AN COIMISIÚN EORPACH

An Bhruiséil,17.5.2018

COM(2018) 296 final

2018/0148(COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le lipéadú bonn i leith éifeachtúlacht breosla agus paraiméadair riachtanacha eile agus lena n-aisghairtear Rialachán (CE) Uimh. 1222/2009

(Téacs atá ábhartha maidir le LEE)

{SEC(2018) 234 final}
{SWD(2018) 188 final}
{SWD(2018) 189 final}

MEABHRÁN MÍNIÚCHÁIN

1.COMHTHÉACS AN TOGRA

•Forais agus cuspóirí an togra

Trí fheabhas a chur ar lipéadú bonn, tabharfar tuilleadh faisnéise do thomhaltóirí faoi éifeachtúlacht bhreosla, sábháilteacht agus torann, rud a thabharfaidh deis dóibh faisnéis chruinn, ábhartha agus inchomparáide a fháil ar na gnéithe sin agus boinn á gceannach acu. Cuideoidh sé sin chun éifeachtúlacht na scéime lipéadaithe bonn a fheabhsú, chun feithiclí níos glaine, níos sábháilte agus níos ciúine a áirithiú agus chun an leas is mó is féidir a bhaint as an méid a chuireann an scéim le dícharbónú na hearnála iompair.

Leis an togra seo déantar Rialachán (CE) Uimh. 1222/2009 1 maidir le lipéadú bonn i leith éifeachtúlachta breosla agus paraiméadar riachtanach eile (an Rialachán maidir le Lipéadú Bonn, RLB) a aisghairm agus a ionadú.

Rinneadh RLB a leasú faoi dhó sular tháinig sé i bhfeidhm, sa chéad dul síos chun modh nua tástála do fhliuchghreim bhoinn C1 (gluaisteáin) a chur san áireamh ann, agus ansin lena léiriú go raibh modh tástála fliuchghreama idirnáisiúnta iomchuí forbartha freisin do bhoinn C2 (veaineanna) agus do bhoinn C3 (feithiclí tromshaothair) 2 , agus chun nós imeachta ailínithe saotharlainne le friotaíocht rollta a thomhas a chur san áireamh. Cuirtear na leasuithe sin isteach sa togra seo.

•Comhsheasmhacht le forálacha beartais atá sa réimse beartais cheana

In 2009, ghlac an tAontas Eorpach dhá thacar rialacha i ndáil le boinn:

–RLB, inar leagadh amach ceanglais an Aontais chun an fhaisnéis a chomhchuibhiú maidir leis na paraiméadair bhonn atá le soláthar d’úsáideoirí deiridh, rud a chuireann ar a gcumas roghanna ceannacháin eolasacha a dhéanamh; agus

–An Rialachán maidir leis na ceanglais i gcomhair cineálcheadaithe 3 le haghaidh sábháilteacht ghinearálta mótarfheithiclí (an Rialachán maidir leis an tSábháilteacht Ghinearálta, RSG), lenar cuireadh ceanglais theicniúla chomhchuibhithe i bhfeidhm atá le comhlíonadh ag boinn sular féidir iad a chur ar mhargadh an Aontais.

Le RSG cuirtear ceanglais íosta i bhfeidhm inter alia do bhoinn maidir leis an méid seo a leanas:

(i) friotaíocht rollta;

(ii) feidhmíocht fliuchghreama; agus

(iii) torann seachtrach rollta bonn.

Tháinig na ceanglais sin i bhfeidhm ón 1 Samhain 2012, agus tháinig an dara céim de cheanglais níos déine maidir leis an bhfriotaíocht rollta i bhfeidhm ar an 1 Samhain 2016 (agus tiocfaidh tuilleadh coigeartuithe i bhfeidhm in 2018 agus in 2020).

Amhail aon táirgí eile a chuirtear ar mhargadh an Aontais, ní mór do na húdaráis náisiúnta faireachais margaidh na boinn a sheiceáil lena áirithiú go bhfuiltear ag cloí leis na ceanglais infheidhme. Le Rialachán (CE) Uimh. 765/2008 4 bunaítear an creat le haghaidh faireachas margaidh ag Ballstáit agus áirithítear faireachas margaidh éifeachtach trasteorann.

Rinneadh an creat ginearálta i gcomhair lipéadú fuinnimh a thabhairt suas chun dáta in 2017 nuair a glacadh Rialachán (AE) 2017/1369 5 . Leis sin, rinneadh Treoir 2010/30/EAE a aisghairm agus a ionadú agus tugadh isteach líon áirithe eilimintí nua, amhail bunachar sonraí ina gclárófar táirgí, agus rialacha nua maidir le fógraíocht amhairc agus le ciandíolacháin agus díolacháin ar líne.

Tá lipéadú bonn mar chuid de reachtaíocht an Aontais maidir le héifeachtúlacht fuinnimh táirgí. Áirítear leis sin rialacháin maidir le héicdhearthóireacht, lena leagtar síos ceanglais íosta atá le comhlíonadh ag táirgí a bhaineann le fuinneamh sular féidir iad a chur ar mhargadh an Aontais, agus rialacháin maidir le lipéadú fuinnimh, a chuireann faisnéis ar fáil do thomhaltóirí faoi ídiú fuinnimh agus gnéithe ríthábhachtacha eile táirgí, rud a chabhraíonn leo cinntí ceannacháin a dhéanamh atá eolach, éifeachtach ó thaobh costais de, neamhdhíobhálach don chomhshaol, maith don chomhshaol agus lena sábháiltear airgead araon.

Tá an tionscnamh seo ag teacht le beartas fuinnimh an Aontais ós rud é go gcuireann sé le héifeacht an acquis atá ann cheana maidir le lipéadú bonn agus go dtugann sé suas chun dáta é.

•Comhsheasmhacht le beartais eile de chuid an Aontais

Leis an athbhreithniú ar an scéim lipéadaithe bonn, cuirtear le hiarrachtaí an Aontais na hastaíochtaí gás ceaptha teasa agus an truailliú aeir arb í an earnáil iompair is cúis leo a laghdú.

Tá an tionscnamh seo mar chuid den Tríú Phacáiste “An Eoraip ag Gluaiseacht”, lena gcuirtear straitéis beartais tionsclaíochta Mheán Fómhair 2017 i gcrích, agus ceapadh é chun a chur ar chumas na hEorpa leas iomlán a bhaint as na buntáistí uile a ghabhann le nuachóiriú agus dícharbónú na soghluaisteachta. Tá sé ríthábhachtach go mbeidh córas soghluaisteachta na todhchaí sábháilte, glan agus éifeachtach do shaoránaigh uile an Aontais. Is é is aidhm leis, soghluaisteacht na hEorpa a dhéanamh níos sábháilte agus níos inrochtana, tionscal na hEorpa a dhéanamh níos iomaíche, poist na hEorpa a dhéanamh níos sláine, agus a bheith níos glaine agus níos oiriúnaithe don chomhrac ríthábhachtach i gcoinne an athraithe aeráide. Chuige sin, beidh tiomantas iomlán an Aontais, na mBallstát agus na bpáirtithe leasmhara ag teastáil, lena náirítear maidir le neartú na niarrachtaí i ndáil le hastaíochtaí gás ceaptha teasa agus truailliú aeir.

Tagraíonn an Teachtaireacht ón gCoimisiún, A European Strategy for Plastics in a Circular Economy [Straitéis Eorpach maidir le hÁbhar Plaisteach i nGeilleagar Ciorclach] don ghá atá le staidéar a dhéanamh ar bhealaí chun scaoileadh neamhbheartaithe micreaphlaisteach ó bhoinn a laghdú.

2.BUNÚS DLÍ, COIMHDEACHT AGUS COMHRÉIREACHT

•Bunús dlí

Tá Rialachán (CE) Uimh. 1222/2009 bunaithe ar Airteagal 95 den Chonradh lena mbunaítear an Comhphobal Eorpach, Airteagal 114 den Chonradh ar Fheidhmiú an Aontais Eorpaigh (CFAE) anois. Is iomchuí bunús dlí i dtaca leis an margadh inmheánach margaidh a bheith ann mar go bhfuil an Rialachán nasctha le ceanglais chineálcheadaithe bonn atá le cur ar mhargadh an Aontais, ach ós rud é go gcumhdaítear éifeachtúlacht bhreosla leis freisin, is iomchuí bunús dlí i dtaca le fuinneamh a chur leis ina theannta sin, i.e. Airteagal 194 CFAE.

•Coimhdeacht (maidir le hinniúlacht neamheisiach)

Léiríonn na hionstraimí maidir le héifeachtúlacht fuinnimh agus éifeachtúlacht bhreosla a glacadh ar leibhéal an Aontais go bhfuil tábhacht an fhuinnimh ag méadú mar dhúshlán polaitiúil agus eacnamaíoch agus léiríonn siad na dlúthnaisc atá ag an bhfuinneamh le réimsí beartas maidir le slándáil an tsoláthair fuinnimh, athrú aeráide, inbhuanaitheacht, comhshaol, an margadh inmheánach agus forbairt eacnamaíoch. Go dtí seo, ní fhéadadh na Ballstáit ina naonar cuspóirí na héifeachtúlachta fuinnimh a bhaint amach go leordhóthanach agus tá gá le beart ar leibhéal an Aontais chun na gníomhaíochtaí a éascú ar an leibhéal náisiúnta agus chun tacú leo.

Tá sé riachtanach cothrom iomaíochta a áirithiú do mhonaróirí agus do dháileoirí ó thaobh na faisnéise a thugtar do chustaiméirí faoi bhoinn atá ar díol ar fud mhargadh inmheánach an Aontais. Dá bhrí sin, tá gá le rialacha atá ceangailteach de réir dlí san Aontas ar fad.

Is iad údaráis na mBallstát a dhéanann faireachas margaidh. Chun a bheith éifeachtach, ní mór dó a bheith aonfhoirmeach ar fud an Aontais nó bainfear an bonn ón margadh inmheánach agus beidh dídhreasú ann do ghnólachtaí chun acmhainní a infheistiú i ndearadh, i monarú agus i ndíolachán táirgí atá éifeachtúil ó thaobh fuinnimh de. Má chuirtear táirgí san áireamh le bunachar sonraí táirgí cuideoidh sé sin le héifeachtacht an fhaireachais margaidh.

•Comhréireacht

I gcomhréir le prionsabal na comhréireachta, ní théann na leasuithe atá beartaithe ar an gcreat reachtach atá ann cheana thar a bhfuil riachtanach chun na cuspóirí a leagtar síos a ghnóthú. Feabhsóidh siad soiléireacht agus inoibritheacht an chreata sin.

Leis na leasuithe atá beartaithe, beifear in ann faisnéis faoi bhoinn sneachta/oighir a thaispeáint ar an lipéad, an ceanglas a neartú i ndáil leis an lipéad a thaispeáint i gcásanna nach bhfeiceann tomhaltóirí an bonn/na boinn atá siad ag smaoineamh a cheannach (mar go bhfuil na boinn stóráilte in áit eile, nó i gcás ciandíolacháin nó díolachán ar líne) agus áirítear leo boinn atá sa bhunachar sonraí ina gclárófar táirgí arna bhunú faoi Rialachán (AE) 2017/1369 chun faireachas margaidh agus faisnéis do thomhaltóirí a fheabhsú.

Beidh sé de cheangal ar sholáthraithe faisnéis a iontráil sa bhunachar sonraí táirgí nua. Is ionann an fhaisnéis sin agus faisnéis a bhfuil orthu a chur ar fáil cheana do na húdaráis faireachais margaidh náisiúnta nuair a iarrtar í, agus meastar, dá bhrí sin, go mbeadh an tualach breise an-bheag agus comhréireach leis an tairbhe a bhainfí as an mbunachar sonraí táirgí ó thaobh forfheidhmiú agus trédhearcachta de.

Tá measúnú tionchair SWD(2018)189 ag gabháil leis an togra agus ba cheart tagairt a dhéanamh do na codanna ina bpléitear comhréireacht.

•An rogha ionstraime

Is é atá san RLB atá i bhfeidhm faoi láthair Rialachán ó Pharlaimint na hEorpa agus ón gComhairle, agus is iomchuí ionstraim den chineál céanna a chur ina ionad, mar go bhfuil oibleagáidí d’oibreoirí eacnamaíocha ann atá infheidhme go díreach.

3.TORTHAÍ Ó MHEASTÓIREACHTAÍ EX POST, Ó CHOMHAIRLIÚCHÁIN LEIS NA PÁIRTITHE LEASMHARA AGUS Ó MHEASÚNUITHE TIONCHAIR

•Meastóireachtaí ex post/seiceálacha oiriúnachta ar an reachtaíocht atá ann cheana

Rinne an Coimisiún meastóireacht ex-post ar RLB, atá le fáil in Iarscríbhinn 5 a ghabhann leis an dtuarascáil ar an measúnú tionchair.

Ba é conclúid na meastóireachta gur féidir éifeachtacht agus éifeachtúlacht RLB a fheabhsú tuilleadh, go háirithe tríd an méid seo a leanas:

(i)    an tuiscint atá ag tomhaltóirí ar an lipéad agus a muinín as a fheabhsú (rud a fhágfaidh go mbeidh siad níos dóchúla faisnéis an lipéid a úsáid agus boinn á gceannach acu), agus

(ii)    faireachas margaidh a fheabhsú chun 3 chuspóir RLB a bhaint amach go hiomlán.

•Comhairliúcháin leis na páirtithe leasmhara

Rinneadh cruinniú de na páirtithe leasmhara a reáchtáil i mí na Samhna 2015 ag a raibh níos mó ná 40 páirtí leasmhar.

Ritheadh comhairliúchán poiblí ón 10 Deireadh Fómhair 2017 go dtí an 8 Eanáir 2018 ar leathanach gréasáin comhairliúcháin an Choimisiúin 6 . Fuarthas 70 freagra agus tá achoimre mhionsonraithe ar na freagróirí agus na freagraí le fáil in Iarscríbhinn 2 a ghabhann leis an tuarascáil ar an measúnú tionchair.

•Bailiú agus úsáid saineolais

Mar chuid de staidéar sonrach fadréimseach, a coimisiúnaíodh leis an athbhreithniú a ullmhú 7 , rinneadh 6000 tomhaltóir a cheistiú i sé cinn de na Ballstáit.

•Measúnú tionchair

Gabhann Measúnú Tionchair leis an togra seo agus tá sé foilsithe ar shuíomh gréasáin Europa an Choimisiúin maille le tuairim fhabhrach ón mBord um Ghrinnscrúdú Rialála (Ares(2018)1626237) a glacadh an 23 Márta 2018.

Aithníodh sa measúnú tionchair líon áirithe fadhbanna leis an Rialachán reatha, agus seo a leanas dhá cheann de na fadhbanna is tábhachtaí:

–éifeachtacht laghdaithe an lipéid bhoinn mar gheall ar easpa infheictheachta;

–neamhchomhlíonadh de bharr easpa forfheidhmithe.

Seo a leanas na roghanna beartais a scrúdaíodh:

1.bearta neamhrialála, lena náirítear feachtais faisnéise, gníomhaíochtaí forfheidhmithe comhpháirteacha agus athbhreithniú ar mhodhanna tástála.

2.leasuithe spriocdhírithe reachtacha, chun go bhféadfaí an méid seo a leanas a bhaint amach:

·lipéadú i gcónaí ar bhoinn a sheachadtar le feithiclí;

·lipéadú ar líne;

·faisnéis faoi fheidhmíocht sa sneachta agus ar an oighear a chur san áireamh ar an lipéad;

·raon feidhme an cheanglais lipéadaithe a leathnú chun boinn C3 a chuimsiú;

·na ceanglais i dtaca le doiciméadacht theicniúil a neartú;

·leasuithe ar na hiarscríbhinní maidir le modhanna tástála agus an próiseas cineálcheadaithe a leathnú chun dearbhú an lipéid a chur san áireamh;

·míleáiste agus scríobadh a chur san áireamh le paraiméadair feidhmíochta sa todhchaí;

·athchoigeartú na naicmí lipéad; agus

·boinn a chur san áireamh leis an mbunachar sonraí ina gclárófar táirgí, arna bhunú faoi Rialachán (AE) 2017/1369.

Rinneadh foroghanna a bhreithniú chomh maith, ónar eisiadh roinnt de na leasuithe spriocdhírithe reachtacha thuasluaite.

3.teaglaim de roghanna beartais 1 agus 2.

Ba í rogha 3 an rogha tosaíochta. Nuair a scrúdaíodh an rogha sin, fuarthas go raibh na hiarmhairtí measta seo a leanas ag baint léi (Roinn 6 den tuarascáil ar an measúnú tionchair):

·láimhdeachas méadaithe do ghnólachtaí de EUR 9 billiún in aghaidh na bliana faoi 2030;

·129 PJ de choigilteas fuinnimh in aghaidh na bliana faoi 2030;

·10 Mt de choigilteas CO2eq in aghaidh na bliana faoi 2030;

·astaíocht laghdaithe torainn ó bhoinn agus na buntáistí sláinte a thagann as sin; agus

·níos mó sábháilteachta agus níos lú timpistí.

Leis an togra seo cuirtear an chuid reachtach den rogha tosaíochta chun feidhme. Leagtar amach sa mheasúnú tionchair gníomhaíocht neamhreachtach eile chun an rogha a chur chun feidhme.

•Oiriúnacht rialála agus simpliú

Mar gheall go ndéantar leasú ar reachtaíocht atá ann cheana leis an togra seo, rinneadh scrúdú ann ar conas an reachtaíocht sin a shimpliú agus a fheabhsú. Tá an téacs tugtha chun dáta chun an chomhsheasmhacht uasta a áirithiú le reachtaíocht eile sa réimse atá tugtha suas chun dáta, go háirithe an Rialachán nua maidir leis an gCreat i gcomhair Lipéadú Fuinnimh.

Rinneadh trí phríomhfhéidearthacht chun an reachtaíocht a shimpliú agus an tualach riaracháin a laghdú a shainaithint agus a chur san áireamh sa togra:

·bunachar sonraí ina gclárófar táirgí;

·ailíniú le modhanna tástála RSG; agus

·leas níos mó a bhaint as gníomhartha tarmligthe.

Seo a leanas coigilteas costais an Chláir um Oiriúnacht agus Feidhmíocht Rialála (REFIT) a bhaineann leis na trí fhéidearthacht:

Coigiltis chostais REFIT - rogha(nna) tosaíochta
Tuairisc	Suim	Nótaí
Bunachar sonraí ina gclárófar táirgí	EUR 80 000 in aghaidh na bliana	Coigiltis chostais athfhillteacha d’údaráis faireachais margaidh, monaróirí agus miondíoltóirí na mBallstát. Coigiltis chostais fhéideartha do mhonaróirí freisin. Áireofar i gcostais imeallacha tosaigh an Choimisiúin boinn atá sa bhunachar sonraí do tháirgí a bhaineann le fuinneamh.
Ailíniú le RSG	EUR 420 000 in aghaidh na bliana	D’fhéadfadh sé go mbeadh gá go ndéanfadh monaróirí i saotharlanna ceadaithe tástála tástálacha níos costasaí, ach mar chúiteamh ní bheidh acu tuilleadh tástála a dhéanamh. Costais laghdaithe faireachais margaidh (coigiltis athfhillteacha).
RLB / gníomhartha tarmligthe	EUR 110 000 in aghaidh gach gnímh tharmligthe	Laghdófar costais riaracháin in Institiúidí Reachtóireachta an AE agus sna Ballstáit.

Ba cheart aon tacar rialacha amháin a bheith i bhfeidhm maidir le gach oibreoir eacnamaíoch le hiomaíocht chothrom a áirithiú sa mhargadh aonair agus le faisnéis chomhleanúnach agus chomhsheasmhach a áirithiú do thomhaltóirí. Ba cheart gach miondíoltóir a bheith faoi réir na rialacha céanna, mar sin, toisc nach úsáideach lipéid bonn do thomhaltóirí ach amháin má tá lipéad ar gach táirge i ngach asraon miondíola. Mar sin, ní dhíolmhaítear fiontair bheaga agus mheánmhéide ná micrifhiontair leis an togra. Níl aon monaróirí bonn Eorpacha ann, áfach, ar fiontair bheaga nó mheánmhéide iad nó ar micrifhiontair iad, agus níltear ag dréim leis go mbeidh aon chostais fhéideartha a bheidh ann neamhshuntasach agus bainfidh siad go príomha leis na hoibleagáidí atá ar mhonaróirí agus ar mhiondíoltóirí an lipéad a thaispeáint agus boinn á dtairiscint lena ndíol ar líne.

Tá an togra in oiriúint don idirlíon ós rud é go bhfuil lipéadú bonn á chur san áireamh aige sa bhunachar sonraí táirgí ar líne arna bhunú faoi Rialachán (AE) 2017/1369, rud a shimpleoidh, a fheabhsóidh agus a chuirfidh dlús le tarchur faisnéise faoi tháirgí idir monaróirí, miondíoltóirí, údaráis faireachas margaidh agus an tomhaltóirí. Amhail táirgí eile, úsáidtear cóid QR ar bhoinn lena dtugtar rochtain leictreonach do thomhaltóirí ar fhaisnéis mhionsonraithe. Beidh siad sin mar chuid den lipéad nua.

•Cearta bunúsacha

Ní meastar go mbeidh iarmhairtí ag an togra seo ar chearta bunúsacha.

4.IMPLEACHTAÍ BUISÉADACHA

Cuirtear an togra seo in ionad Treorach atá ann cheana maidir le lipéadú bonn, agus mar sin meastar go mbeidh na tionchair riaracháin agus na costais measartha, ós rud é gurb ann d’fhormhór na struchtúir agus na rialacha riachtanacha cheana féin.

Tacófar leis an gcaiteachas sin laistigh na hacmhainní dá bhfuil foráil déanta cheana sa chlárú airgeadais oifigiúil. Ní bheidh gá le haon acmhainní breise ó bhuiséad an Aontais. Anuas air sin, níl sé i gceist go ndéanfaí réamhbhreithiúnas leis an tionscnamh seo ar thogra an Choimisiúin ar an gcéad Chreat Airgeadais Ilbhliantúil eile

5.EILIMINTÍ EILE

•Pleananna cur chun feidhme, agus socruithe faireacháin, meastóireachta agus tuairiscithe

Déanfar faireachán agus meastóireacht ar thionchar an Rialacháin nua mar chuid de staidéar meastóireachta a bheidh le déanamh sé bliana tar éis dó teacht i bhfeidhm. Leis an meastóireacht cinnfear an bhfuil cuspóirí an tionscnaimh bainte amach.

Le Tuairisciú na mBallstáit don Sainghrúpa maidir le Lipéadú Bonn – Comhar Riaracháin um Fhaireachas Margaidh cuirfear sonraí ar fáil maidir le gníomhaíochtaí faireachais margaidh agus rátaí comhlíonta. Tiocfaidh sonraí breise ón gcomhghníomh leanúnach faireachais MSTyre15 8 agus aon tionscadail leantacha.

Beidh an bunachar sonraí éigeantach atá beartaithe ina gclárófar táirgí ina fhoinse sonraí freisin agus bunófar faireachán agus meastóireacht ar dhul chun cinn air chun cuspóirí an Rialacháin a bhaint amach. Cuirfear sonraí ar fáil leis maidir le dáileadh bonn ar fud na naicmí éagsúla feidhmíochta. Tacóidh sé freisin le faireachas margaidh, rud atá ríthábhachtach d’fhorfheidhmiú an Rialacháin. Cuideofar leis an bhforfheidhmiú freisin trí cheangal ar na Ballstáit na pionóis agus sásraí forfheidhmithe a bheidh infheidhme maidir le sáruithe ar an Rialachán a chur in iúl don Choimisiún.

•Míniúchán mionsonraithe ar fhorálacha sonracha an togra

Sa togra, coinnítear cuspóirí agus príomhphrionsabail an Rialacháin maidir le Lipéadú Bonn atá i bhfeidhm faoi láthair ach soiléirítear, treisítear agus leathnaítear a raon feidhme tríd an méid seo a leanas:

·an lipéad boinn a thabhairt suas chun dáta agus athbhreithniú a cheadú;

·an lipéad a dhéanamh níos feiceálaí do thomhaltóirí trína éileamh go gcuirtear ar taispeáint é i ngach cás ina ndíoltar boinn; agus ceanglais a leagan síos i ndáil le díolachán ar líne agus ciandíolachán agus cásanna eile nuair nach bhfeiceann an tomhaltóir na boinn go fisiciúil;

·a éileamh go gcuirfear faisnéis maidir le feidhmíocht na mbonn sa sneachta agus ar an oighear san áireamh ar an lipéad;

·an bealach a réiteach chun míleáiste agus scríobadh a chur san áireamh amach anseo, más iomchuí, leis na paraiméadair don lipéad:

·an bealach a réiteach chun boinn atráchta a chur san áireamh amach anseo, más iomchuí;

·a éileamh go gcuirtear an lipéad ar taispeáint i bhfógraí amhairc agus in ábhar fógraíochta teicniúil;

·an ceanglas an lipéad a chur ar taispeáint a leathnú le boinn C3 a chuimsiú;

·an próiseas cineálcheadaithe a leathnú leis an dearbhú lipéid a chur san áireamh;

·forfheidhmiú a fheabhsú trí oibleagáid a chruthú boinn a chlárú sa bhunachar sonraí ina gclárófar táirgí arna bhunú faoi Rialachán (AE) 2017/1369;

·grádú pharaiméadair na mbonn a choigeartú in Iarscríbhinn I;

·an lipéad a thabhairt suas chun dáta in Iarscríbhinn II (go háirithe le deilbhín “sneachta” a thaispeáint);

·iarscríbhinní a chur le ceanglais faisnéise;

·tagairt do na modhanna ábhartha tomhais a chur in ionad na hiarscríbhinne maidir leis an modh tástála le treoiruimhir fliuchghreama (G) bhoinn C1 a thomhas.

An lipéad boinn a thabhairt suas chun dáta agus athbhreithniú a cheadú;

Cumhdaítear trí pharaiméadar leis an lipéad: friotaíocht rollta, fliuchghreim agus torann seachtrach rollta. Is gá na haicmí do na paraiméadair sin a choigeartú, chun dul chun cinn teicneolaíoch a chur san áireamh agus a chur san áireamh freisin go bhfágann ceanglais RSG go bhfuil na bunaicmí folamh go hiarbhír mar nach féidir na boinn sin a dhíol ar mhargadh an Aontais níos mó.

Le hAirteagal 11 den Rialachán reatha tugtar de chumhacht don Choimisiún gníomhartha tarmligthe a ghlacadh chun gnéithe neamhriachtanacha a leasú agus an Rialachán a fhorlíonadh, agus chun na hiarscríbhinní a chur in oiriúint ag féachaint don dul chun cinn teicneolaíoch. Leathnaítear raon feidhme an Airteagail chun na hathruithe ar an lipéad féin a chuimsiú, ionas gur féidir paraiméadair i dtaca le hoighear, míleáiste agus scríobadh a chur san áireamh agus aicmí na lipéad a athchoigeartú amach anseo trí ghníomhartha tarmligthe.

An lipéad a dhéanamh níos feiceálaí do thomhaltóirí

2018/0148 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le lipéadú bonn i leith éifeachtúlacht breosla agus paraiméadair riachtanacha eile agus lena n-aisghairtear Rialachán (CE) Uimh. 1222/2009

(Téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 114 agus Airteagal 194(2) de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa ( 9 ),

Ag féachaint don tuairim ó Choiste na Réigiún 10 ,

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)Tá an tAontas tiomanta Aontas Fuinnimh a thógáil a mbeidh beartas aeráide forásach aige. Dlúthchuid de Chreat Beartais 2030 an Aontais don Aeráid agus don Fhuinneamh is ea an éifeachtúlacht bhreosla agus tá sí ríthábhachtach má tá an téileamh ar fhuinneamh le maolú.

(2)Tá athbhreithniú déanta ag an gCoimisiún 11 ar éifeachtacht Rialachán (CE) Uimh. 1222/2009 ó Pharlaimint na hEorpa agus ón gComhairle 12 agus aithníodh an gá forálacha an Rialacháin sin a thabhairt suas chun dáta chun a éifeachtacht a fheabhsú.

(3)Is iomchuí Rialachán nua ina bhfuil leasuithe a rinneadh in 2011 agus lena modhnaítear agus lena bhfeabhsaítear cuid d’fhorálacha Rialachán (CE) Uimh. 1222/2009 lena ninneachar a shoiléiriú agus a thabhairt cothrom le dáta, a chur in ionad Rialachán (CE) Uimh. 1222/2009, agus an dul chun cinn teicneolaíoch atá bainte amach le blianta beaga anuas ó thaobh boinn de á chur san áireamh.

(4)Is san earnáil iompair a ídítear aon trian d’ídiú fuinnimh an Aontais. B’iompar de bhóthar ba chúis le tuairim is 22 % d’astaíochtaí gás ceaptha teasa iomlána an Aontais in 2015. Mar gheall ar fhriotaíocht rollta bonn, thar aon rud eile, is iad is cúis le 5 % go 10 % d’ídiú breosla feithiclí. Dá bhrí sin, ach friotaíocht rollta na mbonn a laghdú, dhéanfaí éifeachtúlacht fuinnimh an iompair de bhóthar a mhéadú go mór, agus astaíochtaí a laghdú dá bharr sin.

(5)Tá roinnt paraiméadar idirghaolmhar ag boinn. D’fhéadfadh sé, dá bhfeabhsófaí aon pharaiméadar ar leith, amhail friotaíocht rollta, go mbeadh tionchar dochrach aige sin ar pharaiméadair eile amhail fliuchghreim, agus, ag an am céanna, d’fhéadfadh sé, trí fheabhas a chur ar fhliuchghreim, go mbeadh tionchar dochrach aige sin ar thorann seachtrach rollta. Ba cheart monaróirí bonn a spreagadh chun na paraiméadair go léir a bharrfheabhsú sa bhreis ar na caighdeáin atá bainte amach cheana féin.

(6)Féadfaidh boinn atá éifeachtúil ó thaobh breosla de a bheith éifeachtach ó thaobh costais de freisin ós rud é go mbíonn an cúiteamh a fhaightear ó choigilteas breosla i bhfad níos mó ná praghas méadaithe ceannaigh na mbonn ar toradh é ar chostais táirgeachta níos airde na mbonn sin.

(7)Le Rialachán (CE) Uimh. 661/2009 ó Pharlaimint na hEorpa agus ón gComhairle 13 leagtar síos na ceanglais íosta maidir le friotaíocht rollta bonn. A bhuí le forbairtí teicneolaíocha, tá sé indéanta na caillteanais fuinnimh arb í friotaíocht rollta bonn is cúis leo a laghdú go suntasach sa bhreis ar na ceanglais íosta sin. Chun an tionchar atá ag iompar de bhóthar ar an gcomhshaol a laghdú, is iomchuí, dá bhrí sin, na forálacha maidir le lipéadú bonn a thabhairt cothrom le dáta le húsáideoirí deiridh a spreagadh chun boinn atá níos éifeachtúla ó thaobh breosla de a cheannach, trí fhaisnéis chomhchuibhithe faoin bparaiméadar sin a sholáthar.

(8)Is núis shuntasach é torann tráchta agus bíonn éifeacht dhochrach aige ar an tsláinte. Le Rialachán (CE) Uimh. 661/2009, leagtar síos na ceanglais íosta maidir le torann seachtrach rollta bonn. De bharr forbairtí teicneolaíocha, tá sé indéanta an torann seachtrach rollta a laghdú go suntasach sa bhreis ar na ceanglais íosta sin. Chun an torann tráchta a laghdú, is iomchuí, dá bhrí sin, forálacha maidir le lipéadú bonn a thabhairt suas chun dáta le húsáideoirí deiridh a spreagadh chun boinn a cheannach ag a bhfuil torann seachtrach rollta íseal, trí fhaisnéis chomhchuibhithe faoin bparaiméadar sin a sholáthar.

(9)Dá soláthrófaí faisnéis chomhchuibhithe faoi thorann seachtrach rollta, d’éascófaí freisin cur chun feidhme beart i gcoinne torann tráchta agus chuideofaí chun feasacht a ardú faoin éifeacht a bhíonn ag boinn ar thorann tráchta faoi chuimsiú Threoir 2002/49/CE ó Pharlaimint na hEorpa agus ón gComhairle 14 .

(10)Le Rialachán (CE) Uimh. 661/2009, leagtar amach na ceanglais íosta maidir le feidhmíocht fliuchghreama bonn. A bhuí le forbairtí teicneolaíocha, tá sé indéanta feidhmíocht fliuchghreama a fheabhsú go suntasach sa bhreis ar na ceanglais íosta sin, agus na hachair choscánaithe ar dhromchla fliuch a ghiorrú ar an dóigh sin. Chun an tsábháilteacht ar bhóithre a fheabhsú, is iomchuí, dá bhrí sin, na forálacha maidir le lipéadú bonn a thabhairt suas chun dáta le húsáideoirí deiridh a spreagadh chun boinn a cheannach ag a bhfuil ardfheidhmíocht fliuchghreama, trí fhaisnéis chomhchuibhithe faoin bparaiméadar sin a sholáthar.

(11)Lena áirithiú go bhfuiltear ag teacht leis an gcreat idirnáisiúnta, tagraítear i Rialachán (CE) Uimh 661/2009 do Rialachán UNECE 117 15 , lena náirítear na modhanna ábhartha tomhais le haghaidh friotaíocht rollta, torainn, agus feidhmíocht fliuchghreama agus greama sneachta bonn.

(12)Chun faisnéis a chur ar fáil d’úsáideoirí deiridh faoi fheidhmíocht bonn arna ndearadh go sonrach don sneachta agus don oighear, is iomchuí a éileamh ceanglais faisnéise maidir le boinn sneachta agus oighir a áireamh ar an lipéad.

(13)Is foinse shuntasach micreaphlaisteach, a dhéanann dochar don chomhshaol, é scríobadh bonn le linn a núsáide, agus mar sin luaitear sa Teachtaireacht ón gCoimisiún dar teideal A European Strategy for Plastics in a Circular Economy [Straitéis Eorpach maidir le hÁbhar Plaisteach i nGeilleagar Ciorclach] 16 an gá aghaidh a thabhairt ar scaoileadh neamhbheartaithe micreaphlaisteach ó bhoinn, inter alia, trí bhíthin bearta faisnéise amhail lipéadú agus ceanglais íosta i dtaca le boinn. Níl modh iomchuí tástála ar fáil faoi láthair, áfach, le scríobadh bonn a thomhas. Mar sin de, ba cheart don Choimisiún sainordú a thabhairt modh den chineál sin a fhorbairt, agus caighdeáin nó rialacháin úrscothach arna bhforbairt nó arna moladh go hidirnáisiúnta á gcur san áireamh go hiomlán, d’fhonn modh iomchuí tástála a bhunú a luaithe agus is féidir.

(14)Is cuid shuntasach den mhargadh le haghaidh boinn d’fheithiclí tromshaothair iad boinn atráchta. Trí thrácht nua a chur ar bhoinn, déantar a ré úsáide a shíneadh agus tagann sin le cuspóirí de chuid an gheilleagair chiorclaigh amhail laghdú dramhaíola. Dá gcuirfí ceanglais faoi lipéadú i bhfeidhm maidir leis na boinn sin, bhainfí amach coigiltis shuntasacha fuinnimh. Ós rud é, áfach, nach bhfuil modh iomchuí tástála ann faoi láthair chun feidhmíocht bonn atráchta a thomhas, ba cheart foráil a dhéanamh sa Rialachán seo lena gcur san áireamh amach anseo.

(15)Maidir leis an lipéad fuinnimh de bhun Rialachán (AE) 2017/1369 ó Pharlaimint na hEorpa agus ón gComhairle 17 , lena rangaítear ídiú fuinnimh táirgí ar scála ó ‘A’ go ‘G’, aithníonn níos mó ná 85 % de thomhaltóirí an Aontais é agus léiríodh go bhfuil sé éifeachtach ó thaobh táirgí níos éifeachtúla a chur chun cinn. Ba cheart leanúint ar aghaidh ag úsáid an dearaidh chéanna don lipéad fuinnimh a mhéid is féidir, agus sainiúlachtaí na bparaiméadar bonn á naithint ag an am céanna.

(16)Maidir le faisnéis inchomparáide faoi pharaiméadair bhonn a sholáthar i bhfoirm lipéad caighdeánach, is dóigh go rachaidh sé sin i gcion ar na roghanna ceannacháin a dhéanfaidh úsáideoirí deiridh i bhfabhar bonn atá níos sábháilte, níos ciúine agus níos éifeachtúla ó thaobh breosla de. Is dóigh, dá bharr sin, go spreagfaí monaróirí bonn chun na paraiméadair sin a bharrfheabhsú, rud a réiteodh an bealach d’ídiú agus do tháirgeadh a bheadh níos inbhuanaithe.

(17)Tá gá ag úsáideoirí deiridh, chomh maith le ceannaitheoirí bonn ionadaithe, ceannaitheoirí bonn arna bhfeistiú ar fheithiclí nua, agus bainisteoirí flít agus gnóthais iompair, le tuilleadh faisnéise faoi éifeachtúlacht na mbonn ó thaobh breosla de agus ó thaobh paraiméadair eile de mar nach féidir leo comparáid a dhéanamh go héasca idir paraiméadair brandaí éagsúla bonn cheal córais lipéadaithe agus córais chomhchuibhithe tástála. Is iomchuí, mar sin, a cheangal lipéad a chur i gcónaí ar bhoinn a sheachadtar le feithiclí.

(18)Faoi láthair, ceanglaítear lipéid go sainráite i gcás boinn le haghaidh gluaisteán (boinn C1) agus le haghaidh veaineanna (boinn C2) ach ní cheanglaítear iad le haghaidh feithiclí tromshaothair (boinn C3). Ídíonn boinn C3 níos mó breosla agus cumhdaíonn siad níos mó ciliméadar in aghaidh na bliana ná mar a dhéanann boinn C1 agus boinn C2, agus mar sin de is suntasach í an fhéidearthacht ídiú breosla agus astaíochtaí ó feithiclí tromshaothair a laghdú.

(19)Trí bhoinn C3 a áireamh faoi chuimsiú an Rialacháin seo, táthar ag teacht freisin leis an togra ón gCoimisiún le haghaidh Rialachán maidir le faireachán agus tuairisciú astaíochtaí CO2 ó feithiclí nua tromshaothair, agus a nídiú breosla 18 , agus leis an togra ón gCoimisiún maidir le caighdeáin CO2 le haghaidh feithiclí tromshaothair 19 .

(20)Déanann cuid mhór úsáideoirí deiridh cinntí faoi bhoinn a cheannach gan an bonn féin a fheiceáil agus mar sin de ní fheiceann siad an lipéad atá greamaithe dó. I ngach cás den sórt sin, ba cheart an lipéad a thaispeáint don úsáideoir deiridh sula ndéantar an cinneadh ceannacháin a chríochnú. Ach an lipéad a chur ar taispeáint ar bhoinn ag an bpointe díola, agus san ábhar fógraíochta teicniúil freisin, ba cheart go náiritheofaí go bhfaigheadh na dáileoirí agus na húsáideoirí ionchasacha deiridh faisnéis chomhchuibhithe faoi na paraiméadair ábhartha bonn, an tráth agus san áit a ndéantar an cinneadh faoi cheannach.

(21)I gcás roinnt úsáideoirí deiridh, roghnaíonn siad na boinn sula sroicheann siad an pointe díola nó ceannaíonn siad na boinn trí phostdíol nó ar an idirlíon. Chun a áirithiú go mbeadh na húsáideoirí deiridh sin in ann rogha eolasach a dhéanamh freisin ar bhonn faisnéis chomhchuibhithe faoi éifeachtúlacht na mbonn ó thaobh breosla de, faoi fheidhmíocht fliuchghreama, faoi thorann seachtrach rollta agus faoi pharaiméadair eile, ba cheart lipéid a chur ar taispeáint ar an ábhar fógraíochta teicniúil go léir, lena náirítear cásanna ina gcuirtear an tábhar sin ar fáil ar an idirlíon.

(22)Ba cheart faisnéis a sholáthar do na húsáideoirí ionchasacha deiridh ar faisnéis í lena míneofaí gach comhpháirt ar leith den lipéad agus tábhacht gach comhpháirte. Ba cheart an fhaisnéis sin a sholáthar san ábhar fógraíochta teicniúil, mar shampla ar shuíomhanna gréasáin na soláthraithe.

(23)Ba cheart modhanna iontaofa cruinne in-athsholáthraithe a úsáid lena gcuirfear san áireamh na modhanna úrscothacha tomhais agus ríomha a aithnítear go ginearálta, chun éifeachtúlacht bhreosla, fliuchghreim, torann seachtrach agus paraiméadair eile a bhaineann le boinn a thomhas. Ba cheart gnáthiompraíocht tomhaltóirí a chur san áireamh a mhéid is féidir sna modhanna sin agus ba cheart dóibh a bheith stóinsithe chun stop a chur le teacht timpeall a tharlaíonn d’aon ghnó nó go neamhbheartaithe. Ba cheart feidhmíocht chomparáideach bonn le linn úsáide iarbhír a léiriú ar lipéid bonn, laistigh de na srianta atá ann mar gheall ar an ngá atá le tástáil saotharlainne atá iontaofa, chruinn agus in-athsholáthraithe, lena chur ar chumas úsáideoirí deiridh boinn éagsúla a chur i gcomparáid lena chéile agus chun teorainn a chur le costais tástála do mhonaróirí.

(24)Chun cothrom iomaíochta do chách a áirithiú laistigh den Aontas, tá sé riachtanach go gcomhlíonfadh na soláthraithe agus na dáileoirí na forálacha a bhaineann le lipéadú bonn. Dá bhrí sin, ba cheart do na Ballstáit faireachán a dhéanamh ar an gcomhlíonadh sin trí fhaireachas margaidh agus rialuithe ex-post rialta, i gcomhréir le Rialachán (CE) Uimh. 765/2008 ó Pharlaimint na hEorpa agus ón gComhairle 20 .

(25)Chun faireachán ar chomhlíonadh a éascú, uirlis úsáideach a chur ar fáil d’úsáideoirí deiridh agus bealaí malartacha a thabhairt do dháileoirí le bileoga faisnéise faoi tháirgí a fháil, ba cheart boinn a chur san áireamh sa bhunachar sonraí táirgí arna bhunú faoi Rialachán (AE) 2017/1369. Dá bhrí sin, ba cheart Rialachán (AE) Uimh. 2017/1369 a leasú dá réir.

(26)Gan dochar d’oibleagáidí faireachais margaidh na mBallstát ná d’oibleagáidí an tsoláthraí comhréireacht táirge a sheiceáil, ba cheart do sholáthraithe an fhaisnéis a cheanglaítear maidir le comhlíonadh táirge a chur ar fáil go leictreonach sa bhunachar sonraí táirgí.

(27)Chun go mbeadh muinín ag custaiméirí as an lipéad bonn, níor cheart lipéid eile a dhéanann aithris air a cheadú. Ar an gcúis chéanna, níor cheart lipéid, marcanna, siombailí ná inscríbhinní breise a cheadú is dóigh a chuirfeadh úsáideoirí deiridh ar míthreoir nó a chuirfeadh mearbhall orthu maidir leis na paraiméadair a chumhdaítear leis an lipéad bonn.

(28)Na pionóis is infheidhme maidir le sáruithe ar an Rialachán seo agus ar ghníomhartha tarmligthe arna nglacadh dá bhun, ba cheart iad a bheith éifeachtach, comhréireach agus athchomhairleach.

(29)Chun éifeachtúlacht fuinnimh, maolú ar an athrú aeráide agus cosaint an chomhshaoil a chur chun cinn, ba cheart do na Ballstáit a bheith in ann dreasachtaí a chruthú maidir le húsáid táirgí atá éifeachtúil ó thaobh fuinnimh de. Is faoi na Ballstáit atá sé cineál na ndreasachtaí sin a chinneadh. Ba cheart na dreasachtaí sin a bheith i gcomhréir le rialacha an Aontais maidir le státchabhair agus níor cheart iad a bheith ina mbacainní gan údar ar an margadh. Ní dochar an Rialachán seo do thoradh aon nós imeachta maidir le státchabhair a d’fhéadfaí a chur ar bun amach anseo i gcomhréir le hAirteagal 107 agus le hAirteagal 108 den Chonradh ar Fheidhmiú an Aontais Eorpaigh (CFAE) i ndáil leis na dreasachtaí sin.

(30)Chun ábhar agus formáid an lipéid a leasú, ceanglais a thabhairt isteach i dtaca le boinn atráchta, scríobadh agus míleáiste, agus na hIarscríbhinní a chur in oiriúint don dul chun cinn teicniúil, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún. Tá sé tábhachtach, go háirithe, go rachadh an Coimisiún i mbun comhairliúcháin iomchuí le linn a chuid oibre ullmhúcháin, lena náirítear ar leibhéal na saineolaithe, agus go ndéanfaí na comhairliúcháin sin i gcomhréir leis na prionsabail a leagtar síos sa Chomhaontú Idirinstitiúideach maidir le Reachtóireacht Níos Fearr, an 13 Aibreán 2016 21 . Go sonrach, chun rannpháirtíocht chomhionann a áirithiú in ullmhú na ngníomhartha tarmligthe, ba cheart do Pharlaimint na hEorpa agus don Chomhairle na doiciméid uile a fháil ag an am céanna le saineolaithe na mBallstát, agus ba cheart rochtain chórasach a bheith ag a gcuid saineolaithe ar chruinnithe de ghrúpaí saineolaithe an Choimisiúin a bheidh ag déileáil le hullmhú na ngníomhartha tarmligthe.

(31)Maidir le boinn a cuireadh ar an margadh roimh dháta cur i bhfeidhm na gceanglas atá sa Rialachán seo, níor ghá iad a athlipéadú.

(32)Chun muinín sa lipéad a neartú agus lena chruinneas a áirithiú, ba cheart an deimhniú a thugann soláthraithe ar an lipéad maidir leis na luacha a bhaineann le friotaíocht rollta, fliuchghreim agus torann, ba cheart an deimhniú sin a bheith faoi réir an phróisis cineálcheadaithe faoi Rialachán (CE) Uimh 661/2009.

(33)Ba cheart don Choimisiún meastóireacht a dhéanamh ar an Rialachán seo. De bhun mhír 22 den Chomhaontú Idirinstitiúideach an 13 Aibreán 2016 idir Pharlaimint na hEorpa, Comhairle an Aontais Eorpaigh agus an Coimisiún Eorpach maidir le Reachtóireacht Níos Fearr, ba cheart an mheastóireacht sin a bheith bunaithe ar chúig chritéar, eadhon éifeachtúlacht, éifeachtacht, ábharthacht, comhleanúnachas agus breisluach an Aontais agus ba cheart í a bheith ina bunús le measúnuithe tionchair ar thuilleadh bearta.

(34)Ós rud é nach féidir leis na Ballstáit cuspóirí an Rialacháin seo, eadhon sábháilteacht agus éifeachtúlacht eacnamaíoch agus comhshaoil an iompair de bhóthar a mhéadú trí fhaisnéis ábhartha a sholáthar d’úsáideoirí deiridh chun go bhféadfaidh siad táirgí níos éifeachtúla ó thaobh an fhuinnimh de, níos sábháilte agus níos ciúine a roghnú, a ghnóthú go leordhóthanach toisc go dteastaíonn faisnéis chomhchuibhithe d’úsáideoirí deiridh, agus, de bharr creat rialúcháin comhchuibhithe agus cothrom iomaíochta do mhonaróirí, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. Is é Rialachán an ionstraim iomchuí dlí go fóill mar go gcuirtear rialacha soiléire mionsonraithe i bhfeidhm leis lena gcuirfí cosc ar na Ballstáit iad a thrasuí ar shlite éagsúla agus, dá bhrí sin, lena náiritheofaí leibhéal níos airde comhchuibhithe ar fud an Aontais. Le creat rialála atá comhchuibhithe ar leibhéal an Aontais seachas ar leibhéal na mBallstát, laghdaítear na costais ar sholáthraithe, áirithítear cothrom iomaíochta agus áirithítear saorghluaiseacht earraí ar fud an mhargaidh inmheánaigh. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a ghnóthú.

(35)Ba cheart, dá bhrí sin, Rialachán (CE) Uimh. 1222/2009 a aisghairm.

TAR ÉIS AN RIALACHÁN SEO A GHLACADH:

Airteagal 1
Aidhm agus ábhar

1.Is é is aidhm don Rialachán seo sábháilteacht, cosaint na sláinte agus éifeachtúlacht eacnamaíoch agus éifeachtúlacht chomhshaoil iompair de bhóthar a mhéadú trí bhoinn a chur chun cinn atá éifeachtúil ó thaobh breosla de, atá sábháilte agus ag a bhfuil leibhéil ísle torainn.

2.Leis an Rialachán seo, bunaítear creat chun faisnéis chomhchuibhithe faoi pharaiméadair bhonn a sholáthar trí lipéadú, rud a ligfidh do na húsáideoirí deiridh rogha eolasach a dhéanamh agus boinn á gceannach acu.

Airteagal 2
Raon feidhme

1.Beidh feidhm ag an Rialachán seo maidir le boinn C1, boinn C2 agus boinn C3.

2.Beidh feidhm ag an Rialachán seo maidir le boinn atráchta freisin uair amháin a dhéanfar modh iomchuí tástála chun feidhmíocht na mbonn sin a thomhas a chur leis na hIarscríbhinní trí bhíthin gníomh tarmligthe de bhun Airteagal 12.

3.Níl feidhm ag an Rialachán seo maidir leis na nithe seo a leanas:

(a)boinn ghairmiúla eisbhóthair;

(b)boinn arna ndearadh lena bhfeistiú ar fheithiclí a cláraíodh den chéad uair roimh an 1 Deireadh Fómhair 1990, agus orthu sin amháin;

(c)boinn spártha de chineál T le haghaidh úsáid shealadach;

(d)boinn a bhfuil a rátáil luais níos lú ná 80 km/h acu;

(e)boinn nach mó ná 254 mm, nó ar 635 mm nó níos mó, trastomhas ainmniúil a nimill;

(f)boinn atá feistithe le feistí breise chun a nairíonna tarraingthe a fheabhsú, amhail boinn bhocóideacha;

(g)boinn arna ndearadh lena bhfeistiú ar fheithiclí arna mbeartú go heisiach le haghaidh rásaíochta, agus ar na feithiclí sin amháin.

Airteagal 3
Sainmhínithe

Chun críocha an Rialacháin seo, beidh feidhm ag na sainmhínithe seo a leanas:

(1)ciallaíonn ‘boinn C1, boinn C2 agus boinn C3’ na haicmí bonn a shainmhínítear in Airteagal 8 de Rialachán (CE) Uimh. 661/2009;

(2)ciallaíonn ‘bonn atráchta’ bonn réchaite arna athchóiriú trí ábhar nua a chur in ionad an tráchta chaite;

(3)ciallaíonn ‘bonn spártha de chineál T le haghaidh úsáid shealadach’ aon bhonn spártha le haghaidh úsáid shealadach atá ceaptha le haghaidh úsáide ag brúnna teannta atá níos airde ná na brúnna teannta arna mbunú i gcomhair boinn chaighdeánacha agus boinn threisithe;

(4)ciallaíonn ‘lipéad’ léaráid ghrafach, i bhfoirm chlóite nó leictreonach, lena náirítear i bhfoirm greamáin, ar a bhfuil siombailí chun úsáideoirí deiridh a chur ar an eolas maidir le feidhmíocht boinn nó feidhmíocht baisce bonn, i dtaca leis na paraiméadair a leagtar amach in Iarscríbhinn I;

(5)ciallaíonn ‘pointe díola’ aon áit ina dtaispeántar agus ina stóráiltear boinn agus ina dtairgtear iad lena ndíol le húsáideoirí deiridh, lena náirítear seomraí taispeántais gluaisteán a mhéid a bhaineann le boinn a thairgtear lena ndíol le húsáideoirí deiridh agus nach bhfuil feistithe ar na feithiclí;

(6)ciallaíonn ‘ábhar fógraíochta teicniúil’ doiciméid, i bhfoirm chlóite nó leictreonach, arna gcur ar fáil ag an soláthraí chun ábhar fógraíochta a fhorlíonadh, ar a laghad leis an bhfaisnéis theicniúil i gcomhréir le hIarscríbhinn V;

(7)ciallaíonn ‘bileog faisnéise faoi tháirge’ doiciméad caighdeánach ina bhfuil an fhaisnéis mar a leagtar amach in Iarscríbhinn IV, i bhfoirm chlóite nó i bhfoirm leictreonach;

(8)ciallaíonn ‘doiciméid theicniúla’ doiciméid a bheidh leordhóthanach le go bhféadfaidh údaráis faireachais margaidh measúnú a dhéanamh ar chruinneas lipéid táirge agus bileoige faisnéise faoi tháirge, lena náirítear cruinneas na faisnéise mar a leagtar amach í in Iarscríbhinn III;

(9)ciallaíonn ‘bunachar sonraí táirgí’ an bunachar sonraí arna bhunú faoi Rialachán (AE) 1369/2017 agus is éard atá ann cuid phoiblí atá dírithe ar thomhaltóirí, ina bhfuil rochtain leictreonach ar fhaisnéis a bhaineann le paraiméadair táirgí aonair, tairseach ar líne ar mhaithe le hinrochtaineacht agus cuid a bhaineann le comhlíonadh, lena mbaineann ceanglais inrochtaineachta agus slándála atá sonraithe go soiléir;

(10)ciallaíonn ‘ciandíolachán’ díol, fruiliú nó fruilcheannach trí phostdíol, trí chatalóg, ar líne, trí theileamhargaíocht nó trí mhodh ar bith eile nuair nach féidir a bheith ag súil leis go bhfeicfeadh an túsáideoir ionchasach deiridh an táirge ar taispeáint;

(11)ciallaíonn ‘monaróir’ aon duine nádúrtha nó dlítheanach a mhonaraíonn táirge nó a chuireann táirge á dhearadh nó á mhonarú, agus a chuireann an táirge sin ar an margadh faoina ainm nó faoina thrádmharc;

(12)ciallaíonn ‘allmhaireoir’ aon duine nádúrtha nó dlítheanach atá bunaithe san Aontas agus a chuireann táirge ó thríú tír ar mhargadh an Aontais;

(13)ciallaíonn ‘ionadaí údaraithe’ aon duine nádúrtha nó dlítheanach atá bunaithe san Aontas agus a bhfuil sainordú i scríbhinn faighte aige ó mhonaróir chun gníomhú thar a cheann maidir le cúraimí sonraithe;

(14)ciallaíonn ‘soláthraí’ monaróir atá bunaithe san Aontas, ionadaí údaraithe monaróra nach bhfuil bunaithe san Aontas, nó allmhaireoir, a chuireann táirge ar mhargadh an Aontais;

(15)ciallaíonn ‘dáileoir’ aon duine nádúrtha nó dlítheanach sa slabhra soláthair, seachas an soláthraí, a chuireann táirge ar fáil ar an margadh;

(16)ciallaíonn ‘cuir ar fáil ar an margadh’ táirge a sholáthar lena dháileadh nó lena úsáid ar mhargadh an Aontais le linn gníomhaíocht tráchtála, bíodh sin ar íocaíocht nó saor in aisce;

(17)ciallaíonn ‘cuir ar an margadh’ táirge a chur ar fáil ar mhargadh an Aontais den chéad uair;

(18)ciallaíonn ‘úsáideoir deiridh’ aon tomhaltóir, chomh maith le bainisteoir flít nó gnóthas iompar de bhóthar a cheannaíonn bonn nó a bhfuiltear ag súil leis go gceannóidh sé bonn;

(19)ciallaíonn ‘paraiméadar’ paraiméadar boinn mar a leagtar amach in Iarscríbhinn I amhail friotaíocht rollta, fliuchghreim, torann seachtrach rollta, sneachta, oighear, míleáiste nó scríobadh, ar paraiméadar é a bhfuil tionchar mór aige ar an gcomhshaol, ar shábháilteacht ar bhóithre nó ar an tsláinte le linn an bonn a úsáid;

(20)ciallaíonn ‘cineál boinn’ leagan de bhonn a bhfuil na saintréithe teicniúla céanna, atá ábhartha i gcomhair an lipéid agus na bileoige faisnéise faoin táirge, agus an taitheantóir múnla céanna, ag gach aonad de.

Airteagal 4
Freagrachtaí soláthraithe bonn

1.Áiritheoidh soláthraithe go bhfuil an méid seo a leanas ag gabháil le boinn C1, boinn C2 agus boinn C3 a chuirfear ar an margadh:

(a)maidir le gach bonn aonair, lipéad a chomhlíonann Iarscríbhinn II i bhfoirm greamáin, lena gcuirfear in iúl faisnéis agus aicme gach ceann de na paraiméadair a leagtar amach in Iarscríbhinn I, agus bileog faisnéise faoin táirge mar a leagtar amach in Iarscríbhinn IV;

(b)maidir le gach baisc d’aon bhonn amháin nó níos mó bonn atá comhionann, lipéad a chomhlíonann Iarscríbhinn II i bhfoirm chlóite, lena gcuirfear in iúl faisnéis agus aicme gach ceann de na paraiméadair a leagtar amach in Iarscríbhinn I, agus bileog faisnéise faoin táirge mar a leagtar amach in Iarscríbhinn IV.

2.I dtaca le boinn a dhíoltar ar an idirlíon, áiritheoidh soláthraithe go mbeidh an lipéad ar taispeáint i ngaireacht don phraghas agus gur féidir teacht ar an mbileog faisnéise faoin táirge.

3.Áiritheoidh soláthraithe go mbeidh an lipéad ar taispeáint in aon fhógra amhairc le haghaidh cineál boinn faoi leith, lena náirítear fógraí ar an idirlíon.

4.Áiritheoidh soláthraithe go mbeidh ceanglais Iarscríbhinn V á gcomhlíonadh ag aon ábhar fógraíochta teicniúil a bhaineann le cineál boinn faoi leith, lena náirítear ábhar fógraíochta teicniúil ar an idirlíon.

5.Áiritheoidh soláthraithe go mbeidh na luachanna, na haicmí gaolmhara agus aon fhaisnéis bhreise faoi fheidhmíocht a dhearbhaíonn siad ar an lipéad le haghaidh na bparaiméadar riachtanach a leagtar amach in Iarscríbhinn I curtha tríd an bpróiseas cineálcheadaithe faoi Rialachán (CE) Uimh 661/2009.

6.Áiritheoidh soláthraithe go mbeidh na lipéid agus na bileoga faisnéise faoi tháirge a sholáthraíonn siad cruinn.

7.Cuirfidh soláthraithe doiciméid theicniúla ar fáil d’údaráis na mBallstát, má iarrtar sin, i gcomhréir le hIarscríbhinn III.

8.Oibreoidh soláthraithe i gcomhar le húdaráis faireachais margaidh agus gníomhóidh siad gan mhoill chun aon chás de neamhchomhlíonadh na gceanglas, arb é a chúram é, a leagtar amach sa Rialachán seo, a leigheas ar a gconlán féin nó nuair a éileoidh údaráis faireachais margaidh orthu é.

9.Ní dhéanfaidh soláthraithe lipéid, marcanna, siombailí ná inscríbhinní eile a sholáthar ná a chur ar taispeáint nach gcomhlíonann ceanglais an Rialacháin seo, más dóchúil go gcuirfeadh siad úsáideoirí deiridh ar míthreoir nó go gcuirfeadh siad mearbhall orthu maidir leis na paraiméadair riachtanacha.

10.Ní dhéanfaidh soláthraithe lipéid a chur ar fáil ná a chur ar taispeáint a dhéanann aithris ar an lipéad dá bhforáiltear leis an Rialachán seo.

Airteagal 5
Oibleagáidí soláthraithe bonn i ndáil leis an mbunachar sonraí táirgí

1.Le héifeacht ón 1 Eanáir 2020, déanfaidh soláthraithe an fhaisnéis a leagtar amach in Iarscríbhinn I a ghabhann le Rialachán (AE) 2017/1369 i dtaca leis an mbonn sin a iontráil sa bhunachar sonraí táirgí sula gcuirfear bonn ar an margadh.

2.I gcás ina gcuirtear boinn ar an margadh idir [cuir isteach dáta teacht i bhfeidhm an Rialacháin seo] agus an 31 Nollaig 2019, déanfaidh an soláthraí, faoin 30 Meitheamh 2020, an fhaisnéis a leagtar amach in Iarscríbhinn I a ghabhann le Rialachán (AE) 2017/1369 i ndáil leis na boinn sin a iontráil sa bhunachar sonraí táirgí.

3.Go dtí go ndéanfar an fhaisnéis dá dtagraítear i mír 1 agus mír 2 a iontráil sa bhunachar sonraí táirgí, cuirfidh an soláthraí leagan leictreonach de na doiciméid theicniúla ar fáil lena niniúchadh laistigh de 10 lá tar éis iarraidh a fháil ó údaráis faireachais margaidh.

4.Measfar gur cineál nua boinn é bonn ar a ndéantar athruithe atá ábhartha don lipéad nó don bhileog faisnéise faoin táirge. Cuirfidh an soláthraí in iúl sa bhunachar sonraí nuair nach mbeidh aonaid de chineál boinn á gcur acu ar an margadh a thuilleadh.

5.Nuair a chuirfear an taonad deiridh de chineál boinn ar an margadh, coimeádfaidh an soláthraí an fhaisnéis maidir leis an gcineál sin boinn sa chuid den bhunachar sonraí táirgí a bhaineann le comhlíonadh go ceann tréimhse cúig bliana.

Airteagal 6
Freagrachtaí dáileoirí bonn

1.Áiritheoidh na dáileoirí an méid seo a leanas:

(a)go mbeidh lipéad ar bhoinn ag an bpointe díola, i gcomhréir le hIarscríbhinn II, i bhfoirm greamán arna sholáthar ag na soláthraithe i gcomhréir le pointe (a) d’Airteagal 4(1) agus go mbeidh an greamán sin in áit ina bhfuil sé le feiceáil go soiléir;

(b)sula ndíolfar bonn a bhaineann le baisc d’aon bhonn amháin nó níos mó bonn atá comhionann, go dtaispeánfar an lipéad dá dtagraítear i bpointe (b) d’Airteagal 4(1) don úsáideoir deiridh agus go cuirfear ar taispeáint go soiléir é i ngaireacht don bhonn ag an bpointe díola.

2.Áiritheoidh dáileoirí go mbeidh an lipéad ar taispeáint in aon fhógra amhairc le haghaidh cineál boinn faoi leith, lena náirítear fógraí ar an idirlíon.

3.Áiritheoidh dáileoirí go mbeidh ceanglais Iarscríbhinn V á gcomhlíonadh ag aon ábhar fógraíochta teicniúil a bhaineann le cineál boinn faoi leith, lena náirítear ábhar ar an idirlíon.

4.I gcás nach mbeidh boinn a sholáthraítear lena ndíol le feiceáil ag an úsáideoir deiridh, cuirfidh dáileoirí cóip den lipéad ar fáil d’úsáideoirí deiridh roimh an díolachán.

5.Áiritheoidh dáileoirí nach mór d’aon chiandíolachán ar pháipéar an lipéad a chur ar taispeáint agus go mbeidh rochtain ag an úsáideoir deiridh ar an mbileog faisnéise faoin táirge ar shuíomh gréasáin a bhfuil rochtain shaor in aisce air, nó trí chóip chlóite den bhileog sin a iarraidh.

6.Déanfaidh dáileoirí a bhaineann úsáid as ciandíolachán atá bunaithe ar theileamhargaíocht aicmí na bparaiméadar riachtanach atá ar an lipéad a chur in iúl d’úsáideoirí deiridh, agus cuirfidh siad in iúl dóibh freisin go mbeidh rochtain acu ar an lipéad iomlán agus ar an mbileog faisnéise faoin táirge ar shuíomh gréasáin ar a bhfuil rochtain shaor in aisce, nó trí chóip chlóite a iarraidh.

7.I dtaca le boinn a dhíoltar ar an idirlíon, áiritheoidh dáileoirí go mbeidh an lipéad ar taispeáint i ngaireacht don phraghas agus gur féidir teacht ar an mbileog faisnéise faoin táirge.

Airteagal 7
Freagrachtaí soláthraithe feithiclí agus dáileoirí feithiclí

I gcás ina mbeidh sé i gceist ag úsáideoirí deiridh feithicil nua a cheannach, cuirfidh soláthraithe agus dáileoirí feithiclí an lipéad do na boinn a sholáthraítear leis an bhfeithicil ar fáil dóibh roimh an díol, chomh maith leis an ábhar fógraíochta teicniúil ábhartha.

Airteagal 8
Modhanna tástála agus tomhais

Is trí na modhanna tástála agus tomhais dá dtagraítear in Iarscríbhinn I a chur i bhfeidhm, chomh maith leis an nós imeachta saotharlainne ailínithe dá dtagraítear in Iarscríbhinn VI, a gheofar an fhaisnéis atá le soláthar faoi Airteagal 4, Airteagal 6 agus Airteagal 7 maidir leis na paraiméadair a léirítear ar an lipéad.

Airteagal 9
An nós imeachta fíorúcháin

Déanfaidh na Ballstáit comhréireacht na naicmí dearbhaithe do gach ceann de na paraiméadair riachtanacha a luaitear in Iarscríbhinn I a mheas i gcomhréir leis an nós imeachta a leagtar amach in Iarscríbhinn VII.

Airteagal 10
Oibleagáidí na mBallstát

1.Ní chuirfidh na Ballstáit bac ar bhoinn a chomhlíonann an Rialachán seo a chur ar an margadh nó i seirbhís, laistigh dá gcríocha.

2.I gcás bonn atá in aicme atá faoi bhun aicme B, ní dhéanfaidh na Ballstáit dreasachtaí a sholáthar i leith éifeachtúlacht breosla ná i leith fliuchghreama de réir bhrí Chuid A agus Chuid B d’Iarscríbhinn I faoi seach. Chun críocha an Rialacháin seo, ní dreasachtaí iad bearta cánachais ná bearta fioscacha.

3.Déanfaidh na Ballstáit na rialacha maidir le pionóis agus sásraí forfheidhmiúcháin a leagan síos a bheidh infheidhme maidir le sáruithe ar an Rialachán seo agus ar na gníomhartha tarmligthe arna nglacadh dá bhun, agus glacfaidh siad na bearta go léir is gá chun a áirithiú go gcuirfear chun feidhme iad. Beidh na pionóis dá bhforáiltear éifeachtach, comhréireach agus athchomhairleach.

4.Faoin 1 Meitheamh 2020, tabharfaidh na Ballstáit fógra don Choimisiún faoi na rialacha dá dtagraítear i mír 3 nár tugadh fógra ina leith don Choimisiún roimhe sin, agus tabharfaidh siad fógra don Choimisiún, gan mhoill, faoi aon leasú ina dhiaidh sin lena ndéantar difear dóibh.

Airteagal 11
Faireachas an Aontais ar an margadh agus rialú ar tháirgí a chuirtear ar fáil ar mhargadh an Aontais

1.Beidh feidhm ag [Airteagal 16 go hAirteagal 29 de Rialachán (CE) Uimh. 765/2008/Rialachán maidir le comhlíonadh agus forfheidhmiú arna moladh faoi COM (2017)795] maidir le táirgí atá cumhdaithe leis an Rialachán seo agus leis na gníomhartha tarmligthe ábhartha arna nglacadh dá bhun.

2.Spreagfaidh an Coimisiún comhar agus malartú faisnéise faoi fhaireachas margaidh i dtaca le lipéadú táirgí, agus tacóidh sé leis an gcomhar agus leis an malartú faisnéise sin idir údaráis náisiúnta na mBallstát a bhfuil faireachas margaidh de chúram orthu nó atá i gceannas ar rialú na dtáirgí a chuirtear ar fáil ar mhargadh an Aontais, agus idir iad agus an Coimisiún, go háirithe trí pháirt níos mó a thabhairt do Shainghrúpa ‘AdCos um Fhaireachas Margaidh’ maidir le lipéadú bonn.

3.Áireofar i gcláir ghinearálta um fhaireachas margaidh na mBallstát arna mbunú de bhun [Airteagal 13 de Rialachán (CE) Uimh. 765/2008/Rialachán maidir le comhlíonadh agus forfheidhmiú molta faoi COM(2017)795] gníomhaíochtaí le forfheidhmiú éifeachtach an Rialacháin seo a áirithiú.

Airteagal 12

Gníomhartha tarmligthe

Tugtar de chumhacht don Choimisiún gníomhartha tarmligthe a ghlacadh i gcomhréir le hAirteagal 13 a bhaineann le:

(a)athruithe a thabhairt isteach ar ábhar agus formáid an lipéid;

(b)paraiméadair nó ceanglais faisnéise a thabhairt isteach a ghabhann leis na hIarscríbhinní go háirithe maidir le míleáiste agus le scríobadh, ar choinníoll go bhfuil modhanna iomchuí tástála ar fáil;

(c)luachanna, modhanna ríofa agus ceanglais na nIarscríbhinní a oiriúnú don dul chun cinn teicniúil.

Más iomchuí, agus gníomhartha tarmligthe á nullmhú, déanfaidh an Coimisiún dearadh agus inneachar na lipéad i gcomhair grúpaí táirgí sonracha a thástáil le grúpaí ionadaíocha de chustaiméirí an Aontais lena náirithiú go bhfuil na lipéid sothuigthe dóibh.

Airteagal 13
An tarmligean a fheidhmiú

1.Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.Déanfar an chumhacht chun gníomhartha tarmligthe a ghlacadh dá dtagraítear in Airteagal 12 a thabhairt don Choimisiún go ceann tréimhse cúig bliana ó [cuir isteach dáta theacht i bhfeidhm an Rialacháin seo]. Déanfaidh an Coimisiún, tráth nach déanaí ná naoi mí roimh dheireadh na tréimhse cúig bliana, tuarascáil a tharraingt suas maidir le tarmligean na cumhachta. Déanfar tarmligean na cumhachta a fhadú go hintuigthe go ceann tréimhsí comhfhaid, mura rud é go gcuireann Parlaimint na hEorpa nó an Chomhairle in aghaidh an fhadaithe sin tráth nach déanaí ná trí mhí roimh dheireadh gach tréimhse.

3.Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 12 a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana.

4.Roimh dó gníomh tarmligthe a ghlacadh, rachaidh an Coimisiún i mbun comhairliúchán le saineolaithe arna nainmniú ag gach Ballstát i gcomhréir leis na prionsabail a leagtar síos i gComhaontú Idirinstitiúideach an 13 Aibreán 2016 maidir le Reachtóireacht Níos Fearr.

5.A luaithe a ghlacfaidh sé gníomh tarmligthe, tabharfaidh an Coimisiún fógra, an tráth céanna, do Pharlaimint na hEorpa agus don Chomhairle faoi.

6.Ní thiocfaidh gníomh tarmligthe a ghlactar de bhun Airteagal 12 i bhfeidhm ach amháin mura mbeidh aon agóid curtha in iúl ag Parlaimint na hEorpa ná ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.

Airteagal 14
Meastóireacht agus tuairisciú

Faoin 1 Meitheamh 2026 déanfaidh an Coimisiún meastóireacht ar an Rialachán seo agus cuirfidh sé tuarascáil faoi bhráid Pharlaimint na hEorpa, na Comhairle agus Choiste Eacnamaíoch agus Sóisialta na hEorpa.

Leis an tuarascáil sin, déanfar measúnú ar a éifeachtaí a bhí an Rialachán seo agus na gníomhartha tarmligthe arna nglacadh dá bhun maidir le húsáideoirí deiridh a chumasú chun boinn níos ardfheidhmíochta a roghnú, lena gcuirfear san áireamh an tionchar ar ghnó, ídiú fuinnimh, sábháilteacht, astaíochtaí gás ceaptha teasa agus gníomhaíochtaí faireachais margaidh. Déanfaidh sé measúnú ar na costais agus ar na sochair a bhaineann le tríú páirtí a bheith ag fíorú na faisnéise ar bhonn neamhspleách éigeantach ar faisnéis í a thugtar sa lipéad, agus an taithí a fuarthas ar an gcreat réime níos leithne dar foráladh le Rialachán (CE) Uimh. 661/2009 á cur san áireamh freisin.

Airteagal 15
Leasú ar Rialachán (AE) 2017/1369

In Airteagal 12(2) de Rialachán (AE) Uimh. 2017/1369, cuirtear an méid seo a leanas in ionad phointe (a):

“(a)    tacú leis na húdaráis faireachais margaidh agus iad i mbun a gcuid tascanna faoin Rialachán seo agus faoi na gníomhartha tarmligthe ábhartha, lena náirítear forfheidhmiú na ngníomhartha sin agus faoi Rialachán (AE) [cuir isteach tagairt don rialachán seo]”.

Airteagal 16
Rialachán (CE) Uimh. 1222/2009 a aisghairm

Aisghairtear Rialachán (CE) Uimh. 1222/2009.

Déanfar tagairtí do na Rialacháin aisghairthe a fhorléiriú mar thagairtí don Rialachán seo agus léifear iad i gcomhréir leis an tábla comhghaoil atá in Iarscríbhinn VIII.

Airteagal 17
Teacht i bhfeidhm

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Meitheamh 2020.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

RÁITEAS AIRGEADAIS REACHTACH

1.    LEAGAN AMACH AN TOGRA/TIONSCNAIMH

   1.1.    Teideal an togra/tionscnaimh

   1.2.    Réimsí beartais lena mbaineann i gcreat ABM/ABB

   1.3.    An cineál togra/tionscnaimh

   1.4.    Cuspóirí

   1.5.    Forais an togra/tionscnaimh

   1.6.    Fad agus tionchar airgeadais

   1.7.    Modhanna bainistíochta atá beartaithe

2.    BEARTA BAINISTÍOCHTA

   2.1.    Rialacha faireacháin agus tuairiscithe

   2.2.    Córas bainistíochta agus rialaithe

   2.3.    Bearta chun calaois agus neamhrialtachtaí a chosc

3.    AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

   3.1.    Ceannteidil an chreata airgeadais ilbhliantúil agus na línte buiséid ar a nimreofar tionchar

   3.2.    An tionchar a mheastar a bheidh ag an togra/tionscnamh ar chaiteachas

   3.2.1.    Achoimre ar an tionchar a mheastar a bheidh ag an togra/tionscnamh ar chaiteachas

   3.2.2.    An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

   3.2.3.    An tionchar a mheastar a bheidh ag an togra/tionscnamh ar leithreasuithe de chineál riaracháin

   3.2.4.    Comhoiriúnacht don chreat airgeadais ilbhliantúil reatha

   3.2.5.    Ranníocaíochtaí ó thríú páirtithe

   3.3.    An tionchar a mheastar a bheidh ar ioncam

RÁITEAS AIRGEADAIS REACHTACH

1.LEAGAN AMACH AN TOGRA/TIONSCNAIMH

1.1.Teideal an togra/tionscnaimh

1.2.Réimse/ réimsí beartais lena mbaineann i gcreat ABM/ABB 22

1.3.An cineál togra/tionscnaimh

Baineann an togra/tionscnamh le síneadh ar bheart atá ann cheana.

1.4.Cuspóir(í)

1.4.1.Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe

1.4.2.Cuspóirí sonracha agus na gníomhaíochtaí ABM/ABB lena mbaineann

1.4.3.An toradh agus an tionchar a bhfuil súil leis

1.4.4.Táscairí lena léireofar toradh agus tionchar

1.5.Forais an togra/tionscnaimh

1.5.1.Na ceanglais is gá a chomhlíonadh sa ghearrthéarma nó san fhadtéarma

1.5.2.Luach breise a bhaineann le rannpháirteachas AE

1.5.3.Ceachtanna a foghlaimíodh ó thaithí eile den sórt sin san am a chuaigh thart

1.5.4.Comhoiriúnacht d’ionstraimí iomchuí eile agus sineirgíocht a d’fhéadfadh a bheith ann

1.6.Fad agus tionchar airgeadais

Togra/tionscnamh a bheidh i bhfeidhm ar feadh tréimhse neamhtheoranta

cuirfear chun feidhme é le linn na tréimhse tosaigh ó 2019;

arna leanúint ag oibríocht lánscála.

1.7.Modhanna bainistíochta atá beartaithe 23

Bainistíocht dhíreach ag an gCoimisiún

ina ranna, lena náirítear an chuid sin den fhoireann atá i dtoscaireachtaí an Aontais.

Nótaí

2.BEARTA BAINISTÍOCHTA

2.1.Rialacha faireacháin agus tuairiscithe

Córas bainistíochta agus rialaithe

2.1.1.Na rioscaí a aithníodh

2.1.2.Faisnéis maidir le socrú an chórais rialaithe inmheánaigh

2.2.Bearta chun calaois agus neamhrialtachtaí a chosc

3.AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.Ceannteidil an chreata airgeadais ilbhliantúil agus na línte buiséid ar a nimreofar tionchar

Línte buiséid atá ann cheana

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil	Líne buiséid	Saghas caiteachais	Ranníocaíocht
	Uimhir [Ceannteideal………………………………………]	LD/LN 24 .	ó thíortha de chuid CSTE 25	ó thíortha is iarrthóirí 26	ó thríú tíortha	de réir bhrí Airteagal 21(2)(b) den Rialachán Airgeadais
1a Iomaíochas le haghaidh fáis agus post	32 02 02 Gníomhaíochtaí tacaíochta do bheartas fuinnimh na hEorpa agus don mhargadh inmheánach fuinnimh	Dif.	TÁ	NÍL	NÍL	NÍL
5 Riarachán	32 01 01 Caiteachas a bhaineann le hoifigigh agus le foireann shealadach sa réimse beartais ‘Fuinneamh’.	LN	NÍL	NÍL	NÍL	NÍL
5 Riarachán	32 01 02 Pearsanra seachtrach agus caiteachas eile bainistíochta mar thacaíocht sa réimse beartais ‘Fuinneamh’	LN	NÍL	NÍL	NÍL	NÍL

Línte nua buiséid atá á niarraidh

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil	Líne buiséid	Saghas caiteachais	Ranníocaíocht
	Uimhir [Ceannteideal………………………………………]	LD/LN	ó thíortha de chuid CSTE	ó thíortha is iarrthóirí	ó thríú tíortha	de réir bhrí Airteagal 21(2)(b) den Rialachán Airgeadais

3.2.An tionchar a mheastar a bheidh ag an togra/tionscnamh ar chaiteachas

3.2.1.Achoimre ar an tionchar a mheastar a bheidh ag an togra/tionscnamh ar chaiteachas

EUR milliúin (go dtí an tríú deachúil)

Ceannteideal an chreata airgeadais ilbhliantúil

Uimhir

1a Cumas iomaíochta i ndáil le fás agus poist

Ard-Stiúrthóireacht: ENER				Bliain 2019 27	Bliain 2020	Bliain 2021	Bliain 2022	Iontráil na blianta ar fad a theastaíonn le fad an tionchair a thaispeáint (féach pointe 1.6)			IOMLÁN
• Leithreasuithe faoi chomhair oibríochtaí
32 02 02 Comhlánú ar chlárú táirgí a bhaineann le fuinneamh i mbunachar sonraí TF, lena náirítear an feachtas faisnéise agus na gníomhaíochtaí forfheidhmithe comhpháirteacha.	Gealltanais	(1)		1.3	1.62						2.92
	Íocaíochtaí	(2)		0.8	1.12	1.0					2.92
Leithreasuithe de chineál riaracháin arna maoiniú as clúdach clár sonrach 28
32 04 03 Dúshláin shochaíocha		(3)
IOMLÁN leithreasuithe i gcomhair Ard-Stiúrthóireacht ENER	Gealltanais	=1+3		1.3	1.62						2.92
	Íocaíochtaí	=2+3		0.8	1.12	1.0					2.92

• IOMLÁN leithreasuithe faoi chomhair oibríochtaí	Gealltanais	(4)	1.3	1.62						2.92
	Íocaíochtaí	(5)	0.8	1.12	1.0					2.92
• IOMLÁN leithreasuithe de chineál riaracháin arna maoiniú as clúdach clár sonrach		(6)
IOMLÁN leithreasuithe faoi CHEANNTEIDEAL 1a den chreat airgeadais ilbhliantúil	Gealltanais	=4+ 6	1.3	1.62						2.92
	Íocaíochtaí	=5+ 6	0.8	1.12	1.0					2.92

Ceannteideal an chreata airgeadais ilbhliantúil

5

‘Caiteachas riaracháin’

EUR milliúin (go dtí an tríú deachúil)

			Bliain 2019	Bliain 2020	Bliain 2021	Bliain 2022	Iontráil na blianta ar fad a theastaíonn le fad an tionchair a thaispeáint (féach pointe 1.6)			IOMLÁN
Ard-Stiúrthóireacht: ENER
• Acmhainní daonna			0.055	0.055						0.110
• Caiteachas riaracháin eile			0.007	0.007						0.014
IOMLÁN AS ENER	Leithreasuithe		0.062	0.062						0.124

IOMLÁN leithreasuithe faoi CHEANNTEIDEAL 5 den chreat airgeadais ilbhliantúil

(Iomlán gealltanas = Iomlán íocaíochtaí)

0.062

0.062

0.124

EUR milliúin (go dtí an tríú deachúil)

			Bliain 2019 29	Bliain 2020	Bliain 2021	Bliain 2022	Iontráil na blianta ar fad a theastaíonn le fad an tionchair a thaispeáint (féach pointe 1.6)			IOMLÁN
IOMLÁN leithreasuithe faoi CHEANNTEIDIL 1 go 5 den chreat airgeadais ilbhliantúil	Gealltanais		1.362	1.682						3.044
	Íocaíochtaí		0.862	1.182	1.000					3.044

3.2.2.An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

Éilíonn an togra/tionscnamh go núsáidfear leithreasuithe faoi chomhair oibríochtaí mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

Sonraigh cuspóirí agus aschuir ⇩			Bliain 2019		Bliain 2020		Bliain 2021		Bliain 2022		Iontráil na blianta ar fad a theastaíonn le fad an tionchair a thaispeáint (féach pointe 1.6)						IOMLÁN
	ASCHUIR
	Saghas 30	Meánchostas	Líon	Costas	Líon	Costas	Líon	Costas	Líon	Costas	Líon	Costas	Líon	Costas	Líon	Costas	Líon iomlán	Costas iomlán
CUSPÓIR SONRACH: Maolú ar éileamh ar fhuinneamh a chur chun cinn.
Tabhairt suas chun dáta chlárú táirgí a bhaineann le fuinneamh sa bhunachar sonraí TF		0.2	1	0.2													1	0.2
Cothabháil chlárú táirgí a bhaineann le fuinneamh sa bhunachar sonraí TF		0.02			1	0.02											1	0.02
Cúnamh teicniúil agus/nó staidéir chun na gnéithe de boinn is gá le haghaidh cur chun feidhme an rialacháin a mheas agus chun tacú le caighdeánú		0.1	1	0.1	1	0.1											2	0.2
Feachtas faisnéise		2.0	0.5	1.0	0.5	1.0											1	2.0
Gníomhaíochtaí forfheidhmithe comhpháirteacha					1	0.5											1	0.5
COSTAS IOMLÁN				1.3		1.62												2.92

3.2.3.An tionchar measta ar leithreasuithe de chineál riaracháin

3.2.3.1.Achoimre

Éilíonn an togra/tionscnamh go núsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

Bliain 2019 31

Bliain 2020

Bliain 2021

Bliain 2022

Iontráil na blianta ar fad a theastaíonn le fad an tionchair a thaispeáint (féach pointe 1.6)

IOMLÁN

CEANNTEIDEAL 5 den chreat airgeadais ilbhliantúil
Acmhainní daonna	0.055	0.055						0.110
Caiteachas riaracháin eile	0.007	0.007						0.014
Fo-iomlán CHEANNTEIDEAL 5 den chreat airgeadais ilbhliantúil	0.062	0.062						0.124

Lasmuigh de CHEANNTEIDEAL 5 32 den chreat airgeadais ilbhliantúil
Acmhainní daonna
Caiteachas eile de chineál riaracháin
Fo-iomlán Lasmuigh de CHEANNTEIDEAL 5 den chreat airgeadais ilbhliantúil

IOMLÁN

0.062

0.062

0.124

Cumhdófar na hacmhainní daonna is gá agus caiteachas eile de chineál riaracháin le leithreasuithe ón Ard-Stiúrthóireacht a bhfuil bainistíocht an bhirt faoina gcúram cheana agus/nó atá ath-imlonnaithe laistigh den Ard-Stiúrthóireacht, mar aon le haon leithdháileadh breise a d’fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha

3.2.3.2.Na hacmhainní daonna a mheastar a bheidh riachtanach

Éilíonn an togra/tionscnamh go núsáidfear acmhainní daonna mar a mhínítear thíos:

Sloinnfear an meastachán in aonaid de choibhéis lánaimseartha

		Bliain 2019	Bliain 2020	Bliain 2021	Bliain 2022	Iontráil na blianta ar fad a theastaíonn le fad an tionchair a thaispeáint (féach pointe 1.6)
• Poist don phlean bunaíochta (oifigigh agus foireann shealadach)
32 01 01 01 (Ceanncheathrú agus Oifigí Ionadaíocht an Choimisiúin)		0.36	0.36
XX 01 01 02 (Toscaireachtaí)
XX 01 05 01 (Taighde indíreach)
10 01 05 01 (Taighde díreach)
• Foireann sheachtrach (i gcoibhéis lánaimseartha: FTE) 33
32 01 02 01 (CA, SNE, INT ón gclúdach iomlánaíoch)		0.03	0.03
XX 01 02 02 (CA, LA, SNE, INT agus JED sna toscaireachtaí)
XX 01 04 bb  34	- sa cheanncheathrú
	- toscaireachtaí
XX 01 05 02 (CA, SNE, INT – taighde indíreach)
10 01 05 02 (CA, INT, SNE – Taighde díreach)
Línte buiséid eile (sonraigh)
IOMLÁN		0.39	0.39

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó a ath-imlonnófar laistigh den Ard-Stiúrthóireacht, mar aon le haon leithdháileadh breise a d’fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil i bhfianaise na srianta buiséadacha.

Cur síos ar na cúraimí a bheidh le déanamh:

Oifigigh agus pearsanra sealadach	Riarthóirí: 0.03 FTE mar cheann foirne 0.3 FTE mar oifigigh deisce don Rialachán, do na gníomhartha tarmligthe agus do chomhordú an fhorfheidhmithe ag údaráis faireachais margaidh Cúntóirí: 0.03 FTE mar thacaíocht le haghaidh nósanna imeachta reachtacha agus le haghaidh cumarsáide
Pearsanra seachtrach	0.03 FTE (CA) mar rúnaí na foirne agus cúram na lóistíochta air

3.2.4.Comhoiriúnacht don chreat airgeadais ilbhliantúil reatha

Tá an togra/tionscnamh comhoiriúnach don chreat airgeadais ilbhliantúil reatha.

3.2.5.Ranníocaíochtaí ó thríú páirtithe

Ní dhéantar foráil sa togra/tionscnamh maidir le cómhaoiniú le tríú páirtithe.

3.3.An tionchar a mheastar a bheidh ar ioncam

Ní bheidh tionchar airgeadais ar bith ag an togra ar ioncam.

(1)    Rialachán (CE) Uimh. 1222/2009 ó Pharlaimint na hEorpa agus ón gComhairle an 25 Samhain 2009 maidir le lipéadú bonn i leith éifeachtúlachta breosla agus paraiméadar riachtanach eile, IO L 342 de 22.12.2009, lch. 46

(2)    Rialachán (AE) Uimh. 228/2011 an 7 Márta 2011 ón gCoimisiún lena leasaítear Rialachán (CE) Uimh. 1222/2009 ó Pharlaimint na hEorpa agus ón gComhairle i ndáil leis an modh tástála fliuchghreama do bhoinn C1 agus Rialachán (AE) Uimh. 1235/2011 an 29 Samhain 2011 ón gCoimisiún lena leasaítear Rialachán (CE) Uimh. 1222/2009 ó Pharlaimint na hEorpa agus ón gComhairle i ndáil le grádú fliuchghreama bhoinn, agus leis an nós imeachta fíoraithe,

(3)    Rialachán (CE) Uimh. 661/2009 ó Pharlaimint na hEorpa agus ón gComhairle an 13 Iúil 2009 maidir leis na ceanglais i gcomhair cineálcheadú le haghaidh sábháilteacht ghinearálta mótarfheithiclí, a leantóirí agus a gcóras, a gcomhpháirteanna agus a naonad teicniúil ar leithligh a bheartaítear dóibh IO L 200 de 31.7.2009, lch. 1.

(4)    IO L 218, 13.8.2008, lch. 30-47 Féach togra COM(2017)795 ón gCoimisiún le haghaidh Rialachán lena leagtar síos rialacha agus nósanna imeachta maidir le comhlíonadh agus forfheidhmiú reachtaíocht comhchuibhithe an Aontais ar tháirgí a chuirfear in ionad Rialachán 765/2008.

(5)    IO L 198, 28.7.2017, lch. 1

(6)    https://ec.europa.eu/info/consultations/public-consultation-evaluation-and-review-eu-tyres-labelling-scheme_en

(7)    https://ec.europa.eu/energy/sites/ener/files/documents/Study%20in%20support%20of%20the%20Review%20of%20the%20Tyre%20Labelling%20Regulation_final.pdf

(8)    Le haghaidh tuilleadh eolais, féach http://www.mstyr15.eu/index.php/en/

(9)    IO L […], […], lch. […].

(10)    IO L […], […], lch. […].

(11)    COM(2017) 658 final

(12)    Rialachán (CE) Uimh. 1222/2009 ó Pharlaimint na hEorpa agus ón gComhairle an 25 Samhain 2009 maidir le lipéadú bonn i leith éifeachtúlachta breosla agus paraiméadar riachtanach eile (IO L 342 de 22.12.2009, lch. 46).

(13)    Rialachán (CE) Uimh. 661/2009 ó Pharlaimint na hEorpa agus ón gComhairle an 13 Iúil 2009 maidir leis na ceanglais i gcomhair cineál-cheadaithe le haghaidh sábháilteachta ginearálta mótarfheithiclí, a leantóirí agus a gcóras, a gcomhpháirteanna agus a naonad teicniúil ar leithligh atá beartaithe dóibh (IO L 200, 31.7.2009, lch. 1).

(14)    Treoir 2002/49/CE ó Pharlaimint na hEorpa agus ón gComhairle an 25 Meitheamh 2002 maidir le torann timpeallachta a mheasúnú agus a bhainistiú (IO L 189, 18.7.2002, lch. 12).

(15)    IO L307, 23.11.2011, lch.3

(16)    COM(2018) 28 final

(17)    Rialachán (AE) 2017/1369 ó Pharlaimint na hEorpa agus ón gComhairle an 4 Iúil 2017 lena leagtar amach creat i gcomhair lipéadú fuinnimh agus lena naisghairtear Treoir 2010/30/AE (IO L 198, 28.7.2017, lch. 1).

(18)    COM(2017)279.

(19)    Tagairt le cur isteach uair amháin atá an togra glactha.

(20)    Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach na ceanglais maidir le creidiúnú agus maidir le faireachas margaidh a bhaineann le táirgí a mhargú, agus lena naisghairtear Rialachán (CEE) Uimh. 339/93 (IO L218, 13.8.2008, lch. 30).

(21)    IO L 123, 12.5.2016, lch. 1.

(22)    ABM: bainistiú de réir gníomhaíochtaí; ABB: buiséadú de réir gníomhaíochtaí.

(23)    Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin Ard-Stiúrthóireacht an Bhuiséid: http://www.cc.cec/budg/man/budgmanag/budgmanag_en.html

(24)    LD = Leithreasuithe difreáilte / LN = Leithreasuithe neamhdhifreáilte.

(25)    CSTE: Comhlachas Saorthrádála na hEorpa.

(26)    Tíortha is iarrthóirí agus, nuair is iomchuí, tíortha ó na Balcáin Thiar a d’fhéadfadh a bheith ina niarrthóirí.

(27)    Is í bliain N an bhliain a chuirfear tús le cur chun feidhme an togra/tionscnaimh.

(28)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte “BA”) a chur chun feidhme, taighde indíreach, taighde díreach.

(29)    Is í bliain N an bhliain a chuirfear tús le cur chun feidhme an togra/tionscnaimh.

(30)    Is ionann aschuir agus táirgí agus seirbhísí le soláthar (e.g.: líon na malartuithe mac léinn a fhaigheann maoiniú, iomlán km de bhóithre a rinneadh, etc.).

(31)    Is í bliain N an bhliain a chuirfear tús le cur chun feidhme an togra/tionscnaimh.

(32)    Cúnamh agus caiteachas teicniúil agus/nó riaracháin ar mhaithe le cláir agus/nó bearta de chuid AE (seanlínte “BA”) a chur chun feidhme, taighde indíreach, taighde díreach.

(33)    CA = Ball foirne ar conradh; LA= Ball foirne áitiúil; SNE= Saineolaí náisiúnta ar iasacht; INT= Ball foirne gníomhaireachta; JED = Saineolaí sóisearach i dtoscaireacht.

(34)    Fo-uasteorainn d’fhoireann sheachtrach arna cumhdach ag leithreasuithe faoi chomhair oibríochtaí (na seanlínte ‘BA’).

AN COIMISIÚN EORPACH

An Bhruiséil,17.5.2018

COM(2018) 296 final

IARSCRÍBHINNÍ

a ghabhann le

Togra le haghaidh Rialachán ó Pharlaimint na hEorpa agus ón gComhairle

maidir le lipéadú bonn i leith éifeachtúlacht breosla agus paraiméadair riachtanacha eile agus lena n-aisghairtear Rialachán (CE) Uimh. 1222/2009

{SEC(2018) 234 final}
{SWD(2018) 188 final}
{SWD(2018) 189 final}

IARSCRÍBHINN I
Paraiméadair bhonn a thástáil, a ghrádú agus a thomhas

Cuid A: Aicmí éifeachtúlachta breosla

Ní mór an aicme éifeachtúlachta breosla a chinneadh ar bhonn chomhéifeacht na friotaíochta rollta (RRC) de réir an scála ‘A’ go ‘G’ a shonraítear thíos agus tomhaisfear í gcomhréir le hIarscríbhinn 6 a ghabhann le Rialachán UNECE Uimh. 117 agus leis na leasuithe iardain arna ndéanamh air agus a ailíniú de réir an nós imeachta a leagtar síos in Iarscríbhinn VI.

Má dhéantar cineál boinn a fhormheas le haghaidh níos mó ná aon aicme boinn amháin (e.g. C1 agus C2), is é an scála grádaithe sin atá infheidhme maidir leis an aicme is airde boinn (e.g. C2, seachas C1) an scála a úsáidfear chun aicme éifeachtúlachta breosla an chineáil sin boinn a chinneadh.

Boinn C1		Boinn C2		Boinn C3
RRC i kg/t	Aicme éifeachtúlachta fuinnimh	RRC i kg/t	Aicme éifeachtúlachta fuinnimh	RRC i kg/t	Aicme éifeachtúlachta fuinnimh
RRC ≤ 5,4	A	RRC ≤ 4,4	A	RRC ≤ 3,1	A
5,5 ≤ RRC ≤ 6,5	B	4,5 ≤ RRC ≤ 5,5	B	3,2 ≤ RRC ≤ 4,0	B
6,6 ≤ RRC ≤ 7,7	C	5,6 ≤ RRC ≤ 6,7	C	4,1 ≤ RRC ≤ 5,0	C
7,8 ≤ RRC ≤ 9,0	D	6,8 ≤ RRC ≤ 8,0	D	5,1 ≤ RRC ≤ 6,0	D
9,1 ≤ RRC ≤ 10,5	E	8,1 ≤ RRC ≤ 9,2	E	6,1 ≤ RRC ≤ 7,0	E
RRC ≥ 10,6	F	RRC ≥ 9,3	F	RRC ≥ 7,1	F

Cuid B: Aicmí fliuchghreama

1.Déanfar aicme fliuchghreama a chinneadh agus a léiriú ar an lipéad ar bhonn na treoiruimhreach fliuchghreama (G) de réir an scála ‘A’ go ‘G’ a shonraítear sa tábla thíos, arna ríomh i gcomhréir le pointe 2 agus arna thomhas i gcomhréir le hIarscríbhinn 5 a ghabhann le Rialachán UNECE Uimh. 117.

2.An treoiruimhir don fhliuchghreim (G) a ríomh

G = G(T) - 0,03

áit ina mbeidh:

G(T) = treoiruimhir fliuchghreama an bhoinn iarrthaigh mar a thomhaistear é in aon timthriall tástála amháin

Boinn C1		Boinn C2		Boinn C3
G	Aicme fliuchghreama	G	Aicme fliuchghreama	G	Aicme fliuchghreama
1,68 ≤ G	A	1,53 ≤ G	A	1,38 ≤ G	A
1,55 ≤ G ≤ 1,67	B	1,40 ≤ G ≤ 1,52	B	1,25 ≤ G ≤ 1,37	B
1,40 ≤ G ≤ 1,54	C	1,25 ≤ G ≤ 1,39	C	1,10 ≤ G ≤ 1,24	C
1,25 ≤ G ≤ 1,39	D	1,10 ≤ G ≤ 1,24	D	0,95 ≤ G ≤ 1,09	D
1,10 ≤ G ≤ 1,24	E	0,95 ≤ G ≤ 1,09	E	0,80 ≤ G ≤ 0,94	E
G ≤ 1,09	F	G ≤ 0,94	F	0,65 ≤ G ≤ 0,79	F
Folamh	G	Folamh	G	G ≤ 0,64	G

Cuid C: Aicmí torainn sheachtraigh rollta agus luach tomhaiste

Déanfar luach tomhaiste an torainn sheachtraigh rollta (N) a dhearbhú i ndeicibeilí agus a ríomh i gcomhréir le hIarscríbhinn 3 a ghabhann le Rialachán UNECE Uimh. 117.

Déanfar aicme an torainn sheachtraigh rollta a chinneadh agus a léiriú ar an lipéad mar a leanas, ar bhonn na luachanna teorann (LV) a leagtar amach i gCuid C d’Iarscríbhinn II a ghabhann le Rialachán (CE) Uimh. 661/2009:

N i dB

Aicme an Torainn sheachtraigh rollta

N ≤ LV - 6

LV - 6 < N ≤ LV - 3

N > LV - 3

Cuid D: Greim sneachta

Déanfar an fheidhmíocht sa sneachta a thástáil i gcomhréir le hIarscríbhinn 7 a ghabhann le Rialachán UNECE Uimh. 117.

Rangófar mar bhonn sneachta bonn a chomhlíonann na luachanna íosta maidir le treoiruimhir sneachta a leagtar amach i Rialachán UNECE Uimh. 117 agus áireofar an deilbhín seo a leanas ar an lipéad.

Cuid E: Greim ar an oighear

Déanfar an fheidhmíocht ar an oighear a a thástáil i gcomhréir le ISO 19447.

Rangófar mar bhonn oighir bonn a chomhlíonann na luachanna íosta maidir le treoiruimhir oighir a leagtar amach in ISO 19447 agus áireofar an deilbhín seo a leanas ar an lipéad.

IARSCRÍBHINN II
Formáid an lipéid

1.Lipéid

1.1.Beidh an fhaisnéis seo a leanas san áireamh ar na lipéid i gcomhréir leis na léaráidí thíos.

   

I.    Ainm nó trádmharc an tsoláthraí;

II.    Aitheantóir múnla an tsoláthraí, nuair a chiallaíonn ‘aitheantóir múnla’ an cód, atá alfa-uimhriúil de ghnáth, lena ndéantar dealú idir cineál sonrach boinn agus cineál eile arb ionann trádmharc nó ainm céanna soláthraí dóibh;

III.    Cód QR;

IV.    Éifeachtacht bhreosla;

V.    Fliuchghreim;

VI.    Torann seachtrach rollta;

VII.    Greim sneachta;

VIII.    Greim ar an oighear.

2.Dearadh an lipéid

2.1.Beidh dearadh an lipéid mar an gcéanna leis an lipéid thíos:

2.2.Beidh an lipéad ar a laghad 90 mm ar leithead agus 130 mm ar airde. I gcás ina gclóbhuailtear an lipéad i bhformáid atá níos mó ná sin, mar sin féin beidh an tábhar atá clóbhuailte ar an lipéad a bheith i gcomhréir leis na sonraíochtaí thuas.

2.3.Beidh an lipéad de réir na gceanglas seo a leanas:

(a)Is iad na dathanna a bheidh ann ná CMBD - cian, maigeanta, buí agus dubh - agus luafar iad de réir an tsampla seo a leanas: 00-70-X-00 0 % cian, 70 % maigeanta, 100 % buí, 0 % dubh;

(b)Is do na heochracha eolais atá luaite i bpointe 2.1 a thagraíonn na huimhreacha atá liostaithe thíos:

(1)Imeall an lipéid: fleasc: 1,5 pt - dath: X-10-00-05;

(2)Calibri regular 8 pt;

(3)Brat na hEorpa: leithead: 15 mm, airde: 10 mm;

(4)Meirge: leithead: 51,5 mm, airde: 13 mm;

Téacs "BRANDA": Calibri Bold 15 pt, 100 % bán;

Téacs "Uimhir an Mhúnla": Calibri regular 13 pt, 100 % bán;

(5)Cód QR; leithead: 13 mm, airde: 13 mm;

(6)Scála ‘A’ go ‘F’:

Saigheada: airde: 5,6 mm, bearna: 0,78 mm, fleasc dhubh: 0,5 pt – dathanna:

–A: X-00-X-00;

–B: 70-00-X-00;

–C: 30-00-X-00;

–D: 00-00-X-00;

–E: 00-30-X-00;

–F: 00-70-X-00.

(7)Líne: leithead: 88 mm, airde: 2 pt - Dath: X-00-00-00;

(8)Picteagram don torann seachtrach rollta;

Picteagram mar atá léirithe: leithead: 25,5 mm, airde: 17 mm – dath: X-10-00-05;

(9)Saighead:

Saighead: leithead: 20 mm, airde: 10 mm, 100 % dubh;

Téacs: Helvetica Bold 20 pt, 100 % bán;

Téacs an aonaid: Helvetica Bold 13 pt, 100 % bán;

(10)Pictreagram oighear:

Picteagram mar atá léirithe: leithead: 15 mm, airde: 15 mm – fleasc: 1,5 pt - dath: 100 % dubh;

(11)Picteagram don sneachta;

Picteagram mar atá léirithe: leithead: 15 mm, airde: 15 mm – fleasc: 1,5 pt - dath: 100 % dubh;

(12)‘A’ go ‘G’: Calibri regular 13 pt – 100 % dubh;

(13)Saigheada:

Saigheada: leithead: 11,4 mm, airde: 9 mm, 100 % dubh;

Téacs: Calibri Bold 17 pt, 100 % bán;

(14)Pictreagram éifeachtúlacht bhreosla:

Picteagram mar atá léirithe: leithead: 19,5 mm, airde: 18,5 mm – dath: X-10-00-05;

(15)Picteagram don fliuchghreim;

Picteagram mar atá léirithe: leithead: 19 mm, airde: 19 mm – dath: X-10-00-05.

(c)Cúlra bán a bheidh ann.

2.4.Beidh an aicme boinn (C1 nó C2) ar taispeáint ar an lipéad san fhormáid a fhorordaítear sa léaráid atá i bpointe 2.1.

IARSCRÍBHINN III
Doiciméadacht theicniúil

Beidh an méid seo a leanas san áireamh leis an doiciméadacht theicniúil dá dtagraítear in Airteagal 4(7):

(a)ainm agus seoladh an tsoláthraí;

(b)aitheantas agus síniú an duine atá cumhachtaithe le ceangal a chur ar an soláthraí;

(c)trádainm nó trádmharc an tsoláthraí;

(d)múnla an bhoinn,

(e)toisí an bhoinn, an treoiruimhir ualaigh agus an rátáil luais;

(f)tagairtí do na modhanna tomhais a cuireadh i bhfeidhm.

IARSCRÍBHINN IV
An bhileog faisnéise faoin táirge

Beidh an fhaisnéis ar an mbileog faisnéise faoi bhoinn san áireamh i mbróisiúr na táirge nó i ndoiciméid eile a chuirfear ar fáil leis an táirge agus beidh an méid seo a leanas san áireamh leis:

(a)ainm nó trádmharc an tsoláthraí;

(b)aitheantóir múnla an tsoláthraí;

(c)aicme éifeachtúlachta breosla an bhoinn i gcomhréir le hIarscríbhinn I;

(d)aicme fliuchghreama an bhoinn i gcomhréir le hIarscríbhinn I;

(e)aicme torainn sheachtraigh rollta agus deicibeilí i gcomhréir le hIarscríbhinn I;

(f)cibé acu is bonn sneachta é an bonn;

(g)cibé acu is bonn oighir é an bonn.

IARSCRÍBHINN V
Faisnéis a sholáthrófar in ábhar fógraíochta teicniúil

1.Is san ord atá sonraithe thíos a sholáthrófar faisnéis faoi bhoinn a bheidh san áireamh in ábhar fógraíochta teicniúil:

(a)an aicme éifeachtúlachta breosla (an litir ‘A’ go ‘F’);

(b)an aicme fliuchghreama (an litir ‘A’ go ‘G’);

(c)luach tomhaiste agus aicme an torainn sheachtraigh rollta (dB);

(d)cibé acu is bonn sneachta é an bonn;

(e)cibé acu is bonn oighir é an bonn.

2.Comhlíonfaidh an fhaisnéis a sholáthraítear i bpointe 1 na ceanglais seo a leanas:

(a)ní mór í a bheith soléite;

(b)ní mór í a bheith sothuigthe;

(c)má tá grádú éagsúil ar fáil le haghaidh cineáil áirithe boinn, de réir toise nó paraiméadar eile, luafar an raon idir an bonn is ísle feidhmíochta agus an bonn is airde feidhmíochta.

3.Ina theannta sin, ní mór do na soláthraithe an méid seo a leanas a chur ar fáil ar a láithreáin ghréasáin:

(a)nasc leis an leathanach gréasáin ábhartha de chuid an Choimisiúin atá tiomnaithe don Rialachán seo;

(b)míniú ar na picteagraim atá clóbhuailte ar an lipéad;

(c)ráiteas ina dtugtar léiriú suntasach á rá go bhfuil spáráil breosla agus sábháilteacht ar bhóithre ag brath go mór ar iompraíocht an tiománaí, agus go háirithe, na nithe seo a leanas á léiriú:

–is féidir ídiú breosla a laghdú go mór ach a bheith ag tiomáint ar bhealach éiceolaíoch;

–is gá brú na mbonn a sheiceáil go rialta chun feidhmíocht a bharrfheabhsú i dtaca le fliuchghreim agus éifeachtúlacht bhreosla de;

–ní mór faid stoptha a urramú i gcónaí.

IARSCRÍBHINN VI
Nós imeachta ailínithe saotharlainne le friotaíocht rollta a thomhas

1.Sainmhínithe

Chun críocha an nós imeachta ailínithe saotharlainne, beidh feidhm ag na sainmhínithe seo a leanas:

1.ciallaíonn ‘saotharlann tagartha’ saotharlann atá mar chuid de líonra na saotharlann ar foilsíodh a nainmneacha chun críocha an nós imeachta ailínithe in Iris Oifigiúil an Aontais Eorpaigh agus atá in ann cruinneas na dtorthaí tástála a bhaint amach a chinntear in Alt 3 lena meaisín tagartha;

2.ciallaíonn ‘saotharlann iarrthach’ saotharlann a ghlacann páirt sa nós imeachta ailínithe nach saotharlann tagartha í;

3.ciallaíonn ‘bonn ailínithe’ bonn arna thástáil chun críocha an nós imeachta ailínithe a fheidhmiú;

4.ciallaíonn 'tacar bonn ailínithe’ tacar de chúig bhonn ailínithe nó níos mó chun aon mheaisín amháin a ailíniú;

5.ciallaíonn ‘luach sannta’ luach teoiriciúil Chomhéifeacht na Friotaíochta Rollta (RRC) d’aon bhonn ailínithe mar a thomhaistear é i saotharlann tagartha atá ionadaíoch ar an líonra saotharlann tagartha a úsáidtear don nós imeachta ailínithe;

6.ciallaíonn ‘meaisín’ gach fearsaid tástála boinn in aon mhodh sonrach tomhaiste amháin. Mar shampla, ní mheasfar gurb aon mheaisín amháin iad dhá fhearsaid ag gníomhú ar an druma céanna.

2.Forálacha ginearálta

2.1.Prionsabal

Beidh Comhéifeacht thomhaiste (m) na Friotaíochta Rollta i saotharlann tagartha (l), (RRCm,l), ailínithe le luachanna sannta líonra na saotharlann tagartha.

Beidh Comhéifeacht thomhaiste (m) na Friotaíocht Rollta arna fháil trí meaisín i saotharlann iarrthach (c), RRCm,c, ailínithe trí shaotharlann tagartha amháin dá rogha líonra.

2.2.Ceanglais maidir le bonn a roghnú

Roghnófar tacar de chúig bhonn ailínithe nó níos mó le haghaidh an phróisis ailínithe leis na critéir thíos a chomhlíonadh. Roghnófar tacar amháin le haghaidh boinn C1 agus boinn C2 le chéile, agus tacar eile le haghaidh boinn C3.

(a)Roghnófar an tacar bonn ailínithe chun raon na RRCanna éagsúla de bhoinn C1 agus boinn C2 le chéile nó de bhoinn C3 a chumhdach. Ar aon chaoi, beidh an difríocht idir an RRCm is airde den tacar bonn, agus an RRCm is ísle den tacar bonn, roimh agus tar éis ailínithe, ar a laghad cothrom leis an méid seo a leanas:

(i)    3 kg/t le haghaidh boinn C1 agus boinn C2; agus

(ii)    2 kg/t le haghaidh boinn C3.

(b)Déanfar an RRCm sna saotharlanna iarrthacha nó sna saotharlanna tagartha (RRCm,c nó RRCm,l) bunaithe ar luachanna dearbhaithe RRC gach boinn ailínithe sa tacar a dháileadh go cothrom.

(c)Cumhdóidh luachanna innéacs ualaigh go leordhóthanach raon na mbonn a bheidh le tástáil, rud a chinnteoidh go gcumhdóidh luachanna fórsa na friotaíochta rollta raon na mbonn a bheidh le tástáil freisin.

Déanfar gach bonn ailínithe a sheiceáil roimh a úsáide agus déanfar é a ionadú nuair atá an méid seo a leanas i gceist leis:

(a)léirítear go bhfuil sé i riocht a fhágann nach féidir é a úsáid le haghaidh tuilleadh tástálacha; agus/nó

(b)tá diallais de RRCm,c nó RRCm,l ann atá níos mó ná 1,5 faoin gcéad i gcomparáid le tomhais níos luaithe tar éis cheartúchán a dhéanamh i leith aon fhéithiú meaisín.

2.3.Modh tomhais

Tomhaisfidh an tsaotharlann tagartha gach bonn ailínithe ceithre huaire agus coinneoidh sí na trí thoradh deiridh le haghaidh tuilleadh anailíse, i gcomhréir le halt 4 d’Iarscríbhinn 6 a ghabhann le Rialachán UNECE Uimh. 117 agus na leasuithe iardain arna ndéanamh air agus ag cur na coinníollacha a leagtar amach i mír 3 d’Iarscríbhinn 6 a ghabhann le Rialachán UNECE Uimh. 117 agus na leasuithe iardain arna ndéanamh air i bhfeidhm.

Tomhaisfidh an tsaotharlann iarrtha gach bonn ailínithe (n+1) uair, agus n sainmhínithe in Alt 5, agus coinneoidh sí na n toradh deiridh le haghaidh tuilleadh anailíse, i gcomhréir le halt 4 d’Iarscríbhinn 6 a ghabhann le Rialachán UNECE Uimh. 11 agus na leasuithe iardain arna ndéanamh air agus ag cur na coinníollacha a leagtar amach i mír 3 d’Iarscríbhinn 6 a ghabhann le Rialachán UNECE Uimh. 117 agus na leasuithe iardain arna ndéanamh air i bhfeidhm.

Gach uair a thomhaisfear bonn ailínithe, bainfear an chóimeáil boinn/rotha ón meaisín agus leanfar an nós imeachta tástála iomlán a shonraítear i mír 4 d’Iarscríbhinn 6 a ghabhann le Rialachán UNECE Uimh. 117 agus na leasuithe iardain arna ndéanamh air arís ón tús.

Déanfaidh an tsaotharlann iarrthach nó an tsaotharlann tagartha an méid seo a leanas a ríomh:

(a)luach tomhaiste gach boinn ailínithe i leith gach tomhais mar a shonraítear in Iarscríbhinn 6, mír 6.2 agus mír 6.3, a ghabhann le Rialachán UNECE Uimh. 117 agus na leasuithe iardain arna ndéanamh air (i.e. ceartuithe i leith teochta de 25 °C agus trastomhais druma de 2 m);

(b)meánluach na dtrí (i gcás saotharlanna tagartha) nó n (i gcás saotharlanna iarrthacha) luachanna tomhaiste deiridh de gach bonn ailínithe; agus

(c)an diallas caighdeánach (σm) mar seo a leanas:

i gcás:

gurb i an táiritheoir ó 1 go p le haghaidh na boinn ailínithe;
gur j an táiritheoir ó 2 go n+1 don n athdhéanamh deiridh de gach tomhais ar bhonn ailínithe faoi leith
gur n+1 líon na natomhas ar bhoinn (n+1=4 le haghaidh saotharlanna tagartha agus n+1 ≥4 le haghaidh saotharlanna iarrthacha);
gur p líon na mbonn ailínithe (p ≥ 5).

2.4.Formáidí sonraí atá le húsáid le haghaidh ríomhaireachta agus le haghaidh torthaí

–Déanfar na luachanna tomhaiste RRC a bheidh ceartaithe i leith trastomhais druma agus i leith teochta a shlánú go 2 dheachúil.

–Ansin déanfar an ríomhaireacht leis na digití go léir: ní dhéanfar aon slánú eile ach amháin ar na cothromóidí ailínithe deiridh.

–Taispeánfar gach luach a bhaineann le diallas caighdeánach go 3 dheachúil.

–Taispeánfar gach luach RRC go 2 dheachúil.

–Déanfar gach comhéifeacht ailínithe (A1l, B1l, A2c agus B2c) a shlánú agus a thaispeáint go 4 dheachúil.

3.Ceanglais is infheidhme maidir leis na saotharlanna tagartha agus cinneadh na luachanna sannta

Cinnfidh líonra saotharlann tagartha luachanna sannta gach boinn ailínithe. Déanfaidh an líonra cobhsaíocht agus bailíocht na luachanna sannta a mheas gach dara bliain.

Comhlíonfaidh gach saotharlann tagartha atá páirteach sa líonra sonraíochtaí Iarscríbhinn 6 a ghabhann le Rialachán UNECE Uimh. 117 agus na leasuithe arna ndéanamh air agus beidh diallas caighdeánach (σm) ann mar seo a leanas:

(a)    nach mó ná 0,05kg/t le haghaidh boinn d’aicme C1 agus aicme C2; agus

(b)nach mó ná 0,05kg/t le haghaidh boinn d’aicme C3.

Déanfar tacair na mbonn ailínithe, a bheidh i gcomhréireacht le sonraíochtaí Alt 2.2, a thomhas i gcomhréir le hAlt 2.3, ag gach saotharlann tagartha sa líonra.

Is ionann luach sannta gach boinn ailínithe agus meán na luachanna tomhaiste tugtha ag saotharlanna tagartha an líonra don bhonn ailínithe.

4.An nós imeachta chun saotharlann tagartha a ailíniú leis na luachanna a shanntar

Déanfaidh gach saotharlann tagartha í féin a ailíniú le gach tacar nua luachanna sannta agus i gcónaí tar éis aon athrú suntasach ar an meaisín nó aon fhéithiú sna sonraí faireacháin a bhaineann le bonn rialaithe an mheaisín.

Bainfidh an tailíniú úsáid as teicníc cúlchéimnithe línigh le haghaidh gach sonra aonair. Déanfar na comhéifeachtaí cúlchéimnithe, A1l agus B1l, a ríomh mar seo a leanas:

i gcás:

gur RRC luach sannta chomhéifeacht na friotaíochta rollta;

gur RRCm,l luach tomhaiste aonair chomhéifeacht na friotaíochta rollta ag an tsaotharlann tagartha “l” (lena náirítear ceartúcháin i leith teochta agus trastomhais druma)

5.Ceanglais is infheidhme maidir le saotharlanna iarrthacha

Déanfaidh saotharlanna iarrthacha an nós imeachta ailínithe ar a laghad uair amháin gach dara bliain i leith gach meaisín agus i gcónaí tar éis aon athrú suntasach ar an meaisín nó aon fhéithiú de shonraí faireacháin a bhaineann le bonn rialaithe an mheaisín.

Déanfar tacar comhchoiteann de chúig bhonn éagsúil, atá i gcomhréireacht le sonraíochtaí Alt 2.2, a thomhas i gcomhréir le hAlt 2.3, ag an tsaotharlann iarrthach ar dtús agus ina dhiaidh sin ag saotharlann tagartha amháin. Is féidir níos mó ná cúig bhonn ailínithe a thástáil má iarrann an tsaotharlann iarrthach é sin.

Soláthróidh an tsaotharlann iarrthach an bonn ailínithe don tsaotharlann tagartha roghnaithe.

Comhlíonfaidh an tsaotharlann iarrthach (c) sonraíochtaí Iarscríbhinn 6 a ghabhann le Rialachán UNECE Uimh. 117 agus na leasuithe arna ndéanamh air agus b’fhearr go mbeadh diallais chaighdeánacha (am) ann mar seo a leanas:

(a)nach mó ná 0,075 kg/t le haghaidh boinn d’aicme C1 agus aicme C2; agus

(b)nach mó ná 0,06 kg/t le haghaidh boinn d’aicme C3.

Más rud é go bhfuil diallas caighdeánach (σm) na saotharlainne iarrthaí níos airde ná na luachanna thuas le ceithre thomhas, agus go núsáidtear na trí cinn dheiridh le haghaidh na ríomhaireachta, ansin méadófar líon n+1 na nuaireanta a athdhéantar an tomhais mar seo a leanas i ndáil leis an mbaisc iomlán:

n+1 = 1+(σm/γ)2, slánaithe suas go dtí an chéad slánuimhir eile is airde

i gcás:

γ = 0,043 kg/t le haghaidh boinn Aicme C1 agus boinn Aicme C2;

γ = 0,035 kg/t le haghaidh boinn Aicme C3;

6.An nós imeachta chun saotharlann iarrthach a ailíniú

Déanfaidh saotharlann tagartha (i) amháin den líonra an fheidhm chúlchéimnithe líní ar shonraí aonair uile na saotharlainne iarrthaí (c) a ríomh. Déanfar na comhéifeachtaí cúlchéimnithe, A2c agus B2c, a ríomh mar seo a leanas:

i gcás:

gur RRCm,l luach tomhaiste aonair chomhéifeacht na friotaíochta rollta ag an tsaotharlann tagartha (i) (lena náirítear ceartúcháin i leith teochta agus trastomhais druma)

gur RRCm,l luach tomhaiste aonair chomhéifeacht na friotaíochta rollta ag an tsaotharlann iarrthach (c) (lena náirítear ceartúcháin i leith teochta agus trastomhais druma)

Má tá comhéifeacht chinntiúcháin R² faoi bhun 0,97, ní dhéanfar an tsaotharlann iarrthach a ailíniú.

Déantar RRC ailínithe bonn arna dtástáil ag an tsaotharlann iarrtach a ríomh mar seo a leanas:

IARSCRÍBHINN VII
An nós imeachta fíorúcháin

Déanfar comhréireacht na naicmí dearbhaithe maidir le héifeachtúlacht bhreosla, fliuchghreim agus torann seachtrach rollta leis an Rialachán seo, mar aon leis na luachanna dearbhaithe, agus aon fhaisnéis bhreise maidir le feidhmíocht a bheidh ar an lipéad, a mheasúnú i gcás gach cineáil boinn nó i gcás gach grúpála bonn, mar a chinneann an soláthraí, de réir ceann de na nósanna imeachta seo a leanas:

(a)tástáiltear aon bhonn amháin nó aon tacar amháin bonn ar dtús.

1.Má tá an luach tomhaiste comhréireach leis an aicme dhearbhaithe nó le luach tomhaiste an torainn sheachtraigh rollta laistigh den lámháltas a shainmhínítear i dTábla 1, measfar go bhfuil toradh na tástála sásúil;

2.Más rud é nach bhfuil na luachanna tomhaiste comhréireach leis na aicmí dearbhaithe nó le luach dearbhaithe an torainn sheachtraigh rollta laistigh den raon a shainmhínítear i dTábla 1, tástáiltear trí bhonn eile nó trí tacar eile bonn. Úsáidtear meán na luachanna tomhais a fhaightear ó na trí bhonn nó na trí thacar bonn a thástáiltear chun measúnú a dhéanamh ar an gcomhréireacht leis an bhfaisnéis a dearbhaíodh laistigh den raon a shainmhínítear i dTábla 1;

(b)i gcás ina ndíorthaíonn na haicmí lipéadaithe nó na luachanna lipéadaithe ó thorthaí tástála cineálcheadaithe arna bhfáil i gcomhréir le Rialachán (CE) Uimh. 661/2009, nó i gcomhréir le Rialachán UNECE Uimh. 117 agus leis na leasuithe iardain arna ndéanamh air, féadfaidh na Ballstáit úsáid a bhaint as sonraí tomhaiste

San áireamh leis an measúnú ar na sonraí tomhais a gheobhfar ó na tástálacha maidir le comhréireacht táirgeachta beidh na liúntais a shainmhínítear i dTábla 1.

Tábla 1

Paraiméadar tomhaiste	Lamháltais fíorúcháin
Comhéifeacht na friotaíochta rollta (éifeachtúlacht bhreosla)	Ní bheidh an luach tomhaiste ailínithe níos mó ná 0,3 kg/1 000kg os cionn uasteorainn (anRRC is airde) na haicme dearbhaithe.
Torann seachtrach rollta	Ní bheidh an luach tomhaiste níos mó ná 1 dB(A) os cionn luach dearbhaithe N.
Fliuchghreim	Ní bheidh an luach tomhaiste G(T) faoi bhun íosteorann (luach íosta G) na haicme dearbhaithe.
Greim sneachta	Ní bheidh an luach tomhaiste faoi bhun na treoiruimhreach íosta d’fheidhmíocht sa sneachta.
Greim ar an oighear	Ní bheidh an luach tomhaiste faoi bhun na treoiruimhreach íosta d’fheidhmíocht ar an oighear.

IARSCRÍBHINN VIII
Tábla comhghaoil

Rialachán (CE) Uimh. 1222/2009	An Rialachán seo
Airteagal 1(1)	Airteagal 1(1)
Airteagal 1(2)	Airteagal 1(2)
Airteagal 2(1)	Airteagal 2(1)
Airteagal 2(2)	Airteagal 2(2)
Airteagal 3(1)	Airteagal 3(1)
Airteagal 3(2)	Airteagal 3(2)
-	Airteagal 3(3)
Airteagal 3(3)	Airteagal 3(4)
Airteagal 3(4)	Airteagal 3(5)
-	Airteagal 3(6)
Airteagal 3(5)	Airteagal 3(7)
-	Airteagal 3(8)
-	Airteagal 3(9)
Airteagal 3(6)	Airteagal 3(10)
Airteagal 3(7)	Airteagal 3(11)
Airteagal 3(8)	Airteagal 3(12)
Airteagal 3(9)	Airteagal 3(13)
Airteagal 3(10)	Airteagal 3(14)
Airteagal 3(11)	Airteagal 3(15)
-	Airteagal 3(16)
Airteagal 3(12)	Airteagal 3(17)
Airteagal 3(13)	Airteagal 3(18)
-	Airteagal 3(19)
Airteagal 4	Airteagal 4
Airteagal 4(1)	Airteagal 4(1)
Airteagal 4(1)(a)	Airteagal 4(1)(b)
Airteagal 4(1)(b)	Airteagal 4(1)(b)
Airteagal 4(2)	-
-	Airteagal 4(2)
-	Airteagal 4(3)
Airteagal 4(3)	Airteagal 4(4)
Airteagal 4(4)	Airteagal 4(6)
-	Airteagal 4(5)
-	Airteagal 4(6)
-	Airteagal 4(7)
-	Airteagal 4(8)
-	Airteagal 4(9)
-	Airteagal 5
Airteagal 5	Airteagal 6
Airteagal 5(1)	Airteagal 6(1)
Airteagal 5(1)(a)	Airteagal 6(1)(a)
Airteagal 5(1)(b)	Airteagal 6(1)(b)
-	Airteagal 6(2)
-	Airteagal 6(3)
Airteagal 5(2)	Airteagal 6(4)
Airteagal 5(3)	-
-	Airteagal 6(5)
-	Airteagal 6(6)
-	Airteagal 6(7)
Airteagal 6	Airteagal 7
Airteagal 7	Airteagal 8
Airteagal 8	Airteagal 9
Airteagal 9(1)	Airteagal 10(1)
Airteagal 9(2)	-
Airteagal 10	Airteagal 10(2)
Airteagal 11	Airteagal 12
-	Airteagal 12(a)
-	Airteagal 12(b)
-	Airteagal 12(c)
Airteagal 11(a)	-
Airteagal 11(b)	-
Airteagal 11(c)	Airteagal 12(d)
Airteagal 12	Airteagal 11
-	Airteagal 11(1)
-	Airteagal 11(2)
-	Airteagal 11(3)
-	Airteagal 13
Airteagal 13	-
Airteagal 14	-
-	Airteagal 14
Airteagal 15	-
-	Airteagal 15
-	Airteagal 16
Airteagal 16	Airteagal 17