AN COIMISIÚN EORPACH

An Bhruiséil,5.7.2021

COM(2021) 356 final

2021/0176(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013, a mhéid a bhaineann le srianta ar an rochtain ar uiscí an Aontais

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Le hAirteagal 5(2) de Rialachán (AE) Uimh. 1380/2013 maidir leis an gComhbheartas Iascaigh 1 , bunaítear maolú maidir le crios 12 mhuirmhíle na mBallstát (uiscí teorann) ón riail ghinearálta maidir le comhrochtain shoithí iascaireachta an Aontais ar uiscí agus ar acmhainní an Aontais a leagtar amach in Airteagal 5(1) den Rialachán sin. Leis an maolú sin údaraítear do na Ballstáit iascaireacht sa chrios 12 mhuirmhíle sin a shrianadh do shoithí áirithe. Maidir leis na srianta a chuir na Ballstáit i bhfeidhm ar bhonn an mhaolaithe, chuir siad laghdú ar an mbrú iascaireachta sna limistéir is íogaire ó thaobh na bitheolaíochta de agus chuir siad leis an gcobhsaíocht eacnamaíoch do ghníomhaíochtaí cósta ar an mionchóir.

Bunaítear le hAirteagal 5(3) de Rialachán (AE) Uimh. 1380/2013 maolú comhchosúil le haghaidh uiscí suas le 100 muirmhíle ó bhonnlínte na réigiún is forimeallaí de chuid an Aontais dá dtagraítear sa chéad mhír d’Airteagal 349 den Chonradh. Leis an maolú ceadaítear do na Ballstáit an iascaireacht a shrianadh do na soithí iascaireachta atá cláraithe i gcalafoirt na gcríoch sin.

Beidh na maoluithe i bhfeidhm go dtí an 31 Nollaig 2022, agus is é is aidhm don togra go seachnófar deireadh a chur leis an gcóras rochtana sonrach a leagtar amach in Airteagal 5(2) agus Airteagal 5(3) den Rialachán. Moltar ann leasú a dhéanamh ar fhorálacha ábhartha an Rialacháin chun síneadh a chur leis an tréimhse inar féidir leis na Ballstáit srian a chur leis an rochtain atá acu ar a n‑uiscí faoi na forálacha sin.

Tá cuspóirí an chórais shonraigh fós chomh bailí agus a bhí siad le fiche nó tríocha bliain roimhe sin. Is é is cúis leis sin an staid caomhnúcháin ina bhfuil an-chuid stoc faoi láthair, an íogaireacht leanúnach atá ag uiscí cósta maidir le caomhnú agus deacrachtaí leanúnacha i limistéir chósta atá ag brath go mór ar iascaigh agus nach dócha go mbainfidh siad tairbhe as aon fhorbairt eacnamaíoch eile. Má dhéantar modhnú ar na socruithe atá ann faoi láthair, tá baol mór ann go gcuirfear isteach ar an gcothromaíocht a forbraíodh ó tugadh isteach an córas speisialta seo.

Dá bhrí sin, is é is aidhm don togra na maoluithe reatha a fhadú go ceann 10 bliana eile.

Ina theannta sin, moltar leasú a dhéanamh ar Iarscríbhinn I a ghabhann le Rialachán (AE) Uimh. 1380/2013. Socraítear in Iarscríbhinn I, i gcás gach Ballstáit, na criosanna geografacha laistigh de bhandaí cósta Ballstát eile ina bhféadfaidh sé gníomhaíochtaí iascaireachta a shaothrú agus cé na speicis a fhéadfaidh sé a ghabháil. Léiríonn an leasú seo imeacht na Ríochta Aontaithe as an Aontas Eorpach, chomh maith le teachtaireacht chomhpháirteach ón Iodáil agus ón nGréig chuig an gCoimisiún an 9 Meitheamh 2020 maidir le rochtain shoithí iascaireachta na hIodáile ar uiscí teorann na Gréige, rud a léiríonn na socruithe déthaobhacha a bhí le comhlíonadh ag na Ballstáit lena mbaineann. Ar deireadh, tar éis an bhreithiúnais i gcás C-457/18 2 , maidir leis na fonótaí ina dtagraítear don Chomhaontú Eadrána idir an tSlóivéin agus an Chróit, arna shíniú i Stócólm an 4 Samhain 2009, ba cheart iad a bhaint d’Iarscríbhinn I i ngeall ar easpa inniúlachta an Aontais maidir le hábhair teorann.

2.BUNÚS DLÍ, COIMHDEACHT AGUS COMHRÉIREACHT

Is é Airteagal 43(2) den Chonradh ar Fheidhmiú an Aontais Eorpaigh (CFAE) bunús dlí an togra seo.

De réir Airteagal 3(1)(d) CFAE, tá inniúlacht eisiach ag an Aontas maidir le caomhnú acmhainní bitheolaíocha na mara faoin gComhbheartas Iascaigh CBI). Tagann an togra faoin inniúlacht eisiach sin agus, dá bharr sin, níl feidhm ag prionsabal na coimhdeachta.Ós rud é go mbaineann an togra go príomha le síneadh ama teoranta ar bhailíocht birt atá ann cheana i Rialachán (AE) Uimh. 1380/2013, níl aon ábhar imní ann maidir le prionsabal na comhréireachta.

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Bailiú agus úsáid saineolais

•Measúnú tionchair

4.IMPLEACHTAÍ BUISÉADACHA

Níl aon chaiteachas breise ón Aontas i gceist leis an mbeart seo.

2021/0176 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013, a mhéid a bhaineann le srianta ar an rochtain ar uiscí an Aontais

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 43(2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa 6 ,

Ag gníomhú dóibh i gcomhréir leis an ngnáthnós imeachta reachtach,

De bharr an mhéid seo a leanas:

(1)Tá rochtain chomhionann ag soithí iascaireachta an Aontais ar uiscí agus ar acmhainní an Aontais, faoi réir rialacha an Chomhbheartais Iascaireachta.

(2)Le Rialachán (AE) Uimh. 1380/2013 ó Pharlaimint na hEorpa agus ón gComhairle 7 foráiltear maidir le maoluithe ón riail maidir le rochtain chomhionann sna cúinsí seo a leanas.

(3)Údaraítear do na Ballstáit an iascaireacht a shrianadh do shoithí iascaireachta a bhíonn ag iascaireacht de ghnáth sna huiscí sin ó chalafoirt ar an gcósta cóngarach in uiscí suas le 12 mhuirmhíle óna mbonnlínte.

(4)Sna huiscí suas le 100 muirmhíle ó bhonnlínte na réigiún is forimeallaí de chuid an Aontais dá dtagraítear sa chéad mhír d’Airteagal 349 den Chonradh, údarófar do na Ballstáit freisin an iascaireacht a shrianadh do shoithí iascaireachta atá cláraithe i gcalafoirt na gcríoch sin.

(5)Chuaigh na rialacha atá ann cheana lena gcuirtear srian ar rochtain ar acmhainní laistigh de chriosanna 12 mhuirmhíle na mBallstát chun sochair do chúrsaí caomhnaithe trí iarracht iascaireachta a shrianadh sa chuid is íogaire d’uiscí an Aontais. Caomhnaíodh leis na rialacha sin gníomhaíochtaí iascaireachta traidisiúnta a bhfuil forbairt shóisialta agus eacnamaíoch roinnt pobal cósta ag brath go mór orthu.

(6)Maidir le srianta lena dteorannaítear rochtain ar acmhainní bitheolaíocha na mara timpeall réigiúin fhorimeallacha an Aontais dá dtagraítear sa chéad mhír d’Airteagal 349 den Chonradh chuir siad le caomhnú gheilleagar áitiúil na gcríocha sin, ag féachaint don staid struchtúrach, shóisialta agus eacnamaíoch ina bhfuil siad.

(7)Rachaidh na maoluithe atá ann cheana maidir le srianta ar rochtain ar uiscí an Aontais in éag an 31 Nollaig 2022. Ba cheart síneadh ama deich mbliana eile a chur leis na maoluithe sin chun leanúnachas na mbeart cosanta atá ann faoi láthair a áirithiú agus chun nach gcuirfear isteach ar an gcothromaíocht a forbraíodh ó tugadh isteach an córas speisialta sin.

(8)Ba cheart Iarscríbhinn I a ghabhann le Rialachán (AE) Uimh. 1380/2013 a leasú tar éis do Ríocht Aontaithe na Breataine Móire agus Thuaisceart Éireann tarraingt siar as an Aontas Eorpach agus tar éis don Iodáil agus don Ghréig iarraidh chomhpháirteach a dhéanamh maidir le rochtain soithí Iodálacha ar an Muir Iónach, ar an Muir Aeigéach agus ar Mhuir na Libia.

(9)Ba cheart, dá bhrí sin, Rialachán (AE) Uimh. 1380/2013 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán (AE) Uimh. 1380/2013 mar a leanas:

(1)I míreanna 2, 3 agus 4 d’Airteagal 5, cuirtear na téarmaí ‘31 Nollaig 2032’ in ionad na dtéarmaí ‘31 Nollaig 2022’.

(2)Cuirtear an téacs a leagtar amach san Iarscríbhinn a ghabhann leis an Rialachán seo in ionad Iarscríbhinn I.

Airteagal 2

Tiocfaidh an Rialachán seo i bhfeidhm an seachtú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát ón 1 Eanáir 2023.

Arna dhéanamh sa Bhruiséil,

(1)    IO L 354, 28.12.2013, lch. 22

(2)    Breithiúnas an 31 Eanáir 2020, Poblacht na Slóivéine v Poblacht na Cróite, C-457/18, EU:C:2020:65, míreanna 102-104.

(3)     https://stecf.jrc.ec.europa.eu/documents/43805/2672864/STECF+20-14+-+Social+dimension+CFP.pdf/a68c6c42-6b64-41fc-b5a0-b724c71aa78e  

(4)     https://ec.europa.eu/info/law/better-regulation/have-your-say/initiatives/12533-Extension-of-the-access-to-waters-regime-under-the-Common-Fisheries-Policy

(5)    Rialachán (AE) Uimh. 1152/2012 ó Pharlaimint na hEorpa agus ón gComhairle an 21 Samhain 2012 lena leasaítear Rialachán (CE) Uimh. 2371/2002 ón gComhairle maidir le caomhnú agus saothrú inbhuanaithe acmhainní iascaigh faoin gComhbheartas Iascaigh

(6)    IO C , , p. .

(7)    Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013 maidir leis an gComhbheartas Iascaigh, lena leasaítear Rialachán (CE) Uimh. 1954/2003 ón gComhairle agus Rialachán (CE) Uimh. 1224/2009 ón gComhairle agus lena n‑aisghairtear Rialachán (CE) Uimh. 2371/2002 ón gComhairle, Rialachán (CE) Uimh. 639/2004 ón gComhairle agus Cinneadh 2004/585/CE ón gComhairle (IO L 354, 28.12.2013, lch. 22)

AN COIMISIÚN EORPACH

An Bhruiséil,5.7.2021

COM(2021) 356 final

IARSCRÍBHINN

a ghabhann leis an Togra le haghaidh

Rialachán ó Pharlaimint na hEorpa agus ón gComhairle

lena leasaítear Rialachán (AE) Uimh. 1380/2013 ó Pharlaimint na hEorpa agus ón gComhairle an 11 Nollaig 2013, a mhéid a bhaineann le srianta ar an rochtain ar uiscí an Aontais

IARSCRÍBHINN

‘IARSCRÍBHINN II

ROCHTAIN AR UISCÍ CÓSTA DE RÉIR BHRÍ AIRTEAGAL 5(2)

(1)Uiscí cósta na hÉireann

(a)ROCHTAIN DON FHRAINC

Limistéar geografach	Speiceas	Tábhacht nó tréithe ar leith
Cósta na hÉireann (idir 6 agus 12 mhuirmhíle)
1. Ceann Iorrais siar ó thuaidh Gob Chorráin an Fhiaigh siar	Iasc grinnill	Gan teorainn
	Gliomach na hIorua	Gan teorainn
2. Carn Uí Néid ó dheas Na Stácaí ó dheas	Iasc grinnill	Gan teorainn
	Gliomach na hIorua	Gan teorainn
	Ronnach	Gan teorainn
3. Na Stácaí ó dheas Corcaigh ó dheas	Iasc grinnill	Gan teorainn
	Gliomach na hIorua	Gan teorainn
	Ronnach	Gan teorainn
	Scadán	Gan teorainn
4. Corcaigh ó dheas, Ceann an Chairn ó dheas	Gach speiceas	Gan teorainn
5. Ceann an Chairn ó dheas, Inis Sionnach soir ó dheas	Gach speiceas, seachas sliogéisc	Gan teorainn

(b)ROCHTAIN DON ÍSILTÍR

Limistéar geografach	Speiceas	Tábhacht nó tréithe ar leith
Cósta na hÉireann (idir 6 agus 12 mhíle)
1. Na Stácaí ó dheas Ceann an Chairn ó dheas	Scadán	Gan teorainn
	Ronnach	Gan teorainn

(c)ROCHTAIN DON GHEARMÁIN

Limistéar geografach	Speiceas	Tábhacht nó tréithe ar leith
Cósta na hÉireann (idir 6 agus 12 mhuirmhíle)
1. An Seancheann ó dheas, Ceann an Chairn ó dheas	Scadán	Gan teorainn
2. Corcaigh ó dheas Ceann an Chairn ó dheas	Ronnach	Gan teorainn

(d)ROCHTAIN DON BHEILG

Limistéar geografach	Speiceas	Tábhacht nó tréithe ar leith
Cósta na hÉireann (idir 6 agus 12 mhuirmhíle)
1. Corcaigh ó dheas Ceann an Chairn ó dheas	Iasc grinnill	Gan teorainn
2. Ceann Chill Mhantáin soir Loch Cairlinn soir ó dheas	Iasc grinnill	Gan teorainn

(2)Uiscí cósta na Beilge

Limistéar geografach	Ballstát	Speiceas	Tábhacht nó tréithe ar leith
Idir 3 agus 12 mhuirmhíle	an Ísiltír	Gach speiceas	Gan teorainn
	an Fhrainc	Scadán	Gan teorainn

(3)Uiscí cósta na Danmhairge

Limistéar geografach	Ballstát	Speiceas	Tábhacht nó tréithe ar leith
Cósta na Mara Thuaidh (Ó theorainn na Danmhairge/na Gearmáine go dtí Hanstholm) (6 go 12 mhuirmhíle)
Ó theorainn na Danmhairge/na Gearmáine go dtí Blåvands Huk	an Ghearmáin	Iasc leathógach	Gan teorainn
		Séaclaí agus cloicheáin	Gan teorainn
	an Ísiltír	Iasc leathógach	Gan teorainn
		Iasc cruinn	Gan teorainn
Ó Blåvands Huk go dtí Bovbjerg	an Bheilg	Trosc	Gan teorainn ó 1 Meitheamh go 31 Iúil amháin
		An chadóg	Gan teorainn ó 1 Meitheamh go 31 Iúil amháin
	an Ghearmáin	Iasc leathógach	Gan teorainn
	an Ísiltír	An leathóg	Gan teorainn
		An sól	Gan teorainn
Ó Thyborøn go dtí Hanstholm	an Bheilg	An faoitín	Gan teorainn ó 1 Meitheamh go 31 Iúil amháin
		An leathóg	Gan teorainn ó 1 Meitheamh go 31 Iúil amháin
	an Ghearmáin	Iasc leathógach	Gan teorainn
		An salán	Gan teorainn
		Trosc	Gan teorainn
		Liúdar	Gan teorainn
		An chadóg	Gan teorainn
		An ronnach	Gan teorainn
		An scadán	Gan teorainn
		An faoitín	Gan teorainn
	an Ísiltír	Trosc	Gan teorainn
		An leathóg	Gan teorainn
		An sól	Gan teorainn
Skagerrak (Hanstholm go Skagen) (idir 4 agus 12 mhuirmhíle)	an Bheilg	An leathóg	Gan teorainn ó 1 Meitheamh go 31 Iúil amháin
	an Ghearmáin	Iasc leathógach	Gan teorainn
		An salán	Gan teorainn
		Trosc	Gan teorainn
		Liúdar	Gan teorainn
		An chadóg	Gan teorainn
		An ronnach	Gan teorainn
		An scadán	Gan teorainn
		An faoitín	Gan teorainn
	an Ísiltír	Trosc	Gan teorainn
		An leathóg	Gan teorainn
		An sól	Gan teorainn
Kattegat (idir 3 agus 12 mhíle)	an Ghearmáin	Trosc	Gan teorainn
		Iasc leathógach	Gan teorainn
		Gliomach na hIorua	Gan teorainn
		Scadán	Gan teorainn
Ó Zeeland ó thuaidh go dtí líne dhomhanleithid a théann trí theach solais Forsnæs	an Ghearmáin	Salán	Gan teorainn
Muir Bhailt (lena n‑áirítear Belts, Sound, Bornholm) (3 go 12 mhuirmhíle)	an Ghearmáin	Iasc leathógach	Gan teorainn
		Trosc	Gan teorainn
		Scadán	Gan teorainn
		Salán	Gan teorainn
		Eascann	Gan teorainn
		Bradán	Gan teorainn
		An faoitín	Gan teorainn
		An ronnach	Gan teorainn
Skagerrak (idir 4 agus 12 mhíle)	an tSualainn	Gach speiceas	Gan teorainn
Kattegat (idir 3 agus 12 mhíle 1 )	an tSualainn	Gach speiceas	Gan teorainn
Muir Bhailt (idir 3 agus 12 mhíle)	an tSualainn	Gach speiceas	Gan teorainn

(4)Uiscí cósta na Gearmáine

Limistéar geografach	Ballstát	Speiceas	Tábhacht nó tréithe ar leith
Cósta na Mara Thuaidh (idir 3 agus 12 mhuirmhíle) an cósta iomlán	an Danmhairg	Iasc grinnill	Gan teorainn
		Salán	Gan teorainn
		Corr ghainimh	Gan teorainn
	an Ísiltír	Iasc grinnill	Gan teorainn
		Séaclaí agus cloicheáin	Gan teorainn
Ó theorainn na Danmhairge/na Gearmáine go dtí pointe ó thuaidh Amrum ag 54° 43′N	an Danmhairg	Séaclaí agus cloicheáin	Gan teorainn
An Cósta Baltach (idir 3 agus 12 mhíle)	an Danmhairg	Trosc	Gan teorainn
		Leathóg	Gan teorainn
		Scadán	Gan teorainn
		Salán	Gan teorainn
		Eascann	Gan teorainn
		An faoitín	Gan teorainn
		An ronnach	Gan teorainn

(5)Uiscí cósta na Fraince agus na ranna thar lear

Limistéar geografach	Ballstát	Speiceas	Tábhacht nó tréithe ar leith
Cósta an Atlantaigh Thoir Thuaidh (idir 6 agus 12 mhuirmhíle)
Ó theorainn na Beilge/na Fraince go dtí oirthear Departement Manche (inbhear Vire-Grandcamp les Bains 49° 23' 30" N-1° 2 'WNNE)	an Bheilg	Iasc grinnill	Gan teorainn
		Muiríní	Gan teorainn
	an Ísiltír	Gach speiceas	Gan teorainn
Dunkerque (2° 20′ E) go dtí Cap d’Antifer (0° 10′ E)	an Ghearmáin	Scadán	Gan teorainn ón 1 Deireadh Fómhair go dtí an 31 Nollaig amháin

Limistéar geografach	Ballstát	Speiceas	Tábhacht nó tréithe ar leith
Cósta an Atlantaigh (idir 6 agus 12 mhuirmhíle)
Ó theorainn na Spáinne/na Fraince go dtí 46° 08′ N	an Spáinn	Ainseabhaithe	Iascaireacht dhírithe, Gan teorainn ó 1
			Márta go 30 Meitheamh
			Iascaireacht le haghaidh baoite beo
			ón 1 Iúil go 31
			Deireadh Fómhair amháin
		Sairdíní	Gan teorainn ó 1
			Eanáir go 28 Feabhra
			agus ón 1 Iúil go 31
			Nollaig
			Ina theannta sin, gníomhaíochtaí
			a bhaineann leis na
			speicis a luaitear
			ní mór tabhairt fúthu
			i gcomhréir leis na gníomhaíochtaí
			a saothraíodh i rith 1984,
			agus laistigh
			de na teorainneacha sin
Cósta na Meánmhara (idir 6 agus 12 mhuirmhíle)
Teorainn na Spáinne Cap Leucate	an Spáinn	Gach speiceas	Gan teorainn

(6)Uiscí cósta na Spáinne

Limistéar geografach	Ballstát	Speiceas	Tábhacht nó tréithe ar leith
Cósta an Atlantaigh (idir 6 agus 12 mhuirmhíle)
Ó theorainn na Fraince/na Spáinne go dtí Teach solais Cap Mayor (3° 47' W)	an Fhrainc	Iasc peiligeach	Gan teorainn i gcomhréir le teorainneacha na ngníomhaíochtaí a saothraíodh i rith 1984 agus laistigh de na teorainneacha sin.
Cósta na Meánmhara (idir 6 agus 12 mhuirmhíle)
Teorainn na Fraince/Cap Creus	an Fhrainc	Gach speiceas	Gan teorainn

(7)Uiscí cósta na Cróite

Limistéar geografach	Ballstát	Speiceas	Tábhacht nó tréithe ar leith
12 mhíle agus é teoranta don limistéar mara faoi dhlínse na Cróite atá suite ó thuaidh den líne 45 céim agus 10 nóiméad dhomhanleithid ó thuaidh fad chósta thiar Istria, amach ó theorainn fhorimeallach fharraige teorann na Cróite, áit a mbuaileann an domhanleithead seo talamh chósta thiar Istria (ceann Grgatov rt Funtana)	an tSlóivéin	Iasc grinnill agus speicis bheaga peiligeach lena n‑áirítear mionsairdín agus ainseabhaí	100 tona do líon uasta 25 soithí iascaireachta lena n‑áirítear 5 shoitheach iascaireachta atá feistithe le trál

(8)Uiscí cósta na hIsiltíre

Limistéar geografach	Ballstát	Speiceas	Tábhacht nó tréithe ar leith
(idir 3 agus 12 mhuirmhíle) an cósta iomlán	an Bheilg	Gach speiceas	Gan teorainn
	an Danmhairg	Iasc grinnill	Gan teorainn
		Salán	Gan teorainn
		Corr ghainimh	Gan teorainn
		Bolmán	Gan teorainn
	an Ghearmáin	Trosc	Gan teorainn
		Séaclaí agus cloicheáin	Gan teorainn
(idir 6 agus 12 mhuirmhíle) an cósta iomlán	an Fhrainc	Gach speiceas	Gan teorainn

(9)Uiscí cósta na Slóivéine

Limistéar geografach	Ballstát	Speiceas	Tábhacht nó tréithe ar leith
12 mhíle agus é teoranta don limistéar mara faoi dhlínse na Slóivéine atá suite ó thuaidh den líne 45 céim agus 10 nóiméad dhomhanleithid ó thuaidh fad chósta thiar Istria, amach ó theorainn fhorimeallach fharraige teorann na Cróite, áit a mbuaileann an domhanleithead seo talamh chósta thiar Istria (ceann Grgatov rt Funtana)	an Chróit	Iasc grinnill agus speicis bheaga peiligeach lena n‑áirítear mionsairdín agus ainseabhaí	100 tona do líon uasta 25 soithí iascaireachta lena n‑áirítear 5 shoitheach iascaireachta atá feistithe le trál

(10)Uiscí cósta na Fionlainne

Limistéar geografach	Ballstát	Speiceas	Tábhacht nó tréithe ar leith
Muir Bhailt (idir 4 agus 12 mhíle) 2	an tSualainn	Gach speiceas	Gan teorainn

(11)Uiscí cósta na Sualainne

Limistéar geografach	Ballstát	Speiceas	Tábhacht nó tréithe ar leith
Skagerrak (idir 4 agus 12 mhuirmhíle)	an Danmhairg	Gach speiceas	Gan teorainn
Kattegat (idir 3 agus 12 mhíle 3 )	an Danmhairg	Gach speiceas	Gan teorainn
Muir Bhailt (idir 4 agus 12 mhíle)	an Danmhairg	Gach speiceas	Gan teorainn
	an Fhionlainn	Gach speiceas	Gan teorainn

(12)Uiscí cósta na Gréige

Limistéar geografach	Ballstát	Speiceas	Tábhacht nó tréithe ar leith
An Mhuir Iónach idir 6 agus 12 mhuirmhíle in uiscí teorann na Gréige	an Iodáil	Ceifileapóid Crústaigh Iasc grinnill Speicis pheiligeacha mhóra	Líon uasta 68 soitheach
Ó dheas-Soir ó dheas ó oileán na Créite (Thoir de 26˚00’00” E) 6 go 12 mhuirmhíle in EEZ na Gréige
Ó dheas-Soir ó dheas ó oileán Koufonisi 6 go 12 mhuirmhíle in EEZ na Gréige
Ó dheas-Siar ó dheas ó oileán Kasos 6 go 12 mhuirmhíle in EEZ na Gréige
Ó dheas-Soir ó dheas ó oileán Karpathos 6 go 12 mhuirmhíle in EEZ na Gréige
Ó dheas-Siar ó dheas (Siar ó 27˚59’02.00” E) ó oileán Ródas 6 go 12 mhuirmhíle in EEZ na Gréige.

’

(1)    Arna thomhas ón líne chósta.

(2)    Idir 3 agus 12 mhíle timpeall Oileáin Bogskär.

(3)    arna thomhas ón líne chósta.