MEABHRÁN MÍNIÚCHÁIN

1.           COMHTHÉACS AN TOGRA

1.1.        Comhthéacs ginearálta an togra

An 11 Iúil 2007 glacadh Rialachán 861/2007 lena mbunaítear Nós Imeachta Eorpach um Éilimh Bheaga[1] chun rochtain ar an gceartas a fheabhsú trí dhlíthíocht trasteorann maidir le héilimh bheaga a shimpliú agus dlús a chur léi agus na costais a bhaineann le dlíthíocht den chineál sin a laghdú. Anuas air sin, ba é an aidhm a bhí leis an Rialachán forfheidhmiú a éascú trí dheireadh a chur leis an ngá a bhí le himeachtaí idirmheánacha (exequatur) ionas go ndéanfaí an t‑aitheantas agus an forfheidhmiú i mBallstáit eile seachas an tír inar tugadh an breithiúnas.

Tugadh nós imeachta malartach isteach leis an Rialachán, i dteannta na nósanna imeachta atá ann cheana faoi dhlíthe na mBallstát, maidir le cásanna trasteorann a bhaineann le héilimh nach mó ná EUR 2 000 iad. Tá an Rialachán á chur i bhfeidhm san AE (seachas sa Danmhairg) ó bhí an 1 Eanáir 2009 ann. Is nós imeachta i scríbhinn é an nós imeachta i bprionsabal, ar bhonn foirmeacha caighdeánacha agus rialaítear é le sprioc‑amanna diana. Ní bheidh ionadaíocht dlíodóra éigeantach agus moltar modhanna leictreonacha cumarsáide a úsáid. Anuas air sin, ní bhíonn ar an bpáirtí nár éirigh leis ach na costais a bhaineann le himeachtaí an pháirtí ar éirigh leis a iompar a mhéid is atá siad comhréireach leis an éileamh. Tá an nós imeachta ar fáil le húsáid ag tomhaltóirí agus gnólachtaí araon a bhíonn i mbun idirbheart trasteorann san AE chun rochtain ar an gceartas agus forfheidhmiú a gceart a fheabhsú.

Faoi Airteagal 28 den Rialachán cuirtear ceanglas ar an gCoimisiún tuarascáil mhionsonraithe maidir le feidhmiú an Rialacháin seo, lena n‑áirítear go háirithe an tairseach EUR 2 000, a chur faoi bhráid Pharlaimint na hEorpa, na Comhairle agus Choiste Eacnamaíoch agus Sóisialta na hEorpa faoin 1 Eanáir 2014. Ba cheart tograí le haghaidh leasuithe a bheith ag gabháil leis an tuarascáil, más iomchuí.

1.2.        An gá atá le hathbhreithniú ar an Nós Imeachta Eorpach um Éilimh Bheaga

I bhfianaise na géarchéime eacnamaíche san Aontas Eorpach, an ceann is mó ó bunaíodh é, tá feabhsú éifeachtúlacht an cheartais san Aontas Eorpach ina ghné thábhachtach chun tacú leis an ngníomhaíocht eacnamaíoch[2]. Tá an t‑athbhreithniú ar an Rialachán lena mbunaítear Nós Imeachta Eorpach um Éilimh Bheaga ar cheann de na bearta lena gcuirtear éifeachtúlacht an cheartais san AE chun cinn.

Glacadh an Rialachán mar gheall air go dtéann na fadhbanna maidir le dlíthíocht neamhéifeachtúil éileamh beag i méid nuair a dhéantar éilimh ar luach íseal trasna theorainneacha Bhallstáit an AE. Tagann fadhbanna breise chun cinn i gcásanna mar sin, amhail aineolas na bpáirtithe ar na dlíthe eachtracha agus ar nósanna imeachta na gcúirteanna thar lear, an méadú ar an ngá atá le haistriúchán agus ateangaireacht, agus an gá atá le taisteal thar lear le haghaidh éisteachtaí ó bhéal. I bhfianaise an mhéadaithe ar an trádáil trasteorann san AE le blianta beaga anuas agus an mhéadaithe bhreise a bhfuiltear ag súil leis sna blianta atá amach romhainn, beidh géarghá le foráil a dhéanamh maidir le sásraí comhshásaimh éifeachtúla mar mhodh chun tacú leis an ngníomhaíocht eacnamaíoch.

Faoin nós imeachta cuirtear ar chumas na gcúirteanna, trí fhoráil a dhéanamh maidir le foirmeacha caighdeánacha agus cúnamh saor in aisce do na páirtithe chun na foirmeacha a líonadh isteach, iarratais a phróiseáil go hiomlán trí nós imeachta i scríbhinn, faoina gcuirtear deireadh leis an ngá atá le taisteal le haghaidh éisteachtaí ó bhéal - seachas i gcásanna eisceachtúla i gcás nach féidir breithiúnas a thabhairt ar bhonn fianaise i scríbhinn - chomh maith leis an ngá atá le hionadaíocht dlíodóra. Sa Rialachán seo freisin moltar do na cúirteanna agus na binsí modhanna cianchumarsáide a úsáid chun glacadh le foirmeacha éileamh agus chun éisteachtaí ó bhéal a eagrú. Ar deireadh, scaiptear an breithiúnas a leanann as go neamhshrianta i measc na mBallstát, gan chall le haon imeachtaí idirmheánacha breise chun go mbeidh aitheantas agus forfheidhmiú ann[3].

D'ainneoin na sochar a d'fhéadfadh a bheith i gceist leis ó thaobh na costais agus an tréimhse a bhaineann le dlíthíocht éileamh trasteorann a laghdú, is beag eolas atá ar an nós imeachta agus ní bhaintear mórán úsáide as fós cé go bhfuil roinnt blianta caite ó tháinig an Rialachán i bhfeidhm. I

 ó 2011[4] dhearbhaigh Parlaimint na hEorpa gur gá níos mó a dhéanamh i dtaca le deimhneacht dhlíthiúil, bacainní teanga agus trédhearcacht imeachtaí. D'iarr sí ar an gCoimisiún bearta a dhéanamh chun a áirithiú go mbeidh tomhaltóirí agus gnólachtaí níos feasaí agus ionstraimí reachtacha atá ann cheana féin, amhail an Nós Imeachta Eorpach um Éilimh Bheaga, a úsáid. Tá sé tugtha le fios ag na tomhaltóirí agus na gnólachtaí ar geallsealbhóirí iad gur cheart an Rialachán a fheabhsú tuilleadh ar mhaithe le tomhaltóirí agus gnólachtaí, go háirithe fiontair bheaga agus mheánmhéide. Tá easnaimh áirithe sainaitheanta ag na Ballstáit sa Rialachán atá ann faoi láthair ar cheart aghaidh a thabhairt orthu.

Tá na fadhbanna ag eascairt, den chuid is mó, as na heasnaimh atá sna rialacha atá ann faoi láthair, amhail raon feidhme teoranta cur i bhfeidhm i dtaobh tairsí ísle chomh maith le cumhdach trasteorann, agus nós imeachta atá róchiotach, róchostasach agus rófhada fós nach léiríonn an dul chun cinn teicneolaíoch atá bainte amach i gcórais ceartais na mBallstát ó glacadh an Rialachán. Fiú i gcás ina mbaineann na fadhbanna le cur chun feidhme easnamhach na rialacha atá ann faoi láthair - mar atá i gceist go pointe áirithe i gcás na faidhbe a bhaineann le heaspa trédhearcachta - ní mór a admháil nach mbíonn rialacha an Rialacháin soiléir i gcónaí. Chun aghaidh a thabhairt ar an bhfadhb a bhaineann le heaspa feasachta, tá roinnt beart seolta ag an gCoimisiún Eorpach cheana féin, mar shampla sraith seimineár téamach sna Ballstáit chun fiontair bheaga agus mheánmhéide a chur ar an eolas faoin nós imeachta sin, foilsiú treoirleabhair cleachtais agus dáileadh modúl múinteoireachta chun fiontraithe Eorpacha a oiliúint san ábhar sin.

Shainaithin an Coimisiún an t‑athbhreithniú ar an Rialachán i dTuarascáil 2013 ar Shaoránacht an AE[5] ar cheann de na bearta chun cearta shaoránaigh an Aontais a neartú, trí shocrú díospóidí maidir le ceannacháin a rinneadh i mBallstát eile a éascú. Tá an tionscnamh sin san áireamh freisin sa Chlár Eorpach do Thomhaltóirí[6] mar mhodh chun forfheidhmiú ceart tomhaltóirí a fheabhsú. Ina theannta sin, tá nuachóiriú an Rialacháin ag teacht le tosaíochtaí polaitiúla reatha an AE an téarnamh eacnamaíoch agus an fás inbhuanaithe a chur chun cinn, trí nósanna imeachta cúirte atá níos éifeachtúla agus níos simplí a chur ar aghaidh agus rochtain níos éasca orthu a chur ar fáil d'fhiontair bheaga agus mheánmhéide.

1.3.        An gá atá le hathbhreithniú a dhéanamh ar Airteagal 17 de Rialachán (CE) Uimh. 1896/2006

I gcomhthéacs an ordaithe Eorpaigh maidir le nós imeachta íocaíochta, is é a bhíonn mar thoradh ar ráiteas cur i gcoinne arna chur isteach ag an gcosantóir leanúint uathoibríoch d'imeachtaí faoi ghnáthnósanna imeachta sibhialta. Ós rud é go bhfuil an Nós Imeachta Eorpach um Éilimh Bheaga curtha i bhfeidhm, áfach, níl bonn cirt leis an srian sin a thuilleadh i ndáil le héilimh a thagann faoi raon feidhme Rialachán 861/2007.

Dá bhrí sin, i gcás ina dtagann díospóid faoi raon feidhme an Nós Imeachta Eorpaigh um Éilimh Bheaga, ba cheart a shoiléiriú i Rialachán (CE) Uimh. 1896/2006 gur cheart an nós imeachta sin a bheith ar fáil do pháirtí in Ordú Eorpach maidir le Nós Imeachta Íocaíochta a bhfuil ráiteas cur i gcoinne curtha isteach aige i ndáil le hordú Eorpach maidir le híocaíocht.

2.           TORTHAÍ AN CHOMHAIRLIÚCHÁIN LEIS NA PÁIRTITHE LEASMHARA AGUS MEASÚNUITHE TIONCHAIR

Tá comhairliúcháin déanta ag an gCoimisiún chun faisnéis a bhailiú faoi chur i bhfeidhm reatha an Rialacháin agus faoi ghnéithe a d'fhéadfaí a athbhreithniú. Cuireadh seasamh na bpáirtithe leasmhara agus na mBallstát maidir le beartais in iúl sna torthaí agus cuireadh na torthaí san áireamh trí phróiseas an mheasúnaithe tionchair ar fad.

Rinneadh suirbhé Eurobarometer i mí na Samhna agus mí na Nollag 2012 chun measúnú a dhéanamh ar fheasacht, ionchais agus taithí na saoránach Eorpach maidir le cur i bhfeidhm an Rialacháin[7]. De réir an tsuirbhé, tá 71 % d'éilimh tomhaltóirí laistigh den tairseach EUR 2 000 a bunaíodh leis an Rialachán. Is é EUR 786 an meán‑íosmhéid a bhfuil tomhaltóirí toilteanach dul i mbun dlíthíochta faoi i mBallstát eile. Bhí 12 % de na freagróirí ar an eolas gurb ann don Nós Imeachta Eorpach um Éilimh Bheaga, agus mhaígh 1 % de na freagróirí ar fad gur bhain siad úsáid as an nós imeachta cheana féin. Bhí 69 % acu sin a bhain úsáid as an Nós Imeachta Eorpach um Éilimh Bheaga cheana féin sásta. Maidir le 97 % de na freagróirí ar fad a thug gnó chun na cúirte agus ar éirigh leo le dhá bhliain anuas (i gcásanna ina dtír féin agus i gcásanna trasteorann), forfheidhmíodh a mbreithiúnais mar ba cheart. Is iad na nithe is tábhachtaí a spreagfadh saoránaigh le dul chun na cúirte: a bheith in ann na himeachtaí a dhéanamh i scríbhinn gan teacht os comhair na cúirte (33 %), na himeachtaí a dhéanamh gan dlíodóir (26 %), na himeachtaí a dhéanamh ar líne (20 %) agus a dteanga féin a úsáid (24 %).

Rinneadh comhairliúchán poiblí ar líne idir an 9 Márta agus an 10 Meitheamh 2013. Bailíodh tuairimí maidir leis an bhfeabhas agus simpliú breise a d'fhéadfaí a dhéanamh chun cur le tairbhí an Nós Imeachta Eorpaigh um Éilimh Bheaga, go háirithe do na tomhaltóirí agus d'fhiontair bheaga agus mheánmhéide. Fuarthas 80 freagairt ó réimse leathan páirtithe leasmhara, amhail comhlachais tomhaltóirí agus gnó, breithiúna, dlíodóirí agus lucht acadúil. Léirítear i dtorthaí[8] an chomhairliúcháin go dtacaíonn 66 % de na freagróirí le síneadh a chur leis an tairseach go suas le EUR 10 000, go bhfuil 63 % i bhfabhar modhanna leictreonacha a úsáid le linn an nós imeachta agus go dtacaíonn 71 % leis an smaoineamh trealamh físchomhdhála nó trealamh cumarsáide leictreonaí eile a bheith le fáil sna cúirteanna. Níor cheap ach 28 % de na freagróirí go gcuireann na Ballstáit an cúnamh ar fáil saor in aisce.

Seoladh ceistneoir mionsonraithe maidir le feidhmiú agus cur i bhfeidhm praiticiúil an Rialacháin chuig na Ballstáit ag tús mhí Aibreán 2013 agus chuig an nGréasán Breithiúnach Eorpach. Ba é an aidhm a bhí leis na ceisteanna sonraí a bhailiú faoin méid seo a leanas: líon na gcásanna ina n‑úsáidtear an Nós Imeachta Eorpach um Éilimh Bheaga sna Ballstáit, úsáid modhanna leictreonacha cumarsáide in imeachtaí cúirte, cúnamh a bheith ar fáil do shaoránaigh chun foirmeacha a líonadh isteach agus na rialacha mionsonraithe a bhaineann leis, sprioc‑amanna nós imeachta, éisteachtaí agus fianaise, costas na n‑imeachtaí agus an gá atá leis an tairseach a mhéadú le haghaidh éileamh beag incháilithe. An 15 Bealtaine 2013 an spriocdháta a bhí ann leis na freagraí a chur isteach. Sheol 20 Ballstát san iomlán freagairtí isteach[9].

Tá plé déanta go minic ag an nGréasán Breithiúnach Eorpach maidir le cur i bhfeidhm an Nós Imeachta Eorpaigh um Éilimh Bheaga, na bearta atá le déanamh chun feasacht a ardú faoi agus ar a fheidhmiú chomh maith leis na heilimintí a d'fhéadfadh a bheith ag gabháil leis an athbhreithniú. Sa chruinniú an 17 Bealtaine 2011, thug roinnt Ballstát dá n‑aire nach raibh an Nós Imeachta Eorpach um Éilimh Bheaga á úsáid a mhéad is féidir agus gur cheart feabhas a chur ar an nós imeachta agus bearta ardaithe feasachta a dhéanamh. Bunaíodh meitheal agus sainordaíodh di Treoir Cleachtais a dhréachtú maidir leis an Nós Imeachta Eorpach um Éilimh Bheaga ar mhaithe le dlíodóirí. Ag an gcruinniú an 29/30 Bealtaine 2013, pléadh roinnt gnéithe a bhféadfaí athbhreithniú a dhéanamh orthu amhail an tairseach a mhéadú, modhanna leictreonacha cumarsáide a úsáid idir na cúirteanna agus páirtithe, íoschaighdeáin an AE maidir leis an nós imeachta a chur i bhfeidhm amhail: trealamh físchomhdhála a bheith ar fáil chun éisteachtaí ó bhéal a reáchtáil agus trédhearcacht maidir le táillí cúirte a ríomh agus a íoc agus an cúnamh d'úsáideoirí an nós imeachta, lena n‑áirítear ionadaíocht dlí.

3.           EILIMINTÍ DLÍ AN TOGRA

3.1.        Príomheilimintí an bhirt atá beartaithe

Is iad seo a leanas príomheilimintí an athbhreithnithe atá beartaithe:

· Síneadh a chur le raon feidhme an Rialacháin sa chaoi go gcumhdófaí éilimh trasteorann suas le EUR 10 000;

· an sainmhíniú ar chásanna trasteorann a leathnú;

· Feabhas a chur ar úsáid na cumarsáide leictreonaí, lena n‑áirítear chun doiciméid áirithe a sheirbheáil;

· Oibleagáid a fhorchur ar na cúirteanna trealamh físchomhdhála, teileachumarsáide agus modhanna eile cianchumarsáide a úsáid le haghaidh éisteachtaí ó bhéal agus chun fianaise a ghlacadh;

· Uasteorainn a chur leis na táillí cúirte arna ngearradh as an nós imeachta;

· Foráil a dhéanamh maidir le hoibleagáid ar na Ballstáit modhanna cianíocaíochta le haghaidh táillí cúirte a chur i bhfeidhm;

· An ceanglas maidir le Foirm D a aistriú, ina bhfuil an Deimhniú Forfheidhmiúcháin, a theorannú do bhunús an bhreithiúnais amháin;

· Oibleagáidí faisnéise a fhorchur ar na Ballstáit i ndáil leis na táillí cúirte, na modhanna íocaíochta maidir le táillí cúirte agus cúnamh a chur ar fáil chun na foirmeacha a líonadh isteach.

3.1.1.     Síneadh a chur le raon feidhme an Rialacháin sa chaoi go gcumhdófaí éilimh trasteorann suas le EUR 10 000;

Cuireann an tairseach EUR 2 000 teorainn le raon feidhme an Rialacháin. Cé gur lú an tábhacht a bhaineann leis sin do thomhaltóirí, ós rud é nach mó ná EUR 2 000 an chuid is mó dá n‑éilimh, cuireann sé teorainn mhór leis an nós imeachta a bheith ar fáil d'fhiontair bheaga agus mheánmhéide. Ní bhíonn ach 20 % d'éilimh ghnó faoi bhun EUR 2 000, agus is ionann na héilimh idir EUR 2 000 agus EUR 10 000 agus tuairim is 30 % de na héilimh ghnó thrasteorann ar fad.

Ní théann 45 % de na cuideachtaí a mbíonn díospóid trasteorann acu chun na cúirte mar níl na costais a bhaineann leis na himeachtaí comhréireach le luach na n‑éileamh, agus ní théann 27 % acu chun na cúirte mar bheadh tréimhse rófhada i gceist leis na himeachtaí. Dá gcuirfí an nós imeachta Eorpach simplithe ar fáil freisin i gcás éileamh trasteorann a bhfuil luach idir EUR 2 000 agus EUR 10 000 orthu, laghdófaí go mór ar an gcostas agus ar an bhfad ama a bhaineann le dlíthíocht i gcásanna mar sin.

Le blianta beaga anuas, tá raon feidhme a nósanna imeachta simplithe náisiúnta méadaithe ag roinnt Ballstát trí na tairsí a ardú. Is dearbhú é an treocht leanúnach sin gur gá na córais dlí a nuachóiriú agus rochtain níos fearr orthu a áirithiú do shaoránaigh trí nósanna imeachta simplithe, costéifeachtacha agus tapa a chur ar fáil do bhreis éileamh a bhfuil luach íseal orthu. Sa chomhthéacs sin, ní mór an tairseach EUR 2 000 atá ann faoi láthair don Nós Imeachta Eorpach um Éilimh Bheaga a ardú.

Tríd an tairseach atá ann faoi láthair a ardú beidh na páirtithe in ann dul i mbun dlíthíochta maidir le líon i bhfad níos mó cásanna ar bhonn an nós imeachta Eorpaigh shimplithe. Mar gheall ar an mbreis simplithe sin, an laghdú ar an costais agus fad na n‑imeachtaí is féidir bheith ag súil leis go dtógfaí arís na héilimh ar éireodh astu nó nár leanadh ar aghaidh leo. Is iad na fiontair bheaga agus mheánmhéide an grúpa is mó a bhainfidh sochar as an

 sin, ach bainfidh na tomhaltóirí sochar as freisin, mar is mó ná EUR 2 000 an cúigiú cuid d'éilimh tomhaltóirí. De bharr úsáid mhéadaithe an nós imeachta beidh na breithiúna, cléirigh chúirte agus dlíodóirí in ann eolas níos fearr a chur ar an nós imeachta agus cuirfidh siad i bhfeidhm é ar bhealach níos fearr agus níos éifeachtúla, rud a mbainfidh idir ghnólachtaí agus tomhaltóirí tairbhe as.

3.1.2.     An sainmhíniú ar chásanna trasteorann a leathnú

Faoi láthair níl feidhm ag an Rialachán ach maidir le díospóidí ina bhfuil sainchónaí nó gnáthchónaí ar pháirtí amháin ar a laghad de na páirtithe i mBallstát seachas Ballstát na cúirte a dtugtar an cás os a comhair nó Ballstát an bhinse a dtugtar an cás os a chomhair. Mar sin féin, na díospóidí a bhaineann le páirtithe a bhfuil sainchónaí orthu sa Bhallstát céanna a bhfuil eilimint thábhachtach trasteorann ag baint leo agus a d'fhéadfadh tairbhe a bhaint as an nós imeachta Eorpach simplithe dá bhrí sin, fágtar lasmuigh de raon feidhme an Rialacháin iad. I measc na samplaí tá:

· an cás ina bhfuil an áit ina gcomhlíontar an conradh i mBallstát eile, mar shampla conradh léasa le haghaidh réadmhaoine saoire atá lonnaithe i mBallstát eile; nó

· an cás ina bhfuil an áit inar tharla an teagmhas díobhálach i mBallstát eile, mar shampla nuair a bhaineann timpiste cairr do pháirtithe i réigiún atá in aice na teorann i mBallstát eile; nó

· an cás ina bhfuil an breithiúnas le forfheidhmiú i mBallstát eile, mar shampla i gcás nach mór breithiúnas a dhéanamh ar thuarastal an chosantóra a fhaigheann sé i mBallstát eile.

Go háirithe, de réir fhorálacha Rialachán (CE) Uimh. 44/2001 agus Rialachán (AE) Uimh. 1215/2012, i gcás ina bhféadfaidh an t‑éilitheoir rogha a dhéanamh idir dlínse chúirteanna an Bhallstáit ina bhfuil sainchónaí air féin agus ar an gcosantóir agus dlínse an Bhallstáit ina gcomhlíontar an conradh nó inar tharla an teagmhas díobhálach, mar shampla, níor cheart gurbh é an toradh a bheadh ar rogha an éilitheora i bhfabhar chúirteanna ná bhinsí an Bhallstáit ina bhfuil an sainchónaí comónta go bhfágfaí an t‑éilitheoir gan an deis úsáid a bhaint as an Nós Imeachta Eorpach um Éilimh Bheaga a bheadh ann murach sin.

Ina theannta sin, leis an teorainn atá ann faoi láthair cuirtear urchosc ar iarratais faoin Nós Imeachta Eorpach um Éilimh Bheaga arna gcur os comhair chúirteanna Bhallstáit an AE ag cónaitheoirí tríú tíortha nó ina n‑aghaidh, agus ní chuirtear aon nós imeachta náisiúnta ar leataobh do náisiúnaigh na tíre lena mbaineann ná do shaoránaigh an AE.

Ba é a bheadh de thoradh ar an leasú go mbeadh an Nós Imeachta Eorpach um Éilimh Bheaga ar fáil i ngach cás a bhfuil eilimint trasteorann ag baint leis, lena n‑áirítear na cásanna a bhaineann le tríú tíortha. Ba é a bheadh mar thoradh air sin simpliú agus laghdú ar na costais agus ar an bhfad a bhainfeadh le dul i mbun dlíthíochta do na saoránaigh sin a d'fhéadfadh tairbhe a bhaint as an nós imeachta Eorpach simplithe, mar shampla i gcás inar gá éisteacht leis na saineolaithe sa Bhallstát inar comhlíonadh an conradh nó inar tharla an teagmhas díobhálach. Ar an gcaoi chéanna, bheadh sé níos éasca breithiúnas arna thabhairt faoin Nós Imeachta Eorpach um Éilimh Bheaga a fhorfheidhmiú i mBallstát eile ina bhfuil eolas maith ar an nós imeachta, nó iontaoibh as, a raibh an breithiúnas ábhartha mar thoradh air.

Ós rud é go bhfuil an chumhacht ag na cúirteanna de réir Airteagal 4(3) den Rialachán scrúdú a dhéanamh an bhfuil an foras atá leis an dlínse faoin Rialachán comhlíonta, níl ach riosca beag mí-úsáide ann ar thaobh na n‑éilitheoirí.

3.1.3.     Feabhas a chur ar úsáid modhanna leictreonacha cumarsáide, lena n‑áirítear chun doiciméid áirithe a sheirbheáil

I bprionsabal, d'fhéadfaí roinnt cumarsáide idir na páirtithe agus na cúirteanna a dhéanamh trí mhodhanna leictreonacha lena laghdófaí an t‑am agus na costais a bhainfeadh leis an nós imeachta i gcásanna trasteorann, go háirithe i gcás ina bhfuil achar fada i gceist. Is féidir an t‑iarratas tosaigh a chur isteach cheana féin trí mhodhanna leictreonacha i gcás ina nglacann na Ballstáit leis an modh sin. Mar sin féin, sna cásanna sin inar gá doiciméid a sheirbheáil ar na páirtithe le linn an nós imeachta[10], socraítear sa Rialachán gurb í an tseirbhís phoist in éineacht le hadmháil go bhfuarthas na doiciméid an príomh‑mhodh seirbheála. D'fhéadfaí modhanna eile seirbheála a chur i bhfeidhm ach amháin mura bhfuil an tseirbhís phoist ar fáil.

Mar sin féin, tá seirbheáil leictreonach ar fáil cheana féin i roinnt Ballstát. Leis an togra cuirfear an tseirbhís phoist agus an tseirbhís leictreonach ar comhchéim, ionas gur féidir leis na Ballstáit sin na modhanna leictreonacha sin a chur ar fáil do na páirtithe tríd an Nós Imeachta Eorpach um Éilimh Bheaga. Ní fhéadfaí simpliú a dhéanamh agus am agus costais a laghdú ach amháin i gcás dlíthíochta sna Ballstáit a chinneann seirbheáil leictreonach doiciméad a chur chun feidhme; Táthar ag súil, áfach, go leanfar leis an méadú ar líon na mBallstát atá ag baint leasa as na forbairtí teicneolaíocha sin.

I gcás cumarsáide eile idir na páirtithe agus na cúirteanna, nach bhfuil an tábhacht chéanna léi, déanfar riail sa togra den chumarsáid leictreonach, a bheidh faoi réir chomhaontú na bpáirtithe amháin.

3.1.4.     Oibleagáid a fhorchur ar na cúirteanna trealamh físchomhdhála, teileachumarsáide nó modhanna eile cianchumarsáide a úsáid le haghaidh éisteachtaí ó bhéal agus chun fianaise a ghlacadh

Nós imeachta i scríbhinn atá sa Nós Imeachta Eorpach um Éilimh Bheaga. I gcásanna eisceachtúla, áfach, inar gá éisteacht ó bhéal nó éisteachtaí ó shaineolaí nó ó fhinné chun breithiúnas a thabhairt, féadfaidh an chúirt nó an binse éisteacht ó bhéal a eagrú. Féadfar éisteachtaí ó bhéal a dhéanamh trí bhíthin físchomhdhála nó trí mhodhanna eile cianchumarsáide. Go praiticiúil, áfach, eagraítear éisteachtaí ó bhéal go rialta agus is minic gur gá na páirtithe a bheith i láthair go fisiciúil, agus tá méadú ar chostais taistil agus moilleanna do na páirtithe mar thoradh air sin.

I dtús báire, chuirfí béim níos láidre sa leasú ar chineál eisceachtúil éisteachtaí ó bhéal i gcomhthéacs an nós imeachta simplithe sin. Ina dhiaidh sin, d'fhorchuirfí oibleagáid ar na cúirteanna agus ar na binsí úsáid a bhaint i gcónaí as modhanna cianchumarsáide amhail modhanna físchomhdhála nó teileachumarsáide i gcás ina dtionóltar éisteacht ó bhéal. Chun cearta na bpáirtithe a chosaint, déanfar eisceacht don pháirtí a iarrann go sainráite a bheith i láthair sa chúirt.

Faoin leasú seo d'fhéadfaí a cheangal ar na Ballstáit a gcúirteanna a fheistiú leis an teicneolaíocht chumarsáide iomchuí, i gcás nach bhfuil an teicneolaíocht sin ar fáil go fóill. Tá na féidearthachtaí teicneolaíocha atá ag na Ballstáit éagsúil, agus ina measc tá saoráidí idirlín costéifeachtacha.

3.1.5.     Uasteorainn a chur leis na táillí cúirte arna ngearradh as an nós imeachta

Déantar táillí cúirte a thobhach láithreach nuair a chuirtear iarratas isteach. Meastar na táillí cúirte sin a bheith díréireach nuair a bhíonn os cionn 10 % de luach an éilimh orthu. Sna cásanna sin, féadfar áiteamh ar na héilitheoirí gan leanúint lena n‑éilimh. In go leor Ballstát, cuirtear íostáillí i bhfeidhm chun cur in éadan dlíthíochta suaibhreosaí nó mí-úsáidí. EUR 34 atá ar an meán‑íostáille chúirte.

Leis an bhforáil atá beartaithe ní dhéanfaí táillí cúirte sna Ballstáit a chomhchuibhiú. Ina ionad sin, chuirfí uasteorainn le táillí cúirte d'iarratais faoin Rialachán, arna ríomh mar chéatadán de luach an éilimh, agus mheasfaí táillí cúirte atá thar an teorainn sin a bheith díréireach le luach an éilimh agus iad ag cur baic ar rochtain ar an gceartas d'éilitheoirí a bhfuil éilimh ar luach beag acu. Trí uasteorainn a chur le táillí cúirte don Nós Imeachta Eorpach um Éilimh Bheaga laghdófaí na costais sna Ballstáit sin ina bhfuil na táillí díréireach le luach éileamh den sórt sin. Ar an gcaoi sin, bheadh tarraingt níos mó ag éilitheoirí ar an nós imeachta.

Ina theannta sin, leis an mbeart sin is féidir leis na Ballstáit íostáille chúirte sheasta a choinneáil nach gcuirfeadh toirmeasc ar rochtain ar an gceartas maidir le héilimh ar luach níos ísle. Tá an beart comhréireach i bhfianaise chineál sonrach na ndíospóidí trasteorann - murab amhlaidh agus díospóidí intíre - faoina gceanglaítear ar an éilitheoir go rialta costais bhreise a íoc, amhail costais aistriúcháin agus, i gcás ina n‑eagraítear éisteachtaí ó bhéal, costais taistil agus ateangaireachta.

3.1.6.     Foráil a dhéanamh maidir le hoibleagáid ar na Ballstáit modhanna íocaíochta ar líne le haghaidh táillí cúirte a chur i bhfeidhm

Tá na modhanna íocaíochta maidir le táillí cúirte éagsúil i ngach Ballstát. Go háirithe i gcás nach nglactar ach le hairgead tirim nó stampaí mar mhodhanna íocaíochta, bíonn ar pháirtithe costais taistil a íoc nó aturnae a fhostú sa Bhallstát ina bhfuil an chúirt, rud a d'fhéadfadh cosc a chur orthu leanúint lena n‑éilimh. Tagann fadhbanna den chineál céanna chun cinn i gcás nach nglactar ach le seiceanna mar mhodh íocaíochta, mar ní bhíonn seiceanna in úsáid ghinearálta in go leor Ballstát, nó ní bhíonn siad in úsáid ach ag dlíodóirí.

Is é is aidhm leis an togra oibleagáid a chur ar na Ballstáit modhanna cianíocaíochta a chur i bhfeidhm - aistrithe bainc agus córais íocaíochta ar líne le cártaí creidmheasa/dochair ar a laghad. Is dócha go dtiocfaidh méadú ar éifeachtúlacht iomlán an chórais ceartais, ós rud é go mbeidh laghdú ar an am agus ar na costais.

3.1.7.     An ceanglas maidir leis an deimhniú forfheidhmiúcháin i bhFoirm D a aistriú a theorannú do bhunús an bhreithiúnais amháin

Ag céim forfheidhmiúcháin breithiúnais, ní mór don pháirtí atá ag iarraidh an fhorfheidhmiúcháin aistriúchán ar an deimhniú forfheidhmiúcháin i bhFoirm D a fháil ó aistritheoir deimhnithe go teangacha Bhallstát an fhorfheidhmiúcháin. Ní ghlacann ach roinnt Ballstát le Foirm D i dteangacha eile seachas a dteangacha féin.

Baineann costais nach gá leis an oibleagáid aistriúchán a dhéanamh ar Fhoirm D sa mhéid is nár cheart gur ghá ach Roinn 4.3 den fhoirm a aistriú (bunús an bhreithiúnais), toisc go bhfuil na réimsí eile ar fáil i ngach teanga cheana féin. Is minic a ghearrann aistritheoirí costas ar an bhfoirm ar fad a aistriú, áfach. D'fhéadfadh na costais nach gá sin, anuas ar na costais eile, a bheith ina ndídhreasacht don pháirtí ar mian leis breithiúnas a fhorfheidhmiú chun leanúint le héileamh nó forfheidhmiú an éilimh sin a iarraidh.

Faoin leasú beidh an ceanglas aistriúcháin teoranta do shubstaint an bhreithiúnais i bpointe 4.3 i bhFoirm D.

3.1.8.     Oibleagáidí faisnéise a fhorchur ar na Ballstáit i ndáil le táillí cúirte, modhanna íocaíochta táillí cúirte agus cúnamh a bheith ar fáil chun na foirmeacha a líonadh isteach

Cé go bhfuil ceanglas ar na Ballstáit i láthair na huaire fógra a thabhairt don Choimisiún, chun críocha an fhaisnéis a chur ar fáil go poiblí, faoi chúirteanna inniúla, na modhanna cumarsáide a nglactar leo, faoin deis achomharc a dhéanamh, na teangacha a nglactar leo le haghaidh forfheidhmiúcháin agus na húdaráis forfheidhmiúcháin (Airteagal 25), tá faisnéis faoi tháillí cúirte agus modhanna íocaíochta táillí cúirte ar iarraidh i láthair na huaire. Níl tuilleadh trédhearcachta maidir leis na heilimintí sin ann de thoradh na hoibleagáide maidir le comhar idir na Ballstáit chun an fhaisnéis faoi chostais a chur ar fáil go poiblí (Airteagal 24). Ina theannta sin, níl an oibleagáid atá ar na Ballstáit cúnamh praiticiúil a chur ar fáil chun na foirmeacha a líonadh isteach (Airteagal 11) curtha chun feidhme in go leor cásanna.

Trí oibleagáid a chur ar na Ballstáit an Coimisiún a chur ar an eolas maidir le táillí cúirte agus modhanna íocaíochta don Nós Imeachta Eorpach um Éilimh Bheaga, chomh maith le cúnamh praiticiúil a bheith ar fáil do na páirtithe, agus oibleagáid an Choimisiúin an fhaisnéis sin a chur ar fáil go poiblí, d'fheabhsófaí an trédhearcacht agus an rochtain ar an gceartas dá réir sin.

3.2.        Leasuithe teicniúla eile

D'fhéadfaí feabhas a chur ar roinnt d'fhorálacha Rialachán (CE) Uimh. 861/2007 chun na forbairtí is déanaí a chur san áireamh, amhail teacht i bhfeidhm Choradh Liospóin agus cásdlí Chúirt Bhreithiúnais an Aontais Eorpaigh.

Ar an gcéad dul síos, is gá Airteagal 26 agus Airteagal 27 den Rialachán a chur i gcomhréir leis an nós imeachta tarmligin nua a bunaíodh le hAirteagal 290 den Chonradh ar Fheidhmiú an Aontais Eorpaigh.

Ar an dara dul síos, is gá Airteagal 18 den Rialachán a shoiléiriú chun deacrachtaí praiticiúla a sheachaint atá comhchosúil leo sin a tugadh chun solais in iarraidh ar réamhrialú a cuireadh os comhair na Cúirte Breithiúnais le déanaí, inar iarradh ar an gCúirt foráil chomhchosúil a léirmhíniú i gcomhthéacs Rialachán (CE) Uimh. 1896/2006[11]. Tá an ceart céanna chun iarratas a dhéanamh ar athbhreithniú leagtha amach ar bhealach atá beagán difriúil, ach níos soiléire, i Rialachán (CE) Uimh. 4/2009 maidir le dlínse, an dlí is infheidhme, breitheanna a shainaithint agus a fhorfheidhmiú agus comhar in ábhair a bhaineann le hoibleagáidí cothabhála. Níl aon chúis leis na forálacha sin maidir le hathbhreithniú, a bhfuil an cuspóir ceannann céanna á leanúint acu, a bheith leagtha amach ar bhealaí difriúla sna rialacháin Eorpacha éagsúla. Tá sé d'aidhm ag an athbhreithniú atá beartaithe an ceart chun iarratas a dhéanamh ar athbhreithniú ar bhealach atá i gcomhréir le Rialachán 4/2009 a shoiléiriú.

3.3.        Bunús dlí

Glacadh Rialachán (CE) Uimh. 861/2007 faoi Airteagal 61(c) de Chonradh CE ina bhfuil coinníoll go nglacfaidh an Chomhairle bearta i réimse an chomhair bhreithiúnaigh in ábhair shibhialta agus Airteagal 67(1) de Chonradh CE ina sainítear an nós imeachta reachtach atá le leanúint. Tar éis theacht i bhfeidhm Chonradh Liospóin, beidh aon athbhreithniú ar Rialachán (CE) Uimh. 861/2007 bunaithe ar Airteagal 81(2) (a), (c) agus (f) den CFAE.

3.4.        Coimhdeacht agus comhréireacht

Bunaíodh an gá le beart ón AE cheana féin in 2007 nuair a glacadh Rialachán (CE) Uimh. 861/2007. Tá gnéithe trasnáisiúnta i gceist leis an tsaincheist atá faoi bhreithniú nach féidir déileáil leo go sásúil le beart aonair na mBallstát. Ní féidir an cuspóir i ndáil le muinín tomhaltóirí agus gnólachtaí, go háirithe fiontair bheaga agus mheánmhéide, a fheabhsú i dtrádáil trasteorann agus i rochtain ar an gceartas i ndíospóidí trasteorann a bhaint amach gan leasú ar an Rialachán atá ann cheana chun forbairtí ó 2007 agus easnaimh thuairiscithe i gcur i bhfeidhm Rialachán (CE) Uimh. 861/2007 a léiriú níos fearr.

Áit a bhfuil nósanna imeachta náisiúnta simplithe, tá éagsúlacht mhór ann ó thaobh tairsigh de agus ó thaobh an tsimplithe a rinneadh ar an nós imeachta. De cheal caighdeán nós imeachta aonfhoirmeach ar fud an AE, chuirfeadh an chastacht bhunúsach bhreise agus an costas a bhaineann le héileamh trasteorann, atá mar thoradh ar an easpa eolais atá ag na páirtithe ar an dlí nós imeachta eachtrach, an gá atá le haistriúchán agus ateangaireacht agus an gá atá le taisteal le haghaidh éisteachtaí ó bhéal, chuirfeadh sé le costais dhíréireacha agus fad díréireach dlíthíochta i gcomparáid le díospóidí intíre. Toisc go ndéantar saobhadh ar an iomaíocht laistigh den mhargadh inmheánach de dheasca míchothromaíochtaí i bhfeidhmiú na nósanna imeachta atá ar fáil d'iarrthóirí/do chreidiúnaithe i mBallstáit éagsúla, tá gá le beart ón AE a ráthódh cothrom iomaíochta do chreidiúnaithe agus d'fhéichiúnaithe ar fud an AE. Mar shampla, de cheal athbhreithnithe, mar gheall ar an tairseach atá ann faoi láthair beidh go leor fiontair bheaga agus mheánmhéide atá i mbun díospóide trasteorann gan rochtain ar nós imeachta cúirte aonfhoirmeach agus simplithe sna Ballstáit ar fad. Ar an gcaoi chéanna, mura gcuirfí teorainn le táillí cúirte díréireacha ar fud an AE agus mura bhféadfaí táillí cúirte a íoc trí mhodhanna cianíocaíochta ar fud an AE, ní bheadh aon rochtain ar na cúirteanna ag go leor creidiúnaithe.

Anuas air sin, bheadh tairbhe chinnte ag baint le beart ar leibhéal an AE i gcomparáid le beart na mBallstát ó thaobh éifeachtachta de toisc go mbunófar leis an Rialachán athbhreithnithe ionstraimí nós imeachta aonfhoirmeacha do gach éileamh trasteorann laistigh dá raon feidhme, is cuma cén áit san AE ina bhfuil an chúirt ag éisteacht an cháis. Leis an athbhreithniú go háirithe, feabhsófar an rochtain ar an gceartas do chuid mhór d'éilimh bheaga fiontar beag agus meánmhéide atá laistigh de raon feidhme an Rialacháin anois, agus do thomhaltóirí agus fiontair bheaga agus mheánmhéide freisin a bhfuil éilimh trasteorann acu atá lasmuigh de shainmhíniú an Rialacháin atá ann faoi láthair. Anuas air sin, leis an athbhreithniú dhéanfaí an nós imeachta níos éifeachtúla i gcás gach éilimh atá laistigh dá raon feidhme, trí rialacha nós imeachta aonfhoirmeacha a chur ar fáil lena ndéantar an dlíthíocht i ndíospóidí trasteorann níos simplí agus lena laghdaítear an costas a bhaineann léi. Le rochtain níos fearr ar nósanna imeachta breithiúnacha éifeachtúla do níos mó creidiúnaithe a bhfuil éilimh ar luach íseal acu, bainfear an bac den sreabhadh caipitil, agus mar thoradh air sin beidh muinín níos mó ann as trádáil trasteorann agus feidhmeoidh an margadh inmheánach ar bhealach níos fearr.

Leis an athbhreithniú freisin déanfar forfheidhmiú breithiúnas a shimpliú tuilleadh, go háirithe i gcás éileamh atá thar an tairseach atá ann faoi láthair, agus cothófar tuilleadh muiníne i measc na gcúirteanna agus na n‑údarás forfheidhmiúcháin a chuirfidh eolas ar an Nós Imeachta Eorpach um Éilimh Bheaga.

3.5.        Cearta bunúsacha

Mar atá leagtha amach go mionsonraithe sa Mheasúnú Tionchair a ghabhann leis an togra seo agus i gcomhréir le straitéis an Aontais Cairt um Chearta Bunúsacha an Aontais Eorpaigh a chur chun feidhme go héifeachtach, urramaíonn eilimintí uile an athchóirithe na cearta atá leagtha amach sa Chairt Eorpach um Chearta Bunúsacha.

Urramaítear an ceart chun trialach córa (Airteagal 47(2) den Chairt), ós rud é go mbeidh de thoradh ar an leasú rochtain níos mó ar an gceartas i gcás éileamh a bhfuil luach íseal orthu i ngach cás trasteorann. Anuas air sin, cuirtear coimircí nós imeachta i bhfeidhm chun a áirithiú nach mbeidh tionchar diúltach ag simpliú breise an nós imeachta faoi na leasuithe atá beartaithe ar chearta na bpáirtithe. Dá bhrí sin, ní úsáidfear seirbhísí leictreonacha a bhfuil admháil go bhfuarthas an chumarsáid ag gabháil leo ach amháin i gcás ina gcomhaontaíonn na páirtithe amhlaidh; déanfar eisceacht i dtaca le héisteacht físchomhdhála nó teileachomhdhála éigeantaí i gcónaí don pháirtí ar mian leis a bheith i láthair sa chúirt; agus, i gcás éileamh os cionn EUR 2 000, ní bheidh na cúirteanna in ann éisteacht ó bhéal arna déanamh le modhanna cianchumarsáide a dhiúltú má iarrann aon pháirtí amháin ar a laghad a leithéid.

3.6.        Impleachtaí buiséadacha

Ní bheidh d'impleachtaí ann do bhuiséad an Aontais Eorpaigh mar thoradh ar an Rialachán atá beartaithe ach costais aon uaire a bhaineann le tuarascáil a ullmhú 5 bliana tar éis dáta theacht i bhfeidhm an Rialacháin.

2013/0403 (COD)

Togra le haghaidh

RIALACHÁIN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (CE) Uimh. 861/2007 ó Pharlaimint na hEorpa agus ón gComhairle an 11 Iúil 2007 lena mbunaítear Nós Imeachta Eorpach um Éilimh Bheaga agus Rialachán (CE) Uimh. 1896/2006 ó Pharlaimint na hEorpa agus ón gComhairle an 12 Nollaig 2006 lena gcruthaítear ordú Eorpach maidir le nós imeachta íocaíochta

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 81 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na parlaimintí náisiúnta,

Ag féachaint don tuairim ó Choiste Eacnamaíoch agus Sóisialach na hEorpa[12],

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)       Bunaíodh le Rialachán (CE) Uimh. 861/2007 ó Pharlaimint na hEorpa agus ón gComhairle[13] an Nós Imeachta Eorpach um Éilimh Bheaga. Tá feidhm aige maidir le héilimh thrasteorann shibhialta agus thráchtála a chonspóidtear agus nach gconspóidtear araon a bhfuil luach nach mó ná EUR 2 000 orthu. Áirithíodh leis freisin gur féidir na breithiúnais a thugtar laistigh den nós imeachta sin a fhorfheidhmiú gan aon nós imeachta inmheánach, go háirithe gan gá a bheith le dearbhú forfheidhmiúcháin sa Bhallstát forfheidhmiúcháin (exequatur a dhíothú). Ba é an aidhm ghinearálta a bhí leis an Rialachán rochtain ar an gceartas a fheabhsú trí chostais a laghdú agus dlús a chur leis an nós imeachta sibhialta i ndáil le héilimh laistigh dá raon feidhme le haghaidh tomhaltóirí agus gnólachtaí araon.

(2)       Faoi Rialachán (CE) Uimh. 861/2007 tugtar treoir don Choimisiún tuarascáil mhionsonraithe a thíolacadh do Pharlaimint na hEorpa, don Chomhairle agus do Choiste Eacnamaíoch agus Sóisialta na hEorpa faoin 1 Eanáir 2014 lena n‑athbhreithneofar feidhmiú an Nós Imeachta Eorpaigh um Éilimh Bheaga, lena n‑áirítear an teorainn ar luach an éilimh a fhéadfar a dhéanamh faoin nós imeachta sin.

(3)       Sainaithníodh sa tuarascáil ón gCoimisiún[14] maidir le cur i bhfeidhm Rialachán (CE) Uimh. 861/2007 na bacainní ar lánacmhainneacht an Nós Imeachta Eorpaigh um Éilimh Bheaga chun sochair tomhaltóirí agus gnólachtaí, go háirithe fiontair bheaga agus mheánmhéide. Léirítear sa tuarascáil go gceileann tairseach íseal na reachtaíochta atá ann faoi láthair úsáid nós imeachta simplithe ar éilitheoirí ionchasacha a mbíonn díospóidí trasteorann acu. Anuas air sin, d'fhéadfaí roinnt eilimintí den nós imeachta a shimpliú tuilleadh chun costais agus tréimhse na dlíthíochta a laghdú. Is é tátal na tuarascála go bhféadfaí deireadh a chur leis na bacainní sin go han‑éifeachtach tríd an Rialachán a leasú.

(4)       Ba cheart tomhaltóirí a bheith in ann na deiseanna a thugtar leis an margadh aonair a úsáid a mhéad is féidir, agus níor cheart teorainn a bheith lena muinín de bhrí easpa réiteach éifeachtach dlí ar dhíospóidí ina bhfuil eilimint trasteorann i gceist. Is é is aidhm leis na feabhsuithe ar an Nós Imeachta Eorpach um Éilimh Bheaga atá beartaithe sa Rialachán seo na hacmhainní is gá le haghaidh sásaimh éifeachtaigh a chur ar fáil do na tomhaltóirí, rud a chuirfeadh le forfheidhmiú praiticiúil a gceart.

(5)       Dá n‑ardófaí an tairseach go dtí EUR 10 000 bheadh sochar ag baint leis d'fhiontair bheaga agus mheánmhéide go háirithe, nach bhfuil sé de mhisneach acu faoi láthair tabhairt faoi chaingean cúirte mar faoi na gnáthnósanna imeachta náisiúnta nó na nósanna imeachta simplithe náisiúnta tá na costais a bhaineann le dlíthíocht díréireach le luach an éilimh agus/nó tá na himeachtaí breithiúnacha rófhada. Dá n‑ardófaí an tairseach chuirfí feabhas ar an rochtain ar leigheas breithiúnach éifeachtach agus costéifeachtúil ar dhíospóidí trasteorann lena mbaineann fiontair bheaga agus mheánmhéide. Le rochtain mhéadaithe ar an gceartas d'fheabhsófaí an mhuinín as idirbhearta trasteorann agus chuirfí le lánúsáid na ndeiseanna a thugtar leis an margadh inmheánach.

(6)       Tá feidhm ag an Nós Imeachta Eorpach um Éilimh Bheaga maidir le gach éileamh a bhfuil eilimint trasteorann ag baint leis. Áirítear leis sin cásanna ina bhfuil sainchónaí ar an dá pháirtí sa Bhallstát céanna agus nach bhfuil ach an áit ina gcomhlíontar an conradh, an áit ina dtarlaíonn an teagmhas díobhálach nó an áit ina bhforfheidhmítear an breithiúnas lonnaithe i mBallstát eile. Go háirithe, de réir Rialachán (CE) Uimh. 44/2001 ón gComhairle[15] [Rialachán (AE) Uimh. 1215/2012 ó Pharlaimint na hEorpa agus ón gComhairle[16]], i gcás ina bhféadfaidh an t‑éilitheoir rogha a dhéanamh idir dlínse chúirteanna an Bhallstáit ina bhfuil sainchónaí air féin agus ar an gcosantóir agus dlínse chúirteanna an Bhallstáit ina gcomhlíontar an conradh nó inar tharla an teagmhas díobhálach, níor cheart gurbh é an toradh a bheadh ar rogha an éilitheora i bhfabhar chúirteanna nó bhinsí an Bhallstáit ina bhfuil an sainchónaí comónta go bhfágfaí an t‑éilitheoir gan an deis úsáid a bhaint as an Nós Imeachta Eorpach um Éilimh Bheaga a bheadh ann murach sin. Anuas air sin, ba cheart an Nós Imeachta Eorpach um Éilimh Bheaga a bheith ar fáil i gcásanna a chuirtear os comhair chúirteanna Bhallstáit an AE ag cónaitheoirí tríú tíortha nó ina n‑aghaidh.

(7)       Níor cheart feidhm a bheith ag an Rialachán seo ach i ndíospóidí trasteorann, ach níor cheart go gcuirfeadh aon ní cosc ar na Ballstáit na forálacha ceannann céanna a chur i bhfeidhm freisin maidir le himeachtaí inmheánacha amháin i ndáil le héilimh a bhfuil luach íseal orthu.

(8)       D'fhéadfaí tuilleadh feabhais a chur ar an Nós Imeachta Eorpach um Éilimh Bheaga trí leas a bhaint as na forbairtí teicneolaíocha i réimse an cheartais lena bhfaightear réidh le fad geografach agus na hiarmhairtí a bhaineann leis ó thaobh costas ard agus fad imeachtaí mar dhálaí lena gcuirtear bac ar rochtain ar an gceartas.

(9)       Chun fad an nós imeachta a laghdú tuilleadh, ba cheart na páirtithe agus na cúirteanna a spreagadh tuilleadh le teicneolaíocht chumarsáide nua-aimseartha a úsáid. Ba cheart bheith in ann iarratas a dhéanamh faoin Nós Imeachta Eorpach um Éilimh Bheaga trí bhíthin modhanna leictreonacha cumarsáide i gcás ina bhfuil an teicneolaíocht ar fáil cheana féin sna Ballstáit. I gcás doiciméad is gá a sheirbheáil ar na páirtithe, ba cheart an tseirbheáil leictreonach a bheith ar comhchéim leis an tseirbheáil phoist i gcás ina bhfuil an teicneolaíocht ar fáil sna Ballstáit. I gcás gach cumarsáide eile i scríbhinn idir na páirtithe agus na cúirteanna nó na binsí, ba cheart tosaíocht a thabhairt do mhodhanna leictreonach ar an tseirbhís phoist. I ngach cás, ba cheart rogha a bheith ag na páirtithe idir modhanna leictreonacha agus modhanna níos traidisiúnta i gcás iarratais, seirbhíse nó cumarsáide.

(10)     Ba cheart don chúirt nó don bhinse a thugann an breithiúnas an breithiúnas a sheirbheáil ar an éilitheoir agus ar an gcosantóir araon i gcomhréir leis na modhanna dá bhforáiltear sa Rialachán seo.

(11)     Nós imeachta i scríbhinn atá sa Nós Imeachta Eorpach um Éilimh Bheaga. Is féidir éisteachtaí ó bhéal a thionól go heisceachtúil mura féidir an breithiúnas a thabhairt ar bhonn na fianaise i scríbhinn arna cur ar fáil ag na páirtithe. Anuas air sin, chun cearta nós imeachta na bpáirtithe a chosaint, ba cheart éisteacht ó bhéal a eagrú i gcónaí arna hiarraidh sin ag páirtí amháin ar a laghad i gcás ina bhfuil luach an éilimh níos mó ná EUR 2 000. Ar deireadh, ba cheart do na cúirteanna iarracht a dhéanamh teacht ar shocraíocht idir na páirtithe agus, dá bhrí sin, i gcás ina ndearbhaíonn na páirtithe go bhfuil siad toilteanach teacht ar shocraíocht chúirte, ba cheart don chúirt éisteacht ó bhéal a eagrú chun na críche sin.

(12)     Ba cheart éisteachtaí ó bhéal chomh maith le glacadh fianaise trí bhíthin éisteachtaí finnéithe, saineolaithe nó páirtithe, a dhéanamh trí mhodhanna cianchumarsáide. Leis sin níor cheart difear a dhéanamh do cheart páirtí in imeachtaí a bheith i láthair sa chúirt don éisteacht ó bhéal. I gcomhthéacs éisteachtaí ó bhéal agus glacadh fianaise, ba cheart do na Ballstáit modhanna nua-aimseartha cianchumarsáide a úsáid ionas gur féidir daoine a éisteacht gan iallach a chur orthu taisteal chun na cúirte nó chun an bhinse. I gcás ina bhfuil sainchónaí ar an duine arna éisteacht i mBallstát seachas an Ballstát ina bhfuil an chúirt a bhfuiltear os a comhair, ba cheart éisteachtaí ó bhéal a eagrú i gcomhréir leis na rialacha atá leagtha amach i Rialachán (CE) Uimh. 1206/2001 ón gComhairle[17]. I gcás ina bhfuil sainchónaí ar an bpáirtí atá le héisteacht sa Bhallstát ina bhfuil an chúirt a bhfuil dlínse aici nó an binse a bhfuil dlínse aige lonnaithe nó i dtríú tír, féadfar éisteacht ó bhéal a thionól trí bhíthin físchomhdhála, teileachomhdhála nó teicneolaíochta cianchumarsáide iomchuí eile i gcomhréir leis an dlí náisiúnta. Ba cheart páirtí a bheith i dteideal teacht os comhair na cúirte nó éisteachta ó bhéal má iarrann an páirtí sin a leithéid. Ba cheart don chúirt nó don bhinse an modh is simplí agus is lú costas a úsáid chun fianaise a ghlacadh.

(13)     D'fhéadfadh go n‑imreodh na costais a bhainfeadh le dlíthíocht tionchar ar chinneadh an éilitheora dul chun na cúirte. D'fhéadfadh táillí cúirte, i measc costas eile, bac a chur ar éilitheoirí dul chun na cúirte, go háirithe sna Ballstáit sin ina bhfuil na táillí cúirte díréireach. Ba cheart na táillí cúirte a bheith comhréireach le luach an éilimh chun rochtain ar an gceartas i gcás éileamh beag trasteorann a áirithiú. Ní hé is aidhm leis an Rialachán seo táillí cúirte a chomhchuibhiú; ina ionad sin, cuirtear uasteorainn leis an bhforáil le táillí cúirte sa chaoi go mbeadh rochtain ag cuid shuntasach d'éilitheoirí ar an nós imeachta, agus é de lánrogha ag na Ballstáit an modh ríomha agus méid na dtáillí cúirte a roghnú.

(14)     Níor cheart a cheangal ar an éilitheoir taisteal ná dlíodóir a fhostú chun na táillí cúirte a íoc. Ar a laghad, ba cheart do gach cúirt a bhfuil dlínse aici agus gach binse a bhfuil dlínse aige i Nósanna Imeachta Eorpacha um Éilimh Bheaga glacadh le haistrithe bainc agus córais íocaíochta ar líne le cártaí creidmheasa nó dochair.

(15)     Ba cheart faisnéis faoi na táillí cúirte agus modhanna íocaíochta, chomh maith le faisnéis faoi na húdaráis nó eagraíochtaí atá inniúil cúnamh praiticiúil a thabhairt sna Ballstáit a bheith níos trédhearcaí agus ar fáil ar an idirlíon go héasca. Ba cheart do na Ballstáit an fhaisnéis sin a thabhairt don Choimisiún, agus ba cheart don Choimisiún a áirithiú go gcuirtear ar fáil go poiblí í agus go scaiptear go forleathan í.

(16)     I gcás ina dtagann díospóid faoi raon feidhme an Nós Imeachta Eorpaigh um Éilimh Bheaga, ba cheart a shoiléiriú i Rialachán (CE) Uimh. 1896/2006 ó Pharlaimint na hEorpa agus ón gComhairle[18] gur cheart an nós imeachta sin a bheith ar fáil do pháirtí in Ordú Eorpach maidir le Nós Imeachta Íocaíochta a bhfuil ráiteas cur i gcoinne curtha isteach aige i dtaca le hordú Eorpach maidir le híocaíocht.

(17)     Chun feabhas a chur ar chosaint an chosantóra, ba cheart faisnéis a bheith sna foirmeacha caighdeánacha atá in Iarscríbhinní I, II, III agus IV a ghabhann le Rialachán (CÉ) Uimh. 861/2007 faoi na hiarmhairtí don chosantóir mura ndéanann sé agóid i gcoinne an éilimh nó mura mbíonn sé i láthair sa chúirt, go háirithe i gcás ina bhféadfaí breithiúnas a thabhairt nó a fhorfheidhmiú in aghaidh an chosantóra agus ina bhféadfaí dliteanas a thabhú i leith costas a bhaineann leis na himeachtaí cúirte. Ba cheart an fhaisnéis sna hIarscríbhinní na hathruithe dá bhforáiltear sa Rialachán seo a léiriú, mar shampla na hathruithe atá dírithe ar úsáid modhanna cianchumarsáide idir an chúirt agus na binsí agus na páirtithe a éascú.

(18)     I ndáil leis na hathruithe ar Iarscríbhinní I, II, III agus IV a ghabhann leis an Rialachán seo, ba cheart an chumhacht chun gníomhartha a ghlacadh i gcomhréir le hAirteagal 290 den Chonradh ar Fheidhmiú an Aontais Eorpaigh a tharmligean chuig an gCoimisiún. Tá sé ríthábhachtach go ndéanfaidh an Coimisiún comhairliúchán iomchuí le linn a chuid oibre ullmhúcháin, lena n‑áirítear comhairliúchán le saineolaithe. Ba cheart don Choimisiún a áirithiú, agus gníomhartha tarmligthe á n‑ullmhú agus á dtarraingt suas aige, go ndéanfar na doiciméid ábhartha a tharchur an tráth céanna, go tráthúil agus go hiomchuí chuig Parlaimint na hEorpa agus chuig an gComhairle.

(19)     I gcomhréir le hAirteagal 1 agus Airteagal 2 den Phrótacal maidir le seasamh na Ríochta Aontaithe agus na hÉireann i leith limistéir saoirse, slándála agus ceartais atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, [tá sé curtha in iúl ag an Ríocht Aontaithe agus ag Éirinn gur mhian leo bheith rannpháirteach i nglacadh agus i gcur i bhfeidhm an Rialacháin seo]/[gan dochar d'Airteagal 4 den Phrótacal sin, ní bheidh an Ríocht Aontaithe ná Éire rannpháirteach i nglacadh an Rialacháin seo agus ní bheidh sé ina cheangal orthu ná ní bheidh siad faoi réir a chur i bhfeidhm].

(20)     I gcomhréir le hAirteagal 1 agus le hAirteagal 2 den Phrótacal maidir le seasamh na Danmhairge atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, ní bheidh an Danmhairg rannpháirteach i nglacadh an Rialacháin seo agus dá bhrí sin ní bheidh an Rialachán seo ina cheangal ar an Danmhairg ná ní bheidh sí faoi réir a chur i bhfeidhm.

(21)     Ba cheart, dá bhrí sin, Rialachán (CE) Uimh. 861/2007 agus Rialachán (CE) Uimh. 1896/2006 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán (CE) Uimh. 861/2007 mar seo a leanas:

(1) Cuirtear an méid seo a leanas in ionad Airteagal 2:

"Airteagal 2

Raon feidhme

1.           Beidh feidhm ag an Rialachán seo maidir le hábhair shibhialta agus thráchtála, beag beann ar chineál na cúirte nó an bhinse, i gcás nach mó ná EUR 10 000 luach an éilimh tráth a gheobhaidh an chúirt a bhfuil dlínse aici nó an binse a bhfuil dlínse aige an fhoirm éilimh, gan aon ús, aon chaiteachais ná aon íocaíochtaí amach a áireamh. Ní bheidh feidhm aige, go háirithe, maidir le hábhair ioncaim, chustaim ná riaracháin ná le dliteanas an Stáit i leith gníomhartha ná neamhghníomhartha i bhfeidhmiú údarás an Stáit (acta jure imperii).

2.           Ní bheidh feidhm ag an Rialachán seo, an tráth a fhaigheann an chúirt a bhfuil dlínse aici nó an binse a bhfuil dlínse aige an fhoirm éilimh, i gcás ina bhfuil na heilimintí seo ar fad a leanas, más ábhartha, in aon Bhallstát amháin:

(a) sainchónaí nó gnátháit chónaithe na bpáirtithe;

(b) an áit ina gcomhlíontar an conradh;

(c) an áit as ar eascair na fíorais ar a bhfuil an t‑éileamh bunaithe;

(d) an áit ina bhforfheidhmítear an breithiúnas;

(e) an chúirt a bhfuil dlínse aici nó an binse a bhfuil dlínse aige.

Déanfar an sainchónaí a chinneadh i gcomhréir le [hAirteagal 59 agus Airteagal 60 de Rialachán (CE) Uimh. 44/2001]/[Airteagal 62 agus Airteagal 63 de Rialachán (AE) Uimh. 1215/2012].

3.           Ní bheidh feidhm ag an Rialachán seo maidir le hábhair a bhaineann leis na nithe seo a leanas:

(a) stádas nó inniúlacht dhlíthiúil daoine nádúrtha;

(b) maoin‑chearta de bhua cóngais phósta, oibleagáidí cothabhála, uachtanna agus comharbais;

(c) féimheacht, imeachtaí maidir le foirceannadh cuideachtaí dócmhainneacha nó daoine dlítheanacha eile atá dócmhainneach, comhshocraíochtaí breithiúnacha, imshocraíochtaí agus imeachtaí cosúil leo sin;

(d) slándáil shóisialta;

(e) eadráin;

(f) dlí na fostaíochta;

(g) tionóntachtaí maoine dochorraithe, seachas caingne maidir le héilimh ar airgead; nó

(h) sáruithe príobháideachta agus sáruithe ceart a bhaineann le pearsantacht, lena n‑áirítear clúmhilleadh.

4.           Sa Rialachán seo, ciallaíonn an téarma "Ballstát" na Ballstáit seachas an Danmhairg."

(2) Scriostar Airteagal 3.

(3) Leasaítear Airteagal 4 mar seo a leanas:

(a) Sa dara fomhír de mhír 4, cuirtear isteach an abairt seo a leanas:

"Cuirfidh an chúirt an t‑éilitheoir ar an eolas faoin díbhe sin."

(b) Cuirtear an méid seo a leanas in ionad mhír 5:

5. Áiritheoidh na Ballstáit go bhfuil Foirm éilimh chaighdeánach A ar fáil i bhfoirm páipéir i ngach cúirt agus binse inar féidir an Nós Imeachta Eorpach um Éilimh Bheaga a thosú, agus i bhfoirm leictreonach freisin ar shuíomhanna gréasáin na gcúirteanna sin nó an údaráis lárnaigh iomchuí."

(4) In Airteagal 5, cuirtear an méid seo a leanas in ionad mhír 1:

1. Nós imeachta i scríbhinn a bheidh sa Nós Imeachta Eorpach um Éilimh Bheaga. Tionólfaidh an chúirt nó an binse éisteacht ó bhéal má mheasann sí nó sé nach féidir an breithiúnas a thabhairt ar bhonn na fianaise i scríbhinn arna cur isteach ag na páirtithe nó má iarrann páirtí amhlaidh. Féadfaidh an chúirt nó an binse an iarraidh sin a dhiúltú má mheasann sí nó sé, ag féachaint d'imthosca an cháis, nach gá éisteacht ó bhéal d'fhonn na himeachtaí a dhéanamh go cóir. Tabharfar i scríbhinn na cúiseanna a bhí leis an diúltú. Ní fhéadfar cur in aghaidh an diúltaithe ar leithligh ó aon agóid in aghaidh an bhreithiúnais féin.

Ní fhéadfaidh an chúirt ná an binse iarraidh ar éisteacht ó bhéal a dhiúltú i gcás:

(a) inar mó ná EUR 2 000 luach an éilimh, nó

(b) ina léiríonn an dá pháirtí go bhfuil siad toilteanach socraíocht chúirte a chur i gcrích agus éisteacht chúirte a iarraidh chun na críche sin. "

(5) Cuirtear an méid seo a leanas in ionad Airteagal 8:

"Airteagal 8

Éisteacht ó bhéal

1.           Tionólfar éisteacht ó bhéal trí bhíthin físchomhdhála, teileachomhdhála nó teicneolaíochta cianchumarsáide iomchuí eile i gcomhréir le Rialachán (CE) Uimh. 1206/2001 ón gComhairle i gcás ina bhfuil sainchónaí ar an bpáirtí atá le héisteacht i mBallstát seachas an Ballstát ina bhfuil an chúirt a bhfuil dlínse aici nó an binse a bhfuil dlínse aige.

2.           Beidh páirtí i dteideal teacht os comhair na cúirte nó an bhinse agus éisteacht a fháil é féin go pearsanta má iarrann an páirtí sin amhlaidh."

(6) Cuirtear an méid seo a leanas in ionad Airteagal 9:

"Airteagal 9

Fianaise a ghlacadh

1.           Cinnfidh an chúirt nó an binse na modhanna a úsáidfear chun fianaise a ghlacadh agus an méid fianaise is gá dá breithiúnas nó dá bhreithiúnas faoi na rialacha is infheidhme maidir le hinghlacthacht fianaise. Féadfaidh an chúirt nó an binse a cheadú go nglacfar fianaise trí bhíthin ráiteas i scríbhinn ó fhinnéithe, ó shaineolaithe nó ó pháirtithe. I gcás ina bhfuil sé intuigthe ó ghlacadh fianaise go dtugtar éisteacht do dhuine, déanfar an éisteacht i gcomhréir leis na coinníollacha atá leagtha amach in Airteagal 8.

2.           Ní fhéadfaidh an chúirt ná an binse glacadh le fianaise ó shaineolaithe nó fianaise ó bhéal ach amháin mura féidir an breithiúnas a thabhairt ar bhonn na fianaise arna tabhairt ag an páirtithe.

3.           Úsáidfidh an chúirt nó an binse an modh is simplí agus is lú a bhfuil anró ag baint leis chun fianaise a ghlacadh."

(7) Cuirtear an méid seo a leanas in ionad Airteagal 11:

"Airteagal 11

Cúnamh do na páirtithe

1.           Áiritheoidh na Ballstáit gur féidir leis na páirtithe cúnamh praiticiúil a fháil chun na foirmeacha a líonadh isteach. Beidh an cúnamh sin ar fáil go háirithe chun a chinneadh an bhféadfar an nós imeachta a úsáid chun an díospóid lena mbaineann a réiteach agus an chúirt a bhfuil dlínse aici a chinneadh, chun ús atá dlite a ríomh agus chun na doiciméid is gá a cheangal a shainaithint.

2.           Áiritheoidh na Ballstáit go bhfuil faisnéis faoi na húdaráis nó na heagraíochtaí atá inniúil chun cúnamh a thabhairt i gcomhréir le mír 1 ar fáil i bhfoirm páipéir i ngach cúirt agus binse inar féidir an Nós Imeachta Eorpach um Éilimh Bheaga a thosú, agus i bhfoirm leictreonach freisin ar shuíomhanna gréasáin na gcúirteanna sin nó an údaráis lárnaigh iomchuí."

(8) Cuirtear an méid seo a leanas in ionad Airteagal 13:

"Airteagal 13

Doiciméid a sheirbheáil agus cumarsáid eile idir na páirtithe agus an chúirt nó an binse

1.           Déanfar na doiciméid atá luaite in Airteagal 5(2) agus in Airteagal 7(2) a sheirbheáil trí mhodhanna poist nó modhanna leictreonacha agus dearbhófar sin le hadmháil go bhfuarthas an doiciméad lena n‑áirítear an dáta a bhfuarthas an doiciméad Ní dhéanfar doiciméid a sheirbheáil go leictreonach ach ar pháirtí ar ghlac leis go sainráite roimh ré go bhféadfaí doiciméid a sheirbheáil go leictreonach. Féadfar seirbheáil trí mhodhanna leictreonacha a dhearbhú le deimhniú uathoibríoch ar sheachadadh.

2.           Déanfar gach cumarsáid i scríbhinn nach dtagraítear di i mír 1 idir an chúirt nó an binse agus na páirtithe trí mhodhanna leictreonacha agus dearbhófar sin le hadmháil go bhfuarthas an chumarsáid, i gcás ina bhfuil na modhanna sin inghlactha sna nósanna imeachta faoin dlí náisiúnta agus ní dhéanfar é ach i gcás ina nglacann an páirtí leis na modhanna cumarsáide sin.

3.           Mura féidir seirbheáil a dhéanamh i gcomhréir le mír 1, féadfar seirbheáil a dhéanamh ar aon cheann de na modhanna dá bhforáiltear in Airteagal 13 nó in Airteagal 14 de Rialachán (CE) Uimh. 1896/2006. Mura féidir cumarsáid a dhéanamh i gcomhréir le mír 2, féadfar aon mhodh cumarsáide eile atá inghlactha faoin dlí náisiúnta a úsáid."

(9) Cuirtear isteach an t‑Airteagal nua seo a leanas:

"Airteagal 15a

Táillí cúirte agus modhanna íocaíochta

1.           Ní bheidh an táille chúirte a ghearrtar ar an Nós Imeachta Eorpach um Éilimh Bheaga níos mó ná 10 % de luach an éilimh, gan ús, costais ná íocaíochtaí amach ar bith a áireamh. Má ghearrann na Ballstáit íostáille chúirte ar Nós Imeachta Eorpach um Éilimh Bheaga, ní bheidh an táille sin níos mó ná EUR 35 an tráth a fhaigheann an chúirt a bhfuil dlínse aici nó an binse a bhfuil dlínse aige an fhoirm éilimh.

2.           Áiritheoidh na Ballstáit gur féidir leis na páirtithe na táillí cúirte a íoc trí bhíthin modhanna cianíocaíochta, lena n‑áirítear aistriú bainc agus córas íocaíochta ar líne le cártaí creidmheasa nó dochair."

(10) In Airteagal 17, cuirtear an méid seo a leanas in ionad mhír 2:

2. Beidh feidhm ag Airteagal 15a agus Airteagal 16 maidir le haon achomharc."

(11) Cuirtear an méid seo a leanas in ionad Airteagal 18:

"Airteagal 18

Caighdeáin íosta maidir leis an mbreithiúnas a athbhreithniú

1.           Beidh an cosantóir nach raibh i láthair i dteideal athbhreithniú ar bhreithiúnas a thabharfar sa Nós Imeachta Eorpach um Éilimh Bheaga a iarraidh os comhair na cúirte a bhfuil dlínse aici nó os comhair an bhinse a bhfuil dlínse aige de chuid an Bhallstáit inar tugadh an breithiúnas

(a) mura seirbheáladh an fhoirm éilimh ar an gcosantóir in am trátha agus ar bhealach ina bhféadfadh sé a chosaint a eagrú; nó

(b) coisceadh ar an gcosantóir cur in aghaidh an éilimh mar gheall ar force majeure nó de dhroim imthosca urghnácha, gan aon locht a bheith air féin;

seachas má theip ar an gcosantóir cur in aghaidh an bhreithiúnais nuair ab fhéidir leis a dhéanamh amhlaidh.

2.           Beidh teorainn ama 30 lá ann chun an t‑athbhreithniú a chur i bhfeidhm. Cuirfear tús léi ón lá a chuirfear ábhar an bhreithiúnais in iúl don chosantóir agus a bheidh sé in ann freagairt, ar a dhéanaí ón dáta a chuirfear an chéad bheart forfheidhmiúcháin i bhfeidhm a mbíonn de thoradh air go ndéantar maoin an chosantóra neamh‑indiúscartha ina hiomláine nó go páirteach. Ní fhéadfar síneadh leis an teorainn ama a thabhairt mar gheall ar fhad an bhealaigh.

3.           Má dhiúltaíonn an chúirt an t‑iarratas ar athbhreithniú dá dtagraítear i mír 1 toisc nach bhfuil feidhm ag aon cheann de na forais atá leagtha amach sa mhír sin, leanfaidh an breithiúnas de bheith i bhfeidhm.

Má chinneann an chúirt go ndlitear athbhreithniú de bharr ceann de na forais a leagtar síos i mír 1, beidh an breithiúnas a tugadh sa Nós Imeachta Eorpach um Éilimh Bheaga ar neamhní. Ní chaillfidh an creidiúnaí na sochair a bhaineann le briseadh an rúraidh nó na dtréimhsí teorann, áfach."

(12) Cuirtear an méid seo a leanas in ionad Airteagal 21(2)(b):

"(b) cóip den deimhniú dá dtagraítear in Airteagal 20(2) agus, nuair is gá, aistriúchán ar bhunús an bhreithiúnais atá curtha in iúl i bpointe 4.3 den deimhniú go dtí teanga oifigiúil Bhallstát an fhorfheidhmithe, nó, má tá líon teangacha oifigiúla sa Bhallstát sin, go dtí teanga oifigiúil nó ceann de theangacha oifigiúla imeachtaí cúirte nó binse na háite ina n‑iarrtar an forfheidhmiú i gcomhréir le dlí an Bhallstáit sin, nó go dtí teanga eile ar chuir Ballstát an fhorfheidhmithe in iúl go bhféadfadh sé glacadh léi. Déanfaidh gach Ballstát aon teanga oifigiúil amháin ar a laghad nó na teangacha oifigiúla de chuid institiúidí an Aontais Eorpaigh a chur in iúl, seachas a theanga nó a theangacha féin, atá inghlactha le haghaidh an Nós Imeachta Eorpaigh um Éilimh Bheaga. Duine a bheidh cáilithe chun aistriúcháin a dhéanamh i gceann de na Ballstáit a aistreoidh bunús an bhreithiúnais i bpointe 4.3 den deimhniú."

(13) Cuirtear an méid seo a leanas in ionad Airteagal 25:

"Airteagal 25

Faisnéis a bhaineann le dlínse, modhanna cumarsáide, achomhairc, táillí cúirte, modhanna íocaíochta agus athbhreithniú

1.           Cuirfidh na Ballstáit na nithe seo a leanas in iúl don Choimisiún nach déanaí ná [6 mhí tar éis theacht i bhfeidhm an Rialacháin]:

(a) na cúirteanna nó na binsí a mbeidh dlínse acu breithiúnas a thabhairt sa Nós Imeachta Eorpach um Éilimh Bheaga;

(b) na modhanna cumarsáide a ghlacfar chun críocha an Nós Imeachta Eorpaigh um Éilimh Bheaga agus a bheidh ar fáil do na cúirteanna nó do na binsí i gcomhréir le hAirteagal 4(1);

(c) na táillí cúirte as an Nós Imeachta Eorpach um Éilimh Bheaga nó conas a dhéanfar iad a ríomh, chomh maith leis na modhanna íocaíochta a nglactar leo chun táillí cúirte a íoc i gcomhréir le hAirteagal 15a;

(d) na húdaráis nó na heagraíochtaí atá inniúil chun cúnamh praiticiúil a chur ar fáil i gcomhréir le hAirteagal 11;

(e) an bhfuil achomharc ar fáil faoina ndlí nós imeachta i gcomhréir le hAirteagal 17, an teorainn ama atá ann chun achomharc mar sin a chur isteach agus cad é an chúirt nó an binse lenar féidir achomharc a chur isteach;

(f) na nósanna imeachta maidir le hathbhreithniú a chur i bhfeidhm dá bhforáiltear in Airteagal 18;

(g) na teangacha a nglacfar leo de bhun Airteagal 21(2)(b); agus

(h) na húdaráis atá inniúil chun críocha forfheidhmithe agus na húdaráis atá inniúil chun críocha Airteagal 23 a chur i bhfeidhm.

Cuirfidh na Ballstáit aon athruithe a dhéanfar ina dhiaidh sin ar an bhfaisnéis sin i bhfios don Choimisiún.

2.           Cuirfidh an Coimisiún an fhaisnéis a chuirfear i iúl dó i gcomhréir le mír 1 ar fáil go poiblí trí aon mhodh iomchuí, amhail trína foilsiú ar an idirlíon."

(14) Cuirtear an méid seo a leanas in ionad Airteagal 26:

"Airteagal 26 Na hIarscríbhinní a leasú

1.           Tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 27 maidir le leasuithe a dhéanamh ar Iarscríbhinní I, II, III agus IV."

(15) Cuirtear an méid seo a leanas in ionad Airteagal 27:

Airteagal 27 An tarmligean a fheidhmiú

1.           Is faoi réir na gcoinníollacha atá leagtha síos san Airteagal seo a thugtar an chumhacht don Choimisiún gníomhartha tarmligthe a ghlacadh.

2.           Déanfar an chumhacht gníomhartha tarmligthe a ghlacadh, dá dtagraítear in Airteagal 26, a thabhairt don Choimisiún go ceann tréimhse éiginnte ama ó [dáta theacht i bhfeidhm an Rialacháin seo].

3.           Féadfaidh Parlaimint na hEorpa nó an Chomhairle tarmligean na cumhachta dá dtagraítear in Airteagal 26 a chúlghairm tráth ar bith. Déanfaidh cinneadh chun cúlghairm a dhéanamh deireadh a chur le tarmligean na cumhachta a shonrófar sa chinneadh sin. Beidh éifeacht aige ón lá tar éis fhoilsiú an chinnidh in Iris Oifigiúil an Aontais Eorpaigh nó ar dháta níos déanaí a shonrófar ann. Ní dhéanfaidh sé difear do bhailíocht aon ghníomhartha tarmligthe atá i bhfeidhm cheana féin.

4.           A luaithe a ghlacfaidh sé gníomh tarmligthe, tabharfaidh an Coimisiún fógra ina thaobh sin do Pharlaimint na hEorpa agus don Chomhairle an tráth céanna.

5.           Ní thiocfaidh gníomh tarmligthe a ghlacfar de bhun Airteagal 26 i bhfeidhm ach amháin mura mbeidh aon agóid curtha in iúl ag Parlaimint na hEorpa nó ag an gComhairle laistigh de thréimhse dhá mhí ó cuireadh Parlaimint na hEorpa agus an Chomhairle ar an eolas faoin ngníomh sin nó más rud é, roimh dhul in éag na tréimhse sin, go mbeidh Parlaimint na hEorpa agus an Chomhairle araon tar éis a chur in iúl don Choimisiún nach ndéanfaidh siad aon agóid. Cuirfear dhá mhí leis an tréimhse sin ar thionscnamh ó Pharlaimint na hEorpa nó ón gComhairle."

(16) Cuirtear an méid seo a leanas in ionad Airteagal 28:

Airteagal 28 Athbhreithniú

Faoi [5 bliana tar éis dháta a theacht i bhfeidhm], cuirfidh an Coimisiún tuarascáil faoi bhráid Pharlaimint na hEorpa, na Comhairle agus Choiste Eacnamaíoch agus Sóisialta na hEorpa maidir le cur i bhfeidhm an Rialacháin seo. Beidh tograí le haghaidh leasuithe ar an Rialachán in éineacht leis an tuarascáil, más iomchuí.

Chun na críche sin agus faoin dáta céanna, cuirfidh na Ballstáit faisnéis ar fáil don Choimisiún maidir le líon na n‑iarratas faoin Nós Imeachta Eorpach um Éilimh Bheaga chomh maith le líon na n‑iarrataí ar fhorfheidhmiú breithiúnas arna dtabhairt i Nós Imeachta Eorpach um Éilimh Bheaga. "

Airteagal 2

Déantar an méid seo a leanas a chur in ionad Airteagal 17 de Rialachán (CE) Uimh. 1896/2006:

"Airteagal 17

An éifeacht a bhaineann le ráiteas cur i gcoinne a chur isteach

1.           Má chuirtear ráiteas cur i gcoinne isteach laistigh den teorainn ama atá leagtha síos in Airteagal 16(2), leanfar leis na himeachtaí roimh chúirteanna inniúla an Bhallstáit tionscnaimh seachas má tá sé iarrtha go sainráite ag an éilitheoir go gcuirfí deireadh leis na himeachtaí sa chás sin. Leanfar leis na himeachtaí i gcomhréir le:

(a) rialacha aon nós imeachta simplithe is infheidhme, go háirithe an nós imeachta atá leagtha síos i Rialachán (CE) Uimh. 861/2007; nó

(b) rialacha an ghnáthnós imeachta shibhialta.

I gcás ina bhfuil éilitheoir tar éis leanúint lena éileamh tríd an nós imeachta maidir le hordú íocaíochta Eorpach, ní dhéanfaidh aon ní faoin dlí náisiúnta dochar dá sheasamh in imeachtaí sibhialta ina dhiaidh sin.

2.           Is é dlí an Bhallstáit tionscnaimh a rialóidh an t‑aistriú chuig imeachtaí sibhialta de réir bhrí mhír 1 (a) agus (b).

3.           Cuirfear an t‑éilitheoir ar an eolas má tá ráiteas cur i gcoinne curtha isteach ag an gcosantóir agus faoi aon aistriú chuig imeachtaí sibhialta de réir bhrí mhír 1."

Airteagal 3

Tiocfaidh an Rialachán seo i bhfeidhm ar an bhfichiú lá tar éis a fhoilsithe in Iris Oifigiúil an Aontais Eorpaigh.

Beidh feidhm aige ón [6 mhí tar éis theacht i bhfeidhm an Rialacháin].

Beidh an Rialachán seo ina cheangal go huile agus go hiomlán agus beidh sé infheidhme go díreach sna Ballstáit i gcomhréir leis na Conarthaí.

Arna dhéanamh sa Bhruiséil,

Thar ceann Pharlaimint na hEorpa               Thar ceann na Comhairle

An tUachtarán                                               An tUachtarán

RÁITEAS AIRGEADAIS REACHTACH

1.           LEAGAN AMACH AN TOGRA/TIONSCNAIMH

1.1.        Teideal an togra/tionscnaimh

Togra le haghaidh Rialacháin ó Pharlaimint na hEorpa agus ón gComhairle lena leasaítear Rialachán (CE) Uimh. 861/2007 ó Pharlaimint na hEorpa agus ón gComhairle lena mbunaítear Nós Imeachta Eorpach um Éilimh Bheaga agus Rialachán (CE) Uimh. 1896/2006 lena gcruthaítear ordú Eorpach maidir le nós imeachta íocaíochta

1.2.        Réimsí beartais lena mbaineann i gcreat ABM/ABB[19]

Teideal 33 - Ceartas

1.3.        An cineál togra/tionscnaimh

¨ Baineann an togra/tionscnamh le beart nua

¨ Baineann an togra/tionscnamh le beart nua a leanann treoirthionscadal/réamhbheart[20]

Ø Baineann an togra/tionscnamh le síneadh ar bheart atá ann cheana

¨ Baineann an togra/tionscnamh le beart a atreoraíodh i dtreo birt nua

1.4.        Cuspóirí

1.4.1.     Cuspóirí straitéiseacha ilbhliantúla an Choimisiúin ar a bhfuil an togra/tionscnamh dírithe

 Forbairt ar limistéar an Cheartais, An Ceartas le haghaidh Fáis

1.4.2.     Cuspóirí sonracha agus na gníomhaíochtaí ABM/ABB lena mbaineann

Cuspóir sonrach Uimh.

Comhar breithiúnach in ábhair shibhialta agus tráchtála

Gníomhaíochtaí ABM/ABB lena mbaineann

33+1a 03

1.4.3.     An toradh agus an tionchar a bhfuil súil leis

Sonraigh an tionchar a bheadh ag an togra/tionscnamh ar na tairbhithe/grúpaí ar a bhfuil sé dírithe.

Méadú ar shimpliú, laghdú costais agus ama i dtaobh an Nós Imeachta Eorpach um Éilimh Bheaga, méadú ar rochtain  ar cheartas i gcás éileamh ar luach beag

1.4.4.     Táscairí lena léirítear toradh agus tionchar

Sonraigh na táscairí lena léirítear an faireachán ar chur chun feidhme an togra/tionscnaimh.

[…]

Is iad seo a leanas na táscairí le héifeachtúlacht agus le héifeachtacht a mheas:

- méadú ar líon na n-iarratas ar nós imeachta Eorpach um éilimh bheaga, éilimh faoi bhun EUR 2 000 agus idir EUR 2 000 agus EUR 10 000 araon – faisnéis ón nGréasán Breithiúnach Eorpach, ó Eorabharaiméadair, ó ECC-Net (Líonra na Lárionad Eorpach do Thomhaltóirí);

- laghdú ar chostais fhoriomlána agus ar am foriomlán an nós imeachta in aghaidh an cháis, lena n-áirítear costais aistrithe Fhoirm D – Eorabharaiméadair, ECC-Net;

- feabhsú thrédhearcacht na faisnéise faoi tháillí cúirte agus modhanna íocaíochta, chomh maith leis an bhfaisnéis faoi chúnamh praiticiúil – Eorabharaiméadair, ECC-Net;

- laghdú ar ualach oibre na gcúirteanna in aghaidh an cháis tríd an nós imeachta a úsáid seachas gnáthnósanna imeachta náisiúnta nó nósanna imeachta simplithe náisiúnta a úsáid – an Gréasán Breithiúnach Eorpach, agallaimh le breithiúna i roinnt Ballstát.

1.5.        Foras an togra/tionscnaimh

1.5.1.     Na ceanglais is gá a shásamh sa ghearrthéarma nó san fhadtéarma

Athbhreithniú ar Rialachán Uimh. 861/2007 maidir le Nós Imeachta Eorpach um Éilimh Bheaga

1.5.2.     Luach breise a bhaineann le rannpháirteachas an AE

Léiríodh cheana gur gá beart ón AE, in 2007, nuair a glacadh Rialachán (CE) Uimh. 861/2007. Is é príomh-údar an bhirt seo tuilleadh laghdaithe a dhéanamh ar chostais dhíréireacha dlí a bhaineann le héilimh bheaga de chineál trasteorann laistigh den AE. Ní féidir leis na Ballstáit an cuspóir sin a bhaint amach ós rud é go mbaineann sé le nós imeachta a leagadh síos i Rialachán ón AE. Is gá beart ar leibhéal an AE chun an nós imeachta Eorpach a fheabhsú agus a shimpliú tuilleadh agus chun é a chur ar fáil i níos mó cásanna, trína raon feidhme a leathnú agus an tairseach a ardú, ar mhaithe le tomhaltóirí agus fiontair bheaga agus mheánmhéide.

1.5.3.     Ceachtanna a foghlaimíodh ó thaithí eile dá leithéid san am a chuaigh thart

[…]

D'ainneoin na sochar a d'fhéadfadh a bheith i gceist leis ó thaobh na costais agus an tréimhse a bhaineann le dlíthíocht éileamh trasteorann a laghdú, is beag eolas atá ar an nós imeachta agus ní bhaintear mórán úsáide as fós cé go bhfuil roinnt blianta caite ó tháinig an Rialachán i bhfeidhm. Dhearbhaigh Parlaimint na hEorpa i Rún[21] ó 2011 gur gá níos mó a dhéanamh i dtaca le deimhneacht dhlíthiúil, bacainní teanga agus trédhearcacht imeachtaí. D'iarr sí ar an gCoimisiún bearta a dhéanamh chun a áirithiú go mbeidh tomhaltóirí agus gnólachtaí níos feasaí agus ionstraimí reachtacha atá ann cheana féin, amhail an Nós Imeachta Eorpach um Éilimh Bheaga, a úsáid. Tá sé tugtha le fios ag na tomhaltóirí agus na gnólachtaí ar geallsealbhóirí iad gur cheart an Rialachán a fheabhsú tuilleadh ar mhaithe le tomhaltóirí agus gnólachtaí, go háirithe fiontair bheaga agus mheánmhéide. Tá easnaimh áirithe sainaitheanta ag na Ballstáit sa Rialachán atá ann faoi láthair ar cheart aghaidh a thabhairt orthu.

1.5.4.     Comhsheasmhacht le hionstraimí ábhartha eile agus sineirgíocht a d'fhéadfadh a bheith ann:

Le Rialachán (AE) Uimh. 1215/2012 (athmhúnlú an Bhruiséil I) táthar ag iarraidh comhchuibhiú a dhéanamh ar na rialacha príobháideacha idirnáisiúnta maidir le dlínse agus le haithint agus forghníomhú breithiúnas in ábhair shibhialta agus tráchtála. Foráiltear ann, i measc nithe eile, go ndéanfar aitheantas a thabhairt do bhreithiúnas a tugadh i mBallstát sna Ballstáit eile gan aon cheanglas a bheith ann i ndáil le nós imeachta speisialta. Glaoitear nósanna imeachta "exequatur" ar na nósanna imeachta speisialta sin, agus beidh deireadh leo ón 10 Eanáir 2015 i gcás na mbreithiúnas sibhialta agus tráchtála uile.

Go bunúsach, is éard atá sa Rialachán maidir le nós imeachta Eorpach um éilimh bheaga ionstraim lena simplítear na nósanna imeachta atá ann chun díospóidí de luach beag a réiteach - an t-iarratas a chur isteach mar fhoirm chaighdeánach, an nós imeachta a sheoladh go príomha i scríbhinn, éisteacht na bpáirtithe agus glacadh fianaise, ionadaíocht na bpáirtithe, teorainneacha costais agus ama.

Tá freisin sa Rialachán maidir le nós imeachta Eorpach um éilimh bheaga rialacha lena gcuirtear deireadh leis an nós imeachta exequatur lena n-aithnítear breithiúnais arna dtabhairt tríd an nós imeachta simplithe sin (Airteagal 20) agus tá forluí ann le hathmhúnlú an Bhruiséil I sa mhéid sin. A fhad a bhaineann leis an deimhniú forfheidhmiúcháin áfach, simpliú atá sa Rialachán maidir le nós imeachta Eorpach um éilimh bheaga i gcomparáid le hathmhúnlú an Bhruiséil I – leagan simplithe d'Iarscríbhinn I d'athmhúnlú an Bhruiséil I atá i bhFoirm D sa Rialachán maidir le nós imeachta Eorpach. 

Ón 10 Eanáir 2015 (dáta theacht i bhfeidhm athmhúnlú an Bhruiséil I), luach breise de chuid an Rialacháin maidir le nós imeachta Eorpach um éilimh bheaga a bheidh i bhformhór mór a fhorálacha ós rud é go mbaineann siad le simpliú nósanna imeachta, agus sna forálacha sin a bhaineann le forfheidhmiú sa mhéid gur simpliú iad i gcomparáid la hathmhúnlú an Bhruiséil I.

1.6.        Fad agus tionchar airgeadais

¨ Togra/tionscnamh a bheidh i bhfeidhm ar feadh tréimhse teoranta

– ¨  Togra/tionscnamh a bheidh i bhfeidhm ón [LL/MM]BBBB go dtí an [LL/MM]BBBB

– ¨  Tionchar airgeadais ó BBBB go BBBB

Ø Togra/tionscnamh a bheidh i bhfeidhm ar feadh tréimhse neamhtheoranta

– Cuirfear chun feidhme le tréimhse tosaigh ón tráth a ghlacfar an rialachán é

– cuirfear ag feidhmiú go hiomlán ina dhiaidh sin é.

1.7.        Modhanna bainistíochta atá beartaithe[22]

Ø Bainistíocht dhíreach láraithe ag an gCoimisiún

¨ Bainistíocht indíreach láraithe trí na cúraimí cur chun feidhme a tharmligean chuig:

– ¨  gníomhaireachtaí feidhmiúcháin

– ¨  comhlachtaí arna mbunú ag na Comhphobail[23]

– ¨  comhlachtaí náisiúnta san earnáil phoiblí/comhlachtaí a bhfuil misean de sheirbhís phoiblí acu

– ¨  daoine a bhfuil sé de chúram orthu bearta ar leith a chur chun feidhme de bhun Theideal V den Chonradh ar an Aontas Eorpach agus atá sainaitheanta sa ghníomh bunaidh ábhartha de réir bhrí Airteagal 49 den Rialachán Airgeadais

¨ Bainistíocht atá comhroinnte leis na Ballstáit

¨ Bainistíocht dhíláraithe le tríú tíortha

¨ Comhbhainistíocht le heagraíochtaí idirnáisiúnta (tabhair sonraí)

I gcás ina sonraítear níos mó ná modh bainistíochta amháin, tabhair sonraí sa roinn "Nótaí" le do thoil.

Nótaí

2.           BEARTA BAINISTÍOCHTA

2.1.        Rialacha faireacháin agus tuairiscithe

Sonraigh cé chomh minic, agus na coinníollacha.

Déanfar athbhreithniú/tuarascáil i ndiaidh 5 bliana. Ba cheart tograí le haghaidh leasuithe a bheith ag gabháil leis na tuarascálacha más gá.

2.2.        Córas bainistíochta agus rialaithe

2.2.1.     Na rioscaí a aithníodh

Níor aithníodh aon rioscaí.

2.2.2.     Na modhanna rialaithe atá beartaithe

[…] Neamhbhainteach

2.3.        Bearta chun calaois agus neamhrialtachtaí a chosc

Sonraigh bearta coisctheacha agus cosanta atá ann cheana nó atá beartaithe.

[…] Neamhbhainteach

3.           AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH

3.1.        Ceannteidil an chreata airgeadais ilbhliantúil agus na línte buiséid ar a n-imrítear tionchar

· Na línte buiséid caiteachais atá ann cheana

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht

Uimhir [Tuairisc………………………...……….] || LD/LN ([24]) || ó thíortha CSTE[25] || ó thíortha is iarrthóirí[26] || ó thríú tíortha || de réir bhrí Airteagal 18(1)(aa) den Rialachán Airgeadais

[3] || [33.03.01 [Clár Ceartais] || LD/ || Níl || Níl || Níl || Níl

· Línte nua buiséid atá á n-iarraidh

In ord cheannteidil agus línte buiséid an chreata airgeadais ilbhliantúil.

Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht

Uimhir [Ceannteideal………………………..] || LD/LN || ó thíortha CSTE || ó thíortha is iarrthóirí || ó thríú tíortha || de réir bhrí Airteagal 18(1)(aa) den Rialachán Airgeadais

[3] || [XX.YY.YY.YY] || || TÁ/NÍL || TÁ/NÍL || TÁ/NÍL || TÁ/NÍL

3.2.        An tionchar a mheastar a bheidh ag an togra/tionscnamh ar chaiteachas

3.2.1.     Achoimre ar an tionchar a mheastar a bheidh ag an togra/tionscnamh ar chaiteachas

EUR milliúin (go dtí an tríú deachúil)

Ceannteideal an chreata airgeadais ilbhliantúil: || Uimhir || [Ceannteideal …3………...……………………………………………………………….]

DG: JUST || || || Bliain 2014[27] || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN

Ÿ Leithreasuithe faoi chomhair oibríochtaí || || || || || || || ||

Uimhir na líne buiséid 33.03 01 || Gealltanais || (1) || 0 || 0 || 0 || 0 || 0,150 || 0 || 0 || 150.000

Íocaíochtaí || (2) || 0 || 0 || 0 || 0 || 0,150 || 0 || 0 || 150.000

Uimhir na líne buiséid || Gealltanais || (1a) || || || || || || || ||

Íocaíochtaí || (2 a) || || || || || || || ||

Leithreasuithe de chineál riaracháin arna maoiniú  ó chlúdach na gclár sonrach[28] || || || || || || || ||

Uimhir na líne buiséid || || (3) || || || || || || || ||

IOMLÁN leithreasuithe le haghaidh DG JUST || Gealltanais || =1+1a +3 || 0 || 0 || 0 || 0 || 0,150 || 0 || 0 || 150.000

Íocaíochtaí || =2+2a +3 || 0 || 0 || 0 || 0 || 0,150 || 0 || 0 || 150.000

Ÿ IOMLÁN leithreasuithe faoi chomhair oibríochtaí || Gealltanais || (4) || || || || || || || ||

Íocaíochtaí || (5) || || || || || || || ||

Ÿ IOMLÁN leithreasuithe de chineál riaracháin arna maoiniú ó chlúdach na gclár sonrach || (6) || || || || || || || ||

IOMLÁN leithreasuithe faoi CHEANNTEIDEAL 3 den chreat airgeadais ilbhliantúil || Gealltanais || =4+1a 6 || 0 || 0 || 0 || 0 || 0,150 || 0 || 0 || 150.000

Íocaíochtaí || =5+ 6 || 0 || 0 || 0 || 0 || 0,150 || 0. || 0 || 150.000

Má tá tionchar ag an togra/tionscnamh ar níos mó ná ceannteideal amháin:

Ÿ IOMLÁN leithreasuithe faoi chomhair oibríochtaí || Gealltanais || (4) || || || || || || || ||

Íocaíochtaí || (5) || || || || || || || ||

Ÿ IOMLÁN leithreasuithe de chineál riaracháin arna maoiniú ó chlúdach na gclár sonrach || (6) || || || || || || || ||

IOMLÁN leithreasuithe faoi CHEANNTEIDIL 1 go 4 den chreat airgeadais ilbhliantúil (Méid tagartha) || Gealltanais || =4+ 6 || || || || || || || ||

Íocaíochtaí || =5+ 6 || || || || || || || ||

Ceannteideal an chreata airgeadais ilbhliantúil: || 5 || " Caiteachas riaracháin "

EUR milliúin (go dtí an tríú deachúil)

|| || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN

DG: JUST ||

Ÿ Acmhainní daonna || 0,026 || 0,026 || 0,026 || 0,026 || 0,026 || 0,026 || 0,026 || 0,182

Ÿ Caiteachas riaracháin eile || 0,015 || 0,015 || 0,015 || 0,015 || 0,015 || 0,015 || 0,015 || 0,105

IOMLÁN DG JUST || Leithreasuithe || 0,041 || 0,041 || 0,041 || 0,041 || 0,041 || 0,041 || 0,041 || 0,287

IOMLÁN leithreasuithe faoi CHEANNTEIDEAL 5 den chreat airgeadais ilbhliantúil || (Iomlán gealltanas = Iomlán íocaíochtaí) || 0,041 || 0,041 || 0,041 || 0,041 || 0,041 || 0,041 || 0,041 || 0,287

EUR milliúin (go dtí an tríú deachúil)

|| || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN

IOMLÁN leithreasuithe faoi CHEANNTEIDIL 1 go 5 den chreat airgeadais ilbhliantúil || Gealltanais || 0,041 || 0,041 || 0,041 || 0,041 || 0,191 || 0,041 || 0,041 || 0,437

Íocaíochtaí || 0,041 || 0,041 || 0,041 || 0,041 || 0,191 || 0,041 || 0,041 || 0,437

3.2.2.     An tionchar a mheastar a bheidh ag an togra/tionscnamh ar leithreasuithe faoi chomhair oibríochtaí

– ¨  Ní éilíonn an togra/tionscnamh go n-úsáidfear leithreasuithe faoi chomhair oibríochtaí

– Ø  Éilíonn an togra/tionscnamh go n-úsáidfear leithreasuithe faoi chomhair oibríochtaí mar a mhínítear thíos:

Leithreasuithe faoi chomhair gealltanas in EUR milliúin (go dtí an tríú deachúil)

Sonraigh cuspóirí agus aschuir ò || || || Bliain 2014 || Bliain 2015 || Bliain 2016 || Bliain 2017 ||  Bliain 2018 || Bliain 2019 || Bliain 2020 || IOMLÁN

ASCHUIR

Saghas aschuir[29] || Meánchostas an aschuir || Líon na n-aschur || Costas || Líon na n-aschur || Costas || Líon na n-aschur || Costas || Líon na n-aschur || Costas || Líon na n-aschur || Costas || Líon na n-aschur || Costas || Líon na n-aschur || Costas || Iomlán líon na n-aschur || Iomlán costais

CUSPÓIR SONRACH Uimh. 1 Faireacháin ar chur chun feidhme[30]... || || || || || || || || || || || || || || || ||

- Aschur || || || || 0 || || 0 || || 0 || || 0 || 1 || 0,150 || || 0 || || 0 || 1 || 0,150

- Aschur || || || || || || || || || || || || || || || || || ||

- Aschur || || || || || || || || || || || || || || || || || ||

Fo-iomlán do chuspóir sonrach Uimh. 1 || || 0 || || 0 || || 0 || || 0 || 1 || 0,150 || || 0 || || 0 || 1 || 0,150

CUSPÓIR SONRACH Uimh. 2... || || || || || || || || || || || || || || || ||

- Aschur || || || || || || || || || || || || || || || || || ||

Fo-iomlán do chuspóir sonrach Uimh. 2 || || || || || || || || || || || || || || || ||

COSTAS IOMLÁN || || 0 || || 0 || || 0 || || 0 || 1 || 0,150 || || 0 || || 0 || 1 || 0,150

3.2.3.     An tionchar a mheastar a bheidh ag an togra/tionscnamh ar leithreasuithe de chineál riaracháin

3.2.3.1.  Achoimre

–      Ní éilíonn an togra/tionscnamh go n-úsáidfear leithreasuithe de chineál riaracháin

–      X éilíonn an togra/tionscnamh go n-úsáidfear leithreasuithe de chineál riaracháin mar a mhínítear thíos:

EUR milliúin (go dtí an tríú deachúil)

|| Bliain 2014[31] || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN

CEANNTEIDEAL 5 den chreat airgeadais ilbhliantúil || || || || || || || ||

Acmhainní daonna || 0,026 || 0,026 || 0,026 || 0,026 || 0,026 || 0,026 || 0,026 || 0,182

Caiteachas riaracháin eile || 0,015 || 0,015 || 0,015 || 0,015 || 0,0,15 || 0,015 || 0,015 || 0,105

Fo-iomlán CHEANNTEIDEAL 5 den chreat airgeadais ilbhliantúil || 0,041 || 0,041 || 0,041 || 0,041 || 0,041 || 0,041 || 0,041 || 0,287

Lasmuigh de CHEANNTEIDEAL 5[32] den chreat airgeadais ilbhliantúil || || || || || || || ||

Acmhainní daonna || || || || || || || ||

Caiteachas eile de chineál riaracháin || || || || || || || ||

Fo-iomlán lasmuigh de CHEANNTEIDEAL 5 den chreat airgeadais ilbhliantúil || || || || || || || ||

IOMLÁN || 0,041 || 0,041 || 0,041 || 0,041 || 0,041 || 0,041 || 0,041 || 0,287

3.2.3.2.  Na hacmhainní daonna a mheastar a bheidh riachtanach

– Ø  Ní éilíonn an togra/tionscnamh go n-úsáidfear acmhainní daonna

– ¨  Éilíonn an togra/tionscnamh go n-úsáidfear acmhainní daonna mar a mhínítear thíos:

Tá an meastachán le sloinneadh mar mhéideanna iomlána (nó go dtí an chéad deachúil ar a mhéad)

|| Bliain 2014 || Bliain 2015 || Bliain N2016 || Bliain N2017 || Bliain 2018 || Bliain 2019 || Bliain 2020

Ÿ Poist don phlean bunaíochta (oifigigh agus gníomhairí sealadacha)

33 01 01 01 (Ceanncheathrú agus Oifigí Ionadaíocht an Choimisiúin) || 0,026 || 0,026 || 0,026 || 0,026 || 0,026 || 0,026 || 0,026

XX 01 01 02 (Toscaireachtaí) || || || || || || ||

XX 01 05 01 (Taighde indíreach) || || || || || || ||

10 01 05 01 (Taighde díreach) || || || || || || ||

Ÿ Foireann sheachtrach (i gcoibhéis lánaimseartha: FTE)[33]

XX 01 02 01 (CA, INT, SNE ón 'gclúdach iomlánaíoch') || || || || || || ||

XX 01 02 02 (CA, INT, JED, LA agus SNE sna toscaireachtaí) || || || || || || ||

XX 01 04 yy [34] || - sa cheanncheathrú[35] || || || || || || ||

- sna toscaireachtaí || || || || || || ||

XX 01 05 02 (CA, INT, SNE - Taighde indíreach) || || || || || || ||

10 01 05 02 (CA, INT, SNE - Taighde díreach) || || || || || || ||

Línte buiséid eile (sonraigh) || || || || || || ||

IOMLÁN || 0,026 || 0,026 || 0,026 || 0,026 || 0,026 || 0,026 || 0,026

Is é XX an réimse beartais nó an teideal buiséid lena mbaineann.

Soláthrófar na hacmhainní daonna is gá le baill foirne ón Ard-Stiúrthóireacht a bhfuil bainistíocht an bhirt faoina gcúram cheana agus/nó atá ath-imlonnaithe taobh istigh den Ard-Stiúrthóireacht, mar aon le haon leithdháileadh breise a d'fhéadfaí a thabhairt don Ard-Stiúrthóireacht atá i mbun bainistíochta faoi chuimsiú an nós imeachta maidir le leithdháileadh bliantúil agus i bhfianaise na srianta buiséadacha.

Cur síos ar na cúraimí a bheidh le déanamh:

Oifigigh agus gníomhairí sealadacha || Déanann na hoifigigh uile lena mbaineann faireachán ar chur i bhfeidhm an dlí sna Ballstáit agus ullmhaíonn siad na bearta cur chun feidhme a bhfuil tuairisc orthu in Airteagal 26, ullmhaíonn siad an coiste (Airteagal 27) agus déanann siad athbhreithniú an Rialacháin i mbliain n+5 (Airteagal 28).

Foireann sheachtrach || Neamhbhainteach

3.2.4.     Comhoiriúnacht don chreat airgeadais ilbhliantúil reatha

– Ø  Tá an togra/tionscnamh comhoiriúnach don chreat airgeadais ilbhliantúil reatha.

– ¨  Beidh athchlárú an cheannteidil ábhartha sa chreat airgeadais ilbhliantúil ag gabháil leis an togra/tionscnamh seo.

Mínigh an cineál athchláraithe a bhfuil gá leis, agus sonraigh na línte buiséid lena mbaineann agus na méideanna comhfhreagracha.

– ¨  Éilíonn an togra/tionscnamh go gcuirfear an ionstraim sholúbthachta i bhfeidhm nó go ndéanfar athbhreithniú ar an gcreat airgeadais ilbhliantúil[36].

Mínigh an méid a bhfuil gá leis, agus sonraigh na ceannteidil agus na línte buiséid lena mbaineann agus na méideanna comhfhreagracha.

3.2.5.     Ranníocaíochtaí ó thríú páirtithe

ØNí dhéantar foráil sa togra/tionscnamh maidir le cómhaoiniú le tríú páirtithe

– Déantar foráil sa togra/tionscnamh maidir le cómhaoiniú atá réamh-mheasta thíos:

Leithreasuithe in EUR milliúin (go dtí an tríú deachúil)

|| Bliain N || Bliain N+1 || Bliain N+2 || Bliain N+3 || Bliain 2018 || Bliain 2019 || Bliain 2020 || Iomlán

Sonraigh an comhlacht cómhaoinithe || || || || || || || ||

IOMLÁN leithreasuithe cómhaoinithe || || || || || || || ||

3.3.        An tionchar a mheastar a bheidh ar ioncam

– Ø  Ní bheidh tionchar airgeadais ar bith ag an togra ar ioncam.

– ¨  Beidh an tionchar airgeadais seo a leanas ag an togra/tionscnamh:

– ¨         ar acmhainní dílse

– ¨         ar ioncam ilghnéitheach

EUR milliúin (go dtí an tríú deachúil)

Líne buiséid ioncaim || Leithreasuithe atá ar fáil don bhliain airgeadais reatha || Tionchar an togra/tionscnaimh[37]

Bliain N || Bliain N+1 || Bliain N+2 || Bliain N+3 || Bliain 2018 || Bliain 2019 || Bliain 2020

Airteagal …………. || || || || || || || ||

I gcás ioncaim ilghnéithigh atá sannta, sonraigh na línte buiséid a n-imrítear tionchar orthu.

Sonraigh an modh chun an tionchar ar ioncam a ríomh.

[1]               Foráiltear leis an gConradh ar an Aontas Eorpach go gcuirfidh an tAontas Eorpach “ar fáil dá shaoránaigh limistéar saoirse, slándála agus ceartais, gan teorainneacha inmheánacha, ina n‑áiritheofar saorghluaiseacht daoine”. Chun an limistéar sin a bhunú, tá an tAontas Eorpach le forbairt a dhéanamh ar chomhar breithiúnach sna hábhair shibhialta sin.

[2]               Scórchlár Ceartais an AE, ar fáil ag http://ec.europa.eu/justice/effective-justice/scoreboard/index_en.htm.

[3]               Is iad eilimintí simpliúcháin eile an Rialacháin na teorainneacha sonracha ama do na gníomhartha nósanna imeachta do na páirtithe agus don chúirt agus an prionsabal "an duine nár éirigh leis a íocann" a theorannú do chostais réasúnta.

[4]               Rún ó Pharlaimint na hEorpa an 25 Deireadh Fómhair 2011 maidir le réiteach malartach díospóidí in ábhair shibhialta, thráchtála agus theaghlaigh, (2011/2117(INI)).

[5]               Teachtaireacht ón gCoimisiún chuig Parlaimint na hEorpa, chuig an gComhairle, chuig an gCoiste Eacnamaíoch agus Sóisialta agus chuig Coiste na Réigiún maidir le Tuarascáil ar Shaoránacht an AE, "EU Citizens: Your Rights, Your Future (Saoránaigh an AE: Bhur gCearta-sa, Bhur dTodhchaí-se)", COM(2013) 269 final, lch. 15-16.

[6]               COM(2012) 225 final.

[7]               Eorabharaiméadar Speisialta 395 maidir le Nós Imeachta Eorpach um Éilimh Bheaga, ar fáil ag http://ec.europa.eu/public_opinion/archives/ebs/ebs_395_sum_en.pdf.

[8]               Fuair an Coimisiún roinnt freagairtí i bhfoirm doiciméad aonair neamhspleách. Ní léirítear sna torthaí a thugtar anseo i gcéatadáin ach na freagairtí a ionchódaíodh sa chomhairliúchán ar líne. Rinneadh gach freagairt a mheas sa Mheasúnú Tionchair seo, áfach.

[9]               An Ostair, an Bhulgáir, an Chipir, Poblacht na Seice, an Ghearmáin, an Eastóin, an Ghréig, an Spáinn, an Fhionlainn, an Fhrainc, an Iodáil, an Liotuáin, Málta, an Ísiltír, an Pholainn, an Phortaingéil, an tSualainn, an tSlóivéin, an tSlóvaic agus an Ríocht Aontaithe.

[10]             Tá trí chéim nós imeachta ann a ndéanann an oibleagáid an tseirbhís phoist a úsáid difear dóibh: an t‑iarratas a sheirbheáil ar an gcosantóir, an breithiúnas a sheirbheáil ar an éilitheoir agus an breithiúnas a sheirbheáil ar an gcosantóir. Níl sé soiléir ó théacs an Rialacháin atá ann faoi láthair an gá an toghairm chun éisteachtaí ó bhéal a sheirbheáil freisin. Mar sin féin, in go leor Ballstát déantar gach cumarsáid idir na páirtithe agus an chúirt tríd an bpost.

[11]             Féach Cás C‑119/13 Eco-cosmetics Gmbh & Co.KG v Virginie Laetitia Barbara Dupuy, Cás C‑120/13 Raiffeisenbank St. Georgen reg. Gen. m.b.h. v Tetyana Bonchyk agus C‑121/13 Rechtsanwaltskanzlei CMS Hasche Sigle, Partnerschaftsgesellschaft v Xceed Holding Ltd.

[12]             IO C , , Lch. .

[13]             Rialachán (CE) Uimh 861/2007 ó Pharlaimint na hEorpa agus ón gComhairle an 11 Iúil 2007 lena mbunaítear Nós Imeachta Eorpach um Éilimh Bheaga (IO L 199 an 31.7.2007, lch. 1).

[14]             IO C, , lch.

[15]             Rialachán (CE) Uimh. 44/2001 ón gComhairle an 22 Nollaig 2000 maidir le dlínse agus le haithint agus forghníomhú breithiúnas in ábhair shibhialta agus tráchtála (IO L 12, 16.1.2001, lch. 1).

[16]             Rialachán (AE) Uimh. 1215/2012 ó Pharlaimint na hEorpa agus ón gComhairle an 12 Nollaig 2012 maidir le dlínse agus le haithint agus forghníomhú breithiúnas in ábhair shibhialta agus tráchtála (IO L 351, 20.12.2012, lch. 1).

[17]             Rialachán (CE) Uimh. 1206/2001 ón gComhairle an 28 Bealtaine 2001 maidir le comhar idir cúirteanna na mBallstát i dtaca le fianaise a ghlacadh in ábhair shibhialta agus thráchtála, IO L 174, 27.6.2001, lch. 1.

[18]             Rialachán (CE) Uimh. 1896/2006 ó Pharlaimint na hEorpa agus ón gComhairle an 12 Nollaig 2006 lena gcruthaítear ordú Eorpach maidir le nós imeachta íocaíochta (IO L 399, 30.12.2006, lch. 1).

[19]             ABM: Bainistiú de réir gníomhaíochtaí – ABB: Bunú an bhuiséid de réir gníomhaíochtaí.

[20]             Mar a thagraítear dó in Airteagal 49(6)(a) nó (b) den Rialachán Airgeadais

[21]             Rún ó Pharlaimint na hEorpa an 25 Deireadh Fómhair 2011 maidir le réiteach malartach díospóidí in ábhair shibhialta, thráchtála agus theaghlaigh, (2011/2117(INI)).

[22]             Is féidir mionsonraí ar na modhanna bainistíochta agus tagairtí don Rialachán Airgeadais a fheiceáil ar shuíomh gréasáin DG Budg: http://www.cc.cec/budg/man/budgmanag/budgmanag_en.html

[23]             Mar a thagraítear dóibh in Airteagal 185 den Rialachán Airgeadais

[24]             LD = Leithreasuithe difreáilte / LN = Leithreasuithe neamhdhifreáilte

[25]             CSTE: Comhlachas Saorthrádála na hEorpa.

[26]             Tíortha is iarrthóirí agus, nuair is iomchuí, tíortha ó na Balcáin Thiar a d'fhéadfadh a bheith ina n-iarrthóirí.

[27]             Is í bliain N an bhliain a gcuirtear tús le cur chun feidhme an togra/tionscnaimh.

[28]             Cúnamh agus caiteachas teicniúil agus/nó riaracháin ar mhaithe le cláir agus/nó bearta AE (seanlínte "BA"), taighde indíreach, taighde díreach a chur chun feidhme.

[29]             Is éard atá in aschuir táirgí agus seirbhísí le soláthar (e.g.: líon na malartuithe mac léinn a fhaigheann maoiniú, iomlán km de bhóithre a rinneadh, etc.).

[30]             Mar a thuairiscítear i bpointe 1.4.2. "Cuspóirí sonracha..."

[31]             Is í bliain N an bhliain a gcuirtear tús le cur chun feidhme an togra/tionscnaimh.

[32]             Cúnamh agus caiteachas teicniúil agus/nó riaracháin ar mhaithe le cláir agus/nó bearta AE (seanlínte "BA"), taighde indíreach, taighde díreach a chur chun feidhme.

[33]             CA= Gníomhaire ar conradh; INT= foireann ghníomhaireachta  ("Intérimaire"); JED= "Jeune Expert en Délégation" ('Saineolaí Óg i dToscaireacht'); LA= Gníomhaire Áitiúil; SNE= Saineolaí Náisiúnta ar Iasacht;

[34]             Faoin uasteorainn d'fhoireann sheachtrach ó leithreasuithe faoi chomhair oibríochtaí (na seanlínte "BA").

[35]             I gcomhair Cistí Struchtúracha, an Chiste Eorpaigh Talmhaíochta um Fhorbairt Tuaithe (CETFT) agus an Chiste Eorpaigh Iascaigh (CEI), go bunúsach.

[36]             Féach pointe 19 agus pointe 24 den Chomhaontú Idirinstitiúideach.

[37]             A fhad a bhaineann le hacmhainní dílse traidisiúnta (dleachtanna talmhaíochta, tobhaigh siúcra), ní mór na méideanna a luaitear a bheith ina nglanmhéideanna, i.e. méideanna comhlána agus 25 % de chostais bhailiúcháin bainte astu.