AN COIMISIÚN EORPACH

An Bhruiséil,28.5.2020

COM(2020) 447 final

2018/0206(COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Ciste Sóisialta na hEorpa Plus (CSE+)

MEABHRÁN MÍNIÚCHÁIN

1COMHTHÉACS AN TOGRA

•Forais agus cuspóirí an togra

Ar an 30 Bealtaine ghlac an Coimisiún togra le haghaidh Rialachán maidir le Ciste Sóisialta na hEorpa Plus (CSE+) 1 . Ó rinneadh sin, bhí ar gheilleagar na hEorpa dul i ngleic le turraing eisigineach shiméadrach nach raibh a leithéid ann riamh roimhe de thoradh phaindéim COVID-19 agus cuireadh brú tromchúiseach ar gheilleagar, margadh saothair agus córais shóisialta agus sláinte na mBallstát. I bhfianaise an dúshláin sin, ba cheart don Aontas beart iomchuí a dhéanamh chun téarnamh ón turraing shláinte, shóisialta agus eacnamaíoch a tháinig as paindéim COVID-19.

Ar an 27 Bealtaine 2020, ghlac an Coimisiún togra athbhreithnithe le haghaidh an chéad chreata airgeadais ilbhliantúil eile le haghaidh na tréimhse 2021-2027 2 . Léiríonn an togra freagairt na hEorpa ar thionchar sóisialta eacnamaíoch phaindéim COVID-19.

Leanfaidh éifeachtaí COVID-19, idir dhíreach agus indíreach, de bheith ag imirt tionchar mór díobhálach ar na Ballstáit uile sa mheántéarma agus san fhadtéarma agus ardófar leibhéil na n‑éagothromaíochtaí, na bochtaineachta agus dhífhostaíocht an aois óig. Dá bhrí sin, measann an Coimisiún gur gá an togra maidir le Ciste Sóisialta na hEorpa Plus a leasú chun é a chur in oiriúint don Phacáiste Téarnaimh nua agus chun an deis a thabhairt infheistíochtaí straitéiseacha a dhéanamh i gcórais agus beartais fostaíochta agus shóisialta.

Chun go n‑éireoidh na hinfheistíochtaí sin ina ngnéithe cuimsitheacha inbhuanaithe de shamhail fáis athspreagtha, agus i gcomhréir leis na gealltanais a rinne an tAontas go gcuirfeadh sé chun feidhme Clár Oibre 2030 na Náisiún Aontaithe le haghaidh Forbairt Inbhuanaithe agus Comhaontú Pháras, tá na leasuithe ar Rialachán CSE+ dírithe, i gcomhréir le treoirlíne an Uachtaráin von der Leyen, ar an méid seo a leanas:

•    Méadú ar na ceanglais díriúcháin théamaigh le haghaidh fostaíocht don aos óg. Mar a léirigh cúluithe eacnamaíocha roimhe seo, tá fostaíocht an aois óig níos íogaire ó thaobh thimthriall an ghnó de ná fostaíocht na ndaoine fásta agus is dócha go dtiocfaidh rátaí dhífhostaíocht an aois óg agus NEET an‑ard ar fad ar ais de dheasca an chúlaithe eacnamaíoch a tháinig as paindéim COVID-19 Chun tacaíocht breise a thabhairt do théarnamh eacnamaíoch cuimsitheach agus d’aistrithe ón scoil go dtí an obair agus athruithe ag teacht ar shaol na hoibre agus chun a áirithiú go mbainfidh daoine óga an leas is fearr is féidir a bhaint as deiseanna a eascraíonn ó aistrithe digiteacha, aistrithe athléimneacha agus aistrithe glasa, ba cheart do na Ballstáit ina bhfuil ráta NEET acu (aoisghrúpa 15-29) os cionn mheán an Aontais 15 % ar a laghad dá n‑acmhainní CSE+ faoi bhainistíocht chomhroinnte a chlársceidealú le haghaidh gníomhaíochtaí spriocdhírithe agus athchóirithe chun tacú le daoine óga (méadú ar an seanráta 10 %).

•    Dul i ngleic le bochtaineacht leanaí: De réir loighic an téarnaimh, is amhlaidh is mó arís an tábhacht a bheidh le dul i ngleic le bochtaineacht leanaí sna blianta amach romhainn, chun a áirithiú nach bhfágfar leanbh ar bith ar deireadh tar éis ghéarchéim COVID-19. Tá sé beartaithe go mbeidh aithris agus airteagal ann ina mbeidh sé leagtha síos gur cheart do na Ballstáit 5 % ar a laghad de na hacmhainní CSE+ faoi bhainistíocht chomhroinnte a leithdháileadh chun dul i ngleic le bochtaineacht leanaí.

•    Aistrithe glasa agus digiteacha a chur chun cinn i gcomhréir le Straitéis Tionsclaíochta an Aontais 3 , straitéis a mbeidh scileanna nua le haghaidh cineálacha nua poist de dhíth chun í a chur i gcrích. Agus an “gnáthamh nua” ar bun tar éis phaindéim COVID-19 beidh gá le tacar scileanna nua agus tiocfaidh samhlacha eacnamaíocha agus gnó nua chun cinn in éiceachórais thionsclaíocha na hEorpa, lena n‑áirítear slabhraí luachanna áitiúla nua, slabhraí ar cheart Ciste Sóisialta na hEorpa a úsáid chun tacú leo.

Is díréireach an éifeacht a bhí ag paindéim COVID-19 ar na mná. Dá bhrí sin, ba cheart do na Ballstáit féachaint chuige mar is ceart go leanfaidh oibríochtaí go docht prionsabal cothrománach an chomhionannais inscne mar a leagtar síos in Airteagal 6 de Rialachán CSE+.

Tá an Coimisiún ag beartú freisin go mbunófar Clár Sláinte 4 a bheidh daingnithe go mór ba cheart, ó bheidh sé chomh mór sin agus scóip chomh mór sin aige, a bheith ina chlár neamhspleách. Dá bhrí sin, níl an Clár Sláinte ina chuid de Chiste Sóisialta na hEorpa Plus níos mó. Dá thoradh sin, ní mór an togra le haghaidh Chiste Sóisialta na hEorpa Plus a leasú agus na tagairtí uile don tsraith Sláinte a scriosadh. Ós rud é, áfach, gur gá an dá chlár a chomhordú go dlúth le chéile, tá forálacha i CSE+ leasaithe lena n‑iarrtar go n‑áiritheofar sineirgí agus comhlántacht ngníomhaíochtaí idir CSE+ agus Clár Sláinte nua an Aontais.

Chun na ceachtanna atá le foghlaim ón ngéarchéim seo a fhoghlaim, ní mór sásraí a bheith ann is féidir a úsáid go tapa má thagann cásanna eisceachtúla chun cinn laistigh de dheich mbliana a chur sa chreat dlíthiúil le haghaidh beartas comhtháthaithe. Dá bhrí sin, tá sé beartaithe go mbeidh bearta sealadacha ann le haghaidh úsáid CSE+ mar fhreagairt ar chásanna eisceachtúla agus ar chásanna neamhghnácha chun a áirithiú gur féidir foráil maidir le maoluithe ar rialacha áirithe, faoi dhálaí teoranta sonracha, chun gur fusa freagairt a thabhairt ar na cásanna sin.

Ar na bearta sin tá an deis raon feidhme CSE+ a leathnú chun nithe a chumhdach amhail tacaíocht a thabhairt do scéimeanna oibre gearrthréimhse, nach bhfuil comhcheangailte de bhearta gníomhacha, agus rochtain ar chúram sláinte, lena n‑airítear do dhaoine nach mbaineann íogaireacht shocha-eacnamaíoch láithreach leo agus, lena chois sin, cead a thabhairt ceanglais díriúcháin théamaigh a mhaolú nuair is gá chun gur féidir freagairt éifeachtach a thabhairt ar na cásanna eisceachtúla agus ar na cásanna neamhghnácha sin.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht (maidir le hinniúlacht neamheisiach)

Comhlíonann an togra leasaithe prionsabal na coimhdeachta. Tá sásra chun freagairt a thabhairt ar ghéarchéimeanna tugtha isteach sa togra faoi na rialacha maidir le bainistíocht chomhroinnte i bhfoirm cumhachtaí cur chun feidhme don Choimisiún chun a áirithiú gur féidir, i gcásanna eisceachtúla, maoluithe a thabhairt chun teagmhais den chineál sin a fhreagairt. Tá na cumhachtaí cur chun feidhme tugtha chun é a thabhairt de chumhacht don Choimisiún gníomhú láithreach gan an gá a bheith ann reachtaíocht phríomha a athrú.

•Comhréireacht

Athrú spriocdhírithe is ea an togra nach dtéann thar a bhfuil riachtanach chun an cuspóir, eadhon an togra a oiriúnú don togra leasaithe ón gCoimisiún le haghaidh CAI, a bhaint amach.

Leis an gcumhachtú atá beartaithe, tabharfar an chumhacht don Choimisiún tacar teoranta beart a ghlacadh, i gcás ina mbeidh géarchéim ann, ar feadh tréimhse theoranta agus faoi smacht na Comhairle agus na Parlaiminte a fhéadfaidh agóid a dhéanamh in aghaidh na modhnuithe a bheidh beartaithe. Comhlíonann sé mar sin prionsabal na comhréireachta.

•An rogha ionstraime

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

•Comhairliúcháin leis na páirtithe leasmhara

•Bailiú agus úsáid saineolais

•Measúnú tionchair

•Oiriúnacht rialála agus simpliú

Neamhbhainteach

•Cearta bunúsacha

4.IMPLEACHTAÍ BUISÉADACHA

Scriosadh na leithreasuithe buiséadacha atá nasctha leis an tsraith Sláinte.

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

Déanfar faireachán agus tuairisciú ar chur chun feidhme na mbeart faoi chuimsiú na sásraí tuairiscithe a chuirtear ar bun sa togra le haghaidh Rialachán COM (2018) 375 an 29 Bealtaine 2018 agus an togra le haghaidh Rialachán COM (2018) 375 an 30 Bealtaine 2018.

•Doiciméid mhíniúcháin (le haghaidh treoracha)

Neamhbhainteach

•Míniúchán mionsonraithe ar fhorálacha sonracha an togra

Tá sé beartaithe leasú a dhéanamh ar an togra le haghaidh Rialachán maidir le Ciste Sóisialta na hEorpa an 30 Bealtaine 2018 mar seo a leanas:

-    an bunús dlí trí Airteagal 168 CFAE a scriosadh, rud a bhaineann leis an tsraith Sláinte scriosadh;

-    leasuithe ar aithrisí 5, 14, 15, 16 agus 23 a bhaineann le téarnamh an gheilleagair;

-    aithris nua 22a a chur isteach a bhaineann le dul i ngleic le bochtaineacht leanaí;

-    leasuithe ar aithrisí 9, 10, 11, 12, 21, 35 go 45, 47 agus 51 a bhaineann leis an tsraith Sláinte scriosadh;

-    aithris (20a) nua (20a) a chur isteach a bhaineann le sineirgí leis an gClár Sláinte nua.

-    leasuithe ar Airteagal 2(1), pointe 2 agus pointe 9; Airteagal 3, an dara fomhír agus pointe (b) den tríú fomhír;; Airteagal 4(1), an chéad abairt agus (3); Airteagal 5(1) (3), (4) agus (5); Airteagal 6(1); Airteagal 7(1), an dara fomhír; Airteagail 26 go 29; teideal Airteagal 30(1), an chéad abairt agus (2); Airteagal 31(1), (2), (4) agus (5); Airteagal 32; Airteagal 33(1) agus (3); Airteagal 37(2); Airteagal 38(2), (3) agus (6); teideal Airteagal 42, (1) agus (2) a mbaineann gach ceann acu le scriosadh an tsraith Sláinte;

-    leasú ar Airteagal 2(1), pointe 10 ar mhaithe le comhsheasmhacht idir ionstraimí de chuid an Aontais;

-    Leasú ar Airteagal 5(2) ós rud é gur laghdaigh ar an mbuiséad le haghaidh CSE+ faoi bhainistíocht chomhroinnte;

_    leasuithe ar Airteagal 7 trí mhír nua 3a a thabhairt isteach le haghaidh ceanglas nua maidir le díriú téamach chun tacú le leanaí atá bocht agus trí leasú a dhéanamh ar mhír 5 a bhaineann leis an gceanglas maidir le méadú ar an díriú téamach ar fhostaíocht don aos óg;

-    aithris (54) nua agus Airteagal 37a nua a chur isteach a bhaineann le bearta sealadacha le haghaidh úsáid CSE+ mar fhreagairt ar chásanna eisceachtúla agus cásanna neamhghnácha;

-    Iarscríbhinn III a bhaineann leis an tsraith Sláinte, a scriosadh.

Tugadh an ráiteas airgeadais reachtach cothrom le dáta freisin.

2018/0206 (COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le Ciste Sóisialta na hEorpa Plus (CSE+)

Leasaítear Togra COM(2018) 382 ón gCoimisiún mar a leanas:

(1)Leasaítear an bunús dlí mar a leanas:

(2)cuirtear an méid seo a leanas in ionad aithris 5:

(3)cuirtear an méid seo a leanas in ionad aithrisí (9) agus (10):

“(9) Chun cistiú a chuíchóiriú agus a shimpliú agus breis deiseanna le haghaidh sineirgí a chothú trí chineálacha cur chuige a chomhtháthú i leith an chistiúcháin, ba cheart na gníomhaíochtaí a rabhthas ag tacú leo leis an gCiste um Chabhair Eorpach do na Daoine is Díothaí (CCEDD), le Clár an Aontais Eorpaigh um Fhostaíocht agus um Nuálaíocht Shóisialta i réimse na sláinte a ionchorprú in aon CSE+ amháin. Ba cheart, dá bhrí sin, dhá shraith a bheith in CSE+: an tsraith de CSE+, faoi bhainistíocht chomhroinnte, agus an tsraith Fostaíocht agus Nuálaíocht Shóisialta, faoi bhainistíocht dhíreach agus indíreach. Ba cheart go rannchuideodh sé sin le laghdú a dhéanamh ar an ualach riaracháin a leanann bainistiú cistí éagsúla, go háirithe i gcás na mBallstát, agus san am céanna na rialacha simplí atá ann cheana a choinneáil maidir le hoibríochtaí simplí ar nós bia agus/nó cúnamh ábhartha bunúsach a dháileadh.

(10) Ós rud é go bhfuil raon feidhme níos leithne ag CSE +, maidir leis na haidhmeanna atá ann, eadhon cur le héifeachtacht na margaí saothair, rochtain ar fhostaíocht ardcháilíochta a chur chun cinn, an rochtain ar an oideachas agus cáilíocht an oideachais a fheabhsú, an cuimsiú sóisialta agus an rochtain atá ag daoine leochaileacha ar chúram sláinte a chur chun cinn, an bhochtaineacht a laghdú, is iomchuí na haidhmeanna sin a chur chun feidhme, ní hamháin le bainistíocht chomhroinnte, ach, lena chois sin, le bainistíocht dhíreach agus indíreach faoin tsraith Fostaíocht agus Nuálaíocht Shóisialta le haghaidh bearta a bhfuil gá leo ar leibhéal an Aontais.”;

(4)scriostar aithris (11);

(5)cuirtear an méid seo a leanas in ionad aithris (12):

“(12) Leagtar síos leis an Rialachán seo imchlúdach airgeadais le haghaidh CSE+. Ba cheart codanna den imchlúdach airgeadais sin a úsáid le haghaidh bearta atá le cur chun feidhme le bainistíocht dhíreach agus indíreach faoin tsraith Fostaíocht agus Nuálaíocht Shóisialta.”;

(6)Cuirtear an méid seo a leanas in ionad aithrisí (14) agus (16):

“(14) Ba cheart CSE+ a úsáid chun tacú le feabhas a chur ar cháilíocht, éifeachtacht, ábharthacht an oideachais agus na gcóras oiliúna don mhargadh saothair, lena n‑áirítear tríd an bhfoghlaim dhigiteach a chur chun cinn agus forbairt ghairmiúil ball foirne teagaisc a chur chun cinn chun foghlaim príomhinniúlachtaí a éascú, go háirithe litearthacht sláinte, scileanna digiteacha agus inniúlachtaí le haghaidh na forbartha inbhuanaithe a theastaíonn ó gach duine le haghaidh sásamh pearsanta, forbairt phearsanta, fostaíochta, cuimsiú sóisialta agus saoránacht ghníomhach. Ba cheart CSE+ a úsáid chun cuidiú le dul chun cinn laistigh den oideachas agus den oiliúint agus san aistriú go hobair, chun tacú leis an bhfoghlaim ar feadh an tsaoil agus leis an infhostaitheacht agus cur le hiomaíocht, lena n‑airítear trí rianú céimithe agus cur le nuálaíocht sochaí agus eacnamaíoch trí thacú le tionscnaimh inscálaithe inbhuanaithe sna réimsí sin ar féidir iad a oiriúnú do spriocghrúpaí éagsúla, ar nós daoine faoi mhíchumas. D’fhéadfaí sin a bhaint amach, mar shampla, le foghlaim ar líne, oiliúint san obair, tréimhsí oiliúna agus printíseachtaí 9 , treoraíocht ar feadh an tsaoil, oirchill scileanna i ndlúthchomhar leis an earnáil tionsclaíochta, ábhair oiliúna agus modhanna seachadta cothrom le dáta, tuar, rianú céimithe, oiliúint oideachasóirí, bailíochtú torthaí foghlama agus aithint cáilíochtaí agus deimhnithe tionscalbhunaithe.

(15) Ba cheart an tacaíocht a thugtar le CSE+ a úsáid chun rochtain chomhionann do chách a chur chun cinn, go háirithe do ghrúpaí atá faoi mhíbhuntáiste, ar oiliúint ardcháilíochta neamh‑idirdheighilte chuimsitheach, ó oideachas oideachais agus cúram luathóige tríd an oideachas ginearálta agus an gairmoideachas, printíseachtaí go háirithe, go dtí an t‑oideachais tríú leibhéal agus an t‑oideachas agus an fhoghlaim d’aosaigh. Ba cheart CSE+ a úsáid chun tacaíocht spriocdhírithe a thabhairt d’fhoghlaimeoirí a dteastaíonn cúnamh uathu agus neamhchothromais oideachais a laghdú, lena n‑áirítear an deighilt dhigiteach, tréscaoilteacht a chothú idir an earnáil oideachais agus an earnáil oiliúna, naisc le foghlaim fhoirmiúil agus neamhfhoirmiúil a dhaingniú agus soghluaisteacht foghlama do chách a chothú. Ba cheart tacaíocht a thabhairt sa chomhthéacs seo do shineirgí leis an gclár Erasmus, go háirithe chun rannpháirtíocht foghlaimeoirí faoi mhíbhuntáiste sa tsoghluaisteacht foghlamtha.

(16) Ba cheart CSE+ a úsáid chun deiseanna sholúbtha a chur chun cinn ar uasghrádú scileanna agus foghlaim scileanna nua agus scileanna éagsúla do chách, go háirithe scileanna digiteacha agus scileanna le haghaidh príomhtheicneolaíochtaí cumúsúcháin, chomh maith le scileanna le haghaidh an gheilleagair ghlais agus éiceachórais thionsclaíocha i gcomhréir le Straitéis Thionsclaíoch an Aontais Eorpaigh 10 . I gcomhréir leis an an gClár Oibre Scileanna don Eoraip agus leis an Moladh maidir le Conairí Uas‑scilithe 11 , ba cheart CSE+ a úsáid chun tacú le conairí solúbtha, lena n‑áirítear spriocoiliúint ghearr mhodhúil as a ngnóthófar creidiúintí, d’fhonn scileanna a thabhairt do dhaoine a bheidh oiriúnaithe do riachtanais an mhargaidh aonair agus n‑éiceachóras tionsclaíoch, don nuálaíocht agus don athrú sóisialta agus eacnamaíoch, d’éascú athscilithe agus uas‑scilithe, d’aistrithe gairmréime, don tsoghluaisteacht gheografach agus earnálach agus chun tacú go háirithe daoine fásta ar bheagán scileanna nó cáilíochtaí. Ar a bharr sin, ba cheart CSE+ a úsáid chun é a dhéanamh níos éasca tacaíocht scileanna comhtháthaithe a thabhairt do dhaoine, bíodh siad fostaithe, dífhostaithe nó féinfhostaithe, le hionstraimí amhail cuntais foghlama daoine aonair.” ;

(7)cuirtear isteach an aithris seo a leanas (20a):

“(20a) De bharr a thábhachtaí atá an rochtain ar chúram sláinte, ba cheart CSE+ a úsáid chun sineirgí agus comhlántachtaí a áirithiú leis an gClár Sláinte, agus ba cheart rochtain ar chúram sláinte do dhaoine i gcásanna leochaileacha a bheith ina cuid de raon feidhme CSE+.”;

(8)cuirtear an méid seo a leanas in ionad aithris (21):

“(21) Ba cheart CSE+ a úsáid chun tacú le hathchóirithe ar bheartais agus ar chórais i réimsí na fostaíochta, na rochtana ar chúram sláinte do dhaoine leochaileacha agus an chúraim fhadtéarmaigh, an oideachais agus na hoiliúna. D’fhonn an t‑ailíniú leis an Seimeastar Eorpach a dhlúthú, ba cheart do na Ballstáit méid iomchuí dá n‑acmhainní as an tsraith de CSE+ atá faoi bhainistíocht chomhroinnte a chur in áirithe chun moltaí tír-shonracha a chur chun feidhme a bhaineann le dúshláin struchtúracha arb iomchuí dul i ngleic leo le hinfheistíochtaí ilbhliantúla a thagann faoi raon feidhme CSE+. Ba cheart don Choimisiún agus do na Ballstáit a áirithiú go mbeidh comhleanúnachas, comhar agus comhlántacht ann idir an tsraith faoi bhainistíocht comhroinnte de CSE+ agus an [tSaoráid Téarnaimh agus Athléimneachta, agus an Ionstraim um Thacaíocht Theicniúil]. Go háirithe, ba cheart don Choimisiún agus do na Ballstáit, i ngach céim den phróiseas, comhordú éifeachtach a áirithiú chun comhsheasmhacht, comhleanúnachas, comhlántacht agus sineirge a chaomhnú idir foinsí cistiúcháin, lena n‑áirítear cúnamh teicniúil a bhaineann leo sin.”;

(9)cuirtear isteach an aithris seo a leanas (22a):

"(22a) Chun dul i ngleic le leibhéal bhochtaineacht na leanaí san Aontas, a leanann de bheith ard, agus i gcomhréir le prionsabal 11 Cholún Eorpach na gCeart Sóisialta, ina ndeirtear go bhfuil an ceart ag leanaí ar chosaint ar an mbochtaineacht, agus go bhfuil cearta ag leanaí ó chúlra faoi mhíbhuntáiste ar bhearta sonracha chun comhionannas deiseanna a fheabhsú, ba cheart an uaillmhian a bheith ann go leithdháilfidh na Ballstáit 5 % ar a laghad de na hacmhainní CSE+ faoi bhainistíocht chomhroinnte chun tacú le gníomhaíochtaí lena dtéitear i ngleic le cuspóirí sonracha CSE+ lenar féidir acmhainní a chlársceidealú i dtreo tacaíocht dhíreach a thabhairt do leanaí i leith luathchúram leanaí, oideachais, cúram sláinte, tithíocht mhaith agus cothú leordhóthanach.”;

(10)cuirtear an méid seo a leanas in ionad aithris (23):

“(23) Chun go n‑éascófar téarnamh eacnamaíoch cuimsitheach tar éis géarchéim mhór, agus go dtacófar le fostaíocht don aos óg is saol oibre atá ag athrú agus ós rud é go bhfuil ardleibhéil dífhostaíochta agus neamhghníomhaíochta i gcónaí ann do dhaoine óga i roinnt Ballstát agus réigiún, is gá do na Ballstáit leanúint de bheith ag infheistiú acmhainní CSE+ leordhóthanacha i mbearta chun tacú le fostaíocht agus scileanna an aois óig, lena n‑áirítear trí scéimeanna Ráthaíochta don Aos Óg. Agus iad ag obair ar bhonn na ngníomhaíochtaí a bhfuil an Tionscnamh um Fhostaíocht don Aos Óg ag tacú leo le linn chlárthréimhse 2014-2020 agus atá dírithe ar dhaoine aonair agus ar bhonn na gceachtanna atá foghlamtha, ba cheart do na Ballstáit tuilleadh tacaíochta a thabhairt don fhostaíocht agus do chonairí chun an ath‑lánpháirtithe san oideachas agus infheistíocht a dhéanamh i luathchosc agus i bhfor-rochtain trí thosaíocht a thabhairt, i gcás inarb ábhartha, do dhaoine óga atá dífhostaithe go fadtéarmach, atá neamhghníomhach agus atá faoi mhíbhuntáiste, lena n‑áirítear trí obair óige. Ina theannta sin ba cheart do na Ballstáit infheistíocht a dhéanamh i mbearta arb é is aidhm dóibh an t‑aistriú ón scoil go dtí an obair a éascú agus in acmhainní leordhóthanacha le haghaidh seirbhísí dífhostaíochta chun tacaíocht shaincheaptha iomlánaíoch agus tairiscintí a bheidh spriocdhírithe níos fearr a thabhairt do dhaoine óga.

Cuideoidh uasghrádú scileanna agus fáil scileanna nua agus scileanna éagsúla le daoine óga breith ar na deiseanna in earnálacha a bhfuil fás fúthu agus ullmhófar leis iad d’athraitheacht na hoibre, agus, san am céanna, bainfear leas dá bharr as na deiseanna a eascróidh ón aistriú digiteach agus ón aistriú glas agus ó chlaochlú éiceachórais na hEorpa.

Dá bhrí sin, na Ballstáit ag a raibh ráta daoine óga idir 15 agus 29 mbliana d’aois nach bhfuil fostaithe, nó nach bhfuil i mbun oideachais ná oiliúna a bhí os cionn mheán an Aontais in 2019 nó i gcás ina raibh ráta os cionn 15 % ar bhonn shonraí Eurostat, ba cheart dóibh 15 % ar a laghad dá n‑acmhainní CSE+ a leithdháileadh faoi bhainistíocht chomhroinnte le haghaidh na ngníomhaíochtaí sin.” ;

(11)Scriostar aithrisí (35) go (45);

(12)cuirtear an méid seo a leanas in ionad aithris (47):

“(47) De bhun Airteagal [94 de Chinneadh 2013/755/AE ón gComhairle 12 ], tá daoine agus eintitis atá lonnaithe i dTíortha agus Críocha thar Lear incháilithe do chistiú faoi réir rialacha agus chuspóirí na sraithe Fostaíochta agus Nuálaíochta Shóisialta agus faoi réir aon socrú féideartha is infheidhme maidir leis an mBallstát lena mbaineann an Tír nó an Chríoch ábhartha Thar Lear.”;

(13)cuirtear an méid seo a leanas in ionad aithris (51):

“(51) Ós rud é nach féidir leis na Ballstáit cuspóirí ginearálta an Rialacháin seo, eadhon feabhas a chur ar éifeachtacht na margaí saothair agus rochtain ar fhostaíocht ardcháilíochta a chur chun cinn, feabhas a chur ar an rochtain ar oideachas agus ar oiliúint, agus ar cháilíocht na nithe sin, cuimsiú sóisialta a chur chun cinn agus an bhochtaineacht a laghdú, maille leis na gníomhaíochta atá le déanamh faoin tsraith Fostaíocht agus Nuálaíocht Shóisialta, a ghnóthú go leordhóthanach agus gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.”;

(14)cuirtear isteach an aithris (20a) seo a leanas:

“(54) Chun gur féidir luathfhreagairt a thabhairt ar chásanna eisceachtúla agus cásanna neamhghnácha dá dtagraítear sa Chomhshocrú Cobhsaíochta agus Fáis agus is féidir a thiocfaidh chun cinn le linn na clárthréimhse, ba cheart foráil maidir le bearta sealadacha chun gurb éasca tacaíocht as CSE+ a úsáid mar fhreagra ar na cásanna sin. Ar a bharr sin, ba cheart na cumhachtaí cur chun feidhme a bhaineann leis na bearta sealadacha le haghaidh úsáid na gCistí mar fhreagra ar chásanna eisceachtúla agus cásanna neamhghnácha a ghlacadh gan imeachtaí coiste ós rud é gur leis an gComhshocrú Cobhsaíochta agus Fáis a shocraítear an raon feidhme agus go bhfuil sé teoranta do na bearta a leagtar amach sa Rialachán seo.”;

(15)leasaítear Airteagal 2(1) mar a leanas:

(a)cuirtear an méid seo a leanas in ionad Airteagal 2:

“(2) ciallaíonn “tír chomhlachaithe” tríú tír ar páirtí í gcomhaontú leis an Aontas lena gceadaítear di páirt a ghlacadh sa tsraith Fostaíocht agus Nuálaíocht Shóisialta de CSE+, i gcomhréir le hAirteagal 30;

(b)scriostar pointe 9;

(c)cuirtear an méid seo a leanas in ionad Airteagal 10:

“(10) ciallaíonn “eintiteas dlíthiúil” aon duine nádúrtha, nó aon duine dlítheanach a chruthaítear agus a aithnítear amhlaidh faoin dlí náisiúnta, faoi dhlí an Aontais nó faoin dlí idirnáisiúnta, a bhfuil pearsantacht dhlíthiúil aige agus a fhéadfaidh, ag gníomhú dó ina ainm féin, cearta a fheidhmiú agus a bheith faoi réir oibleagáidí, nó eintiteas gan phearsantacht dlí i gcomhréir le hAirteagal 197(2)(c) den Rialachán Airgeadais;”;

(16)Leasaítear Airteagal 3 mar a leanas:

(a)cuirtear an méid seo a leanas in ionad an dara fomhír:

“Le CSE+ tacófar le beartais na mBallstát, comhlánófar na beartais sin agus cuirfear breisluach leo d’fhonn a áirithiú go mbeidh comhionannas deiseanna, rochtain ar an margadh saothair, dálaí oibre cothroma, cosaint shóisialta agus cuimsiú ann.” ;

(b)Sa tríú fomhír, cuirtear an méid seo a leanas in ionad phointe (b);

“(b)    faoi bhainistíocht dhíreach agus indíreach, i gcás na coda sin den chúnamh a fhreagraíonn do na cuspóirí a luaitear in Airteagal 4(1) agus Airteagal 23 (an “tsraith Fostaíocht agus Nuálaíocht Shóisialta”).”;

(17)Leasaítear Airteagal 4 mar a leanas:

(a)i mír 1, cuirtear an méid seo a leanas in ionad na habairte tosaigh:

“1. Le CSE+ tacófar leis na cuspóirí sonracha seo a leanas i réimsí beartais na fostaíochta, an oideachais, na soghluaisteachta agus an chuimsithe shóisialta, agus dá bharr sin rannchuideofar freisin leis an gcuspóir beartais “Eoraip níos sóisialta – Colún Eorpach na gCeart Sóisialta a chur chun feidhme” a leagtar amach in Airteagal [4] de [Rialachán na bhForálacha Coiteanna atá le teacht]:

(b)scriostar mír 3:

(18)Leasaítear Airteagal 5 mar a leanas:

(a)cuirtear an méid seo a leanas in ionad mhíreanna 1 go 3:

“1. EUR 97 332 282 000 i bpraghsanna reatha a bheidh san imchlúdach airgeadais iomlán do CSE+ le haghaidh na mblianta 2021-2027.

2. EUR 96 571 282 000 i bpraghsanna reatha, a bheidh sa chuid sin den imchlúdach airgeadais atá in áirithe don tsraith de CSE+ atá faoi bhainistíocht chomhroinnte faoin sprioc Infheistíocht le haghaidh Post agus Fáis, agus de sin leithdháilfear EUR 200 000 000 i bpraghsanna reatha, do chomhar trasnáisiúnta lena dtacaítear le réitigh nuálacha, dá dtagraítear in Airteagal 23 (i), agus leithdháilfear EUR 400 000 000 i bpraghsanna reatha, ina chistiú breise do na réigiúin is forimeallaí arna sainaithint in Airteagal 349 CFAE agus do na réigiúin de leibhéal NUTS 2 a chomhlíonann na critéir atá leagtha síos in Airteagal 2 de Phrótacal Uimh. 2 a ghabhann le hIonstraim Aontachais 1994.

3. Is é EUR 761 000 000, i bpraghsanna reatha, a bheidh san imchlúdach airgeadais le haghaidh na sraithe Fostaíocht agus Nuálaíocht Shóisialta le haghaidh na tréimhse 2021-2027.

(b)scriostar mír 4:

(c)leasaítear mír 5 mar a leanas:

“5. Féadfar an méid dá dtagraítear i mír 3 a úsáid freisin le haghaidh cúnamh teicniúil agus riaracháin chun an clár a chur chun feidhme, amhail gníomhaíochtaí ullmhúcháin, faireacháin, rialaithe, iniúchóireachta agus meastóireachta, córais teicneolaíochta faisnéise chorparáideacha san áireamh.”;

(19)in Airteagal 6, cuirtear an méid seo a leanas in ionad mhír 1:

“1. Na cláir ar fud a chuirfear chun feidhme faoin tsraith de CSE+ atá faoi bhainistíocht chomhroinnte, agus na hoibríochtaí a dtacóidh an tsraith Fostaíocht agus Nuálaíocht Shóisialta leo, áiritheofar leo comhionannas idir fir agus mná ó thús deireadh a n‑ullmhaithe, a gcur chun feidhme, a bhfaireacháin agus a meastóireachta. Ina theannta sin, cuirfear chun cinn leo comhionannas deiseanna do chách gan aon idirdhealú bunaithe ar ghnéas, ar thionscnamh ciníoch nó eitneach, ar reiligiún nó ar chreideamh, ar mhíchumas, ar aois nó ar threoshuíomh gnéasach ó thús deireadh a n‑ullmhaithe, a gcur chun feidhme, a bhfaireacháin agus a meastóireachta.”;

(20)Leasaítear Airteagal 7 mar a leanas:

(a)i mír 1, cuirtear an méid seo a leanas in ionad na chéad míre agus an dara fomhír:

Déanfaidh na Ballstáit agus, i gcás inarb iomchuí, déanfaidh an Coimisiún freisin, sineirgí a chothú agus comhordú, comhlántacht agus comhleanúnachas a áirithiú idir CSE+ agus cistí, cláir agus ionstraimí eile de chuid an Aontais, e.g. Erasmus, an Ciste Tearmainn agus Imirce agus an tSaoráid Téarnaimh agus Athléimneachta, agus an Ionstraim um Thacaíocht Theicniúil, le linn chéim na pleanála agus chéim an chur chun feidhme araon. Déanfaidh na Ballstáit agus, i gcás inarb iomchuí, déanfaidh an Coimisiún freisin, sásraí comhordúcháin a optamú chun dúbailt saothair a sheachaint agus dlúthchomhar a áirithiú idir iad sin atá freagrach as cur chun feidhme, d’fhonn gníomhaíochtaí tacaíochta comhleanúnacha cuíchóirithe a dhéanamh.”;

(b)cuirtear isteach an mhír 3 a seo a leanas:

“3a. Leithdháilfidh na Ballstáit 5 % ar a laghad dá n‑acmhainní CSE+ faoi bhainistíocht chomhroinnte chun tacú le gníomhaíochtaí spriocdhírithe agus le hathchóirithe struchtúracha ar dhul i ngleic le bochtaineacht leanaí faoi na cuspóirí sonracha a leagtar amach i bpointí (v) agus (vii) go (x) d’Airteagal 4(1).”;

(c)cuirtear an méid seo a leanas in ionad mhír 5:

“5. Ballstáit ina bhfuil ráta na ndaoine óga atá 15 go 29 bliain d’aois agus nach bhfuil fostaithe ná i mbun oideachais ná oiliúna os cionn mheán an Aontais in 2019 de réir na sonraí ó Eurostat is déanaí a cuireadh ar fáil, leithdháilfidh siad ar a laghad 15 % dá n‑acmhainní CSE+ as an tsraith faoi bhainistíocht chomhroinnte le haghaidh na tréimhse 2021 go 2025 ar ghníomhaíochtaí spriocdhírithe agus ar athchóirithe struchtúracha chun tacú le fostaíocht don aos óg, leis oideachas gairme agus leis an oiliúint ghairme, go háirithe printíseachtaí, agus leis an aistriú ón scoil go dtí an obair, le conairí chun ath‑lánpháirtiú san oideachas nó san oiliúint agus le hoideachas an dara deis, go háirithe i gcomhthéacs cur chun feidhme scéimeanna ráthaíochta don aos óg.

Agus na cláir CSE+ á n‑athbhreithniú acu i lár an téarma i gcomhréir le hAirteagal [14] de [Rialachán na bhForálacha Coiteanna atá le teacht], leithdháilfidh Ballstáit ina bhfuil ráta na ndaoine óga atá 15-29 bliain d’aois agus nach bhfuil fostaithe, i mbun oideachais ná oiliúna os cionn mheán an Aontais in 2019 de réir sonraí ó Eurostat, leithdháilfidh siad 15 % ar a laghad dá n‑acmhainní CSE+ ón tsraith atá faoi bhainistíocht chomhroinnte do na blianta 2026 agus 2027 ar na gníomhaíochtaí sin.

Na réigiúin is forimeallaí a chomhlíonann na coinníollacha a leagtar amach sa chéad agus sa dara fomhír, leithdháilfidh siad 15 % ar a laghad de na hacmhainní ón tsraith de CSE+ atá faoi bhainistíocht chomhroinnte atá acu ina gcuid clár ar na gníomhaíochtaí spriocdhírithe atá leagtha amach sa chéad fhomhír. Cuirfear an leithdháileadh sin san áireamh agus comhlíonadh an íoschéatadáin ar an leibhéal náisiúnta a leagtar amach sa chéad fhomhír á fhíorú.

Agus na gníomhaíochtaí sin á gcur chun feidhme acu, tabharfaidh na Ballstáit tosaíocht do dhaoine óga atá neamhghníomhach agus dífhostaithe go fadtéarmach agus cuirfidh siad ar bun bearta for-rochtana spriocdhírithe.”;

(21)i gCuid III – Cur chun feidhme faoi bhainistíocht dhíreach agus indíreach, scriostar an teideal “Caibidil I – Rialacha sonracha”;

(22)Cuirtear “Teideal “Caibidil I – Cuspóirí oibriúcháin” in ionad an teidil “Cuid I – Forálacha Ginearálta”;

(23)Cuirtear “Roinn II: Incháilitheacht” in ionad an teidil “Roinn II – Incháilitheacht”;

(24)Scriostar Caibidil II agus Airteagail 26 go 29 di;

(25)Scriostar an teideal “Caibidil III – Comhrialacha is infheidhme maidir leis na sraitheanna Fostaíocht agus Nuálaíocht Shóisialta agus Sláinte;

(26)Leasaítear Airteagal 30 mar a leanas:

(a)cuirtear an méid seo a leanas in ionad theideal Airteagal 30:

“Rannpháirtíocht tríú tíortha”;

(b)i mír 1, cuirtear an méid seo a leanas in ionad na habairte tosaigh:

“Beidh an tsraith Fostaíocht agus Nuálaíocht Shóisialta oscailte do na tíortha comhlachaithe seo a leanas:”;

(c)scriostar mír 2;

(27)Cuirtear isteach an teideal “Caibidil III – Forálacha Ginearálta” roimh Airteagal 31;

(28)Leasaítear Airteagal 31 mar a leanas:

(a)cuirtear an méid seo a leanas in ionad mhír 1:

“1. Faoin tsraith Fostaíocht agus Nuálaíocht Shóisialta, féadfar cistiú a thabhairt in aon cheann de na foirmeacha a leagtar síos sa Rialachán Airgeadais, go háirithe deontais, duaiseanna, soláthar agus íocaíochtaí deonacha le heagraíochtaí idirnáisiúnta a bhfuil an tAontas ina bhall díobh nó a nglacann an tAontas páirt ina gcuid oibre.”;

(b)i mír 2, cuirtear an méid seo a leanas in ionad na chéad fhomhíre:

“2. Déanfar an tsraith Fostaíocht agus Nuálaíocht Shóisialta a chur chun feidhme go díreach, mar a fhoráiltear leis an Rialachán Airgeadais nó go hindíreach leis na comhlachtaí dá dtagraítear in Airteagal [62(1)(c)] den Rialachán Airgeadais.”;

(c) scriostar míreanna 4 agus 5;

(29)Cuirtear an tAirteagal seo a leanas in ionad Airteagal 32:

“Airteagal 32

Clár oibre

Is leis na cláir oibre dá dtagraítear in Airteagal [110] den Rialachán Airgeadais a chuirfear an tsraith Fostaíocht agus Nuálaíocht Shóisialta chun feidhme. Leagfar amach sna cláir oibre, i gcás inarb infheidhme, an méid foriomlán arna chur i leataobh le haghaidh oibríochtaí measctha.

(30)Leasaítear Airteagal 33 mar a leanas:

(a)cuirtear an méid seo a leanas in ionad mhír 1:

“1. Socrófar táscairí lena ndéanfar faireachán ar chur chun feidhme na sraithe agus ar an dul chun cinn atá déanta i mbaint amach na gcuspóirí sonracha a leagtar amach in Airteagal 4 agus i mbaint amach na gcuspóirí oibríochtúla a leagtar amach in Airteagal 23.

(b)scriostar mír 3;

(31)in Airteagal 37, cuirtear an méid seo a leanas in ionad mhír 2:

“2. Cuirfidh an Coimisiún chun feidhme gníomhaíochtaí faisnéise agus cumarsáide a bhaineann leis an tsraith Fostaíocht agus Nuálaíocht Shóisialta, agus le gníomhaíochtaí agus torthaí na sraitheanna sin. Beidh na hacmhainní airgeadais a leithdháilfear ar an tsraith Fostaíocht agus Nuálaíocht Shóisialta ina gcuidiú freisin maidir le cumarsáid chorparáideach thosaíochtaí polaitiúla an Aontais, a mhéid a bhaineann siad sin leis na cuspóirí dá dtagraítear in Airteagail 4, 23 agus 23.

(32)cuirtear an tAirteagal 37a seo a leanas isteach i gCuid IV – Forálacha críochnaitheacha:  

“Airteagal 37a

Bearta sealadacha maidir le CSE a úsáid mar fhreagairt ar dhálaí eisceachtúla agus dálaí neamhghnácha

I gcás inar aithin an Chomhairle [dáta theacht i bhfeidhm an Riacháin seo], gur tharla teagmhas neamhghnách nach raibh neart ag Ballstát amháin nó níos mó air agus a raibh tionchar mór aige ar riocht airgeadais an rialtais ginearálta nó ar eascraigh cúlú eacnamaíoch don limistéar euro nó don Aontas ina iomláine as, mar a thagraítear dó sa deichiú fomhír d’Airteagal 5(1), sa cheathrú fomhír d’Airteagal 6(3), sa deichiú fomhír d’Airteagal 9(1) agus sa cheathrú fomhír d’Airteagal 10(3) de Rialachán (CE) Uimh. 1466/97(*) nó gur tharla drochtheagmhais gan choinne ag a raibh móriarmhairtí diúltacha acu ar airgeadas rialtais, mar a thagraítear dóibh in Airteagal 3(5) agus Airteagal 5(2) de Rialachán (CE) Uimhir. 1467/97(**), féadfaidh an Coimisiún, le cinneadh cur chun feidhme agus le haghaidh na tréimhse a shaineofar sa chinneadh sin:

(a)    raon feidhme na tacaíochta le haghaidh CSE + a leathnú, de mhaolú ar Airteagal 4(1), trí bearta tacaíochta a cheadú nach bhfuil iomlán riachtanach chun freagairt do ná dálaí eisceachtúla nó do na dálaí neamhghnácha sin, go háirithe chun gur féidir scéimeanna oibre gearrthréimhse a mhaoiniú gan é a bheith de cheangal leis sin gur cheart iad a chomhcheangal le bearta gníomhacha agus rochtain ar chúram sláinte a mhaoiniú, lena n‑áirítear do dhaoine nach mbaineann leochaileacht shocha-eacnamaíoch láithreach leo;

(b)    ceanglais maidir le díriú téamach a laghdú de mhaolú ar Airteagal 7.

____________

(*) Rialachán (CE) Uimh. 1466/97 ón gComhairle an 7 Iúil 1997 maidir leis an bhfaireachas ar riochtaí buiséadacha, agus an faireachas ar bheartais eacnamaíocha agus a gcomhordú, a neartú (IO L 209, 2.8.1997, lch. 1).

(**) Rialachán (CE) Uimh. 1467/97 ón gComhairle an 7 Iúil 1997 maidir le dlús a chur le cur chun feidhme an nós imeachta um easnamh iomarcach agus soiléiriú a dhéanamh air (IO L 209, 2.8.1997, lch. 6).”;

(33)Leasaítear Airteagal 38 mar a leanas:

(a)cuirtear an méid seo a leanas in ionad mhíreanna 2 agus 3:

“2. Déanfar an chumhacht gníomhartha tarmligthe a ghlacadh dá dtagraítear in Airteagal 15(6), agus Airteagal 21(5) a thabhairt don Choimisiún go ceann tréimhse neamhchinntithe ama ó dáta theacht i bhfeidhm an Rialacháin seo.

3. Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 15(6) agus Airteagal 21(5) a chúlghairm aon tráth. Cuirfidh cinneadh cúlghairme a dhéanamh deireadh le tarmligean na cumhachta a bheidh sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghnímh tharmligthe atá i bhfeidhm cheana.”;

(b)cuirtear an méid seo a leanas in ionad mhír 6:

“6.    Ní thiocfaidh gníomh tarmligthe a ghlacfar de bhun Airteagal 15(6) agus Airteagal 21(5) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Cuirfear síneadh dhá mhí leis an tréimhse sin ar thionscnamh Pharlaimint na hEorpa nó na Comhairle.”;

(34)Leasaítear Airteagal 42 mar a leanas:

(a)cuirtear an méid seo a leanas in ionad an teidil:

“Forálacha idirthréimhseacha maidir leis an tsraith Fostaíocht agus an Nuálaíocht Shóisialta”;

(b)cuirtear an méid seo a leanas in ionad mhíreanna 1 agus 2:

“1.    Tháinig Rialachán (AE) Uimh. 1296/2013 ó Pharlaimint na hEorpa agus ón gComhairle 13 i bhfeidhm an 1 Eanáir 2021.

2.    Ina theannta sin, féadfaidh imchlúdach airgeadais na sraithe Fostaíocht agus Nuálaíocht Shóisialta an speansas a bhaineann le cúnamh teicniúil agus riaracháin a chumhdach is gá chun an t‑aistriú idir CSE+ agus na bearta a glacadh faoina réamhtheachtaí a áirithiú: an Clár um Fhostaíocht agus um Nuálaíocht Shóisialta.”;

(35)scriostar Iarscríbhinn III.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimsí beartais lena mbaineann (cnuasach clár)

1.3.Baineann an togra/tionscnamh le

☑ beart nua 

◻ beart nua a leanann treoirthionscadal/réamhbheart 14  

◻ síneadh ar bheart atá ann cheana 

◻ beart nó bearta a chumasc nó a atreorú i dtreo beart eile/beart nua 

1.4.Forais an togra/tionscnaimh

1.4.1.Na ceanglais is gá a chomhlíonadh sa ghearrthéarma nó san fhadtéarma, lena n‑áirítear amlíne mhionsonraithe maidir le cur chun feidhme céimneach an tionscnaimh

1.4.2.Breisluach a bhaineann le rannpháirteachas AE (d’fhéadfadh an breisluach a bheith ann mar thoradh ar fhachtóirí éagsúla, e.g. deimhneacht dhlíthiúil, breis éifeachtachta, comhlántachtaí, nó gnóthachain de thoradh comhordú). Chun críocha an phointe seo, is é a chiallaíonn “breisluach a bhaineann le rannpháirteachas AE” an luach a thagann as idirghabháil an Aontais ar luach é atá sa bhreis ar an luach a bheadh ann dá mbeadh na Ballstáit ag feidhmiú leo féin.

1.4.3.Ceachtanna a foghlaimíodh ó thaithí eile den sórt sin san am a chuaigh thart

1.4.4.Comhoiriúnacht d’ionstraimí iomchuí eile agus sineirgíocht a d’fhéadfadh a bheith ann

1.5.Fad agus tionchar airgeadais

☑ tréimhse theoranta

–☑     bhfeidhm ó 01/01/2021 go 31/12/2027

–☑    Tionchar airgeadais ó BBBB go BBBB maidir le leithreasuithe faoi chomhair gealltanas agus ó BBBB go BBBB maidir le leithreasuithe faoi chomhair íocaíochtaí.

◻ tréimhse neamhtheoranta

–Cur chun feidhme le tréimhse thosaigh ó BBBB go BBBB, agus feidhm iomlán ina dhiaidh sin.

1.6.Modhanna bainistíochta atá beartaithe 15

☑ Bainistíocht dhíreach a dhéanann an Coimisiún

–☑ ina ranna, lena n‑áirítear an chuid sin den fhoireann atá i dtoscaireachtaí an Aontais;

–    trí na gníomhaireachtaí feidhmiúcháin;

☑ Bainistíocht atá comhroinnte leis na Ballstáit

☑ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

–◻ tríú tíortha nó na comhlachtaí a d'ainmnigh siad;

–☑ eagraíochtaí idirnáisiúnta agus a ngníomhaireachtaí (tabhair sonraí);

–◻ BEI agus an Ciste Eorpach Infheistíochta;

–☑ comhlachtaí dá dtagraítear in Airteagal 70 agus Airteagal 71 den Rialachán Airgeadais;

–☑ comhlachtaí dlí phoiblí;

–☑ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

–◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

–◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

–I gcás ina sonraítear níos mó ná modh bainistíochta amháin, tabhair sonraí sa roinn "Nótaí" le do thoil.

Nótaí

2.BEARTA BAINISTÍOCHTA

2.1.Rialacha faireacháin agus tuairiscithe

Sonraigh minicíocht na mbeart agus na coinníollacha atá leo

2.2.Córas bainistíochta agus rialaithe

2.2.1.An bonn cirt atá leis na modhanna bainistíochta, le sásraí cur chun feidhme an mhaoinithe, leis na coinníollacha íocaíochta agus leis an straitéis rialaithe atá beartaithe

2.2.2.Faisnéis faoi na rioscaí a aithníodh agus na córais rialaithe inmheánacha a cuireadh ar bun chun na rioscaí a mhaolú

2.2.3.Meastachán ar chost‑éifeachtúlacht na rialuithe agus an bonn cirt atá leis sin (cóimheas “costais rialaithe ÷ luach na gcistí gaolmhara arna mbainistiú”) agus measúnú ar an leibhéal riosca earráide a mheastar a bheidh ann (tráth an íocaíocht a dhéanamh agus tráth an clár a dhúnadh)

2.3.Bearta chun calaois agus neamhrialtachtaí a chosc

Sonraigh na bearta coisctheacha agus cosanta atá ann cheana nó atá beartaithe, e.g. ón Straitéis Frithchalaoise.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a n‑imreofar tionchar

Ceannteideal an chreata airgeadais ilbhliantúil	Líne buiséid	An cineál caiteachais	Ranníocaíocht
	Infheistíocht i nDaoine, Comhtháthú Sóisialta agus Luachanna	LD/LN.	ó thíortha de chuid CSTE 16	ó thíortha is iarrthóirí 17	ó thríú tíortha	de réir bhrí Airteagal [21(2)(b)] den Rialachán Airgeadais
2	07 01 01 01 caiteachas tacaíochta le haghaidh “Ciste Sóisialta na hEorpa+ (CSE+) – bainistíocht chomhroinnte”	Neamhdhif.	Líon	Líon	Líon	Líon
2	07 01 01 02 – caiteachas tacaíochta le haghaidh na sraithe Fostaíocht agus an Nuálaíocht Shóisialta	Neamhdhif.	Is ea	Is ea	Is ea	Líon
2	07 02 01 – CSE+ an tsraith faoi bhainistíocht chomhroinnte – Caiteachas oibríochta	Difreáilte	Líon	Líon	Líon	Líon
2	07 02 02 – CSE+ an tsraith faoi bhainistíocht chomhroinnte - cúnamh teicniúil oibríochtúil	Difreáilte	Líon	Líon	Líon	Líon
2	07 02 04 – CSE + - Fostaíocht agus Nuálaíocht Shóisialta	Difreáilte	Is ea	Is ea	Is ea	Líon

3.2.An tionchar a mheastar a bheidh ar ioncam

3.2.1.Achoimre ar an tionchar a mheastar a bheidh ar ioncam

EUR milliúin (go dtí an tríú deachúil)

Ceannteideal an chreata airgeadais ilbhliantúil

2

Infheistíocht i nDaoine, Comhtháthú Sóisialta agus Luachanna

IOMLÁN			2021	2022	2023	2024	2025	2026	2027	Tar éis 2027	IOMLÁN
07 02 01 – CSE+ an tsraith faoi bhainistíocht chomhroinnte – Caiteachas oibríochta	Gealltanais	(1)	Cumhdaithe sa Togra le haghaidh Rialachán na bhForálacha Coiteanna COM(2018)375
	Íocaíochtaí	(2)
07 02 02 – CSE+ 07 02 02 – CSE+ an tsraith faoi bhainistíocht chomhroinnte - cúnamh teicniúil oibríochtúil	Gealltanais	(1)
	Íocaíochtaí	(2)
07 01 01 01 caiteachas tacaíochta le haghaidh “Ciste Sóisialta na hEorpa+ (CSE+) – bainistíocht chomhroinnte”	Gealltanais = Íocaíochtaí	(3)
07 02 04 – CSE + - Fostaíocht agus Nuálaíocht Shóisialta	Gealltanais	(1)	99,944	101,993	104,083	106,214	108,389	110,606	112,271		743,500
	Íocaíochtaí	(2)	28,093	59,077	76,826	81,534	83,939	85,782	87,369	240,880	743,500
07 01 01 02 – caiteachas tacaíochta le haghaidh na sraithe Fostaíocht agus an Nuálaíocht Shóisialta 18	Gealltanais = Íocaíochtaí	(3)	2,500	2,500	2,500	2,500	2,500	2,500	2,500		17,500
IOMLÁN leithreasuithe le haghaidh imchlúdach an chláir	Gealltanais	=1+3	102,444	104,493	106,583	108,714	110,889	113,106	114,771	0,000	761,000
	Íocaíochtaí	=2+3	30,593	61,577	79,326	84,034	86,439	88,282	89,869	240,880	761,000

Na leithreasuithe don chuid de CSE+ atá faoi bhainistíocht chomhroinnte, tá siad sonraithe i ráiteas airgeadais reachtach Rialachán na bhForálacha Coiteanna (RFC) COM(2018)375.

Ceannteideal an chreata airgeadais ilbhliantúil

7

"Caiteachas riaracháin"

EUR milliúin (go dtí an tríú deachúil)

IOMLÁN		2021	2022	2023	2024	2025	2026	2027	Tar éis 2027	IOMLÁN
Acmhainní daonna		91,207	91,207	91,207	91,207	91,207	91,207	91,207		638,448
Caiteachas riaracháin eile		5,073	5,073	5,073	5,073	5,073	5,073	5,073		35,514
IOMLÁN leithreasuithe faoi CHEANNTEIDEAL 7 den chreat airgeadais ilbhliantúil	96,280	96,280	96,280	96,280	96,280	96,280	96,280	96,280		673,962

EUR milliúin (go dtí an tríú deachúil)

			2021	2022	2023	2024	2025	2026	2027	Tar éis 2027	IOMLÁN
IOMLÁN leithreasuithe ar fud na gCEANNTEIDEAL den chreat airgeadais ilbhliantúil	Gealltanais		198,724	200,773	202,863	204,994	207,169	209,386	211,051		1,434,963
	Íocaíochtaí		126,873	157,857	175,606	180,314	182,719	184,562	186,149	240,880	1,434,963

3.2.2.Achoimre ar an tionchar a mheastar a bheidh ar leithreasuithe de chineál riaracháin

–◻    Ní éilíonn an togra/tionscnamh go n‑úsáidfear leithreasuithe de chineál riaracháin

–☑    Éilíonn an togra/tionscnamh go n‑úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Bliain

2021

2022

2023

2024

2025

2026

2027

IOMLÁN

Maidir le hacmhainní daonna, is ar an leithdháileadh arna dheonú do AS EMPL in 2018 (SEC(2017) 528) atá na figiúirí thíos bunaithe, agus is as an leithdháileadh sin a baineadh na baill foirne arna leithdháileadh ar an gCiste Eorpach don Domhandú, faoi réir togra ar leithligh COM(2018)XXX380.

Maidir le caiteachas riaracháin eile, taispeántar thíos an clúdach iomlánaíoch, caiteachas a bhaineann le CED san áireamh.

CEANNTEIDEAL 7  den chreat airgeadais ilbhliantúil
Acmhainní daonna	91,207	91,207	91,207	91,207	91,207	91,207	91,207	638,448
Caiteachas riaracháin eile	5,073	5,073	5,073	5,073	5,073	5,073	5,073	35,514
Fo-iomlán CHEANNTEIDEAL 7  den chreat airgeadais ilbhliantúil	96,280	96,280	96,280	96,280	96,280	96,280	96,280	673,962

Bliain

2021

2022

2023

2024

2025

2026

2027

IOMLÁN

IOMLÁN

lasmuigh de CHEANNTEIDEAL 7 19   of the multiannual financial framework
Acmhainní daonna
Caiteachas eile   de chineál riaracháin	2,500	2,500	2,500	2,500	2,500	2,500	2,500	17,500
Fo-iomlán lasmuigh de CHEANNTEIDEAL 7  den chreat airgeadais ilbhliantúil	2,500	2,500	2,500	2,500	2,500	2,500	2,500	17,500

IOMLÁN

98,780

98,780

98,780

98,780

98,780

98,780

98,780

691,460

Na leithreasuithe is gá le haghaidh acmhainní daonna agus caiteachas eile de chineál riaracháin, cumhdófar iad leis na leithreasuithe sin san Ard‑Stiúrthóireacht atá sannta cheana do bhainistíocht an bhirt agus/nó atá athshannta laistigh den Ard‑Stiúrthóireacht, mar aon le haon leithdháileadh breise a d'fhéadfaí a thabhairt don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Na leithreasuithe don chuid de CSE+ atá faoi bhainistíocht chomhroinnte, tá siad sonraithe i ráiteas airgeadais reachtach Rialachán na bhForálacha Coiteanna (RFC) COM(2018)375.

3.2.2.1.Na hacmhainní daonna a mheastar a bheidh riachtanach

–◻    Ní éilíonn an togra/tionscnamh go n‑úsáidfear acmhainní daonna.

–☑    Éilíonn an togra/tionscnamh go n‑úsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

Bliain		2021	2022	2023	2024	2025	2026	2027
• Poist don phlean bunaíochta (oifigigh agus foireann shealadach)
IOMLÁN na bpost don phlean bunaíochta (oifigigh agus foireann shealadach)
Ceanncheathrú agus Oifigí Ionadaíocht an Choimisiúin		599	599	599	599	599	599	599
Toscaireachtaí		0	0	0	0	0	0	0
Taighde		0	0	0	0	0	0	0
• Foireann sheachtrach (i gcoibhéis lánaimseartha: ) - CA, LA, SNE, INT agus JED  20 Ceannteideal 7
AS EMPL
Arna maoiniú as CEANNTEIDEAL 7 den chreat airgeadais ilbhliantúil	- sa cheanncheathrú	71	71	71	71	71	71	71
	- i dtoscaireachtaí	neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach
Arna maoiniú as imchlúdach an chláir  21	- sa cheanncheathrú
	- i dtoscaireachtaí	neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach
Eile (sonraigh)		neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach	neamhbhainteach
IOMLÁN Foireann sheachtrach (i gcoibhéis lánaimseartha)		71	71	71	71	71	71	71
MÓRIOMLÁN		670	670	670	670	670	670	670

Soláthrófar na hacmhainní daonna is gá le baill foirne ón Ard‑Stiúrthóireacht a bhfuil bainistíocht an bhirt faoina gcúram cheana agus/nó ar athshannadh a gcúraimí laistigh den Ard‑Stiúrthóireacht, mar aon le haon leithdháileadh breise a d'fhéadfaí a thabhairt don Ard‑Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Oifigigh agus pearsanra sealadach	Bainistiú, maoiniú agus iniúchadh an chláir
Pearsanra seachtrach	Bainistiú, maoiniú agus iniúchadh an chláir

3.2.3.Ranníocaíochtaí ó thríú páirtithe

I gcás an togra/tionscnaimh seo:

–☑    ní dhéantar foráil maidir le cómhaoiniú le tríú páirtithe

–◻    déantar foráil maidir leis an gcómhaoiniú le tríú páirtithe atá réamh‑mheasta thíos:

Leithreasuithe in EUR milliúin (go dtí an tríú deachúil)

Bliain	2021	2022	2023	2024	2025	2026	2027	IOMLÁN
LEE/CSTE	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin
Tíortha is iarrthóirí	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin
Tríú tíortha	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin
IOMLÁN leithreasuithe cómhaoinithe	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin	iontráil mheabhráin

3.3.An tionchar a mheastar a bheidh ar ioncam

–☑    Ní bheidh tionchar airgeadais ar bith ag an togra ar ioncam.

–◻    Beidh an tionchar airgeadais seo a leanas ag an togra/tionscnamh:

–◻    ar acmhainní dílse

–◻     ar ioncam eile

má tá an t‑ioncam sannta do línte caiteachais, sonraigh sin ◻    

EUR milliúin (go dtí an tríú deachúil)

Líne buiséid ioncaim:	Tionchar an togra/tionscnaimh 22
	2021	2022	2023	2024	2025	2026	2027
Airteagal ………….

I gcás ioncam ilghnéitheach atá 'sannta', sonraigh na línte buiséid a n‑imrítear tionchar orthu.

Aon rud eile (e.g. an modh nó an fhoirmle a úsáideadh chun an tionchar ar ioncam a ríomh nó aon fhaisnéis eile).

(1)    COM(2018) 382.

(2)    COM(2020) 443.

(3)    COM(2020) 102.

(4)    COM(2020) 405.

(5)    COM(2020) 450.

(6)    COM(2020) 452.

(7)    COM(2020) 405.

(8)    COM(2020) 451.

(9)    De réir mar a shainmhínítear sa Mholadh ón gComhairle an 15 Márta 2018 maidir le Creat Eorpach do Phrintíseachtaí Ardchaighdeáin agus Éifeachtacha.

(10)    COM(2020) 102.

(11)    Moladh ón gComhairle an 19 Nollaig 2016 maidir le Conairí Uas‑scilithe: deiseanna nua do dhaoine fásta.

(12)    Cinneadh 2013/755/AE ón gComhairle an 25 Samhain 2013 maidir le comhlachas na dtíortha agus na gcríoch thar lear leis an Aontas Eorpach (an Cinneadh maidir le Comhlachas Thar Lear) (IO L 344, 19.12.2013, lch. 1).

(13)    Rialachán (AE) Uimh. 1296/2013 ó Pharlaimint na hEorpa agus ón gComhairle an 11 Nollaig 2013 maidir le Clár an Aontais Eorpaigh um Fhostaíocht agus um Nuálaíocht Shóisialta (“EaSI”) agus lena leasaítear Cinneadh Uimh. 283/2010/AE lena mbunaítear Saoráid Mhicreamhaoiniúcháin don Dul Chun Cinn Eorpach le haghaidh fostaíochta agus cuimsiú sóisialta (IO L 347, 20.12.2013, lch. 238).

(14)    Mar a thagraítear dó in Airteagal 58(2)(a) nó (b) den Rialachán Airgeadais.

(15)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard‑Stiúrthóireacht an Bhuiséid: https://myintracomm.ec.europa.eu/budgweb/EN/man/budgmanag/Pages/budgmanag.aspx  

(16)    CSTE: Comhlachas Saorthrádála na hEorpa.

(17)    Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n‑iarrthóirí.

(18)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte "BA") a chur chun feidhme, taighde indíreach, taighde díreach.

(19)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte "BA") a chur chun feidhme, taighde indíreach, taighde díreach.

(20)    AC = Ball foirne ar conradh; AL = Ball foirne áitiúil; END = Saineolaí náisiúnta ar iasacht; INT= Ball foirne gníomhaireachta; JPD = Saineolaithe sóisearacha i dtoscaireachtaí.

(21)    Fo-uasteorainn d'fhoireann sheachtrach arna cumhdach ag leithreasuithe faoi chomhair oibríochtaí (na seanlínte "BA").

(22)    fad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 20 % de na costais bhailiúcháin a bheith bainte astu.