AN COIMISIÚN EORPACH

An Bhruiséil,18.9.2020

COM(2020) 569 final

2020/0260(NLE)

Togra le haghaidh

RIALACHÁN ÓN gCOMHAIRLE

maidir leis an gComhghnóthas Ríomhaireachta Ardfheidhmíochta Eorpach a bhunú

{SWD(2020) 179 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Acmhainn mórthábhachta i gclaochlú digiteach na sochaí is ea an Ríomhaireacht Ardfheidhmíochta, is é sin córais ríomhaireachta (“sár‑ríomhairí”) a bhfuil cumhacht ríomhaireachta thar a bheith ard iontu, ríomhairí a bhfuil réiteach acu ar fhadhbanna móra ríchasta. Sin iad is “inneall” cumhachta don geilleagar sonraí, agus is féidir leo teicneolaíochtaí tábhachtacha a chumasú, an intleacht shaorga (IS), an anailísíocht sonraí agus an chibearshlándáil mar shampla, d’fhonn leas a bhaint as poitéinseal ollmhór na mórshonraí.

Tá an Ríomhaireacht Ardfheidhmíochta ag cur ar a gcumas d'earnálacha tionsclaíochta go leor a bheith nuálach agus dul i dtreo táirgí agus seirbhísí is airde luach, agus an cosán a leagan amach chun feidhmchláir nua a fhorbairt le haghaidh an tionscail i gcomhar le hardteicneolaíochtaí digiteacha eile. Is rudaí riachtanacha feidhmchláir agus bonneagair ríomhaireachta ardfheidhmíochta i mbeagnach gach réimse taighde, idir an fhisic bhunúsach agus an bithleigheas, d’fhonn tuiscint eolaíoch níos doimhne fháil agus chun dul chun cinn a dhéanamh. Is uirlis riachtanach í an Ríomhaireacht Ardfheidhmíochta freisin do thaighdeoirí agus do lucht déanta beartas chun dul i ngleic le mórdhúshláin na sochaí, idir an t‑athrú aeráide, an fhorbairt chliste ghlas, an talmhaíocht inbhuanaithe, leigheas pearsantaithe, agus bainistiú géarchéimeanna. Sampla an‑ábhartha is ea an phaindéim COVID‑19, nuair is minic úsáid á baint as Ríomhaireacht Ardfheidhmíochta, i gcomhar le hintleacht shaorga, chun le drugaí nua a thabhairt ar an saol gan mhoill, leathadh an víris a thuar, acmhainní leighis atá gann a phleanáil agus a leithdháileadh, agus éifeachtacht na mbeart imshrianta agus cúrsaí i ndiaidh na paindéime a mheas.

As seo go ceann cúpla bliain, an ról ceannasach a bheidh ag an Eoraip sa gheilleagar sonraí, a sármhaitheas san eolaíocht, agus a hiomaíochas i gcúrsaí tionsclaíochta, is ar a cumas i leith na nithe seo a leanas a bheidh sin ar fad ag brath: príomhtheicneolaíochtaí sa ríomhaireacht ardfheidhmíochta a fhorbairt, rochtain a sholáthar ar bhonneagar, sonraí de scoth an domhain a chaomhnú maille leis an sármhaitheas sa ríomhaireacht atá ar a toil faoi láthair aici. Ionas go dtarlóidh sé sin, is rud riachtanach cur chuige straitéiseach uile‑Eorpach a bheith ann.

Bunaíodh 1 an Comhghnóthas Ríomhaireachta Ardfheidhmíochta Eorpach i mí Dheireadh Fómhair 2018 mar chreat dlíthiúil agus mar chreat airgeadais, ag comhthiomsú acmhainní ón Aontas Eorpach, ó 32 thír, agus ó dhá Bhall Phríobháideacha: an tArdán Teicneolaíochta Eorpach um Ríomhaireacht Ardfheidhmíochta agus Big Data Value Association (BDVA). Go nuige seo, d’úsáid an Comhghnóthas cistí as an gCreat Airgeadais Ilbhliantúil 2014–2020 dá chuid infheistíochtaí straitéiseacha. Tar éis a bheith ag feidhmiú le 20 mí, tá an infheistíocht fhoriomlán i Ríomhaireacht Ardfheidhmíochta ar leibhéal Eorpach méadaithe go substaintiúil aige agus tá sé ag tosú ag obair chun a mhisean a chur i gcrích, is é sin seasamh na hEorpa mar chumhacht cheannasach na Ríomhaireachta Ardfheidhmíochta a chur ar ais. Faoi dheireadh na bliana 2020, cuirfidh sé bonneagar sár‑ríomhaireachta agus sonraí den chéad scoth ag obair a mbeidh fáil ag úsáideoirí poiblí agus príobháideacha ar fud na hEorpa air. Tá na hinfheistíochtaí a dhéanann sé ag tabhairt tacaíochta freisin do Lárionaid Inniúlachta um Ríomhaireacht Ardfheidhmíochta ar fud na hEorpa, a áirithíonn go bhfuil Ríomhaireacht Ardfheidhmíochta ar fáil go forleathan san Aontas agus a sholáthraíonn seirbhísí agus acmhainní sonracha don nuálaíocht tionsclaíche (lena n‑áirítear FBManna) agus forbairt scileanna sa Ríomhaireacht Ardfheidhmíochta, agus taighde agus nuálaíocht i gcrua‑earraí criticiúla Ríomhaireachta Ardfheidhmíochta agus teicneolaíochtaí agus feidhmchláir bogearraí. Méadófar leis sin cumas an Aontais Eorpaigh teicneolaíocht nuálach a tháirgeadh sa Ríomhaireacht Ardfheidhmíochta.

Leagadh síos sprioc sa Rialachán ón gComhairle maidir leis an gComhghnóthas Ríomhaireachta Ardfheidhmíochta Eorpach a bhunú in 2018 chun an chéad teorainn eile sár‑ríomhaireachta a shroicheadh, feidhmíocht eicsea‑scála, 2 i.e. córais ríomhaireachta atá ábalta níos mó ná aon trilliún (1018) oibríocht in aghaidh an tsoicind a chur i gcrích, faoi na blianta 2022 go dtí 2023. Thiocfadh an méadú sin ar chumhacht ríomhaireachta ó úsáid ríomhairí candamacha agus ó bhogadh chuig teicneolaíochtaí iar‑eacsascálaithe freisin.

Leanann an Rialachán atá beartaithe ar aghaidh go bunúsach leis an tionscnamh reatha a bunaíodh faoi Rialachán (AE) 2018/1488 ón gComhairle, ag tabhairt modhnuithe isteach chun an Rialachán a chur in oiriúint do na chéad Chláir eile den chreat airgeadais ilbhliantúil, ach chun tosaíochtaí an Choimisiúin a léiriú freisin, agus a chur ar chumas an Chomhghnóthais cistiú ó na cláir nua den chreat airgeadais ilbhliantúil a úsáid le haghaidh 2021–2027. Is iad na cláir sin Fís Eorpach, an Clár don Eoraip Dhigiteach agus an tSaoráid um Chónascadh na hEorpa. Beidh an cistiú sin riachtanach don Eoraip chun an chéad teorainn sár‑ríomhaireachta eile seo den ríomhaireacht eicsea‑scála a bhaint amach. Tabharfaidh sé deis chun an tAontas a fheistiú le seirbhís sár‑ríomhaireachta agus ríomhaireachta candamaí agus bonneagar sonraí den chéad scoth a bheidh cónasctha, slán agus hipearnasctha, agus na teicneolaíochtaí, na feidhmchláir agus na scileanna riachtanacha a fhorbairt chun cumais eacsascálaithe a bhaint amach, a mheastar a tharlóidh timpeall ar 2023–2025 agus iar‑eacsascálaithe thart ar 2025–2027, agus éiceachóras nuálaíochta den chéad scoth sa Ríomhaireacht Ardfheidhmíochta agus sa ríomhaireacht chandamach san Eoraip á chur chun cinn ag an am céanna.

Toisc nach bhfuil aon athrú ar phríomhspreagthóirí agus ar phríomhchuspóirí an Chomhghnóthais Ríomhaireachta Ardfheidhmíochta Eorpaigh ó bunaíodh é, tá an Measúnú Tionchair a foilsíodh i mí Eanáir 2018 3 fós bailí. Ina theannta sin, cuireadh na cuspóirí maidir le Ríomhaireacht Ardfheidhmíochta san áireamh sa Mheasúnú Tionchair a bhí ag gabháil leis an togra maidir le Rialachán ó Pharlaimint na hEorpa agus ón gComhairle lenar bunaíodh an clár don Eoraip Dhigiteach don tréimhse 2021–2027 4 . 

Dá réir sin, tá Doiciméad Inmheánach Oibre (SWD) ag gabháil le togra an Choimisiúin le haghaidh Rialacháin nua EuroHPC, ina dtugtar achoimre ar an bhfianaise a bailíodh ó 2018. Déantar anailís sa Doiciméad Inmheánach Oibre ar éabhlóid na bpríomhspreagthóirí socheacnamaíocha agus teicneolaíochta agus ar riachtanais úsáideoirí a dhéanann difear d’éabhlóid na mbonneagar, na dteicneolaíochtaí agus na bhfeidhmchlár Ríomhaireachta Ardfheidhmíochta agus sonraí sa todhchaí san Aontas Eorpach agus ar fud an domhain, agus tosaíochtaí polaitiúla an Aontais le haghaidh 2020–2025 á gcur san áireamh. Cuirtear na figiúirí is déanaí ón margadh Ríomhaireachta Ardfheidhmíochta i láthair ann agus tugtar achoimre ar na príomhcheachtanna a foghlaimíodh ó ghníomhaíocht an Chomhghnóthais go dtí seo. Déantar cur síos ann ar an ról a bheidh ag an Ríomhaireacht Ardfheidhmíochta sa ghar‑thodhchaí le haghaidh chlaochlú digiteach na hEorpa, agus chun spás sonraí Eorpach aonair a chruthú. Ar deireadh, tugtar fianaise ar thábhacht ghníomhaíocht an Chomhghnóthais Ríomhaireachta Ardfheidhmíochta Eorpaigh, agus an tionchar a bheidh aige má leantar leis ar líon méadaithe teicneolaíochtaí agus feidhmchlár criticiúil as seo go ceann deich mbliana, go háirithe an tsármhaitheas Eorpach i dteicneolaíochtaí próiseálaí ísealchumhachta agus san intleacht shaorga.

Cén chaoi a bhfeidhmeoidh an Comhghnóthas Ríomhaireachta Ardfheidhmíochta Eorpach?

Is é misean an Chomhghnóthais Ríomhaireachta Ardfheidhmíochta Eorpaigh atá beartaithe ná forbairt a dhéanamh ar mhisean an Chomhghnóthais Ríomhaireachta Ardfheidhmíochta Eorpaigh a bunaíodh i mí Dheireadh Fómhair 2018. Níl na cuspóirí fadtéarmacha modhnaithe go bunúsach, i.e. bonneagar Ríomhaireachta Ardfheidhmíochta agus sonraí den chéad scoth a úsáid agus a oibriú, agus sár‑éiceachóras Ríomhaireachta Ardfheidhmíochta Eorpaí a fhorbairt agus a chur chun cinn. Cuirtear an bhéim ar an ré eacsascálaithe a bhaint amach agus leathnú amach chuig cuir chuige nua den Ríomhaireacht Ardfheidhmíochta bunaithe ar theicneolaíochtaí candamacha.

Tá gníomhaíocht an Chomhghnóthais atá beartaithe bunaithe timpeall ar chúig phríomhcholún:

(a)Bonneagar: Leanfaidh an colún ag díriú ar bhonneagar sár‑ríomhaireachta den chéad scoth a fháil. Leathnaíodh a chuid gníomhaíocht áfach ní hamháin chun fáil, úsáid, agus oibriú bonneagair sár‑ríomhaireachta den chéad scoth a áireamh, ach bonneagar ríomhaireachta candamaí freisin.

(b)Cónaidhm seirbhísí sár‑ríomhaireachta: Is colún nua é seo. Cumhdófar gníomhaíocht leis chun rochtain néalbhunaithe a sholáthar ar fud an Aontais ar acmhainní agus ar sheirbhísí sár‑ríomhaireachta, ríomhaireachta candamaí agus sonraí, atá cónasctha agus slán, ar fud na hEorpa le haghaidh úsáideoirí poiblí agus príobháideacha. Áireofar tacaíocht d’idirnasc na n‑acmhainní Ríomhaireachta Ardfheidhmíochta, ríomhaireachta candamaí agus sonraí leis an gcolún. A n‑idirnasc le spásanna coiteanna sonraí Eorpacha agus le bonneagair néil chónasctha an Aontais agus, forbairt, fáil agus oibriú ardáin le haghaidh soláthar seirbhíse néalbhunaithe rianúil, cónasctha agus slán de sheirbhís sár‑ríomhaireachta agus ríomhaireachta candamaí agus bonneagar sonraí.

(c)Teicneolaíocht: Leanfaidh an colún seo ag tabhairt tacaíochta do chlár oibre uaillmhianach taighde agus nuálaíochta chun éiceachóras sár‑ríomhaireachta nuálach den chéad scoth a fhorbairt. Tacóidh an colún le teicneolaíochtaí crua‑earraí agus bogearraí, agus a gcomhtháthú i gcórais ríomhaireachta, ag cumhdach an tslabhra luacha eolaíoch agus tionsclaíoch iomláin. Ina theannta sin, tacóidh sé leis na teicneolaíochtaí agus leis na córais a bheidh de dhíth chun córais sár‑ríomhaireachta chlasaicí a idirnascadh agus a oibriú le teicneolaíochtaí ríomhaireachta comhlántacha eile, go háirithe ríomhaireacht néaramorfach nó chandamach.

(d)Feidhmchláir: Bhí an colún seo mar chuid de cholún teicneolaíochta an Chomhghnóthais Ríomhaireachta Ardfheidhmíochta Eorpaigh a bunaíodh i mí Dheireadh Fómhair 2018. Tá sé as féin anois, áfach, ionas go dtabharfar aitheantas don tábhacht atá tugtha dó i rith na mblianta, go háirithe an leathnú amach chuig feidhmeanna atá ábhartha ar bhonn tionsclaíoch. Tacóidh an colún seo le gníomhaíocht chun an sármhaitheas a bhaint amach agus seasamh ceannasach reatha na hEorpa i bpríomh‑fheidhmchláir ríomhaireachta agus sonraí agus cód le haghaidh na heolaíochta, an tionscail (lena n‑áirítear FBManna) agus na hearnála poiblí a chothú, lena n‑áirítear tacaíocht do Lárionaid Sármhaitheasa i bhfeidhmchláir Ríomhaireachta Ardfheidhmíochta.

(e)Úsáid agus scileanna leathnaithe: Bhí an colún seo mar chuid de cholún teicneolaíochta an Chomhghnóthais Ríomhaireachta Ardfheidhmíochta Eorpaigh roimh seo a bunaíodh i mí Dheireadh Fómhair 2018, agus a chuaigh i ngleic go príomha le Lárionaid Náisiúnta Inniúlachta um Ríomhaireacht Ardfheidhmíochta a chruthú agus iad a líonrú. Mar sin féin, tá sé as féin anois ionas go dtabharfar aitheantas don tábhacht atá tugtha dó i rith na mblianta, go háirithe mar gheall ar an rannpháirteachas sa tosaíocht Scileanna Digiteacha den Chlár don Eoraip Dhigiteach. Díreoidh an colún seo ar ghníomhaíocht chun an sármhaitheas a chothú in úsáid agus scileanna sár‑ríomhaireachta, ríomhaireachta candamaí, agus sonraí. Beidh sé mar aidhm aige an úsáid eolaíoch agus thionsclaíoch a bhaintear as acmhainní sár‑ríomhaireachta agus as feidhmchláir sonraí a leathnú, agus rochtain agus úsáid thionsclaíoch as bonneagair sár‑ríomhaireachta agus sonraí i gcomhair na nuálaíochta a chothú, agus iad a chur in oiriúint do riachtanais tionsclaíochta; agus, chun pobal eolaíoch eolach ceannródaíoch agus lucht oibre oilte a sholáthar don Eoraip.

Is mar seo a leanas atá ballraíocht an Chomhghnóthais atá beartaithe:

–baill phoiblí: an tAontas (a mbeidh an Coimisiún mar ionadaí dó) agus na Ballstáit agus na tíortha atá bainteach le Fís Eorpach, an Clár don Eoraip Dhigiteach agus an tSaoráid um Chónascadh na hEorpa ar mian leo a bheith rannpháirteach (Stáit Rannpháirteacha) 5 . Is faoi Bhallstáit agus Tíortha Comhlachaithe eile dul isteach sa chomhghnóthas.

–baill phríobháideacha: tá siad sin fós mar an gcéanna leo sin a bhí i Rialachán (AE) 2018/1488 ón gComhairle – Ardán Teicneolaíochta Eorpach um Ríomhaireacht Ardfheidhmíochta agus cumainn tionsclaíochta BDVA.

Tá rialachas agus leithdháileadh chearta vótála an Chomhghnóthais atá beartaithe fós comhionann leis na cinn a sainíodh i Rialachán (AE) 2018/1488 ón gComhairle.

Leanfaidh an Comhghnóthas Ríomhaireachta Ardfheidhmíochta Eorpach ag cur plean oibre straitéiseach na Ríomhaireachta Ardfheidhmíochta chun feidhme mar a shainítear sna cláir oibre straitéiseacha ilbhliantúla i gcomhair taighde agus nuálaíochta arna bhforbairt ag Grúpa Comhairleach Taighde agus Nuálaíochta EuroHPC agus ag Grúpa Comhairleach Bonneagair EuroHPC 6 (INFRAG), arna chomhlánú ag Clár Oibre Taighde Straitéisigh Bhaill Phríobháideacha EuroHPC, 7 d’fhonn éiceachóras na Ríomhaireachta Ardfheidhmíochta 8 a bhunú.

Bheadh ranníocaíocht airgeadais an Aontais leis an gComhghnóthas faoin gcreat airgeadais ilbhliantúil 2021–2027 cothrom le EUR [XXXX ], á mheaitseáil le méid chothrom ar a laghad den ranníocaíocht iomlán ó na Stáit Rannpháirteacha agus ó Bhaill Phríobháideacha an Chomhghnóthais Ríomhaireachta Ardfheidhmíochta Eorpaigh. Bainfidh an Comhghnóthas úsáid as na cistí sin go príomha chun a chuid gníomhaíochta a chur chun feidhme faoi na cúig cholún a bhfuil tuairisc orthu thuas.

D’áireofaí iad seo a leanas leis na príomhthorthaí a mbeifí ag súil leo don Chomhghnóthas Ríomhaireachta Ardfheidhmíochta Eorpach sna chéad deich mbliana eile:

–Bonneagar Ríomhaireachta Ardfheidhmíochta agus sonraí Eorpach atá cónasctha, slán agus hipearnasctha le sár‑ríomhairí meán‑raoin agus dhá chóras eicseascálaithe den chéad scoth ar a laghad agus dhá chóras iar‑eicseascálaithe den chéad scoth (a mbeidh ceann as gach catagóir ar a laghad tógtha le teicneolaíocht Eorpach);

–Bonneagair ríomhaireachta hibride lena gcomhtháthaítear ardchórais ríomhaireachta – eadhon ionsamhlóirí candamacha agus ríomhairí candamacha – i mbonneagair Ríomhaireachta Ardfheidhmíochta;

–Bonneagar Ríomhaireachta Ardfheidhmíochta agus sonraí néalbhunaithe slán le haghaidh úsáideoirí príobháideacha Eorpacha;

–Inniúlachtaí agus seirbhísí cumhachtaithe ag Ríomhaireacht Ardfheidhmíochta bunaithe ar spásanna sonraí poiblí Eorpacha d’eolaithe, don tionscal agus don earnáil phoiblí;

–Bloic thógála teicneolaíochta den chéad ghlúin eile (crua‑earraí agus bogearraí) agus a gcomhtháthú in ailtireachtaí nuálacha Ríomhaireachta Ardfheidhmíochta le haghaidh córais eacsascálaithe agus iar‑eicseascálaithe;

–Lárionaid Sármhaitheasa i bhfeidhmchláir Ríomhaireachta Ardfheidhmíochta agus tionsclú bogearraí Ríomhaireachta Ardfheidhmíochta, le halgartaim, cóid agus uirlisí nua atá barrfheabhsaithe le haghaidh glúine sár‑ríomhairí sa todhchaí;

–Binsí tástála agus ardáin tionsclaíochta trialacha ar mhórscála le haghaidh feidhmchláir agus seirbhísí Ríomhaireachta Ardfheidhmíochta agus sonraí i bpríomhearnálacha tionsclaíochta;

–Lárionaid Inniúlachta Náisiúnta um Ríomhaireacht Ardfheidhmíochta, ag áirithiú go mbeidh cumhdach leathan ag an Ríomhaireacht Ardfheidhmíochta san Aontas, le seirbhísí agus acmhainní sonracha i gcomhair na nuálaíochta tionsclaíche (lena n‑áirítear FBManna);

–Méadú suntasach i scileanna agus fios gnó maidir le Ríomhaireacht Ardfheidhmíochta i measc lucht oibre na hEorpa;

–Stór sonraí, inniúlachtaí próiseála, agus seirbhísí nua atreisithe, i réimsí leasa phoiblí ar fud na mBallstát.

•Comhsheasmhacht le forálacha beartais atá sa réimse beartais cheana

An 19 Feabhra 2020, ghlac an Coimisiún an Teachtaireacht “An Straitéis Eorpach maidir le Sonraí”, 9 inar tugadh imlíne de straitéis na hEorpa le haghaidh bearta beartais agus infheistíochtaí chun tacú le forbairt an gheilleagair sonraí go ceann cúig bliana. Tarraingítear aird inti go mbeidh an Ríomhaireacht Ardfheidhmíochta agus an ríomhaireacht chandamach riachtanach chun a áirithiú go soláthrófar acmhainní ríomhaireachta go rianúil le saintréithe difriúla feidhmíochta a bheidh de dhíth chun fás agus úsáid spásanna coiteanna sonraí Eorpacha agus bonneagair néil, chónasctha, shlána chun feidhmchláir phoiblí, thionsclaíocha agus eolaíocha a uasmhéadú.

An 19 Feabhra 2020, ghlac an Coimisiún freisin an Teachtaireacht “Todhchaí Dhigiteach na hEorpa a Mhúnlú” 10 , a chuir straitéis dhigiteach na hEorpa i láthair, ag díriú ar phríomhchuspóirí lena áirithiú go gcuideoidh na réitigh dhigiteacha leis an Eoraip dul ina bealach féin i dtreo claochlú digiteach a théann chun tairbhe gach duine. I measc na príomhghníomhaíochta atá á mholadh aige tá infheistíocht a dhéanamh i dtógáil agus úsáid inniúlachtaí digiteacha comhpháirteacha ar thús cadhnaíochta, lena n‑áirítear i dteicneolaíochtaí sár‑ríomhaireachta agus i dteicneolaíochtaí candamacha, agus cáil sár‑ríomhaireachta na hEorpa a leathnú chun réitigh nuálacha a fhorbairt le haghaidh leighis, iompair agus an chomhshaoil.

•Comhsheasmhacht le beartais eile de chuid an Aontais

An 10 Márta 2020 ghlac an Coimisiún an Teachtaireacht “Straitéis Nua Tionsclaíochta don Eoraip”, 11 ina leagtar amach straitéis tionsclaíochta uaillmhianach don Eoraip chun na haistrithe dúbailte i dtreo na neodrachta aeráide agus na ceannaireachta digití a stiúradh. Cuirtear béim sa Teachtaireacht ar an tacaíocht, i measc nithe eile, d’fhorbairt príomhtheicneolaíochtaí cumasúcháin atá tábhachtach ar bhonn straitéiseach do thodhchaí thionsclaíoch na hEorpa, lena n‑áirítear Ríomhaireacht Ardfheidhmíochta agus teicneolaíochtaí candamacha.

Ar deireadh, sa Teachtaireacht an 27 Bealtaine 2020 “Seo uain na hEorpa: Deisiú agus Ullmhú don Chéad Ghlúin Eile”, 12  sainaithníodh an Ríomhaireacht Ardfheidhmíochta mar acmhainn dhigiteach straitéiseach a bheidh ina tosaíocht d’fhoinsí infheistíochta i dtéarnamh na hEorpa, amhail an tSaoráid Téarnaimh agus Athléimneachta, InvestEU, agus an tSaoráid Infheistíochta Straitéisí.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (maidir le hinniúlacht neamheisiach)

Cumhdaítear prionsabail na coimhdeachta sa Rialachán atá beartaithe ar an mbealach céanna le Rialachán (AE) 2018/1488 ón gComhairle.

•Comhréireacht

•An rogha ionstraime

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Comhairliúcháin leis na páirtithe leasmhara

Tarraingíonn an togra ón gCoimisiún le haghaidh Rialachán nua maidir le Comhghnóthas Ríomhaireachta Ardfheidhmíochta Eorpach ó chistí chreat airgeadais ilbhliantúil 2021–2027 agus tá Doiciméad Inmheánach Oibre ag gabháil leis. Níor tháinig aon athrú ar phríomhspreagthóirí agus cuspóirí an Rialacháin nua atá beartaithe ó bunaíodh é. Dá bhrí sin, tá toradh na gcomhairliúchán leis na páirtithe leasmhara atá ag gabháil le Rialachán (AE) 2018/1488 ón gComhairle fós bailí. Deimhníodh an toradh sin tuilleadh sa chomhairliúchán leis na páirtithe leasmhara a bhí ag gabháil leis an Togra maidir le Rialachán ó Pharlaimint na hEorpa agus ón gComhairle lenar bunaíodh an clár don Eoraip Dhigiteach le haghaidh na tréimhse 2021–2027 13 . Tógadh na céimeanna breise seo a leanas chun dul i gcomhairle leis na páirtithe leasmhara maidir leis na cuspóirí agus an cur chuige i leith gníomhaíochta a chur chun feidhme faoin gComhghnóthas nua, agus chun cuireadh a thabhairt dóibh cuidiú lena mhúnlú.

Chuathas i gcomhairle leis an 32 Stát Rannpháirteacha den Chomhghnóthas reatha agus tugadh cuireadh dóibh aiseolas a chur ar fáil maidir le cuspóirí an Chomhghnóthais nua, agus maidir le simpliú cúrsaí riaracháin freisin, go háirithe maidir le lárbhainistiú na ranníocaíochtaí airgeadais.

D’fhoilsigh Baill Phríobháideacha an Chomhghnóthais Ríomhaireachta Ardfheidhmíochta Eorpaigh Clár Oibre Straitéiseach i gcomhair Taighde agus Nuálaíochta, 14 inar tugadh tuairisc ar na tosaíochtaí maidir le gníomhaíocht taighde agus nuálaíochta sa Ríomhaireacht Ardfheidhmíochta, chomh maith le gníomhaíocht a bhaineann le bonneagar, ag tarraingt aird ar thuairimí na bpobal soláthair teicneolaíochta agus anailísíochta sonraí. Mar an gcéanna, chuathas i gcomhairle leis na Baill Phríobháideacha maidir lena thosaíochtaí agus lena ghníomhaíocht sa todhchaí, agus maidir freisin lena rialachas, ranníocaíochtaí airgeadais na mBall Príobháideach agus tairbhithe na gníomhaíochta a chuirfeadh an Comhghnóthas beartaithe chun feidhme, rialacha rannpháirtíochta, agus simpliú na rialacha agus na bpróiseas riaracháin.

•Bailiú agus úsáid saineolais

•Measúnú tionchair

Toisc nach bhfuil an Comhghnóthas Ríomhaireachta Ardfheidhmíochta Eorpach bunaithe ach ó mhí Dheireadh Fómhair 2018, tá an Measúnú Tionchair a foilsíodh i mí Eanáir 2018 a ghabhann le Rialachán (AE) 2018/1488 ón gComhairle fós bailí, toisc nár tháinig athrú substaintiúil ar na spreagthóirí ná ar na cuspóirí.

•Oiriúnacht rialála agus simpliú

Tá an togra seo le haghaidh Rialacháin lena mbunófar Comhghnóthas ag teacht le Treoirlínte um Rialachán Níos Fearr an Choimisiúin: go háirithe, tá sé beartaithe aige gan rialú ach amháin i gcás inar gá agus é a dhéanamh ar bhealach comhréireach. Leanann sé go dlúth an Comhghnóthas Ríomhaireachta Ardfheidhmíochta Eorpach a bunaíodh i Rialachán (AE) 2018/1488 ón gComhairle a mhéid is féidir, ag tarraingt ar thaithí a bailíodh sa chomhthéacs sin agus ag cur na n‑athruithe a tugadh isteach leis na cláir chistiúcháin Fís Eorpach, Eoraip Dhigiteach agus an tSaoráid um Chónascadh na hEorpa san áireamh. Breithnítear ann freisin i gcás inarb iomchuí forálacha an Bhunghnímh Aonair lena mbunaítear na Comhghnóthais faoi Fís Eorpach.

4.IMPLEACHTAÍ BUISÉADACHA

Tharraingeodh an Comhghnóthas Ríomhaireachta Ardfheidhmíochta Eorpach a chuid cistí ó na buiséid atá á moladh ag an gCoimisiún le haghaidh gníomhaíocht Ríomhaireachta Ardfheidhmíochta sna Rialacháin lena mbunaítear Fís Eorpach, an Eoraip Dhigiteach agus an tSaoráid um Chónascadh na hEorpa. Bheadh suas le EUR [XXXX] ar an iomlán ar fáil ó na trí chlár [mar a leanas: suas le EUR 2 400 000 000 ón gClár don Eoraip Dhigiteach, suas le EUR 200 000 000 ón tSaoráid um Chónascadh na hEorpa agus suas le EUR XXXXX ó Fís Eorpach – cinnfear an buiséad ag tráth níos déanaí de réir Phleanáil agus Chlársceidealú Straitéiseach Fís Eorpach].

Meaitseálfar é sin le méid chomhionann ar a laghad ó na Stáit Rannpháirteacha, mar chuid dá gcláir náisiúnta agus réigiúnacha sa Ríomhaireacht Ardfheidhmíochta agus a gcistí struchtúracha. Ba cheart do na heintitis phríobháideacha méid de EUR [XXXX] ar a laghad a sholáthar [cinnfear an ranníocaíocht ag céim níos déanaí nuair a shaineofar buiséad Fís Eorpach de réir Phleanáil agus Chlársceidealú Straitéiseach Fís Eorpach]. Rannchuideoidh na Stáit Rannpháirteacha agus na Baill Phríobháideacha araon le costais riaracháin an Chomhghnóthais.

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

Tá sé beartaithe meastóireacht agus faireachán a dhéanamh ar ghníomhaíocht an Chomhghnóthais atá beartaithe, i gcomhréir leis an gclár Fís Eorpach. Cinnfear leis sin éifeachtacht an Chomhghnóthais mar ionstraim dlí agus airgeadais chun cuspóirí straitéis Ríomhaireachta Ardfheidhmíochta na hEorpa a bhaint amach, ach cinnfear freisin cé chomh héifeachtach agus atá sé ag cur le beartais an Aontais. Go háirithe, déanfar measúnú ar leibhéal rannpháirtíochta na Stát Rannpháirteach agus na mBall Príobháideach i ngníomhaíocht an Chomhghnóthais, agus mar a chuireann siad leo.

•Míniúchán mionsonraithe ar fhorálacha sonracha an togra

Bunaítear le hAirteagal 1 an Comhghnóthas Ríomhaireachta Ardfheidhmíochta Eorpach, agus sonraítear a shuíochán ann.

Soláthraítear in Airteagal 2 sainmhínithe ar ‘am rochtana’, ‘tástáil inghlacthachta’, ‘lárionad inniúlachta’, ‘sár‑ríomhaire EuroHPC’, ‘eicsea‑scála’, ‘sár‑ríomhaire ardleibhéil’, ‘sár‑ríomhaire meán‑raoin’, ‘ríomhaire candamach’, ‘ionsamhlóir candamach’, ‘eintiteas óstach’, ‘comhaontú óstaigh’, ‘hipearnasctha’, ‘ranníocaíocht chomhchineáil’, ‘Stát Rannpháirteach’, ‘Ball Príobháideach’, nó ‘úsáideoir’.

Sonraítear in Airteagal 3 misean agus cuspóirí an Chomhghnóthais Ríomhaireachta Ardfheidhmíochta Eorpaigh.

Sonraítear in Airteagal 4 colúin ghníomhaíochtaí an Chomhghnóthais Ríomhaireachta Ardfheidhmíochta Eorpaigh.

Sonraítear in Airteagal 5 ranníocaíocht airgeadais an Aontais le costais riaracháin agus oibriúcháin an Chomhghnóthais Ríomhaireachta Ardfheidhmíochta Eorpaigh le cistiú ó Fís Eorpach, ón gClárdon Eoraip Dhigiteach agus ón tSaoráid um Chónascadh na hEorpa.

Sonraítear in Airteagal 6 cad iad na ranníocaíochtaí breise a d’fhéadfadh teacht ó chláir an Aontais seachas iad sin dá dtagraítear in Airteagal 5.

Sonraítear in Airteagal 7 ranníocaíochtaí cistiúcháin na Stát Rannpháirteach agus na mBall Príobháideach leis na costais riaracháin agus oibriúcháin.

Tagraítear in Airteagal 8 don eintiteas óstach a gcuirfidh an Comhghnóthas ar a iontaoibh na sár‑ríomhairí réamh‑eacsascálaithe a oibriú agus sonraítear an próiseas ina ndéanfar é a roghnú.

Leagtar amach in Airteagal 9 ábhar an chomhaontaithe óstaigh, ag leagan síos róil agus fhreagrachtaí an eintitis óstaigh.

Foráiltear le hAirteagal 10 gur cheart gurb é an Comhghnóthas a bheadh mar úinéir ar na sár‑ríomhairí ardleibhéil a fhaigheann sé go dtí deireadh a saolré eacnamaíche, tráth a n‑aistreofar iad chuig an eintiteas óstach.

Foráiltear le hAirteagal 11 gur cheart gurb é an Comhghnóthas a bheadh mar úinéir ar na ríomhairí candamacha agus na hionsamhlóirí candamacha a fhaigheann sé go dtí deireadh a saolré eacnamaíche, tráth a n‑aistreofar iad chuig an eintiteas óstach.

Foráiltear le hAirteagal 12 gur cheart gurb é an Comhghnóthas a bheadh mar chomhúinéir ar na sár‑ríomhairí de ghrád tionsclaíoch a fhaigheann sé mar aon leis na Baill Phríobháideacha nó cuibhreannas comhpháirtithe príobháideacha.

Foráiltear le hAirteagal 13 gur cheart gurb é an Comhghnóthas a bheadh mar chomhúinéir ar na sár‑ríomhairí meán‑raoin a fhaigheann sé in éineacht leis na heintitis óstacha.

Sonraítear in Airteagal 14 an úsáid a bhainfear as na sár‑ríomhairí EuroHPC agus na coinníollacha rochtana d’úsáideoirí na sár‑ríomhairí.

Sonraítear in Airteagal 15 conas a chúiteofar an Coimisiún Eorpach agus Stáit Rannpháirteacha EuroHPC as a ranníocaíocht airgeadais chun na sár‑ríomhairí réamh‑eicseascálaithe a fháil: leithdháilfear sciar den am rochtana iomlán ar gach ranníocóir i gcomhréir lena ranníocaíocht airgeadais. Sonraítear ann freisin conas a leithdháilfear am rochtana an Aontais ar na sár‑ríomhairí EuroHPC.

Sonraítear in Airteagal 16 na coinníollacha faoina soláthróidh an Comhghnóthas seirbhísí tráchtála.

Sonraítear in Airteagal 17 rialacha airgeadais an Chomhghnóthais; tá siad sin i gcomhréir leis an Rialachán Airgeadais.

2020/0260 (NLE)

Togra le haghaidh

RIALACHÁN ÓN gCOMHAIRLE

maidir leis an gComhghnóthas Ríomhaireachta Ardfheidhmíochta Eorpach a bhunú

TÁ COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 187 agus an chéad mhír d’Airteagal 188 de,

Ag féachaint don togra ón gCoimisiún Eorpach,

Ag féachaint don tuairim ó Pharlaimint na hEorpa,

Ag féachaint don tuairim ó Choiste Eacnamaíoch agus Sóisialta na hEorpa,

De bharr an méid seo a leanas    

(1)Bunaítear Fís Eorpach – An Clár Réime um Thaighde agus um Nuálaíocht (2021–2027) le Rialachán (AE) Uimh. xxx ó Pharlaimint na hEorpa agus ón gComhairle 15 . Féadfar codanna de Fís Eorpach a chur chun feidhme trí Chomhpháirtíochtaí Eorpacha, le comhpháirtithe ón earnáil phríobháideach agus/nó phoiblí, d’fhonn an tionchar is mó is féidir a bhaint amach ar chistiú ón Aontas agus rannchuidiú ar an mbealach is éifeachtaí le cuspóirí beartais an Aontais.

(2)I gcomhréir le Rialachán (AE) Uimh. xxx ó Pharlaimint na hEorpa agus ón gComhairle agus le Cinneadh xxx ón gComhairle, 16 féadfar tacaíocht a sholáthar do Chomhghnóthais a bhunaítear faoi chuimsiú Fís Eorpach. Níor cheart comhpháirtíochtaí den sórt sin a chur chun feidhme ach amháin nuair nach n‑éireodh le codanna eile den chlár Fís Eorpach, lena n‑áirítear foirmeacha eile de Chomhpháirtíochtaí Eorpacha, na cuspóirí a bhaint amach nó nuair nach nginfidís na tionchair ionchais is gá, agus dá mbeadh údar leo trí dhearcadh fadtéarmach agus leibhéal ard comhtháthaithe. Sonraítear na coinníollacha faoina gcruthaítear comhpháirtíochtaí den sórt sin sa Chinneadh sin.

(3)Is le Rialachán (AE) Uimh. xxx ó Pharlaimint na hEorpa agus ón gComhairle a bhunaítear an clár le haghaidh na hEorpa Digití, leo sin agus le Cinneadh ón gComhairle 17 . Tacaíonn an Clár don Eoraip Dhigiteach le cur chun feidhme na dtionscadal leasa choitinn a bhfuil sé d'aidhm acu bonneagar sár‑ríomhaireachta, candamach agus sonraí de scoth an domhain a fháil, a úsáid agus a oibriú, le cónascadh agus idirnascadh, agus leathnú na húsáide a bhaintear as seirbhísí sár‑ríomhaireachta agus le príomhscileanna a fhorbairt.

(4)Bunaíodh an tSaoráid um Chónascadh na hEorpa le Rialachán (AE) Uimh. xxx ó Pharlaimint na hEorpa agus ón gComhairle 18 . Leis an tSaoráid um Chónascadh na hEorpa, is féidir tionscadail leasa choitinn a ullmhú agus a chur chun feidhme laistigh de chreat an bheartais líonraí tras‑Eorpacha in earnálacha an iompair, na teileachumarsáide agus an fhuinnimh. Go háirithe, tacaíonn an tSaoráid um Chónascadh na hEorpa le cur chun feidhme na dtionscadal leasa choitinn sin a bhfuil sé d'aidhm acu bonneagair agus seirbhísí nua a fhorbairt agus a thógáil, nó bonneagair agus seirbhísí reatha a uasghrádú, sna hearnálacha iompair, teileachumarsáide agus fuinnimh. Cuidíonn an tSaoráid um Chónascadh na hEorpa le tacú le bonneagair nascachta digití a bhfuil leas coiteann iontu, rud a chruthaíonn buntáistí suntasacha dá bharr sin don tsochaí.

(5)Cuirtear in iúl sa Teachtaireacht ón gCoimisiún an 19 Feabhra 2020 dar teideal ‘An Straitéis Eorpach maidir le Sonraí’ straitéis na hEorpa maidir le bearta beartais agus infheistíochtaí chun an geilleagar sonraí a chumasú go ceann cúig bliana. Tá béim sa straitéis ar spásanna coiteanna sonraí poiblí Eorpacha a chruthú, rud a chuirfidh dlús faoi fhás agus a chruthóidh luach. Ach tacaíocht a thabhairt do chruthú spásanna coiteanna sonraí Eorpach den sórt sin agus bonneagair néil chónasctha agus shlána d’áiritheofaí go mbeadh níos mó sonraí ar fáil le húsáid sa gheilleagar agus sa tsochaí, ach go mbeadh an smacht fós ag na cuideachtaí agus ag na daoine aonair a ghineann na sonraí sin. Is comhpháirteanna riachtanacha de sholáthar rianúil acmhainní ríomhaireachta is ea Ríomhaireacht Ardfheidhmíochta agus ríomhaireacht chandamach a bhfuil saintréithe feidhmíochta difriúla acu atá riachtanach chun fás agus saothrú spásanna coiteanna sonraí poiblí Eorpacha agus bonneagair néil chónasctha agus shlána d’fheidhmchláir phoiblí, thionsclaíocha agus eolaíocha a uasmhéadú.

(6)Sa Teachtaireacht ón gCoimisiún an 19 Feabhra 2020 dar teideal “Todhchaí Dhigiteach na hEorpa a Mhúnlú”, cuirtear straitéis dhigiteach na hEorpa i láthair, ag díriú ar chúpla príomhchuspóir lena áirithiú go gcuideoidh réitigh dhigiteacha leis an Eoraip dul a bealach féin i dtreo claochlú digiteach a théann chun tairbhe na ndaoine. I measc na bpríomhghníomhaíochtaí atá á mholadh aige tá infheistíocht i dtógáil agus úsáid inniúlachtaí digiteacha comhpháirteacha ar thús cadhnaíochta, lena n‑áirítear i dteicneolaíochtaí sár‑ríomhaireachta agus i dteicneolaíochtaí candamacha, agus cáil sár‑ríomhaireachta na hEorpa a leathnú chun réitigh nuálacha a fhorbairt le haghaidh leighis, iompair agus an chomhshaoil.

(7)Sa Teachtaireacht ón gCoimisiún an 10 Márta 2020 dar teideal “Straitéis Nua Tionsclaíochta don Eoraip”, léirítear straitéis uaillmhianach tionsclaíochta don Eoraip chun na haistrithe dúbailte i dtreo na neodrachta aeráide agus na ceannaireachta digití a stiúradh. Cuirtear béim sa Teachtaireacht ar an tacaíocht, i measc nithe eile, d’fhorbairt príomhtheicneolaíochtaí cumasúcháin atá tábhachtach ar bhonn straitéiseach do thodhchaí thionsclaíoch na hEorpa, lena n‑áirítear Ríomhaireacht Ardfheidhmíochta agus teicneolaíochtaí candamacha.

(8)Sa Teachtaireacht ón gCoimisiún an 27 Bealtaine 2020 dar teideal “Seo í uain na hEorpa: Deisiú agus Ullmhú don Chéad Ghlúin Eile” sainaithníodh roinnt acmhainní agus inniúlachtaí digiteacha straitéiseacha inar áiríodh Ríomhairí Ardfheidhmíochta agus teicneolaíochtaí candamacha mar thosaíocht sa tSaoráid Téarnaimh agus Athléimneacha, InvestEU agus sa tSaoráid Infheistíochta Straitéisí.

(9)Tá an ról ceannasach atá ag an Eoraip sa gheilleagar sonraí, a sármhaitheas san eolaíocht, agus a neart tionsclaíoch ag brath níos mó agus níos mó ar a cumas príomhtheicneolaíochtaí sa Ríomhaireacht Ardfheidhmíochta a fhorbairt, chomh maith le rochtain a sholáthar ar bhonneagair sár‑ríomhaireachta agus sonraí den chéad scoth, agus a ceannaireacht reatha i bhfeidhmchláir Ríomhaireachta Ardfheidhmíochta a chothú. Is teicneolaíocht phríomhshrutha í an Ríomhaireacht Ardfheidhmíochta le haghaidh chlaochlú digiteach gheilleagar na hEorpa, rud a chuireann ar chumas go leor earnálacha tionsclaíochta traidisiúnta dul i mbun nuálaíochta le táirgí agus seirbhísí a bhfuil luach níos airde acu. I gcomhar le hardteicneolaíochtaí digiteacha eile mar an Intleacht Shaorga, mórshonraí agus teicneolaíochtaí néil, tá an Ríomhaireacht Ardfheidhmíochta ag leagan amach an bealach i dtreo feidhmchláir nuálacha don tsochaí agus don tionscal i réimsí criticiúla don Eoraip amhail leigheas pearsantaithe, réamhaisnéis na haimsire agus athrú aeráide, forbairt agus iompar cliste agus glas, ábhair nua le haghaidh fuinneamh glas, dearadh drugaí agus tástáil fhíorúil, an talmhaíocht inbhuanaithe, nó an innealtóireacht agus an déantúsaíocht.

(10)Is acmhainn straitéiseach í an Ríomhaireacht Ardfheidhmíochta i gcomhair ceapadh na mbeartas, ag cumhachtú feidhmchlár a sholáthraíonn an modh chun réitigh éifeachtúla a thuiscint agus a dhearadh chun dul i ngleic le mórán dúshlán domhanda agus i gcomhair bainistiú géarchéimeanna. Rannchuidíonn Ríomhaireacht Ardfheidhmíochta le príomhbheartais amhail an Comhaontú Glas don Eoraip ina bhfuil samhlacha agus uirlisí chun an líon méadaithe dúshláin chomhshaoil chasta a chlaochlú agus deiseanna a dhéanamh díobh i gcomhair na nuálaíochta sóisialta agus an fháis eacnamaíoch. Sampla de sin is ea an tionscnamh Ceann Scríbe: an Domhan, tionscnamh a fógraíodh sna Teachtaireachtaí ón gCoimisiún an 11 Nollaig 2019 maidir leis “an gComhaontú Glas don Eoraip”, agus an 19 Feabhra 2020 maidir leis “an straitéis Eorpach maidir le sonraí” agus maidir le “Todhchaí dhigiteach na hEorpa a mhúnlú”.

(11)Is léir ó imeachtaí domhanda ar nós na paindéime COVID‑19 an tábhacht atá le hinfheistiú i Ríomhaireacht Ardfheidhmíochta agus in ardáin agus uirlisí samhaltaithe a bhaineann leis an tsláinte, toisc go bhfuil ról lárnach á imirt acu sa troid i gcoinne na paindéime, i gcomhar le teicneolaíochtaí digiteacha eile go minic amhail mórshonraí agus intleacht shaorga. Táthar ag úsáid na Ríomhaireachta Ardfheidhmíochta chun dlús a chur le sainaithint agus táirgeadh cóireálacha, chun leathadh víreas a thuar, chun cabhrú le leithdháileadh soláthairtí agus acmhainní leighis a phleanáil, agus chun ionsamhlú a dhéanamh ar bhearta scoir iar‑phaindéime d’fhonn cásanna difriúla a mheas. Is uirlisí criticiúla ardáin agus uirlisí samhaltaithe na Ríomhaireachta Ardfheidhmíochta le haghaidh na paindéime reatha agus le haghaidh cinn sa todhchaí, agus beidh ról tábhachtach acu i sláinte agus i leigheas pearsantaithe.

(12)Bunaíodh an Comhghnóthas Ríomhaireachta Ardfheidhmíochta Eorpach le Rialachán (AE) 2018/1488 an 28 Meán Fómhair 2018 agus é mar mhisean aige bonneagar sár‑ríomhaireachta agus sonraí comhtháite den chéad scoth a fhorbairt, a úsáid, a leathnú agus a chothú san Aontas agus éiceachóras Ríomhaireachta Ardfheidhmíochta atá thar a bheith iomaíoch agus nuálach a fhorbairt agus tacú leis.

(13)I bhfianaise forbairtí sa Ríomhaireacht Ardfheidhmíochta, ba rud caoithiúil athbhreithniú a dhéanamh ar an Rialachán lena áirithiú go leanfar den tionscnamh. Tá gá leis an athbhreithniú ar Rialachán (AE) Uimh. 2018/1488 ón gComhairle chun misean agus cuspóirí nua a shainiú don Chomhghnóthas Ríomhaireachta Ardfheidhmíochta Eorpach, ag cur san áireamh an anailís ar phríomhspreagthóirí socheacnamaíocha agus teicneolaíochta a dhéanann difear d’éabhlóid na mbonneagar, na dteicneolaíochtaí agus na bhfeidhmchlár Ríomhaireachta Ardfheidhmíochta agus sonraí sa todhchaí san Aontas Eorpach agus ar fud an domhain, chomh maith leis na ceachtanna a foghlaimíodh ó ghníomhaíochtaí reatha an Chomhghnóthais Ríomhaireachta Ardfheidhmíochta Eorpaigh. Tá aird orthu sin sa Doiciméad Inmheánach Oibre SWD(2020)xxx atá ag gabháil le togra an Choimisiúin le haghaidh Rialacháin ón gComhairle. Is féidir fós athbhreithniú rialacha an Chomhghnóthais Ríomhaireachta Ardfheidhmíochta Eorpaigh a ailíniú leis an gcreat dlíthiúil nua, go háirithe an Rialachán maidir le Fís Eorpach, chomh maith leis na Rialacháin don Chlár don Eoraip Dhigiteach agus don tSaoráid um Chónascadh na hEorpa.

(14)D’fhonn an fheidhmíocht ríomhaireachta is gá a chur ar fáil don Aontas chun a n‑inniúlachtaí taighde agus tionsclaíochta a chothú go ceannródaíoch, ba cheart d’infheistíocht na mBallstát i Ríomhaireacht Ardfheidhmíochta agus i ríomhaireacht chandamach a bheith comhordaithe agus ba cheart an glacadh tionsclaíoch agus margaidh a bheadh le teicneolaíochtaí Ríomhaireachta Ardfheidhmíochta agus ríomhaireachta candamaí a atreisiú sna hearnálacha poiblí agus príobháideacha araon. Ba cheart don Aontas a chuid éifeachtachta a mhéadú ionas go bhféadfar córais Ríomhaireachta Ardfheidhmíochta agus ríomhaireachta candamaí Eorpacha atá dírithe ar éileamh agus bunaithe ar fheidhmchláir a dhéanamh de na forbairtí teicneolaíochta, rud a bhunódh nasc éifeachtach idir soláthar teicneolaíochta, comhdhearadh le húsáideoirí, agus soláthar comhpháirteach ar chórais de scoth an domhain, agus a chruthódh éiceachóras den chéad scoth i dteicneolaíochtaí agus i bhfeidhmchláir Ríomhaireachta Ardfheidhmíochta agus ríomhaireachta candamaí. Ag an am céanna, ba cheart don Aontas deis a thabhairt dá thionscal soláthair giaráil ar infheistíochtaí den sórt sin, agus as sin ghlacfaí leo i réimsí feidhmchláir mhórscála atá ag teacht chun cinn amhail leigheas pearsantaithe, an t‑athrú aeráide, tiomáint nasctha agus uathoibrithe nó phríomh‑mhargaí eile a bhfuil an intleacht shaorga, teicneolaíochtaí blocshlabhra, imeall‑ríomhaireacht mar bhonn taca fúthu nó ar bhonn níos leithne trí dhigitiú thionscal na hEorpa.

(15)Ionas go bhféadfaidh an tAontas gona Bhallstáit neamhspleáchas teicneolaíochta a bhaint amach i bpríomhtheicneolaíochtaí digiteacha amhail Ríomhaireacht Ardfheidhmíochta agus ríomhaireacht chandamach, ba cheart dóibh infheistiú i dteicneolaíochtaí sár‑ríomhaireachta ísealchumhachta don chéad ghlúin eile, i mbogearraí nuálacha agus in ardchórais sár‑ríomhaireachta le haghaidh ríomhaireacht eicsea‑scála agus iar‑eicseascálaithe agus le haghaidh ríomhaireacht chandamach, agus le haghaidh feidhmchláir nuálacha sár‑ríomhaireachta agus sonraí le haghaidh leighis, an chomhshaoil, na déantúsaíochta agus na hinnealtóireachta. Ba cheart dá réir go dtiocfadh bláth ar thionscal soláthair na hEorpa i raon leathan príomhréimsí teicneolaíochta agus feidhmchlár a théann thar Ríomhaireacht Ardfheidhmíochta agus ríomhaireacht chandamach agus a chothaíonn margaí TFC níos leithne go fadtéarmach le teicneolaíochtaí den sórt sin. Thacódh a leithéid de rud freisin le tionscal eolaíochta agus úsáideoirí na Ríomhaireachta Ardfheidhmíochta agus na ríomhaireachta candamaí dul faoi chlaochlú digiteach agus dlús a chur faoina chumas nuálaíochta.

(16)Is rud riachtanach fís straitéiseach chomhchoiteann a lorg don Aontas Eorpach i Ríomhaireacht Ardfheidhmíochta agus i ríomhaireacht chandamach chun uaillmhian an Aontais agus a chuid Ballstát a chur i gcrích lena áirithiú go mbeidh ról ceann feadhna agus neamhspleáchas straitéiseach acu sa gheilleagar digiteach. Bheadh sé de chuspóir seirbhís Ríomhaireachta Ardfheidhmíochta agus ríomhaireachta candamaí hipearnasctha a bhunú san Eoraip, seirbhís chónasctha shlán, agus éiceachóras de bhonneagar sonraí a mbeadh forlámhas aige ar fud na cruinne, agus a bheith in ann córais Ríomhaireachta Ardfheidhmíochta agus ríomhaireachta candamaí nuálacha agus iomaíocha a tháirgeadh bunaithe ar shlabhra soláthair a áiritheoidh comhpháirteanna, teicneolaíochtaí agus eolas lena gcuirfear teorainn ar an mbaol go gcuirfidh briseadh isteach orthu.

(17)Is é an Comhghnóthas an ionstraim is fearr a fhéadfaidh an fhís straitéiseach don Aontas Eorpach i Ríomhaireacht Ardfheidhmíochta agus i ríomhaireacht chandamach a chur chun feidhme, ag áirithiú go mbaineann an tAontas sult as cumais sár‑ríomhaireachta, ríomhaireachta candamaí agus sonraí den chéad scoth de réir a chumais eacnamaíoch, ag meaitseáil riachtanais úsáideoirí na hEorpa, agus leis an neamhspleáchas straitéiseach is gá i dteicneolaíochtaí criticiúla Ríomhaireachta Ardfheidhmíochta agus ríomhaireachta candamaí. Is é an Comhghnóthas an ionstraim ab fhearr chun an ceann is fearr a fháil ar na teorainneacha reatha, faoi mar a thuairiscítear sa Doiciméad Inmheánach Oibre a ghabhann leis an Rialachán seo, agus a thairgeann an tionchar is airde don gheilleagar, don tsochaí, agus don chomhshaol agus is é is fearr a fhéadfaidh cosaint a thabhairt do leasanna an Aontais sa Ríomhaireacht Ardfheidhmíochta agus sa ríomhaireacht chandamach. Is féidir leis acmhainní a chomhthiomsú ón Aontas, ó na Ballstáit agus ó na tíortha a bhaineann le Fís Eorpach agus leis an gClár don Eoraip Dhigiteach nó an tSaoráid um Chónascadh na hEorpa agus an earnáil phríobháideach. Is féidir leis creat soláthair a chur chun feidhme agus córais Ríomhaireachta Ardfheidhmíochta agus córais ríomhaireachta candamaí de scoth an domhain a oibriú. Is féidir leis cláir thaighde agus nuálaíochta a sheoladh chun teicneolaíochtaí Eorpacha a fhorbairt agus iad a chomhtháthú ina dhiaidh sin i gcórais sár‑ríomhaireachta den chéad scoth.

(18)Is cuid den phunann Comhpháirtíochtaí Institiúidithe é an Comhghnóthas Ríomhaireachta Ardfheidhmíochta Eorpach faoi Fís Eorpach lenar cheart iarracht a dhéanamh inniúlachtaí eolaíochta an Aontais a neartú chun bagairtí atá ag teacht chun cinn agus dúshláin sa todhchaí a láimhseáil i Limistéar Eorpach Taighde atreisithe; slabhraí luacha an Aontais atá á stiúradh ag an inbhuanaitheacht agus neamhspleáchas straitéiseach an Aontais a bhaint amach i bpríomhtheicneolaíochtaí agus tionscail; agus feabhas a chur ar an nglacadh a bheidh le réitigh nuálacha ina ngabhfar i ngleic le dúshláin aeráide, chomhshaoil, sláinte agus le dúshláin dhomhanda sochaí eile ag teacht le tosaíochtaí straitéiseacha an Aontais, lena n‑áirítear neodracht aeráide a bhaint amach san Aontas in 2050.

(19)Ba cheart an Comhghnóthas a bheith bunaithe agus é tosaithe ag feidhmiú faoi thús 2021 ar a dhéanaí go dtí an 31 Nollaig 2033 d’fhonn bonneagar sár‑ríomhaireachta cónasctha, slán agus hipearnasctha den chéad scoth a chur ar fáil don Aontas, agus na teicneolaíochtaí, feidhmchláir agus na scileanna riachtanacha a fhorbairt chun cumais eacsascálaithe a bhaint amach timpeall 2022–2024, agus iar‑eicseascálaithe timpeall 2025–2027, agus éiceachóras nuálaíochta Eorpach de scoth an domhain a chur chun cinn sa Ríomhaireacht Ardfheidhmíochta agus sa ríomhaireacht chandamach.

(20)Ba cheart don chomhpháirtíocht phoiblí‑phríobháideach i bhfoirm Comhghnóthais na hacmhainní airgeadais agus teicniúla atá riachtanach a thabhairt le chéile chun máistreacht a fháil ar an scéal casta a bhaineann le luas síor‑mhéadaithe na nuálaíochta sa réimse seo. Dá bhrí sin, ba cheart gurbh iad an tAontas, na Ballstáit agus na tíortha atá bainteach le Fís Eorpach, an Clár don Eoraip Dhigiteach nó an tSaoráid um Chónascadh na hEorpa baill an Chomhghnóthais agus iad aontaithe ar thionscnamh comhpháirteach Eorpach sa Ríomhaireacht Ardfheidhmíochta agus sa ríomhaireacht chandamach; agus cumainn a dhéanann ionadaíocht ar a gcomheintitis agus eagraíochtaí eile atá meáite go sainráite agus go gníomhach ar thorthaí taighde agus nuálaíochta a tháirgeadh, ar chumais ríomhaireachta ardfheidhmíochta nó ríomhaireachta candamaí a fhorbairt agus a úsáid, nó rannchuidiú chun dul i ngleic leis an mbearna scileanna agus an fios gnó a choimeád i réimse na Ríomhaireachta Ardfheidhmíochta agus na ríomhaireachta candamaí san Eoraip. Ba cheart go bhféadfadh baill nua dul isteach sa Chomhghnóthas.

(21)Ba cheart don Aontas, do na Stáit Rannpháirteacha agus do Bhaill Phríobháideacha an Chomhghnóthais ranníocaíocht airgeadais a dhéanamh i dtreo chostais riaracháin an Chomhghnóthais.

(22)D’fhonn seasamh ceannasach a fháil ar ais i dteicneolaíochtaí Ríomhaireachta Ardfheidhmíochta, agus éiceachóras iomlán Ríomhaireachta Ardfheidhmíochta agus ríomhaireachta candamaí a fhorbairt don Aontas, bhunaigh na páirtithe leasmhara tionsclaíochta agus taighde san Ardán Teicneolaíochta Eorpach um Ríomhaireacht Ardfheidhmíochta Comhpháirtíocht Phoiblí Phríobháideach ar bhonn conartha leis an Aontas in 2014. Is é an misean atá aige slabhra luacha den chéad scoth de theicneolaíocht Ríomhaireachta Ardfheidhmíochta a thógáil san Eoraip ar cheart dó a bheith iomaíoch ar bhonn domhanda, agus ag cothú sineirgí idir na trí phríomh‑chomhpháirt den éiceachóras Ríomhaireachta Ardfheidhmíochta, eadhon forbairt teicneolaíochta, feidhmchláir agus bonneagar sár‑ríomhaireachta. Nuair a bhreithnítear a shaineolas, agus an ról atá aige maidir leis na páirtithe leasmhara príobháideacha ábhartha sa Ríomhaireacht Ardfheidhmíochta a thabhairt le chéile, ba cheart go mbeadh Cumann príobháideach an Ardáin Teicneolaíochta Eorpaigh um Ríomhaireacht Ardfheidhmíochta incháilithe i gcomhair ballraíochta sa Chomhghnóthas.

(23)D’fhonn an slabhra luacha sonraí a neartú, tógáil pobail a fheabhsú maidir le sonraí agus na forais a leagan síos le haghaidh geilleagar bríomhar sonraí‑bhunaithe san Aontas, bhunaigh na páirtithe leasmhara tionsclaíochta agus taighde sa Big Data Value Association (BDVA) comhpháirtíocht phoiblí phríobháideach ar bhonn conartha leis an Aontas in 2014. Nuair a bhreithnítear a shaineolas, agus an ról atá aige maidir leis na páirtithe leasmhara príobháideacha mórshonraí ábhartha a thabhairt le chéile, ba cheart go mbeadh BDVA incháilithe i gcomhair ballraíochta sa Chomhghnóthas.

(24)Léirigh na cumainn phríobháideacha, an tArdán Teicneolaíochta Eorpach um Ríomhaireacht Ardfheidhmíochta agus BDVA, i scríbhinn, go bhfuil siad toilteanach rannchuidiú le straitéis teicneolaíochta an Chomhghnóthais agus a gcuid saineolais a chur ag obair chun cuspóirí an Chomhghnóthais a chur i gcrích. Is iomchuí go nglacfadh na cumainn phríobháideacha leis na Reachtanna a leagtar amach san Iarscríbhinn a ghabhann leis an Rialachán seo trí litir fhormhuinithe.

(25)Ba cheart don Chomhghnóthas dul i ngleic go soiléir le topaicí sainithe a chuirfeadh ar chumas na dtionscal acadúil agus Eorpach trí chéile na teicneolaíochtaí is nuálaí i Ríomhaireacht Ardfheidhmíochta agus i ríomhaireacht chandamach a dhearadh, a fhorbairt agus a úsáid, agus bonneagar líonraithe slán, comhtháite agus cónasctha a bhunú ar fud an Aontais ag a mbeadh cumas den chéad scoth sa Ríomhaireacht Ardfheidhmíochta agus sa ríomhaireacht chandamach, nascacht ardluais agus feidhmchláir cheannródaíocha agus seirbhísí sonraí agus bogearraí dá eolaithe agus do phríomh‑úsáideoirí eile ón tionscal, lena n‑áirítear FBManna agus an earnáil phoiblí. Ba cheart go mbeadh sé mar aidhm ag an gComhghnóthas teicneolaíochtaí agus bonneagair den chéad scoth a fhorbairt agus a úsáid, dhá rud a rachaidh i ngleic leis na riachtanais mhóra a bhíonn ag úsáideoirí eolaíochta, tionsclaíochta agus ag úsáideoirí na hearnála poiblí san Eoraip.

(26)Ba cheart don Chomhghnóthas cúnamh a thabhairt chun an bhearna shonrach scileanna ar fud an Aontais a laghdú trí bheith ag gabháil do bhearta ardaithe feasachta agus cuidiú le heolas nua agus caipiteal daonna a thógáil.

(27)Ag teacht leis na cuspóirí beartais sheachtraigh agus le tiomantais idirnáisiúnta an Aontais, ba cheart don Chomhghnóthas comhar a éascú idir an tAontas agus gníomhairí idirnáisiúnta trí straitéis comhair a shainiú, lena n‑áirítear réimsí comhair i dtaighde agus forbairt agus forbairt scileanna a shainaithint agus a chur chun cinn agus gníomhaíochtaí a chur chun feidhme i gcás ina bhfuil tairbhe ann don dá thaobh, chomh maith lena áirithiú go mbeidh beartas rochtana ann de chumais agus d’fheidhmchláir Ríomhaireachta Ardfheidhmíochta agus ríomhaireachta candamaí faoi seach a bheidh bunaithe go príomha ar chómhalartacht.

(28)Ba cheart go mbeadh sé mar aidhm ag an gComhghnóthas leas a bhaint as aon teicneolaíochtaí Ríomhaireachta Ardfheidhmíochta a chruthófar dá bharr san Aontas Eorpach. Ba cheart dó díriú freisin ar na hinfheistíochtaí a fhaigheann sé sna sár‑ríomhairí a chosaint. Agus sin á dhéanamh, ba cheart dó bearta iomchuí a ghlacadh chun slándáil an tslabhra soláthair de theicneolaíochtaí a fhaightear a áirithiú, inar cheart go gcumhdófaí saolré iomlán na sár‑ríomhairí sin.

(29)Ba cheart don Chomhghnóthas an bealach a réiteach le haghaidh fís níos fadtéarmaí agus an chéad bhonneagar hibrideach den Ríomhaireacht Ardfheidhmíochta a thógáil san Eoraip, ag comhtháthú ailtireachtaí ríomhaireachta clasaicí le fearais ríomhaireachta candamaí. Tá tacaíocht airgeadais struchtúrach agus chomhordaithe ar leibhéal Eorpach riachtanach chun cabhrú le foirne taighde agus le tionscail na hEorpa torthaí den chéad scoth a tháirgeadh lena áirithiú go saothraítear taighde agus teicneolaíocht Eorpach go gasta agus go forleathan ar fud an Aontais, agus as sin go gcruthófar torthaí tábhachtacha don tsochaí, d’fhonn na rioscaí a ghlacfar a roinnt amach agus dul i mbun oibre le chéile trí straitéisí agus infheistíochtaí a ailíniú i dtreo an leasa choitinn san Eoraip.

(30)D’fhonn a chuid cuspóirí maidir leis na teicneolaíochtaí is nuálaí a dhearadh, a fhorbairt agus a úsáid i Ríomhaireacht Ardfheidhmíochta agus i ríomhaireacht chandamach a bhaint amach, ba cheart don Chomhghnóthas tacaíocht airgeadais a sholáthar go háirithe i bhfoirm deontas agus soláthair tar éis glao oscailte agus iomaíoch ar thograí agus glao ar thairiscintí bunaithe ar chláir oibre bhliantúla. Ba cheart an tacaíocht airgeadais sin a dhíriú go háirithe ar chlistí cruthaithe sa mhargadh a chuireann cosc ar fhorbairt an chláir lena mbaineann, níor cheart di infheistíochtaí príobháideacha a chur de dhroim seoil agus ba cheart di éifeacht dreasachta a bheith aici sa mhéid agus go n‑athraíonn sé iompar an fhaighteora.

(31)D’fhonn a chuspóir a bhaint amach maidir le cumas nuálaíochta an tionscail a mhéadú, agus go háirithe cumas nuálaíochta na bhfiontar beag agus meánmhéide, in iarracht cuidiú chun an bhearna shonrach scileanna a laghdú, chun tacú leis an méadú ar eolas agus ar chaipiteal daonna agus chun cumais na Ríomhaireachta Ardfheidhmíochta agus na ríomhaireachta candamaí a chur in airde, ba cheart don Chomhghnóthas tacaíocht a thabhairt do lárionaid náisiúnta inniúlachta um ríomhaireacht ardfheidhmíochta a chruthú, agus go háirithe iad a líonrú agus a chomhordú, ar fud an Aontais. Ba cheart do na lárionaid inniúlachta sin seirbhísí Ríomhaireachta Ardfheidhmíochta agus ríomhaireachta candamaí a sholáthar don tionscal, don saol acadúil agus do riaracháin phoiblí nuair a éilíonn siad iad. Ba cheart dóibh go príomha rochtain ar éiceachóras nuálaíochta sa Ríomhaireacht Ardfheidhmíochta a chur chun cinn agus a chumasú, rochtain ar na sár‑ríomhairí agus ar ríomhairí candamacha a éascú, dul i ngleic leis na ganntanais shuntasacha maidir le saineolaithe teicniúla oilte trí thabhairt faoi ghníomhaíochtaí ardaithe feasachta, oiliúna agus for‑rochtana, agus tabhairt faoi ghníomhaíochtaí líonraithe le páirtithe leasmhara agus le lárionaid inniúlachta eile chun nuálaíochtaí níos leithne a chothú, mar shampla trí chásanna ina n‑úsáidtear an dea‑chleachtas nó eispéiris cur i bhfeidhm a mhalartú agus a chur chun cinn, trína gcuid saoráidí agus eispéiris oiliúna a chomhroinnt, trí chomhfhorbairt agus malartú cód comhthreomhar, nó trí thacaíocht a thabhairt do chomhroinnt feidhmchlár agus uirlisí nuálacha le haghaidh úsáideoirí poiblí agus príobháideacha, go háirithe FBManna.

(32)Ba cheart don Chomhghnóthas creat a bheadh dírithe ar éileamh agus spreagtha ag an úsáideoir a sholáthar agus cur chuige comhdheartha a chumasú chun seirbhís chomhtháite, chónasctha den chéad scoth de shár‑ríomhaireacht agus ríomhaireacht chandamach agus bonneagar sonraí a fháil san Aontas, d’fhonn an acmhainn ríomhaireachta straitéisí a theastaíonn uathu a thabhairt d’úsáideoirí ionas go bhféadfaidh siad réitigh nuálacha, nua a fhorbairt agus dúshláin a bhaineann leis an tsochaí, leis an gcomhshaol, leis an ngeilleagar agus le slándáil a réiteach. Chun na críche sin, ba cheart don Chomhghnóthas rannchuidiú chun sár‑ríomhairí den chéad scoth a fháil. Ba cheart sár‑ríomhairí an Chomhghnóthais, lena n‑áirítear ríomhairí candamacha, a shuiteáil i Stát Rannpháirteach ar Ballstát é.

(33)Ba cheart don Chomhghnóthas na sár‑ríomhairí agus na bonneagair sonraí go léir a mbeidh sé mar úinéir nó mar chomh‑úinéir orthu a hipearnascadh le teicneolaíochtaí líonraithe úrscothacha, agus iad a chur ar fáil go forleathan ar fud an Aontais, agus ba cheart dó a bhonneagar sonraí sár‑ríomhaireachta agus ríomhaireachta candamaí a idirnascadh agus a chónascadh, chomh maith le bonneagair náisiúnta, réigiúnacha agus bonneagair ríomhaireachta eile le hardán comhchoiteann. Ba cheart don Chomhghnóthas a áirithiú freisin go ndéanfar idirnascadh ar an tseirbhís chónasctha, shlán sár‑ríomhaireachta agus ríomhaireachta candamaí agus ar na bonneagair sonraí leis na spásanna coiteanna sonraí Eorpacha, agus na bonneagair néil chónasctha, shlána a fógraíodh sa Teachtaireacht ón gCoimisiún an 19 Feabhra 2020 maidir le ‘Straitéis Eorpach maidir le Sonraí’, le haghaidh soláthar rianúil seirbhíse do raon leathan úsáideoirí poiblí agus príobháideacha ar fud na hEorpa.

(34)Ba cheart do Fís Eorpach agus don Chlár don Eoraip Dhigiteach rannchuidiú faoi seach chun deireadh a chur leis an mbearna taighde agus nuálaíochta laistigh den Aontas agus cumais sár‑ríomhaireachta fadraoin a chur in úsáid trí shineirgí a chur chun cinn le Cistí Struchtúracha agus Infheistíochta na hEorpa (Cistí SIE). Dá bhrí sin, ba cheart don Chomhghnóthas, féachaint le hidirghníomhaíochtaí dlúithe a fhorbairt leis na Cistí SIE, lena bhféadfar cuidiú a thabhairt go sonrach chun cumais taighde agus nuálaíochta áitiúla, réigiúnacha agus náisiúnta a neartú.

(35)Ba cheart don Chomhghnóthas creat fabhrach a sholáthar do Stáit Rannpháirteacha ar Ballstáit iad chun úsáid a bhaint as a gCistí SIE chun bonneagair Ríomhaireachta Ardfheidhmíochta agus ríomhaireachta candamaí agus sonraí a fháil agus iad a idirnascadh. Tá sé riachtanach úsáid a bhaint as Cistí SIE sa Chomhghnóthas chun seirbhís Ríomhaireachta Ardfheidhmíochta, ríomhaireachta candamaí agus bonneagar sonraí den chéad scoth a bheidh comhtháite, cónasctha, slán agus hipearnasctha a fhorbairt san Aontas, toisc go sroicheann na buntáistí a bhaineann le bonneagar den sórt sin anonn thar úsáideoirí na mBallstát. Má chinneann na Ballstáit Cistí SIE a úsáid chun rannchuidiú le costais éadála shár‑ríomhairí agus ríomhairí candamacha an Chomhghnóthais, ba cheart don Chomhghnóthas sciar Chistí SIE an Aontais don Bhallstát sin a chur san áireamh, agus gan ach sciar náisiúnta na gCistí SIE a chomhaireamh mar ranníocaíocht náisiúnta i mbuiséad an Chomhghnóthais.

(36)Ba cheart do ranníocaíocht an Aontais ó chistí an Chláir don Eoraip Dhigiteach costais éadála sár‑ríomhairí ardleibhéil, ríomhairí candamacha, sár‑ríomhairí de ghrád tionsclaíoch agus sár‑ríomhairí meán‑raoin a chumhdach i bpáirt chun ailíniú le cuspóir an Chomhghnóthais maidir le rannchuidiú le comhthiomsú acmhainní chun an tAontas a fheistiú le sár‑ríomhairí agus le ríomhairí candamacha den chéad scoth. Ba cheart do na Stáit Rannpháirteacha nó na Baill Phríobháideacha nó cuibhreannais comhpháirtithe príobháideacha costais chomhlántacha na sár‑ríomhairí agus na ríomhairí candamacha sin a chumhdach. Ba cheart go mbeadh an sciar d’am rochtana an Aontais ar na sár‑ríomhairí nó ar na ríomhairí candamacha sin i gcomhréir dhíreach leis an ranníocaíocht airgeadais a dhéanann an tAontas chun na sár‑ríomhairí agus na ríomhairí candamacha sin a fháil, agus níor cheart níos mó ná 50 % d’am rochtana iomlán na sár‑ríomhairí nó na ríomhairí candamacha sin a bheith ann.

(37)Ba cheart an Comhghnóthas a bheith ina úinéir ar na sár‑ríomhairí ardleibhéil agus ar na ríomhairí candamacha atá faighte aige. Ba cheart oibriú gach sár‑ríomhaire ardleibhéil nó gach ríomhaire chandamaigh a chur ar iontaoibh eintitis óstaigh. Ba cheart go bhféadfadh an t‑eintiteas óstach a bheith ionadaíocht a dhéanamh ar Stát Rannpháirteach amháin ar Ballstát é nó cuibhreannas óstach de Stáit Rannpháirteacha. Ba cheart go bhféadfadh an t‑eintiteas óstach meastachán cruinn a thabhairt agus costais oibriúcháin an tsár‑ríomhaire a fhíorú, trína áirithiú, mar shampla, go ndéanfar deighilt idir na feidhmeanna, agus a mhéid is féidir, deighilt fhisiceach ar shár‑ríomhairí ardleibhéil nó ar ríomhairí candamacha an Chomhghnóthais agus aon chórais ríomhaireachta náisiúnta nó réigiúnacha a bhíonn á oibriú aige. Ba cheart do Bhord Rialála an Chomhghnóthais (‘Bord Rialála’) an t‑eintiteas óstach a roghnú tar éis glao ar léiriú spéise a mheasfaidh saineolaithe neamhspleácha. A luaithe a roghnaítear eintiteas óstach, ba cheart go bhféadfadh an Stát Rannpháirteach ina bhfuil an t‑eintiteas óstach bunaithe nó an Cuibhreannas óstach cinneadh a dhéanamh éileamh ar Stáit Rannpháirteacha eile a bheith páirteach agus rannchuidiú le cistiú an tsár‑ríomhaire ardleibhéil nó an ríomhaire chandamaigh a bheidh le suiteáil san eintiteas óstach a roghnófar. Má théann tuilleadh Stát Rannpháirteach isteach sa Chuibhreannas óstach a roghnaíodh, ba cheart go mbeadh sé sin gan dochar d’am rochtana an Aontais ar na sár‑ríomhairí. Ba cheart an rannchuidiú a dhéanann na Stáit Rannpháirteacha i gCuibhreannas óstach leis an sár‑ríomhaire nó leis an ríomhaire candamach a aistriú ina sciartha d’am rochtana ar an sár‑ríomhaire nó ar an ríomhaire candamach sin. Ba cheart do na Stáit Rannpháirteacha aontú eatarthu féin ar dháileadh dá sciar den am rochtana don sár‑ríomhaire nó don ríomhaire candamach.

(38)Ba cheart gurb é an Comhghnóthas a bheadh mar úinéir na sár‑ríomhairí nó na ríomhairí candamacha a fhaigheann sé go dtí go dtiocfaidh laghdú ar a luach. Ba cheart go bhféadfadh an Comhghnóthas an úinéireacht sin a aistriú chuig an eintiteas óstach le haghaidh a díchoimisiúnaithe, nó a diúscartha nó aon úsáid eile. Nuair a aistrítear an úinéireacht chuig an eintiteas óstach nó nuair atá an Comhghnóthas á fhoirceannadh, ba cheart don eintiteas óstach luach iarmharach an tsár‑ríomhaire nó an ríomhaire chandamaigh a aisíoc leis an gComhghnóthas.

(39)Ba cheart gur i gcomhpháirt leis na Stáit Rannpháirteacha a gheobhadh Comhghnóthas na sár‑ríomhairí meán‑raoin. Ba cheart oibriú gach sár‑ríomhaire meán‑raoin a chur ar iontaoibh eintitis óstaigh. Ba cheart go bhfeadfadh an t‑eintiteas óstach ionadaíocht a dhéanamh ar Stát Rannpháirteach amháin ar Ballstát é nó cuibhreannas óstach de Stáit Rannpháirteacha. Ba cheart gurb é an Comhghnóthas a bheadh mar úinéir na coda sin a chomhfhreagraíonn do sciar ranníocaíochta airgeadais an Aontais leis na costais éadála ó chistí an Chláir don Eoraip Dhigiteach. Ba cheart don Bhord Rialála an t‑eintiteas óstach a roghnú tar éis glao ar léiriú spéise a mheasfaidh saineolaithe neamhspleácha. Ba cheart go mbeadh an sciar d’am rochtana an Aontais ar gach sár‑ríomhaire meán‑raoin i gcomhréir dhíreach le ranníocaíocht airgeadais an Aontais ó chistí an Chláir don Eoraip Dhigiteach agus costais éadála an tsár‑ríomhaire meán‑raoin sin. Ba cheart go bhféadfadh an Comhghnóthas a úinéireacht a aistriú chuig an eintiteas óstach nó nuair a dhéantar é a fhoirceannadh. Ba cheart don eintiteas óstach luach iarmharach an tsár‑ríomhaire a aisíoc leis an gComhghnóthas.

(40)Ba cheart go bhféadfadh an Comhghnóthas sár‑ríomhairí de ghrád tionsclaíoch a fháil in éineacht leis na Baill Phríobháideacha nó le cuibhreannas comhpháirtithe príobháideacha. Ba cheart oibriú gach sár‑ríomhaire den sórt sin a chur ar iontaoibh eintitis óstaigh reatha. Ba cheart go bhféadfadh an t‑eintiteas óstach dul i gcomhlachas leis na Baill Phríobháideacha nó leis an gcuibhreannas comhpháirtithe príobháideacha chun sár‑ríomhaire den sórt sin a fháil agus a oibriú. Ba cheart gurb é an Comhghnóthas a bheadh mar úinéir na coda sin a chomhfhreagraíonn do sciar ranníocaíochta airgeadais an Aontais leis na costais éadála ó chistí an Chláir don Eoraip Dhigiteach. Ba cheart don Bhord Rialála an t‑eintiteas óstach agus a Bhaill Phríobháideacha nó an cuibhreannas comhpháirtithe príobháideacha a roghnú tar éis glao ar léiriú spéise a mheasfaidh saineolaithe neamhspleácha. Ba cheart go mbeadh an sciar d’am rochtana an Aontais ar shár‑ríomhaire den sórt sin i gcomhréir dhíreach le ranníocaíocht airgeadais an Aontais ó chistí an Chláir don Eoraip Dhigiteach le costais éadála an tsár‑ríomhaire den ghrád tionsclaíoch sin. Ba cheart go bhféadfadh an Comhghnóthas a theacht ar chomhaontú leis na Baill Phríobháideacha nó leis an gcuibhreannas comhpháirtithe príobháideacha chun sár‑ríomhaire mar sin a dhíol le heintiteas eile nó chun é a dhíchoimisiúnú. Nó rud eile, ba cheart go bhféadfadh an Comhghnóthas úinéireacht sár‑ríomhaire den sórt sin a aistriú chuig na Baill Phríobháideacha nó chuig an gcuibhreannas comhpháirtithe príobháideacha. Sa chás sin nó ar fhoirceannadh an Chomhghnóthais, ba cheart do na Baill Phríobháideacha nó don chuibhreannas comhpháirtithe príobháideacha luach iarmharach de sciar an Aontais den sár‑ríomhaire a aisíoc leis an gComhghnóthas. Sa chás go gcinneann an Comhghnóthas agus na Baill Phríobháideacha nó an cuibhreannas comhpháirtithe príobháideacha leanúint ar aghaidh le díchoimisiúnú an tsár‑ríomhaire tar éis dímheas iomlán a oibrithe, ba cheart do na Baill Phríobháideacha nó don chuibhreannas comhpháirtithe príobháideacha na costais sin a chlúdach.

(41)I gcás sár‑ríomhairí de ghrád tionsclaíoch ba cheart don Chomhghnóthas riachtanais shonracha na n‑úsáideoirí tionsclaíocha a chur san áireamh, mar shampla na nósanna imeachta rochtana, cáilíocht agus cineál seirbhísí, cosaint sonraí, cosaint na nuálaíochta tionsclaíche, agus maoin intleachtúil, inúsáidteacht, iontaoibh, agus ceanglais eile a bhaineann le rúndacht agus le slándáil.

(42)Ba cheart éifeachtúlacht fuinnimh agus inbhuanaitheacht an chomhshaoil a chur san áireamh i ndearadh agus in oibriú na sár‑ríomhairí a fhaigheann tacaíocht ón gComhghnóthas, ag baint úsáid mar shampla as teicneolaíocht ísealchumhachta, teicnící dinimiciúla coigilte cumhachta agus teicnící athúsáide amhail fuarú forbartha agus athchúrsáil teasa.

(43)Ba cheart go mbeadh an úsáid a bhaintear as sár‑ríomhairí an Chomhghnóthais le haghaidh feidhmchláir saoránach amháin le haghaidh úsáideoirí poiblí agus príobháideacha atá ina gcónaí, bunaithe nó lonnaithe i mBallstát nó i dtír atá comhlachaithe leis an gClár don Eoraip Dhigiteach agus le Fís Eorpach. Ba cheart am rochtana a dheonú d’úsáideoirí de réir rialacha an bheartais rochtana arna sainiú ag an mBord Rialála. Ba cheart urraim a bheith do chomhaontuithe idirnáisiúnta freisin arna gcur i gcrích ag an Aontas san úsáid a bhaintear as na sár‑ríomhairí seo.

(44)Ba cheart go mbeadh an leithdháileadh ama rochtana a fhaigheann úsáideoirí ar shár‑ríomhairí an Chomhghnóthais saor in aisce d’úsáideoirí poiblí. Ba cheart dó a bheith saor in aisce freisin d’úsáideoirí príobháideacha dá gcuid feidhmchlár a bhaineann le gníomhaíochtaí taighde agus nuálaíochta arna gcistiú ag Fís Eorpach nó ag an gClár don Eoraip Chruthaitheach, chomh maith le gníomhaíochtaí nuálacha príobháideacha FBManna, i gcás inarb iomchuí. Is ar ghlaonna oscailte ar léiriú spéise a sheolfaidh an Comhghnóthas agus a mheasfaidh saineolaithe neamhspleácha ba cheart leithdháileadh ar am rochtana den sórt sin a bhunú go príomha. Cé is moite d’úsáideoirí FBM a bhíonn ag gabháil do ghníomhaíochtaí nuálaíochta príobháideacha, ba cheart do gach úsáideoir a bhaineann tairbhe as am rochtana saor in aisce ar shár‑ríomhairí an Chomhghnóthais cur chuige oscailte maidir leis an eolaíocht a ghlacadh agus an t‑eolas a fhaightear tríd an rochtain sin a scaipeadh, i gcomhréir leis an Rialachán maidir le Fís Eorpach. Ba cheart an leithdháileadh ama rochtana a fhaigheann úsáideoirí le haghaidh gníomhaíochtaí eacnamaíocha seachas gníomhaíochtaí nuálaíochta FBManna (a mbíonn clistí ar leith sa mhargadh le sárú acu), a dheonú ar bhonn íoc de réir úsáide, bunaithe ar phraghsanna an mhargaidh. Ba cheart leithdháileadh ama rochtana le haghaidh gníomhaíochtaí eacnamaíocha den sórt sin a cheadú ach é a theorannú agus ba cheart don Bhord Rialála leibhéal na táille a bheidh le híoc a leagan síos. Ba cheart na cearta rochtana a leithdháileadh ar bhealach trédhearcach. Ba cheart don Bhord Rialála rialacha sonracha a shainiú maidir le ham rochtana a dheonú saor in aisce, i gcás inarb iomchuí, agus gan glao ar léiriú spéise maidir le tionscnaimh a measann an tAontas nó an Bord Rialála gur tionscnaimh straitéiseacha iad. Áirítear iad seo a leanas le samplaí ionadaíocha de thionscnaimh straitéiseacha an Aontais: Ceann Scríbe an Domhain, an Tionscadal Suaitheanta d’Inchinn an Duine, an tionscnamh “1+ Milliún Géanóim”, na spásanna coiteanna sonraí Eorpacha atá ag feidhmiú i bhfearainn leasa phoiblí, agus go háirithe an spás sonraí sláinte, na Lárionaid Sármhaitheasa agus Lárionaid Inniúlachta um Ríomhaireacht Ardfheidhmíochta, na Moil Nuálaíochta Digití, srl. Ar iarraidh ón Aontas, ba cheart don Chomhghnóthas am rochtana díreach a dheonú ar bhonn sealadach nó buan do thionscnaimh straitéiseacha agus ardáin feidhmchlár reatha nó sa todhchaí dar leis atá riachtanach chun seirbhísí tacaíochta éigeandála a bhaineann le sláinte nó seirbhísí eile atá ríthábhachtach a sholáthar chun leasa an phobail, do chásanna éigeandála agus bainistiú géarchéime nó do chásanna is dóigh leis an Aontas a bheith riachtanach dá shlándáil agus dá chosaint. Ba cheart cead a thabhairt don Chomhghnóthas roinnt gníomhaíochtaí eacnamaíocha teoranta a chur i gcrích chun críocha tráchtála. Ba cheart rochtain a dheonú d’úsáideoirí a bhfuil cónaí orthu, atá bunaithe nó atá lonnaithe i mBallstát de chuid an Aontais Eorpaigh nó i dtír atá i gcomhlachas leis an gClár don Eoraip Dhigiteach agus le Fís Eorpach. Ba cheart do na cearta rochtana a bheith cothrom d’aon úsáideoir agus ba cheart iad a leithroinnt ar bhealach trédhearcach. Ba cheart don Bhord Rialála na cearta rochtana ar sciar an Aontais d’am rochtana ar gach sár‑ríomhaire a shainiú agus faireachán a dhéanamh air.

(45)Leanfar ag deonú rochtana ar sciar an Aontais d’am rochtana ar réamhtheachtaithe na sár‑ríomhairí eicseascálaithe agus peiteascála a fuair an Comhghnóthas a bunaíodh faoi Rialachán 2018/1488 ón gComhairle d’úsáideoirí atá bunaithe san Aontas i dtír atá comhlachaithe le Fís 2020.

(46)Ba cheart sár‑ríomhairí an Chomhghnóthais a oibriú agus a úsáid i gcomhréir le Rialachán (AE) 2016/679 19 , Treoir (AE) 2002/58/CE 20 agus Treoir (AE) 2016/943 21 .

(47)Ba cheart do dhá chomhlacht rialachas an Chomhghnóthais a áirithiú: Bord Rialála, agus Bord Comhairleach Tionsclaíochta agus Eolaíochta. Ba cheart go mbeadh ionadaithe ón Aontas agus ó na Stáit Rannpháirteacha ar an mBord Rialála. Ba cheart an Bord Rialála a bheith freagrach as déanamh beartais straitéisigh agus as cinntí cistiúcháin a bhaineann le gníomhaíochtaí an Chomhghnóthais, lena n‑áirítear na gníomhaíochtaí soláthair phoiblí uile. Ba cheart go mbeadh ionadaithe ón saol acadúil agus ón tionscal ar an mBord Comhairleach Tionsclaíochta agus Eolaíochta mar úsáideoirí agus mar sholáthróirí teicneolaíochta. Ba cheart dó comhairle neamhspleách a thabhairt don Bhord Rialála maidir leis an gclár oibre straitéiseach i gcomhair taighde agus nuálaíochta, maidir le fáil agus oibriú na sár‑ríomhairí faoi úinéireacht an Chomhghnóthais, maidir leis an gclár forbartha acmhainne agus gníomhaíochtaí leathnaithe agus an clár gníomhaíochtaí maidir le cónascadh, nascacht agus comhar idirnáisiúnta.

(48)I gcás ghnáthchúraimí riaracháin an Chomhghnóthais, ba cheart cearta vótála na Stát Rannpháirteach a roinnt amach go cothrom eatarthu. I gcás na gcúraimí a chomhfhreagraíonn do bhunú cuid den chlár oibre a bhaineann leis na sár‑ríomhairí agus na ríomhairí candamacha a fháil, roghnú an eintitis óstaigh agus gníomhaíochtaí cónasctha agus nascachta an Chomhghnóthais, ba cheart cearta vótála na Stát Rannpháirteach ar Ballstáit iad a bheith bunaithe ar phrionsabal an tromlaigh cháilithe. Na Stáit Rannpháirteacha ar tíortha iad atá comhlachaithe le Fís Eorpach, an Clár don Eoraip Dhigiteach agus an tSaoráid um Chónascadh na hEorpa, ba cheart dóibh cearta vótála a bheith acu freisin le haghaidh na ngníomhaíochtaí faoi seach a fhaigheann tacaíocht agus ba cheart dóibh imchlúdaigh bhuiséadacha a fháil ó gach ceann de na cláir sin. I gcás na gcúraimí a chomhfhreagraíonn d’fháil agus d'oibriú na sár‑ríomhairí agus na ríomhairí candamacha, níor cheart cearta vótála a bheith ach ag na Stáit Rannpháirteacha agus ag an Aontas a thugann acmhainní ar son na gcúraimí sin.

(49)Ba cheart ranníocaíocht airgeadais an Aontais a bhainistiú i gcomhréir leis an bprionsabal maidir le bainistíocht fónta airgeadais agus leis na rialacha ábhartha maidir le bainistíocht indíreach a leagtar amach i Rialachán (AE, Euratom) 2018/1046. Ba cheart na rialacha is infheidhme don Chomhghnóthas le tabhairt faoi nósanna imeachta soláthair phoiblí a leagan síos ina chuid rialacha airgeadais.

(50)D’fhonn éiceachóras Ríomhaireachta Ardfheidhmíochta agus ríomhaireachta candamaí atá nuálach agus iomaíoch agus lena mbaineann sármhaitheas aitheanta a chothú san Eoraip, ba cheart don Chomhghnóthas úsáid iomchuí a bhaint as na hionstraimí soláthair agus deontais, lena n‑áirítear soláthar comhpháirteach, soláthar réamhthráchtála agus soláthar poiblí ar réitigh nuálacha.

(51)Agus measúnú á dhéanamh ar thionchar foriomlán an Chomhghnóthais, ba cheart infheistíochtaí i ngníomhaíochtaí indíreacha ó na Baill Phríobháideacha a chur san áireamh, mar ranníocaíochtaí comhchineáil ina gcuimsítear na costais incháilithe a thabhaigh siad le linn dóibh gníomhaíochtaí a chur chun feidhme, lúide ranníocaíochtaí an Chomhghnóthais, na Stát Rannpháirteach nó aon ranníocaíocht eile ón Aontas i dtreo na gcostas sin. Agus measúnú á dhéanamh ar thionchar foriomlán an Chomhghnóthais, ba cheart infheistíochtaí i ngníomhaíochtaí eile ó na Baill Phríobháideacha a chur san áireamh, mar ranníocaíochtaí comhchineáil ina gcuimsítear na costais incháilithe a thabhaigh siad le linn dóibh na gníomhaíochtaí a chur chun feidhme, lúide ranníocaíochtaí an Chomhghnóthais, na Stát Rannpháirteach nó aon ranníocaíocht eile ón Aontas i dtreo na gcostas sin.

(52)Chun cothrom na hiomaíochta a choimeád do gach gnóthas atá gníomhach sa mhargadh inmheánach, ba cheart cistiú a fhaightear ó Chreatchláir an Aontais a bheith i gcomhréir le prionsabail Státchabhrach chun éifeachtacht caiteachais phoiblí a áirithiú agus chun saobhadh ar an margadh a chosc, cistiú príobháideach a bhrú amach, cuir i gcás struchtúir neamhéifeachtacha margaidh a chruthú agus gnólachtaí neamhéifeachtúla a chaomhnú, nó cultúr a chruthú ina mbítear ag brath rómhór ar fhóirdheontais.

(53)Ba cheart do rannpháirtíocht i ngníomhaíochtaí indíreacha a chistíonn an Comhghnóthas Rialachán (AE) Uimh. xxx lena mbunaítear Fís Eorpach a chomhlíonadh. Ba cheart don Chomhghnóthas, ina theannta sin, a áirithiú go gcuirfear na rialacha sin i bhfeidhm go seasmhach bunaithe ar bhearta ábhartha arna nglacadh ag an gCoimisiún. D’fhonn cómhaoiniú iomchuí ghníomhaíochtaí indíreacha na Stát Rannpháirteach a áirithiú, i gcomhréir le Rialachán (AE) Uimh. xxx lena mbunaítear Fís Eorpach, ba cheart do na Stáit Rannpháirteacha rannchuidiú a thabhairt de mhéid atá cothrom ar a laghad leis an aisíocaíocht arna soláthar ag an gComhghnóthas maidir leis na costais incháilithe a thabhaigh tairbhithe sna gníomhaíochtaí. Chuige sin, ba cheart na rátaí cistiúcháin uasta a leagtar amach i gclár oibre bliantúil an Chomhghnóthais i gcomhréir le hAirteagal 30 de Rialachán (AE) Uimh. xxx lena mbunaítear Fís Eorpach a shocrú dá réir sin.

(54)Ba cheart don soláthar tacaíochta airgeadais do ghníomhaíochtaí ón gClár don Eoraip Dhigiteach na rialacha i Rialachán (AE) Uimh. xxx lena mbunaítear an Eoraip Dhigiteach a chomhlíonadh.

(55)Ba cheart don soláthar tacaíochta airgeadais do ghníomhaíochtaí ón tSaoráid um Chónascadh na hEorpa na rialacha i Rialachán (AE) Uimh. xxx lena mbunaítear an tSaoráid um Chónascadh na hEorpa a chomhlíonadh.

(56)Ba cheart leasanna airgeadais an Aontais agus bhaill eile an Chomhghnóthais a chosaint trí bhearta comhréireacha feadh an timthrialla caiteachais, lena n‑áirítear neamhrialtachtaí a chosc, a bhrath agus a fhiosrú, cistí a cailleadh, a íocadh go mícheart nó a úsáideadh go mícheart a ghnóthú agus, i gcás inarb iomchuí, pionóis airgeadais agus riaracháin a ghearradh i gcomhréir le Rialachán (AE, Euratom) 2018/1046.

(57)Ba cheart don Chomhghnóthas feidhmiú ar bhealach oscailte agus trédhearcach agus an fhaisnéis ábhartha go léir a sholáthar ar bhonn caoithiúil chomh maith lena chuid gníomhaíochtaí a chur chun cinn, lena n‑áirítear gníomhaíochtaí faisnéise agus scaipthe, le haghaidh an phobail i gcoitinne. Ba cheart rialacha nós imeachta chomhlachtaí an Chomhghnóthais a chur ar fáil go poiblí.

(58)Chun críche an tsimplithe, ba cheart an t‑ualach riaracháin a laghdú do na páirtithe uile. Ba cheart iniúchtaí dúbailte agus méideanna díréireacha doiciméad agus tuairiscithe a sheachaint.

(59)I gcomhréir leis an Rialachán maidir le Fís Eorpach, ba cheart do Stáit Rannpháirteacha é a chur ar iontaoibh an Chomhghnóthais a ranníocaíocht lena rannpháirtithe náisiúnta i ngníomhaíochtaí indíreacha a chur chun feidhme. Ba cheart do na tairbhithe comhaontú deontais aonair a shíniú leis an gComhghnóthas agus na rialacha in Fís Eorpach, an Clár don Eoraip Dhigiteach nó an tSaoráid um Chónascadh na hEorpa á gcomhlíonadh, lena n‑áirítear an creat faoi seach le haghaidh cearta maoine intleachtúla, ag brath ar chlár an Aontais a bheith ag tabhairt tacaíochta don ghníomhaíocht deontais chomhfhreagraigh. Ba cheart don Chomhghnóthas na héilimh ar chostais a phróiseáil agus na híocaíochtaí a dhéanamh leis na tairbhithe.

(60)Ag glacadh leis go gcaithfidh na Stáit Rannpháirteacha rialacha dochta maidir leis an mbuiséad náisiúnta a chomhlíonadh, ba cheart é sin a chur san áireamh nuair a bheidh an Comhghnóthas ag cur a gcuid ranníocaíochtaí lena rannpháirtithe náisiúnta i ngníomhaíochtaí indíreacha chun feidhme. Chuige sin, ba cheart do na Stáit Rannpháirteacha agus don Chomhghnóthas comhaontuithe a bheidh ceangailteach ó thaobh dlí de a chur i gcrích ag gabháil ar na Stáit Rannpháirteacha méid iomlán a ranníocaíochta le gníomhaíochtaí indíreacha a íoc ar feadh shaolré an tionscnaimh. Ba cheart comhaontuithe den sórt sin a chur i gcrích i gcomhthéacs an nóis imeachta bhuiséadaigh bhliantúil agus chlársceidealú an Chomhghnóthais. Ba cheart don Bhord Rialála an clár oibre bliantúil a ghlacadh agus an aird chuí aige ar na comhaontuithe sin. Is ina dhiaidh sin amháin agus ag teacht le rialacha airgeadais an Chomhghnóthais, ar cheart don oifigeach údaraithe na tiomantais bhuiséadacha agus dlíthiúla a dhéanamh le haghaidh na ngníomhaíochtaí indíreacha sin.

(61)Ba cheart d’iniúchóir inmheánach an Choimisiúin na cumhachtaí céanna a fheidhmiú maidir leis an gComhghnóthas leo sin a fheidhmítear maidir leis an gCoimisiún.

(62)Ba cheart don Choimisiún, don Chomhghnóthas, don Chúirt Iniúchóirí agus don Oifig Eorpach Frith‑Chalaoise (OLAF) agus d’Oifig an Ionchúisitheora Phoiblí Eorpaigh (EPPO) rochtain a fháil ar an bhfaisnéis riachtanach go léir agus ar an áitreabh chun iniúchadh agus imscrúduithe a dhéanamh maidir leis na deontais, na conarthaí agus na comhaontuithe atá sínithe ag an gComhghnóthas.

(63)Ba cheart do gach glao ar thograí agus gach glao ar thairiscintí faoin Rialachán seo fad Fís Eorpach, an Chláir don Eoraip Dhigiteach agus na Saoráide um Chónascadh na hEorpa a chur san áireamh, de réir mar is iomchuí, ach amháin i gcásanna a bhfuil údar cuí leo. Ba cheart na nósanna imeachta soláthair go léir maidir le sár‑ríomhairí agus ríomhairí candamacha an Chomhghnóthais a fháil a chur i gcrích nuair a bheidh forálacha infheidhme an Chláir don Eoraip Dhigiteach comhlíonta.

(64)Ba cheart don Choimisiún meastóireacht eatramhach agus an mheastóireacht deiridh a dhéanamh ar an gComhghnóthas agus cúnamh aige ó shaineolaithe neamhspleácha. De ghrá na trédhearcachta, ba cheart tuarascáil na saineolaithe neamhspleácha ábhartha a chur ar fáil go poiblí, i gcomhréir leis na rialacha is infheidhme.

(65)Ós rud é nach féidir leis na Ballstáit cuspóirí an Rialacháin seo, eadhon na cumais taighde agus nuálaíocht a neartú, forbairt acmhainne na sár‑ríomhaireachta agus gníomhaíochtaí leathnaithe, cónascadh, nascacht agus comhar idirnáisiúnta agus sár‑ríomhairí de scoth an domhain a fháil, agus rochtain ar sheirbhís Ríomhaireachta Ardfheidhmíochta, ríomhaireachta candamaí agus ar bhonneagar sonraí ar fud an Aontais trí bhíthin Comhghnóthais, a ghnóthú go leordhóthanach, agus gur fearr is féidir dá bhrí sin, d'fhonn dúbláil gan ghá a sheachaint, mais chriticiúil a chothú agus a áirithiú go n‑úsáidfear airgeadas poiblí ar bhealach barrmhaith, iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

TAR ÉIS AN RIALACHÁN SEO A GHLACADH:

Airteagal 1

Bunú

(1)Ar mhaithe leis an tionscnamh maidir leis an Ríomhaireacht Ardfheidhmíochta Eorpach a chur chun feidhme, bunaítear leis seo Comhghnóthas de réir bhrí Airteagal 187 den Chonradh ar Fheidhmiú an Aontais Eorpaigh (CFAE) (‘Comhghnóthas Ríomhaireachta Ardfheidhmíochta Eorpach’, an ‘Comhghnóthas’).

(2)D’fhonn fad Chlár Réime um Thaighde agus um Nuálaíocht na hEorpa (Fís Eorpach) arna bhunú le Rialachán (AE) Uimh. xxx, an Chláir don Eoraip Dhigiteach arna bhunú le Rialachán (AE) Uimh. xxx, agus na Saoráide um Chónascadh na hEorpa (Saoráid um Chónascadh na hEorpa) arna bunú le Rialachán (AE) Uimh. xxx a chur san áireamh, déanfar an glao ar thograí agus an glao ar thairiscintí faoin Rialachán seo a sheoladh faoin 31 Nollaig 2027. I gcásanna a bhfuil údar cuí leo, féadfar glao ar thograí nó glao ar thairiscintí a sheoladh faoin 31 Nollaig 2028.

(3)Beidh pearsantacht dhlítheanach ag an gComhghnóthas. I ngach Ballstát, beidh an inniúlacht dhlítheanach aige is fairsinge atá ar fáil do dhaoine dlítheanacha faoin dhlíthe an Bhallstáit sin. Féadfaidh sé, go háirithe, maoin shochorraithe agus maoin dhochorraithe a fháil nó a dhiúscairt agus féadfaidh sé a bheith ina pháirtí in imeachtaí dlíthiúla.

(4)Beidh suíochán an Chomhghnóthais lonnaithe i Lucsamburg.

(5)Leagtar amach Reachtanna an Chomhghnóthais (‘na Reachtanna’) san Iarscríbhinn.

Airteagal 2

Sainmhínithe

Chun críocha an Rialacháin seo, tá feidhm ag na sainmhínithe seo a leanas:

(1)ciallaíonn ‘tástáil inghlacthachta’ tástáil a dhéantar chun a chinneadh cibé an gcomhlíonann sár‑ríomhaire EuroHPC sonraíocht an chórais;

(2)ciallaíonn‘am rochtana’ tréimhse ríomhaireachta sár‑ríomhaire a chuirtear ar fáil d’úsáideoir nó do ghrúpa úsáideoirí chun a gcláir ríomhaireachta a chur i gcrích;

(3)ciallaíonn ‘eintiteas cleamhnaithe’ aon eintiteas dlíthiúil mar a shainmhínítear in Airteagal 187(1) de Rialachán (AE, Euratom) 2018/1046;

(4)Ciallaíonn ‘Ionad Barr Feabhais’ sa Ríomhaireacht Ardfheidhmíochta tionscnamh chun an úsáid a bhaintear as cumais ríomhaireachta feidhmíochta foircní atá ar na bacáin a chur chun cinn, ionad a chuireann ar chumas pobail úsáideoirí i gcomhar le páirtithe leasmhara eile sa Ríomhaireacht Ardfheidhmíochta méadú ó scála a dhéanamh ar chóid chomhthreomhara reatha i dtreo feidhmíocht eicseascálaithe agus scálaithe fhoircnigh;

(5)is cur chuige comhchoiteann é an ‘comhdhearadh’ idir soláthróirí agus úsáideoirí teicneolaíochta a bhíonn ag gabháil do phróiseas deartha ar bhonn comhoibritheach atriallach chun teicneolaíocht, feidhmchlár agus córais nua a fhorbairt;

(6)ciallaíonn ‘Lárionad Inniúlachta’ um Ríomhaireacht Ardfheidhmíochta eintiteas dlíthiúil a bhunaítear i Stát Rannpháirteach a sholáthraíonn rochtain de réir éilimh d’úsáideoirí ón tionscal, lena n‑áirítear FBManna, lucht acadúil, agus riaracháin phoiblí ar na sár‑ríomhairí agus ar na teicneolaíochtaí, uirlisí, feidhmchláir agus seirbhísí is déanaí sa Ríomhaireacht Ardfheidhmíochta, agus a thairgeann saineolas, scileanna, oiliúint, líonrú agus for‑rochtain;

(7)ciallaíonn ‘coinbhleacht leasa’ cás a bhaineann le gníomhaí airgeadais nó duine eile dá dtagraítear in Airteagal 61 de Rialachán (AE) Uimh. 2018/1046;

(8)ciallaíonn ‘comheintiteas’ eintiteas ina gcuimsítear Ball Príobháideach den Chomhghnóthas, de bhun reachtanna gach Baill Phríobháidigh;

(9)ciallaíonn ‘Cuibhreannas comhpháirtithe príobháideacha’ cumann eintiteas dlíthiúil san Eoraip a thagann le chéile ar mhaithe le sár‑ríomhaire de ghrád tionsclaíoch a fháil go comhpháirteach in éineacht leis an gComhghnóthas Ríomhaireachta Ardfheidhmíochta Eorpach; féadfaidh duine amháin nó níos mó de na comhpháirtithe príobháideacha seo a bheith rannpháirteach i mBaill Phríobháideacha an Chomhghnóthais.

(10) ciallaíonn ‘sár‑ríomhaire EuroHPC’ aon chóras ríomhaireachta atá faoi úinéireacht iomlán an Chomhghnóthais nó atá faoi chomhúinéireacht le Stáit Rannpháirteacha eile, le Baill Phríobháideacha nó le cuibhreannas comhpháirtithe príobháideacha. Is féidir leis an sár‑ríomhaire EuroHPC a bheith ina shár‑ríomhaire clasaiceach (sár‑ríomhaire ardleibhéil, sár‑ríomhaire de ghrád tionsclaíoch, nó sár‑ríomhaire meán‑raoin), ina ríomhaire clasaiceach‑candamach hibrideach, ina ríomhaire candamach nó ina ionsamhlóir candamach;

(11)ciallaíonn ‘eicsea‑scála’ leibhéal feidhmíochta atá ábalta 10 i gcumhacht 18 n‑oibríocht sa soicind a dhéanamh (nó 1 eicsea‑Flap);

(12)ciallaíonn ‘sár‑ríomhaire ardleibhéil’ córas ríomhaire den chéad scoth a forbraíodh leis an teicneolaíocht is airde a bhíonn ar fáil ag pointe ama ar leith agus a bhaineann leibhéil feidhmíochta eicseascálaithe nó níos faide (i.e. iar‑eicseascálaithe) amach i gcás feidhmchlár a théann i ngleic le fadhbanna níos casta;

(13)ciallaíonn ‘cuibhreannas óstach’ grúpa Stát Rannpháirteach, Ball Príobháideach nó cuibhreannas comhpháirtithe príobháideacha atá aontaithe ar rannchuidiú chun sár‑ríomhaire EuroHPC a fháil agus a oibriú, lena n‑áirítear aon eagraíocht a dhéanann ionadaíocht ar na Stáit Rannpháirteacha sin;

(14)ciallaíonn ‘eintiteas óstach’ eintiteas dlíthiúil ina n‑áirítear saoráidí chun sár‑ríomhaire EuroHPC a óstáil agus a oibriú agus atá bunaithe i Stát Rannpháirteach ar Ballstát é;

(15)ciallaíonn ‘hipearnasctha’ cumarsáid atá in ann sonraí a aistriú ag 10 i gcumhacht 12 ghiotán sa soicind (1 teirighiotán sa soicind) nó thairis sin;

(16)ciallaíonn ‘sár‑ríomhaire de ghrád tionsclaíoch’ sár‑ríomhaire a dearadh go sonrach le ceanglais slándála, rúndachta agus sláine sonraí d’úsáideoirí tionsclaíocha atá níos déine ná mar a bhíonn i gceist le húsáid eolaíoch;

(17)ciallaíonn ‘ranníocaíochtaí ilchineáil i leith gníomhaíochtaí indíreacha’ arna gcistiú ó Fís Eorpach ranníocaíochtaí ón Stát Rannpháirteach nó ó Bhaill Phríobháideacha an Chomhghnóthais nó a gcomheintitis nó a n‑eintitis chleamhnaithe, ina gcuimsítear na costais incháilithe a thabhaigh siad chun gníomhaíochtaí indíreacha a chur chun feidhme lúide ranníocaíocht an Chomhghnóthais sin, Stáit Rannpháirteacha an Chomhghnóthais sin agus aon ranníocaíocht eile de chuid an Aontais do na costais sin;

(18)ciallaíonn ‘ranníocaíochtaí ilchineáil i leith gníomhaíochtaí’ arna gcistiú ón gClár don Eoraip Dhigiteach nó ón tSaoráid um Chónascadh na hEorpa ranníocaíochtaí ón Stát Rannpháirteach nó ó Bhaill Phríobháideacha an Chomhghnóthais nó a gcomheintitis nó a n‑eintitis chleamhnaithe, ina gcuimsítear na costais incháilithe a thabhaigh siad chun cuid de ghníomhaíochtaí an Chomhghnóthais a chur chun feidhme lúide ranníocaíocht an Chomhghnóthais sin, Stáit Rannpháirteacha an Chomhghnóthais sin agus aon ranníocaíocht eile de chuid an Aontais leis na costais sin;

(19)ciallaíonn ‘sár‑ríomhaire meán‑raoin’ sár‑ríomhaire den chéad scoth lena ngabhann ord amháin ar a mhéad de leibhéal feidhmíochta dearbhmhéide níos ísle ná sár‑ríomhaire ardleibhéil;

(20)ciallaíonn ‘lárionad náisiúnta inniúlachta um ríomhaireacht ardfheidhmíochta’ eintiteas dlíthiúil atá bunaithe i Stát Rannpháirteach ar Ballstát é, a bhfuil ceangal aige le lárionad náisiúnta sár‑ríomhaireachta an Bhallstáit sin, a sholáthraíonn rochtain de réir éilimh d’úsáideoirí ón tionscal, lena n‑áirítear FBManna, lucht acadúil, agus riaracháin phoiblí ar na sár‑ríomhairí agus ar na teicneolaíochtaí, na huirlisí, na feidhmchláir agus na seirbhísí Ríomhaireachta Ardfheidhmíochta is déanaí, agus a thairgeann saineolas, scileanna, oiliúint, líonrú agus for‑rochtain;

(21)ciallaíonn ‘Stát breathnóireachta’ tír atá incháilithe chun a bheith rannpháirteach i ngníomhaíochtaí an Chomhghnóthais arna chistiú ag Fís Eorpach nó ag an gClár don Eoraip Dhigiteach nach Stát Rannpháirteach é;

(22)ciallaíonn ‘Stát Rannpháirteach’ tír atá ina ball den Chomhghnóthas;

(23)ciallaíonn ‘leibhéal feidhmíochta’ líon na n‑oibríochtaí snámhphointe in aghaidh an tsoicind (flapanna) is féidir le sár‑ríomhaire a dhéanamh;

(24)ciallaíonn ‘Ball Príobháideach’ aon Bhall den Chomhghnóthas seachas an tAontas nó na Stáit Rannpháirteacha;

(25)is gléas ríomhaireachta é ‘ríomhaire candamach’ a bhaineann leas as na dlíthe a bhaineann le meicnic chandamach chun tascanna áirithe ar leith a réiteach ag úsáid níos lú acmhainní ríomhaireachta dá bhrí sin ná mar a úsáideann ríomhairí clasaiceacha;

(26)ciallaíonn ‘ionsamhlóir candamach’ gléas candamach atá fíor‑inrialaithe lenar féidir léargais a fháil ar airíonna córas candamach casta nó fadhbanna ríomhaireachta sonracha nach mbíonn fáil ag ríomhairí clasaiceacha orthu a réiteach;

(27)ciallaíonn ‘slándáil an tslabhra soláthair’ i gcás sár‑ríomhaire EuroHPC na bearta a áireofar nuair a bheidh soláthróir an tsár‑ríomhaire sin á roghnú chun a áirithiú go mbeidh comhpháirteanna, teicneolaíochtaí, córais agus fios gnó ar fáil, a bheidh riachtanach chun an sár‑ríomhaire sin a fháil agus a oibriú; áirítear leis sin bearta chun na rioscaí fadtéarmacha a bhaineann le briseadh faoi dheoidh i soláthar na gcomhpháirteanna, na teicneolaíochta agus na gcóras sin a mhaolú, lena n‑áirítear athruithe ar phraghsanna nó feidhmíocht níos ísle nó foinsí soláthair eile. Cumhdaítear saolré iomlán an tsár‑ríomhaire EuroHPC le slándáil an tslabhra soláthair.

(28)ciallaíonn ‘Clár Oibre Straitéiseach maidir le Taighde agus Nuálaíocht’ an doiciméad a sholáthair na Baill Phríobháideacha ina gcumhdaítear tréimhse Fís Eorpach ina sainaithnítear na príomhthosaíochtaí agus na teicneolaíochtaí agus na nuálaíochtaí is gá chun cuspóirí an Chomhghnóthais a bhaint amach;

(29)ciallaíonn ‘sár‑ríomhaireacht’ ríomhaireacht ag leibhéil feidhmíochta ina n‑éilítear comhtháthú ollmhór na ngnéithe ríomhaireachta aonair, lena n‑áirítear comhpháirteanna candamacha, chun fadhbanna a réiteach nach féidir le gnáthchórais ríomhaireachta a láimhseáil;

(30)ciallaíonn ‘costas iomlán úinéireachta’ sár‑ríomhaire EuroHPC na costais éadála móide na costais oibriúcháin, lena n‑áirítear cothabháil, go dtí go n‑aistrítear úinéireacht an tsár‑ríomhaire chuig an eintiteas óstach nó go dtí go ndíoltar é, nó go dtí go ndéantar díchoimisiúnú ar an sár‑ríomhaire gan úinéireacht a aistriú;

(31)ciallaíonn ‘clár oibre’ an doiciméad dá dtagraítear i bpointe (20) d’Airteagal 2 de Rialachán (AE) Uimh. xxx lena mbunaítear Fís Eorpach nó, i gcás inarb ábhartha, an doiciméad a fheidhmíonn freisin mar an clár oibre dá dtagraítear in Airteagal xxx de Rialachán (AE) Uimh. xxx lena mbunaítear an Clár don Eoraip Dhigiteach, nó in Airteagal xxx de Rialachán (AE) Uimh. xxx lena mbunaítear an tSaoráid um Chónascadh na hEorpa.

Airteagal 3

Misean agus cuspóirí

(1)Beidh sé mar mhisean ag an gComhghnóthas seirbhís sár‑ríomhaireachta agus ríomhaireachta candamaí agus éiceachóras bonneagar sonraí den chéad scoth a bheidh cónasctha, slán agus hipearnasctha a fhorbairt, a úsáid, a leathnú agus a chothú san Aontas; tacú le táirgeadh córas sár‑ríomhaireachta nuálach agus iomaíoch bunaithe ar shlabhra soláthair lena n‑áiritheofar comhpháirteanna, teicneolaíochtaí agus eolas a chuirfidh teorainn leis an mbaol bristí agus lena bhforbrófar raon leathan feidhmchlár a bheidh barrfheabhsaithe le haghaidh na gcóras sin; agus, an úsáid a bhainfear as an mbonneagar sár‑ríomhaireachta sin a leathnú amach chuig líon mór úsáideoirí poiblí agus príobháideacha, agus tacú le forbairt príomhscileanna le haghaidh eolaíochta agus tionsclaíochta na hEorpa.

(2)Is iad seo a leanas na cuspóirí foriomlána a bheidh ag an gComhghnóthas:

(a)rannchuidiú le Rialachán (AE) Uimh. xxx lena mbunaítear Fís Eorpach agus go háirithe Airteagal 3 de a chur chun feidhme, chun tionchar eolaíoch, eacnamaíoch, comhshaoil, teicneolaíoch agus sochaíoch a chur ar fáil ó infheistíochtaí an Aontais i dtaighde agus i nuálaíocht, d’fhonn boinn eolaíochta agus teicneolaíochta an Aontais a neartú, tosaíochtaí straitéiseacha an Aontais a bhaint amach, rannchuidiú chun cuspóirí agus beartais an Aontais Eorpaigh a chur i gcrích, agus cabhrú chun dul i ngleic le dúshláin dhomhanda, lena n‑áirítear na Spriocanna Forbartha Inbhuanaithe ach cloí le prionsabail Chlár Oibre 2030 agus Chomhaontú Pháras;

(b)dlúthchomhar a fhorbairt agus comhordú a áirithiú le Comhpháirtíochtaí Eorpacha eile, lena n‑áirítear trí ghlaonna comhpháirteacha, chomh maith le sineirgí a lorg le gníomhaíochtaí agus le cláir ábhartha ar leibhéal an Aontais, ar leibhéal náisiúnta, agus ar leibhéal réigiúnach, go háirithe leo sin a thacaíonn leis an úsáid atáthar a bhaint as réitigh nuálacha, forbairt oideachais agus réigiúnach, i gcás inarb ábhartha;

(c)bonneagar sár‑ríomhaireachta agus sonraí hipearnasctha den chéad scoth a bheidh comhtháite, dírithe ar éileamh agus dírithe ar riachtanais an úsáideora a fhorbairt, a úsáid, a leathnú agus a chothabháil san Aontas;

(d)an bonneagar sár‑ríomhaireachta agus sonraí hipearnasctha a chónascadh agus é a idirnascadh leis na spásanna sonraí Eorpacha agus le héiceachóras néil chun seirbhísí ríomhaireachta agus sonraí a sholáthar do raon leathan úsáideoirí poiblí agus príobháideacha san Eoraip;

(e)éiceachóras sár‑ríomhaireachta agus sonraí fíor‑iomaíoch agus nuálach san Eoraip a fhorbairt tuilleadh agus tacú leis, rud a rannchuideoidh le seasamh agus le neamhspleáchas teicneolaíochta an Aontais sa gheilleagar digiteach, a bheidh ábalta teicneolaíochtaí agus ailtireachtaí ríomhaireachta a tháirgeadh go neamhspleách agus iad a chomhtháthú ar phríomhchórais ríomhaireachta, agus feidhmchláir forbartha a bheidh barrfheabhsaithe le haghaidh na gcóras sin;

(f)an úsáid a bhaintear as córais sár‑ríomhaireachta a leathnú agus príomhscileanna a fhorbairt a theastaíonn ó eolaíocht agus tionscal na hEorpa.

(3)Rannchuideoidh an Comhghnóthas chun leasanna an Aontais a chosaint nuair a bheidh sár‑ríomhairí á soláthar agus tacóidh sé le forbairt teicneolaíochtaí, córais agus feidhmchláir Ríomhaireachta Ardfheidhmíochta. Cumasóidh sé cur chuige comhdhearaidh chun sár‑ríomhairí den chéad scoth a fháil, agus tabharfaidh sé cosaint ag an am céanna do shlándáil shlabhra soláthair na dteicneolaíochtaí agus na gcóras a gheofar. Rannchuideoidh sé le neamhspleáchas teicneolaíochta an Aontais trí thacaíocht a thabhairt d’fhorbairt teicneolaíochtaí agus feidhmchlár a atreiseoidh an slabhra soláthair i dteicneolaíocht Ríomhaireachta Ardfheidhmíochta na hEorpa agus cuirfidh sé a gcomhtháthú i gcórais sár‑ríomhaireachta chun cinn, córais a théann i ngleic le líon mór riachtanas sa tsochaí agus sa tionscal.

Airteagal 4

Colúin ghníomhaíochta

(1)Cuirfidh an Comhghnóthas an misean dá dtagraítear in Airteagal 3 chun feidhme de réir na gcolún gníomhaíochtaí seo a leanas:

(a)An colún riaracháin, ag cumhdach na ngníomhaíochtaí ginearálta a bhainfidh le hoibriú agus le bainistiú an Chomhghnóthais.

(b)An colún bonneagair, ag cuimsiú na ngníomhaíochtaí chun an bonneagar sár‑ríomhaireachta, ríomhaireachta candamaí agus sonraí hipearnasctha agus slán den chéad scoth a fháil, a úsáid, agus a oibriú, lena n‑áirítear glacadh agus úsáid chórasach na dtorthaí taighde agus nuálaíochta a ghintear san Aontas a chur chun cinn.

(c)An colún le haghaidh chónaidhm na seirbhísí sár‑ríomhaireachta, ag cumhdach na ngníomhaíochtaí go léir chun rochtain a sholáthar ar fud an Aontais ar acmhainní agus seirbhísí sár‑ríomhaireachta agus sonraí slána ar fud na hEorpa don phobal taighde agus eolaíochta, don tionscal (lena n‑áirítear FBManna) agus don earnáil phoiblí. Áirítear na nithe seo a leanas go háirithe leis sin:

(i)tacaíocht d’idirnasc na n‑acmhainní Ríomhaireachta Ardfheidhmíochta, ríomhaireachta candamaí agus sonraí atá faoi úinéireacht iomlán nó i bpáirt úinéireacht an Chomhghnóthais Ríomhaireachta Ardfheidhmíochta Eorpaigh nó á gcur ar fáil ag na Stáit Rannpháirteacha ar bhonn deonach;

(ii)tacaíocht d’idirnasc na mbonneagar sár‑ríomhaireachta agus ríomhaireachta candamaí le spásanna coiteanna sonraí Eorpacha an Aontais, agus bonneagair néil chónasctha, shlána;

(iii)tacaíocht d’fhorbairt, fáil agus oibriú ardáin le haghaidh cónascadh rianúil agus soláthar seirbhíse slán do sheirbhís sár‑ríomhaireachta agus ríomhaireachta candamaí agus bonneagar sonraí, lena mbunaítear pointe rochtana ilfhreastail le haghaidh aon seirbhís sár‑ríomhaireachta nó sonraí arna mbainistiú ag an gComhghnóthas, ag tabhairt pointe iontrála aonair d’aon úsáideoir.

(d)An colún teicneolaíochta, ag dul i ngleic leis na gníomhaíochtaí chun tacú le clár oibre uaillmhianach i gcomhair taighde agus nuálaíochta chun éiceachóras sár‑ríomhaireachta iomaíoch agus nuálach den chéad scoth a fhorbairt, agus a gcomhtháthú i gcórais ríomhaireachta, ag cumhdach an tslabhra soláthair eolaíochta agus tionsclaíochta iomlán, chun neamhspleách teicneolaíochta an Aontais a áirithiú. Díreofar ar theicneolaíochtaí Ríomhaireachta Ardfheidhmíochta atá tíosach ar fhuinneamh. Rachaidh na gníomhaíochtaí i ngleic leo seo inter alia:

i)comhpháirteanna micrea‑phróiseála ísealchumhachta, agus teicneolaíochtaí gaolmhara amhail algartaim nua, cóid bhogearraí, uirlisí, agus timpeallachtaí;

ii)paraidímí ríomhaireachta atá ag teacht chun cinn agus a gcomhtháthú i bpríomhchórais sár‑ríomhaireachta, lena n‑áirítear córais Ríomhaireachta Ardfheidhmíochta agus ríomhaireachta candamaí trí chur chuige bunaithe ar comhdhearadh. Nascfar na teicneolaíochtaí sin le forbairt, fáil agus úsáid na sár‑ríomhairí ardleibhéil, lena n‑áirítear ríomhairí candamacha, agus na mbonneagar.

iii)teicneolaíochtaí agus córais chun córais sár‑ríomhaireachta chlasaiceacha a idirnascadh agus a oibriú le teicneolaíochtaí ríomhaireachta comhlántacha eile, amhail ríomhaireacht néaramorfach nó chandamach agus a n‑oibriú éifeachtach a áirithiú.

(e)An colún feidhmchlár, ag dul i ngleic le gníomhaíochtaí chun an tsármhaitheas Eorpach a bhaint amach agus a chothabháil i bpríomh‑fheidhmchláir agus cóid ríomhaireachta agus sonraí agus le haghaidh eolaíochta, an tionscail (lena n‑áirítear FBManna) agus na hearnála poiblí, lena n‑áirítear;

i)feidhmchláir le haghaidh úsáideoirí poiblí agus príobháideacha a bhaineann leas as cumais na sár‑ríomhairí ardleibhéil agus a gcoinbhéirseacht le hardteicneolaíochtaí digiteacha amhail intleacht shaorga, anailísíocht sonraí ardfheidhmíochta, teicneolaíochtaí néil, srl., trí chóid agus feidhmchláir Ríomhaireachta Ardfheidhmíochta‑chumasaithe, mórscála atá ag teacht chun cinn sa mhargadh a chomhdhearadh, a fhorbairt agus a bharrfheabhsú;

ii)tacaíocht a thabhairt, i measc rudaí eile, do Lárionaid Sármhaitheasa i bhfeidhmchláir Ríomhaireachta Ardfheidhmíochta agus do thaispeántóirí píolótacha mórscála agus binsí tástála Ríomhaireachta Ardfheidhmíochta‑chumasaithe le haghaidh feidhmchláir agus seirbhísí mórshonraí i raon leathan earnálacha eolaíochta agus tionsclaíochta.

(f)An colún maidir le húsáid agus scileanna a leathnú, agus é mar aidhm aige an tsármhaitheas a chothú in úsáid agus scileanna sár‑ríomhaireachta, ríomhaireachta candamaí agus sonraí ina gcuirtear sineirgí le ríomhchláir agus le hionstraimí eile san áireamh, go háirithe an Clár don Eoraip Dhigiteach, an úsáid eolaíoch agus thionsclaíoch a bhaintear as acmhainní sár‑ríomhaireachta agus feidhmchláir sonraí a leathnú agus an rochtain agus an úsáid a bhaineann an tionscal as bonneagair sár‑ríomhaireachta agus sonraí i gcomhair na nuálaíochta a chur in oiriúint do riachtanais tionsclaíochta; agus pobal eolaíoch eolach ceannródaíoch agus lucht oibre oilte a sholáthar don Eoraip i gcomhair ceannaireacht eolaíochta agus chun claochlú digiteach a dhéanamh ar an tionscal, lena n‑áirítear tacaíocht agus líonrú na Lárionad Náisiúnta Inniúlachta um Ríomhaireacht Ardfheidhmíochta agus na nIonad Barr Feabhais um Ríomhaireacht Ardfheidhmíochta

(g)Comhar idirnáisiúnta: Ag teacht leis na cuspóirí beartais sheachtraigh agus le tiomantais idirnáisiúnta an Aontais, gníomhaíochtaí atá ábhartha do chur chun cinn an chomhair idirnáisiúnta sa tsár‑ríomhaireacht a shainiú, a chur chun feidhme agus a bheith rannpháirteach iontu chun dúshláin dhomhanda eolaíochta agus shochaíocha a réiteach, agus iomaíochas éiceachóras soláthair agus úsáideora na Ríomhaireachta Ardfheidhmíochta san Eoraip á chur chun cinn ag an am céanna.

(2)I dteannta na ngníomhaíochtaí a liostaítear i mír 1, féadfar é a chur ar iontaoibh an Chomhghnóthais cúraimí breise a chur chun feidhme i gcás ina ndéantar cistiú carnach, comhlántach nó comhcheangailte ar chistiú idir cláir an Aontais i gcomhréir le clár oibre ábhartha an Choimisiúin. 

Airteagal 5

Ranníocaíocht airgeadais an Aontais

(1)Is mar seo a leanas a dháilfear ranníocaíocht airgeadais an Aontais leis an gComhghnóthas lena n‑áirítear leithreasuithe EFTA suas le EUR [XXXXX], lena n‑áirítear suas le EUR [XXXXX] le haghaidh costas riaracháin :

(a)suas le EUR [XXXXX] ó Fís Eorpach [cinnfear an buiséad ag céim níos déanaí de réir Phleanáil agus Chlársceidealú Straitéiseach Fís Eorpach];

(b)suas le EUR [2 400 000 000] ón gClár don Eoraip Dhigiteach;

(c)suas le EUR [200 000 000] ón tSaoráid um Chónascadh na hEorpa.

(2)Ranníocaíocht airgeadais an Aontais, rud dá dtagraítear i mír 1, is ó leithreasuithe i mbuiséad ginearálta an Aontais a dhéanfar í a íoc, leithreasuithe a leithdháiltear ar an gclár sonrach.

(3)Cistí breise an Aontais a chomhlánóidh an ranníocaíocht dá dtagraítear i mír 1, féadfar iad a leithdháileadh ar an gComhghnóthas chun tacú le gníomhaíochtaí le haghaidh taighde agus nuálaíochta agus chun réitigh nuálacha a chur ag obair.

(4)Ranníocaíochtaí ó chláir an Aontais a chomhfhreagraíonn do ghníomhaíochtaí breise atá curtha ar iontaoibh an Chomhghnóthais i gcomhréir le mír 3 den Airteagal seo, is ranníocaíochtaí iad nach gcuirfear san áireamh nuair a bheidh ranníocaíocht airgeadais uasta an Aontais á ríomh.

(5)Cistí breise ón Aontas a chomhlánóidh an ranníocaíocht dá dtagraítear i mír 1, féadfar na cistí sin a leithdháileadh ar an Chomhghnóthas ó Thíortha Comhlachaithe Fís Eorpach, ón gClár don Eoraip Dhigiteach agus ón tSaoráid um Chónascadh na hEorpa de réir na gcomhaontuithe comhlachais.

(6)Úsáidfear ranníocaíocht airgeadais an Aontais dá dtagraítear i bpointe (a) de mhír 1 don Chomhghnóthas chun tacaíocht airgeadais a chur ar fáil do ghníomhaíochtaí indíreacha mar a shainmhínítear in Airteagal xxx den Rialachán maidir le Fís Eorpach, ag comhfhreagairt don chlár oibre taighde agus nuálaíochta.

(7)Úsáidfear ranníocaíocht airgeadais an Aontais dá dtagraítear i bpointe (b) de mhír 1 i gcomhair forbairt acmhainní ar fud an Aontais ar fad, lena n‑áirítear Ríomhairí Ardfheidhmíochta, ríomhairí candamacha nó ionsamhlóirí candamacha a fháil agus a oibriú, an tseirbhís Ríomhaireachta Ardfheidhmíochta agus ríomhaireachta candamaí agus bonneagar sonraí a chónascadh agus a úsáid a leathnú, agus forbairt ardscileanna agus oiliúna.

(8)Déanfar ranníocaíocht airgeadais an Aontais dá dtagraítear i bpointe (c) de mhír 1 a íoc ó na leithreasuithe i mbuiséad ginearálta an Aontais a leithdháiltear don tSaoráid um Chónascadh na hEorpa agus úsáidfear í le haghaidh idirnascadh na n‑acmhainní Ríomhaireachta Ardfheidhmíochta agus sonraí agus chun bonneagar Ríomhaireachta Ardfheidhmíochta agus sonraí uile‑Eorpach a bheidh comhtháite agus hipearnasctha a chruthú.

Airteagal 6

Ranníocaíochtaí eile an Aontais

Seachas na ranníocaíochtaí dá dtagraítear in Airteagal 5(1), ranníocaíochtaí is cuid de chómhaoiniú an Aontais le clár atá á chur chun feidhme ag ceann de na Stáit Rannpháirteacha, ní chuirfear ranníocaíochtaí ó chláir an Aontais san áireamh nuair atá ranníocaíocht airgeadais uasta an Aontais á ríomh, rud dá dtagraítear in Airteagal 5.

Airteagal 7

Ranníocaíochtaí a dhéanann baill eile seachas an tAontas féin

(1)Déanfaidh na Stáit Rannpháirteacha ranníocaíocht iomlán a bheidh cothrom ar a laghad le méid ranníocaíocht an Aontais dá dtagraítear in Airteagal 5 den Rialachán seo, lena n‑áirítear suas le ranníocaíocht EUR [XXXXX] le haghaidh costais riaracháin [cothrom le méid ranníocaíocht an Aontais le haghaidh costais riaracháin dá dtagraítear in Airteagal 5 den Rialachán seo]. Socróidh na Stáit Rannpháirteacha eatarthu féin conas a sholáthróidh siad a ranníocaíocht chomhchoiteann.

(2)Déanfaidh Baill Phríobháideacha an Chomhghnóthais ranníocaíochtaí a gcomheintiteas nó a n‑eintiteas cleamhnaithe nó déanfaidh siad socrú i gcomhair na ranníocaíochtaí ar luach EUR [XXXXX] ar a laghad leis an gComhghnóthas, lena n‑áirítear suas le EUR [XXXXX] le haghaidh costas riaracháin [cothrom le 22.22 % de mhéid ranníocaíocht an Aontais le haghaidh costais riaracháin dá dtagraítear in Airteagal 5 den Rialachán seo].

(3)Na ranníocaíochtaí a leagtar amach in Airteagal 15 de na Reachtanna, déanfar iad a chuimsiú le ranníocaíochtaí eile faoi mar a leagtar amach i mír 1 agus i mír 2 den Airteagal seo.

(4)Féadfaidh gach Stát Rannpháirteach na ranníocaíochtaí dá dtagraítear i bpointe (f) d’Airteagal 15(3) de na Reachtanna a sholáthar do thairbhithe atá bunaithe sa Stát Rannpháirteach sin. Féadfaidh na Stáit Rannpháirteacha ranníocaíocht an Chomhghnóthais a chomhlánú, laistigh den uasráta aisíocaíochta is infheidhme a leagtar amach in Airteagal 30 de Rialachán (AE) Uimh. xxx lena mbunaítear Fís Eorpach, Airteagal xxx de Rialachán (AE) lena mbunaítear an Clár don Eoraip Dhigiteach agus in Airteagal xxx Rialachán (AE) Uimh. xxx maidir leis an tSaoráid um Chónascadh na hEorpa. Beidh na ranníocaíochtaí sin gan dochar do rialacha státchabhrach.

(5)Tabharfaidh baill an Chomhghnóthais seachas an tAontas tuairisc faoin 31 Eanáir gach bliain don Bhord Rialála mar a shainmhínítear in Airteagal 15 de na Reachtanna, maidir le luach na ranníocaíochtaí dá dtagraítear i mír 1 agus i mír 2 den Airteagal seo a rinneadh sa bhliain airgeadais roimhe sin.

(6)D’fhonn na ranníocaíochtaí dá dtagraítear i bpointí (b) go (f) d’Airteagal 15(3) de na Reachtanna a luacháil, cinnfear na costais i gcomhréir le gnáthchleachtais chuntasaíochta costais na n‑eintiteas lena mbaineann, le caighdeáin chuntasaíochta infheidhme na tíre ina bhfuil an t‑eintiteas bunaithe agus leis na Caighdeáin Chuntasaíochta Idirnáisiúnta is infheidhme agus na Caighdeáin Tuairiscithe Airgeadais Idirnáisiúnta. Is iniúchóir seachtrach neamhspleách a dheimhneoidh na costais, iniúchóir a cheapfaidh an t‑eintiteas lena mbaineann. Féadfaidh an Comhghnóthas an modh luachála a dheimhniú, i gcás go mbeidh aon éiginnteacht ann de bharr an deimhniúcháin. Má tá éiginnteacht ann fós, féadfaidh an Comhghnóthas iniúchadh a dhéanamh ar an modh luachála.

(7)Féadfaidh an Coimisiún ranníocaíocht airgeadais an Aontais leis an gComhghnóthas a fhoirceannadh, a laghdú go comhréireach nó a chur ar fionraí nó an nós imeachta foirceanta dá dtagraítear in Airteagal 24 de na Reachtanna a chur ar siúl sna cásanna seo a leanas:

(a)má mhainníonn an Comhghnóthas sna coinníollacha i gcomhlíonadh ranníocaíocht an Aontais, nó

(b)má mhainníonn na baill seachas an tAontas nó a gcomheintitis nó a n‑eintitis chleamhnaithe sa ranníocaíocht, agus gan ach páirt den ranníocaíocht a dhéanamh, mura dtugann siad urraim do na tréimhsí ama maidir leis an ranníocaíocht dá dtagraítear i mír 1 agus i mír 2 den Airteagal seo, nó

(c)de thoradh na meastóireachtaí dá dtagraítear in Airteagal 22.

Cinneadh an Choimisiúin maidir le ranníocaíocht an Aontais a fhoirceannadh, a laghdú go comhréireach nó a chur ar fionraí, ní chuirfidh sé cosc ar aisíocaíocht na gcostas incháilithe a thabhaíonn na baill seachas an tAontas sula gcuirtear an cinneadh in iúl don Chomhghnóthas.

Airteagal 8

Eintiteas óstach

(1)Beidh na sár‑ríomhairí EuroHPC lonnaithe i Stát Rannpháirteach ar Ballstát é. Ní óstálfaidh Stát Rannpháirteach níos mó ná sár‑ríomhaire EuroHPC amháin ach má bhíonn níos mó ná dhá bhliain ann ó fuarthas an chéad cheann nó más ó theicneolaíochtaí difriúla a thagann siad (clasaiceach/candamach).

(2)I gcás na sár‑ríomhairí EuroHPC dá dtagraítear in Airteagail 10, 11 agus 13 den Rialachán seo, féadfaidh an t‑eintiteas óstach ionadaíocht a dhéanamh ar Stát Rannpháirteach ar Ballstát nó cuibhreannas óstach é. Déanfaidh an t‑eintiteas óstach agus údaráis inniúla an Stáit Rannpháirtigh nó na Stát Rannpháirteach i gcuibhreannas óstach comhaontú chuige sin.

(3)Déanfaidh an Comhghnóthas oibriú gach sár‑ríomhaire EuroHPC aonair atá faoi úinéireacht iomlán an Chomhghnóthais, nó atá faoina chomhúinéireacht i gcomhréir le hAirteagail 10, 11 agus 13 den Rialachán seo a chur ar iontaoibh an eintitis óstach.

(4)Roghnófar na heintitis óstaigh dá dtagraítear i mír 2 den Airteagal seo i gcomhréir le mír 5 den Airteagal seo agus rialacha airgeadais an Chomhghnóthais dá dtagraítear in Airteagal 17 den Rialachán seo.

(5)Tar éis glao ar léiriú spéise, roghnóidh an Bord Rialála an t‑eintiteas óstach dá dtagraítear i mír 2 den Airteagal seo agus an Stát Rannpháirteach comhfhreagrach ina bhfuil an t‑eintiteas óstach bunaithe nó an cuibhreannas óstach comhfhreagrach trí phróiseas cothrom trédhearcach bunaithe, inter alia, ar na critéir seo a leanas:

(a)comhlíonadh shonraíochtaí ginearálta an chórais a shainítear sa ghlao ar léiriú spéise;

(b)costas iomlán úinéireacht an tsár‑ríomhaire EuroHPC, lena n‑áirítear meastachán cruinn agus modh fíorúcháin do chostais oibriúcháin an tsár‑ríomhaire sin i rith a shaolré;

(c)taithí an eintitis óstaigh ar chórais den chineál céanna a shuiteáil agus a oibriú;

(d)cáilíocht bhonneagar fisiceach agus TF na saoráide óstála, a shlándáil agus a nascacht leis an gcuid eile den Aontas;

(e)an cháilíocht seirbhíse do na húsáideoirí, eadhon cumas chun an comhaontú seirbhíse a chuirtear ar fáil i measc na ndoiciméad a bhíonn ag gabháil leis an nós imeachta roghnúcháin a chomhlíonadh;

(f)doiciméad tacaíochta iomchuí a sholáthar ina dtabharfar tiomantas an Bhallstáit ina bhfuil an t‑eintiteas óstach bunaithe nó údaráis inniúla Stáit Rannpháirteacha an chuibhreannais óstaigh chun sciar de chostas iomlán úinéireachta an tsár‑ríomhaire EuroHPC a chumhdach, costas nach bhfuil cumhdaithe ag ranníocaíocht an Aontais mar a leagtar amach in Airteagal 5 ná aon ranníocaíocht eile de chuid an Aontais faoi mar a leagtar amach in Airteagal 6, go dtí go n‑aistríonn an Comhghnóthas a úinéireacht chuig an eintiteas óstach sin nó go dtí go ndíoltar nó go ndíchoimisiúnaítear an sár‑ríomhaire mura ndéantar aon aistriú ar an úinéireacht.

(6)I gcás na sár‑ríomhairí EuroHPC de ghrád tionsclaíoch dá dtagraítear in Airteagal 12 den Rialachán seo, rachaidh an t‑eintiteas óstach i bpáirt leis na Baill Phríobháideacha nó le cuibhreannas comhpháirtithe príobháideacha chun sár‑ríomhairí den sórt sin nó codanna de shár‑ríomhairí EuroHPC a fháil agus a oibriú. Déanfaidh an t‑eintiteas óstach comhaontú leis na Baill Phríobháideacha nó leis an gcuibhreannas de bhaill phríobháideacha chuige sin.

(a)Déanfaidh an Comhghnóthas oibriú gach sár‑ríomhaire EuroHPC aonair de ghrád tionsclaíoch atá faoi chomhúinéireacht i gcomhréir le hAirteagal 12 den Rialachán seo a chur ar iontaoibh an eintitis óstach.

(b)Na heintitis óstaigh dá dtagraítear in Airteagal 17 den Rialachán seo, mar aon le rialacha airgeadais an Chomhghnóthais, is i gcomhréir le mír 5 den Airteagal seo a roghnófar iad.

(c)Tar éis glao ar léiriú spéise, roghnóidh an Bord Rialála an t‑eintiteas óstach agus a Bhaill Phríobháideacha chomhlachaithe nó an cuibhreannas comhpháirtithe príobháideacha trí phróiseas cothrom agus trédhearcach bunaithe, inter alia, ar na critéir a leagtar amach i míreanna 5(a) go dtí 5(e) den Airteagal seo agus ar an gceann breise a leanas:

Soláthrófar doiciméad tacaíochta iomchuí ina gcruthófar tiomantas na mBall Príobháideach nó an chuibhreannais comhpháirtithe príobháideacha chun sciar de chostas iomlán úinéireachta an tsár‑ríomhaire EuroHPC a chumhdach, costas nach bhfuil cumhdaithe ag ranníocaíocht an Aontais mar a leagtar amach in Airteagal 5 ná ag aon ranníocaíocht eile de chuid an Aontais faoi mar a leagtar amach in Airteagal 6.

(7)An t‑eintiteas óstach a roghnófar, féadfaidh sé cinneadh a dhéanamh chun cuireadh a thabhairt, faoi réir chomhaontú roimh ré an Choimisiúin Eorpaigh, do Stáit Rannpháirteacha bhreise, nó do Bhaill Phríobháideacha nó do chuibhreannas comhpháirtithe príobháideacha, cuireadh le dul isteach sa chuibhreannas óstach. An ranníocaíocht airgeadais agus an ranníocaíocht chomhchineáil ná aon tiomantas eile a thabharfaidh na Stáit Rannpháirteacha nua, nó na Baill Phríobháideacha, ní dhéanfaidh ceachtar díobh difear do ranníocaíocht airgeadais an Aontais agus na cearta úinéireachta comhfhreagracha agus an céatadán ama rochtana a leithdháilfear ar an Aontas maidir leis an sár‑ríomhaire EuroHPC sin mar a shainmhínítear in Airteagail 10, 11, 12, agus 13.

Airteagal 9

Comhaontú óstach

(1)Sula seoltar an nós imeachta chun sár‑ríomhaire EuroHPC a fháil, cuirfidh an Comhghnóthas comhaontú óstach i gcrích le gach eintiteas óstach a roghnófar.

(2)Tabharfar aghaidh go háirithe sa chomhaontú óstach ar na gnéithe seo a leanas maidir leis na sár‑ríomhairí EuroHPC:

(a)na cearta agus na hoibleagáidí i rith an nóis imeachta chun an sár‑ríomhaire a fháil, lena n‑áirítear tástálacha inghlacthachta an tsár‑ríomhaire;

(b)na coinníollacha dliteanais chun an sár‑ríomhaire a oibriú;

(c)an cháilíocht seirbhíse a thairgfear do na húsáideoirí ar oibriú an tsár‑ríomhaire, faoi mar a leagtar amach sa chomhaontú seirbhíse;

(d)na pleananna maidir le héifeachtúlacht fuinnimh agus inbhuanaitheacht chomhshaoil an tsár‑ríomhaire;

(e)coinníollacha rochtana do sciar an Aontais d’am rochtana ar an sár‑ríomhaire, de réir mar a chinneann an Bord Rialála i gcomhréir le hAirteagal 15;

(f)modhanna cuntasaíochta na n‑amanna rochtana;

(g)sciar den chostas iomlán úinéireachta a shocróidh an t‑eintiteas óstach a bheidh cumhdaithe ag an Stát Rannpháirteach sa chás go bhfuil an t‑eintiteas óstach bunaithe sa chuibhreannas óstach nó ag na Stáit Rannpháirtithe sa chuibhreannas óstach;

(h)na coinníollacha maidir leis an aistriú úinéireachta dá dtagraítear in Airteagail 10(4), 11(5), 12(5) agus 13(4), lena n‑áirítear, i gcás na sár‑ríomhairí EuroHPC, forálacha maidir lena luach iarmharach agus maidir lena ndíchoimisiúnú a ríomh;

(i)an oibleagáid atá ar an eintiteas óstach chun rochtain a sholáthar ar na sár‑ríomhairí EuroHPC, ag áirithiú ag an am céanna shlándáil na sár‑ríomhairí, cosaint sonraí pearsanta i gcomhréir le Rialachán (AE) 2016/679, cosaint príobháideachas cumarsáide leictreonaí i gcomhréir le Treoir 2002/58/CE, cosaint rúin trádála i gcomhréir le Treoir (AE) 2016/943 agus cosaint rúndacht sonraí eile atá cumhdaithe ag an oibleagáid maidir le rúndacht ghairmiúil;

(j)an oibleagáid atá ar an eintiteas óstach nós imeachta iniúchta deimhnithe a chur i bhfeidhm ag cumhdach costais oibriúcháin an tsár‑ríomhaire EuroHPC agus amanna rochtana na n‑úsáideoirí;

(k)an oibleagáid atá ar an eintiteas óstach tuarascáil iniúchóireachta agus sonraí maidir leis an úsáid a baineadh as am rochtana sa bhliain airgeadais roimhe sin a chur isteach chuig an mBord Rialála faoin 31 Eanáir gach bliain;

(l)na coinníollacha sonracha is infheidhme nuair a oibríonn an t‑eintiteas óstach sár‑ríomhaire EuroHPC le húsáid sa tionsclaíocht.

(3)Is ag dlí an Aontais a bheidh an comhaontú óstach á rialú, agus forlíonadh déanta air in aon ní nach bhfuil cumhdaithe ag an Rialachán seo nó ag aon ghníomhartha dlíthiúla eile de chuid an Aontais trí dhlí an Bhallstáit ina bhfuil an t‑eintiteas óstach lonnaithe.

(4)Beidh clásal eadrána sa chomhaontú óstach, de réir bhrí Airteagal 272 de CFAE, ag deonú dlínse ar gach ní a chumhdaítear sa chomhaontú chuig Cúirt Bhreithiúnais an Aontais Eorpaigh.

(5)Tar éis an comhaontú óstach a chur i gcrích, agus gan dochar do mhír 2 den Airteagal seo, seolfaidh an Comhghnóthas, le tacaíocht ón eintiteas óstach a roghnófar, na nósanna imeachta maidir leis an sár‑ríomhaire EuroHPC a fháil i gcomhréir le rialacha airgeadais an Chomhghnóthais dá dtagraítear in Airteagal 17.

(6)I gcás ríomhairí meán‑raoin, tar éis an comhaontú óstach a chur i gcrích, seolfaidh an Comhghnóthas, nó an tEintiteas Óstach thar ceann an dá pháirtí chonarthacha na nósanna imeachta maidir leis an sár‑ríomhaire EuroHPC a fháil i gcomhréir le rialacha airgeadais an Chomhghnóthais dá dtagraítear in Airteagal 17.

Airteagal 10

Fáil agus úinéireacht na sár‑ríomhairí ardleibhéil

(1)Gheobhaidh an Comhghnóthas na sár‑ríomhairí ardleibhéil agus is é a bheidh ina úinéir orthu.

(2)Ranníocaíocht airgeadais an Aontais dá dtagraítear in Airteagal 5(1), cumhdóidh sé suas le 50 % de na costais éadála móide suas le 50 % de chostais oibriúcháin na sár‑ríomhairí ardleibhéil.

Costas iomlán úinéireachta na sár‑ríomhairí ardleibhéil a bheidh fágtha, beidh an costas sin cumhdaithe ag an Stát Rannpháirteach ina bhfuil an t‑eintiteas óstach lonnaithe nó ag na Stáit Rannpháirteacha sa chuibhreannas óstach, agus féadfar é a fhorlíonadh leis na ranníocaíochtaí dá dtagraítear in Airteagal 6.

(3)Tabharfar aghaidh ar shlándáil an tslabhra soláthair tráth a roghnófar soláthróir an tsár‑ríomhaire ardleibhéil.

(4)Gan dochar d’fhoirceannadh an Chomhghnóthais, dá dtagraítear in Airteagal 24(4) de na Reachtanna, cúig bliana ar a thúisce tar éis tástáil inghlacthachta rathúil an Chomhghnóthais ar na sár‑ríomhairí ardleibhéil arna suiteáil in eintiteas óstach, féadfar úinéireacht an tsár‑ríomhaire ardleibhéil a aistriú chuig an eintiteas óstach faoi seach, é a dhíol le heintiteas eile nó a dhíchoimisiúnú ar chinneadh an Bhoird Rialála agus i gcomhréir leis an gcomhaontú óstach. I gcás aistriú na húinéireacht ar sár‑ríomhaire ardleibhéil, aisíocfaidh an t‑eintiteas óstach luach iarmharach an tsár‑ríomhaire a aistrítear leis an gComhghnóthas. Mura ndéantar aon aistriú úinéireachta chuig an eintiteas óstach ach go gcinntear é a dhíchoimisiúnú, roinnfear na costais ábhartha go cothrom idir an Comhghnóthas agus an t‑eintiteas óstach. Ní bheidh dliteanas ar an gComhghnóthas maidir le haon chostais a thabhófar tar éis úinéireacht an tsár‑ríomhaire ardleibhéil a aistriú nó tar éis a dhíolta nó a dhíchoimisiúnaithe.

Airteagal 11

Fáil agus úinéireacht na ríomhairí candamacha agus na n‑ionsamhlóirí candamacha

(1)Gheobhaidh an Comhghnóthas ríomhairí candamacha agus ionsamhlóirí candamacha, a bhféadfadh idir chórais phíolótacha agus chórais thurgnamhacha a bheith i gceist leo nó fréamhshamhlacha agus córais oibriúcháin mar innill aonair nó cinn a bhfuil hibridiú déanta orthu nó innill Ríomhaireachta Ardfheidhmíochta meán‑raoin atá inrochtana tríd an néal, agus is é a bheidh ina úinéir orthu.

(2)Cumhdóidh ranníocaíocht airgeadais an Aontais dá dtagraítear in Airteagal 5(1) suas le 50 % de na costais éadála móide suas le 50 % de chostais oibriúcháin na ríomhairí candamacha agus na n‑ionsamhlóirí candamacha.

Costas iomlán úinéireachta na ríomhairí candamacha agus na n‑ionsamhlóirí candamacha a bheidh fágtha, is costas é a bheidh cumhdaithe ag an Stát Rannpháirteach ina bhfuil an t‑eintiteas óstach lonnaithe nó ag na Stáit Rannpháirteacha sa chuibhreannas óstach, costas a fhéadfar a fhorlíonadh leis na ranníocaíochtaí dá dtagraítear in Airteagal 6.

(3)Tabharfar aghaidh ar shlándáil an tslabhra soláthair tráth a roghnófar soláthróir na ríomhairí candamacha agus na n‑ionsamhlóirí candamacha.

(4)Is in eintiteas óstach sár‑ríomhaire EuroHPC a bheidh na ríomhairí candamacha agus na hionsamhlóirí candamacha lonnaithe, sin nó i lárionad sár‑ríomhaireachta Shraith‑0 a bheidh lonnaithe san Aontas.

(5)Gan dochar d’fhoirceannadh an Chomhghnóthais dá dtagraítear in Airteagal 24(4) de na Reachtanna, ceithre bliana ar a thúisce tar éis tástáil inghlacthachta rathúil an ríomhaire chandamaigh nó an ionsamhlóra chandamaigh arna suiteáil in eintiteas óstach, féadfar úinéireacht an ríomhaire chandamaigh nó an ionsamhlóra chandamaigh a aistriú chuig an eintiteas óstach sin, é a dhíol le heintiteas eile nó a dhíchoimisiúnú ar chinneadh an Bhoird Rialála agus i gcomhréir leis an gcomhaontú óstach. I gcás úinéireacht ríomhaire chandamaigh nó ionsamhlóra chandamaigh a aistriú, aisíocfaidh an t‑eintiteas óstach luach iarmharach an tsár‑ríomhaire a aistrítear leis an gComhghnóthas. Mura ndéantar aon aistriú úinéireachta chuig an eintiteas óstach ach má chinntear é a dhíchoimisiúnú, roinnfear na costais ábhartha go cothrom idir an Comhghnóthas agus an t‑eintiteas óstach. Ní bheidh dliteanas ar an gComhghnóthas maidir le haon chostais a thabhófar tar éis úinéireacht an ríomhaire chandamaigh nó an ionsamhlóra chandamaigh a aistriú nó tar éis a dhíolta nó a dhíchoimisiúnaithe.

Airteagal 12

Fáil agus úinéireacht sár‑ríomhairí EuroHPC de ghrád tionsclaíoch

(1)Gheobhaidh an Comhghnóthas in éineacht leis na Baill Phríobháideacha, nó cuibhreannas comhpháirtithe príobháideacha, sár‑ríomhairí, nó codanna de shár‑ríomhairí EuroHPC, atá ceaptha go príomha le húsáid sa tionscal, agus beidh sé ina úinéir nó ina chomhúinéir orthu leis na Baill Phríobháideacha nó le cuibhreannas comhpháirtithe príobháideacha.

(2)Cumhdóidh ranníocaíocht airgeadais an Aontais dá dtagraítear in Airteagal 5(1) suas le 35 % de chostais éadála na sár‑ríomhairí EuroHPC, nó na codanna de shár‑ríomhairí EuroHPC. Cumhdóidh na Baill Phríobháideacha, nó cuibhreannas comhpháirtithe príobháideacha an costas iomlán úinéireachta a bheidh fágtha de na sár‑ríomhairí EuroHPC, nó codanna de na sár‑ríomhairí EuroHPC.

(3)Tabharfar aghaidh ar shlándáil an tslabhra soláthair tráth a roghnófar soláthróir an tsár‑ríomhaire EuroHPC de ghrád tionsclaíoch.

(4)Sár‑ríomhairí EuroHPC nó codanna den sár‑ríomhaire EuroHPC i gcomhair úsáid thionsclaíoch, is in eintiteas óstach sár‑ríomhaire EuroHPC a bheidh siad á n‑óstáil.

(5)Gan dochar d’fhoirceannadh an Chomhghnóthais, dá dtagraítear in Airteagal 24(4) de na Reachtanna, ceithre bliana ar a thúisce tar éis tástáil inghlacthachta rathúil an Chomhghnóthais ar na sár‑ríomhairí EuroHPC arna suiteáil in eintiteas óstach, féadfar úinéireacht an tsár‑ríomhaire EuroHPC a aistriú chuig na Baill Phríobháideacha nó chuig an gcuibhreannas comhpháirtithe príobháideacha, é a dhíol le heintiteas eile nó a dhíchoimisiúnú ar chinneadh an Bhoird Rialála agus i gcomhréir leis na Baill Phríobháideacha nó leis an gcuibhreannas comhpháirtithe príobháideacha. I gcás úinéireacht sár‑ríomhaire EuroHPC a aistriú, aisíocfaidh na Baill Phríobháideacha nó an cuibhreannas comhpháirtithe príobháideacha luach iarmharach an tsár‑ríomhaire EuroHPC a aistrítear leis an gComhghnóthas. Mura ndéantar aon aistriú úinéireachta chuig na Baill Phríobháideacha nó chuig an gcuibhreannas comhpháirtithe príobháideacha ach go gcinntear é a dhíchoimisiúnú, roinnfear na costais ábhartha go cothrom idir na Baill Phríobháideacha nó an cuibhreannas comhpháirtithe príobháideacha. Ní bheidh dliteanas ar an gComhghnóthas maidir le haon chostais a thabhófar tar éis úinéireacht an tsár‑ríomhaire EuroHPC a aistriú nó tar éis é a dhíol nó a dhíchoimisiúnú.

Airteagal 13

Fáil agus úinéireacht na sár‑ríomhairí meán‑raoin

(1)Gheobhaidh an Comhghnóthas, go comhpháirteach le húdaráis chonarthacha an Stáit Rannpháirtigh ina bhfuil an t‑eintiteas óstach lonnaithe nó le húdaráis chonarthacha na Stát Rannpháirteach sa chuibhreannas óstach, na sár‑ríomhairí meán‑raoin agus beidh sé ina úinéir orthu.

(2)Cumhdóidh ranníocaíocht airgeadais an Aontais dá dtagraítear in Airteagal 5(1) suas le 35 % de chostais éadála na sár‑ríomhairí meán‑raoin. Beidh costas iomlán úinéireachta na sár‑ríomhairí meán‑raoin a bheidh fágtha cumhdaithe ag an Stát Rannpháirteach ina bhfuil an t‑eintiteas óstach lonnaithe nó ag na Stáit Rannpháirteacha sa chuibhreannas óstach, agus féadfar é a fhorlíonadh leis na ranníocaíochtaí dá dtagraítear in Airteagal 6.

(3)Tabharfar aghaidh air le slándáil an tslabhra soláthair tráth a roghnófar soláthróir an tsár‑ríomhaire meán‑raoin.

(4)Gan dochar d’fhoirceannadh an Chomhghnóthais, dá dtagraítear in Airteagal 24(4) de na Reachtanna, déanfar an chuid d’úinéireacht an tsár‑ríomhaire atá faoi úinéireacht an Chomhghnóthais a aistriú chuig an eintiteas óstach tar éis dímheas iomlán a bheith déanta ar an sár‑ríomhaire. Aisíocfaidh an t‑eintiteas óstach luach iarmharach an tsár‑ríomhaire a aistrítear leis an gComhghnóthas. Ní bheidh dliteanas ar an gComhghnóthas maidir le haon chostais a thabhófar tar éis úinéireacht an tsár‑ríomhaire meán‑raoin a aistriú.

Airteagal 14

Sár‑ríomhairí EuroHPC a úsáid

(1)Feadfaidh úsáideoirí as na hearnálacha poiblí agus príobháideacha úsáid a bhaint as sár‑ríomhairí EuroHPC agus díreofar go príomha ar fheidhmchláir shaoránach. Seachas na sár‑ríomhairí EuroHPC de ghrád tionsclaíoch, úsáidfear iad go príomha chun críche taighde agus nuálaíochta a thagann faoi chláir chistiúcháin phoiblí, le haghaidh fheidhmchláir na hearnála poiblí agus le haghaidh gníomhaíochtaí nuálacha príobháideacha FBManna, i gcás inarb iomchuí.

(2)Saineoidh an Bord Rialála na coinníollacha ginearálta rochtana maidir le sár‑ríomhairí EuroHPC a úsáid i gcomhréir le hAirteagal 15 agus féadfaidh sé na coinníollacha sonracha rochtana a shainiú le haghaidh cineálacha difriúla úsáideoirí nó feidhmeanna. Beidh slándáil agus cáilíocht na seirbhíse mar an gcéanna do gach úsáideoir laistigh de gach catagóir úsáideora, ach amháin i gcás na sár‑ríomhairí EuroHPC de ghrád tionsclaíoch, a gcomhlíonfaidh a gcuid slándála agus a gcáilíocht seirbhíse ceanglais tionsclaíochta, i gcomhréir le hAirteagal 12(1) den Rialachán seo.

(3)Maidir le húsáideoirí atá ina gcónaí, bunaithe nó lonnaithe i mBallstát nó i dtír atá comhlachaithe le Fís 2020, deonófar rochtain dóibh ar sciar an Aontais d’am rochtana ar na sár‑ríomhairí a fuair an Comhghnóthas a bunaíodh le Rialachán 2018/1488 ón gComhairle.

(4)Maidir le húsáideoirí atá ina gcónaí, bunaithe nó lonnaithe i mBallstát nó i dtír atá comhlachaithe leis an gClár don Eoraip Dhigiteach nó le Fís Eorpach, deonófar am rochtana dóibh ar shár‑ríomhairí EuroHPC arna bhfáil tar éis 2020.

(5)I gcásanna a bhfuil údar cuí leo, ag cur leasanna an Aontais san áireamh, cinnfidh an Bord Rialála am rochtana ar shár‑ríomhairí EuroHPC a dheonú d’eintitis atá ina gcónaí, bunaithe nó lonnaithe in aon tríú tír agus eagraíochtaí idirnáisiúnta.

Airteagal 15

Am rochtana an Aontais a leithdháileadh ar na sár‑ríomhairí EuroHPC

(1)An sciar d’am rochtana an Aontais ar gach sár‑ríomhaire EuroHPC, is rud é a bheidh i gcomhréir dhíreach le ranníocaíocht airgeadais an Aontais dá dtagraítear in Airteagal 5(1) de chostas iomlán úinéireachta an tsár‑ríomhaire EuroHPC, agus ní bheidh sé níos mó dá bhrí sin ná 50 % d’am rochtana iomlán an tsár‑ríomhaire EuroHPC.

(2)An sciar d’am rochtana an Aontais ar gach sár‑ríomhaire meán‑raoin, is rud é a bheidh i gcomhréir dhíreach le ranníocaíocht airgeadais an Aontais dá dtagraítear in Airteagal 5(1) de chostas éadála an tsár‑ríomhaire agus ní bheidh sé níos mó ná 35 % d’am rochtana iomlán an tsár‑ríomhaire.

(3)An sciar d’am rochtana an Aontais ar gach sár‑ríomhaire EuroHPC de ghrád tionsclaíoch, is rud é a bheidh i gcomhréir dhíreach le ranníocaíocht airgeadais an Aontais dá dtagraítear in Airteagal 5(1) de chostas éadála an tsár‑ríomhaire, agus ní bheidh sé níos mó ná 35 % d’am rochtana iomlán an tsár‑ríomhaire.

(4)Déanfar sciar den am rochtana a bheidh fágtha ar gach sár‑ríomhaire EuroHPC a leithdháileadh ar gach Stát Rannpháirteach ina bhfuil eintiteas óstach bunaithe nó ar gach Stát Rannpháirteach i gcuibhreannas óstach. I gcás cuibhreannas óstach, comhaontóidh na Stáit Rannpháirteacha eatarthu féin an dáileadh ama rochtana don sár‑ríomhaire.

(5)Saineoidh an Bord Rialála na cearta rochtana ar sciar an Aontais d’am rochtana ar na sár‑ríomhairí EuroHPC.

(6)Beidh an úsáid a bhainfear as sciar an Aontais d’am rochtana ar na sár‑ríomhairí EuroHPC saor in aisce do na húsáideoirí ón earnáil phoiblí dá dtagraítear in Airteagal 14(4) den Rialachán seo. Beidh sé saor in aisce freisin d’úsáideoirí tionsclaíochta i gcás feidhmchláir a bhaineann le gníomhaíochtaí taighde agus nuálaíochta arna gcistiú ag Fís Eorpach nó ag an gClár don Eoraip Dhigiteach agus le haghaidh gníomhaíochtaí nuálacha FBManna, i gcás inarb iomchuí. Mar threoirphrionsabal, beidh leithdháileadh ama rochtana do na gníomhaíochtaí sin bunaithe ar phróiseas athbhreithnithe piaraí a bheidh cothrom agus trédhearcach arna shainiú ag an mBord Rialála tar éis glaonna leanúnacha oscailte ar léiriú spéise arna seoladh ag an gComhghnóthas.

(7)Cé is moite d’úsáideoirí FBM a bhíonn ag gabháil do ghníomhaíochtaí nuálacha, glacfaidh úsáideoirí eile le cur chuige oscailte eolaíochta maidir le scaipeadh eolais a fhaightear trí rochtain ar shár‑ríomhairí an Chomhghnóthais, i gcomhréir le hAirteagal xxx den Rialachán maidir le Fís Eorpach. Tabharfaidh an Bord Rialála sainiú breise ar na rialacha eolaíochta oscailte is infheidhmithe.

(8)Saineoidh an Bord Rialála na rialacha sonracha le haghaidh coinníollacha rochtana a imíonn ó na treoirphrionsabail dá dtagraítear i mír 6 den Airteagal seo. Baineann siad sin le sannadh ama rochtana do thionscadail agus gníomhaíochtaí a mheasann an tAontas nó an Bord Rialála gur tionscadail agus gníomhaíochtaí straitéiseacha iad.

(9)Ar iarraidh ón Aontas, deonóidh an Stiúrthóir Feidhmiúcháin rochtain dhíreach ar na sár‑ríomhairí EuroHPC do thionscnaimh is dóigh leis an Aontas a bheith riachtanach chun seirbhísí tacaíochta a bhaineann le sláinte nó seirbhísí tacaíochtaí éigeandála criticiúla eile a sholáthar ar mhaithe le leas an phobail, ar chásanna éigeandála agus bainistithe géarchéime nó ar chásanna is dóigh leis an Aontas a bheith riachtanach dá shlándáil agus dá chosaint. Saineofar na modhanna agus na coinníollacha maidir le rochtain den sórt sin a chur chun feidhme sna coinníollacha rochtana arna nglacadh ag an mBord Rialála.

(10)Saineoidh an Bord Rialála na coinníollacha a mbeidh feidhm leo d’úsáid thionsclaíoch chun rochtain a sholáthar ar acmhainní slána Ríomhaireachta Ardfheidhmíochta agus sonraí d’fheidhmchláir seachas iad sin a shonraítear i mír 6 den Airteagal seo.

(11)Déanfaidh an Bord Rialála faireachán rialta ar am rochtana an Aontais a dheonófar in aghaidh an Stáit Rannpháirtigh agus in aghaidh gach catagóire úsáideora, lena n‑áirítear chun tráchtála. Féadfaidh sé cinneadh a dhéanamh chun:

(a)amanna rochtana a chur in oiriúint in athuair de réir na catagóire gníomhaíochta nó úsáideora, agus é mar aidhm cumais úsáide na sár‑ríomhairí EuroHPC a fheabhsú;

(b)bearta breise tacaíochta a mholadh d’fhonn deiseanna cothroma rochtana a sholáthar d’úsáideoirí a mbeadh sé d’aidhm acu a leibhéal scileanna agus saineolais i gcórais Ríomhaireachta Ardfheidhmíochta a ardú.

Airteagal 16

Am rochtana an Aontais ar shár‑ríomhairí EuroHPC chun tráchtála

(1)Beidh feidhm ag coinníollacha sonracha maidir le gach úsáideoir thionsclaíoch chun críocha tráchtála. Is seirbhís íoc in aghaidh na húsáide a bheidh sa tseirbhís seo ar úsáid tráchtála, í bunaithe ar phraghsanna an mhargaidh. Is é an Bord Rialála a leagfaidh síos leibhéal na táille.

(2)Cuimseofar sna táillí a ghinfear de bharr úsáid tráchtála am rochtana an Aontais ioncam do bhuiséad an Chomhghnóthais, agus úsáidfear é chun costais oibriúcháin an Chomhghnóthais a chumhdach.

(3)Ní bheidh an t‑am rochtana a leithdháilfear ar sheirbhísí tráchtála níos mó ná 20 % d’am rochtana iomlán an Aontais ar gach sár‑ríomhaire EuroHPC. Déanfaidh an Bord Rialála cinneadh maidir le leithdháileadh ama rochtana an Aontais d’úsáideoirí seirbhísí tráchtála, agus cuirfear toradh an fhaireacháin dá dtagraítear in Airteagal 15(10) san áireamh.

(4)Beidh cáilíocht na seirbhísí tráchtála mar an gcéanna i gcás na n‑úsáideoirí uile.

Airteagal 17

Rialacha airgeadais

(1)Glacfaidh an Comhghnóthas a rialacha airgeadais sonracha i gcomhréir le hAirteagal 71 de Rialachán (AE, Euratom) 2018/1046.

(2)Foilseofar na rialacha airgeadais ar shuíomh gréasáin an Chomhghnóthais.

Airteagal 18

Foireann

(1)Maidir le Rialacháin Foirne Oifigigh an Aontais Eorpaigh agus Coinníollacha Fostaíochta Sheirbhísigh eile an Aontais Eorpaigh a leagtar síos i Rialachán (CEE, Euratom, CEGC) Uimh. 259/68 ón gComhairle 22 (‘Rialacháin Foirne’ agus ‘Coinníollacha Fostaíochta’) agus sna rialacha a ghlac institiúidí an Aontais go comhpháirteach chun na Rialacháin Foirne agus na Coinníollacha Fostaíochta sin a chur i bhfeidhm, ba cheart go mbeadh feidhm acu maidir le foireann an Chomhghnóthais.

(2)Déanfaidh an Bord Rialála, maidir le foireann an Chomhghnóthais, na cumhachtaí a fheidhmiú a thugtar don Údarás Ceapacháin leis na Rialacháin Foirne agus leis na Coinníollacha Fostaíochta don Údarás atá cumhachtaithe chun conarthaí fostaíochta a thabhairt chun críche (‘cumhachtaí an údaráis cheapacháin’).

(3)Glacfaidh an Bord Rialála, i gcomhréir le hAirteagal 110 de na Rialacháin Foirne, cinneadh bunaithe ar Airteagal 2(1) de na Rialacháin Foirne agus ar Airteagal 6 de na Coinníollacha Fostaíochta, lena dtarmligfear cumhachtaí ábhartha an údaráis ceapacháin chuig an Stiúrthóir Feidhmiúcháin agus lena saineofar na coinníollacha faoinar féidir an tarmligean sin a chur ar fionraí. Beidh an Stiúrthóir Feidhmiúcháin údaraithe na cumhachtaí sin a fho‑tharmligean.

(4)I gcás inar gá é mar gheall ar imthosca eisceachtúla, féadfaidh an Bord Rialála cinneadh a dhéanamh tarmligean chumhachtaí an údaráis ceapacháin chuig an Stiúrthóir Feidhmiúcháin a chur ar fionraí go sealadach agus aon fho‑tharmligean ina dhiaidh sin a dhéanfaidh an Stiúrthóir Feidhmiúcháin ar na cumhachtaí sin. Sna cásanna sin, feidhmeoidh an Bord Rialála cumhachtaí an údaráis ceapacháin é féin nó tarmligfidh sé iad chuig duine dá chomhaltaí nó chuig ball foirne de chuid an Chomhghnóthais seachas an Stiúrthóir Feidhmiúcháin.

(5)Glacfaidh an Bord Rialála rialacha iomchuí cur chun feidhme le héifeacht a thabhairt do na Rialacháin Foirne agus do na Coinníollacha Fostaíochta i gcomhréir le hAirteagal 110 de na Rialacháin Foirne.

(6)Leagfar na hacmhainní foirne amach i bplean bunaithe foirne an Chomhghnóthais, plean ina dtugtar le fios líon na bpost sealadach de réir an ghrúpa feidhme agus de réir gráid, chomh maith le líon na foirne ar conradh arna gcur in iúl i gcoibhéisí lánaimseartha, i gcomhréir lena bhuiséad bliantúil.

(7)Beidh foireann shealadach agus foireann ar conradh ag obair don Chomhghnóthas.

(8)Is é an Comhghnóthas a íocfaidh na costais go léir a bhaineann leis an bhfoireann.

Airteagal 19

Saineolaithe náisiúnta ar iasacht agus oiliúnaithe

(1)Féadfaidh an Comhghnóthas úsáid a bhaint as saineolaithe náisiúnta ar iasacht agus oiliúnaithe nach bhfuil fostaithe ag an gComhghnóthas. Cuirfear líon na saineolaithe náisiúnta ar iasacht arna chur in iúl ina choibhéisí lánaimseartha leis an bhfaisnéis maidir le hacmhainní foirne dá dtagraítear in Airteagal 18(4) i gcomhréir leis an mbuiséad bliantúil.

(2)Glacfaidh an Bord Rialála le cinneadh ina leagfar síos rialacha maidir le saineolaithe náisiúnta a thabhairt ar iasacht don Chomhghnóthas agus maidir le húsáid a bhaint as oiliúnaithe.

Airteagal 20

Pribhléidí agus Díolúintí

Beidh feidhm ag Prótacal Uimh. 7 maidir le pribhléidí agus díolúintí an Aontais Eorpaigh, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, maidir leis an gComhghnóthas agus foireann an Chomhghnóthais.

Airteagal 21

Dliteanas an Chomhghnóthais

(1)Rialófar dliteanas conarthach an Chomhghnóthais trí na forálacha conarthachta ábhartha agus tríd an dlí is infheidhme maidir leis an gcomhaontú, maidir leis an gcinneadh nó maidir leis an gconradh i dtrácht.

(2)I gcás dliteanais neamhchonarthaigh, déanfaidh an Comhghnóthas, i gcomhréir leis na prionsabail ghinearálta is coiteann do dhlíthe na mBallstát, aon damáiste arb é a fhoireann féin is cúis leis i bhfeidhmiú a gcuid feidhmeanna a shlánú.

(3)Measfar gur caiteachas de chuid an Chomhghnóthais aon íocaíocht a dhéanfaidh an Comhghnóthas maidir leis an dliteanas dá dtagraítear i mír 1 agus i mír 2, agus maidir leis na costais agus na speansais a tabhaíodh i dtaca leis sin, agus cumhdófar iad ina chuid acmhainní féin.

(4)Ní bheidh freagrach as comhlíonadh a chuid oibleagáidí féin ach an Comhghnóthas amháin.

(5)Ní bheidh an Comhghnóthas faoi dhliteanas i leith aon damáiste a dhéanfar de bharr ghníomhaíochtaí an eintitis óstaigh maidir le hoibriú na sár‑ríomhairí a bhí faoina úinéireacht ag an eintiteas óstach.

Airteagal 22

Faireachán agus meastóireacht

(1)Beidh gníomhaíochtaí an Chomhghnóthais faoi réir faireachán leanúnach agus athbhreithnithe tréimhsiúla i gcomhréir lena chuid rialacha airgeadais, d’fhonn an tionchar agus an feabhas is mó a áirithiú, chomh maith leis an úsáid is éifeachtúla acmhainní. Cuirfear torthaí an fhaireacháin agus na n‑athbhreithnithe tréimhsiúla leis na meastóireachtaí ar an gComhghnóthas mar chuid de na meastóireachtaí in Fís Eorpach.

(2)Eagróidh an Comhghnóthas faireachán leanúnach ar a ghníomhaíochtaí bainistíochta agus ar athbhreithnithe tréimhsiúla ar aschuir, torthaí agus tionchair na dtionscadal a chuirfear chun feidhme ag teacht le hAirteagal 45 agus Iarscríbhinn III de Rialachán (AE) Uimh. xxx lena mbunaítear Fís Eorpach.

(3)Cuirfear meastóireachtaí ar oibríochtaí na gComhghnóthas i gcrích go caoithiúil chun fónamh do na meastóireachtaí eatramhacha agus deiridh foriomlána in Fís Eorpach agus don phróiseas cinnteoireachta gaolmhar mar a shonraítear in Airteagal 47 de Rialachán (AE) Uimh. xxx lena mbunaítear Fís Eorpach.

(4)Déanfaidh an Coimisiún meastóireacht eatramhach ar gach Comhghnóthas mar chuid de mheastóireacht eatramhach Fís Eorpach, mar a shonraítear in Airteagal 47 de Rialachán (AE) Uimh. xxx lena mbunaítear Fís Eorpach. Cuirfear an mheastóireacht sin i gcrích le cúnamh ó shaineolaithe neamhspleácha de phróiseas trédhearcach a thúisce a bheidh ár ndóthain faisnéise againn faoi chur chun feidhme Fís Eorpach, ach tráth nach déanaí ná ceithre bliana tar éis tús a chur le cur chun feidhme Fís Eorpach. Déanfar imscrúdú sna meastóireachtaí ar conas a chomhlíonann an Comhghnóthas a mhisean de réir a chuspóirí eacnamaíocha, teicneolaíochta, eolaíochta, sochaíocha agus beartais, lena n‑áirítear cuspóirí a bhaineann leis an aeráid, agus déanfar meastóireacht ar éifeachtacht, éifeachtúlacht, ábharthacht, comhleanúnachas, agus breisluach an Aontais dá chuid gníomhaíochtaí mar chuid de Fís Eorpach, a chuid sineirgí agus comhlántachtaí le tionscnaimh ábhartha Eorpacha, náisiúnta agus, i gcás inarb ábhartha, réigiúnacha, lena n‑áirítear sineirgí le codanna eile de Fís Eorpach (amhail misin, braislí nó cláir théamacha/shonracha). Beidh aird ar leith ar an tionchar a baineadh amach ar leibhéal an Aontais agus go náisiúnta, agus comhpháirt na sineirgí agus athúsáide beartais á gcur san áireamh. Áireofar leis na meastóireachtaí freisin, i gcás inarb ábhartha, measúnú ar thionchar fadtéarmach an Chomhghnóthais ó thaobh na heolaíochta, na sochaí, an gheilleagair atá ábhartha do bheartas agus áireofar leis measúnú ar an modh idirghabhála beartais is éifeachtaí le haghaidh aon ghnímh sa todhchaí, chomh maith le haon athnuachan a fhéadfar a dhéanamh ar an gComhghnóthas a shuíomh i dtírdhreach foriomlán na gComhpháirtíochtaí Eorpacha agus a chuid tosaíochtaí beartais.

(5)Ar bhonn chonclúidí na meastóireachta eatramhaí dá dtagraítear i mír 1 den Airteagal seo, féadfaidh an Coimisiún gníomhú i gcomhréir le hAirteagal 7(7) nó féadfaidh sé aon ghníomh iomchuí eile a dhéanamh.

(6)Féadfaidh an Coimisiún meastóireachtaí breise a dhéanamh ar théamaí nó ar topaicí atá ábhartha go straitéiseach, le cúnamh ó shaineolaithe neamhspleácha ar de phróiseas trédhearcach, chun scrúdú a dhéanamh ar an dul chun cinn a rinne an Comhghnóthas i dtreo na gcuspóirí a leagadh síos, agus na tosca a rannchuidíonn le cur chun feidhme na ngníomhaíochtaí a shainaithint agus dea‑chleachtais a shainaithint freisin. Ach na meastóireachtaí breise sin a dhéanamh, déanfaidh an Coimisiún a mhachnamh iomlán ar thionchar riaracháin an Chomhghnóthais.

(7)Déanfaidh an Comhghnóthas athbhreithnithe tréimhsiúla ar a chuid gníomhaíochtaí chun treoir a thabhairt do na meastóireachtaí eatramhacha agus deiridh ar an gComhghnóthas mar chuid de na meastóireachtaí in Fís Eorpach dá dtagraítear in Airteagal 47 de Rialachán (AE) Uimh. xxx lena mbunaítear Fís Eorpach.

(8)Tabharfaidh na hathbhreithnithe tréimhsiúla agus na meastóireachtaí eolas d’fhoirceannadh nó d’athnuachan féideartha an Chomhghnóthais, ag teacht le hIarscríbhinn III de Rialachán (AE) Uimh. xxx lena mbunaítear Fís Eorpach. Laistigh de sé mhí ó fhoirceannadh an Chomhghnóthais, ach tráth nach déanaí ná dhá bhliain tar éis an nós imeachta foirceanta dá dtagraítear in Airteagal 24 de na Reachtanna a thruicearú, cuirfidh an Coimisiún meastóireacht deiridh i gcrích maidir leis an gComhghnóthas. Cuirfear torthaí na meastóireachta deiridh sin faoi bhráid Pharlaimint na hEorpa agus na Comhairle.

(9)Déanfaidh an Coimisiún torthaí na meastóireachtaí ar an gComhghnóthas, ina n‑áireofar conclúidí na meastóireachta agus breathnóireachtaí an Choimisiúin, a chur in iúl do Pharlaimint na hEorpa, don Chomhairle, do Choiste Eacnamaíoch agus Sóisialta na hEorpa agus do Choiste na Réigiún mar chuid de na meastóireachtaí in Fís Eorpach dá dtagraítear in Airteagal 47 de Rialachán (AE) Uimh. xxx lena mbunaítear Fís Eorpach.

Airteagal 23

Dlínse Chúirt Bhreithiúnais an Aontais Eorpaigh agus an dlí is infheidhme

(1)Beidh dlínse ag Cúirt Bhreithiúnais an Aontais Eorpaigh:

(a)de bhun aon chlásal eadrána atá i gcomhaontuithe nó i gconarthaí arna gcur i gcrích ag an gComhghnóthas, nó ina chuid cinntí;

(b)i ndíospóidí a bhaineann le cúiteamh de bharr damáiste a rinne foireann an Chomhghnóthais i gcomhlíonadh a gcuid dualgas;

(c)in aon díospóid idir an Comhghnóthas agus a fhoireann laistigh de theorainneacha agus faoi na coinníollacha a leagtar síos sna Rialacháin Foirne nó sna Coinníollacha Fostaíochta.

(2)Maidir le haon ábhar nach bhfuil cumhdaithe leis an Rialachán seo nó le haon ghníomhartha dlíthiúla eile an Aontais, beidh feidhm ag dlí an Bhallstáit ina bhfuil suíochán an Chomhghnóthais lonnaithe.

Airteagal 24

Gearáin leis an Ombudsman

D’fhéadfadh cinntí a ghlacann an Comhghnóthas maidir leis an Rialachán seo a chur chun feidhme a bheith ina ábhar gearáin leis an Ombudsman i gcomhréir le hAirteagal 228 den Chonradh ar Fheidhmiú an Aontais Eorpaigh. 

Airteagal 25

Iniúchóireacht ex‑post

(1)Déanfar iniúchóireacht ex‑post ar ghníomhaíochtaí arna gcistiú ag an mbuiséad do Fís Eorpach i gcomhréir le hAirteagal 48 de Rialachán (AE) Uimh. xxx lena mbunaítear Fís Eorpach mar chuid de na gníomhaíochtaí indíreacha in Fís Eorpach, go háirithe ag teacht leis an straitéis iniúchóireachta dá dtagraítear in Airteagal 48(2) den Rialachán sin.

(2)Déanfaidh an Comhghnóthas na hiniúchóireachta ex‑post maidir le caiteachas ar ghníomhaíochtaí arna gcistiú ag an mbuiséad don Eoraip Dhigiteach i gcomhréir le hAirteagal xxx de Rialachán (AE) Uimh. xxx lena mbunaítear an Clár don Eoraip Dhigiteach.

(3)Déanfaidh an Comhghnóthas na hiniúchóireachta ex‑post maidir le caiteachas ar ghníomhaíochtaí arna gcistiú ag an mbuiséad don tSaoráid um Chónascadh na hEorpa i gcomhréir le hAirteagal xxx de Rialachán (AE) Uimh. xxx lena mbunaítear an tSaoráid um Chónascadh na hEorpa mar chuid de ghníomhaíochtaí na Saoráide um Chónascadh na hEorpa.

Airteagal 26

Leasanna airgeadais na mball a chosaint

(1)Deonóidh an Comhghnóthas rochtain d’fhoireann an Choimisiúin agus do dhaoine eile atá údaraithe ag an gComhghnóthas nó ag an gCoimisiún faoi seach, chomh maith leis an gCúirt Iniúchóirí, ar a chuid láithreán agus áitreabh go léir agus ar an bhfaisnéis go léir, lena n‑áirítear faisnéis i bhformáid leictreonach, a theastóidh uathu chun a gcuid iniúchóireachta a dhéanamh. 

(2)Féadfaidh an Oifig Eorpach Frith‑Chalaoise (OLAF) agus Oifig an Ionchúisitheora Phoiblí Eorpaigh (EPPO) imscrúduithe a dhéanamh, lena n‑áirítear seiceálacha agus cigireachtaí ar an láthair, i gcomhréir leis na forálacha agus na nósanna imeachta a leagtar síos i Rialachán (Euratom, CE) Uimh. 2185/96 ón gComhairle 23 agus Rialachán (CE, Euratom) Uimh. 883/2013 ó Pharlaimint na hEorpa agus ón gComhairle 24 agus d’fhonn a shuí ar tharla calaois, éilliú nó aon ghníomhaíocht neamhdhleathach eile a dhéanann difear do leasanna airgeadais an Aontais i ndáil le comhaontú, nó le cinneadh nó conradh a mhaoinítear faoin Rialachán seo. 

(3)Gan dochar do mhír 1 ná do mhír 2, beidh forálacha sna comhaontuithe, sna cinntí agus sna conarthaí a eascróidh ón Rialachán seo a chur chun feidhme, lena dtabharfar an chumhacht go sainráite don Choimisiún, don Chomhghnóthas faoi seach, don Chúirt Iniúchóirí, do EPPO agus do OLAF na hiniúchtaí, seiceálacha ar an láthair agus cigireachtaí sin a dhéanamh i gcomhréir lena gcuid inniúlachtaí faoi seach.

(4)Áiritheoidh an Comhghnóthas go dtabharfar cosaint leordhóthanach do leasanna airgeadais a chuid comhaltaí trí rialuithe inmheánacha agus seachtracha iomchuí a chur i gcrích nó trína gcoimisiúnú.

(5)Aontóidh an Comhghnóthas do Chomhaontú Idirinstitiúideach an 25 Bealtaine 1999 idir Parlaimint na hEorpa, an Chomhairle agus an Coimisiún maidir le himscrúduithe inmheánacha arna seoladh ag an Oifig Eorpach Frith‑Chalaoise (OLAF) 25 . Glacfaidh an Comhghnóthas na bearta riachtanacha is gá chun imscrúduithe inmheánacha a chuirfidh OLAF i gcrích a éascú.

Airteagal 27

Rúndacht

Áiritheoidh an Comhghnóthas go dtabharfar cosaint d’fhaisnéis íogair a bhféadfadh a nochtadh sin damáiste a dhéanamh do leasanna a cuid ball nó do na rannpháirtithe i ngníomhaíocht an Chomhghnóthais.

Airteagal 28

Trédhearcacht

Beidh feidhm ag Rialachán (CE) Uimh. 1049/2001 ó Pharlaimint na hEorpa agus ón gComhairle 26 maidir le doiciméid atá i seilbh an Chomhghnóthais.

Airteagal 29

Próiseáil sonraí pearsanta

I gcás ina n‑éilítear le cur chun feidhme an Rialacháin seo go ndéanfaí sonraí pearsanta a phróiseáil, déanfar iad a phróiseáil i gcomhréir le Rialachán (AE) 2018/1725 ó Pharlaimint na hEorpa agus ón gComhairle 27 .

Airteagal 30

Rochtain ar thorthaí agus faisnéis maidir le tograí

(1)Tabharfaidh an Comhghnóthas rochtain d’institiúidí an Aontais agus do chomhlachtaí, oifigí agus do ghníomhaireachtaí an Aontais ar an bhfaisnéis go léir a bhaineann leis na gníomhaíochtaí indíreacha a bhíonn á gcistiú aige. Áireofar san fhaisnéis sin torthaí na dtairbhithe a bheidh rannpháirteach i ngníomhaíochtaí indíreacha an Chomhghnóthais nó aon fhaisnéis eile a mheastar is gá chun beartais nó cláir an Aontais a fhorbairt, a chur chun feidhme, a fhaire agus a mheas. Tá cearta rochtana den sórt sin teoranta d’úsáid neamhthráchtála agus neamhiomaíoch agus comhlíonfaidh siad na rialacha rúndachta is infheidhme.

(2)Chun críocha beartais nó cláir an Aontais a fhorbairt, a chur chun feidhme, a fhaire agus a mheas, soláthróidh an Comhghnóthas faisnéis don Choimisiún Eorpach a áirítear i dtograí a chuirtear isteach.

Airteagal 31

Rialacha maidir le rannpháirtíocht agus leathadh infheidhme maidir le gníomhaíochtaí indíreacha arna gcistiú faoi Fís Eorpach

Beidh feidhm ag Rialachán (AE) Uimh. xxx lena mbunaítear Fís Eorpach maidir leis na gníomhaíochtaí indíreacha arna gcistiú ag an gComhghnóthas faoi Fís Eorpach. I gcomhréir leis an Rialachán sin, measfar gur comhlacht cistiúcháin é an Comhghnóthas agus tabharfaidh sé tacaíocht airgeadais do ghníomhaíochtaí indíreacha mar a leagtar amach in Airteagal 1 de na Reachtanna.

Beidh feidhm freisin ag Rialachán (AE) Uimh. xxx lena mbunaítear Fís Eorpach maidir leis na gníomhaíochtaí indíreacha a bheidh dá gcistiú ag ranníocaíochtaí an Stáit Rannpháirtigh dá dtagraítear i bpointe (f) d’Airteagal 15(3) de na Reachtanna.

Airteagal 32

Rialacha is infheidhme maidir leis na gníomhaíochtaí arna gcistiú faoin tSaoráid um Chónascadh na hEorpa

Beidh feidhm ag Rialachán (AE) Uimh. xxx lena mbunaítear an tSaoráid um Chónascadh na hEorpa maidir leis na gníomhaíochtaí arna gcistiú ag an gComhghnóthas faoin tSaoráid um Chónascadh na hEorpa.

Airteagal 33

Rialacha is infheidhme maidir leis na gníomhaíochtaí arna gcistiú faoin gClár don Eoraip Dhigiteach

Beidh feidhm ag Rialachán (AE) Uimh. xxx lena mbunaítear an Clár don Eoraip Dhigiteach maidir leis na gníomhaíochtaí arna gcistiú ag an gComhghnóthas faoin gClár don Eoraip Dhigiteach.

Airteagal 34

Tacaíocht ón mBallstát aíochta

Féadfar comhaontú riaracháin a chur i gcrích idir an Comhghnóthas agus an Ballstát ina bhfuil a shuíochán lonnaithe maidir le pribhléidí agus díolúintí agus tacaíocht eile a chuirfidh an Stát sin ar fáil don Chomhghnóthas.

Airteagal 35

Aisghairm

(1)Gan dochar do na gníomhaíochtaí arna dtionscnamh faoi Rialachán (AE) Uimh. 2018/1488 lena n‑áirítear pleananna bliantúla cur chun feidhme agus oibleagáidí airgeadais a bhaineann leis na gníomhaíochtaí sin, déantar Rialachán (AE) Uimh. 2018/1488 a aisghairm leis seo.

Maidir leis na gníomhaíochtaí arna dtionscnamh faoi Airteagail 10, 11, 13 agus 14 de Rialachán (AE) Uimh. 2018/1488, chomh maith le hAirteagal 6 agus Airteagal 7 de na Reachtanna atá i gceangal leis an Rialachán sin, leanfar dá gcur i bhfeidhm a mhéid is gá go dtí go mbeidh siad tugtha chun críche.

Gníomhaíochtaí a eascraíonn ó ghlao ar thograí agus ó ghlao ar thairiscintí dá bhforáiltear i bpleananna bliantúla cur chun feidhme arna nglacadh faoi Rialachán (CE) Uimh. 2018/1488, is mar ghníomhaíochtaí a tionscnaíodh faoin Rialachán sin a dhéanfar iad a mheas.

(2)Tuigfear gurb ionann gach tagairt a dhéanfar do Rialachán (AE) Uimh. 2018/1488 mar thagairtí don Rialachán seo.

Airteagal 36

Forálacha idirthréimhseacha

(1)Ní dhéanfaidh an Rialachán seo difear do chearta agus d’oibleagáidí na foirne atá fostaithe faoi Rialachán (CE) Uimh. 2018/1488.

(2)Chuige sin leanfar de chonarthaí fostaíochta na foirne faoin Rialachán seo i gcomhréir leis na Rialacháin Foirne agus leis na Coinníollacha Fostaíochta.

(3)Ar feadh na tréimhse atá fanta den téarma oifige, sannfar an Stiúrthóir Feidhmiúcháin arna cheapadh faoi Rialachán (AE) Uimh. 2018/1488 d’fheidhmeanna an Stiúrthóra Feidhmiúcháin dá bhforáiltear sa Rialachán seo le héifeacht ó theacht i bhfeidhm an Rialacháin seo. Ní thiocfaidh aon athrú ar choinníollacha eile an chonartha.

(4)Mura gcomhaontaítear a mhalairt idir na comhaltaí, déanfar na cearta agus na hoibleagáidí go léir lena n‑áirítear sócmhainní, fiachais nó dliteanais na gcomhaltaí arna sealbhú de bhun Rialachán (AE) Uimh. 2018/1488 a aistriú chuig na comhaltaí de bhun an Rialacháin seo.

(5)Sa chéad chruinniú a bhí aige tar éis theacht i bhfeidhm don Rialachán seo, glacfaidh Bord Rialála an Chomhghnóthais liosta cinntí a glacadh faoi Rialachán (AE) Uimh. 2018/1488 a mbeidh feidhm leo fós faoin Rialachán seo. Déanfar aon leithreasuithe nár úsáideadh faoi Rialachán 2018/1488 a aistriú chuig an gComhghnóthas Ríomhaireachta Ardfheidhmíochta Eorpach arna bhunú faoin Rialachán seo.

(6)Déanfar na cearta agus na hoibleagáidí go léir lena n‑áirítear sócmhainní, fiachais nó dliteanais an Chomhghnóthais agus aon leithreasuithe nár úsáideadh faoi Rialachán (AE) Uimh. 2018/1488 a aistriú chuig an gComhghnóthas Ríomhaireachta Ardfheidhmíochta Eorpach faoin Rialachán seo.

Airteagal 37

Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

(1)    Rialachán (AE) 2018/1488 ón gComhairle maidir leis an gComhghnóthas Ríomhaireachta Ardfheidhmíochta Eorpach a bhunú

(2)    Féach an brollach, roinn 12. ‘Ba cheart an Comhghnóthas a bhunú agus ba cheart dó tosú ag feidhmiú faoi thús 2019 ar a dhéanaí chun an sprioc maidir leis an Aontas a fheistiú le bonneagar réamh‑eacsascálaithe faoi 2020, agus na teicneolaíochtaí agus na feidhmchláir a fhorbairt atá riachtanach chun cumais eacsascálaithe a bhaint amach timpeall ar 2023 go dtí 2025.’

(3)    SWD(2018) 6 final

(4)    COM(2018) 434 final, SEC(2018) 289 final, SWD(2018) 306 final

(5)    Is iad seo a leanas na Stáit Rannpháirteacha i socrú reatha an Chomhghnóthais Ríomhaireachta Ardfheidhmíochta Eorpaigh: An Bheilg, an Bhulgáir, an Chipir, an Chróit, an Danmhairg, an Eastóin, an Eilvéis, Éire, an Fhionlainn, an Fhrainc, an Ghearmáin, an Ghréig, an Iodáil, an Iorua, an Íoslainn, an Ísiltír, an Laitvia, an Liotuáin, Lucsamburg, an Mhacadóin Thuaidh, Montainéagró, an Ostair, an Pholainn, an Phortaingéil, Poblacht na Seice, an Rómáin, an tSlóivéin, an tSlóvaic, an Spáinn, an tSualainn, an Tuirc, agus an Ungáir.

(6)     https://eurohpc‑ju.europa.eu/documents/EuroHPC_RIAG_Strategic_Agenda_2019.pdf  

(7)     https://eurohpc‑ju.europa.eu/documents/EuroHPC_INFRAG_Multiannual_Strategic_Agenda_2019.pdf  

(8)     https://www.etp4hpc.eu/pujades/files/ETP4HPC_SRA4_2020_web(1).pdf  

(9)    COM/2020/66 final

(10)    Féach n. Error! Bookmark not defined. thuas.

(11)    Féach n. Error! Bookmark not defined. thuas.

(12)    COM/2020/456 final

(13)    COM(2018) 434 final, SEC(2018) 289 final, SWD(2018) 306 final

(14)     https://www.etp4hpc.eu/sra‑020.html  

(15)    […]

(16)    […]

(17)    […]

(18)    […]

(19)    Rialachán (AE) Uimh. 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n‑aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1).

(20)    Treoir 2002/58/CE ó Pharlaimint na hEorpa agus ón gComhairle an 12 Iúil 2002 maidir le sonraí pearsanta a phróiseáil agus maidir le príobháideachas a chosaint san earnáil cumarsáide leictreonaí (an Treoir um príobháideachas agus cumarsáid leictreonach) (IO L 201, 31.7.2002, lch. 37).

(21)    Treoir (AE) 2016/943 ó Pharlaimint na hEorpa agus ón gComhairle an 8 Meitheamh 2016 maidir le fios gnó agus faisnéis ghnó gan nochtadh (rúin trádála) a chosaint ar fháil, ar úsáid agus ar nochtadh neamhdhleathach (IO L 157, 15.6.2016, lch. 1).

(22)    Rialachán (CEE, Euratom, CEGC) Uimh. 259/68 ón gComhairle an 29 Feabhra 1968 lena leagtar síos Rialacháin Foirne Oifigigh na gComhphobal Eorpach agus Coinníollacha Fostaíochta Sheirbhísigh eile na gComhphobal Eorpach agus lena dtionscnaítear bearta speisialta is infheidhme ar bhonn sealadach maidir le hoifigigh an Choimisiúin (IO L 56, 4.3.1968, lch. 1).

(23)    Rialachán (Euratom, CE) Uimh. 2185/96 ón gComhairle an 11 Samhain 1996 maidir le rialuithe ar an láthair agus cigireachtaí arna ndéanamh ag an gCoimisiún d’fhonn cosaint a thabhairt do leasanna airgeadais na gComhphobal Eorpach i gcoinne calaoise agus neamhrialtachtaí eile (IO L 292, 15.11.1996, lch. 2).

(24)    Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith‑Chalaoise (OLAF) agus lena n‑aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1).

(25)    IO L 136, 31.5.1999, lch. 15.

(26)    Rialachán (CE) Uimh. 1049/2001 ó Pharlaimint na hEorpa agus ón gComhairle an 30 Bealtaine 2001 maidir le rochtain phoiblí ar dhoiciméid ó Pharlaimint na hEorpa, ón gComhairle agus ón gCoimisiún (IO L 145, 31.5.2001, lch. 43).

(27)    Rialachán (AE) 2018/1725 ó Pharlaimint na hEorpa agus ón gComhairle an 23 Deireadh Fómhair 2018 maidir le daoine nádúrtha a chosaint i ndáil le sonraí pearsanta a phróiseáil ag institiúidí, comhlachtaí, oifigí agus gníomhaireachtaí an Aontais agus maidir le saorghluaiseacht sonraí den sórt sin, agus lena n‑aisghairtear Rialachán (CE) Uimh. 45/2001 agus Cinneadh Uimh. 1247/2002/CE (IO L 295, 21.11.2018, lch. 39).

AN COIMISIÚN EORPACH

An Bhruiséil,18.9.2020

COM(2020) 569 final

IARSCRÍBHINN

a ghabhann leis an

Togra le haghaidh Rialachán ón gComhairle

maidir leis an gComhghnóthas Ríomhaireachta Ardfheidhmíochta Eorpach a bhunú

{SWD(2020) 179 final}

REACHTANNA AN CHOMHGHNÓTHAIS RÍOMHAIREACHTA ARDFHEIDHMÍOCHTA EORPAIGH

Airteagal 1

Cúraimí

Déanfaidh an Comhghnóthas na cúraimí seo a leanas a chur de:

(a)cistí ón earnáil phoiblí agus ón earnáil phríobháideach a shlógadh chun gníomhaíochtaí an Chomhghnóthais a mhaoiniú;

(b)tacú le cur chun feidhme mhisean, chuspóirí agus cholúin ghníomhaíochtaí an Chomhghnóthais a liostaítear in Airteagal 3 agus in Airteagal 4 den Rialachán seo. Déanfar na gníomhaíochtaí sin a chistiú as buiséad an Aontais a eascraíonn as Rialachán (AE) xxx lena mbunaítear Fís Eorpach, Rialachán (AE) xxx lena mbunaítear an Clár don Eoraip Dhigiteach agus Rialachán (AE) xxx lena mbunaítear an tSaoráid um Chónascadh na hEorpa i gcomhréir le raon feidhme a Rialachán faoi seach agus ranníocaíochtaí ó na Stáit Rannpháirteacha ábhartha leis an gComhghnóthas; chun na críche seo, seolfaidh an Comhghnóthas glao ar thograí, glao ar thairiscintí, agus aon ionstraim nó nós imeachta eile dá bhforáiltear in Fís Eorpach, an Clár don Eoraip Dhigiteach agus an tSaoráid um Chónascadh na hEorpa;

(c)tús a chur le glaonna ar léiriú spéise chun sár-ríomhairí EuroHPC a óstáil agus iad a bhainistiú agus measúnú a dhéanamh ar na tairiscintí a fhaightear, le tacaíocht ó shaineolaithe seachtracha neamhspleácha;

(d)eintiteas óstach na sár-ríomhairí EuroHPC a roghnú ar bhealach cothrom, oscailte agus trédhearcach, i gcomhréir le hAirteagal 8 den Rialachán seo;

(e)comhaontú óstála a chur i gcrích i gcomhréir le hAirteagal 9 den Rialachán seo leis an eintiteas óstach chun sár-ríomhairí EuroHPC a oibriú agus a chothabháil agus an comhlíonadh conarthach leis an gcomhaontú óstála a fhaire, lena n-áirítear tástáil inghlacthachta na sár-ríomhairí gafa;

(f)na coinníollacha ginearálta agus sonracha chun sciar an Aontais d’am rochtana ar shár-ríomhairí EuroHPC a shainmhíniú agus faire a dhéanamh ar rochtain ar na sár-ríomhairí sin i gcomhréir le hAirteagal 15 den Rialachán seo;

(g)an méid a rannchuidíonn a oibríochtaí le cuspóirí Fís Eorpach a bhaint amach, anuas ar phleanáil straitéiseach ilbhliantúil, tuairisciú, faire agus meastóireacht agus ceanglais eile an chláir ar nós chur chun feidhme an chreata aiseolais comhbheartais a áirithiú;

(h)glao oscailte ar thograí a thionscnamh agus cistiú a bhronnadh i gcomhréir le Rialachán (AE) xxx lena mbunaítear Fís Eorpach, agus laistigh de theorainneacha na gcistí atá ar fáil, ar ghníomhaíochtaí indíreacha, go príomha i bhfoirm deontas;

(i)glao oscailte ar thograí agus glao ar thairiscintí a thionscnamh agus cistiú a bhronnadh i gcomhréir le Rialachán (AE) xxx lena mbunaítear Fís Eorpach, agus Rialachán (AE) xxx lena mbunaítear an tSaoráid um Chónascadh na hEorpa laistigh de theorainneacha na gcistí atá ar fáil;

(j)faireachán a dhéanamh ar chur chun feidhme na ngníomhaíochtaí agus comhaontuithe deontais agus conarthaí soláthair a bhainistiú;

(k)éifeachtúlacht an tionscnaimh Ríomhaireachta Ardfheidhmíochta Eorpaigh, bunaithe ar shraith beart iomchuí a áirithiú;

(l)faireachán a dhéanamh ar dhul chun cinn foriomlán i dtreo cuspóirí an Chomhghnóthais a bhaint amach;

(m)dlúthchomhar a fhorbairt agus comhordú a áirithiú le gníomhaíochtaí, comhlachtaí agus páirtithe leasmhara de chuid an Aontais agus náisiúnta, chun sineirgí a chruthú agus saothrú na dtorthaí taighde agus nuálaíochta a fheabhsú i réimse na Ríomhaireachta Ardfheidhmíochta;

(n)dlúthchomhar a fhorbairt agus comhordú a áirithiú le Comhpháirtíochtaí Eorpacha eile, chomh maith le sineirgí oibríochtúla le Comhghnóthais eile, lena n-áirítear trí lárú na bhfeidhmeanna riaracháin;

(o)clár straitéiseach ilbhliantúil a shainmhíniú, na cláir oibre bliantúla chomhfhreagracha a tharraingt suas agus a chur chun feidhme lena gcur i bhfeidhm agus aon choigeartuithe riachtanacha a dhéanamh leis an gclár straitéiseach ilbhliantúil;

(p)tabhairt faoi ghníomhaíochtaí eolais, cumarsáide, saothraithe agus scaipthe trí mutatis mutandis Airteagal 46 de Rialachán (AE) xxx lena mbunaítear Fís Eorpach a chur i bhfeidhm, lena n-áirítear eolas mionsonraithe maidir le torthaí ó ghlao ar thograí a chur ar fáil agus a dhéanamh inrochtana i ríomhbhunachar sonraí coiteann Fís Eorpach;

(q)aon chúram eile atá riachtanach chun na cuspóirí a leagtar amach in Airteagal 3 den Rialachán seo a bhaint amach.

Airteagal 2

Baill

(1)Is iad baill an Chomhghnóthais:

(a)an tAontas, a mbeidh an Coimisiún ina ionadaí air;

(b)An Bheilg, an Bhulgáir, an Chipir, an Chróit, an Danmhairg, an Eastóin, [an Eilvéis], Éire, an Fhionlainn, an Fhrainc, an Ghearmáin, an Ghréig, an Iodáil, an Iorua, an Íoslainn, an Ísiltír, an Laitvia, an Liotuáin, Lucsamburg, [an Mhacadóin Thuaidh], [Montainéagró], an Ostair, an Pholainn, an Phortaingéil, Poblacht na Seice, an Rómáin, an tSlóivéin, an tSlóvaic, an Spáinn, an tSualainn, [an Tuirc], agus an Ungáir;

(c)nuair a ghlactar na Reachtanna seo trí bhíthin litir tiomantais, Cumann Ardán Teicneolaíochta Eorpach um Ríomhaireacht Ardfheidhmíochta cláraithe faoi dhlí na hÍsiltíre lena oifig chláraithe in Amstardam (an Ísiltír), ‘Big Data Value Association’ (BDVA) cláraithe faoi dhlí na Beilge lena oifig chláraithe sa Bhruiséil (an Bheilg).

(d)Ceapfaidh gach Stát Rannpháirteach a ionadaí ar Bhord Rialála an Chomhghnóthais agus ainmneoidh sé an t‑eintiteas nó na heintitis náisiúnta a bheidh freagrach as a chuid oibleagáidí a chomhlíonadh faoin Rialachán seo.

Airteagal 3

Athruithe ar bhallraíocht

(1)Ar choinníoll go ndéanann siad ranníocaíocht i gcomhréir le hAirteagal 7 den Rialachán seo nó leis an maoiniú dá dtagraítear in Airteagal 15 de na Reachtanna seo chun misean agus cuspóirí an Chomhghnóthais a leagtar amach in Airteagal 3 den Rialachán seo a bhaint amach, féadfaidh na Ballstáit nó na tíortha atá comhlachaithe le Fís Eorpach nó leis an gClár don Eoraip Dhigiteach nach liostaítear i bpointe (b) d’Airteagal 2(1) de na Reachtanna seo iarratas a dhéanamh ar bheith ina mbaill den Chomhghnóthas.

(2)Seolfar aon iarratas ó Bhallstát nó ó thír atá comhlachaithe le Fís Eorpach nó leis an gClár don Eoraip Dhigiteach ar bhallraíocht sa Chomhghnóthas chuig an mBord Rialála. Cuirfidh na tíortha is iarrthóirí glacadh na Reachtanna seo ar fáil i scríbhinn, agus aon fhorálacha eile lena rialaítear feidhmiú an Chomhghnóthais, chomh maith lena ranníocaíocht le costais riaracháin an Chomhghnóthais. Míneoidh na hiarrthóirí freisin céard a spreag iad le ballraíocht a iarraidh sa Chomhghnóthas, agus tabharfaidh siad le fios conas a bhfuil a straitéis sár-ríomhaireachta náisiúnta ailínithe le cuspóirí an Chomhghnóthais. Déanfaidh an Bord Rialála meastóireacht ar an iarratas, ag cur san áireamh ábharthacht agus bhreisluach féideartha an iarrthóra a mhéid a bhaineann le misean agus cuspóirí an Chomhghnóthais a bhaint amach, agus d’fhéadfadh sé a chinneadh soiléirithe a iarraidh maidir leis an iarrthóireacht sula moltar an t‑iarratas.

(3)Ar choinníoll go ndéanann sé ranníocaíocht leis an maoiniú dá dtagraítear in Airteagal 15 de na Reachtanna seo chun misean agus cuspóirí an Chomhghnóthais a leagtar amach in Airteagal 3 den Rialachán seo a bhaint amach, agus go nglacann sé na Reachtanna seo, féadfaidh aon eintiteas dlíthiúil nach liostaítear i bpointe (c) d’Airteagal 2(1) de na Reachtanna seo agus atá bunaithe i mBallstát a thacaíonn go díreach nó go hindíreach le taighde agus nuálaíocht i mBallstát iarratas a dhéanamh ar bheith ina Bhall Príobháideach den Chomhghnóthas i gcomhréir le mír 4 den Airteagal seo.

(4)Aon iarratas ar bhallraíocht le bheith mar Bhall Príobháideach den Chomhghnóthas a dhéantar i gcomhréir le mír 3 den Airteagal seo, seolfar é chuig an mBord Rialála. Déanfaidh an Bord Rialála meastóireacht ar an iarratas, ag cur san áireamh ábharthacht agus bhreisluach féideartha an iarrthóra a mhéid a bhaineann le misean agus cuspóirí an Chomhghnóthais a bhaint amach agus déanfaidh sé cinneadh ar an iarratas.

(5)Féadfaidh ball ar bith a bhallraíocht sa Chomhghnóthas a fhoirceannadh. Tiocfaidh foirceannadh den sórt sin i bhfeidhm agus beidh sé neamh-inchúlghairthe sé mhí tar éis fógra a thabhairt don Stiúrthóir Feidhmiúcháin, a chuirfidh na baill eile den Bhord Rialála agus na Baill Phríobháideacha ar an eolas. Ón dáta foirceanta amach, brisfear an t‑iarbhall ó aon oibleagáid seachas na hoibleagáidí a d’fhormheas nó a thabhaigh an Comhghnóthas roimh fhógra foirceanta na ballraíochta.

(6)Cuirfidh gach Ball Príobháideach an Comhghnóthas ar an eolas uair sa bhliain maidir le haon athruithe suntasacha i gcomhdhéanamh an Bhaill Phríobháidigh. I gcás ina measann an Coimisiún gur dócha go mbeidh tionchar ag an athrú sa chomhdhéanamh ar leas an Aontais nó an Chomhghnóthais ar fhorais slándála nó oird phoiblí, féadfaidh sé a mholadh don Bhord Rialála ballraíocht an Bhaill Phríobháidigh lena mbaineann a fhoirceannadh. Tiocfaidh an foirceannadh i bhfeidhm agus beidh sé neamh-inchúlghairthe laistigh de shé mhí de chinneadh an Bhoird Rialála nó ar an dáta a shonraítear sa chinneadh sin, pé acu sin is túisce.

(7)Ní féidir ballraíocht sa Chomhghnóthas a aistriú chuig tríú páirtí gan aontú roimh ré ón mBord Rialála.

(8)Nuair a dhéantar aon athrú ar an mballraíocht de bhun an Airteagail seo, foilseoidh an Comhghnóthas láithreach ar a shuíomh gréasáin liosta nuashonraithe de na baill mar aon le dáta an athraithe sin.

Airteagal 4

Comhlachtaí an Chomhghnóthais

(1)Is iad comhlachtaí an Chomhghnóthais:

(a)an Bord Rialála;

(b)an Stiúrthóir Feidhmiúcháin;

(c)an Bord Comhairleach Tionsclaíochta agus Eolaíochta atá comhdhéanta den Ghrúpa Comhairleach Taighde agus Nuálaíochta agus an Grúpa Comhairleach Bonneagair.

(2)Le linn chomhall na gcúraimí, ní thabharfaidh gach comhlacht sa Chomhghnóthas ach faoi na cuspóirí a leagtar amach sa Rialachán seo, agus ní fheidhmeoidh sé ach laistigh de raon feidhme ghníomhaíochtaí an Chomhghnóthais chun na críche lenar bunaíodh é.

Airteagal 5

Comhdhéanamh an Bhoird Rialála

(1)Beidh an Bord Rialála comhdhéanta d’ionadaithe de chuid an Choimisiúin, thar ceann an Aontais, agus de chuid na Stát Rannpháirteacha.

(2)Ceapfaidh an Coimisiún agus gach Stát Rannpháirteach ionadaí amháin ar an mBord Rialála.

Airteagal 6

Feidhmiú an Bhoird Rialála

(1)Déanfaidh ionadaithe bhaill an Bhoird Rialála gach iarracht chun teacht ar chomhréiteach. Má chliseann orthu teacht ar chomhréiteach, déanfar vótáil.

(2)Beidh 50 % de na cearta vótála ag an Aontas. Beidh cearta vótála an Aontais doroinnte.

(3)I gcomhair na dtascanna dá dtagraítear in Airteagal 7(3) de na Reachtanna seo, dáilfear an 50 % de na cearta vótála atá fágtha go cothrom i measc gach Stáit Rannpháirtigh.

Chun críche na míre seo, glacfar cinntí an Bhoird Rialála le tromlach 75 % ar a laghad de gach vóta, lena n-áirítear vótaí na mball atá as láthair.

(4)I gcomhair na gcúraimí dá dtagraítear in Airteagal 7(4) de na Reachtanna seo, seachas pointí (f), (g) agus (h), beidh an 50 % de na cearta vótála atá fágtha ag na Stáit Rannpháirteacha ar Ballstáit iad.

Chun críche na míre seo, glacfar cinntí an Bhoird Rialála le tromlach cáilithe. Measfar go mbeidh tromlach cáilithe bunaithe má dhéanann sé ionadaíocht thar ceann an Aontais agus 55 % ar a laghad de na Baill Rannpháirteacha ar Ballstáit iad, comhdhéanta de 65 % ar a laghad de dhaonra iomlán na Stát sin. Chun an daonra a chinneadh, úsáidfear na figiúirí a leagtar amach in Iarscríbhinn III le Cinneadh 2009/937/AE ón gComhairle. 1

(5)Do na cúraimí sin dá dtagraítear in Airteagal 7(4) pointí (f), (g) agus (h) de na Reachtanna seo, agus do gach sár-ríomhaire EuroHPC, scaipfear cearta vótála na Stát Rannpháirteach i gcomhréir lena ranníocaíochtaí airgeadais tiomanta agus lena ranníocaíochtaí comhchineáil leis an sár-ríomhaire sin go dtí go n-aistrítear a úinéireacht chuig an eintiteas óstach i gcomhréir le hAirteagal 8(3) den Rialachán seo nó go dtí go ndíoltar nó go ndíchoimisiúnófar é; ní chuirfear na ranníocaíochtaí comhchineáil san áireamh ach amháin má bhíonn siad deimhnithe ex-ante ag saineolaí nó iniúchóir neamhspleách.

Chun críche na míre seo, glacfar cinntí an Bhoird Rialála le tromlach 75 % ar a laghad de gach vóta, lena n-áirítear vótaí na mball atá as láthair.

(6)I gcomhair na dtascanna dá dtagraítear in Airteagail 7(5), 7(6) agus 7(7) de na Reachtanna seo, glacfar cinntí an Bhoird Rialála in dhá chéim.

Ag an gcéad chéim, dáilfear an 50 % de na cearta vótála atá fágtha go cothrom i measc gach Stáit Rannpháirtigh. Glacfar cinntí an Bhoird Rialála le tromlach a bheidh comhdhéanta de vóta an Aontais agus 55 % ar a laghad de gach vóta de chuid na mBall Rannpháirteach, lena n-áirítear vótaí na mball atá as láthair.

Ag an dara céim, cinnfidh an Bord Rialála leis an tromlach cáilithe dá dtagraítear i mír 4 den Airteagal seo.

(7)Gan dochar do na míreanna roimhe seo, coinneoidh tíortha a bhí ina mbaill den Chomhghnóthas faoi Rialachán ón gComhairle 2018/1488 agus a rinne ranníocaíocht le fáil nó oibriú na sár-ríomhairí a fuair an Comhghnóthas (faoin Rialachán sin), ach nach bhfuil ina mbaill den Chomhghnóthas reatha a thuilleadh, cearta vótála teoranta go heisiach do chinntí a bhaineann leis na sár-ríomhairí sin i gcomhréir le hAirteagail 6(5) agus 7(5) de Reachtanna an Chomhghnóthais Ríomhaireachta Ardfheidhmíochta Eorpaigh atá i gceangal le Rialachán ón gComhairle 2018/1488.

(8)Toghfaidh an Bord Rialála cathaoirleach i gcomhair tréimhse dhá bhliain. Ní féidir sainordú an chathaoirligh a shíneadh ach aon uair amháin, is é sin tar éis cinneadh ón mBord Rialála.

(9)Is ionadaí thar ceann an Choimisiúin a bheidh sa leaschathaoirleach.

(10)Reáchtálfaidh an Bord Rialála a ghnáthchruinnithe dhá uair sa bhliain ar a laghad. Féadfaidh sé cruinnithe urghnácha a reáchtáil ar iarratas ón gCoimisiún, ó thromlach na n-ionadaithe ó na Stáit Rannpháirteacha, ar iarratas an chathaoirligh, nó ar iarratas an Stiúrthóra Feidhmiúcháin i gcomhréir le hAirteagal 15(5) de na Reachtanna seo. Is é an Cathaoirleach a ghairfidh cruinnithe an Bhoird Rialála agus reáchtálfar de ghnáth iad ag suíochán an Chomhghnóthais.

Beidh sé de cheart ag an Stiúrthóir Feidhmiúcháin freastal ar chruinnithe agus páirt a ghlacadh i bpléití ach ní bheidh aon chearta vótála aige. Féadfaidh an Bord Rialála cuireadh a thabhairt, ar bhonn cás ar cháis, do dhaoine eile freastal ar a chruinnithe mar bhreathnóirí.

Féadfaidh gach Stát breathnóireachta toscaire amháin a cheapadh ar an mBord Rialála, toscaire a gheobhaidh na doiciméid ábhartha ar fad agus ar féidir leis páirt a ghlacadh i bpléití an Bhoird Rialála mura gcinneann an Bord Rialála a mhalairt ar bhonn cás ar cháis. Ní bheidh aon chearta vótála ag na toscairí sin, agus áiritheoidh siad rúndacht eolas íogaire de réir Airteagal 27 den Rialachán seo agus faoi réir rialacha na coinbhleachta leasa.

(11)Ní bheidh ionadaithe na mball faoi dhliteanas pearsanta as aon ghníomhartha a ghlac siad ina gcáil mar ionadaithe ar an mBord Rialála.

(12)Glacfaidh an Bord Rialála a rialacha nós imeachta féin agus foilseoidh sé iad. Áireofar sna rialacha sin nósanna imeachta sonracha chun coinbhleachtaí leasa a shainaithint agus a sheachaint agus rúndacht eolas íogaire a áirithiú.

(13)Aon uair a phléifear saincheisteanna a bhaineann lena gcúraimí, tabharfar cuireadh do chathaoirligh Ghrúpa Comhairleach Taighde agus Nuálaíochta agus Ghrúpa Comhairleach Bonneagair an Chomhghnóthais freastal ar chruinnithe an Bhoird Rialála mar bhreathnóirí agus páirt a ghlacadh ina phléití, ach ní bheidh aon chearta vótála acu.

(14)Tabharfar cuireadh do chathaoirligh Bhaill Príobháideacha an Chomhghnóthais freastal ar chruinnithe an Bhoird Rialála mar bhreathnóirí agus páirt a ghlacadh ina phléití, ach ní bheidh aon chearta vótála acu.

Airteagal 7

Cúraimí an Bhoird Rialála

(1)Beidh freagracht fhoriomlán ar an mBord Rialála as treoshuíomh straitéiseach agus oibríochtaí an Chomhghnóthais agus déanfaidh sé maoirseacht air chur chun feidhme a ghníomhaíochtaí. Cinnteoidh sé go gcuirtear prionsabail na cothroime agus na trédhearcachta i bhfeidhm i gceart i leithdháileadh an chistithe phoiblí.

(2)Déanfaidh an Coimisiún, sa ról atá aige ar an mBord Rialála, iarracht comhordú a áirithiú idir gníomhaíochtaí an Chomhghnóthais agus gníomhaíochtaí ábhartha chláir cistiúcháin ón Aontas, d’fhonn sineirgí a chur chun cinn agus éiceachóras comhtháite sár-ríomhaireachta agus bonneagar sonraí á bhforbairt agus nuair atá tosaíochtaí a chumhdaítear i dtaighde comhoibritheach á sainaithint.

(3)Comhlíonfaidh an Bord Rialála, go háirithe, na cúraimí riaracháin ghinearálta seo a leanas den Chomhghnóthas:

(a)measúnú, glacadh nó diúltú iarratas ar bhallraíocht i gcomhréir le hAirteagal 3(2) de na Reachtanna seo;

(b)cinneadh maidir le foirceannadh ballraíochta sa Chomhghnóthas d’aon bhall nach gcomhlíonann a oibleagáidí;

(c)rialacha airgeadais an Chomhghnóthais a ghlacadh i gcomhréir le hAirteagal 17 den Rialachán seo;

(d)buiséad bliantúil riaracháin an Chomhghnóthais a ghlacadh, lena n-áirítear an plean bunaithe foirne comhfhreagrach ina dtugtar le fios an líon poist shealadacha de réir an ghrúpa feidhme agus de réir gráid, an líon foirne ar conradh agus saineolaithe náisiúnta ar iasacht arna gcur in iúl ina gcoibhéisí lánaimseartha;

(e)an Stiúrthóir Feidhmiúcháin a cheapadh, a dhífhostú, síneadh a chur lena théarma oifige, treoir a thabhairt dó agus a fheidhmíocht a fhaire;

(f)an tuarascáil bhliantúil chomhdhlúite maidir le gníomhaíochtaí a fhormheas, lena n-áirítear caiteachas comhfhreagrach dá dtagraítear in Airteagal 19(1) de na Reachtanna seo;

(g)feidhmiú na gcumhachtaí maidir le húdarás a cheapadh i ndáil le baill foirne i gcomhréir le hAirteagal 18 den Rialachán seo;

(h)i gcás inarb iomchuí, na rialacha cur chun feidhme a bhunú leis na Rialacháin Foirne agus na Coinníollacha Fostaíochta i gcomhréir le hAirteagal 18(3) den Rialacháin seo;

(i)i gcás inarb iomchuí, rialacha a leagan síos maidir le saineolaithe náisiúnta a thabhairt ar iasacht don Chomhghnóthas agus maidir le húsáid a bhaint as oiliúnaithe i gcomhréir le hAirteagal 19(2) den Rialachán seo;

(j)i gcás inarb iomchuí, grúpaí comhairleacha a bhunú chomh maith leis na comhlachtaí sa Chomhghnóthas dá dtagraítear in Airteagal 4 de na Reachtanna seo;

(k)struchtúr eagraíochtúil na Clároifige a fhormheas ar mholadh ón Stiúrthóir Feidhmiúcháin;

(l)i gcás inarb iomchuí, iarratas a chur faoi bhráid an Choimisiúin chun an Rialachán seo a leasú arna mholadh ag ball den Chomhghnóthas;

(m)na coinníollacha ginearálta agus sonracha chun sciar an Aontais d’am rochtana ar shár-ríomhairí EuroHPC a úsáid a shainmhíniú, i gcomhréir le hAirteagal 15 den Rialachán seo;

(n)leibhéal na táille do na seirbhísí tráchtála dá dtagraítear in Airteagal 16 den Rialachán seo a bhunú, agus cinneadh a dhéanamh maidir le leithdháileadh an ama rochtana do na seirbhísí sin;

(o)beartas cumarsáide an Chomhghnóthais a fhormheas ar mholadh ón Stiúrthóir Feidhmiúcháin;

(p)a bheith freagrach as aon cúram nach leithdháiltear go sonrach do chomhlacht ar leith den Chomhghnóthas; féadfaidh sé na cúraimí sin a shannadh d’aon chomhlacht de chuid an Chomhghnóthais.

(4)Comhlíonfaidh an Bord Rialála, go háirithe, na cúraimí seo a leanas a bhaineann le fáil agus oibriú sár-ríomhairí EuroHPC agus ioncam ginte dá dtagraítear in Airteagal 14 den Rialachán seo:

(a)an clár straitéiseach ilbhliantúil i gcomhair fháil na sár-ríomhairí EuroHPC dá dtagraítear in Airteagal 19(1) de na Reachtanna seo a ghlacadh;

(b)an chuid den chlár oibre bliantúil a bhaineann le sár-ríomhairí EuroHPC a fháil agus eintitis óstacha a roghnú agus na meastacháin ar chaiteachas comhfhreagrach dá dtagraítear in Airteagal 19(2) de na Reachtanna seo a ghlacadh;

(c)seoladh glao ar léiriú spéise a fhormheas, i gcomhréir leis an gclár oibre bliantúil;

(d)roghnú eintiteas óstach na sár-ríomhairí EuroHPC a roghnaíodh ar bhealach cothrom, oscailte agus trédhearcach, i gcomhréir le hAirteagal 8 den Rialachán seo a fhormheas;

(e)cinneadh a dhéanamh go bliantúil maidir le húsáid aon ioncam ginte ó na táillí do sheirbhísí tráchtála dá dtagraítear in Airteagal 16 den Rialachán seo;

(f)seoladh glao ar thairiscintí a fhormheas, i gcomhréir leis an gclár oibre bliantúil;

(g)na tairiscintí a roghnaítear le cistiú a fhormheas;

(h)cinneadh a dhéanamh ar aistriú féideartha úinéireacht na sár-ríomhairí EuroHPC chuig eintiteas óstach, a ndíol le heintiteas eile nó a ndíchoimisiúnú, i gcomhréir le hAirteagail 10(4), 11(5) agus 13(4) den Rialachán seo;

(i)cinneadh a dhéanamh ar aistriú féideartha úinéireacht na sár-ríomhairí EuroHPC chuig Baill Phríobháideacha nó Cuibhreannas comhpháirtithe príobháideacha, a ndíol le heintiteas eile nó a ndíchoimisiúnú, i gcomhréir le hAirteagail 12(5) den Rialachán seo.

(5)Comhlíonfaidh an Bord Rialála, go háirithe, na cúraimí seo a leanas a bhaineann le gníomhaíochtaí taighde agus nuálaíochta, chomh maith le gníomhaíochtaí úsáide sonraí agus scileanna an Chomhghnóthais:

(a)an clár oibre straitéiseach taighde agus nuálaíochta dá dtagraítear in Airteagal 19(1) de na Reachtanna seo a ghlacadh ag tús an tionscnaimh agus é a leasú i rith shaolré Fís Eorpach, más gá; sainaithneofar sa chlár oibre Straitéiseach Taighde agus Nuálaíochta, inter alia, na comhpháirtíochtaí Eorpacha eile lena mbunóidh an Comhghnóthas comhar foirmiúil agus rialta, chomh maith le féidearthachtaí do shineirgí idir gníomhaíochtaí an Chomhghnóthais agus tionscnaimh agus beartais náisiúnta nó réigiúnacha bunaithe ar eolas a fhaigheann na Stáit Rannpháirteacha;

(b)an chuid den chlár oibre bliantúil a bhaineann leis na gníomhaíochtaí taighde agus nuálaíochta agus na meastacháin ar chaiteachas comhfhreagrach dá dtagraítear in Airteagal 19(2) de na Reachtanna seo a ghlacadh chun an clár oibre straitéiseach taighde agus nuálaíochta a chur chun feidhme, lena n-áirítear ábhar an ghlao ar thograí, an ráta cistithe infheidhme in aghaidh na topaice glao, chomh maith leis na rialacha lena mbaineann maidir le nósanna imeachta cur isteach, meastóireachta, roghnaithe, bronnta agus athbhreithnithe;

(c)an aird chuí a thabhairt ar na comhaontuithe dá dtagraítear in Airteagal 16(3) de na Reachtanna le linn na meastóireachtaí ar chaiteachas maidir leis na gníomhaíochtaí taighde agus nuálaíochta lena mbaineann a ghlacadh d’fhonn prionsabal na cothromaíochta i mbuiséad an Chomhghnóthais a áirithiú;

(d)seoladh glao ar thograí a fhormheas, i gcomhréir leis an gclár oibre bliantúil;

(e)an liosta gníomhartha a roghnaítear i gcomhair cistiú ar bhonn mholadh an Stiúrthóra Feidhmiúcháin a fhormheas;

(f)a bheith freagrach as faire dlúth agus tráthúil ar dhul chun cinn chlár taighde agus nuálaíochta an Chomhghnóthais agus gníomhaíochtaí aonair i ndáil le tosaíochtaí an Choimisiúin agus an chláir oibre straitéiseach taighde agus nuálaíochta agus bearta ceartaitheacha a ghlacadh nuair is gá lena áirithiú go gcomhlíonann an Comhghnóthas a chuspóirí.

(6)Comhlíonfaidh an Bord Rialála, go háirithe, na cúraimí seo a leanas a bhaineann le gníomhaíochtaí forbartha acmhainne agus leathnaithe an Chomhghnóthais:

(a)an clár straitéiseach ilbhliantúil dá dtagraítear in Airteagal 19(1) de na Reachtanna seo a ghlacadh;

(b)an chuid den chlár oibre bliantúil a bhaineann le gníomhaíochtaí forbartha acmhainne agus leathnaithe agus na meastacháin ar chaiteachas comhfhreagrach dá dtagraítear in Airteagal 19(2) de na Reachtanna seo a ghlacadh;

(c)seoladh glao ar thograí agus glao ar thairiscintí a fhormheas, i gcomhréir leis an gclár oibre bliantúil;

(d)an liosta gníomhartha a roghnaítear i gcomhair cistiú ar bhonn mholadh an Stiúrthóra Feidhmiúcháin a fhormheas.

(7)Comhlíonfaidh an Bord Rialála, go háirithe, na cúraimí seo a leanas a bhaineann le cónascadh agus nascacht gníomhaíochtaí Ríomhaireachta Ardfheidhmíochta agus bonneagar sonraí, chomh maith le gníomhaíochtaí comhair idirnáisiúnta an Chomhghnóthais:

(a)an clár straitéiseach ilbhliantúil dá dtagraítear in Airteagal 19(1) de na Reachtanna seo a ghlacadh;

(b)an chuid den chlár oibre bliantúil a bhaineann le cónascadh agus nascacht le gníomhaíochtaí comhair idirnáisiúnta agus na meastacháin ar chaiteachas comhfhreagrach dá dtagraítear in Airteagal 19(2) de na Reachtanna seo a ghlacadh;

(c)seoladh glao ar thograí agus glao ar thairiscintí a fhormheas, i gcomhréir leis an gclár oibre bliantúil;

(d)an liosta gníomhartha a roghnaítear i gcomhair cistiú ar bhonn mholadh an Stiúrthóra Feidhmiúcháin a fhormheas.

Airteagal 8

Ceapachán, dífhostú nó síneadh le téarma oifige an Stiúrthóra Feidhmiúcháin

(1)Molfaidh an Coimisiún liosta iarrthóirí don Stiúrthóir Feidhmiúcháin tar éis comhairliúcháin le baill an Chomhghnóthais seachas an tAontas. Chun críche an chomhairliúcháin sin, ceapfaidh na baill an Chomhghnóthais seachas an tAontas de chomhthoil a n-ionadaithe chomh maith le breathnóir thar ceann an Bhoird Rialála.

Ceapfaidh an Bord Rialála an Stiúrthóir Feidhmiúcháin ó liosta iarrthóirí arna moladh ag an gCoimisiún tar éis nós imeachta roghnúcháin oscailte agus trédhearcach.

(2)Is ball den fhoireann a bheidh sa Stiúrthóir Feidhmiúcháin, agus fostófar é mar ghníomhaire sealadach den Chomhghnóthas faoi phointe (a) d’Airteagal 2 de na Coinníollacha Fostaíochta.

Chun conradh an Stiúrthóra Feidhmiúcháin a chur i gcrích, déanfaidh cathaoirleach an Bhoird Rialála ionadaíocht thar ceann an Chomhghnóthais.

(3)Ceithre bliana a bheidh i dtéarma oifige an Stiúrthóra Feidhmiúcháin. Faoi dheireadh na tréimhse sin, tabharfaidh an Coimisiún, ag ceangal na mball seachas an tAontas de réir mar is iomchuí, faoi mheasúnú ar fheidhmiú an Stiúrthóra Feidhmiúcháin agus cúraimí agus dúshláin an Chomhghnóthais sa todhchaí.

(4)Féadfaidh an Bord Rialála, ag feidhmiú ar thogra ón gCoimisiún agus aird á tabhairt ar an meastóireacht dá dtagraítear i mír 3, téarma oifige an Stiúrthóra Feidhmiúcháin a fhadú uair amháin, ar feadh tréimhse nach faide ná ceithre bliana.

(5)Ní féidir le Stiúrthóir Feidhmiúcháin, ar cuireadh síneadh lena théarma oifige, páirt a ghlacadh i nós imeachta roghnúcháin eile don phost céanna ag deireadh na tréimhse foriomláine.

(6)Ní féidir an Stiúrthóir Feidhmiúcháin a dhífhostú ach ar chinneadh ón mBord Rialála de bhun phointe (e) d’Airteagal 7(3) de na Reachtanna seo ag feidhmiú ar thogra ón gCoimisiún ag ceangal na mball seachas an tAontas de réir mar is iomchuí.

(7)Féadfaidh an Coimisiún oifigeach ón gCoimisiún a ainmniú mar Stiúrthóir Feidhmiúcháin eatramhach agus na dualgais a shanntar don Stiúrthóir Feidhmiúcháin a chomhlíonadh ar feadh aon tréimhse a mbíonn post an Stiúrthóra Feidhmiúcháin folamh.

Airteagal 9

Cúraimí an Stiúrthóra Feidhmiúcháin

(1)Is é an Stiúrthóir Feidhmiúcháin an príomhfheidhmeannach a bheidh freagrach as bainistíocht laethúil an Chomhghnóthais i gcomhréir le cinntí an Bhoird Rialála.

(2)Is é an Stiúrthóir Feidhmiúcháin ionadaí dlíthiúil an Chomhghnóthais. Is don Bhord Rialála a bheidh an Stiúrthóir Feidhmiúcháin cuntasach, agus is go hiomlán neamhspleách a chuirfidh sé a dhualgas i bhfeidhm, rud a dhéanfaidh sé laistigh de na cumhachtaí a shanntar dó.

(3)Cuirfidh an Stiúrthóir Feidhmiúcháin buiséad an Chomhghnóthais chun feidhme.

(4)Comhlíonfaidh an Stiúrthóir Feidhmiúcháin, go háirithe, na cúraimí seo a leanas ar bhealach neamhspleách:

(a)an dréachtchlár straitéiseach ilbhliantúil dá dtagraítear in Airteagal 19(1) de na Reachtanna seo a chomhdhlúthú agus a chur faoi bhráid an Bhoird Rialála lena ghlacadh;

(b)an dréachtbhuiséad bliantúil a ullmhú agus a chur faoi bhráid an Bhoird Rialála lena ghlacadh, lena n-áirítear an clár bunaithe foirne comhfhreagrach ina dtugtar le fios líon na bpost sealadach i ngach grád agus grúpa feidhme agus an líon foirne ar conradh agus saineolaithe náisiúnta ar iasacht arna gcur in iúl ina gcoibhéisí lánaimseartha;

(c)an dréachtchlár oibre bliantúil a ullmhú agus a chur faoi bhráid an Bhoird Rialála lena ghlacadh, lena n-áirítear raon feidhme an ghlao ar thograí, glaonna ar léiriú spéise agus glaonna ar thairiscintí atá riachtanach chun go gcuirfear chun feidhme clár gníomhaíochtaí taighde agus nuálaíochta, an clár fala, an clár gníomhaíochtaí forbartha acmhainne agus leathnaithe, agus cónascadh, nascacht agus comhar idirnáisiúnta an chláir gníomhaíochtaí, mar a mholann an Bord Comhairleach Tionsclaíochta agus Eolaíochta, agus na meastacháin ar chaiteachas comhfhreagrach, mar a mholann na Stáit Rannpháirteacha agus an Coimisiún;

(d)na cuntais bhliantúla a chur faoi bhráid an Bhoird Rialála chun tuairim a fháil;

(e)tuairisc bhliantúil chomhdhlúite maidir le gníomhaíochtaí a ullmhú agus a chur faoi bhráid an Bhoird Rialála, lena n-áirítear an t‑eolas ar chaiteachas comhfhreagrach;

(f)comhaontuithe deontais, conarthaí agus cinntí faoina shainchúram a shíniú thar ceann an Chomhghnóthais; ;

(g)conarthaí soláthair a shíniú;

(h)faireachán a dhéanamh ar oibríochtaí na sár-ríomhairí EuroHPC faoi úinéireacht nó arna maoiniú ag an gComhghnóthas, lena n-áirítear leithdháileadh sciar an Aontais d’am rochtana, comhlíonadh cearta rochtana d’úsáideoirí acadúla agus tionsclaíocha agus cáilíocht na seirbhísí arna soláthar;

(i)beartas cumarsáide an Chomhghnóthais a mholadh don Bhord Rialála;

(j)oibríochtaí agus foireann an Chomhghnóthais a eagrú, a stiúradh agus a mhaoirsiú laistigh de theorainneacha an tarmligin ón mBord Rialála faoi mar a fhoráiltear in Airteagal 18(2) den Rialachán seo;

(k)feidhmiú córas rialaithe inmheánaigh éifeachtach agus éifeachtúil a bhunú agus a áirithiú agus aon athrú suntasach leis a thuairisciú leis an mBord Rialála;

(l)a áirithiú go ndéantar measúnú riosca agus bainistíocht riosca;

(m)socrú a dhéanamh, de réir mar is iomchuí, chun acmhainn iniúchóireachta inmheánaí an Chomhghnóthais a bhunú;

(n)am rochtana do chásanna éigeandála agus bainistiú géarchéime a leithdháileadh, i gcomhaontú leis an mbeartas rochtana arna shainmhíniú ag an mBord Rialála.

(o)aon bhearta eile atá riachtanach chun measúnú a dhéanamh ar dhul chun cinn an Chomhghnóthais i dtreo a chuspóirí a bhaint amach mar a leagtar amach in Airteagal 3 den Rialachán seo;

(p)aon chúraimí eile atá ar iontaoibh nó atá tarmligthe don Stiúrthóir Feidhmiúcháin ag an mBord Rialála a chur i gcrích.

(5)Bunóidh an Stiúrthóir Feidhmiúcháin Clároifig chun a fhreagracht a chur i gcrích maidir le gach cúram tacaíochta a eascraíonn as an Rialachán seo. Beidh an Chlároifig comhdhéanta d’fhoireann an Chomhghnóthais agus go háirithe, déanfaidh sí na cúraimí seo a leanas:

(a)tacaíocht a thabhairt chun córas cuntasaíochta iomchuí a bhunú agus a bhainistiú i gcomhréir leis na rialacha airgeadais dá dtagraítear in Airteagal 17 den Rialachán seo;

(b)glao ar thograí a bhainistiú mar a fhoráiltear sa chlár oibre bliantúil agus na comhaontuithe agus na cinntí deontais a riar;

(c)glao ar thairiscintí a bhainistiú mar a fhoráiltear sa chlár oibre bliantúil agus na conarthaí a riar;

(d)próiseas roghnúcháin na n-eintiteas óstach a bhainistiú agus na comhaontuithe óstála a riar;

(e)gach eolas ábhartha agus tacaíocht a chur ar fáil do bhaill agus comhlachtaí eile an Chomhghnóthais atá riachtanach dóibh chun a ndualgais a chomhlíonadh chomh maith le freagairt dá n-iarratais ar leith;

(f)feidhmiú mar rúnaíocht na gcomhlachtaí sa Chomhghnóthas agus tacaíocht a thabhairt do ghrúpaí comhairleacha a bhunaigh an Bord Rialála.

Airteagal 10

Comhdhéanamh an Bhoird Chomhairligh Tionsclaíochta agus Eolaíochta

(1)Beidh an Bord Comhairleach Tionsclaíochta agus Eolaíochta comhdhéanta de Ghrúpa Comhairleach Taighde agus Nuálaíochta agus Grúpa Comhairleach Bonneagair.

(2)Ní bheidh níos mó ná deichniúr ball sa Ghrúpa Comhairleach Taighde agus Nuálaíochta, Grúpa a cheapfaidh na Baill Phríobháideacha agus a dtiomantais don Chomhghnóthas san áireamh acu.

(3)Beidh deichniúr ball sa Grúpa Comhairleach Bonneagair. Bunóidh an Bord Rialála na critéir shonracha a mheasfar chun baill den Ghrúpa Comhairleach Bonneagair a roghnú. Ceapfaidh Cathaoirleach agus Leaschathaoirleach an Bhoird Rialála baill an Ghrúpa Chomhairligh Bonneagair, tar éis ionchur a fháil ón mBord Rialála agus ón Stiúrthóir Feidhmiúcháin.

(4)Tiocfaidh an Grúpa Comhairleach Taighde agus Nuálaíochta agus an Grúpa Comhairleach Bonneagair le chéile faoi dhó in aghaidh na bliana ar a annaimhe chun a gcuid gníomhaíochtaí a chomhordú.

Airteagal 11

Feidhmiú an Ghrúpa Chomhairligh Taighde agus Nuálaíochta

(1)Tiocfaidh an Grúpa Comhairleach Taighde agus Nuálaíochta le chéile faoi dhó in aghaidh na bliana ar a annaimhe.

(2)Féadfaidh an Grúpa Comhairleach Taighde agus Nuálaíochta meitheal a cheapadh i gcás inar gá sin faoi chomhordú foriomlán ceann amháin nó níos mó dá chuid ball.

(3)Is é an Grúpa Comhairleach Taighde agus Nuálaíochta a roghnóidh a chathaoirleach féin.

(4)Glacfaidh an Grúpa Comhairleach Taighde agus Nuálaíochta lena rialacha nós imeachta lena n-áirítear ainmniú na n-eintiteas cleamhnaithe a dhéanfaidh ionadaíocht thar ceann an Ghrúpa Chomhairligh agus fad a n-ainmniúcháin.

Airteagal 12

Feidhmiú an Ghrúpa Chomhairligh Bonneagair

(1)Tiocfaidh an Grúpa Comhairleach Bonneagair le chéile faoi dhó in aghaidh na bliana ar a annaimhe.

(2)Féadfaidh an Grúpa Comhairleach Bonneagair meitheal a cheapadh i gcás inar gá sin faoi chomhordú foriomlán ceann amháin nó níos mó dá chuid ball.

(3)Is é an Grúpa Comhairleach Bonneagair a thoghfaidh a chathaoirleach féin.

(4)Glacfaidh an Grúpa Comhairleach Bonneagair lena rialacha nós imeachta lena n-áirítear ainmniú na n-eintiteas cleamhnaithe a dhéanfaidh ionadaíocht thar ceann an Ghrúpa Chomhairligh agus fad a n-ainmniúcháin.

Airteagal 13

Cúraimí an Ghrúpa Chomhairligh Taighde agus Nuálaíochta

Déanfaidh an Grúpa Comhairleach Taighde agus Nuálaíochta na nithe seo a leanas:

(a)an dréachtchlár straitéiseach ilbhliantúil dá dtagraítear in Airteagal 19(1) de na Reachtanna seo a tharraingt suas agus a nuashonrú go rialta chun cuspóirí an Chomhghnóthais a leagtar amach in Airteagal 3 den Rialachán seo a bhaint amach. Áireofar sa dréachtchlár straitéiseach ilbhliantúil sin: i) an clár oibre straitéiseach taighde agus nuálaíochta ina sainaithneofar na tosaíochtaí taighde agus nuálaíochta chun teicneolaíochtaí agus príomhinniúlachtaí don Ríomhaireacht Ardfheidhmíochta agus ríomhaireacht chandamach a fhorbairt agus a ghlacadh thar réimsí éagsúla cur i bhfeidhm d’fhonn tacú le forbairt éiceachóras comhtháite Ríomhaireachta Ardfheidhmíochta, ríomhaireachta candamaí agus sonraí san Aontas, an athléimneacht atá ann a mhéadú agus cabhrú chun margaí agus feidhmchláir shochaíocha nua a chruthú, agus bearta chun forbairt agus glacadh le teicneolaíocht Eorpach a chur chun cinn; ii) gníomhaíochtaí comhair idirnáisiúnta féideartha sa taighde agus nuálaíocht a chuireann rud breise le luach, gníomhartha a bhfuil leas frithpháirteach leo; iii) tosaíochtaí oiliúna agus oideachais le dul i ngleic leis an mbearna scileanna sna teicneolaíochtaí agus feidhmchláir Ríomhaireachta Ardfheidhmíochta agus Ríomhaireachta Candamaí, go háirithe i réimse na tionsclaíochta. Déanfar athbhreithniú air go rialta i gcomhréir le héabhlóid an éilimh eolaíoch agus thionsclaíoch;

(b)an dréachtchlár oibre straitéiseach taighde agus nuálaíochta ilbhliantúil a chur faoi bhráid an Stiúrthóra Feidhmiúcháin mar bhonn faoin gclár oibre bliantúil a dhréachtófar laistigh de na spriocdhátaí a leagfaidh an Bord Rialála amach;

(c)comhairliúcháin phoiblí a eagrú atá oscailte do gach páirtí leasmhar poiblí agus príobháideach a bhfuil leas acu i réimsí na Ríomhaireachta Ardfheidhmíochta agus na ríomhaireachta candamaí, chun iad a chur ar an eolas maidir leis an dréachtchlár straitéiseach ilbhliantúil agus an dréachtchlár gníomhaíochtaí taighde agus nuálaíochta, an clár gníomhaíochtaí comhair idirnáisiúnta agus an clár oiliúna agus oideachais do bhliain ar leith, agus aiseolas a bhailiú ina dtaobh.

Airteagal 14

Cúraimí an Ghrúpa Chomhairligh Bonneagair

Tabharfaidh an Grúpa Comhairleach Bonneagair comhairle don Bhord Rialála chun sár-ríomhairí EuroHPC a fháil agus a oibriú. Chun na críche sin, déanfaidh sé na nithe seo a leanas:

(a)an dréachtchlár straitéiseach ilbhliantúil dá dtagraítear in Airteagal 19(1) de na Reachtanna seo a tharraingt suas agus a nuashonrú go rialta chun cuspóirí an Chomhghnóthais a leagtar amach in Airteagal 3 den Rialachán seo a bhaint amach. Rachaidh an dréachtchlár straitéiseach ilbhliantúil i ngleic leis na nithe seo a leanas: i) fáil sár-ríomhairí EuroHPC ag cur san áireamh, inter alia, pleanáil na fála, an gá le méaduithe acmhainní riachtanacha, na cineálacha feidhmchlár agus pobail úsáideora ar gá dul i ngleic leo, na riachtanais úsáideora ábhartha agus na hailtireachtaí córais iomchuí, na riachtanais úsáideora, agus ailtireacht an bhonneagair; ii) cónascadh agus idirnascacht an bhonneagair sin, ag cur san áireamh, inter alia, comhtháthú na mbonneagar náisiúnta Ríomhaireachta Ardfheidhmíochta nó ríomhaireachta candamaí, agus ailtireacht an bhonneagair hipearnasctha agus chónasctha; agus iii) forbairt acmhainní, lena n-áirítear na Lárionaid Inniúlachta agus gníomhaíochtaí leathnaithe agus oiliúna i gcomhair úsáideoirí deiridh, chomh maith le deiseanna chun glacadh agus úsáid na réiteach teicneolaíochta Eorpach a chur chun cinn, go sonrach sna Lárionaid Inniúlachta;

(b)an dréachtchlár oibre straitéiseach ilbhliantúil maidir le fáil sár-ríomhairí EuroHPC a chur faoi bhráid an Stiúrthóra Feidhmiúcháin mar bhonn an chláir oibre bhliantúil a dhréachtófar laistigh de na spriocdhátaí a leagfaidh an Bord Rialála amach;

(c)comhairliúcháin phoiblí a eagrú atá oscailte do gach páirtí leasmhar poiblí agus príobháideach, páirtithe dar leas réimse na Ríomhaireachta Ardfheidhmíochta, lena n-áirítear an ríomhaireacht chandamach, chun iad a chur ar an eolas maidir leis an dréachtchlár straitéiseach ilbhliantúil maidir le fáil agus oibriú sár-ríomhairí EuroHPC, na dréachtghníomhaíochtaí bainteach leis an gclár oibre do bhliain ar leith, agus aiseolas a bhailiú orthu.

Airteagal 15

Foinsí maoinithe

(1)Cómhaoineoidh a bhaill an Comhghnóthas trí ranníocaíochtaí airgeadais a íocfar i dtráthchodanna agus ranníocaíochtaí comhchineáil mar a leagtar amach i míreanna (2) agus (3).

(2)Ní sháróidh costais riaracháin an Chomhghnóthais EUR [cothrom le 2.22 uair mhéid ranníocaíochta an Aontais le haghaidh costais riaracháin dá dtagraítear in Airteagal 5 den Rialachán seo] agus clúdófar é sna ranníocaíochtaí airgeadais dá dtagraítear in Airteagail 5(1), 7(1) agus 7(2) den Rialachán seo.

Ranníocaíocht gach Stáit Rannpháirtigh le costais riaracháin an Chomhghnóthais, is rud é a bheidh comhréireach leis an Olltáirgeacht Intíre atá acu. Gach bliain, ríomhfar ranníocaíochtaí bunaithe ar Olltáirgeacht Intíre na bliana féilire roimhe sin faoi mar a chinneann EUROSTAT.

Má bhíonn cuid den ranníocaíocht i gcomhair na costas riaracháin gan úsáid, d’fhéadfaí é a chur ar fáil chun costais oibríochtúla an Chomhghnóthais a chumhdach.

(3)Cumhdófar costais oibríochtúla an Chomhghnóthais trí bhíthin:

(a)ranníocaíocht airgeadais an Aontais;

(b)ranníocaíochtaí airgeadais ón Stát Rannpháirteach ina bhfuil an t‑eintiteas óstach bunaithe nó ó na Stáit Rannpháirteacha i gcuibhreannas óstach leis an gComhghnóthas chun sár-ríomhairí EuroHPC ardleibhéil nó innill chandamacha a fháil agus lena n-oibriú go dtí go n-aistrítear a n-úinéireacht chuig an eintiteas óstach, go ndíoltar iad nó go ndíchoimisiúnaítear iad i gcomhréir le hAirteagal 10(4) agus le hAirteagal 11(5) den Rialachán seo, lúide ranníocaíochtaí an Chomhghnóthais agus aon ranníocaíocht eile ón Aontas leis na costais sin;

(c)ranníocaíochtaí comhchineáil ón Stát Rannpháirteach ina bhfuil an t‑eintiteas óstach bunaithe nó ó na Stáit Rannpháirtithe i gcuibhreannas óstach mar a shainmhínítear in Airteagal 8(7) den Rialachán seo;

(d)ranníocaíochtaí airgeadais ón Stát Rannpháirteach ina bhfuil an t‑eintiteas óstach bunaithe nó ó na Stáit Rannpháirteacha i gcuibhreannas óstach atá comhdhéanta de na costais a tabhaíodh i bhfáil, i gcomhar leis an gComhghnóthas, na sár-ríomhairí EuroHPC meán-raoin, lúide ranníocaíochtaí an Chomhghnóthais agus aon ranníocaíocht eile ón Aontas leis na costais sin;

(e)ranníocaíochtaí airgeadais ó na Baill Phríobháideacha Cuibhreannas comhpháirtithe príobháideacha atá comhdhéanta de na costais a tabhaíodh i bhfáil agus oibriú, i gcomhar leis an gComhghnóthas, sár-ríomhairí EuroHPC de ghrád tionsclaíoch, lúide ranníocaíochtaí an Chomhghnóthais agus aon ranníocaíocht eile ón Aontas leis na costais sin, go dtí go n-aistrítear a n-úinéireacht chuig an eintiteas óstach, go ndíoltar iad nó go ndíchoimisiúnaítear iad i gcomhréir le hAirteagal 13(5) den Rialachán seo;

(f)ranníocaíochtaí airgeadais ó na Stáit Rannpháirteacha leis na costais incháilithe a thabhaigh tairbhithe sa Stát Rannpháirteach chun gníomhaíochtaí indíreacha a chur chun feidhme atá comhfhreagrach leis an gclár oibre taighde agus nuálaíochta agus mar chomhlánú le haisíoc na gcostas sin a dhéanfaidh an Comhghnóthas, lúide ranníocaíochtaí an Chomhghnóthais agus aon ranníocaíocht eile ón Aontas leis na costais sin. Beidh na ranníocaíochtaí sin gan dochar do rialacha na státchabhrach;

(g)ranníocaíochtaí comhchineáil ó na Baill Phríobháideacha nó a gcomheintitis agus a n-eintitis chleamhnaithe mar a shainmhínítear in Airteagal 8(7) den Rialachán seo;

(4)Acmhainní an Chomhghnóthais a chuirtear isteach ina bhuiséad, is de de na ranníocaíochtaí seo a leanas a bheidh siad comhdhéanta:

(a)ranníocaíochtaí airgeadais na mball i gcoinne na gcostas riaracháin;

(b)ranníocaíochtaí airgeadais na mball i gcoinne na gcostas oibríochtúla;

(c)aon ioncam a ghineann an Comhghnóthas;

(d)aon ranníocaíochtaí, acmhainní nó ioncam airgeadais eile.

(e)Measfar gur ioncam de chuid an Chomhghnóthais a bheidh in aon ús a ghnóthóidh na ranníocaíochtaí a íoctar leis an gComhghnóthas.

(5)Má mhainníonn aon bhall den Chomhghnóthas an ceangal atá air i dtaobh leis an ranníocaíocht airgeadais, cuirfidh an Stiúrthóir Feidhmiúcháin é sin i scríbhinn agus leagfaidh sé amach tréimhse réasúnach chun an mhainneachtain a chur ina ceart. Mura gcuirtear an cás ina cheart laistigh den tréimhse sin, tionólfaidh an Stiúrthóir Feidhmiúcháin cruinniú den Bhord Rialála chun cinneadh a dhéanamh cé acu an bhfuil ballraíocht an bhaill ar mainneachtain le cúlghairm nó an bhfuil aon bhearta eile le glacadh go dtí go gcomhlíonann sé a dhualgais. Cearta vótála an bhaill ar mainneachtain, is cearta iad a chuirfear ar fionraí go dtí go gcuirtear an mhainneachtain i leith na gceangal atá air ina ceart.

(6)Beidh i gceist go n-úsáidfear acmhainní agus gníomhaíochtaí an Chomhghnóthais chun na cuspóirí a leagtar amach in Airteagal 3 den Rialachán seo a bhaint amach.

(7)Beidh úinéireacht ag an gComhghnóthas ar na sócmhainní ar fad a ghinfidh sé nó a aistreofar chuige chun na cuspóirí a leagtar amach in Airteagal 3 den Rialachán seo a bhaint amach. Ní áireofar ansin na sár-ríomhairí EuroHPC a bhfuil a n-úinéireacht aistrithe ag an gComhghnóthas chuig eintiteas óstach i gcomhréir le hAirteagail 10(4), 11(5), 12(5) agus 13(4) den Rialachán seo.

(8)Seachas nuair a fhoirceanntar an Comhghnóthas, ní íocfar aon ioncam breise thar chaiteachas le baill an Chomhghnóthais.

Airteagal 16

Ranníocaíochtaí na Stát Rannpháirteach

(1)Cuirfidh na Stáit Rannpháirteacha cur chun feidhme a ranníocaíochtaí le rannpháirtithe a dtíre i ngníomhaíochtaí indíreacha dá dtagraítear in Airteagal 15(3)(f) de na Reachtanna seo ar iontaoibh an Chomhghnóthais trí na comhaontais deontais a chuireann an Comhghnóthas i gcrích. Cuirfidh siad íocaíocht a ranníocaíochtaí leis na rannpháirtithe ar iontaoibh an Chomhghnóthais freisin. Sonróidh siad na méideanna tiomanta do na gníomhaíochtaí indíreacha.

(2)Síneoidh tairbhithe ghníomhaíochtaí indíreacha an Chomhghnóthais comhaontú deontais aonair leis an gComhghnóthas. Leanfaidh rialacha mionsonraithe an chomhaontaithe deontais, lena n-áirítear an creat faoi seach do chearta maoine intleachtúla, rialacha an chláir Aontais faoi seach a thacaíonn leis an ngníomhaíocht deontais chomhfhreagrach.

(3)Geallfaidh na Stáit Rannpháirteacha méid iomlán a ranníocaíochtaí dá dtagraítear in Airteagal 15(3)(f) de na Reachtanna seo a íoc trí bhíthin comhaontuithe ceangailteach ó thaobh dlí de idir na heintitis arna n-ainmniú ag na Stáit Rannpháirteacha chun na críche sin agus an Comhghnóthas. Cuirfear na comhaontuithe sin i gcrích sula nglactar leis an gcuid den chlár oibre bliantúil maidir leis na gníomhaíochtaí taighde agus nuálaíochta.

(4)Bunófar comhaontuithe eile le haghaidh comhar idir na Stáit Rannpháirteacha agus an Comhghnóthas agus le haghaidh na dtiomantas maidir leis na ranníocaíochtaí arna lua i mír 1 trí bhíthin comhaontuithe a chuirfear i gcrích idir na heintitis arna n-ainmniú ag na Stáit Rannpháirteacha chun na críche sin agus an Comhghnóthas.

Airteagal 17

Tiomantais airgeadais

Ní sháróidh tiomantais airgeadais an Chomhghnóthais méid na n-acmhainní airgeadais atá ar fáil nó atá tiomanta dá bhuiséad ag a chuid ball. D’fhéadfadh go gcuirfeadh an Coimisiún tiomantais ilbhliantúla ar fáil.

Airteagal 18

Bliain airgeadais

An tréimhse ón 1 Eanáir go dtí an 31 Nollaig, sin é is feadh don bhliain airgeadais.

Airteagal 19

Pleanáil oibríochtúil agus airgeadais

(1)Sonrófar sa chlár straitéiseach ilbhliantúil an straitéis agus na pleananna chun cuspóirí an Chomhghnóthais a leagtar amach in Airteagal 3 den Rialachán seo a bhaint amach. Dréachtóidh an Bord Comhairleach Tionsclaíochta agus Eolaíochta an clár straitéiseach ilbhliantúil agus áireofar na nithe seo a leanas ann: an clár oibre straitéiseach i gcomhair taighde agus nuálaíochta, na gníomhaíochtaí forbartha acmhainne agus leathnaithe, na gníomhaíochtaí cónasctha, nascachta agus comhair idirnáisiúnta, agus fáil sár-ríomhairí. Áireofar ann freisin dearcthaí airgeadais ilbhliantúla a thabharfaidh na Baill Rannpháirteacha agus an Coimisiún.

(2)Cuirfidh an Stiúrthóir Feidhmiúcháin dréachtchlár oibre bliantúil faoi bhráid an Bhoird Rialála lena ghlacadh, ina n-áireofar na gníomhaíochtaí taighde agus nuálaíochta, na gníomhaíochtaí fála, na gníomhaíochtaí forbartha acmhainne agus leathnaithe, na gníomhaíochtaí cónasctha agus nascachta, na gníomhaíochtaí comhair idirnáisiúnta, na gníomhaíochtaí riaracháin agus na meastacháin ar chaiteachas comhfhreagrach don bhliain dár gcionn. Na comhaontuithe dá dtagraítear in Airteagal 16(3) de na Reachtanna, comhaontuithe a thacaíonn leis na meastóireachtaí ar chaiteachas maidir leis na gníomhaíochtaí taighde agus nuálaíochta lena mbaineann, cuirfidh an Stiúrthóir Feidhmiúcháin faoi bhráid an Bhoird Rialála iad freisin.

(3)Glacfar an clár oibre bliantúil faoi dheireadh na bliana roimh a chur chun feidhme. Cuirfear an clár oibre bliantúil ar fáil go poiblí.

(4)Ullmhóidh an Stiúrthóir Feidhmiúcháin an dréachtbhuiséad bliantúil don bhliain dár gcionn agus cuirfidh sé faoi bhráid an Bhoird Rialála é lena ghlacadh.

(5)Glacfaidh an Bord Rialála an buiséad bliantúil do bhliain áirithe faoi dheireadh na bliana roimh a chur chun feidhme.

(6)Cuirfear an buiséad bliantúil in oiriúint d’fhonn cuntas a ghlacadh ar mhéid ranníocaíocht airgeadais an Aontais mar a leagtar amach i mbuiséad ginearálta an Aontais.

Airteagal 20

Tuairisciú oibríochtúil agus airgeadais

(1)Tuairisceoidh an Stiúrthóir Feidhmiúcháin go bliantúil chuig an mBord Rialála maidir le feidhmiú a dhualgais i gcomhréir le rialacha airgeadais an Chomhghnóthais dá dtagraítear in Airteagal 17 den Rialachán seo. Áireofar sa tuarascáil bhliantúil chomhdhlúite ar ghníomhaíocht, inter alia, eolas ar na cúrsaí seo a leanas:

(a)taighde, nuálaíocht agus gníomhaíochtaí eile a rinneadh agus an caiteachas comhfhreagrach;

(b)fáil agus oibriú an bhonneagair, lena n-áirítear úsáid agus rochtain ar bhonneagar, lena n-áirítear an t‑am rochtana a d’úsáid gach Stát Rannpháirteach go héifeachtach;

(c)na tograí agus na tairiscintí a cuireadh isteach, lena n-áirítear scagadh de réir catagóir rannpháirtí, lena n-áirítear FBManna, agus tír ar thír;

(d)na gníomhaíochtaí indíreacha a roghnaíodh i gcomhair cistiú, le scagadh de réir catagóir rannpháirtí, lena n-áirítear FBManna, agus tír ar thír, agus ag tabhairt le fios ranníocaíochtaí an Chomhghnóthais leis na rannpháirtithe agus na gníomhaíochtaí aonair;

(e)na tairiscintí a roghnaíodh i gcomhair cistiú, le scagadh de réir catagóir conraitheora, lena n-áirítear FBManna, agus de réir tíre, agus ag tabhairt le fios ranníocaíochtaí an Chomhghnóthais leis na conraitheoirí aonair agus na gníomhaíochtaí fála;

(f)toradh na ngníomhaíochtaí fála;

(g)dul chun cinn i dtreo na gcuspóirí a leagtar amach in Airteagal 3 den Rialachán seo a bhaint amach agus tograí i gcomhair obair riachtanach bhreise chun na cuspóirí sin a bhaint amach.

(2)Seolfaidh oifigeach cuntasaíochta an Chomhghnóthais na cuntais shealadacha chuig oifigeach cuntasaíochta an Choimisiúin agus chuig an gCúirt Iniúchóirí i gcomhréir le rialacha airgeadais an Chomhghnóthais.

(3)Seolfaidh an Stiúrthóir Feidhmiúcháin an tuarascáil ar bhainistíocht bhuiséadach agus airgeadais chuig Parlaimint na hEorpa, chuig an gComhairle agus chuig an gCúirt Iniúchóirí i gcomhréir le rialacha airgeadais an Chomhghnóthais.

(4)Déanfar an nós imeachta um urscaoileadh i gcomhréir le rialacha airgeadais an Chomhghnóthais.

Airteagal 21

Iniúchóireacht inmheánach

(1)Na cumhachtaí a fheidhmeoidh iniúchóir inmheánach an Choimisiúin maidir leis an gComhghnóthas, is iad na cumhachtaí céanna a fheidhmeoidh sé maidir leis an gCoimisiún.

(2)Beidh an Comhghnóthas in acmhainn an iniúchóireacht inmheánach a dhéanamh dó féin.

Airteagal 22

Dliteanas na mball agus árachas

(1)Beidh dliteanas airgeadais bhaill an Chomhghnóthais as fiacha an Chomhghnóthais teoranta do ranníocaíochtaí a rinne siad cheana leis na costais riaracháin.

(2)Glacfaidh an Comhghnóthas árachas iomchuí, agus coinneoidh sé é.

Airteagal 23

Coinbhleacht leasa

(1)Seachnóidh an Comhghnóthas, a chomhlachtaí agus a fhoireann aon choinbhleacht leasa agus a ngníomhaíochtaí ar bun.

(2)Glacfaidh an Bord Rialála le rialacha lena ndéanfar cosc agus bainistiú ar choinbhleachtaí leasa i ndáil leis na daoine atá ag freastal ar an mBord Rialála agus sna comhlachtaí nó i ngrúpaí eile de chuid an Chomhghnóthais.

Airteagal 24

Foirceannadh

(1)Foirceannfar an Comhghnóthas ag deireadh na tréimhse a leagtar amach in Airteagal 1 den Rialachán seo.

(2)Mar aon le mír 1, tionscnófar an nós imeacht um fhoirceannadh go huathoibríoch má aistarraingíonn an tAontas nó gach ball seachas an tAontas ón gComhghnóthas.

(3)Chun críche na nósanna imeachta um fhoirceannadh a dhéanamh ar an gComhghnóthas, ceapfaidh an Bord Rialála leachtaitheoir(í) a chloífidh le cinntí an Bhoird Rialála.

(4)Nuair atá an Comhghnóthas á fhoirceannadh, úsáidfear a chuid sócmhainní chun a dhliteanais a chumhdach mar aon leis an gcaiteachas a bhaineann lena fhoirceannadh . Aistreofar na sár-ríomhairí faoi úinéireacht an Chomhghnóthais chuig na heintitis óstacha nó Baill Phríobháideacha nó cuibhreannas comhpháirtithe príobháideacha faoi seach, díolfar iad nó díchoimisiúnófar iad nuair a dhéanann an Bord Rialála cinneadh, agus is i gcomhréir leis an gcomhaontú óstála a dhéanfar sin. Ní bheidh dliteanas ar bhaill an Chomhghnóthais maidir le haon chostais a tabhaíodh tar éis úinéireacht sár-ríomhaire a aistriú nó tar éis é a dhíol nó a dhíchoimisiúnú. Luach iarmharach na sár-ríomhairí a aistrítear leis an gComhghnóthas, i gcás aistriú úinéireachta, aisíocfaidh an t‑eintiteas óstach an luach sin leis an gComhghnóthas, nó aisíocfaidh na Baill Phríobháideacha nó an cuibhreannas comhpháirtithe príobháideacha leis é. Má bhíonn barrachas ann, roinnfear ar na baill é nuair atá an foirceannadh á dhéanamh, rud a tharlóidh i gcomhréir leis an ranníocaíocht airgeadais a rinne na baill leis an gComhghnóthas. Aon bharrachas den chineál sin a roinneadh ar an Aontas, cuirfear ar ais é i mbuiséad ginearálta an Aontais.

(5)Bunófar nós imeachta ad hoc chun bainistiú iomchuí aon chomhaontaithe a chuirtear i gcrích nó aon chinnidh a ghlacann an Comhghnóthas a áirithiú, chomh maith le haon chonradh fála le fad níos faide ná fad an Chomhghnóthais.

(1)    Cinneadh 2009/937/AE ón gComhairle an 1 Nollag 2009 lena nglactar Rialacha Nós Imeachta na Comhairle (IO L 325, 11.12.2009, lch. 35).

AN COIMISIÚN EORPACH

An Bhruiséil,18.9.2020

COM(2020) 569 final

IARSCRÍBHINN

a ghabhann leis an

TOGRA LE HAGHAIDH RIALACHÁN ÓN gCOMHAIRLE

maidir leis an gComhghnóthas Ríomhaireachta Ardfheidhmíochta Eorpach a bhunú

{SWD(2020) 179 final}

RÁITEAS AIRGEADAIS REACHTACH

Ábhar

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimsí beartais lena mbaineann (Braisle cláir)

1.3.Baineann an togra/tionscnamh le:

1.4.Forais an togra/tionscnaimh

1.4.1.Na ceanglais is gá a chomhlíonadh sa ghearrthéarma nó san fhadtéarma, lena n-áirítear amlíne mhionsonraithe maidir le cur chun feidhme céimneach an tionscnaimh

1.4.2.Breisluach rannpháirtíocht an Aontais

1.4.3.Ceachtanna a foghlaimíodh ó thaithí eile den sórt sin san am a chuaigh thart

1.4.4.Comhoiriúnacht agus sineirgíocht fhéideartha le hionstraimí iomchuí eile

1.5.Fad agus tionchar airgeadais

1.6.Modhanna bainistíochta atá beartaithe

2.BEARTA BAINISTÍOCHTA

2.1.Rialacha faireacháin agus tuairiscithe

2.2.Córas bainistíochta agus rialaithe

2.2.1.An bonn cirt atá leis na modhanna bainistíochta, le sásraí cur chun feidhme an mhaoinithe, leis na coinníollacha íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chost-éifeachtúlacht na rialuithe agus an bonn cirt atá leis sin (cóimheas “costais rialaithe ÷ luach na gcistí gaolmhara arna mbainistiú”) agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh)

2.3.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteideal an chreata airgeadais ilbhliantúil agus an líne buiséid (línte buiséid) nua caiteachais atá beartaithe

3.2.An tionchar a mheastar a bheidh ag an togra/tionscnamh ar chaiteachas

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

3.2.2.An tionchar a mheastar a bheidh ar acmhainní daonna an Chomhghnóthais

3.2.3.Acmhainní daonna an Choimisiúin a mheastar a bheidh riachtanach

3.2.4.Ranníocaíochtaí ó thríú páirtithe

3.3.An tionchar a mheastar a bheidh ar ioncam

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh 

1.2.Réimsí beartais lena mbaineann (Braisle cláir)

1.3.Baineann an togra/tionscnamh le: 

◻ beart nua 

◻ beart nua a leanann treoirthionscadal/réamhbheart 1  

☑ síneadh ar bheart atá ann cheana 

◻ beart nó bearta a chumasc nó a atreorú i dtreo beart eile/beart nua 

1.4.Forais an togra/tionscnaimh 

1.4.1.Na ceanglais is gá a chomhlíonadh sa ghearrthéarma nó san fhadtéarma, lena n-áirítear amlíne mhionsonraithe maidir le cur chun feidhme céimneach an tionscnaimh

1.4.2.Breisluach rannpháirtíocht an Aontais 

1.4.3.Ceachtanna a foghlaimíodh ó thaithí eile den sórt sin san am a chuaigh thart

1.4.4.Comhoiriúnacht agus sineirgíocht fhéideartha le hionstraimí iomchuí eile

1.5.Fad agus tionchar airgeadais 

☑ tréimhse theoranta

–☑    i bhfeidhm ón 01/01/2021 go dtí an 31/12/2033

–☑    Tionchar airgeadais ó 2021 go 2027 maidir le leithreasuithe faoi chomhair oibleagáidí agus ó 2021 go 2033 maidir le leithreasuithe faoi chomhair íocaíochtaí.

◻ tréimhse neamhtheoranta

–Cuirfear chun feidhme é le linn na tréimhse tosaigh BBBB go BBBB,

–agus cuirfear ag feidhmiú go hiomlán ina dhiaidh sin é.

1.6.Modhanna bainistíochta atá beartaithe 2   

◻ Bainistíocht dhíreach a dhéanann an Coimisiún

–◻ ina ranna, lena n-áirítear an chuid sin den fhoireann atá i dtoscaireachtaí an Aontais;

–◻    trí na gníomhaireachtaí feidhmiúcháin

◻ Bainistíocht atá comhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

–◻ tríú tíortha nó na comhlachtaí a d'ainmnigh siad;

–◻ eagraíochtaí idirnáisiúnta agus a ngníomhaireachtaí (tabhair sonraí);

–◻BEI agus an Ciste Eorpach Infheistíochta;

–☑ comhlachtaí dá dtagraítear in Airteagal 70 agus Airteagal 71 den Rialachán Airgeadais;

–◻ comhlachtaí dlí phoiblí;

–◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

–◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

–◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

–I gcás ina sonraítear níos mó ná modh bainistíochta amháin, tabhair sonraí sa roinn "Nótaí" le do thoil.

Nótaí

 

2.BEARTA BAINISTÍOCHTA 

2.1.Rialacha faireacháin agus tuairiscithe 

Sonraigh minicíocht na mbeart agus na coinníollacha atá leo

2.2. Córas bainistíochta agus rialaithe 

2.2.1.An bonn cirt atá leis na modhanna bainistíochta, le sásraí cur chun feidhme an mhaoinithe, leis na coinníollacha íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chost-éifeachtúlacht na rialuithe agus an bonn cirt atá leis sin (cóimheas “costais rialaithe ÷ luach na gcistí gaolmhara arna mbainistiú”) agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh) 

2.3.Bearta chun calaois agus neamhrialtachtaí a chosc 

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Frithchalaoise.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteideal an chreata airgeadais ilbhliantúil agus an líne buiséid (línte buiséid) nua caiteachais atá beartaithe 

Ceannteideal an chreata airgeadais ilbhliantúil	Líne buiséid	Saghas   caiteachais	Ranníocaíocht
	Ceannteideal 1 Margadh Aonair, Nuálaíocht agus Digiteach – Fís Eorpach	LD/LN 5 .	ó thíortha de chuid CSTE 6	ó thíortha is iarrthóirí 7	ó thríú tíortha	de réir bhrí Airteagal [21(2)(b)] den Rialachán Airgeadais
1 - Margadh Aonair, Nuálaíocht agus Digiteach	01 02 02 42 01 – HE - Braisle Dhigiteach, Tionscal agus Spás – Comhghnóthas Ríomhaireacht Ardfheidhmíochta (EuroHPC) Caiteachas tacaíochta 01 02 02 42 02 – HE - Braisle Dhigiteach, Tionscal agus Spás – Comhghnóthas Ríomhaireacht Ardfheidhmíochta (EuroHPC) Caiteachas oibríochtúil 02 04 02 11 01 – DEP - Comhghnóthas Ríomhaireacht Ardfheidhmíochta (EuroHPC) Caiteachas tacaíochta 02 04 02 11 02 – DEP - Comhghnóthas Ríomhaireacht Ardfheidhmíochta (EuroHPC) Caiteachas oibríochtúil 02 03 03 - SCE Digiteach	Difreáilte	TÁ	TÁ	TÁ	TÁ

Leithreasuithe faoi chomhair oibleagáidí (EUR milliúin go dtí an tríú deachúil)
líne buiséid	Bliain 2021	Bliain 2022	Bliain 2023	Bliain 2024	Bliain 2025	Bliain 2026	Bliain 2027	Tar éis 2027	IOMLÁN
01 02 02 42 01 – HE - Braisle Dhigiteach, Tionscal agus Spás – Comhghnóthas Ríomhaireacht Ardfheidhmíochta (EuroHPC) Caiteachas tacaíochta 8	p.m.	p.m.	p.m.	p.m.	p.m.	p.m.	p.m.		p.m.
01 02 02 42 02 – HE - Braisle Dhigiteach, Tionscal agus Spás – Comhghnóthas Ríomhaireacht Ardfheidhmíochta (EuroHPC) Caiteachas oibríochtúil	p.m.	p.m.	p.m.	p.m.	p.m.	p.m.	p.m.		p.m.
02 04 02 11 01 – DEP - Comhghnóthas Ríomhaireacht Ardfheidhmíochta (EuroHPC) Caiteachas tacaíochta	2,017	3,149	3,660	3,733	3,808	3,884	9,748		30,000
02 04 02 11 02 – DEP - Comhghnóthas Ríomhaireacht Ardfheidhmíochta (EuroHPC) Caiteachas oibríochtúil	397,983	386,851	396,340	146,267	296,192	346,116	400,251		2.370,000
02 03 03 - SCE Digiteach	10,000	20,000	40,000	70,000	20,000	20,000	20,000		200,000
Caiteachas iomlán	410,000	410,000	440,000	220,000	320,000	370,000	430,000		2.600,000

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas 

EUR milliúin (go dtí an tríú deachúil)

Ceannteideal an chreata airgeadais   ilbhliantúil

1

1 - Margadh Aonair, Nuálaíocht agus Digiteach

   

Comhghnóthas 9 10 11			2021	2022	2023	2024	2025	2026	2027 12	Tar éis 2027	IOMLÁN
Teideal 1	Gealltanais	(1)	0,402	1,434	1,911	1,949	1,988	2,028	6,205		15,917
	Íocaíochtaí	(2)	0,402	1,434	1,911	1,949	1,988	2,028	2,068	4,137	15,917
Teideal 2	Gealltanais	(1a)	1,615	1,715	1,749	1,784	1,820	1,856	3,544		14,083
	Íocaíochtaí	(2a)	1,615	1,715	1,749	1,784	1,820	1,856	1,894	1,650	14.083
Teideal 3	Gealltanais	(3a)	407,983	406,851	436,340	216,267	316,192	366,116	420,251		2.570,000
	Íocaíochtaí	(3b)	122,000	225,000	350,000	185,000	290,000	345,000	400,000	653,000	2.570,000
IOMLÁN na leithreasuithe don Chomhghnóthas	Gealltanais	=1+1a +3a	410,000	410,000	440,000	220,000	320,000	370,000	430,000	-	2.600,000
	Íocaíochtaí	=2+2a+3b	124,017	228,149	353,660	188,733	293,808	348,884	403,962	658,787	2.600,000

EUR milliúin (go dtí an tríú deachúil)
		2021	2022	2023	2024	2025	2026	2027	Tar éis 2027	IOMLÁN
Acmhainní Daonna		p.m	p.m	p.m	p.m	p.m	p.m	p.m	p.m	p.m
Caiteachas riaracháin eile		p.m	p.m	p.m	p.m	p.m	p.m	p.m	p.m	p.m
IOMLÁN Ard-Stiúrthóireacht	Leithreasuithe	p.m	p.m	p.m	p.m	p.m	p.m	p.m	p.m	p.m

 

EUR milliúin (go dtí an tríú deachúil)

			2021	2022	2023	2024	2025	2026	2027	Tar éis 2027	IOMLÁN
IOMLÁN na leithreasuithe d’imchlúdach an Chláir - Ceannteideal 1 13 den chreat airgeadais ilbhliantúil	Gealltanais		410,000	410,000	440,000	220,000	320,000	370,000	430,000	-	2.600,000
	Íocaíochtaí		124,017	228,149	353,660	188,733	293,808	348,884	403,962	658,787	2.600,000

Ceannteideal an chreata airgeadais   ilbhliantúil

7

“Caiteachas riaracháin”

EUR milliúin (go dtí an tríú deachúil)

Ard-Stiúrthóireacht na Líonraí Cumarsáide, an Ábhair Dhigitigh agus na Teicneolaíochta (4 FTE STATUTORY AD, 2 FTE AC)		2021	2022	2023	2024	2025	2026	2027	Tar éis 2027	IOMLÁN
Acmhainní daonna 14		0,760	0,760	0,760	0,760	0,760	0,760	0,760	p.m	5,320
Caiteachas riaracháin eile		p.m	p.m	p.m	p.m	p.m	p.m	p.m	p.m	p.m
IOMLÁN leithreasuithe faoi CHEANNTEIDEAL 7 den chreat airgeadais ilbhliantúil	(Iomlán gealltanas = Iomlán íocaíochtaí)	0,760	0,760	0,760	0,760	0,760	0,760	0,760	p.m	5,320

EUR milliúin (go dtí an tríú deachúil)

			2021	2022	2023	2024	2025	2026	2027	Tar éis 2027	IOMLÁN
IOMLÁN na leithreasuithe thar CHEANNTEIDIL den creat airgeadais ilbhliantúil	Gealltanais		410,760	410,760	440,760	220,760	320,760	370,760	430,760		2.605,320
	Íocaíochtaí		124,777	228,909	354,420	189,420	294,568	349,644	404,722	658,787	2.605,320

3.2.2.An tionchar a mheastar a bheidh ar acmhainní daonna an Chomhghnóthais 

–◻    Ní éilíonn an togra/tionscnamh go n-úsáidfear leithreasuithe de chineál riaracháin

–☑    Éilíonn an togra/tionscnamh go n-úsáidfear leithreasuithe de chineál riaracháin mar a mhínítear thíos:

Uimhreacha foirne (i gcomhaireamh daoine / coibhéis lánaimseartha (FTE))
	Bliain 2021	Bliain 2022	Bliain 2023	Bliain 2024	Bliain 2025	Bliain 2026	Bliain 2027	Tar éis 2027	IOMLÁN
Oifigigh (Gráid AD)
Oifigigh (Gráid AST)
Ball foirne ar conradh	20	25	30	30	30	30	30
Foireann shealadach	14	22	27	27	27	27	27
Saineolaithe Náisiúnta ar Iasacht
IOMLÁN	34	47	57	57	57	57	57
EUR milliúin (go dtí an tríú deachúil)
	Bliain 2021	Bliain 2022	Bliain 2023	Bliain 2024	Bliain 2025	Bliain 2026	Bliain 2027	Tar éis 2027	IOMLÁN
Oifigigh (Gráid AD)
Oifigigh (Gráid AST)
Ball foirne ar conradh	1,019	1,624	1,988	2,028	2,069	2,110	2,152	4,304	17,294
Foireann shealadach	1,148	2,863	3,584	3,656	3,729	3,804	3,880	7,759	30,423
Saineolaithe Náisiúnta ar Iasacht
IOMLÁN	2,168	4,488	5,572	5,684	5,798	5,914	6,032	12,063	47,717

An tionchar measta ar an bhfoireann (FTE breise) – plean bunaíochta 15

Grúpa feidhme agus grád

Bliain 2021

Bliain 2022

Bliain 2023

Bliain 2024

Bliain 2025

Bliain 2026

Bliain 2027

Bliain 2028

Bliain 2029

Bliain 2030

Bliain 2031

Tar éis 2031

AD16

AD15

AD14

AD13

AD12

AD11

AD10

AD9

AD8

AD7

AD6

AD5

AD Iomlán

14

22

27

27

27

27

27

AST11

AST10

AST9

AST8

AST7

AST6

AST5

AST4

AST3

AST2

AST1

AST Iomlán

AST/SC 6

AST/SC 5

AST/SC 4

AST/SC 3

AST/SC 2

AST/SC 1

AST/SC Iomlán

An tionchar measta ar an bhfoireann (bhreise) – pearsanra seachtrach

Gníomhairí conartha

Bliain 2021

Bliain 2022

Bliain 2023

Bliain 2024

Bliain 2025

Bliain 2026

Bliain 2027

Bliain 2028

Bliain 2029

Bliain 2030

Bliain 2031

Tar éis 2031

Grúpa feidhme IV

Grúpa feidhme III

Grúpa feidhme II

Grúpa feidhme II

Iomlán

20

25

30

30

30

30

30

Saineolaithe náisiúnta ar iasacht

Bliain 2021

Bliain 2022

Bliain 2023

Bliain 2024

Bliain 2025

Bliain 2026

Bliain 2027

Bliain 2028

Bliain 2029

Bliain 2030

Bliain 2031

Tar éis 2031

Iomlán

3.2.3.Acmhainní daonna an Choimisiúin a mheastar a bheidh riachtanach

–◻    Ní éilíonn an togra/tionscnamh go n-úsáidfear acmhainní daonna.

–☑ Éilíonn an togra/tionscnamh go n-úsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

Blianta		2021	2022	2023	2024	2025	2026	2027
• Poist don phlean bunaíochta (oifigigh agus foireann shealadach)
Ceanncheathrú agus Oifigí Ionadaíocht an Choimisiúin		4	4	4	4	4	4	4
Toscaireachtaí
Taighde
• Foireann sheachtrach (i gcoibhéis lánaimseartha: FTE) - AC, AL, END, INT agus JED  16 Ceannteideal 7
Maoinithe ó CHEANNTEIDEAL 7 den chreat airgeadais ilbhliantúil	- sa cheanncheathrú	2	2	2	2	2	2	2
	- i dtoscaireachtaí
Maoinithe ó imchlúdach an chláir  17	- sa cheanncheathrú
	- i dtoscaireachtaí
Taighde
Eile (sonraigh)
IOMLÁN		6	6	6	6	6	6	6

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó ar athshannadh a gcúraimí laistigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Oifigigh agus pearsanra sealadach
Pearsanra seachtrach

3.2.4.Ranníocaíochtaí ó thríú páirtithe 18  

I gcás an togra/tionscnaimh seo:

–◻    ní dhéantar foráil maidir le cómhaoiniú le tríú páirtithe

–☑    déantar foráil maidir leis an gcómhaoiniú le tríú páirtithe atá réamh-mheasta thíos:

–Leithreasuithe in EUR milliúin (go dtí an tríú deachúil)
	Bliain 2021	Bliain 2022	Bliain 2023	Bliain 2024	Bliain 2025	Bliain 2026	Bliain 2027	Tar éis 2027	IOMLÁN
Ranníocaíocht airgeadais le costais riaracháin an Chomhghnóthais cumhdaithe ag na Stáit Rannpháirteacha	2,295	3,175	3,175	3,175	3,175	3,175	3,175	8,655	30,000
Ranníocaíochtaí airgeadais le costais riaracháin ó na Baill phríobháideacha/Comhpháirtithe comhlachaithe (Airt 22.3.b SBA)	0,000	0,000	1,000	1,000	1,000	1,000	1,000	1,000	6,000
Ranníocaíochtaí airgeadais le costais oibriúcháin ó na Stáit Rannpháirteacha	407,705	406,825	436,825	216,825	316,825	366,825	418,170	0,00	2 570,000
Ranníocaíochtaí comhchineáil le gníomhaíochtaí oibríochta ó na Baill phríobháideacha/Comhpháirtithe comhlachaithe (Airt 22.3.d SBA)
Ranníocaíochtaí comhchineáil le gníomhaíochtaí oibríochta ó na Stáit Rannpháirteacha
IOMLÁN leithreasuithe cómhaoinithe	410,000	410,000	441,000	221,000	321,000	371,000	422,345	9,655	2 606,000

 

3.3.An tionchar a mheastar a bheidh ar ioncam 

–☒    Ní bheidh tionchar airgeadais ar bith ag an togra ar ioncam.

–◻    Beidh an tionchar airgeadais seo a leanas ag an togra/tionscnamh:

–◻    ar acmhainní dílse

–◻    ar ioncam eile

má tá an t-ioncam sannta do línte caiteachais, sonraigh sin ◻    

EUR milliúin (go dtí an tríú deachúil)

Líne buiséid ioncaim:	Tionchar an togra/tionscnaimh 19
	2021	2022	2023	2024	2025	2026	2027
Airteagal ………….

I gcás ioncam ilghnéitheach atá ‘sannta’, sonraigh na línte buiséid a n-imrítear tionchar orthu.

Aon rud eile (e.g. an modh nó an fhoirmle a úsáideadh chun an tionchar ar ioncam a ríomh nó aon fhaisnéis eile). 

(1)    Faoi mar a thagraítear dó in Airteagal 58(2)(a) nó (b) den Rialachán Airgeadais.

(2)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard-Stiúrthóireacht an Bhuiséid: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(3)    Rialachán (Euratom, CE) Uimh. 2185/96 ón gComhairle an 11 Samhain 1996 maidir le rialuithe ar an láthair agus cigireachtaí arna ndéanamh ag an gCoimisiún d’fhonn cosaint a thabhairt do leasanna airgeadais na gComhphobal Eorpach i gcoinne calaoise agus neamhrialtachtaí eile (IO L 292, 15.11.1996, lch. 2).

(4)    Rialachán (AE, Euratom) Uimh. 883/2013 ó Pharlaimint na hEorpa agus ón gComhairle an 11 Meán Fómhair 2013 maidir le himscrúduithe arna ndéanamh ag an Oifig Eorpach Frith-Chalaoise (OLAF) agus lena n-aisghairtear Rialachán (CE) Uimh. 1073/1999 ó Pharlaimint na hEorpa agus ón gComhairle agus Rialachán (Euratom) Uimh. 1074/1999 ón gComhairle (IO L 248, 18.9.2013, lch. 1).

(5)    LD = Leithreasuithe difreáilte / LN = Leithreasuithe neamhdhifreáilte.

(6)    CSTE: Comhlachas Saorthrádála na hEorpa.

(7)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n-iarrthóirí.

(8) Ní féidir an ranníocaíocht HE a thabhairt le fios ag an gcéim seo. Tugtar le fios sna táblaí seo a leanas den Ráiteas Airgeadais ranníocaíochtaí a bhaineann le DEP agus SCE amháin. Tá sé i gceist go mbeadh an ranníocaíocht HE i gcomhréir leis an ranníocaíocht bhliantúil reatha le EuroHPC.

(9) Áirítear sa tábla seo ranníocaíocht an Aontais Eorpaigh ó na Cláir DEP agus SCE amháin.

(10) Léiríonn na méideanna i dTeideal 1 agus i dTeideal 2 ranníocaíocht an Aontais do chostais riaracháin an Chomhghnóthais. Tagann an chuid eile atá fágtha ó ranníocaíochtaí a rinne baill eile den Chomhghnóthas faoi mar a thaispeántar i gcuid 3.2.5.

(11) Na leithreasaí i gcomhair íocaíochtaí i dTeideal 1 agus Teideal 2, is ar thomhaltas bliantúil na leithreasaí faoi chomhair oibleagáidí a chomhfhreagraíonn dóibh atá siad bunaithe, agus is i gcomhair le Theideal 3 a chinntear iad trí chineál na ngníomhaíochtaí indíreacha agus a sceideal íocaíochta (réamhchistiú, íocaíochtaí eatramhacha agus íocaíocht na iarmhéid) a chur san áireamh.

(12) Is i dTeideal 1 agus i dTeideal 2 atá na gealltanais le fáil i gcás na bliana 2027, agus tús-ualú na ngealltanas do na blianta a bheidh fágtha den Chomhghnóthas sa tréimhse 2027–2033.

(13)  Comhfhreagraíonn na leithreasuithe a éilítear le haghaidh acmhainní daonna agus caiteachas eile de chineál riaracháin atá lasmuigh de Cheannteideal 7 do na méideanna atá cumhdaithe ag ranníocaíocht airgeadais an Aontais. Ní áirítear leis na méideanna thuas an ranníocaíocht ó na Ballstáit i dtreo chostais riaracháin an Lárionaid Inniúlachta, atá i gcomhréir le ranníocaíocht airgeadais an Aontais.

(14)    Ag cumhdach riarachán gníomhaíochtaí Digiteacha DEP agus SCE. Cinntear na costais FTE ar bhonn an mheánchostais bhliantúil a bhaineann le foireann AD (EUR 150 000) agus CA (EUR 80 000).

(15) Áirítear i dtábla foirne an Chomhghnóthais 16 FTE le haghaidh na coda a bhaineann le HE. Tá na huimhreacha foirne sin a bhaineann leis an gcuid seo fós cobhsaí i gcomparáid leis an bhfoireann EuroHPC reatha (16 FTE) agus cumhdófar freisin cur chun feidhme leagáid an Chomhghnóthais Ríomhaireachta Ardfheidhmíochta Eorpaigh reatha.

(16)    AC= Ball foirne ar conradh; AL = Ball foirne áitiúil; END = Saineolaí náisiúnta ar iasacht; INT= Ball foirne gníomhaireachta; JPD = Saineolaithe sóisearacha i dtoscaireachtaí.

(17)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte “BA”).

(18) Caithfear na ranníocaíochtaí tríú páirtí a nuashonrú chun léiriú a thabhairt ar éifeacht na ranníocaíochtaí breise ón gclár Fís Eorpach

(19)    A fhad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 20 % de na costais bhailiúcháin a bheith bainte astu.

AN COIMISIÚN EORPACH

An Bhruiséil,18.9.2020

COM(2020) 569 final

IARSCRÍBHINN

a ghabhann leis an

Togra le haghaidh Rialachán ón gComhairle

maidir leis an gComhghnóthas Ríomhaireachta Ardfheidhmíochta Eorpach a bhunú

{SWD(2020) 179 final}