MEABHRÁN MÍNIÚCHÁIN

1.           Comhthéacs an togra

· Comhthéacs ginearálta

Cuimsíonn innealra soghluaiste neamhbhóthair (ISNB) réimse leathan inneall dócháin i meaisíní, mar shampla trealamh beag láimhe, innealra foirgníochta agus foireann ginte chomh maith le carranna iarnróid, innill fhéinghluaiste agus soithí uisce intíre. Cuireann na hinnill sin go mór le truailliú aeir agus tá siad freagrach as timpeall 15 % d’astaíochtaí ocsaíde nítrigine (NOx) agus 5 % d’astaíochtaí ábhair cháithnínigh in AE.

Tá na teorainneacha astaíochtaí do na hinnill sin leagtha síos faoi láthair i dTreoir 97/68/CE. Rinneadh leasú ar an Treoir sin roinnt uaireanta, ach de réir roinnt athbhreithnithe teicniúla a rinneadh tá easnaimh ar an reachtaíocht mar atá sí faoi láthair. Tá raon feidhme na Treorach róshrianta mar fágtar catagóirí áirithe innill ar lár. Tugadh céimeanna nua astaíochtaí isteach go deireanach nuair a leasaíodh an Treoir in 2004 ach ní léiriú iad a thuilleadh ar staid reatha na teicneolaíochta. Ina theannta sin, ní hionann na teorainneacha astaíochtaí do chatagóirí áirithe innill.

Ar deireadh, tháinig fianaise dhochloíte chun cinn le déanaí go mbaineann éifeachtaí díobhálacha sláinte le hastaíochtaí sceite díosail agus go háirithe ábhar cáithníneach (i.e. súiche díosail). Fuarthas amach go háirithe go bhfuil dlúthbhaint ag méid na gcáithníní leis na héifeachtaí sláinte a chonacthas. Ní féidir aghaidh a thabhairt ar an gceist sin ach trí teorainnluachanna atá bunaithe ar áireamh líon na gcáithníní (i.e. teorainn LC). Dá bhrí sin, agus i gcomhréir leis na forbairtí san earnáil bhóithre, dhealraigh sé go mbeadh sé oiriúnach céim nua astaíochta (Céim V) a thabhairt isteach le haghaidh na gcatagóirí innill is ábhartha, céim a bheadh dírithe ar theorainneacha ar líon na gcáithníní chomh maith le teorainneacha ar mhais na gcáithníní.

· Forais agus cuspóirí an togra

Is é is aidhm don togra sláinte an duine agus an comhshaol a chosaint, agus feidhmiú cuí mhargadh inmheánach na n‑inneall in innealra soghluaiste neamhbhóthair a áirithiú. Leis an togra freisin táthar ag iarraidh aghaidh a thabhairt ar ghnéithe a bhaineann leis an iomaíochas agus an comhlíonadh.

I gcomhréir le beartas AE maidir le cáilíocht an aeir, táthar ag iarraidh na hastaíochtaí ó innill nua a chuirtear ar an margadh a laghdú diaidh ar ndiaidh, agus ar an gcaoi sin iad a chur in ionad na seaninneall a dtagann an truailliú is mó uathu de réir a chéile. Táthar ag súil go mbeidh laghdú suntasach ar astaíochtaí dá thoradh sin, ach beidh an laghdú in aghaidh an chatagóra innill éagsúil de réir a dhéine atá na ceanglais shonracha atá ann cheana féin.

Táthar ag súil leis an togra chomh maith go laghdófar an brú atá ar na Ballstáit bearta breise rialála a dhéanamh a chuirfeadh isteach ar an margadh inmheánach. Ar deireadh, táthar ag iarraidh leis an togra deireadh a chur leis na constaicí sa trádáil sheachtrach trí rialacha comhchuibhithe agus trí na baic rialála a eascraíonn as ceanglais astaíochtaí difriúla a laghdú. Go háirithe d'fhonn an bhearna idir ceanglais AE agus na Stát Aontaithe a laghdú.

Ar deireadh, cuireann an togra le hiomaíochas thionscal na hEorpa tríd an reachtaíocht maidir le cineálcheadú atá ann faoi láthair a shimpliú, trédhearcacht a fheabhsú agus an t‑ualach riaracháin a mhaolú.

· Forálacha atá ann cheana i réimse an togra

Tá na ceanglais astaíochtaí atá ann faoi láthair maidir le hinnill in innealra soghluaiste neamhbhóthair á rialáil i dTreoir 97/68/CE ó Pharlaimint na hEorpa agus ón gComhairle an 16 Nollaig 1997 maidir le comhfhogasú dhlíthe na mBallstát a bhaineann le bearta in aghaidh astú truailleán gásach agus cáithníneach ó innill dócháin inmheánaigh atá le cur in innealra soghluaiste neamhbhóthair (IO L 59 27.2.1998 , lch. 1).

Sa dréacht‑togra agus a ghníomhartha cur chun feidhme agus tarmligthe beidh na ceanglais atá ann cheana atá leagtha síos sa ghníomh thuas agus cuirfear feabhas orthu, tar éis athbhreithniú teicniúil a dhéanamh ina dtiocfar ar chinneadh faoi roinnt easnamh substaintiúil. I gcomparáid leis an ngníomh atá ann faoi láthair, déanfar an méid seo a leanas leis an togra le haghaidh rialacháin:

– tabharfar isteach teorainneacha nua astaíochtaí a léireoidh an dul chun cinn teicneolaíochta agus beartais AE san earnáil bhóithre, d’fhonn spriocanna AE maidir le cáilíocht an aeir a bhaint amach;

– cuirfear leis an raon feidhme, d’fhonn comhchuibhiú an mhargaidh a fheabhsú (margadh AE agus an margadh idirnáisiúnta) agus an riosca go mbeidh saobhadh margaidh ann a íoslaghdú;

– tabharfar bearta isteach le nósanna imeachta riaracháin a shimpliú agus leis an gcur i bhfeidhm a fheabhsú, lena n‑áirítear coinníollacha ar mhaithe le faireachas níos fearr ar an margadh.

· Comhsheasmhacht le beartais agus cuspóirí eile an Aontais

Is é is aidhm don togra atá á mheas cosaint an chomhshaoil a fheabhsú trí na teorainneacha astaíochtaí atá ann faoi láthair a thabhairt cothrom le dáta agus cur lena raon feidhme, nuair is cuí. Ag an am céanna, tá sé dírithe ar fheidhmiú ceart an mhargaidh aonair a áirithiú, agus ar an ualach neamhriachtanach atá ar chuideachtaí atá ag feidhmiú ann agus go hidirnáisiúnta a bhaint díobh. Dá bhrí sin, tá sé go hiomlán i gcomhréir leis an straitéis Eoraip 2020 agus ag teacht go hiomlán le Straitéis AE um Fhorbraíocht Inbhuanaithe.

Sa chomhthéacs sin, tá an togra atá á mheas ag réiteach leis na beartais agus na cuspóirí níos sonraí seo a leanas:

– 6ú Clár Gníomhaíochta Comhshaoil AE, inar moladh "leibhéil cháilíochta an aeir nach n‑imreoidh tionchar suntasach diúltach ar shláinte an duine agus ar an gcomhshaol" a bhaint amach.[1]

– An Straitéis Théamúil maidir le Truailliú Aeir[2] ina bhfuil creat cuimsitheach beartais de chuid AE chun tionchar díobhálach an truaillithe aeir ar shláinte an duine agus ar an gcomhshaoil a laghdú don tréimhse go dtí 2020.

– An Treoir um Uasteorainneacha Astaíochta Náisiúnta 2001/81/CE lena mbunaítear teorainneacha a bhfuil ceangal dlí leo maidir leis na hastaíochtaí iomlána incheadaithe ar leibhéal na mBallstát i dtaca le truailleáin éagsúla aeir. De réir na sonraí oifigiúla atá tugtha faoin Treoir sin, sháraigh 12 Bhallstát na teorainneacha sin in 2010 agus, in ainneoin feabhais éigin, is dócha go mbeidh fadhbanna maidir le comhlíonadh fós ann.

– An Treoir maidir le Cáilíocht an Aeir Chomhthimpeallaigh 2008/50/CE ina leagtar síos teorainneacha a bhfuil ceangal dlí leo maidir le tiúchain mórthruailleán aeir san aer lasmuigh amhail ábhar cáithníneach agus dé‑ocsaíd nítrigine.

– An Páipéar Bán maidir le hIompar 2011[3], go háirithe maidir le hiompar uiscebhealaí intíre agus iarnróid níos glaine.

Dhéanfadh ceanglais níos déine maidir le hinnill dócháin in innealra soghluaiste neamhbhóthair tairbhe do chuspóirí na mbeartas uile thuas.

Ar deireadh, tá an togra ag teacht leis an mbeartas tionsclaíoch a tugadh cothrom le dáta in 2012[4] agus d'fhéadfadh sé tairbhe tábhachtach a dhéanamh don chomhchuibhiú teicniúil i gcomhthéacs na gcaibidlíochtaí trádála idir AE agus na Stáit Aontaithe (TTIP – an Chomhpháirtíocht Thrasatlantach Trádála agus Infheistíochta).

2.           Comhairliúchán leis na páirtithe leasmhara agus measúnú tionchair

· Comhairliúchán leis na páirtithe leasmhara

Modhanna comhairliúcháin, na príomhearnálacha ar díríodh orthu agus próifíl ghinearálta na bhfreagróirí.

Agus an togra á fhorbairt chuaigh an Coimisiún i gcomhairle leis na páirtithe leasmhara ar bhealaí éagsúla:

– Rinneadh comhairliúchán oscailte poiblí ar an idirlíon, agus clúdaíodh gach gné den togra. Fuarthas freagraí ó údaráis náisiúnta agus réigiúnacha na mBallstát (aireachtaí, gníomhaireachtaí), cumainn ghairmiúla, cuideachtaí tionsclaíocha, eagraíochtaí neamhrialtais agus comhpháirtithe sóisialta.

– Eagraíodh éisteacht do pháirtithe leasmhara i gcomhar leis an gcomhairliúchán oscailte poiblí idirlín an 14 Feabhra 2013 sa Bhruiséil, agus d'fhreastail timpeall 80 rannpháirtí air.

– I gcomhthéacs na Measúnaithe Tionchair éagsúla a rinne comhairleoirí seachtracha roimhe sin, tugadh cuireadh do na páirtithe leasmhara a bheith páirteach agus a mbarúlacha a thabhairt.

– Pléadh an togra ag cruinnithe éagsúla de chuid Mheitheal Saineolaithe an Choimisiúin um Astaíochtaí Innealra (GEME), a thugann an tionscal, Eagraíochtaí Neamhrialtais agus ionadaithe na mBallstát agus an Choimisiúin le chéile.

Achoimre ar na freagraí agus an tslí ar cuireadh san áireamh iad

Cuireadh tús le comhairliúchán oscailte poiblí an 15 Eanáir 2013 agus cuireadh deireadh leis an 8 Aibreán 2013 (tréimhse 12 sheachtain). Chun na críche seo, bunaíodh leathanach gréasáin tiomnaithe[5] agus d'ullmhaigh seirbhísí an Choimisiúin cáipéis chomhairliúcháin 15 leathanach ina bhfuil forléargas ar na príomh‑shaincheisteanna, ar thorthaí an staidéir agus ar na bearta a d’fhéadfaí a dhéanamh. Fuarthas 69 freagra san iomlán.

Tá mionanailís ar na torthaí le fáil in Iarscríbhinn II a ghabhann tuarascáil an Measúnaithe Tionchair agus is féidir na freagraí aonair a léamh ar leathanach gréasáin an chomhairliúcháin.

· Saineolas a bhailiú agus a úsáid

Na fearainn eolaíochta/saineolais lena mbaineann

Faoin togra b’éigean measúnú a dhéanamh ar roghanna éagsúla beartais chomh maith leis an tionchar eacnamaíoch, sochaíoch agus comhshaoil lena mbaineann.

An mhodheolaíocht a úsáideadh

Rinne an Coimisiún staidéir éagsúla agus chuaigh sé i gcomhairle go rialta leis na páirtithe leasmhara, maidir le teorainnluachanna nua a thabhairt isteach agus an gá céimeanna nua a chur san áireamh le haghaidh astaíochtaí sceite a bheadh bunaithe ar an dul chun cinn teicniúil. Tá an Measúnú Tionchair bunaithe ar na staidéir sheachtracha seo a leanas[6]:

– Athbhreithniú Teicniúil ar an Treoir, a chuir an tAirmheán Comhpháirteach Taighde (JRC) isteach ina dhá chuid, ina bhfuil forléargas ar fhardail astaíochtaí maidir le hinnealra soghluaiste neamhbhóthair i gcuid 1. I measc nithe eile, díríodh i gCuid 2 ar innill spréachadhainte (innill bheaga peitril agus innill mhótair sneachta), agus rinneadh anailís ar fhardail astaíochtaí agus ar dhíolacháin margaidh innealra foirgníochta agus talmhaíochta.

– I staidéar Measúnaithe Tionchair a rinne ARCADIS N.V, rinneadh anailís ar thionchar na roghanna beartais a forbraíodh in Athbhreithniú Teicniúil an Airmheáin Chomhpháirtigh Taighde. Dhírigh staidéar forlíontach a rinne na conraitheoirí céanna go sonrach ar an tionchar ar fhiontair bheaga agus mheánmhéide (FBManna). Chomh maith leis an tionchar sóisialta agus eacnamaíoch rinneadh meastóireacht ar an tionchar comhshaoil agus sláinte sa staidéar sin.

– I staidéar ó Risk & Policy Analysis (RPA) agus Arcadis rinneadh meastóireacht ar an mbaint atá ag earnáil an innealra shoghluaiste neamhbhóthair le hastaíochtaí gáis ceaptha teasa. Sa staidéar sin freisin scrúdaíodh arbh fhéidir na teorainneacha astaíochtaí d'innill faoi luas inathraithe a chur i bhfeidhm i gcás inneall faoi luas seasmhach agus rinneadh measúnú ar an rogha teorainnluachanna na n‑astaíochtaí sceite a ailíniú le luachanna na Stát Aontaithe.

– Sa staidéar ó PANTEIA[7] a choimisiúnaigh Ard‑Stiúrthóireacht na Soghluaisteachta agus an Iompair rinneadh anailís ar an gcaoi a bhfuil cúrsaí in earnálacha na loingseoireachta intíre agus rinneadh anailís ar bhearta sonracha le hastaíochtaí ón iompar uiscebhealaí intíre a laghdú.

Bhí an obair ar an measúnú tionchair á leanúint agus á treorú ag grúpa stiúrtha idirsheirbhíse agus bhí ceithre chruinniú aige in 2013. Tugadh cuireadh do gach seirbhís ábhartha de chuid an Choimisiúin a bheith rannpháirteach sa ghrúpa. Chuir an tAirmheán Comhpháirteach Taighde leis an obair anailíseach trí thionscadal taighde faoi éifeachtaí theorainneacha líon na gcáithníní maidir le catagóirí áirithe innill.

Modhanna a úsáideadh chun comhairle na saineolaithe a chur ar fáil go poiblí

Tá tuarascálacha na staidéar thuasluaite le fáil, faoi seach, ar shuíomh gréasáin Ard‑Stiúrthóireacht na Fiontraíochta agus na Tionsclaíochta.

· Measúnú Tionchair

Rinneadh anailís mhion ar thrí phríomhrogha beartais. Cuimsíonn gach rogha fo‑roghanna éagsúla maidir leis na catagóirí innill agus feidhmeanna atá clúdaithe cheana i reachtaíocht AE maidir le hinnealra soghluaiste neamhbhóthair, agus maidir leo siúd a d’fhéadfadh teacht faoina raon feidhme amach anseo. Mar aon leis an rogha gan aon athrú a dhéanamh ar bheartais, is iad seo a leanas na roghanna:

Rogha 2: Ailíniú le caighdeáin na Stát Aontaithe maidir le raon feidhme agus teorainnluachanna.

Rogha 3: Dul i dtreo leibhéil uaillmhianacha na hearnála bóithre, maidir leis na foinsí astaíochtaí is ábhartha.

Rogha 4: Leibhéal breise uaillmhéine trí fhorálacha faireacháin breisithe.

Bhí sé curtha san áireamh cheana féin, áfach, sa cheapadh anailíseach go bhféadfadh gnéithe ó chúpla rogha éagsúil a bheith i gceist i rogha na tosaíochta. Rinneadh an anailís ar chostais agus ar an tairbhe i modúil aonair inar féidir gnéithe a athghrúpáil.

Breathnaíodh ar roghanna neamhreachtúla (e.g. comhaontú deonach leis an tionscal), ach cinneadh san anailís tosaigh nach mbeadh cur chuige mar sin oiriúnach le cuspóirí an togra a bhaint amach. Tá an cinneadh seo bunaithe ar an tuiscint nach dócha go mbeadh éifeacht le teorainneacha astaíochtaí d’innill in innealra soghluaiste neamhbhóthair agus nach féidir cothrom iomaíochta a áirithiú do gach oibreoir eacnamaíoch mura mbeadh ceangal dlí leo.

Ghlac an Bord um Measúnú Tionchair leis an measúnú tionchair tar éis é a bheith curtha faoina bhráid an 20 Samhain 2013.

3.           Eilimintí dlí an togra

· Achoimre ar an ngníomhaíocht atá beartaithe

Déanann an togra uasghrádú suntasach ar chóras cineálcheadaithe innill ISNB maidir le ceanglais theicniúla i dtaca le hastaíochtaí trí leibhéil níos déine a ghlacadh, chomh maith leis an ‘gcur chuige ilchodach’ a thabhairt isteach.

Leagfar síos go mion sa togra, trí na gníomhartha tarmligthe dá bhforáiltear ann, na ceanglais éigeantacha nua maidir le teorainneacha astaíochtaí innill Chéim V. Go háirithe, cuimseoidh na gníomhartha tarmligthe a ghlacfar faoin togra seo, i measc nithe eile, na nithe seo a leanas:

– ceanglais theicniúla mhionsonraithe na dtimthriallta tástála;

– nósanna imeachta tomhais agus tástála teicniúla;

– socruithe mionsonraithe agus riachtanais mhionsonraithe maidir leis na heisceachtaí a dhéanfar faoin Rialachán seo;

– forálacha mionsonraithe maidir le nósanna imeachta cineálcheadaithe.

· Bunús Dlí

Is é Airteagal 114 den Chonradh ar Fheidhmiú an Aontais Eorpaigh bunús dlí an togra.

· Prionsabal na Coimhdeachta

Tá feidhm ag prionsabal na coimhdeachta mar nach dtagann an togra faoi inniúlacht eisiach an Aontais.

Ós rud é go bhfuil leasuithe ar reachtaíocht reatha AE i gceist sa togra, ní féidir ach leis an Aontas Eorpach aghaidh a thabhairt ar na saincheisteanna. Ina theannta sin, ní féidir cuspóirí an bheartais a bhaint amach go leordhóthanach trí ghníomhartha na mBallstát.

Is gá bearta ón Aontas Eorpach ionas nach dtiocfaidh baic chun cinn sa mhargadh aonair, go háirithe i réimse na n‑inneall in innealra soghluaiste neamhbhóthair, agus mar gheall ar chineál trasnáisiúnta an truaillithe aeir. Cé go mbíonn an tionchar is déine ag na mórthruailleáin aeir in aice lena bhfoinse, ní ar an leibhéal áitiúil amháin a imrítear tionchar ar cháilíocht an aeir; is fadhb thromchúiseach chomhshaoil é an truailliú trasteorann agus is féidir leis an toradh a bhaint de na réitigh náisiúnta. Is gá gníomhaíocht chomhaontaithe ar leibhéal an Aontais le fadhb an truaillithe aeir a réiteach.

Dá socrófaí teorainneacha astaíochtaí agus nósanna imeachta cineálcheadaithe ar an leibhéal náisiúnta, d'fhéadfadh 28 córas éagsúil a bheith ann, rud a chuirfeadh bac tromchúiseach ar thrádáil laistigh den Aontas. Fairis sin, d'fhéadfadh sé ualach suntasach riaracháin agus airgeadais a chur ar mhonaróirí atá gníomhach i níos mó ná aon mhargadh amháin. Dá bhrí sin, ní féidir cuspóirí an togra atá á mheas a bhaint amach gan gníomhaíocht ar leibhéal an Aontais.

Ar deireadh, glactar leis gurb é cur chuige comhchuibhithe ar leibhéal an Aontais an tslí is éifeachtaí ó thaobh costais de do mhonaróirí agus d'úsáideoirí deiridh le laghduithe ar astaíochtaí a bhaint amach.

Comhlíonann an togra prionsabal na coimhdeachta dá bhrí sin.

· Prionsabal na comhréireachta

Comhlíonann an togra prionsabal na comhréireachta ar na cúiseanna seo a leanas.

Mar atá léirithe sa mheasúnú tionchair, comhlíonann an togra prionsabal na comhréireachta mar nach dtéann sé thar a bhfuil riachtanach chun feidhmiú ceart an mhargaidh inmheánaigh a áirithiú agus foráil a dhéanamh san am céanna maidir le hardleibhéal sábháilteachta poiblí agus cosanta comhshaoil.

Tríd an timpeallacht rialála a shimpliú déanfar laghdú suntasach ar na costais riaracháin a bhíonn ar na húdaráis náisiúnta agus ar an tionscal.

· Rogha na n‑ionstraimí

Na hionstraimí atá beartaithe: rialachán.

Níor leor modhanna eile ar na cúiseanna seo a leanas.

Tá leasuithe substaintiúla déanta roinnt uaireanta ar Threoir 97/68/CE. Ar mhaithe le soiléire, intuarthacht, réasúnaíocht agus simpliú, tá sé beartaithe ag an gCoimisiún Rialachán agus líon beag gníomhartha tarmligthe agus cur chun feidhme a chur in ionad Threoir 97/68/CE.

Ina theannta sin, trí Rialachán a úsáid áiritheofar go mbeidh na forálacha lena mbaineann infheidhme go díreach maidir le monaróirí, údaráis cheadaithe agus seirbhísí teicniúla, agus gur féidir iad a thabhairt cothrom le dáta ar bhealach níos tapa agus níos éifeachtaí chun an dul chun cinn teicniúil a chur san áireamh.

Sa togra úsáidtear an ‘cur chuige ilchodach’ atá in úsáid i reachtaíocht eile i réimse chineálcheadú feithiclí mótair AE. Déantar foráil sa chur chuige sin maidir le dhá chéim reachtaíochta:

· ar dtús, leagfaidh Parlaimint na hEorpa agus an Chomhairle forálacha bunúsacha síos i Rialachán a bheidh bunaithe ar Airteagal 114 den Chonradh ar Fheidhmiú an Aontais Eorpaigh tríd an ngnáthnós imeachta reachtach;

· ina dhiaidh sin, na sonraíochtaí teicniúla lena gcuirtear na forálacha bunúsacha chun feidhme, leagfar síos i ngníomhartha tarmligthe iad a ghlacfaidh an Coimisiún de réir Airteagal 290 den Chonradh ar Fheidhmiú an Aontais Eorpaigh.

4.           Impleachtaí buiséadacha

Rinneadh an costas a bhaineann le bunachar sonraí leictreonach a bhunú chun faisnéis cineálcheadaithe a mhalartú a mheas cheana féin i staidéar féidearthachta[8] a choimisiúnaigh Coimisiún Eacnamaíochta na Náisiún Aontaithe don Eoraip i mí an Mheithimh 2006, agus maidir le carranna, tá córas Eorpach chun faisnéis cineálcheadaithe a mhalartú (ETAES) i bhfeidhm san Aontas Eorpach cheana féin.

Cé nach ndearnadh an staidéar féidearthachta ar bhunachar sonraí a bhí ar fáil go poiblí, is féidir glacadh leis mar sin féin go dtugtar léiriú bailí sa mheasúnú costais ar na costais a bheadh i gceist.

Rinneadh a thuar sa staidéar go mbeadh costais tionscnaimh idir EUR 50 000 agus EUR 150 000 agus costais oibriúcháin idir EUR 5 000 agus EUR 15 000 sa mhí i gceist, ag brath ar fhad an chonartha leis an soláthraí seirbhíse. Déantar foráil maidir le raon míosúil den chineál céanna le haghaidh seirbhís deasc cabhrach a oibriú, más gá.

5.           Faisnéis bhreise

· Ionsamhladh, treoirthréimhse agus idirthréimhse

Tá idirthréimhsí ginearálta agus sonracha sa togra ar mhaithe le haga tionscanta leordhóthanach a thabhairt do mhonaróirí inneall agus innealra, agus do riarthóirí chomh maith.

Don idirthréimhse ó na caighdeáin reatha astaíochtaí go dtí an chéim nua astaíochtaí, tá scéim idirthréimhse nua beartaithe atá i bhfad níos simplí ó thaobh riaracháin de do mhonaróirí inneall agus innealra, a laghdóidh ualach na n‑údarás ceadaithe náisiúnta san am céanna.

Maidir le faireachán a dhéanamh ar fheidhmíocht astaíochtaí inseirbhíse na n‑inneall, tá cláir phíolótacha beartaithe d'fhonn nósanna imeachta tástála iomchuí a fhorbairt.

· Simpliú

Déantar foráil sa togra maidir le reachtaíocht a shimpliú.

Déanfar Treoir fíorchasta maidir le hastaíochtaí innill ISNB, lena ngabhann 15 Iarscríbhinn, a leasaíodh 8 n‑uaire gan athmhúnlú, a aisghairm.

Déanann an togra foráil maidir le simpliú na nósanna imeachta riaracháin d'údaráis phoiblí. Tá an togra áirithe i gclár rollach an Choimisiúin leis an 'aquis communautaire' agus a Chlár Oibre Reachtach a thabhairt cothrom le dáta agus a shimpliú faoin tagairt 2010/ENTR/001.

· Aisghairm na reachtaíochta atá ann cheana

Nuair a ghlacfar leis an togra déanfar an reachtaíocht atá ann cheana a aisghairm.

· An Limistéir Eorpach Eacnamaíoch

Ábhar a bhaineann leis an LEE atá sa ghníomh atá beartaithe agus ba cheart, dá bhrí sin, an Limistéar Eorpach Eacnamaíoch a chuimsiú ann.

2014/0268 (COD)

Togra le haghaidh

RIALACHÁN Ó PHARLAIMINT NA hEORPA AGUS ÓN gCOMHAIRLE

maidir le ceanglais a bhaineann le teorainneacha astaíochtaí agus cineálcheadú i dtaca le hinnill dócháin inmheánaigh le haghaidh innealra soghluaiste neamhbhóthair

(téacs atá ábhartha maidir le LEE)

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontaigh Eorpaigh, agus go háirithe Airteagal 114 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialta na hEorpa[9],

Ag gníomhú dóibh i gcomhréir leis an ngnáthnós imeachta reachtach[10],

De bharr an méid seo a leanas:

(1)       Cuimsíonn an margadh inmheánach limistéar gan teorainneacha inmheánacha nach mór saorghluaiseacht earraí, daoine, seirbhísí agus caipitil a áirithiú ann. Chun na críche sin bunaíodh bearta le truailliú aeir ó innill atá le suiteáil in innealra soghluaiste neamhbhóthair le Treoir 97/68/CE ó Pharlaimint na hEorpa agus ón gComhairle. Is iomchuí iarrachtaí a dhéanamh margadh inmheánach an Aontais a fhorbairt agus a oibriú.[11]

(2)       Ba cheart an mhargadh inmheánach a bheith bunaithe ar rialacha trédhearcacha simplí comhleanúnacha lena gcuirtear deimhneacht agus soiléire dhlíthiúil ar fáil ar féidir le gnólachtaí agus tomhaltóirí araon tairbhe a bhaint astu.

(3)       Ar mhaithe le glacadh reachtaíocht an Aontais maidir le cineálcheadú innill a shimpliú agus a bhrostú, tá cur chuige nua rialála tugtha isteach. Dá réir sin, leagann an reachtóir amach rialacha agus prionsabail bhunúsacha agus cumhachtaíonn sé an Coimisiún gníomhartha tarmligthe maidir le sonraí teicniúla eile a ghlacadh. Dá bhrí sin, maidir le ceanglais shubstaintiúla, níor cheart a leagan síos sa Rialachán seo ach forálacha bunúsacha maidir le hastaíochtaí ó thruailleáin gháis agus cháithníneacha agus ba cheart an Coimisiún a chumhachtú sonraíochtaí teicniúla a leagan síos i ngníomhartha tarmligthe.

(4)       Tá creat rialála bunaithe cheana féin le Rialachán (AE) Uimh. 167/2013 ó Pharlaimint na hEorpa agus ón gComhairle[12] maidir le formheas agus le faireachas margaidh ar fheithiclí talmhaíochta agus foraoiseachta. Mar gheall ar an gcosúlacht idir na réimsí agus an taithí dhearfach a fuarthas as Rialachán (AE) Uimh. 167/2013 a chur i bhfeidhm, ba cheart cuid mhaith de na cearta agus na hoibleagáidí a bunaíodh leis an Rialachán sin a chur san áireamh maidir le hinnealra neamhbhóthair. Is gá tacar rialacha ar leithligh a ghlacadh, áfach, le riachtanais shonracha na n‑inneall a shuiteálfar in innealra neamhbhóthair a chur san áireamh.

(5)       Ba cheart ceanglais shubstaintiúla a bheith sa Rialachán seo a bhaineann le teorainneacha astaíochtaí agus nósanna imeachta cineálcheadaithe AE maidir le hinnill atá le suiteáil in innealra soghluaiste neamhbhóthair. Tá príomhghnéithe na gceanglas ábhartha den Rialachán seo bunaithe ar thorthaí an mheasúnaithe tionchair den 20 Samhain 2013 a rinne an Coimisiún, ina ndearnadh anailís ar roghanna éagsúla trí liosta a dhéanamh de na buntáistí agus míbhuntáistí a d’fhéadfadh bheith ann ó thaobh gnéithe eacnamaíocha, comhshaoil, sábháilteachta agus sochaíocha. Cuireadh idir ghnéithe cáilíochtúla agus ghnéithe cainníochtúla san áireamh san anailís sin. Tar éis comparáid a dhéanamh idir na roghanna éagsúla, sainaithníodh na roghanna tosaíochta agus roghnaíodh iad mar bhonn don Rialachán seo.

(6)       Is é is aidhm don Rialachán seo rialacha comhchuibhithe a leagan síos maidir le cineálcheadú AE maidir le hinnill atá le suiteáil in innealra soghluaiste neamhbhóthair, d’fhonn feidhmiú an mhargaidh inmheánaigh a áirithiú. Chun na gcríoch sin, ba cheart teorainneacha nua astaíochtaí a bhunú leis an dul chun cinn teicneolaíochta a léiriú agus le cóineasú le beartais an Aontais san earnáil bhóithre a áirithiú, d’fhonn spriocanna an Aontais maidir le cáilíocht an aeir a bhaint amach agus astaíochtaí ó innealra soghluaiste neamhbhóthair a laghdú; dá thoradh sin, bheadh an méid astaíochtaí innealra níos comhréirí i gcomparáid le hastaíochtaí feithiclí bóthair. Ba cheart raon feidhme reachtaíocht an Aontais sa réimse sin a leathnú, d’fhonn comhchuibhiú margaidh ar leibhéal AE agus ar an leibhéal idirnáisiúnta a fheabhsú agus riosca go mbeidh saobhadh margaidh ann a íoslaghdú. Ina theannta sin, tá sé mar aidhm leis an Rialachán seo an creat dlíthiúil atá ann faoi láthair a shimpliú, lena n‑áirítear bearta chun nósanna imeachta riaracháin a shimpliú, agus na coinníollacha ginearálta maidir le forfheidhmiú a fheabhsú, go háirithe trí na rialacha maidir le faireachán margaidh a neartú.

(7)       Ba cheart do na ceanglais a leagtar amach maidir le hinnill d'innealra soghluaiste neamhbhóthair agus innill thánaisteacha d'fheithiclí paisinéirí agus earraí cloí leis na prionsabail a leagadh síos sa Teachtaireacht ón gCoimisiún an 5 Meitheamh 2002 dar teideal ‘Plean Gníomhaíochta: An timpeallacht rialála a shimpliú agus a fheabhsú’.

(8)       I Seachtú Clár Gníomhaíochta Comhshaoil Ginearálta an Aontais a glacadh le Cinneadh Uimh. 1386/2013/AE ó Pharlaimint na hEorpa agus ón gComhairle[13] meabhraítear gur aontaigh an tAontas leibhéil cháilíocht an aeir a bhaint amach nach mbeadh tionchar suntasach diúltach acu ar shláinte an duine ná ar an gcomhshaol agus nach gcuirfeadh sláinte an duine ná an comhshaol i mbaol. Le reachtaíocht an Aontais tá teorainneacha iomchuí astaíochtaí bunaithe maidir le cáilíocht an aeir chomhthimpeallaigh ar mhaithe le sláinte an duine, agus daoine leochaileacha go háirithe, a chosaint, agus maidir le huasteorainneacha náisiúnta astaíochtaí freisin[14]. Tar éis na Teachtaireachta ón gCoimisiún an 4 Bealtaine 2001, lenar bunaíodh an clár dar teideal ‘Aer Glan don Eoraip (CAFE)’, ghlac an Coimisiún Teachtaireacht eile an 21 Meán Fómhair 2005 dar teideal ‘An Straitéis théamúil maidir le truailliú aeir’. Ceann de chonclúidí na straitéise téamúla sin is ea go bhfuil gá le laghduithe eile ar astaíochtaí ón earnáil iompair (iompar aeir, muirí agus talún), ó theaghlaigh agus ó na hearnálacha fuinnimh, talmhaíochta agus tionsclaíochta le cuspóirí AE maidir le cáilíocht an aeir a bhaint amach. Sa chomhthéacs sin, ba cheart tabhairt faoi astaíochtaí a laghdú ó innill atá suite in innealra soghluaiste neamhbhóthair (ISNB) mar chuid den straitéis fhoriomlán. Tá teorainneacha astaíochtaí Chéim V ar cheann de na bearta atá ceaptha astaíochtaí in‑úsáide iarbhír ó thruailleáin aeir amhail truailleáin cháithníneacha chomh maith le réamhtheachtaithe ózóin amhail ocsaídí nítrigine (NOx) agus hidreacarbóin a laghdú.

(9)       An 12 Meitheamh 2012, rinne an Eagraíocht Dhomhanda Sláinte (EDS), trína Ghníomhaireacht Idirnáisiúnta um Thaighde ar Ailse , athaicmiú ar an sceitheadh ó innill díosail mar 'carcanaigineach don duine' (Grúpa 1), bunaithe ar fhianaise leordhóthanach go méadaítear an riosca ailse scamhóg a tholgadh i gcás nochtadh.

(10)     Is gá iarracht leanúnach astaíochtaí innill a laghdú le cuspóirí an Aontais maidir le cáilíocht an aeir a bhaint amach. Ar an gcúis sin, ba cheart faisnéis shoiléir a sholáthar do mhonaróirí faoi na teorainnluachanna astaíochtaí a bheidh ann amach anseo agus ba cheart tréimhse ama iomchuí a thabhairt dóibh inar féidir iad a bhaint amach agus na forbairtí teicniúla riachtanacha a dhéanamh.

(11)     Nuair a bhíonn teorainneacha astaíochtaí á socrú tá sé tábhachtach a chur san áireamh na himpleachtaí a bheidh acu d’iomaíochas na margaí agus na monaróirí, na costais dhíreacha agus indíreacha a leagfar ar ghnólachtaí agus an tairbhe ó thaobh nuálaíocht a spreagadh, cáilíocht an aeir a fheabhsú, costais sláinte a laghdú agus ionchas saoil a mhéadú.

(12)     Tá astaíochtaí ó innill innealra shoghluaiste neamhbhóthair ina gcodán suntasach d'iomlán na n‑astaíochtaí de dhéantús an duine ó thruailleáin atmaisféaracha díobhálacha áirithe. Ba cheart innill atá freagrach as sciar mór den truailliú aeir de dheasca ocsaídí nítrigine (NOx) agus ábhair cháithnínigh a bheith laistigh de raon feidhme na rialacha nua faoi theorainneacha astaíochtaí.

(13)     Ba cheart don Choimisiún athbhreithniú leanúnach a dhéanamh ar astaíochtaí atá neamhrialaithe, go fóill, agus a eascraíonn as foirmlithe nua breosla, teicneolaíocht innill agus córais rialaithe astaíochtaí a úsáid ar bhealach níos leithne. Ba cheart don Choimisiún freisin, nuair is gá, togra a chur faoi bhráid Pharlaimint na hEorpa agus na Comhairle d'fhonn na hastaíochtaí sin a rialáil.

(14)     Is iomchuí úsáid feithiclí breosla mhalartaigh a spreagadh, a mbeadh astaíochtaí ísle NOx agus cáithníneacha acu. Dá réir sin, ba cheart teorainnluachanna do na hidreacarbóin iomlána a oiriúnú le hidreacarbóin neamh‑mheatáin agus astaíochtaí meatáin a chur san áireamh.

(15)     Chun a áirithiú go rialófar astaíochtaí ó thruailleáin cháithníneacha sármhíne (méid 0.1 μm agus faoina bhun), ba cheart an Coimisiún a chumhachtú cur chuige líonbhunaithe a ghlacadh maidir le hastaíochtaí ó thruailleáin cháithníneacha, de bhreis ar an gcur chuige maisbhunaithe atá in úsáid faoi láthair. Ba cheart an chur chuige líonbhunaithe i leith astaíochtaí cáithníneacha a bheith bunaithe ar thorthaí Chlár Tomhais Cháithnínigh (CTC) Choimisiún Eacnamaíochta na Náisiún Aontaithe don Eoraip agus a bheith i gcomhréir leis na cuspóirí uaillmhianacha atá ann cheana don chomhshaol.

(16)     Chun na cuspóirí comhshaoil sin a bhaint amach, is iomchuí a lua gur dócha go léireoidh na teorainneacha ar líon na gcáithníní na leibhéil is airde feidhmíochta a bhaintear amach faoi láthair le scagairí cáithníní trí úsáid a bhaint as an teicneolaíocht is fearr atá ar fáil.

(17)     Ba cheart don Choimisiún timthriallta comhchuibhithe domhanda tástála a ghlacadh sna nósanna imeachta tástála atá mar bhonn do rialacháin maidir le cineálcheadú AE i ndáil le hastaíochtaí. Ba cheart cur i bhfeidhm córas iniompartha um tomhas astaíochtaí chun faireachán a dhéanamh ar astaíochtaí in‑úsáide iarbhír a mheas freisin.

(18)     Chun rialú níos fearr a dhéanamh ar astaíochtaí in‑úsáide iarbhír agus an próiseas comhréireachta inseirbhíse a ullmhú, ba cheart modheolaíocht tástála le faireachán a dhéanamh ar na ceanglais feidhmíochta astaíochtaí atá bunaithe ar úsáid córas iniompartha um tomhas astaíochtaí a ghlacadh laistigh de thréimhse ama iomchuí.

(19)     Tá feidhmiú ceart an chórais iarchóireála, agus go háirithe i gcás NOx, ina bhunriachtanas leis na teorainneacha bunaithe d'astaíochtaí truailleán a chomhlíonadh. Sa chomhthéacs sin, ba cheart bearta a thabhairt isteach le hoibriú ceart na gcóras a bhraitheann ar úsáid imoibrí a áirithiú.

(20)     Innill a chuimsíonn raon feidhme na rialacha nua maidir le teorainneacha astaíochtaí agus nósanna imeachta cineálcheadaithe AE agus atá faoi chumhdach an raoin feidhme sin, ba cheart cead a thabhairt iad a chur ar an margadh sna Ballstáit; níor cheart na hinnill sin a bheith faoi réir aon cheanglais náisiúnta eile maidir le hastaíochtaí. Na Ballstáit a thugann ceaduithe, ba cheart dóibh na bearta riachtanacha fíoraithe a dhéanamh chun a áirithiú go sainaithneofar na hinnill a tháirgfear faoi gach cineálcheadú de chuid AE.

(21)     Ba cheart líon teoranta díolúintí a thabhairt le freastal ar na riachtanais shonracha a bhaineann le fórsaí armtha, srianta soláthar lóistíochta, tástáil allamuigh ar fhréamhshamhlacha agus úsáid innealra in atmaisféir phléascacha.

(22)     Tá oibleagáidí na n‑údarás náisiúnta atá leagtha síos i bhforálacha an Rialacháin seo maidir le faireachas margaidh níos sonraí ná forálacha comhfhreagracha Rialachán (CE) Uimh. 765/2008 ó Pharlaimint na hEorpa agus ón gComhairle[15].

(23)     Chun a áirithiú go bhfuil an nós imeachta maidir le faireachán a dhéanamh ar chomhlíonadh táirgthe, arb é ceann de bhunchlocha chóras cineálcheadaithe AE é, curtha chun feidhme mar is ceart agus ag feidhmiú i gceart, ba cheart don údarás inniúil atá ainmnithe monaróirí a sheiceáil go rialta nó ba cheart do sheirbhís theicniúil cháilithe atá ainmnithe chun na críche sin iad a sheiceáil.

(24)     Is páirtí conartha é an tAontas de Chomhaontú Choimisiún Eacnamaíoch na Náisiún Aontaithe don Eoraip maidir le saintreoracha aonfhoirmeacha teicniúla a ghlacadh d'fheithiclí rothaithe, trealamh agus páirteanna is féidir a shuiteáil agus/nó a úsáid ar fheithiclí rothaithe agus na coinníollacha i dtaca le haitheantas cómhalartach ceaduithe a thugtar ar bhonn na saintreoracha sin ('Comhaontú Leasaithe 1958’).

(25)     Dá dheasca sin, ba cheart rialacháin Choimisiún Eacnamaíochta na Náisiún Aontaithe don Eoraip agus leasuithe ar na rialacháin sin ar vótáil an tAontas ar a son nó ar aontaigh an tAontas dóibh, i gcur i bhfeidhm Chinneadh 97/836/CE, a aithint mar choibhéis chineálcheaduithe AE arna dtabhairt faoin Rialachán seo. Dá réir sin, ba cheart an Coimisiún a chumhachtú gníomhartha tarmligthe a ghlacadh chun a chinneadh cé na rialacháin ó Choimisiún Eacnamaíochta na Náisiún Aontaithe don Eoraip a mbeidh feidhm acu maidir le cineálcheaduithe AE.

(26)     Chun coinníollacha aonfhoirmeacha a áirithiú maidir le cur chun feidhme an Rialacháin seo, ba cheart cumhachtaí cur chun feidhme a thabhairt don Choimisiún. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle.[16]

(27)     Chun an Rialachán seo a fhorlíonadh le sonraí breise teicniúla, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún i dtaca le haicmí innill, crioscaíl, faireachán ar fheidhmíocht astaíochtaí inseirbhíse, tástálacha teicniúla agus nósanna imeachta tomhais, comhréireacht táirgthe, seachadadh ar leithligh córais iarchóireála sceite innill, innill le haghaidh tástáil allamuigh, innill lena n‑úsáid in atmaisféir ghuaiseacha, coibhéis cineálcheaduithe innill, faisnéis do mhonaróirí buntrealaimh agus d'úsáideoirí deiridh, féintástáil, caighdeáin agus measúnú seirbhísí teicniúla, innill gásbhreosla iomláin nó pháirtigh, tomhas líon na gcáithníní agus timthriallta tástála. Tá sé tábhachtach go háirithe go rachadh an Coimisiún i mbun comhairliúchán iomchuí le linn a chuid oibre ullmhúcháin, lena n‑áirítear ar leibhéal saineolaithe. Ba cheart don Choimisiún, le linn dó gníomhartha tarmligthe a ullmhú agus a tharraingt suas, a áirithiú go ndéanfar doiciméid ábhartha a chur chuig Parlaimint na hEorpa agus chuig an gComhairle ar bhealach comhuaineach, tráthúil agus iomchuí.

(28)     Ba cheart do na Ballstáit rialacha a leagan síos maidir le pionóis is infheidhme maidir le sáruithe an Rialacháin seo agus a áirithiú go gcuirfear chun feidhme iad. Ba cheart na pionóis sin a bheith éifeachtach, comhréireach agus athchomhairleach.

(29)     D'fhonn an dul chun cinn leanúnach teicniúil agus na torthaí is déanaí i réimsí an taighde agus na nuálaíochta a chur san áireamh, is iomchuí na deiseanna eile ar laghdú astaíochtaí truailleán ó innill atá suiteáilte in innealra soghluaiste neamhbhóthair a aithint. Ba cheart na measúnuithe sin a dhíriú ar na catagóirí innill sin atá áirithe den chéad uair i raon feidhme an Rialacháin seo agus orthu siúd a bhfuil a dteorainnluachanna astaíochtaí gan athrú faoin Rialachán seo.

(30)     Ar mhaithe le soiléire, intuarthacht, réasúnaíocht agus simpliú agus chun an t‑ualach ar mhonaróirí innill agus innealra a laghdú, níor cheart ach líon teoranta céimeanna cur chun feidhme a bheith sa Rialachán seo le leibhéil nua astaíochtaí agus nósanna imeachta cineálcheadaithe a thabhairt isteach. Tá sé riachtanach sainmhíniú tráthúil a dhéanamh ar cheanglais le haga tionscanta leordhóthanach a áirithiú chun gur féidir le monaróirí réitigh theicniúla a fhorbairt, a thástáil agus a chur chun feidhme le haghaidh inneall a tháirgtear i sraitheanna, agus do mhonaróirí agus chun gur féidir le monaróirí agus údaráis cheadaithe sna Ballstáit na córais riaracháin is gá a bhunú.

(31)     Tá leasuithe déanta roinnt uaireanta ar Threoir 97/68/CE. Ar mhaithe le soiléire, intuarthacht, réasúnaíocht agus simpliú, ba cheart Rialachán agus líon beag gníomhartha tarmligthe agus cur chun feidhme a chur in ionad Threoir 97/68/CE. Le húsáid Rialacháin ba cheart a áirithiú go mbeidh na forálacha lena mbaineann infheidhme go díreach maidir le monaróirí, údaráis cheadaithe agus seirbhísí teicniúla, agus gur féidir iad a thabhairt cothrom le dáta ar bhealach níos tapa agus níos éifeachtúla leis an dul chun cinn teicniúil a chur san áireamh.

(32)     De thoradh chur i bhfeidhm an chórais nua rialála a bhunaítear leis an Rialachán seo, ba cheart Treoir 97/68/CE a aisghairm le héifeacht ón 1 Eanáir 2017. Leis an dáta sin ba cheart go dtabharfaí am leordhóthanach don tionscal oiriúnú do na forálacha nua a leagtar síos sa Rialachán seo agus oiriúnú do na sonraíochtaí teicniúla agus na forálacha riaracháin atá le leagan amach sna gníomhartha tarmligthe agus cur chun feidhme a ghlactar de bhun an Rialacháin seo.

(33)     Ós rud é nach féidir leis na Ballstáit cuspóirí an Rialacháin seo, eadhon rialacha comhchuibhithe a leagan síos maidir leis na riachtanais riaracháin agus theicniúla a bhaineann le teorainneacha astaíochtaí agus nósanna imeachta cineálcheadaithe AE i dtaca le hinnill atá le suiteáil in innealra soghluaiste neamhbhóthair, a bhaint amach go leordhóthanach agus gur fearr, de bharr a scála agus a n‑éifeachtaí, is féidir iad a bhaint amach ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Rialachán seo thar a bhfuil riachtanach chun na cuspóirí sin a bhaint amach,

TAR ÉIS AN RIALACHÁN SEO A GHLACADH:

CAIBIDIL I

ÁBHAR, RAON FEIDHME AGUS SAINMHÍNITHE

Airteagal 1

Ábhar

Leis an Rialachán seo, bunaítear teorainneacha astaíochtaí le haghaidh truailleán gásacha agus ábhar cáithníneach agus na ceanglais riaracháin agus theicniúla a bhaineann le cineálcheadú AE do gach cineál innill agus aicme innill dá dtagraítear in Airteagal 2(1).

Bunaítear na ceanglais le haghaidh faireachas margaidh ar innill atá le suiteáil nó ceaptha a bheith suiteáilte in innealra soghluaiste neamhbhóthair, atá faoi réir ag cineálcheadú AE leis an Rialachán seo freisin.

Airteagal 2

Raon feidhme

1.           Beidh feidhm leis an Rialachán seo maidir le gach inneall atá leagtha amach in Airteagal 4 agus atá suiteáilte, nó beartaithe a bheith suiteáilte, in innealra soghluaiste neamhbhóthair, seachas innill atá le honnmhairiú chuig tríú tíortha.

2.           Ní bheidh feidhm leis an Rialachán seo maidir le hinnill mar seo a leanas:

(a) tiomáint feithiclí mar atá sainmhínithe i bpointe (13) d'Airteagal 3 de Threoir 2007/46/EC ó Pharlaimint na hEorpa agus ón gComhairle[17];

(b) tiomáint feithiclí talmhaíochta agus foraoiseachta mar atá sainmhínithe i bpointe (11) d'Airteagal 3 de Rialachán(AE) Uimh. 167/2013 ó Pharlaimint na hEorpa agus ón gComhairle[18];

(c) innealra do‑aistrithe;

(d) soithí farraige, a bhfuil teastas bailí loingseoireachta muirí nó teastas sábháilteachta ag teastáil dóibh;

(e) tiomáint soithí uiscebhealaí intíre a bhfuil glanchumhacht níos lú ná 37 kW acu;

(f) árthaí áineasa mar atá sainmhínithe i dTreoir 2013/53/AE ó Pharlaimint na hEorpa agus ón gComhairle [19];

(g) aerárthaí;

(h) aon fheithiclí áineasa, seachas mótair sneachta, feithiclí uile‑thír‑raon (ATV) agus feithiclí taobh le taobh (SbS);

(i) feithiclí agus innealra atá beartaithe iad a úsáid go heisiach i gcomórtais;

(j) samhlacha ar scála laghdaithe nó macasamhla d'fheithiclí nó d'innill nuair atá glanchumhacht níos lú ná 19 kW ag na samhlacha nó na macasamhla sin.

Airteagal 3

Sainmhínithe

Chun críche an Rialacháin seo, beidh feidhm leis na sainmhínithe seo a leanas:

(1) Ciallaíonn "innealra soghluaiste neamhbhóthair" aon inneall soghluaiste, trealamh iniompair nó feithicil le nó gan cabhalra nó rothaí, nach bhfuil le húsáid chun paisinéirí nó earraí a iompar ar bhóithre; áirítear innealra suiteáilte ar chabhail fheithiclí atá beartaithe le haghaidh iompar paisinéirí nó earraí ar bhóithre;

(2) Ciallaíonn "cineálcheadú AE" an nós imeachta faoina dheimhníonn údarás ceadaithe go gcomhlíonann cineál innill nó aicme innill forálacha agus ceanglais theicniúla ábhartha an Rialacháin seo;

(3) Ciallaíonn "truailleáin ghásacha" aonocsaíd charbóin (CO), hidreacarbóin iomlána (HC) agus ocsaídí nítrigine (NOx), arb ionann na cinn dheireannacha atá ainmnithe agus ocsaíd nítreach (NO) agus dé‑ocsaíd nítrigine (NO2), arna sloinneadh mar choibhéis dhé‑ocsaíd nítrigine (NO2);

(4) Ciallaíonn "Ábhar Cáithníneach" aon ábhar a bhailítear mar mheán sonraithe scagaire tar éis gás sceite innill a chaolú le haer glan scagtha ionas nach sáraíonn an teocht 325 K (52°C);

(5) Ciallaíonn "Líon na gCáithníní" líon na gcáithníní soladacha a bhfuil trastomhas níos mó ná 23nm acu;

(6) Ciallaíonn "inneall" iompaitheoir fuinnimh seachas tuirbín gáis ina dtarlaíonn dóchán breosla i spás teoranta, a tháirgeann gáis fhairsinge a úsáidtear go díreach le cumhacht mheicniúil a sholáthar, ar féidir cineálcheadú AE a dheonú ar a son; áirítear córas rialaithe astaíochta agus comhéadan cumarsáide (crua‑earra agus teachtaireachtaí) idir aonaid rialaithe leictreonacha chóras an innill (ECU) agus aon ghléasra cumhachta nó aonad rialaithe feithicle atá riachtanach le Caibidlí II agus III a chomhlíonadh;

(7) Ciallaíonn "cineál innill" sonraíocht innill nach bhfuil éagsúil ó thaobh saintréithe riachtanacha an innill;

(8) Ciallaíonn "aicme innill" grúpáil cineálacha éagsúla innill ag monaróir a bhfuil saintréithe cosúla astaíochta acu mar gheall ar a ndearadh, agus a chloíonn leis na teorainnluachanna astaíochtaí atá infheidhme;

(9) ciallaíonn "máthair‑inneall" cineál innill atá roghnaithe as aicme innill sa chaoi go bhfuil a shaintréithe astaíochta ionadaíoch don aicme innill sin;

(10) Ciallaíonn "Inneall Adhainte Comhbhrúite (CI)" inneall a oibríonn ar an bprionsabal adhainte comhbhrúite;

(11) Ciallaíonn "Inneall Spréachadhainte (SI)" inneall a oibríonn ar an bprionsabal spréachadhainte;

(12) Ciallaíonn "inneall débhreosla" inneall a dearadh le hoibriú i gcomhthráth le breosla leachtach agus breosla gásach, agus méadrú ar leith don dá bhreosla, an méid de cheann de na breoslaí i gcoibhneas leis an ceann eile in ann athrú ag brath ar an oibriú;

(13) Ciallaíonn "inneall aonbhreosla" inneall nach inneall débhreosla é mar atá sainmhínithe i bpointe (12);

(14) Ciallaíonn "breosla leachtach" breosla a bhíonn i riocht leachtach faoi choinníollacha caighdeánacha timpeallachta[20];

(15) Ciallaíonn "breosla gásach" aon bhreosla a bhíonn gásach go hiomlán faoi choinníollacha caighdeánacha timpeallachta20;

(16) Ciallaíonn an "an Cóimheas Gáis (GER)" i gcás innill débhreosla cóimheas chion fuinnimh an bhreosla ghásaigh thar cion fuinnimh an dá bhreosla; i gcás inneall aonbhreosla, sainmhínítear GER mar 1 nó 0 de réir an chineáil bhreosla;

(17) Ciallaíonn "inneall faoi luas inathraithe" inneall nach inneall faoi luas seasmhach é mar atá sainmhínithe i bpointe 18;

(18) Ciallaíonn "inneall faoi luas seasmhach" inneall a bhfuil a chineálcheadú teoranta d'oibríocht ar luas seasmhach, seachas innill a bhfuil a bhfeidhm rialtóra luas seasmhach bainte amach nó díchumasaithe; féadfaidh luas réchasta a bheith ag inneall ar luas seasmhach le húsáid le linn tosú nó múchadh; féadfaidh rialtóir a bheith ar inneall ar luas seasmhach ar féidir é a shocrú ag luasanna malartacha nuair a stoptar an t‑inneall;

(19) Ciallaíonn "oibríocht faoi luas seasmhach" oibríocht innill le rialtóir a dhéanann rialú uathoibríoch ar éileamh an oibritheora luas innill a chothabháil, fiú faoi ualach atá ag athrú;

(20) Ciallaíonn "inneall spréachadhainte láimhe" inneall spréachadhainte a comhlíonann ceann amháin ar a laghad de na ceanglais seo a leanas:

(a) úsáidtear é i bpíosa trealaimh a iompraíonn an t‑oibritheoir i rith feidhmiú a fheidhme(anna) beartaithe,

(b) úsáidtear é i bpíosa trealaimh a oibríonn go hil‑ionadach, ar nós bun os cionn nó cliathánach, lena fheidhm(eanna) beartaithe a chur i gcrích,

(c) ní mór an t‑inneall a úsáid i bpíosa trealaimh a bhfuil cómheáchain an innill agus an trealaimh faoi bhun 20 cileagram agus a chomhlíonann ceann amháin ar a laghad de na coinníollacha seo a leanas:

(i) soláthraíonn a oibritheoir tacaíocht, nó ina mhalairt de chás, iompraíonn sé an trealamh ar feadh fheidhmiú a fheidhm(eanna) beartaithe,

(ii) soláthraíonn a oibritheoir tacaíocht, rialú dearcaidh don trealamh ar feadh fheidhmiú a fheidhm(eanna) beartaithe,

(iii) úsáidtear é i nginteoir nó i gcaidéal;

(21) Ciallaíonn "inneall tiomána" inneall atá beartaithe le tiomáint a sholáthar go díreach nó go hindíreach le haghaidh cineál innill shoghluaiste neamhbhóthair mar atá sainmhínithe i (1);

(22) Ciallaíonn "inneall cúnta" inneall atá beartaithe le suiteáil in inneall soghluaiste neamhbhóthair, nach inneall tiomána é, nó ar an inneall sin;

(23) Ciallaíonn "glanchumhacht" an chumhacht innill a fhaightear ar bhinse tástála ag deireadh cromfhearsaide, nó a choibhéis, tomhaiste de réir modh tomhaiste cumhachta innill dhócháin inmheánaigh sonraithe i Rialachán UNECE Uimh. 120 ag úsáid breosla tagartha atá leagtha amach in Airteagal 24(2);

(24) Ciallaíonn "cumhacht tagartha" an ghlanchumhacht a úsáidfear leis na teorainnluachanna astaíochtaí is infheidhme don inneall a shocrú;

(25) Ciallaíonn "glanchumhacht rátaithe" glanchumhacht mar atá rátaithe ag monaróir innill ag luas rátaithe;

(26) Ciallaíonn "uas‑ghlanchumhacht" an luach glanchumhachta is airde ar an gcuar cumhachta lánlóid don chineál innill;

(27) Ciallaíonn "luas rátaithe" an luas innill ag a seachadtar an luas rátaithe, de réir ráiteas an mhonaróra;

(28) Ciallaíonn "dáta táirgthe an innill" an dáta (luaite mar mhí agus bliain) nuair a phasálann inneall an seiceáil dheireanach tar éis dó an líne tháirgeachta a fhágáil agus é a bheith réidh le cur ar stoc;

(29) Ciallaíonn "idirthréimhse" an chéad ocht mí dhéag tar éis an dáta fhorfheidhmithe éigeantach Chéim V dá dtagraítear in Airteagal 17(2);

(30) Ciallaíonn "idirinneall" inneall a bhfuil dáta táirgeachta innill aige atá roimh na dátaí le hinnill a dtagraítear dóibh in Airteagal 17(2) a chur ar an margadh agus a chomhlíonann na riachtanais seo a leanas:

(a)     tá sé i gcomhréir leis na teorainneacha astaíochtaí infheidhme is déanta atá sainithe sa reachtaíocht ábhartha atá infheidhme ar dháta theacht i bhfeidhm an Rialacháin seo, nó

(b)     ní raibh sé rialáilte ar leibhéal an Aontais ar dháta theacht i bhfeidhm an Rialacháin seo;

(31) Ciallaíonn "dáta táirgthe meaisín" an bhliain atá luaite ar mharcáil reachtach an mheaisín nó, mura bhfuil marcáil éigeantach, an bhliain a bpasálann an meaisín an tseiceáil dheireanach tar éis dó an líne tháirgthe a fhágáil;

(32) Ciallaíonn "soitheach uiscebhealaí intíre" soitheach a thagann laistigh de raon feidhme Threoir 2006/87/CE;

(33) Ciallaíonn "foireann ginte" meaisín soghluaiste neamhbhóthair neamhspleách nach cuid de ghléasra cumhachta é, atá ceaptha cumhacht leictreach a tháirgeadh go príomha;

(34) Ciallaíonn "innealra do‑aistrithe" innealra atá beartaithe a bheith suiteáilte go buan in aon ionad amháin ina chéad úsáid agus nach bhfuil sé beartaithe é a bhogadh, ar bhóthar nó ar bhealach eile, ach amháin le linn loingseoireachta ó áit a dhéanta go háit a chéadsuiteála;

(35) Ciallaíonn "suiteáilte go buan" boltáilte, nó socruithe go héifeachtúil ar bhealach eile ionas nach féidir é a bhaint amach gan uirlisí nó trealamh a úsáid, le dúshraith nó bac malartach atá beartaithe ionas go n‑oibreoidh an t‑inneall in aon ionad amháin i bhfoirgneamh, struchtúr, áis nó suiteáil;

(36) Ciallaíonn "macasamhail ar scála laghdaithe" samhail nó macasamhail d'inneall nó d'fheithicil atá déanta ar scála níos lú ná an bunearra le haghaidh cuspóirí siamsaíochta;

(37) Ciallaíonn "mótar sneachta" meaisín féinghluaiste atá beartaithe le haghaidh taisteal as bóthar go príomha ar sneachta, arna thiomáint ag rianta atá i dteagmháil le sneachta agus arna stiúradh le scí nó scíonna atá i dteagmháil leis an sneachta, le huasmhais neamhualaithe, in ord reatha, 454 kg (lena n‑áirítear trealamh caighdeánach, fuarthán, bealaí, breosla, uirlisí agus tiománaí 75 kg ach gan oiriúintí roghnacha san áireamh);

(38) Ciallaíonn "feithicil uile‑thír‑raoin (ATV)" feithicil mótair, arna thiomáint le hinneall, atá beartaithe go príomha le taisteal ar dhromchlaí gan phábháil ar cheithre roth nó níos mó a bhfuil boinn ísealbhrú orthu, le suíochán atá deartha do thiománaí a shuíonn gabhalscartha, nó le suíochán atá deartha do thiománaí a shuíonn gabhalscartha agus suíochán do phaisinéir amháin eile ar a mhéid, agus hanla mar stiúir;

(39) Ciallaíonn "Feithicil taobh le taobh (SbS)" feithicil féinghluaiste, oibritheoir rialaithe, neamhaltach atá beartaithe go príomha le taisteal ar dhromchlaí gan phábháil ar cheithre roth nó níos mó, le híosmhais neamhualaithe, in ord reatha, 300 kg (lena n‑áirítear trealamh caighdeánach, fuarthán, bealaí, breosla, uirlisí agus tiománaí 75 kg ach gan oiriúintí roghnacha san áireamh) agus uasluas deartha níos lú ná 25 km/u; chomh maith leis sin, tá sé deartha le daoine agus/nó lastas agus trealamh tarraingthe agus brú a iompar agus tá sé stiúrtha le rialtán nach hanla é, deartha le haghaidh cuspóirí áineasa nó fóntais agus ní iompróidh sé níos mó ná seisear agus an tiománaí san áireamh, ag suí taobh le taobh ar shuíochán neamh‑ghabhalscartha amháin nó níos mó;

(40) Ciallaíonn "carr iarnróid" feithicil iarnróid atá deartha le cumhacht ghluaisne a sholáthar, go díreach trína rothaí féin nó go hindíreach trí rothaí fheithiclí iarnróid eile, chun é féin a thiomáint, agus atá deartha go sonrach le hearraí nó paisinéirí a iompar, nó earraí agus paisinéirí araon, agus nach inneall féinghluaiste é;

(41) Ciallaíonn "inneall féinghluaiste" feithicil iarnróid atá deartha le cumhacht ghluaisne a sholáthar go díreach trína rothaí féin nó go hindíreach trí rothaí fheithiclí iarnróid eile, le é féin a thiomáint agus feithiclí iarnróid eile a thiomáint atá deartha le lastas, paisinéirí agus trealamh eile a iompar, agus atá deartha nó beartaithe gan lastas ná paisinéirí (seachas iad siúd atá ag oibriú an innill fhéinghluaiste) a iompar é féin;

(42) Ciallaíonn "feithicil chúnta iarnróid" feithicil iarnróid nach carr iarnróid mar atá sainmhínithe i bpointe (40) ná inneall féinghluaiste mar atá sainmhínithe i bpointe (41) é, lena n‑áirítear, feithicil iarnróid atá deartha go sonrach le cothabháil nó obair fhoirgníochta nó oibríochta ardaithe a bhaineann leis an rian nó le bonneagar an iarnróid a dhéanamh, ach gan a bheith teoranta don mhéid sin;

(43) Ciallaíonn "feithicil iarnróid" cineál innill soghluaiste neamhbhóthair a oibríonn go heisiach ar ráillí iarnróid;

(44) Ciallaíonn "cur ar fáil ar an margadh" aon soláthar innill mar atá sainmhínithe i bpointe (6) le dáileadh nó le húsáid ar mhargadh an Aontais le linn gníomhaíocht tráchtála, ar son íocaíochta nó saor in aisce;

(45) Ciallaíonn 'cur ar an margadh' an chéad uair a chuirtear inneall mar a shainmhínítear i bpointe (6) é ar fáil ar mhargadh an Aontais;

(46) Ciallaíonn "monaróir" aon duine nádúrtha nó dlítheanach atá freagrach don údarás ceadaithe as gach gné de chineálcheadú AE nó den phróiseas údaraithe, as comhréireacht táirgthe innill a áirithiú agus atá freagrach freisin as cúraimí a bhaineann le faireachas margaidh maidir leis na hinnill a tháirgtear, is cuma cé acu atá baint dhíreach aige le gach céim de cheapadh agus de thógáil an innill is ábhar don phróiseas ceadaithe, nó nach bhfuil;

(47) Ciallaíonn "ionadaí monaróra" aon duine nádúrtha nó dlítheanach atá bunaithe san Aontas agus atá ceaptha go hiomchuí ag an monaróir a bheith ina ionadaí thar ceann an mhonaróra i nithe a bhaineann leis an údarás ceadaithe nó leis an údarás um fhaireachas margaidh agus gníomhú thar ceann an mhonaróra i nithe atá cumhdaithe faoin Rialachán seo;

(48) Ciallaíonn "allmhaireoir" aon duine nádúrtha nó dlítheanach atá bunaithe san Aontas a chuireann ar an margadh inneall mar atá sainmhínithe i bpointe (6) ó thír threasach, cibé acu atá an t‑inneall suiteáilte cheana féin in innealra, nó nach bhfuil;

(49) Ciallaíonn "dáileoir" aon duine nádúrtha nó dlítheanach i slabhra an tsoláthair, cé is moite den mhonaróir nó den allmhaireoir, a chuireann ar an margadh inneall mar atá sainmhínithe i bpointe (6);

(50) Ciallaíonn "oibreoir eacnamaíoch" an monaróir mar atá sainmhínithe i bpointe (46), ionadaí an mhonaróra mar atá sainmhínithe i bpointe (47), an t‑allmhaireoir mar atá sainmhínithe i bpointe (48) nó an dáileoir mar atá sainmhínithe i bpointe (49);

(51) Ciallaíonn "Monaróir Buntrealaimh" (OEM) monaróir chineál innill soghluaiste neamhbhóthair;

(52) Ciallaíonn 'údarás ceadaithe' údarás Ballstáit arna bhunú nó arna cheapadh ag an mBallstát, ar chuir an Ballstát an Coimisiún ar an eolas ina leith agus atá inniúil maidir le gach gné a bhaineann le cineál innill nó aicme innill a cheadú, maidir leis an bpróiseas údaraithe, maidir le deimhnithe ceadaithe a eisiúint agus, más iomchuí, iad a tharraingt siar nó a dhiúltú, maidir le gníomhú mar phointe teagmhála d’údaráis ceadaithe Ballstát eile, maidir leis na seirbhísí teicniúla a ainmniú agus maidir lena áirithiú go gcomhlíonfaidh an monaróir a chuid oibleagáidí i leith chomhréireacht an táirgthe;

(53) Ciallaíonn 'seirbhís theicniúil' eagraíocht nó comhlacht arna hainmniú nó arna ainmniú ag údarás ceadaithe Ballstáit mar shaotharlann tástála chun tástálacha a dhéanamh, nó mar chomhlacht um measúnú comhréireachta chun an measúnú tosaigh agus tástálacha nó cigireachtaí eile a dhéanamh, thar ceann an údaráis cheadaithe, agus is féidir leis an údarás ceadaithe féin na feidhmeanna sin a dhéanamh;

(54) Ciallaíonn 'faireachas margaidh' gníomhaíochtaí agus bearta a dhéanann údaráis náisiúnta chun a áirithiú go gcomhlíonann innill a chuirtear ar fáil ar an margadh na ceanglais a leagtar amach i reachtaíocht chomhchuibhithe ábhartha an Aontais agus nach bhfuil siad ina mbaol don tsláinte, ná don chomhshaol, ná d’aon ghné eile de chosaint an leasa phoiblí;

(55) Ciallaíonn 'údarás um fhaireachas margaidh' údarás Ballstáit atá freagrach as faireachán margaidh a dhéanamh ar a chríoch;

(56) Ciallaíonn 'údarás náisiúnta' údarás ceadaithe nó aon údarás eile a bhfuil baint aige le faireachas margaidh, rialú teorann nó cur ar an margadh i mBallstát, nó atá freagrach astu, i ndáil le hinnill atá le suiteáil in innealra soghluaiste neamhbhóthair;

(57) Ciallaíonn "úsáideoir deiridh" aon duine nádúrtha nó dlítheanach seachas an monaróir, OEM, allmhaireoir nó dáileoir atá freagrach as inneall a oibriú nuair atá sé suiteáilte i gcineál innealra soghluaiste neamhbhóthair;

(58) Ciallaíonn "doiciméad faisnéise" an doiciméad a fhorordaíonn an fhaisnéis atá le soláthar ag iarratasóir;

(59) Ciallaíonn "fillteán faisnéise" iomláine an fhillteáin nó an chomhad sonraí, líníochtaí, grianghraf, srl, a sholáthraíonn an t‑iarratasóir don seirbhís theicniúil nó don údarás ceadaithe;

(60) Ciallaíonn "pacáiste faisnéise" an fillteán faisnéise agus aon tuarascálacha tástála nó doiciméid eile atá curtha ag an seirbhís theicniúil nó ag an údarás ceadaithe leis an bhfillteán faisnéise le linn a gcuid feidhmeanna a chomhlíonadh;

(61) Ciallaíonn "innéacs an phacáiste faisnéise" an doiciméad ina bhfuil clár an phacáiste faisnéise, le huimhriú oiriúnach nó marcáilte ar bhealach eile le gach leathanach a shainaithint go soiléir, liostaithe;

(62) Ciallaíonn "straitéis uathmhaolaithe" straitéis rialaithe astaíochtaí lena laghdaítear éifeachtacht na rialuithe astaíochtaí faoi dhálaí comhthimpeallacha oibrithe nó faoi dhálaí oibrithe innill a bhíonn ann le linn ghnáthoibriú feithicle nó lasmuigh de nósanna imeachta tástála cineál‑cheadaithe an AE;

(63) Ciallaíonn "córas rialaithe astaíochtaí" aon ghaireas, córas nó gné deartha a rialaíonn nó a laghdaíonn astaíochtaí;

(64) Ciallaíonn "córas breosla" gach comhpháirt atá rannpháirteach i méadrú agus i meascadh an bhreosla;

(65) Ciallaíonn "aonad rialaithe leictreonaigh" gaireas leictreonach innill atá ina chuid den chóras rialaithe astaíochtaí agus a úsáideann sonraí ó bhraiteoirí innill le paraiméadair innill a rialú;

(66) Ciallaíonn "córas iarchóireála sceite" catalaíoch, scagaire cáithníní, córas de NOx, scagaire comhcheangailte cáithníneach de NOx nó aon ghaireas laghdaithe astaíochtaí eile atá ina chuid den chóras rialaithe astaíochtaí ach atá suiteáilte laistíos de sceithchomhlaí an innill, seachas athchúrsáil gás sceite (EGR) agus turbaluchtairí;

(67) Ciallaíonn "athchúrsáil gás sceite" (EGR) teicneolaíocht atá ina cuid de chóras rialaithe sceite agus a laghdaíonn astaíochtaí trí gháis sceite atá díchurtha ón gcuasán/ ó na cuasáin dó a threorú ar ais isteach san inneall le meascadh le haer atá ag teacht isteach roimh nó le linn dócháin, seachas comhuainiú comhla a úsáid le méid an ghás iarmhartach sceite sa chuasán / sna cuasáin dó a mheasctar leis an aer atá ag teacht isteach roimh nó le linn dócháin;

(68) ciallaíonn 'crioscaíl' córas rialála astaíochtaí na feithicle nó córas tiomána na feithicle, lena n‑áirítear aon bhogearra nó aon mhíreanna rialaithe loighistice eile de chuid na gcóras sin, a dhíghníomhú, a choigeartú nó a mhodhnú, arb é an toradh, bíodh sé beartaithe nó ná bíodh, gur chun donais a théann feidhmíocht astaíochta an innill;

(69) Ciallaíonn "timthriall tástála" seicheamhach pointí tástála, lena luas agus torc sainmhínithe féin ag gach ceann, le leanúint ag inneall nuair a bhíonn sé á thástáil faoi fhoistine nó coinníollacha neamhbhuana oibriúcháin;

(70) Ciallaíonn "timthriall tástála foistine" timthriall tástála ina gcoinnítear luas innill agus torc ag foireann chríochta luachanna ainmniúla tairiseacha. Is ionann tástálacha foistine tástálacha mód scoite nó tástálacha modúla rampáilte;

(71) Ciallaíonn "timthriall tástála diomuan" timthriall tástála le seicheamh luas normalaithe agus luachanna toirc a athraíonn go measartha mear le ham;

(72) Ciallaíonn 'féintástáil' tástálacha a dhéanamh i saoráidí an mhonaróra féin, torthaí na dtástálacha sin a chlárú agus tuarascáil ina bhfuil conclúidí a chur faoi bhráid an údaráis ceadaithe, agus a dhéanann monaróir a ainmníodh mar sheirbhís theicniúil chun comhlíonadh ceanglas áirithe a mheasúnú;

(73) Ciallaíonn 'cás an chromáin' na spásanna iata istigh san inneall, nó lasmuigh de, a bhíonn ceangailte le humar na hola trí dhuchtanna istigh san umar nó lasmuigh de a thugann deis astaithe do gháis agus do ghal;

(74) Ciallaíonn "athghiniúint" teagmhas ina n‑athraíonn leibhéil astaíochtaí le linn don fheidhmíocht iarchóireála a bheith á athchóiriú de dhearadh, rangaithe mar athghiniúint leanúnach nó athghiniúint thréimhsiúil;

(75) Ciallaíonn tréimhse mharthanachta astaíochtaí" an líon uaireanta a úsáidtear le tosca meatha a shocrú;

(76) Ciallaíonn "tosca meatha" an fhoireann tosca a léiríonn an gaol atá idir astaíochtaí ag tús agus deireadh an tréimhse mharthanachta astaíochtaí;

(77) Ciallaíonn "tástáil fhíorúil" samhail ríomhaire, lena n‑áirítear ríomh, a dhéantar le leibhéal feidhmíochta innill a thaispeáint mar chúnamh don chinnteoireacht gan úsáid an innill fhisicí a bheith riachtanach;

(78) Ciallaíonn "feidhm luais idirmheánaigh" feidhm d'innill spréachadhainte seachas innill láimhe spréachadhainte ina bhfuil an t‑inneall suiteáilte beartaithe le haghaidh oibríocht ag luasanna atá i bhfad níos ísle ná 3600 rpm;

(79) Ciallaíonn "feidhm luais rátaithe" feidhm d'innill spréachadhainte seachas innill láimhe spréachadhainte ina bhfuil an t‑inneall suiteáilte beartaithe le haghaidh oibríocht ag luasanna ainmniúla de 3600 rpm nó níos airde.

Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann le sonraíocht mhionsonraithe teicniúla na sainmhínithe i bpointí (7), (8), (19), (27), (74) agus (76). Glacfar na gníomhartha tarmligthe sin faoin [31 Nollaig 2016].

Airteagal 4

Catagóirí Innill

Chun críche an Rialacháin seo, beidh feidhm leis na catagóirí innill seo a leanas, fo-roinnte i bhfochatagóirí atá leagtha amach in Iarscríbhinn I:

(1) 'Catagóir NRE', a chuimsíonn:

(k) innill le haghaidh innealra soghluaiste neamhbhóthair agus atá oiriúnach le bogadh, nó a bheith bogtha ar bhóthar nó ar bhealach eile nach bhfuil eisiata faoi Airteagal 2(2) agus nach n‑áirítear in aon chatagóir eile atá leagtha amach i bpointí (2) go (10),

(l) innill a bhfuil cumhacht thagartha níos lú ná 560 kW acu a úsáidtear in áit inneall d'e chatagóir IWP, RLL nó RLR;

(2) 'Catagóir NRG', a chuimsíonn innill a bhfuil cumhacht thagartha níos mó ná 560 kW acu, atá le húsáid i bhfoireann ginte amháin.

Áireofar innill d'fhoireann ginte, seachas innill a bhfuil na saintréithe atá leagtha amach sa chéad fhomhír acu, i gcatagóir NRE nó NRS, bunaithe ar na saintréithe atá acu;

(3) 'Catagóir NRSh', a chuimsíonn innill spréachadhainte láimhe a bhfuil cumhacht thagartha níos lú ná 19 kW acu, atá le húsáid go heisiach in innealra láimhe;

(4) 'Catagóir NRS', a chuimsíonn innill spréachadhainte, a bhfuil cumhacht thagartha níos lú ná 56 kW acu, nach bhfuil áirithe i gcatagóir NRSh;

(5) 'Catagóir IWP', a chuimsíonn:

(m) innill atá le húsáid go heisiach i soithí uiscebhealaí intíre, le haghaidh tiomána nó beartaithe le haghaidh tiomána, a bhfuil glanchumhacht níos mó ná 560 kW acu,

(n) innill a bhfuil cumhacht thagartha níos mó ná 560 kW acu a úsáidtear in áit inneall de chatagóir IWA faoi réir ag ceanglais Airteagal 23(8) a chomhlíonadh;

(6) 'Catagóir IWA',a chuimsíonn innill atá le húsáid go heisiach i soithí uiscebhealaí intíre, chun críocha cúntacha nó beartaithe chun críocha cúntacha, a bhfuil glanchumhacht níos mó ná 560 kW acu.

Áireofar innill chúntacha le haghaidh soithí uiscebhealaí intíre seachas innill a bhfuil na saintréithe atá leagtha amach sa chéad fho-mhír acu i gcatagóir NRE nó NRS, bunaithe ar na saintréithe atá acu;

(7) 'Catagóir RLL', a chuimsíonn innill le húsáid go heisiach in innill fhéinghluaiste, le haghaidh tiomána nó beartaithe le haghaidh tiomána;

(8) 'Catagóir RLR', a chuimsíonn innill le húsáid go heisiach i gcarranna iarnróid, le haghaidh tiomána nó beartaithe le haghaidh tiomána;

(9) 'Catagóir SMB', a chuimsíonn innill spréachadhainte atá le húsáid go heisiach i mótair sneachta.

Áireofar innill do mhótair sneachta, seachas innill a bhfuil na saintréithe atá leagtha amach sa chéad fhomhír acu, sa catagóir NRE;

(10) 'Catagóir ATS', a chuimsíonn innill spréachadhainte atá le húsáid go heisiach i bhfeithiclí uile-thír-raoin agus taobh le taobh (ATV agus SbS).

Áireofar innill le haghaidh ATV agus SbS seachas innill a bhfuil na saintréithe atá leagtha amach sa chéad fhomhír acu, sa catagóir NRE.

Féadfar inneall de chatagóir ar leith, atá beartaithe le húsáid i bhfeidhm luais inathraithe, a úsáid freisin in áit innill den chatagóir chéanna atá beartaithe le húsáid i bhfeidhm luas seasmhach. Comhlíonfaidh innill faoi luas inathraithe de chatagóir IWP a úsáidtear i bhfeidhmeanna luais seasmhaigh ceanglais Airteagail 23(7) nó Airteagail 23(8), de réir mar atá infheidhme.

Áireofar innill le haghaidh feithiclí cúntacha iarnróid agus innill chúntacha le haghaidh carranna iarnróid i gcatagóir NRE nó NRS, bunaithe ar na saintréithe atá acu.

CAIBIDIL II

OIBLEAGÁIDÍ GINEARÁLTA

Airteagal 5

Oibleagáidí na mBallstát

1.           Bunóidh nó ceapfaidh na Ballstáit na húdaráis cheadaithe a bheith inniúil in ábhair maidir le ceadú agus na húdaráis um fhaireachas margaidh inniúla in ábhair a bhaineann le faireachán margaidh i gcomhréir leis an Rialacháin seo. Tabharfaidh na Ballstáit fógra don Choimisiún faoi bhunú agus ceapadh na n‑údarás seo.

2.           Áireofar ainm, seoladh, lena n‑áirítear seoladh leictreonach, agus réimse freagrachta na n‑údarás ceadaithe agus faireachas margaidh san fhógra. Foilseoidh an Coimisiún liosta agus sonraí na n‑údarás ceadaithe ar a shuíomh gréasáin.

3.           Ní cheadóidh Ballstáit innill a chur ar an margadh, bíodh siad suiteáilte in innealra cheana féin nó ná bíodh, ach amháin má bhíonn siad cumhdaithe ag cineálcheadú bailí AE a deonaíodh i gcomhréir leis an Rialacháin seo.

Ní cheadóidh Ballstáit innealra a chur ar an margadh, ach amháin má bhíonn innill atá cumhdaithe ag cineálcheadú bailí AE a deonaíodh i gcomhréir leis an Rialacháin seo suiteáilte ann.

4.           Ní dhéanfaidh na Ballstáit toirmeasc, srianadh ná bac a chur ar innill a chur ar an margadh ar chúinsí a bhaineann le gnéithe dá dtógáil agus dá bhfeidhmeanna atá cumhdaithe ag an Rialachán seo, má chomhlíonann siad na ceanglais.

5.           Eagróidh na Ballstáit cuirfidh siad i gcrích faireachas margaidh agus rialú inneall a théann isteach sa mhargadh i gcomhréir le Caibidil III de Rialachán (CE) Uimh. 765/2008 ó Pharlaimint na hEorpa agus ón gComhairle[21].

Airteagal 6

Oibleagáidí na n‑údarás ceadaithe

1.           Áiritheoidh údaráis cheadaithe go mbeidh monaróirí a dhéanann iarratas ar chineálcheadú AE ag comhlíonadh a n‑oibleagáidí faoin Rialachán seo.

2.           Ní dhéanfaidh údaráis cheadaithe cineálcheadú AE a dheonú ach do chineálacha innill nó aicmí innill a chomhlíonann ceanglais an Rialacháin seo.

3.           Ag úsáid as ardán riaracháin lárnach an Aontais dá dtagraítear in Airteagal 41, cuirfidh na húdaráis cheadaithe clár de gach cineál innill agus aicme innill a bhfuil cineálcheadú AE deonaithe ina leith ar fáil go poiblí, ina mbeidh an fhaisnéis seo a leanas ar a laghad: trádmharc, ainm an mhonaróra, catagóir an innill, uimhir an chineálcheadaithe agus dáta an chineálcheadaithe.

Airteagal 7

Bearta um fhaireachas margaidh

Déanfaidh na húdaráis um fhaireachas margaidh seiceáil ar dhoiciméid, ar scála oiriúnach agus ar bhonn samplaí imleora, agus, de réir mar is cuí, seiceáil fhisiceach agus saotharlainne ar innill, le haghaidh gach inneall cineálcheadaithe AE. Agus é sin á dhéanamh acu, cuirfidh siad prionsabail sheanbhunaithe an measúnaithe riosca san áireamh, chomh maith le haon ghearán, agus aon fhaisnéis ábhartha eile.

Féadfaidh údaráis um fhaireachas margaidh a éileamh ar oibritheoirí eacnamaíocha aon doiciméadú agus faisnéis a mheastar a bheith riachtanach lena ngníomhaíochta a dhéanamh a chur ar fáil.

Nuair a chuireann oibritheoirí eacnamaíocha tuarascálacha tástála nó deimhnithe chomhréireachta faoina mbráid, tabharfaidh na húdaráis um fhaireachas margaidh aird chuí ar na tuarascálacha nó na deimhnithe sin.

Airteagal 8

Oibleagáidí na monaróirí

4.           Áiritheoidh monaróirí nuair a chuirtear a gcuid inneall ar an margadh, go bhfuil siad monaraithe agus ceadaithe i gcomhréir leis na ceanglais atá leagtha amach i gCaibidil II agus Caibidil III den Rialachán seo.

5.           Chun críocha cheadú na n‑inneall, ceapfaidh monaróirí atá bunaithe lasmuigh den Aontas ionadaí amháin atá bunaithe laistigh den Aontas le hionadaíocht a dhéanamh ar a son agus iad ag plé leis an údarás ceadaithe.

6.           Ceapfaidh monaróirí atá bunaithe lasmuigh den Aontas ionadaí amháin atá bunaithe laistigh den Aontas chun críocha fhaireachas margaidh, agus d'fhéadfadh an t‑ionadaí sin a bheith mar an gcéanna leis an ionadaí dá dtagraítear i mír 2, nó d'fhéadfadh ionadaí eile a bheith ann.

7.           Beidh monaróirí freagrach do na húdaráis cheadaithe as gach gné den phróiseas ceadaithe agus as comhréireacht táirgeachta a áirithiú, bíodh siad páirteach go díreach i ngach céim de thógáil an innill nó ná bíodh.

8.           I gcomhréir leis an Rialachán seo, áiritheoidh monaróirí go bhfuil nósanna imeachta ann ionas go bhfanfaidh táirgeacht sraithe i gcomhréir leis an gcineál atá ceadaithe. Cuirfear athruithe i ndearadh nó ar shaintréithe innill agus athruithe sna cheanglais a fhógraítear go bhfuil innill á gcomhlíonadh san áireamh i gcomhréir le Caibidil VI.

9.           Chomh maith leis an mharcáil a bheidh greamaithe dá n‑innill i gcomhréir Airteagail 31, cuirfidh monaróirí a n‑ainm, a dtrádainm cláraithe nó a dtrádmharc cláraithe agus an seoladh san Aontas ar féidir teagmháil a dhéanamh leo ar a gcuid inneall atá ar fáil ar an margadh nó, mura bhfuil sé sin indéanta, ar phacáistiú an innill nó ar dhoiciméad a ghabhann leis an inneall.

10.         Áiritheoidh monaróirí, a fhad is a bhíonn siad freagrach as inneall, nach gcuirfidh coinníollacha stórála ná iompair comhlíonadh na riachtanas atá leagtha amach i gCaibidlí II agus III i mbaol.

Airteagal 9

Oibleagáidí monaróirí maidir leis na táirgí dá gcuid nach bhfuil comhréireach

11.         Má mheasann monaróirí nó má tá cúis acu a chreidiúint nach bhfuil inneall atá curtha ar an margadh acu i gcomhréir leis an Rialachán seo, cuirfidh siad fiosrú ar bun láithreach faoin gcineál neamhchomhréireachta agus faoin dóchúlacht go dtarlóidh sé. Déanfaidh siad gníomh ceartaitheach go tráthúil, bunaithe ar thoradh an fhiosraithe, lena áirithiú go mbeidh na hinnill atá á dtáirgeadh i gcomhréir leis an gcineál nó an aicme cheadaithe. Beidh feidhm le forálacha Airteagal 38, mura mbeidh sin as alt le cineál na neamhchomhréireachta agus an dóchúlacht go dtarlóidh sé.

D'ainneoin cheanglais na chéad fomhíre, ní bheidh ar an monaróir bearta ceartaitheacha a ghlacadh maidir le hinnill nach bhfuil i gcomhréir leis an Rialachán seo mar thoradh ar mhodhnuithe a rinneadh gan údarú an mhonaróra tar éis don inneall a bheith curtha ar an margadh.

12.         Cuirfidh an monaróir an t‑údarás ceadaithe a dheonaigh an ceadú ar an eolas láithreach, agus tabharfaidh sé sonraí, go háirithe, faoin neamhchomhréireacht agus aon bhearta ceartaitheacha a rinneadh.

13.         Coinneoidh monaróirí an pacáiste faisnéise dá dtagraítear in Airteagal 21(9) agus cóip de na deimhnithe comhréireachta dá dtagraítear in Airteagal 30 ar fáil do na húdaráis cheadaithe ar feadh tréimhse 10 mbliana tar éis inneall a chur ar an margadh.

14.         Cuirfidh monaróirí cóip den deimhniú cineálcheadaithe AE don inneall ar fáil d'údarás náisiúnta, tar éis iarratas réasúnta a fháil ón údarás sin, i dteanga a mbeidh an t‑údarás a iarrann é in ann a thuiscint go héasca.

Airteagal 10

Oibleagáidí ionadaithe an mhonaróra maidir le faireachas margaidh

Comhlíonfaidh ionadaí um fhaireachas margaidh an mhonaróra na tascanna atá sonraithe sa sainordú a fhaightear ón monaróir. Leis an sainordú sin beidh ionadaí in ann na nithe seo a leanas ar a laghad a dhéanamh:

(1)          rochtain a fháil ar an bpacáiste faisnéise dá dtagraítear in Airteagal 20 agus ar na deimhnithe comhréireachta dá dtagraítear in Airteagal 30 ionas go mbeidh sé ar a gcumas iad a chur ar fáil do na húdaráis cheadaithe ar feadh tréimhse 10 mbliana tar éis inneall a chur ar an margadh;

(2)          tar éis iarratas réasúnta a fháil ó údarás ceadaithe, an fhaisnéis agus an doiciméadú go léir atá riachtanach lena léiriú go bhfuil táirgeadh innill i gcomhréireacht a chur ar fáil don údarás sin;

(3)          comhoibriú leis na húdaráis cheadaithe nó faireachas margaidh, ar iarratas uathu, maidir le haon ghníomhaíocht a dhéantar le haon riosca tromchúiseach sábháilteachta a bhaineann le hinneall atá cumhdaithe ag a sainordú a dhíothú.

Airteagal 11

Oibleagáidí allmhaireoirí

15.         Ní chuirfidh allmhaireoirí ar an margadh ach innill chomhréireacha a bhfuil cineálcheadú AE faighte acu.

16.         Sula gcuirfear inneall cineálcheadaithe AE ar an margadh, áiritheoidh allmhaireoirí go mbeidh pacáiste faisnéise a chomhlíonann Airteagal 21(9) ar fáil agus go mbeidh an mharcáil riachtanach ar an inneall agus go gcomhlíonann sé Airteagal 8(6).

17.         Coinneoidh allmhaireoirí cóip den deimhniú comhréireachta ar feadh tréimhse 10 mbliana tar éis inneall a chur ar margadh, a bheidh ar fáil do na húdaráis cheadaithe agus faireachas margaidh agus áiritheoidh siad gur féidir an pacáiste faisnéise dá dtagraítear in Airteagal 21(9) a chur ar fáil do na húdaráis sin, ar iarratas.

18.         Beidh a n‑ainm, a n‑ainm cláraithe trádála nó a dtrádmharc cláraithe agus an seoladh ar féidir teagmháil a dhéanamh leo curtha ar an inneall ag allmhaireoirí, nó mura bhfuil sé sin indéanta, ar phacáistiú an innill nó i ndoiciméad a ghabhann leis an inneall.

19.         Cuirfidh allmhaireoirí treoracha agus faisnéis ar fáil mar a cheanglaítear i gcomhréir le hAirteagal 41.

20.         Áiritheoidh allmhaireoirí, a fhad is a bhíonn siad freagrach as inneall, nach gcuirfidh coinníollacha stórála ná iompair comhlíonadh na riachtanas atá leagtha amach i gCaibidlí II agus III i mbaol.

Airteagal 12

Oibleagáidí allmhaireoirí maidir leis na táirgí dá gcuid nach bhfuil comhréireach

21.         Ní dhéanfaidh allmhaireoirí a mheasann nó a bhfuil cúis acu a chreidiúint nach bhfuil inneall i gcomhréir le ceanglais an Rialacháin seo, agus go háirithe nach bhfuil sé ag réiteach lena chineálcheadú, an t‑inneall a dháileadh go dtí go mbeidh sé tugtha chun comhréireachta. Ina theannta sin, cuirfidh siad é sin in iúl don mhonaróir agus do na húdaráis um fhaireachas margaidh, agus don údarás ceadaithe a thug an cead.

22.         Má mheasann allmhaireoirí nó má tá cúis acu a chreidiúint nach bhfuil inneall atá curtha ar an margadh i gcomhréir leis an Rialachán seo cuirfidh siad fiosrú ar bun láithreach faoin gcineál neamhchomhréireachta agus faoin dóchúlacht go dtarlóidh sé. Déanfaidh siad gníomh ceartaitheach go tráthúil, bunaithe ar thoradh an fhiosraithe, lena áirithiú go mbeidh na hinnill atá á dtáirgeadh i gcomhréir leis an gcineál nó an aicme cheadaithe. Féadfaidh feidhm a bheith le forálacha Airteagal 38, mura mbeidh sin as alt le cineál na neamhchomhréireachta agus an dóchúlacht go dtarlóidh sé.

23.         Tar éis iarratas réasúnta a fháil ó údarás náisiúnta, cuirfidh allmhaireoirí gach faisnéis agus doiciméadú atá riachtanach le comhréireacht innill a léiriú ar fáil i dteanga ar féidir leis an údarás sin a thuiscint go héasca.

Airteagal 13

Oibleagáidí dáileoirí

24.         Nuair a chuireann siad inneall ar fáil ar an margadh gníomhóidh dáileoirí le haire chuí ar cheanglais an Rialacháin seo.

25.         Roimh inneall a chur ar an margadh, deimhneoidh dáileoirí go bhfuil marcáil reachtúil nó marc cineálcheadaithe AE ar an inneall, go bhfuil na doiciméid, na treoracha agus an fhaisnéis sábháilteachta ar fáil i dteanga atá intuigthe don OEM, agus go bhfuil na ceanglais atá leagtha amach in Airteagal 11(2) agus (4) agus in Airteagal 31(1) agus (2) comhlíonta ag an allmhaireoir agus ag an monaróir.

26.         Áiritheoidh dáileoirí, a fhad is a bhíonn siad freagrach as inneall, nach gcuirfidh coinníollacha stórála ná iompair comhlíonadh na riachtanas atá leagtha amach i gCaibidlí II agus III i mbaol.

Airteagal 14

Oibleagáidí dáileoirí maidir leis na táirgí dá gcuid nach bhfuil comhréireach

27.         Ní dhéanfaidh dáileoirí, a mheasann nó a bhfuil cúis acu a chreidiúint nach bhfuil inneall i gcomhréir le ceanglais an Rialacháin seo, an t‑inneall a dháileadh go dtí go mbeidh sé tugtha chun comhréireachta.

28.         Má mheasann dáileoirí, nó má tá cúis acu a chreidiúint, nach bhfuil inneall atá dáilte acu i gcomhréir leis an Rialachán seo cuirfidh siad é sin in iúl don mhonaróir nó d'ionadaí an mhonaróra lena áirithiú go nglacfar na bearta ceartaitheacha atá riachtanach le hinnill atá á dtáirgeadh a thabhairt chun comhréireacht leis an gcineál nó an aicme ceadaithe i gcomhréir le hAirteagal 9(1) nó Airteagal 12(2).

29.         Tar éis iarratas réasúnaithe a fháil ó údarás náisiúnta, áiritheoidh dáileoirí go gcuirfidh an monaróir an fhaisnéis atá sonraithe in Airteagal 9(3) ar fáil don údarás náisiúnta nó go gcuirfidh an t‑allmhaireoir an fhaisnéis atá sonraithe in Airteagal 11(3) ar fáil don údarás náisiúnta.

Airteagal 15

Cásanna ina mbíonn oibleagáidí monaróirí i bhfeidhm maidir le hallmhaireoirí agus dáileoirí

Measfar allmhaireoir nó dáileoir mar mhonaróir chun críocha an Rialacháin seo agus beidh siad faoi réir ag oibleagáidí an mhonaróra faoi Airteagail 8, 9 agus 10, nuair a chuireann an t‑allmhaireoir nó an dáileoir inneall ar fáil ar an margadh faoina ainm nó a thrádmharc nó má mhodhnaíonn sé an t‑inneall ar bhealach a d'fhéadfadh cur isteach ar chomhréireacht leis na ceanglais is infheidhme.

Airteagal 16

Oibreoirí eacnamaíocha a shainaithint

Déanfaidh oibreoirí eacnamaíocha, ar iarratas, na nithe seo a leanas a shainaithint do na húdaráis cheadaithe agus faireachas margaidh, ar feadh tréimhse cúig bliana ón dáta a gcuirtear ar an margadh:

              (a) aon oibritheoir eacnamaíoch a rinne inneall a sholáthar dóibh;

              (b) aon oibritheoir eacnamaíoch a ndearna siad inneall a sholáthar dóibh.

CAIBIDIL III

CEANGLAIS SHUBSTAINTEACHA

Airteagal 17

Ceanglais maidir le hastaíochtaí sceite le haghaidh cineálcheadú AE

30.         Áiritheoidh monaróirí go mbeidh cineálacha agus aicmí innill deartha, tógtha agus cóimeáilte d'fhonn na ceanglais atá leagtha amach i gCaibidil II agus Caibidil III den Rialachán seo a chomhlíonadh.

31.         Ní sháróidh cineálacha agus aicmí innill, ón dáta a chuirtear innill atá leagtha amach in Iarscríbhinn III ar an margadh, na teorainnluachanna astaíochtaí sceite a luaitear mar "Chéim V" in Iarscríbhinn II.

Nuair a chlúdaíonn aicme amháin innill níos mó ná banna cumhachta amháin de réir na bparaiméadar a shainmhíníonn aicme innill sa ghníomh tarmligthe, beidh an máthairinneall (ar son cuspóirí cineálcheadaithe) agus gach cineál innill san aicme chéanna (ar son cuspóirí comhréireacht táirgeachta), maidir leis na bannaí cumhachta infheidhme:

– ag cloí leis na teorainnluachanna astaíochtaí is déine;

– déanfar iad a thástáil ag úsáid na dtimthriallta tástála a fhreagraíonn do na teorainnluachanna astaíochtaí is déine;

– faoi réir ag na dátaí is luaithe is infheidhme le haghaidh cineálcheadaithe agus cur ar an margadh atá leagtha amach in Iarscríbhinn III.

32.         Déanfar astaíochtaí sceite cineálacha innill agus aicmí innill a thomhas ar bhonn na dtimthriallta tástála atá leagtha amach in Airteagal 23 agus i gcomhréir leis na forálacha faoi thástálacha agus tomhais a dhéanamh atá leagtha amach in Airteagal 24.

33.         Déanfar cineálacha innill agus aicmí innill a dhearadh le cur i gcoinne crioscaíola agus ní bhainfear úsáid as straitéis uathmhaolaithe.

34.         Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann le sonraíochtaí mionsonraithe teicniúla i dtaca le paraiméadair a úsáidtear le haghaidh aicme innill a shainmhíniú agus na forálacha mionsonraithe teicniúla le cur in aghaidh crioscaíola dá dtagraítear i mír 4. Glacfar na gníomhartha tarmligthe sin faoin [31 Nollaig 2016].

Airteagal 18

Faireachán ar astaíochtaí inneall i seirbhís

35.         Déanfar faireachán ar thruailleáin ghásacha agus astaíochtaí cineálacha innill nó aicmí innill i seirbhís le hinnill tástála suiteáilte in Innealra Soghluaiste Neamhbhóthair a oibrítear thar a ngnáth‑thimthriallta dualgais oibriúcháin. Déanfar an tástáil seo ar innill a cothabháladh i gceart agus beidh sé i gcomhréir leis na forálacha maidir le roghnú inneall, nósanna imeachta tástála agus torthaí do na catagóirí éagsúla innill a thuairisciú.

Eagróidh an Coimisiún cláir phíolótacha d'fhonn nósanna imeachta tástála iomchuí a fhorbairt do na catagóirí agus na fochatagóirí innill nach bhfuil na nósanna imeachta tástála sin ann dóibh.

36.         Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann le socruithe mionsonraithe i dtaca le hinnill, nósanna imeachta tástála agus tuairisciú rothaí a dtagraítear dóibh i mír 1 a roghnú. Glacfar na gníomhartha tarmligthe sin faoin [31 Nollaig 2016].

CAIBIDIL IV

NÓSANNA IMEACHTA CINEÁLCHEADAITHE AE

Airteagal 19

Iarratas ar chineálcheadú AE

37.         Cuirfidh monaróirí iarratas isteach le haghaidh cineálcheadú AE do chineál innill nó d'aicme innill chuig údarás ceadaithe Ballstáit. Beidh an fillteán faisnéise a dtagraítear in Airteagal 20 ag gabháil le hiarratais.

38.         Cuirfear ineall atá i gcomhréir le cineál innill, nó i gcás aicme innill, saintréithe an mháthairinnill a bhfuil a thuairisc san fhillteán faisnéise ar fáil don tseirbhís theicniúil atá freagrach as na tástálacha ceadaithe a reáchtáil.

39.         I gcás iarratais le haghaidh cineálcheadú AE d’aicme innill, má dheimhníonn an t‑údarás ceadaithe, maidir leis an máthairinneal dá dtagraítear i mír 2, nach bhfuil an t‑iarratas atá curtha faoina bhráid ionadaíoch go hiomlán don aicme innill a bhfuil a thuairisc san fhillteán faisnéise, cuirfear inneall malartach, agus más gá, máthairinneall breise a mheasann an t‑údarás ceadaithe a bheith ionadaíoch don aicme innill, ar fáil le ceadú.

40.         Ní cheadaítear iarratas maidir le cineál innill nó aicme innill amháin a chur faoi bhráid níos mó ná aon Bhallstát amháin. Seolfar iarratas ar leith isteach le haghaidh gach cineál innill nó aicme innill atá le ceadú.

Airteagal 20

Fillteán faisnéise

41.         Cuirfidh an t‑iarratasóir fillteán faisnéise ar fáil don údarás ceadaithe.

42.         Déanfar ábhar an fhillteán faisnéise a shainmhíniú i ngníomh cur chun feidhme agus beidh na nithe seo a leanas áirithe ann:

(o) doiciméad faisnéise;

(p) na sonraí, líníochtaí, grianghraif agus an fhaisnéis ábhartha eile maidir leis an inneall;

(q) aon fhaisnéis bhreise a iarrann an t‑údarás ceadaithe i gcomhthéacs nós imeachta an iarratais.

43.         Is féidir an fillteán faisnéise a chur ar fáil ar pháipéar nó i bhformáid leictreonach atá inghlactha ag an tseirbhís theicniúil agus ag an údarás ceadaithe.

44.         Cumhachtófar don Choimisiún teimpléid a leagan síos don doiciméad faisnéise agus don bhfillteán faisnéise trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

CAIBIDIL V

NÓSANNA IMEACHTA CINEÁLCHEADAITHE AE A DHÉANAMH

Airteagal 21

Forálacha Ginearálta

45.         Ach an t‑údarás ceadaithe an t‑iarratas a fháil, deonóidh sé cineálcheadú AE do gach cineál innill nó aicme innill atá i gcomhréir le gach ceann de na nithe seo a leanas:

(r) na sonraí san fhillteán faisnéise;

(s) ceanglais an Rialacháin seo;

(t) na socruithe táirgthe dá dtagraítear in Airteagal 25.

46.         Ní dhéanfaidh na húdaráis cheadaithe aon cheanglais chineálcheadaithe eile a fhorchur i ndáil le hastaíochtaí sceite d’innealra soghluaiste neamhbhóthair i gcás go suiteáiltear inneall má chomhlíonann an t‑inneall na ceanglais a shonraítear sa Rialachán seo.

47.         Ní dheonóidh na húdaráis cheadaithe aon chineálcheadú AE don chineál innill nó aicme innill nach gcomhlíonann na ceanglais a shonraítear sa Rialachán seo, i ndiaidh na ndátaí do chineálcheadú na n‑inneall dá dtagraítear in Iarscríbhinn III do gach fochatagóir innill.

48.         Beidh deimhnithe ar chineálcheadú AE uimhrithe i gcomhréir le córas comhchuibhithe arna bhunú ag an gCoimisiún trí bhíthin gníomhartha cur chun feidhme.

49.         Déanfaidh údarás ceadaithe gach Ballstáit:

(u) Liosta de na cineálcheaduithe AE a dheonaigh sé, a dhiúltaigh sé a dheonú nó a tharraing sé siar i rith na míosa sin a sheoladh go míosúil chuig údaráis cheadaithe na mBallstát eile, maille leis na cúiseanna atá leis an gcinneadh;

(v) údaráis cheadaithe na mBallstát eile a chur ar an eolas gan mhoill faoi dhiúltú nó tarraingt siar aon cheadú innill a rinne sé, maille leis na cúiseanna dá chinneadh;

(w) ach iarratas a fháil ó údarás ceadaithe aon Bhallstáit eile, seolfaidh sé taobh istigh de mhí:

– cóip de dheimhniú ar chineálcheadú AE an innill nó an aicme innill más ann di, maille leis an bpacáiste faisnéise do gach cineál innill nó aicme innill a cheadaigh sé nó a dhiúltaigh sé a cheadú nó a tharraing sé siar, agus / nó

– liosta na n‑inneall a táirgeadh de réir na gcineálcheaduithe AE a deonaíodh, mar atá sonraithe in Airteagal 35.

50.         Déanfaidh údarás ceadaithe gach Ballstáit go bliantúil, nó anuas ar sin, ach iarratas comhfhreagrach a fháil, cóip den bhileog faisnéise a sheoladh chuig an gCoimisiún i ndáil leis na cineálacha innill nó aicmí innill a ceadaíodh ó rinneadh an fógra is deireanaí.

51.         Má iarrann an Coimisiún air, déanfaidh an t‑údarás ceadaithe an fhaisnéis dá dtagraítear i mír 5 a sheoladh chuig an gCoimisiún chomh maith.

52.         Measfar na ceanglais dá dtagraítear i míreanna 5, 6 agus 7 a bheith comhlíonta má dhéantar an fhaisnéis ábhartha a uaslódáil chuig ardán riaracháin lárnach an Aontais dá dtagraítear in Airteagal 42. Féadfaidh an chóip a bheith i bhfoirm chomhaid shlán leictreonaigh freisin.

53.         Cuirfidh an t‑údarás ceadaithe le chéile pacáiste faisnéise ina mbeidh an fillteán faisnéise maille leis na tuarascálacha tástála agus gach doiciméad eile a chuir an tseirbhís teicniúil nó an t‑údarás ceadaithe leis an bhfillteán faisnéise agus iad i mbun a gcuid feidhmeanna. Beidh san áireamh sa phacáiste faisnéise innéacs ina mbeidh liosta den ábhar atá ann, uimhrithe go hoiriúnach nó marcáilte ar chaoi eile d’fhonn na leathanaigh uile agus formáid gach doiciméid a shainaithint go soiléir ar chaoi a chuireann i láthair taifead ar na céimeanna leanúnacha i mbainistiú an chineálcheadaithe AE, dátaí na n‑athbhreithnithe agus na nuashonruithe go háirithe. Coinneoidh an t‑údarás ceadaithe faisnéis atá ar áireamh sa phacáiste faisnéise ar bhonn infhaighte do thréimhse 10 bliain ach bailíocht an chineálcheadaithe AE ábhartha a dhul in éag.

54.         Cumhachtófar don Choimisiún cinneadh mar a leanas a ghlacadh trí ghníomhartha cur chun feidhme:

(x) an modh chun an córas uimhrithe comhchuibhithe dá dtagraítear i mír 4 a bhunú;

(y) formáid aonair an bhileog faisnéise atá le líonadh isteach ag údarás ceadaithe gach Ballstáit dá dtagraítear i bpointe (a) de mhír 5 i ndáil le gach cineál innill nó aicme innill a bhí AE cineálcheadaithe;

(z) an teimpléid do liosta na n‑inneall a táirgeadh de réir na gcineálcheaduithe AE a deonaíodh atá le líonadh isteach ag údarás ceadaithe gach Ballstáit dá dtagraítear i bpointe (c) de mhír 5;

(aa) Formáid aonair an bhileog faisnéise i ndáil le cineálacha gaolmhara innill nó aicmí innill arna gceadú ó rinneadh an fógra is deireanaí, a bheith líonta isteach ag údarás ceadaithe gach Ballstáit dá dtagraítear i mír 6.

Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

Airteagal 22

Forálacha sonracha maidir leis an deimhniú ar chineálcheadú AE

55.         Beidh san áireamh sa deimhniú ar chineálcheadú AE, mar cheangaltáin, iad seo a leanas:

(bb) An pacáiste faisnéise dá dtagraítear in Airteagal 21(9);

(cc) Torthaí na tástála;

(dd) Ainm / ainmneacha agus sampla / samplaí de shíniú / sínithe na pearsan / bpearsan atá údaraithe chun deimhnithe comhréireachta a shíniú agus ráiteas maidir lena ról sa chuideachta.

56.         Leagfaidh an Coimisiún síos teimpléad don deimhniú ar cineálcheadú AE.

57.         I ndáil le gach cineál innill, déanfaidh an t‑údarás ceadaithe:

(ee) Ranna uile ábhartha an deimhnithe ar chineálcheadú AE a chomhlánú, lena n‑áirítear bileog na dtorthaí tástála atá iarcheangailte leis;

(ff) An t‑innéacs leis an bpacáiste faisnéise a thiomsú;

(gg) An deimhniú comhlánaithe a eisiúint don iarratasóir gan mhoill, maille leis na ceangaltáin.

58.         I gcás cineálcheadú AE ar cuireadh srianta i bhfeidhm maidir lena bhailíocht i gcomhréir le hAirteagal 33 nó ar tarscaoileadh forálacha áirithe an Rialacháin seo ina leith, sonróidh an deimhniú ar chineálcheadú AE na srianta nó na tarscaoiltí sin.

59.         Cumhachtófar don Choimisiún teimpléid don deimhniú ar chineálcheadú AE agus don bhileog torthaí tástála dá dtagraítear i bpointe (a) de mhír 3 a ghlacadh trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

 

Airteagal 23

Tástálacha is gá do chineálcheadú AE

1.           Léireofar comhlíonadh na n‑orduithe teicniúla ar cinneadh orthu sa Rialachán seo trí bhíthin tástálacha iomchuí arna ndéanamh ag seirbhísí teicniúla ainmnithe.

Na nósanna imeachta tástála teicniúla agus tomhais agus an trealamh agus na huirlisí sonracha atá forordaithe chun na tástálacha sin a dhéanamh, is ionann iad agus iad sin atá leagtha síos in Airteagal 24.

2.           Féachfaidh an monaróir chuige go mbeidh a oiread inneall agus is gá faoi na gníomhartha tarmligthe ábhartha curtha ar fáil don údarás ceadaithe chun na tástálacha is gá a dhéanamh.

3.           Déanfar na tástálacha is gá ar innill atá ionadaíoch ar an gcineál atá le ceadú.

In ainneoin cheanglais na chéad fomhíre, féadfaidh an monaróir, má aontaíonn an t‑údarás ceadaithe, inneall a roghnú a chomhcheanglaíonn roinnt de na gnéithe is míbhuntáistí i ndáil leis an leibhéal feidhmíochta is gá, cé nach ineall ionadaíoch é ar an gcineál atá le ceadú. Féadfar modhanna tástála fíorúla a úsáid chun cabhrú leis an gcinnteoireacht i rith an phróisis roghnaithe.

4.           Chun críocha tástálacha cineálcheadaithe AE a dhéanamh, tá na timthriallta is infheidhme leagtha amach in Iarscríbhinn IV. Taispeánfar sa doiciméad faisnéise ar chineálcheadú AE na timthriallta tástála is infheidhme maidir le gach cineál innill atá san áireamh sa chineálcheadú AE.

5.           Tástálfar an máthairinneall ar dhinimiméadar ag úsáid an timthriall tástála oiriúnach NRSC a sonraíodh in Iarscríbhinn IV ar Thablaí IV-1 go IV-10. De rogha an mhonaróra is féidir an tástáil seo a dhéanamh leis an modh tástála scoite nó leis an modh tástála ramp-mhódúil. Ach amháin i gcásanna a sonraíodh i míreanna 7 agus 8, ní gá inneall luais athraithigh de chatagóir áirithe, arna fheidhmiú i bhfeidhm bhuanluais den chatagóir chéanna, ní gá é a thástáil ag feidhmiú an timthriall tástála buanluais chobhsaí is infheidhme.

6.           I gcás innill bhuanluais le rialtóir is féidir a shocrú ag luasanna malartacha, freastalófar ar cheanglais mhír 5 ag gach buanluas fóirsteanach agus taispeánfaidh an doiciméad faisnéise cineálcheadaithe na luasanna is infheidhme do gach cineál innill.

7.           I gcás innill de chatagóir IWP atá ceaptha chun úsáide d’fheidhmeanna idir luas athraitheach agus bhuanluas, freastalófar go leithleach ar cheanglais mhír 5 do gach timthriall tástála cobhsaí fóirsteanach agus taispeánfaidh an doiciméad faisnéise cineálcheadaithe AE gach timthriall tástála cobhsaí ar comhlíonadh an ceanglas seo ina leith.

8.           I gcás innill de chatagóir IWP a bhfuil cumhacht tagartha is mó ná 560 kW aige agus atá ceaptha, de bhreis ar sin, chun úsáide in áit innill de chatagóir IWA i gcomhréir leis an dara fomhír d'Airteagal 4, comhlíonfar ceanglais mhír (5) ar leithligh do gach timthriall tástála cobhsaí fóirsteanach a shonraítear ar Tháblaí IV-5 agus IV-6 d’Iarscríbhinn IV agus taispeánfaidh an doiciméad faisnéise cineálcheadaithe gach timthriall tástála cobhsaí ar comhlíonadh an ceanglas seo ina leith.

9.           Ach amháin d’innill a cineálcheadaíodh de bhun Airteagail 32(4), de bhreis ar cheanglais mhír 5 a chomhlíonadh, tástálfar freisin ar dhinimiméadar, ag úsáid an timthriall tástála díomuan atá sonraithe ar Thabla IV-11 d’Iarscríbhinn IV, innill luais athraithigh de chatagóir NRE a bhfuil glanchumhacht acu is mó nó is ionann agus 19kW ach nach mó ná 560kW.

10.         De bhreis ar cheanglais mhír 5 a chomhlíonadh, tástálfar freisin ar dhinimiméadar innill d’fhochatagóirí NRS-v-2b agus NRS-v-3 a bhfuil uasluas is lú nó is ionann agus 3400 rpm acu, ag úáid an timthriall tástála díomuan atá sonraithe ar Thábla IV-12 d’Iarscríbhinn IV.

11.         Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 lena leagfar síos sonraíochtaí agus saintréithe mionsonraithe teicniúla na dtimthriallta tástála idir chobhsaí agus díomuan dá dtagraítear sa Airteagal seo. Glacfar na gníomhartha tarmligthe sin faoin [31 Nollaig 2016].

12.         Cumhachtófar don Choimisiún formáid aonair na dtástálacha is gá don chineálcheadú AE a ghlacadh trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

Airteagal 24

Tomhas agus tástálacha a dhéanamh don chineálcheadú AE

60.         Coigeartófar torthaí tástála astaíochtaí saotharlainne do gach inneall atá faoi réir an Rialacháin seo, chun dálaí meathlaithe is iomchuí i leith na dtréimhsí buanfais astaíochta arna sonrú in Iarscríbhinn V a chur san áireamh.

61.         Comhlíonfaidh an cineál innill nó aicme innill teorainneacha astaíochtaí atá leagtha amach sa Rialachán seo maidir leis na breoslaí tagartha iomchuí nó na comhbhreoslaí atá san áireamh ar an liosta seo a leanas:

– díosal;

– peitreal;

– meascán peitril / ola d’innill débhuille spréachadhainte;

– gás nádúrtha / bithmheatán;

– gás peitriliam leachtach (GPL);

– eatánól.

62.         Maidir leis na tomhais agus na tástálacha a dhéanamh, comhlíonfar na ceanglais theicniúla i ndáil leis na gnéithe seo a leanas:

(hh) Gléas agus nósanna imeachta chun na tástálacha a dhéanamh;

(ii) Gléas agus nósanna imeachta chun na hastaíochtaí a thomhas agus a shampláil;

(jj) Modhanna le haghaidh luacháil sonraí agus ríomhanna;

(kk) Modh chun dálaí meathlaithe a bhunú;

(ll) Maidir le hinnill de chatagóir NRE, NRG, IWP, IWA, RLR, NRS, NRSh a chomhlíonann teorainneacha astaíochtaí "Chéim V" mar atá sainmhínithe in Iarscríbhinn II:

i.     modh chun astaíochtaí gás ó chás an chromáin a chur sa chuntas,

ii.    modh chun athghiniúint neamhchoitianta na gcóras iarchóireála a chur sa chuntas;

(mm) Maidir le hinnill a stiúrtar go leictreonach de na catagóirí NRE, NRG, IWP, IWA, RLL agus RLR a chomhlíonann teorainneacha astaíochtaí ‘’Chéim V’’ mar atá sainmhínithe in Iarscríbhinn II agus a úsáideann rialú leictreonach chun idir chainníocht agus uainiú insteallta an bhreosla a shocrú nó a úsáideann rialú leictreonach chun an córas rialaithe astaíochtaí a úsáidtear chun NOx a laghdú a ghníomhachtú, a dhíghníomhachtú nó a mhodhnú:

i.     ceanglais theicniúla ar straitéisí rialaithe astaíochtaí lena n‑áirítear soláthar fianaise doiciméadaí is gá chun na straitéisí sin a léiriú,

ii.    ceanglais theicniúla ar bhearta rialaithe NOx lena n‑áirítear an modh chun na ceanglais theicniúla sin a léiriú,

iii.   ceanglais theicniúla ar an limistéar atá bainteach leis an timthriall NRSC ábhartha, limistéar ina ndéantar rialú ar an méid faoina gceadófar go sáróidh na hastaíochtaí na teorainnluachanna in Iarscríbhinn II,

iv.   an tseirbhís theicniúil do roghnú pointí tomhais breise ó thaobh istigh den limistéar rialaithe i rith tagarthástáil na hastaíochtaí.

63.         Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann leis na nithe seo a leanas a shocrú:

(nn) An mhodheolaíocht chun na torthaí tástála saotharlainne astaíochta a oiriúnú chun na ndálaí meathlaithe dá dtagraítear i mír 1 a chur san áireamh;

(oo) Tréithe teicniúla na mbreoslaí tagartha atá sa liosta sa mhír seo maidir le tástálacha ceadaithe agus comhréireacht an táirgthe dá dtagraítear i mír 2 a fhíorú;

(pp) Na ceanglais agus na tréithe mionsonraithe teicniúla chun na tomhais agus na tástálacha dá dtagraítear i mír 3 a dhéanamh;

(qq) An modh chun líon na gcáithníní a thomhas, ag féachaint do na sonruithe a tugadh i sraith 06 de Rialachán UNECE Uimh. 49;

(rr) Na ceanglais mhionsonraithe theicniúla do thástáil na n‑inneall lán‑ nó páirt‑ghásbhreoslaithe dá dtagraítear in Iarscríbhinn II.

Airteagal 25

Comhréireacht na socruithe táirgthe

1.           Glacfaidh údarás ceadaithe a dheonaíonn cineálcheadú AE na bearta riachtanacha chun a dhearbhú, i gcomhar le húdaráis cheadaithe na mBallstát eile más gá, go ndearnadh socruithe iomchuí chun a dheimhniú go mbeidh na hinnill atá á dtáirgeadh i gcomhréir leis an gcineál ceadaithe maidir le ceanglais an Rialacháin seo.

2.           Glacfaidh údarás ceadaithe a dheonaíonn cineálcheadú AE d’aicme innill na bearta riachtanacha chun a dhearbhú go mbeidh deimhnithe comhréireachta arna n‑eisiúint ag an monaróir i gcomhréir le ceanglais Airteagal 30. Chun na críche sin, dearbhóidh an t‑údarás ceadaithe go bhfuil líon dóthanach samplaí de dheimhnithe comhréireachta i gcomhréir le ceanglais Airteagal 30 agus go ndearna an monaróir socruithe oiriúnacha chun a dheimhniú go bhfuil na sonraí ar na deimhnithe comhréireachta i gceart.

3.           Glacfaidh údarás ceadaithe a dheonaigh cineálcheadú AE na bearta riachtanacha i ndáil leis an gceadú sin chun a fhíorú, i gcomhar le húdaráis cheadaithe na mBallstát eile más gá, go mbíonn na socruithe dá dtagraítear i mír 1 agus mír 2 den Airteagal seo i gcónaí oiriúnach sa chaoi go mbeidh innill atá á dtáirgeadh i gcomhréir leis an gcineál ceadaithe i gcónaí agus go gcomhlíonfaidh deimhnithe comhréireachta ceanglais Airteagal 30 i gcónaí.

4.           D’fhonn a dhearbhú go ndéanann an t‑inneall de réir an chineáil cheadaithe, bheartódh an t‑údarás ceadaithe a dheonaigh an cineálcheadú AE ceann ar bith de na promhaidh nó na tástálacha is gá don chineálcheadú AE ar shamplaí a glacadh ag áitreabh an déantóra lena n‑áirítear áiseanna táirgthe an déantóra.

5.           Nuair a shuíonn údarás ceadaithe a dheonaigh cineálcheadú AE nach bhfuil na socruithe dá dtagraítear i mír 1 agus mír 2 den Airteagal seo á gcur i bhfeidhm, go n‑imíonn siad go suntasach ó na socruithe agus na pleananna rialaithe aontaithe, gur éiríodh as iad a chur i bhfeidhm nó nach meastar iad a bheith oiriúnach a thuilleadh, in ainneoin go bhfuil an táirgeadh ar siúl i gcónaí, glacfaidh sé na bearta is gá chun a áirithiú go leanfar an nós imeachta do chomhréireacht an táirgthe i gceart, é sin nó an cineálcheadú AE a tharraingt siar.

6.           Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 lena leagfar síos na bearta mionsonraithe atá le glacadh agus na nósanna imeachta atá le leanúint ag na húdaráis cheadaithe d’fhonn a áirithiú go mbeidh innill atá á dtáirgeadh i gcomhréir leis an gcineál ceadaithe. Glacfar na gníomhartha tarmligthe sin faoin [31 Nollaig 2016].

CAIBIDIL VI

LEASUITHE AGUS BAILÍOCHT NA gCINEÁLCHEADUITHE AE

Airteagal 26

Forálacha Ginearálta

1.           Cuirfidh an monaróir aon athrú maidir leis na sonraí sa phacáiste faisnéise in iúl don údarás ceadaithe a dheonaigh an cineálcheadú AE gan mhoill.

Socróidh an t‑údarás ceadaithe sin cé acu de na nósanna imeachta ar cinneadh orthu in Airteagal 27 atá le leanúint.

Nuair is gá, féadfaidh go socródh an t‑údarás ceadaithe, i ndiaidh dul i gcomhairle leis an monaróir, go bhfuil cineálcheadú nua AE le deonú.

2.           Ní sheolfar iarratas ar leasú ar an gcineálcheadú AE ach chuig an t‑údarás ceadaithe amháin a dheonaigh an bun‑chineálcheadú AE.

3.           Má chinneann an t‑údarás ceadaithe, chun críocha leasú a dhéanamh, gur gá an t‑iniúchadh nó na tástálacha a athdhéanamh, cuirfidh sé sin in iúl don mhonaróir dá réir sin.

Ní bheidh na nósanna imeachta dá dtagraítear in Airteagal 27 infheidhme ach amháin, má shocraíonn an t‑údarás ceadaithe, ar bhonn na n‑iniúchtaí nó na dtástálacha sin, go bhfuil ceanglais an chineálcheadaithe AE á gcomhlíonadh i gcónaí.

Airteagal 27

Athbhreithnithe agus síneadh ar chineálcheaduithe AE

1.           Más rud é gur athraigh na sonraí a taifeadadh sa phacáiste faisnéise, gan gá iniúchtaí nó tástálacha a athdhéanamh, ainmneofar an leasú mar ‘athbhreithniú’.

I gcásanna dá sórt eiseoidh an t‑údarás ceadaithe leathanaigh athbhreithnithe an phacáiste faisnéise mar is gá, ag cur comhartha ar gach ceann de na leathanaigh athbhreithnithe chun an cineál athraithe agus dáta na hatheisiúna a thaispeáint go soiléir . Measfar go gcomhlíonfaidh leagan comhdhlúite nuashonraithe, a mbeidh tuairisc mhionsonraithe ar na hathruithe ar na hathruithe, an ceanglas seo.

2.           Ainmneofar an leasú mar ‘síneadh’ más rud é gur athraigh na sonraí a taifeadadh sa phacáiste faisnéise agus má tharlaíonn aon cheann díobh seo a leanas:

(ss) Is gá iniúchtaí nó tástálacha breise a dhéanamh;

(tt) D’athraigh aon fhaisnéis maidir leis an deimhniú ar chineálcheadú AE, lasmuigh dá cheangaltáin;

(uu) Ba infheidhme ceanglais nua arna sonrú i ngníomhartha tarmligthe an Rialacháin seo maidir leis an gcineál innill nó an aicme innill atá ceadaithe.

I gcás sínte, eiseoidh an t‑údarás ceadaithe deimhniú ar chineálcheadú AE nuashonraithe arna chomharthú le uimhir an tsínte, arna méadú i gcomhréir le líon na sínte leanúnacha atá deonaithe cheana féin. Taispeánfaidh an deimhniú ceadaithe sin an chúis atá leis an síneadh agus dáta na hatheisiúna go soiléir.

3.           Gach uair a eisítear leathanaigh leasaithe nó leagan nuashonraithe comhdhlúite leasófar dá réir sin an t‑innéacs a ghabhann leis an bpacáiste faisnéise atá ceangailte leis an deimhniú ceadaithe, chun dáta an tsínte nó an athbhreithnithe is deireanaí, nó dáta an chomhdhlúthaithe ar an leagan nuashonraithe is deireanaí, a thaispeáint.

4.           Ní bheidh aon ghá le leasú ar chineálcheadú AE innill nó aicme innill mura mbainfidh na ceanglais nua dá dtagraítear i bpointe (c) de mhír 2 leis an gcineál sin innill nó aicme innill i ndáil le feidhmíocht astaíochta, ón taobh teicniúil de.

Airteagal 28

Leasuithe a eisiúint agus fógra a thabhairt ina leith

1.           I gcás sínte, nuashonrófar míreanna uile ábhartha an deimhnithe ar chineálcheadú AE, na ceangaltáin a ghabhann leis agus an t‑innéacs a ghabhann leis an bpacáiste faisnéise. Eiseofar an deimhniú nuashonraithe agus a cheangaltáin don iarratasóir gan mhoill.

2.           I gcás athbhreithnithe, eiseoidh an t‑údarás ceadaithe don iarratasóir gan mhoill, na doiciméid athbhreithnithe nó an leagan nuashonraithe comhdhlúite mar is cuí, lena n‑áirítear an t‑innéacs athbhreithnithe atá leis an bpacáiste faisnéise.

3.           Cuirfidh an t‑údarás ceadaithe aon leasú a dhéantar ar chineálcheaduithe AE in iúl d’údaráis cheadaithe na mBallstát eile i gcomhréir leis na nósanna imeachta a shonraítear in Airteagal 21.

Airteagal 29

Críoch na bailíochta

1.           Eiseofar cineálcheaduithe AE ar feadh tréimhse neamhtheoranta.

2.           Féadfaidh cineálcheadú innill a bheith neamhbhailí má tharlaíonn aon cheann de na cásanna seo a leanas:

(vv) Is éigeantach feasta ceanglais nua is infheidhme maidir leis an gcineál innill ceadaithe chun go mbeidh sé ar fáil ar an margadh agus ní féidir an cineálcheadú AE a nuashonrú dá réir sin;

(ww) Scoirtear go cinnte agus go deonach de tháirgeadh an chineáil innill nó aicme innill ceadaithe;

(xx) Téann bailíocht an cheadaithe in éag i ngeall ar shrian i gcomhréir le hAirteagal 33(6);

(yy) Tarraingíodh an ceadú siar i gcomhréir le hAirteagal 25(5), Airteagal 37(1) nó Airteagal 38(3).

3.           Nuair bhfuil ach cineál amháin innill taobh istigh d’aicme innill bailí a thuilleadh, ní chaillfidh cineálcheadú AE an aicme innill atá i gceist bailíocht ach amháin a mhéid agus a bhaineann leis an gcineál áirithe innill.

4.           Nuair a scoirtear go cinnte de tháirgeadh cineál áirithe innill, cuirfidh an monaróir é sin in iúl don údarás ceadaithe a dheonaigh cineálcheadú AE don inneall sin.

Taobh istigh de mhí amháin tar éis fógra dá dtagraítear sa chéad fhomhír a fháil, cuirfidh an t‑údarás ceadaithe a dheonaigh cineálcheadú AE don inneall é sin in iúl d’údaráis cheadaithe na mBallstát eile dá réir sin.

5.           Gan dochar do mhír 4, i gcásanna a bhfuil cineálcheadú AE innill nó aicme innill in am a bheith neamhbhailí, cuirfidh an monaróir é sin in iúl don údarás ceadaithe a dheonaigh an cineálcheadú AE.

Seolfaidh an t‑údarás ceadaithe AE a dheonaigh an cineálcheadú AE gach faisnéis ábhartha chuig údaráis cheadaithe na mBallstát eile gan mhoill.

Sonróidh an scéala dá dtagraítear sa dara fomhír go háirithe, dáta táirgthe agus uimhir aitheantais an innill dheireanaigh a táirgeadh.

6.           Measfar na ceanglais dá dtagraítear i mír 4 agus mír 5 a bheith comhlíonta má dhéantar an fhaisnéis ábhartha a uaslódáil chuig ardán riaracháin lárnach an Aontais dá dtagraítear in Airteagal 42. Féadfaidh na doiciméid chumarsáide seo i bhfoirm chomhaid shlán leictreonaigh.

CAIBIDIL VII

DEIMHNIÚ COMHRÉIREACHTA AGUS COMHARTHAÍ

Airteagal 30

Deimhniú comhréireachta

1.           Soláthróidh an monaróir, ina cháil mar shealbhóir chineálcheadú AE cineál innill nó aicme innill, deimhniú comhréireachta a ghabhann le gach inneall a tháirgtear de réir cineál an innill atá ceadaithe.

Soláthrófar deimhniú dá shórt saor in aisce in éineacht leis an inneall agus gabhfaidh sé leis an inneallra ina suiteáiltear an t‑inneall. Ní fhéadfar gá a bheith lena iarraidh go sainráite ná le tuilleadh faisnéise a sheoladh chuig an monaróir chun an deimhniú a sheachadadh.

Ar feadh tréimhse 10 mbliana i ndiaidh dáta táirgthe an innill, eiseoidh monaróir an innill, ar iarraidh shealbhóir an innill, macasamhail den deimhniú comhréireachta in aghaidh íocaíochta nach sáraíonn costas a eisiúna. Beidh an focal ‘macasamhail’ infheicthe go soiléir ar éadan aon deimhniú macasamhla.

2.           Leagfaidh an Coimisiún amach an teimpléid don deimhniú comhréireachta atá le húsáid ag an monaróir.

3.           Déanfar an deimhniú comhréireachta a tharraingt suas in aon teanga amháin ar a laghad de theangacha oifigiúla an Aontais. Féadann aon Bhallstát a iarraidh go n‑aistreofar an deimhniú comhréireachta ina theanga nó ina theangacha oifigiúla féin.

4.           Beidh na pearsana atá údaraithe chun deimhnithe comhréireachta a shíniú ina mbaill d’eagraíocht an mhonaróra agus beidh údarás mar is iomchuí acu ón lucht bainistíochta chun gabháil do fhreagracht dhleathach an mhonaróra go hiomlán maidir leis an dearadh agus an déanamh nó maidir le comhréireacht táirgthe an innill.

5.           Comhlánófar an deimhniú comhréireachta ina iomláine agus ní bheidh san áireamh ann teorainneacha i ndáil le húsáid an innill seachas iad sin a bhforáiltear dóibh sa Rialachán seo nó in aon cheann de na gníomhartha tarmligthe a glacfar de bhun an Rialacháin seo.

6.           Taispeánfaidh an deimhniú comhréireachta ina theideal, i ndáil le gach cineál innill nó aicme innill a ceadaíodh i gcomhréir le hAirteagal 33(2), an leagan ‘Do gach inneall a cineálcheadaíodh i bhfeidhmiú Airteagail 31 de Rialachán (AE) Uimh. xx/xx ó Pharlaimint na hEorpa agus ón gComhairle an [dáta] maidir le ceanglais a bhaineann le teorainneacha astaíochtaí agus cineálcheadú d'innill dócháin inmheánaigh i gcomhair innealra soghluaiste neamhbhóthair (ceadú sealadach)’.

7.           Cumhachtófar don Choimisiún an teimpléid don deimhniú comhréireachta a ghlacadh trí bhíthin gníomhartha cur chun feidhme, lena n‑áirítear na gnéithe teicniúla a dearadh chun an brionnadh a chosc. Chun na críche sin, cuirfidh na gnéithe clódóireachta slándála a chosnaíonn an páipéar a úsáidtear sa deimhniú ar fáil i ngníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

Airteagal 31

Comharthú na n‑inneall

1.           Greamóidh monaróir an innill comhartha de gach aonad a monaraítear i gcomhréir leis an gcineál ceadaithe.

2.           Ní mór do na hinnill an comhartha a cheanglaítear faoin Rialachán seo a bheith orthu sula bhfágfaidís an líne tháirgthe.

3.           Maidir le hinneall atá suiteáilte cheana féin san innealra, féadfar go ngabhfar ionad an innill nó an bhaill innill a bhfuil an comhartha reachtúil air.

4.           Cumhachtófar don Choimisiún an teimpléid don chomharthú dá dtagraítear i mír 1 a ghlacadh trí bhíthin gníomhartha cur chun feidhme, lena n‑áirítear an fhaisnéis éigeantach riachtanach. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

5.           Cumhachtófar freisin don Choimisiún gníomhartha tarmligthe a ghlacadh i gcomhréir le hAirteagal 55 a bhaineann leis na dálaí agus na ceanglais mhionsonraithe theicniúla chun na hinnill nó na comhpháirteanna innill a bhfuil an comhartha dá dtagraítear i mír 3 orthu a athsholáthar. Glacfar na gníomhartha tarmligthe sin faoin [31 Nollaig 2016].

CAIBIDIL VIII

DÍOLÚINTÍ

Airteagal 32

Díolúintí ginearálta

1.           Ní bheidh ceanglais Airteagal 5(2) agus (3) agus Airteagail 17(2) infheidhme maidir le hinnill a úsáideann an t‑arm.

2.           Gan dochar d’fhorálacha Airteagail 31, féadann monaróir inneall a sholáthar, neamhspleách ar a chóras iarchóireála sceite, do OEM.

3.           Ainneoin ceanglais Airteagal 5(3), údaróidh Ballstáit inneall nach bhfuair cineálcheadú AE i gcomhréir leis an Rialachán seo a chur ar an margadh go sealadach, chun críocha tástála allamuigh.

4.           D'ainneoin ceanglais Airteagal 17(2) féadann Ballstáit cineálcheadú AE agus cur ar an margadh na n‑inneall a chomhlíonann teorainnluachanna astaíochtaí ATEX atá sonraithe ar Iarscríbhinn V a údarú, ar choinníoll go mbeidh na hinnill beartaithe lena suiteáil i meaisín atá le húsáid in atmaisféir a d’fhéadfadh a bheith pléascach, mar a sainmhíníodh i dTreoir 2014/34/AE ó Pharlaimint na hEorpa agus ón gComhairle[22], agus deimhniú acu go gcomhlíonann siad na ceanglais seo a leanas go léir:

(zz) Catagóir trealaimh 2 nó 3;

(aaa) Grúpa innill I nó Grúpa innill II;

(bbb) Aicme Teochta T3 nó níos airde (nach mó ná 200°C).

5.           Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann le na sonraí beachta teicniúla agus na coinníollacha:

(ccc) Faoina ndéanfaidh monaróir inneall a sholáthar do OEM neamhspleách ar a chóras iarchóireála sceite, dá dtagraítear i mír 2;

(ddd)Faoina gcuirfear innill nach bhfuil cineálcheadú AE acu a chur ar an margadh go sealadach, chun críocha tástála allamuigh, dá dtagraítear i mír 3;

(eee) cineálcheadú AE agus cur ar an margadh na n‑inneall a chomhlíonann teorainnluachanna astaíochtaí ATEX atá leagtha amach in Iarscríbhinn V, dá dtagraítear i mír 4.

Glacfar na gníomhartha tarmligthe sin faoin [31 Nollaig 2016].

Airteagal 33

Díolúintí do theicneolaíochtaí nua nó coincheapa nua

1.           Féadfaidh monaróir iarratas a dhéanamh ar chineálcheadú i ndáil le cineál innill nó aicme innill a chorpraíonn teicneolaíochtaí nó coincheapa nach bhfuil ag teacht le ceann amháin nó níos mó de cheanglais an Rialacháin seo.

2.           Deonóidh an t‑údarás ceadaithe an cineálcheadú dá dtagraítear i mír 1 má comhlíontar na coinníollacha uile seo a leanas:

(fff) Luann an t‑iarratas na cúiseanna nach dtagann an chineál innill nó aicme innill le ceanglais an Rialacháin seo, de bharr na dteicneolaíochtaí nó na gcoincheap atá i gceist;

(ggg) Cuireann an t‑iarratas síos ar impleachtaí comhshaoil na teicneolaíochta nua agus na bearta a rinneadh d’fhonn leibhéal coibhéiseach cosanta comhshaoil a áirithiú, ar a laghad, agus a sholáthraíonn na ceanglais óna n‑iarrtar an díolúine;

(hhh) Cuirtear tuairiscí ar na tástálacha agus torthaí i láthair a chruthaíonn go gcomhlíontar an choinníoll i bpointe (b).

3.           Beidh deonú cineálcheadaithe dá shórt ag díolmhú teicneolaíochtaí nua nó coincheapa nua faoi réir údarú an Choimisiúin. Tabharfar an t‑údarú sin trí bhíthin gnímh cur chun feidhme.

4.           Féadfaidh an t‑údarás ceadaithe an cineálcheadú a eisiúint agus an cinneadh ar údarú ón gCoimisiún ar feitheamh, ach beidh sé sealadach, ní bheidh sé bailí ach amháin i gcríoch an Bhallstáit sin agus ní bheidh sé bailí ach i ndáil leis an gcineál innill a chuimsíonn an díolúine a iarrtar. Cuirfidh an t‑údarás ceadaithe in iúl don Choimisiún agus do na Ballstáit eile gur eisigh sé cineálcheadú sealadach dá shórt gan mhoill trí bhíthin comhaid a bhfuil an fhaisnéis dá dtagraítear i mír 2 san áireamh ann.

Beidh an nádúr sealadach agus an bhailíocht chríochach teoranta soiléir ó theideal an deimhnithe ar chineálcheadú agus ó theideal an deimhnithe chomhréireachta.

5.           Féadfaidh go mbeartódh údaráis cheadaithe eile glacadh leis an gceadú sealadach dá dtagraítear i mír 4 taobh laistigh dá chríoch féin. Má dhéanann siad amhlaidh, ba cheart dóibh é sin a chur in iúl don údarás ceadaithe ábhartha agus don Choimisiún, i scríbhinn.

6.           Nuair is iomchuí, sonróidh an t‑údarú ón gCoimisiún dá dtagraítear i mír 3 freisin an bhfuil sé faoi réir aon srianta. I ngach cás beidh an cineálcheadú bailí ar feadh 36 mí ar a laghad.

7.           Má bheartaíonn an Coimisiún údarú a dhiúltú, cuirfidh an t‑údarás scéala láithreach chuig sealbhóir an chineálcheadaithe shealadaigh dá dtagraítear i mír 3, má eisíodh ceadú dá shórt, go gcúlghairfear an ceadú sealadach sé mhí i ndiaidh dáta diúltaithe an Choimisiúin.

In ainneoin cinneadh an Choimisiúin an t‑údarú a dhiúltú, is féidir innill a monaraíodh i gcomhréir leis an gceadú sealadach, sula rachaidh a bhailíocht in éag, a chur ar an margadh in aon Bhallstát a ghlac leis an gceadú sealadach.

8.           Measfar na ceanglais dá dtagraítear i mír 4 agus mír 5 a bheith comhlíonta má dhéantar an fhaisnéis ábhartha a uaslódáil chuig ardán riaracháin lárnach an Aontais dá dtagraítear in Airteagal 42. Féadfaidh na doiciméid chumarsáide seo i bhfoirm chomhaid shlán leictreonaigh.

9.           Cumhachtófar don Choimisiún an t‑údarú dá dtagraítear i mír 3 a ghlacadh trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2).

10.         Cumhachtófar don Choimisiún na teimpléid chomhchuibhithe don deimhniú ar chineálcheadú agus don deimhniú comhréireachta dá dtagraítear i mír 4 a ghlacadh trí bhíthin gníomhartha cur chun feidhme, lena n‑áirítear an fhaisnéis éigeantach riachtanach. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

Airteagal 34

Oiriúnú iardain ar ghníomhartha tarmligthe agus ar ghníomhartha cur chun feidhme

1.           Nuair a údaraíonn an Coimisiún díolúine a dheonú de bhun Airteagal 33, glacfaidh sé láithreach na bearta is gá chun na gníomhartha tarmligthe nó cur chun feidhme ábhartha a chur in oiriúint d'fhorbairtí teicneolaíocha.

Nuair a bhaineann an díolúine a údaraíodh faoi théarmaí Airteagal 33 le ceist atá shainmhínithe i rialachán UNECE, molfaidh an Coimisiún leasú ar an rialachán UNECE ábhartha i gcomhréir leis an nós imeachta infheidhme faoi Aontú Athbhreithnithe 1958.

2.           A luaithe agus a dhéanfar leasú ar na gníomhartha ábhartha, cuirfear deireadh le haon srian a forchuireadh i gcinneadh an Choimisiúin ag údarú na díolúine.

Mura ndéanfar na bearta riachtanacha chun na gníomhartha tarmligthe nó cur chun feidhme a oiriúnú, féadann an Coimisiún, ar iarraidh an Bhallstáit a dheonaigh an ceadú, an Ballstát a údarú chun an cinealcheadú a shíneadh, trí bhíthin cinneadh i bhfoirm gnímh cur chun feidhme arna ghlacadh i gcomhréir leis an nós imeachta scrúdúcháin dá dtagraítear in Airteagal 54(2).

CAIBIDIL IX

CUR AR AN MARGADH

Airteagal 35

Oibleagáidí tuairiscithe ar mhonaróirí

Seolfaidh monaróir chuig an údarás ceadaithe a dheonaigh an cineálcheadú AE, taobh istigh de 45 lá i ndiaidh dheireadh gach bliana féilire, agus gan mhoill i ndiaidh gach dáta iarratais nuair a athraíonn ceanglais an Rialacháin seo, agus go díreach i ndiaidh aon dáta breise a shonródh an t‑údarás sin, liosta ina bhfuil raon na n‑uimhreacha aitheantais san áireamh ann do gach cineál innill a táirgeadh i gcomhréir le ceanglais an Rialacháin seo agus i gcomhréir leis an gcineálcheadú AE ó rinneadh an tuarascáil is deireanaí, nó ó bhí feidhm maidir le ceanglais an Rialacháin seo infheidhme den chéad uair.

Nuair nach n‑aithníonn córas códaithe an innill é seo, ní mór don liosta dá dtagraítear sa chéad fhomhír comhghaolta na n‑uimhreacha aitheantais do chineálacha innill nó aicmí innill comhfhreagracha agus d’uimhreacha cineálcheadaithe AE a shonrú.

Léireoidh an liosta dá dtagraítear sa chéad fhomhír go soiléir freisin aon chás ina scoireann an monaróir de chineál ceadaithe innill nó aicme cheadaith innill a tháirgeadh.

Coinneoidh an monaróir cóipeanna de na liostaí ar feadh íosthréimhse 20 bliain ta éis deireadh le bailíocht an chineálcheadaithe AE ábhartha.

Airteagal 36

Bearta fíoraithe

1.           Glacfaidh údarás ceadaithe Ballstáit a dheonaíonn cineálcheadú AE na bearta is gá i ndáil leis an gceadú sin, i gcomhar le húdaráis cheadaithe na mBallstát eile nuair is cuí, chun uimhreacha aitheantais na n‑inneall sin a táirgeadh de réir ceanglais an Rialacháin seo a fhíorú.

2.           D’fhéadfadh fíorú breise ar na huimhreacha aitheantais a bheith ann in éineacht leis an rialú ar chomhréireacht an táirgthe arna shonrú in Airteagal 25.

3.           I ndáil le fíorú na n‑uimhreacha aitheantais, tabharfaidh an monaróir nó gníomhairí an mhonaróra arna mbunú san Aontas, gan mhoill, ar iarratas, an fhaisnéis uile is gá don údarás ceadaithe freagrach maidir le ceannaitheoirí an mhonaróra maille le huimhreacha aitheantais na n‑inneall a thuairiscítear mar innill tháirgthe i gcomhréir le hAirteagal 35. I gcás go ndíoltar innill le monaróir innealra, níl gá le tuilleadh faisnéise.

4.           Mura mbíonn an monaróir, ar iarratas ón údarás ceadaithe, in ann ceanglais maidir le comharthaí innill a shonraítear in Airteagal 31 a fhíorú, féadfar an ceadú a deonaíodh a tharraingt sin i ndáil leis an gcineál nó an aicme innill comhfhreagrach de bhun an Rialacháin seo. Déanfar an nós imeachta faisnéise mar a shonraítear in Airteagal 36(4).

CAIBIDIL X

CLÁSALACHA COSANTA

Airteagal 37

Innill nach bhfuil i gcomhréir leis an gcineál ceadaithe

1.           Nuair nach bhfuil innill, a ngabhann deimhniú comhréireachta leo nó a bhfuil comhartha ceadaithe orthu, i gcomhréir le cineál nó le haicme ceadaithe, glacfaidh an t‑údarás ceadaithe a dheonaigh an cineálcheadú AE na bearta is gá, lena n‑áirítear tarraingt siar an chineálcheadaithe AE nuair nach imleor an ghníomhaíocht a rinne an monaróir, chun a áirithiú go dtabharfar na hinnill atá a dtáirgeadh chun comhréireachta leis an gcineál nó an aicme cheadaithe. Inseoidh údaráis cheadaithe an Bhallstáit sin d'údaráis cheadaithe na mBallstát eile na bearta a glacadh.

2.           Chun críocha mhír 1, measfar ina dteip chun déanamh de réir an chineáil nó na haicme ceadaithe, imeacht ó na sonraí arna leagan amach sa deimhniú ar chineálcheadú AE nó sa phacáiste faisnéise nuair nár údaraíodh imeacht den sórt sin seo i gcomhréir le forálacha Chaibidil VI.

3.           Má shuíonn údarás ceadaithe nach bhfuil innill a ngabhann deimhniú comhréireachta leo nó a bhfuil comhartha ceadaithe orthu, i gcomhréir leis an gcineál nó leis an aicme ceadaithe, féadfaidh sé iarraidh ar an údarás ceadaithe a dheonaigh an cineálcheadú AE a fhíorú go bhfuil innill atá á dtáirgeadh i gcomhréir leis an gcineál nó an aicme ceadaithe i gcónaí. Ach iarraidh den sórt sin a fháil, déanfaidh an t‑údarás ceadaithe a dheonaigh an cineálcheadú AE an ghníomhaíocht riachtanach a luaithe agus is féidir, agus taobh istigh de thrí mhí ó dháta na hiarrata ar a dheireanaí.

4.           Cuirfidh údaráis cheadaithe na mBallstát in iúl dá chéile taobh istigh de mhí amháin faoi aon tarraingt siar cineálcheadaithe AE agus na cúiseanna atá le beart dá shórt.

5.           Má dhíospóideann an t‑údarás ceadaithe a dheonaigh an cineálcheadú AE an neamhchomhréireacht a cuireadh in iúl dó, déanfaidh na Ballstáit ábhartha a ndícheall an díospóid a réiteach. Coinneofar an Coimisiún ar an eolas i gcónaí agus, nuair is gá, tionólfaidh sé comhairlí iomchuí chun a díospóid a réiteach.

Airteagal 38

Innill a athghairm

1.           Nuair a thugtar ar mhonaróir ar deonaíodh cineálcheadú AE dó, i gcomhréir le hAirteagal 20(1) de Rialachán (CE) Uimh. 765/2008, innill a cuireadh ar an margadh a athghairm, bídís suiteáilte nó ná bídís in innealra, toisc go bhfuil na hinnill ina sárú tromchúiseach ar an Rialachán seo i ndáil le cosaint an chomhshaoil, cuirfidh an monaróir sin scéala láithreach chuig an údarás ceadaithe a dheonaigh an cineálcheadú innill AE.

2.           Molfaidh an monaróir don údarás ceadaithe sraith de leigheasanna iomchuí chun an sárú tromchúiseach dá dtagraítear i mír 1 a chur ó éifeacht. Cuirfidh an t‑údarás ceadaithe na leigheasanna molta in iúl d’údaráis cheadaithe na mBallstát eile gan mhoill.

Áiritheoidh na húdaráis cheadaithe go gcuirfear na leigheasanna i gcrích go héifeachtach ina mBallstáit féin.

3.           Má mheastar na leigheasanna a bheith neamhleor nó mura gcuirfidh an t‑údarás ceadaithe ábhartha i gcrích iad sách tapa, cuirfidh sé an méid sin in iúl don údarás ceadaithe a dheonaigh an cineálcheadú AE gan mhoill.

Cuirfidh an t‑údarás ceadaithe a dheonaigh an cineálcheadú AE scéala ansin chuig an monaróir. Mura ndéanfaidh an monaróir bearta ceartaitheacha éifeachtacha a mholadh agus a chur i gcrích ansin, glacfaidh an t‑údarás ceadaithe a dheonaigh an cineálcheadú AE gach beart cosanta is gá, lena n‑áirítear tarraingt siar an chineálcheadaithe AE. I gcás go dtarraingítear siar an cineálcheadú AE, cuirfidh an t‑údarás ceadaithe, taobh istigh de mhí i ndiaidh tarraingt siar den sórt sin, scéala chuig an monaróir, chuig údaráis cheadaithe na mBallstát eile agus chuig an gCoimisiún le litir chláraithe nó le modh leictreonach coibhéiseach.

Airteagal 39

Fógra a thabhairt faoi na cinntí agus na leigheasanna atá ar fáil

1.           Na cinntí uile a glacfar de bhun an Rialacháin seo agus na cinntí uile lena ndiúltaítear nó lena dtarraingítear siar cineálcheadaithe AE, lena dtoirmiscfear nó lena ndéanfar teorannú ar innill a chur ar an margadh nó a éilíonn innill a tharraingt siar ón margadh, luafaidh siad go sonrach na cúiseanna ar a bhfuil siad bunaithe.

2.           Cuirfear scéala chuig an duine ábhartha faoi aon chinneadh den sórt sin agus cuirfear an duine sin ar an eolas, ag an am céanna, faoi na leigheasanna atá ar fáil dó, faoi na dlithe atá i bhfeidhm sa Bhallstát ábhartha agus faoi na teorainneacha ama is ceadaithe d’fheidhmiú leigheasanna den sórt sin.

CAIBIDIL XI

RIALACHÁIN IDIRNÁISIÚNTA AGUS SOLÁTHAR FAISNÉISE TEICNIÚLA

Airteagal 40

Glacadh le cineálcheaduithe innill choibhéisigh

1.           Féadann an tAontas, i bhfianaise comhaontuithe iltaobhacha nó déthaobhacha idir an Aontas agus tríú tíortha, an choibhéis a admháil idir na coinníollacha agus na forálacha do chineálcheadú inneall arna mbunú faoin Rialachán seo agus na nósanna imeachta arna mbunú ag rialacháin idirnáisiúnta agus rialacháin thríú tíortha.

2.           Cineálcheaduithe a deonaíodh agus comharthaíocht atá ceadaithe i gcomhréir le rialachán UNECE nó leasuithe orthu sin ar vótáil an tAontas ar a son nó ar ghlac an tAontas leo mar a sonraíodh sa ghníomh tarmligthe dá dtagraítear i mír 4(a), aithneofar iad a bheith coibhéiseach le cineálcheaduithe a deonaíodh agus le comharthaíocht atá ceadaithe i gcomhréir leis an Rialachán seo.

3.           Aithneofar cineálcheaduithe, a deonaíodh de réir gníomhartha Aontais mar a shonraítear sa ghníomh tarmligthe dá dtagraítear i mír 4(b), a bheith coibhéiseach le cineálcheaduithe a deonaíodh i gcomhréir leis an Rialachán seo.

4.           Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 ina leagfar amach na nithe seo a leanas:

(iii) Liosta de rialacháin UNECE nó leasuithe orthu sin ar vótáil an tAontas ar a son nó ar ghlac an tAontas leo a mbeidh feidhm acu maidir le cineálcheadú inneall nó aicmí inneall atá le suiteáil in innealra soghluaiste neamhbhóthair;

(jjj) Liosta de ghníomhartha an Aontais faoina ndeonaítear cineálcheaduithe.

Glacfar na gníomhartha tarmligthe sin faoin [31 Nollaig 2016].

Airteagal 41

Faisnéis atá dírithe ar OEManna agus ar úsáideoirí deiridh

1.           Ní féidir le monaróir aon fhaisnéis theicniúil a bhaineann leis na sonraí dá bhforáiltear sa Rialachán seo, a imíonn ó na sonraí a cheadaíonn an t‑údarás ceadaithe, a sholáthar do OEManna ná d'úsáideoirí deiridh.

2.           Cuirfidh an monaróir ar fáil do OEManna an fhaisnéis agus na treoracha uile ábhartha is gá do shuiteáil cheart an innill isteach san innealra, lena n‑áirítear tuairisc ar aon choinníollacha nó srianta speisialta atá ceangailte le suiteáil nó úsáid innill.

3.           Cuirfidh monaróirí an fhaisnéis uile ábhartha agus na treoracha riachtanacha atá dírithe ar an úsáideoir deiridh ar fáil do OEManna, go háirithe cinn atá ag cur síos go sonrach ar aon choinníollacha speisialta nó srianta atá ceangailte le húsáid innill.

4.           In ainneoin ceanglais mhír 3, cuirfidh monaróirí luach na n‑astaíochtaí dé-ocsaíde carbóin (CO2) a socraíodh i rith an phróisis chineálcheadaithe AE ar fáil do OEManna agus tabharfaidh siad treoir do OEManna an fhaisnéis seo a thabhairt d’úsáideoir deiridh an innealra nuair atá an t‑inneall ceaptha le bheith suiteáilte.

5.           Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 lena leagfar amach na sonraí faoin bhfaisnéis ábhartha agus na treoracha dá dtagraítear i míreanna 2, 3 agus 4. Glacfar na gníomhartha tarmligthe sin faoin [31 Nollaig 2016].

Airteagal 42

Ardán riaracháin agus bunachar sonraí lárnach an Aontais

1.           Bunóidh an Coimisiún ardán digiteach riaracháin lárnach an Aontais do mhalartú na sonraí agus na faisnéise a bhaineann le cineálcheaduithe AE i bhformáid leictreonach. Úsáidfear an t‑ardán do mhalartú na sonraí agus na faisnéise idir údaráis cheadaithe nó idir údaráis cheadaithe agus an Coimisiún a dhéantar i bhfianaise an Rialacháin seo.

2.           Cuimseoidh ardán digiteach riaracháin lárnach an Aontais bunachar sonraí freisin ina dtiomsófar aon fhaisnéis ábhartha i ndáil le cineálcheaduithe AE a deonaíodh i gcomhréir leis an Rialachán seo go lárnach agus cuirfear ar fáil do na húdaráis cheadaithe agus don Choimisiún í. Nascfaidh an bunachar sonraí bunachair sonraí náisiúnta le bunachar sonraí lárnach an Aontais, nuair a aontaítear é seo leis na Ballstáit lena mbaineann.

3.           Tar éis mír 1 agus mír 2 a chur i gcrích, leathnóidh an Coimisiún ardán digiteach riaracháin lárnach an Aontais le módúil lena mbeifear in ann:

(kkk) Na sonraí agus an fhaisnéis dá dtagraítear sa Rialachán seo a mhalartú idir monaróirí, seirbhísí teicniúla, údaráis cheadaithe agus an Coimisiún;

(lll) rochtain a chur ar fáil don phobal ar fhaisnéis agus ar shonraí áirithe a bhaineann le torthaí cineálcheaduithe agus tástálacha comhréireachta inseirbhíse.

4.           Cumhachtófar na ceanglais mhionsonraithe theicniúla agus na nósanna imeachta is gá chun ardán riaracháin lárnach an Aontais agus an bunachar sonraí dá dtagraítear san Airteagal seo a ghlacadh trí bhíthin gníomhartha cur chun feidhme. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 54(2) faoin [31 Nollaig 2016].

CAIBIDIL XII

SEIRBHÍSÍ TEICNIÚLA A AINMNIÚ AGUS FÓGRA A THABHAIRT INA LEITH

Airteagal 43

Ceanglais i ndáil le seirbhísí teicniúla

1.           Áiritheoidh údaráis cheadaithe, sula n‑ainmneoidh siad seirbhís theicniúil de bhun Airteagal 45, go gcomhlíonann an tseirbhís theicniúil na ceanglais a shonraítear i mír 2 go mír 9 den Airteagal seo.

2.           Gan dochar d’Airteagal 46(1) bunófar seirbhís theicniúil faoi dhlí náisiúnta Ballstáit agus beidh pearsantacht dhlítheanach aici.

3.           Beidh seirbhís theicniúil ina chomhlacht triú páirtí a bheidh neamhspleách ar phróiseas an deartha, na monaraíochta, an tsoláthair nó cothabhála innill a mheasúnaíonn sí.

Comhlacht, ar le cumann gnó nó cónaidhm ghairmiúil é, ag feidhmiú thar ceann gnóthas a bhaineann le dearadh, monarú, soláthar, cóimeáil, úsáid nó cothabháil inneall a mheasúnaíonn, a thástálann nó a iniúchann sé, féadfar a mheas go gcomhlíonann sé ceanglais na chéad fhomhíre, ar choinníoll go léirítear a neamhspleáchas agus easpa aon choinbhleacht leasa.

4.           Ní bheidh an tseirbhís theicniúil ná an bhainistíocht ardleibhéil ná an pearsanra atá freagrach as na catagóirí gníomhaíochtaí dá n‑ainmnítear iad i gcomhréir le hAirteagal 45(1) a dhéanamh a bheith ina dearthóir, soláthraí nó cothabhálaí ar na hinnill a mheasúnaíonn sí agus ní fheidhmeoidh sí thar ceann páirtithe a bhíonn ag gabháil do na gníomhaíochtaí sin. Ní choiscfidh sé seo úsáid na n‑inneall measúnaithe dá dtagraítear i mír 3 den Airteagal seo, is gá d’oibriú na seirbhíse teicniúla nó úsáid inneall dá sórt chun críocha pearsanta.

Áiritheoidh seirbhís theicniúil nach ndéanfar imeachtaí a fhochuideachtaí ná a fhochonraitheoirí difear do rúndacht, oibiachtúlacht nó neamhchlaontacht na gcatagóirí gníomhaíochtaí dár ainmníodh í.

5.           Déanfaidh seirbhís theicniúil agus an pearsanra na catagóirí gníomhaíochtaí dár ainmníodh í leis an ionracas gairmiúil is mó is féidir agus an inniúlacht theicniúil riachtanach sa réimse sonrach agus beidh sí saor ó gach brú agus mealladh, ó thaobh airgid ach go háirithe, a mbeadh tionchar acu ar a bhreithiúnas nó ar thorthaí a imeachtaí measúnaithe, brú agus mealladh go háirithe ó dhaoine nó grúpaí daoine ar leas dóibh torthaí na n‑imeachtaí sin.

6.           Taispeánfaidh seirbhís theicniúil go bhfuil sí in ann an réimse uile catagóirí gníomhaíochtaí dár ainmníodh í i gcomhréir le hAirteagal 45(1) a dhéanamh, trí thaispeáint chun sástachta a údaráis cheadaithe ainmnithe go bhfuil na nithe seo a leanas aici:

(mmm) Pearsanra a bhfuil na scileanna iomchuí agus eolas teicniúil sonrach agus oiliúint ghairmeach acu, chomh maith le taithí imleor chuí, chun an tasc a chur i gcrích;

(nnn) tuairiscí ar na nósanna imeachta atá ábhartha do na catagóirí gníomhaíochtaí dá n‑iarann sé a bheith ainmnithe, ag áirithiú trédhearcacht agus in‑atáirgtheacht na nósanna imeachta sin dá réir sin;

(ooo) Nósanna imeachta d’fheidhmíocht na gcatagóirí gníomhaíochtaí dá n‑iarrann sé a bheith ainmnithe, a chuireann san áireamh go cuí céim chastachta theicneolaíocht an innill atá i gceist, bíodh an t‑inneall á mhonarú in ollphróiseas táirgthe nó i bpróiseas táirgthe srathach; agus

(ppp) An modh is gá chun na tascanna atá bainteach leis na gcatagóirí gníomhaíochtaí dá n‑iarrann sé a bheith ainmnithe a fheidhmiú ar mhodh iomchuí agus go mbíonn rochtain aige ar an trealamh uile nó na háiseanna is gá.

De bhreis ar sin, taispeánfaidh sé don údarás ceadaithe ainmnithe a chomhréireacht leis na caighdeáin a shonraítear sna gníomhartha tarmligthe a glacadh de bhun Airteagail 46 atá ábhartha maidir leis na catagóirí gníomhaíochtaí dá n‑ainmnítear é.

7.           Ráthófar neamhchlaontacht na seirbhísí teicniúla, an bhainistíocht ardleibhéil agus an pearsanra measúnaithe. Ní ghabhfaidh siad d’aon ghníomhaíocht a thiocfaidh salach ar neamhspleáchas a mbreithiúnais ná a n‑ionracais i ndáil leis na catagóirí imeachtaí dá n‑ainmnítear iad.

8.           Rachaidh na seirbhísí teicniúla faoi árachas dliteanais a bhaineann lena ngníomhaíochtaí mura ndéanfaidh an Ballstát talamh slán den dliteanas i gcomhréir leis an dlí náisiúnta, nó go bhfuil an Ballstát féin freagrach go díreach as an measúnú comhréireachta.

9.           Coinneoidh pearsanra seirbhíse teicniúla rúndacht ghairmiúil i ndáil le gach faisnéis a fuarthas agus iad i mbun a gcuid tascanna faoin Rialachán seo nó aon fhoráil den dlí náisiúnta a thugann feidhm di, ach amháin, i ndáil leis an údarás ceadaithe ainmnithe nó nuair a éilíonn dlí an Aontais nó dlí náisiúnta é. Cosnófar cearta dílseánaigh.

Airteagal 44

Fochomhlachtaí agus fochonraitheoirí na seirbhísí teicniúla

1.           Ní fhéadfaidh seirbhísí teicniúla roinnt de na gníomhaíochtaí dár ainmníodh iad i gcomhréir le hAirteagal 45(1) a ligean ar fhochonradh nó a thabhairt d'fhochomhlacht lena ndéanamh ach amháin le comhaontú an údaráis cheadaithe ainmnithe.

2.           Nuair a ligeann seirbhís theicniúil tascanna sonracha a bhaineann leis na catagóirí gníomhaíochtaí dár ainmníodh é ar fhochonradh, nó má théann sí i muinín fochomhlachta, deimhneoidh sí go gcomhlíonann an fochonraitheoir nó an fochomhlacht na ceanglais atá leagtha amach in Airteagal 43 agus cuirfidh sé scéala chuig an údarás ceadaithe dá réir sin.

3.           Beidh seirbhísí teicniúla lánfhreagrach as tascanna a dhéanann aon cheann dá bhfochonraitheoirí nó dá bhfochomhlachtaí, cibé áit ina bhfuil siad bunaithe.

4.           Coinneoidh seirbhísí teicniúla na doiciméid ábhartha ar fáil don údarás ceadaithe ainmnithe a bhaineann le measúnú ar cháilíochtaí an fhochonraitheora nó an fhochomhlachta agus na tascanna a dhéanann siad.

Airteagal 45

Ainmniú na seirbhísí teicniúla

1.           Ainmneofar seirbhísí teicniúla do cheann amháin nó níos mó de na catagóirí gníomhaíochtaí seo a leanas ag brath ar réimse na hinniúlachta:

(qqq) catagóir A: seirbhísí teicniúla a dhéanann na tástálacha dá dtagraítear sa Rialachán seo ina n‑áiseanna féin;

(rrr) catagóir B: seirbhísí teicniúla a mhaoirsíonn na tástálacha dá dtagraítear sa Rialachán seo, nuair a dhéantar tástálacha den sórt sin in áiseanna an mhonaróra nó in áiseanna tríú páirtí;

(sss) catagóir C: seirbhísí teicniúla a mheasúnaíonn nó a dhéanann faireachán, ar bhonn rialta, ar nósanna imeachta an mhonaróra chun comhréireacht an táirgthe a rialú;

(ttt) catagóir D: seirbhísí teicniúla a mhaoirsíonn nó a dhéanann tástálacha nó iniúchtaí chun faireachas a dhéanamh ar chomhréireacht an táirgthe.

2.           Féadfaidh údarás ceadaithe a ainmniú ina sheirbhís theicniúil maidir le ceann amháin nó níos mó de na gníomhaíochtaí dá dtagraítear i mír 1.

3.           Féadfar fógra a thabhairt do sheirbhísí teicniúla tríú tíre, seachas iad sin a ainmníodh i gcomhréir le hAirteagal 45, ar chuntar amháin go bhfuil foráil i gcomhaontú déthaobhach idir an Aontas agus an tríú tír ábhartha maidir le seirbhísí teicniúla a ghlacadh ar an gcaoi sin. Ní choiscfidh sé seo seirbhís theicniúil arna bhunú faoi dhlí náisiúnta Ballstáit i gcomhréir le hAirteagal 43(2) ó fhochomhlachtaí a bhunú i dtríú tíortha ar chuntar go ndéanann an tseirbhís theicniúil ainmnithe bainistiú agus rialú díreach orthu.

Airteagal 46

Seirbhísí creidiúnaithe inmheánacha an mhonaróra

1.           Ní ainmneofar seirbhís theicniúil inmheánach chreidiúnaithe monaróra ach amháin i gcás gníomhaíochtaí chatagóir A i ndáil le ceanglais theicniúla lena gceadaítear féintástáil ina leith faoi ghníomh tarmligthe a glacadh de bhun an Rialacháin seo. Beidh an tseirbhís theicniúil sin ina chuid ar leith agus éagsúil den ghnóthas agus ní bheidh aon pháirt aige i ndearadh, monarú, soláthar nó cothabháil na n‑inneall a mheasúnaíonn sí.

2.           Comhlíonfaidh seirbhís theicniúil inmheánach chreidiúnaithe na ceanglais seo a leanas:

(uuu) De bhreis ar a bheith ainmnithe ag údarás ceadaithe Ballstáit, beidh sé creidiúnaithe ag comhlacht creidiúnaithe náisiúnta mar a shainmhínítear i bpointe 11 d'Airteagal 2 de Rialachán (CE) Uimh. 765/2008 agus i gcomhréir leis na caighdeáin agus an nós imeachta dá dtagraítear in Airteagal 47 den Rialachán seo;

(vvv) Beidh an tseirbhís theicniúil inmheánach chreidiúnaithe inaitheanta ó thaobh na heagraíochta agus beidh aige modhanna tuairiscithe ar cuid iad de na modhanna seo agus iad á mbeartú a áiritheoidh a neamhchlaontacht agus a thaispeánann é don chomhlacht creidiúnaithe náisiúnta ábhartha;

(www) Ní ghabhfaidh an tseirbhís theicniúil inmheánach chreidiúnaithe ná an pearsanra d’aon ghníomhaíocht a thiocfadh salach ar a neamhspleáchas breithiúnais nó ionracais i ndáil leis na catagóirí gníomhaíochtaí dár ainmníodh iad;

(xxx) Cuirfidh an tseirbhís theicniúil inmheánach chreidiúnaithe a sheirbhísí ar fáil go heisiach don ghnóthas ar cuid de í.

3.           Ní gá fógra a thabhairt don Choimisiún i ndáil le seirbhís theicniúil inmheánach chreidiúnaithe ach amháin chun críocha Airteagal 49, ach tabharfaidh an gnóthas ar cuid de í nó an comhlacht creidiúnaithe náisiúnta, faisnéis a bhaineann lena chreidiúnú, don údarás ceadaithe ainmniúcháin, ar iarraidh an údaráis sin.

4.           Cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 lena leagfar síos na ceanglais theicniúla a bhfuil féintástáil,ceadaithe ina leith, dá dtagraítear i mír 1. Glacfar na gníomhartha tarmligthe sin faoin [31 Nollaig 2016].

Airteagal 47

Nósanna imeachta do chaighdeáin feidhmíochta agus do mheasúnú na seirbhísí teicniúla

D’fhonn a áirithiú go gcomhlíonfaidh na seirbhísí teicniúla an leibhéal ard céanna de chaighdeáin feidhmíochta i ngach Ballstát, cumhachtófar don Choimisiún gníomhartha tarmligthe a ghlacadh i gcomhréir le hAirteagal 55 a bhaineann leis na caighdeáin nach mór do na seirbhísí teicniúla a chomhlíonadh agus an nós imeachta don mheasúnú orthu i gcomhréir le hAirteagal 48 agus dá chreidiúnú i gcomhréir le hAirteagal 46.

Airteagal 48

Measúnú ar scileanna na seirbhísí teicniúla

1.           Tarraingeoidh an t‑údarás ceadaithe ainmniúcháin suas tuarascáil mheasúnaithe ag taispeáint gur measúnaíodh an tseirbhís theicniúil is iarrthóir maidir lena chomhréireacht le ceanglais an Rialacháin seo agus na gníomhartha tarmligthe a glacadh de bhun an Rialacháin seo. Féadfaidh deimhniú creidiúnaithe a d’eisigh comhlacht creidiúnaithe a bheith san áireamh sa tuarascáil sin.

2.           Déanfar an measúnú ar a bhfuil an tuarascáil dá dtagraítear i mír 1 bunaithe i gcomhréir leis na forálacha arna sonrú i ngníomh tarmligthe a glacfar de bhun Airteagail 55. Athbhreithneofar an tuarascáil mheasúnaithe gach trí bliana ar a laghad.

3.           Cuirfear an tuarascáil chuig an gCoimisiún ar iarraidh. I gcásanna den sórt sin, nuair nach bhfuil an measúnú bunaithe ar dheimhniú creidiúnaithe arna eisiúint ag comhlacht náisiúnta creidiúnaithe ag dearbhú go gcomhlíonann an tseirbhís theicniúil ceanglais an Rialacháin seo, cuirfidh an t‑údarás ceadaithe ainmniúcháin ar fáil don Choimisiún fianaise dhoiciméadach a dhearbhaíonn inniúlacht na seirbhíse teicniúla agus na socruithe atá suite chun a dheimhniú go ndéanann an t‑údarás ceadaithe ainmniúcháin faireachán rialta ar an tseirbhís theicniúil agus go gcomhlíonann sé ceanglais an Rialacháin seo agus na gníomhartha a glacfar de bhun an Rialacháin seo.

4.           Soláthróidh údarás ceadaithe a bhfuil sé ar intinn aige a bheith ainmnithe mar sheirbhís theicniúil i gcomhréir le hAirteagal 45(2), doiciméid ar chomhréireacht trí mheasúnú á sheoladh ag iniúchóirí, neamhspleách ar an ngníomhaíocht atá á measúnú. Is féidir d’iniúchóirí den sórt sin a bheith san eagraíocht chéanna ar chuntar go ndéantar iad a bhainistiú ar leithligh ón bpearsanra atá i mbun na gníomhaíochta measúnaithe.

5.           Comhlíonfaidh seirbhís theicniúil inmheánach chreidiúnaithe forálacha ábhartha an Airteagail seo.

Airteagal 49

Nósanna imeachta maidir le fógra a thabhairt

1.           Tabharfaidh Ballstáit fógra don Choimisiún maidir le hainm agus seoladh, lena n‑áirítear seoladh leictreonach, na pearsana freagracha agus an chatagóir gníomhaíochtaí i ndáil le gach seirbhís theicniúil a d’ainmnigh siad, chomh maith le haon mhodhnuithe ina dhiaidh sin ar na hainmnithe sin.

2.           Ní sheolfaidh seirbhís theicniúil na himeachtaí dá dtagraítear in Airteagal 45(1) thar ceann an údaráis cheadaithe ainmniúcháin atá freagrach as cineálcheadú AE, ach amháin má cuireadh in iúl é roimh ré don Choimisiún i gcomhréir le mír 1 den Airteagal seo.

3.           Féadfaidh go n‑ainmneodh a lán údarás ceadaithe ainmniúcháin an tseirbhís theicniúil chéanna agus go dtabharfaidh Ballstáit na n‑údarás sin fógra ina leith, beag beann ar an gcatagóir nó catagóirí gníomhaíochtaí a dhéanfaidh sé i gcomhréir le hAirteagal 45(1).

4.           Cuirfear scéala chuig an gCoimisiún faoi aon athruithe ábhartha ina dhiaidh sin ar an ainmniú.

5.           Nuair is gá d’eagraíocht sonrach nó do chomhlacht inniúil, a dhéanann gníomhaíochtaí nach n‑áirítear orthu siúd dá dtagraítear in Airteagal 45(1), a ainmniú chun gníomh tarmligthe a chur i bhfeidhm, déanfar an fógra a thabhairt i gcomhréir leis an Airteagal seo.

6.           Foilseoidh an Coimisiún ar a shuíomh idirlín liosta agus mionsonraí na seirbhísí teicniúla ar tugadh fógra ina leith i gcomhréir leis an Airteagal seo.

Airteagal 50

Athruithe ar na hainmnithe

1.           Nuair atá sé faighte amach ag údarás ceadaithe nó nuair a insíodh dó nach gcomhlíonann seirbhís theicniúil a d’ainmnigh sé na ceanglais arna sonrú sa Rialachán seo a thuilleadh nó nach bhfuil ag éirí leis a chuid dualgas a chomhlíonadh, déanfaidh an t‑údarás ceadaithe ainmniúcháin an t‑ainmniú a theorannú, a chur ar fionraí nó a tharraingt siar mar is iomchuí, ag brath ar thromchúis na teipe na ceanglais sin nó na dualgais sin a chomhlíonadh. Cuirfidh an Ballstát a thug fógra faoin tseirbhís theicniúil seo scéala láithreach chuig an gCoimisiún dá réir sin. Déanfaidh an Coimisiún an fhaisnéis fhoilsithe dá dtagraítear in Airteagal 49(6) a mhodhnú dá réir sin.

2.           I gcás ainmniú a theorannú, a chur ar fionraí nó a tharraingt siar nó nuair a scoir an tseirbhís theicniúil dá ghníomhaíocht, glacfaidh an t‑údarás ceadaithe ainmiúcháin na bearta cuí chun a áirithiú go bpróiseálann seirbhís theicniúil eile comhaid na seirbhíse teicniúla sin nó go gcoinnítear ar fáil don údarás ceadaithe ainmniúcháin iad nó do na húdaráis um fhaireachas margaidh má iarrann sé sin.

Airteagal 51

Dúshlán d’inniúlacht na seirbhísí teicniúla

1.           Fiosróidh an Coimisiún gach cás ina mbíonn amhrais air nó ina dtugtar dá aire cúis amhrais i ndáil le hinniúlacht seirbhíse teicniúla nó comhlíonadh na gceanglas agus na bhfreagrachtaí a bhfuil sé faoina réir do sheirbhís theicniúil.

2.           Soláthróidh Ballstát an údaráis cheadaithe ainmniúcháin, don Choimisiún, ar iarraidh, gach faisnéis a bhaineann leis an mbonn atá le hainmniú na seirbhíse teicniúla ábhartha nó leis an ainmniú sin a choinneáil.

3.           Áiritheoidh an Coimisiún go bpléifear go rúnda le gach faisnéis íogair a gheofar le linn a chuid fiosruithe.

4.           Má fhaigheann an Coimisiún amach nach gcomhlíonann seirbhís theicniúil na ceanglais atá ann dá ainmniú, nó nach gcomhlíonann sí a thuilleadh iad, cuirfidh sé scéala chuig Ballstát an údaráis cheadaithe ainmniúcháin dá réir sin d’fhonn na bearta ceartaitheacha is gá a bhunú, i gcomhar leis an mBallstát sin agus iarrfaidh sé ar an mBallstát sin na bearta ceartaitheacha sin a ghlacadh, lena n‑áirítear tarraingt siar an ainmnithe más gá.

Airteagal 52

Oibleagáidí oibríochtúla na seirbhísí teicniúla

1.           Tabharfaidh seirbhísí teicniúla faoi na catagóirí gníomhaíochtaí dár ainmníodh iad thar ceann an údaráis cheadúchain ag ainmniú agus i gcomhréir leis an measúnú agus na nósanna imeachta tástála dá bhforáiltear sa Rialachán seo agus ina ghníomhartha tarmligthe.

Déanfaidh seirbhísí teicniúla maoirseacht ar na tástálacha is gá don cheadú nó d’iniúchtaí atá leagtha amach sa Rialachán seo nó i gceann amháin de na gníomhartha tarmligthe a ghabhann leis, nó déanfaidh siad féin iad, ach amháin i gcás go gceadaítear a mhalairt de nósanna imeachta. Ní dhéanfaidh na seirbhísí teicniúla tástálacha, measúnuithe ná iniúchtaí nach ndearna an t‑údarás ceadaithe iad a ainmniú cuí ina leith.

2.           Déanfaidh seirbhísí teicniúla na nithe seo a leanas i gcónaí:

(yyy) Cead a thabhairt don údarás ceadaithe ainmniúcháin an tseirbhís theicniúil a fhianú i rith an mheasúnú chomhréireachta mar is cuí; agus

(zzz) Gan dochar d’Airteagal 43(9) agus d’Airteagal 53, an cineál faisnéise maidir leis na catagóirí gníomhaíochtaí a thagann faoin Rialachán seo a sholáthar don údarás ceadaithe ainmniúcháin, de réir mar a iarrtar sin.

3.           Nuair a fhaigheann seirbhís theicniúil amach nár chomhlíon monaróir na ceanglais atá leagtha síos sa Rialachán seo, cuirfidh sí é sin in iúl don údarás ceadaithe ainmniúcháin sa chaoi go ndéanfaidh t‑údarás sin éileamh ar an monaróir bearta ceartaitheacha oiriúnacha a ghlacadh agus gan deimhniú ar chineálcheadú AE a eisiúint ina dhiaidh sin murar glacadh bearta ceartaitheacha iomchuí chun sástacht an údaráis cheadaithe.

4.           Nuair a fhaigheann seirbhís theicniúil, ag feidhmiú thar ceann an údaráis cheadaithe ag ainmniú, amach le linn faireachán a dhéanamh ar chomhréireacht an táirgthe i ndiaidh deimhniú ar chineálcheadú AE a eisiúint, nach gcomhlíonann inneall an Rialachán seo a thuilleadh, cuirfidh sí é in iúl don údarás ceadaithe ainmniúcháin. Déanfaidh an t‑údarás ceadaithe na bearta cuí dá bhforáiltear in Airteagal 25.

Airteagal 53

Oibleagáidí faisnéise na seirbhísí teicniúla

1.           Cuirfidh seirbhísí teicniúla an méid seo a leanas in iúl don údarás ceadaithe ainmniúcháin:

(aaaa) Aon neamhchomhréireacht ar thángthas roimhe lena bhféadfadh gá a bheith le deimhniú ar chineálcheadú AE a dhiúltú, a theorannú, a chur ar fionraí nó a tharraingt siar;

(bbbb) Aon chúinsí a théann i bhfeidhm ar raon feidhme nó coinníollacha a n‑ainmnithe;

(cccc) Aon iarraidh ar fhaisnéis a fuair siad ó údaráis um fhaireachas margaidh i ndáil lena gcuid gníomhaíochtaí.

2.           Ar iarraidh ón údarás ceadaithe ainmniúcháin, soláthróidh seirbhísí teicniúla faisnéis ar na gníomhaíochtaí laistigh de raon feidhme a n‑ainmniú agus ar aon ghníomhaíocht eile a rinneadh, lena n‑áirítear imeachtaí trasteorann agus fochonrú.

CAIBIDIL XIII

GNÍOMHARTHA CUR CHUN FEIDHME AGUS GNÍOMHARTHA TARMLIGTHE

Airteagal 54

Nós imeachta coiste

1.           Tabharfaidh an 'Coiste Teicniúil - Mótarfheithiclí' a bunaíodh faoi Airteagal 40(1) de Threoir 2007/46/CE ó Pharlaimint na hEorpa agus ón gComhairle cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.           I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

Airteagal 55

An tarmligean a fheidhmiú

1.           Is faoi réir na gcoinníollacha a leagtar síos san Airteagal seo a thugtar an chumhacht don Choimisiún chun gníomhartha tarmligthe a ghlacadh.

2.           Déanfar an chumhacht chun gníomhartha tarmligthe a ghlacadh dá dtagraítear in Airteagal 3, Airteagal 17(5), Airteagal 18(2), Airteagal 23(11), Airteagal 24(4), Airteagal 25(6), Airteagal 31(5), Airteagal 32(5), Airteagal 40(4), Airteagal 41(5), Airteagal 46(4) agus Airteagal 47 a thabhairt don Choimisiún go ceann tréimhse cúig bliana amhail ón [iontráil dáta: teacht i bhfeidhm].

3.           Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 3, Airteagal 17(5), Airteagal 18(2), Airteagal 23(11), Airteagal 24(4), Airteagal 25(6), Airteagal 31(5), Airteagal 32(5), Airteagal 40(4), Airteagal 41(5), Airteagal 46(4) agus Airteagal 47  a chúlghairm aon tráth. Déanfaidh cinneadh chun cúlghairm a dhéanamh deireadh a chur le tarmligean na cumhachta atá sonraithe sa chinneadh sin. Gabhfaidh éifeacht leis an lá tar éis fhoilsiú an chinnidh in Iris Oifigiúil an Aontais Eorpaigh nó ar dháta is déanaí a shonrófar sa chinneadh. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana féin.

4.           A luaithe a ghlacfaidh sé gníomh tarmligthe, tabharfaidh an Coimisiún fógra do Pharlaimint na hEorpa agus don Chomhairle ina leith an tráth céanna.

5.           Ní thiocfaidh gníomh tarmligthe a ghlactar de bhun Airteagal 3, Airteagal 17(5), Airteagal 18(2), Airteagal 23(11), Airteagal 24(4), Airteagal 25(6), Airteagal 31(5), Airteagal 32(5), Airteagal 40(4), Airteagal 41(5), Airteagal 46(4) agus Airteagal 47 i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse dhá mhí tar éis fógra faoin ngníomh sin a thabhairt do Pharlaimint na hEorpa agus don Chomhairle nó más rud é, roimh dheireadh na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Déanfar an tréimhse sin a fhadú dhá mhí ar thionscnamh Pharlaimint na hEorpa nó na Comhairle.

CAIBIDIL XIV

FORÁLACHA CRÍOCHNAITHEACHA

Airteagal 56

Pionóis

1.           Déanfaidh na Ballstáit foráil do phionóis i leith sárú an Rialacháin seo ó oibritheoirí eacnamaíocha nó ó OEManna. Déanfaidh siad na bearta uile is gá chun a áirithiú go gcuirfear na pionóis chun feidhme. Beidh na pionóis dá bhforáiltear éifeachtach, comhréireach agus athchomhairleach. Tabharfaidh na Ballstáit fógra don Choimisiún maidir leis na forálacha sin faoin [iontráil dáta: 2 bliain tar éis a theacht i bhfeidhm] agus tabharfaidh siad fógra don Choimisiún gan mhoill faoi aon leasú ina dhiaidh sin a dhéanann difear dóibh.

2.           I measc na cineálacha saruithe atá faoi réir pionóis, beidh:

(dddd) Ráitis bhréige a dhéanamh, go háirithe i rith nósanna imeachta ceadaithe, nósanna imeachta a dtagann athghairm dá mbarr nó nósanna imeachta a bhaineann le díolúintí;

(eeee) Torthaí tástála don chineálcheadú AE nó don chomhréireacht inseirbhíse a bhréagnú;

(ffff) Dálaí nó sonraí teicniúla a choinneáil siar a dtiocfadh athghairm, diúltú nó tarraingt siar cineálcheadaithe AE dá bharr;

(gggg) straitéisí uathmhaolaithe a úsáid;

(hhhh) rochtain ar fhaisnéis a dhiúltú;

(iiii) innill atá faoi réir ceadaithe a chur ar an margadh gan cheadú den sórt sin nó doiciméid nó comharthaí a bhréagnú chun na críche sin;

(jjjj) inneall idirthréimhse agus innealra ina suiteáiltear na hinnill seo a chur ar an margadh, ag sárú forálacha díolúine;

(kkkk) srianta úsáide an innill, mar atá leagtha amach in Airteagal 4, a shárú;

(llll) inneall a mhodhnú sa chaoi nach bhfuil an t‑inneall i gcomhréir le sonraíochtaí a chineálcheadaithe a thuilleadh;

(mmmm) inneal a shuiteáil in innealra i gcomhair úsáide nach í an úsáid eisiach dá bhforáitlear in Airteagal 4 í;

(nnnn) inneall a chur ar an margadh faoi Airteagal 32(4) le húsáid i bhfeidhm nach raibh coinne leis san Airteagal sin.

Airteagal 57

Forálacha idirthréimhseacha

1.           Gan dochar do na forálacha i gCaibidil II agus Caibidil III ní fhágfaidh an Rialachán seo neamhbhailí aon chineálcheadú AE roimh na dátaí chun na hinnill dá dtagraítear in Iarscríbhinn III a chur ar an margadh.

2.           Féadfaidh údaráis cheadaithe leanúint orthu ag deonú cineálcheaduithe, i gcomhréir leis an reachtaíocht ábhartha is infheidhme ar dháta theacht i bhfeidhm an Rialacháin seo go dtí na dátaí éigeantacha do chineálcheadú AE na n‑inneall dá dtagraítear in Iarscríbhinn III.

3.           De mhaolú ón Rialachán seo, is féidir innill a bhfuil cineálcheadú AE faighte acu cheana féin de bhun na reachtaíochta ábhartha is infheidhme ar dháta theacht i bhfeidhm an Rialacháin seo, nó a chomhlíonann na ceanglais atá leagtha amach ag an gCoimisiún Lárnach um Loingseoireacht na Réine (CCNR) agus a glacadh mar CCNR Céim II, i bhfianaise Choinbhinsiún Mannheim do loingseoireacht na Réine, is féidir leanúint á gcur ar an margadh go dtí na dátaí chun innill a chur ar an margadh dá dtagraítear in Iarscríbhinn III.

I gcás den sórt sin, ní chuirfidh na húdaráis náisiúnta toirmeasc, bac ná srianadh ar innill atá i gcomhréir leis an gcineál ceadaithe a chur ar an margadh.

4.           Is féidir leanúint d’innill nach bhfuil faoi réir cineálcheadaithe ar leibhéal an Aontais ar dháta theacht i bhfeidhm an Rialacháin seo, a chur ar an margadh ar bhonn na rialacha náisiúnta atá i bhfeidhm, más ann dóibh, go dtí na dátaí chun innill a chur ar an margadh dá dtagraítear in Iarscríbhinn III.

5.           Gan dochar d’Airteagal 5(3) agus Airteagal 17(2) is féidir innill idirthréimhseacha agus, nuair is infheidhme, an t‑innealra ina suiteáiltear na hinnill idirthréimhseacha sin, a chur ar an margadh i gcónaí i rith na hidirthréimhse ar choinníoll go bhfuil dáta táirgthe roimh bhliain amháin i ndiaidh tús na hidirthréimhse ag an inneall ina suiteáiltear an t‑inneall idirthréimhseach.

I gcás innill den chatagóir NRE, údaróidh na Ballstáit síneadh ar an idirthréimhse agus ar an tréimhse 12 mí dá dtagraítear sa chéad fho-alt, de 12 mí breise do OEManna a bhfuil táirgeadh iomlán bliantúil acu is lú ná 50 aonad d’innealra soghluaiste neamhbhóthair atá feistithe le hinnill dócháin. Chun críocha áirimh an táirgthe iomláin bhliantúil dá dtagraítear sa mhír seo, measfar gach OEM faoi stiúir an duine nádúrtha nó dlítheanach chéanna a bheith ina OEM aonair.

6.           Faoi réir na bhforálacha atá leagtha amach i mír 5, is féidir innill idirthréimhseacha atá i gcomhréir le cineálacha innill nó aicmí innill nach bhfuil a gcineálcheadú bailí a thuilleadh de bhun Airteagail 29(2)(a) a chur ar an margadh ar na cúinsí seo a leanas :

(oooo)             Go bhfuil siad cumhdaithe ag cineálcheadú AE a bhí bailí thráth a dtáirgthe agus nár cuireadh ar an margadh iad roimh dhul in éag an chineálcheadaithe AE sin, nó

(pppp) ní raibh sé rialáilte ar leibhéal an Aontais ar dháta theacht i bhfeidhm an Rialacháin seo.

7.           Ní bheidh feidhm ag mír 6 ach ar feadh tréimhse:

(qqqq) 18 mí ón dáta chun innill a chur ar an margadh atá leagtha amach in Iarscríbhinn III, sa chás atá leagtha amach sa chéad fhomhír de mhír 5;

(rrrr) 30 mí ón dáta chun innill a chur ar an margadh atá leagtha amach in Iarscríbhinn III, sa chás atá leagtha amach sa dara fhomhír de mhír 5.

8.           Áiritheoidh monaróirí go mbeidh comhartha ar na hinnill idirthréimhseacha ag taispeáint dáta táirgthe an innill. Féadfar an fhaisnéis seo a ghreamú de phláta reachtúil an innill nó a mharcáil air.

Airteagal 58

Tuarascáil

1.           Faoin 31 Nollaig 2021, cuirfidh na Ballstáit scéala chuig an gCoimisiún faoi fheidhmiú nósanna imeachta an chineálcheadaithe AE atá leagtha síos sa Rialachán seo.

2.           Ar bhonn na faisnéise a chuirfear ar fáil faoi mhí1, cuirfidh an Coimisiún tuarascáil ar fheidhmiú an Rialacháin seo faoi bhráid Pharlaimint na hEorpa agus na Comhairle faoin 31 Nollaig 2022.

Airteagal 59

Athbhreithniú

1.           Faoin 31 Nollaig 2020, cuirfidh an Coimisiún tuarascáil faoi bhráid Pharlaiminte na hEorpa agus na Comhairle i ndáil le:

(ssss) Measúnú ar an gcumas astaíochtaí truailleán a laghdú tuilleadh, ar bhonn na dteicneolaíochtaí atá ar fáil agus anailís chostais / sochair;

(tttt) Cineálacha truailleán a d'fheadfadh a bheith ábhartha, nach dtagann faoin raon feidhme an Rialacháin seo faoi láthair, a shainaithint.

2.           Faoin 31 Nollaig 2025, cuirfidh an Coimisiún tuarascáil faoi bhráid Pharlaiminte na hEorpa agus na Comhairle i ndáil le:

(uuuu) Úsáid na gclásal díolúine dá bhforáiltear in Airteagal 32(3) agus (4);

(vvvv) Faireachán a dhéanamh ar thorthaí na dtástálacha astaíochta atá leagtha amach in Airteagal 17(18) agus na conclúidí uathu.

3.           Beidh na tuarascálacha dá dtagraítear i mír 1 agus mír 2 bunaithe ar chomhairliúchán leis na geallsealbhóirí ábhartha agus cuirfidh siad san áireamh caighdeáin ghaolmhara Eorpacha agus idirnáisiúnta atá ann cheana. Beidh tograí reachtacha ag gabháil leis, de réir mar is iomchuí.

Airteagal 60

Aisghairm

Gan dochar do mhír 1 go mír 4 d’Airteagal 57, déantar Treoir 97/68/CE a aisghairm le héifeacht ón 1 Eanáir 2017.

Airteagal 61

Teacht i bhfeidhm agus cur i bhfeidhm

1.           Tiocfaidh an Treoir seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

2.           Beidh sé infheidhme amhail ón 1 Eanáir 2017.

Ón dáta dá dtagraítear i mír 1, ní dhiúltóidh údaráis náisiúnta iarratas monaróra cineálcheadú AE a dheonú do chineál nua innill nó aicme nua innill nó a gcur ar an margadh a thoirmeasc má tá an t‑inneall sin nó an aicme innill sin i gcomhréir leis na ceanglais atá leagtha amach i gCaibidlí II, III, IV agus VIII.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

 Thar ceann Pharlaimint na hEorpa              Thar ceann na Comhairle

An tUachtarán                                               An tUachtarán

[1]               Cinneadh Uimh. 1600/2002/CE an 22 Iúil 2002

[2]               COM(2005)446 an 21 Meán Fómhair 2005

[3]               COM(2011)144 an 28 Márta 2011

[4]               COM(2012)582 an 10 Deireadh Fómhair 2012

[5]               http://ec.europa.eu/enterprise/sectors/automotive/documents/consultations/2012-emissions-nrmm/index_en.htm

[6]               http://ec.europa.eu/enterprise/sectors/mechanical/non‑road‑mobile-machinery/publications-studies/index_en.htm

[7]               http://ec.europa.eu/transport/modes/inland/studies/inland_waterways_en.htm

[8]               T‑Systems 2006, Database for the Exchange of Type Approval Documentation (DETA), staidéar féidearthachta

[9]               IO L …

[10]             IO L …

[11]             Treoir 97/68/CE ó Pharlaimint na hEorpa agus ón gComhairle an 16 Nollaig 1997 maidir le comhfhogasú dhlíthe na mBallstát a bhaineann leis na bearta atá le glacadh in aghaidh astaíocht truailleán gásach agus cáithníneach ó innill dócháin inmheánaigh atá le suiteáil in innealra soghluaiste neamhbhóthair (IO L 59 27.2.1998, lch. 1).

[12]             Rialachán (AE) Uimh. 167/2013 ó Pharlaimint na hEorpa agus ón gComhairle an 5 Feabhra 2013 maidir le formheas agus faireachas margaidh ar fheithiclí talmhaíochta agus foraoiseachta (IO L 60, 2.3.2013, lch. 1).

[13]             Cinneadh Uimh. 1386/2013/AE ó Pharlaimint na hEorpa agus ón gComhairle an 20 Samhain 2013 maidir le Clár Gníomhaíochta Comhshaoil Ginearálta an Aontais go dtí 2020 ‘Beo beathach, laistigh de theorainneacha ár bpláinéid’ (IO L 354, 28.12.2013, lch. 171).

[14]             Cinneadh Uimh. 1600/2002/CE; Treoir 2008/50/CE ó Pharlaimint na hEorpa agus ón gComhairle an 21 Bealtaine 2008 maidir le cáilíocht an aeir chomhthimpeallaigh agus aer níos glaine don Eoraip (IO L 152, 11.6.2008, lch. 1).

[15]             Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach na ceanglais maidir le creidiúnú agus maidir le faireachas margaidh a bhaineann le táirgí a mhargú (IO L 218, 13.8.2008, lch. 30).

[16]             Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).

[17]             Treoir 2007/46/EC Pharlaimint na hEorpa agus na Comhairle den 5 Meán Fómhair 2007 ag bunú creat le haghaidh feithiclí mótair agus a leantóirí a cheadú, agus córais, comhpháirteanna agus aonaid teicniúla leithleacha atá ceaptha do na feithiclí sin (IO L 263, 9.10.2007, lch. 1).

[18]             Rialachán (AE) Uimh 167/2013 ó Pharlaimint Eorpach agus ón gComhairle an 5 Feabhra 2013 maidir le ceadú agus faireachas a dhéanamh ar fheithiclí talmhaíochta agus foraoiseachta (IO L 60, 2.3.2013, lch. 1).

[19]             Treoir 2013/53/AE ó Pharlaimint na hEorpa agus ón gComhairle an 20 Samhain 2013 maidir le hárthaí siamsaíochta agus árthaí pearsanta uisce agus lena n‑aisghairmtear Treoir 94/25/CE (IO L 354, 28.12.2013, lch. 90).

[20]             298K, brú iomlán comhthimpeallach 101,3 kPa.

[21]             Rialachán (CE) Uimh. 765/2008 ó Pharlaimint na hEorpa agus ón gComhairle an 9 Iúil 2008 lena leagtar amach ceanglais creidiúnaithe agus faireachas margaidh a bhaineann le táirgí a mhargú agus lena n‑aisghairtear Rialachán (CEE) Uimh. 339/93 (IO L 218, 13.8.2008, lch. 30).

[22]             Treoir 2014/34/CE ó Pharlaimint na hEorpa agus ón gComhairle an 26 Feabhra 2014 maidir le comhchuibhiú dhlíthe na mBallstát a bhaineann le trealamh agus córais chosanta atá ceaptha chun úsáid in atmaisféir phléascacha féideartha (athmhúnlú) (IO L 96, 29.3.2014, lch 309 )

IARSCRÍBHINNÍ

IARSCRÍBHINN I

Sainmhíniú ar fhochatagóirí innill dá dtagraítear in Airteagal 4

Tábla I-1: Fochatagóirí na catagóire innill NRE atá sainmhínithe in Airteagal 4 pointe (1)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

NRE || CI || inathraithe || 0<P<8 || NRE-v-1 || Glanchumhacht uasta

CI || 8≤P<19 || NRE-v-2

CI || 19≤P<37 || NRE-v-3

CI || 37≤P<56 || NRE-v-4

gach ceann || 56≤P<130 || NRE-v-5

130≤P≤560 || NRE-v-6

P>560 || NRE-v-7

CI || seasmhach || 0<P<8 || NRE-c-1 || Glanchumhacht rátaithe

CI || 8≤P<19 || NRE-c-2

CI || 19≤P<37 || NRE-c-3

CI || 37≤P<56 || NRE-c-4

gach ceann || 56≤P<130 || NRE-c-5

130≤P≤560 || NRE-c-6

P>560 || NRE-c-7

Tábla I-2: Fochatagóirí na catagóire innill NRG atá sainmhínithe in Airteagal 4 pointe (2)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

NRG || gach ceann || inathraithe || P>560 || NRG-v-1 || Glanchumhacht uasta

seasmhach || P>560 || NRG-c-1 || Glanchumhacht rátaithe

Tábla I-3: Fochatagóirí na catagóire innill NRSh atá sainmhínithe in Airteagal 4 pointe (3)

Catagóir || Cineál adhainte || Modh luais || Raon cumhachta (kW) || Scuab‑thoirt (cm3) || Fochatagóir || Cumhacht tagartha

NRSh || SI || inathraithe nó seasmhach || 0<P<19 || SV<50 || NRSh-v-1a || Glanchumhacht uasta

SV≥50 || NRSh-v-1b

Tábla I-4: Fochatagóirí na catagóire innill NRS atá sainmhínithe in Airteagal 4 pointe (4)

Catagóir || Cineál adhainte || Modh luais || Raon cumhachta (kW) || Scuab‑thoirt (cm3) || Fochatagóir || Cumhacht tagartha

NRS || SI || inathraithe, rátaithe; nó seasmhach || 0<P<19 || 80≤SV<225 || NRS-vr-1a || Glanchumhacht uasta

SV≥225 || NRS-vr-1b

inathraithe, idirmheánach || 80≤SV<225 || NRS-vi-1a

SV≥225 || NRS-vi-1b

inathraithe nó seasmhach || 19≤P<30 || SV≤1000 || NRS-v-2a || Glanchumhacht uasta

SV>1000 || NRS-v-2b

30≤P<56 || ceann ar bith || NRS-v-3 || Glanchumhacht uasta

I gcás inneall <19kW ag a bhfuil SV<80cm3 in innealra seachas innealra láimhe, úsáidfear innill na catagóire NRSh.

Tábla I-5: Fochatagóirí na catagóire innill IWP atá sainmhínithe in Airteagal 4 pointe (5)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

IWP || gach ceann || inathraithe || 37≤P<75 || IWP-v-1 || Glanchumhacht uasta

75≤P<130 || IWP-v-2

130≤P<300 || IWP-v-3

300≤P<1000 || IWP-v-4

P≥1000 || IWP-v-5

seasmhach || 37≤P<75 || IWP-c-1 || Glanchumhacht rátaithe

75≤P<130 || IWP-c-2

130≤P<300 || IWP-c-3

300≤P<1000 || IWP-c-4

P≥1000 || IWP-c-5

Tábla I-6: Fochatagóirí na catagóire innill IWA atá sainmhínithe in Airteagal 4 pointe (6)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

IWA || gach ceann || inathraithe || 560≤P<1000 || IWA-v-1 || Glanchumhacht uasta

P≥1000 || IWA-v-2

seasmhach || 560≤P<1000 || IWA-c-1 || Glanchumhacht rátaithe

P≥1000 || IWA-c-2

Tábla I-7: Fochatagóirí na catagóire innill RLL atá sainmhínithe in Airteagal 4 pointe (7)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

RLL || gach ceann || inathraithe || P>0 || RLL-v-1 || Glanchumhacht uasta

seasmhach || P>0 || RLL-c-1 || Glanchumhacht rátaithe

Tábla I-8: Fochatagóirí na catagóire innill RLR atá sainmhínithe in Airteagal 4 pointe (8)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

RLR || gach ceann || inathraithe || P>0 || RLR-v-1 || Glanchumhacht uasta

seasmhach || P>0 || RLR-c-1 || Glanchumhacht rátaithe

Tábla I-9: Fochatagóirí na catagóire innill SMB atá sainmhínithe in Airteagal 4 pointe (9)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

SMB || SI || inathraithe nó seasmhach || P>0 || SMB-v-1 || Glanchumhacht uasta

Tábla I-10: Fochatagóirí na catagóire innill ATS atá sainmhínithe in Airteagal 4 pointe (10)

Catagóir || Cineál adhainte || Modh luais || Raon cumhachta (kW) || Fochatagóir || Cumhacht tagartha

ATS || SI || inathraithe nó seasmhach || P>0 || ATS-v-1 || Glanchumhacht uasta

IARSCRÍBHINN II

Teorainneacha astaíochtaí sceite dá dtagraítear in Airteagal 17(2)

Tábla II-1: Teorainneacha astaíochtaí Chéim V don chatagóir innill NRE atá sainmhínithe in Airteagal 4 pointe (1)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || Líon na gcáithníní || A

|| || kW || || g/kWh || g/kWh || g/kWh || g/kWh || #/kWh ||

Céim V || NRE-v-1 NRE-c-1 || 0<P<8 || CI || 8,00 || (HC+NOx≤7,50) || 0,401) || - || 1,10

Céim V || NRE-v-2 NRE-c-2 || 8≤P<19 || CI || 6,60 || (HC+NOx≤7,50) || 0,40 || - || 1,10

Céim V || NRE-v-3 NRE-c-3 || 19≤P<37 || CI || 5,00 || (HC+NOx≤4,70) || 0,015 || 1x1012 || 1,10

Céim V || NRE-v-4 NRE-c-4 || 37≤P<56 || CI || 5,00 || (HC+NOx≤4,70) || 0,015 || 1x1012 || 1,10

Céim V || NRE-v-5 NRE-c-5 || 56≤P<130 || gach ceann || 5,00 || 0,19 || 0,40 || 0,015 || 1x1012 || 1,10

Céim V || NRE-v-6 NRE-c-6 || 130≤P≤560 || gach ceann || 3,50 || 0,19 || 0,40 || 0,015 || 1x1012 || 1,10

Céim V || NRE-v-7 NRE-c-7 || P>560 || gach ceann || 3,50 || 0,19 || 3,50 || 0,045 || - || 6,00

1) 0,6 i gcás inneall insteallta dhírigh aerfhuaraithe is féidir a adhaint de láimh

Tábla II-2: Teorainneacha astaíochtaí Chéim V don chatagóir innill NRG atá sainmhínithe in Airteagal 4 pointe (2)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || Líon na gcáithníní || A

|| || kW || || g/kWh || g/kWh || g/kWh || g/kWh || #/kWh ||

Céim V || NRG-v-1 NRG-c-1 || P>560 || gach ceann || 3,50 || 0,19 || 0,67 || 0,035 || - || 6,00

Tábla II-3: Teorainneacha astaíochtaí Chéim V don chatagóir innill NRSh atá sainmhínithe in Airteagal 4 pointe (3)

Céim astaíochta || Fochatagóir innill || Raon cumhachta || Cineál adhainte an innill || CO || HC + NOx

|| || kW || || g/uaireanta kW || g/uaireanta kW

Céim V || NRSh-v-1a || 0<P<19 || Spréachadhaint || 805 || 50

Céim V || NRSh-v-1b || 603 || 72

Tábla II-4: Teorainneacha astaíochtaí Chéim V don chatagóir innill NRS atá sainmhínithe in Airteagal 4 pointe (4)

Céim astaíochta || Fochatagóir innill || Raon cumhachta || Cineál adhainte an innill || CO || HC + NOx

|| || kW || || g/kWh || g/kWh

Céim V || NRS-vr-1a NRS-vi-1a || 0<P<19 || Spréachadhaint || 610 || 10

Céim V || NRS-vr-1b NRS-vi-1b || 610 || 8

Céim V || NRS-v-2a || 19≤P≤30 || 610 || 8

Céim V || NRS-v-2b NRS-v-3 || 19≤P<56 || 4,40* || 2,70*

*Mar rogha air seo, aon chomhcheangal luachanna a chomhlíonann an chothromóid (HC+NOX) × CO0.784 ≤ 8,57 chomh maith leis na coinníollacha: CO ≤ 20,6 g/kWh agus (HC+NOX) ≤ 2,7 g/kWh

Tábla II-5: Teorainneacha astaíochtaí Chéim V don chatagóir innill IWP atá sainmhínithe in Airteagal 4 pointe (5)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || Líon na gcáithníní || A

|| || kW || || g/kWh || g/kWh || g/kWh || g/kWh || #/kWh ||

Céim V || IWP-v-1 IWP-c-1 || 37≤P<75 || gach ceann || 5,00 || (HC+NOx≤4,70) || 0,30 || - || 6,00

Céim V || IWP-v-2 IWP-c-2 || 75≤P<130 || gach ceann || 5,00 || (HC+NOx≤5,40) || 0,14 || - || 6,00

Céim V || IWP-v-3 IWP-c-3 || 130≤P<300 || gach ceann || 3,50 || 1,00 || 2,10 || 0,11 || - || 6,00

Céim V || IWP-v-4 IWP-c-4 || 300≤P<1000 || gach ceann || 3,50 || 0,19 || 1,20 || 0,02 || 1x1012 || 6,00

Céim V || IWP-v-5 IWP-c-5 || P>1000 || gach ceann || 3,50 || 0,19 || 0,40 || 0,01 || 1x1012 || 6,00

Tábla II-6: Teorainneacha astaíochtaí Chéim V don chatagóir innill IWA atá sainmhínithe in Airteagal 4 pointe (6)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || Líon na gcáithníní || A

|| || kW || || g/kWh || g/kWh || g/kWh || g/kWh || #/kWh ||

Céim V || IWA-v-1 IWA-c-1 || 560≤P<1000 || gach ceann || 3,50 || 0,19 || 1,20 || 0,02 || 1x1012 || 6,00

Céim V || IWA-v-2 IWA-c-2 || P≥1000 || gach ceann || 3,50 || 0,19 || 0,40 || 0,01 || 1x1012 || 6,00

Tábla II-7: Teorainneacha astaíochtaí Chéim V don chatagóir innill RLL atá sainmhínithe in Airteagal 4 pointe (7)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || Líon na gcáithníní || A

|| || kW || || g/kWh || g/kWh || g/kWh || g/kWh || #/kWh ||

Céim V || RLL-c-1 RLL-v-1 || P>0 || gach ceann || 3,50 || (HC+NOx≤4,00) || 0,025 || - || 6,00

Tábla II-8: Teorainneacha astaíochtaí Chéim V don chatagóir innill RLR atá sainmhínithe in Airteagal 4 pointe (8)

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || LÍON NA GCÁITHNÍNÍ || A

|| || kW || || g/kWh || g/kWh || g/kWh || g/kWh || #/kWh ||

Céim V || RLR-c-1 RLR-v-1 || P>0 || gach ceann || 3,50 || 0,19 || 2,00 || 0,015 || 1x1012 || 6,00

Tábla II-9: Teorainneacha astaíochtaí Chéim V don chatagóir innill SMB atá sainmhínithe in Airteagal 4 pointe (9)

Céim astaíochta || Fochatagóir innill || Raon cumhachta || Cineál adhainte an innill || CO || NOx || HC

|| || kW || || g/kWh || g/kWh || g/kWh

Céim V || SMB-v-1 || P>0 || SI || 275 || - || 75

Tábla II-10: Teorainneacha astaíochtaí Chéime V don chatagóir innill ATS atá sainmhínithe in Airteagal 4 pointe (10)

Céim astaíochta || Fochatagóir innill || Raon cumhachta || Cineál adhainte an innill || CO || HC + NOx

|| || kW || || g/kWh || g/kWh

Céim V || ATS-v-1 || P>0 || SI || 400 || 8

Forálacha sonracha maidir le teorainneacha hidreacharbón (HC) d’innill gásbhreosla iomláin nó pháirtigh

1. Maidir leis na fochatagóirí ina bhfuil A‑fhachtóir sainithe, cuirtear an teorainn HC d’innill gásbhreosla iomláin nó pháirtigh atá léirithe sa Tábla in ionad na teorann HC a ríomhtar leis an bhfoirmle seo a leanas:

HC = 0,19 + (1,5*A*GER)

Is é GER an meánchóimheas gáis i rith an timthrialla iomchuí. I gcás ina bhfuil feidhm ag timthriall tástála foistine agus díomuan araon, dearbhófar an GER ón timthriall tástála díomuan teodhúiseachta. I gcás ina bhfuil níos mó ná timthriall tástála foistine amháin i gceist dearbhófar an meánchóimheas gáis do gach timthriall ar leithligh.

I gcás ina sáraíonn an teorainn ríofa HC an luach 0,19 + A athrófar an teorainn HC go dtí 0,19 + A.

Fíor 1. Scéimléaráid den teorainn astaíochtaí HC de réir an mheánchóimheasa gáis (GER)

2. Maidir le fochatagóirí lena mbaineann teorainn comhcheangailte HC agus NOx, déanfar an teorainnluach comhcheangailte HC agus NOx a laghdú 0.19g/kWh agus ní bheidh feidhm aige ach maidir le NOx amháin.

3. Níl feidhm ag an bhfoirmle maidir le hinnill nach innill gásbhreosla iad.

IARSCRÍBHINN III

Amchlár do chur i bhfeidhm an Rialacháin seo maidir le cineálcheaduithe AE agus cur ar an margadh

Tábla III-1: Dátaí chur i bhfeidhm an Rialacháin seo maidir leis an gcatagóir innill NRE

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

Cineálcheadú AE maidir le hinnill || Innill a chur ar an margadh

NRE || CI || 0<P<8 || NRE-v-1 NRE-c-1 || 1 Eanáir 2018 || 1 Eanáir 2019

CI || 8≤P<19 || NRE-v-2 NRE-c-2

CI || 19≤P<37 || NRE-v-3 NRE-c-3 || 1 Eanáir 2018 || 1 Eanáir 2019

37≤P<56 || NRE-v-4 NRE-c-4

gach ceann || 56≤P<130 || NRE-v-5 NRE-c-5 || 1 Eanáir 2019 || 1 Eanáir 2020

130≤P≤560 || NRE-v-6 NRE-c-6 || 1 Eanáir 2018 || 1 Eanáir 2019

P>560 || NRE-v-7 NRE-c-7 || 1 Eanáir 2018 || 1 Eanáir 2019

Tábla III-2: Dátaí chur i bhfeidhm an Rialacháin seo maidir leis an gcatagóir innill NRG

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

NRG || gach ceann || P>560 || NRG-v-1 NRG-c-1 || 1 Eanáir 2018 || 1 Eanáir 2019

Tábla III-3: Dátaí chur i bhfeidhm an Rialacháin seo maidir leis an gcatagóir innill NRSh

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

NRSh || Spréachadhaint || 0<P<19 || NRSh-v-1a NRSh-v-1b || 1 Eanáir 2018 || 1 Eanáir 2019

Tábla III-4: Dátaí chur i bhfeidhm an Rialacháin seo maidir leis an gcatagóir innill NRS

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

NRS || Spréachadhaint || 0<P<56 || NRS-vr-1a NRS-vi-1a NRS-vr-1b NRS-vi-1b NRS-v-2a NRS-v-2b NRS-v-3 || 1 Eanáir 2018 || 1 Eanáir 2019

Tábla III-5: Dátaí chur i bhfeidhm an Rialacháin seo maidir leis an gcatagóir innill IWP

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

IWP || gach ceann || 37<P<300 || IWP-v-1 IWP-c-1 IWP-v-2 IWP-c-2 IWP-v-3 IWP-c-3 || 1 Eanáir 2018 || 1 Eanáir 2019

300≤P<1000 || IWP-v-4 IWP-c-4 || 1 Eanáir 2019 || 1 Eanáir 2020

P≥1000 || IWP-v-5 IWP-c-5 || 1 Eanáir 2020 || 1 Eanáir 2021

Tábla III-6: Dátaí chur i bhfeidhm an Rialacháin seo maidir leis an gcatagóir innill IWA

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

IWA || gach ceann || 560≤P<1000 || IWA-v-1 IWA-c-1 || 1 Eanáir 2019 || 1 Eanáir 2020

P≥1000 || IWA-v-2 IWA-c-2 || 1 Eanáir 2020 || 1 Eanáir 2021

Tábla III-7: Dátaí chur i bhfeidhm an Rialacháin seo maidir leis an gcatagóir innill RLL

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

RLL || gach ceann || P>0 || RLL-v-1 RLL-c-1 || 1 Eanáir 2020 || 1 Eanáir 2021

Tábla III-8: Dátaí chur i bhfeidhm an Rialacháin seo maidir leis an gcatagóir innill RLR

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

RLR || gach ceann || P>0 || RLR-v-1 RLR-c-1 || 1 Eanáir 2020 || 1 Eanáir 2021

Tábla III-9: Dátaí chur i bhfeidhm an Rialacháin seo maidir leis an gcatagóir innill SMB

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

SMB || Spréachadhaint || P>0 || SMB-v-1 || 1 Eanáir 2018 || 1 Eanáir 2019

Tábla III-10: Dátaí chur i bhfeidhm an Rialacháin seo maidir leis an gcatagóir innill ATS

Catagóir || Cineál adhainte || Raon cumhachta (kW) || Fochatagóir || Dáta éigeantach chur i bhfeidhm an Rialacháin seo maidir leis na nithe seo a leanas:

|| || || || Cineálcheadú AE maidir le hinnill || Innill a chur ar an margadh

ATS || Spréachadhaint || P>0 || ATS-v-1 || 1 Eanáir 2018 || 1 Eanáir 2019

IARSCRÍBHINN IV

Timthriallta tástála foistine neamhbhóthair (NRSC)

Tábla IV-1: Timthriallta tástála NRSC d’innill na catagóire NRE

Catagóir || Modh luais || Cuspóir || || NRSC

NRE || inathraithe || Inneall luais inathraithe a bhfuil cumhacht tagartha faoi bhun 19 kW aige || NRE-v-1 NRE-v-2 || G2 nó C1

Inneall luais inathraithe a bhfuil cumhacht tagartha atá cothrom le 19 kW nó níos mó aige ach nach bhfuil níos mó ná 560 kW || NRE-v-3 NRE-v-4 NRE-v-5 NRE-v-6 || C1

Inneall luais inathraithe a bhfuil cumhacht tagartha níos mó ná 560 kW aige || NRE-v-7 || C1

seasmhach || Inneall luais sheasmhaigh || NRE-c-1 NRE-c-2 NRE-c-3 NRE-c-4 NRE-c-5 NRE-c-6 NRE-c-7 || D2

Tábla IV-2: Timthriallta tástála NRSC d’innill na catagóire NRG

Catagóir || Modh luais || Cuspóir || || NRSC

NRG || inathraithe || Inneall luais inathraithe d’fhoireann gineadóireachta || NRG-v-1 || C1

seasmhach || || NRG-c-1 || D2

 Tábla IV-3: Timthriallta tástála NRSC d’innill na catagóire NRSh

Catagóir || Modh luais || Cuspóir || || NRSC

NRSh || inathraithe nó seasmhach || Inneall ag a bhfuil cumhacht tagartha nach mó ná 19 kW, lena úsáid in innealra láimhe || NRSh-v-1a NRSh-v-1b || G3

Tábla IV-4: Timthriallta tástála NRSC d’innill na catagóire NRS

Catagóir || Modh luais || Cuspóir || || NRSC

NRS || Inathraithe, idirmheánach || Inneall luais inathraithe ag a bhfuil cumhacht tagartha nach mó ná 19 kW, atá beartaithe d’feidhmeanna luais inathraithe || NRS-vi-1a NRS-vi-1b || G1

inathraithe, rátaithe; nó seasmhach || Inneall luais inathraithe ag a bhfuil cumhacht tagartha nach mó ná 19 kW, atá beartaithe d’fheidhmeanna luais inathraithe; inneall luais sheasmhaigh ag a bhfuil cumhacht tagartha nach mó ná 19 kW || NRS-vr-1a NRS-vr-1b || G2

inathraithe nó seasmhach || Inneall ag a bhfuil cumhacht tagartha idir 19 kW agus 30 kW agus scuab‑thoirt iomlán faoi bhun aon lítir amháin || NRS-v-2a || G2

Inneall ag a bhfuil cumhacht tagartha níos mó ná 19 kW, seachas inneall ag a bhfuil cumhacht tagartha idir 19 kW agus 30 kW agus scuab‑thoirt iomlán faoi bhun aon lítir amháin || NRS-v-2b NRS-v-3 || C2

Tábla IV-5: Timthriallta tástála NRSC d’innill na catagóire IWP

Catagóir || Modh luais || Cuspóir || || NRSC

IWP || inathraithe || Inneall luais inathraithe atá beartaithe lena thiomáint agus a oibrítear trí chuar liáin céime fosaithe || IWP-v-1 IWP-v-2 IWP-v-3 IWP-v-4 || E3

seasmhach || Inneall luais sheasmhaigh atá beartaithe lena thiomáint agus a oibrítear trí lián céime inrialaithe nó trí lián atá cúpláilte go leictreach. || IWP-c-1 IWP-c-2 IWP-c-3 IWP-c-4 || E2

Tábla IV-6: Timthriallta tástála NRSC d’innill na catagóire IWA

Catagóir || Modh luais || Cuspóir || || NRSC

IWA || inathraithe || Inneall luais inathraithe a bhfuil cumhacht tagartha níos mó ná 560 kW aige atá beartaithe lena úsáid mar inneall cúnta ar shoithí uiscebhealaí intíre || IWA-v-1 IWA-v-2 || C1

seasmhach || Inneall luais sheasmhaigh a bhfuil cumhacht tagartha níos mó ná 560 kW aige atá beartaithe lena úsáid mar inneall cúnta ar shoithí uiscebhealaí intíre || IWA-c-1 IWA-c-2 || D2

Tábla IV-7: Timthriallta tástála NRSC d’innill na catagóire RLL

Catagóir || Modh luais || Cuspóir || || NRSC

RLL || inathraithe || Inneall luais inathraithe chun innill féinghluaiste a thiomáint || RLL-v-1 || F

seasmhach || Inneall luais sheasmhaigh chun innill féinghluaiste a thiomáint || RLL-c-1 || D2

Tábla IV-8: Timthriallta tástála NRSC d’innill na catagóire RLR

Catagóir || Modh luais || Cuspóir || || NRSC

RLR || inathraithe || Inneall luais inathraithe chun cairr iarnróid a thiomáint || RLR-v-1 || C1

seasmhach || Inneall luais sheasmhaigh chun cairr iarnróid a thiomáint || RLR-c-1 || D2

Tábla IV-9: Timthriallta tástála NRSC d’innill na catagóire SMB

Catagóir || Modh luais || Cuspóir || || NRSC

SMB || inathraithe nó seasmhach || Innill chun mótair sneachta a thiomáint || SMB-v-1 || H

Tábla IV-10: Timthriall tástála NRSC d’innill na catagóire ATS

Catagóir || Modh luais || Cuspóir || || NRSC

ATS || inathraithe nó seasmhach || Innill chun feithiclí uile‑thír‑raoin nó feithiclí taobh le taobh a thiomáint || ATS-v-1 || G1

Timthriallta tástála díomuana d’innealra soghluaiste neamhbhóthair

Tábla IV-11: Timthriall tástála díomuana d’innill neamhbhóthair na catagóire NRE

Catagóir || Modh luais || Cuspóir || ||

NRE || inathraithe || Inneall luais inathraithe a bhfuil cumhacht tagartha atá cothrom le 19 kW nó níos mó aige ach nach bhfuil níos mó ná 560 kW || NRE-v-3 NRE-v-4 NRE-v-5 NRE-v-6 || NRTC

Tábla IV-12: Timthriall tástála díomuana d’innill neamhbhóthair na catagóire NRS(1)

Catagóir || Modh luais || Cuspóir || ||

NRS || inathraithe nó seasmhach || Inneall ag a bhfuil cumhacht tagartha níos mó ná 19 kW seachas inneall ag a bhfuil cumhacht tagartha idir 19 kW agus 30 kW agus scuab‑thoirt iomlán faoi bhun aon lítir amháin || NRS-v-2b NRS-v-3 || LSI-NRTC

(1) Níl sé infheidhme ach amháin maidir le hinnill lena mbaineann luas tástála uasta ≤ 3400rpm.

IARSCRÍBHINN V

Tréimhsí marthanachta astaíochtaí dá dtagraítear in Airteagal 24(1)

Tábla V-1: Tréimhsí marthanachta astaíochtaí (EDP) maidir leis an gcatagóir innill NRE

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

NRE || CI || inathraithe || 0<P<8 || NRE-v-1 || 3000

CI || 8≤P<19 || NRE-v-2

CI || 19≤P<37 || NRE-v-3 || 5000

CI || 37≤P<56 || NRE-v-4 || 8000

gach ceann || 56≤P<130 || NRE-v-5

130≤P≤560 || NRE-v-6

P>560 || NRE-v-7

CI || seasmhach || 0<P<8 || NRE-c-1 || 3000

CI || 8≤P<19 || NRE-c-2

CI || 19≤P<37 || NRE-c-3

CI || 37≤P<56 || NRE-c-4 || 8000

gach ceann || 56≤P<130 || NRE-c-5

130≤P≤560 || NRE-c-6

P>560 || NRE-c-7

Tábla V-2: Tréimhse mharthanachta astaíochtaí (EDP) maidir leis an gcatagóir innill NRG

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

NRG || gach ceann || seasmhach || P>560 || NRG-v-1 || 8000

inathraithe || NRG-c-1

Tábla V-3: Tréimhse mharthanachta astaíochtaí (EDP) maidir leis an gcatagóir innill NRSh

Catagóir || Cineál adhainte || Modh luais || Raon cumhachta (kW) || Scuab‑thoirt (cm3) || Fochatagóir || EDP (uaireanta)

NRSh || Spréachadhaint || inathraithe nó seasmhach || 0<P<19 || SV<50 || NRSh-v-1a || 50/125/3001)

SV≥50 || NRSh-v-1b

1) Freagraíonn uaireanta EDP do na catagóirí EDP Cat 1/Cat 2/Cat 3 mar atá sainmhínithe sna gníomhartha tarmligthe.

Tábla V-4: Tréimhse mharthanachta astaíochtaí (EDP) maidir leis an gcatagóir innill NRS

Catagóir || Cineál adhainte || Modh luais || Raon cumhachta (kW) || Scuab‑thoirt (cm3) || Fochatagóir || EDP (uaireanta)

NRS || SI || inathraithe, rátaithe; nó seasmhach || 0<P<19 || 80≤SV<225 || NRS-vr-1a || 125/250/5001)

inathraithe, idirmheánach || NRS-vi-1a

inathraithe, rátaithe; nó seasmhach || SV≥225 || NRS-vr-1b || 250/500/10001)

inathraithe, idirmheánach || NRS-vi-1b

inathraithe nó seasmhach || 19≤P<30 || SV≤1000 || NRS-v-2a || 1000

SV>1000 || NRS-v-2b || 5000

30≤P<56 || ceann ar bith || NRS-v-3 || 5000

1) Freagraíonn uaireanta EDP do na catagóirí EDP Cat 1/Cat 2/Cat 3 mar atá sainmhínithe sna gníomhartha tarmligthe.

Tábla V-5: Tréimhse mharthanachta astaíochtaí (EDP) maidir leis an gcatagóir innill IWP

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

IWP || gach ceann || inathraithe || 37≤P<75 || IWP-v-1 || 10000

75≤P<130 || IWP -v-2

130≤P<300 || IWP -v-3

300≤P<1000 || IWP -v-4

P≥1000 || IWP -v-5

seasmhach || 37≤P<75 || IWP -c-1 || 10000

75≤P<130 || IWP -c-2

130≤P<300 || IWP -c-3

300≤P<1000 || IWP -c-4

P≥1000 || IWP -c-5

Tábla V-6: Tréimhse mharthanachta astaíochtaí (EDP) maidir leis an gcatagóir innill IWA

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

IWA || gach ceann || inathraithe || 560≤P<1000 || IWA-v-1 || 10000

P≥1000 || IWA-v-2

seasmhach || 560≤P<1000 || IWA-c-1

P≥1000 || IWA-c-2

Tábla V-7: Tréimhse mharthanachta astaíochtaí (EDP) maidir leis an gcatagóir innill RLL

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

RLL || gach ceann || inathraithe || P>0 || RLL-v-1 || 10000

seasmhach || P>0 || RLL-c-1

Tábla V-8: Tréimhse mharthanachta astaíochtaí (EDP) maidir leis an gcatagóir innill RLR

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

RLR || gach ceann || inathraithe || P>0 || RLR-v-1 || 10000

seasmhach || P>0 || RLR-c-1

Tábla V-9: Tréimhse mharthanachta astaíochtaí (EDP) maidir leis an gcatagóir innill SMB

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

SMB || Spréachadhaint || inathraithe nó seasmhach || P>0 || SMB-v-1 || [400]

Tábla V-10: Tréimhse mharthanachta astaíochtaí (EDP) maidir leis an gcatagóir innill

Catagóir || Cineál adhainte || Modh luais || Raon cumhachta (kW) || Fochatagóir || EDP (uaireanta)

ATS || SI || inathraithe nó seasmhach || P>0 || ATS-v-1 || [500/1000]2)

2)Freagraíonn uaireanta EDP do na scuab‑thoirteanna iomlána innill seo a leanas: <100 cm3 / ≥100 cm3.

IARSCRÍBHINN VI

Teorainnluachanna astaíochtaí ATEX dá dtagraítear in Airteagal 32(4)

Tábla VI-1: Teorainnluachanna astaíochtaí ATEX don chatagóir innill NRE

Céim astaíochta || Fochatagóir innill || Raon cumhachta || Cineál adhainte an innill || CO || THC || NOx || Mais na gcáithníní || A

|| || kW || || g/kWh || g/kWh || g/kWh || g/kWh ||

ATEX || NRE-v-1 NRE-c-1 || 0<P<8 || CI || 8 || 7,5 || 0,4 || 6,0

ATEX || NRE-v-2 NRE-c-2 || 8≤P<19 || CI || 6,6 || 7,5 || 0,4 || 6,0

ATEX || NRE-v-3 NRE-c-3 || 19≤P<37 || CI || 5,5 || 7,5 || 0,6 || 6,0

ATEX || NRE-v-4 NRE-c-4 || 37≤P<56 || CI || 5,0 || 4,7 || 0,4 || 6,0

ATEX || NRE-v-5 NRE-c-5 || 56≤P<130 || gach ceann || 5,0 || 4,0 || 0,3 || 6,0

ATEX || NRE-v-6 NRE-c-6 || 130≤P≤560 || gach ceann || 3,5 || 4,0 || 0,2 || 6,0

ATEX || NRE-v-7 NRE-c-7 || P>560 || gach ceann || 3,5 || 6,4 || 0,2 || 6,0

Tábla VI-2: Teorainnluachanna astaíochtaí ATEX don chatagóir innill NRG

Céim astaíochta || Fochatagóir innill || Raon cumhachta || Cineál adhainte an innill || CO || HC || NOx || Mais na gcáithníní || A

|| || kW || || g/kWh || g/kWh || g/kWh || g/kWh ||

ATEX || NRG-c-1 || P>560 || gach ceann || 3,5 || 6.4 || 0,2 || 6,0

NRG-v-1

Tábla VI-3: Teorainnluachanna astaíochtaí ATEX don chatagóir innill RLL

Céim astaíochta || Fochatagóir innill || Raon cumhachta || Cineál adhainte an innill || CO || THC || NOx || Mais na gcáithníní || A

|| || kW || || g/kWh || g/kWh || g/kWh || g/kWh ||

ATEX || RLL-v-1 RLL-c-1 || P≤560 || gach ceann || 3,5 || (HC+NOx≤4,0) || 0,2 || 6,0

ATEX || RLL-v-1 RLL-c-1 || P>560 kW || gach ceann || 3,5 || 0,5 || 6,0 || 0,2 || 6,0

ATEX || RLL-v-1 RLL-c-1 || P>2000 kW agus SV1)>5 lítear || gach ceann || 3,5 || 0,4 || 7,4 || 0,2 || 6,0

1) Scuab‑thoirt in aghaidh an tsorcóra