Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE lena leasaítear Rialachán (AE) Uimh. 912/2010 lena mbunaítear an Ghníomhaireacht Eorpach GNSS /* COM/2013/040 final - 2013/0022 (COD) */
MEABHRÁN MÍNIÚCHÁIN 1. COMHTHÉACS AN TOGRA Tá riachtanais slándála i gcroílár cheapadh,
chur i bhfeidhm agus shaothrú na n‑infreastruchtúr atá ag eascairt as
cláir Galileo agus EGNOS, cláir a bhféadfadh a n‑úsáid cur isteach ar
shlándáil an Aontais agus a Bhallstát. I ngeall ar an ngné straitéiseach atá
acu is infreastruchtúir íogaire iad córais loingseoireachta satailíte ar féidir
úsáid mhailíseach a bhaint astu. Ina theannta sin, i bhfianaise an mhéadaithe
atá ag teacht ar an úsáid atáthar a bhaint as an loingseoireacht satailíte in
go leor réimsí, d'fhéadfadh cur isteach ar an soláthar seirbhíse dochar mór a
dhéanamh do shochaí an lae inniu. Le Rialachán (CE) Uimh. 683/2008 ó
Pharlaimint na hEorpa agus ón gComhairle an 9 Iúil 2008 maidir leis
na cláir Eorpacha um loingseoireacht satailíte (EGNOS agus Galileo)[1] a chur chun feidhme tuilleadh,
déantar foráil maidir le gach gné de shlándáil an dá chórais arna mbunú faoi
Galileo agus EGNOS a bheith á bainistiú ag an gCoimisiún. Mar sin féin, tá
slándáil na gcóras féin faoi réir creidiúnú arb é is aidhm leis comhréireacht
na gcóras leis na ceanglais slándála a fhíorú agus féachaint chuige go
bhfuiltear ag comhlíonadh na rialacha ábhartha is infheidhme maidir leis an
gComhairle agus maidir leis an gCoimisiún. Dála gach gníomhaíochta
creidiúnaithe ní mór creidiúnú slándála an dá chóras loingseoireachta satailíte
Eorpacha a dhéanamh ar bhealach neamhspleách, go háirithe i dtaca le gach
gníomhaí a bhíonn ag plé lena gceapadh, lena ndéanamh agus lena n‑oibriú. Is í an Ghníomhaireacht GNSS Eorpach atá
freagrach as an ngníomhaíocht creidiúnaithe seo de bhun fhorálacha
comhcheangailte Rialachán (CE) Uimh. 683/2008 agus Rialachán (AE)
Uimh. 912/2010 ó Pharlaimint na hEorpa agus ón gComhairle lena mbunaítear
an Ghníomhaireacht GNSS Eorpach, lena n‑aisghairtear Rialachán (CE)
Uimh. 1321/2004 ón gComhairle maidir le struchtúir bhainistíochta a bhunú
do na cláir Eorpacha um loingseoireacht satailíte agus lena leasaítear
Rialachán (CE) Uimh. 683/2008[2].
Is é an ceann deireanach acu sin a shonraíonn coinníollacha an chúraim
chreidiúnaithe atá ar an nGníomhaireacht agus foráiltear leis go ndéanfar na
cinntí creidiúnaithe slándála go neamhspleách ar an gCoimisiún agus ar eintitis
atá freagrach as cur i bhfeidhm na gclár. Ní mór feidhm a bheith ag oibleagáid
an neamhspleáchais maidir le na cúraimí eile na Gníomhaireachta. D'fhonn a áirithiú go ndéanfar na
gníomhaíochtaí creidiúnaithe slándála go neamhspleách, go háirithe i dtaca le
cúraimí eile na Gníomhaireachta GNSS Eorpaí, tugann Rialachán (AE)
Uimh. 912/2010 comhlacht neamhspleách don Ghníomhaireacht, an Bord um
Chreidiúnú Slándála, ar comhlacht amháin é, in éindí leis an Stiúrthóir
Feidhmiúcháin agus Bord Riaracháin, de na trí chomhlacht a bhfuil an
Ghníomhaireacht comhdhéanta díobh. Tá an Bord um Chreidiúnú Slándála ar
comhstádas leis an mBord Riaracháin agus is é féin amháin atá inniúil cinntí
maidir le creidiúnú a dhéanamh. Mar sin féin, is in ainm na Gníomhaireachta a
dhéantar na cinntí sin, mar an gcéanna le cinntí an Bhoird Riaracháin, agus
cuireann siad ceanglas ar an nGníomhaireacht, óir ó thaobh dlí de is aici
amháin atá pearsantacht dhlítheanach. Tá struchtúr inmheánach na Gníomhaireachta
GNSS neamhchoitianta toisc go bhfuil deighilt inti idir na gníomhaíochtaí a
bhaineann le creidiúnú slándála córas agus gníomhaíochtaí eile na
Gníomhaireachta, is é sin bainistiú an lárionaid slándála, rannchuidiú leis an
ullmhú do mhargú na gcóras agus gach gníomhaíocht a d'fhéadfadh an Coimisiún a
chur de chúram ar an ngníomhaireacht trí bhíthin tarmligean. An 30 Samhain 2011 ghlac an
Coimisiún togra le haghaidh Rialacháin ó Pharlaimint na hEorpa agus ón
gComhairle maidir le cur ar bun agus saothrú córas Eorpach loingseoireachta
satailíte[3].
Gabhfaidh an Rialachán GNSS sin atá le teacht ionad Rialachán (CE)
Uimh. 683/2008 amhail ón 1 Eanáir 2014 agus is leis a chinnfear
creat rialachais na gclár le linn na tréimhse 2014–2020. Foráiltear leis, go
háirithe, gur ar an nGníomhaireacht GNSS Eorpach a chuirfear de chúram tromlach
na gcúraimí a bhaineann le saothrú Galileo agus EGNOS. Tá sé curtha in iúl ag
an gCoimisiún ina thogra gur mian leis na cúraimí sin a tharmligean chuig an
nGníomhaireacht, agus tá Parlaimint na hEorpa agus an Chomhairle, a bhfuil an
téacs á scrúdú acu ó thús 2012, ar aon intinn léi ina leith sin. An
7 Meitheamh 2012 ghlac an Chomhairle cur chuige ginearálta páirteach
(doiciméad 11105/12 an 11 Meitheamh 2012) á dhearbhú sin. Is í ceist gníomhaíochtaí creidiúnaithe na
Gníomhaireachta amach anseo a chinnfidh cé acu a bhainisteoidh nó nach
mbainisteoidh an Ghníomhaireacht GNSS Eorpach an dá chóras i ndiaidh 2013. I
ngeall ar chúiseanna a bhaineann leis an mbaol coinbhleachtaí leasa agus toisc
nach féidir breithiúnas a thabhairt agus a bheith mar pháirtí leasmhar san am
céanna, dealraíonn sé nach bhfuil an riachtanas cinntí creidiúnaithe slándála a
dhéanamh go neamhspleách so-inréitithe leis na cinntí sin a bheith á ndéanamh
laistigh de ghníomhaireacht a bhfuil cúram saothraithe uirthi, fiú amháin más
amhlaidh, mar atá mínithe thuas, a fhoráiltear i Rialachán (AE) Uimh. 912/2010
maidir le méid áirithe saoirse a bheith ag an mBord um Chreidiúnú Slándála. Ina
thogra le haghaidh Rialacháin GNSS atá le teacht, mhol an Coimisiún, agus
cuimhne aige ar an deacracht sin, creidiúnú slándála corás a bheith ar cheann
de chúraimí na Gníomhaireachta "ar a dhéanaí go dtí an
30 Meitheamh 2016", tráth a bheidh na gníomhaíochtaí saothraithe
faoi lán seoil. Dá bhrí sin, d'fhág an Coimisiún ar oscailt ceist thodhchaí na
ngníomhaíochtaí creidiúnaithe i ndiaidh an dáta sin, agus beidh an cheist sin
ina hábhar ag togra eile amach anseo. Bhí
tacaíocht fhorleathan ag moladh an Choimisiúin maidir leis an dáta an
30 Meitheamh 2016 nuair a scrúdaigh baill de na coistí éagsúla
parlaiminte an téacs. Sa Chomhairle, chuir na Ballstáit i dtábhacht an gá atá
leis na gníomhaíochtaí creidiúnaithe a dhéanamh go neamhspleách agus chuir siad
in iúl gur mhian leo go réiteofaí ceist thodhchaí chreidiúnú slándála na gcóras
i ndiaidh an 1 Eanáir 2014 a luaithe ab fhéidir é. Ina theannta sin,
ghlac an Chomhairle dearbhú an 7 Meitheamh 2012 (doiciméad 11279/12
ADD 1) inar dúradh gur cheart na gníomhaíochtaí creidiúnaithe a dhéanamh ar
bhealach lán‑neamhspleách ar chúraimí eile na Gníomhaireachta Eorpaí
GNSS, gur cheart deighilt struchtúrach éifeachtach chuige sin a dhéanamh sa
Ghníomhaireacht idir a gníomhaíochtaí éagsúla ar a dhéanaí an
1 Eanáir 2014 agus gurbh é Cathaoirleach an Bhoird um Chreidiúnú
Slándála, agus eisean amháin, ba cheart a bheith freagrach as na gníomhaíochtaí
creidiúnaithe. Dá réir sin d'iarr an Chomhairle ar an gCoimisiún togra a
thíolacadh go tráthúil ag leasú Rialachán (AE) Uimh. 912/2010 chuige sin. Tá sé tábhachtach an cheist faoina bhfuil i
ndán do chreidiúnú slándála na gcóras Eorpach loingseoireachta satailíte a
réiteach le linn chreat airgeadais 2014–2020. Ciallaíonn sé sin Rialachán (UE)
Uimh. 912/2010 a leasú. Agus Rialachán (AE) Uimh. 912/2010 á
leasú beidh faill ann athruithe a dhéanamh ar an Rialachán a fhágfaidh go
bhféadfar Rialachán (AE) Uimh. 912/2010 a chur i gcomhréir leis na
prionsabail atá i gcur chuige coiteann Pharlaimint na hEorpa, na Comhairle agus
an Choimisiúin maidir le gníomhaireachtaí díláraithe, arna fhaomhadh ag an
gCoimisiún an 12 Meitheamh 2012. Ar deireadh, an togra thuasluaite le haghaidh
Rialachán GNSS atá le teacht a ghlac an Coimisiún an 30 Samhain 2011
ina bhforáiltear go bhféadfaí cúraimí na Gníomhaireachta Eorpaí GNSS a leathnú
agus cúraimí saothraithe a thabhairt di, déanfaidh sé difear mór do riachtanais
phearsanra na Gníomhaireachta, agus dá bhrí sin, ar an mbuiséad a bheidh aici
amach anseo. Ar an ábhar sin tá sé tábhachtach an ráiteas airgeadais reachtach
atá ag gabháil le Rialachán (AE) Uimh. 912/2010 a leasú. 2. TORTHAÍ NA gCOMHAIRLIÚCHÁN LEIS NA
PÁIRTITHE LEASMHARA AGUS NA MEASÚNUITHE IARMHARTA Ní dhearnadh measúnú tionchair ar an togra ón
gCoimisiún ná comhairliúchán foirmiúil leis na páirtithe leasmhara ina leith. A fhad a bhaineann leis na hathruithe atá
ceaptha forálacha Rialachán (AE) Uimh. 912/2010 a ailíniú le prionsabail
an chuir chuige idirinstitiúidigh i leith gníomhaireachtaí díláraithe, ní raibh
aon ghá le measúnú tionchair ná le comhairliúcháin fhoirmiúla leis na páirtithe
leasmhara arae ba é an cur chuige sin go díreach an toradh a tháinig as na comhairliúcháin
idir an Coimisiún, an Comhairle agus Parlaimint na hEorpa. A fhad a bhaineann leis na hathruithe ar
chreidiúnú slándála na gcóras loingseoireachta satailíte, tá sé tábhachtach a
rá gurb iad na Ballstáit, a bhfuil mórbhaint acu le gach gné den tslándáil, ar
an mórgóir, an príomhpháirtithe leasmhara sa chás áirithe, nó go deimhin an t‑aon
pháirtí leasmhar, lasmuigh d'institiúidí an Aontais agus den Ghníomhaireacht
GNSS Eorpach. Chuathas i gcomhairliúchán domhain leis na Ballstáit faoin bponc
áirithe seo le linn an phlé sa Chomhairle ar an Rialachán GNSS atá le teacht,
agus chuir an Chomhairle a seasamh in iúl sa dearbhú thuasluaite dar dáta an
7 Meitheamh 2012. Thairis sin, rinneadh plé mionsonrach leis an
nGníomhaireacht GNSS Eorpach ar na socruithe a glacadh sa deireadh thiar thall.
Tá an togra le haghaidh Rialacháin GNSS atá le teacht faighte ag an bParlaimint
ach níor thug sí uaithi aon tuairim ina leith go fóill. Lena chois sin, rinneadh scrúdú ar na réitigh
éagsúla a bhféadfaí úsáid a bhaint astu chun slándáil córas a chreidiúnú i
ndiaidh 2013. Tá siad sé cinn ann: 1) An creidiúnú a chur de chúram ar an
earnáil phríobháideach: Téann creidiúnú slándála na gcóras
loingseoireachta satailíte Eorpach i bhfeidhm go díreach ar shlándáil an
Aontais agus a Bhallstát, agus ó tharla gur mian leis na Ballstáit ról lárnach
a bheith acu san obair creidiúnaithe agus sna cinntí maidir le creidiúnú, níl
féidir a mheas go bhfuil aon dealramh leis an rogha seo an creidiúnú sin a chur
de chúram ar an earnáil phríobháideach. 2) Gníomhaireacht nua rialála a chruthú a
phléifeadh leis an gcreidiúnú D'fhéadfaí a mheas go mbeadh ciall le
gníomhaireacht nua a chruthú a phléifeadh le creidiúnú slándála na gcóras
Eorpach GNSS, ach bheadh sin ag teacht salach ar an tiomantas comhpháirteach
atá ag na hinstitiúidí Eorpacha le blianta beaga anuas gan gníomhaireachtaí nua
rialála a chruthú. Chomh maith leis sin bheadh costas nach beag air sin nó fiú
costas a bheadh ar neamhréir leis na fíor-riachtanais atá ann. Is amhlaidh atá
isteach is amach le deichniúr san fhoireann bhuan a bhíonn ag plé le creidiúnú
slándála na gcóras. 3) An creidiúnú a chur de chúram ar
ghníomhaireacht rialála atá ann cheana: Seachas gníomhaireacht nua a chruthú
d'fhéadfaí an creidiúnú a chur de chúram ar ghníomhaireacht rialála atá ann
cheana. De ghníomhaireachtaí éagsúla an Aontais, dealraíonn sé nach mbeadh ach
an Ghníomhaireacht Eorpach um Shábháilteacht Eitlíochta agus, go pointe
áirithe, an Ghníomhaireacht Eorpach um Chosaint in ann slándáil chórais chasta
ar nós Galileo agus EGNOS a chreidiúnú. Ní mór a rá nach bhfuil cúram creidiúnaithe
den sórt seo ar cheann de na cúraimí atá ar na gníomhaireachtaí sin faoi
láthair. Maidir leis an nGníomhaireacht Eorpach um Chosaint a mbeadh sé de
chúram air EGNOS a chreidiúnú, tá baol tromchúiseach coinbhleachta leasa ann
idir an ról creidiúnaithe sin agus aon chúram creidiúnaithe slándála eile a
d'fhéadfaí a chur uirthi. Maidir leis an nGníomhaireacht Eorpach um Chosaint
arb é is príomhchúram di comhar ó thaobh arm agus an tionscail arm a chur chun
cinn idir na Ballstáit, dá gcuirfí creidiúnú slándála Galileo agus EGNOS de
chúram uirthi d'fhéadfadh an chuma a bheadh air sin go mbeadh sin ag teacht
salach ar an maíomh go bhfuil an dá chóras sin faoi stiúradh sibhialta. 4) An creidiúnú a chur de chúram ar an
gCoimisiún: In 2007 le linn na réamhoibre ullmhúcháin do
Rialachán (CE) Uimh. 683/2008 lena ndearnadh athchóiriú ar rialachas na
gclár, breithníodh creidiúnú slándála na gcóras loingseoireachta satailíte a
chur de chúram ar an gCoimisiún. Cuireadh as an áireamh i ndeireadh na dála é
mar bhí an chuma air go mbeadh sé ag teacht salach ar oibleagáid an
neamhspleáchais dá mbeadh 'gach gné de shlándáil na gcóras' á bainistiú ag an
gCoimisiún. Tá an deacracht chéanna fós ann inniu arae sa Rialachán GNSS atá le
teacht atáthar a bheartú a chur in ionad Rialachán (CE) Uimh. 683/2008
amhail ón 1 Eanáir 2014 foráiltear gurb é an Coimisiún a fhéachfaidh
i ndiaidh shlándáil na gclár, slándáil na gcóras san áireamh. Lena chois sin tá
an‑luí ag na Ballstáit leis an mBord um Chreidiúnú san fhoirm ina bhfuil
sé faoi láthair sa Ghníomhaireacht GNSS Eorpach agus ba dheacair, ar leibhéal
an riaracháin, comhlacht dá shórt a ionchorprú sa Choimisiún. 5) An creidiúnú a chur de chúram ar an gComhairle: Tá roinnt buntáistí ag baint le creidiúnú
slándála na gcóras GNSS Eorpach a chur de chúram ar an gComhairle. Ar an gcéad
dul síos, níl aon pháirt ag an gComhairle i mbainistiú na gclár agus ní
fhéadfaí aon amhras a chur ar a neamhspleáchas. Chomh maith leis sin tá
saineolas áirithe aici ar chórais chasta a chreidiúnú nó tá tuairim is caoga
córas creidiúnaithe aici dá cuid riachtanas féin. Fairis sin, is ise is ábalta
an fhreagracht a ghlacadh chuici féin as impleachtaí polaitíochta cinntí a
bhaineann leis an gcreidiúnú, cinntí a bhféadfadh mórimpleachtaí a bheith acu
ar na cláir ó thaobh costas agus sceidealú. Agus ar deireadh, maidir leis na
Ballstáit, ar mian leo dlúthbhaint a bheith acu leis an bpróiseas
creidiúnaithe, is fearr i bhfad ar ndóigh an ionadaíocht atá acu sa Chomhairle
ná in aon chomhlacht eile de chuid an Aontais. Is troime na míbhuntáistí a bhaineann leis an
réiteach seo a chur i bhfeidhm ná na buntáistí, áfach. Is amhlaidh nach
comhlacht riaracháin bhainistíochta í an Chomhairle, agus cé go bhfuil taithí
aici ar chreidiúnú roinnt córas, ní raibh i gceist leis sin go dtí seo ach
córais inmheánacha de chuid na Comhairle a bhí ceaptha a dea-fheidhmiú féin a
chinntiú. Fairis sin, maidir leis an struchtúr atá comhdhéanta den Bhord um Chreidiúnú
agus dá fhochomhlachtaí san fhoirm ina bhfuil siad, mar aon lena bhaill foirne,
oifigigh bhuana san áireamh, a ionchorprú in Ardrúnaíocht na Comhairle, bheadh
na deacrachtaí céanna ag baint leis sin agus a bheadh ag baint lena n‑ionchorprú
sa Choimisiún. 6) An deighilt idir gníomhaíochtaí na
Gníomhaireachta GNSS Eorpaí a athneartú: Is éard atá i gceist leis seo eagrú inmheánach
na Gníomhaireachta a athrú sa chaoi is nach mbeadh aon amhras faoi
neamhspleáchas a cuid gníomhaíochtaí creidiúnaithe i dtaca leis na
gníomhaíochtaí eile a dhéanann sí. Leis an réiteach seo, a chiallódh deighilt
níos mó a dhéanamh idir gníomhaíochtaí na Gníomhaireachta GNSS Eorpaí agus
neamhspleáchas an dá chomhlachta a athneartú faoi aon díon amháin dlí, chuirfí
ar fáil an méid ceart neamhspleáchais ó thaobh gníomhaíochtaí creidiúnaithe a
dhéanamh agus, gach rud sa mheá, dealraíonn sé a bheith ar an réiteach is lú
deacracht, is mó simplíocht agus is fusa le cur i bhfeidhm. Ina theannta sin,
is é an réiteach céanna é a mhol an Chomhairle an 7 Meitheamh 2012. 3. EILIMINTÍ DLÍ AN TOGRA A fhad a bhaineann leis an ngá atá le
féachaint chuige go mbeidh a gníomhaíochtaí creidiúnaithe neamhspleách agus,
chuige sin, ar an ngá atá le hathneartú ar an deighilt idir na gníomhaíochtaí
sin agus gníomhaíochtaí eile na Gníomhaireachta GNSS Eorpaí, foráiltear go
príomha sa togra maidir le cumhachtaí an Bhoird um Chreidiúnú Slándála agus
cumhachtaí Chathaoirligh an Bhoird um Chreidiúnú Slándála a mhéadú trína n‑ailíniú
go páirteach le cumhachtaí an Bhoird Riaracháin agus an Stiúrthóra
Feidhmiúcháin faoi seach. Foráiltear, leis, go n‑ullmhóidh agus go
bhformheasfaidh an Bord um Chreidiúnú Slándála an chuid sin de chláir oibre na
Gníomhaireachta a bhaineann le gníomhaíochtaí oibríochtúla a bhaineann le
creidiúnú slándála córas mar aon leis an gcuid sin den tuarascáil bhliantúil a
bhaineann le gníomhaíochtaí agus ionchais na Gníomhaireachta ó thaobh
gníomhaíochtaí creidiúnaithe slándála córas, agus go gcuirfear go tráthúil iad
sin chuig an Bord Riaracháin d'fhonn a n‑ionchorpraithe i gclár oibre
agus i dtuarascáil bhliantúil na Gníomhaireachta. Ní mór don Bhord údarás
smachta a bheith aige ar a Chathaoirleach freisin. An ról atá ag Cathaoirleach an Bhoird um
Chreidiúnú Slándála ó thaobh gníomhaíochtaí creidiúnaithe slándála de, tá sé
inchurtha le ról an Stiúrthóra Feidhmiúcháin i ngníomhaíochtaí eile de chuid na
Gníomhaireachta. Mar aon leis an ról atá aige ionadaíocht a dhéanamh don
Ghníomhaireacht, ról a ndéantar foráil maidir leis i Rialachán (AE) Uimh. 912/2010
faoi mar atá sé faoi láthair, bainisteoidh sé feasta na gníomhaíochtaí
creidiúnaithe slándála faoi stiúir an Bhoird um Chreidiúnú Slándála agus
féachfaidh sé chuige go gcuirfear chun feidhme an chuid sin de chlár oibre na
Gníomhaireachta a bhaineann le creidiúnú. Féadfaidh sé, leis, ar iarratas ó
Pharlaimint na hEorpa nó ón gComhairle, tuarascáil a thíolacadh faoi chur i
gcrích a chuid misean agus ráiteas a dhéanamh os comhair na n‑institiúidí
sin. A fhad a bhaineann leis an gcur chuige
idirinstitiúideach a chur i bhfeidhm maidir leis na gníomhaireachtaí
díláraithe, déanfaidh an t‑ailíniú leis na prionsabail atá leagtha amach
sa chur chuige sin difear, go háirithe: do na rialacha maidir le cinntí an
Bhoird Riaracháin a ghlacadh; d'fhad an tsainordaithe atá ag baill an Bhoird
Riaracháin agus an Bhoird um Chreidiúnú agus ag a n‑uachtaráin; do chlár
oibre ilbhliantúil a bheith ann; do chumhachtaí an Bhoird Riaracháin ó thaobh
bainistiú foirne; do mheastóireacht agus athbhreithniú an Rialacháin; do chosc
coinbhleachtaí leasa; agus do phróiseáil a dhéanamh ar fhaisnéis íogair
neamhaicmithe. 4. IMPLEACHTAÍ BUISÉADACHA Níl aon impleachtaí buiséadacha iontu féin ag
eilimintí dlí an togra atá luaite thuas i bpointe 3. Mar sin féin, i ráiteas airgeadais reachtach
Rialachán (AE) Uimh. 912/2010, atá ag gabháil leis an togra agus ina
bhfuil ionchorpraithe riachtanais foirne nua na Gníomhaireacht atá ag eascairt
as na cúraimí nua atáthar ag tabhairt di, amhail saothrú na gcóras GNSS
Eorpach, sloinntear i dtéarmaí airgid na riachtanais sin. I dtéarmaí
buiséadacha, tá na méideanna is gá ar áireamh cheana féin i dtogra an
Choimisiúin don chéad chreat airgeadais eile, 2014–2020. Maoineofar iad trí ath‑leithdháileadh
a dhéanamh laistigh de línte buiséadacha na gclár GNSS ar aon dul le dóigh
maoinithe riachtanais bhreise 2013. Tabhair faoi deara go ndéanfar na costais a
bhaineann le riachtanais nua foirne na Gníomhaireachta a chúiteamh go páirteach
trí laghdú 30 post i bplean bunaíochta an Choimisiúin le linn na tréimhse
céanna 2014-2020. Tá na mionsonraithe buiséadacha le fáil sa ráiteas airgeadais
reachtach san iarscríbhinn a ghabhann leis seo. Ar aon chaoi, tugtar faoi deara go bhfuil na
figiúirí atá luaite sa ráiteas airgeadais reachtach, de pháirt amháin faoi réir
an t‑údarás buiséadach creat airgeadais 2014–2020 a ghlacadh agus, de
pháirt eile faoi réir ghlacadh an Rialacháin GNSS atá le teacht. 2013/0022 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE lena leasaítear Rialachán (AE) Uimh. 912/2010
lena mbunaítear an Ghníomhaireacht Eorpach GNSS TÁ PARLAIMINT NA hEORPA AGUS AN
CHOMHAIRLE, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 172 de, Ag féachaint don togra ón gCoimisiún Eorpach, Tar éis dóibh an dréachtghníomh reachtach a
chur chuig na parlaimintí náisiúnta, Ag féachaint don tuairim ó Choiste Eacnamaíoch
agus Sóisialta na hEorpa[4], Ag féachaint don tuairim ó Choiste na
Réigiún[5], Ag gníomhú dóibh i gcomhréir leis an ngnáthnós
imeachta reachtach, De bharr an méid seo a leanas: (1) De bharr fhorálacha
Airteagal 16 de Rialachán (CE) Uimh. 683/2008 ó Pharlaimint na hEorpa
agus ón gComhairle an 9 Iúil 2008 maidir leis na cláir Eorpacha um
loingseoireacht satailíte (EGNOS agus Galileo)[6]
a chur chun feidhme tuilleadh mar aon le forálacha Airteagal 2 de
Rialachán (AE) Uimh. 912/2010 ó Pharlaimint na hEorpa agus ón gComhairle
lena mbunaítear an Ghníomhaireacht Eorpach GNSS, lena n‑aisghairtear
Rialachán (CE) Uimh. 1321/2004 ón gComhairle maidir le struchtúir
bhainistíochta a bhunú do na cláir Eorpacha um loingseoireacht satailíte agus
lena leasaítear Rialachán (CE) Uimh. 683/2008 ó Pharlaimint na hEorpa agus
ón gComhairle[7],
ní mór don Ghníomhaireacht Eorpach GNSS (dá ngairtear ‘an Ghníomhaireacht’
anseo feasta) creidiúnú slándála na gcóras Eorpach loingseoireachta satailíte
(dá ngairtear ‘na córais’ anseo feasta) a áirithiú agus, chuige sin, is í a
thionscnaíonn cur chun feidhme na nósanna imeachta slándála agus a dhéanann
faireachán air sin, agus is í a dhéanann na hiniúchóireachtaí slándála. (2) Leagtar amach go sainráite i
bhforálacha Rialachán (CE) Uimh. 912/2010, go háirithe forálacha
Chaibidil III den Rialachán, na coinníollacha nach mór don Ghníomhaireacht
a cúraimí maidir le creidiúnú slándála na gcóras a chomhlíonadh fúthu.
Foráiltear iontu go háirithe, mar phrionsabal, go ndéanfar na cinntí maidir le
creidiúnú slándála go neamhspleách ar an gCoimisiún agus ar na heintitis atá
freagrach as na cláir Eorpacha um loingseoireacht satailíte (dá ngairtear ‘na
cláir’ anseo feasta) a chur chun feidhme agus gur comhlacht uathrialaitheach,
laistigh den Ghníomhaireacht, a dhéanfaidh cinntí go neamhspleách a bheidh san
údarás um chreidiúnú slándála na gcóras. (3) I gcomhréir leis an
bprionsabal sin, le Rialachán (AE) Uimh. 912/2010 bunaítear an Bord um
Chreidiúnú na gCóras Eorpach GNSS (dá ngairtear ‘an Bord um Chreidiúnú
Slándála’ anseo feasta) ar ceann de thrí chomhlacht na Gníomhaireachta é,
maille leis an mBord Riaracháin agus an Stiúrthóir Feidhmiúcháin. Is é an
comhlacht sin a dhéanann na cúraimí atá tugtha don Ghníomhaireacht maidir le
creidiúnú slándála agus tá de chumhacht aige cinntí maidir le creidiúnú
slándála a dhéanamh thar ceann na Gníomhaireachta. Glacfaidh sé a rialacha nós
imeachta agus ceapfaidh sé an Cathaoirleach a bheidh air. (4) Le Rialachán (AE)
Uimh. xxx/2013 ó Pharlaimint na hEorpa agus ón gComhairle maidir le córais
Eorpacha loingseoireachta satailíte a chur ar bun agus a shaothrú[8], rialachán a ghlacann áit
Rialachán (AE) Uimh. 683/2008 agus a thiocfaidh i bhfeidhm an
1 Eanáir 2014, sainítear plean rialaithe phoiblí na gclár ar feadh na
tréimhse 2014-2020. Méadaítear leis réimse na gcúraimí atá tugtha don
Ghníomhaireacht agus déantar foráil ann go háirithe go bhféadfaidh an Ghníomhaireacht
ról mór a bheith aici i saothrú na gcóras. (5) Sa chomhthéacs nua seo, is
den riachtanas a áirithiú go bhféadfaidh an Bord um Chreidiúnú Slándála na
cúraimí atá tugtha di a dhéanamh le neamhspleáchas iomlán, go háirithe maidir
le comhlachtaí agus gníomhaíochtaí eile na Gníomhaireachta. Dá bhrí sin, is den
riachtanas, laistigh den Ghníomhaireacht féin, na gníomhaíochtaí a bhaineann le
creidiúnú a scaradh tuilleadh ó na gníomhaíochtaí eile, amhail bainistíocht an
ionaid slándála, an rannchuidiú le tráchtálú na gcóras agus na gníomhaíochtaí
uile a d'fhéadfadh an Coimisiúin a shannadh don Ghníomhaireacht trí bhíthin
tarmligean, go háirithe iad siúd a bhaineann le saothrú na gcóras. Chun na
críche sin, ba cheart deighilt struchtúrach atá nithiúil agus éifeachtach a
dhéanamh laistigh den Ghníomhaireacht idir na gníomhaíochtaí éagsúla faoin
1 Eanáir 2014 ar a dhéanaí. (6) Chun é sin a dhéanamh, ní mór
Rialachán (AE) Uimh. 912/2010 a mhodhnú chun uathriail agus cumhachtaí an
Bhoird um Chreidiúnú Slándála agus a Chathaoirligh a mhéadú, go príomha, agus
chun na cumhachtaí sin a ailíniú cuid mhór le cumhachtaí Bhord Riaracháin agus
Stiúrthóir Feidhmiúcháin na Gníomhaireachta faoi seach, ach foráil a dhéanamh
maidir le comhar idir comhlachtaí éagsúla na Gníomhaireachta ag an am céanna. (7) Is é an Bord um Chreidiúnú
Slándála, seachas an Bord Riaracháin, a dhéanfaidh an chuid sin de chláir oibre
na Gníomhaireachta a ullmhú agus a fhormheas ina bhfuil tuairisc ar na
gníomhaíochtaí oibríochtúla a bhaineann le creidiúnú slándála na gcóras maille
leis an gcuid sin den tuarascáil bhliantúil ar ghníomhaíochtaí agus ionchais na
Gníomhaireachta a bhaineann le gníomhaireachtaí creidiúnaithe slándála na
gcóras agus iad a chur, go tráthúil agus go hiomchuí, chuig an mBord Riaracháin
chun go gcomhtháthófar iad i gclár oibre agus i dtuarascáil bhliantúil na
Gníomhaireachta. Ba cheart dó údarás araíonachta a fheidhmiú ar a
Chathaoirleach freisin. (8) Maidir le Cathaoirleach an
Bhoird um Chreidiúnú Slándála, b’inmhianaithe ról a thabhairt dó, i ndáil le
gníomhaíochtaí creidiúnaithe slándála, a bheadh inchurtha leis an ról a imríonn
an Stiúrthóir Feidhmiúcháin i leith gníomhaíochtaí eile na Gníomhaireachta. Dá
bhrí sin, sa bhreis ar an bhfeidhm ionadaíocht a dhéanamh thar ceann na
Gníomhaireachta, dá bhforáiltear cheana i Rialachán (AE) Uimh. 912/2010 an
22 Meán Fómhair 2010, ba cheart do Chathaoirleach an Bhoird um
Chreidiúnú Slándála na gníomhaíochtaí creidiúnaithe slándála atá faoi
mhaoirseacht an Bhoird um Chreidiúnú Slándála a bhainistiú agus cur chun
feidhme an chuid sin de chláir oibre na Gníomhaireachta a bhaineann le
Creidiúnú a áirithiú. Ba cheart dó freisin, arna iarraidh sin do Pharlaimint na
hEorpa nó don Chomhairle, bheith in ann tuarascáil a chur isteach maidir le
comhlíonadh a chúraimí agus dearbhú a dhéanamh os comhair na n‑institiúidí
sin. (9) Ina theannta sin, chun
críocha uathriail an Bhoird um Chreidiúnú Slándála a chaomhnú agus aon
choinbhleachtaí leasa a chosc, b’fhiú freisin, de pháirt amháin, an Bord um
Chreidiúnú Slándála agus na baill foirne de chuid na Gníomhaireachta a cuireadh
faoina rialú a gcuid oibre a dhéanamh in áit ina n‑áiritheofaí a n‑uathriail
agus a neamhspleáchas ar ghníomhaíochtaí eile na Gníomhaireachta, go háirithe
ar ghníomhaíochtaí oibríochtúla a bhaineann le saothrú na gcóras, agus den
pháirt eile, b’fhiú do rialacha inmheánacha na Gníomhaireachta maidir lena
foireann uathriail agus neamhspleáchas ar na baill foirne a dhéanann
gníomhaíochtaí eile na Gníomhaireachta a áirithiú do na baill foirne atá ag
déanamh na ngníomhaíochtaí creidiúnaithe slándála. (10) Ina theannta sin, ós rud é go
bhfuil roinnt tríú tíortha rannpháirteach sna cláir Eorpacha GNSS, lena n‑áirítear
maidir le cúrsaí slándála, is iomchuí foráil a dhéanamh go sainráite go
bhféadfaidh ionadaithe tríú tíortha bheith rannpháirteach, ar choinníollacha
atá le sainiú, in obair an Bhoird um Chreidiúnú Slándála. (11) Ina theannta sin, is iomchuí
Rialachán (AE) Uimh. 912/2010 a chur i gcomhréir leis na prionsabail atá
léirithe i gcur chuige comhchoiteann na Parlaiminte, na Comhairle agus an
Choimisiúin maidir leis na gníomhaireachtaí díláraithe, cur chuige a ghlac na
trí institiúid sin an 5 Iúil, an 26 Meitheamh agus an
12 Meitheamh 2012 faoi seach, go háirithe an méid a bhaineann leis na
rialacha maidir le cinntí an Bhoird Riaracháin a ghlacadh, téarma oifige
chomhaltaí an Bhoird Riaracháin agus an Bhoird um Chreidiúnú Slándála maille le
téarma oifige a gCathaoirleach, clár oibre ilbhliantúil a bheith ann,
cumhachtaí an Bhoird Riaracháin i ndáil le bainistíocht foirne, meastóireacht
agus athbhreithniú a dhéanamh ar an Rialachán, coinbhleachtaí leasa a chosc
agus faisnéis íogair neamhrúnaicmithe a phróiseáil. (12) Ní mór leasanna airgeadais an
Aontais a chosaint trí bhearta comhréireacha ar feadh thimthriall iomlán an
chaiteachais, go háirithe trí neamhrialtachtaí a chosc agus a bhrath,
imscrúduithe a dhéanamh, cistí a cailleadh, a íocadh nó a úsáideadh go mícheart
a aisghabháil agus, más gá, trí phionóis a chur i bhfeidhm. (13) Ar deireadh, ós rud é go
ndéantar foráil in Airteagal [8] de Rialachán (AE) Uimh. xxx/2013 (an
Rialachán maidir le GNSS a bheidh ann amach anseo) gur féidir leis na Ballstáit
cistí breise a thabhairt chun eilimintí áirithe de na cláir a mhaoiniú, is
iomchuí cead a thabhairt don Ghníomhaireacht comhchonarthaí a shíniú leis na
Ballstáit i gcás inar gá sin le go bhféadfaidh sí a cúraimí a dhéanamh. (14) Ba cheart Rialachán
(UE) Uimh. 912/2010 a leasú dá réir, TAR ÉIS AN RIALACHÁN SEO A GHLACADH: Airteagal 1 Leasaítear Rialachán (UE) Uimh. 912/2010
mar seo a leanas: (1)
cuirtear an méid seo a leanas in ionad
Airteagal 3: 'Airteagal 3 Comhlachtaí 1. Is iad comhlachtaí na
Gníomhaireachta: a)
an Bord Riaracháin; b)
an Stiúrthóir Feidhmiúcháin; c)
an Bord um Chreidiúnú Slándála do chórais Eorpacha
GNSS. 2. Déanfaidh orgáin na
Gníomhaireachta a gcúraimí, mar atá sainithe in Airteagail 6, 8 agus 11, i
gcomhréir leis na treoirlínte a eiseoidh an Coimisiún dá bhforáiltear in
Airteagal 16 de Rialachán (CE) Uimh. 683/2008. 3. Oibreoidh an Bord Riaracháin
agus an Stiúrthóir Feidhmiúcháin de pháirt amháin agus an Bord um
Chreidiúnaithe Slándála na gCóras Eorpach GNSS agus a Chathaoirleach den pháirt
eile i gcomhar le chéile chun a áirithiú go bhfeidhmeoidh an Ghníomhaireacht i
gcomhréir leis na rialacha mionsonraithe arna socrú i rialacha inmheánacha na
Gníomhaireachta, amhail rialacha nós imeachta an Bhoird Riaracháin, rialacha
nós imeachta an Bhoird um Chreidiúnú Slándála, na rialacha airgeadais is
infheidhme maidir leis an nGníomhaireacht, na rialacha mionsonraithe maidir le
cur i bhfeidhm na Rialachán Foirne agus na rialacha mionsonraithe maidir le
rochtain ar dhoiciméid." (2)
cuirtear an méid seo a leanas in ionad
Airteagal 4: 'Airteagal 4 Stádas dlíthiúil, oifigí áitiúla 1. Is comhlacht de chuid an
Aontais a bheidh sa Ghníomhaireacht. Beidh pearsantacht dhlítheanach aici. 2. I ngach ceann de na
Ballstáit, beidh ag an nGníomhaireacht an inniúlacht dhlítheanach is fairsinge
atá ar fáil ag daoine dlítheanacha faoi na dlíthe náisiúnta. Féadfaidh sí, go
háirithe, maoin shochorraithe agus maoin dhochorraithe a fháil nó a dhiúscairt
agus féadfaidh sí a bheith ina páirtí in imeachtaí dlíthiúla. 3. Féadfaidh an Ghníomhaireacht
cinneadh a dhéanamh oifigí áitiúla a bhunú sna Ballstáit, ach sin faoi réir
toiliú a fháil uathu, nó i dtríú tíortha atá rannpháirteach in obair na
Gníomhaireachta i gcomhréir le hAirteagal 23. Beidh na rialacha mionsonraithe maidir le bunú
agus feidhmiú na Gníomhaireachta sna Ballstáit agus sna tríú tíortha aíochta
agus maidir leis na buntáistí a chomhaontaigh na tríú tíortha leis an
stiúrthóir feidhmiúcháin, le comhaltaí an Bhoird Riaracháin, le foireann na
Gníomhaireachta agus le baill dá dteaghlaigh, beidh siad faoi réir socruithe
áirithe arna dtabhairt chun críche idir an Ghníomhaireacht agus na Stáit agus
na tríú tíortha sin. Déanfaidh an Bord Riaracháin na socruithe áirithe a
fhormheas. Is iad na Ballstáit agus na tríú tíortha aíochta a
thugann an creat is fearr le haghaidh oibriú maith gníomhaíochtaí na
Gníomhaireachta, go háirithe maidir leis an méid seo a leanas: a) inrochtaineacht na n‑áitreabh, b) bonneagair oideachais iomchuí do leanaí
na mball foirne, agus saineolaithe náisiúnta ar iasacht. c) rochtain ar an margadh oibre, ar an
gcóras slándála sóisialta agus ar an gcúram sláinte do theaghlaigh na mball
foirne agus na saineolaithe náisiúnta ar iasacht. 4. Faoi réir Airteagal
11a(1)(d), feidhmeoidh an Stiúrthóir Feidhmiúcháin thar ceann na
Gníomhaireachta. (3)
leasaítear Airteagal 5 mar seo a leanas: a)
cuirtear an téacs seo a leanas in ionad
mhír 2: « 2. Beidh an Bord Riaracháin comhdhéanta: a) d’ionadaí amháin ó gach Ballstát, arna
cheapadh ag na Ballstáit féin; b) de chúigear ionadaithe arna gceapadh ag
an gCoimisiún; c) d’ionadaí gan ceart vótála arna
cheapadh ag Parlaimint na hEorpa. Ceithre bliana a bheidh i dtéarma oifige
chomhaltaí an Bhoird Riaracháin agus féadfar é a athnuachan. Iarrfar ar ionadaí ón mBord um Chreidiúnú Slándála
na gCóras Eorpach GNSS, ar ionadaí ón Ardionadaí do Ghnóthaí Eachtracha agus
don Bheartas Slándála (an tArdionadaí) agus ar ionadaí ón nGníomhaireacht
Eorpach Spáis (GES) freastal ar chruinnithe an Bhoird Riaracháin mar
bhreathnóirí." d)
cuirtear an téacs seo a leanas in ionad
mhír 4: « 4. Toghfaidh an Bord Riaracháin
Cathaoirleach agus Leas‑Chathaoirleach as measc a chomhaltaí. Glacfaidh
an Leas‑Chathaoirleach ionad an Chathaoirligh go huathoibríoch más rud é
nach féidir leis an gCathaoirleach a chuid dualgas a chomhlíonadh. Dhá bhliain
a bheidh i dtéarma oifige an Chathaoirligh agus an Leas‑Chathaoirligh, ar
téarma é a bheidh in‑athnuaite aon uair amháin, agus rachaidh an téarma
sin in éag nuair a scoirfidh siad de bheith ina gcomhaltaí den Bhord
Riaracháin.” e)
cuirtear an téacs seo a leanas in ionad
mhír 6: « 6. Mura rud é go bhforáiltear a mhalairt sa
Rialachán seo, déanfaidh an Bord Riaracháin a chuid cinntí a ghlacadh trí
thromlach glan de na comhaltaí a bhfuil ceart vótála acu. Is gá tromlach dhá thrian de na comhaltaí uile ag
a bhfuil ceart vótála chun Cathaoirleach agus Leas‑Chathaoirleach an
Bhoird Riaracháin a thoghadh agus chun an buiséad agus na cláir oibre a
ghlacadh.' (4)
cuirtear an méid seo a leanas in ionad
Airteagal 6: 'Airteagal 6 Cúraimí an Bhoird Riaracháin 1. Áiritheoidh an Bord
Riaracháin go ndéanfaidh an Ghníomhaireacht an obair ar fad a thugtar di faoi
na coinníollacha a leagtar amach sa Rialachán seo agus déanfaidh sé aon
chinneadh is gá chun na críche sin, gan dochar do na cumhachtaí a thugtar don
Bhord um Chreidiúnú Slándála maidir leis na gníomhaíochtaí a bhaineann le
Caibidil III. 2. Ina theannta sin, déanfaidh
an Bord Riaracháin na cúraimí seo a leanas: a)
clár oibre ilbhliantúil na Gníomhaireachta don
tréimhse atá faoi chumhdach an chreata airgeadais ilbhliantúil a ghlacadh,
faoin 30 Meitheamh ar a dhéanaí de bhliain tosaigh an chreata airgeadais
ilbhliantúil dá bhforáiltear in Airteagal 312 den Chonradh ar Fheidhmiú an
Aontais Eorpaigh, tar éis dó an chuid sin den chlár a tharraing an Bord um
Chreidiúnú Slándála suas i gcomhréir le hAirteagal 11, mír 3, pointe (b) a
chur isteach ann, agus tar éis dó tuairim an Choimisiúin a fháil; b)
clár oibre na Gníomhaireachta don chéad bhliain
eile a ghlacadh faoin 15 Samhain ar a dhéanaí gach bliain, tar éis dó an
chuid den chlár a tharraing an Bord um Chreidiúnú Slándála suas i gcomhréir le
hAirteagal 11, mír 3, pointe (c) a chur isteach ann, agus tar éis dó
tuairim an Choimisiúin a fháil; c)
na dualgais i ndáil le buiséad dá bhforáiltear in
Airteagal 13, míreanna 5, 6, 10 agus 11 agus in Airteagal 14,
mír 5; d)
maoirseacht a dhéanamh ar fheidhmiú ionad slándála
Galileo (dá ngairtear 'Ionad Faireacháin Slándála Galileo' nó 'IFSG' anseo
feasta) dá dtagraítear in Airteagal 16(a)(ii) de Rialachán (CE)
Uimh. 683/2008; e)
na rialacha mionsonraithe a ghlacadh chun Rialachán
(CE) Uimh. 1049/2001 ó Pharlaimint na hEorpa agus ón gComhairle an
30 Bealtaine 2001 maidir le rochtain sn phobail ar dhoiciméid de
chuid Pharlaimint na hEorpa agus na Comhairle a chur i bhfeidhm, i gcomhréir le
hAirteagal 21; f)
an tuarascáil bhliantúil ar ghníomhaíochtaí agus
ionchais na Gníomhaireachta a ghlacadh tar éis dó an chuid sin a tharraing an
Bord um Chreidiúnú Slándála suas i gcomhréir le hAirteagal 11, mír 3,
pointe (d) a chur isteach inti agus í a chur, faoin 1 Iúil chuig
Parlaimint na hEorpa, chuig an gComhairle, chuig an gCoimisiún, chuig an gCúirt
Iniúchóirí; g)
a áirithiú go ndéanfar obair leantach iomchuí
maidir le conclúidí agus moltaí na meastóireachtaí dá dtagraítear in
Airteagal 26 agus maidir le conclúidí agus moltaí na n‑imscrúduithe
arna ndéanamh ag an Oifig Eorpach Frith‑Chalaoise (OLAF), agus gach
tuarascáil iniúchta inmheánaí nó seachtraí, agus an fhaisnéis ábhartha uile
maidir le torthaí na nósanna imeachta measúnaithe a chur chuig an údarás
buiséadach; h)
rachfaidh an Stiúrthóir Feidhmiúcháin i gcomhairle
leis maidir leis na comhaontuithe tarmligin idir an Coimisiún agus an
Ghníomhaireacht faoi Airteagal [15(1)d)] de rialachán [rialachán GNSS
atá le bheith ann] roimh dóibh é iad a shíniú; i)
a rialacha nós imeachta a ghlacadh. 3. Maidir le foireann na
Gníomhaireachta, feidhmeoidh an Bord Riaracháin cumhachtaí an údmaráis
cheapacháin agus an údaráis a bhfuil sé de chumhacht aige conarthaí fostaíochta
a dhéanamh, cumhachtaí arna dtabhairt ag Rialacháin Foirne Oifigigh an Aontais
Eorpaigh agus ag Coinníollacha Fostaíochta Sheirbhísigh eile an Aontais (‘cumhachtaí
an údaráis ceapacháin’). Glacfaidh an Bord Bainistíochta, i gcomhréir leis
an nós imeachta dá bhforáiltear in Airteagal 110 de na Rialacháin Foirne,
cinneadh bunaithe ar Airteagal 2(1) de na Rialacháin Foirne agus ar Airteagal 6
de na Coinníollacha Fostaíochta Seirbhíseach Eile lena dtarmligtear cumhachtaí
ábhartha na n‑údarás ceapacháin chuig an Stiúrthóir Feidhmiúcháin agus
lena sainítear na coinníollacha faoinar féidir an tarmligean cumhachtaí seo a
fhionraí. Údaraítear an Stiúrthóir Feidhmiúcháin chun na cumhachtaí sin a
fhotharmligean I gcur i bhfeidhm na fomhíre roimhe seo, i gcás
inar gá in imthosca fíoreisceachtúla, féadfaidh an Bord Bainistíochta trí
bhíthin cinnidh, tarmligean cumhachtaí na n‑údarás ceapacháin chuig an
Stiúrthóir Feidhmiúcháin agus na cumhachtaí sin arna bhfotharmligean ag an
Stiúrthóir Feidhmiúcháin a fhionraí go sealadach, agus iad a fheidhmiú é féin
nó iad a tharmligean chuig duine dá chomhaltaí nó chuig ball foirne seachas an
Stiúrthóir Feidhmiúcháin. Glacfaidh an Bord Riaracháin na rialacha
mionsonraithe maidir le Rialachán Foirne Oifigigh an Aontais Eorpaigh agus
Coinníollacha Fostaíochta Sheirbhísigh eile an Aontais a chur i bhfeidhm i
gcomhréir leis an nós imeachta dá bhforáiltear in Airteagal 110 den Rialachán.
Maidir le hearcaíocht, measúnú, athaicmiú na mball foirne atá i mbun na
ngníomhaíochtaí atá i gCaibidil III agus na bearta araíonachta atá le glacadh
ina leith, rachaidh sé i gcomhairle roimh ré leis an mBord um Chreidiúnu
Slándála agus cuirfidh sé a bharúlacha san áireamh dá réir. Glacfaidh sé freisin na rialacha mionsonraithe
maidir leis na saineolaithe ar iasacht dá dtagraítear in Airteagal 15c,
tar éis dul i gcomhairle leis an mBord um Chreidiúnú Slándála agus a bharulacha
á gcur san áireamh go cuí. 4. Is é an Bord Riaracháin a
ainmneoidh an Stiúrthóir Feidhmiúcháin agus féadfaidh sé síneadh nó deireadh a
chur lena théarma oifige i gcomhréir le hAirteagal 15 ter,
mír 4. Is aige a bheidh údarás araíonachta ar an Stiúrthóir Feidhmiúcháin. _________________ (*) IO L 145 an 31.5.2001, lch. 43.’ (5)
cuirtear an téacs seo a leanas in ionad
Airteagal 7: ‘Airteagal 7 An Stiúrthóir Feidhmiúcháin Is é an Stiúrthóir Feidhmiúcháin a
bhainistíonn an Ghníomhaireacht, a fheidhmíonn a fheidhmeanna faoi stiúrú an
Bhoird Riaracháin, gan dochar do na cumhachtaí arna mbronnadh ar an mBord um
Chreidiúnú Slándála agus ar Uachtarán an Bhoird um Chreidiúnú Slándála faoi
seach le hAirteagal 11 agus Airteagal 11a.’ (6)
leasaítear Airteagal 8 mar seo a leanas: 'Airteagal 8 Cúraimí an Stiúrthóra
Feidhmiúcháin Déanfaidh an
Stiúrthóir Feidhmiúcháin na cúraimí seo a leanas: (1)
beidh sé freagrach as feidhmiú thar ceann na
Gníomhaireachta, ach amháin maidir le gníomhaíochtaí agus cinntí a dhéantar i
gcomhréir le Caibidil II agus Caibidil III, agus beidh sé i bhfeighil
bhainistiú na Gníomhaireachta; síneoidh sé na comhaontuithe tarmligin arna
ndéanamh idir an Coimisiún agus an Ghníomhaireacht faoi réir Airteagal
[15(1)(d)] den Rialachán [rialachán GNSS atá le bheith ann] (2)
ullmhóidh sé obair an Bhoird Riaracháin. agus beidh
sé rannpháirteach in obair an Bhoird Riaracháin gan aon cheart vótála a bheith
aige; (3)
beidh sé freagrach as cláir oibre bhliantúla na
Gníomhaireachta a chur chun feidhme faoi rialú an Bhoird Riaracháin, seachas an
chuid sin de na cláir a bhaineann le Caibidil III; (4)
déanfaidh sé gach beart is gá, go háirithe
treoracha inmheánacha riaracháin a ghlacadh agus fógraí a fhoilsiú, chun a
áirithiú go bhfeidhmeoidh an Ghníomhaireacht i gcomhréir leis an Rialachán seo; (5)
tarraingeoidh sé dréachtmheastachán suas ar ioncam
agus ar chaiteachas na Gníomhaireachta i gcomhréir le hAirteagal 13 agus
cuirfidh sé an buiséad chun feidhme i gcomhréir le hAirteagal 14; (6)
ullmhóidh sé gach bliain, agus tuairimí
Chathaoirleach an Bhoird um Chreidiúnú Slándála maidir le gníomhaíochtaí a
bhaineann le Caibidil III á gcur san áireamh go hiomchuí aige, dréacht‑tuarascáil
ghinearálta agus cuirfidh sé faoi bhráid an Bhoird Riaracháin í; (7)
áiritheoidh sé go mbeidh an Ghníomhaireacht, ina
cáil mar oibreoir an IFSG (Ionad Faireacháin Slándála GAlileo, in ann déanamh
de réir treoracha a thabharfar faoi Ghníomhaíocht Chomhpháirteach
2004/552/CBES(Comhbheartas Eachtrach agus Slándála); (8)
sainmhíneoidh sé struchtúr eagrúcháin na
Gníomhaireachta agus cuirfidh sé faoi bhráid an Bhoird Riaracháin é lena
fhormheas; (9)
feidhmeoidh sé, i leith fhoireann na
Gníomhaireachta, na cumhachtaí dá dtagraítear in Airteagal 6,(3), an chéad
fhomhír, a mhéid is a tharmligtear na cumhachtaí sin dó i gcomhréir leis an dá
fomhír den mhír; (10)
tar éis formheas a fháil ón mBord Riaracháin,
féadfaidh sé na bearta is gá a ghlacadh chun oifigí áitiúla a bhunú sna
Ballstáit i gcomhréir le hAirteagal 4; (11)
áiritheoidh sé go ndéanfar an rúnaíocht agus na
hacmhainní go léir atá riachtanach i ndáil le feidhmiú cuí a sholáthar don
Bhord um Chreidiúnú Slándála agus do na comhlachtaí arna gcur ar bun faoi
údarás an Bhoird sin dá dtagraítear in Airteagal 11(11); (12)
ullmhóidh sé plean gníomhaíochta chun obair
leantach ar chonclúidí agus moltaí na measúnuithe arna ndéanamh a áirithiú,
agus cuirfidh sé tuarascáil leathbhliantúil dul chun cinn faoi bhráid an
Choimisiúin ; (13)
déanfaidh sé na bearta seo a leanas chun leasanna
airgeadais an Aontais: i) a chosaint: déanfaidh sé bearta coisctheacha in
aghaidh na calaoise, an éillithe agus aon ghníomhaíochtaí eile neamhdhleathacha
agus trí bearta éifeachtúla rialaithe freisin; ii) nuair a bhraifear neamhrialtachtaí, déanfaidh
sé na suimeanna arna n‑íoc go mícheart a aisghabháil agus, más gá,
pionóis riaracháin agus airgeadais a bheadh éifeachtúil, comhréireach agus
athchomhairleach a chur i bhfeidhm; (14)
leagfaidh sé amach straitéis frith‑chalaoise
don Ghníomhaireacht agus cuirfidh sé ar aghaidh chuig an mBord Riaracháin í
lena formheas.’ (7)
cuirtear Airteagal 8a seo a leanas isteach: 'Airteagal 8a Na cláir oibre
agus an tuarascáil bhliantúil 1. Déantar foráil i gclár
ilbhliantúil na Gníomhaireachta dá dtagraítear in Airteagal 6 (2),
pointe (a), maidir leis na gníomhaíochtaí nach mór don Ghníomhaireacht a
chur i gcrích le linn na tréimhse atá cumhdaithe faoin gcreat airgeadais
ilbhliantúil dá bhforáiltear in Airteagal 312 den Chonradh ar Fheidhmiú an
Aontais Eorpaigh, lena n‑áirítear na gníomhaíochtaí a bhaineann le
caidreamh idirnáisiúnta agus leis an gcumarsáid a bhfuil sí freagrach astu.
Cinnfear leis an gclár sin na hacmhainní daonna agus airgeadais a shannfar do
gach gníomhaíocht. Áirítear ann toradh na meastóireachtaí dá dtagraítear in
Airteagal 26. 2. Ar bhonn an chláir oibre
ilbhliantúil, déanfar foráil sa chlár oibre bliantúil dá dtagraítear in Airteagal 6(2)(b)
maidir leis na gníomhaíochtaí nach mór don Ghníomhaireacht a dhéanamh le linn
na bliana dár gcionn, lena n‑áirítear na gníomhaíochtaí a bhaineann leis
an gcaidreamh idirnáisiúnta agus leis an gcumarsáid a bhfuil sí freagrach astu.
Cinnfear leis an gclár sin na hacmhainní daonna agus airgeadais a shannfar do
gach gníomhaíocht. Chun críocha faisnéise, luafar sa chlár sin na cúraimí arna
dtarmligean chuig an nGníomhaireacht ag an gCoimisiún, más gá, i gcur i
bhfeidhm Airteagal [15(1)(d)] de Rialachán (Rialachán GNSS atá le bheith
ann). 3. Léireofar cur chun feidhme
chláir oibre na Gníomhaireachta leis an tuarascáil ghinearálta dá dtagraítear
in Airteagal 8(f)' (8)
cuirtear an méid seo a leanas in ionad phointe (g)
d'Airteagal 10: '(g) is comhlacht uathrialach é an t‑údarás
um Chreidiúnú Slándála na gCóras Eorpach GNSS, laistigh den Ghníomhaireacht, a
dhéanann a chuid cinntí le neamhspleáchas iomlán, lena n‑áirítear
neamhspleáchas ar an gCoimisiún agus ar na heintitis eile atá freagrach as cur
chun feidhme na gclár, chomh maith leis an Stiúrthóir Feidhmiúcháin agus Bord
Riaracháin na Gníomhaireachta;' (9)
leasaítear Airteagal 11 mar seo a leanas: a)
cuirtear an téacs seo a leanas in ionad
mhír 3: « 3. Déanfaidh an Bord um Chreidiúnú Slándála
na cúraimí seo a leanas: a) déanfaidh sé obair chreidiúnú slándála
na gcóras, mar atá, a fhíorú an gcomhlíonann na córais na ceanglais slándála dá
dtagraítear in Airteagal 13 de Rialachán (CE) Uimh. 683/2008 i
gcomhréir leis na rialacha slándála ábhartha is infheidhme maidir leis an
gComhairle agus maidir leis an gCoimisiún. b) ullmhóidh agus formheasfaidh sé an chuid
sin den chlár oibre ilbhliantúil dá dtagraítear in Airteagal 8a,
mír 1, maidir leis na gníomhaíochtaí oibríochtúla a bhaineann leis an
gcaibidil seo agus leis na hacmhainní airgeadais agus daonna is gá lena gcur i
gcrích, agus cuirfidh sé go tráthúil agus go hiomchuí chuig an mBord Riaracháin
í ionas go gcuirfear isteach sa chlár oibre ilbhliantúil í; c) ullmhóidh agus formheasfaidh sé an chuid
den chlár oibre bliantúil dá dtagraítear in Airteagal 8a, mír 2,
maidir leis na gníomhaíochtaí oibríochtúla a bhaineann leis an gcaibidil seo
agus leis na hacmhainní airgeadais agus daonna is gá lena gcur i gcrích, agus
cuirfidh sé go tráthúil agus go hiomchuí chuig an mBord Riaracháin í ionas go
gcuirfear isteach sa chlár oibre ilbhliantúil í; d) ullmhóidh agus formheasfaidh sé an chuid
sin den tuarascáil bhliantúil dá dtagraítear in Airteagal 6, mír 2,
pointe (f), maidir leis na gníomhaíochtaí agus na deiseanna de chuid na
Gníomhaireachta a bhaineann leis an gCaibidil seo maille leis na hacmhainní
airgeadais agus daonna is gá lena gcur i gcrích, agus cuirfidh sé go tráthúil
agus go hiomchuí chuig an mBord Riaracháin í ionas go gcuirfear isteach sa
chlár oibre ilbhliantúil í; e) údarás araíonachta a fheidhmiú ar an
Stiúrthóir Feidhmiúcháin; f) a rialacha nós imeachta a ghlacadh;' b)
cuirtear an méid seo a leanas in ionad mhír 7 agus
mhír 8: « 7. Beidh an Bord um Chreidiúnú Slándála
comhdhéanta d’ionadaí amháin ó gach Ballstát, ionadaí amháin ón gCoimisiún agus
ionadaí amháin ón Ardionadaí. Ceithre bliana a mhairfidh téarma oifige
chomhaltaí an Bhoird um Chreidiúnú Slándála, agus beidh sé in‑athnuaite.
Tabharfar cuireadh d’ionadaí ón GES freastal ar chruinnithe an Bhoird um Chreidiúnú
Slándála mar bhreathnadóir. I gcás inarb iomchuí, déanfar rannpháirtíocht
ionadaithe ó thríú tíortha agus coinníollacha na rannpháirtíochta sin a bhunú
sna socruithe dá dtagraítear in Airteagal 23. 8. Toghfaidh an Chomhairle Riaracháin
Cathaoirleach agus Leas‑Chathaoirleach as measc a cuid comhaltaí le
tromlach dhá thrian de na comhaltaí uile a bhfuil ceart vótála acu. Glacfaidh
an Leas‑Chathaoirleach ionad an Chathaoirligh go huathoibríoch más rud é
nach féidir leis an gCathaoirleach a chuid dualgas a chomhlíonadh. Beidh sé de chumhacht ag an mBord um Chreidiúnú
Slándála an Cathaoirleach agus an Leas‑Chathaoirleach a chur as oifig.
Glacfaidh sé an cinneadh sin le tromlach dhá thrian. Mairfidh téarma oifige an Chathaoirligh agus an
Leas‑Chathaoirligh dhá bhliain agus féadfar é a athnuachan uair amháin.
Rachaidh an téarma oifige sin in éag má scoireann an Cathaoirleach nó an Leas‑Chathaoirleach
de bheith ina chomhalta den Bhord Riaracháin.' c)
scriostar mír 9; d)
cuirtear an téacs seo a leanas in ionad mhír 10: « 10. Beidh na hacmhainní daonna agus
ábhartha uile is gá ar fáil don Bhord um Chreidiúnú Slándála chun na
feidhmeanna iomchuí tacaíochta riaracháin a sholáthar agus chun é a bheith ar a
chumas, i gcomhar leis na comhlachtaí dá dtagraítear i mír 11, a chúraimí a
chomhlíonadh go neamhspleách, go háirithe agus comhaid á láimhseáil aige, cur
chun feidhme na nósanna imeachta slándála á thionscnamh aige agus faireachán á
dhéanamh aige air sin agus iniúchtaí slándála á ndéanamh aige ar na córais, a
chinntí a n‑ullmhú aige agus a chruinnithe á eagrú aige. Beidh rochtain
aige freisin ar an bhfaisnéis uile is úsáideach maidir le comhlíonadh a
chúraimí atá le fáil ag an nGníomhaireacht, gan dochar do phrionsabail na
huathrialach agus an neamhspleáchais dá dtagraítear in Airteagal 10, pointe
(g).” e)
cuirtear isteach mír 17 seo a leanas: « 17. Déanfaidh an Bord um Chreidiúnú
Slándála agus na baill foirne de chuid na Gníomhaireachta a cuireadh faoina
rialú a gcuid oibre sa chaoi is go bhfuil siad féinrialaitheach agus neamhspleách
ó thaobh ghníomhaíochtaí eile na Gníomhaireachta, go háirithe gníomhaíochtaí
oibríochtúla a bhaineann le saothrú na gcóras. (10)
cuirtear Airteagal 11a seo a leanas isteach i
ndiaidh Airteagal 11: '
Airteagal 11a Cúraimí
Chathaoirleach an Bhoird um Chreidiúnú Slándála 1. Déanfaidh Cathaoirleach an
Bhoird um Chreidiúnú Slándála na cúraimí seo a leanas: a) gníomhaíochtaí creidiúnaithe slándála a
bhainistiú faoi mhaoirseacht an Bhoird um Chreidiúnú Slándála; b) cur chun feidhme an chuid sin de chláir
oibre na Gníomhaireachta a bhaineann leis an gCaibidil seo a áirithiú faoi
rialú an Bhoird um Chreidiúnú Slándála; c) obair i gcomhar leis an Stiúrthóir
Feidhmiúcháin chun cuidiú leis an dréachtphlean bunaíochta dá dtagraítear in
Airteagal 13, mír 3 a tharraingt suas; d) áiritheoidh sé ionadaíocht thar ceann na
Gníomhaireachta i gcás na ngníomhaíochtaí agus na gcinntí a bhaineann leis an
gCaibidil seo; e) feidhmeoidh sé i leith fhoireann na
Gníomhaireachta atá i mbun na ngníomhaíochtaí sa Chaibidil reatha na cumhachtaí
dá dtagraítear in Airteagal 6(3), an chéad fhomhír arna dtarmligean chuige
i gcomhréir leis an gceathrú fomhír den mhír sin. 2. Féadfaidh Parlaimint na
hEorpa nó an Chomhairle iarraidh ar Chathaoirleach an Bhoird um Chreidiúnú
Slándála tuarascáil a thabhairt ar chomhlíonadh a chúraimí agus dearbhú a
dhéanamh os comhair na n‑institiúidí sin.' (11)
leasaítear Airteagal 13 mar seo a leanas: a)
cuirtear an téacs seo a leanas in ionad
mhír 3: « 3.
Tarraingeoidh an Stiúrthóir Feidhmiúcháin suas, i ndlúthchomhar le
Cathaoirleach an Bhoird um Chreidiúnú Slándála maidir leis na gníomhaíochtaí a
bhaineann le caibidil III, dréacht‑ráiteas ar ioncam agus ar
chaiteachas na Gníomhaireachta don bhliain airgeadais dár gcionn agus cuirfidh
sé chuig an mBord Riaracháin agus chuig an mBord um Chreidiúnú Slándála é
maille le dréachtphlean bunaíochta.” b)
cuirtear an téacs seo a leanas in ionad
mhír 5: « 5. Gach bliain, ullmhóidh an Bord
Riaracháin ráiteas ar ioncam agus ar chaiteachas don bhliain dár gcionn ar
bhonn an dréacht‑ráitis ar ioncam agus ar chaiteachas agus i
ndlúthchomhar leis an mBord um Chreidiúnú Slándála maidir leis na
gníomhaíochtaí a bhaineann le caibidil III.' (12)
cuirtear an méid seo a leanas in ionad mhír 10
d'Airteagal 14: ‘Déanfaidh Parlaimint na hEorpa, ar mholadh ón
gComhairle ag gníomhú di trí thromlach cáilithe, urscaoileadh a thabhairt don
Stiúrthóir Feidhmiúcháin, roimh an 30 Aibreán sa bhliain N + 2, i leith chur
chun feidhme an bhuiséid do bhliain N; cé is moite den pháirt de chur chun
feidhme an bhuiséid a bhaineann le cúraimí a bhronntar, más gá, ar an
nGníomhaireacht faoi Airteagal [15(1)(d)] den Rialachán [Rialachán GNSS
atá le bheith ann], a bhfuil feidhm ina leith ag an nós imeachta dá
dtagraítear in Airteagal 164 agus Airteagal 165 den Rialachán (AE,
EURATOM) Uimh. 966/2012 ó Pharlaimint na hEorpa agus ón gComhairle
an 25 Deireadh Fómhair 2012 maidir leis na rialacha airgeadais
is infheidhme maidir le buiséad ginearálta an Aontais agus lena n‑aisghairtear
Rialachán (CE, Euratom) Uimh. 1605/2002 ón gComhairle. _________________ (*) IO L298, 26.10.2012, lch. 1.' (13)
i ndiaidh Chaibidil IV, cuirtear Caibidil IVa seo a
leanas isteach: "CAIBIDIL IVa ACMHAINNÍ DAONNA 'Airteagal 15a Foireann 1. Rialacháin Foirne Oifigigh an
Aontais, Coinníollacha Fostaíochta seirbhíseach eile agus na rialacha arna
nglacadh go comhpháirteach ag institiúidí an Aontais Eorpaigh chun na
Rialacháin Foirne agus na Coinníollacha fostaíochta sin a chur i bhfeidhm,
beidh feidhm acu maidir leis foireann arna fostú ag an nGníomhaireacht. 2. Rialacha
inmheánacha na Gníomhaireachta, amhail rialacha nós imeachta an Bhoird
Riaracháin, rialacha nós imeachta an Bhoird um Chreidiúnú Slándála, rialacha
nós imeachta airgeadais is infheidhme ar an nGníomhaireacht, na rialacha
mionsonraithe maidir le cur i bhfeidhm na Rialachán Foirne agus na rialacha
mionsonraithe maidir le rochtain ar na doiciméid, lena ráthaítear go mbeidh
uathriail agus neamhspleáchas ar na baill foirne atá ag déanamh gníomhaíochtaí
eile na Gníomhaireachta ag na baill foirne atá ag déanamh gníomhaíochtaí
creidiúnaithe slándála, i gcomhréir le hAirteagal 10(g). Airteagal 15b Ainmniú agus
téarma oifige an Stiúrthóra Feidhmiúcháin 1. Earcófar
an Stiúrthóir Feidhmiúcháin mar ghníomhaire sealadach den Ghníomhaireacht i
gcomhréir le hAirteagal 2(a) de choinníollacha fostaíochta seirbhíseach eile. 2. Ainmneoidh an Bord Riaracháin
an Stiúrthoir Riaracháin ar bhonn a thuillteanais agus a inniúlachtaí arna
ndeimhniú i réimse an riaracháin agus na bainistíochta, ar bhonn a inniúlachtaí
agus a thaithí sna réimsí i gceist, agus ar bhonn painéil iarrthóirí arna mholadh
ag an gCoimisiún ag deireadh comórtais oscailte thrédhearcaigh, i ndiaidh glao
ar léiriú spéise a bheith foilsithe in Iris Oifigiúil an Aontais Eorpaigh
agus i bhfoilseacháin eile. Chun críocha conradh an Stiúrthóra Feidhmiúcháin a
chur i gcrích, déanfaidh Uachtarán na Comhairle ionadaíocht don
Ghníomhaireacht. Is le tromlach dhá thrian dá chomhaltaí a
ghlacfaidh an Bord Riaracháin a chinneadh i dtaobh cheapadh an Stiúrthóra
Feidhmiúcháin. 3. Cúig bliana a mhairfidh
téarma oifige an Stiúrthóra Feidhmiúcháin. Ag deireadh a théarma oifige
déanfaidh an Coimisiún meastóireacht ina gcuirfear san áireamh feidhmíocht an
Stiúrthóra Feidhmiúcháin chomh maith le cúraimí agus dúshláin na Gníomhaireachta
sa todhchaí. Ar thogra ón gCoimisiún agus ag cur san áireamh an
measúnaithe dá dtagraítear sa chéad fhomhír, féadfaidh an Bord Riaracháin
síneadh a chur le téarma oifige an Stiúrthóra Feidhmiúcháin aon uair amháin ar
feadh tréimhse cúig bliana nó níos lú ná sin. Le tromlach dhá thrian dá chomhaltaí a ghlacfar an
cinneadh tréimhse oifige an Stiúrthóra Feidhmiúcháin a shíneadh. Ní fhéadfaidh Stiúrthóir Feidhmiúcháin a ndearnadh
síneadh ar a théarma oifige bheith rannpháirteach i nós imeachta roghnúcháin
don phost céanna ag deireadh shíneadh a théarma oifige. 4. Féadfaidh an Bord Riaracháin
an Stiúrthóir Feidhmiúcháin a bhriseadh as a phost, ar bhonn togra ón
gCoimisiún, trí chinneadh arna ghlacadh ag dhá thrian dá chomhaltaí. 5. Féadfaidh Parlaimint na
hEorpa nó an Chomhairle cuireadh a thabhairt don Stiúrthoir Feidhmiúcháin
tuarascáil a chur isteach ar chur i gcrích a chúraimí agus dearbhú a thabhairt
os comhair na n‑institiúidí sin. Airteagal 15c Saineolaithe
Náisiúnta ar Iasacht Ina theannta sin, féadfaidh an Ghníomhaireacht
dul ar iontaoibh saineolaithe náisiúnta. Tá na húdaruithe slándála iomchuí ag
na saineolaithe sin’ (14)
leasaítear Airteagal 16 mar seo a leanas: 'Airteagal 16 Comhrac
frithchalaoise 1. Chun críocha an calaois a
chomhrac, beidh feidhm gan srian ag an Rialachán (CE) Uimh. 1073/1999
ó Pharlaimint na hEorpa agus ón gComhairle. Chuige sin, aontóidh an
Ghníomhaireacht do Chomhaontú Idirinstitiúideach
an 25 Bealtaine 1999 idir Parlaimint na hEorpa, Comhairle an Aontais
Eorpaigh agus Coimisiún na gComhphobal Eorpach maidir le himscrúduithe
inmheánacha arna ndéanamh ag an Oifig Eorpach Frith‑Chalaoise (OLAF) (**)
agus glacfaidh sí na forálacha iomchuí is infheidhme maidir le baill foirne na
Gníomhaireachta agus na saineolaithe náisiúnta ar iasacht trí úsáid a bhaint as
an ‘gCinneadh Múnla’ atá san Iarscríbhinn a ghabhann leis an gComhaontú sin. 2. Beidh sé de chumhacht ag an
gCúirt Iniúchóirí maoirseacht a dhéanamh ar thairbhithe chreidmheasanna na
Gníomhaireachta agus freisin ar na conraitheoirí agus na fochonraitheoirí a
fuair cabhair ó chistí an Aontais tríd an nGníomhaireacht, ar bhonn doiciméad
arna dtabhairt di nó ar bhonn na gcigireachtaí arna ndéanamh ar an láthair. 3. Faoi na fóirdheontais arna
maoiniú nó na conarthaí arna ndéanamh ag an nGníomhaireacht, féadfaidh OLAF
imscrúduithe a dhéanamh, lena n‑áirítear seiceálacha agus cigireachtaí ar
an láthair, i gcomhréir le forálacha
Rialachán (CE) Uimh. 1073/1999 agus Rialachán (EURATOM,
CE) Uimh. 2185/96 ón gComhairle (***), leis an gcomhrac in aghaidh na
calaoise, an éillithe agus gach gníomhaíochta mídhleathaí eile a dhéanfadh
dochar do leasanna airgeadais an Aontais a dhéanamh. 4. Gan dochar do mhír 1, 2 agus
3 den Airteagal seo, forálfar go sainráite sna comhaontuithe atá déanta ag an
nGníomhaireacht le tríú tíortha nó le heagraíochtaí idirnáisiúnta, sna
conarthaí agus sna comhaontuithe deontais arna gcur i gcrích ag an
nGníomhaireacht le tríú tíortha, agus gach cinneadh airgeadais arna ndéanamh ag
an nGníomhaireacht go bhféadfaidh an Chúirt Iniúchóirí agus OLAF seiceálacha
agus cigireachtaí a dhéanamh i gcomhréir lena n‑inniúlachtaí faoi seach. _________________ (*) IO L 136, 31.5.1999, lch. 1. (**) IO L 136, 31.5.1999, lch. 15. (***) IO L 292, 15.11.1996, lch. 2.' (15)
cuirtear an téacs seo a leanas in ionad
Airteagal 17: 'Airteagal 17 Pribhléidí agus
díolúintí Tá feidhm ag prótacal Uimh. 7 maidir le
pribhléidí agus díolúintí an Aontais Eorpaigh, maidir leis an nGníomhaireacht
agus a baill foirne.’ (16)
scriostar Airteagal 18; (17)
cuirtear an méid seo a leanas in ionad
Airteagal 22: 'Airteagal 22 Rialacha slándála
maidir le cosaint sonraí rúnaicmithe nó íogaire Cuirfidh an Ghníomhaireacht i bhfeidhmna
rialacha i dtaobh shlándáil an Choimisiúin maidir le cosaint faisnéis
rúnaicmithe an Aontais atá san Iarscríbhinn a ghabhann le
Cinneadh 2001/844/CE, CECA, Euratom ón gCoimisiún an 29 Samhain 2001
lena modhnaítear a rialachán inmheánach (*). Cuirfidh sí i bhfeidhm iad freisin
maidir le faisnéis íogair nach bhfuil rúnaicmithe. Bainfidh an méid seo go
háirithe leis na forálacha maidir le malartú, próiseáil agus stóráil na
faisnéise sin. _________________ (*) IO L317, 3.12.2001, lch. 1.' (18)
cuirtear isteach Airteagal 22a mar a leanas i
ndiaidh Airteagal 22: 'Airteagal 22a Coinbhleacht leasa 1. Déanfaidh an Stiúrthóir
Feidhmiúcháin agus na hoifigigh atá ar iasacht ó na Ballstáit agus ón
gCoimisiún ar bhonn sealadach dearbhú oibleagáidí agus dearbhú leasa ina
léireofar nach bhfuil aon leas díreach nó indíreach ab fhéidir a mheas a
dhéanfadh dochar dá neamhspleáchas. Déanfar na dearbhuithe sin i scríbhinn agus
tús á chur acu lena gcúraimí agus déanfar iad a athnuachan má bhíonn athrú ar a
gcúinsí pearsanta. 2. Déanfaidh na saineolaithe
seachtracha atá rannpháirteach sna meithleacha ad hoc a dhearbhú i scríbhinn,
roimh gach cruinniú a mbeidh siad rannpháirteach ann, nach ann d'aon leas ab
fhéidir a mheas a dhéanfadh dochar dá neamhspleáchas i bhfianaise itimí an
chláir oibre. 3. Cuirfidh an Bord Riaracháin
agus an Bord um Chreidiúnú Slándála beartas ar bun lenar féidir coinbhleachtaí
leasa a sheachaint.' (19)
cuirtear Airteagal 23a mar a leanas isteach i
ndiaidh Airteagal 23: 'Airteagal 23a Soláthar poiblí
comhpháirteach leis na Ballstáit Chun a cuspóirí a bhaint amach, beidh an
Ghníomhaireacht údaraithe conarthaí a bhronnadh i gcomhpháirt leis na Ballstáit
i gcomhréir leis na rialacha mionsonraithe dá bhforáiltear i Rialachán
tarmligthe (AE) Uimh. 1268/2012 ón gCoimisiún an 29 Deireadh Fómhair 2012
maidir leis na rialacha i dtaca le cur i bhfeidhm Rialachán (AE,
Euratom) Uimh. 966/2012 ó Pharlaimint na hEorpa agus ón gComhairle
maidir leis na rialacha airgeadais is infheidhme maidir le buiséad ginearálta
an Aontais(*). _________________ (*) IO L 362, 31.12.2012, lch. 1.' (20)
cuirtear an méid seo a leanas in ionad
Airteagal 26: 'Airteagal 26 Meastóireacht agus
athbhreithniú ar an Rialachán seo 1. Faoi dheireadh 2016 ar a
dhéanaí, agus gach cúig bliana ina dhiaidh sin, déanfaidh an Coimisiún
meastóireacht ar an nGníomhaireacht ina ndíreofar go háirithe ar cén tionchar
atá aici, cé chomh héifeachtúil atá sí, ar cé chomh maith a fheidhmíonn sí, ar
a modhanna oibre, ar a riachtanais agus ar an úsáid a bhaintear as na
hacmhainní a thugtar di. San áireamh sa mheastóireacht seo beidh, go háirithe,
scrúdú ar athrú ab fhéidir a dhéanamh ar chúraimí na Gníomhaireachta agus ar
thionchar airgeadais an athraithe sin. 2. Cuirfidh an Coimisiún an
tuarascáil mheastóireachta agus a chuid conclúidí féin maidir le hábhar na
tuarascála sin chuig Parlaimint na hEorpa, chuig an gComhairle, chuig an mBord
Riaracháin agus chuig Bord um Chreidiúnú Slándála na Gníomhaireachta.
Foilseofar torthaí na meastóireachta. 3. I meastóireacht amháin as
gach dhá cheann, beidh scrúdú ar theist na Gníomhaireachta i bhfianaise a
cuspóirí. Má mheasann an Coimisiún nach fiú an Ghníomhaireacht a choinneáil ar
bun níos mó i bhfianaise a cuspóirí agus a chúraimí, féadfaidh an Coimisiún
aisghairm an Rialachán seo a bheartú.' Airteagal 2 Tiocfaidh an Rialachán seo i bhfeidhm an
[fichiú] lá tar éis lá a fhoilsithe in Iris Oifigiúil an Aontais Eorpaigh. Beidh an Rialachán seo ina cheangal
go huile agus go hiomlán agus beidh sé infheidhme go díreach i ngach Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle An tUachtarán An
tUachtarán RÁITEAS AIRGEADAIS REACHTACH 1. LEAGAN AMACH AN TOGRA/TIONSCNAIMH 1.1. Teideal an togra/tionscnaimh 1.2. Réimse/réimsí
beartais lena mbaineann i gcreat ABM/ABB 1.3. An
cineál togra/tionscnaimh 1.4. Cuspóirí 1.5. Na
forais atá leis an togra/tionscnamh 1.6. Fad
agus tionchar airgeadais 1.7. Modhanna
bainistíochta atá beartaithe 2. BEARTA BAINISTÍOCHTA 2.1. Rialacha
faireacháin agus tuairiscithe 2.2. Córas
bainistíochta agus rialaithe 2.3. Bearta
chun calaois agus neamhrialtachtaí a chosc 3. AN TIONCHAR AIRGEADAIS A MHEASTAR A
BHEIDH AG AN TOGRA/TIONSCNAMH 3.1. Ceannteidil
an chreata airgeadais ilbhliantúil agus na línte buiséid ar a n‑imrítear
tionchar 3.2. An
tionchar a mheastar a bheidh ag an togra/tionscnamh ar chaiteachas 3.2.1. Achoimre ar an tionchar
a mheastar a bheidh ag an togra/tionscnamh ar chaiteachas 3.2.2. An tionchar a
mheastar a bheidh ag an togra/tionscnamh ar leithreasuithe de chineál
riaracháin 3.2.3. An tionchar a
mheastar a bheidh ar acmhainní daonna [an chomhlachta] 3.2.4. Comhoiriúnacht don
chreat airgeadais ilbhliantúil reatha 3.2.5. Ranníocaíochtaí ó
thríú páirtithe 3.3. An tionchar a mheastar a
bheidh ar ioncam 3.4. An tionchar a mheastar a
bheidh ar acmhainní daonna an Choimisiúin RÁITEAS AIRGEADAIS REACHTACH 1. LEAGAN AMACH AN TOGRA/TIONSCNAIMH 1.1. Teideal an togra/tionscnaimh Rialachán
ó Pharlaimint na hEorpa agus ón gComhairle lena leasaítear Rialachán (AE)
Uimh. 912/2010 an 22 Meán Fómhair 2010 lena mbunaítear an
Ghníomhaireacht Eorpach GNSS – leasú ar an ráiteas airgeadais. 1.2. Réimse/réimsí beartais lena
mbaineann i gcreat ABM/ABB[9] Réimsí
beartais lena mbaineann i gcreat ABM/ABB: Fiontraíocht agus Tionscal Caibidil
02 05: Na cláir Eorpacha um
loingseoireacht satailíte (EGNOS agus Galileo) 1.3. An cineál togra/tionscnaimh ¨ Baineann an
togra/tionscnamh le beart nua ¨ Baineann an
togra/tionscnamh le beart nua a leanann treoirthionscadal/réamhbheart[10] ¨ Baineann an
togra/tionscnamh le síneadh ar bheart atá ann cheana þ Baineann an
togra/tionscnamh le beart a atreoraíodh i dtreo birt nua 1.4. Cuspóirí 1.4.1. Cuspóirí straitéiseacha
ilbhliantúla an Choimisiúin ar a bhfuil an togra/tionscnamh dírithe Tacú
le gníomhaíochtaí Eorpacha sa spás agus le forbairt na seirbhísí a bhaineann le
satailítí. Is
iad na cláir loingseoireachta satailíte ('cláir' anseo feasta) tionscadail
shuaitheanta an Aontais. Is é is cuspóir do na cláir sin seirbhísí
loingseoireachta a sholáthar, agus ginfidh siad forbairtí nach beag ina lán
earnálacha gníomhaíochta, cothóidh siad nuálaíocht theicneolaíoch agus méadú i
ngeilleagar na hEorpa agus tiocfaidh astu fostaíocht, ioncam tráchtála agus
sochair shocheacnamaíocha. Dá bhrí sin, tá siad ag teacht faoin Straitéis
‘Eoraip 2020’ agus na beartais um fhorbairt inbhuanaithe. Le
bheith níos sonraí, tá an clár Galileo ceaptha córas domhanda loingseoireachta
satailíte Eorpach a bhunú ('GNSS' anseo feasta). A bhuí leis féadfar seirbhísí
suite, sioncronaithe agus loingseoireachta a chur ar fáil d’úsáideoirí ar fud
an domhain le haghaidh réimse leathain feidhmeanna amhail iompar, imréiteach
urrús airgeadais, soláthar leictreachais, réamhaisnéis na haimsire agus dolaí
bóthair. Maidir
le EGNOS, is córas Eorpach atá ann a ceapadh chun feidhmíocht GPS na Stát
Aontaithe a fheabhsú sa limistéar Eorpach. Fágann sé gur féidir na seirbhísí
loingseoireachta satailíte atá ann faoi láthair a úsáid d'fheidhmeanna atá
ríthábhachtach ó thaobh na slándála, amhail píolótaíocht agus tabhairt chun
talún eitleáin nó stiúradh báid trí chainéal cúng, le cúpla sampla ó réimse an
aeriompair agus an iompair ar muir a lua. Ar
bhonn an struchtúir rialachais a mhol an Coimisiún ina thogra le haghaidh
rialacháin maidir le córais Eorpacha um loingseoireachta satailíte[11] a chur ar bun agus a shaothrú
agus ar bhonn an struchtúir rialachais ar thug Parlaimint na hEorpa agus an
Chomhairle tacaíocht dó ina gcur chuige ginearálta páirteach arna glacadh an
7 Meitheamh 2012, éireoidh an Ghníomhaireacht Eorpach GNSS (an
'Ghníomhaireacht' anseo feasta) ina gníomhaí mór nuair a thosóidh i céim
saothraithe na gcóras. Os
a choinne sin, ó tá an Rialachán maidir le córais Eorpacha um loingseoireacht
satailíte a chur ar bun agus a shaothrú (an 'Rialachán GNSS' anseo feasta) á
plé ag na chomhreachtóirí agus nár glacadh é fós, agus ó tá sé faoi réir an
chinnidh chríochnaithigh maidir leis an gcéad chreat airgeadais ilbhliantúil
eile, b’fhéidir go dtiocfadh athrú ar chuid de na bunsmaointe laistiar den
ráiteas reachtach airgeadais atá ann faoi láthair. 1.4.2. Cuspóirí sonracha agus na
gníomhaíochtaí ABM/ABB lena mbaineann I
bhfianaise an róil níos gníomhaí a bheidh ag an nGníomhaireacht i gcéim
saothraithe na gclár, tá d'aidhm ag an togra seo neamhspleáchas an Bhoird um
Chreidiúnú Slándála (ceann de thrí chomhlacht na Gníomhaireachta) a dhaingniú
agus acmhainní iomchuí daonna agus airgeadais a sholáthar chun go bhféadfaidh
an Ghníomhaireacht na cúraimí a tugadh di a dhéanamh. 1. Creidiúnú slándála: De
bharr a dtábhachta straitéisí, is bonneagair ríthábhachtacha na córais Eorpacha
um loingseoireacht satailíte. Is féidir mí-úsáid a bhaint astu, rud a
chuirfeadh slándáil an Aontais agus a Bhallstát i mbaol. Ina theannta sin,
d’fhéadfadh aon chur isteach ar a seirbhísí bheith ina chúis le mórchaillteanas
airgid sa gheilleagar Eorpach, ós rud é go bhfuil méadú faoi líon na n‑earnálacha
eacnamaíocha atá ag brath ar an loingseoireacht satailíte. Chun
slándáil na gcóras a ráthú, ní mór creidiúnú slándála neamhspleách a dhéanamh,
rud nach bhféadfadh an córais déanamh dá n‑uireasa. Áiritheoidh an
creidiúnú sin go mbeidh na córais slándála in ann an córas a chosaint ar
chontúirtí agus ar laigí, nach mbeidh an córas féin faoi riosca doghlactha fad
a mhairfidh sé agus go bhféadfaidh sé faisnéis íogair nó rúnaicmithe a
phróiseáil, a stóráil agus a chur ar aghaidh gan rioscaí doghlactha, i
gcomhréir le coinníollacha sonracha. Ós
rud é go dtiocfaidh méadú ar an bpáirt a bheidh ag an nGníomhaireacht i gcur
chun feidhme na gclár sa struchtúir nua rialachais, ní mór an deighilt idir na
gníomhaíochtaí a bhaineann le creidiúnú slándála agus na gníomhaíochtaí eile a
dhaingniú chun coinbhleacht leasa a sheachaint idir an dá chineál
gníomhaíochtaí sin agus chun neamhspleáchas an chreidiúnaithe slándála a
chaomhnú. 2. An margadh agus na feidhmchláir a fhorbairt: Ba
cheart don Ghníomhaireacht rannchuidiú le margú seirbhísí Galileo agus EGNOS
chun gur fusa don mhargadh iad a ghlacadh. Maidir le margú na seirbhísí, tá
ríthábhacht ag baint leis an rud deireanach sin ó thaobh na sochar
shocheacnamaíoch a bhfuiltear ag súil leo ón gcóras a mhéadú a oiread is féidir
é. 3. Na Galileo Security Monitoring Centres a shaothrú agus na
feidhmchláir PRS a fhorbairt: Is
í an Ghníomhaireacht a bheidh freagrach as an GSMC (Galileo Security Monitoring
Centre) a oibriú. Meastar
gurb é an GSMC 'inchinn' an chórais Galileo i dtaca le slándáil iomlán de. Is
ionad oibríochta nach féidir leis an gcóras déanamh dá uireasa. Beidh sé
d’acmhainn aige anailís a dhéanamh ar chontúirtí nó ar ionsaithe éagsúla agus
cur ina gcoinne. Dá bhrí sin, ní mór é bheith ar obair sula gcuirfear ar bun
agus ar obair na seirbhísí Galileo agus ní mór é a bheith á oibriú 24 uair an
chloig sa lá, seacht lá na seachtaine ag saineolaithe cáilithe. Tá sé bunaithe
ar dhá shuíomh gheografacha, ceann sa Fhrainc, in Saint‑Germain‑en‑Laye,
agus ceann sa Ríocht Aontaithe, in Swanwick. 4. Saothrú na gcóras: Is
é is cuspóir le saothrú na gcóras seirbhísí ardcháilíochta a sholáthar chun
riar ar riachtanais úsáideoirí agus gach beart is gá a dhéanamh chun go
nglacfar na seirbhísí sin chomh forleathan agus chomh gasta agus is féidir. Ní
mór an saothrú a struchtúrú mar is iomchuí chun feidhmíocht fhadtéarmach na
gcóras a áirithiú agus chun na sochair shocheacnamaíocha a mhéadú a oiread is
féidir é . Ní
mór an creat rialachais a chur in oiriúint do na cláir éagsúla (Galileo agus
EGNOS) ó tharla iad a bheith i gcéimeanna éagsúla forbartha. Ina theannta sin,
ní mór é a chur in oiriúint do na céimeanna éagsúla ina mbeidh na cláir chun an
baol go gcuirfí isteach ar sholáthar na seirbhísí a chosc. Tá EGNOS ar obair
cheana agus é i gcéim an tsaothraithe, agus os a choinne sin tá Galileo ar tí
céim ríthábhachtach ina fhorbairt a thabhairt arae is gairid go dtosófar ar
sheirbhísí a sholáthar mar thús a chéime saothraithe. Maidir
le EGNIS, -
cuireadh tús le céim shaothraithe i nDeireadh Fómhair 2009; -
tá bainistiú agus oibriú EGNOS faoin gCoimisiún faoi láthair. Tabharfar an
fhreagracht sin don Ghníomhaireacht an 1 Eanáir 2014, agus tá sé
beartaithe tús a chur leis sin i leaba a chéile ó 2012 ar aghaidh; -
sa chreat rialachais nua atá beartaithe (as 2014 amach) bainisteoidh an
Ghníomhaireacht na gníomhaíochtaí uile a bhaineann le hoibriú EGNOS agus
seachfhoinseoidh sí cúraimí oibríochtúla áirithe chuig eintitis eile, chuig
oibreoir an chórais EGNOS go háirithe. Maidir
le Galileo, -
beidh forluí idir chéimeanna éagsúla den chlár sna blianta amach romhainn; -
le linn chéim an imlonnaithe, atá ar siúl faoi láthair, fágfar an t‑eagrú
atá ann faoi láthair mar atá sé chun leanúnachas agus comhleanúnachas na céime
sin a áirithiú. Chuige sin, leanfaidh an Coimisiún de bheith freagrach as
bonneagar Galileo a chríochnú; -
le linn chéim an tsaothraithe, atá le tosú in 2014 nuair a sholáthrófar na
chéad seirbhísí, tarmligfear de réir a chéile don Ghníomhaireacht bainistiú na
ngníomhaíochtaí a bhaineann le céim an tsaothraithe faoi réir comhaontaithe
tarmligthe leis an gCoimisiún. Beidh an Ghníomhaireacht freagrach as na cúraimí
uile a bhaineann leis an gcóras a shaothrú, amhail an chothabháil, na cúraimí
is gá chun dea-fheidhmiú an chórais a áirithiú, soláthar na seirbhísí agus cur
chun feidhme na gcóras nua atá le teacht. Ina theannta sin, cuideoidh sí
riachtanais na gcóras atá le teacht a shainiú trí aiseolas a thabhairt ar
riachtanais oibríochtúla agus ar riachtanais na n‑úsáideoirí. Céim nua ag
an gclár agus ag bainistiú an chláir is ea an chéim saothraithe seo agus
déanfar í a bhainistiú faoi réir tarmligin bainistíochta cláir ón gCoimisiún
chuig an nGníomhaireacht. Chun
na cúraimí sin a bhaineann le saothrú na gcóras a dhéanamh, ní mór don Ghníomhaireacht
foireann leordhóthanach a bheith aici. Ina theannta sin, chun a áirithiú go
mbeidh na seirbhísí leanúnach agus go gcuirfear tús mar is ceart le céim
saothraithe Galileo in 2014 tá sé ríthábhachtach na hidirthréimhsí is gá a chur
ar bun roimh 2014. Cuspóir sonrach Bonneagar
agus seirbhísí ar bhonn na loingseoireachta satailíte (Galileo) a fhorbairt
agus a sholáthar. Gníomhaíochtaí AMB/ABB lena mbaineann 02
05 NA CLÁIR EORPACHA UM LOINGSEOIREACHT SATAILÍTE (GALILEO AGUS EGNOS) 1.4.3. An toradh agus an tionchar a
bhfuil súil leo Sonraigh an tionchar a
bheadh ag an togra/tionscnamh ar na tairbhithe/grúpaí ar a bhfuil sé dírithe. Seoladh
na cláir Eorpacha loingseoireachta satailíte breis is 10 mbliana ó shin agus ba
é an aidhm pholaitiúil a bhí leo córas domhanda a fhorbairt agus a shaothrú
lena bhféadfadh an tAontas Eorpach sochair eacnamaíocha agus straitéiseacha a
bhaint astu agus seirbhísí loingseoireachta satailíte a sholáthar a bheadh
saincheaptha d’úsáidí sibhialta. Bainfidh
an tAontas Eorpach sochair thábhachtacha shocheacnamaíocha as Galileo agus
EGNOS ar na cúiseanna seo a leanas: (i)
sochair dhíreacha a thiocfaidh ón bhfás ar an margadh iartheachtach GNSS
(faighteoirí agus feidhmchláir). Mar shampla, má bhíonn faighteoirí GNSS
feistithe ar níos mó eitleán, bheidh ioncam breise á ghiniúint do mhonaróirí na
bhfaighteoirí sin; (ii)
sochair indíreacha a thiocfaidh ó fhorbairt feidhmchlár nua. Má thagann laghdú
ar an bhfad a mhaireann eitiltí de bharr loingseoireachta níos fearr, ní bheidh
an truailliú céanna á dhéanamh ag eitleáin agus beidh am gann paisinéirí á
spáráil. Thairis sin, féadfar níos mó daoine a shábháil ón mbás i ngeall ar
mhodhanna iompair níos sábháilte agus seirbhísí éigeandála níos éifeachtaí; (iii)
sochair dhíreacha a thiocfaidh ón bhfás ar an margadh réamhtheachtach agus na
impleachtaí teicneolaíocha in earnálacha eile. Rachaidh infheistíochtaí a
rinneadh in GNSS sa mhargadh réamhtheachtach chun sochair don tionscal. Mar sin
féin, bainfidh earnálacha eile leas as forbairtí nua in earnáil an spáis. Mar
shampla, féadfar uirlisí a forbraíodh chun meastóireacht agus faireachán a
dhéanamh ar shláinte struchtúrach láinseála agus umar breosla a úsáid i
ngnólachtaí gluaisteán, foirgníochta, fuinnimh agus fóntais phoiblí. Más
córas neamhspleách féin a bheidh sa chóras a chuirfear i bhfeidhm faoi chlár
Galileo, déanfar a sheirbhísí a fheabhsú ós rud é go mbeidh sé
idir-inoibritheach le córais eile ar nós GPS na Stát Aontaithe agus GLONASS na
Rúise. Dá bhrí sin, féadfar na buntáistí don úsáideoir, don saoránach nó don
gheilleagar i gcoitinne a uasmhéadú trí chomhar le tíortha eile a sholáthróidh
seirbhísí loingseoireachta satailíte. Ós
í a bheidh ag bainistiú shaothrú na gcóras creidiúnaithe slándála, is í an
Ghníomhaireacht a bheidh ina dúshraith ag soláthar na seirbhísí. Ina theannta
sin, beidh sí ina gníomhaí mór maidir le margadh iartheachtach a fhorbairt. Dá
thoradh sin, beidh tionchar díreach ag feidhmíocht na Gníomhaireachta ar na
sochair shocheacnamaíocha a bhfuiltear ag súil leo ó na córais sin. 1.4.4. Táscairí lena léirítear toradh
agus tionchar Sonraigh na táscairí
lena léirítear an faireachán ar chur chun feidhme an togra/tionscnaimh. Is
de réir gníomhaíochta, mar atá léirithe thíos, a chinnfear na táscairí lena
bhféadfar feidhmíocht na Gníomhaireachta a leanúint:: 1. Creidiúnú slándála: Ní
mór don Ghníomhaireacht a áirithiú go ndéanfar na gníomhaíochtaí creidiúnaithe
slándála i gceart agus in am i ngach céim de chlár Galileo (mar shampla, chun
gur féidir gach satailít a lainseáil). Déanfar measúnú ar chur chun feidhme ar
bhonn a mhéid a chuir sé le dea-imlonnú an bhonneagair agus ar bhonn líon na
seiceálacha/cigireachtaí slándála a dhéanfar gach bliain. Is
é a bheidh sna seiceálacha agus sna cigireachtaí sin mionscrúdú teicniúil a
dhéanfaidh an t‑údarás iomchuí, nó a ionadaithe inniúla ainmnithe, nó a
dhéanfar thar a gceann, ar na gnéithe de na córais a bhaineann leis an
tsábháilteacht nó ar tháirge cripteagrafaíochta slándála nó táirge slándála
ríomhaireachta. Deimhneofar sa mheastóireacht go bhfuil na feidhmiúlachtaí is
gá ann agus déanfar measúnú ann ar a do-éillithe is atá na feidhmiúlachtaí sin.
Sa mheastóireacht cinnfear cé chomh maith is a chomhlíontar ceanglais slándála
an chórais agus suífear cé chomh iontaofa is atá an córas. Tá
líon na seiceálacha/cigireachtaí a dhéanfar ag brath ar mhéid gníomhaíochta
agus imlonnuithe stáisiún talún. Meastar
go ndéanfar tuairim is 10 seiceáil/cigireacht gach bliain idir 2013 agus 2015,
agus ina dhiaidh sin 5 cinn gach bliain idir 2016 agus 2020. 2. An margadh agus na feidhmchláir a fhorbairt: Déanfar
measúnú ar ghníomhaíochtaí na Gníomhaireachta a bhaineann le margú a seirbhísí
ar bhonn an mhéid a ghlacfaidh an margadh na seirbhísí a sholáthróidh EGNOS
agus Galileo ag úsáid táscairí sonracha a fhorbrófar do na seirbhísí nuair a
bheidh siad ar obair, amhail líon na n‑aerfort ag a bhfuil gnáis ascnaimh
atá bunaithe ar EGNOS, líon na dtarracóirí a bhfuil faighteoirí EGNOS orthu nó
iomlán measta na sochar socheacnamaíocha is torthaí ar na córais. San
am i láthair, tá nós imeachta ascnaimh forbartha ag 82 aerfort ar bhonn chóras
EGNOS. Táthar ag iarraidh go mbeidh na nósanna imeachta mar sin forbartha,
faoin mbliain 2020, ag 50 % de na haerfoirt chuí a bhfuil EGNOS ábhartha
dóibh. 3. Na Galileo Security Monitoring Centres a shaothrú agus na
feidhmchláir PRS a fhorbairt: Is
féidir méid feidhmíochta na ngníomhaíochtaí sin a thomhas de réir líon na
nósanna imeachta oibríochtúla atá ar bun. Is é an cuspóir 500 nós imeachta a
bheith ar bun in 2016. I láthair na huaire, ó nach bhfuil na hionaid ag
feidhmiú, níor cuireadh ar bun na nósanna imeachta sin fós. 4. Úsáid na gCóras: I
gcomhréir leis an togra le haghaidh rialacháin maidir le córais Eorpacha um
loingseoireacht satailíte a chur ar bun agus a úsáid, beidh na gníomhaíochtaí a
bhaineann le húsáid na gcóras bunaithe ar chomhaontú tarmligin idir an
Coimisiún agus an Ghníomhaireacht. Sa chomhaontú tarmligin sin beidh na
táscairí oibríochtúla lena bhféadfar cur chun feidhme na ngníomhaíochtaí a
leanúint leagtha amach go mionsonraithe, mar atá i láthair na huaire i gcás
EGNOS. 1.5. Na forais atá leis an
togra/tionscnamh 1.5.1. Na ceanglais is gá a
chomhlíonadh sa ghearrthéarma nó san fhadtéarma I
bhfianaise na bhfigiúirí atá ann faoi láthair maidir le forbairt na
Gníomhaireachta, ní féidir na cúraimí nua a dhéanamh dá bhforáiltear sa togra
le haghaidh rialacháin maidir le córais Eorpacha um loingseoireacht satailíte a
chur ar bun agus a shaothrú, go háirithe iad siúd a bhaineann le céim an
tsaothraithe. Ba cheart, mar sin, athbhreithniú a dhéanamh ar an ráiteas
airgeadais chun é a chur in oiriúint d'fhíor-riachtanas foirne na
Gníomhaireachta. Ina
theannta sin, ba cheart a chur san áireamh gur gá foireann theicniúil agus
oibríochtúla iomchuí a bheith ag an nGníomhaireacht a bhfuil leibhéal ard
saineolais i réimse an‑speisialaithe, chun an tsamhail rialachais atá
beartaithe a chur i bhfeidhm. Ba cheart, freisin, struchtúr eagraíochtúil na
Gníomhaireachta a bhunú ar shaintréithe na ngníomhaíochtaí atá le déanamh. Fiú
mura ndéanfaidh an Ghníomhaireacht na gníomhaíochtaí uile go hinmheánach agus
má sheachfhoinsíonn sí cuid mhór cúraimí a bhaineann le seirbhísí a sholáthar
agus athruithe móra agus glúine nua córas a fhorbairt, beidh saineolaithe
teicniúla iomchuí de dhíth uirthi chun na margaí poiblí is gá a bhainistiú,
chun faireachán a dhéanamh ar na gníomhaíochtaí a seachfhoinsíodh agus chun
tuarascálacha ardcháilíochta a tharraingt suas don Choimisiún. I bhfianaise a
chasta atá na cláir, is tábhachtach freisin gach 'riosca intleachtúil' a
sheachaint ar féidir go gcoiscfeadh sé ardcháilíocht i soláthar, i roinnt, i
saothrú agus i gcur i bhfeidhm faisnéise atá riachtanach chun go n‑éireoidh
leis na hoibríochtaí agus a chuirfeadh feidhmíocht chomhchuí, réasúnta agus éifeachtach
na gclár i mbaol. Tiocfaidh
an maoiniú ar an bhfoireann bhreise sin as ath‑imlonnú a dhéanamh
laistigh de línte buiséadacha na gclár GNSS. 1.5.2. An breisluach a bhaineann le
rannpháirteachas an AE Tá
ceart gníomhaithe an AE bunaithe ar Airteagal 172 den Conradh ar Fheidhmiú
an Aontais agus ar an Rialachán GNSS. Na
córais a atáthar a bhunú faoi na cláir Eorpacha um loingseoireacht satailíte,
is bonneagair iad atá á gcur ar bun mar ghréasáin thras‑Eorpacha ar
leithne i bhfad a n‑úsáid ná teorainneacha náisiúnta na mBallstát.
Thairis sin, rannchuidíonn na seirbhísí a thairgtear trí na córais sin gréasáin
thras‑Eorpacha a fhorbairt i réimsí bhonneagair an iompair, na
teileachumarsáide agus an fhuinnimh. Ní
féidir le Ballstát leis féin córais loingseoireachta satailíte a chur ar bun
óir sháródh a leithéid de bheart a inniúlachtaí airgeadais agus teicniúla. Dá
bhrí sin, ní fhéadfar a leithéid de bheart a dhéanamh ach ar leibhéal an AE. 1.5.3. Ceachtanna a foghlaimíodh ó
thaithí eile dá leithéid san am a chuaigh thart Níl
infheidhme. 1.5.4. Comhoiriúnacht d'ionstraimí
ábhartha eile agus sineirgíocht a d'fhéadfadh a bheith ann Is
féidir sineirgíochtaí a chothú le cláir spáis eile atá ann cheana nó atá le
teacht, chun deighleoga úsáideoirí (feidhmchláir don mhargadh iartheachtach) a
leathnú, mar shampla. Is
gá sineirgíochtaí a lorg freisin le stiúrthóireachtaí eile an Choimisiúin
Eorpaigh a fhad a bhaineann le taighde agus le nuálaíocht. Is féidir go mbeidh
tionchar ag feidhmchláir agus ag teicneolaíochtaí a úsáideann córais
loingseoireachta satailíte ar earnálacha éagsúla an gheilleagair agus na
sochaí, amhail iompar, fuinneamh, seirbhísí faisnéise suite, seirbhísí
baincéireachta, talmhaíocht. Tá sé tábhachtach a áirithiú go mbeidh na cláir
thaighde agus nuálaíochta comhordaithe ar leibhéal an Choimisiúin chun na
sochair socheacnamaíocha a bhfuiltear ag súil leo as na cláir sna réimsí
gníomhaíochta sin a uasmhéadú. Ina
theannta sin, ba cheart an comhar leis an Airmheán Comhpháirteach Taighde (JRC)
a neartú. Tá sochar le baint ag na cláir as an saineolas eolaíoch agus
teicniúil atá ag an JRC agus as a ghléasraí tástála agus tomhais úrscothacha i
ngníomhaíochtaí a bhaineann le slándáil na gcóras GNSS agus forbairt
feidhmchlár GNSS. 1.6. Fad agus tionchar airgeadais ¨ Togra/tionscnamh a bheidh i bhfeidhm ar
feadh tréimhse teoranta –
¨ Togra/tionscnamh a bheidh i bhfeidhm ón [LL/MM]BBBB go dtí an
[LL/MM]BBBB –
¨ Tionchar airgeadais ó BBBB go BBBB þ Togra/tionscnamh
a bheidh i bhfeidhm ar feadh tréimhse neamhtheoranta –
Cuirfear chun feidhme é le linn na tréimhse tosaigh
2014 go 2016, –
cuirfear ag feidhmiú go hiomlán ina dhiaidh sin é. 1.7. Modhanna bainistíochta atá
beartaithe[12] þ Bainistíocht
indíreach láraithe trí na cúraimí cur chun feidhme a
tharmligean chuig: –
¨ gníomhaireachtaí feidhmiúcháin –
þ comhlachtaí arna mbunú ag an Aontas Eorpach[13] –
¨ comhlachtaí náisiúnta san earnáil phoiblí/comhlachtaí a bhfuil misean
de sheirbhís phoiblí acu –
¨ daoine a bhfuil sé de chúram orthu bearta ar leith a chur chun
feidhme de bhun Theideal V den Chonradh ar an Aontas Eorpach agus atá
sainaitheanta sa ghníomh bunaidh ábhartha de réir bhrí Airteagal 49 den
Rialachán Airgeadais ¨ Comhbhainistíocht le
heagraíochtaí idirnáisiúnta (tabhair sonraí) I gcás ina sonraítear
níos mó ná modh bainistíochta amháin, tabhair sonraí sa roinn "Nótaí"
le do thoil. Nótaí Cruthaíodh an
creat rialachais atá ann faoi láthair le haghaidh chéim cheaptha agus
imlonnaithe Galileo agus le haghaidh shaothrú tosaigh EGNOS a dhéanfar le linn
na tréimhse 2008-2013. Ní mór an creat sin a leasú agus é á chur san áireamh go
mbeidh céim imlonnaithe Galileo fós ar siúl i ndiaidh 2013 agus go gcuirfear
tús le céim nua den chlár in 2014, tráth a dhéanfar luathsheirbhísí a
sholáthar. Ba cheart rialachas EGNOS a shainiú freisin nuair a bheidh an córas
dulta chomh fada le céim na hoibríochta. Tá sé de chuspóir ag an Rialachán
GNSS, atá á phlé faoi láthair i bParlaimint na hEorpa agus na Comhairle, creat
rialachais na gclár a shainiú sa chomhthéacs nua sin. Mar a luadh
cheana sa togra le haghaidh Rialacháin GNSS, ba cheart creat rialachais a
shainiú a bheidh cobhsaí, inbhuanaithe agus fadtéarmach. Fágfaidh an creat sin
go bhféadfar an úsáid a bhainfear as na struchtúir atá ann faoi láthair a
optamú agus a chuíchóiriú agus áiritheoidh sé gur de réir a chéile a dhéanfar
an t‑athrú ó chéim an imlonnaithe go céim an tsaothraithe, agus san am
céanna leanúnachas na seirbhíse a chaomhnú. 2. BEARTA BAINISTÍOCHTA 2.1. Rialacha faireacháin agus
tuairiscithe Sonraigh cé chomh
minic, agus na coinníollacha. Agus
í i mbun a príomhghníomhaíochtaí, cuirfidh an Ghníomhaireacht i bhfeidhm na
rialacha faireacháin agus tuairiscithe atá leagtha amach sa chur chuige
comhchoiteann maidir leis na gníomhaireachtaí díláraithe a ghlac an Coimisiún,
Parlaimint na hEorpa agus an Chomhairle. Dá bhrí sin, molfaidh an
Ghníomhaireacht an méid seo: -
creat straitéiseach (clár oibre ilbhliantúil) lena n‑áirítear na
príomhghníomhaíochtaí, an buiséad measta agus an t‑amchlár is gá chun a
cuspóirí a bhaint amach faoin 30 Meitheamh 2014 ar a dhéanaí; -
clár oibre bliantúil ina sonrófar an creat straitéiseach i dtéarmaí beart
mionsonraithe agus táscairí nach mór a mholadh faoin 15 Samhain den
bhliain roimh ré ar a dhéanaí; -
tuarascáil bhliantúil ina ndéanfar measúnú ar chomhlíonadh an chláir oibre
bhliantúil. Ina
theannta sin, i gceann gach cúig bliana, déanfar measúnú ar fheidhmíocht na
Gníomhaireachta de réir a cuspóirí agus a cúraimí. Déanfar athmheasúnú freisin
ar a dlisteanacht i gceann gach deich mbliana. Lasmuigh
de na bearta caighdeánacha sin, i gcás na gcúraimí arna dtarmligean ag an
gCoimisiún chuici, ba cheart don Ghníomhaireacht a áirithiú go ndéanfar foráil
i ngach conradh agus i ngach comhaontú a shíneofar faoi chreat na gclár Galileo
agus EGNOS maidir le faireachán agus rialú airgeadais. Ba cheart fócas ar leith
a bheith sna sásraí faireacháin agus meastóireachta uile ar chostas na gclár a
shrianadh agus san am céanna na seirbhísí a sholáthar in am. Ina
theannta sin, déanfaidh an Coimisiún, agus é ag feidhmiú a chumhachtaí
maoirseachta polaitiúla maidir le cláir Galileo agus EGNOS, na sásraí
faireacháin agus measúnaithe a dhaingniú trí phleananna bainistíochta bliantúla
agus tuarascálacha cur chun feidhme a iarraidh, trí chruinnithe rialta maidir
le dul chun cinn an chláir a eagrú agus iniúchtaí airgeadais agus
teicneolaíochta a dhéanamh Ar
deireadh, cuirfidh an Ghníomhaireacht sásra bainistíochta riosca agus uirlisí
oiriúnacha bainistíochta chun feidhme chun costas na gclár a shrianadh ar bhonn
measúnaithe costais níos fearr, agus an taithí a fuarthas cheana agus cur chun
feidhme iarbhír na gcóras á gcur san áireamh aici. 2.2. Córas bainistíochta agus
rialaithe 2.2.1. Na rioscaí a sainaithníodh Beidh
an Ghníomhaireacht freagrach as gníomhaíochtaí nach féidir na córais déanamh dá
n‑uireasa, as a slándáil agus as a nglacadh ag an margadh. Mura
mbeidh an struchtúr eagraíochtúil agus an fhoireann iomchuí aici chun na
gníomhaíochtaí sin a dhéanamh, beidh na cláir ina n‑iomláine i mbaol. Is
iad seo na príomhrioscaí a sainaithníodh: •
Rioscaí margaidh: tá an glacadh an mhargaidh le seirbhísí na gcóras Eorpach
loingseoireachta satailíte ag brath ar dhá thoisc mhóra: cáilíocht na seirbhísí
a thairgtear agus fonnmhaireacht an mhargaidh na seirbhísí nua sin a ghlacadh.
Má bhíonn feidhmíochtaí teicniúla faoi bhun an leibhéil a gealladh nó má bhíonn
cur isteach ar na seirbhísí ann, déanfar dochar d’úsáideoirí ar fud an domhain
agus ní úsáidfear na bonneagair dá dheasca sin. Dá bhrí sin, tá sé
ríthábhachtach go ndéanfar saothrú na gcóras go héifeachtach. Ina theannta sin,
ba cheart a áirithiú go mbeidh faighteoirí iontaofa le fáil ag na seirbhísí
uile atá le tairiscint ag Galileo, go háirithe ag an tseirbhís atá faoi rialáil
phoiblí (PRS), agus go mbeidh úsáideoirí ar an eolas faoi na seirbhísí atá
Galileo agus EGNOS a sholáthar chun an glacadh ag an margadh, agus, dá bharr
sin, na sochair shocheacnamaíocha a bhfuiltear ag súil leo a uasmhéadú. •
Rioscaí teicneolaíocha: úsáideann an loingseoireacht satailíte teicneolaíochtaí
ceannródaíocha nach bhfuil bailíochtaithe fós agus a mbíonn a sonraíochtaí ag
síorathrú. Ní mór próisis éifeachtacha a chur ar bun chun d'fhonn a áirithiú go
mbeidh forás na nglún nua córas bunaithe ar na riachtanais is déanaí atá ag
úsáideoirí agus ar na teicneolaíochtaí is airde feidhmíocht. Ní mór na
hacmhainní iomchuí bheith ag an nGníomhaireacht chun na próisis sin a chur ar
bun agus chun an fhaisnéis is gá a chur chuig an gCoimisiún ionas go
bhféadfaidh sé tosaíochtaí maidir le forás misin a chinneadh. •
Rioscaí tionsclaíocha: beidh baint ag líon mór gníomhaithe tionsclaíocha i
roinnt tíortha le cur ar bun an bhonneagair; ní mór a gcuid oibre a chomhordú
go héifeachtach chun go dtiocfaidh córais iontaofa agus comhtháite go hiomlán
aisti, go háirithe i réimse na slándála. Cheal na cláir a chomhordú go
héifeachtach, d’fhéadfadh sé go mbeadh easpa acmhainní sa Ghníomhaireacht agus
go mbeadh moilleanna agus costais bhreise ann dá dheasca sin. •
Rioscaí slándála: Ní mór don Ghníomhaireacht féachaint chuige go bhfuil
slándáil na gcóras á cosaint go héifeachtach chun slándáil an Aontais agus a
Bhallstát a áirithiú. •
Riosca rialachais: tá comhar idir na heintitis éagsúla de dhíth chun rialachas
na gclár a áirithiú; dá bhrí sin, tá sé tábhachtach leibhéal iomchuí cobhsaíochta
agus eagraithe a áirithiú. Beidh ról mór ag an nGníomhaireacht i saothrú na
gclár agus, mar gheall air sin, beidh riosca rialachais mór ann mura féidir léi
oibriú go héifeachtach. 2.2.2. Modhanna bainistíochta atá
beartaithe Cuirfear
cuntais na Gníomhaireachta faoi bhráid na Cúirte Iniúchóirí lena bhformheas,
agus faoi réir an nós imeachta urscaoilte. Is í Seirbhís Iniúchta Inmheánach an
Choimisiúin iniúchóir inmheánach na Gníomhaireachta. Ina theannta sin, tá an
Ghníomhaireacht ag obair ar dheimhniú cáilíochta agus slándála dá
príomhphróisis atá le cur i bhfeidhm ó 2014 ar aghaidh. 2.3. Bearta chun calaois agus
neamhrialtachtaí a chosc Sonraigh bearta
coisctheacha agus cosanta atá ann cheana nó atá beartaithe. Beidh
an Ghníomhaireacht faoi réir fhaireacháin ag an Oifig Frith‑Chalaoise. 3. AN TIONCHAR AIRGEADAIS A MHEASTAR A
BHEIDH AG AN TOGRA/TIONSCNAMH 3.1. Ceannteidil an chreata
airgeadais ilbhliantúil agus na línte buiséid ar a n‑imrítear tionchar · Línte buiséid atá ann cheana In ord cheannteidil agus línte buiséid an chreata
airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Uimhir [Tuairisc………………………...……….] || LD/LN ([14]) || ó thíortha CSTE[15] || ó thíortha is iarrthóirí[16] || ó thríú tíortha || de réir bhrí Airteagal 18(1)(aa) den Rialachán Airgeadais 1 || 02.0502.01 An Ghníomhaireacht GNSS Eorpach (GSA) – Teidil 1 agus 2 02.0502.02 An Ghníomhaireacht GNSS Eorpach (GSA) – Teidil 3 || LD || IS FÉIDIR || NÍL || NÍL || NÍL · Línte nua buiséid atá á n‑iarraidh In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Uimhir [Tuairisc………………………...……….] || LD/LN || ó thíortha CSTE || ó thíortha is iarrthóirí || ó thríú tíortha || de réir bhrí Airteagal 18(1)(aa) den Rialachán Airgeadais || Níl aon línte nua buiséid á n‑iarraidh. || || || || || 3.2. An tionchar a mheastar a
bheidh ag an togra/tionscnamh ar chaiteachas Roimh an gcur síos mionsonraithe ar an
tionchar a mheastar a bheidh ag an togra seo, tá sé tábhachtach a rá go bhfuil
an meastachán seo sealadach i láthair n huaire ó tá sé faoi réir an tÚdarás
Buiséadach an chéad chreata airgeadais ilbhliantúil eile (2014–2020)[17] a ghlacadh. Ina theannta sin, is féidir go dtiocfaidh athrú
ar hipitéisí áirithe ar bunaíodh an ráiteas reachtach airgeadais reatha orthu.
Ní sa togra reachtach seo ach sa Rialachán GNSS, atá á phlé i bParlaimint na
hEorpa agus sa Chomhairle, atá sainiú déanta ar chreat rialachais na gclár agus
cúraimí na Gníomhaireacht atá ag teacht as sin. Is de bharr na gcúraimí nua a
leithdháileadh ar an nGníomhaireacht sa togra le haghaidh Rialacháin GNSS atá
foireann níos mó de dhíth uirthi. Dá bhrí sin, coimeádann an Coimisiún an ceart
a thogra a mhodhnú i gcás ina ndéanfar athruithe móra ar an maoiniú nó ar an
gcreat rialachais a bheidh beartaithe i dtéacs an Rialacháin GNSS atá le
teacht. Dá bhrí sin, má chinneann an tÚdarás Buiséadach an buiséad atá
leithdháilte ar na cláir a laghdú go mór, beidh athmheasúnú le déanamh ar na
cúraimí agus ar an bhfoireann a leithdháilfear ar an nGníomhaíocht. Mar an
gcéanna, má chinneann an tÚdarás Buiséadach cúraimí breise a leithdháileadh ar
an nGníomhaireacht, beidh athmheasúnú le déanamh ar na riachtanais foirne. Ar
an gcaoi sin, mar shampla, dréacht‑thuarascáil ó Pharlaimint na hEorpa i
dtaca leis an Rialachán maidir leis na cláir Eorpacha um Loingseoireachta
Satailíte a bhunú agus a oibriú[18]
(rapóirtéir : M. Marinescu) foráiltear go beidh sé de chúram ar an
nGníomhaireacht na ‘lárionaid bharrfheabhais’ lena ndíreofar ar fhorbairt agus
glacadh na bhfeidhmchlár GNSS a chur chun cinn, sa bhreis ar na gníomhaíochtaí
a leithdháil an Coimisiún uirthi ina thogra le haghaidh Rialachán GNSS. 3.2.1. Achoimre ar an tionchar a
mheastar a bheidh ag an togra/tionscnamh ar chaiteachas EUR milliúin (go dtí an 3ú deachúil) Ceannteideal an chreata airgeadais ilbhliantúil: || Uimhir || Ceannteideal 1 - Fás Cliste agus Cuimsitheach [Comhlacht]: <…….> || || || 2013[19][20] || 2014 || 2015 || 2016 || 2017 || 2018 || 2019 || 2020 || IOMLÁN 2014-2020 Líne buiséadach 02.050201, An Ghníomhaireacht GNSS Eorpach (GSA) – Teidil 1 agus 2 || Gealltanais || (1) || 11,087[21] || 18,632 || 21,495 || 22,710 || 22,272 || 24,623 || 24,497 || 25,239 || 159,468 Íocaíochtaí || (2) || 11,087 || 18,632 || 21,495 || 22,710 || 22,272 || 24,623 || 24,497 || 25,239 || 159,468 Líne buiséadach 02.050202, An Ghníomhaireacht GNSS Eorpach (GSA) – Teidil 3 || Gealltanais || (1a) || 2,363 || 6,550 || 6,150 || 6,100 || 6,150 || 6,800 || 6,800 || 6,300 || 44,85 Íocaíochtaí || (2a) || 2,363 || 6,550 || 6,150 || 6,100 || 6,150 || 6,800 || 6,800 || 6,300 || 44,85 || || || || || || || || || || || || || || || || || || || || || || IOMLÁN na leithreasuithe don GSA || Gealltanais || =1+1a -3a || 13,450 || 25,182 || 27,645 || 28,810 || 28,422 || 31,423 || 31,297 || 31,539 || 204,318 Íocaíochtaí || =2+2a -3b || 13,450 || 25,182 || 27,645 || 28,810 || 28,422 || 31,423 || 31,297 || 31,539 || 204,318 Áiríodh buiséad na Gníomhaireachta do
2014-2020 cheana sa togra ón gCoimisiún maidir le creat airgeadais ilbhliantúil
nua 2014-2020. Maoineofar na cúraimí nua agus na costais bhainteacha trí
bhíthin áth‑imlonnú sa chlár GNSS dá bhforáileadh ar dtús do na blianta
2013 go 2020. Is mar seo a leanas an tionchar agus méadófar é go EUR 117,1
milliún.
Líne buiséadach 02.0501, Cláir Eorpach um Loingseoireachta Satailíte (EGNOS agus Galileo) || Gealltanais || (3a) || -1,750 || -13,482 || -15,645 || -16,610 || -16,022 || -18,723 || -18,297 || -18,339 || -117,118 || Íocaíochtaí || (3b) || -1,750 || -13,482 || -15,645 || -16,610 || -16,022 || -18,723 || -18,297 || -18,339 || -117,118 IOMLÁN na leithreasuithe don GSA sa chreat airgeadais ilbhliantúil reatha || Gealltanais || =1+1a +3a || || 11,700 || 12,000 || 12,200 || 12,400 || 12,700 || 13,000 || 13,200 || 87,200 Íocaíochtaí || =2+2a +3b || || 11,700 || 12,000 || 12,200 || 12,400 || 12,700 || 13,000 || 13,200 || 87,200 Ceannteideal an chreata airgeadais ilbhliantúil: || 5 || "Caiteachas riaracháin" EUR milliúin (go dtí an 3ú deachúil) || || || Bliain N || Bliain N+1 || Bliain N+2 || Bliain N+3 || iontráil na blianta ar fad a theastaíonn le fad an tionchair a thaispeáint (féach pointe 1.6) || IOMLÁN DG: <…….> || Acmhainní Daonna || || || || || || || || 0 Costais riaracháin eile || || || || || || || || 0 IOMLÁN DG <…….> || Leithreasuithe || || || || || || || || 0 IOMLÁN na leithreasuithe faoi CHEANNTEIDEAL 5 den chreata airgeadais ilbhliantúil || (Iomlán na ngealltanas) =Iomlán na n‑íocaíochtaí || || || || || || || || EUR milliúin (go dtí an 3ú deachúil) || || || Bliain N[22] || Bliain N+1 || Bliain N+2 || Bliain N+3 || iontráil na blianta ar fad a theastaíonn le fad an tionchair a thaispeáint (féach pointe 1.6) || IOMLÁN IOMLÁN leithreasuithe faoi CHEANNTEIDEAL 1 go 5 den chreat airgeadais ilbhliantúil || Gealltanais || || || || || || || || 0 Íocaíochtaí || || || || || || || || 0 3.2.2. An tionchar a mheastar a
bheidh ag an togra/tionscnamh ar leithreasuithe Ghníomhaireacht GSA - miondealú
de réir cuspóra agus teidil Leithreasuithe faoi chomhair gealltanas in EUR
milliúin (go dtí an 3ú deachúil) || Sonraigh cuspóirí agus aschuir ò || || || Bliain 2013 || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || || Bliain 2020 || ASCHUIR Saghas aschuir || Saghas || Líon na n‑aschur || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Costas iomlán || Cuspóir Uimh. 1 Creidiúnú Slándála GNSS || || Teidil 1 agus 2 || || || || 2,123 || || 2,749 || || 2,804 || || 2,762 || || 2,637 || || 2,878 || || 2,845 || || 2,912 || Teideal 3 || || || || 1,043 || || 1,400 || || 1,400 || || 1,400 || || 1,400 || || 1,400 || || 1,400 || || 1,400 || Fo-iomlán chuspóir sonrach Uimh. 1 || || 3,166 || || 4,149 || || 4,204 || || 4,162 || || 4,037 || || 4,278 || || 4,245 || || 4,312 || Cuspóir Uimh. 2 Forbairt an mhargaidh agus na bhfeidhmchlár, lena n‑áirítear deimhniú cáilíochta agus cumarsáid GNSS || || Teidil 1 agus 2 || || || || 1,415 || || 1,833 || || 1,869 || || 1,688 || || 1,612 || || 1,759 || || 1,739 || || 1,780 || Teideal 3 || || || || 664 || || 3,750 || || 3,250 || || 3,200 || || 3,250 || || 3,750 || || 3,750 || || 3,250 || Fo-iomlán chuspóir sonrach Uimh. 2 || || 2,079 || || 5,583 || || 5,119 || || 4,888 || || 4,862 || || 5,509 || || 5,489 || || 5,030 || Cuspóir Uimh. 3 Na Galileo Security Monitoring Centres shaothrú agus na feidhmchláir PRS a fhorbairt: || || Teidil 1 agus 2 || || 3,303 || || 5,193 || || 5,763 || || 6,138 || || 5,861 || || 6,396 || || 6,322 || || 6,472 || Teideal 3 || || 656 || || 1,400 || || 1,500 || || 1,500 || || 1,500 || || 1,650 || || 1,650 || || 1,650 || Fo-iomlán chuspóir sonrach Uimh. 3 || || 3,959 || || 6,593 || || 7,263 || || 7,638 || || 7,361 || || 8,046 || || 7,972 || || 8,122 || Cuspóir Uimh. 4 Na córais GNSS a shaothrú || || Teidil 1 agus 2 || || 1,750 || || 6,567 || || 8,878 || || 9,974 || || 10,110 || || 11,352 || || 11,379 || || 11,811 || Tacaíocht (margaí poiblí, airgeadas, acmhainní daonna, bainistiú tionscadail agus rialú, gnóthaí dlíthiúla, cumarsáid) || || Teidil 1 agus 2 || || 2,496 || || 2,291 || || 2,181 || || 2,148 || || 2,051 || || 2,238 || || 2,213 || || 2,265 || COSTAS IOMLÁN GSA || || 13,450 || || 25,182 || || 27,645 || || 28,810 || || 28,422 || || 31,423 || || 31,297 || || 31,539 || Is iad seo a leanas na hipitéisí ar a bhfuil
ríomh bhuiséad na Gníomhaireachta don tréimhse 2013–2020 bunaithe: –
Tá an Rialachán nua GNSS, atá á phlé faoi láthair
idir Parlaimint na hEorpa agus an Chomhairle, le glacadh i gcomhréir leis na
téarmaí atá beartaithe ag an gCoimisiún. Más amhlaidh atá, ba cheart go n‑aistreofaí
bainistiú chéim saothraithe EGNOS chuig an Ghníomhaireacht agus go dtarmligfí
bainistiú chéim saothraithe Galileo chuig an nGníomhaireacht ón 1 Eanáir 2014
ar aghaidh. Chun gur féidir léi na cúraimí tábhachtacha sin a dhéanamh, ní mór
an fhoireann agus na hacmhainní buiséadacha iomchuí a thabhairt don
Ghníomhaireacht chun céimeanna éagsúla an chláir a chur i gcrích. Ba cheart go
dtiocfadh leathnú ar an nGníomhaireacht de bharr riachtanais na gclár GNSS agus
a fhorás na gclár sin, leathnú faoina mbeidh borradh mór go dtí 2016, is
dealraitheach, agus faoina mbeidh borrradh beag ina dhiaidh sin; –
Tá cur ar bun na Galileo Security Monitoring
Centres sa Fhrainc agus sa Ríocht Aontaithe á ullmhú faoi láthair. Ba cheart go
mbeadh siad imlonnaithe go hiomlán idir 2013 agus 2014, agus tosóidh na
tástálacha substaintiúla oibriúcháin a leanfaidh ar aghaidh ar feadh 24 mí as
seo amach, agus sin an chúis a bhfuil gá le líon áirithe foirne breise agus le
costais aonuaire in 2014. Is le linn na hoibre mionsonraithe le haghaigh ullmhú
na seirbhísí a tarraingíodh aird ar an gá leis an lárionad sin. Ní foláir
oibreoirí cáilithe bheith sa lárionad sin a ghabhfaidh de láimh na bogearraí
agus an trealamh agus eolas cruinn acu ar ghnéithe slándála an chórais agus ní
foláir oiliúint a bheith faighte acu le linn chéim an athlonnaithe agus an
tsoláthair leanúnaigh seirbhísí. Ní foláir, go háirithe, go sásóidh said
riachtanais úsáideoirí an PRS (Public Related Service (‘An tSeirbhís Phoiblí
Bhainteach’) ó thaobh rochtain ar an PRS de. Ní foláir dóibh freisin na nósanna
imeachta oibríochtúla a leagan amach agus faireachán agus bainistiú na
dteagmhas slándála sa chóras iomlán a áirithiú. –
go dtí Meitheamh 2017, ní bheidh cíos ar bith ar
ionad na Gníomhaireachta i bPrág. I ndiaidh an dáta sin, beidh ar an
nGníomhaireacht 25 % de luach tráchtála na n‑oifigí a íoc mar chíos
leis na húdaráis Sheiceacha,. Tá meastachán déanta ar bhonn na
bhfíorphraghsanna i bPrág. Ina theannta sin, beidh ar an nGníomhaireacht cíos
eile a íoc ar na suímh eile ina mbeidh an Ghníomhaireacht ag deanamh a cúraimí,
mar atá sa Fhrainc (Saint‑Germain‑en‑Laye, Toulouse), sa
Ríocht Aontaithe (Swanwick) agus sa Bhreatain Bheag (Ionad ESTEC, an
Ghníomhaireacht Spáis Eorpach); –
Is ar bhonn mheánchostais an Choimisiúin a ríomhtar
costais foirne na Gníomhaireachta. Áirítear sa ríomh freisin ráta rothlaithe
foirne measartha mall agus cur i seirbhís ball foirne nua i bhFeabhra gach
bliain ar an meán. Áirítear freisin comhéifeachtaí ceartaitheacha lena
gcuirtear an costas maireachtála san áireamh (tá costas maireachtála Phrág
15 % faoi bhun chostas maireachtála an Bruiséile, agus tá costas na
Bruiséile 16 % faoi bhun chostas na Fraince); –
Is iad na costais atá faoi réir mhéadú bliantúil
measta 3 % na tuarastail, na costais chíosa, na costais a bhaineann le
teicneolaíocht na faisnéise agus na seirbhísí a sholáthróidh an Coimisiún,
chomh maith le seirbhísí poist agus teileachumarsáide. Níl tionchar ag an
mboilsciú ar na costais eile a ríomhadh, rud is ionann agus fíorlaghdú ar
chostais na Gníomhaireachta; –
ríomhadh na costais riaracháin reatha ar bhonn
fhíorchostas 2011 agus 2012, gan méadú de dheasca boilsciú; –
le linn na mblianta 2012 agus 2013, athnuafar go
hiomlán líonraí agus trealamh ríomhaireachta na Gníomhaire de bharr aistriú
shuíomh na Gníomhaireachta go Prág in Meán Fómhair 2012. Mar gheall ar dhímheas
agus chaitheamh, ba cheart an trealamh sin a athnuachan in 2018, i suíomh na
Gníomhaireachta agus sna Galileo Security Monitoring Centres; –
le linn na tréimhse 2014–2020, cuirfear ar bun cuid
de na gníomhaíochtaí cumarsáide is tábhachtaí: lainseáil luathsheirbhísí
Galileo le linn 2014–2015, seoladh céim lánúsáidae Galileo le linn 2018–2019.
Mar gheall ar na gníomhaíochtaí móra sin, is gá freisin níos mó deighleog
margaidh i bhfeachtais chumarsáide iomlána na Gníomhaireachta a chuimsiú, agus
athmhúnlú a dhéanamh ar na suímh ghréasáin agus ar na huirlisí cumarsáide atá
ann faoi láthair (lena n‑áirítear feabhsú ar ábhar i bhfíoram); –
Ríomhtar na costais ar bhonn na hipitéise nach
dtiocfaidh dúbailt ar na seirbhísí riaracháin lárnacha as an daingniú ar an
deighilt idir na gníomhaíochtaí a bhaineann le creidiúnú slándála agus gníomhaíochtaí
eile na Gníomhaireachta. Léirítear sa tábla thíos buiséad mionsonraithe
na Gníomhaireachta le linn na tréimhse 2013–2020. 3.2.3. An tionchar a mheastar a
bheidh ar acmhainní daonna agus buiséad na Gníomhaireachta 3.2.3.1. Achoimre –
¨ Ní éilíonn an togra/tionscnamh go n‑úsáidfear leithreasuithe de
chineál riaracháin –
þ Éilíonn an togra/tionscnamh go n‑úsáidfear leithreasuithe faoi
chomhair oibríochtaí mar a mhínítear thíos: EUR milliúin (go dtí
an 3ú deachúil) || 2013 || 2014 || 2015 || 2016 || 2017 || 2018 || 2019 || 2020 || IOMLÁN Oifigigh (Gráid AD) || || || || || || || || || Oifigigh (Gráid AST) || || || || || || || || || Gníomhairí ar conradh || || 1,125 || 1,276 || 1,376 || 1,393 || 1,435 || 1,478 || 1,522 || 9,606 Gníomhairí sealadacha || || 9,768 || 11,081 || 13,071 || 12,960 || 13,550 || 14,061 || 14,599 || 89,090 Saineolaithe náisiúnta ar iasacht || || || || || || || || || IOMLÁN || || 10,893 || 12,357 || 14,447 || 14,353 || 14,985 || 15,539 || 16,122 || 98,696 Ríomhtar na costais foirne ar bhonn na
bpríomhhipitéisí seo a leanas: - ráta GS = meánráta an Choimisiúin (EUR
95 000 + boilsciú) - ráta AC = meánráta an Choimisiúin
(FGIII móide FGIV = EUR 40 000 + boilsciú) ; boilsciú 3 % sa bhliain; - laghdú 3 % ar na costais foirne de
bharr an rothlaithe; - laghdú 25 % ar na costais a bhaineann
le hearcú foirne nua – cur i seirbhís an 1 Aibreán, de ghnáth; -costais suiteála i gcomhréir leis na
Rialacháin Foirne : maidir le cúiteamh suiteála, cúiteamh laethúil (trí
mhí ar a mhéid), costais aistrithe, costais taistil. Foireann na Gníomhaireachta a bheidh
riachtanach don tréimhse 2013-2020 (líon daoine) || 2013 || 2014 || 2015 || 2016 || 2017 || 2018 || 2019 || 2020 Gníomhairí sealadacha || 77 || 97 || 109 || 117 || 121 || 123 || 124 || 125 SNIanna/GCanna || 17 || 25 || 29 || 31 || 31 || 31 || 31 || 31 IOMLÁN || 94 || 122 || 138 || 148 || 152 || 154 || 155 || 156 Foireann na Gníomhaireachta de réir
gníomhaíochta (líon daoine) || 2013 || 2014 || 2015 || 2016 || 2017 || 2018 || 2019 || 2020 Foireann sannta go díreach do shaothrú chórais GNSS || 20 || 43 || 57 || 65 || 69 || 71 || 72 || 73 Foireann sannta don GSMC || 28 || 34 || 37 || 40 || 40 || 40 || 40 || 40 Foireann sannta do chúraimí riachtanacha an GSA (cúraimí atá ann faoi láthair) || 46 || 45 || 44 || 43 || 43 || 43 || 43 || 43 IOMLÁN || 94 || 122 || 138 || 148 || 152 || 154 || 155 || 156 Foireann na Gníomhaireachta de réir
gníomhaíochta (mar % den iomlán) || 2013 || 2014 || 2015 || 2016 || 2017 || 2018 || 2019 || 2020 Céatadán fhoireann GSA sannta don saothrú || 21 % || 35 % || 41 % || 44 % || 45 % || 46 % || 46 % || 47 % Céatadán fhoireann GSA sannta don GSMC || 30 % || 29 % || 27 % || 26 % || 26 % || 26 % || 26 % || 26 % Céatadán fhoireann GSA sannta do chúraimí GSA féin (cúraimí atá ann cheana) || 49 % || 36 % || 32 % || 30 % || 29 % || 28 % || 28 % || 27 % IOMLÁN || 100% || 100% || 100% || 100% || 100% || 100% || 100% || 100% Mar a luadh cheana, is faoin nGníomhaireacht a
bheidh sé na cúraimí éagsúla a dhéanamh, idir chúraimí nua agus chúraimí nach
bhfuil iontu ach gníomhaíochtaí atá ann faoi láthair a bheidh á ndéanamh fós.
Cuireadh i bhfeidhm an laghdú 5 % ar an bhfoireann atá sannta do
chúraimí atá ag an nGníomhaireacht faoi láthair agus tháinig laghdú 3 Choibhéis
Lánaimseartha le haghaidh na gcúraimí atá aici faoi láthair as sin, nó
1 Choibhéis Lánaimseartha in aghaidh gach ceann de na blianta 2014,
2015 agus 2016. Rinne an Coimisiún measúnú ar riachtanais
foirne na Gníomhaireachta tar éis dul i gcomhairle leis an nGníomhaireacht agus
ar bhonn staidéir inar leagadh amach go mionsonraithe na gníomhaíochtaí uile
atá le déanamh chun na cláir a shaothrú[23]. Tuairisc ar na cúraimí a bheidh le déanamh: Oifigigh agus gníomhairí sealadacha || 1. Creidiúnú slándála na gcóras GNSS (príomhchúram de chuid na Gníomhaireachta) 2. Bainistiú na Galileo Security Monitoring Centres (cúram na Gníomhaireachta féin, a neartófar go príomha in 2014, tar éis chéad phoist na mblianta 2012 agus 2013) 3. Forbairt an mhargaidh agus na bhfheidhmchlár GNSS, lena n‑áirítear na teicneolaíochtaí atá beartaithe d’úsáideoirí an PRS (príomhchúram de chuid na Gníomhaireachta agus cúraimí breise tarmligthe sa bhreis air, b'fhéidir) 4. Cumarsáid GNSS: (príomhchúram de chuid na Gníomhaireachta) 5. Saothrú na gcóras GNSS (cúram nua arna dtarmligean ag an gCoimisiún – aistriú inniúlachta ón gCoimisiún chuig an nGníomhaireacht atá i saothrú EGNOS, ach tarmligean bainistíochta ón gCoimisiún chuig an nGníomhaireacht atá i saothrú an chórais a bhaineann le céim shaothraithe chlár Galileo) Na gníomhaireachtaí atá le déanamh le linn chéim shaothraithe na gclár, rinneadh iad a shainaithint agus a struchtúrú i Struchtúr Miondealaithe Oibre. Beidh na cúraimí saothraithe uile ar an nGníomhaireacht agus ní foláir di a gcomhordú a áirithiú ach ní bheidh cúram a gcur i gcrích de riachtanas uirthi i ngach cás. Ba cheart a lua go dtagann formhór na ngníomhaíochtaí sin as an ngá atá ann na hoibríochtaí soláthair seirbhísí a áirithiú agus nach dtugtar aghaidh ar na gníomhaíochtaí sin in eagrú na gclár mar atá sé faoi láthair. Sa tábla um miondealú na gcúraimí, féadfar na gníomhaíochtaí uile a baineann le saothrú a roinnt faoi na cúig théama seo a leanas : - Bainistiú chur chun feidhme na gclár, arb iad seo a phríomhghnéithe: o na cuspóirí ardleibhéil arna socrú ag an gCoimisiún agus sna comhaontaithe idirnáisiúnta agus idir-rialtais agus riachtanais slándála an chórais a mhionsonrú i “Mission Requirement Document” (Doiciméad maidir le Riachtanais An Mhisin); o pleanáil, costais agus rioscaí na gclár a rialú; o na coinbhinsiúin agus na conarthaí is gá chun na cláir a shaothrú a thabhairt i gcrích agus an obair leantach ina dhiaidh sin a dhéanamh. - Forbairt na gclár, is é sin le rá forbairtí a mbeidh gá leo a cheapadh i gcomhréir leis an doiciméad maidir le riachtanais na gcúraimí, próisis chaighdeánaithe an chórais a comhordú agus a fhorbairt agus na bonneagair nua (lena n‑áirítear eisiúint bogearraí) a bhailíochtú, na cúraimí a fhorbairt agus fheidhmíocht an chórais a mheas. - Bainistiú bonneagar maidir le bainistiú an tionscadail bhonneagair, feidhmíocht innealtóireachta córas, na bonneagair spáis agus thalún a thógáil agus nuashonraithe córais a imlonnú. - Na seirbhísí a shaothrú agus a sholáthar, is é sin le rá soláthar na seirbhísí a bhainistiú, na bonneagair a shaothrú agus feidhmíocht na n‑oibríochtaí a mhonarú. - Na seirbhísí a úsáid trí straitéis tráchtála a leagan síos agus a choinneáil ar bun, trí úsáid agus glacadh na seirbhísí a chur chun cinn agus trí fheidhmchláir nua a cheapadh agus a fhorbairt. Foireann sheachtrach || Den chuid is mó cúraimí tacaíochta/riaracháin, chun dea-fheidmiú na n‑oibríochtaí a áirithiú. Ó 2015 ar aghaidh, foireann tacaíochta a bheidh in 16 % d’fhoireann iomlán na Gníomhaireachta, céatadán íseal i gcomparáid le gnáthchéatadán i ngníomhaireachtaí an Aontais (meastar gur 25 % an céatadán i gcás na ghníomhaireachtaí an Aontais atá faoi lán seoil agus tá an céatadán níos mó arís laistigh den Choimisiún). Léirítear sa tábla thíos líonta foirne
mionsonraithe na Gníomhaireachta le linn na tréimhse 2013–2020. Sna poist AD den chuid is mó a bheidh an
fhoireann bhreise atá de dhíth chun na córais a shaothrú, agus beidh níos lú ná
10 % díobh sannta do chúraimí bainistíochta (AD10-AD12). Líonfar formhór
na bpost eile trí earcú faoi ghrád AD6-9 ós rud é gur deacair foireann a earcú
a bhfuil taithí agus na hacmhainní teicniúla an‑sainiúil acu. 3.2.3.2. Riachtanais mheasta maidir le
hacmhainní daonna don mháthair-Ard‑Stiúrthóireacht –
þ Ní éilíonn an togra/tionscnamh go n‑úsáidfear acmhainní daonna Ní bheidh ar an gCoimisiún acmhainní daonna breise
a úsáid de bharr an togra, ach a mhalairt mar go bhfuil laghduithe beartaithe
agus tá siad sonraithe i mír 3.4. –
¨ Éilíonn an togra/tionscnamh go n‑úsáidfear acmhainní daonna mar
a mhínítear thíos: 3.2.4. Comhoiriúnacht don chreat
airgeadais ilbhliantúil reatha –
þ Tá an togra/tionscnamh comhoiriúnach leis an gcreat airgeadais
ilbhliantúil don bhliain 2013 agus – i dtaca leis na blianta ina dhiaidh sin –
leis an togra ón gCoimisiún don chreat airgeadais 2014-2020. –
¨ Beidh athchlárú an cheannteidil ábhartha sa chreat airgeadais
ilbhliantúil ag gabháil leis an togra/tionscnamh seo. –
¨ Éilíonn an togra/tionscnamh go gcuirfear an ionstraim sholúbthachta i
bhfeidhm nó go ndéanfar athbhreithniú ar an gcreat airgeadais ilbhliantúil[24]. Mínigh an méid a bhfuil gá leis, agus sonraigh na
ceannteidil agus na línte buiséid lena mbaineann agus na méideanna
comhfhreagracha. 3.2.5. Ranníocaíochtaí ó thríú
páirtithe –
þ Ní dhéantar foráil sa togra/tionscnamh maidir le cómhaoiniú le tríú
páirtithe –
Déantar foráil sa togra/tionscnamh maidir le
cómhaoiniú atá réamh mheasta thíos: 3.3. An tionchar a mheastar a
bheidh ar ioncam –
þ Ní bheidh tionchar airgeadais ar bith ag an togra ar ioncam. –
¨ Beidh an tionchar airgeadais seo a leanas ag an togra/tionscnamh: –
¨ ar acmhainní dílse –
¨ ar ioncam ilghnéitheach 3.4. An tionchar a mheastar a
bheidh ar acmhainní daonna an Choimisiúin Cé go bhfuil an ráiteas airgeadais sin dírithe
ar an tionchar a bheidh ag tarmligean na bhfreagrachtaí nua maidir le
bainistíocht oibríochtúil chláir GNSS ar an nGníomhaireacht, tá sé úsáideach
aird a dhíriú ar an tiochar ab fhéidir a bheadh ag rialachas chláir GNSS ar
acmhainní daonna an Choimisiúin amach anseo. Mar a míníodh thuas, is cúraimí nua den chuid
is mó na cúraimí atá leithdháilte feasta ar nGníomhaireacht, cúraimí nach
bhfuil a gcothrom in san eagar atá anois ar na cláir GNSS. Cé go bhfuiltear
chun cúraimí a bhaineann le saothrú EGNOS a aistriú ón gCoimisiún go dtí an
Ghníomhaireacht, is amhlaidh gur cúraimí nua iad na cúraimí arna n‑eascairt
as clár Galileo agus arna dtarmligean chuig an nGníomhaireacht ós rud é nach
bhfuil an córas sin ar obair fós. Is é sin an fáth nach soláthraíonn Galileo aon
seirbhísí fós agus ar dhírigh na foirne a bhaineann leis an gCoimisiún agus
leis an nGníomhaireacht a ndíograis ar an mbonneagar a leagan amach. Chun athrú
go dtí bonneagar a bheidh ag oibriú agus chun tús a chur le soláthar seirbhísí
a mbeidh beatha daoine ag brath orthu beidh gá le gníomhaíochtaí iomlán nua
agus le foireann bhreise. Cé go dtiocfaidh méadú carnach 31 % ar fhoireann an
Choimisiúin agus na Gníomhaireacht as sin, tiocfaidh méadú 103 % ar an
meánbhuiséad bliantúil bainistithe idir 2007 agus 2013 agus idir 2140 agus
2020. Ar feadh roinnt blianta agus go dtí go
mbainfear amach an chéim is gá, leanfaidh an Coimisiún de bheith freagrach as
leagan amach bhonneagar Galileo agus beidh air na foirne a choinneáil agus na
hiarrachtaí seo a mhaoirsiú. Tar éis sin, ní bheidh ról an Choimisiúin dírithe
ach ar mhaoirsiú polaitiúil na gclár. Dá thoradh sin, beidh ról an Choimisiúin
dírithe ar mhaoirsiú bheartais na gclár agus ar an ábhar sin molann an
Coimisiún 30 post san iomlán a bhaint dá thábla foirne le linn na tréimhse
2014-2020. Taispeánann an laghdú seo go háirithe: 2)
próiseas aistrithe i dtreo na Gníomhaireachta
ghníomhaíochtaí saothraithe EGNOS (ós cúram nua an céim shaothraithe de chlár
Galileo) as a dtiocfaidh laghdú ar fhoireann an Choimisiúin 3 Choibhéis
Lánaimseartha (3,3 %); 3)
an prionsabal ar chinn an Coimisiún air laghdú a
dhéanamh ar na baill foirne a phléann le gníomhaíochtaí atá ann faoi láthair,
rud a mbeidh laghdú breise 12 gCoibhéis Lánaimseartha (13 %) de thoradh air. 4)
An prionsabal laghdú comhlántach 15 i gCoibhéis
Lánaimseartha ar na baill foirne a thagann as ath‑imlonnú inmheánach sa
Choimisiún. Is é seo a leanas, mar sin, an t‑athrú a
thiocfaidh ar fhoireann an Choimisiúin do na seirbhísí GNSS: Baill foirne an Choimisiúin sannta do chúraimí an GNSS || 2013 || 2014 || 2015 || 2016 || 2017 || 2018 || 2019 || 2020 || Laghdú iomlán Laghdú || 0 || -3 || || || -3 || -4 || -5 || 0 || -15 IOMLÁN || 92 || 89 || 89 || 89 || 86 || 82 || 77 || 77 || Beidh an laghdú comhlántach faoi phointe 3
thuas roinnte ar bhealach neamhlíneach thar na seacht mbliana. Beidh an laghdú
30 post neamhspleách agus mar sin tiocfaidh sé sa bhreis ar an laghdú
cothrománach 5 % de bhaill foirne an Choimisiúin idir 2013 agus 2017;
Bainfear na poist sin go hiomlán de thábla bhaill foirne an Choimisiúin. Laghdú comhlántach bhaill foirne an Choimisiúin. || 2014 || 2015 || 2016 || 2017 || 2018 || 2019 || 2020 || Laghdú iomlán Laghdú comhlántach IOMLÁN sa Choimisiúin || -2 || -3 || -3 || -2 || -2 || -2 || -1 || -15 Le baill foirne na hArd‑Stiúrthóireachta
atá freagrach cheana as bainistíocht na gníomhaíochta agus/nó arna n‑ath‑imlonnú
go hinmheánach laistigh den Ard‑Stiúrthóireacht a riarfar na riachtanais
acmhainní daonna sin, agus cuirfear leis sin, de réir mar is gá, aon
leithdháileadh breise is féidir a bhronnadh ar an Ard‑Stiúrthóireacht
bainistíochta de réir nós imeachta an leithdháilte bhliantúil agus i bhfianaise
na srianta buiséadacha a bheidh i bhfeidhm. Cuirfear an laghdú seo i bhfeidhm cé go mbeidh
freagracht ghinearálta an Choimisiún maidir le cláir GNSS ann fós agus
d’ainneoin na gcúraimí nua iomadúla Déanfaidh an Coimisiún a dhícheall aghaidh
a thabhairt ar na cúraimí nua sin trí bhíthin ath‑iomlonnuithe
inmheánacha. Déanfaidh an Coimisiún iarracht dul i ngleic leis na cúraimí nua
seo a bhuí le hathlonnuithe inmheánacha. Go sainráite, féadfar ról an Choimisiúin sa
todhchaí a achoimriú trí bhíthin na sé bloc gníomhaíochtaí seo a leanas : –
rannchuidiú le mórchuspóirí straitéiseacha an AE:
is é an cuspóir cur isteach theicneolaíochtaí GNSS sna réimsí taighde éagsúla
agus iad a chur san áireamh sna tionscnaimh straitéiseacha earnála a bhaineann
le, mar shampla, modhanna iompair, talmhaíocht, soghluaisteacht daoine,
sioncronú nó fuinneamh. Is é an cuspóir atá leis sin, a áirithiú go ndéanfar le
beartais an AE sna hearnálacha saothrú níos fearr ar acmhainneacht nuálaíochta
agus luach breise na gcóras Eorpacha loingseoireachta satailíte; –
cuspóirí ardchaighdeáin na gclár a shainiú agus a
fhorbair chun freagairt do na dúshláin pholaitiúla agus do riachtanais na
ngeallsealbhóirí agus na n‑úsáideoirí eile agus straitéis agus
riachtanais theicniúla a dhéanamh astu; –
na coinníollacha chur chun feidhme a shainiú agus a
chur in oiriúint. I gcomhréir le cuspóirí straitéiseacha an Choimisiún maidir
leis na cláir, ní mór na bearta is gá chun na cuspóirí sin a chur chun feidhme
a shainiú, amhail comhaontuithe maidir le tarmligean, mionsonrú a dhéanamh ar
na comhaontuithe maidir le hostú suíomh agus na caighdeáin is iomchuí a leagan
amach. Ina theannta sin, an Coimisiún a bheidh freagrach fós as slándáil na
gcóras. Dá bhrí sin caithfidh an Coimisiún na riachtanais slándála a shainiú
agus comhordú maidir le ceisteanna slándála a áirithiú; –
na beartais maidir le GNSS a shainiú agus a
fhorbairt, timpeallacht rialaitheach agus idirnáisiúnta a chruthú a éascóidh
baint amach cuspóirí chláir GNSS. Mar chuid den obair ar chreat rialála chláir
GNSS, tabharfaidh an Coimisiún aghaidh ar cheist shábháilteacht agus shlándáil
úsáideoirí GNSS, measfaidh sé a leochailí atá na córais agus na feistí
loingseoireachta satailíte agus molfaidh sé bearta cothromaithe, áiritheoidh sé
comhchuibhiú na seirbhísí Eorpacha loingseoireachta, daingneoidh sé an
chobhsaíocht chun gur féidir don tionscal infheistíochtaí le déanamh a
phleanáil agus daingneoidh sé an tsábháilteacht agus an tslándáil (mar shampla,
trí bearta a chur ar bun chun spleáchas a laghdú maidir leis an GPS). Ar an
leibhéal idirnáisiúnta, tarraingeoidh sé suas agus caibidleoidh sé
comhaontuithe idirnáisiúnta agus déanfaidh sé comhordú le heagraíochtaí
idirnáisiúnta chun comhoiriúnacht agus idiroibritheacht le córais GNSS eile a áirithiú; –
faireachán a dhéanamh ar chur chun feidhme na
gclár. Cé nach mbeidh an Coimisiún freagrach as bainistiú oibríochtúil na
gclár, beidh sé freagrach fós go ginearálta as a bhfeidhmiú agus is air a
bheidh an locht má tá aon chostais bhreise nó moill maidir leis an gclár ann.
Dá bhrí sin, tá sé ríthábhachtach go leanfaidh an Coimisiún go dlúth an cur
chun feidhme a dhéanfaidh an Ghníomhaireacht Spáis Eorpach (i gcás chríochnú
chéim an imlonnaithe) agus Gníomhaireacht Eorpach GNSS (i gcás chéim an tsaothraithe).
Ina theannta sin, tá ceanglais an‑dian maidir le tuairisciú curtha
isteach ag na Ballstáit agus ag Parlaimint na hEorpa trí bhíthin an togra le
haghaidh Rialachán maidir le GNSS atá faoi chomhchinnteoireacht faoi láthair.
Ar deireadh, áiritheoidh an Coimisiún go n‑ullmhófar, go gcuirfear
isteach agus go gcraobhscaoilfear na tuarascálacha sin chuig coiste GNSS agus,
go háirithe, chuig an údarás buiséadach; –
an caidreamh leis na geallsealbhóirí a bhainistiú
trí fhaisnéis nuashonraithe, dhearfach agus úsáideach a sholáthar dóibh maidir
le dul chun cinn chláir EGNOS agus Galileo, agus trí tuarascálacha tráthrialta
gairmiúla a ullmhú don phobal laistigh agus lasmuigh. [1] IO L 196, 24.07.2008,
Lch. 1. [2] IO L 276, 20.10.10,
Lch. 11. [3] COM(2011) 814 final [4] IO C …, lch . [5] IO C …, lch . [6] IO L 196, 24.7.2008, Lch. 1. [7] IO L 196, 24.7.2008,
Lch. 1. [8] JO L … an …...2013,
lch ...[Tabhair faoi deara, go dtí go nglacfar an Rialachán seo agus an
Rialachán lena gcuirtear ar bun an creat airgeadais ilbhliantúil a bheidh ann
amach anseo, ní fhéadfar a mheas gur críochnaitheach réimse chúraimí na
Gníomhaireachta Eorpaí GNSS ná na leithreasaí buiséadacha a leithdháiltear di
dá réir sin. [9] ABM: Bainistiú de réir gníomhaíochtaí – ABB: Bunú an bhuiséid ar bhonn gníomhaíochtaí. [10] Mar a thagraítear dó in
Airteagal 49(6)(a) nó (b) den Rialachán Airgeadais [11] COM(2011) 814 final [12] Is féidir mionsonraí ar na modhanna
bainistíochta agus tagairtí don Rialachán Airgeadais a fheiceáil ar shuíomh
gréasáin DG Budg: http://www.cc.cec/budg/man/budgmanag/budgmanag_fr.html [13] Mar a thagraítear dóibh in
Airteagal 185 den Rialachán Airgeadais [14] LD – Leithreasuithe difreáilte /
LN – Leithreasuithe neamhdhifreáilte [15] CSTE: Comhlachas Saorthrádála na hEorpa. [16] Tíortha is iarrthóirí agus, nuair is
iomchuí, tíortha ó na Balcáin Thiar a d'fhéadfadh a bheith ina n iarrthóirí . [17] "Buiséad le haghaidh na
Straitéise Eorpaí 2020", COM(2011)500 [18] PE489.561v02-00 [19] Tá sé de dhifearr idir an tsuim seo
agus an buiséad arna leithdháileadh ar an nGníomhaireacht don bhliain 2013
go n‑áirítear ann maoiniú 20 post breise in 2013 trí ath‑imlonnadh
na gclár GNSS. Cuirfidh an Coimisiún
togra faoi bhráid an Údaráis Bhúiséadaigh le linn 2013. [20] Cuirtear leis an tsuim sin
athíocaíocht iarmhéid an chuntais bhrabúis agus chaillteanais (0,709) agus
ranníocaíocht na dtríú tíortha (0,325). Dá bhrí sin is é iomlán na gcreidmheas le fáil don bhliain 2013 14,484. [21] Áirítear sa tsuim seo 1.75 chun 20
post breise a mhaoiniú in 2013. Sa
mheastachán tá 6 mhí de thuarastal don bhliain 2013 i ngeall ar an am is gá
chun daoine a earcú don 20 post nua. [22] Is í bliain N an bhliain a gcuirtear
tús le cur chun feidhme an togra/tionscnaimh. [23] Rinne an chuideachta chomhairleachta
Roland Berger an staidéar sin in 2011 i gcás EGNOS agus in 2012 i gcás Galileo. Tarraingíodh suas miondealú maidir leis na
cúraimí atá riachtanach chun na córais a shaothrú, lena n‑áirítear na
baill foirne is gá chun na cúraimí a dhéanamh. Cuireadh achoimre ar na cúraimí isteach sa tábla maidir leis na cúraimí
atá le déanamh. [24] Féach pointí 19 agus 24 den
Chomhaontú Idirinstitiúideach