AN COIMISIÚN EORPACH
An Bhruiséil,14.7.2021
COM(2021) 392 final
2021/0209(CNS)
Togra le haghaidh
RIALACHÁN ÓN gCOMHAIRLE
lena ndéantar dleachtanna Comhtharaife Custaim uathrialaitheacha ar allmhairí táirgí tionsclaíocha áirithe isteach sna hOileáin Chanáracha a chur ar fionraí go sealadach
MEABHRÁN MÍNIÚCHÁIN
1.COMHTHÉACS AN TOGRA
•Forais agus cuspóirí an togra
Rinneadh foráil le Rialachán (AE) Uimh. 1386/2011 ón gComhairle 1 maidir leis na dleachtanna Comhtharaife Custaim uathrialaitheacha ar allmhairí táirgí tionsclaíocha áirithe isteach sna hOileáin Chanáracha a chur ar fionraí go sealadach. Baineann na hOileáin Chanáracha leis na Réigiúin is Forimeallaí san Aontas Eorpach, a bhféadfar bearta speisialta a fhoráil ina leith, de bhun Airteagal 349 den Chonradh ar Fheidhmiú an Aontais Eorpaigh (CFAE) chun na míbhuntáistí eacnamaíocha a mbíonn na réigiúin sin thíos leo mar gheall ar a suíomh geografach a shárú.
‑Na bearta dá bhforáiltear i Rialachán (AE) Uimh. 1386/2011 ón gComhairle, arbh é ab aidhm leo iomaíochas na noibreoirí eacnamaíocha áitiúla a neartú agus ar an gcaoi sin, fostaíocht níos cobhsaí a áirithiú ar na hoileáin sin, rachaidh na bearta sin in éag an 31 Nollaig 2021. In Aibreán 2021, d’iarr rialtas na Spáinne go gcuirfí síneadh leis an bhfionraí ar na dleachtanna Comhtharaife Custaim uathrialaitheacha i gcás roinnt táirgí. De réir na hiarrata, na srianta atá ar an réigiún, ar srianta struchtúracha agus buana iad, tá baint go fóill acu leis an iargúltacht, le beagmhéid an mhargaidh agus le hilroinnt an réigiúin. I ngeall ar na srianta sin, tá costas táirgthe agus iompair níos airde, agus costais chomhshaoil níos airde i gcás na nOileán Canárach. Níl siad in ann ach oiread an tairbhe chéanna a bhaint as an domhandú agus atá réigiúin eile Eorpacha. Beartaítear leis an scéim fionraíochta a iarradh na srianta sin ar mhargadh na nOileán Canárach a laghdú.
Ina theannta sin, sa chomhthéacs céanna, d’iarr údaráis na Spáinne go gcuirfí na dleachtanna Comhtharaife Custaim uathrialaitheacha ar fionraí i gcás seacht gcinn de chatagóirí táirgí nua a thagann faoi chóid AC 3903 19, 5603 94, 5604 10, 7326 90, 7607 20, 8441 40 agus 8479 90.
•Comhsheasmhacht le forálacha beartais atá sa réimse beartais cheana
Sa Teachtaireacht ó 2017 maidir le ‘Comhpháirtíocht straitéiseach neartaithe athnuaite leis na réigiúin is forimeallaí san Aontas’ 2 , sonraítear go bhfuil dúshláin mhóra roimh na réigiúin is forimeallaí i gcónaí, agus gur dúshláin bhuana cuid mhór díobh sin. Sa Teachtaireacht sin, cuirtear i láthair cur chuige an Choimisiúin maidir le tacú leis na réigiúin sin i leith a sócmhainní uathúla a fhorbairt agus earnálacha nua a shainaithint chun gur féidir fás agus fostaíocht a chruthú.
Sa chomhthéacs sin, is é is aidhm don togra seo tacú leis an réigiún is forimeallaí den Spáinn maidir lena shócmhainní a fhorbairt chun fás agus cruthú fostaíochta a chur chun cinn san earnáil áitiúil. Leis an togra seo forlíontar an Clár de Roghanna a bhaineann go sonrach le hIargúltacht agus le hOileánacht (POSEI), clár atá dírithe ar thacaíocht le haghaidh na príomhearnála agus táirgeadh amhábhar, an Ciste Eorpach Muirí agus Iascaigh (CEMI) agus maoiniú Leithdháileadh Sonrach Breise Chiste Forbraíochta Réigiúnaí na hEorpa (CFRE).
Baineann na hOileáin Chanáracha tairbhe as bearta comhchosúla eile (laghduithe taraifí uathrialaitheacha), mar shampla, déantar foráil le Rialachán (AE) 2020/1785 ón gComhairle an 16 Samhain 2020 3 maidir le taraif-chuótaí uathrialaitheacha a oscailt le haghaidh allmhairí táirgí iascaigh áirithe isteach sna hOileáin Chanáracha. Thairis sin, baineann an réigiún is forimeallaí tairbhe as díolúintí ó cháin AIEM nó as laghduithe páirteacha uirthi 4 dá bhforáiltear le Cinneadh (AE) 2020/1792 ón gComhairle an 16 Samhain 2020 5 .
•Comhsheasmhacht le beartais eile de chuid an Aontais
Tá an togra seo i gcomhréir le beartais an Aontais, go háirithe a mhéid a bhaineann le beartas ginearálta na réigiún is forimeallaí agus na beartais i réimse na trádála idirnáisiúnta, na hiomaíochta, an chomhshaoil, na fiontraíochta, na forbartha agus an chaidrimh sheachtraigh.
2.BUNÚS DLÍ, COIMHDEACHT AGUS COMHRÉIREACHT
•Bunús dlí
Is é Airteagal 349 CFAE bunús dlí an togra seo. Cuirtear ar chumas na Comhairle leis an bhforáil sin, agus srianta struchtúracha sóisialta agus eacnamaíocha na réigiún is forimeallaí den Aontas á gcur san áireamh (lena n‑áirítear a n‑iargúltacht, a n‑oileánachas, an beagmhéid atá orthu, a dtopagrafaíocht agus a n‑aeráid achrannach mar aon lena spleáchas eacnamaíoch ar líon beag táirgí) bearta sonracha a ghlacadh le cur i bhfeidhm na gConarthaí maidir leis na réigiúin sin a oiriúnú. Baineann na bearta sin le réimsí áirithe, lena n-áirítear, i measc nithe eile, beartais chustaim agus trádála.
•Coimhdeacht (i gcás inniúlacht neamheisiach)
Baineann an togra le hinniúlacht eisiach an Aontais. Dá bhrí sin, níl feidhm ag prionsabal na coimhdeachta.
•Comhréireacht
Comhlíonann an togra prionsabal na comhréireachta ar na cúiseanna seo a leanas:
Úsáidtear an cineál sin gníomhaíochta go rialta mar ionstraim chun iomaíochas na n-oibreoirí eacnamaíocha a neartú. Is nós imeachta bunaithe é rialuithe úsáide deiridh a fhorchur i gcomhréir le forálacha Chód Custaim an Aontais agus nós imeachta bunaithe atá i bhforálacha cur chun feidhme an Chóid freisin sa chomhthéacs seo agus ní chruthaíonn sé ualaí suntasacha breise riaracháin do na húdaráis réigiúnacha agus áitiúla agus d’oibreoirí eacnamaíocha.
•An rogha ionstraime
Is le haghaidh Rialacháin atá an togra.
3.TORTHAÍ AR MHEASTÓIREACHTAÍ EX POST, AR CHOMHAIRLIÚCHÁIN LEIS NA PÁIRTITHE LEASMHARA AGUS AR MHEASÚNUITHE TIONCHAIR
••Comhairliúcháin leis na páirtithe leasmhara
Maidir leis an togra seo, chuathas i gcomhairle le ‘Grúpa na gCeisteanna Taraife Eacnamaíocha’ (ETQG) a chuidíonn leis an gCoimisiún a dtograí ón gComhairle a ullmhú i réimse na mbeart taraife uathrialaitheach.
•Bailiú agus úsáid saineolais
Chun scrúdú a dhéanamh ar iarmhairtí na mbeart, d’iarr an Coimisiún an fhaisnéis riachtanach ar údaráis na Spáinne. Sholáthair údaráis na Spáinne sonraí maidir leis na táirgí faoi thrácht a allmhairíodh chuig na hOileáin Chanáracha agus áiríodh ar na sonraí sin anailís ar na táirgí sin.
Bailíodh faisnéis faoi ábhair ar leith freisin, amhail fostaíocht (ó Oifig Staidrimh na nOileán Canárach), turasóireacht (staidreamh oifigiúil ar thurasóireacht sna hOileáin Chanáracha) agus tomhaltas (Eorabharaiméadar).
•Measúnú tionchair
Ní dhearnadh measúnú tionchair. Is é is aidhm don togra síneadh a chur leis na bearta atá ann faoi láthair a rachaidh in éag ag deireadh 2021. Níl údar cuí le measúnú tionchair, i bhfianaise raon feidhme teoranta na mbeart agus i bhfianaise nach bhfuil athruithe suntasacha ar na hiarmhairtí a bhfuiltear ag súil leo
•Cearta bunúsacha
Níl aon iarmhairt ag an togra ar chearta bhunúsacha.
4.IMPLEACHTAÍ BUISÉADACHA
Ní bheidh tionchar airgeadais ar bith ag an togra seo ar chaiteachas ach beidh tionchar airgeadais aige ar ioncam. Is fiú thart ar EUR 3,3 milliún in aghaidh na bliana na dleachtanna custaim nach mbailítear. Is fiú EUR 2,5 milliún in aghaidh na bliana an éifeacht ar acmhainní dílse traidisiúnta an bhuiséid (i.e. 75 % den iomlán). Leis an ráiteas airgeadais reachtach leagtar amach ar bhealach níos mionsonraithe impleachtaí buiséadacha an togra.
Is trí bhíthin ollioncam náisiúnta (OIN) na mBallstát, agus é bunaithe ar ranníocaíochtaí acmhainní dílse, a chúiteofar caillteanas ioncaim in acmhainní dílse traidisiúnta.
2021/0209 (CNS)
Togra le haghaidh
RIALACHÁN ÓN gCOMHAIRLE
lena ndéantar dleachtanna Comhtharaife Custaim uathrialaitheacha ar allmhairí táirgí tionsclaíocha áirithe isteach sna hOileáin Chanáracha a chur ar fionraí go sealadach
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 349 de,
Ag féachaint don togra ón gCoimisiún Eorpach,
Tar éis di an dréachtghníomh reachtach a chur chuig na parlaimintí náisiúnta,
Ag féachaint don tuairim ó Pharlaimint na hEorpa,
Ag gníomhú di i gcomhréir le nós imeachta reachtach speisialta,
De bharr an mhéid seo a leanas:
(1)De réir Rialachán (AE) Uimh. 1386/2011 ón gComhairle 6 , rachaidh an fionraí dleachta le haghaidh earraí caipitiúla áirithe le haghaidh úsáid tráchtála nó thionsclaíoch, arna n‑allmhairiú isteach sna hOileáin Chanáracha, in éag an 31 Nollaig 2021.
(2)In Aibreán 2021, d’iarr rialtas na Spáinne go gcuirfí síneadh leis an bhfionraí ar na dleachtanna Comhtharaife Custaim uathrialaitheacha i gcás roinnt táirgí i gcomhréir le hAirteagal 349 den Chonradh. Leis na bearta a bunaíodh le Rialachán (AE) Uimh. 1386/2011, cuireadh le forbairt gheilleagar na nOileán Canárach ar bhealach dearfach, go háirithe san earnáil tionsclaíochta agus san earnáil tógála, agus dá bhrí sin, laghdaíodh an tionchar tromchúiseach a bhíonn ag míbhuntáistí eacnamaíocha agus tráchtála a bhíonn ann i ngeall ar iargúltacht, oileánachas agus beagmhéid na n‑oileán sin.
(3)Bíonn tionchar diúltach ar gheilleagar na nOileán Canárach go fóill i ngeall ar bheagmhéid mhargadh na n‑oileán, ilroinnt agus iargúltacht na n‑oileán ón Eoraip, an ráta an-ard dífhostaíochta agus na costais táirgthe agus dáileacháin a bhíonn níos airde ná costais oibreoirí eacnamaíocha ar mhór-roinn na hEorpa. Cé gur léiríodh dul chun cinn áirithe i ráta dífhostaíochta na nOileán Canárach suas go dtí 2019, tháinig méadú ar an dífhostaíocht ó 20,5 % in 2019 go dtí 22,6 % in 2020, atá i bhfad os cionn an mheáin náisiúnta agus mheán an Aontais arb ionann iad agus 15,5 % agus 7,1 % faoi seach (Eurostat, 2021).
(4)Thairis sin, chuir géarchéim COVID‑19 stop leis an ngníomhaíocht turasóireachta sna hOileáin Chanáracha, rud a d’fhág go raibh laghdú a measadh a bheith thart ar 20 % san OTI in 2020. Ina theannta sin, rinneadh crapadh sa ghníomhaíocht tógála agus thionsclaíoch nuair a tháinig laghdú a measadh a bheith 13 % maidir le 2019.
(5)Dá bhrí sin, is iomchuí síneadh a chur le cur ar fionraí na ndleachtanna Comhtharaife Custaim uathrialaitheacha i gcás earraí áirithe mar a liostaítear in Iarscríbhinní I agus II a ghabhann le Rialachán (AE) Uimh. 1386/2011 chun:
–inbhuanaitheacht éifeachtaí dearfacha Rialachán (AE) Uimh. 1386/2011 a áirithiú;
–rannchuidiú le héagsúlú an gheilleagair;
–fás leanúnach agus cruthú post a áirithiú san earnáil tionsclaíochta agus san earnáil tógála;
–an nuálaíocht a fheabhsú;
–spleáchas an gheilleagair áitiúil ar an earnáil seirbhísí a laghdú;
–bearta eile a chomhlánú atá tiomanta don timpeallacht eacnamaíoch agus sóisialta sna hOileáin Chanáracha a chobhsú.
(6)I dteannta na gcatagóirí táirgí nua a chumhdaítear le Rialachán (AE) Uimh. 1386/2011, sa chomhthéacs céanna, d’iarr rialtas na Spáinne go gcuirfí na dleachtanna Comhtharaife Custaim uathrialaitheacha ar fionraí i gcás seacht gcinn de chatagóirí táirgí nua a thagann faoi chóid AC 3903 19, 5603 94, 5604 10, 7326 90, 7607 20, 8441 40 agus 8479 90. Ba cheart glacadh leis an iarraidh sin toisc go neartódh an fionraí sin, lena n‑áirítear meaisíní chun críoch tionsclaíoch agus amhábhair, geilleagar na nOileán Canárach.
(7)Chun a áirithiú nach mbainfidh ach oibreoirí eacnamaíocha atá lonnaithe ar chríoch na nOileán Canárach tairbhe as na bearta taraife sin, ba cheart an fionraí a dhéanamh coinníollach ar úsáid deiridh na dtáirgí i gcomhréir le Rialachán (AE) Uimh. 952/2013 ó Pharlaimint na hEorpa agus ón gComhairle 7 agus Rialachán Cur Chun Feidhme (AE) Uimh. 2015/2447 ón gCoimisiún 8 .
(8)I gcás sraonadh trádála agus chun coinníollacha aonfhoirmeacha a áirithiú maidir leis an Rialachán seo a chur chun feidhme, ba cheart cumhachtaí cur chun feidhme a thabhairt don Choimisiún ionas gur féidir leis an gCoimisiún an fionraí a tharraingt siar. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle 9 .
(9)Ba cheart na bearta dá bhforáiltear sa Rialachán seo leanúnachas a áirithiú tar éis do Rialachán (AE) Uimh. 1386/2011 dul in éag. Dá bhrí sin, is iomchuí na bearta dá bhforáiltear sa Rialachán a chur i bhfeidhm ón 1 Eanáir 2022 go dtí an 31 Nollaig 2031,
TAR ÉIS AN RIALACHÁN SEO A GHLACADH:
Airteagal 1
Ón 1 Eanáir 2022 go dtí an 31 Nollaig 2031, déanfar na dleachtanna Comhtharaife Custaim, dá dtagraítear in Airteagal 56(2), pointe (c), de Rialachán (AE) Uimh. 952/2013 is infheidhme maidir le hearraí caipitiúla áirithe le haghaidh úsáid tráchtála nó thionsclaíoch, a thagann faoi na cóid AC a liostaítear in Iarscríbhinn I faoi láthair a chur ar fionraí go hiomlán.
Úsáidfear na hearraí sin i gcomhréir le forálacha ábhartha Rialachán (AE) Uimh. 952/2013 agus Rialachán (AE) 2015/2447 ar feadh tréimhse 24 mhí ar a laghad tar éis d’oibreoirí eacnamaíocha atá lonnaithe sna hOileán Chanáracha na hearraí a scaoileadh i saorchúrsaíocht.
Airteagal 2
Ón 1 Eanáir 2022 go dtí an 31 Nollaig 2031, déanfar na dleachtanna Comhtharaife Custaim, dá dtagraítear in Airteagal 56(2), pointe (c), de Rialachán (AE) Uimh. 952/2013 is infheidhme maidir le hamhábhair, páirteanna agus comhpháirteanna, a thagann faoi na cóid AC a liostaítear in Iarscríbhinn II faoi láthair, agus a úsáidtear le haghaidh claochlú tionsclaíoch nó cothabháil thionsclaíoch sna hOileáin Chanáracha a chur ar fionraí go hiomlán.
Airteagal 3
Beidh fionraíocht na ndleachtanna dá dtagraítear in Airteagail 1 agus 2 faoi réir maoirseacht chustaim úsáide deiridh i gcomhréir le hAirteagal 254 de Rialachán (AE) Uimh. 952/2013.
Airteagal 4
1.Má tá cúis ag an gCoimisiún a chreidiúint gur saoradh trádála do tháirge ar leith a bhí mar thoradh ar aon fhionraí a leagadh síos sa Rialachán, tabharfar de chumhacht dó gníomhartha cur chun feidhme a ghlacadh, lena dtarraingítear siar an fionraí go sealadach maidir leis an táirge sin ar feadh tréimhse nach faide ná 12 mhí. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 5(2).
Urrófar le ráthaíocht na dleachtanna allmhaire le haghaidh táirgí dar tarraingíodh an fionraí siar go sealadach, agus cuirfear de choinníoll ar scaoileadh na dtáirgí faoi thrácht sa tsaorchúrsaíocht sna hOileán Chanáracha go ndéanfar ráthaíocht den sórt sin a sholáthar.
2.Nuair a chinnfidh an Chomhairle, i gcomhréir leis an nós imeachta a leagtar amach sa Chonradh, laistigh de thréimhse 12 mhí, gur cheart an fionraí a tharraingt siar go cinnte, baileofar méideanna na ndleachtanna arna n‑urrú le ráthaíochtaí go cinnte.
3.Murar glacadh aon chinneadh cinnte laistigh de 12 mhí i gcomhréir le mír 2, scaoilfear na ráthaíochtaí.
Airteagal 5
4.Tabharfaidh an Coiste um an gCód Custaim arna bhunú le hAirteagal 285(1) de Rialachán (AE) Uimh. 952/2013 cúnamh don Choimisiún.
5.I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.
Airteagal 6
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil,
Thar ceann na Comhairle
An tUachtarán
RÁITEAS AIRGEADAIS REACHTACH LE hAGHAIDH TOGRAÍ A bhFUIL IMPLEACHT BHUISÉADACH ACU ATÁ TEORANTA GO hEISIACH DON IONCAM
1.AINM AN TOGRA:
Rialachán ón gComhairle lena ndéantar na dleachtanna Comhtharaife Custaim uathrialaitheacha ar allmhairí táirgí tionsclaíocha áirithe isteach sna hOileáin Chanáracha a chur ar fionraí go sealadach.
2.LÍNTE BUISÉID:
Caibidil agus Airteagal: Caib. 12 airt. 120
An méid arna bhuiséadú le haghaidh na bliana 2021: € 17 605 700 000
3.TIONCHAR AIRGEADAIS
◻ Ní bheidh aon impleacht airgeadais ag an togra
X Ní bheidh tionchar airgeadais ar bith ag an togra ar chaiteachas ach beidh tionchar airgeadais aige ar ioncam – is mar seo a leanas a bheidh an éifeacht:
(€ milliún go dtí an chéad deachúil)
|
Líne bhuiséid |
Ioncam 10 |
tréimhse, dar tús ll/mm/bbbb |
[Bliain 2022 –2031] |
|
Airteagal 120 |
Tionchar ar acmhainní dílse |
01/01/2022 - 31/12/2031 |
-2,5/bliain |
Chun gur féidir leis na hoibreoirí eacnamaíocha cinntí infheistíochta fadtéarmacha a dhéanamh, ba cheart go bhfanfadh na fionraí atá beartaithe i bhfeidhm ar feadh 10 mbliana.
Cuirtear an togra in ionad na mbeart a tugadh isteach le Rialachán (AE) Uimh. 1386/2011 ón gComhairle a rachaidh in éag an 31.12.2021.
Costas measta na hoibríochta seo
Ar bhonn na faisnéise a chuir na húdaráis réigiúnacha ar fáil, meastar gurb é MEUR 3,3 (an méid comhlán, lena n-áirítear costais bhailithe) x 0,75 = MEUR 2,5 in aghaidh na bliana le haghaidh na tréimhse 01.01.2012 - 31.12.2021 an tionchar a bheidh ag an Rialachán seo i dtaca le caillteanas ioncaim. Mar sin féin, ó tharla go gcuireann an togra síneadh leis na bearta atá i bhfeidhm faoi láthair, is ar éigean a bheidh athrú ar leibhéal na nAcmhainní Dílse Traidisiúnta nár bailíodh, nuair a thiocfaidh an rialachán seo i bhfeidhm.
4.BEARTA FRITHCHALAOISE
Déanfar seiceálacha ar úsáid deiridh na dtáirgí a chumhdaítear leis an Rialachán seo ón gComhairle i gcomhréir le hAirteagal 254 de Rialachán (AE) Uimh. 952/2013 ó Pharlaimint na hEorpa agus ón gComhairle an 9 Deireadh Fómhair 2013 lena leagtar síos Cód Custaim an Aontais.
AN COIMISIÚN EORPACH
An Bhruiséil,14.7.2021
COM(2021) 392 final
IARSCRÍBHINNÍ
a ghabhann leis an
Togra le haghaidh RIALACHÁN ÓN gCOMHAIRLE
lena ndéantar dleachtanna Comhtharaife Custaim uathrialaitheacha ar allmhairí táirgí tionsclaíocha áirithe isteach sna hOileáin Chanáracha a chur ar fionraí go sealadach
IARSCRÍBHINN I
Earraí caipitiúla le haghaidh úsáid tráchtála nó thionsclaíoch, a thagann faoi chóid AC faoi láthair 1 :
|
4011 20 |
8418 61 00 |
8519 20 |
9006 30 00 |
|
4011 30 00 |
8418 69 00 |
8701 |
9006 53 |
|
4011 70 00 |
8418 91 00 |
8702 |
9006 59 |
|
4011 80 00 |
8418 99 |
8704 21 |
9007 10 00 |
|
4011 90 00 |
8427 |
8704 22 |
9007 20 00 |
|
5608 |
8431 20 00 |
8704 23 |
9008 50 00 |
|
6403 40 00 |
8441 40 00 |
8704 31 |
9010 10 00 |
|
6403 51 05 |
8450 11 90 |
8704 32 |
9011 20 90 |
|
6403 59 05 |
8450 12 00 |
8704 41 |
9030 33 20 |
|
6403 91 05 |
8450 19 00 |
8704 42 |
9106 |
|
6403 99 05 |
8450 20 00 |
8704 43 |
9107 00 00 |
|
8415 |
8450 90 00 |
8704 51 |
9207 |
|
8418 30 80 |
8472 30 00 |
8704 52 |
9506 91 90 |
|
8418 40 80 |
8479 90 |
8704 60 |
9507 10 00 |
|
8418 50 |
8501 |
8704 90 00 |
9507 20 90 |
|
8705 |
9507 30 00 |
IARSCRÍBHINN II
Amhábhair, páirteanna agus comhpháirteanna a n-úsáidtear
chun críocha talmhaíochta, sa chlaochlú tionsclaíoch agus sa chothabháil thionsclaíoch a thagann faoi chóid AC faoi láthair
2
:
|
3901 |
5208 |
5507 00 00 |
7601 |
|
3902 10 00 |
5209 |
5508 10 10 |
7607 20 |
|
3903 11 00 |
5210 |
5508 20 10 |
8529 90 |
|
3903 19 00 |
5212 |
5509 |
8706 00 |
|
3904 10 00 |
5401 10 12 |
5510 |
8707 |
|
3906 10 00 |
5401 10 14 |
5512 |
8708 |
|
4407 21 |
5401 20 10 |
5513 |
8714 |
|
4407 22 |
5402 |
5514 |
9002 90 00 |
|
4407 23 |
5403 |
5515 |
9006 91 00 |
|
4407 25 |
5404 11 00 |
5516 |
9007 91 00 |
|
4407 26 |
5404 90 |
5603 94 |
9007 92 00 |
|
4407 29 |
5407 |
5604 10 00 |
9008 90 00 |
|
4407 99 40 |
5408 |
6001 |
9010 90 80 |
|
4410 |
5501 |
6002 |
9104 00 00 |
|
4412 |
5502 |
6217 90 |
9108 |
|
5108 |
5503 |
6305 |
9109 |
|
5110 00 00 |
5504 |
6309 00 00 |
9110 |
|
5111 |
5505 |
6406 |
9111 |
|
5112 |
5506 |
7326 90 |
9112 |
|
5205 |
9114 |
||