An Bhruiséil,7.12.2015

SWD(2015) 263 final

DOICIMÉAD INMHEÁNACH OIBRE DE CHUID AN CHOIMISIÚIN

ACHOIMRE FEIDHMIÚCHÁIN AR AN MEASÚNÚ TIONCHAIR

a ghabhann leis an doiciméad

Togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa, agus lena n-aisghairtear Rialachán (CE) Uimh. 216/2008 ó Pharlaimint na hEorpa agus ón gComhairle

{COM(2015) 613 final}
{SWD(2015) 262 final}


Bileog Achoimre Feidhmiúcháin

Measúnú tionchair ar thionscnamh beartais maidir le sábháilteacht eitlíochta agus athbhreithniú is féidir a dhéanfar ar Rialachán (CE) Uimh. 216/2008 maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa.

A. An gá le beart

Cén fáth? Cad í an fhadhb a bhfuiltear ag díriú uirthi?

Is éard atá sa tionscnamh seo athbhreithniú ginearálta ar Chóras Sábháilteachta Eitlíochta na hEorpa agus ar Rialachán (CE) Uimh. 216/2008 arb é creatRialachán an Aontais Eorpaigh maidir le sábháilteacht eitlíochta é. Is féidir an fhadhb seo a roinnt ina ceithre chuid: (1) sábháilteacht – cé gur éirigh go maith leis an gcóras atá ann faoi láthair ardleibhéal sábháilteachta a áirithiú go dtí seo is féidir nach mbeifear in ann a áirithiú leis an gcóras go leanfar den laghdú ar ráta na dtionóiscí i gcomhréir le fás an tráchta (méadú 50 % sna 20 bliain amach romhainn; (2) rórialáil – tá ualach mór ag baint leis an gcreat rialála agus cruthaíonn sé costais iomarcacha; (3) athruithe nua sa mhargadh – de bharr luas na nathruithe i margadh na heitlíochta agus i dteicneolaíochtaí na heitlíochta le deich mbliana anuas, níl an creat rialála (samhlacha gnó, teicneolaíochtaí nua) oiriúnach dóibh níos mó; (4) maoirseacht – tá difríochtaí suntasacha idir acmhainn na mBallstát reachtaíocht maidir le sábháilteacht eitlíochta a chur chun feidhme go héifeachtach. Is iad na cúiseanna atá leis na fadhbanna: ganntanais agus úsáid mhíéifeachtúil na nacmhainní, bearnaí agus míréireachtaí sa chóras rialála agus rialáil atá saintreorach den chuid is mó agus nach nathraíonn de réir an cháis. Déanann na fadhbanna difear do na gníomhaithe uile sa chóras sábháilteachta eitlíochta agus, go hindíreach, do na daoine atá ag taisteal.

Cad leis a bhfuiltear ag súil ón tionscnamh seo?

Is é is aidhm leis an tionscnamh feidhmíocht chóras eitlíochta na hEorpa a fheabhsú maidir le sábháilteacht, slándáil, iomaíochas agus caomhnú an chomhshaoil. Lena chois sin, ní mór dearcadh air i gcomhthéacs na straitéise nua eitlíochta atá ag an gCoimisiún agus thosaíochtaí Junker ó thaobh maorlathas a laghdú, nósanna imeachta a shimpliú agus fás eacnamaíoch agus nuálaíocht a spreagadh le cuir chuige rialála nuaaimseartha amhail rialáil bunaithe ar riosca agus feidhmíocht. Seo na cuspóirí sonracha atá ag an tionscnamh: (1) Deireadh a chur le ceanglais nach bhfuil gá leo agus a áirithiú go mbeidh an rialáil comhréireach leis na rioscaí atá i gceist; (2) teicneolaíochtaí nua agus athruithe sa mhargadh a chomhtháthú go héifeachtúil agus maoirseacht éifeachtach a dhéanamh orthu; (3) próiseas bainistíochta sábháilteachta ar bhonn comhair idir an tAontas agus na Ballstáit lena sainaithneoidh siad agus lena maolóidh siad rioscaí i gcomhar le chéile; (4) bearnaí sa chóras rialála a líonadh agus comhsheasmhacht a áirithiú; (5) córas a chruthú lena gcomhthiomsófar agus lena gcomhroinnfear acmhainní idir na Ballstáit agus EASA.

Cad é an breisluach atá le beart ar leibhéal an Aontais? 

Aeriompar trasnáisiúnta is ea cuid mhaith den aeriompar agus, dá bhrí sin, is gá cur chuige ar leibhéal an Aontais ina leith. Tuigeann na Ballstáit ar an iomlán go bhfuil gá le rialacha comhchoiteanna i réimse na sábháilteachta eitlíochta chun go mbainfear amach ardleibhéal sábháilteachta. Cuireann reachtaíocht chomhchoiteann deireadh leis an ngá comhordú a dhéanamh idir córais rialála na mBallstát agus, dá bharr sin, cuireann sí leis an tsábháilteacht. Is ar leibhéal an Aontais amháin is féidir córas sábháilteachta comhchoiteann don Eoraip, ag a mbeidh EASA ina chomhlacht rialála agus cur chun feidhme, a chur chun cinn go héifeachtach. Mar an gcéanna, tiocfaidh méaduithe ar ghnóthachain éifeachtúlachta as Córas Sábháilteachta Eitlíochta na hEorpa a chuirfidh in aghaidh ilroinnt chostasach.

B. Réitigh

Cad iad na roghanna beartais reachtacha agus neamhreachtacha a rinneadh a mheas? An bhfuil rogha tosaíochta ann nó nach bhfuil? Cén fáth?

Baineann an tionscnamh seo le hathbhreithniú ar Rialachán (CE) Uimh. 216/2008, agus, dá bhrí sin, is tionscnamh reachtach é. Forbraíodh roghanna beartais i dtrí réimse (gan an bhunlíne a lua; cló Iodálach ar na roghanna tosaíochta):

1. Bainistíocht agus Acmhainní:

1.2 Feabhas ar an gcomhar sa chóras atá ann faoi láthair

1.3(a) Córas comhmhaoirseachta agus aistriú deonach freagrachtaí

1.3(b) Córas comhmhaoirseachta agus aistriú deonach freagrachtaí + sásra eigeandála maoirseachta

1.4 Aon údarás sábháilteachta eitlíochta amháin don Aontas Eorpach

2. Comhréireacht agus feidhmíocht sábháilteachta:

2.2 Cumasóirí le haghaidh córas sábháilteachta comhréireach a bheidh bunaithe ar fheidhmíocht

2.3 Córas rialála ina bhfuil dhá shraith: sraith amháin a bheidh saintreorach – sraith eile a bheidh bunaithe ar fheidhmíocht

2.4 Aistriú go dtí córas rialála a bheidh bunaithe go hiomlán ar fheidhmíocht

3.1. Bearnaí agus míréireachtaí – láimhseáil ar an talamh

3.1(B) Caighdeáin tionscail / gan deimhniúchán

3.1(C) Rialacha cur chun feidhme / deimhniúchán

3.2. Bearnaí agus míréireachtaí – slándáil

3.2(B) Creat dlí le haghaidh gnéithe slándála an deartha amháin

3.2(C) Cur chuige comhordaithe maidir le cúrsaí a bhaineann le sábháilteacht nó slándáil

3.3. Bearnaí agus míréireachtaí – comhshaol

3.3(B) Ceanglais fhíorriachtanacha de chuid an Aontais maidir le caomhnú an chomhshaoil i réimse na dtáirgí aerloingseoireachta

Sa leagan amach beartais is mó a bhfuiltear ar a shon tá roghanna ina bhfuil idirghabháil theoranta ag an Aontas lena náiritear gnéithe deonacha.

Cé atá i bhfách le cén rogha?

Bainistiú agus cáilíocht na nacmhainní: Tacaíocht ó na Ballstáit agus ón tionscal le haghaidh comhroinnt acmhainní ar bhonn deonach (Rogha Beartais 1.2 agus 1.3(a)). Rogha Beartais 1.3(b) agus 1.4: cur in aghaidh is féidir a dhéanfaidh Ballstáit mar gheall ar ghnéithe éigeantacha.

Comhréireacht agus feidhmíocht sábháilteachta: Rogha Beartais 2.2 tacaíocht ó na Ballstáit agus ón tionscal Rogha Beartais 2.3 tacaíocht ón tionscal, ach gur dócha go gcuirfidh Ballstáit ina aghaidh mar gheall ar an riarachán a bheith casta Rogha Beartais 2.4 an tacaíocht is lú ó na Ballstáit agus ón tionscal

Láimhseáil ar an talamh: tacaíocht ghinearálta ón na Ballstáit agus ón tionscal ach amháin na haerlínte

Slándáil: Rogha Beartais 3.2(C) b'fhéidir go gcuirfeadh na Ballstáit agus an tionscal in aghaidh sainordú EASA a leathnú

An Comhshaol: Rogha Beartais 3.3(B) gan aon athrú ar an raon feidhme; athruithe ar an gcur chun feidhme amháin agus ní bhaineann conspóid leis an rogha sin ar an ábhar sin.

C. Tionchair rogha na tosaíochta

Cad iad sochair rogha na tosaíochta (más ann dóibh; murab ann, cad iad na príomhshochair)?

I gcás an mhargaidh inmheánaigh beidh tionchar dearfach ann maidir le hiomaíochas a thiocfaidh as an maoirseacht a bheith níos aonfhoirmí agus leathnú ar raon na modhanna lenar féidir comhlíonadh a léiriú lena náirítear méadú ar úsáid caighdeán tionscail. Laghdófar costas an chomhlíonta do ghnólachtaí le maoirseacht bunaithe ar riosca chomh maith le rialáil agus nósanna imeachta a bheidh níos comhréirí (e.g. léasú simplithe d'aerlínte, nósanna imeachta deimhniúcháin simplithe maidir le haerárthaí éadroma). Cuirfear dlús leis an nuálaíocht le rialáil níos comhréirí agus bunaithe ar fheidhmíocht. Maidir le tionchar ar an tsochaí, táthar ag súil go dtiocfaidh poist bhreise ar an margadh as dlús a chur le nuálaíocht. Táthar ag súil go dtiocfaidh feabhas ar shábháilteacht eitlíochta mar gheall ar fheabhas ar an maoirseacht ar fud an Aontais, próiseas bainistíochta sábháilteachta ar bhonn comhair agus dúnadh bearnaí sábháilteachta a bhaineann le láimhseáil ar an talamh agus slándáil. Is imeallach an tionchar a bheidh ar an gcomhshaol ach beidh sé dearfach.

Ní féidir cainníochtaí an tionchair a thuar ach go dtí pointe áirithe mar go bhfuil na roghanna dírithe ar chreat rialála a shocrú nach féidir a chainníochtú go dtí go gcuirfear chun feidhme é le bearta praiticiúla (e.g. rialacha cur chun feidhme) nó toisc gur bearta deonacha na bearta agus go mbeidh an tionchar ag brath ar an méid a roghnófar iad.

Cad iad costais rogha na tosaíochta (más ann dóibh; murab ann, cad iad na príomhchostais)? 

Maidir le costais ar ghnólachtaí agus ar rialtais náisiúnta, féach an dá roinn thíos. Ar leibhéal an Aontais, beidh gá le hiarrachtaí breise ó EASA chun an tacadamh fíorúil, stór lárnach na ndeimhnithe, comhthiomsú na saineolaithe a fhorbairt agus tacaíocht a thabhairt do cheapadh rialacha/chigireachtaí le haghaidh láimhseáil ar an talamh, slándála agus an chomhshaoil agus is féidir cuid de na hiarrachtaí sin a chumhdach le hacmhainní atá ann cheana nó le táillí agus muirir. Dá naistreofaí sciar teoranta de mhuirir faoi bhealach ó Eurocontrol chuig EASA, chuirfí níos mó acmhainní ar fáil in EASA a d'fhéadfaí a úsáid chun plé leis na bearta eile. Ní bheadh tionchar mór diúltach ar an tsochaí ná ar an gcomhshaol ann. 

Cén difear a dhéanfar do ghnólachtaí, do FBManna agus do mhicrifhiontair?

Imreofar tionchar dearfach ar ghnólachtaí de bharr méadú ar chomhréireacht an chórais rialála agus é a bheith bunaithe ar fheidhmíocht, méadú ar an tsolúbthacht i gcás na modhanna lenar féidir na ceanglais a chomhlíonadh, méadú ar an úsáid a bhaintear as caighdeáin tionscail, simpliú ar na nósanna imeachta deimhniúcháin maidir le haerárthaí éadroma agus an laghdú ar chostas an chomhlíonta a thiocfaidh as sin. Is fusa a bheidh sé teicneolaíochtaí nua a thabhairt isteach. Is féidir nach mbainfidh na fiontair bheaga agus mheánmhéide a oiread sin sochair as rialáil bunaithe ar fheidhmíocht agus a bhainfidh gnólachtaí móra, ach bainfidh siad níos mó sochair as aistriú go maoirseacht bunaithe ar riosca lena gcuirfear deireadh le rialuithe nach bhfuil gá leo. Imreofar tionchar dearfach ar na haerlínte de bharr simpliú ar na formheasanna léasúcháin agus comhdhlúthú is féidir a dhéanfar ar dheimhnithe atá i seilbh aon chuideachta amháin i roinnt Ballstát. Is é an tionscal a mhaoineoidh bearta a bhaineann le comhthiomsú nó comhroinnt acmhainní agus déanfaidh sé sin ar bhonn an phrionsabail gurb é a túsáideoir a íocann, rud is féidir a mbeidh tionchar aige ar chuideachtaí sna Ballstáit sin ina mhaoinítear maoirseacht as ioncam cánach i gcoitinne.

An mbeidh tionchar suntasach ar bhuiséid náisiúnta agus ar údaráis riaracháin náisiúnta?

Maidir le costais cur chun feidhme, na Ballstáit nár thug isteach Cláir Shábháilteachta Stáit fós, beidh sé de cheangal orthu sin a dhéanamh. Tiocfaidh costais bhreise as an ngá atá ann oiliúint bhreise a chur ar fáil. Beidh ar Bhallstáit áirithe saineolas a fhorbairt i réimsí na cibearshlándála agus na láimhseála ar an talamh. Dá ainneoin sin, is ar bhonn deonach a chuirfear i bhfeidhm formhór na mbeart atá beartaithe agus dhéanfadh Ballstát iad a chur ag obair ar bhonn anailís costais tairbhe dearfach. Tar éis roinnt costas cur ar bun agus oiliúna, táthar ag súil go nimreofar tionchar dearfach ar acmhainní riaracháin náisiúnta eitlíochta sa mheántéarma agus san fhadtéarma mar gheall ar an bhfeabhas a chuirfear ar éifeachtúlacht trí acmhainní a chomhthiomsú agus a chomhroinnt agus ar an aistriú go maoirseacht a bheidh níos spriocdhírithe agus ar mó a bheidh sí bunaithe ar riosca. Is le táillí agus muirir a mhaoineofar comhthiomsú agus comhroinnt acmhainní ar bhonn an phrionsabail gurb é an túsáideoir a íocann. Ní bhaineann ceanglais deimhniúcháin nua leis na roghanna tosaíochta maidir le láimhseáil ar an talamh agus slándáil agus, dá bhrí sin, níltear ag súil go mbeidh costais mhaoirseachta shuntasacha ar na Ballstáit.

An mbeidh tionchair shuntasacha eile ann? 

Nuair a chruthófar córas rialála lena néascófar tabhairt isteach teicneolaíochtaí nua agus lena gcuirfear acmhainní ar fáil trí bhíthin nósanna imeachta riaracháin a bheidh níos comhréirí, beidh tionchar dearfach aige sin ar iomaíochas monaróirí agus aerlínte agus, sa deireadh, ar phoist agus fás. Mar an gcéanna, má choinnítear ar bun nó má fheabhsaítear taifead sábháilteachta na hEorpa le próisis bainistíochta sábháilteachta ar bhonn comhair agus bunaithe ar riosca agus má líontar na bearnaí sábháilteachta sa rialáil, cuirfidh sin le cosaint na ndaoine atá ag taisteal ach cuirfidh sé le hiomaíochas idirnáisiúnta freisin.

D. Obair leantach

Cathain a dhéanfar athbhreithniú ar an mbeartas?

Déantar measúnú éigeantach ar chur chun feidhme Rialachán (CE) Uimh. 216/2008 gach cúig bliana de réir an cheanglais atá sa Rialachán féin. Tugtar 'measúnú Airteagal 62' ar an measúnú sin go minic.


An Bhruiséil,7.12.2015

SWD(2015) 263 final

DOICIMÉAD INMHEÁNACH OIBRE DE CHUID AN CHOIMISIÚIN

ACHOIMRE FEIDHMIÚCHÁIN AR AN MEASÚNÚ TIONCHAIR

a ghabhann leis an doiciméad

togra le haghaidh RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le rialacha comhchoiteanna i réimse na heitlíochta sibhialta agus lena mbunaítear Gníomhaireacht Sábháilteachta Eitlíochta na hEorpa, agus lena n
x001e
aisghairtear Rialachán (CE) Uimh. 216/2008 ó Pharlaimint na hEorpa agus ón gComhairle

{COM(2015) 613 final}
{SWD(2015) 262 final}


Bileog Achoimre Feidhmiúcháin

An Tuarascáil ar Mheasúnú Tionchair ar Fhorbairt Shábháilte Oibríochtaí Ladrann san Aontas Eorpach

A. An gá le beart

Cad é an fhadhb agus cén fáth ar fadhb ar leibhéal an Aontais Eorpaigh é?

Is é an phríomhfhadhb atá ann go gcuireann an córas rialála atá ann faoi láthair bac ar fhorbairt an mhargaidh ladrann. Níl gnéithe sonracha na ladrann curtha san áireamh mar is ceart sna rialacha atá ann faoi láthair agus bíonn na rialacha sin míréireach leis an riosca oibríochta nó ródheacair (róthrom) lena niompar nó bíonn costas chomh mór sin leo nach bhfuil an chuid is mó de na seirbhísí ladrann praiticiúil ó thaobh na heacnamaíochta de. Ar a bharr sin, baineann fadhbanna áirithe le hoibríochtaí ladrainn nach bhfuil ann nó nach bhfuil ann ach ar leibhéal i bhfad níos ísle san eitlíocht shibhialta 'fhoireannaithe'. Baineann siad le sábháilteacht, slándáil, príobháideachas agus cosaint sonraí, caomhnú an chomhshaoil agus dliteanas. Cé gur cosúil nach gá an córas dlithiúil a bhaineann leis sin a leasú ar leibhéal an Aontais Eorpaigh, tá roinnt deacrachtaí ann ó thaobh na rialacha atá ann faoi láthair a chur i bhfeidhm ar oibríochtaí ladrann de. Seo príomhchúiseanna na bhfadhbanna: (1) tá na freagrachtaí maidir le rialáil ladrann roinnte, rud a fhágann go bhfuil difríochtaí idir na ceanglais sa mhargadh inmheánach; (2) tá na húdaruithe aonair róchostasach ó thaobh airgid, ama agus acmhainní de; (3) níl gnéithe sonracha na ladrann curtha san áireamh i modhanna traidisiúnta na rialála maidir le heitlíocht shibhialta; (4) ní leor an fhaisnéis ná na huirlisí atá ag na húdaráis maoirseachta ná na húdaráis forfheidhmithe dlí. Téann na fadhbanna i bhfeidhm ar mhonaróirí agus oibreoirí ladrann agus, go neamhdhíreach, ar gach saoránach, ós rud é gurbh fhéidir go mbeadh ladrainn ag eitilt in áit ar bith.

Cad leis a bhfuiltear ag súil ón tionscnamh seo?

Is é an cuspóir beartais ginearálta atá ann go bhféadfar ladrann agus seirbhísí ladrainn a fhorbairt go sábháilte slán inbhuanaithe agus gan cearta bunúsacha na saoránach a shárú ar dhóigh ar bith. Chuige sin tá an tionscnamh dírithe ar leasú a dhéanamh ar Rialachán (CE) Uimh. 216/2008 agus ar roinnt gníomhartha cur chun feidhme chun córas reachtach an Aontais Eorpaigh a leathnú go dtí go cumhdóidh sé na ladrainn uile. Maidir leis sin, is é an chéad chuspóir sonrach atá ann deireadh a chur leis na bacanna rialála atá roimh mhonarú agus oibriú ladrann faoi láthair sa chaoi gur féidir le monaróirí a gcuid tairgí a chur ar an margadh gan stró agus gur féidir le hoibreoirí seirbhísí ladrann a sholáthar don gheilleagar. Ba cheart deireadh a chur leis na bacanna rialála nach bhfuil údar leo ach ba cheart rialáil a bhfuil údar léi, amhail rialacha sábháilteachta riachtanacha, a fhágáil ar bun nó a fhorbairt mura leor iad. Is é an dara cuspóir sonrach na rioscaí sonracha agus na fadhbanna sonracha a thagann as úsáid ladrann a mhaolú, go háirithe i réimsí na sábháilteachta, na slándála, an phríobháideachais agus na cosanta sonraí, agus an chomhshaoil. Ní mór aghaidh a thabhairt ar na ceisteanna sin chun go nglacfaidh an pobal le ladrainn mar chuid den saol laethúil atá ag dul i méad.

Cad é an breisluach le bearta ar leibhéal an Aontais? 

Déantar cuid mhór den aeriompar go trasnáisiúnta agus, dá bhrí sin, tá gá le cur chuige rialála ar leibhéal an Aontais Eorpaigh ina leith chun ardleibhéal sábháilteachta a bhaint amach. Mar gheall ar na teicneolaíochtaí nua is féidir leis na ladrainn an-éadrom féin cur isteach ar “eitlíocht fhoireannaithe”, eitlíocht a bhfuil an tAontas Eorpach inniúil ina leith cheana, agus, ar an ábhar sin, ba cheart gach cineál ladrainn a chumhdach faoi reachtaíocht an Aontais Eorpaigh chun go mbeidh comhleanúnachas ann agus nach mbeidh, mar sin, drochthionchar ag na hoibríochtaí ladrainn ar ghníomhaíochtaí eitlíochta a dhéantar cheana. Maidir le ladrann ina gcáil mar “tháirgí aerloingseoireachta”, níl na margaí náisiúnta ar scála mór go leor chun teicneolaíochtaí domhanda mar sin a fhorbairt. Tá sé deacair aitheantas frithpháirteach a bhaint amach sa mhargadh aonair mar gheall ar chaighdeáin agus rialacha atá mionsonraithe. Ní féidir creat rialála comhleanúnach le haghaidh mhonarú agus oibriú na ladrann i margadh inmheánach an Aontais Eorpaigh a bheith ann gan bunrialacha ar leibhéal an Aontais Eorpaigh maidir le réimse iomlán na ladrann, gan an meáchan a chur san áireamh.

B. RÉITIGH

Cad iad na roghanna beartais reachtacha agus neamhreachtacha a rinneadh a mheas? An bhfuil rogha tosaíochta ann nó nach bhfuil? Cén fáth?

Is tionscnamh reachtach é an tionscnamh seo. Ós rud é go bhfuil tionchar ríthábhachtach ag na ladrainn ar shábháilteacht na heitlíochta, ní bheadh aon chur chuige a bheadh bunaithe ar ghníomhaíocht dheonach amháin barrmhaith ó thaobh feidhmíocht sábháilteachta a áirithiú a bheadh comhordaithe le haerthrácht eile de. Forbraíodh roghanna beartais maidir leis an gcur chuige le haghaidh rialála (gan an bhunlíne a lua), agus níor mhór roinnt gníomhartha cur chun feidhme a chur leo:

1. Reachtaíocht an Aontais Eorpaigh maidir leis na ladrainn a leathnú go dtí go gcumhdóidh sé na ladrainn uile - rialacha maidir leis na ladrainn a chur leis an gcur chuige traidisiúnta le haghaidh eitlíocht shibhialta i gcreat reachtach an Aontais Eorpaigh.

2. Reachtaíocht riosca-bhunaithe maidir leis na ladrainn - bheadh na rialacha agus na nósanna imeachta formheasa agus maoirseachta bunaithe ar an riosca sonrach agus ní leath-dhíorthófaí iad níos mó as saintréithe an ladrainn.

2.1 Reachtaíocht an Aontais Eorpaigh maidir le táirgí a chur i bhfeidhm ar ladrainn íseal-riosca - d'údarófaí ladrainn íseal-riosca olltáirgthe a bheadh ar díol i siopaí miondíola agus ar an idirlíon ar bhonn “cur chuige nua” sa reachtaíocht maidir le comhchuibhiú táirgí.

Is é RB 2.1 an rogha tosaíochta ó thugann sé aghaidh ar na rioscaí sábháilteachta ar dhóigh nach bhfuil chomh trom sin. D'fhéadfaí na rialacha eitlíochta a forbraíodh faoi RB 2 a chomhlánú leis na forálacha i Rialacháin maidir le sábháilteacht táirgí atá oiriúnaithe go sonrach d'earraí olltáirgthe.

Cé atá i bhfách le cén rogha?

Tá na geallsealbhóirí uile agus na Ballstáit uile i bhfách le gníomhaíocht reachtach ar leibhéal an Aontais Eorpaigh (conclúidí Chruinniú Mullaigh Eorpach an 19 Nollaig 2013). Luaigh formhór mór na ngeallsealbhóirí sa chomhairliúchán poiblí nach bhfuil roinnt inniúlachta 150 kg oiriúnach níos mó agus is beag duine atá i bhfách leis an status quo. Tá cuid mhór daoine ar aon tuairim gur gá stad den mheáchan a úsáid agus tacar fachtóirí a chur san áireamh amhail cineál na hoibríochta, cáilíocht an oibreora ladrainn, ionad na hoibríochta agus iontaofacht an chórais iomláin (96 %). Mhol cuid mhór daoine, monaróirí agus oibreoirí ladrann atá níos éadroime nó níos simplí go háirithe, na rialacha a thabhairt i gcomhréir a thuilleadh le riosca na hoibríochta. Tá sé beartaithe sin a dhéanamh i rogha 2 agus i rogha 2.1 trí na ceanglais a oiriúnú do na rioscaí a bhaineann le hoibríocht ladrann.

C. Tionchair rogha na tosaíochta

Cad iad sochair rogha na tosaíochta (más ann dóibh, murab ann, cad iad sochair na bpríomhroghanna)?

Spreagfaidh rogha 2.1 forbairt an mhargaidh inmheánaigh le haghaidh táirgí agus seirbhísí ladrainn trí rialacha comhchoiteanna agus caighdeáin chomhchoiteanna a leagan síos, lena n-airítear tríd an úsáid is fearr a bhaint as uirlisí maoirseachta margaidh ginearálta le haghaidh ladrann in oibríochtaí íseal-riosca. San am céanna, trí rialacha a chur i bhfeidhm i gcomhréir leis na rioscaí, níor cheart deighleog mhargaidh na ladrann is lú (deighleog ina bhfuil cuid mhór Fiontar Beag agus Meánmhéide) a phlúchadh le rórialáil. Mar gheall ar an tsolúbthacht a thagann as an rogha a bheith ann aghaidh a thabhairt ar an réimse leathan rioscaí oibríochtúla, beifear in ann teicneolaíochtaí nua a chur ar obair níos luaithe agus, dá bharr sin, gan ard-iomaitheacht chuideachtaí an Aontais Eorpaigh a chailleadh. Is mó an poitéinseal atá ag an rogha seo ná ag rogha ar bith eile maidir le costais oibríochta ar chuideachtaí a choinneáil íseal agus an obair riaracháin a laghdú trí chreat solúbtha a chur ar fáil le haghaidh réimse próiseas amhail féindearbhuithe, bailíochtú simplí nó deimhniúcháin pháirteacha. Lena chois sin, ba cheart go bhféadfaí, mar gheall ar an rogha seo, aghaidh a thabhairt ar na rioscaí sábháilteachta uile, go háirithe trí chomhlíonadh a éascú, maidir le forfheidhmiú na bhforálacha slándála, príobháideachais agus comhshaoil a éascú.

Cad iad costais rogha na tosaíochta (más ann dóibh; murab ann, cad iad príomhchostais na bpríomhroghanna)?

Ba cheart costais na rogha tosaíochta a choinneáil íseal. Dá gcomhchuibheofaí na rialacha agus dá mbeadh aon fhormheas/aitheantas píolóta amháin ann, d'ísleofaí costais aon oibríochta trasteorann dá bharr. Is é is aidhm don rogha seo costais údaraithe a choinneáil íseal agus comhréireach leis an riosca, ach bheadh an tionchar foriomlán ar na costais ag brath ar na rialacha cur cun feidhme agus na ceanglais atá ann cheana sna Ballstáit. Maidir leis na costais rialála a bheadh ar údaráis náisiúnta agus Eorpacha, táthar ag súil go níocfar iad leis na hacmhainní atá ann cheana. Roinnfí na costais a thiocfadh as maoirseacht mhargaidh agus údaruithe ladrainn laistigh de chóras EASA agus úsáid optamach acmhainní á cur san áireamh, agus aistreofaí roinnt freagrachtaí chuig na póilíní agus chuig an bhfaireachas margaidh. Ar aon chor, bheadh na costais faoin rogha seo ní b'ísle ná a bheadh siad mura gcuirfidh aon tionscnamh i bhfeidhm ar leibhéal an Aontais Eorpaigh.

Cad iad na tionchair ar Fhiontair Bheaga agus Mheánmhéide agus ar iomaitheachas?

Tiocfaidh dea-thionchair ar chuideachtaí beaga as an gcóras rialála a bheith níos comhréirí agus níos riosca-bhunaithe, as na modhanna chun ceanglais a chomhlíonadh a bheith níos solúbtha, as méadú ar an spleáchas ar chaighdeáin tionsclaíochta, as simpliú ar na nósanna imeachta deimhniúcháin maidir le ladrainn éadroma agus, dá bharr sin, ísliú ar chostas an chomhlíonta. Bheifí ag cur na gceanglas i gcomhréir leis an riosca go díreach chun costais an chomhlíonta a choinneáil íseal agus chun nach mbeadh ualach riaracháin nach gá ann, go háirithe ar Fhiontair Bheaga agus Mheánmhéide nach bhfuil eolach ar an gcóras traidisiúnta sábháilteachta eitlíochta. Sin an fáth a mbeartófaí sásra chomharthú CE, a bhfuil eolas maith air, a úsáid. Ós rud é nach mbeadh údarú oifigiúil de dhíth ar ladrainn i gcatagóir an íseal-riosca, laghdófaí costais an chomhlíonta i gcás cuid mhór cuideachtaí beaga agus oibreoirí beaga atá gníomhach san earnáil mhargaidh sin, agus bheadh siad ní b'iomaithí dá bharr. Is é an t-aon drochthionchar ab fhéidir a bheadh ann an tionchar ab fhéidir a thiocfadh as an riachtanas a bheadh ann an córas náisiúnta sábháilteachta (dá mba ann dó) a chur in oiriúint do na córais nua sábháilteachta de chuid na hEorpa i gcás na ladrann a d'úsáidfí i gcatagóir an íseal-riosca.

An mbeidh tionchar suntasach ar bhuiséid náisiúnta agus ar údaráis riaracháin náisiúnta?

Maidir leis na costais cur chun feidhme, na Ballstáit nár thug rialacha sonracha isteach fós maidir le ladrainn faoi bhun 150 kg, beidh sé de cheangal orthu sin a dhéanamh. Tiocfaidh costais bhreise as an ngá atá le hoiliúint bhreise. Beidh ar na comhaltaí faireachais margaidh (comhaltaí dá dtugtar fógra) saineolas a fhorbairt ar ladrainn agus ar theicneolaíochtaí ladrainn ach bheadh gá leis sin freisin faoin mbunlíne féin go pointe áirithe. Lena chois sin, beidh ar na údaráis náisiúnta eitlíochta íoc as na costais a bheidh leis na rialacha nua a chur in oiriúint agus le maoirseacht ar líon ladrann/oibríochtaí ladrainn a bheidh ag dul i méad.

An mbeidh tionchair shuntasacha eile ann? 

Ba cheart go méadódh an tionscnamh sábháilteacht an Aerspáis Eorpaigh go mór agus is féidir go gcuirfidh sé le glacadh an phobail leis na ladrainn trí aghaidh a thabhairt ar na hábhair imní is mó a bhaineann leo. Ní fhéadfar an margadh ladrann a leathnú mura mbeidh glacadh níos fearr ag an bpobal leo.

Comhréireacht?

Ba cheart go ndéanfadh an rogha tosaíochta cothromú idir an gá atá le rialacha sábháilteachta comhchoiteanna a bheith san Eoraip agus an gá atá ann gan ualach nach bhfuil riachtanach a chur ar ghnólachtaí. Ina theannta sin, ba cheart go roinnfeadh sé na freagrachtaí go leordhóthanach idir na gníomhaithe éagsúla sa leagan athbhreithnithe de chóras comhoibríoch EASA agus an méid freagrachtaí is féidir a fhágáil ar an leibhéal náisiúnta nó ar an leibhéal áitiúil.

D. Obair leantach

Cathain a dhéanfar athbhreithniú ar an mbeartas?

Déanfar measúnú éigeantach ar chur chun feidhme Rialachán (CE) Uimh. 216/2008 gach 5 bliana, rud atá leagtha síos sa Rialachán féin. Measúnú Airteagal 62 a thugtar ar an measúnú sin de ghnáth. Beidh cuid shonrach den athbreithniú dírithe ar rialáil an mhargaidh ladrann.