MEABHRÁN MÍNIÚCHÁIN

1.           COMHTHÉACS AN TOGRA

Deonaíonn an tAontas Eorpach rochtain eisceachtúil neamhtheoranta saor ó dhleacht ar mhargadh an AE i gcás beagnach gach táirge de thionscnamh na dtíortha a thairbhíonn den phróiseas Cobhsaíochta agus Comhlachais, trí Rialachán (CE) Uimh. 1215/2009 ón gComhairle an 30 Samhain 2009, cé is moite d'fhíon agus de mhairteoil óg, atá faoi réir taraifchuótaí i gcónaí. Is é aidhm na mbeart sin beocht a chur i ngeilleagair na mBalcán Thiar arís trí rochtain faoi phribhléid ar mhargadh an AE a thabhairt dóibh. Táthar ag dréim go gcothóidh forbairt eacnamaíoch cobhsaíocht pholaitiúil sa réigiún ar fad dá bharr sin.

Deonaítear na fabhair thrádála seo ar feadh tréimhse dar críoch an 31 Nollaig 2015, agus tá feidhm acu faoi láthair maidir leis an mBoisnia agus an Heirseagaivéin, an tSeirbia, an Albáin, Poblacht na Cróite, Iar-Phoblacht Iúgslavach na Macadóine, Montainéagró agus an Chosaiv*.

I gcásanna áirithe deonaítear taraifchuóta d’fhíon, siúcra agus mairteoil óg trí na Comhaontuithe Cobhsaíochta agus Comhlachais agus trí na Comhaontuithe Eatramhacha. I Rialachán (CE) Uimh. 1215/2009 ón gComhairle déantar foráil maidir le taraifchuóta iomlán breise d’fhíon, arb ionann é agus 50 000 hl, cuóta atá oscailte do na tairbhithe uile faoi réir a gcuóta shonraigh faoi na Comhaontuithe Cobhsaíochta agus Comhlachais nó na Comhaontuithe Eatramhacha a bheith ídithe acu.

Níl aon Chomhaontú Cobhsaíochta agus Comhlachais leis an gCosaiv, agus ní féidir léi tairbhiú ach den taraifchuóta ginearálta. Nuair a bheidh an taraifchuóta sin ídithe ag tíortha eile, ní bheidh aon rochtain fhabhrach ar mhargadh an AE ag onnmhaireoirí na Cosaive.

Tá sé léirithe ag an gCosaiv go bhfuil an acmhainn inti fíon a onnmhairiú chuig an AE, agus tá creat cobhsaí iontaofa ag teastáil ó na honnmhaireoirí.

Dá bhrí sin, tá sé beartaithe taraifchuóta sonrach de 20 000 hl a leithdháileadh ar an gCosaiv, méid a bhaintear den chuóta iomlán de 50 000 hl dá bhforáiltear i Rialachán (CE) Uimh. 1215/2009 ón gComhairle, a laghdaítear go 30 000 hl dá réir. Baintear an méid sin amach tríd an taraifchuóta reatha a dhúnadh agus dhá chuóta nua a bhunú do na suimeanna thuasluaite.

Déantar foráil maidir le sásra a chuirfidh deireadh leis na héiginnteachtaí dlíthiúla atá ann de thoradh go ndeonaítear na cuótaí ar bhonn 'tús freastail ar an gceann is túisce’, agus nach féidir dáta theacht i bhfeidhm an rialacháin seo a thuar. Ionas nach gcuirfear le méid iomlán na lámháltas, cuirtear an cuóta atá curtha in áirithe don Chosaiv i bhfeidhm ar bonn pro rata.

Ní dhéanann an leithdháileadh in athuair aon difear don mhéid iomlán lámháltas a thugtar do na tíortha sna Balcáin Thiar, agus coimeádann sé dálaí cobhsaí sa mhargadh fíona san AE. Ní dhéantar difear do taraifchuótaí sonracha arna mbunú le Comhaontuithe Cobhsaíochta agus Comhlachais nó le Comhaontuithe Eatramhacha.

Ní thabhófar aon chostas ar bhuiséad an AE de thoradh an leasaithe atá beartaithe. Anuas air sin, dá gcuirfí i bhfeidhm é ní chaillfí aon ioncam custaim dá thoradh, i gcomparáid leis an staid atá ann faoi láthair.

I bhfianaise an méid thuas is é is aidhm don togra reatha Iarscríbhinn I a ghabhann le Rialachán (CE) Uimh. 1215/2009 ón gComhairle a leasú, trí chuóta sonrach de 20 000 hl a bhunú d’fhíon de thionscnamh na Cosaive agus tríd an gcuóta iomlán a laghdú go comhréireach.

Ionas nach gcuirfear isteach ar thrádáil, ní mór an Rialachán seo a ghlacadh agus a fhoilsiú in Iris Oifigiúil an Aontais Eorpaigh roimh an 31 Nollaig 2013.

2.           TORTHAÍ AN CHOMHAIRLIÚCHÁIN LEIS NA PÁIRTITHE LEASMHARA AGUS MEASÚNUITHE TIONCHAIR

Neamhinfheidhme

3.           EILIMINTÍ DLÍ AN TOGRA

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(2) de, agus Rialachán (CE) Uimh. 1215/2009 ón gComhairle an 30 Samhain 2009.

4.           IMPLEACHT BUISÉADACH

Neamhinfheidhme

2013/0099 (COD)

Togra le haghaidh

RIALACHÁIN Ó PHARLAIMINT NA hEORPA AGUS ÓN gCOMHAIRLE

maidir le Rialachán (CE) Uimh. 1215/2009 ón gComhairle i ndáil le taraifchuótaí d’fhíon a leasú

TÁ PARLAIMINT NA hEORPA AGUS COMHAIRLE AN AONTAIS EORPAIGH,

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 207(2) de,

Ag féachaint don togra ón gCoimisiún Eorpach,

Tar éis an dréachtghníomh reachtach a chur chuig na parlaimintí náisiúnta,

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1)       Ó 2000 i leith deonaíonn an tAontas rochtain neamhtheoranta saor ó dhleacht ar mhargadh an Aontais do beagnach gach táirge de thionscnamh na mBalcán Thiar. Faoi láthair, déantar foráil maidir leis an gcóras seo i Rialachán (CE) Uimh. 1215/2009 ón gComhairle an 30 Samhain 2009 lena dtugtar isteach bearta eisceachtúla trádála do thíortha atá páirteach i bpróiseas Cobhsaíochta agus Comhlachais an Aontais Eorpaigh nó atá bainteach leis[1].

(2)       Tairbhíonn tíortha uile na mBalcán Thiar de shocruithe trádála fabhracha, lena n‑áirítear taraifchuótaí aonair, faoi na Comhaontuithe Cobhsaíochta agus Comhlachais nó na Comhaontuithe Eatramhacha maidir le trádáil agus ábhair a bhaineann le trádáil a cuireadh i gcrích leis na tíortha seo, cé is moite den Chosaiv*.

(3)       Le Rialachán (CE) Uimh. 1215/2009, cuireadh cuóta ginearálta de 50 000 hl ar fáil d’fhíon, ar bonn ‘tús freastail ar an gceann is túisce’ le haghaidh na dtairbhithe uile, faoi réir a gcuótaí sonracha faoi na Comhaontuithe Cobhsaíochta agus Comhlachais nó na Comhaontuithe Eatramhacha a bheith ídithe acu.

(4)       Is gá rochtain chobhsaí ar mhargadh an Aontais chun forbairt shocheacnamaíoch na Cosaive a bhaint amach, a bhfuil a hachmhainn chun fíon a onnmhairiú léirithe aici. In éagmais taraifchuóta aonair, níl an intuarthacht is gá i ndáil lena n-onnmhairí ag táirgeoirí na Cosaive.

(5)       Is iomchuí taraifchuóta sonrach bliantúil de 20 000 hl a leithdháileadh ar onnmhairí fíona ón gCosaiv chuig an AE, agus an taraifchuóta ginearálta d’fhíon atá ar fáil do na tairbhithe uile a laghdú go comhréireach ó 50 000 hl go 30 000 hl.

(6)       Déantar taraifchuóta sonrach a leithdháileadh tríd an taraifchuóta iomlán atá ann faoi láthair a dhúnadh agus dhá chuóta nua a oscailt, arb ionann a méid iomlán agus méid an taraifchuóta a dúnadh.

(7)       Is iomchuí freisin sásra a thabhairt isteach lena seachnaítear éiginnteachtaí dlíthiúla maidir le taraifchuótaí atá ar fáil ar lá theacht i bhfeidhm an Rialacháin seo, agus lena áirithiú nach dtéann méid iomlán an lámháltais thar 50 000 hl.

(8)       Ós rud é nach modhnaítear méid iomlán na lámháltas, ní dhéanann an Rialachán seo difear don earnáil fíona san Aontas. Ní dhéanann an Rialachán seo difear do na lámháltais shonracha dá bhforáiltear sna Comhaontuithe Cobhsaíochta agus Comhlachais nó sna Comhaontuithe Eatramhacha.

(9)       Ní dhéanann an Rialachán seo difear d’oibleagáidí an Aontais san Eagraíocht Dhomhanda Trádála (EDT) agus ní gá dó tarscaoileadh ón EDT a fháil.

(10)     Ba cheart, dá bhrí sin, Rialachán (CE) Uimh. 1215/2009 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Cuirtear an téacs atá leagtha amach san Iarscríbhinn a ghabhann leis an Rialachán seo in ionad Iarscríbhinn I a ghabhann le Rialachán (CE) Uimh 1215/2009.

Airteagal 2

Beidh feidhm ag na bearta idirthréimhseacha seo a leanas sa bhliain a dtiocfaidh an Rialachán seo i bhfeidhm:

(1) Gheobhaidh na taraifchuótaí nua faoi na huimhreacha ordaithe 09.1530 agus 09.1560 iarmhéid an taraifchuóta 09.1515 go comhréireach le hoidhreacht ar dháta theacht i bhfeidhm an Rialacháin seo, agus beidh na rialacha mionsonraithe seo a leanas ag gabháil leo:

(a) Déanfar méid tosaigh tharaifchuóta 09.1530 a ríomh tríd an bhfoirmle seo a leanas a úsáid:

0.6 x iarmhéid tharaifchuóta 09.1515[2] ar lá theacht i bhfeidhm an Rialacháin seo.

(b) Déanfar méid tosaigh tharaifchuóta 09.1560 a ríomh tríd an bhfoirmle seo a leanas a úsáid:

0.4 x iarmhéid tharaifchuóta 09.1515 ar lá theacht i bhfeidhm an Rialacháin seo.

(c) Déanfar an dá mhéid tosaigh a shlánú go dtí an t-aonad iomlán (heictilítear).

(2) Déanfar na hiarrataí ar taraifchuótaí atá ar feitheamh (nach bhfuil leithdháilte) do tharaifchuóta 09.1515 a aistriú go dtí na taraifchuótaí 09.1530.agus 09.1560 faoi seach, de réir áit tionscnaimh an fhíon.

Airteagal 3

Tiocfaidh an Rialachán seo i bhfeidhm ar an tríú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil,

Thar ceann Pharlaimint na hEorpa              Thar ceann na Comhairle

An tUachtarán                                               An tUachtarán

IARSCRÍBHINN

"IARSCRÍBHINN I

TARAIFCHUÓTAÍ DÁ dTAGRAÍTEAR IN AIRTEAGAL 3(1) de Rialachán (CE) Uimh. 1215/2009 ón gComhairle.

In ainneoin na rialacha maidir le léirmhíniú na hAinmníochta Comhcheangailte (AC), is ceart a mheas nach bhfuil ach luach táscach san fhoclaíocht atá in úsáid sa tuairisc ar na táirgí. I gcomhthéacs na hIarscríbhinne seo, is de réir raon feidhme chóid na hAinmníochta Comhcheangailte (cóid AC) a chinnfear an scéim fhabhrach. I gcás ina luaitear cóid AC a bhfuil "ex" rompu, tá an scéim fhabhrach le cinneadh trí bhíthin an cód AC agus an tuairisc a chomhfhreagraíonn dó a chur i bhfeidhm ag an am céanna.

Uimh. an Ordaithe || Cód AC || Tuairisc || Cuóta-mhéid in aghaidh na bliana[3] || Tairbhithe || Ráta dleachta

09.1571 || 0301 91 10 || Breac (Salmo trutta, Oncorhynchus mykiss, Oncorhynchus clarki, Oncorhynchus aguabonita, Oncorhynchus gilae, Oncorhynchus apache agus Oncorhynchus chrysogaster): beo; úr nó fuaraithe; reoite; triomaithe, saillte nó faoi sháile, nó deataithe; filléid agus feoil eile éisc; plúir, min agus millíní, atá oiriúnach lena gcaitheamh ag an duine || 15 tona || críoch chustaim na Cosaive || 0%

0301 91 90

0302 11 10

0302 11 20

0302 11 80

0303 14 10

0303 14 20

0303 14 90

0304 42 10

0304 42 50

0304 42 90

ex 0304 52 00

0304 82 10

0304 82 50

0304 82 90

ex 0304 99 21

ex 0305 10 00

ex 0305 39 90

0305 43 00

ex 0305 59 80

ex 0305 69 80

09.1573 || 0301 93 00 || Carbán (Cyprinus carpio, Carassius carassius, Ctenopharyngodon idellus, Hypophthalmichthys spp., Cirrhinus spp., Mylopharyngodon piceus): beo; úr nó fuaraithe; reoite; triomaithe, saillte nó faoi sháile, nó deataithe; filléid agus feoil eile éisc; plúir, min agus millíní, atá oiriúnach lena gcaitheamh ag an duine || 20 tona || críoch chustaim na Cosaive || 0%

0302 73 00

0303 25 00

ex 0304 39 00

ex 0304 51 00

ex 0304 69 00

ex 0304 93 90

ex 0305 10 00

ex 0305 31 00

ex 0305 44 90

ex 0305 59 80

ex 0305 64 00

09.1575 || ex 0301 99 85 || Garbhánach (Dentex dentex agus Pagellus spp.): beo; úr nó fuaraithe; reoite; triomaithe, saillte nó faoi sháile, nó deataithe; filléid agus feoil eile éisc; plúir, min agus millíní, atá oiriúnach lena gcaitheamh ag an duine || 45 tona || críoch chustaim na Cosaive || 0%

0302 85 10

0303 89 50

ex 0304 49 90

ex 0304 59 90

ex 0304 89 90

ex 0304 99 99

ex 0305 10 00

ex 0305 39 90

ex 0305 49 80

ex 0305 59 80

ex 0305 69 80

09.1577 || ex 0301 99 85 || Doingean mara Eorpach (Dicentrarchus labrax): beo; úr nó fuaraithe; reoite; triomaithe saillte nó faoi sháile, nó deataithe; filléid agus feoil eile éisc; plúir, min agus millíní, atá oiriúnach lena gcaitheamh ag an duine || 30 tona || Críoch chustaim na Cosaive || 0%

0302 84 10

0303 84 10

ex 0304 49 90

ex 0304 59 90

ex 0304 89 90

ex 0304 99 99

ex 0305 10 00

ex 0305 39 90

ex 0305 49 80

ex 0305 59 80

ex 0305 69 80

09.1530 || ex 2204 21 93 || Fíon ó fhíonchaora úra nach mó ná 15 % toirte a neart alcólach iarbhír de réir toirte, cé is móite d'fhíon súilíneach || 30 000 hl[4] || An Albáin[5] An Bhoisnia agus an Heirseagaivéin[6], an Chróit[7], Iar-Phoblacht Iúgslavach na Macadóine[8], Montainéagró[9], an tSeirbia[10], críoch chustaim na Cosaive[11] || Díolúine

ex 2204 21 94

ex 2204 21 95

ex 2204 21 96

ex 2204 21 97

ex 2204 21 98

ex 2204 29 93

ex 2204 29 94

ex 2204 29 95

ex 2204 29 96

ex 2204 29 97

ex 2204 29 98

09.1560 || ex 2204 21 93 || Fíon ó fhíonchaora úra nach mó ná 15 % toirte a neart alcólach iarbhír de réir toirte, cé is móite d'fhíon súilíneach || 20 000 hl || críoch chustaim na Cosaive || Díolúine

ex 2204 21 94

ex 2204 21 95

ex 2204 21 96

ex 2204 21 97

ex 2204 21 98

ex 2204 29 93

ex 2204 29 94

ex 2204 29 95

ex 2204 29 96

ex 2204 29 97

ex 2204 29 98

*               Tá an t-ainmniú seo gan dochar do sheasaimh maidir le stádas, agus tá sé ag luí le Rún 1244 ó Chomhairle Slándála na Náisiún Aontaithe agus tuairim CBI faoi Dhearbhú Neamhspleáchais na Cosaive.

[1]               IO L328, 15.12.2009, lch 1.

*               Tá an t-ainmniú seo gan dochar do sheasaimh maidir le stádas, agus tá sé ag luí le Rún 1244 ó Chomhairle Slándála na Náisiún Aontaithe agus tuairim CBI faoi Dhearbhú Neamhspleáchais na Cosaive.

[2]               Foilsítear iarmhéideanna na dtaraifchuótaí ar leathanaigh ghréasáin an Choimisiúin Eorpaigh, Ard-Stiúrthóireacht an Chánachais agus an Aontais Chustaim.

[3]               Aon mhéid iomlán amháin in aghaidh an taraifchuóta is inrochtana ag allmhairí de thionscnamh na ns dtíortha is tairbhithe.

[4]               Laghdófar méid an taraifchuóta iomláin sin má mhéadaítear cuóta-mhéid an taraifchuóta aonair is infheidhme faoi ordú Uimh. 09.1588 i gcás fíonta áirithe de thionscnamh na Cróite.

[5]               An rochtain atá ag fíon de thionscnamh na hAlbáine ar an taraifchuóta iomlán seo, tá sí faoi réir an taraifchuóta aonair a ndéantar foráil dó sa Phrótacal maidir le fíon a tugadh i gcrích leis an Albáin a bheith ídithe roimh ré. Osclaítear an cuóta aonair sin faoi Ordú Uimh. 09.1514 agus 09.1513.

[6]               An rochtain atá ag fíon de thionscnamh na Boisnia agus na Heirseagaivéine ar an taraifchuóta iomlán seo, tá sí faoi réir an dá tharaifchuóta aonair a ndéantar foráil dóibh sa Phrótacal maidir le fíon a tugadh i gcrích leis an mBoisnia agus an Heirseagaivéin a bheith ídithe roimh ré. Osclaítear na taraifchuótaí aonair sin faoi Ordú Uimh. 09.1528 agus faoi Ordú Uimh. 09.1529.

[7]               An rochtain atá ag fíon de thionscnamh Phoblacht na Cróite ar an taraifchuóta iomlán seo, tá sí faoi réir an dá tharaifchuóta aonair a ndéantar foráil dóibh sa Phrótacal Breise maidir le fíon a tugadh i gcrích leis an gCróit a bheith ídithe roimh ré. Osclaítear na taraifchuótaí aonair sin faoi Ordú Uimh. 09.1588 agus faoi Ordú Uimh. 09.1589.

[8]               An rochtain atá ag fíon de thionscnamh Iar-Phoblacht Iúgslavach na Macadóine ar an taraifchuóta iomlán seo, tá sí faoi réir an dá tharaifchuóta aonair dá bhforáiltear["a ndéantar foráil dóibh" atá agat sna fonótaí roimhe seo'] sa Phrótacal Breise maidir le fíon a tugadh i gcrích le hIar-Phoblacht Iúgslavach na Macadóine a bheith ídithe roimh ré. Osclaítear na taraifchuótaí aonair sin faoi ordú Uimh. 09.1558 agus faoi Ordú 09.1559.

[9]               An rochtain atá ag fíon de thionscnamh Mhontainéagró ar an taraifchuóta iomlán seo, tá sí faoi réir an tharaifchuóta aonair a ndéantar foráil dó sa Phrótacal maidir le fíon a tugadh i gcrích le Montainéagró a bheith ídithe roimh ré. Osclaítear an cuóta aonair sin faoi Ordú Uimh. 09.1514.

[10]               An rochtain atá ag fíon de thionscnamh na Seirbia ar an taraifchuóta iomlán seo, tá sí faoi réir an dá tharaifchuóta aonair a ndéantar foráil dóibh sa Phrótacal maidir le fíon a tugadh i gcrích leis an tSeirbia a bheith ídithe roimh ré. Osclaítear na taraifchuótaí aonair sin faoi Ordú Uimh. 09.1526 agus faoi Ordú Uimh. 09.1527.

[11]               An rochtain atá ag fíon de thionscnamh chríoch na Cosaive ar an taraifchuóta iomlán, tá sí faoi réir an taraifchuóta dá bhforáiltear sa Rialachán seo a bheith ídithe roimh ré. Osclaítear an cuóta aonair sin faoi Ordú Uimh. 09.1560.