaitheach eile is infheidhme i leith chúinsí an cháis.

3.Beidh sé de chumas ar na Ballstáit na pionóis seo a leanas, ar a laghad, a fhorchur i gcás sáruithe ar an Rialachán seo:

(a)fíneálacha;

(b)an t‑ioncam a fhaigheann duine nádúrtha nó duine dlítheanach ó idirbheart a bhaineann leis an sárú a choigistiú;

(c)an t‑údarú chun gníomhaíochtaí a bhaineann le bainistiú dramhaíola agus loingsiú dramhaíola a chur ar fionraí nó a chúlghairm, a mhéid a thagann na gníomhaíochtaí sin faoi raon feidhme an Rialacháin seo;

(d)eisiamh ó nósanna imeachta soláthair phoiblí.

Roinn 2
Comhar maidir leis an bhforfheidhmiú

Airteagal 61
Comhar maidir leis an bhforfheidhmiú ar an leibhéal náisiúnta

Déanfaidh na Ballstáit, a mhéid a bhaineann le gach údarás inniúil a bhfuil baint acu le forfheidhmiú an Rialacháin seo, sásraí éifeachtacha a bhunú chun a chumasú dóibh comhoibriú i gcomhar le chéile agus comhordú a dhéanamh ar bhonn intíre maidir le forbairt agus cur chun feidhme beartais agus gníomhaíochtaí forfheidhmiúcháin chun aghaidh a thabhairt ar loingsithe dramhaíola neamhdhleathacha, lena n‑áirítear chun na pleananna cigireachta a bhunú agus a chur chun feidhme.

Airteagal 62
Comhar maidir leis an bhforfheidhmiú idir na Ballstáit

1.Oibreoidh na Ballstáit, ar bhonn déthaobhach agus iltaobhach, i gcomhar lena chéile le gur fusa a bheidh sé loingsithe neamhdhleathacha a chosc agus a bhrath. Malartóidh siad faisnéis ábhartha faoi loingsithe dramhaíola, sreabha dramhaíola, oibreoirí agus saoráidí agus roinnfidh siad taithí agus eolas faoi bhearta forfheidhmiúcháin, lena n‑áirítear an measúnú riosca a rinneadh de bhun Airteagal 59(1), laistigh de struchtúir bhunaithe, go háirithe, tríd an ngrúpa forfheidhmiúcháin um loingsiú dramhaíola arna bhunú faoi Airteagal 63.

2.Sainaithneoidh na Ballstáit baill foirne a bhfoireann bhuan atá freagrach maidir leis an gcomhar dá dtagraítear i mír 1 agus sainaithneoidh siad na pointí fócasacha le haghaidh na seiceálacha fisiceacha dá dtagraítear in Airteagal 58(1). Cuirfear an fhaisnéis sin chuig an gCoimisiún agus cuirfidh an Coimisiún liosta achomhair chuig na baill sin.

3.Féadfaidh Ballstát, arna iarraidh sin ag Ballstát eile, gníomhaíocht forfheidhmiúcháin a ghlacadh i gcoinne daoine atá sa Bhallstát sin a bhfuil amhras ann go bhfuil baint acu le loingsiú dramhaíola neamhdhleathach.

Airteagal 63
An grúpa forfheidhmiúcháin um loingsiú dramhaíola

1.Bunófar grúpa forfheidhmiúcháin chun comhar agus comhordú idir na Ballstáit a éascú agus a fheabhsú chun loingsithe dramhaíola neamhdhleathacha a chosc agus a bhrath (an ‘grúpa forfheidhmiúcháin um loingsiú dramhaíola’).

2.Beidh na baill foirne bhuana ainmnithe atá freagrach maidir leis an gcomhar dá dtagraítear in Airteagal 62(2) sa ghrúpa forfheidhmiúcháin um loingsiú dramhaíola agus féadfar tuilleadh ionadaithe ó údaráis inniúla na mBallstát a bhfuil an fhreagracht acu an Rialachán seo a fhorfheidhmiú a bheith sa ghrúpa freisin. Is é an t‑ionadaí/na hionadaithe ón gCoimisiún a bheidh mar chathaoirleach air.

3.Beidh an grúpa forfheidhmiúcháin um loingsiú dramhaíola ina fhóram chun eolas agus faisnéis a roinnt maidir le treochtaí ginearálta a bhaineann le loingsithe dramhaíola neamhdhleathacha, measúnuithe bunaithe ar riosca arna ndéanamh ag na Ballstáit, agus gníomhaíochtaí forfheidhmiúcháin, chomh maith le tuairimí a roinnt maidir le dea-chleachtais agus chun comhar agus comhordú idir údaráis ábhartha a éascú. Féadfaidh an grúpa forfheidhmiúcháin um loingsiú dramhaíola scrúdú a dhéanamh ar aon cheist theicniúil a bhaineann le forfheidhmiú an Rialacháin seo a chuirfidh an cathaoirleach, ar a thionscnamh féin nó arna iarraidh sin ag baill an ghrúpa nó an choiste dá dtagraítear in Airteagal 77.

4.Tiocfaidh an grúpa forfheidhmiúcháin um loingsiú dramhaíola le chéile 2 uair sa bhliain ar a laghad. I dteannta na gcomhaltaí dá dtagraítear i mír 2, féadfaidh an cathaoirleach cuireadh chuig na cruinnithe a thabhairt, i gcás inarb iomchuí, d’ionadaithe institiúidí, comhlachtaí, oifigí agus líonraí ábhartha eile.

5.Cuirfidh an Coimisiún na tuairimí a léirítear sa ghrúpa forfheidhmiúcháin um loingsiú dramhaíola in iúl don choiste dá dtagraítear in Airteagal 77.

Roinn 3
Gníomhaíochtaí arna ndéanamh ag an gCoimisiún

Airteagal 64
Forálacha ginearálta

1.Feidhmeoidh an Coimisiún na cumhachtaí a thugtar dó le hAirteagail 64 go 68 chun sáruithe ar fhorálacha an Rialacháin seo a chomhrac, tacú le gníomhaíochtaí forfheidhmiúcháin na mBallstát nó iad a chomhlánú, agus cur le cur i bhfeidhm aonfhoirmeach an Rialacháin seo ar fud an Aontais.

2.Beidh na cumhachtaí sin gan dochar do na nithe seo a leanas:

(a)príomhfhreagracht na mBallstát chun comhlíontacht leis an Rialachán seo a áirithiú agus a fhorfheidhmiú; agus

(b)na cumhachtaí a thugtar don Choimisiún nó don Oifig Eorpach Frith-Chalaoise (OLAF), faoi seach, le gníomhartha dlí eile, go háirithe le Rialachán (AE, Euratom) 883/2013 ó Pharlaimint na hEorpa agus ón gComhairle 65 , Rialachán 515/97 ón gComhairle 66 , nó Rialachán 2185/96 ón gComhairle 67 .

3.Féadfaidh an Coimisiún na cumhachtaí a thugtar dó leis an Rialachán seo a fheidhmiú ar a thionscnamh féin, ar iarraidh ó cheann amháin de na Ballstáit nó níos mó, nó ar ghearán más ann d’amhras leordhóthanach gur loingsiú dramhaíola neamhdhleathach atá i gceist leis an tsubstaint nó an rud lena mbaineann nó an loingsiú dramhaíola lena mbaineann a iompar.

4.Féadfaidh an Coimisiún na cumhachtaí a thugtar dó leis an Rialachán seo a fheidhmiú maidir le loingsithe dramhaíola a thagann faoi raon feidhme an Rialacháin seo de bhun Airteagal 2(1), agus go háirithe maidir leis na loingsithe dramhaíola sin a dhéanann difear do go leor tíortha nó a bhfuil éifeachtaí díobhálacha tromchúiseacha acu ar shláinte an duine agus/nó ar an gcomhshaol.

5.Agus a chumhachtaí á bhfeidhmiú aige, cuirfidh an Coimisiún san áireamh na cigireachtaí atá idir lámha nó a rinneadh cheana maidir leis na loingsithe dramhaíola céanna ag Ballstát de bhun an Rialacháin seo.

6.Tar éis don Choimisiún a chuid gníomhaíochtaí a thabhairt chun críche, déanfaidh sé tuarascáil a tharraingt suas. Más é conclúid an Choimisiúin gur loingsiú dramhaíola neamhdhleathach atá i gceist leis an tsubstaint nó an rud lena mbaineann nó an loingsiú dramhaíola lena mbaineann a iompar, cuirfidh sé na húdaráis inniúla de chuid na tíre nó na dtíortha lena mbaineann ar an eolas dá réir sin agus molfaidh sé go ndéileálfar leis an loingsiú dramhaíola sin i gcomhréir le hAirteagail 24 agus 25. Féadfaidh na húdaráis sin pionóis a chur i bhfeidhm i gcomhréir le hAirteagal 60. Féadfaidh an Coimisiún beart leantach sonrach a mholadh do na húdaráis inniúla agus, i gcás inarb iomchuí, institiúidí, comhlachtaí, oifigí agus gníomhaireachtaí an Aontais lena mbaineann a chur ar an eolas.

7.Beidh tuarascálacha arna dtarraingt suas ar bhonn mhír 6, in éineacht leis an bhfianaise ar fad a thacaíonn leo agus atá i gceangal leo, ina bhfianaise inghlactha:

(a)in imeachtaí breithiúnacha de chineál neamhchoiriúil os comhair cúirteanna náisiúnta agus in imeachtaí riaracháin sna Ballstáit;

(b)in imeachtaí coiriúla an Bhallstáit inar gá iad a úsáid ar an gcaoi céanna agus a dtarraingíonn cigirí náisiúnta riaracháin tuarascálacha riaracháin suas agus faoi na coinníollacha céanna a bhaineann leis na tuarascálacha sin agus beidh siad faoi réir na rialacha meastóireachta céanna leis na cinn is infheidhme maidir le tuarascálacha riaracháin arna dtarraingt suas ag cigirí náisiúnta riaracháin agus beidh an luach céanna fianaise ag gabháil leo agus a ghabhann le tuarascálacha den sórt sin;

(c)in imeachtaí breithiúnacha os comhair Chúirt Bhreithiúnais an Aontais Eorpaigh.

Airteagal 65
Cigireachtaí ag an gCoimisiún

1.Féadfaidh an Coimisiún cigireachtaí a dhéanamh ar loingsithe dramhaíola de bhun Airteagal 57(2) den Rialachán seo.

2.Ullmhóidh agus déanfaidh an Coimisiún cigireachtaí i ndlúthchomhar leis na húdaráis inniúla de chuid an Bhallstáit lena mbaineann.

Tabharfaidh an Coimisiún fógra in am trátha maidir le haidhm, cuspóir agus bunús dlí cigireachtaí i ndáil leis na pointí fócasacha dá dtagraítear in Airteagal 62(2) sa Bhallstát lena mbaineann ar ina chríoch a dhéanfar an chigireacht, chun go mbeidh na húdaráis sin in ann an cúnamh uile is gá a sholáthar. Chuige sin, féadfaidh oifigigh an Bhallstáit lena mbaineann páirt a ghlacadh sna cigireachtaí.

Thairis sin, arna iarraidh sin ag an mBallstát lena mbaineann, féadfaidh an Coimisiún agus na húdaráis inniúla de chuid an Bhallstáit sin na cigireachtaí a dhéanamh go comhpháirteach.

3.Déanfaidh an fhoireann agus na daoine tionlacain eile atá údaraithe ag an gCoimisiún chun cigireacht a dhéanamh a gcumhachtaí a fheidhmiú ar údarú i scríbhinn a sholáthar ina sonraítear ábhar agus cuspóir na cigireachta.

4.Tabharfar de chumhacht d’fhoireann an Choimisiúin a sheolfaidh an chigireacht maidir leis an méid seo a leanas:

(a)rochtain a bheith acu ar aon áitreabh, talamh agus cóir iompair an duine a shocraíonn an loingsiú dramhaíola, shealbhóir na dramhaíola, an iompróra, an choinsíní nó na saoráide a fhaigheann an dramhaíl;

(b)scrúdú a dhéanamh ar aon doiciméad ábhartha a bhaineann le hábhar agus cuspóir na gcigireachtaí, beag beann ar an meán ar a bhfuil siad stóráilte, agus cóipeanna nó sleachta as na doiciméid sin a dhéanamh nó a fháil in aon fhoirm;

(c)ceist a chur ar an bhfógróir, an duine a shocraíonn an loingsiú dramhaíola, sealbhóir na dramhaíola, an t‑iompróir, an coinsíní nó an tsaoráid a fhaigheann an dramhaíl le haghaidh mínithe maidir le fíorais nó doiciméid a bhaineann le hábhar agus cuspóir na gcigireachtaí agus chun na freagraí a thaifeadadh;

(d)ráitis ón bhfógróir, ón duine a shocraíonn an loingsiú dramhaíola, ó shealbhóir na dramhaíola, ón iompróir, ón gcoinsíní nó ón tsaoráid a fhaigheann an dramhaíl a bhaineann le hábhar agus cuspóir na gcigireachtaí a ghlacadh agus a thaifeadadh;

(e)an dramhaíl a sheiceáil go fisiceach agus samplaí den dramhaíl a ghlacadh le haghaidh tástálacha saotharlainne, i gcás inarb iomchuí.

5.Maidir leis an bhfógróir, an duine a shocraíonn an loingsiú dramhaíola, sealbhóir na dramhaíola, an t‑iompróir, an coinsíní agus an tsaoráid a ghlacann an dramhaíl, oibreoidh siad i gcomhar leis an gCoimisiún le linn a chigireachtaí.

6.Déanfaidh na húdaráis de chuid na mBallstát a bhfuil páirt acu i gcigireachtaí ar na loingsithe dramhaíola ar ina gcríoch a dhéanfaidh an Coimisiún an chigireacht, arna iarraidh sin ag an gCoimisiún, an cúnamh is gá a thabhairt d’fhoireann an Choimisiúin.

7.Tá ceangal ar an bhfógróir, ar an duine a shocraíonn an loingsiú dramhaíola, ar shealbhóir na dramhaíola, ar an iompróir, ar an gcoinsíní agus ar an tsaoráid a ghlacann an dramhaíl géilleadh do chigireachtaí an Choimisiúin.

8.I gcás ina gcinnfidh an Coimisiún go bhfuil an fógróir, an duine a shocraíonn an loingsiú dramhaíola, sealbhóir na dramhaíola, an t‑iompróir, an coinsíní nó an tsaoráid a fhaigheann an dramhaíl ag cur i gcoinne cigireachta, tabharfaidh an Ballstát lena mbaineann an cúnamh is gá don Choimisiún agus, i gcás inarb iomchuí, iarrfaidh sé cúnamh na n‑údarás forfheidhmiúcháin, chun go gcuirfear ar a chumas don Choimisiún a chigireacht a dhéanamh. Má bhíonn gá le húdarú ó údarás breithiúnach de réir an dlí náisiúnta chun cúnamh den sórt sin a fháil, cuirfear iarratas isteach ar an údarú sin.

Airteagal 66
Iarrataí ar fhaisnéis

1.Féadfaidh an Coimisiún agallamh a chur ar aon duine nádúrtha nó duine dlítheanach a thoilíonn go gcuirfí agallamh air chun gach faisnéis is gá a bhaineann leis na loingsithe dramhaíola ábhartha a bhailiú.

2.I gcás ina ndéantar agallamh den sórt sin in áitreabh de chuid bunaíochta, gnóthais, bróicéara nó déileálaí, cuirfidh an Coimisiún na pointí fócasacha dá dtagraítear in Airteagal 62(2) in iúl sa Bhallstát lena mbaineann ar ina chríoch a dhéantar an t‑agallamh. Féadfaidh oifigigh an Bhallstáit cúnamh a thabhairt d’fhoireann an Choimisiúin chun an t‑agallamh a dhéanamh, arna iarraidh sin ag údarás an Bhallstáit sin.

3.Féadfaidh an Coimisiún a iarraidh ar an duine nádúrtha nó an duine dlítheanach atá freagrach as bunaíocht nó gnóthas, nó aon bhróicéir nó déileálaí, chun gach faisnéis is gá a bhaineann leis na loingsithe dramhaíola ábhartha a sholáthar. Luafaidh an Coimisiún bunús dlí agus cuspóir na hiarrata, sonróidh sé an fhaisnéis atá ag teastáil agus socróidh sé an teorainn ama ar laistigh de atá an fhaisnéis le soláthar.

4.Déanfaidh an Coimisiún, gan mhoill, cóip den iarraidh a chur ar aghaidh chuig na húdaráis inniúla de chuid an Bhallstáit ar ina chríoch a bhfuil an bhunaíocht, gnóthas, bróicéir nó déileálaí lonnaithe agus chuig na húdaráis de chuid an Bhallstáit a ndéantar difear dá chríoch.

5.I gcás nach soláthraíonn an bhunaíocht, gnóthas, bróicéir ná déileálaí an fhaisnéis a iarradh, nó i gcás ina chinnfidh an Coimisiún nach leor an fhaisnéis a fuair sé chun teacht ar chonclúid, beidh feidhm ag Airteagal 58(5) mutatis mutandis.

Airteagal 67
Ráthaíochtaí nós imeachta

1.Déanfaidh an Coimisiún cigireachtaí agus iarrfaidh sé faisnéis agus lánurraim á tabhairt do ráthaíochtaí nós imeachta an duine a shocraíonn an loingsiú dramhaíola, shealbhóir na dramhaíola, iompróir na dramhaíola, an choinsíní nó na saoráide a fhaigheann an dramhaíl, lena n‑áirítear na nithe seo a leanas:

(a)an ceart gan ráitis fhéin-ionchoiritheacha a dhéanamh;

(b)an ceart chun cúnamh a fháil ó dhuine dá rogha féin;

(c)an ceart chun aon cheann de theangacha oifigiúla an Bhallstáit ina ndéantar an chigireacht a úsáid;

(d)an ceart chun a dtuairimí a chur in iúl maidir le fíorais a bhaineann leo; 

(e)an ceart chun cóip de thaifead an agallaimh a fháil agus é a fhormheas nó barúlacha a chur leis.

Lorgóidh an Coimisiún fianaise ar son agus i gcoinne an duine a shocraíonn an loingsiú dramhaíola, shealbhóir na dramhaíola, iompróir na dramhaíola, an choinsíní nó na saoráide a fhaigheann an dramhaíl, agus déanfaidh sé cigireachtaí agus iarrfaidh sé faisnéis go hoibiachtúil agus go neamhchlaonta agus i gcomhréir le prionsabal thoimhde na neamhchiontachta.

2.Déanfaidh an Coimisiún cigireachtaí agus iarrfaidh sé faisnéis agus lánurraim á tabhairt don rúndacht is infheidhme agus do rialacha an Aontais um chosaint sonraí.

Airteagal 68
Cúnamh frithpháirteach

1.Chun comhlíontacht leis na ceanglais ábhartha a leagtar amach sa Rialachán sin a áirithiú, tabharfaidh na Ballstáit agus an Coimisiún cúnamh dá chéile i gcomhréir leis an Airteagal seo.

2.Faoi raon feidhme Airteagal 2(1), agus gan dochar d’Airteagail 61 agus 62 den Rialachán seo, beidh feidhm ag forálacha Airteagal 2, mír 1, fleasca 3 go 5, 7 agus 8, Airteagal 3, Airteagal 4(1) go dtí ‘reachtaíocht’ agus (2), Airteagail 5 go 14, Airteagal 15(1) agus Airteagal 16 go 18 de Rialachán (CE) Uimh. 515/97 mutatis mutandis maidir leis an gcomhar idir na húdaráis inniúla náisiúnta agus údaráis inniúla an Aontais atá ag cur an Rialacháin seo chun feidhme; tuigfear tagairtí do ‘reachtaíocht custaim agus talmhaíochta’ mar thagairtí don Rialachán seo.

Teideal VIII 
Forálacha críochnaitheacha

Airteagal 69
Tuairisciú

1.Roimh dheireadh gach bliain féilire, seolfaidh gach Ballstát cóip chuig an Coimisiún den tuarascáil, i gcomhréir le hAirteagal 13(3) de Choinbhinsiún Basel, arna tarraingt suas agus arna cur ag an mBallstát sin faoi bhráid Rúnaíocht an Choinbhinsiúin sin le haghaidh na bliana féilire roimhe sin.

2.Roimh dheireadh gach bliana féilire, déanfaidh na Ballstáit tuarascáil don bhliain roimhe sin a tharraingt suas freisin, ar tuarascáil í a bheidh bunaithe ar an gceistneoir tuairiscithe breise atá in Iarscríbhinn XI, agus seolfaidh siad chuig an gCoimisiún í. Laistigh de mhí ón dáta a dtarchuirfear an tuarascáil sin chuig an gCoimisiún, déanfaidh na Ballstáit freisin an chuid sin den tuarascáil a bhaineann le hAirteagal 57(1) agus Airteagal 60(1), lena n‑áirítear Tábla 5 d’Iarscríbhinn XI, a chur ar fáil go poiblí, go leictreonach ar an idirlíon, i dteannta aon mhíniúchán a mheasann na Ballstáit a bheith iomchuí. Tiomsóidh an Coimisiún liosta hipearnaisc na mBallstát dá dtagraítear sa roinn a bhaineann le hAirteagal 57(1) in Iarscríbhinn XI agus cuirfidh sé ar fáil go poiblí é ar a suíomh gréasáin.

3.Déanfar na tuarascálacha arna dtarraingt suas ag na Ballstáit, i gcomhréir le míreanna 1 agus 2, a chur faoi bhráid an Choimisiúin mar leagan leictreonach.

4.Déanfaidh an Coimisiún athbhreithniú ar na sonraí a thuairiscítear i gcomhréir leis an Airteagal seo agus foilseoidh sé tuarascáil ina mbeidh torthaí a athbhreithnithe.

Tacóidh an Ghníomhaireacht Eorpach Chomhshaoil leis an gCoimisiún agus é i mbun faireachán ar chur chun feidhme an Rialacháin, i gcás inarb iomchuí, trí thuarascálacha a tharraingt suas lena gcuirtear anailís ar fáil faoi loingsithe sruthanna sonracha dramhaíola, agus faoi na tionchair chomhshaoil a ghabhann leo.

Déanfar an tuarascáil a luaitear sa chéad fhomhír a tharraingt suas den chéad uair faoin [Oifig na bhFoilseachán: Cuir isteach dáta dheireadh an chúigiú bliain tar éis theacht i bhfeidhm an Rialacháin seo le do thoil] agus gach 4 bliana ina dhiaidh sin.

Airteagal 70
Comhar idirnáisiúnta

Na Ballstáit, i gcás inarb iomchuí agus agus inar gá i gcomhairle leis an gCoimisiún, oibreoidh siad i gcomhar le Páirtithe eile i gCoinbhinsiún Basel agus le heagraíochtaí idirstáit, inter alia, trí fhaisnéis a mhalartú agus/nó a roinnt, teicneolaíochtaí atá neamhdhíobhálach don chomhshaol a chur chun cinn agus cóid iomchuí dea-chleachtais a fhorbairt.

Airteagal 71
Údaráis inniúla a ainmniú

Ainmneoidh na Ballstáit an t‑údarás inniúil nó na húdaráis inniúla a bheidh freagrach as an Rialachán seo a chur chun feidhme. Ní ainmneoidh gach Ballstát ach údarás inniúil idirthurais aonair amháin.

Airteagal 72
Comhfhreagraithe a ainmniú

Déanfaidh na Ballstáit agus an Coimisiún araon aon chomhfhreagraí amháin nó níos mó a ainmniú a bheidh freagrach as daoine nó gnóthais a dhéanfaidh fiosruithe maidir le cur chun feidhme an Rialacháin seo a chur ar an eolas nó comhairle a chur orthu. Cuirfidh comhfhreagraí an Choimisiúin aon cheist a cuireadh air a bhaineann leis na Ballstáit ar aghaidh chuig comhfhreagraithe na mBallstát, agus vice versa.

Airteagal 73
Oifigí custaim iontrála agus oifigí custaim imeachta a ainmniú

Féadfaidh na Ballstáit oifigí custaim iontrála sonracha agus oifigí custaim imeachta sonracha a ainmniú le haghaidh loingsithe dramhaíola ag teacht isteach san Aontas agus ag imeacht uaidh. I gcás ina chinnfidh na Ballstáit na hoifigí custaim sin a ainmniú, ní cheadófar d’aon loingsiú dramhaíola aon phointe trasnaithe teorann eile laistigh de Bhallstát a úsáid chun teacht isteach san Aontas nó imeacht uaidh.

Airteagal 74
Fógra agus faisnéis maidir le hainmniúcháin

1.Cuirfidh na Ballstáit an Coimisiún ar an eolas maidir le hainmniúcháin i dtaobh na nithe seo a leanas:

(a)údaráis inniúla, de bhun Airteagal 71;

(b)comhfhreagraithe, de bhun Airteagal 72;

(c)i gcás inarb ábhartha, oifigí custaim iontrála agus oifigí custaim imeachta, de bhun Airteagal 73.

2.I ndáil leis na hainmniúcháin dá dtagraítear i mír 1, tabharfaidh na Ballstáit an fhaisnéis seo a leanas don Choimisiún:

(a)ainm(neacha);

(b)seoladh/seoltaí poist;

(c)seoladh/seoltaí ríomhphoist;

(d)uimhir/uimhreacha teileafóin;

(e)na teangacha a nglacfaidh na húdaráis inniúla leo.

3.Tabharfaidh na Ballstáit fógra don Choimisiún gan mhoill maidir le haon athrú san fhaisnéis dá dtagraítear i mír 2.

4.Cuirfear an fhaisnéis dá dtagraítear i mír 2, chomh maith le haon athrú san fhaisnéis sin faoi bhráid an Choimisiúin go leictreonach.

5.Foilseoidh an Coimisiún ar a shuíomh gréasáin liostaí maidir leis na húdaráis inniúla ainmnithe, na comhfhreagraithe ainmnithe agus, i gcás inarb ábhartha, na hoifigí custaim iontrála agus na hoifigí custaim imeachta ainmnithe, agus tabharfaidh sé na liostaí sin cothrom le dáta de réir mar is iomchuí.

Airteagal 75
Leasú ar Iarscríbhinní I go X

1.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun Iarscríbhinní IA, IB, IC, II, III, IIIA, IIIB, IV, V, VI agus VII a leasú chun na hathruithe a chomhaontaítear faoi Choinbhinsiún Basel agus Cinneadh ECFE a chur san áireamh, nó i gcás Iarscríbhinn IC, chun í a oiriúnú do chur chun feidhme Airteagal 26 tar éis [Oifig na bhFoilseachán: Cuir isteach an dáta a bheidh ann 2 bhliain tar éis don Rialachán seo a theacht i bhfeidhm].

2.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun Iarscríbhinn IIIA a leasú, d’fhonn, tar éis do Bhallstát iarraidh a chur isteach nó ar a thionscnamh féin, meascáin de dhá chineál dramhaíola nó níos mó a liostaítear in Iarscríbhinn III a áireamh in Iarscríbhinn IIIA, i gcás nach measctar na dramhaíola sin go pointe nach féidir iad a athchúrsáil ar bhealach atá neamhdhíobhálach don chomhshaol, agus, i gcás inar gá, foráil a dhéanamh nach mbeidh feidhm ag iontráil amháin nó níos mó in Iarscríbhinn IIIA maidir le honnmhairí chuig tíortha nach bhfuil feidhm ag Cinneadh ECFE maidir leo.

3.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun Iarscríbhinn IIIB a leasú, d’fhonn, tar éis do Bhallstát iarraidh a chur isteach nó ar a thionscnamh féin, dramhaíl nach liostaítear in Iarscríbhinn III, Iarscríbhinn IV ná Iarscríbhinn V a áireamh san Iarscríbhinn sin, agus foráil a dhéanamh nach mbeidh feidhm ag iontráil amháin nó níos mó in Iarscríbhinn IIIB maidir le honnmhairí chuig tíortha nach bhfuil feidhm ag Cinneadh ECFE maidir leo.

4.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun foirm agus inneachar na faisnéise dá dtagraítear san Iarscríbhinn sin a leasú.

5.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun Iarscríbhinn IX a leasú, chun liostaí reachtaíocht an Aontais agus treoraíocht idirnáisiúnta a thabhairt cothrom le dáta a mhéid a bhaineann le bainistiú atá neamhdhíobhálach don chomhshaol.

6.Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 76 chun Iarscríbhinn X a leasú a mhéid a bhaineann leis na critéir san Iarscríbhinn sin.

Airteagal 76
An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar tarmligean na cumhachta dá dtagraítear in Airteagal 14(3), Airteagal 28(4). Airteagal 38(1), Airteagal 42(4) agus Airteagal 75 a thabhairt don Choimisiún go ceann tréimhse 5 bliana ó dháta theacht i bhfeidhm an Rialacháin seo. Déanfaidh an Coimisiún, tráth nach déanaí ná 9 mí roimh dheireadh na tréimhse 5 bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná 3 mhí roimh dheireadh gach tréimhse.

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagail 14(3), Airteagal 38(1), Airteagal 42(4) agus Airteagal 75 a chúlghairm tráth ar bith. Le cinneadh chun cúlghairm a dhéanamh, cuirfear deireadh le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.

4.Sula nglacfaidh sé gníomh tarmligthe, rachaidh an Coimisiún i mbun comhairliúchán le saineolaithe arna n‑ainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun Airteagal 14(3), Airteagal 28(4). Airteagal 38(1), Airteagal 42(4) agus Airteagal 75 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse 2 mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú 2 mhí ar thionscnamh Pharlaimint na hEorpa nó na Comhairle.

Airteagal 77
Nós imeachta coiste

1.Déanfaidh an coiste a bunaíodh le hAirteagal 39 de Threoir 2008/98/CE cúnamh a thabhairt don Choimisiún. Tá an coiste sin ina choiste de réir bhrí Rialachán (AE) Uimh. 182/2011.

2.I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

Airteagal 78
Leasú ar Rialachán (AE) Uimh. 1257/2013

In Airteagal 6(2) de Rialachán (AE) Uimh. 1257/2013, cuirtear an méid seo a leanas in ionad phointe (a):

‘(a) nach ndéanfar iad a athchúrsáil ach i saoráidí athchúrsála long atá ar an Liosta Eorpach amháin agus, i gcás long a thagann chun a bheith ina ndramhaíl san Aontas, ag na saoráidí sin atá ar an Liosta Eorpach atá i dtíortha a liostaítear in Iarscríbhinn VII a ghabhann le Coinbhinsiún Basel, agus ag na saoráidí sin amháin.’

Airteagal 79
Leasú ar Rialachán (AE) Uimh. 2020/1056

In Airteagal 2(1)(a) de Rialachán (AE) Uimh. 2020/1056, cuirtear an méid seo a leanas in ionad phointe (iv):

‘(iv) Airteagal 16(1) agus Airteagal 18(3) de Rialachán (AE) Uimh. [Oifig na bhFoilseachán cuir isteach uimhir an ghnímh]; tá an Rialachán seo gan dochar do rialuithe atá oifigí custaim dá bhforáiltear sna forálacha ábhartha de ghníomhartha dlí an Aontais;’

Airteagal 80
Athbhreithniú

Faoin 31 Nollaig 2035, agus na tuarascálacha arna dtarraingt suas i gcomhréir le hAirteagal 69, agus an t‑athbhreithniú dá dtagraítear in Airteagal 59(5), á gcur san áireamh inter alia aige, déanfaidh an Coimisiún athbhreithniú ar an Rialachán seo agus cuirfidh sé tuarascáil ar na torthaí maidir leis an athbhreithniú faoi bhráid Pharlaimint na hEorpa agus na Comhairle, agus beidh togra reachtach ag gabháil léi, má mheasann an Coimisiún gurb iomchuí sin.

Airteagal 81
Aisghairm agus forálacha idirthréimhseacha

1.Déanfar Rialachán (CE) Uimh. 1013/2006 a aisghairm le héifeacht ón [Oifig na bhFoilseachán: Cuir isteach an dáta a bheidh ann 2 bhliain tar éis don Rialachán seo a theacht i bhfeidhm ].

Mar sin féin, leanfaidh na forálacha a leagtar amach in Airteagail 4, 7, 8 agus 9, Airteagal 14(4) agus (5), agus Airteagail 15, 16, 18, 26, 35, 38, 41, 42, 43, 44, 45, 47 agus 48, 50, 51, 54 agus 55 de Rialachán (CE) Uimh. 1013/2006 de bheith i bhfeidhm go dtí [Oifig na bhFoilseachán: Cuir isteach an dáta a bheidh ann 2 bhliain tar éis don Rialachán seo a theacht i bhfeidhm] agus beidh feidhm ag Airteagal 37 den Rialachán sin go dtí [Oifig na bhFoilseachán: Cuir isteach an dáta a bheidh ann 3 bliana tar éis don Rialachán seo a theacht i bhfeidhm].

Déanfar tagairtí don Rialachán aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil a leagtar amach in Iarscríbhinn XII.

2.Leanfaidh Rialachán (CE) Uimh. 1013/2006 de bheith i bhfeidhm maidir le loingsithe dramhaíola ar tugadh fógra fúthu i gcomhréir le hAirteagal 4 den Rialachán sin agus ar thug an t‑údarás inniúil cinn scríbe admháil ina leith i gcomhréir le hAirteagal 8 den Rialachán sin roimh [Oifig na bhFoilseachán: Cuir isteach an dáta a bheidh ann 2 mhí tar éis don Rialachán seo a theacht i bhfeidhm]. Maidir leis na loingsithe dramhaíola sin, ní bheidh feidhm ag forálacha an Rialacháin seo.

3.Déanfar loingsithe dramhaíola a thug na húdaráis inniúla lena mbaineann a dtoiliú ina leith i gcomhréir le hAirteagal 9 de Rialachán (CE) Uimh. 1013/2006 a chríochnú tráth nach déanaí ná 1 bhliain ón [Oifig na bhFoilseachán: Cuir isteach an dáta a bheidh ann 1 bhliain tar éis don Rialachán seo a theacht i bhfeidhm].

Airteagal 82
Teacht i bhfeidhm agus cur i bhfeidhm

Tiocfaidh an Rialachán seo i bhfeidhm ar an 20ú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ó 2 mhí tar éis theacht i bhfeidhm an Rialacháin.

Mar sin féin, beidh feidhm ag Airteagail 5, 8 agus 9, Airteagal 14(14) agus (15), Airteagail 15, 16, 18, Airteagal 26(1), (2) agus (3), agus Airteagail 35, 41, 47, 48, 49, 50, 51, 54 agus 55 ón [Oifig na bhFoilseachán: Cuir isteach an dáta a bheidh ann 2 bhliain tar éis don Rialachán seo a theacht i bhfeidhm] agus beidh feidhm ag Airteagail 37, 38, 39, 40, 43 agus 44 ón [Oifig na bhFoilseachán: Cuir isteach an dáta a bheidh ann 3 bliana tar éis dháta theacht i bhfeidhm an Rialacháin le do thoil].

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh

1.2.Réimsí beartais lena mbaineann 

1.3.Baineann an togra/tionscnamh le: 

◻ beart nua 

◻ beart nua a leanann treoirthionscadal/réamhbheart 68  

☑ síneadh ar bheart atá ann cheana 

◻ beart nó bearta a chumasc nó a atreorú i dtreo beart eile/beart nua 

1.4.Cuspóirí

1.4.1.Cuspóirí ginearálta

1.4.2.Cuspóirí sonracha

1.4.3.An toradh agus an tionchar a bhfuil súil leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.4.4.Táscairí feidhmíochta

Sonraigh na táscairí chun faireachán a dhéanamh ar dhul chun cinn agus ar ghnóthachain.

1.5.Forais an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.5.2.Breisluach a bhaineann le rannpháirteachas an Aontais (d’fhéadfadh an breisluach a bheith ann mar thoradh ar fhachtóirí éagsúla, e.g. gnóthachain de thoradh comhordú, deimhneacht dhlíthiúil, breis éifeachtachta nó comhlántachtaí). Chun críocha an phointe seo, is é a chiallaíonn ‘breisluach a bhaineann le rannpháirteachas an Aontais’ an luach a thagann as idirghabháil an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht don Chreat Airgeadais Ilbhliantúil agus sineirgíochtaí a d’fhéadfadh a bheith ann le hionstraimí iomchuí eile

1.5.5.Measúnú ar na roghanna éagsúla maoinithe atá ar fáil, lena n‑áirítear na féidearthachtaí athshannadh a dhéanamh

1.6.Fad agus tionchar airgeadais an togra/tionscnaimh

◻ tréimhse theoranta

–◻    i bhfeidhm ón [LL/MM]BBBB go dtí an [LL/MM]BBBB

–◻    Tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

☑ tréimhse neamhtheoranta

–Cuirfear chun feidhme é le linn na tréimhse tosaigh 2024 go 2027,

–agus cuirfear ag feidhmiú go hiomlán ina dhiaidh sin é.

1.7.Modhanna bainistíochta atá beartaithe 69  

☑ Bainistíocht dhíreach a dhéanann an Coimisiún

–☑ ina ranna, lena n‑áirítear an chuid sin den fhoireann atá i dtoscaireachtaí an Aontais;

–◻    trí na gníomhaireachtaí feidhmiúcháin

◻ Bainistíocht atá comhroinnte leis na Ballstáit

◻ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

–◻ tríú tíortha nó na comhlachtaí a d’ainmnigh siad;

–◻ eagraíochtaí idirnáisiúnta agus a ngníomhaireachtaí (tabhair sonraí);

–◻BEI agus an Ciste Eorpach Infheistíochta;

–◻ comhlachtaí dá dtagraítear in Airteagail 70 agus 71 den Rialachán Airgeadais;;

–◻ comhlachtaí dlí poiblí;

–◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid a sholáthraíonn siad ráthaíochtaí leordhóthanacha airgeadais;

–◻ comhlachtaí arna rialú ag dlí príobháideach Ballstáit, ar comhlachtaí iad a bhfuil sé de chúram orthu comhpháirtíochtaí príobháideacha poiblí a chur chun feidhme agus a sholáthraíonn ráthaíochtaí leordhóthanacha airgeadais;

–◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

2.BEARTA BAINISTÍOCHTA 

2.1.Rialacha faireacháin agus tuairiscithe 

Sonraigh minicíocht na mbeart agus na coinníollacha atá leo.

2.2.Córas bainistíochta agus rialaithe 

2.3.Bearta chun calaois agus neamhrialtachtaí a chosc 

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid ar a n‑imreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

3.2.An tionchar airgeadais a mheastar a bheidh ag an togra ar leithreasuithe 

3.2.1.Achoimre ar an tionchar a mheastar a bheidh aige ar leithreasuithe faoi chomhair oibríochtaí 

EUR milliúin (go dtí an tríú deachúil)

Ard-Stiúrthóireacht: ENV				Bliain  2024	Bliain  2025	Bliain  2026	Bliain  2027	IOMLÁN (2024-2027)
• Leithreasuithe faoi chomhair oibríochtaí
09 02 02 - An geilleagar ciorclach agus cáilíocht saoil	Gealltanais	(1a)		1.260	1.080	0.780	0.540	3.660
	Íocaíochtaí	(2a)		1.260	1.080	0.780	0.540	3.660
09 02 02 - An geilleagar ciorclach agus cáilíocht saoil 73	Gealltanais	(1a)		p.m.	p.m.	p.m.	p.m.	p.m.
	Íocaíochtaí	(2a)		p.m.	p.m.	p.m.	p.m.	p.m.
Leithreasuithe de chineál riaracháin arna maoiniú as imchlúdach na gclár sonrach 74
Líne bhuiséid		(3)
IOMLÁN leithreasuithe  i gcomhair AS ENV	Gealltanais	=1a+1b +3		1.260	1.080	0.780	0.540	3.660
	Íocaíochtaí	=2a+2b +3		1.260	1.080	0.780	0.540	3.660

Má tá tionchar ag an togra/tionscnamh ar níos mó ná ceannteideal oibríochta amháin, líon isteach an chuid thuas arís i gcás gach ceann de na ceannteidil sin:

Beidh gá leis an méid a ndéantar tuairisc air thuas in 09.02.02 chun tacú le cúraimí cur chun feidhme éagsúla a bhaineann leis na forálacha reachtacha, cúraimí a chomhlíonfaidh AS ENV (le tacaíocht ó sheirbhísí eile).

Áirítear ar na gníomhaíochtaí arna soláthar (féach an liosta thíos) staidéir ullmhúcháin a choimisiúnú ar mhaithe le gníomhartha cur chun feidhme agus tarmligthe a ghlacadh chun bearta éagsúla in WSR a chur chun feidhme, eadhon chun ríomh na ráthaíochtaí airgeadais a chomhchuibhiú, agus chun soiléireacht a thabhairt maidir le dramhaíl áirithe a aicmiú agus maidir le hidirdhealú a dhéanamh idir earraí úsáidte agus dramhaíl i gcás grúpaí táirgí áirithe. Cuirfear dlús leis na gníomhaíochtaí sin sa chéad 2 bhliain tar éis ghlacadh an Rialacháin nua.

Anuas ar na gníomhaíochtaí arna soláthar, is gá tacaíocht TFC a chuimsiú maidir leis an gcóras um idirmhalartú leictreonach sonraí a fhorbairt agus a choinneáil ar bun agus is gá tacaíocht ó shaineolaithe seachtracha a chuimsiú chun an nós imeachta a chur chun feidhme ionas go mbeidh tíortha nach tíortha ECFE iad in ann dramhaíl an Aontais a allmhairiú. Áirítear air sin tíortha nach tíortha ECFE iad a chur ar an eolas faoi na forálacha nua, fógraí ó na tíortha sin a mheasúnú agus an liosta a bhunú agus a thabhairt cothrom le dáta maidir le tíortha nach tíortha ECFE iad atá údaraithe chun dramhaíl ar an liosta glas a allmhairiú ón Aontas.

Foráiltear leis an togra freisin idir-inoibritheacht an chórais um idirmhalartú leictreonach sonraí atá beartaithe le Timpeallacht an Ionaid Ilfhreastail maidir le Custam de chuid an Aontais Eorpaigh. Maidir leis an obair sin, beidh gá le hacmhainní airgeadais a chuirfidh Ard-Stiúrthóireacht an Chomhshaoil ar fáil d’Ard‑Stiúrthóireacht an Chánachais ó LIFE ionas go mbeifí in ann an t‑idirnasc arna chinneadh a dhéanamh. Faoi láthair, ní féidir an leibhéal acmhainní iomchuí maidir leis an gcineál oibre sin a chinneadh go cinntitheach, ach féach fonóta 69 maidir leis na costais mheasta.

An liosta staidéir soláthair agus conarthaí seirbhíse atá beartaithe (is féidir go mbeidh gá le mionchoigeartuithe ar na hábhair)

EUR milliúin (go dtí an tríú deachúil)

Chun an chuid seo a líonadh isteach, ba cheart leas a bhaint as na ‘sonraí buiséid de chineál riaracháin’ atá le hiontráil ar dtús san Iarscríbhinn a ghabhann leis an Ráiteas Airgeadais Reachtach (Iarscríbhinn V a ghabhann leis na rialacha inmheánacha) agus a uaslódáiltear chuig an gcóras DECIDE chun críocha comhairliúcháin idirsheirbhíse.

EUR milliúin (go dtí an tríú deachúil)

IOMLÁN leithreasuithe  faoi CHEANNTEIDEAL 7  den chreat airgeadais ilbhliantúil

(Iomlán gealltanas = Iomlán íocaíochtaí)

0.549

0.549

0.508

0.233

1.839

EUR milliúin (go dtí an tríú deachúil)

3.2.2.An t‑aschur a mheastar a chisteofar le leithreasuithe faoi chomhair oibríochtaí 

Leithreasuithe faoi chomhair gealltanas in EUR milliúin (go dtí an tríú deachúil)

3.2.3.Achoimre ar an tionchar a mheastar a bheidh aige ar leithreasuithe de chineál riaracháin 

EUR milliúin (go dtí an tríú deachúil)

CEANNTEIDEAL 7  den chreat airgeadais ilbhliantúil
Acmhainní daonna	0.509	0.509	0.468	0.193	1.679
Caiteachas riaracháin eile	0.040	0.040	0.040	0.040	0.160
Fo-iomlán CHEANNTEIDEAL 7  den chreat airgeadais ilbhliantúil	0.549	0.549	0.508	0.233	1.839

Lasmuigh de CHEANNTEIDEAL 7 79   den chreat airgeadais ilbhliantúil
Acmhainní daonna
Caiteachas eile de chineál riaracháin
Fo-iomlán  lasmuigh de CHEANNTEIDEAL 7  den chreat airgeadais ilbhliantúil

IOMLÁN

0.549

0.549

0.508

0.233

1.839

Cumhdófar na hacmhainní daonna is gá agus caiteachas eile de chineál riaracháin le leithreasuithe ón Ard-Stiúrthóireacht a bhfuil bainistíocht an bhirt faoina gcúram cheana agus/nó atá ath-imlonnaithe laistigh den Ard-Stiúrthóireacht, mar aon le haon leithdháileadh breise a d’fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

3.2.3.1.Na hacmhainní daonna a mheastar a bheidh riachtanach

–◻    Ní éilíonn an togra/tionscnamh go n‑úsáidfear acmhainní daonna.

–☑    Éilíonn an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha