AN COIMISIÚN EORPACH

An Bhruiséil,13.6.2018

COM(2018) 480 final

2017/0352(COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le creat a bhunú le haghaidh idir-inoibritheacht idir córais faisnéise an Aontais Eorpaigh (comhar póilíneachta agus comhar breithiúnach, tearmann agus imirce) agus lena leasaítear [Rialachán (AE) 2018/XX [Rialachán Eurodac],] Rialachán SIS i réimse fhorfheidhmiú an dlí], Rialachán (AE) 2018/XX [Rialachán ECRIS-TCN] agus Rialachán (AE) 2018/XX [Rialachán eu-LISA]

{SWD(2017) 473 final}
{SWD(2017) 474 final}

MEABHRÁN MÍNIÚCHÁIN

1.COMHTHÉACS AN TOGRA

•Cúlra an togra

Le trí bliana anuas, tháinig méadú ar líon na dtrasnuithe neamhrialta san Aontas Eorpach agus tá bagairt mhéadaithe leanúnach ann don tslándáil inmheánach faoi mar is léir ó na hionsaithe sceimhlitheoireachta a rinneadh ceann i ndiaidh a chéile i gcaitheamh na tréimhse sin. Bíonn coinne ag saoránaigh den Aontas go mbeidh na rialuithe a dhéantar ar dhaoine ag na teorainneacha seachtracha, agus na seiceálacha a dhéantar i limistéar Schengen, éifeachtach, agus go mbeifear in ann bainistiú éifeachtach a dhéanamh ar imirce agus cur leis an tslándáil inmheánach mar gheall orthu sin. De dheasca na ndúshlán sin, is ríléir gur gá uirlisí faisnéise an Aontais i gcomhair bainistiú teorainneacha, imirce agus slándála a cheangal le chéile agus a neartú go cuimsitheach.

Is féidir, agus ní mór, faisnéis a bhainistiú ar bhealach níos éifeachtaí agus níos éifeachtúla san Aontas, le lánurraim do chearta bunúsacha lena náirítear go háirithe an ceart go ndéanfar sonraí pearsanta a chosaint, d’fhonn cosaint níos fearr a thabhairt do theorainneacha seachtracha an Aontais, bainistiú imirce a fheabhsú agus cur leis an tslándáil inmheánach chun leas na saoránach uile. Tá roinnt mhaith córais faisnéise i bhfeidhm cheana ar leibhéal an Aontais, agus tá tuilleadh córas á bhforbairt chun faisnéis ábhartha faoi dhaoine a sholáthar do ghardaí teorann, d’oifigigh inimirce agus d’oifigigh forfheidhmithe dlí. Ionas go mbeidh an tacaíocht sin éifeachtach, ní mór an fhaisnéis a thugtar i gcórais faisnéise an Aontais a bheith iomlán, cruinn agus iontaofa. Mar sin féin, tá easnaimh struchtúracha in ailtireacht bainistithe faisnéise an Aontais. Bíonn ar údaráis náisiúnta dul i ngleic le teaglaim chasta córas faisnéise a rialaítear ar bhealaí éagsúla. Thairis sin, tá an ailtireacht bainistithe sonraí le haghaidh teorainneacha agus slándála ilroinnte, ós rud é go ndéantar faisnéis a stóráil go leithleach i gcórais nach bhfuil aon nasc eatarthu. Caochspotaí a bhíonn mar thoradh air sin. Dá thoradh sin, níl na córais faisnéise éagsúla ar leibhéal an Aontais idir-inoibritheach i láthair na huaire — is é sin, ní féidir sonraí a mhalartú ná faisnéis a chomhroinnt eatarthu ionas go mbeadh an fhaisnéis atá de dhíth ar údaráis agus ar oifigigh inniúla ina seilbh acu tráth a dteastaíonn sí uathu agus mar a dteastaíonn sí uathu. Is féidir le hidir-inoibritheacht córas faisnéise ar leibhéal an Aontais a bheith ina cuidiú mór chun fáil réidh leis na caochspotaí atá ann faoi láthair, inar féidir daoine, iad siúd a bhféadfadh baint a bheith acu le gníomhaíochtaí sceimhlitheoireachta san áireamh, a thaifeadadh faoi ailiasanna éagsúla i mbunachair sonraí éagsúla nach bhfuil aon nasc eatarthu.

I mí Aibreáin 2016, thíolaic an Coimisiún Teachtaireacht  Stronger and Smarter Information Systems for Borders and Security 2 [Córais Faisnéise níos Láidre agus níos Cliste do Theorainneacha agus don tSlándáil] chun aghaidh a thabhairt ar roinnt easnaimh struchtúrtha a bhaineann le córais faisnéise 3 . Bhí sé mar aidhm ag an Teachtaireacht ó mhí Aibreáin 2016 tús a chur le plé faoin gcaoi a bhféadfadh córais faisnéise san Aontas Eorpach bainistiú teorainneacha agus imirce agus an tslándáil inmheánach a fheabhsú. Ar an dóigh chéanna, d’aithin an Chomhairle óna taobh féin de, gur gá beart a dhéanamh go práinneach sa réimse seo. I mí an Mheithimh 2016, d’fhormhuinigh sí treochlár chun feabhas a chur ar an malartú faisnéise agus ar an mbainistiú faisnéise lena náirítear réitigh idir-inoibritheachta i réimse an cheartais agus na ngnóthaí baile 4 . Is é a bhí mar chuspóir ag an treochlár tacú le himscrúduithe oibríochtúla agus faisnéis chuimsitheach, théamach agus ardcháilíochta a sholáthar do chleachtóirí túslíne — amhail póilíní, gardaí teorann, ionchúisitheoirí poiblí, oifigigh inimirce agus daoine eile — ionas go bhféadfaidís oibriú i gcomhar le chéile go héifeachtach. Mhol Parlaimint na hEorpa beart práinneach a dhéanamh sa réimse seo freisin. Sa Rún uaithi ó mhí Iúil 2016 5 maidir le clár oibre an Choimisiún do 2017, d’iarr Parlaimint na hEorpa moltaí chun na córais faisnéise atá ag an Aontas Eorpach cheana a fheabhsú agus a fhorbairt, chun aghaidh a thabhairt ar bhearnaí san fhaisnéis agus chun idir-inoibritheacht na gcóras sin a bhaint amach, chomh maith le moltaí i dtaca le comhroinnt éigeantach faisnéise ar leibhéal an Aontais, a mbeadh na coimircí cosanta sonraí riachtanacha ag gabháil léi. San aitheasc a thug an tUachtarán Juncker faoi Staid an Aontais i mí Mheán Fómhair 2016 6 agus i gconclúidí na Comhairle Eorpaí ó mhí na Nollag 2016 7 , leagadh béim ar an tábhacht a bhaineann leis na heasnaimh atá anois ann i mbainistiú faisnéise a shárú agus le feabhas a chur ar idir-inoibritheacht na gcóras faisnéise atá ann cheana.

I mí an Mheithimh 2016, ag eascairt as an Teachtaireacht ó mhí Aibreáin 2016, chuir an Coimisiún sainghrúpa ardleibhéil um chórais faisnéise agus idir-inoibritheacht ar bun 8 chun aghaidh a thabhairt ar na dúshláin dhlíthiúla, theicniúla agus oibríochtúla a bhaineann le feabhas a chur ar idir-inoibritheacht idir lárchórais an Aontais le haghaidh teorainneacha agus slándála, lena náirítear riachtanas, féidearthacht theicniúil agus comhréireacht na gcóras sin agus na himpleachtaí a bheadh ag gabháil leo ó thaobh cosaint sonraí de. Foilsíodh tuarascáil chríochnaitheach an tsainghrúpa ardleibhéil i mí na Bealtaine 2017 9 . Leagadh amach sa tuarascáil sin réimse moltaí chun córais faisnéise an Aontais agus idir-inoibritheacht na gcóras sin a neartú agus a fhorbairt. Ghlac Gníomhaireacht an Aontais Eorpaigh um Chearta Bunúsacha, an Maoirseoir Eorpach ar Chosaint Sonraí agus Comhordaitheoir Frithsceimhlitheoireachta an Aontais Eorpaigh páirt in obair an tsainghrúpa. Chuir siad ar fad ráitis tacaíochta isteach, cé gur admhaigh siad gur ghá aghaidh a thabhairt ar shaincheisteanna eile i dtaca le cearta bunúsacha agus cosaint sonraí agus dul chun cinn á dhéanamh. Bhí ionadaithe Rúnaíocht Choiste Pharlaimint na hEorpa um Shaoirsí Sibhialta, um Cheartas agus um Ghnóthaí Baile agus Ardrúnaíocht na Comhairle i láthair mar bhreathnóirí. Ba é conclúid an tsainghrúpa ardleibhéil gur ghá agus gurbh indéanta go teicniúil féachaint le réitigh phraiticiúla a fháil maidir le hidir-inoibritheacht agus go bhféadfadh na réitigh sin, i bprionsabal, gnóthachain oibríochtúla a sholáthar, agus san am céanna go bhféadfaí iad a shuí i gcomhréir le ceanglais cosanta sonraí.

Ar bhonn thuarascáil agus mholtaí an tsainghrúpa, leag an Coimisiún cur chuige nua i leith bainistiú sonraí amach sa Seachtú tuarascáil ar dhul chun cinn i dtreo aontas slándála éifeachtach dílis, 10 cur chuige nua i leith bainistiú sonraí i dtaca le teorainneacha, slándáil agus bainistiú imirce, ina mbeadh córais faisnéise láraithe uile an Aontais um shlándáil, teorainneacha agus bainistiú imirce idir-inoibritheach agus ina mbeidís á bhfeidhmiú le lánurraim do na cearta bunúsacha. D’fhógair an Coimisiún go raibh sé ar intinn aige obair a dhéanamh chun tairseach cuardaigh Eorpach a chruthú ionas go bhféadfaí na córais ábhartha uile de chuid an Aontais a chuardach san am céanna sa réimse slándála, teorainneacha agus bainistithe imirce, agus rialacha níos cuíchóirithe a leagan síos maidir le rochtain chun críocha fhorfheidhmiú an dlí, agus seirbhís chomhroinnte meaitseála sonraí bithmhéadracha a fhorbairt (a bhféadfadh feidhmiúlacht na brataí amais 11 a bheith aici) mar aon le stóras coiteann sonraí céannachta le haghaidh na gcóras sin. D’fhógair sé go raibh sé ar intinn aige togra reachtach maidir le hidir-inoibritheacht a thíolacadh a luaithe is féidir.

Athdhearbhaíodh i gconclúidí na Comhairle Eorpaí ó mhí an Mheithimh 2017 12 gur ghá beart a dhéanamh. Ar bhonn na gconclúidí 13 a ghlac an Chomhairle Ceartais agus Gnóthaí Baile i mí an Mheithimh 2017, d’iarr an Chomhairle Eorpach ar an gCoimisiún dréachtreachtaíocht a ullmhú a luaithe ab fhéidir, chun na moltaí a rinne an sainghrúpa ardleibhéil a achtú. Is freagairt é an tionscnamh seo ar ghlao na Comhairle ar chreat cuimsitheach le haghaidh rochtain údarás forfheidhmithe dlí ar na bunachair sonraí éagsúla i réimse an cheartais agus na ngnóthaí baile, d’fhonn cur le simpliú, le comhsheasmhacht agus le héifeachtacht riachtanas oibríochtúil agus chun cur leis an aird a thugtar orthu 14 . Chun na hiarrachtaí atá á ndéanamh lena áirithiú go mbeidh sochaí an Aontais níos sláine, le lánurraim do na cearta bunúsacha san am céanna, d’fhógair an Coimisiún, i gcomhthéacs an Chláir Oibre le haghaidh 2018 15 , togra maidir le hidir-inoibritheacht córas faisnéise a bheidh le tíolacadh faoi dheireadh 2017.

•Cuspóirí an togra

Eascraíonn cuspóirí ginearálta an tionscnaimh seo as na spriocanna conradhbhunaithe a bhaineann le bainistiú theorainneacha seachtracha limistéar Schengen a fheabhsú agus le cur le slándáil inmheánach an Aontais Eorpaigh. Eascraíonn siad freisin as cinntí beartais a rinne an Coimisiún agus as conclúidí ábhartha de chuid na Comhairle (Eorpaí). Déantar na cuspóirí sin a mhionléiriú sa Chlár Oibre Eorpach maidir leis an Imirce agus i dteachtaireachtaí dá éis sin, mar shampla an Teachtaireacht chun Schengen a chaomhnú agus a neartú, 16 an Clár Oibre Eorpach maidir leis an tSlándáil 17 agus obair an Choimisiúin agus na tuarascálacha ar dhul chun cinn dá chuid i dtreo aontas slándála éifeachtach dílis 18 .

Cé go bhfuil cuspóirí an togra seo bunaithe go háirithe ar an Teachtaireacht ó mhí Aibreáin 2016 agus ar thorthaí an tsainghrúpa ardleibhéil, tá siad nasctha go dlúth lena bhfuil thuas.

Is iad seo a leanas cuspóirí sonracha an togra seo:

(1)a áirithiú go mbeidh rochtain thapa, rianúil, chórasach agus rialaithe ag úsáideoirí deiridh, go háirithe gardaí teorann, oifigigh forfheidhmithe dlí, oifigigh inimirce agus údaráis bhreithiúnacha, ar an bhfaisnéis atá de dhíth orthu chun a gcuid cúraimí a dhéanamh;

(2)réiteach a sholáthar chun an iliomad céannachtaí a bhrath atá nasctha leis an tacar céanna sonraí bithmhéadracha agus dhá chuspóir ag baint leis sin, is iad sin ceart-sainaithint daoine bona fide a áirithiú agus calaois chéannachta a chomhrac;

(3)seiceálacha céannachta ar náisiúnaigh tríú tír a éascú d’údaráis phóilíneachta ar chríoch Ballstáit; agus

(4)rochtain údarás forfheidhmithe dlí ar chórais faisnéise nach ndéantar an dlí a fhorfheidhmiú leo a éascú agus a chuíchóiriú ar leibhéal an Aontais, i gcás inar gá chun coireacht thromchúiseach agus sceimhlitheoireacht a chosc, a imscrúdú, a bhrath nó a ionchúiseamh.

I dteannta na bpríomhchuspóirí oibríochtúla sin, beidh an togra seo ina chúnamh freisin maidir leis an méid seo a leanas:

·cur chun feidhme teicniúil agus oibríochtúil córas faisnéise atá ann cheana agus a bheidh ann amach anseo a éascú do na Ballstáit;

·na coinníollacha slándála sonraí agus cosanta sonraí lena rialaítear na córais ábhartha a neartú agus a chuíchóiriú; agus

·ceanglais cáilíochta sonraí na gcóras ábhartha a fheabhsú agus a chomhchuibhiú.

Ar deireadh, cuirtear forálacha san áireamh sa togra seo maidir leis an bhformáid uilíoch teachtaireachta a bhunú agus a rialáil mar chaighdeán de chuid an Aontais chun córais faisnéise a fhorbairt i réimse an cheartais agus na ngnóthaí baile agus chun lárstóras um thuairisciú agus staidrimh a bhunú.

•Raon feidhme an togra

Mar aon leis an gcomhthogra a tíolacadh an lá céanna, dírítear sa togra seo maidir le hidir-inoibritheacht ar chórais faisnéise an Aontais Eorpaigh um shlándáil, teorainneacha agus bainistiú imirce a oibrítear ar leibhéal lárnach, a bhfuil trí cinn díobh i bhfeidhm cheana, a bhfuil ceann amháin acu ar tí a fhorbartha, agus a bhfuil dhá cheann eile ag céim na dtograí atá faoi chaibidil ag na comhreachtóirí faoi láthair. Tá a chuid cuspóirí, críoch, bunús dlí, rialacha, grúpaí úsáideoirí agus comhthéacs institiúide féin ag gach córas.

Seo a leanas na trí chóras faisnéise láraithe atá i bhfeidhm go nuige seo:

·Córas Faisnéise Schengen (SIS) ina bhfuil raon leathan foláireamh i dtaca le daoine (a bhaineann le diúltú dul isteach nó fanachta, barántas gabhála de chuid an Aontais, daoine atá ar iarraidh, cúnamh i gcás nós imeachta breithiúnach, seiceálacha discréideacha agus sonracha) agus i dtaca le hábhair (doiciméid taistil nó céannachta a cailleadh, a goideadh nó atá neamhbhailí) 19 ;

·córas Eurodac ina bhfuil sonraí méarlorg iarrthóirí tearmainn agus náisiúnach tríú tír a thrasnaigh na teorainneacha seachtracha go neamhrialta nó atá ag fanacht go neamhdhleathach i mBallstát; agus

·an Córas Faisnéise Víosaí (VIS) ina bhfuil sonraí faoi víosaí gearrfhanachta.

I dteannta na gcóras sin atá ann cheana, mhol an Coimisiún in 2016-2017 trí chóras faisnéise láraithe nua don Aontas:

·an córas dul isteach/imeachta (EES): táthar tar éis teacht ar chomhaontú maidir le bunús dlí an chórais seo. Cuirfear in ionad an chórais atá ann maidir le pasanna a stampáil de láimh é agus déanfar na nithe seo a leanas a chlárú go leictreonach i dtaca le náisiúnaigh tríú tír a thabharfaidh cuairt ar limistéar Schengen ar feadh tréimhse gearrfhanachta: an tainm, an cineál doiciméid taistil, sonraí bithmhéadracha agus an dáta agus an tam a mbeidh siad ag dul isteach agus ag imeacht;

·Córas an Aontais Eorpaigh um Fhaisnéis agus Údarú Taistil (ETIAS): córas atá beartaithe a bheadh ina chóras uathoibrithe den chuid is mó, a luaithe a ghlacfaí é, trína bhféadfaí faisnéis a bhailiú agus a fhíorú, faisnéis a thíolacfadh náisiúnaigh tríú tír atá díolmhaithe ó cheanglas víosa sula dtaistealóidís chuig limistéar Schengen; agus

·an Córas Faisnéise Eorpach um Thaifid Choiriúla do náisiúnaigh tríú tír (an córas ECRIS-TCN): córas atá beartaithe a bheadh ina chóras leictreonach chun faisnéis a mhalartú faoi chiontuithe a bheadh tugtha roimhe sin ag cúirteanna coiriúla san Aontas i gcoinne náisiúnaigh tríú tír.

Tá na sé chóras sin ag teacht le chéile agus — cé is moite de Chóras Faisnéise Schengen (SIS) — tá siad dírithe go heisiach ar náisiúnaigh tríú tír. Tugtar tacaíocht do na húdaráis náisiúnta trí mheán na gcóras sin chun teorainneacha, cúrsaí imirce, próiseáil víosaí agus cúrsaí tearmainn a bhainistiú, agus chun coireacht agus sceimhlitheoireacht a chomhrac. Baineann an comhrac i gcoinne coireachta agus sceimhlitheoireachta le SIS go háirithe, atá ar an uirlis is mó úsáid i láthair na huaire chun faisnéis i dtaca le forfheidhmiú an dlí a chomhroinnt.

I dteannta na gcóras faisnéise sin, a bhainistítear go lárnach ar leibhéal an Aontais, áirítear i raon feidhme an togra seo bunachar sonraí Interpol ina bhfuil faisnéis faoi dhoiciméid taistil a cailleadh agus a goideadh, bunachar a dhéantar a chuardach go córasach, de bhun fhorálacha Chód Teorainneacha Schengen, ag teorainneacha seachtracha an Aontais, agus bunachar sonraí Interpol um dhoiciméid taistil a bhaineann le fógraí. Cumhdaítear sonraí Europol faoina raon feidhme freisin, a mhéid is ábhartha chun an córas ETIAS atá beartaithe a fheidhmiú agus chun cúnamh a thabhairt do na Ballstáit agus sonraí faoi choireacht thromchúiseach agus sceimhlitheoireacht á gcuardach.

Ní thagann córais faisnéise náisiúnta agus córais faisnéise dhíláraithe an Aontais faoi raon feidhme an tionscnaimh seo. Ar choinníoll go léireofar gur gá sin, féadfar córais dhíláraithe amhail na córais a oibrítear faoi chreat Prüm, 20 faoin Treoir maidir le Taifead Ainmneacha Paisinéirí 21 agus faoin Treoir maidir le Réamhfhaisnéis faoi Phaisinéirí 22 a cheangal tráth is faide anonn le ceann amháin nó níos mó de na comhpháirteanna atá beartaithe faoin tionscnamh seo. 23 .

Chun idirdhealú a dhéanamh idir na hábhair ar forbairt ar acquis Schengen iad maidir le teorainneacha agus víosaí, ar lámh amháin, agus córais eile a bhaineann le acquis Schengen maidir le comhar póilíneachta nó nach bhfuil baint acu le acquis Schengen ar an lámh eile, pléitear sa togra seo le rochtain ar an gCóras Faisnéise Víosaí, ar Chóras Faisnéise Schengen arna rialáil faoi láthair ag Rialachán (CE) Uimh. 1987/2006, ar an gcóras dul isteach agus imeachta agus ar Chóras an Aontais Eorpaigh um Fhaisnéis agus Údarú Taistil.

•Na comhpháirteanna teicniúla is gá chun idir-inoibritheacht a bhaint amach

Chun cuspóirí an togra seo a bhaint amach, ní mór ceithre chomhpháirt idir-inoibritheachta a leagan síos:

·Tairseach cuardaigh Eorpach

·Seirbhís chomhroinnte meaitseála sonraí bithmhéadracha

·Stóras coiteann sonraí céannachta

·Brathadóir ilchéannachtaí

Cuirtear síos go mion ar gach ceann de na comhpháirteanna sin sa doiciméad inmheánach oibre de chuid an Choimisiúin maidir leis an measúnú tionchair a ghabhann leis an togra seo.

Is é seo an réiteach idir-inoibritheachta a thagann as na ceithre chomhpháirt sin:

Is féidir achoimre a dhéanamh ar chuspóirí agus feidhmiú na gceithre chomhpháirt sin mar seo a leanas:

(1)    Is í an tairseach cuardaigh Eorpach an chomhpháirt trína bhféadfaí iliomad córas a chuardach san am céanna (SIS Láir, Eurodac, VIS, an córas EES a bheidh ann amach anseo, an córas ETIAS atá beartaithe agus an córas ECRIS-TCN atá beartaithe, mar aon leis na córais ábhartha de chuid Interpol agus Europol) agus úsáid á baint as sonraí céannachta (idir shonraí beathaisnéiseacha agus sonraí bithmhéadracha). Dhéanfaí deimhin de leis an tairseach sin go mbeadh rochtain thapa, rianúil, éifeachtúil, chórasach agus rialaithe ag úsáideoirí chórais faisnéise an Aontais ar an bhfaisnéis uile atá de dhíth uathu chun a gcuid cúraimí a chomhlíonadh.

Ach cuardach a dhéanamh sa tairseach cuardaigh Eorpach, gheobhadh an túsáideoir faisnéis faoi cheann cúpla soicind ó na córais éagsúla a bhfuil rochtain dlí aige orthu. Ag brath ar chuspóir an chuardaigh, agus na cearta rochtana comhfhreagracha, thabharfaí cumraíochtaí sonracha don tairseach cuardaigh Eorpach.

Ní dhéanann an tairseach cuardaigh Eorpach aon sonraí nua a phróiseáil ná aon sonraí a stóráil; ghníomhódh sí mar fhuinneog aonair nó “bróicéir teachtaireachtaí” chun lárchórais éagsúla a chuardach agus an fhaisnéis atá riachtanach a aisghabháil go rianúil, agus ghníomhódh sí amhlaidh le lánurraim do na ceanglais maidir le rialú rochtana agus cosaint sonraí a bhaineann leis na córais fholuiteacha. Is fearr a d’fhéadfaí úsáid cheart údaraithe a bhaint as gach ceann de na córais faisnéise de chuid an Aontais atá ann cheana a bhuí leis an tairseach cuardaigh Eorpach agus d’fhágfadh sin go mbeadh na Ballstáit in ann na córais a cheadú agus a úsáid go héasca ar bheagán costas, i gcomhréir leis na hionstraimí dlí lena rialaítear na córais sin.

(2)    Tríd an tseirbhís chomhroinnte meaitseála sonraí bithmhéadracha, bheifí in ann sonraí bithmhéadracha a chuardach agus a chur i gcomparáid le chéile (méarloirg agus íomhánna den aghaidh) ó lárchórais éagsúla (go háirithe, SIS, Eurodac, VIS, an córas EES a bheith ann amach anseo agus an córas ECRIS-TCN atá beartaithe). Ós rud é nach mbeidh sonraí bithmhéadracha sa chóras ETIAS atá beartaithe, ní bheadh sé nasctha leis an tseirbhís chomhroinnte meaitseála sonraí bithmhéadracha.

Ós rud é go bhfuil inneall cuardaigh tiomnaithe dílsithe le haghaidh sonraí bithmhéadracha ag gach lárchóras atá ann cheana (SIS, Eurodac, VIS), sholáthródh seirbhís chomhroinnte meaitseála sonraí bithmhéadracha 24 ardán coiteann ina ndéanfaí na sonraí a chuardach agus a chur i gcomparáid le chéile san am céanna. Ba shuntasach na tairbhí a bhainfeadh leis an tseirbhís chomhroinnte meaitseála sonraí bithmhéadracha ó thaobh slándála, costais, caomhnú agus oibriú de trí dhul ar iontaoibh comhpháirt theicneolaíoch uathúil amháin seachas cúig chomhpháirt éagsúla. Ba sna córais fholuiteacha, agus sna córais sin amháin, a choinneofaí na sonraí bithmhéadracha (méarloirg agus íomhánna den aghaidh). Chruthódh an tseirbhís chomhroinnte meaitseála sonraí bithmhéadracha léiriú matamaiticiúil ar na samplaí bithmhéadracha (teimpléad), agus choinneofaí sa tseirbhís é, ach gheofaí réidh leis na sonraí féin; leanfaí de bheith á stóráil, dá bhrí sin, aon uair amháin i suíomh amháin.

Bheadh ról lárnach ag an tseirbhís chomhroinnte meaitseála sonraí bithmhéadracha chun naisc a bhrath idir tacair sonraí agus céannachtaí éagsúla a mbeadh seilbh glactha ag an duine céanna orthu i lárchórais éagsúla. Murarbh ann do sheirbhís chomhroinnte meaitseála sonraí bithmhéadracha, ní bheadh aon cheann de na trí chomhpháirt eile in ann feidhmiú.

(3) Bheadh an stóras coiteann sonraí céannachta ina chomhpháirt chomhroinnte chun sonraí beathaisnéiseacha 25 agus sonraí bithmhéadracha céannachta a stóráil a bhaineann le náisiúnaigh tríú tír a dhéanfaí a thaifeadadh in Eurodac, VIS, sa chóras EES a bheidh ann amach anseo, agus sa chóras ETIAS agus córas ECRIS-TCN atá beartaithe. Dhéanfaí sonraí bithmhéadracha maidir le daoine sonracha a thaifeadadh i ngach ceann de na cúig lárchóras sin ar chúiseanna sonracha. Ní thiocfadh aon athrú air sin. Dhéanfaí na sonraí céannachta ábhartha a stóráil sa stóras coiteann sonraí céannachta ach bheadh baint acu go fóill féin leis na córais fholuiteacha ábhartha ina mbeadh na sonraí sin taifeadta.

Ní bheadh sonraí SIS sa stóras coiteann sonraí céannachta. D’fhágfadh ailtireacht theicniúil chasta SIS ina mbeadh cóipeanna náisiúnta, cóipeanna náisiúnta páirteacha agus ina bhféadfadh córais meaitseála sonraí bithmhéadracha náisiúnta a bheith, go mbeadh an stóras coiteann sonraí céannachta chomh casta sin go mb’fhéidir nach mbeadh sé inmharthana ó thaobh cúrsaí teicniúla agus airgeadais de a thuilleadh.

Is é príomhchuspóir an stórais choitinn sonraí céannachta sainaithint bheathaisnéiseach náisiúnaigh tríú tír a éascú. Chuirfeadh sé dlús leis na hoibríochtaí agus feabhas ar éifeachtúlacht agus ar bharainneacht scála. Is gá an stóras coiteann sonraí céannachta a bhunú chun seiceálacha céannachta éifeachtacha a dhéanamh ar náisiúnaigh tríú tír, lena náirítear ar chríoch Ballstáit. Ina theannta sin, trí “fheidhmiúlacht na brataí amais” a chur leis an stóras coiteann sonraí céannachta, d’fhéadfaí a sheiceáil an ann (nó nach ann) do shonraí in aon cheann de na córais atá cumhdaithe ag an stóras coiteann sonraí céannachta trí fhógra simplí amais/gan amas. Ar an dóigh sin, bheadh an stóras coiteann sonraí céannachta ina chuidiú chun rochtain údarás forfheidhmithe dlí ar chórais nach ndéantar an dlí a fhorfheidhmiú leo a chuíchóiriú, agus coimirce cosanta sonraí á cothabháil ar ardleibhéal (féach an roinn thíos faoin gcur chuige dhá chéim maidir le rochtain chun críocha fhorfheidhmiú an dlí).

I measc na gcúig chóras a bheadh á gcumhdach ag an stóras coiteann sonraí céannachta, ag an gcóras EES a bheidh ann, ag an gcóras ETIAS atá beartaithe agus ag an gcóras ECRIS-TCN atá beartaithe, tá córais nua is gá a fhorbairt go fóill. Níl sonraí beathaisnéiseacha i gcóras Eurodac atá i bhfeidhm faoi láthair; áireofar na sonraí sin a luaithe a ghlacfar an bunús dlí nua do Eurodac. Níl sonraí beathaisnéiseacha in VIS atá i bhfeidhm faoi láthair, ach is gá an córas sin a uasghrádú chun go mbeifear in ann na hidirghníomhaíochtaí riachtanacha a dhéanamh idir VIS agus an córas EES a bheidh ann amach anseo. Dá bhrí sin, ba mhaith an tráth an stóras coiteann sonraí céannachta a chruthú. Ní dhéanfaí dúbláil ar bith ar na sonraí atá ann cheana. Ar bhonn teicniúil, dhéanfaí an stóras coiteann sonraí céannachta a fhorbairt bunaithe ar thairseach EES/ETIAS.

Sheiceálfadh an brathadóir ilchéannachtaí cibé acu an ann nó nach ann do na sonraí céannachta arna gcuardach i mbreis is ceann amháin de na córais atá nasctha leis. Cumhdaíonn an brathadóir ilchéannachtaí na córais a stórálann sonraí céannachta sa stóras coiteann sonraí céannachta (Eurodac, VIS, an córas EES a bheidh ann amach anseo, an córas ETIAS atá beartaithe agus an córas ECRIS-TCN atá beartaithe) agus in SIS. Bheadh an brathadóir ilchéannachtaí in ann an iliomad céannachtaí atá nasctha leis an tacar céanna sonraí bithmhéadracha a bhrath, agus dhá chuspóir aige sin, is iad sin ceart-sainaithint daoine bona fide a áirithiú agus calaois chéannachta a chomhrac;

Bheifí in ann a shuí leis an mbrathadóir ilchéannachtaí go mbaineann ainmneacha éagsúla leis an gcéannacht chéanna. Is forbairt riachtanach é chun aghaidh a thabhairt go héifeachtach ar úsáid chalaoiseach céannachtaí, ar sárú tromchúiseach ar an tslándáil é sin. Ní léireodh an brathadóir ilchéannachtaí ach na taifid bheathaisnéiseacha chéannachta sin a bhfuil nasc acu i lárchórais éagsúla. Dhéanfaí na naisc sin a bhrath tríd an tseirbhís chomhroinnte meaitseála sonraí bithmhéadracha a úsáid ar bhonn sonraí bithmhéadracha agus ba ghá don údarás a mbeadh na sonraí taifeadta aige sa chóras faisnéise ba chúis le cruthú an naisc iad a dheimhniú nó a dhiúltú. Chun cúnamh a thabhairt d’úsáideoirí údaraithe an bhrathadóra ilchéannachtaí leis an gcúram seo, ba ghá don chóras na naisc shainaitheanta a aicmiú i gceithre chatagóir:

·Nasc buí –    céannachtaí beathaisnéiseacha éagsúla a d’fhéadfadh a bheith ag baint leis an duine céanna

·Nasc bán – deimhniú go mbaineann na céannachtaí beathaisnéiseacha éagsúla leis an duine bona fide céanna

·Nasc uaine – deimhniú go ráiníonn an chéannacht bheathaisnéiseach chéanna a bheith ag daoine bona fide éagsúla

· Nasc dearg – amhras go bhfuil céannachtaí beathaisnéiseacha éagsúla á núsáid go neamhdhleathach ag an duine céanna.

Cuirtear síos sa togra seo ar na nósanna imeachta a chuirfí i bhfeidhm le déileáil leis na catagóirí éagsúla sin. Ba cheart céannacht daoine bona fide lena mbaineann a shoiléiriú a luaithe is féidir tríd an nasc buí a thiontú ina nasc uaine nó ina nasc bán deimhnithe lena áirithiú nach gcuirfí as d’aon duine gan chúis. Ar an lámh eile, i gcás ina ndeimhneofaí nasc dearg nó athrú ó nasc buí go nasc dearg mar thoradh ar an measúnú, ba ghá beart iomchuí a dhéanamh.

•    An cur chuige dhá chéim maidir le rochtain chun críocha fhorfheidhmiú an dlí mar a fhoráiltear leis an    stóras coiteann sonraí céannachta

Is é an sainmhíniú atá ar fhorfheidhmiú an dlí cuspóir tánaisteach nó coimhdeach atá ag Eurodac, VIS, an córas EES a bheidh ann amach anseo agus an córas ETIAS atá beartaithe. Dá bharr sin, cuirtear srian leis an bhféidearthacht a bhaineann le rochtain a fháil ar shonraí atá stóráilte sna córais sin chun críche fhorfheidhmiú an dlí. Is féidir le húdaráis forfheidhmithe dlí na córais sin nach ndéantar an dlí a fhorfheidhmiú leo a cheadú go díreach chun na gcríoch seo a leanas agus chun na gcríoch seo amháin: sceimhlitheoireacht agus cionta coiriúla tromchúiseacha eile a chosc, a imscrúdú, a bhrath nó a ionchúiseamh. Thairis sin, déantar na córais ábhartha a rialáil le coinníollacha rochtana agus coimircí éagsúla agus d’fhéadfadh sé go gcuirfí bac ar a thapúla a bhainfeadh na húdaráis sin úsáid dhlisteanach as na córais de dheasca roinnt de na rialacha sin atá ann faoi láthair. Tríd is tríd, mar gheall ar an bprionsabal a bhaineann le réamhchuardach, cuirtear teorainn le féidearthacht údarás na mBallstát na córais a cheadú chun críocha fhorfheidhmiú an dlí a bhfuil údar maith leo agus d’fhéadfadh sé, dá bhrí sin, nach mbeadh faisnéis riachtanach á nochtadh dá bharr sin.

Ina Theachtaireacht ó mhí Aibreáin 2016, d’admhaigh an Coimisiún gur gá barr feabhais a chur ar na huirlisí atá ann chun críocha fhorfheidhmiú an dlí, agus ceanglais cosanta sonraí á nurramú san am céanna. Dheimhnigh agus d’athdhearbhaigh na Ballstáit agus gníomhaireachtaí ábhartha, faoi chuimsiú an tsainghrúpa ardleibhéil, gur gá sin. 

I bhfianaise an méid atá thuas, tríd an stóras coiteann sonraí céannachta a chruthú ina mbeadh “feidhmiúlacht na brataí amais” mar a thugtar air, tugtar féidearthacht isteach sa togra chun rochtain a fháil ar EES, VIS, ETIAS agus Eurodac trí úsáid a bhaint as cur chuige dhá chéim i leith sonraí a cheadú. D’ainneoin an chur chuige sin, is cuspóir coimhdeach, agus cuspóir coimhdeach amháin, de chuid na gcóras seo forfheidhmiú an dlí agus, mar sin, is gá d’údaráis forfheidhmithe dlí déanamh de réir rialacha dochta rochtana.

Ar an gcéad dul síos, dhéanfadh oifigeach forfheidhmithe dlí cuardach ar shonraí duine ar leith ag baint úsáid as sonraí céannachta, doiciméad taistil nó sonraí bithmhéadracha an duine le seiceáil an bhfuil faisnéis faoin duine sin stóráilte sa stóras coiteann sonraí céannachta. Dá mba ann do shonraí den sórt sin, gheobhadh an toifigeach freagra ina léireofaí an córas nó na córais faisnéise de chuid an Aontais ina bhfuil sonraí faoin duine sin (an bhratach amais). Ní bheadh rochtain iarbhír ag an oifigeach ar aon sonraí in aon cheann de na córais fholuiteacha.

Ar an dara dul síos, d’fhéadfadh an toifigeach féin rochtain a iarraidh ar gach córas a léiríodh gur córas é ina bhfuil sonraí chun an comhad iomlán faoin duine ar a ndearnadh cuardach a fháil, i gcomhréir leis na rialacha agus na nósanna imeachta atá ann cheana arna mbunú ag gach córas lena mbaineann. Bheadh an rochtain sin faoi réir údarú a fháil roimh ré ó údarás ainmnithe agus bheadh aitheantas úsáideora ar leith agus logálaí de dhíth go fóill féin.

Bheadh breisluach ag baint leis an gcur chuige nua sin d’údaráis forfheidhmithe dlí freisin mar gheall ar na naisc a d’fhéadfadh a bheith sa bhrathadóir ilchéannachtaí. Bheadh an brathadóir ilchéannachtaí ina chuidiú ag an stóras coiteann sonraí céannachta freisin chun naisc atá ann cheana a shainaithint, rud a d’fhágfadh gur chuardach ní ba chruinne fós é. Bheadh an brathadóir ilchéannachtaí in ann a léiriú an aithnítear an duine faoi chéannachtaí éagsúla i gcórais faisnéise éagsúla.

Is fiú an cur chuige dhá chéim i leith sonraí a cheadú go háirithe i gcásanna nach fios cé hé amhrastach, déantóir nó íospartach ciona sceimhlitheoireachta nó ciona choiriúil thromchúisigh eile. Sna cásanna sin, go deimhin, bheifí in ann a bhuí leis an stóras coiteann sonraí céannachta an córas faisnéise ina naithnítear an duine a shainaithint ach cuardach amháin a dhéanamh. Ar an gcaoi sin, ní bheadh feidhm a thuilleadh leis na coinníollacha atá ann cheana maidir le réamhchuardach a dhéanamh sna bunachair sonraí náisiúnta ná le réamhchuardach a sheoladh i gcóras uathoibrithe um shainaithint méarlorg de chuid na mBallstát eile faoi Chinneadh 2008/615/CGB (“seiceáil Prüm”).

Ní thiocfadh an cur chuige dhá chéim nua i leith ceadú i bhfeidhm go dtí go mbeadh na comhpháirteanna idir-inoibritheachta is gá oibríochtúil ina niomláine.   

•Gnéithe breise den togra seo le tacú leis na comhpháirteanna idir-inoibritheachta

(1)    I dteannta na gcomhpháirteanna thuas, cuirtear san áireamh sa dréacht-Rialachán seo freisin an moladh chun lárstóras um thuairisciú agus staidreamh a bhunú. Tá gá leis an stóras sin le go bhféadfaí tuarascálacha ina bhfuil sonraí staidrimh (anaithnide) a chur le chéile agus a chomhroinnt chun críocha beartais, cáilíocht sonraí agus chun críocha oibríochtúla. An cleachtas atá anois ann i leith sonraí staidrimh a bhailiú nach mbaineann ach leis na córais faisnéise aonair, is díobhálach an cleachtas é do shlándáil agus feidhmiú sonraí agus ní féidir sonraí ó chórais éagsúla a chur i gcomhchoibhneas le chéile dá bharr sin.

Bheadh an lárstóras um thuairisciú agus staidreamh ina stóras tiomnaithe ar leith le haghaidh staidreamh anaithnid arna bhaint as SIS, VIS, Eurodac, an córas EES a bheidh ann amach anseo, an córas ETIAS atá beartaithe, an córas ECRIS-TCN atá beartaithe, an stóras coiteann sonraí céannachta, an brathadóir ilchéannachtaí agus an tseirbhís chomhroinnte meaitseála sonraí bithmhéadracha. Bheadh na Ballstáit, an Coimisiún (Eurostat san áireamh) agus gníomhaireachtaí de chuid an Aontais in ann tuarascálacha a chomhroinnt go slán a bhuí leis an stóras (arna rialáil ag na hionstraimí dlí ábhartha).

Dá ndéanfaí lárstóras amháin seachas stórais ar leith a fhorbairt le haghaidh gach córais, bheadh costas ní ba lú ann, dá bhrí sin, agus ní bheadh an dua céanna ag baint lena bhunú, lena oibriú agus lena choimeád ar bun. Chuirfí le leibhéal slándála na sonraí freisin mar dhéanfaí na sonraí a stóráil agus rialú rochtana a bhainistiú i stóras amháin.

(2)    Ina theannta sin, moltar sa dréacht-Rialachán seo formáid uilíoch teachtaireachta a bhunú mar an caighdeán a d’úsáidfí ar leibhéal an Aontais chun idirghníomhaíochtaí a chur bun idir an iliomad córas go hidir-inoibritheach, lena náirítear na córais a fhorbraíonn agus a bhainistíonn eu-LISA. Mholfaí do Europol agus Interpol an caighdeán a úsáid freisin.

Tugann an fhormáid uilíoch teachtaireachta teanga theicniúil aontaithe choiteann isteach le cur síos a dhéanamh ar eilimintí sonraí agus lena nascadh, go háirithe na heilimintí sin a bhaineann le daoine agus doiciméid (taistil). Trí úsáid a bhaint as an bhformáid uilíoch teachtaireachta agus córais faisnéise nua á bhforbairt, cinntítear comhtháthú agus idir-inoibritheacht na gcóras le córais eile, go háirithe do na Ballstáit ar gá dóibh comhéadain a thiomsú chun cumarsáid a dhéanamh leis na córais nua sin. Ina leith sin, is féidir a mheas gur réamhchoinníoll riachtanach é úsáid éigeantach na formáide uilíche teachtaireachta agus córais nua á bhforbairt, chun na comhpháirteanna idir-inoibritheachta arna mbeartú leis an Rialachán seo a thabhairt isteach.

Tá struchtúr rialachais iomchuí beartaithe chun a áirithiú go ndéanfar caighdeán na formáide uilíche teachtaireachta a rolladh amach ina iomláine ar fud an Aontais. Is é an Coimisiún a bheadh freagrach as caighdeán na formáide uilíche teachtaireachta a bhunú agus a fhorbairt, faoi chuimsiú nós imeachta scrúdúcháin arna leagan síos leis na Ballstáit. Bheadh baint freisin ag gníomhaireachtaí de chuid an Aontais sna stáit chomhlachaithe i limistéar Schengen agus comhlachtaí idirnáisiúnta atá rannpháirteach i dtionscadail i dtaca leis an bhformáid uilíoch teachtaireachta (amhail eu-LISA, Europol agus Interpol). Tá ról ríthábhachtach ag an struchtúr rialachais atá beartaithe don fhormáid uilíoch teachtaireachta chun an caighdeán a fhorbairt agus a leathnú amach agus chun deimhin a dhéanamh de go mbainfear an úsáid agus an fheidhm is mó as.

(3)    Thairis sin, sa dréacht-Rialachán seo tugtar isteach coincheapa a bhaineann le sásraí uathoibrithe um rialú cáilíochta sonraí agus le táscairí cáilíochta coiteanna, agus léirítear gur gá do na Ballstáit an leibhéal is airde cáilíochta sonraí a áirithiú agus sonraí á gcur isteach sna córais agus iad á núsáid. Mura mbeadh na sonraí ar an gcáilíocht is airde, d’fhéadfadh impleachtaí a bheith aige sin ní hamháin toisc nach mbeifí in ann daoine a mbeifí sa tóir orthu a shainaithint ach toisc go mbeadh difear á dhéanamh do chearta bunúsacha daoine neamhurchóideacha freisin. D’fhéadfadh rialacha maidir le bailíochtú uathoibríoch a bheith ina gcuidiú chun fadhbanna a d’fhéadfadh teacht as sonraí a bheith á nionchur go mícheart ag oibreoirí daonna a shárú. Bheadh sé mar sprioc ag na rialacha sin sonraí a chuirtear isteach agus a bhfuil an chuma orthu gur sonraí míchearta nó neamhréireacha iad a shainaithint go huathoibríoch ionas go bhféadfadh an Ballstát as a dtagann siad na sonraí a fhíorú agus na bearta ceartaitheacha is gá a dhéanamh. Ina theannta sin, chuirfeadh eu-LISA tuarascálacha rialta cáilíochta sonraí ar fáil.

•Iarmhairtí d’ionstraimí dlí eile

Mar aon lena chomhthogra, tugtar isteach athruithe nua leis an dréacht-Rialachán seo a mbeidh leasuithe le déanamh ar ionstraimí dlí eile dá mbarr:

·Rialachán (AE) Uimh. 2016/399 (Cód Teorainneacha Schengen)

·Rialachán (AE) 2017/2226 (Rialachán EES)

·Rialachán (CE) Uimh. 767/2008 (Rialachán VIS)

·Cinneadh 2004/512/CE ón gComhairle (Cinneadh VIS)

·Cinneadh 2008/633/CGB ón gComhairle (Cinneadh VIS/an Cinneadh maidir le rochtain chun críocha fhorfheidhmiú an dlí)

·[Rialachán ETIAS]

·[Rialachán Eurodac]

·[Rialacháin SIS]

·[Rialachán ECRIS-TCN, lena náirítear forálacha comhfhreagracha Rialachán (AE) 2016/1624 (an Rialachán maidir leis an nGarda Teorann agus Cósta Eorpach)]

· [Rialachán eu-LISA]

Cuirtear san áireamh sa togra seo agus ina chomhthogra forálacha mionsonraithe maidir leis na hathruithe is gá a dhéanamh ar na hionstraimí dlí ar téacsanna cobhsaí iad faoi láthair, san fhoirm arna glacadh ag na comhreachtóirí: Cód Teorainneacha Schengen, Rialachán EES, Rialachán VIS, Cinneadh 2008/633/CGB ón gComhairle agus Cinneadh 2004/512/CE ón gComhairle.

Tá na hionstraimí liostaithe eile (Rialacháin ETIAS, Eurodac, SIS, ECRIS-TCN, eu-LISA) faoi chaibidil I bParlaimint na hEorpa agus sa Chomhairle i láthair na huaire. Dá bhrí sin, ní féidir na leasuithe riachtanacha a leagan amach le haghaidh na nionstraimí sin faoi láthair. Tíolacfaidh an Coimisiún na leasuithe sin le haghaidh gach ceann de na hionstraimí sin faoi cheann coicís tar éis teacht ar chomhaontú polaitiúil faoi na dréacht-Rialacháin ábhartha.

Sna cásanna sin nár ghlac na comhreachtóirí ionstraimí go foirmiúil, beartaítear na hathruithe is gá a dhéanamh ar na téacsanna ar ina leith sin a d’fhormhuinigh COREPER agus an Coiste um Shaoirsí Sibhialta, um Cheartas agus um Ghnóthaí Baile comhaontú polaitiúil (is amhlaidh an cás do ETIAS), nó ar an téacs a dtángthas ar chomhaontú polaitiúil ina leith sna cruinnithe tríthaobhacha (i gcás SIS agus eu-LISA).

I dtaca leis an dá chás a bhfuil an chaibidlíocht ar siúl ina leith go fóill, beartaítear na hathruithe is gá a dhéanamh ar an téacs mar atá sé an 31 Bealtaine 2018 maidir le ECRIS-TCN.

Ní áirítear ar an dá thogra leasaitheacha maidir le hidir-inoibritheacht, áfach, leasuithe a bhaineann le Eurodac, bunachar sonraí na niarrthóirí tearmainn agus imirce neamhrialta san Aontas , ó tharla nár tugadh plé i gcrích ar thogra reachtach Bhealtaine 2016 26 chun Eurodac a neartú. Níl ailitireacht an chórais Eurodac atá ann faoi láthair oiriúnach ó thaobh na teicneolaíochta de chun a bheith ina cuid d’idir-inoibritheacht córas faisnéise ó tharla nach stóráiltear inti ach sonraí bithmhéadracha agus uimhir thagartha, ach ní stóráiltear aon sonraí pearsanta eile inti (e.g. ainm(neacha), aois, dáta breithe) lena mbeifí in ann iliomad céannachtaí atá nasctha leis an tacar céanna de shonraí bithmhéadracha a bhrath. Féachtar le togra reachtach Bhealtaine 2016 cuspóir Eurodac a leathnú chun náisiúnaigh tríú tír atá ag fanacht go neamhdhleathach i mBallstát agus iad siúd a tháinig isteach san Aontas Eorpach go neamhrialta a shainaithint. Go háirithe, foráiltear leis sonraí pearsanta a stóráil amhail ainm(neacha), aois, dáta breithe, náisiúntacht agus doiciméid chéannachta. Tá na sonraí céannachta sin ríthábhachtach chun a áirithiú gur féidir le Eurodac cuidiú le cuspóirí na hidir-inoibritheachta a ghnóthú agus le feidhmiú lena chreat teicniúil.

De bharr an riachtanais sin, tá géarghá ag comhreachtóirí le comhaontú maidir leis an togra reachtach. Ar feitheamh ar chomhaontú maidir leis an togra reachtach chun Eurodac a neartú, ní fhéadfadh sonraí náisiúnach tríú tír atá ag fanacht go neamhdhleathach i mBallstát nó náisiúnach tríú tír a tháinig isteach san Aontas Eorpach go neamhrialta a bheith mar chuid d’idir-inoibritheacht chórais faisnéise an Aontais Eorpaigh. A luaithe agus a thiocfaidh na comhreachtóirí ar chomhaontú maidir leis an togra reachtach chun Eurodac a neartú, nó a luaithe agus a bheidh dul chun cinn leordhóthanach déanta acu, tíolacfaidh an Coimisiún na leasuithe ábhartha ar na tograí maidir le hidir-inoibritheacht faoi cheann dhá sheachtain.

•Comhsheasmhacht le forálacha beartais atá sa réimse beartais cheana

•Comhsheasmhacht le beartais eile de chuid an Aontais i réimse an Cheartais agus na nGnóthaí Baile

Tugtar aghaidh ar na nithe seo a leanas sa togra seo, agus sa chomhthogra, agus tá sé i gcomhréir leo: an Clár Oibre Eorpach maidir leis an Imirce agus teachtaireachtaí dá éis sin, lena náirítear an Teachtaireacht chun Schengen a chaomhnú agus a neartú 32 , an Clár Oibre Eorpach maidir leis an tSlándáil 33 agus obair an Choimisiúin agus na tuarascálacha ar dhul chun cinn dá chuid i dtreo aontas slándála éifeachtach dílis 34 . Tá sé ag teacht le beartais eile de chuid an Aontais, go háirithe i dtaobh na nithe seo a leanas:

·Slándáil inmheánach: luaitear sa Chlár Oibre Eorpach maidir leis an tSlándáil go bhfuil ardchaighdeáin choiteanna i leith bainistiú teorainneacha ríthábhachtach chun coireacht trasteorann agus sceimhlitheoireacht a chosc. Thairis sin, cuidíonn an togra seo le hardleibhéal slándála inmheánaí a bhaint amach trí na hacmhainní is gá a chur ar fáil do na húdaráis chun go mbeidh rochtain thapa, rianúil, chórasach agus rialaithe acu ar an bhfaisnéis atá ag teastáil uathu.

·Tearmann: cuirtear Eurodac san áireamh sa togra mar cheann de na lárchórais de chuid an Aontais is gá a chumhdach leis an idir-inoibritheacht.

·Bainistiú teorainneacha seachtracha agus slándáil: neartaítear SIS agus VIS sa togra seo, a chuidíonn le rialú éifeachtúil theorainneacha seachtracha an Aontais, mar aon leis an gcóras EES a bheidh ann amach anseo agus an córas ETIAS atá beartaithe maille leis an gcóras ECRIS-TCN atá beartaithe.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

•Coimhdeacht

•Comhréireacht

•An rogha ionstraime

3.TORTHAÍ Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Comhairliúchán poiblí

·go gcuideofaí leis an bhfoireann ar an láthair rochtain a fháil ar an bhfaisnéis a bheadh de dhíth orthu;

·go ndéanfaí dúbláil sonraí a sheachaint, forluí a laghdú agus béim a leagan ar neamhréitigh sonraí;

·go ndéanfaí daoine a shainaithint ar bhealach níos iontaofa — daoine a bhfuil ilchéannachtaí acu san áireamh — agus calaois chéannachta a laghdú.

•Suirbhé Eorabharaiméadair

I mí an Mheithimh 2017, rinneadh suirbhé speisialta Eorabharaiméadair 36 ina léiríodh go bhfuil tacaíocht leathan ón bpobal ag an straitéis atá ag an Aontas maidir le faisnéis a chomhroinnt ar leibhéal an Aontais chun coireacht agus sceimhlitheoireacht a chomhrac: aontaíonn nach mór gach freagróir (92 % díobh) gur cheart d’údaráis náisiúnta faisnéis a chomhroinnt le húdarás Ballstát eile ionas gur fearr is féidir dul i ngleic le coireacht agus sceimhlitheoireacht. 

Chuir tromlach glan na bhfreagróirí (69 % díobh) in iúl gur cheart do na póilíní agus d’údaráis náisiúnta eile forfheidhmithe dlí faisnéis a chomhroinnt le tíortha eile san Aontas ar bhonn córasach. Sna Ballstáit uile, measann formhór na bhfreagróirí gur cheart faisnéis a chomhroinnt i ngach cás.

•Sainghrúpa ardleibhéil um chórais faisnéise agus idir-inoibritheacht

Is freagairt é an dréacht-Rialachán seo freisin ar mholtaí an tsainghrúpa ardleibhéil i dtaobh cáilíocht sonraí, na formáide uilíche teachtaireachta agus i dtaobh stóras sonraí a bhunú (arb ionann é agus an lárstóras um thuairisciú agus staidreamh a luaitear anseo).

Níor shainaithin an sainghrúpa ardleibhéil an ceathrú comhpháirt idir-inoibritheachta a bheartaítear leis an dréacht-Rialachán seo (an brathadóir ilchéannachtaí), ach is linn anailís theicniúil bhreise a bheith á déanamh agus an measúnú comhréireachta a bheith á dhéanamh ag an gCoimisiún a tháinig sé chun cinn.

•Staidéar teicniúil

•Measúnú tionchair

Rinneadh meastóireacht sa mheasúnú tionchair féachaint an bhféadfaí gach ceann de na cuspóirí a sainaithníodh a bhaint amach, agus an chaoi a bhféadfaí sin a dhéanamh, trí úsáid a bhaint as comhpháirt theicniúil amháin nó níos mó arna shainaithint nó arna sainaithint ag sainghrúpa ardleibhéil agus trí anailís a dhéanamh dá éis sin. I gcás inar ghá sin, scrúdaigh an grúpa na foroghanna is gá chun na cuspóirí sin a bhaint amach, ag déanamh de réir an chreata le haghaidh cosaint sonraí. Thángthas ar an gconclúid seo a leanas sa mheasúnú tionchair:

·Ba cheart tairseach cuardaigh Eorpach a chruthú chun an cuspóir a chomhlíonadh maidir le rochtain thapa, rianúil, chórasach agus rialaithe a thabhairt d’úsáideoirí údaraithe ar na córais faisnéise ábhartha, bunaithe ar sheirbhís chomhroinnte meaitseála sonraí bithmhéadracha chun aghaidh a thabhairt ar gach bunachar sonraí.

·Ba cheart stóras coiteann sonraí céannachta, ina mbeadh tacar íosta sonraí céannachta, a chruthú, bunaithe ar an tseirbhís chomhroinnte meaitseála sonraí bithmhéadracha chéanna, chun an cuspóir a chomhlíonadh maidir lena éascú d’oifigigh údaraithe seiceáil céannachta a dhéanamh ar náisiúnaigh tríú tír ar chríoch Ballstáit.

·Ba cheart brathadóir ilchéannachtaí, ina mbeadh naisc idir ilchéannachtaí ar fud na gcóras, a chruthú chun an cuspóir a chomhlíonadh maidir le hilchéannachtaí atá nasctha leis an tacar céanna sonraí bithmhéadracha a bhrath, agus dhá chuspóir aige, is iad sin, seiceálacha céannachta a éascú do thaistealaithe bona fide agus calaois chéannachta a chomhrac.

·Ba cheart “feidhmiúlacht na brataí amais” a áireamh sa stóras coiteann sonraí céannachta chun an cuspóir a chomhlíonadh maidir le rochtain údarás forfheidhmithe dlí ar chórais faisnéise nach ndéantar an dlí a fhorfheidhmiú leo a éascú agus a chuíchóiriú chun coireacht thromchúiseach agus sceimhlitheoireacht a chosc, a imscrúdú, a bhrath nó a ionchúiseamh.

Ós rud é nach mór gach cuspóir a chomhlíonadh, is é an réiteach iomlán a bheidh ann an tairseach cuardaigh Eorpach, an stóras coiteann sonraí céannachta (agus feidhmiúlacht na brataí amais san áireamh) agus an brathadóir ilchéannachtaí a thabhairt le chéile agus gach ceann acu ag brath ar an tseirbhís chomhroinnte meaitseála sonraí bithmhéadracha.

Is é an tionchar dearfach is mó a bheidh ann go gcuirfear feabhas ar bhainistiú teorainneacha agus go dtiocfaidh méadú ar shlándáil inmheánach san Aontas. A bhuí leis na comhpháirteanna nua, déanfar rochtain na núdarás náisiúnta ar an bhfaisnéis riachtanach agus sainaithint náisiúnach tríú tír a chuíchóiriú agus a bhrostú. Cuirfear ar chumas na núdarás trasnaisc a dhéanamh, le linn seiceálacha teorann, le faisnéis riachtanach atá ann cheana faoi dhaoine aonair, le haghaidh iarratais ar víosaí nó ar thearmann agus i gcomhair obair na bpóilíní. Beifear in ann rochtain a fháil ar fhaisnéis a fhéadfaidh a bheith ina taca chun cinntí iontaofa a dhéanamh, cibé acu a bhaineann siad le coireacht thromchúiseach agus sceimhlitheoireacht a imscrúdú nó cinntí i réimse na himirce agus an tearmainn. Cé nach ndéanfaí difear do náisiúnaigh an Aontais go díreach (tá na bearta molta dírithe go príomha ar náisiúnaigh tríú tír a bhfuil a gcuid sonraí taifeadta i gcóras faisnéise láraithe de chuid an Aontais), meastar go méadófar ar mhuinín an phobail a bhuí leis na tograí trína áirithiú go gcuirfidh dearadh agus úsáid na dtograí le slándáil shaoránaigh an Aontais.

•Cearta bunúsacha

•Sonraí pearsanta a chosaint

I bhfianaise na sonraí pearsanta lena mbaineann, beidh tionchar ag an idir-inoibritheacht go háirithe ar an gceart go ndéanfar sonraí pearsanta duine a chosaint. Leagtar an ceart sin síos in Airteagal 8 den Chairt, in Airteagal 16 den Chonradh ar Fheidhmiú an Aontais Eorpaigh, agus in Airteagal 8 den Choinbhinsiún Eorpach um Chearta an Duine. Mar a léirigh Cúirt Bhreithiúnais an Aontais 41 , ní ceart iomlán an ceart go ndéanfar sonraí pearsanta a chosaint, ach ní mór é a mheas i ndáil lena fheidhm sa tsochaí 42 . Tá dlúthbhaint idir cosaint sonraí agus meas ar an saol príobháideach agus ar shaol an teaghlaigh a chosnaítear in Airteagal 7 den Chairt.

De réir an Rialacháin Ghinearálta maidir le Cosaint Sonraí 43 , ní ceart srian a chur le saorghluaiseacht sonraí san Aontas ar mhaithe le sonraí a chosaint. Mar sin féin, ní mór sraith prionsabal a chomhlíonadh. Go deimhin, ionas go mbeadh sí dleathach, ní mór aon teorannú ar fheidhmiú na gceart bunúsach a chosnaítear sa Chairt a bheith i gcomhréir leis na critéir seo a leanas a leagtar síos in Airteagal 52(1):

·ní mór foráil le dlí d’aon teorannú;

·ní mór inneachar sár-riachtanach na gceart a urramú;

·ní mór dó freagairt iarbhír do chuspóirí leasa ghinearálta arna naithint ag an Aontas nó don riachtanas cearta agus saoirsí daoine eile a chosaint;

·ní mór gá a bheith leis; agus

·ní mór dó a bheith comhréireach.

Daingnítear na rialacha cosanta sonraí sin uile sa togra seo, mar a leagtar amach go hiomlán iad sa mheasúnú tionchair a ghabhann leis an Rialachán beartaithe seo. Tá an togra bunaithe ar na prionsabail maidir le cosaint sonraí trí dhearadh agus mar réamhshocrú. Cuirtear na forálacha iomchuí uile san áireamh ann agus déantar an phróiseáil sonraí a theorannú dá bhfuil riachtanach don chríoch shonrach agus ní thugtar rochtain ar shonraí ach do na heintitis sin is gá ‘ar bhonn riachtanais eolais’ agus dóibh sin amháin. Is tréimhsí iomchuí agus teoranta iad na tréimhsí coinneála sonraí (i gcás inarb ábhartha). Is ag foireann chuí-údaraithe údarás de chuid na mBallstát nó comhlachtaí de chuid an Aontais atá inniúil chun críoch sonrach gach córais faisnéise, agus aici sin amháin, a bheidh rochtain ar shonraí agus beidh teorainn léi a mhéid atá na sonraí riachtanach chun cúraimí a dhéanamh i gcomhréir leis na críocha sin.

4.IMPLEACHTAÍ BUISÉADACHA

Cuirtear na himpleachtaí buiséadacha san áireamh sa ráiteas airgeadais a ghabhann leis seo agus gabhann an ráiteas airgeadais sin ionad an ráitis airgeadais a ghabhann leis an togra roimhe seo. Cumhdaítear an tréimhse atá fágtha ag an gcreat airgeadais ilbhliantúil atá anois ann (go dtí 2020) agus seacht mbliana na tréimhse dá éis sin (2021-2027). Tá an buiséad atá beartaithe do na blianta 2021 go dtí 2027 cumhdaítear i gcomhréir leis an togra ón gCoimisiún maidir leis an gcéad chreat airgeadais ilbhliantúil eile an 2 Bealtaine 2018. Cuirtear an buiséad atá beartaithe do na blianta ó 2021 ar aghaidh san áireamh chun críoch léiritheach agus ní dhéantar aon réamhbhreith ar an gcéad chreat airgeadais ilbhliantúil.

(1)Chun go ndéanfaidh eu-LISA na ceithre chomhpháirt idir-inoibritheachta, agus an lárstóras um thuairisciú agus staidreamh, a fhorbairt agus a chomhtháthú, agus chun críocha a gcothabhála agus a noibríochtaí dá éis sin.

(2)Chun na sonraí a aistriú chuig an tseirbhís chomhroinnte meaitseála sonraí bithmhéadracha agus chuig an stóras coiteann sonraí céannachta. I gcás na seirbhíse comhroinnte meaitseála sonraí bithmhéadracha, ní mór teimpléid bhithmhéadracha na sonraí comhfhreagracha ó na trí chóras a úsáideann sonraí bithmhéadracha faoi láthair (SIS, VIS agus Eurodac) a athchruthú sa tseirbhís chomhroinnte meaitseála sonraí bithmhéadracha. I gcás an stórais choitinn sonraí céannachta, ní mór na sonraí pearsanta ó VIS a aistriú chuig an stóras coiteann sonraí céannachta agus ní mór na naisc a d’fhéadfadh a bheith ann idir céannachtaí in SIS, VIS agus Eurodac a bhailíochtú. Is próiseas dian ó thaobh acmhainní de an próiseas deiridh sin go háirithe.

(3)Chun go mbeidh an nuashonrú a dhéanfaidh eu-LISA ar an gcomhéadan aonfhoirmeach náisiúnta a chuirtear san áireamh cheana i Rialachán maidir le teachtaireachtaí a mhalartú idir na Ballstáit agus an lárchóras nó na lárchórais.

(4)Chun go ndéanfar córais náisiúnta na mBallstát a chomhtháthú leis an gcomhéadan aonfhoirmeach náisiúnta lena léireofar na teachtaireachtaí a mhalartaítear leis an stóras coiteann sonraí céannachta/leis an mbrathadóir ilchéannachtaí tríd an tairseach cuardaigh Eorpach.

(5)Chun go gcuirfear oiliúint ar úsáideoirí deiridh faoi úsáid na gcomhpháirteanna idir-oibritheachta, lena náirítear trí Ghníomhaireacht an Aontais Eorpaigh um Oiliúint i bhForfheidhmiú an Dlí (CEPOL).

Is ionann an buiséad iomlán is gá thar thréimhse naoi mbliana (2019-2027) agus EUR 424.7461.0 milliún, agus cumhdófar an méid seo a leanas leis:

(6)Buiséad 225 EUR 261.3 milliún le haghaidh eu-LISA lena gcumhdófar an costas iomlán chun an clár a fhorbairt ina gcuirfear na cúig chomhpháirt idir-inoibritheachta i bhfeidhm (EUR 68.3 milliún), an costas cothabhála ón am a chuirfear na comhpháirteanna ar bun suas go dtí 2027 (EUR 56.1 milliún), buiséad sonrach EUR 25.0 milliún chun sonraí a aistriú ó na córais atá ann cheana chuig an tseirbhís chomhroinnte meaitseála sonraí bithmhéadracha agus na costais bhreise a bhaineann leis an gcomhéadan aonfhoirmeach náisiúnta a nuashonrú, an líonra, oiliúint agus cruinnithe. Cumhdaíonn buiséad sonrach EUR 18.7 milliún an costas maidir le ECRIS-TCN a nuashonrú agus a oibriú chun go mbeidh sé ag feidhmiú ina chóras ard-infhaighteachta ó 2022. Le buiséad sonrach EUR 36.3 milliún cumhdaítear an costas chun an líonra agus SIS Láir (Córas Faisnéise Schengen) a nuashonrú i dtaca leis an méadú a mheastar a thiocfaidh ar na cuardaigh a dhéanfar, is dócha, de thoradh na hidir-inoibritheachta.

(7)Buiséad EUR 136.3 milliún do na Ballstáit lena gcumhdófar na hathruithe a dhéanfar ar a gcórais náisiúnta chun go mbeidh siad in ann na comhpháirteanna idir-inoibritheachta a úsáid, an comhéadan aonfhoirmeach náisiúnta arna chur ar fáil ag eu-LISA agus buiséad chun oiliúint a chur ar an bpobal mór d’úsáideoirí deiridh.

(8)Buiséad EUR 48.9 milliún le haghaidh Europol lena gcumhdófar nuashonrú chórais TF Europol i bhfianaise an lín teachtaireachtaí a bheidh le láimhseáil agus na leibhéal feidhmíochta méadaithe. Bainfidh ETIAS úsáid as na comhpháirteanna idir-inoibritheachta chun sonraí Europol a cheadú.

(9)Buiséad EUR 4.8 milliún don Ghníomhaireacht Eorpach um an nGarda Teorann agus Cósta chun foireann speisialtóirí a óstáil a dhéanfaidh na naisc a bhailíochtú idir céannachtaí le linn bliain amháin a luaithe agus a bheidh an brathadóir ilchéannachtaí beo.

(10)Buiséad EUR 2.0 milliún le haghaidh Ghníomhaireacht an Aontais Eorpaigh um Oiliúint i bhForfheidhmiú an Dlí (CEPOL) lena gcumhdófar ullmhúchán agus soláthar oiliúna don fhoireann oibriúcháin.

(11)Suim EUR 7.7 milliún le haghaidh Ard-Stiúrthóireacht HOME lena gcumhdófar méadú teoranta ar fhoireann agus costais ghaolmhara le linn thréimhse forbartha na gcomhpháirteanna éagsúla mar go mbeidh ar an gCoimisiún cúraimí breise a chomhlíonadh freisin le linn na tréimhse sin agus go mbeidh sé freagrach as an gcoiste a bheidh ag déileáil leis an bhformáid uilíoch teachtaireachta.

Is sa Rialachán maidir leis an gCiste Slándála Inmheánaí do Theorainneacha an ionstraim airgeadais faoi chreat airgeadais ilbhliantúil 2014-2020 a cuireadh an buiséad le haghaidh le cur chun feidhme an tionscnaimh idir-inoibritheachta san áireamh. Déantar foráil in Airteagal 5(5)(b) go bhfuil EUR 791 milliún le cur chun feidhme trí chlár chun córais TF a fhorbairt a bheidh bunaithe ar chórais TF atá ann cheana agus/nó córais TF nua a thacaíonn le bainistiú sreabh imirce thar theorainneacha seachtracha faoi réir na gníomhartha reachtacha ábhartha de chuid an Aontais a ghlacadh agus faoi na coinníollacha a leagtar síos in Airteagal 15. As an EUR 791 milliún sin, cuirtear EUR 480.2 milliún i leataobh chun EES a fhorbairt, EUR 210 milliún le haghaidh ETIAS agus EUR 67.9 milliún chun athbhreithniú a dhéanamh ar SIS. Bainfear úsáid as sásraí ISF-B chun an fuílleach (EUR 32.9 milliún) a ath-leithdháileadh. Tá EUR 32.1 milliún de dhíth ar an togra seo le haghaidh thréimhse an chreata airgeadais ilbhliantúil reatha (2019/20) atá ag teacht, dá bhrí sin, leis an mbuiséad a bheidh fágtha.

5.FAISNÉIS BHREISE

•Pleananna cur chun feidhme, agus socruithe faireacháin, meastóireachta agus tuairiscithe

•Míniúchán mionsonraithe ar fhorálacha sonracha an togra

Leagtar amach i gCaibidil I na forálacha ginearálta le haghaidh an Rialacháin seo. Mínítear inti: na prionsabail is bonn leis an Rialachán; na comhpháirteanna arna mbunú sa Rialachán; na cuspóirí is mian leis an idir-inoibritheacht díriú orthu; raon feidhme an Rialacháin seo; sainmhínithe ar na téarmaí a úsáidtear sa Rialachán seo; agus prionsabal an neamh-idirdhealaithe maidir le próiseáil sonraí faoin Rialachán seo.

Leagtar amach i gCaibidil II na forálacha maidir leis an tairseach cuardaigh Eorpach. Déantar foráil sa chaibidil seo maidir le bunú na tairsí cuardaigh Eorpaí agus a hailtireachta teicniúla, a bheidh le forbairt ag eu-LISA. Sonraítear inti aidhm na tairsí cuardaigh Eorpaí agus sainaithnítear inti cé a fhéadfaidh an tairseach cuardaigh Eorpach a úsáid agus an chaoi ar chóir dóibh í a úsáid i gcomhréir leis na cearta rochtana atá ann cheana do gach ceann de na lárchórais. Tá foráil ann maidir le eu-LISA próifílí úsáideoirí a chruthú do gach catagóir úsáideora. Leagtar amach sa Chaibidil seo an chaoi a gcuardóidh an tairseach cuardaigh Eorpach na lárchórais agus déantar foráil inti maidir le hinneachar agus formáid na bhfreagraí a thabharfar ar úsáideoirí. Déantar foráil i gCaibidil II freisin maidir le eu-LISA logaí a choinneáil ar na hoibríochtaí próiseála uile, agus maidir le nósanna imeachta cúltaca i gcás nach mbeadh an tairseach cuardaigh Eorpach in ann ceann amháin nó níos mó de na lárchórais a rochtain.

Leagtar amach i gCaibidil III na forálacha maidir leis an tseirbhís chomhroinnte meaitseála sonraí bithmhéadracha. Déantar foráil sa chaibidil seo maidir le bunú na seirbhíse comhroinnte meaitseála sonraí bithmhéadracha agus a hailtireachta teicniúla, a bheidh le forbairt ag eu-LISA. Sonraítear inti aidhm na seirbhíse comhroinnte meaitseála sonraí bithmhéadracha agus leagtar amach inti cé na sonraí a stóráiltear sa tseirbhís sin. Mínítear inti an caidreamh idir an tseirbhís chomhroinnte meaitseála sonraí bithmhéadracha agus na comhpháirteanna eile. Déantar foráil i gCaibidil III freisin maidir leis an tseirbhís chomhroinnte meaitseála sonraí bithmhéadracha, nach leanfaidh sí de na sonraí a stóráil nuair nach mbeidh na sonraí á gcoinneáil sa lárchóras ábhartha a thuilleadh agus déantar foráil maidir le eu-LISA logaí a choinneáil de na hoibríochtaí próiseála uile.

Leagtar amach i gCaibidil IV na forálacha maidir leis an stóras coiteann sonraí céannachta. Déantar foráil sa chaibidil seo maidir le bunú an stórais choitinn sonraí céannachta agus a ailtireachta teicniúla, a bheidh le forbairt ag eu-LISA. Leagtar amach inti aidhm an stórais choitinn sonraí céannachta agus soiléirítear inti cé na sonraí a stórálfar, agus cén chaoi a stórálfar iad, agus áirítear inti forálacha maidir le cáilíocht na sonraí a stórálfar a áirithiú. Déanfar foráil sa chaibidil seo maidir leis an stóras coiteann sonraí céannachta sainchomhaid a chruthú ar bhonn sonraí atá sna lárchórais, agus maidir leis na sainchomhaid a nuashonrú i gcomhréir leis na hathruithe ar na lárchórais aonair. Sonraítear i gCaibidil IV freisin an chaoi a noibreoidh an stóras coiteann sonraí céannachta i dtaca leis an mbrathadóir ilchéannachtaí. Sainaithnítear sa chaibidil seo cé a bhféadfaidh rochtain a bheith acu ar an stóras coiteann sonraí céannachta agus cén chaoi a bhféadfaidh siad na sonraí a rochtain i gcomhréir leis na cearta rochtana, agus leagtar síos forálacha níos sonraí ag brath ar cibé acu an chun críocha sainaithint a dhéanamh atá an rochtain nó an í an chéad chéim de chur chuige dhá chéim í chun EES, VIS, ETIAS agus Eurodac a rochtain leis an stóras coiteann sonraí céannachta chun críocha fhorfheidhmiú an dlí. Déantar foráil i gCaibidil IV freisin maidir le eu-LISA logaí a choinneáil de na hoibríochtaí próiseála uile a bhaineann leis an stóras coiteann sonraí céannachta.

Leagtar amach i gCaibidil V na forálacha maidir leis an mbrathadóir ilchéannachtaí. Déantar foráil sa chaibidil seo maidir le bunú an bhrathadóra ilchéannachtaí agus a ailtireachta teicniúla, a bheidh le forbairt ag eu-LISA. Mínítear inti aidhm an bhrathadóra ilchéannachtaí agus rialaítear léi úsáid an bhrathadóra ilchéannachtaí i gcomhréir leis na cearta rochtana a bhaineann le gach ceann de na lárchórais. Leagtar amach i gCaibidil V cathain agus conas a sheolfaidh an brathadóir ilchéannachtaí cuardaigh chun iliomad céannachtaí a bhrath, agus an chaoi a seachadfar torthaí agus a ndéanfar faireachán orthu dá éis sin, lena náirítear trí fhíorú de láimh nuair is gá sin. Leagtar amach i gCaibidil V aicmiú na gcineálacha nasc a d'fhéadfadh a bheith mar thoradh ar an gcuardach, ag brath ar cibé acu an sonraí i dtaca le céannacht aonair, iliomad céannachtaí nó céannacht chomhroinnte atá sa toradh. Déantar foráil sa chaibidil seo maidir leis an mbrathadóir ilchéannachtaí sonraí nasctha atá sna lárchórais a stóráil fad is atá na sonraí in dhá cheann nó níos mó de na lárchórais leithleacha. Déantar foráil i gCaibidil V freisin maidir le eu-LISA logaí a choinneáil de na hoibríochtaí próiseála uile a bhaineann leis an mbrathadóir ilchéannachtaí.

Déantar foráil i gCaibidil VI maidir le bearta chun tacú leis an idir-inoibritheacht. Déantar foráil inti maidir le cáilíocht sonraí a fheabhsú, formáid uilíoch teachtaireachta a leagan síos mar chaighdeán coiteann le haghaidh malartú faisnéise a thacaíonn leis an idir-inoibritheacht, agus lárstóras um thuairisciú agus staidreamh a chruthú.

Baineann Caibidil VII le cosaint sonraí. Déantar foráil sa chaibidil seo lena áirithiú go ndéanfar sonraí arna bpróiseáil faoin Rialachán seo a phróiseáil go dleathach agus go hiomchuí i gcomhréir le forálacha Rialachán Uimh. 45/2001. Mínítear cé an próiseálaí sonraí do gach ceann de na bearta idir-inoibritheachta arna mbeartú leis an Rialachán seo agus leagtar amach na bearta is gá do eu-LISA agus d'údaráis na mBallstát a dhéanamh chun an méid seo a leanas a áirithiú: slándáil na próiseála sonraí, rúndacht na sonraí, láimhseáil iomchuí teagmhas slándála agus faireachán iomchuí ar chomhlíonadh bhearta an Rialacháin seo. Cuimsítear sa chaibidil seo forálacha maidir le cearta na ndaoine is ábhar do na sonraí, lena náirítear an ceart a bheith ar an eolas go ndearnadh na sonraí a bhaineann leo a stóráil agus a phróiseáil faoin Rialachán seo, agus an ceart sonraí pearsanta arna stóráil agus arna bpróiseáil faoin Rialachán seo a rochtain, a cheartú agus a scriosadh. Sa bhreis air sin, leagtar amach sa chaibidil seo an prionsabal nár cheart sonraí arna bpróiseáil faoin Rialachán seo a aistriú chuig aon tríú tír, eagraíocht idirnáisiúnta ná páirtí príobháideach, nó a chur ar fáil d'aon cheann acu, cé is moite de Interpol chun críocha ar leith, agus de shonraí arna bhfáil ó Europol tríd an tairseach cuardaigh Eorpach a bhfuil feidhm ag rialacha Rialachán 2016/794 i ndáil le próiseáil sonraí dá éis sin maidir leo. Mar phointe scoir, leagtar amach sa chaibidil seo na forálacha a bhaineann le maoirseacht agus iniúchóireacht i ndáil le cosaint sonraí.

Leagtar amach i gCaibidil VIII freagrachtaí eu-LISA roimh theacht i bhfeidhm na mbeart sa togra seo, agus dá éis sin, agus freagrachtaí na mBallstát, Europol agus láraonad ETIAS chomh maith.

Baineann Caibidil VIIIa le leasuithe ar ionstraimí eile de chuid an Aontais. Tugtar isteach leis an gcaibidil seo athruithe ar ionstraimí dlíthiúla eile is gá chun an togra seo maidir le hidir-inoibritheacht a chur chun feidhme ina iomláine. Áirítear sa togra seo forálacha mionsonraithe maidir leis na hathruithe is gá ar na dréacht-ionstraimí dlí atá comhaontaithe go sealadach ag na comhreachtóirí faoi láthair i bhfoirm téacsanna cobhsaí: [Rialachán Eurodac], an Rialachán atá beartaithe maidir le SIS i réimse fhorfheidhmiú an dlí , an Rialachán maidir leis an gcóras ECRIS-TCN, agus an Rialachán maidir le eu-LISA.

Leagtar amach mionsonraí i gCaibidil X maidir leis an méid seo a leanas: ceanglais maidir le staidreamh agus tuairisciú a bhaineann le sonraí arna bpróiseáil faoin Rialachán seo; bearta idirthréimhseacha a bheidh ag teastáil; socruithe a bhaineann le costais a eascraíonn as cur i bhfeidhm an Rialacháin seo; ceanglais a bhaineann le fógraí; an próiseas maidir le tús a chur le cur i bhfeidhm na mbeart arna mbeartú leis an Rialachán seo; socruithe maidir le rialachas, lena náirítear coiste agus grúpa comhairleach a chur ar bun, freagracht eu-LISA maidir le hoiliúint, agus an treoirleabhar praiticiúil chun tacú le cur chun feidhme agus bainistiú na gcomhpháirteanna idir-inoibritheachta; nósanna imeachta a bhaineann le faireachán agus meastóireacht a dhéanamh ar na bearta arna mbeartú leis an Rialachán seo; foráil maidir le teacht i bhfeidhm an Rialacháin seo.

2017/0352 (COD)

Togra leasaithe le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le creat a bhunú le haghaidh idir-inoibritheacht idir córais faisnéise an Aontais Eorpaigh (comhar póilíneachta agus comhar breithiúnach, tearmann agus imirce) agus lena leasaítear [Rialachán (AE) 2018/XX [Rialachán Eurodac],] Rialachán SIS i réimse fhorfheidhmiú an dlí], Rialachán (AE) 2018/XX [Rialachán ECRIS-TCN] agus Rialachán (AE) 2018/XX [Rialachán eu-LISA]

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh agus go háirithe Airteagal 16(2), Airteagal 74, Airteagal 78(2)(e), Airteagal 79(2)(c), Airteagal 82(1)(d), Airteagal 85(1), Airteagal 87(2)(a) agus Airteagal 88(2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Tar éis dóibh dul i gcomhairle leis an Maoirseoir Eorpach ar Chosaint Sonraí,

Ag féachaint don tuairim ó Choiste Eacnamaíoch agus Sóisialta na hEorpa 44 ,

Ag féachaint don tuairim ó Choiste na Réigiún, 45  

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)Sa Teachtaireacht uaidh an 6 Aibreán 2016 dar teideal Stronger and Smarter Information Systems for Borders and Security 46 [Córais Faisnéise níos Láidre agus níos Cliste um Theorainneacha agus Slándáil], leag an Coimisiún béim ar an ngá a bhí le feabhas a chur ar ailtireacht bainistithe sonraí an Aontais le haghaidh bainistiú teorainneacha agus slándála. Tionscnaíodh leis an Teachtaireacht próiseas chun idir-inoibritheacht a bhaint amach idir córais faisnéise an Aontais Eorpaigh um shlándáil, teorainneacha agus bainistiú imirce, agus é mar aidhm aige dul i ngleic le heasnaimh struchtúrtha na gcóras sin a chuireann bac ar obair na núdarás náisiúnta, agus a áirithiú go mbeidh fáil ag na gardaí teorann, na húdaráis custaim, na póilíní agus na húdaráis bhreithiúnacha ar an bhfaisnéis a bheidh de dhíth orthu.

(2)I dTreochlár na Comhairle dar teideal Roadmap to enhance information exchange and information management including interoperability solutions in the Justice and Home Affairs area [Treochlár chun feabhas a chur ar an malartú faisnéise agus ar an mbainistiú faisnéise lena náirítear réitigh idir-inoibritheachta i réimse an cheartais agus na ngnóthaí baile] an 6 Meitheamh 2016 47 , d'aithin an Chomhairle dúshláin éagsúla dhlíthiúla, theicniúla agus oibríochtúla i dtaca le hidir-inoibritheacht chórais faisnéise an Aontais Eorpaigh agus d'iarr sí réitigh ar na dúshláin sin a lorg.

(3)Sa Rún uaithi an 6 Iúil 2016 maidir le tosaíochtaí straitéiseacha chlár oibre an Choimisiúin do 2017 48 , d’iarr Parlaimint na hEorpa moltaí chun na córais faisnéise atá ag an Aontas Eorpach cheana a fheabhsú agus a fhorbairt, chun aghaidh a thabhairt ar bhearnaí san fhaisnéis agus chun idir-inoibritheacht na gcóras sin a bhaint amach, chomh maith le moltaí i dtaca le comhroinnt éigeantach faisnéise ar leibhéal an Aontais, a mbeadh na coimircí cosanta sonraí riachtanacha ag gabháil léi.

(4)D'iarr an Chomhairle Eorpach an 15 Nollaig 2016 49 go leanfaí de bheith ag cur chun cinn idir-inoibritheacht chórais faisnéise agus bhunachair sonraí an Aontais Eorpaigh.

(5)Sa tuarascáil dheiridh uaidh an 11 Bealtaine 2017 50 , ba é conclúid an tsainghrúpa ardleibhéil um chórais faisnéise agus idir-inoibritheacht gur ghá agus gurbh indéanta go teicniúil féachaint le réitigh phraiticiúla a fháil maidir leis an idir-inoibritheacht agus go bhféadfadh na réitigh sin, i bprionsabal, gnóthachain oibríochtúla a sholáthar, agus san am céanna go bhféadfaí iad a shuí i gcomhréir le ceanglais cosanta sonraí.

(6)Sa Teachtaireacht uaidh an 16 Aibreán 2017, dar teideal Seventh progress report towards an effective and genuine Security Union 51 [Seachtú tuarascáil ar dhul chun cinn i dtreo Aontas Slándála éifeachtach dílis], leag an Coimisiún amach, i gcomhréir leis an Teachtaireacht uaidh an 6 Aibreán 2016 agus mar a deimhníodh leis na torthaí agus na moltaí ón sainghrúpa ardleibhéil um chórais faisnéise agus idir-inoibritheacht, cur chuige nua i leith bainistiú sonraí i dtaca le teorainneacha, slándáil agus imirce ina mbeadh córais faisnéise uile an Aontais Eorpaigh um shlándáil, teorainneacha agus bainistiú imirce idir-inoibritheach, agus ina mbeidís á bhfeidhmiú le lánurraim do na cearta bunúsacha.

(7)Sna Conclúidí uaithi an 9 Meitheamh 2017 52 maidir leis an mbealach chun cinn i dtaca le malartú faisnéise a fheabhsú agus idir-inoibritheacht chórais faisnéise an Aontais Eorpaigh a áirithiú, d'iarr an Chomhairle ar an gCoimisiún na réitigh maidir le hidir-inoibritheacht, mar a bhí molta ag an sainghrúpa ardleibhéil, a chur i bhfeidhm.

(8)Leag Comhairle Eorpach an 23 Meitheamh 2017 53 béim ar an ngá le hidir-inoibritheacht idir na bunachair sonraí a fheabhsú agus d'iarr sí ar an gCoimisiún dréachtreachtaíocht a ullmhú, a luaithe agus ab fhéidir, chun na moltaí a rinne an sainghrúpa ardleibhéil um chórais faisnéise agus idir-inoibritheacht a achtú.

(9)D'fhonn bainistiú na dteorainneacha seachtracha a fheabhsú, chun cuidiú a thabhairt imirce neamhrialta a chosc agus a chomhrac agus chun leibhéal ard slándála a áirithiú i limistéar saoirse, slándála agus ceartais an Aontais, lena náirítear slándáil phoiblí agus beartas poiblí a chothabháil agus an tslándáil a chosaint ar chríocha na mBallstát, ba cheart idir-inoibritheacht a bhunú idir córais faisnéise an Aontais Eorpaigh, eadhon [an Córas Dul Isteach agus Imeachta (EES), an Córas Faisnéise Víosaí (VIS), [Córas an Aontais Eorpaigh um Fhaisnéis agus Údarú Taistil (ETIAS)], Eurodac, Córas Faisnéise Schengen (SIS) agus [an Córas Faisnéise Eorpach um Thaifid Chóiriúla le haghaidh náisiúnaigh tríú tír (ECRIS-TCN)] chun go mbeidh na córais faisnéise sin de chuid an Aontais Eorpaigh agus a gcuid sonraí ag forlíonadh a chéile. Chun an méid sin a bhaint amach, ba cheart tairseach cuardaigh Eorpach, seirbhís chomhroinnte meaitseála sonraí bithmhéadracha, stóras coiteann sonraí céannachta agus brathadóir ilchéannachtaí a bhunú mar chomhpháirteanna idir-inoibritheachta.

(10)A bhuí leis an idir-inoibritheacht idir córais faisnéise an Aontais Eorpaigh, ba cheart forlíonadh idir na córais thuasluaite sin a bheith indéanta chun ceart-sainaithint daoine a éascú, chun cuidiú a thabhairt calaois chéannachta a chomhrac, chun ceanglais cáilíochta sonraí chórais faisnéise ábhartha an Aontais Eorpaigh a fheabhsú agus a chomhchuibhiú, chun cur chun feidhme teicniúil agus oibríochtúil chórais faisnéise an Aontais Eorpaigh atá ann cheana agus a bheidh ann amach anseo a éascú, chun na coimircí i dtaca le slándáil sonraí agus cosaint sonraí a rialaíonn córais faisnéise ábhartha an Aontais Eorpaigh a neartú agus a shimpliú, chun go bhfaighfear rochtain chun críocha fhorfheidhmiú an dlí ar EES, VIS, [ETIAS] agus Eurodac a chuíchóiriú, agus chun tacú le cuspóirí EES, VIS, [ETIAS], Eurodac, SIS agus [an chórais ECRIS-TCN].

(11)Ba cheart go gcuimseodh na comhpháirteanna idir-inoibritheachta EES, VIS, [ETIAS], Eurodac, SIS agus [an córas ECRIS-TCN]. Ba cheart dóibh sonraí Europol a chuimsiú freisin sa mhéid go gcumasóidís cuardach na sonraí sin san am céanna leis na córais faisnéise sin de chuid an Aontais Eorpaigh.

(12)Ba cheart go mbainfeadh na comhpháirteanna idir-inoibritheachta leis na daoine a bhféadfar a sonraí pearsanta a phróiseáil i gcórais faisnéise an Aontais Eorpaigh agus ag Europol, eadhon náisiúnaigh tríú tír a bpróiseáiltear a sonraí pearsanta i gcórais faisnéise an Aontais Eorpaigh agus ag Europol, agus saoránaigh de chuid an Aontais Eorpaigh a bpróiseáiltear a sonraí pearsanta in SIS agus ag Europol.

(13)Ba cheart an tairseach cuardaigh Eorpach a bhunú chun inniúlacht theicniúil údaráis na mBallstát agus chomhlachtaí an Aontais Eorpaigh a éascú chun go mbeidh rochtain thapa, rianúil, éifeachtúil, chórasach agus rialaithe acu ar chórais faisnéise an Aontais Eorpaigh, ar shonraí Europol agus ar na bunachair sonraí Interpol atá de dhíth orthu chun a gcúraimí a dhéanamh i gcomhréir lena gcearta rochtana agus chun tacú le cuspóirí EES, VIS, [ETIAS], Eurodac, SIS, [an chórais ECRIS-TCN] agus sonraí Europol. Trí chuardach na gcóras faisnéise ábhartha uile de chuid an Aontais Eorpaigh mar aon le sonraí Europol agus bunachair sonraí Interpol a chumasú san am céanna, ba cheart don tairseach cuardaigh Eorpach gníomhú mar fhuinneog aonair nó "bróicéir teachtaireachtaí" chun lárchórais éagsúla a chuardach agus an fhaisnéis atá riachtanach a aisghabháil go rianúil, agus ghníomhódh sí amhlaidh agus lánurraim á tabhairt do na ceanglais maidir le rialú rochtana agus cosaint sonraí a bhaineann leis na córais fholuiteacha

(14)Ba cheart d’úsáideoirí deiridh na tairsí cuardaigh Eorpaigh a bhfuil ceart acu sonraí Europol a rochtain faoi Rialachán (AE) 2016/794 ó Pharlaimint na hEorpa agus ón gComhairle 54 a bheith ábalta cuardach a dhéanamh san am céanna ar shonraí Europol agus ar na córais faisnéise de chuid an Aontais a bhfuil rochtain acu orthu. Ba cheart aon phróiseáil sonraí bhreise a dhéantar tar éis an cuardach sin a dhéanamh a chur i gcrích i gcomhréir le Rialachán (AE) 2016/794, lena náirítear srianta ar rochtain nó ar úsáid arna bhforchur ag an soláthraí sonraí.

(15)Ba cheart an tairseach cuardaigh Eorpach a fhorbairt agus a chumrú sa chaoi is nach gceadaítear úsáid réimsí sonraí don chuardach nach mbaineann le daoine ná le doiciméid taistil nach bhfuil i gcóras faisnéise de chuid an Aontais Eorpaigh, i sonraí Europol ná i mbunachar sonraí Interpol.

(16)Chun úsáid thapa agus chórasach chórais faisnéise uile an Aontais Eorpaigh a áirithiú, ba cheart an tairseach cuardaigh Eorpach a úsáid chun an stóras coiteann sonraí céannachta, EES, VIS, [ETIAS], Eurodac agus [an córas ECRIS-TCN] a chuardach. Mar sin féin, ba cheart an nasc náisiúnta leis na córais faisnéise éagsúla de chuid an Aontais Eorpaigh a choinneáil i gcás ina mbeadh gá le cúltaca teicniúil. Ba cheart do chomhlachtaí an Aontais an tairseach cuardaigh Eorpach a úsáid chun SIS Láir a chuardach i gcomhréir lena gcearta rochtana agus d'fhonn a gcúraimí a dhéanamh. Is éard is ceart a bheith sa tairseach cuardaigh Eorpaigh bealach breise chun SIS Láir, sonraí Europol agus córais Interpol a chuardach, mar chomhlánú ar na comhéadain atá ann cheana chuige sin.

(17)Sonraí uathúla iad sonraí bithmhéadracha, amhail méarloirg agus íomhánna den aghaidh agus, dá bhrí sin, is iontaofa go mór iad ná sonraí alfa-uimhriúla ó thaobh duine a shainaithint. Ba cheart gurbh uirlis theicniúil í an tseirbhís chomhroinnte meaitseála sonraí bithmhéadracha chun obair na gcóras faisnéise ábhartha de chuid an Aontais Eorpaigh agus comhpháirteanna idir-inoibritheachta eile a éascú agus a neartú. Ba cheart a bheith mar phríomhchuspóir ag an tseirbhís chomhroinnte meaitseála sonraí bithmhéadracha sainaithint duine a d'fhéadfadh a bheith cláraithe i mbunachair sonraí éagsúla a éascú, trína shonraí bithmhéadracha a mheaitseáil sna córais éagsúla agus trí dhul ar iontaoibh comhpháirt theicneolaíoch uathúil amháin seachas cúig cinn éagsúla i ngach ceann de na córais fholuiteacha. Ba cheart don tseirbhís chomhroinnte meaitseála sonraí bithmhéadracha cuidiú a thabhairt ó thaobh cúrsaí slándála de agus ba cheart buntáistí a bheith léi ó thaobh airgeadais, cothabhála agus oibríochta de trí dhul ar iontaoibh comhpháirt theicneolaíoch uathúil amháin seachas comhpháirteanna éagsúla i ngach ceann de na córais fholuiteacha. Sna córais uathoibrithe uile um shainaithint méarlorg, lena náirítear na córais sin arna núsáid le haghaidh Eurodac, VIS agus SIS, úsáidfear teimpléid bhithmhéadracha ina mbeidh sonraí arna ndíorthú trí shonraí céannachta a asbhaint ó fhíorshamplaí bithmhéadracha. Ba cheart don tseirbhís chomhroinnte meaitseála sonraí bithmhéadracha na teimpléid bhithmhéadracha uile sin a athghrúpáil agus a stóráil in aon áit amháin, rud a d'éascódh comparáidí traschórais le sonraí bithmhéadracha agus a d'éascódh barainneachtaí scála maidir le lárchórais an Aontais Eorpaigh a fhorbairt agus a chothabháil.

(18)Meastar gur sonraí pearsanta íogaire iad sonraí bithmhéadracha. Ba cheart bonn a leagan síos sa Rialachán seo le haghaidh phróiseáil na sonraí sin agus na coimircí a leagan síos a bheidh ar phróiseáil na sonraí sin chun críche shainaithint uathúil na ndaoine lena mbaineann.

(19)Na córais a bhunaítear le Rialachán (AE) 2017/2226 ó Pharlaimint na hEorpa agus ón gComhairle 55 , Rialachán (CE) Uimh. 767/2008 ó Pharlaimint na hEorpa agus ón gComhairle 56 , [Rialachán ETIAS] maidir le teorainneacha an Aontais a bhainistiú, an córas a bhunaítear le [Rialachán Eurodac] maidir leis na hiarratasóirí ar chosaint idirnáisiúnta a shainaithint agus imirce neamhrialta a chomhrac, agus an córas a bhunaítear leis an [Rialachán maidir leis an gcóras ECRIS-TCN], bíonn siad ag brath ar shainaithint chruinn na náisiúnach tríú tír a bhfuil a gcuid sonraí stóráilte iontu le bheith éifeachtúil.

(20)Ba cheart don stóras coiteann sonraí céannachta cuidiú le ceart-sainaithint na ndaoine atá cláraithe in EES, VIS, [ETIAS], Eurodac agus [sa chóras ECRIS-TCN] an tsainaithint sin a éascú.

(21)Féadfaidh sé go mbainfidh na sonraí pearsanta a stóráiltear sna córais faisnéise sin de chuid an Aontais Eorpaigh leis na daoine céanna a bhfuil céannachtaí éagsúla acu nó a bhfuil a sonraí céannachta neamhiomlán. Tá bealaí éifeachtúla in úsáid ag na Ballstáit chun a saoránaigh nó buanchónaitheoirí cláraithe a shainaithint ina gcríoch, ach ní hamhlaidh atá i gcás náisiúnaigh tríú tír. Ba cheart don idir-inoibritheacht idir córais faisnéise an Aontais Eorpaigh a bheith ina cuidiú i dtaca le ceart-sainaithint náisiúnach tríú tír. Ba cheart a bheith stóráilte sa stóras coiteann sonraí céannachta na sonraí pearsanta a bhaineann le náisiúnaigh tríú tír atá sna córais cheana agus atá de dhíth chun sainaithint níos cruinne na ndaoine sin a dhéanamh agus mar sin ba cheart a sonraí céannachta, sonraí i dtaca lena ndoiciméad taistil agus a sonraí bithmhéadracha a bheith san áireamh, gan beann ar an gcóras inar bailíodh na sonraí i dtús báire. Níor cheart ach na sonraí pearsanta is gá chun seiceáil chruinn céannachta a dhéanamh a stóráil sa stóras coiteann sonraí céannachta. Níor cheart na sonraí pearsanta a stóráiltear sa stóras coiteann sonraí céannachta a choinneáil níos faide ná mar is gá chun críocha na gcóras foluiteach, agus ba cheart iad a scriosadh go huathoibríoch nuair a scriostar na sonraí sna córais fholuiteacha i gcomhréir lena scaradh loighciúil.

(22)Tá gá leis an oibríocht phróiseála nua, is é sin stóráil na sonraí sin sa stóras coiteann sonraí céannachta seachas iad a bheith stóráilte i ngach ceann de na córais éagsúla, chun cruinneas na sainaitheanta a fheabhsú, agus beidh sé indéanta an feabhas sin a dhéanamh a bhuí le comparáid agus meaitseáil uathoibrithe na sonraí sin. In ainneoin go stóráiltear sonraí céannachta agus sonraí bithmhéadracha náisiúnach tríú tír sa stóras coiteann sonraí céannachta, níor cheart go gcuirfeadh an méid sin bac ar bhealach ar bith ar phróiseáil na sonraí chun críocha na Rialachán EES, VIS, ETIAS, Eurodac nó an Rialacháin maidir leis an gcóras ECRIS-TCN, ós rud é gur cheart don stóras coiteann sonraí céannachta a bheith ina chomhpháirt chomhroinnte nua de na córais fholuteacha sin.

(23)Ar an gcaoi sin, is gá sainchomhad a chruthú sa stóras coiteann sonraí céannachta do gach duine a thaifeadtar in EES, VIS, ETIAS, Eurodac nó sa chóras ECRIS-TCN chun críche ceart-sainaithint náisiúnach tríú tír atá i limistéar Schengen, agus chun tacú leis an mbrathadóir ilchéannachtaí an dá chuspóir, eadhon seiceálacha céannachta a éascú do thaistealaithe bona fide agus calaois chéannachta a chomhrac, a bhaint amach. Ba cheart na céannachtaí féideartha uile a d'fhéadfadh a bheith nasctha leis an duine céanna a bheith stóráilte in aon áit amháin sa sainchomhad agus ba cheart rochtain a bheith ag na húsáideoirí deiridh cuí-údaraithe orthu.

(24)Ar an gcaoi sin, ba cheart don stóras coiteann sonraí céannachta tacú le feidhmiú an bhrathadóra ilchéannachtaí agus rochtain na núdarás forfheidhmithe dlí ar chórais faisnéise an Aontais Eorpaigh a éascú agus a chuíchóiriú, ar córais iad nár bunaíodh go heisiach chun críocha coireacht thromchúiseach a chosc, a imscrúdú, a bhrath nó a ionchúiseamh.

(25)Ba cheart don stóras coiteann sonraí céannachta foráil a dhéanamh maidir le stóras comhroinnte le haghaidh sonraí céannachta agus sonraí bithmhéadracha náisiúnach tríú tír atá cláraithe in EES, VIS, [ETIAS], Eurodac agus [sa chóras ECRIS-TCN], agus é ag feidhmiú mar an chomhpháirt chomhroinnte idir na córais sin chun na sonraí sin a stóráil agus a chuardach.

(26)Ba cheart na taifid uile atá sa stóras coiteann sonraí céannachta a scaradh go loighciúil trí gach taifead a chlibeáil go huathoibríoch le clib a léireoidh cén córas foluiteach ar leis an taifead sin. Ba cheart rochtain a bheith nó gan a bheith ar an taifead ag brath ar úsáid na gclibeanna sin i rialú rochtana an stórais choitinn sonraí céannachta.

(27)Chun ceart-sainaithint daoine a áirithiú, ba cheart cead a thabhairt d'údaráis na mBallstát is inniúil maidir le himirce neamhrialta a chosc agus a chomhrac agus do na húdaráis is inniúil de bhrí Airteagal 3(7) de Threoir 2016/680 an stóras coiteann sonraí céannachta a chuardach le sonraí bithmhéadracha an duine arna nglacadh le linn seiceáil céannachta.

(28)I gcás nach féidir sonraí bithmhéadracha an duine a úsáid nó i gcás ina dteipfidh ar an gcuardach leis na sonraí sin, ba cheart an cuardach a dhéanamh le sonraí céannachta an duine i dteannta shonraí an doiciméid taistil. I gcás ina léireoidh an cuardach go bhfuil sonraí an duine sin stóráilte sa stóras coiteann sonraí céannachta, ba cheart rochtain a bheith ag údaráis na mBallstát ar na sonraí céannachta atá stóráilte sa stóras coiteann sonraí céannachta lena gceadú, gan aon eolas a thabhairt faoi cén córas faisnéise de chuid an Aontais Eorpaigh lena mbaineann na sonraí.

(29)Ba cheart do na Ballstáit bearta reachtacha náisiúnta a ghlacadh lena nainmnítear na húdaráis is inniúil maidir le seiceálacha céannachta a dhéanamh tríd an stóras coiteann sonraí céannachta a úsáid agus lena leagtar síos nósanna imeachta, coinníollacha agus critéir na seiceálacha sin i gcomhréir le prionsabal na comhréireachta. Ba cheart foráil a dhéanamh, go háirithe, i mbearta reachtacha náisiúnta maidir leis an gcumhacht chun sonraí bithmhéadracha a bhailiú le linn seiceáil céannachta ar dhuine a thagann os comhair oifigeach de chuid na núdarás sin.

(30)Ba cheart a thabhairt isteach leis an Rialachán seo freisin féidearthacht nua maidir le rochtain chuíchóirithe ar shonraí sa bhreis ar na sonraí céannachta atá in EES, VIS, [ETIAS] nó Eurodac ag Europol nó ag údaráis forfheidhmithe dlí arna nainmniú ag Ballstát. Féadfaidh sé go mbeidh gá le sonraí, cé is moite de na sonraí céannachta atá sna córais sin, chun cionta sceimhlitheoireachta nó cionta coiriúla tromchúiseacha a chosc, a bhrath, a imscrúdú nó a ionchúiseamh.

(31)Rochtain iomlán ar na sonraí atá i gcórais faisnéise an Aontais Eorpaigh atá riachtanach chun cionta sceimhlitheoireachta nó cionta coiriúla tromchúiseacha a chosc, a bhrath, a imscrúdú nó a ionchúiseamh, sa bhreis ar na sonraí céannachta ábhartha arna gcumhdach leis an stóras coiteann sonraí céannachta arna bhfáil trí shonraí bithmhéadracha an duine sin arna nglacadh le sinn seiceáil céannachta a úsáid, ba cheart leanúint den rochtain iomlán sin a rialú le forálacha na nionstraimí dlíthiúla ábhartha. Ní bhíonn a fhios ag na húdaráis forfheidhmithe dlí ainmnithe ná ag Europol roimh ré cé acu de chórais faisnéise an Aontais Eorpaigh ina bhfuil sonraí na ndaoine atá á bhfiosrú acu. Cuirtear moill orthu a gcúraimí a dhéanamh agus bíonn siad neamhéifeachtúil á ndéanamh, dá bhrí sin. Ba cheart cead ag bheith ag an úsáideoir deiridh arna ainmniú ag an údarás ainmnithe, dá bhrí sin, breathnú cén ceann de chórais faisnéise an Aontais Eorpaigh ina bhfuil na sonraí a bhaineann leis gcuardach. Chuirfí bratach leis an gcóras lena mbaineann ar an gcaoi sin, tar éis fíorú uathoibrithe a fháil go bhfuil amas sa chóras (feidhmiúlacht na brataí amais, mar a thugtar air).

(32)Ba cheart cuspóir an chuardaigh a léiriú i logaí cuardaigh an stórais choitinn sonraí céannachta . I gcás ina ndéanfar an cuardach agus úsáid á baint as an gcur chuige dhá chéim i leith sonraí a cheadú, ba cheart a áireamh sna logaí tagairt do chomhad náisiúnta an imscrúdaithe nó an cháis, rud a léireoidh gur seoladh an cuardach sin chun críocha cionta sceimhlitheoireachta nó cionta coiriúla tromchúiseacha a chosc, a bhrath, a imscrúdú nó a ionchúiseamh.

(33)Ní mór sonraí pearsanta a bheith á bpróiseáil go huathoibrithe chun go bhféadfaidh Europol agus údaráis ainmnithe na mBallstát an stóras coiteann sonraí céannachta a chuardach chun freagra de chineál na brataí amais a fháil a léireoidh gur in EES, VIS, [ETIAS] nó Eurodac atá na sonraí taifeadta. Ní nochtfadh bratach amais sonraí pearsanta an duine lena mbaineann ach léireodh sí go raibh cuid dá shonraí stóráilte i gceann de na córais. Níor cheart don úsáideoir deiridh aon chinneadh diúltach a dhéanamh i dtaobh an duine lena mbaineann ar bhonn bratach amais a bheith ann agus ar an mbonn sin amháin. I gcás ina mbeadh rochtain ag an úsáideoir deiridh ar bhratach amais, dá bhrí sin, is beag an cur isteach a bheadh ann ar cheart an duine lena mbaineann a shonraí pearsanta a chosaint, agus ba ghá ligean don údaráis ainmnithe agus do Europol a niarraidh ar rochtain níos éifeachtúla ar shonraí pearsanta a chur chuig an gcóras ar léirigh an bratach gurb é sin an córas a raibh na sonraí sin ann.

(34)Is fiú an cur chuige dhá chéim i leith sonraí a cheadú go háirithe i gcásanna nach fios cé hé amhrastach, déantóir nó íospartach ciona sceimhlitheoireachta nó ciona choiriúil thromchúisigh eile. Sna cásanna sin, ba cheart an stóras coiteann sonraí céannachta a úsáid chun an córas faisnéise ina bhfuil sonraí an duine a aimsiú in aon chuardach amháin. Trí oibleagáid a chur i bhfeidhm maidir leis an gcur chuige nua seo i ndáil le rochtain na núdarás forfheidhmithe dlí, ba cheart rochtain a bheith ar na sonraí pearsanta atá stóráilte in EES, VIS, [ETIAS] agus Eurodac gan é a bheith de cheangal réamhchuardach a bheith déanta sna bunachair náisiúnta ná cuardach a bheith seolta roimhe sin i gcóras uathoibrithe um shainaithint méarlorg na mBallstát eile faoi Chinneadh 2008/615/CGB. Cuireann prionsabal an réamhchuardaigh bac ar an bhféidearthacht a bheith ag údarás na mBallstát córais a cheadú chun críocha cuí-údaraithe fhorfheidhmiú an dlí agus, dá bhrí sin, d'fhéadfaí an deis a chailleadh faisnéis riachtanach a aimsiú. Níor cheart deireadh a chur leis na ceanglais i ndáil le réamhchuardach a dhéanamh i mbunachair náisiúnta nó le réamhchuardach a sheoladh i gcóras uathoibrithe um shainaithint méarlorg na mBallstát eile faoi Chinneadh 2008/615/CGB ach amháin nuair a bheidh an choimirce mhalartach i bhfeidhm, eadhon an cur chuige dhá chéim i leith sonraí a cheadú tríd an stóras coiteann sonraí céannachta.

(35)Ba cheart an brathadóir ilchéannachtaí a bhunú chun tacú le feidhmiú an stórais choitinn sonraí céannachta agus chun tacú le cuspóirí EES, VIS, [ETIAS], Eurodac, SIS agus [an chórais ECRIS-TCN]. Chun go mbeidh córais faisnéise an Aontais Eorpaigh éifeachtúil maidir lena gcuspóirí a chomhlíonadh, ní mór na daoine a stóráiltear a sonraí iontu a shainaithint go cruinn.

(36)Ós rud é nach bhfuil na húdaráis a úsáideann na córais sin in ann fíoruithe atá iontaofa a ndóthain a dhéanamh faoi láthair ar chéannachtaí na náisiúnach tríú tír a bhfuil a sonraí stóráilte i gcórais éagsúla, is deacair cuspóirí chórais faisnéise an Aontais Eorpaigh a bhaint amach. Níltear in ann sin a dhéanamh toisc go bhféadfaidh sé go bhfuil na sonraí céannachta atá stóráilte i gcóras ar leith calaoiseach, mícheart nó neamhiomlán, agus níl aon fhéidearthacht ann faoi láthair na sonraí céannachta calaoiseacha, míchearta nó neamhiomlána sin a bhrath trína gcur i gcomparáid le sonraí atá stóráilte i gcóras eile. Chun an fhadhb sin a réiteach, tá gá le hionstraim theicniúil ar leibhéal an Aontais lenar féidir náisiúnaigh tríú tír a shainaithint go cruinn chun na gcríoch sin.

(37)Ba cheart go gcruthófaí agus go stórálfaí sa bhrathadóir ilchéannachtaí naisc idir na sonraí atá i gcórais faisnéise éagsúla an Aontais Eorpaigh chun iliomad céannachtaí a bhrath, agus an dá chuspóir aige seiceálacha céannachta a éascú le haghaidh taistealaithe bona fide, agus calaois chéannachta a chomhrac. Níor cheart a bheith sa bhrathadóir ilchéannachtaí ach na naisc idir daoine a bhfuil a sonraí i níos mó ná córas faisnéise amháin de chuid an Aontais Eorpaigh agus níor cheart a bheith ann ach na sonraí is gá chun a fhíorú go bhfuil duine taifeadta go dleathach nó go neamhdhleathach faoi chéannachtaí beathaisnéiseacha éagsúla i gcórais éagsúla, nó chun a shoiléiriú go bhféadfadh sé nach é an duine céanna atá ann i gcás beirt a bhfuil sonraí beathaisnéiseacha cosúla acu. Ba cheart a laghad próiseála sonraí agus is féidir a dhéanamh tríd an tairseach cuardaigh Eorpach agus an tseirbhís chomhroinnte meaitseála sonraí bithmhéadracha chun sainchomhaid atá i gcórais éagsúla a nascadh, agus, dá bhrí sin, ní dhéanfar ach ilchéannachtaí a bhrath nuair a chuirfear sonraí nua le ceann de na córais faisnéise atá mar chuid den stóras coiteann sonraí céannachta agus SIS. Ba cheart a bheith mar chuid den bhrathadóir ilchéannachtaí coimircí i gcoinne idirdhealú a d'fhéadfadh tarlú nó cinntí neamhfhabhracha i gcás daoine a bhfuil iliomad céannachtaí dleathacha acu.

(38)Déantar foráil sa Rialachán seo maidir le hoibríochtaí nua próiseála sonraí atá ceaptha ceart-sainaithint na ndaoine lena mbaineann a áirithiú. Is cur isteach an fhoráil sin ar a gcearta bunúsacha arna gcosaint le hAirteagal 7 agus Airteagal 8 den Chairt um Chearta Bunúsacha. Ós rud é go mbeidh cur chun feidhme éifeachtúil chórais faisnéise an Aontais Eorpaigh ag brath ar ceart-sainaithint na ndaoine lena mbaineann, tá údar leis an gcur isteach sin ar bhonn na gcuspóirí céanna dar bunaíodh gach ceann de na córais sin: bainistiú éifeachtúil theorainneacha an Aontais, slándáil inmheánach an Aontais, cur chun feidhme éifeachtúil bheartais tearmainn agus víosaí an Aontais, agus an comhraic i gcoinne imirce neamhrialta.

(39)Ba cheart don tairseach cuardaigh Eorpach agus don tseirbhís chomhroinnte meaitseála sonraí bithmhéadracha sonraí daoine atá sa stóras coiteann sonraí céannachta agus in SIS a chur i gcomparáid i gcás ina gcruthóidh údarás náisiúnta nó comhlacht de chuid an Aontais taifid nua. Ba cheart an chomparáid sin a dhéanamh ar bhonn uathoibrithe. Ba cheart don stóras coiteann sonraí céannachta agus do SIS an tseirbhís chomhroinnte meaitseála sonraí bithmhéadracha a úsáid chun naisc a d'fhéadfadh a bheith ann a bhrath, ar bhonn na sonraí bithmhéadracha. Chun naisc ar bhonn sonraí alfa-uimhriúla a d'fhéadfadh a bheith ann a bhrath, ba cheart don stóras coiteann sonraí céannachta agus do SIS an tairseach cuardaigh Eorpach a úsáid. Ba cheart don stóras coiteann sonraí céannachta agus do SIS a bheith in ann sonraí comhionanna nó sonraí cosúla a bhaineann leis an náisiúnach tríú tír agus atá stóráilte i roinnt córas éagsúil a shainaithint. Más amhlaidh atá, ba cheart nasc a bhunú lena léirítear gurb é an duine céanna é. Ba cheart an stóras coiteann sonraí céannachta agus SIS a chumrú sa chaoi agus nach gcuirfear aon bhac gan údar ar an náisiúnach tríú tír lena mbaineann má bhraitear botúin bheaga traslitrithe nó litrithe.

(40)Ba cheart don údarás náisiúnta nó don chomhlacht de chuid an Aontais a thaifead na sonraí sa chóras faisnéise ábhartha de chuid an Aontais Eorpaigh na naisc sin a dheimhniú nó a athrú. Ba cheart rochtain a bheith ag an údarás sin ar na sonraí a stóráiltear sa stóras coiteann sonraí céannachta nó in SIS agus sa bhrathadóir ilchéannachtaí chun críche an fhíoraithe céannachta de láimh.

(41)Údaráis na mBallstát agus comhlachtaí de chuid an Aontais a bhfuil rochtain acu ar cheann amháin ar a laghad de chórais faisnéise an Aontais Eorpaigh atá cuimsithe sa stóras coiteann sonraí céannachta nó in SIS, ba cheart an rochtain atá acu ar an mbrathadóir ilchéannachtaí a theorannú do naisc dhearga i gcás ina mbeidh na sonraí bithmhéadracha céanna ach sonraí céannachta éagsúla ag na sonraí nasctha agus inarb í conclúid an údaráis atá freagrach as céannachtaí éagsúla a fhíorú go mbaineann siad go neamhdhleathach leis an duine céanna, nó i gcás ina mbeidh sonraí céannachta cosúla ag na sonraí nasctha agus inarb í conclúid an údaráis atá freagrach as céannachtaí éagsúla a fhíorú go mbaineann siad go neamhdhleathach leis an duine céanna. I gcás nach bhfuil na sonraí céannachta nasctha cosúil, ba cheart nasc buí a bhunú agus fíorú de láimh a dhéanamh chun an nasc a dheimhniú nó an dath a athrú dá réir sin.

(42)Ba cheart don údarás a chruthaigh nó a nuashonraigh na sonraí a thionscain amas, lenar léiríodh nasc le sonraí atá stóráilte cheana i gcóras faisnéise eile de chuid an Aontais Eorpaigh, a áirithiú go ndéantar fíorú de láimh ar iliomad céannachtaí. Ba cheart don údarás atá freagrach as iliomad céannachtaí a fhíorú a mheas an ann d'iliomad céannachtaí dleathacha nó neamhdhleathacha. Ba cheart an measúnú sin a dhéanamh, nuair is féidir, i láthair an náisiúnaigh tríú tír agus, i gcás inar gá, trí bhreis soiléirithe nó faisnéise a iarraidh. Ba cheart an measúnú sin a dhéanamh gan mhoill, i gcomhréir leis na ceanglais dhlíthiúla maidir le cruinneas faisnéise faoi dhlí an Aontais agus faoin dlí náisiúnta.

(43)I gcás na nasc arna bhfáil i dtaca le Córas Faisnéise Schengen (SIS) a bhaineann leis na foláirimh maidir le daoine a bhfuiltear sa tóir orthu lena ngabháil chun críoch tabhairt suas nó chun críoch eiseachadta, maidir le daoine atá ar iarraidh nó daoine leochaileacha, maidir le daoine a bhfuiltear sa tóir orthu chun cabhrú le nós imeachta breithiúnach agus maidir le daoine atá faoi réir seiceálacha discréideacha nó seiceálacha sonracha nó daoine anaithnide a bhfuiltear sa tóir orthu, ba cheart gurbh é Oifig SIRENE an Bhallstáit a chruthaigh an foláireamh an túdarás a bheadh freagrach as a fhíorú go bhfuil ann d'iliomad céannachtaí. Is catagóirí íogaire iad na catagóirí sin d'fholáirimh SIS agus ní gá iad a chomhroinnt leis na húdaráis a chruthaíonn nó a nuashonraíonn na sonraí i gceann de na córais faisnéise eile de chuid an Aontais Eorpaigh. Ba cheart nasc a chruthú le sonraí SIS gan dochar do na bearta atá le déanamh i gcomhréir le [Rialacháin SIS].

(44)Ba cheart do eu-LISA sásraí uathoibrithe um rialú cáilíochta sonraí agus táscairí coiteanna cáilíochta sonraí a bhunú. Ba cheart do eu-LISA a bheith freagrach as inniúlacht lárnach faireacháin a fhorbairt le haghaidh cáilíocht sonraí agus as tuarascálacha rialta ar anailísiú sonraí a chur ar fáil chun rialú chur chun feidhme agus chur i bhfeidhm chórais faisnéise an Aontais Eorpaigh ag na Ballstáit a fheabhsú. Ba cheart a áireamh sna táscairí coiteanna cáilíochta na híoschaighdeáin cháilíochta i dtaca le sonraí a stóráil i gcórais faisnéise an Aontais Eorpaigh, nó na comhpháirteanna idir-inoibritheachta. Ba cheart a bheith mar aidhm ag caighdeáin cáilíochta sonraí den sórt sin go sainaithneodh córais faisnéise an Aontais Eorpaigh nó na comhpháirteanna idir-inoibritheachta go huathoibríoch sonraí arna gcur isteach ar dócha iad a bheith mícheart nó neamhréireach chun go bhféadfadh an Ballstát tionscnaimh na sonraí a fhíorú agus na bearta ceartaitheacha is gá a dhéanamh.

(45)Ba cheart don Choimisiún meastóireacht a dhéanamh ar thuarascálacha cáilíochta eu-LISA agus moltaí a eisiúint do na Ballstáit i gcás inarb iomchuí. Ba cheart do na Ballstáit a bheith freagrach as plean gníomhaíochta a ullmhú ina mbeadh cur síos ar bhearta maidir le haon easnaimh sa cháilíocht sonraí a leigheas agus ba cheart tuairisc rialta a thabhairt ar dhul chun cinn an phlean sin.

(46)Ba cheart a bhunú leis an bhformáid uilíoch teachtaireachta caighdeán le haghaidh malartú struchtúrtha, trasteorann faisnéise idir córais faisnéise, údaráis agus/nó eagraíochtaí i réimse an cheartais agus na ngnóthaí baile. Ba cheart a shainiú leis an bhformáid uilíoch teachtaireachta stór focal coiteann agus struchtúir loighciúla le haghaidh faisnéis arna malartú go comhpháirteach d'fhonn an idir-inoibritheacht a éascú trí chruthú agus léamh inneachar an mhalartaithe a chumasú ar bhealach comhsheasmhach atá coibhéiseach ó thaobh na séimeantaice de.

(47)Ba cheart lárstóras um thuairisciú agus staidreamh a bhunú ar mhaithe le sonraí staidrimh traschórais a ghiniúint agus tuairisciú anailíseach a dhéanamh chun críocha beartas, cáilíocht sonraí agus chun críocha oibríochtúla. Ba cheart do eu-LISA an lárstóras um thuairisciú agus staidreamh a bhunú, a chur chun feidhme agus a óstáil ar a shuíomhanna teicniúla áit a bhfuil sonraí staidrimh anaithnide ó na córais thuasluaite, ón stóras coiteann sonraí céannachta, ón mbrathadóir ilchéannachtaí agus ón tseirbhís chomhroinnte meaitseála sonraí bithmhéadracha. Níor cheart a bheith in ann daoine a shainaithint ó na sonraí atá sa lárstóras um thuairisciú agus staidreamh. Ba cheart do eu-LISA na sonraí anaithnide a dhéanamh de na sonraí sin agus na sonraí anaithnide sin a thaifeadadh sa lárstóras um thuairisciú agus staidreamh. Ba cheart an córas chun sonraí anaithnide dhéanamh de na sonraí sin a bheith uathoibrithe agus níor cheart aon rochtain dhíreach a thabhairt d'fhoireann eu-LISA ar aon sonraí pearsanta atá stóráilte i gcórais faisnéise an Aontais Eorpaigh nó sna comhpháirteanna idir-inoibritheachta.

(48)Ba cheart feidhm a bheith le Rialachán (AE) 2016/679 maidir le próiseáil sonraí pearsanta ag na húdaráis náisiúnta faoin Rialachán seo, ach amháin más iad na húdaráis ainmnithe nó lárphointí rochtana na mBallstát a dhéanann an phróiseáil sin chun críocha cionta sceimhlitheoireachta nó cionta coiriúla tromchúiseacha eile a chosc, a bhrath nó a imscrúdú agus sa chás sin ba cheart feidhm a bheith le Treoir (AE) 2016/680 ó Pharlaimint na hEorpa agus ón gComhairle.

(49)Ba cheart feidhm a bheith leis na forálacha sonracha maidir le cosaint sonraí atá i [Rialachán Eurodac], [Rialachán SIS i réimse fhorfheidhmiú an dlí], [Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais] agus [an Rialachán maidir leis an gcóras ECRIS-TCN] i ndáil le próiseáil sonraí pearsanta sna córais sin.

(50)Ba cheart feidhm a bheith le Rialachán (CE) Uimh. 45/2001 ó Pharlaimint na hEorpa agus ón gComhairle 57 maidir le próiseáil sonraí pearsanta ag eu-LISA agus ag institiúidí agus comhlachtaí eile de chuid an Aontais agus a bhfreagrachtaí faoin Rialachán seo á gcomhlíonadh, gan dochar do Rialachán (AE) 2016/794 ar cheart feidhm a bheith aige maidir le próiseáil sonraí pearsanta ag Europol.

(51)Ba cheart do na húdaráis mhaoirseachta neamhspleácha arna mbunú i gcomhréir le [Rialachán (AE) 2016/679] faireachán a dhéanamh ar dhlíthiúlacht na próiseála sonraí pearsanta a dhéanann na Ballstáit, agus ba cheart don Mhaoirseoir Eorpach ar Chosaint Sonraí mar a bunaíodh le Rialachán (CE) Uimh. 45/2001 faireachán a dhéanamh ar ghníomhaíochtaí institiúidí agus comhlachtaí an Aontais i ndáil le próiseáil sonraí pearsanta. Ba cheart don Mhaoirseoir Eorpach ar Chosaint Sonraí agus do na húdaráis mhaoirseachta comhoibriú le chéile chun faireachán a dhéanamh ar phróiseáil sonraí pearsanta le comhpháirteanna idir-inoibritheachta.

(52)"(...) Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 28(2) de Rialachán (CE) Uimh. 45/2001 agus thug sé tuairim uaidh maidir le…"

(53)A mhéid a bhaineann le rúndacht, ba cheart feidhm a bheith ag forálacha ábhartha de Rialacháin Foirne oifigigh an Aontais Eorpaigh agus Coinníollacha Fostaíochta sheirbhísigh eile an Aontais Eorpaigh maidir le hoifigigh nó le seirbhísigh eile atá fostaithe agus ag obair i dtaca le SIS.

(54)Ba cheart do na Ballstáit agus do eu-LISA araon pleananna slándála a chothabháil chun cur chun feidhme na noibleagáidí slándála a éascú agus ba cheart dóibh comhoibriú le chéile chun aghaidh a thabhairt ar shaincheisteanna slándála. Ba cheart do eu-LISA a áirithiú freisin go bhfuil na forbairtí teicneolaíochta is déanaí in úsáid i rith an ama chun sláine sonraí a áirithiú maidir le forbairt, dearadh agus bainistiú na gcomhpháirteanna idir-inoibritheachta.

(55)Chun tacú le cuspóirí an staidrimh agus an tuairiscithe, is gá rochtain a thabhairt d'fhoireann údaraithe na núdarás inniúil agus do na hinstitiúidí agus na comhlachtaí arna sainaithint sa Rialachán seo ar shonraí áirithe a cheadú a bhaineann le comhpháirteanna idir-inoibritheachta áirithe gan sainaithint daoine a chumasú.

(56)Chun go mbeidh na húdaráis inniúla agus comhlachtaí de chuid an Aontais in ann dul in oiriúint do na ceanglais nua maidir le húsáid na tairsí cuardaigh Eorpaí, is gá foráil a dhéanamh maidir le hidirthréimhse a bheith ann. Ar an gcaoi chéanna, chun foráil a dhéanamh maidir le feidhmiú comhleanúnach optamach an bhrathadóra ilchéannachtaí, ba cheart bearta idirthréimhseacha a bhunú nuair a chuirtear tús le hoibríochtaí an bhrathadóra.

(57)Is lú na costais arna meas faoin gcreat airgeadais ilbhliantúil reatha maidir leis na comhpháirteanna idir-inoibritheachta a fhorbairt ná an méid atá fágtha sa bhuiséad atá curtha i leataobh do Theorainneacha Cliste i Rialachán (AE) Uimh. 515/2014 ó Pharlaimint na hEorpa agus ón gComhairle 58 . Dá réir sin, faoin Rialachán seo, de bhun Airteagal 5(5)(b) de Rialachán (AE) Uimh. 515/2014, ba cheart ath-leithdháileadh a dhéanamh ar an méid atá curtha i leataobh faoi láthair chun córais TF a fhorbairt d'fhonn tacú le bainistiú sreafaí imirce thar na teorainneacha seachtracha.

(58)Chun gnéithe teicniúla mionsonraithe áirithe den Rialachán seo a fhorlíonadh, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le próifíl úsáideoirí na tairsí cuardaigh Eorpaí agus inneachar agus formáid na bhfreagraí a sholáthróidh tairseach cuardaigh Eorpach. Tá sé tábhachtach, go háirithe, go ndéanfaidh an Coimisiún comhairliúcháin iomchuí nuair a bheidh an obair ullmhúcháin ar siúl aige, lena náirítear comhairliúcháin ar leibhéal na saineolaithe, agus go ndéanfar na comhairliúcháin sin i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr an 13 Aibreán 2016 59 . Go háirithe, chun rannpháirtíocht chomhionann in ullmhú na ngníomhartha tarmligthe a áirithiú, ba cheart do Pharlaimint na hEorpa agus don Chomhairle na doiciméid uile a fháil san am céanna le saineolaithe na mBallstát, agus ba cheart rochtain chórasach a bheith ag a gcuid saineolaithe ar chruinnithe ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.

(59)Chun coinníollacha aonfhoirmeacha a áirithiú maidir le cur chun feidhme an Rialacháin seo, ba cheart cumhachtaí cur chun feidhme a thabhairt don Choimisiún rialacha mionsonraithe a ghlacadh maidir leis an méid seo a leanas: sásraí, nósanna imeachta agus táscairí uathoibrithe um rialú cáilíochta sonraí; forbairt caighdeáin na formáide uilíche teachtaireachta; nósanna imeachta chun cásanna a bhaineann le céannachtaí cosúla a chinneadh; oibriú an lárstórais um thuairisciú agus staidreamh; agus an nós imeachta comhair i gcás teagmhais slándála. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle 60 .

(60)Beidh feidhm ag Rialachán (AE) 2016/794 i dtaca le próiseáil sonraí Europol chun críocha an Rialacháin seo.

(61)Tá an Rialachán seo gan dochar do chur i bhfeidhm Threoir 2004/38/CE.

(62)I gcomhréir le hAirteagal 3 den Chomhaontú idir an Comhphobal Eorpach agus Ríocht na Danmhairge maidir leis na critéir agus na sásraí lena gcinntear an Stát a bheidh freagrach as scrúdú a dhéanamh ar iarraidh ar thearmann arna taisceadh sa Danmhairg nó in aon Bhallstát eile de chuid an Aontais Eorpaigh agus maidir le córas “Eurodac” chun méarloirg a chur i gcomparáid chun Coinbhinsiún Bhaile Átha Cliath 61 a chur i bhfeidhm go héifeachtach, tabharfaidh an Danmhairg fógra don Choimisiún á rá an ndéanfaidh sí inneachar an Rialacháin seo a chur chun feidhme a mhéid a bhaineann le Eurodac [agus leis an gcóras uathoibrithe do chlárú, d’fhaireachán agus don sásra um leithdháileadh i dtaca le hiarratais ar chosaint idirnáisiúnta dá dtagraítear in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i gceann de na Ballstáit ag náisiúnach tríú tír nó ag duine gan stát (athmhúnlú)].

(63)A mhéid a bhaineann forálacha an Rialacháin seo le SIS arna rialú ag Cinneadh 2007/533/CGB, tá an Ríocht Aontaithe rannpháirteach sa Rialachán seo i gcomhréir le hAirteagal 5(1) de Phrótacal Uimh. 19 maidir le acquis Schengen arna lánpháirtiú i gcreat an Aontais Eorpaigh, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh (Prótacal maidir le acquis Schengen) agus i gcomhréir le hAirteagal 8(2) de Chinneadh 2000/365/CE ón gComhairle an 29 Bealtaine 2000, maidir leis an iarraidh ó Ríocht Aontaithe na Breataine Móire agus Thuaisceart Éireann páirt a ghlacadh i roinnt forálacha de acquis 62 Schengen. Ar a bharr sin, a mhéid a bhaineann a chuid forálacha le Eurodac, [agus an córas uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta a dtagraítear dóibh in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú)], féadfaidh an Ríocht Aontaithe fógra a thabhairt d'Uachtarán na Comhairle gur mian léi bheith rannpháirteach i nglacadh agus i gcur i bhfeidhm an Rialacháin seo i gcomhréir le hAirteagal 3 de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE (Prótacal maidir le seasamh na Ríochta Aontaithe agus na hÉireann). A mhéid a bhaineann a chuid forálacha leis an [gcóras ECRIS-TCN], i gcomhréir le hAirteagal 1 agus le hAirteagal 2 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, níl an Ríocht Aontaithe rannpháirteach i nglacadh an Rialacháin seo, agus níl sí faoi cheangal aige ná faoi réir a chur i bhfeidhm. I gcomhréir le hAirteagal 3 agus le hAirteagal 4a(1) de Phrótacal Uimh. 21, féadfaidh an Ríocht Aontaithe fógra a thabhairt gur mian léi bheith rannpháirteach i nglacadh an Rialacháin seo.

(64)A mhéid a bhaineann a chuid forálacha le SIS arna rialú ag Cinneadh 2007/533/CGB, tá Éire rannpháirteach sa Rialachán seo, i gcomhréir le hAirteagal 5(1) de Phrótacal Uimh. 19 maidir le acquis Schengen arna lánpháirtiú i gcreat an Aontais Eorpaigh, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh (Prótacal maidir le acquis Schengen), agus i gcomhréir le hAirteagal 6(2) de Chinneadh 2002/192/CE ón gComhairle an 28 Feabhra 2002, maidir leis an iarraidh ó Éirinn páirt a ghlacadh i roinnt forálacha de acquis 63 Schengen. Ar a bharr sin, a mhéid a bhaineann a chuid forálacha le Eurodac, [agus an córas uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta a dtagraítear dóibh in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú)], féadfaidh Éire fógra a thabhairt d'Uachtarán na Comhairle gur mian léi bheith rannpháirteach i nglacadh agus i gcur i bhfeidhm an Rialacháin seo i gcomhréir le hAirteagal 3 de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh (Prótacal maidir le seasamh na Ríochta Aontaithe agus na hÉireann). A mhéid a bhaineann a chuid forálacha [leis an gcóras ECRIS-TCN], i gcomhréir le hAirteagal 1 agus le hAirteagal 2 agus le hAirteagal 4a(1) de Phrótacal Uimh. 21 maidir le seasamh na Ríochta Aontaithe agus na hÉireann i dtaca leis an limistéar saoirse, slándála agus ceartais, atá i gceangal le CAE agus le CFAE, níl Éire rannpháirteach i nglacadh an Rialacháin seo, agus níl sí faoi cheangal aige ná faoi réir a chur i bhfeidhm. I gcomhréir le hAirteagal 3 agus le hAirteagal 4a(1) de Phrótacal Uimh. 21, féadfaidh Éire fógra a thabhairt gur mian léi bheith rannpháirteach i nglacadh an Rialacháin seo.

(65)Maidir leis an Íoslainn agus leis an Iorua, maidir le Eurodac, [agus an córas uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta a dtagraítear dóibh in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú)], is é atá sa Rialachán seo beart nua de réir bhrí an Chomhaontaithe arna thabhairt i gcrích idir Comhairle an Aontais Eorpaigh agus Poblacht na hÍoslainne agus Ríocht na hIorua maidir leis na critéir agus na sásraí lena gcinntear an Stát a bheidh freagrach as scrúdú a dhéanamh ar iarraidh ar thearmann arna taisceadh i mBallstát nó san Íoslainn nó san Iorua.

(66)Maidir leis an Eilvéis, maidir le Eurodac, [agus an córas uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta a dtagraítear dóibh in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú)], is é atá sa Rialachán seo beart nua a bhaineann le Eurodac de réir bhrí an Chomhaontaithe arna thabhairt i gcrích idir an Comhphobal Eorpach agus Cónaidhm na hEilvéise maidir leis na critéir agus na sásraí lena gcinntear an Stát a bheidh freagrach as scrúdú a dhéanamh ar iarraidh ar thearmann arna taisceadh i mBallstát nó san Eilvéis.

(67)Maidir le Lichtinstéin, maidir le Eurodac, [agus an córas uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta a dtagraítear dóibh in Airteagal 44 de Rialachán (AE) XX/XX lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú)], is é atá sa Rialachán seo beart nua de réir bhrí an Phrótacail idir an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an Comhphobal Eorpach agus Cónaidhm na hEilvéise maidir leis na critéir agus na sásraí lena gcinntear an Stát a bheidh freagrach as scrúdú a dhéanamh ar iarraidh ar thearmann arna taisceadh i mBallstát nó san Eilvéis.

(68)Leis an Rialachán seo, urramaítear na cearta bunúsacha agus na prionsabail a aithnítear go háirithe i gCairt um Chearta Bunúsacha an Aontais Eorpaigh agus cuirfear i bhfeidhm é i gcomhréir leis na cearta agus na prionsabail sin.

TAR ÉIS AN RIALACHÁN SEO A GHLACADH:

CAIBIDIL I
Forálacha ginearálta

Airteagal 1

Ábhar

1.Bunaítear leis an Rialachán seo, i gcomhar le [Rialachán 2018/XX maidir le hidir-inoibritheacht teorainneacha agus víosaí)], creat chun idir-inoibritheacht idir an córas dul isteach/imeachta (EES), an Córas Faisnéise Víosaí (VIS), [an Córas Eorpach um Fhaisnéis agus Údarú Taistil (ETIAS)], Eurodac, córas faisnéise Schengen (SIS), agus [an Córas Faisnéise Eorpach um Thaifid Choiriúla do náisiúnaigh tríú tír (ECRIS-TCN)] a áirithiú chun go mbeidh na córais agus na sonraí sin ag forlíonadh a chéile.

2.Beidh sa chreat sin na comhpháirteanna idir-inoibritheachta seo a leanas:

(a)tairseach cuardaigh Eorpach;

(b)seirbhís chomhroinnte meaitseála sonraí bithmhéadracha;

(c)stóras coiteann sonraí céannachta;

(d)brathadóir ilchéannachtaí;

3.Leagtar síos leis an Rialachán seo freisin forálacha maidir le ceanglais cáilíochta sonraí, formáid uilíoch teachtaireachta (UMF), agus lárstóras um thuairisciú agus staidreamh, agus leagtar síos leis freisin freagrachtaí na mBallstát agus na Gníomhaireachta Eorpaí um bainistiú oibríochtúil a dhéanamh ar chórais mhórscála TF sa limistéar saoirse, slándála agus ceartais (eu-LISA), i dtaca le dearadh agus oibríocht na gcomhpháirteanna idir-inoibritheachta.

4.Leis an Rialachán freisin déantar na nósanna imeachta agus na coinníollacha a oiriúnú le haghaidh údaráis forfheidhmithe dlí na mBallstát agus Ghníomhaireacht an Aontais Eorpaigh i ndáil le comhar i bhforfheidhmiú an dlí, i dtaca le rochtain a fháil ar an gcóras dul isteach/imeachta (EES), an Córas Faisnéise Víosaí (VIS), [an Córas Eorpach um Fhaisnéis agus Údarú Taistil (ETIAS),] agus Eurodac chun críocha cionta sceimhlitheoireachta nó cionta coiriúla tromchúiseacha eile a thagann faoina ninniúlacht a chosc, a bhrath agus a imscrúdú.

Airteagal 2
Cuspóirí na hidir-inoibritheachta

1.Tríd an idir-inoibritheacht a áirithiú, beidh ag an Rialachán seo na cuspóirí seo a leanas:

(a)bainistiú teorainneacha seachtracha a fheabhsú;

(b)cuidiú chun imirce neamhrialta a chosc agus a chomhrac;

(c)chun ardleibhéal slándála a áirithiú i limistéar saoirse, slándála agus ceartais an Aontais, lena náirítear slándáil phoiblí agus beartas poiblí a chothabháil agus an tslándáil a chosaint ar chríocha na mBallstát;

(d)cur chun feidhme an chomhbheartais víosaí a fheabhsú; agus

(e)cúnamh a thabhairt iarratais ar chosaint idirnáisiúnta a scrúdú.

2.Na cuspóirí maidir leis an idir-inoibritheacht a áirithiú, bainfear amach iad mar seo a leanas:

(a)trí cheart-sainaithint daoine a áirithiú;

(b)trí chuidiú chun calaois aitheantais a chomhrac;

(c)trí cheanglais cáilíochta sonraí a fheabhsú agus a chomhchuibhiú i gcás chórais faisnéise ábhartha an Aontais Eorpaigh;

(d)trí chúnamh a thabhairt do na Ballstáit le cur chun feidhme teicniúil agus oibríochtúil na gcóras faisnéise de chuid an Aontais Eorpaigh atá ann cheana agus a bheidh ann amach anseo;

(e)trí na coinníollacha slándála sonraí agus cosanta sonraí a rialaíonn córais faisnéise ábhartha an Aontais Eorpaigh a neartú agus a shimpliú agus a dhéanamh níos aonfhoirmí;

(f)trí na coinníollacha maidir le rochtain údarás forfheidhmithe dlí ar EES, VIS, [ETIAS] agus Eurodac a chuíchóiriú;

(g)trí thacú le cuspóirí EES, VIS, [ETIAS], Eurodac, SIS agus [an chórais ECRIS-TCN].

Airteagal 3

Raon Feidhme

1.Tá feidhm ag an Rialachán seo maidir le Eurodac, córas faisnéise Schengen (SIS), agus [an Córas Faisnéise Eorpach um Thaifid Choiriúla do náisiúnaigh tríú tír (ECRIS-TCN)].

2.Tá feidhm ag an Rialachán seo freisin maidir le sonraí Europol sa mhéid go gcumasófar cuardach na sonraí sin san am céanna leis na córais faisnéise sin de chuid an Aontais Eorpaigh dá dtagraítear i mír 1, i gcomhréir le dlí an Aontais.

3.Tá feidhm ag an Rialachán seo maidir le daoine a bhféadfar a sonraí pearsanta a phróiseáil sna córais faisnéise sin de chuid an Aontais Eorpaigh dá dtagraítear i mír 1 agus i sonraí Europol dá dtagraítear i mír 2.

Airteagal 4Sainmhínithe

Chun críocha an Rialacháin seo, tá feidhm ag na sainmhínithe seo a leanas:

(1)ciallaíonn "teorainneacha seachtracha" teorainneacha seachtracha mar a shainmhínítear in Airteagal 2(2) de Rialachán (AE) 2016/399;

(2)ciallaíonn "seiceálacha teorann" seiceálacha teorann mar a shainmhínítear in Airteagal 2(11) de Rialachán (AE) 2016/399;

(3)ciallaíonn “údarás teorann” an garda teorann ar cuireadh de chúram air, i gcomhréir leis an dlí náisiúnta, seiceálacha teorann a dhéanamh;

(4)ciallaíonn “údaráis mhaoirseachta” an túdarás maoirseachta a bhunaítear i gcomhréir le hAirteagal 51(1) de Rialachán (AE) 2016/679 agus an túdarás maoirseachta a bhunaítear i gcomhréir le hAirteagal 41(1) de Threoir (AE) 2016/680;

(5)ciallaíonn “fíorú” an próiseas arb é atá ann comparáid a dhéanamh idir tacair sonraí chun bailíocht na céannachta a mhaítear a bheith ag duine a shuíomh (sampla amháin a chur i gcomparáid le sampla eile);

(6)ciallaíonn “sainaithint” an próiseas arb é atá ann céannacht duine a dheimhniú trí chuardach a dhéanamh ar iliomad tacar sonraí i mbunachar sonraí (sampla amháin a chur i gcomparáid le hiliomad samplaí);

(7)ciallaíonn "náisiúnach tríú tír" aon duine nach saoránach den Aontas é de réir bhrí Airteagal 20(1) den Chonradh, nó duine gan stát, nó duine nach eol an náisiúntacht atá aige;

(8)ciallaíonn “sonraí alfa-uimhriúla” sonraí a léirítear le litreacha, le digití, le saincharachtair, le spásanna agus le comharthaí poncaíochta;

(9)ciallaíonn "sonraí céannachta" na sonraí dá dtagraítear in Airteagal 27(3)(a) go (h);

(10)ciallaíonn "sonraí méarlorg" na sonraí a bhaineann le méarloirg duine;

(11)ciallaíonn “íomhá den aghaidh” íomhánna digiteacha den aghaidh;

(12)ciallaíonn “sonraí bithmhéadracha” sonraí méarlorg/nó agus íomhá den aghaidh;

(13)ciallaíonn "teimpléad bithmhéadrach" léiriú matamaitice a fhaightear trí shonraí céannachta a asbhaint ó na sonraí bithmhéadracha atá teoranta do na gnéithe a theastaíonn chun sainaithint agus fíorú a dhéanamh;

(14)ciallaíonn “doiciméad taistil” pas nó a chomhionann de dhoiciméad, a thugann teideal don sealbhóir dul trasna teorainneacha seachtracha agus ar féidir víosa a ghreamú de;

(15)ciallaíonn "sonraí an doiciméid taistil" cineál, uimhir agus tír eisiúna an doiciméid taistil, dáta éagtha bhailíocht an doiciméid taistil agus cód trí litir na tíre a eisíonn an doiciméad taistil;

(16)ciallaíonn "údarú taistil" údarú mar a shainmhínítear in Airteagal 3 de [Rialachán ETIAS];

(17)ciallaíonn "víosa ghearrfhanachta" víosa mar a shainmhínítear in Airteagal 2(2)(a) de Rialachán (CE) 810/2009;

(18)ciallaíonn "córais faisnéise an Aontais Eorpaigh" na córais mhórscála TF arna mbainistiú ag eu-LISA;

(19)ciallaíonn "sonraí Europol" na sonraí pearsanta a chuirtear ar fáil do Europol chun na críche dá dtagraítear in Airteagal 18(2)(a) de Rialachán (AE) 2016/794;

(20)ciallaíonn "bunachair sonraí Interpol" bunachar sonraí Interpol ina bhfuil faisnéis faoi dhoiciméid taistil a cailleadh agus a goideadh (SLTD) agus bunachar sonraí Interpol um dhoiciméid taistil a bhaineann le fógraí (Interpol TDAWN);

(21)ciallaíonn "meaitseáil" ceangal comhfhreagrach a shuitear trí shonraí pearsanta atá ar taifead in dhá cheann nó níos mó de chórais faisnéise nó de bhunachair a chur i gcomparáid;

(22)ciallaíonn "amas" go bhfuil meaitseáil amháin nó níos mó ann;

(23)ciallaíonn "an túdarás póilíneachta" an túdarás inniúil mar a shainmhínítear in Airteagal 3(7) de Threoir 2016/680;

(24)ciallaíonn "na húdaráis ainmnithe" údaráis ainmnithe an Bhallstáit dá dtagraítear in Airteagal 29(1) de Rialachán (AE) 2017/2226, Airteagal 3(1) de Chinneadh 2008/633/CGB, [Airteagal 43 de Rialachán ETIAS] agus [Airteagal 6 de Rialachán Eurodac];

(25)ciallaíonn "cion sceimhlitheoireachta" cion faoin dlí náisiúnta a chomhfhreagraíonn do cheann de na cionta dá dtagraítear i dTreoir (AE) 2017/541 nó atá coibhéiseach le ceann acu;

(26)ciallaíonn "cion coiriúil tromchúiseach" cion a chomhfhreagraíonn do cheann de na cionta dá dtagraítear in Airteagal 2(2) de Chinneadh Réime 2002/584/CGB, nó atá coibhéiseach le ceann acu, má tá sé inphionóis faoin dlí náisiúnta le pianbhreith coimeádta nó le hordú coinneála arb é 3 bliana ar a laghad a uastréimhse;

(27)ciallaíonn "EES" an córas dul isteach agus imeachta mar a thagraítear dó i Rialachán (AE) 2017/2226;

(28)ciallaíonn "VIS" an córas faisnéise víosaí mar a thagraítear dó i Rialachán (AE) 767/2008;

(29)[ciallaíonn "ETIAS" Córas an Aontais Eorpaigh um Fhaisnéis agus Údarú Taistil mar a thagraítear dó i Rialachán ETIAS];

(30)ciallaíonn "Eurodac" Eurodac mar a thagraítear dó i [Rialachán Eurodac];

(31)ciallaíonn "SIS" córas faisnéise Schengen mar a luaitear [i Rialachán SIS i réimse na seiceálacha teorann, i Rialachán SIS i réimse fhorfheidhmiú an dlí agus i Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais];

(32)[ciallaíonn "an córas ECRIS-TCN" an Córas Faisnéise Eorpach um Thaifid Chóiriúla ina bhfuil faisnéis faoi chiontú náisiúnach tríú tír agus daoine gan stát mar a thagraítear dó sa Rialachán maidir leis an gcóras ECRIS-TCN];

(33)ciallaíonn "an tairseach cuardaigh Eorpach" an tairseach cuardaigh Eorpach mar a thagraítear dó in Airteagal 6;

(34)ciallaíonn "an tseirbhís chomhroinnte meaitseála sonraí bithmhéadracha" an tseirbhís chomhroinnte meaitseála sonraí bithmhéadracha mar a thagraítear dó in Airteagal 15;

(35)ciallaíonn "stóras coiteann sonraí céannachta" an stóras coiteann sonraí céannachta mar a thagraítear dó in Airteagal 17;

(36)ciallaíonn "brathadóir ilchéannachtaí" an brathadóir ilchéannachtaí mar a thagraítear dó in Airteagal 25;

(37)ciallaíonn "lárstóras um thuairisciú agus staidreamh" an lárstóras um thuairisciú agus staidreamh mar a thagraítear dó in Airteagal 39.

Airteagal 5
Neamh-idirdhealú

Ní bheidh mar thoradh ar shonraí pearsanta a phróiseáil chun críocha an Rialacháin seo  go ndéanfar idirdhealú in aghaidh daoine ar bhonn inscne, bunadh ciníoch nó eitneach, reiligiúin nó creidimh, míchumais, aoise nó claonadh gnéasach. Déanfar dínit agus iomláine an duine a lán-urramú. Tabharfar aird ar leith ar leanaí, daoine aosta agus daoine a bhfuil míchumas orthu.

CAIBIDIL II
An Tairseach Cuardaigh Eorpach

Airteagal 6

An tairseach cuardaigh Eorpach

1.Bunaítear an tairseach cuardaigh Eorpach chun críocha a áirithiú go mbíonn rochtain thapa, rianúil, éifeachtúil, chórasach agus rialaithe ag údaráis na mBallstát agus ag comhlachtaí an Aontais Eorpaigh ar chórais faisnéise an Aontais Eorpaigh, ar shonraí Europol agus ar na bunachair sonraí Interpol atá de dhíth orthu chun a gcúraimí a dhéanamh i gcomhréir lena gcearta rochtana agus chun críocha tacú le cuspóirí EES, VIS, [ETIAS], Eurodac, SIS, [an chórais ECRIS-TCN] agus sonraí Europol.

2.Is é a bheidh sa tairseach cuardaigh Eorpach:

(a)bonneagar lárnach, lena náirítear tairseach cuardaigh a fhéachann le EES, VIS, [ETIAS], Eurodac, SIS agus [an córas ECRIS-TCN] mar aon le sonraí Europol agus bunachair sonraí Interpol a chuardach san am céanna;

(b)bealach cumarsáide slán idir an tairseach cuardaigh Eorpach, na Ballstáit agus comhlachtaí an Aontais atá i dteideal an tairseach cuardaigh Eorpach a úsáid i gcomhréir le dlí an Aontais;

(c)bonneagar cumarsáide slán idir an tairseach cuardaigh Eorpach agus EES, VIS, [ETIAS], Eurodac, SIS Láir agus [an córas ECRIS-TCN], sonraí Europol agus bunachair sonraí Interpol agus idir an tairseach cuardaigh Eorpach agus bonneagair lárnacha an stórais choitinn sonraí céannachta agus an bhrathadóra ilchéannachtaí.

3.Is é eu-LISA a fhorbróidh an tairseach cuardaigh Eorpach agus a áiritheoidh bainistiú teicniúil na tairsí.

Airteagal 7

Úsáid na tairsí cuardaigh Eorpaí

1.Le húsáid ag údaráis na mBallstát agus comhlachtaí an Aontais a bhfuil rochtain acu ar EES, VIS, [ETIAS], Eurodac, SIS agus [an córas ECRIS-TCN], ar an stóras coiteann sonraí céannachta agus an brathadóir ilchéannachtaí agus ar shonraí Europol agus bunachair sonraí Interpol a bheidh an tairseach cuardaigh Eorpach, agus acu siúd amháin, i gcomhréir le dlí an Aontais nó an dlí náisiúnta a rialaíonn an rochtain sin.

2.Úsáidfidh na húdaráis dá dtagraítear i mír 1 an tairseach cuardaigh Eorpach chun sonraí a chuardach a bhaineann le daoine nó lena ndoiciméid taistil i lárchórais Eurodac agus [sa chóras ECRIS-TCN] i gcomhréir lena gcearta rochtana faoi dhlí an Aontais agus faoin dlí náisiúnta. Úsáidfidh siad an tairseach cuardaigh Eorpach freisin chun an stóras coiteann sonraí céannachta a chuardach i gcomhréir lena gcearta rochtana faoin Rialachán seo chun na gcríoch dá dtagraítear in Airteagal 20, Airteagal 21 agus Airteagal 22.

3.Féadfaidh údaráis na mBallstát dá dtagraítear i mír 1 an tairseach cuardaigh Eorpach a úsáid chun sonraí a chuardach a bhaineann le daoine nó a ndoiciméid taistil in SIS Láir dá dtagraítear sa [Rialachán SIS i réimse na seiceálacha teorann agus i Rialachán SIS i réimse fhorfheidhmiú an dlí]. Bunófar rochtain ar SIS Láir leis an tairseach cuardaigh Eorpach trí chóras náisiúnta (N.SIS) gach Ballstáit i gcomhréir le [hAirteagal 4(2) de Rialachán SIS i réimse na seiceálacha teorann agus de Rialachán SIS i réimse fhorfheidhmiú an dlí].

4.Bainfidh comhlachtaí an Aontais Eorpaigh úsáid as an tairseach cuardaigh Eorpach chun sonraí a chuardach in SIS Láir a bhaineann le daoine nó a ndoiciméid taistil.

5.Féadfaidh na húdaráis dá dtagraítear i mír 1 an tairseach cuardaigh Eorpach a úsáid chun sonraí a chuardach i sonraí Europol a bhaineann le daoine nó a ndoiciméid taistil i gcomhréir lena gcearta rochtana faoi dhlí an Aontais agus faoin dlí náisiúnta.

Airteagal 8

Próifíl le haghaidh úsáideoirí na tairsí cuardaigh Eorpaí

1.Chun críocha úsáid na tairsí cuardaigh Eorpaí a éascú, cruthóidh eu-LISA próifíl le haghaidh gach catagóire úsáideora de chuid na tairsí cuardaigh Eorpaí i gcomhréir leis na sonraí teicniúla agus na cearta rochtana dá dtagraítear i mír 2, lena náireofar, i gcomhréir le dlí an Aontais agus an dlí náisiúnta, an méid seo a leanas:

(a)na réimsí sonraí a bheidh le húsáid chun an cuardach a dhéanamh;

(b)córais faisnéise an Aontais Eorpaigh, sonraí Europol agus bunachair sonraí Interpol a cheadófar agus a fhéadfar a cheadú agus óna bhfaighidh an túsáideoir freagra; agus

(c)na sonraí a sholáthraítear i ngach freagra.

2.Glacfaidh an Coimisiún gníomhartha tarmligthe i gcomhréir le hAirteagal 63 chun sonraí teicniúla na bpróifílí dá dtagraítear i mír 1 a shonrú le haghaidh úsáideoirí na tairsí cuardaigh Eorpaí dá dtagraítear in Airteagal 7(1) i gcomhréir lena gcearta rochtana.

Airteagal 9

Cuardaigh

1.Seolfaidh úsáideoirí na tairsí cuardaigh Eorpaí cuardach trí shonraí a chur isteach sa tairseach cuardaigh Eorpach i gcomhréir lena bpróifíl úsáideora agus a gcearta rochtana. I gcás ina seolfar cuardach, déanfaidh an tairseach cuardaigh Eorpach, ag baint úsáid as na sonraí a thug úsáideoir na tairsí cuardaigh Eorpaí leis, cuardach san am céanna in EES, VIS, [ETIAS], Eurodac, SIS agus [sa chóras ECRIS-TCN] agus sa stóras coiteann sonraí céannachta agus i sonraí Europol agus bunachair sonraí Interpol.

2.Na réimsí sonraí a úsáidfear chun cuardach a sheoladh leis an tairseach cuardaigh Eorpach, beidh siad ag teacht leis na réimsí sonraí a bhaineann le daoine nó le doiciméid taistil a fhéadfar a úsáid chun córais faisnéise éagsúla an Aontais Eorpaigh, sonraí Europol agus bunachair sonraí Interpol a chuardach, i gcomhréir leis na hionstraimí dlí a rialaíonn iad.

3.Cuirfidh eu-LISA doiciméad um rialú comhéadain chun feidhme ar bhonn na formáide uilíche teachtaireachta dá dtagraítear in Airteagal 39 i leith na tairsí cuardaigh Eorpaí.

4.Soláthróidh EES, VIS, [ETIAS], Eurodac, SIS, [an córas ECRIS-TCN], an stóras coiteann sonraí céannachta agus an brathadóir ilchéannachtaí, mar aon le sonraí Europol agus bunachair sonraí Interpol, na sonraí atá iontu a aimsítear mar thoradh ar an gcuardach leis an tairseach cuardaigh Eorpach.

5.Nuair a dhéanfar bunachair sonraí Interpol a chuardach áiritheofar, a bhuí le dearadh na tairsí cuardaigh Eorpaí, nach roinnfear le húinéirí sonraí Interpol na sonraí a úsáideann úsáideoir na tairsí cuardaigh Eorpaí chun cuardach a sheoladh.

6.Freagra uathúil a bheidh sa fhreagra a thabharfar d'úsáideoir na tairsí cuardaigh Eorpaí agus beidh ann na sonraí uile a bhfuil rochtain ag an úsáideoir orthu faoi dhlí an Aontais. I gcás inar gá, léireoidh an freagra a sholáthróidh an tairseach cuardaigh Eorpach cén córas nó cén bunachar sonraí lena mbaineann na sonraí.

7.Glacfaidh an Coimisiún gníomh tarmligthe i gcomhréir le hAirteagal 63 chun ábhar agus formáid na freagraí a sholáthróidh an tairseach cuardaigh Eorpach a shonrú.

Airteagal 10

Logaí a choinneáil

1.Gan dochar d'[Airteagal 39 de Rialachán Eurodac], [Airteagal 12 agus Airteagal 18 de Rialachán SIS i réimse fhorfheidhmiú an dlí], [Airteagal 29 de Rialachán ECRIS-TCN] agus Airteagal 40 de Rialachán (AE) 2016/794, coinneoidh eu-LISA logaí de na hoibríochtaí próiseála sonraí uile laistigh den tairseach cuardaigh Eorpach. Áireofar sna logaí sin, go háirithe, an méid seo a leanas:

(a)údarás an Bhallstáit agus úsáideoir aonair na tairsí cuardaigh Eorpaí, lena náirítear próifíl na tairsí cuardaigh Eorpaí a úsáidtear mar a thagraítear dó in Airteagal 8;

(b)dáta agus am an chuardaigh;

(c)córais faisnéise an Aontais Eorpaigh agus bunachair sonraí Europol a chuardaítear;

(d)i gcomhréir leis na rialacha náisiúnta nó le Rialachán (AE) 2016/794 nó, i gcás inarb infheidhme, le Rialachán (AE) 45/2001, marc aitheantais an duine a rinne an cuardach.

2. Ní fhéadfar na logaí a úsáid ach chun faireachán a dhéanamh ar chosaint sonraí, lena náirítear seiceáil a dhéanamh ar inghlacthacht cuardaigh agus ar dhleathacht próiseála sonraí, agus chun slándáil sonraí a áirithiú de bhun Airteagal 42. Úsáidfear bearta iomchuí chun na logaí sin a chosaint ar rochtain neamhúdaraithe, agus scriosfar iad bliain amháin tar éis a gcruthaithe, mura mbeidh siad ag teastáil le haghaidh nósanna imeachta faireacháin a bhfuil tús curtha leo cheana.  

Airteagal 11

Nósanna imeachta cúltaca i gcás nach bhfuil sé indéanta ar chúiseanna teicniúla an tairseach cuardaigh Eorpach a úsáid

1.I gcás nach mbeidh sé indéanta ar chúiseanna teicniúla an tairseach cuardaigh Eorpach a úsáid chun córas faisnéise amháin nó níos mó de chuid an Aontais Eorpaigh dá dtagraítear in Airteagal 9(1) a chuardach ná chun an stóras coiteann sonraí céannachta a chuardach de dheasca chliseadh na tairsí cuardaigh Eorpaí, tabharfaidh eu-LISA fógra d'úsáideoirí na tairsí cuardaigh Eorpaí ina leith sin.

2.I gcás nach mbeidh sé indéanta ar chúiseanna teicniúla an tairseach cuardaigh Eorpach a úsáid chun córas faisnéise amháin nó níos mó de chuid an Aontais Eorpaigh dá dtagraítear in Airteagal 9(1) a chuardach ná chun an stóras coiteann sonraí céannachta a chuardach de dheasca chliseadh an bhonneagair náisiúnta i mBallstát, tabharfaidh údarás inniúil an Bhallstáit sin fógra do eu-LISA agus don Choimisiún ina leith sin.

3.I gceachtar den dá chás, agus go dtí go réiteofar an cliseadh teicniúil, ní bheidh feidhm ag an oibleagáid dá dtagraítear in Airteagal 7(2) agus (4) maidir leis an dá chás sin agus féadfaidh na Ballstáit na córais faisnéise dá dtagraítear in Airteagal 9(1) nó an stóras coiteann sonraí céannachta a rochtain go díreach ach a gcomhéadain aonfhoirmeacha náisiúnta ábhartha nó a mbonneagair cumarsáide náisiúnta a úsáid.

CAIBIDIL III
Seirbhís Chomhroinnte Meaitseála Sonraí Bithmhéadracha

Airteagal 12

Seirbhís chomhroinnte meaitseála sonraí bithmhéadracha

1.Bunaítear seirbhís chomhroinnte meaitseála sonraí bithmhéadracha ina stóráiltear teimpléid bhithmhéadracha agus lenar féidir sonraí bithmhéadracha a chuardach i roinnt córas faisnéise de chuid an Aontais Eorpaigh chun críocha tacú leis an stóras coiteann sonraí céannachta agus leis an mbrathadóir ilchéannachtaí agus le cuspóirí EES, VIS, Eurodac, SIS agus [an chórais ECRIS-TCN].

2.Is é a bheidh sa tseirbhís chomhroinnte meaitseála sonraí bithmhéadracha:

(a)bonneagar lárnach, lena náirítear inneall cuardaigh agus ionad stórála na sonraí dá dtagraítear in Airteagal 13;

(b)bonneagar cumarsáide slán idir an tseirbhís chomhroinnte meaitseála sonraí bithmhéadracha, SIS Láir agus an stóras coiteann sonraí céannachta.

3.Is é eu-LISA a fhorbróidh an tseirbhís chomhroinnte meaitseála sonraí bithmhéadracha agus a áiritheoidh bainistiú teicniúil na seirbhíse.

Airteagal 13

Sonraí a stóráiltear sa tseirbhís chomhroinnte meaitseála sonraí bithmhéadracha

1.Stórálfar sa tseirbhís chomhroinnte meaitseála sonraí bithmhéadracha na teimpléid bhithmhéadracha a gheofar ó na sonraí bithmhéadracha seo a leanas:

(a)na sonraí dá dtagraítear in Airteagal 16(1)(d) agus Airteagal 17(1)(b) agus (c) de Rialachán (AE) 2017/2226;

(b)na sonraí dá dtagraítear in Airteagal 9(6) de Rialachán (CE) Uimh. 767/2008;

(c)[na sonraí dá dtagraítear in Airteagal 20(2)(w) agus (x) de Rialachán SIS i réimse na seiceálacha teorann;

(d)na sonraí dá dtagraítear in Airteagal 20(3)(w) agus (x) de Rialachán SIS i réimse fhorfheidhmiú an dlí;

(e)na sonraí dá dtagraítear in Airteagal 4(3)(t) agus (u) de Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais];

(f)[na sonraí á dtagraítear in Airteagal 13(a) de Rialachán Eurodac;]

(g)[na sonraí dá dtagraítear in Airteagal 5(1)(b) agus Airteagal 5(2) de Rialachán ECRIS-TCN.]

2.Beidh i ngach teimpléad bithmhéadrach atá sa tseirbhís chomhroinnte meaitseála sonraí bithmhéadracha tagairt do na córais faisnéise ina stóráiltear na sonraí bithmhéadracha comhfhreagracha.

3.Ní iontrálfar teimpléid bhithmhéadracha sa tseirbhís chomhroinnte meaitseála sonraí bithmhéadracha go dtí go ndéanfar seiceáil uathoibrithe cháilíochta ar na sonraí bithmhéadracha a cuireadh le ceann de na córais faisnéise, seiceáil a dhéanann an tseirbhís chomhroinnte meaitseála sonraí bithmhéadracha chun a dhearbhú go gcomhlíontar íoschaighdeán cáilíochta sonraí.

4.Maidir le stóráil na sonraí dá dtagraítear i mír 1, comhlíonfaidh sé na caighdeáin cháilíochta dá dtagraítear in Airteagal 37(2).

Airteagal 14

Sonraí bithmhéadracha a chuardach leis an tseirbhís chomhroinnte meaitseála sonraí bithmhéadracha

Chun na sonraí bithmhéadracha a stóráiltear sa stóras coiteann sonraí céannachta agus in SIS a chuardach, úsáidfidh an stóras coiteann sonraí céannachta agus SIS na teimpléid bhithmhéadracha a stóráiltear sa tseirbhís chomhroinnte meaitseála sonraí bithmhéadracha. Déanfar cuardaigh le sonraí bithmhéadracha i gcomhréir leis na cuspóirí dá bhforáiltear sa Rialachán seo agus i Rialachán EES, Rialachán VIS, Rialachán Eurodac, [Rialacháin SIS] agus [Rialachán ECRIS-TCN].

Airteagal 15

Sonraí a choinneáil sa tseirbhís chomhroinnte meaitseála sonraí bithmhéadracha

Stórálfar na sonraí dá dtagraítear in Airteagal 13 sa tseirbhís chomhroinnte meaitseála sonraí bithmhéadracha fad is a stórálfar na sonraí bithmhéadracha comhfhreagracha sa stóras coiteann sonraí céannachta nó in SIS.

Airteagal 16

Logaí a choinneáil

1.Gan dochar d'[Airteagal 39 de Rialachán Eurodac], [Airteagal 12 agus Airteagal 18 de Rialachán SIS i réimse fhorfheidhmiú an dlí] agus [Airteagal 29 de Rialachán ECRIS-TCN], coinneoidh eu-LISA logaí de na hoibríochtaí próiseála sonraí uile laistigh den tseirbhís chomhroinnte meaitseála sonraí bithmhéadracha. Áiritheofar sna logaí sin, go háirithe, an méid seo a leanas:

(a)stair chruthú agus stóráil na dteimpléad bithmhéadrach;

(b)tagairt do chórais faisnéise an Aontais Eorpaigh a cuardaíodh leis na teimpléid bhithmhéadracha a stóráiltear sa tseirbhís chomhroinnte meaitseála sonraí bithmhéadracha;

(c)dáta agus am an chuardaigh;

(d)na cineálacha sonraí bithmhéadracha arna núsáid chun an cuardach a sheoladh;

(e)fad an chuardaigh;

(f)torthaí an chuardaigh agus dáta agus am an toraidh;

(g)i gcomhréir leis na rialacha náisiúnta nó le Rialachán (AE) 2016/794 nó, i gcás inarb infheidhme, le Rialachán (AE) 45/2001, marc aitheantais an duine a rinne an cuardach.

2.Ní fhéadfar na logaí a úsáid ach chun faireachán a dhéanamh ar chosaint sonraí, lena náirítear seiceáil a dhéanamh ar inghlacthacht cuardaigh agus ar dhleathacht próiseála sonraí, agus chun slándáil sonraí a áirithiú de bhun Airteagal 42. Úsáidfear bearta iomchuí chun na logaí sin a chosaint ar rochtain neamhúdaraithe, agus scriosfar iad bliain amháin tar éis a gcruthaithe, mura mbeidh siad ag teastáil le haghaidh nósanna imeachta faireacháin a bhfuil tús curtha leo cheana féin. Scriosfar na logaí dá dtagraítear i mír 1(a) a luaithe agus a scriosfar na sonraí.

CAIBIDIL IV
Stóras Coiteann Sonraí Céannachta

Airteagal 17

Stóras coiteann sonraí céannachta

1.Bunaítear stóras coiteann sonraí céannachta, lena gcruthaítear sainchomhad le haghaidh gach duine atá taifeadta in EES, VIS, [ETIAS], Eurodac nó [sa chóras ECRIS-TCN] ina bhfuil na sonraí dá dtagraítear in Airteagal 18, é chun críche cuidiú le ceart-sainaithint daoine atá cláraithe in EES, VIS, [ETIAS], Eurodac nó [sa chóras ECRIS-TCN] agus chun an tsainaithint sin a éascú, chun tacú le feidhmiú an bhrathadóra ilchéannachtaí agus chun rochtain na núdarás forfheidhmithe dlí ar chórais faisnéise nach ndéantar an dlí a fhorfheidhmiú leo a éascú agus a chuíchóiriú ar leibhéal an Aontais, i gcás inar gá chun coireacht thromchúiseach a chosc, a imscrúdú, a bhrath nó a ionchúiseamh.

2.Is é a bheidh sa stóras coiteann sonraí céannachta:

(a)bonneagar lárnach a chuirfear in áit lárchórais EES, VIS, [ETIAS], Eurodac agus [an chórais ECRIS-TCN] sa mhéid agus go stórálfar ann na sonraí dá dtagraítear in Airteagal 18;

(b)bealach cumarsáide slán idir an stóras coiteann sonraí céannachta, na Ballstáit agus comhlachtaí an Aontais Eorpaigh atá i dteideal an tairseach cuardaigh Eorpach a úsáid i gcomhréir le dlí an Aontais;

(c)bonneagar cumarsáide slán idir an stóras coiteann sonraí céannachta agus EES, ETIAS, VIS, Eurodac agus [an córas ECRIS-TCN] agus bonneagair lárnacha na tairsí cuardaigh Eorpaí, an tseirbhís chomhroinnte meaitseála sonraí bithmhéadracha agus an brathadóir ilchéannachtaí.

3.Is é eu-LISA a fhorbróidh an stóras coiteann sonraí céannachta agus a áiritheoidh bainistiú teicniúil an stórais.

Airteagal 18

Na sonraí atá sa stóras coiteann sonraí céannachta

1.Stórálfar sa stóras coiteann sonraí céannachta na sonraí seo a leanas – a ndéanfar a scaradh go loighciúil – de réir an chórais faisnéise ónar tháinig na sonraí:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)[na sonraí dá dtagraítear in Airteagal 13(a) go (e), (g) agus (h) de [Rialachán Eurodac;]

(e)[na sonraí dá dtagraítear in Airteagal 5(1)(b) agus Airteagal 5(2) agus sna sonraí seo a leanas in Airteagal 5(1)(a) de Rialachán ECRIS-TCN: sloinne (ainm an teaghlaigh); céadainm (céadainmneacha) (ainm (ainmneacha) baiste); inscne; dáta breithe; áit agus tír bhreithe; náisiúntacht nó náisiúntachtaí; inscne agus más infheidhme ainmneacha roimhe sin, ainm (ainmneacha) bréige agus/nó ainm (ainmneacha) ailias.]

2.I gcás gach tacair sonraí dá dtagraítear i mír 1, beidh san áireamh sa stóras coiteann sonraí céannachta tagairt do na córais faisnéise lena mbaineann na sonraí.

3.Maidir le stóráil na sonraí dá dtagraítear i mír 1, comhlíonfaidh sé na caighdeáin cháilíochta dá dtagraítear in Airteagal 37(2).

Airteagal 19

Cur leis na sonraí sa stóras coiteann sonraí céannachta, iad a leasú agus iad a scriosadh

1.I gcás ina gcuirfear leis na sonraí nó ina ndéanfar iad a leasú nó a scriosadh in Eurodac nó [sa chóras ECRIS-TCN], cuirfear go huathoibríoch leis na sonraí dá dtagraítear in Airteagal 18 a stóráiltear i sainchomhad an stórais choitinn sonraí céannachta nó déanfar iad a leasú nó a scriosadh dá réir sin.

2.I gcás ina gcruthóidh an brathadóir ilchéannachtaí nasc bán nó nasc dearg i gcomhréir le hAirteagal 32 nó Airteagal 33 idir sonraí dhá cheann nó níos mó de chórais faisnéise an Aontais Eorpaigh atá mar chuid den stóras coiteann sonraí céannachta, seachas sainchomhad nua a chruthú, cuirfidh an stóras coiteann sonraí céannachta na sonraí nua le sainchomhad na sonraí nasctha.

       Airteagal 20

Rochtain ar an stóras coiteann sonraí céannachta chun críocha sainaithint a dhéanamh

1.I gcás ina dtabharfar an chumhacht, trí bhíthin bearta reachtacha náisiúnta mar a thagraítear dóibh i mír 2, d'údarás póilíneachta Ballstáit chuige sin, féadfaidh an túdarás sin, chun críche duine a shainaithint agus chun na críche sin amháin, an stóras coiteann sonraí céannachta a chuardach le sonraí bithmhéadracha an duine arna nglacadh le linn seiceáil chéannachta.

I gcás ina léireoidh an cuardach go bhfuil sonraí an duine sin stóráilte sa stóras coiteann sonraí céannachta, beidh rochtain ag údarás na mBallstát ar na sonraí dá dtagraítear in Airteagal 18(1) lena gceadú.

I gcás nach féidir sonraí bithmhéadracha an duine a úsáid nó i gcás ina dteipfidh ar an gcuardach leis na sonraí sin, déanfar an cuardach le sonraí céannachta an duine i dteannta shonraí an doiciméid taistil, nó na sonraí céannachta a sholáthraíonn an duine sin.

2.Na Ballstáit ar mian leo an deis a thapú dá bhforáiltear san Airteagal seo, glacfaidh siad bearta reachtacha náisiúnta. Sonrófar sna bearta reachtacha sin cuspóirí sonracha na seiceálacha céannachta de réir na gcuspóirí dá dtagraítear in Airteagal 2(1)(b) agus (c). Ainmneofar iontu na húdaráis phóilíneachta is inniúil agus leagfar síos iontu nósanna imeachta, coinníollacha agus critéir na seiceálacha sin.

Airteagal 21

Rochtain ar an stóras coiteann sonraí céannachta chun críocha iliomad céannachtaí a bhrath

1.I gcás ina mbeidh de thoradh ar an stóras coiteann sonraí céannachta a chuardach nasc buí i gcomhréir le hAirteagal 28(4), beidh rochtain ag an údarás atá freagrach as na céannachtaí éagsúla arna gcinneadh i gcomhréir le hAirteagal 29 a fhíorú, beidh rochtain aige ar na sonraí céannachta ata stóráilte sa stóras coiteann sonraí céannachta a bhaineann leis na córais faisnéise éagsúla atá nasctha le nasc buí, chun críche an fhíoraithe sin agus chun na críche sin amháin.

2.I gcás ina mbeidh de thoradh ar an stóras coiteann sonraí céannachta a chuardach nasc dearg i gcomhréir le hAirteagal 32, beidh rochtain ag na húdaráis dá dtagraítear in Airteagal 26(2) ar na sonraí céannachta atá stóráilte sa stóras coiteann sonraí céannachta a bhaineann leis na córais faisnéise éagsúla atá nasctha le nasc dearg, chun críche an fhíoraithe sin agus chun na críche sin amháin.

Airteagal 22

An stóras coiteann sonraí céannachta a chuardach chun críocha fhorfheidhmiú an dlí

1.Chun críocha cionta sceimhlitheoireachta nó cionta coiriúla tromchúiseacha eile a chosc, a bhrath agus a imscrúdú i gcás ar leith agus d'fhonn a fháil amach an bhfuil sonraí faoi dhuine ar leith in Eurodac, féadfaidh údaráis ainmnithe na mBallstát agus Europol an stóras coiteann sonraí céannachta a cheadú.

2.Ní bheidh údaráis ainmnithe an Bhallstáit ná Europol i dteideal na sonraí a bhaineann leis [an gcóras ECRIS-TCN] a cheadú nuair atá an stóras coiteann sonraí céannachta á cheadú acu chun na gcríoch a liostaítear i mír 1.

3.Más rud é, mar thoradh ar chuardach, go léiríonn an stóras coiteann sonraí céannachta go bhfuil sonraí faoin duine sin in Eurodac, tabharfaidh an stóras coiteann sonraí céannachta freagra d'údaráis ainmnithe na mBallstát agus Europol i bhfoirm tagairt ina léireofar cé acu de na córais faisnéise ina bhfuil na sonraí comhfhreagracha dá dtagraítear in Airteagal 18(2). An freagra a thiocfaidh ón stóras coiteann sonraí céannachta ní sháróidh sé slándáil na sonraí sin.

4.Maidir le rochtain iomlán ar na sonraí atá i gcórais faisnéise an Aontais Eorpaigh chun críocha cionta sceimhlitheoireachta nó cionta coiriúla tromchúiseacha a chosc, a bhrath agus a imscrúdú, leanfaidh an rochtain sin de bheith faoi réir na gcoinníollacha agus na nósanna imeachta a leagtar síos sna hionstraimí reachtacha ábhartha lena rialaítear an rochtain sin.

Airteagal 23

Sonraí a choinneáil sa stóras coiteann sonraí céannachta

1.Scriosfar na sonraí dá dtagraítear in Airteagal 18(1) agus (2) ón stóras coiteann sonraí céannachta i gcomhréir le forálacha [Rialachán Eurodac] agus [Rialachán ECRIS-TCN] maidir le coinneáil sonraí.

2.Stórálfar an sainchomhad sa stóras coiteann sonraí céannachta fad is a stórálfar na sonraí comhfhreagracha i gceann amháin ar a laghad de na córais faisnéise a bhfuil a shonraí sa stóras coiteann sonraí céannachta. Ní dhéanfaidh cruthú naisc aon difear do thréimhse coinneála gach píosa ar leith de na sonraí nasctha.

Airteagal 24

Logaí a choinneáil

1.Gan dochar d'[Airteagal 39 de Rialachán Eurodac] agus [Airteagal 29 de Rialachán ECRIS-TCN], coinneoidh eu-LISA logaí de na hoibríochtaí próiseála sonraí uile laistigh den stóras coiteann sonraí céannachta i gcomhréir le mír 2, mír 3 agus mír 4.

2.Maidir le haon chineál rochtana ar an stóras coiteann sonraí céannachta de bhun Airteagal 20, coinneoidh eu-LISA logaí de na hoibríochtaí próiseála sonraí uile laistigh den stóras coiteann sonraí céannachta. Áireofar sna logaí sin, go háirithe, an méid seo a leanas:

(a)cuspóir rochtana an úsáideora atá ag cuardach leis an stóras coiteann sonraí céannachta;

(b)dáta agus am an chuardaigh;

(c)na cineálacha sonraí arna núsáid chun an cuardach a sheoladh;

(d)torthaí an chuardaigh;

(e)i gcomhréir leis na rialacha náisiúnta nó le Rialachán (AE) 2016/794 nó, i gcás inarb infheidhme, le Rialachán (AE) 45/2001, marc aitheantais an duine a rinne an cuardach.

3.Maidir le rochtain ar bith ar an stóras coiteann sonraí céannachta de bhun Airteagal 21, coinneoidh eu-LISA logaí de na hoibríochtaí próiseála sonraí uile laistigh den stóras coiteann sonraí céannachta. Áireofar sna logaí sin, go háirithe, an méid seo a leanas:

(a)cuspóir rochtana an úsáideora atá ag cuardach leis an stóras coiteann sonraí céannachta;

(b)dáta agus am an chuardaigh;

(c)i gcás inarb ábhartha, na cineálacha sonraí arna núsáid chun an cuardach a sheoladh;

(d)i gcás inarb ábhartha, torthaí an chuardaigh;

(e)i gcomhréir leis na rialacha náisiúnta nó le Rialachán (AE) 2016/794 nó, i gcás inarb infheidhme, le Rialachán (AE) 45/2001, marc aitheantais an duine a rinne an cuardach.

4.Maidir le haon chineál rochtana ar an stóras coiteann sonraí céannachta de bhun Airteagal 22, coinneoidh eu-LISA logaí de na hoibríochtaí próiseála sonraí uile laistigh den stóras coiteann sonraí céannachta. Áireofar sna logaí sin, go háirithe, an méid seo a leanas:

(a)tagairt an chomhaid náisiúnta;

(b)dáta agus am an chuardaigh;

(c)na cineálacha sonraí arna núsáid chun an cuardach a sheoladh;

(d)torthaí an chuardaigh;

(e)ainm an údaráis atá ag cuardach an stórais choitinn sonraí céannachta;

(f)i gcomhréir leis na rialacha náisiúnta nó le Rialachán (AE) 2016/794 nó, i gcás inarb infheidhme, le Rialachán (AE) 45/2001, marc aitheantais an duine a rinne an cuardach agus an toifigeach a d'ordaigh an cuardach.

Fíoróidh an túdarás maoirseachta inniúil arna bhunú i gcomhréir le hAirteagal 51 de Rialachán (AE) 2016/679 nó i gcomhréir le hAirteagal 41 de Threoir 2016/680, fíoróidh sé na logaí maidir leis an gcineál rochtana sin go rialta gach sé mhí ar a laghad, chun a fhíorú go gcomhlíontar na nósanna imeachta agus na coinníollacha a leagtar amach in Airteagal 22(1) go (3).

5.Coinneoidh gach Ballstát logaí de chuardaigh na foirne atá cuí-údaraithe an stóras coiteann sonraí céannachta a úsáid de bhun Airteagal 20, Airteagal 21 agus Airteagal 22.

6.Ní fhéadfar na logaí dá dtagraítear i mír 1 agus i mír 5 a úsáid ach chun faireachán a dhéanamh ar chosaint sonraí, lena náirítear seiceáil a dhéanamh ar inghlacthacht iarrata agus ar dhleathacht próiseála sonraí, agus chun slándáil sonraí a áirithiú de bhun Airteagal 42. Úsáidfear bearta iomchuí chun na logaí sin a chosaint ar rochtain neamhúdaraithe, agus scriosfar iad bliain amháin tar éis a gcruthaithe, mura mbeidh siad ag teastáil le haghaidh nósanna imeachta faireacháin a bhfuil tús curtha leo cheana féin.

7.Stórálfaidh eu-LISA na logaí a bhaineann le stair na sonraí i sainchomhad, chun na gcríoch a shainmhínítear i mír 6. Scriosfar na logaí a bhaineann le stair na sonraí stóráilte a luaithe agus a scriosfar na sonraí.

CAIBIDIL V
An Brathadóir ilchéannachtaí

Airteagal 25

An brathadóir ilchéannachtaí

1.An brathadóir ilchéannachtaí lena gcruthaítear agus lena stóráiltear naisc idir na sonraí i gcórais faisnéise an Aontais Eorpaigh atá freisin sa stóras coiteann sonraí céannachta agus in SIS agus a bhraitheann iliomad céannachtaí ar an gcaoi sin, agus ag a bhfuil an dá chuspóir seiceálacha céannachta a éascú agus calaois chéannachta a chomhrac, bunaítear é chun críche tacú le feidhmiú an stórais choitinn sonraí céannachta agus le cuspóirí EES, VIS, ETIAS, Eurodac, SIS agus [an chórais ECRIS-TCN].

2.Is é a bheidh sa bhrathadóir ilchéannachtaí:

(a)bonneagar lárnach ina stórálfar naisc agus tagairtí do na córais faisnéise;

(b)bonneagar cumarsáide slán chun an brathadóir ilchéannachtaí a nascadh le SIS agus le bonneagair lárnacha na tairsí cuardaigh Eorpaí agus leis an stóras coiteann sonraí céannachta.

3.Is é eu-LISA a fhorbróidh an brathadóir ilchéannachtaí agus a áiritheoidh bainistiú teicniúil an bhrathadóra.

Airteagal 26

Rochtain ar an mbrathadóir ilchéannachtaí

1.Chun críocha an fhíoraithe céannachta de láimh dá dtagraítear in Airteagal 29, tabharfar rochtain ar na sonraí dá dtagraítear in Airteagal 34 atá stóráilte sa bhrathadóir ilchéannachtaí dóibh seo a leanas:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)na húdaráis is inniúil chun iarratas ar chosaint idirnáisiúnta a mheasúnú dá bhforáiltear i Rialachán Eurodac nuair a dhéantar iarratas nua ar chosaint idirnáisiúnta a mheasúnú;

(e)oifigí SIRENE den Bhallstát a chruthaíonn [Rialachán SIS i réimse fhorfheidhmiú an dlí nó Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais];

(f)[údaráis láir an Bhallstáit chiontaithigh nuair a dhéanann siad sonraí a thaifeadadh nó a nuashonrú sa chóras ECRIS-TCN, i gcomhréir le hAirteagal 5 de Rialachán ECRIS-TCN.]

2.Údaráis na mBallstát agus comhlachtaí an Aontais a bhfuil rochtain acu ar chóras faisnéise amháin de chuid an Aontais Eorpaigh ar a laghad atá sa stóras coiteann sonraí céannachta nó in SIS, beidh rochtain acu ar na sonraí dá dtagraítear in Airteagal 34(a) agus (b) maidir le nasc dearg ar bith dá dtagraítear in Airteagal 32.

Airteagal 27

Ilchéannachtaí a bhrath

1.Déanfar ilchéannachtaí sa stóras coiteann sonraí céannachta agus in SIS a bhrath más rud é:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)[go ndéantar iarratas ar chosaint idirnáisiúnta a chruthú nó a nuashonrú in Eurodac i gcomhréir le hAirteagal 10 de Rialachán Eurodac];

(e)[go ndéantar foláireamh i leith duine a chruthú nó a nuashonrú in SIS i gcomhréir le Caibidlí VI, VII, VIII agus IX de Rialachán SIS i réimse fhorfheidhmiú an dlí agus i gcomhréir le hAirteagal 3 de Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais;

(f)[go ndéantar taifead sonraí a chruthú nó a nuashonrú sa chóras ECRIS-TCN i gcomhréir le hAirteagal 5 de Rialachán ECRIS-TCN].

2.I gcás ina mbeidh sonraí bithmhéadracha mar chuid de na sonraí atá i gcóras faisnéise mar a thagraítear dó i mír 1, úsáidfidh an stóras coiteann sonraí céannachta agus SIS Láir an tseirbhís chomhroinnte meaitseála sonraí bithmhéadracha chun an brath ilchéannachtaí a dhéanamh. Cuirfidh an tseirbhís chomhroinnte meaitseála sonraí bithmhéadracha na teimpléid a fhaightear ó aon sonraí bithmhéadracha nua i gcomparáid leis na teimpléid bhithmhéadracha atá sa tseirbhís chomhroinnte meaitseála sonraí bithmhéadracha cheana chun a fhíorú cibé acu atá na sonraí a bhaineann leis an náisiúnach tríú tír céanna stóráilte cheana sa stóras coiteann sonraí céannachta nó in SIS Láir nó nach bhfuil.

3.I dteannta an phróisis dá dtagraítear i mír 2, úsáidfidh an stóras coiteann sonraí céannachta agus SIS Láir an tairseach cuardaigh Eorpach chun na sonraí a chuardach atá stóráilte sa stóras coiteann sonraí céannachta agus in SIS Láir tríd na sonraí seo a leanas a úsáid:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)[sloinne (sloinnte); céadainm (céadainmneacha); ainm (ainmneacha) breithe, ainmneacha a úsáideadh roimhe agus aon ailiasanna; dáta breithe, áit bhreithe, náisiúntacht (náisiúntachtaí) agus inscne dá dtagraítear in Airteagal 12 de Rialachán Eurodac];

(e)– (ní bhaineann le hábhar);

(f)[sloinne (sloinnte); céadainm (céadainmneacha); ainm (ainmneacha) breithe, ainmneacha a úsáideadh roimhe agus aon ailiasanna; dáta breithe, áit bhreithe, náisiúntacht (náisiúntachtaí) agus inscne dá dtagraítear in Airteagal 20(3)(a) de [Rialachán SIS i réimse fhorfheidhmiú an dlí;]

(g)[sloinne (sloinnte); céadainm (céadainmneacha); ainm (ainmneacha) breithe, ainmneacha a úsáideadh roimhe agus aon ailiasanna; dáta breithe, áit bhreithe, náisiúntacht (náisiúntachtaí) agus inscne dá dtagraítear in Airteagal 4 de [Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais;]

(h)[sloinne (ainm teaghlaigh); céadainm (céadainmneacha) (ainm (ainmneacha) baiste); dáta breithe, áit bhreithe, náisiúntacht (náisiúntachtaí) agus inscne dá dtagraítear in Airteagal 5(1)(a) de Rialachán ECRIS-TCN.]

4.Ní sheolfar an brath ilchéannachtaí ach chun sonraí atá ar fáil i gcóras faisnéise amháin a chur i gcomparáid le sonraí atá ar fáil i gcórais faisnéise eile.

Airteagal 28
Torthaí an bhraith ilchéannachtaí

1.I gcás nach bhfaighfear amas mar thoradh ar na cuardaigh dá dtagraítear in Airteagal 27(2) agus (3), leanfar de na nósanna imeachta dá dtagraítear in Airteagal 27(1) i gcomhréir leis na Rialacháin ábhartha arna rialú.

2.I gcás ina bhfaighfear amas amháin nó iliomad amas mar thoradh ar an gcuardach dá dtagraítear in Airteagal 27(2) agus (3), cruthóidh an stóras coiteann sonraí céannachta agus, i gcás inarb ábhartha, SIS nasc idir na sonraí a úsáideadh chun an cuardach a sheoladh agus na sonraí a thionscain an tamas.

I gcas ina bhfaighfear iliomad amas, cruthófar nasc idir na sonraí ar fad a thionscain amas. Más rud é go raibh na sonraí nasctha cheana, cuimseofar sa nasc atá ann cheana na sonraí a úsáideadh chun an cuardach a sheoladh.

3.I gcás ina bhfaighfear amas amháin nó iliomad amas mar thoradh ar an gcuardach dá dtagraítear in Airteagal 27(2) nó (3) agus ina mbeidh sonraí céannachtaí na gcomhad nasctha comhionann nó cosúil, cruthófar nasc bán i gcomhréir le hAirteagal 33.

4.I gcás ina bhfaighfear amas amháin nó iliomad amas mar thoradh ar an gcuardach dá dtagraítear in Airteagal 27(2) nó (3) agus nach féidir a mheas go bhfuil sonraí céannachta na gcomhad nasctha cosúil, cruthófar nasc buí i gcomhréir le hAirteagal 30 agus beidh feidhm leis an nós imeachta dá dtagraítear in Airteagal 29.

5.Leagfaidh an Coimisiún síos i ngníomhartha cur chun feidhme na nósanna imeachta chun na cásanna a chinneadh ina bhféadfar a mheas go bhfuil na sonraí céannachta comhionann nó cosúil. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

6.Stórálfar na naisc sa chomhad um dheimhniú céannachta dá dtagraítear in Airteagal 34.

Leagfaidh an Coimisiún síos i ngníomhartha cur chun feidhme na rialacha teicniúla maidir le sonraí ó chórais faisnéise éagsúla a nascadh. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

Airteagal 29
Céannachtaí éagsúla a fhíorú de láimh

1.Gan dochar do mhír 2, is é an túdarás a bheidh freagrach as céannachtaí éagsúla a fhíorú:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)an túdarás a dhéanann iarratas ar chosaint idirnáisiúnta a mheasúnú dá bhforáiltear i Rialachán Eurodac i leith amais a tionscnaíodh nuair a bhí an tiarratas sin á mheasúnú;

(e)oifigí SIRENE den Bhallstát i leith amais a tionscnaíodh nuair a bhí foláireamh SIS á chruthú i gcomhréir le [Rialachán SIS i réimse fhorfheidhmiú an dlí agus Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais];

(f)údaráis láir an Bhallstáit chiontaithigh i leith amais a tionscnaíodh nuair a bhí siad ag taifeadadh nó ag nuashonrú sonraí sa chóras ECRIS-TCN i gcomhréir le hAirteagal 5 de [Rialachán ECRIS-TCN.]

Léireoidh an brathadóir ilchéannachtaí sa chomhad um fhíorú céannachta cén túdarás a bheidh freagrach as na céannachtaí éagsúla a fhíorú.

2.Is é oifig SIRENE an Bhallstáit a chruthaigh an foláireamh an túdarás a bheidh freagrach as céannachtaí éagsúla a fhíorú sa chomhad um dheimhniú céannachta i gcás ina gcruthófar nasc le sonraí atá le fáil:

(a)i bhfoláireamh i dtaca le daoine a bhfuiltear sa tóir orthu lena ngabháil chun críoch tabhairt suas nó chun críoch eiseachadta dá dtagraítear in Airteagal 26 de [Rialachán SIS i réimse fhorfheidhmiú an dlí];

(b)i bhfoláireamh i dtaca le daoine atá ar iarraidh nó daoine leochaileacha mar a thagraítear dóibh in Airteagal 32 de [Rialachán SIS i réimse fhorfheidhmiú an dlí];

(c)i bhfoláireamh i dtaca le daoine atáthar a lorg chun cabhrú le nós imeachta breithiúnach mar a thagraítear dó in Airteagal 34 de [Rialachán SIS i réimse fhorfheidhmiú an dlí];

(d)[i bhfoláireamh i dtaca le filleadh i gcomhréir le Rialachán SIS sa réimse maidir le náisiúnaigh tríú tír atá ag fanacht go neamhdhleathach a chur ar ais];

(e)i bhfoláireamh i dtaca le daoine atá faoi réir seiceálacha discréideacha, seiceálacha fiosrúcháin nó seiceálacha sonracha mar a thagraítear dóibh in Airteagal 36 de [Rialachán SIS i réimse fhorfheidhmiú an dlí];

(f)i bhfoláireamh i dtaca le daoine anaithnide a bhfuiltear sa tóir orthu lena sainaithint de réir an dlí náisiúnta agus cuardach le sonraí bithmhéadracha dá dtagraítear in Airteagal 40 de [Rialachán SIS i réimse fhorfheidhmiú an dlí];

3.Gan dochar do mhír 4, beidh ag an údarás a bheidh freagrach as céannachtaí éagsúla a fhíorú rochtain ar na sonraí gaolmhara atá sa chomhad um dheimhniú comhréireachta ábhartha agus ar na sonraí céannachta nasctha atá sa stóras coiteann sonraí céannachta agus, i gcás inarb ábhartha, in SIS, agus déanfaidh sé na céannachtaí éagsúla a mheas agus nuashonróidh sé an nasc i gcomhréir le hAirteagal 31, Airteagal 32 agus Airteagal 33 agus cuirfidh sé leis an gcomhad um dheimhniú céannachta é gan mhoill.

4.– (ní bhaineann le hábhar).

5.I gcás ina bhfaighfear níos mó ná nasc amháin, déanfaidh an túdarás atá freagrach as céannachtaí éagsúla a fhíorú gach nasc a mheas ina cheann agus ina cheann.

6.I gcás ina mbeidh na sonraí a bhfuarthas amas dóibh nasctha cheana, cuirfidh an túdarás atá freagrach as céannachtaí éagsúla a fhíorú san áireamh na naisc atá ann cheana nuair a bheidh sé ag déanamh a mheas ar naisc nua a chruthú.

Airteagal 30

Nasc buí

1.Déanfar nasc idir sonraí ó dhá chóras faisnéise nó níos mó a aicmiú mar nasc buí más rud é:

(a)go mbeidh na sonraí bithmhéadracha céanna ach sonraí céannachta éagsúla ag na sonraí nasctha, agus nach mbeidh céannacht éagsúil fíoraithe de láimh;

(b)go mbeidh sonraí céannachta éagsúla ag na sonraí nasctha, agus nach mbeidh céannacht éagsúil fíoraithe de láimh.

2.I gcás ina ndéanfar nasc a aicmiú mar nasc buí i gcomhréir le mír 1, beidh feidhm leis an nós imeachta a leagtar síos in Airteagal 29.

Airteagal 31

Nasc uaine

1.Déanfar nasc idir sonraí ó dhá chóras faisnéise nó níos mó a aicmiú mar nasc uaine más rud é nach mbeidh na sonraí bithmhéadracha céanna ach go mbeidh sonraí céannachta cosúla ag na sonraí nasctha, agus gurb é conclúid an údaráis atá freagrach as céannachtaí éagsúla a fhíorú gur ag tagairt do bheirt éagsúla atá na sonraí.

2.I gcás ina ndéanfar cuardach sa stóras coiteann sonraí céannachta nó in SIS agus ina mbeidh nasc uaine idir sonraí dhá cheann nó níos mó de na córais faisnéise atá mar chuid den stóras coiteann sonraí céannachta, nó le SIS, léireoidh an brathadóir ilchéannachtaí nach mbaineann sonraí céannachta na sonraí nasctha leis an duine céanna. Tiocfaidh freagra ón gcóras faisnéise a ndearnadh an cuardach ann a léireoidh sonraí an duine ar úsáideadh a shonraí don chuardach, agus sonraí an duine sin amháin, gan amas a thionscnamh i leith na sonraí a bhfuil nasc uaine eatarthu.

Airteagal 32

Nasc dearg

1.Déanfar nasc idir sonraí ó dhá chóras faisnéise nó níos mó a aicmiú mar nasc dearg más rud é:

(a)go mbeidh na sonraí bithmhéadracha céanna ach sonraí céannachta éagsúla ag na sonraí nasctha, agus gurb é conclúid an údaráis atá freagrach as céannachtaí éagsúla a fhíorú gur ag tagairt go neamhdhleathach don duine céanna atá siad;

(b)go mbeidh na sonraí bithmhéadracha céanna ag na sonraí nasctha agus gurb é conclúid an údaráis atá freagrach as céannachtaí éagsúla a fhíorú gur ag tagairt go neamhdhleathach don duine céanna atá siad.

2.I gcás ina ndéanfar cuardach sa stóras coiteann sonraí céannachta nó in SIS agus ina mbeidh nasc dearg idir dhá cheann nó níos mó de na córais faisnéise atá mar chuid den stóras coiteann sonraí céannachta, nó le SIS, tabharfaidh an brathadóir ilchéannachtaí freagra a léiríonn na sonraí dá dtagraítear in Airteagal 34. Aon bheart a dhéanfar tar éis nasc dearg a shuí, déanfar i gcomhréir le dlí an Aontais agus an dlí náisiúnta é.

3.I gcás ina gcruthófar nasc dearg idir sonraí ó EES, VIS, [ETIAS], Eurodac nó [ón gcóras ECRIS-TCN], déanfar an sainchomhad atá stóráilte sa stóras coiteann sonraí céannachta a nuashonrú i gcomhréir le hAirteagal 19(1).

4.Gan dochar do na forálacha a bhaineann le láimhseáil foláireamh in SIS dá dtagraítear i [Rialachán SIS i réimse na seiceálacha teorann, Rialachán SIS i réimse fhorfheidhmiú an dlí agus i Rialachán SIS maidir le náisiúnaigh tríú tír atá ag fanacht go neamhdhleathach a chur ar ais], agus gan dochar do na srianta is gá chun an tslándáil agus an tord poiblí a chosaint, chun an choireacht a chomhrac agus chun a ráthú nach gcuirfear aon imscrúdú náisiúnta i mbaol, i gcás ina gcruthófar nasc dearg, cuirfidh an túdarás atá freagrach as céannachtaí éagsúla a fhíorú an duine ar an eolas go bhfuil ann d'iliomad céannachtaí neamhdhleathacha.

5.I gcás ina gcruthófar nasc dearg, tabharfaidh an túdarás atá freagrach as céannachtaí éagsúla a fhíorú an teolas sin do na húdaráis atá freagrach as na sonraí nasctha.

Airteagal 33

Nasc bán

1.Déanfar nasc idir sonraí ó dhá chóras faisnéise nó níos mó a aicmiú mar nasc bán más rud é:

(a)go mbeidh na sonraí bithmhéadracha céanna agus na sonraí céannachta céanna nó sonraí céannachta cosúla ag na sonraí nasctha;

(b)go mbeidh na sonraí céannachta céanna nó sonraí céannachta cosúla ag na sonraí nasctha agus i gcás ceann amháin ar a laghad de na córais faisnéise nach mbeidh sonraí bithmhéadracha faoin duine ann;

(c)go mbeidh na sonraí bithmhéadracha céanna ach sonraí céannachta éagsúla ag na sonraí nasctha, agus gurb é conclúid an údaráis atá freagrach as céannachtaí éagsúla a fhíorú gur ag tagairt don duine céanna a bhfuil sonraí céannachta éagsúla aige go dleathach atá siad;

2.I gcás ina ndéanfar cuardach sa stóras coiteann sonraí céannachta nó in SIS agus ina mbeidh nasc bán idir ceann amháin nó níos mó de na córais faisnéise atá mar chuid den stóras coiteann sonraí céannachta, nó le SIS, léireoidh an brathadóir ilchéannachtaí go mbaineann sonraí céannachta na sonraí nasctha leis an duine céanna. Tiocfaidh freagra ó na córais faisnéise a ndearnadh na cuardaigh iontu a léireoidh, i gcás inarb ábhartha, na sonraí nasctha ar fad a bhaineann leis an duine sin, agus tionscnófar amas, dá bhrí sín, i leith na sonraí a bhfuil nasc bán eatarthu, más rud é go bhfuil rochtain ag an túdarás a sheol an cuardach ar na sonraí nasctha faoi dhlí an Aontais nó faoin dlí náisiúnta.

3.I gcás ina gcruthófar nasc bán idir sonraí ó EES, VIS, [ETIAS], Eurodac nó [ón gcóras ECRIS-TCN], déanfar an sainchomhad atá stóráilte sa stóras coiteann sonraí céannachta a nuashonrú i gcomhréir le hAirteagal 19(1).

4.Gan dochar do na forálacha a bhaineann le láimhseáil foláireamh in SIS dá dtagraítear i [Rialachán SIS i réimse na seiceálacha teorann, Rialachán SIS i réimse fhorfheidhmiú an dlí agus i Rialachán SIS maidir le náisiúnaigh tríú tír atá ag fanacht go neamhdhleathach a chur ar ais], i gcás ina gcruthófar nasc bán tar éis iliomad céannachtaí a fhíorú de láimh, cuirfidh an túdarás atá freagrach as céannachtaí éagsúla a fhíorú an duine ar an eolas faoi neamhréireachtaí idir a shonraí pearsanta sna córais éagsúla, agus soláthróidh sé tagairt do na húdaráis atá freagrach as na sonraí nasctha.

Airteagal 34

Comhad um dheimhniú céannachta

Beidh sa chomhad um dheimhniú céannachta na sonraí seo a leanas:

(a)na naisc, lena náirítear tuairisc ar an dath atá luaite leo, mar a thagraítear dóibh in Airteagal 30 go hAirteagal 33;

(b)tagairt do na córais faisnéise a bhfuil a gcuid sonraí nasctha;

(c)uimhir aitheantais amháin lenar féidir sonraí a fháil ó chórais faisnéise na gcomhad nasctha comhfhreagrach;

(d)i gcás inarb ábhartha, an túdarás atá freagrach as céannachtaí éagsúla.

Airteagal 35

Sonraí a choinneáil sa bhrathadóir ilchéannachtaí

Ní stórálfar na comhaid um dheimhniú céannachta agus na sonraí atá iontu, lena náirítear na naisc, sa bhrathadóir ilchéannachtaí ach amháin fad is a stórálfar na sonraí nasctha in dhá cheann nó níos mó de chuid chórais faisnéise an Aontais Eorpaigh.

Airteagal 36

Logaí a choinneáil

1.Coinneoidh eu-LISA logaí de na hoibríochtaí próiseála sonraí uile laistigh den bhrathadóir ilchéannachtaí. Áiritheofar sna logaí sin, go háirithe, an méid seo a leanas:

(a)cuspóir rochtana an úsáideora agus a gcearta rochtana:

(b)dáta agus am an chuardaigh;

(c)na cineálacha sonraí arna núsáid chun an cuardach nó na cuardaigh a sheoladh;

(d)an tagairt do na sonraí nasctha;

(e)stair an chomhaid um dheimhniú céannachta;

(f)marc aitheantais an duine a rinne an cuardach.

2.Coinneoidh gach Ballstát logaí den fhoireann atá cuí-údaraithe an brathadóir ilchéannachtaí a úsáid.

3.Ní fhéadfar na logaí a úsáid ach chun faireachán a dhéanamh ar chosaint sonraí, lena náirítear seiceáil a dhéanamh ar inghlacthacht iarrata agus ar dhleathacht próiseála sonraí, agus chun slándáil sonraí a áirithiú de bhun Airteagal 42. Úsáidfear bearta iomchuí chun na logaí sin a chosaint ar rochtain neamhúdaraithe, agus scriosfar iad bliain amháin tar éis a gcruthaithe, mura mbeidh siad ag teastáil le haghaidh nósanna imeachta faireacháin a bhfuil tús curtha leo cheana féin. Scriosfar na logaí a bhaineann le stair an chomhaid um dheimhniú céannachta a luaithe agus a scriosfar na sonraí sa chomhad um dheimhniú céannachta.

CAIBIDIL VI
Bearta chun tacú leis an idir-inoibritheacht

Airteagal 37

Cáilíocht sonraí

1.Bunóidh eu-LISA sásraí agus nósanna imeachta uathoibrithe um rialú cáilíochta sonraí maidir le sonraí a stóráiltear in SIS, Eurodac, [sa chóras ECRIS-TCN], sa tseirbhís chomhroinnte meaitseála sonraí bithmhéadracha, sa stóras coiteann sonraí céannachta agus sa bhrathadóir ilchéannachtaí.

2.Bunóidh eu-LISA táscairí coiteanna cáilíochta sonraí agus na híoschaighdeáin cháilíochta chun sonraí a stóráil in SIS, in Eurodac, [sa chóras ECRIS-TCN], sa tseirbhís chomhroinnte meaitseála sonraí bithmhéadracha, sa stóras coiteann céannachta agus sa bhrathadóir ilchéannachtaí.

3.Cuirfidh eu-LISA tuarascálacha ar fáil go rialta maidir leis na sásraí agus na nósanna imeachta uathoibrithe um rialú cáilíochta sonraí agus na táscairí coiteanna cáilíochta sonraí do na Ballstáit. Cuirfidh eu-LISA tuarascáil ar fáil go rialta don Choimisiún freisin ina gcumhdófar na saincheisteanna a thiocfaidh chun cinn agus na Ballstáit lena mbaineann.

4.Leagfar síos i ngníomhartha cur chun feidhme mionsonraí na sásraí agus na nósanna imeachta uathoibrithe um rialú cáilíochta sonraí agus na táscairí coiteanna cáilíochta sonraí agus na híoschaighdeáin cháilíochta chun sonraí a stóráil in SIS, in Eurodac, [sa chóras ECRIS-TCN], sa tseirbhís chomhroinnte meaitseála sonraí bithmhéadracha agus sa bhrathadóir ilchéannachtaí, i dtaca le sonraí bithmhéadracha go háirithe. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

5.Bliain amháin tar éis na sásraí agus na nósanna imeachta uathoibrithe um rialú cáilíochta sonraí agus na táscairí coiteanna cáilíochta sonraí a bhunú agus gach bliain ina dhiaidh sin, déanfaidh an Coimisiún meastóireacht ar chur chun feidhme cáilíochta sonraí ag na Ballstáit agus déanfaidh sé aon mholtaí is gá. Cuirfidh na Ballstáit plean gníomhaíochta ar fáil don Choimisiún chun aon easnaimh a shainaithneofar sa tuarascáil mheastóireachta a leigheas agus tabharfaidh sé tuairisc ar aon dul chun cinn atá déanta i dtaca leis an bplean gníomhaíochta sin nó go gcuirfear chun feidhme go hiomlán é. Cuirfidh an Coimisiún an tuarascáil mheastóireachta faoi bhráid Pharlaimint na hEorpa, chuig an gComhairle, chuig an Maoirseoir Eorpach ar Chosaint Sonraí agus chuig Gníomhaireacht an Aontais Eorpaigh um Chearta Bunúsacha arna bunú le Rialachán (AE) Uimh. 168/2007 ón gComhairle 64 .

Airteagal 38

An Fhormáid Uilíoch Teachtaireachta

1.Bunaítear leis seo caighdeán na Formáide Uilíche Teachtaireachta. Sainmhínítear leis an bhFormáid Uilíoch Teachtaireachta caighdeáin do ghnéithe inneachair áirithe de mhalartú faisnéise trasteorann idir córais faisnéise, údaráis agus/nó eagraíochtaí i réimse an cheartais agus na ngnóthaí baile.

2.Bainfear úsáid as caighdeán na Formáide Uilíche Teachtaireachta nuair atá [Eurodac], an [córas ECRIS-TCN], an tairseach cuardaigh Eorpach, an stóras coiteann sonraí céannachta agus an brathadóir ilchéannachtaí á bhforbairt agus, i gcás inarb iomchuí, i bhforbairt samhlacha malartaithe faisnéise nua agus córais faisnéise i réimse an cheartais agus na ngnóthaí baile á bhforbairt ag eu-LISA nó ag aon chomhlacht eile de chuid an Aontais.

3.Féadfar cur chun feidhme chaighdeán na Formáide Uilíche Teachtaireachta a chur san áireamh in SIS agus in aon samhlacha malartaithe faisnéise agus córais faisnéise trasteorann atá nua nó atá ann cheana i réimse an cheartais agus na ngnóthaí baile, arna bhforbairt ag na Ballstáit nó ag tíortha comhlachaithe.

4.Glacfaidh an Coimisiún gníomh cur chun feidhme lena leagfar síos agus lena bhforbrófar caighdeán na Formáide Uilíche Teachtaireachta dá dtagraítear i mír 1. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

Airteagal 39

An lárstóras um thuairisciú agus staidreamh

1.Bunaítear an lárstóras um thuairisciú agus staidreamh chun críocha tacú le cuspóirí Eurodac, SIS agus [leis an gcóras ECRIS-TCN] agus chun sonraí staidrimh traschórais agus tuairisciú anailíseach a ghiniúint chun críocha beartas, cáilíocht sonraí agus chun críocha oibríochtúla.

2.Déanfaidh eu-LISA an lárstóras um thuairisciú agus staidreamh a bhunú, a chur chun feidhme agus a óstáil ar a shuíomhanna teicniúla ina mbeidh na sonraí dá dtagraítear in [Airteagal 42(8) de Rialachán Eurodac], [Airteagal 71 de Rialachán SIS i réimse fhorfheidhmiú an dlí] agus [Airteagal 30 de Rialachán ECRIS-TCN], agus scarfar go loighciúil iad. Ní bheifear in ann daoine aonair a shainaithint leis na sonraí atá sa lárstóras um thuairisciú agus staidreamh. Is le slánrochtain trí mheán seirbhís líonra Sheirbhísí Tras-Eorpacha le haghaidh Teileamaitice idir Riaracháin (TESTA), a rialóidh rochtain agus a úsáidfidh próifílí úsáideoirí sonracha, a dhéanfar an lárstóras sonraí sin a rochtain chun críche tuairiscithe agus staidrimh, agus chun na críche sin amháin, do na húdaráis dá dtagraítear in [Airteagal 42(8) de Rialachán Eurodac], [Airteagal 71 de Rialachán SIS i réimse fhorfheidhmiú an dlí] agus [Airteagal 30 de Rialachán ECRIS-TCN].

3.Déanfaidh eu-LISA sonraí anaithnide de na sonraí sin agus déanfaidh sé na sonraí anaithnide sin a thaifeadadh sa lárstóras um thuairisciú agus staidreamh. Próiseas uathoibrithe a bheidh sa phróiseas lena ndéanfar sonraí anaithnide de na sonraí sin.

4.Is é a bheidh sa lárstóras um thuairisciú agus staidreamh:

(a)bonneagar láir, ina mbeidh stóras sonraí lena bhféadtar sonraí a dhéanamh anaithnid;

(b)bonneagar cumarsáide slán chun an lárstóras um thuairisciú agus staidreamh a nascadh le SIS, Eurodac agus [leis an gcóras ECRIS-TCN], maille le bonneagair láir na seirbhíse comhroinnte meaitseála sonraí bithmhéadracha, an stórais choitinn sonraí céannachta agus an bhrathadóra ilchéannachtaí.

5.Déanfaidh an Coimisiún rialacha mionsonraithe a leagan síos maidir le hoibríocht an lárstórais um thuairisciú agus staidreamh lena náirítear coimircí sonracha chun na sonraí pearsanta dá dtagraítear i mír 2 agus mír 3 a phróiseáil agus rialacha slándála is infheidhme maidir leis an lárstóras trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

CAIBIDIL VII
Cosaint sonraí

Airteagal 40
Rialaitheoir sonraí

1.I dtaca leis an bpróiseáil sonraí a dhéantar sa tseirbhís chomhroinnte meaitseála sonraí bithmhéadracha, rialaitheoirí údaráis na mBallstát ar rialaitheoirí iad i gcomhair Eurodac, SIS agus [an chórais ECRIS-TCN] faoi seach, measfar gur rialaitheoirí iad freisin i gcomhréir le hAirteagal 4(7) de Rialachán 2016/679 i dtaca leis na teimpléid bhithmhéadracha a gheofar ó na sonraí dá dtagraítear in Airteagal 13 a iontrálfaidh siad sna córais ábhartha, agus beidh siad freagrach as próiseáil na dteimpléad bithmhéadrach sa tseirbhís chomhroinnte meaitseála sonraí bithmhéadracha.

2.I dtaca leis an bpróiseáil sonraí a dhéantar sa stóras coiteann sonraí céannachta, údaráis na mBallstát ar rialaitheoirí iad i gcomhair Eurodac agus [an chórais ECRIS-TCN] faoi seach, measfar gur rialaitheoirí iad freisin i gcomhréir le hAirteagal 4(7) de Rialachán 2016/679 i dtaca leis na sonraí dá dtagraítear in Airteagal 18 a iontrálfaidh siad sna córais ábhartha, agus beidh siad freagrach as próiseáil na sonraí pearsanta sin sa stóras coiteann sonraí céannachta.

3.I dtaca le próiseáil sonraí sa bhrathadóir ilchéannachtaí:

(a)measfar gur rialaitheoir sonraí í an Ghníomhaireacht Eorpach um an nGarda Teorann agus Cósta i gcomhréir le hAirteagal 2(b) de Rialachán Uimh. 45/2001 maidir le sonraí pearsanta a phróiseáil ag Láraonad ETIAS;

(b)measfar gur rialaitheoirí freisin iad údaráis na mBallstát a chuireann leis an gcomhad nó a mhodhnaíonn na sonraí sa chomhad um dheimhniú céannachta i gcomhréir le hAirteagal 4(7) de Rialachán (AE) 2016/679 agus is iad a bheidh freagrach as na sonraí pearsanta sa bhrathadóir ilchéannachtaí a phróiseáil;

Airteagal 41
Próiseálaí sonraí

I dtaca leis na sonraí pearsanta a phróiseáil sa stóras coiteann sonraí céannachta, measfar gurb é eu-LISA an próiseálaí sonraí i gcomhréir le hAirteagal 2(e) de Rialachán (CE) Uimh. 45/2001.

Airteagal 42
Slándáil na próiseála

1.Áiritheoidh eu-LISA agus na Ballstáit araon slánphróiseáil na sonraí pearsanta a dhéanfar de bhun chur i bhfeidhm an Rialacháin seo. Oibreoidh eu-LISA, [Láraonad ETIAS] agus údaráis na mBallstát i gcomhar le chéile i dtaca le cúraimí a bhaineann le slándáil.

2.Gan dochar d'Airteagal 22 de Rialachán (CE) Uimh. 45/2001, déanfaidh eu-LISA na bearta is gá chun slándáil na gcomhpháirteanna idir-inoibritheachta agus an bonneagar cumarsáide a bhaineann leo a áirithiú.

3.Go háirithe, déanfaidh eu-LISA na bearta riachtanacha a ghlacadh, lena náirítear plean slándála, plean leanúnachais ghnó agus plean athshlánaithe ó thubaiste, chun an méid seo a leanas a bhaint amach:

(a)sonraí a chosaint go fisiciúil, lena náirítear trí phleananna teagmhasacha a dhéanamh chun bonneagar criticiúil a chosaint;

(b)bac a chur ar léamh, cóipeáil, modhnú nó scriosadh neamhúdaraithe na meán ar a bhfuil sonraí stóráilte;

(c)iontráil neamhúdaraithe sonraí maille le hiniúchadh, modhnú nó scriosadh neamhúdaraithe sonraí pearsanta atá ar taifead a chosc;

(d)bac a chur ar phróiseáil neamhúdaraithe sonraí maille le cóipeáil, modhnú nó scriosadh neamhúdaraithe sonraí;

(e)a áirithiú nach mbeidh rochtain ag na daoine a bhfuil údarú rochtana acu ar chomhpháirteanna idir-inoibritheachta ach ar na sonraí sin atá cumhdaithe faoina núdarú rochtana, trí mheán céannachta úsáideora ar leithligh agus modhanna rochtana rúnda amháin a úsáid;

(f)a áirithiú gur féidir a fhíorú agus a shuí cé na comhlachtaí ar féidir sonraí pearsanta a tharchur chucu agus trealamh cumarsáide sonraí á úsáid chuige sin;

(g)a áirithiú gur féidir a fhíorú agus a shuí cé na sonraí a próiseáladh sna comhpháirteanna idir-inoibritheachta, cá huair a próiseáladh iad, cé a rinne an phróiseáil sin agus cad chuige a ndearnadh;

(h)cosc a chur ar léamh, ar chóipeáil, ar mhodhnú nó ar scriosadh neamhúdaraithe sonraí pearsanta, go háirithe le teicnící criptithe iomchuí, agus sonraí pearsanta á dtarchur chuig na comhpháirteanna nó uathu, nó le linn do na meáin ar a bhfuil sonraí stóráilte a bheith á niompar.

(i)faireachán a dhéanamh ar éifeachtacht na mbeart slándála dá dtagraítear sa mhír seo agus na bearta eagrúcháin is gá a dhéanamh maidir le faireachán inmheánach chun comhlíonadh an Rialacháin seo a áirithiú.

4.Déanfaidh na Ballstáit bearta atá coibhéiseach leo sin dá dtagraítear i mír 3 maidir le slándáil i leith próiseáil sonraí pearsanta ag na húdaráis a bhfuil an ceart acu aon cheann de na comhpháirteanna idir-inoibritheachta a rochtain.

Airteagal 43

Rúndacht shonraí SIS

1.Déanfaidh gach Ballstát a chuid rialacha maidir le rúndacht ghairmiúil nó dualgais choibhéiseacha eile i leith rúndachta a chur i bhfeidhm maidir le gach duine agus gach comhlacht a mbíonn orthu oibriú le sonraí SIS arna rochtain trí bhíthin aon cheann de na comhpháirteanna idir-inoibritheachta i gcomhréir lena dhlí náisiúnta. Beidh feidhm ag an oibleagáid sin freisin tar éis do na daoine sin imeacht as oifig nó scor den fhostaíocht nó tar éis fhoirceannadh ghníomhaíochtaí na gcomhlachtaí sin.

2.Gan dochar d'Airteagal 17 de Rialacháin Foirne oifigigh an Aontais Eorpaigh agus Coinníollacha Fostaíochta sheirbhísigh eile an Aontais Eorpaigh, déanfaidh eu-LISA rialacha iomchuí maidir le sicréideacht ghairmiúil nó dualgais choibhéiseacha eile i leith rúndachta, ar rialacha agus dualgais iad lena ngabhann caighdeáin atá inchomparáide leo sin a leagtar síos i mír 1, a chur i bhfeidhm maidir leis na baill foirne go léir dá cuid a mbíonn orthu oibriú le sonraí SIS. Beidh feidhm ag an oibleagáid sin chomh maith tar éis do na daoine sin imeacht as oifig nó scor den fhostaíocht nó tar éis fhoirceannadh a ngníomhaíochtaí.

Airteagal 44
Teagmhais slándála

1.Maidir le haon imeacht a bhfuil tionchar aige, nó a bhféadfadh tionchar a bheith aige, ar shlándáil na gcomhpháirteanna idir-inoibritheachta, agus a d’fhéadfadh a bheith ina chúis le damáiste a dhéanamh do shonraí a stóráiltear iontu, nó le cailleadh na sonraí sin, measfar gur teagmhas slándála é, go háirithe i gcás ina bhféadfadh sé go bhfuarthas rochtain neamhúdaraithe ar shonraí nó i gcás ina ndearnadh infhaighteacht, sláine agus rúndacht sonraí a chur i mbaol nó ina bhféadfadh sé go ndearnadh infhaighteacht, sláine agus rúndacht sonraí a chur i mbaol.

2.Déanfar teagmhais slándála a bhainistiú chun freagairt thapa, éifeachtach iomchuí a áirithiú.

3.Gan dochar d’fhógra a thabhairt faoi shárú sonraí pearsanta agus cur in iúl an tsáraithe sin de bhun Airteagal 33 de Rialachán (AE) 2016/679, Airteagal 30 de Threoir (AE) 2016/680, nó iad araon, cuirfidh na Ballstáit an Coimisiún, eu-LISA agus an Maoirseoir Eorpach ar Chosaint Sonraí ar an eolas faoi theagmhais slándála. I gcás ina dtarlóidh teagmhas slándála maidir le bonneagar láir na gcomhpháirteanna idir-inoibritheachta, cuirfidh eu-LISA an Coimisiún agus an Maoirseoir Eorpach ar Chosaint Sonraí ar an eolas ina thaobh.

4.Faisnéis maidir le teagmhas slándála a bhfuil tionchar aige, nó a bhféadfadh tionchar a bheith aige, ar oibriú na gcomhpháirteanna idir-inoibritheachta nó ar infhaighteacht, sláine agus rúndacht na sonraí, déanfar í a sholáthar do na Ballstáit agus a thuairisciú de réir an phlean bhainistithe teagmhais a sholáthróidh eu-LISA.

5.Comhoibreoidh na Ballstáit lena mbaineann agus eu-LISA lena chéile má tharlaíonn teagmhas slándála. Déanfaidh an Coimisiún sonraíocht an nós imeachta comhair sin a leagan síos trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 64(2).

Airteagal 45
Féinfhaireachán

Áiritheoidh na Ballstáit agus na comhlachtaí ábhartha de chuid an Aontais go ndéanfaidh gach údarás a bheidh i dteideal rochtain a fháil ar na comhpháirteanna idir-inoibritheachta na bearta is gá chun an Rialachán seo a chomhlíonadh agus go gcomhoibreoidh an túdarás sin, i gcás inar gá sin, leis an údarás maoirseachta.

Déanfaidh na rialaitheoirí sonraí dá dtagraítear in Airteagal 40 na bearta is gá chun faireachán a dhéanamh ar chomhlíonadh na próiseála sonraí de bhun an Rialacháin seo, lena náirítear logaí a fhíorú go rialta agus oibriú i gcomhar, i gcás inar gá, leis na húdaráis maoirseachta dá dtagraítear in Airteagal 49 agus Airteagal 50.

Airteagal 46
An ceart chun faisnéis a fháil

1.Gan dochar don cheart chun faisnéise dá dtagraítear in Airteagal 11 agus Airteagal 12 de Rialachán (CE) 45/2001 agus Airteagal 13 agus Airteagal 14 de Rialachán (AE) 2016/679, na daoine a ndéanfar a sonraí a stóráil sa tseirbhís chomhroinnte meaitseála sonraí bithmhéadracha, sa stóras coiteann sonraí céannachta nó sa bhrathadóir ilchéannachtaí, cuirfidh an túdarás a bhaileoidh a gcuid sonraí ar an eolas iad, tráth a bhailítear a gcuid sonraí, maidir le próiseáil sonraí pearsanta chun críocha an Rialacháin seo, lena náirítear faoi chéannacht agus sonraí teagmhála na rialaitheoirí sonraí ábhartha, agus faoi na nósanna imeachta i dtaobh a gcearta maidir le rochtain, ceartú nó léirscriosadh, agus faoi shonraí teagmhála an Mhaoirseora Eorpaigh ar Chosaint Sonraí agus údaráis faireacháin náisiúnta an Bhallstáit atá freagrach as na sonraí a bhailiú.

2.Cuirfear daoine a bhfuil a sonraí taifeadta in Eurodac nó [sa chóras ECRIS-TCN] ar an eolas maidir leis an bpróiseáil sonraí chun críocha an Rialacháin seo i gcomhréir le mír 1 más rud é:

(a)– (ní bhaineann le hábhar);

(b)– (ní bhaineann le hábhar);

(c)– (ní bhaineann le hábhar);

(d)[go ndéantar iarratas ar chosaint idirnáisiúnta a chruthú nó a nuashonrú in Eurodac i gcomhréir le hAirteagal 10 de Rialachán Eurodac];

(e)[go ndéantar taifead sonraí a chruthú nó a nuashonrú sa chóras ECRIS-TCN i gcomhréir le hAirteagal 5 de Rialachán ECRIS-TCN].

Airteagal 47
Ceart chun faisnéise, rochtana, ceartúcháin agus léirscriosta

1.Ar mhaithe lena gcearta a fheidhmiú faoi Airteagail 13, 14, 15 agus 16 de Rialachán (CE) 45/2001 agus Airteagail 15, 16, 17 agus 18 de Rialachán (AE) 2016/679, beidh ceart ag aon duine dul i dteagmháil leis an mBallstát atá freagrach as céannachtaí éagsúla a fhíorú de láimh nó le haon Bhallstát eile, agus scrúdóidh an Ballstát sin an iarraidh agus tabharfaidh sé freagra air.

2.An Ballstát atá freagrach as céannachtaí éagsúla a fhíorú de láimh mar a thagraítear dó in Airteagal 29, nó an Ballstát ar faoina bhráid a cuireadh an iarraidh, freagróidh sé do na hiarrataí sin nach déanaí ná 45 lá ón lá a fhaightear an iarraidh.

3.Má chuirtear iarraidh ar shonraí pearsanta a cheartú nó a léirscriosadh faoi bhráid Ballstáit cé is moite den Bhallstát atá freagrach, rachaidh an Ballstát ar faoina bhráid a cuireadh an iarraidh i dteagmháil le húdaráis an Bhallstáit atá freagrach faoi cheann seacht lá agus déanfaidh an Ballstát atá freagrach cruinneas na sonraí agus dleathacht na próiseála sonraí a fhíorú tráth nach déanaí ná 30 lá ó rinneadh an teagmháil sin.

4.I gcás ina bhfaighfear amach tar éis scrúdú go bhfuil na sonraí a stóráiltear sa bhrathadóir ilchéannachtaí míchruinn ó thaobh fíricí de nó gur taifeadadh go neamhdhleathach iad, déanfaidh an Ballstát atá freagrach nó, i gcás inarb infheidhme, an Ballstát ar faoina bhráid a cuireadh an iarraidh, na sonraí sin a cheartú nó a scriosadh.

5.I gcás ina leasóidh an Ballstát atá freagrach na sonraí sa bhrathadóir ilchéannachtaí le linn a dtréimhse bailíochta, déanfaidh an Ballstát atá freagrach an phróiseáil a leagtar síos in Airteagal 27 agus, i gcás inarb ábhartha, in Airteagal 29 lena chinneadh an ndéanfar na sonraí leasaithe a nascadh. I gcás nach dtuairiscítear aon amas leis an bpróiseáil, déanfaidh an Ballstát atá freagrach nó, i gcás inarb infheidhme, an Ballstát ar faoina bhráid a cuireadh an iarraidh na sonraí a scriosadh ón gcomhad um dheimhniú céannachta. I gcás ina bhfaighidh an phróiseáil gurb ann d'amas amháin nó níos mó, déanfaidh an Ballstát atá freagrach an nasc ábhartha a chruthú nó a nuashonrú i gcomhréir le forálacha ábhartha an Rialacháin seo.

6.Mura naontaíonn an Ballstát atá freagrach nó, i gcás inarb infheidhme, an Ballstát ar faoina bhráid a cuireadh an iarraidh, go bhfuil sonraí a stóráiltear ar bhrathadóir ilchéannachtaí míchruinn ó thaobh fíricí de nó gur go neamhdhleathach a taifeadadh iad, glacfaidh an Ballstát sin cinneadh riaracháin agus míneoidh sé i scríbhinn gan mhoill don duine lena mbaineann cad chuige nach bhfuil sé sásta na sonraí sin a bhaineann leis a cheartú nó a scriosadh.

7.Sa chinneadh sin freisin, tabharfar faisnéis don duine lena mbaineann ina míneofar go bhféadfaí agóid a dhéanamh i gcoinne an chinnidh i ndáil leis an iarraidh dá dtagraítear i mír 3 agus, nuair is ábhartha, faisnéis faoi conas caingean a thionscnamh nó gearán a dhéanamh os comhair na núdarás inniúil nó na gcúirteanna agus faoi aon chúnamh atá ar fáil, lena náirítear cúnamh ó na húdaráis maoirseachta náisiúnta inniúla.

8.Pé iarraidh a dhéanfar de bhun mhír 3, beidh an fhaisnéis is gá inti chun an duine lena mbaineann a shainaithint. Is chun feidhmiú na gceart dá dtagraítear i mír 3 a chumasú a úsáidfear an fhaisnéis sin, agus chuige sin amháin, agus déanfar í a léirscriosadh láithreach ina dhiaidh sin.

9.Coinneoidh an Ballstát atá freagrach nó, i gcás inarb infheidhme, an Ballstát ar faoina bhráid a cuireadh an iarraidh, taifead i bhfoirm doiciméad i scríbhinn go ndearnadh an iarraidh dá dtagraítear i mír 3 agus i dtaobh conas ar tugadh aghaidh uirthi, agus cuirfidh sé an doiciméad sin ar fáil d'údaráis mhaoirseachta náisiúnta inniúla um chosaint sonraí gan mhoill.

Airteagal 48
Sonraí a chur in iúl do thríú tíortha, d'eagraíochtaí idirnáisiúnta agus do pháirtithe príobháideacha

Sonraí pearsanta a stórálfar sna comhpháirteanna idir-inoibritheachta ná a bhfaighidh na comhpháirteanna idir-inoibritheachta rochtain orthu, ní dhéanfar iad a aistriú chuig aon tríú tír, chuig aon eagraíocht idirnáisiúnta, ná chuig aon pháirtí príobháideach ná ní chuirfear na sonraí sin ar fáil dóibh.

Airteagal 49
Maoirsiú arna dhéanamh ag an údarás maoirseachta náisiúnta

1.Áiritheoidh an túdarás maoirseachta nó na húdaráis mhaoirseachta arna nainmniú de bhun Airteagal 49 de Rialachán (AE) 2016/679 go ndéanfaidh na húdaráis náisiúnta freagracha, i gcomhréir le caighdeáin iniúchóireachta idirnáisiúnta ábhartha, iniúchadh ar na hoibríochtaí próiseála sonraí gach ceithre bliana ar a laghad.

2.Áiritheoidh na Ballstáit go mbeidh a dhóthain acmhainní ag an údarás maoirseachta chun na cúraimí a chuirtear air faoin Rialachán seo a chomhlíonadh.

Airteagal 50
Maoirsiú arna dhéanamh ag an Maoirseoir Eorpach ar Chosaint Sonraí

Áiritheoidh an Maoirseoir Eorpach ar Chosaint Sonraí go ndéanfar iniúchóireacht ar ghníomhaíochtaí próiseála sonraí pearsanta a dhéanfaidh eu-LISA i gcomhréir le caighdeáin iniúchóireachta idirnáisiúnta ábhartha gach ceithre bliana ar a laghad. Seolfar tuarascáil ar an iniúchóireacht sin chuig Parlaimint na hEorpa, chuig an gComhairle, chuig eu-LISA, chuig an gCoimisiún agus chuig na Ballstáit. Tabharfar deis do eu-LISA barúlacha a thabhairt sula nglacfar na tuarascálacha.

Airteagal 51
Comhar idir na húdaráis mhaoirseachta náisiúnta agus an Maoirseoir Eorpach ar Chosaint Sonraí

1.Gníomhóidh an Maoirseoir Eorpach ar Chosaint Sonraí i ndlúthchomhar le húdaráis mhaoirseachta náisiúnta ar shaincheisteanna sonracha inar gá rannpháirtíocht náisiúnta, go háirithe más rud é go gcinneann an Maoirseoir Eorpach ar Chosaint Sonraí nó údarás maoirseachta náisiúnta go bhfuil neamhréitigh mhóra idir cleachtais na mBallstát nó má aimsíonn sé aistrithe a d'fhéadfadh a bheith neamhdhleathach a rinneadh trí bhealaí cumarsáide na gcomhpháirteanna idir-inoibritheachta a úsáid, nó i gcomhthéacs ceisteanna arna nardú ag údarás maoirseachta náisiúnta amháin nó níos mó ar chur chun feidhme agus léirmhíniú an Rialacháin seo.

2.Sna cásanna dá dtagraítear i mír 1, áiritheofar maoirseacht chomhordaithe i gcomhréir le hAirteagal 62 de Rialachán (AE) XXXX/2018 [Rialachán athbhreithnithe 45/2001].

CAIBIDIL VIII
Freagrachtaí

Airteagal 52
Na freagrachtaí atá ar eu-LISA le linn chéim an deartha agus na forbartha

1.Áiritheoidh eu-LISA go ndéanfar bonneagair láir na gcomhpháirteanna idir-inoibritheachta a fheidhmiú i gcomhréir leis an Rialachán sin.

2.Beidh na comhpháirteanna idir-inoibritheachta á nóstáil ag eu-LISA ar a chuid suíomhanna teicniúla agus cuirfidh sé na feidhmiúlachtaí a leagtar síos sa Rialachán seo ar fáil i gcomhréir leis na coinníollacha a bhaineann le slándáil, infhaighteacht, cáilíocht agus luas dá dtagraítear in Airteagal 53(1).

3.Beidh eu-LISA freagrach as forbairt na gcomhpháirteanna idir-inoibritheachta, as aon oiriúnuithe is gá chun idir-inoibritheacht a bhunú idir córais láir, EES, VIS, [ETIAS], SIS, agus Eurodac, agus [an córas ECRIS-TCN], agus an tairseach cuardaigh Eorpach, an tseirbhís chomhroinnte meaitseála sonraí bithmhéadracha, an stóras coiteann sonraí céannachta agus an brathadóir ilchéannachtaí.

Is é eu-LISA a shaineoidh dearadh ailtireacht fhisiceach na gcomhpháirteanna idir-inoibritheachta lena náirítear a mbonneagair chumarsáide mar aon leis na sonraíochtaí teicniúla agus an éabhlóid a thiocfaidh orthu i dtaca leis an mbonneagar láir agus leis an mbonneagar cumarsáide slán, agus glacfaidh an Bord Bainistíochta an méid sin, faoi réir tuairim dhearfach ón gCoimisiún. Is é eu-LISA freisin a chuirfidh chun feidhme aon oiriúnuithe is gá ar SIS, Eurodac, nó [ar an gcóras ECRIS-TCN] a éiríonn as idir-inoibritheacht a bhunú agus dá bhforáiltear leis an Rialachán seo.

Déanfaidh eu-LISA na comhpháirteanna idir-inoibritheachta a fhorbairt agus a chur chun feidhme chomh luath agus is féidir tar éis theacht i bhfeidhm an Rialacháin seo agus tar éis don Choimisiún na bearta a ndéantar foráil maidir leo in Airteagail 8(2), 9(7), 28(5), 28(6), 37(4), 38(4), 39(5) agus 44(5) a ghlacadh.

Is éard a bheidh san fhorbairt mionsaothrú agus cur chun feidhme na sonraíochtaí teicniúla, tástáil agus comhordú foriomlán an tionscadail.

4.Le linn chéim an deartha agus na forbartha, bunófar Bord Bainistíochta an Chláir ar a mbeidh 10 gcomhalta ar a mhéid. Ar an mbord sin, beidh seachtar comhalta a cheapfaidh Bord Bainistíochta eu-LISA as measc a chuid comhaltaí féin nó a chomhaltaí malartacha, Cathaoirleach an Ghrúpa Chomhairligh um Idir-inoibritheacht dá dtagraítear in Airteagal 65, comhalta a dhéanfaidh ionadaíocht ar eu-LISA arna cheapadh ag Stiúrthóir Feidhmiúcháin eu-LISA agus comhalta amháin a cheapfaidh an Coimisiún. Na comhaltaí a cheapfaidh Bord Bainistíochta eu-LISA, toghfar iad as na Ballstáit sin atá faoi cheangal go hiomlán faoi dhlí an Aontais ag na hionstraimí reachtacha lena rialaítear forbairt, bunú, feidhmiú agus úsáid na gcóras mórscála TF uile atá á mbainistiú ag eu-LISA agus a bheidh rannpháirteach sna comhpháirteanna idir-inoibritheachta.

5.Beidh cruinnithe rialta ag Bord Bainistíochta an Chláir — 3 huaire in aghaidh na ráithe ar a laghad. Áiritheoidh sé go ndéanfar bainistiú iomchuí ar chéim deartha agus forbartha na gcomhpháirteanna idir-inoibritheachta.

Cuirfidh Bord Bainistíochta an Chláir tuarascálacha maidir le dul chun cinn an tionscadail faoi bhráid an Bhoird Bainistíochta gach mí. Ní bheidh aon chumhacht cinnteoireachta ná aon sainordú ag Bord Bainistíochta an Chláir chun ionadaíocht a dhéanamh thar ceann chomhaltaí Bhord Bainistíochta eu-LISA.

6.Déanfaidh Bord Bainistíochta eu-LISA rialacha nós imeachta Bhord Bainistíochta an Chláir a bhunú lena náireofar go háirithe rialacha maidir leis an méid seo a leanas:

(a)an chathaoirleacht;

(b)ionaid le haghaidh cruinnithe;

(c)ullmhú cruinnithe;

(d)saineolaithe a ligean isteach ar chruinnithe;

(e)pleananna cumarsáide a áiritheoidh go dtabharfar an fhaisnéis iomlán do chomhaltaí an Bhoird Bainistíochta nach mbíonn rannpháirteach sna cruinnithe.

Beidh an chathaoirleacht ag Ballstát atá faoi cheangal go hiomlán faoi dhlí an Aontais ag na hionstraimí reachtacha lena rialaítear forbairt, bunú, feidhmiú agus úsáid na gcóras mórscála TF uile atá á mbainistiú ag eu-LISA.

Is é eu-LISA a íocfaidh as gach costas taistil agus cothabhála a thabhóidh comhaltaí Bhord Bainistíochta an Chláir agus beidh feidhm mutatis mutandis ag Airteagal 10 de Rialacha Nós Imeachta eu-LISA maidir leo. Soláthróidh eu-LISA rúnaíocht do Bhord Bainistíochta an Chláir.

Tiocfaidh an Grúpa Comhairleach um Idir-inoibritheacht dá dtagraítear in Airteagal 65 le chéile go rialta go dtí go gcuirfear tús le hoibríochtaí na gcomhpháirteanna idir-inoibritheachta. Tuairisceoidh sé do Bhord Bainistíochta an Chláir tar éis gach cruinnithe. Cuirfidh sé saineolas teicniúil ar fáil de thaca le cúraimí Bhord Bainistíochta an Chláir agus déanfaidh sé an iarobair a bhaineann le hullmhacht na mBallstát.

Airteagal 53
Freagrachtaí eu-LISA tar éis dul i mbun oibríochtaí

1.Tar éis do gach comhpháirt idir-inoibritheachta dul i mbun oibríochtaí, beidh eu-LISA freagrach as bainistiú teicniúil an lárchórais agus na gcomhéadan aonfhoirmeach náisiúnta. I gcomhar leis na Ballstáit, áiritheoidh sé i dtólamh go mbeidh an teicneolaíocht is fearr is féidir ar fáil, faoi réir anailís costais/sochair. Ina theannta sin, beidh eu-LISA freagrach as bainistiú teicniúil an bhonneagair cumarsáide dá dtagraítear in Airteagail 6, 12, 17, 25 agus 39.

Is éard a bheidh i mbainistiú teicniúil na gcomhpháirteanna idir-inoibritheachta na cúraimí go léir a theastaíonn chun na comhpháirteanna idir-inoibritheachta a choinneáil ar bun 24 uair an chloig in aghaidh an lae, seacht lá na seachtaine i gcomhréir leis an Rialachán seo, go háirithe an obair chothabhála agus na forbairtí teicniúla is gá lena áirithiú go mbeidh na comhpháirteanna ag feidhmiú ar leibhéal atá sásúil ó thaobh na cáilíochta teicniúla de, go háirithe maidir le haga freagartha i ndáil leis na bonneagair láir a chuardach i gcomhréir leis na sonraíochtaí teicniúla.

2.Gan dochar d'Airteagal 17 de Rialacháin Foirne Oifigigh an Aontais Eorpaigh, cuirfidh eu-LISA rialacha iomchuí rúndachta gairmiúla nó dualgais choibhéiseacha eile i leith rúndachta i bhfeidhm maidir lena chuid ball foirne ar fad ar gá dóibh bheith ag obair le sonraí a stóráiltear sna comhpháirteanna idir-inoibritheachta. Beidh feidhm ag an oibleagáid seo chomh maith tar éis do na baill foirne sin an oifig nó an fhostaíocht a fhágáil nó tar éis dóibh a gcuid gníomhaíochtaí a fhoirceannadh.

3.Forbróidh eu-LISA sásra agus nósanna imeachta chun seiceálacha cáilíochta a dhéanamh ar na sonraí a stóráiltear sa tseirbhís chomhroinnte meaitseála sonraí bithmhéadracha, agus sa stóras coiteann sonraí céannachta i gcomhréir le hAirteagal 37.

4.Déanfaidh eu-LISA cúraimí freisin maidir le hoiliúint ar úsáid theicniúil na gcomhpháirteanna idir-inoibritheachta.

Airteagal 54
Freagrachtaí na mBallstát

1.Beidh gach Ballstát freagrach as an méid seo a leanas:

(a)an nasc le bonneagar cumarsáide na tairsí cuardaigh Eorpaí agus an stóras coiteann sonraí céannachta;

(b)lánpháirtiú na gcóras agus na mbonneagar náisiúnta atá ann cheana leis an tairseach cuardaigh Eorpach, an tseirbhís chomhroinnte meaitseála sonraí bithmhéadracha, an stóras coiteann sonraí céannachta agus leis an mbrathadóir ilchéannachtaí;

(c)an bonneagar náisiúnta atá ann cheana a eagrú, a bhainistiú, a oibriú agus a chothabháil agus é a cheangal leis na comhpháirteanna idir-inoibritheachta;

(d)bainistiú a dhéanamh ar an rochtain atá ag foireann chuí-údaraithe na núdarás inniúil náisiúnta agus ag foireann chuí-chumhachtaithe na núdarás inniúil náisiúnta ar an tairseach cuardaigh Eorpach, ar an stóras coiteann sonraí céannachta agus ar an mbrathadóir ilchéannachtaí, agus socruithe a dhéanamh maidir leis an rochtain sin i gcomhréir leis an Rialachán seo agus liosta den fhoireann sin, maille lena bpróifíl, a chruthú agus a nuashonrú go rialta;

(e)na bearta reachtaíochta dá dtagraítear in Airteagal 20(3) a ghlacadh chun an stóras coiteann sonraí céannachta a rochtain chun críocha sainaithint a dhéanamh;

(f)na céannachtaí éagsúla dá dtagraítear in Airteagal 29 a fhíorú de láimh;

(g)ceanglais maidir le cáilíocht sonraí a chur chun feidhme i gcórais faisnéise an Aontais agus sna comhpháirteanna idir-inoibritheachta;

(h)aon easnaimh a shainaithneofar i dtuarascáil mheastóireachta an Choimisiúin i dtaca le cáilíocht sonraí dá dtagraítear in Airteagal 37(5) a leigheas.

2.Déanfaidh gach Ballstát na húdaráis ainmnithe acu, dá dtagraítear in Airteagal 4(24), a nascadh leis an stóras coiteann sonraí céannachta.

Airteagal 54a
Freagrachtaí Europol

1.Áiritheoidh Europol próiseáil na gcuardach arna dhéanamh ag an tairseach cuardaigh Eorpach ar shonraí Europol agus, dá réir sin, cuirfidh sé a chomhéadan maidir le Córais Cuardaigh Europol (QUEST) in oiriúint do na sonraí a bhfuil leibhéal bunúsach cosanta acu.

2.Beidh Europol freagrach as bainistiú a dhéanamh ar an rochtain atá ag foireann chuí-údaraithe ar an tairseach cuardaigh Eorpach, ar an stóras coiteann sonraí céannachta agus ar an mbrathadóir ilchéannachtaí, agus socruithe a dhéanamh maidir leis an rochtain sin i gcomhréir leis an Rialachán seo agus liosta den fhoireann sin, maille lena bpróifílí, a chruthú agus a nuashonrú go rialta;

Airteagal 55
Freagrachtaí Láraonad ETIAS

Beidh Láraonad ETIAS freagrach as an méid seo a leanas:

(a)na céannachtaí éagsúla dá dtagraítear in Airteagal 29 a fhíorú de láimh;

(b)ilchéannachtaí a bhrath idir na sonraí a stóráiltear in VIS, Eurodac agus SIS dá dtagraítear in Airteagal 59.

CAIBIDIL VIIIa
Leasuithe ar ionstraimí eile de chuid an Aontais

[Airteagal 55a
Leasuithe ar Rialachán (AE) 2018/XX [Rialachán Eurodac]]

Airteagal 55b
Leasuithe ar Rialachán (AE) 2018/XX [Rialachán SIS i réimse fhorfheidhmiú an dlí]

Leasaítear Rialachán (AE) 2018/XX mar seo a leanas:

1.In Airteagal 3(1), cuirtear isteach na pointí seo a leanas:

“(q) ciallaíonn "an tairseach cuardaigh Eorpach" an tairseach cuardaigh Eorpach mar a shainmhínítear in [Airteagal 6 de Rialachán 2018/XX maidir le hidir-inoibritheacht].

(r) ciallaíonn "an tseirbhís chomhroinnte meaitseála sonraí bithmhéadracha" an tseirbhís chomhroinnte meaitseála sonraí bithmhéadracha mar a shainmhínítear in [Airteagal 12 de Rialachán 2018/XX maidir le hidir-inoibritheacht].

(s) "ciallaíonn "stóras coiteann sonraí céannachta" an stóras coiteann sonraí céannachta mar a shainmhínítear in [Airteagal 4(17) de Rialachán 2018/XX maidir le hidir-inoibritheacht]

(t) ciallaíonn "an brathadóir ilchéannachtaí" an brathadóir ilchéannachtaí mar a shainmhínítear in [Airteagal 25 de Rialachán 2018/XX maidir le hidir-inoibritheacht].

2.Leasaítear Airteagal 4 mar seo a leanas:

(a)    I mír 1, cuirtear an pointe (d) seo a leanas isteach:

"(d) bonneagar cumarsáide slán idir CS-SIS agus bonneagair láir na tairsí cuardaigh Eorpaí arna bhunú i gcomhréir le [hAirteagal 6 de Rialachán 2018/XX maidir le hidir-inoibritheacht], an tseirbhís chomhroinnte meaitseála sonraí bithmhéadracha arna bunú le [hAirteagal 12 de Rialachán 2018/XX maidir le hidir-inoibritheacht], agus an brathadóir ilchéannachtaí arna bhunú i gcomhréir le[hAirteagal 25 de Rialachán 2018/XX maidir le hidir-inoibritheacht]".

(b)    cuirtear mír 6 agus mír 7 isteach mar a leanas:

"6. Gan dochar do mhír (1) go (5) den Airteagal seo, féadfar sonraí SIS faoi dhaoine agus doiciméid taistil a chuardach tríd an tairseach cuardaigh Eorpach freisin.

7. Gan dochar do mhír (1) go (5) den Airteagal seo, féadfar sonraí SIS faoi dhaoine agus doiciméid taistil a tharchur freisin tríd an mbonneagar cumarsáide slán dá dtagraítear i bpointe (d) de mhír (3) den Airteagal seo. Beidh an tarchur sin teoranta chun a mhéid atá na sonraí de dhíth ar na feidhmiúlachtaí dá dtagraítear i [Rialachán 2018/XX maidir le hidir-inoibritheacht].”

3.In Airteagal 7, cuirtear isteach an mhír 2a seo a leanas:

"2a. Áiritheoidh Biúrónna SIRENE na céannachtaí éagsúla a fhíorú i gcomhréir le [hAirteagal 29 de Rialachán 2018/XX maidir le hidir-inoibritheacht]. A mhéid is gá chun an tasc seo a chur i gcrích, beidh rochtain ag Biúrónna SIRENE ar na sonraí a stóráiltear sa stóras coiteann sonraí céannachta d’fhonn iad a cheadú chun na gcríoch a leagtar síos in [Airteagal 21 de Rialachán 2018/XX maidir le hidir-inoibritheacht].”

4.In Airteagal 8, scriostar mír 4.

5.In Airteagal 12, cuirtear an mhír (1a) seo a leanas leis:

"1a. Áiritheoidh na Ballstáit go ndéanfar gach rochtain ar shonraí pearsanta tríd an tairseach cuardaigh Eorpach a logáil freisin chun seiceáil a dhéanamh i dtaobh an bhfuil an cuardach dleathach nó nach bhfuil, chun faireachán a dhéanamh ar dhlíthiúlacht na próiseála sonraí, chun féinfhaireachán a dhéanamh, agus chun sláine sonraí agus slándáil a áirithiú.”

6.Cuirtear an pointe (g) seo a leanas le hAirteagal 43(1):

“(g) céannachtaí éagsúla a fhíorú agus calaois chéannachta a chomhrac i gcomhréir le [Caibidil V de Rialachán 2018/XX maidir le hidir-inoibritheacht]."

7.Cuirtear an méid seo a leanas in ionad Airteagal 71(6):

"6. Chun críche mhír 3, mhír 4 agus mhír 5 den Airteagal seo agus chun críche Airteagal 15(5), déanfaidh an Ghníomhaireacht na sonraí dá dtagraítear i mír 3 den Airteagal seo agus in Airteagal 15(5) a stóráil ar bhealach nach lamhálfaidh sainaithint daoine aonair sa lárstóras um thuairisciú agus staidreamh dá dtagraítear [i mír 39 den Rialachán 2018/XX maidir le hidir-inoibritheacht].

Lamhálfaidh an Ghníomhaireacht don Choimisiún agus do na gníomhaireachtaí dá dtagraítear i mír 5 tuarascálacha agus staidreamh sainordaithe a fháil. Arna iarraidh sin, tabharfaidh an Ghníomhaireacht rochtain do na Ballstáit, don Choimisiún, do Europol agus don Ghníomhaireacht Eorpach um an nGarda Teorann agus Cósta ar an lárstóras i gcomhréir le [hAirteagal 39 de Rialachán 2018/XX maidir le hidir-inoibritheacht].”

Airteagal 55c
Leasuithe ar Rialachán (AE) 2018/XX [Rialachán ECRIS-TCN]

Leasaítear Rialachán (AE) 2018/XX [Rialachán ECRIS-TCN] mar seo a leanas:

1.In Airteagal 1, cuirtear an pointe seo a leanas isteach:

“(c)    na coinníollacha faoina gcuidíonn an córas ECRIS-TCN le ceart-sainaithint daoine atá cláraithe sa chóras ECRIS-TCN a éascú faoi na coinníollacha agus ar mhaithe leis na bunchuspóirí dá dtagraítear [in Airteagal 20 de Rialachán 2018/XX maidir le maidir le hidir-inoibritheacht], trí shonraí céannachta, sonraí an doiciméid taistil agus sonraí bithmhéadracha a stóráil sa stóras coiteann sonraí céannachta arna bhunú [le hAirteagal 17 de Rialachán 2018/XX maidir le hidir-inoibritheacht].”

2.cuirtear an méid seo a leanas in ionad Airteagal 2:

"Airteagal 2

Raon Feidhme

Tá feidhm ag an Rialachán seo maidir le próiseáil faisnéise céannachta náisiúnach tríú tír a bhí faoi réir ciontuithe sna Ballstáit chun críche na Ballstáit inar tugadh na ciontuithe sin a shainaithint, mar aon le cuidiú le ceart-sainaithint daoine a éascú."

3.Leasaítear Airteagal 3 mar a leanas:

4.(a) Cuirtear na pointí seo a leanas le hAirteagal 3:

"(q) "ciallaíonn "stóras coiteann sonraí céannachta" an stóras coiteann sonraí céannachta mar a shainmhínítear in [Airteagal 4(35) de Rialachán 2018/XX maidir le hidir-inoibritheacht];

(r) ciallaíonn "sonraí ECRIS-TCN" na sonraí uile a stóráiltear sa Lárstóras ECRIS-TCN agus sa stóras coiteann sonraí céannachta i gcomhréir le hAirteagal 5 ."

(b) i bpointe (n) cuirtear na focail ‘an Lárstóras ECRIS-TCN agus an stóras coiteann sonraí céannachta’ in ionad na bhfocal ‘an Lárchóras’.

5.Leasaítear Airteagal 4(1) mar a leanas:

(a) cuirtear an méid seo a leanas in ionad phointe (a):

“(a)    an stóras coiteann sonraí céannachta dá dtagraítear in [Airteagal 17(2)(a) de

Rialachán 2018/XX maidir le hidir-inoibritheacht];"

(b) cuirtear isteach an pointe (ab) seo a leanas:

(ab)    Lárchóras (an Lárchóras ECRIS-TCN);"

(c) cuirtear an pointe (e) seo a leanas isteach:

"(e)    bonneagar cumarsáide slán idir an Lárchóras ECRIS-TCN agus bonneagair láir na tairsí cuardaigh Eorpaí arna bhunú le [hAirteagal 6 de Rialachán 2018/XX maidir le hidir-inoibritheacht], an tseirbhís chomhroinnte meaitseála sonraí bithmhéadracha arna bunú le [hAirteagal 12 de Rialachán 2018/XX, an stóras coiteann sonraí céannachta arna bhunú le [hAirteagal 17 de Rialachán 2018/XX maidir le hidir-inoibritheacht) agus an brathadóir ilchéannachtaí arna bhunú le [hAirteagal 25 de Rialachán 2018/XX maidir le hidir-inoibritheacht].”

6.In Airteagal 5, cuirtear isteach mír 1a mar seo a leanas:

"1a.    Beidh sa stóras coiteann sonraí céannachta na sonraí dá dtagraítear in Airteagal 5(1)(b) agus Airteagal 5(2) agus sna sonraí seo a leanas dá dtagraítear in Airteagal 5(1)(a): sloinne (ainm teaghlaigh); céadainm (céadainmneacha) (ainm (ainmneacha) baiste); dáta breithe; áit bhreithe (baile agus tír); náisiúntacht nó náisiúntachtaí; inscne; cineál agus uimhir dhoiciméad taistil an duine nó dhoiciméid taistil an duine, mar aon le hainm údaráis eisiúna an doiciméid taistil sin nó na ndoiciméad taistil sin; agus, i gcás inarb infheidhme, ainmneacha roimhe sin, ainm (ainmneacha) bréige agus/nó ainm (ainmneacha) ailias. Stórálfar sonraí eile ECRIS-TCN sa Lárchóras ECRIS-TCN.”

7.In Airteagal 8, cuirtear mír 2 in ionad an méid seo a leanas:

"2.    Nuair a bheidh an tréimhse choinneála dá dtagraítear i mír 1 imithe in éag, scriosfaidh údarás lárnach an Bhallstáit chiontaithigh an taifead sonraí, lena náirítear aon mhéarloirg nó íomhánna den aghaidh, ón Lárchóras ECRIS-TCN agus ón stóras coiteann sonraí céannachta gan moill mhíchuí”

8.I míreanna 1, 2, 3 agus 4 d’Airteagal 9, cuirtear na focail "an Lárstóras ECRIS-TCN agus an stóras coiteann sonraí céannachta" in ionad na bhfocal "an Lárchóras".

9.In Airteagal 12(2), cuirtear na focail "an Lárchóras ECRIS-TCN agus an stóras coiteann sonraí céannachta" in ionad na bhfocal “an Lárchóras”.

10.In Airteagal 13, cuirtear na focail ‘an Lárstóras ECRIS-TCN agus an stóras coiteann sonraí céannachta’ in ionad na bhfocal ‘an Lárchóras’.

11.In Airteagal 21(2), cuirtear na focail ‘an Lárstóras ECRIS-TCN agus an stóras coiteann sonraí céannachta’ in ionad na bhfocal ‘an Lárchóras’.

12.Leasaítear Airteagal 22 mar a leanas:

(a) cuirtear an méid seo a leanas in ionad mhír 1:

“1.    Déanfar na sonraí atá sa lárchóras a phróiseáil chun críche na Ballstáit a shainaithint ag a bhfuil faisnéis taifid choiriúil faoi náisiúnach tríú tír agus chun na críche sin amháin, mar aon le mar aon le cuidiú le ceart-sainaithint daoine atá cláraithe sa chóras ECRIS-TCN a éascú."

(b) cuirtear isteach an mhír 3 seo a leanas:

“3.    Is ag foireann chuí-údaraithe údaráis náisiúnta gach Ballstáit agus ag foireann chuí-údaraithe chomhlachtaí an Aontais atá inniúil chun na críocha a leagtar síos in [Airteagal 20 agus Airteagal 21 de Rialachán 2018/XX maidir le hidir-inoibritheacht] agus acu sin amháin a bheidh rochtain ar shonraí ECRIS-TCN a stóráiltear sa stóras coiteann sonraí céannachta lena gceadú. Beidh an rochtain sin teoranta don mhéid a bheidh riachtanach chun cúraimí na núdarás náisiúnta sin agus chomhlachtaí an Aontais a dhéanamh i gcomhréir leis na cuspóirí sin, agus beidh sí comhréireach leis na cuspóirí atá le baint amach."

13.Leasaítear Airteagal 30 mar a leanas:

(a)    Cuirtear an méid seo a leanas in ionad mhír 2:

"2. Chun críocha mhír 1 den Airteagal seo, déanfaidh eu-LISA na sonraí dá dtagraítear i mír 1 a stóráil sa lárstóras um thuairisciú agus staidreamh dá dtagraítear in [Airteagal 39 de Rialachán 2018/XX maidir le hidir-inoibritheacht]."

(b)    Scriostar mír 3.

14.In Airteagal 31(1), cuirtear na focail ‘an Lárstóras ECRIS-TCN agus an stóras coiteann sonraí céannachta’ in ionad na bhfocal ‘an Lárchóras’.

15.In Airteagal 38(2), cuirtear na focail ‘an Lárstóras ECRIS-TCN agus an stóras coiteann sonraí céannachta’ in ionad na bhfocal ‘an Lárchóras’.

Airteagal 55d
Leasuithe ar Rialachán (AE) 2018/XX [Rialachán eu-LISA]

Leasaítear Rialachán (AE) 2018/XX (eu-LISA) mar seo a leanas:

1.cuirtear an méid seo a leanas in ionad Airteagal 8:

"Airteagal 8
Cáilíocht sonraí

1. Bunóidh eu-LISA do gach córas faoi chúram oibríochtúil na Gníomhaireachta sásraí agus nósanna imeachta uathoibrithe rialaithe maidir le cáilíocht sonraí agus táscairí coiteanna maidir le cáilíocht sonraí agus na híoschaighdeáin cháilíochta chun sonraí a stóráil, i gcomhréir le forálacha ábhartha ionstraimí na gcóras agus [Airteagal 37 de Rialachán 2018/XX maidir le hidir-inoibritheacht].

2. Bunóidh eu-LISA lárstóras um thuairisciú agus staidreamh i gcomhréir le [hAirteagal 39 de Rialachán 2018/XX maidir le hidir-inoibritheacht].”

2.cuirtear an méid seo a leanas in ionad Airteagal 9:

"Airteagal 9
Idir-inoibritheacht

I gcás go raibh idir-inoibritheacht córas mórscála TF ordaithe in ionstraim reachtach ábhartha, ceapfaidh an Ghníomhaireacht na bearta is gá a chuirtear de chúram uirthi leis na hionstraimí reachtacha chun gur féidir an idir-inoibritheacht sin a chur i gcrích."

3.Leasaítear Airteagal 15 mar a leanas:

(a) leasaítear mír 1 mar seo a leanas:

(i) cuirtear isteach pointe (eea) seo a leanas:

"(eea) Na tuarascálacha a ghlacadh maidir leis an dul chun cinn atá déanta i ndáil le forbairt na gcomhpháirteanna idir-inoibritheachta de bhun Airteagal 68(2) de Rialachán (AE) 2018/XX maidir le hidir-inoibritheacht.'’

(ii) cuirtear an méid seo a leanas in ionad phointe (ff):

"(ff) na tuarascálacha a ghlacadh maidir le feidhmiú teicniúil SIS II de bhun Airteagal 50(4) de Rialachán (CE) Uimh. 1987/2006 agus Airteagal 66(4) de Chinneadh 2007/533/CGB faoi seach, [nó Airteagal 54(7) de Rialachán 2018/XX ó Pharlaimint na hEorpa agus ón gComhairle maidir le Córas Faisnéise Schengen (SIS) a bhunú, a oibriú agus a úsáid i réimse na seiceálacha teorann, lena leasaítear Rialachán (AE) Uimh. 515/2014 agus lena naisghairtear Rialachán (CE) Uimh. 1987/2006 agus Airteagal 71(7) de Rialachán 2018/XX ó Pharlaimint na hEorpa agus ón gComhairle maidir le Córas Faisnéise Schengen (SIS) a bhunú, a oibriú agus a úsáid i réimse an chomhair póilíneachta agus an chomhair bhreithiúnaigh in ábhair choiriúla, lena leasaítear Rialachán (AE) Uimh. 515/2014 agus lena naisghairtear Rialachán (AE) Uimh. 1986/2006, Cinneadh 2007/533/CGB ón gComhairle agus Cinneadh 2010/261/AE ón gCoimisiún], maidir le VIS de bhun Airteagal 50(3) de Rialachán (CE) Uimh. 767/2008 agus Airteagal 17(3) de Chinneadh 2008/633/CGB, maidir le EES de bhun Airteagal 72(4) de Rialachán (AE) 2017/2226, maidir le ETIAS de bhun Airteagal 81(4) de Rialachán (AE) 2018/XX maidir leis an gcóras ECRIS-TCN agus leis na bogearraí tagartha do chur chun feidhme ECRIS de bhun Airteagal 34(4) de Rialachán (AE) 2018/XX] agus maidir leis na comhpháirteanna idir-inoibritheachta de bhun [Airteagal 68(4) de Rialachán 2018/XX maidir le idir-inoibritheacht];"

(iii) cuirtear an méid seo a leanas in ionad phointe (hh):

“(hh) barúlacha foirmiúla a ghlacadh faoi thuarascálacha an Mhaoirseora Eorpaigh ar Chosaint Sonraí maidir leis na hiniúchtaí de bhun Airteagal 45(2) de Rialachán (CE) Uimh. 1987/2006, Airteagal 42(2) de Rialachán (CE) Uimh. 767/2008 agus Airteagal 31(2) de Rialachán (AE) Uimh. 603/2013, Airteagal 56(2) de Rialachán (AE) 2017/2226 agus [Airteagal 57 de Rialachán (AE) 2018/XX (lena mbunaítear ETIAS)] agus [Airteagal 27(2) de Rialachán (AE) 2018/XX) (lena mbunaítear an córas ECRIS-TCN), agus [Airteagal 50 de Rialachán 2018/XX maidir le hidir-inoibritheacht] agus obair leantach iomchuí ar na hiniúchtaí sin a áirithiú;”

4.In Airteagal 19, cuirtear an méid seo a leanas in ionad mhír 4:

"4. Féadfaidh Europol agus Eurojust freastal ar chruinnithe an Bhoird Bainistíochta, mar bhreathnóirí, ach ceist a bhaineann le SIS II, i ndáil le cur i bhfeidhm Chinneadh 2007/533/CGB, a bheith ar an gclár oibre. [Féadfaidh an Ghníomhaireacht Eorpach um an nGarda Teorann agus Cósta freastal ar chruinnithe an Bhoird Bainistíochta, mar bhreathnóirí, ach ceist a bhaineann le SIS, i ndáil le cur i bhfeidhm Rialachán (AE) 2016/1624, a bheith ar an gclár oibre]. Féadfaidh Europol freastal mar bhreathnóir ar chruinnithe an Bhoird Bainistíochta freisin ach ceist a bhaineann le VIS, i ndáil le cur i bhfeidhm Chinneadh 2008/633/CGB, nó ceist a bhaineann le Eurodac, i ndáil le cur i bhfeidhm Rialachán (AE) Uimh. 603/2013, a bheith ar an gclár oibre. Féadfaidh Europol freastal mar bhreathnóir ar chruinnithe an Bhoird Bainistíochta freisin ach ceist a bhaineann le EES, i ndáil le cur i bhfeidhm Rialachán (AE) 2017/2226, nó ceist a bhaineann le ETIAS, i ndáil le Rialachán (AE) 2018/XX (lena mbunaítear ETIAS), a bheith ar an gclár oibre. Féadfaidh an Ghníomhaireacht Eorpach um an nGarda Teorann agus Cósta freastal ar chruinnithe an Bhoird Bainistíochta freisin, mar bhreathnóir, ach ceist a bhaineann le ETIAS, i ndáil le cur i bhfeidhm Rialachán 2018/XX (lena mbunaítear ETIAS), a bheith ar an gclár oibre.] [Féadfaidh an Oifig Tacaíochta Eorpach do Chúrsaí Tearmainn (EASO) freastal, mar bhreathnóir, ar chruinnithe an Bhoird Bainistíochta freisin, ach ceist a a bhaineann leis an gcóras uathoibrithe do chlárú, d'fhaireachán agus don sásra um leithdháileadh le haghaidh iarratais ar chosaint idirnáisiúnta dá dtagraítear in Airteagal 44 de Rialachán (AE) lena mbunaítear na critéir agus na sásraí lena gcinntear cé acu Ballstát atá freagrach as scrúdú a dhéanamh ar iarratas ar chosaint idirnáisiúnta arna thaisceadh i mBallstát ag náisiúnach tríú tír nó ag duine gan stát (athmhúnlú) COM(2016) 270 final–2016/0133(COD), a bheith ar an gclár oibre.] [Féadfaidh Eurojust, Europol [agus Oifig an Ionchúisitheora Phoiblí Eorpaigh] freastal, mar bhreathnóirí, ar chruinnithe an Bhoird Bainistíochta freisin, ach ceist a bheith ar an gclár a bhaineann le Rialachán 2018/XX (lena mbunaítear córas láraithe leis na Ballstáit a shainaithint ag a bhfuil faisnéis faoi chiontuithe náisiúnach tríú tír agus daoine gan stát (NTTanna) chun an Córas Faisnéise Eorpach um Thaifid Choiriúla (ECRIS) a fhorlíonadh agus chun tacú leis agus lena leasaítear Rialachán (AE) Uimh. 1077/2011 (an córas ECRIS-TCN).] Féadfaidh Europol, Eurojust agus an Ghníomhaireacht Eorpach um an nGarda Teorann agus Cósta freastal ar chruinnithe an Bhoird Bainistíochta freisin, mar bhreathnóirí, ach ceist a bhaineann le [Rialachán 2018/XX maidir le hidir-inoibritheacht], a bheith ar an gclár oibre. Féadfaidh an Bord Bainistíochta iarraidh ar aon duine ar díol spéise a thuairim freastal ar a chuid cruinnithe i gcáil breathnóra."

5.In Airteagal 21(3), cuirtear an méid seo a leanas in ionad phointe (o):

"(o) gan dochar d'Airteagal 17 de na Rialacháin Foirne, ceanglais rúndachta a bhunú chun Airteagal 17 de Rialachán (CE) Uimh. 1987/2006, Airteagal 17 de Chinneadh 2007/533/CGB, Airteagal 26(9) de Rialachán (CE) Uimh. 767/2008 agus Airteagal 4(4) de Rialachán (AE) Uimh. 603/2013 a chomhlíonadh; Airteagal 37(4) de Rialachán 2017/2226, [Airteagal 64(2) de Rialachán 2018/XX (lena mbunaítear ETIAS)], [Airteagal 11(16) de Rialachán 2018/XX (lena mbunaítear an córas ECRIS-CN) agus [Airteagal 53(2) de Rialachán 2018/XX maidir le hidir-inoibritheacht];"

6.Leasaítear Airteagal 23 mar a leanas:

(a) cuirtear an pointe (ea) seo mar a leanas isteach i mír 1:

"(ea) Grúpa Comhairleach um Idir-inoibritheacht;"

(B) cuirtear an méid seo a leanas in ionad mhír 3:

"3. Féadfaidh Europol agus Eurojust agus an Ghníomhaireacht Eorpach um an nGarda Teorann agus Cósta ionadaí a cheapadh ar Ghrúpa Comhairleach SIS II. Féadfaidh Europol ionadaí a cheapadh do Ghrúpaí Comhairleacha VIS agus Eurodac agus EES[-ETIAS]. Féadfaidh an Ghníomhaireacht Eorpach um an nGarda Teorann agus Cósta ionadaí a cheapadh ar Ghrúpa Comhairleach EES[-ETIAS] freisin. Féadfaidh [Eurojust, Europol agus Oifig an Ionchúisitheora Phoiblí Eorpaigh] ionadaí a cheapadh do Ghrúpa Comhairleach an chórais ECRIS-TCN freisin.] Féadfaidh Europol, Eurojust agus an Ghníomhaireacht Eorpach um an nGarda Teorann agus Cósta a nionadaí féin a cheapadh ar an nGrúpa Comhairleach Idir-inoibritheachta."

CAIBIDIL IX
Forálacha críochnaitheacha

Airteagal 56

Tuairisciú agus staidreamh

1.Chun críocha tuairiscithe agus staidrimh agus chucu sin amháin, ach gan sainaithint daoine aonair a chumasú, beidh rochtain ag foireann chuí-údaraithe údaráis inniúla na mBallstát, an Choimisiúin, agus eu-LISA ar na sonraí seo a leanas a bhaineann leis an tairseach cuardaigh Eorpach lena gceadú:

(a)líon na niarrataí ar chuardach in aghaidh an úsáideora i bpróifíl na tairsí cuardaigh Eorpaí.

(b)– (ní bhaineann le hábhar).

2.Chun críocha tuairiscithe agus staidrimh agus chucu sin amháin, ach gan sainaithint daoine aonair a chumasú, beidh rochtain ag foireann chuí-údaraithe údaráis inniúla na mBallstát, an Choimisiúin, agus eu-LISA ar na sonraí seo a leanas a bhaineann leis an stóras coiteann sonraí céannachta lena gceadú:

(a)líon na niarrataí ar chuardach chun críocha Airteagal 20, Airteagal 21 agus Airteagal 22;    

(b)náisiúntacht, inscne agus bliain bhreithe an duine;

(c)cineál an doiciméid taistil agus cód trí litir na tíre eisiúna;

(d)líon na gcuardach a rinneadh agus sonraí bithmhéadracha á núsáid agus líon na gcuardach a rinneadh gan sonraí bithmhéadracha a úsáid.

3.Chun críocha tuairiscithe agus staidrimh agus chucu sin amháin, ach gan sainaithint daoine aonair a chumasú, beidh rochtain ag foireann chuí-údaraithe údaráis inniúla na mBallstát, an Choimisiúin, agus eu-LISA ar na sonraí seo a leanas a bhaineann leis an mbrathadóir ilchéannachtaí lena gceadú:

(a)    náisiúntacht, inscne agus dáta breithe an iarratasóra;

(a)cineál an doiciméid taistil agus cód trí litir na tíre eisiúna;

(b)líon na gcuardach a rinneadh agus sonraí bithmhéadracha á núsáid agus líon na gcuardach a rinneadh gan sonraí bithmhéadracha a úsáid;

(c)líon na gcineálacha nasc éagsúil.

4.Beidh rochtain ag foireann chuí-údaraithe na Gníomhaireachta Eorpaí um an nGarda Teorann agus Cósta a bunaíodh le Rialachán (AE) 2016/1624 ó Pharlaimint na hEorpa agus ón gComhairle 65 ar na sonraí dá dtagraítear i mír 1, mír 2 agus mír 3 lena gceadú chun na hanailísí riosca agus na measúnuithe leochaileachta dá dtagraítear in Airteagal 11 agus in Airteagal 13 den Rialachán sin a dhéanamh.

5.Chun críche mhír 1 den Airteagal seo, déanfaidh eu-LISA na sonraí dá dtagraítear i mír 1 a stóráil sa lárstóras um thuairisciú agus staidreamh dá dtagraítear i gCaibidil VII den Rialachán seo. Ní fhéadfar daoine aonair a shainaithint trí bhíthin na sonraí sa lárstóras, ach féadfaidh na húdaráis a liostaítear i mír 1 den Airteagal seo é a úsáid chun tuairiscí agus staidreamh in-saincheaptha a fháil chun éifeachtúlacht na seiceálacha teorann a fheabhsú, chun cuidiú leis na húdaráis agus iad ag próiseáil iarratais ar víosa agus chun tacú le déanamh beartas imirce agus slándála an Aontais ar bhonn fianaise.

Airteagal 57
Idirthréimhse le haghaidh úsáid na tairsí cuardaigh Eorpaí

Ar feadh dhá bhliain ón dáta a thosóidh an tairseach cuardaigh Eorpach i mbun oibríochtaí, ní bheidh feidhm ag na hoibleagáidí dá dtagraítear in Airteagal 7(2) agus (4) agus beidh úsáid na tairsí cuardaigh Eorpaí roghnach.

Airteagal 58

Idirthréimhse is infheidhme maidir leis na forálacha maidir le rochtain ar an stóras coiteann sonraí céannachta chun críocha fhorfheidhmiú an dlí

Beidh feidhm ag Airteagal 22 ó dáta thús na noibríochtaí dá dtagraítear in Airteagal 62(1).

Airteagal 59
Idirthréimhse chun ilchéannachtaí a bhrath

1.Ar feadh tréimhse nach faide ná aon bhliain amháin ón uair a chuirfidh eu-LISA in iúl críoch na tástála dá dtagraítear in Airteagal 62(1)(b) maidir leis an mbrathadóir ilchéannachtaí agus sula gcuirfear tús le hoibríochtaí an bhrathadóra ilchéannachtaí, beidh Láraonad ETIAS dá dtagraítear in [Airteagal 33(a) de Rialachán (AE) 2016/1624] freagrach as ilchéannachtaí a bhrath idir na sonraí a stóráiltear in VIS, Eurodac agus SIS. Is le sonraí bithmhéadracha amháin a dhéanfar ilchéannachtaí a bhrath i gcomhréir le hAirteagal 27(2) den Rialachán seo.

2.I gcás ina bhfaighfear amas amháin nó iliomad amas agus ina mbeidh sonraí céannachta na gcomhad nasctha comhionann nó cosúil, cruthófar nasc bán i gcomhréir le hAirteagal 33.

I gcás ina bhfaighfear amas amháin nó iliomad amas agus nach féidir a mheas go bhfuil sonraí céannachta na gcomhad nasctha cosúil, cruthófar nasc buí i gcomhréir le hAirteagal 30 agus beidh feidhm leis an nós imeachta dá dtagraítear in Airteagal 29.

I gcas ina bhfaighfear iliomad amas, cruthófar nasc leis na sonraí ar fad a thionscain amas.

3.I gcás ina gcruthófar nasc buí i gcomhréir le mír 3, tabharfaidh an brathadóir ilchéannachtaí rochtain ar na sonraí céannachta atá sna córais faisnéise éagsúla do Láraonad ETIAS.

4.I gcás ina gcruthófar nasc le foláireamh in SIS, cé is moite d'fholáireamh i dtaca le dul isteach a dhiúltú nó d'fholáireamh i dtaca le doiciméad taistil a tuairiscíodh a bheith caillte, a goideadh nó a neamhbhailíochtaíodh i gcomhréir le hAirteagal 24 de Rialachán SIS i réimse na seiceálacha teorann agus Airteagal 38 de Rialachán SIS i réimse fhorfheidhmiú an dlí faoi seach, tabharfaidh an brathadóir ilchéannachtaí rochtain ar na sonraí céannachta atá sna córais faisnéise éagsúla d'oifig SIRENE an Bhallstáit a chruthaigh an foláireamh.

5.Beidh rochtain ag Láraonad ETIAS nó oifig SIRENE an Bhallstáit a chruthaigh an foláireamh ar na sonraí sa chomhad um dheimhniú céannachta agus déanfaidh siad na céannachtaí éagsúla a mheasúnú agus nuashonróidh siad an nasc i gcomhréir le hAirteagal 31, Airteagal 32, agus Airteagal 33 agus cuirfidh siad leis an gcomhad um dheimhniú céannachta é.

6.Cuideoidh eu-LISA i gcás inar gá le Láraonad ETIAS ilchéannachtaí a bhrath dá dtagraítear san Airteagal seo.

Airteagal 60
Costais

1.Is ar bhuiséad ginearálta an Aontais a thitfidh na costais a thabhófar i dtaca le bunú agus feidhmiú na tairsí cuardaigh Eorpaí, na seirbhíse chomhroinnte meaitseála sonraí bithmhéadracha, an stórais choitinn sonraí céannachta agus an bhrathadóra ilchéannachtaí.

2.Is ar bhuiséad ginearálta an Aontais Eorpaigh a thitfidh na costais a thabhófar i dtaca leis an mbonneagar teorann náisiúnta atá ann cheana a chomhtháthú agus a cheangal leis na comhéadain aonfhoirmeacha náisiúnta sin, agus i dtaca leis na comhéadain aonfhoirmeacha náisiúnta a óstáil.

Ní chuirfear san áireamh na costais seo a leanas:

(a)costais oifig bainistithe tionscadal na mBallstát (cruinnithe, misin, oifigí);

(b)costais óstála na gcóras náisiúnta TF (spás, cur chun feidhme, leictreachas, fuarú);

(c)costas na gcóras náisiúnta TF a oibriú (oibreoirí agus conarthaí tacaíochta);

(d)líonraí cumarsáide náisiúnta a dhearadh, a fhorbairt, a chur chun feidhme, a oibriú agus a chothabháil.

3.Is ar gach Ballstát agus ar Europol a thitfidh na costais a thabhóidh na húdaráis ainmnithe dá dtagraítear in Airteagal 4(24). Is ar gach Ballstát agus ar Europol a thitfidh na costais i dtaca leis na húdaráis ainmnithe a nascadh leis an stóras coiteann sonraí céannachta.

Airteagal 61
Fógra a thabhairt

1.Tabharfaidh na Ballstáit fógra do eu-LISA maidir leis na húdaráis dá dtagraítear in Airteagail 7, 20, 21 agus 26 a fhéadfaidh úsáid a bhaint as an tairseach cuardaigh Eorpach, an stóras coiteann sonraí céannachta agus as an mbrathadóir ilchéannachtaí faoi seach nó a fhéadfaidh rochtain a fháil orthu.

Foilseofar liosta comhdhlúite na núdarás sin in Iris Oifigiúil an Aontais Eorpaigh laistigh de thrí mhí tar éis do gach ceann de na comhpháirteanna idir-inoibritheachta teacht i bhfeidhm i gcomhréir le hAirteagal 62. I gcás ina ndéanfar leasuithe ar an liosta, foilseoidh eu-LISA liosta comhdhlúite nuashonraithe uair sa bhliain.

2.Tabharfaidh eu-LISA fógra don Choimisiún maidir le cur i gcrích rathúil na tástála dá dtagraítear in Airteagal 62(1)(b).

3.Tabharfaidh Láraonad ETIAS fógra don Choimisiún maidir le cur i gcrích rathúil an bhirt maidir le hidirthréimhse dá dtagraítear in Airteagal 59.

4.Cuirfidh an Coimisiún an fhaisnéis a dtugtar fógra fúithi de bhun mhír 1 ar fáil do na Ballstáit agus don phobal ar shuíomh gréasáin poiblí a nuashonrófar go rialta.

Airteagal 62
Tús a chur le hoibríochtaí

1.Cinnfidh an Coimisiún an dáta a chuirfear tús le hoibríochtaí gach comhpháirte idir-inoibritheachta ar choinníoll go gcomhlíonfar na coinníollacha seo a leanas:

(a)beidh na bearta dá dtagraítear in Airteagail 8(2), 9(7), 28(5) agus (6), 37(4), 38(4), 39(5) agus 44(5) glactha;

(b)beidh sé dearbhaithe ag eu-LISA go bhfuil tástáil chuimsitheach ar an gcomhpháirt idir-inoibritheachta ábhartha curtha i gcrích go rathúil aige féin i gcomhar leis na Ballstáit;

(c)beidh na socruithe teicniúla agus dlíthiúla maidir le bailiú agus tarchur na sonraí dá dtagraítear in Airteagail 8(1), 13, 19, 34 agus 39 bailíochtaithe ag eu-LISA agus fógra tugtha don Choimisiún ina leith;

(d)beidh an fógra dá dtagraítear in Airteagal 61(1) tugtha ag na Ballstáit don Choimisiún;

(e)i dtaca leis an mbrathadóir ilchéannachtaí, beidh fógra tugtha ag an gCoimisiún do Láraonad ETIAS mar a thagraítear dó in Airteagal 61(3).

2.Cuirfidh an Coimisiún torthaí na tástála arna ndéanamh de bhun mhír 1(b) in iúl do Pharlaimint na hEorpa agus don Chomhairle.

3.Foilseofar an cinneadh ón gCoimisiún dá dtagraítear i mír 1 in Iris Oifigiúil an Aontais Eorpaigh.

4.Tosóidh na Ballstáit agus Europol ag úsáid na gcomhpháirteanna idir-inoibritheachta ón dáta a chinnfidh an Coimisiún i gcomhréir le mír 1.

Airteagal 63
An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar an chumhacht chun gníomhartha tarmligthe dá dtagraítear in Airteagal 8(2) agus in Airteagal 9(7) a thabhairt don Choimisiún go ceann tréimhse neamhchinntithe ama amhail ón [dáta theacht i bhfeidhm an Rialacháin seo].

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 8(2) agus in Airteagal 9(7) a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na gcumhachtaí atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.

4.Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun Airteagal 8(2) agus Airteagal 9(7) i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dheireadh na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú [dhá mhí] ar thionscnamh Pharlaimint na hEorpa nó na Comhairle.

Airteagal 64
Nós imeachta coiste

1.Tabharfaidh Coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.I gcás ina ndéanfar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

Airteagal 65
Grúpa comhairleach

Bunóidh eu-LISA grúpa comhairleach a sholáthróidh an saineolas a bhaineann le hidir-inoibritheacht dó, go háirithe agus a chlár oibre bliantúil agus a thuarascáil bhliantúil ghníomhaíochta á nullmhú aige. Le linn chéim dheartha agus forbartha na gcomhpháirteanna idir-inoibritheachta, beidh feidhm ag Airteagal 52(4) go (6).

Airteagal 66
Oiliúint

Déanfaidh eu-Lisa cúraimí i dtaca le hoiliúint a chur ar fáil in úsáid theicniúil na gcomhpháirteanna idir-inoibritheachta i gcomhréir le Rialachán (AE) Uimh 1077/2011.

Airteagal 67
Lámhleabhar praiticiúil

Cuirfidh an Coimisiún, i ndlúthchomhar leis na Ballstáit, le eu-LISA agus le gníomhaireachtaí ábhartha eile, lámhleabhar praiticiúil ar fáil do chur chun feidhme agus do bhainistiú na gcomhpháirteanna idir-inoibritheachta. Soláthrófar treoirlínte teicniúla agus oibríochtúla, moltaí agus dea-chleachtas sa lámhleabhar praiticiúil. Glacfaidh an Coimisiún an lámhleabhar praiticiúil i bhfoirm molta.

Airteagal 68
Faireachán agus meastóireacht

1.Áiritheoidh eu-LISA go mbeidh nósanna imeachta ann chun faireachán a dhéanamh ar fhorbairt na gcomhpháirteanna idir-inoibritheachta de réir cuspóirí a bhaineann le pleanáil agus costais agus chun faireachán a dhéanamh ar fheidhmiú na gcomhpháirteanna idir-inoibritheachta de réir cuspóirí a bhaineann le haschur teicniúil, cost-éifeachtúlacht, slándáil agus cáilíocht seirbhíse.

2.Faoi cheann [sé mhí tar éis don Rialachán seo teacht i bhfeidhm –– OPOCE, cuirtear isteach an dáta iarbhír] agus gach sé mhí dá éis le linn chéim forbartha na gcomhpháirteanna idir-inoibritheachta, cuirfidh eu-LISA tuarascáil faoi bhráid Pharlaimint na hEorpa agus na Comhairle faoin dul chun cinn atá déanta i ndáil le forbairt a gcomhpháirteanna idir-inoibritheachta. A luaithe a bheidh an fhorbairt tugtha chun críche, cuirfear tuarascáil faoi bhráid Pharlaimint na hEorpa agus na Comhairle ina míneofar go mionsonrach an chaoi ar baineadh amach na cuspóirí, go háirithe na cuspóirí a bhaineann le le pleanáil agus le costais, agus ina dtabharfar údar maith le haon chás inar imíodh óna raibh socraithe.

3.Chun críocha na cothabhála teicniúla, beidh rochtain ag eu-LISA ar an bhfaisnéis is gá maidir leis na hoibríochtaí próiseála sonraí arna ndéanamh sna comhpháirteanna idir-inoibritheachta.

4.Ceithre bliana tar éis tús a bheith curtha gach comhpháirt idir-inoibritheachta agus gach ceithre bliana dá éis, cuirfidh eu-LISA tuarascáil ar fheidhmiú teicniúil na gcomhpháirteanna idir-inoibritheachta, lena náirítear a slándáil, faoi bhráid Pharlaimint na hEorpa, na Comhairle, agus an Choimisiúin.

5.Ina theannta sin, bliain amháin tar éis tuarascáil a fháil ó eu-LISA, déanfaidh an Coimisiún meastóireacht fhoriomlán ar na comhpháirteanna, lena náireofar:

(a)measúnú ar chur i bhfeidhm an Rialacháin seo;

(b)scrúdú ar na torthaí a baineadh amach de réir na gcuspóirí a bhí ann, agus ar an tionchar ar chearta bunúsacha;

(c)measúnú ar ar bhailíocht leanúnach bhunréasúnaíochta na gcomhpháirteanna idir-inoibritheachta;

(d)measúnú ar shlándáil na gcomhpháirteanna idir-inoibritheachta;

(e)measúnú ar pé impleachtaí a thiocfadh i gceist lena náirítear aon tionchar díréireach a d’imreofaí ar shreabhadh an tráchta ag na pointí trasnaithe teorann agus aon impleachtaí a d’imreodh tionchar buiséadach ar bhuiséad an Aontais.

Áireofar sna meastóireachtaí sin pé moltaí is gá. Cuirfidh an Coimisiún an tuarascáil mheastóireachta faoi bhráid Pharlaimint na hEorpa, chuig an gComhairle, chuig an Maoirseoir Eorpach ar Chosaint Sonraí agus chuig Gníomhaireacht an Aontais Eorpaigh um Chearta Bunúsacha arna bunú le Rialachán (AE) Uimh. 168/2007 ón gComhairle. 66

6.Tabharfaidh na Ballstáit agus Europol do eu-LISA agus don Choimisiún cibé faisnéis is gá chun na tuarascálacha dá dtagraítear i mír 4 agus i mír 5 a dhréachtú. Ní chuirfidh an fhaisnéis sin modhanna oibre i gcontúirt ná ní bheidh faisnéis ar áireamh inti a nochtfaidh foinsí, baill foirne ná imscrúduithe na núdarás ainmnithe.

7.Soláthróidh eu-LISA don Choimisiún an fhaisnéis is gá chun na meastóireachtaí dá dtagraítear i mír 5 a dhéanamh.

8.Agus urraim á tabhairt d'fhorálacha an dlí náisiúnta maidir le faisnéis íogair a fhoilsiú, ullmhóidh gach Ballstát agus Europol tuarascálacha bliantúla maidir le héifeachtacht na rochtana ar shonraí a stóráiltear i stóras coiteann sonraí céannachta chun críocha fhorfheidhmiú an dlí, ina mbeidh faisnéis agus staidreamh faoi na nithe seo a leanas:

(a)cad é go baileach is cuspóir don cheadú lena náirítear cineál an chiona sceimhlitheoireachta nó cineál an chiona thromchúisigh choiriúil;

(b)an foras réasúnach a tugadh maidir leis an amhras a bhfuil údar leis go bhfuil amhrastach, déantóir nó íospartach cumhdaithe ag Rialachán Eurodac;

(c)an líon iarrataí ar rochtain ar an stóras coiteann sonraí céannachta chun críocha fhorfheidhmiú an dlí;

(d)an líon agus na cineálacha cásanna inar éirigh leis na húdaráis sainaithint a dhéanamh;

(e)eolas faoin ngá atá leis an gcás práinne eisceachtúil agus faoin úsáid a bhaintear as, lena náirítear na cásanna sin nár glacadh leis an gcás práinne eisceachtúil sin iontu san fhíorú ex post a rinne an lárphointe rochtana.

Tarchuirfear tuarascálacha bliantúla na mBallstát agus tuarascálacha bliantúla Europol chuig an gCoimisiún faoin 30 Meitheamh den bhliain dá éis sin.

Airteagal 69
Teacht i bhfeidhm agus infheidhmeacht

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Bhruiséil,

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh 

1.2.Réimsí beartais lena mbaineann

1.3.An cineál togra/tionscnaimh

1.4.Cuspóirí

1.5.Forais an togra/tionscnaimh

1.6.Fad agus tionchar airgeadais

1.7.Modhanna bainistíochta atá beartaithe

2.BEARTA BAINISTÍOCHTA 

2.1.Rialacha faireacháin agus tuairiscithe

2.2.Córas bainistíochta agus rialaithe

2.3.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

3.2.An tionchar a mheastar a bheidh ag an togra/tionscnamh ar chaiteachas 

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

3.2.3.An tionchar a mheastar a bheidh ag an togra/tionscnamh ar leithreasuithe de chineál riaracháin

3.2.4.Comhoiriúnacht don chreat airgeadais ilbhliantúil reatha

3.2.5.Ranníocaíochtaí ó thríú páirtithe

3.3.An tionchar a mheastar a bheidh ar ioncam

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH 

1.1.Teideal an togra/tionscnaimh 

1.2.Réimsí beartais lena mbaineann 

1.3.An cineál togra/tionscnaimh 

X Baineann an togra/tionscnamh le beart nua 

◻ Baineann an togra/tionscnamh le beart nua a leanann treoirthionscadal/réamhbheart 67  

◻ Baineann an togra/tionscnamh le síneadh ar bheart atá ann cheana 

◻ Baineann an togra/tionscnamh le beart a atreoraíodh i dtreo beart nua 

1.4.Cuspóirí

1.4.1.Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe 

1.4.2.Cuspóirí sonracha agus cuspóir sonrach Uimh. [ ] 

(a)bainistiú teorainneacha seachtracha a fheabhsú;

(b)cuidiú chun imirce neamhrialta a chosc agus a chomhrac; agus

(c)chun ardleibhéal slándála a áirithiú i limistéar saoirse, slándála agus ceartais an Aontais, lena náirítear slándáil phoiblí agus beartas poiblí a chothabháil agus an tslándáil a chosaint ar chríocha na mBallstát.

1.4.3.An toradh agus an tionchar a bhfuil súil leo

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

1.4.4.Táscairí lena léireofar toradh agus tionchar 

Sonraigh na táscairí lena léireofar an faireachán ar chur chun feidhme an togra/tionscnaimh.

1.5.Forais an togra/tionscnaimh 

1.5.1.Na ceanglais is gá a chomhlíonadh sa ghearrthéarma nó san fhadtéarma 

1.5.2.Luach breise a bhaineann le rannpháirteachas AE (d’fhéadfadh an breisluach a bheith mar thoradh ar fhachtóirí éagsúla, e.g. gnóthachain de thoradh comhordú, deimhneacht dhlíthiúil, éifeachtacht mhéadaithe nó comhlántachtaí). Chuige seo is é is ciall le "breisluach a éiríonn as rannpháirteachas an Aontais" an luach a bhíonn mar thoradh ar idirghabháil an Aontais sa bhreis ar an luach a bheadh cruthaithe ag na Ballstáit amháin.

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht d'ionstraimí iomchuí eile agus sineirgíocht a d'fhéadfadh a bheith ann

1.6.Fad agus tionchar airgeadais 

◻ Togra/tionscnamh a bheidh i bhfeidhm ar feadh tréimhse theoranta

–◻    Togra/tionscnamh a bheidh i bhfeidhm ón [LL/MM]BBBB go dtí an [LL/MM]BBBB

–◻    Tionchar airgeadais ó BBBB go BBBB

⌧ Togra/tionscnamh a bheidh i bhfeidhm ar feadh tréimhse neamhtheoranta

–Tréimhse forbartha ó 2019 go 2023 san áireamh, agus cuirfear ag feidhmiú go hiomlán ina dhiaidh sin é.

–Dá bhrí sin, déantar a fhoráil go mbeidh fad an tionchair airgeadais ó 2019 go 2027.

1.7.Modhanna bainistíochta atá beartaithe 72  

⌧ Bainistíocht dhíreach a dhéanann an Coimisiún

–X ag a ranna, lena náirítear an fhoireann atá i dtoscaireachtaí an Aontais;

–◻    trí na gníomhaireachtaí feidhmiúcháin;

⌧ Bainistíocht atá comhroinnte leis na Ballstáit

⌧ Bainistíocht indíreach trí chúraimí a bhaineann le cur chun feidhme an bhuiséid a shannadh dóibh seo a leanas:

–◻ tríú tíortha nó na comhlachtaí a d'ainmnigh siad;

–◻ eagraíochtaí idirnáisiúnta agus a ngníomhaireachtaí (tabhair sonraí);

–◻BEI agus an Ciste Eorpach Infheistíochta;

–⌧ comhlachtaí dá dtagraítear in Airteagal 208 agus Airteagal 209 den Rialachán Airgeadais;;

–◻ comhlachtaí dlí poiblí;

–◻ comhlachtaí arna rialú ag an dlí príobháideach agus a bhfuil misean seirbhíse poiblí acu sa mhéid go gcuireann siad ráthaíochtaí leordhóthanacha airgeadais ar fáil;

–◻ comhlachtaí arna rialú ag dlí príobháideach Ballstáit, a gcuirtear de chúram orthu comhpháirtíochtaí príobháideacha poiblí a chur chun feidhme, agus a sholáthraíonn ráthaíochtaí leordhóthanacha airgeadais;

–◻ daoine a gcuirtear de chúram orthu bearta sonracha a chur chun feidhme in CBES de bhun Theideal V de CAE, ar daoine iad a aithnítear sa bhunghníomh ábhartha.

–I gcás ina sonraítear níos mó ná modh bainistíochta amháin, tabhair sonraí sa roinn "Nótaí" le do thoil.

Nótaí

(1) Ní áirítear aon mhéideanna don chéim oibríochtaí san ionstraim seo.

2.BEARTA BAINISTÍOCHTA 

2.1.Rialacha faireacháin agus tuairiscithe 

Sonraigh minicíocht na mbeart agus na coinníollacha atá leo

2.2.Córas bainistíochta agus rialaithe 

2.2.1.Na rioscaí a aithníodh. 

2.2.2.Faisnéis maidir leis an gcóras rialaithe inmheánaigh atá i bhfeidhm.

2.2.3.Meastachán ar chostais agus ar shochair na rialuithe agus measúnú ar an leibhéal riosca earráide a bhfuiltear ag súil leis. 

2.3.Bearta chun calaois agus neamhrialtachtaí a chosc 

Sonraigh bearta coisctheacha agus cosanta atá ann cheana nó atá beartaithe.

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH 

Gabhann an ráiteas airgeadais reachtach seo den togra reachtach leasaithe seo ionad an ráitis airgeadais reachtaigh roimhe seo. Tá an ráiteas airgeadais reachtach céanna sna tograí reachtacha COM(2017) 793 (teorainneacha agus víosaí) agus COM(2017) 794 (comhar póilíneachta agus comhar breithiúnach, tearmainn agus imirce). Ós rud nach féidir na suimeanna buiséadaithe a scaradh don dá thogra, tá na suimeanna bailí don dá thogra le chéile. Dá bhrí sin, níl na suimeanna uile le háireamh ach uair amháin. Is ionann sin do na tograí leasaithe.

Tá an tionchar a mheastar a bheidh ar chaiteachas agus ar an líon foirne don bhliain 2021 agus ina dhiaidh sin sa ráiteas airgeadais reachtach seocumhdaítear i gcomhréir leis an togra ón gCoimisiún don chéad chreat airgeadais ilbhliantúil eile an 2 Bealtaine 2018.

Tá an ráiteas airgeadais reachtach céanna sna tograí reachtacha COM(2017) 793 (teorainneacha agus víosaí) agus COM(2017) 794 (comhar póilíneachta agus comhar breithiúnach, tearmainn agus imirce). Ós rud nach féidir na suimeanna buiséadaithe a scaradh don dá thogra, tá na suimeanna bailí don dá thogra le chéile. Dá bhrí sin, níl na suimeanna uile le háireamh ach uair amháin. Is ionann sin do na tograí leasaithe.

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar 

·Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

Cuirfear ceannteideal 4 sa chreat airgeadais ilbhliantúil nua (ó 2021 ar aghaidh) in ionad cheannteideal 3 faoin gCreat Airgeadais Ilbhliantúil reatha.

3.2.An tionchar a mheastar a bheidh ag an togra/tionscnamh ar chaiteachas 

[Ba cheart an scarbhileog ar shonraí buiséid de chineál riaracháin a úsáid leis an gcuid seo a líonadh isteach (an dara doiciméad san iarscríbhinn a ghabhann leis an ráiteas airgeadais seo) agus í a uaslódáil chuig DECIDE chun críocha comhairliúcháin idirsheirbhíse.]

3.2.1.Achoimre ar an tionchar a mheastar a bheidh ag an togra/tionscnamh ar chaiteachas 

EUR milliúin (go dtí an tríú deachúil)

Cuirfear ceannteideal 4 sa chreat airgeadais ilbhliantúil nua (ó 2021 ar aghaidh) in ionad cheannteideal 3 faoin gCreat Airgeadais Ilbhliantúil reatha.

Cumhdófar faoin gcaiteachas na costais a bhaineann le:

–An costas a bhaineann leis an gcomhéadan aonfhoirmeach náisiúnta (a maoinítear a fhorbairt faoin togra maidir le EES) a oiriúnú, méid arna bhuiséadú le haghaidh na nathruithe ar na córais sna Ballstáit chun modhnúcháin na lárchóras a chur san áireamh, agus méid arna bhuiséadú le haghaidh oiliúint úsáideoirí deiridh.

–Cumhdófar leis an mbuiséad don Ghníomhaireacht Eorpach um an nGarda Teorann agus Cósta caiteachais foirne atá tiomnaithe do bhailíochtú na nasc arna nginiúint leis an mbrathadóir ilchéannachtaí ar na seansonraí (isteach is amach le 14 mhilliún taifead). Meastar gurb é 550,000 líon na nasc a bheidh le bailíochtú de láimh. Cuirfear an fhoireann thiomnaithe a cuireadh ar bun chun na críche sin isteach le foireann na Gníomhaireachta Eorpaí um an nGarda Teorann agus Cósta a cuireadh ar bun le haghaidh ETIAS mar go bhfuil siad cosúil le chéile ó thaobh feidhme de agus chun na costais a bhainfeadh le chun foireann nua a chur ar bun a sheachaint. Táthar ag súil leis go dtabharfar faoin obair i 2023. Mar sin de, earcófar na gníomhairí ar conradh suas go trí mhí roimh ré agus cuirfear deireadh lena gconradh suas go dhá mhí tar éis aistriú na sonraí teacht chun deiridh. Ní ghlactar leis go nearcófar cuid eile de na daonacmhainní riachtanacha mar ghníomhairí ar conradh agus ceapfar mar chomhairleoirí iad. Is léir, dá bhrí sin, cad is bunús leis na costais faoi Theideal 3 le haghaidh 2023. Glacfar leis go gceapfar mí amháin roimh ré iad. Tabharfar tuilleadh mionsonraí faoi líon na foirne ina dhiaidh seo.

–Mar sin de, áireofar costas 20 ball foirne inmheánacha ar Theideal 1, agus na forálacha maidir le foireann bhainistíochta agus tacaíochta a neartú.

–Áireofar an costas breise ar Theideal 2 chun an 10 mball foirne bhreise ar conradh a fhostú.

–Áireofar an táille ar Theideal 3 le haghaidh an 10 mball foirne bhreise ar conradh. Ní áireofar aon chineálacha eile costais eile ann.

Cumhdófar faoi chaiteachas Europol nuashonrú chumas chórais TF Europol chun déileáil le líon na dteachtaireachtaí a bheidh le láimhseáil agus leis na leibhéil feidhmíochta mhéadaithe is gá (am freagartha).

Faoi chaiteachas foirne i dTeideal 1, cumhdófar na costais a bhaineann le foireann TFC bhreise a bheidh le hearcú chun córais faisnéise Europol a neartú ar na cúiseanna a thuairiscítear thuas. Tugtar tuilleadh mionsonraí thíos faoi dháileadh na bpost ar ghníomhairí sealadacha agus gníomhairí ar conradh, agus faoina gcuid saineolais.

I dTeideal 3, áireofar costais le haghaidh na gcrua-earraí agus na mbogearraí is gá chun córais faisnéise Europol a neartú. I láthair na huaire, tá córais TF Europol ag freastal ar phobal ainmnithe teoranta de Europol, Oifigigh Idirchaidrimh Europol agus imscrúdaitheoirí sna Ballstáit a bhaineann úsáid as na córais sin chun críocha anailís agus imscrúdú a dhéanamh. Tar éis QUEST (an comhéadan córais lenar féidir leis an tairseach cuardaigh Eorpach cuardach a dhéanamh ar shonraí Europol) a chur chun feidhme ar leibhéal bunúsach cosanta (faoi láthair tá córais faisnéise Europol creidiúnaithe suas go leibhéal srianta an Aontais agus leibhéal rúnda an Aontais), cuirfear córais faisnéise Europol ar fáil do phobal údaraithe forfheidhmithe dlí i bhfad níos mó. Mar aon leis na méaduithe sin, bainfidh ETIAS úsáid as an tairseach cuardaigh Eorpach chun cuardach a dhéanamh ar shonraí Europol go huathoibríoch agus chun údaruithe taistil a phróiseáil. Mar gheall air sin, méadófar ar an líon cuardach a dhéanfar ar shonraí Europol ó amach is isteach le 107 000 cuardach in aghaidh na míosa mar atá faoi láthair go dtí níos mó ná 100 000 cuardach in aghaidh an lae, agus is gá freisin córais faisnéise Europol a bheith ar fáil ar bhonn 24/7 agus amanna freagartha an-ghearr a bheith ann chun na ceanglais arna bhforchur le Rialachán ETIAS a chomhlíonadh. Beidh formhór na gcostas teoranta don tréimhse sin sula gcuirfear na comhpháirteanna idir-inoibritheachta i bhfeidhm, ach is gá cloí le roinnt gealltanais leanúnacha chun a áirithiú go mbeidh córais faisnéise Europol ar fáil ar bhonn forleathan leanúnach. Ina theannta sin, is gá oibreacha forbartha chun go mbeidh Europol in ann na comhpháirteanna idir-inoibritheachta a chur chun feidhme mar úsáideoir.

Mar gheall ar oiliúint ar leibhéal an Aontais a dhéantar a chomhordú go lárnach, cuirfear feabhas ar chur chun feidhme comhleanúnach na gcúrsaí oiliúna ar an leibhéal náisiúnta agus, dá bharr sin, áiritheofar go ndéanfar na comhpháirteanna idir-inoibritheachta a chur chun feidhme agus a úsáid ar bhealach ceart éifeachtach. Tá CEPOL in áit mhaith - mar Ghníomhaireacht an Aontais Eorpaigh um Oiliúint i bhForfheidhmiú an Dlí - chun oiliúint ar leibhéal an Aontais a sholáthar. Cumhdófar faoin gcaiteachas sin ullmhú na 'hoiliúna le haghaidh oiliúnóirí na mBallstát' atá de dhíth chun na lárchórais a úsáid a luaithe agus a dhéanfar idir-inoibrithe iad. Áireofar ar na costais sin na costais a bhaineann le méadú beag ar an bpearsanra chun gur féidir le CEPOL na cúrsaí a chomhordú, a bhainistiú, a eagrú agus a nuashonrú agus an costas a bhaineann le méid áirithe seisiún oiliúna in aghaidh na bliana a sholáthar agus an cúrsa ar líne a ullmhú. Tugtar míniú ar mhionsonraí na gcostas sin thíos. Díreofar an iarracht oiliúna ar na tréimhsí go díreach roimh an gcur i bhfeidhm. Is gá obair leanúnach fós tar éis an chur i bhfeidhm mar go ndéanfar na comhpháirteanna idir-inoibritheachta a chothabháil agus mar nach iad na hoiliúnaithe na daoine céanna i rith an ama, de réir na taithí atá faighte ó na cúrsaí oiliúna atá ar bun cheana maidir le córas faisnéise Schengen a thabhairt.

Cumhdaítear an tsuim EUR 261,293 milliún leis an gcreat airgeadais ilbhliantúil reatha don tréimhse 2019 – 2020 agusdo tá sí i gcomhréir leis an togra ón gCoimisiún maidir leis an gcreat airgeadais ilbhliantúil nua don tréimhse 2021 –2027
(féach ceannteideal 4 Bainistiú Imirce agus Teorainneacha in COM(2018) 321 an 2 Bealtaine 2018).

Cumhdófar faoin gcaiteachas sin na nithe seo:

–Forbairt agus cothabháil na gceithre chomhpháirt idir-inoibritheachta (an tairseach cuardaigh Eorpach, an tseirbhís chomhroinnte meaitseála sonraí bithmhéadracha, an stóras coiteann sonraí céannachta, an brathadóir ilchéannachtaí) a áirítear sa togra dlí mar aon leis an lárstóras um thuairisciú agus staidreamh, agus meastóireacht a dhéanamh orthu i gcomhthéacs na bpríomhchuspóirí beartais. Feidhmeoidh eu-LISA mar an tionadaí thar ceann úinéir an tionscadail agus bainfidh sé úsáid as a fhoireann féin chun sonraíochtaí a dhréachtú, conraitheoirí a roghnú, a chuid oibre a stiúradh, torthaí tacar tástálacha a thíolacadh agus an obair a dhéanfar a ghlacadh.

–Na costais a bhaineann leis na sonraí a aistriú as na seanchórais go dtí na comhpháirteanna nua. Níl ról díreach ag eu-LISA, áfach, sa lódáil tosaigh sonraí le haghaidh an bhrathadóra ilchéannachtaí (bailíochtú nasc) mar gur beart é sin a bhaineann le hinneachar na sonraí féin. Is le formáid agus lipéadú na sonraí, agus leo sin amháin, a bhaineann aistriú sonraí bithmhéadracha as seanchórais agus ní bhaineann sé le hinneachar na sonraí.

–Na costais maidir le ECRIS-TCN a nuashonrú agus a oibriú chun go mbeidh sé ag feidhmiú mar chóras ard-infhaighteachta ó 2022. Is é ECRIS-TCN an lárchóras ina bhfuil taifid choiriúla na náisiúnach tríú tír. Tá sé beartaithe go mbeidh an córas ar fáil faoi 2020. Táthar ag súil le go bhfaighidh na comhpháirteanna idir-inoibritheachta rochtain ar an gcóras sin agus, dá bhrí sin, ba cheart córas ard-infhaighteachta a bheith sa chóras sin. Áireofar ar an gcaiteachas oibríochtúil an costas breise a bhaineann lena áirithiú gur córas ard-infhaighteachta a bheidh sa chóras sin. Beidh costas suntasach forbartha ann in 2021 as a dtiocfaidh costas leanúnach chun an córas a chothabháil agus a oibriú. Ní chuirfear na costais sin san áireamh sa Bhileog Airgeadais Reachtaíochta a ghabhann le hathbhreithniú an rialacháin lenar bunaíodh eu-LISA 77 nach náirítear ann ach na buiséid ó 2018 go dtí 2020 agus, dá bhrí sin, nach ndéantar forluí ar an iarratas seo ar bhuiséad.

–Tá patrún an chaiteachais bunaithe ar sheiceamhú an tionscadail. Ó tharla nach bhfuil na comhpháirteanna éagsúla neamhspleách ar a chéile, mairfidh an tréimhse forbartha ó 2019 go 2023. Ó 2020 ar aghaidh, áfach, cuirfear tús leis na chéad chomhpháirteanna a bheidh ar fáil a chothabháil agus a oibriú. Dá bhrí sin, is léir cad chuige nach gcaitear ach beagán ar dtús, cad chuige a dtagann méadú air dá éis sin agus cad chuige a dtagann laghdú ar an gcaiteachas ansin go luach seasmhach.

–Maidir leis an gcaiteachas faoi theideal 1 (caiteachas foirne), leanfar seiceamhú an tionscadail: Tá gá le níos mó foirne chun an tionscadal a chur i bhfeidhm i gcomhar leis an gconraitheoir (a luaitear a chostais faoi theideal 3). Nuair a chuirfear an tionscadal i bhfeidhm, sannfar obair forbartha agus obair chothabhála do chuid den fhoireann soláthar tionscadail San am céanna, tiocfaidh méadú ar an líon foirne a bheidh ag oibriú na gcóras nua-sholáthartha.

–Maidir leis an gcaiteachas faoi theideal 2 (caiteachas bonneagair agus oibríochtaí), cumhdófar an spás oifige breise chun foirne an chonraitheora atá i mbun na gcúraimí forbartha, cothabhála agus oibríochtaí a óstáil go sealadach. Dá bharr sin, athrófar patrún an chaiteachais i rith an ama freisin de réir mar a thiocfaidh athrú ar líon na foirne. Tá na costais a bhaineann le trealamh breise a óstáil curtha san áireamh cheana féin i mbuiséad eu-LISA. Níl aon chostais bhreise ann ach an oiread chun foireann eu-LISA a óstáil mar nach gcuirtear é sin san áireamh i gcostas caighdeánach na foirne.

–Maidir leis an gcaiteachas faoi theideal 3 (caiteachas oibríochtúil), áireofar an costas a bhaineann leis an gconraitheoir an córas a fhorbairt agus a chothabháil agus crua-earraí agus bogearraí sonracha a fháil.    
Is iad na costais tosaigh atá i gceist leis an gconraitheoir na costais atá ar staidéar a dhéanamh ar na comhpháirteanna agus ar an bhforbairt a shonrú i gcás comhpháirt amháin (an lárstóras um thuairisciú agus staidreamh). Sa tréimhse 2020-2022, tiocfaidh méadú ar chostais de réir mar a bheidh níos mó comhpháirteanna á bhforbairt. Ní thiocfaidh laghdú ar na costais tar éis an bhuaicphointe mar go bhfuil na cúraimí aistrithe sonraí go measartha dian sa phunann tionscadail seo. Tiocfaidh laghdú ar chostais an chonraitheora de réir mar a sholáthrófar na comhpháirteanna agus de réir mar a chuirfear i bhfeidhm iad, agus dteastaíonn patrún acmhainní cobhsaí chuige sin.    
I gcomhthráth leis an gcaiteachas faoi theideal 3, tiocfaidh méadú suntasach ar an gcaiteachas i 2020 i gcomparáid leis an mbliain roimhe mar gheall ar an infheistíocht tosaigh a dhéanfar sna crua-earraí agus sna bogearraí is gá le linn na forbartha. Beidh méadú ar an gcaiteachas faoi theideal 3 (caiteachas oibríochtaí) in 2021 agus 2022 toisc go dtabhófar costais infheistíochta na gcrua-earraí agus na mbogearraí do na timpeallachtaí TF oibríochtúla (táirgeadh agus réamhtháirgeadh le haghaidh an láraonaid agus an láraonaid chúltaca) sa bhliain roimh an gcur i bhfeidhm agus le haghaidh na gcomhpháirteanna idir-inoibritheachta araon (an stóras coiteann sonraí céannachta agus an brathadóir ilchéannachtaí) agus teastaíonn cuid mhór bogearraí agus crua-earraí dá bhrí sin. A luaithe a chuirfear i bhfeidhm é, is costais chothabhála go bunúsach iad na costais le haghaidh na gcrua-earraí agus an mbogearraí.

–Tugtar tuilleadh mionsonraí thíos.

Cuirfear ceannteideal 7 sa chreat airgeadais ilbhliantúil nua (ó 2021 ar aghaidh) in ionad cheannteideal 5 faoin gCreat Airgeadais Ilbhliantúil reatha.

EUR milliúin (go dtí an tríú deachúil)

EUR milliúin (go dtí an tríú deachúil)

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí 

3.2.2.1.An tionchar a mheastar a bheidh ar leithreasuithe na Gníomhaireachta Eorpaí um an nGarda Teorann agus Cósta

–◻    Ní éilíonn an togra/tionscnamh go núsáidfear leithreasuithe faoi chomhair oibríochtaí

–⌧    Éilíonn an togra/tionscnamh go núsáidfear leithreasuithe faoi chomhair oibríochtaí mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

Cumhdófar faoin gcaiteachas sin na nithe seo:

–Líon leordhóthanach foirne breise leordhóthanach a earcú (isteach is amach le 10 saineolaithe) le cur leis an bhfoireann inmheánach atá ann cheana (isteach is amach le 20 duine a bheith uirthi) a dhéanfar a óstáil sa Ghníomhaireacht Eorpach um an nGarda Teorann agus Cósta chun naisc a bhailíochtú. Níl ach mí amháin ann chun foireann a earcú roimh an dáta tosaigh atá beartaithe chun an líon foirne is gá a bhaint amach.

–Níl meastachán tugtha ar aon chostais chonraitheora eile. Áirítear mar chuid de na costais cheadúnais le haghaidh na seirbhíse comhroinnte meaitseála sonraí bithmhéadracha atá costas na mbogearraí atá de dhíth. Níl aon chumas próiseála crua-earraí sonrach ann. Glactar leis go ndéanfaidh an Ghníomhaireacht Eorpach um an nGarda Teorann agus Cósta foireann an chonraitheora a óstáil. Dá bhrí sin, cuirtear isteach, faoi chostais Theideal 2, costas bliantúil 12 mhéadar chearnacha ar an meán in aghaidh an duine.

3.2.2.2.An tionchar a mheastar a bheidh ar leithreasuithe Europol

–◻    Ní éilíonn an togra/tionscnamh go núsáidfear leithreasuithe faoi chomhair oibríochtaí

–⌧    Éilíonn an togra/tionscnamh go núsáidfear leithreasuithe faoi chomhair oibríochtaí mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)