Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le ríomhaitheantas agus seirbhísí iontaoibhe le haghaidh ríomh-idirbheart sa mhargadh inmheánach /* COM/2012/0238 final - 2012/0146 (COD) */
MEABHRÁN MÍNIÚCHÁIN 1. COMHTHÉACS AN TOGRA Mínítear creat dlí
molta sa mheabhrán seo atá deartha chun iontaoibh as ríomh‑idirbhearta a
fheabhsú sa mhargadh inmheánach. Tá forbairt eacnamaíoch
ag brath go mór ar iontaoibh a chothú as an timpeallacht ar líne. I ngeall ar
easpa iontaoibhe bíonn drogall ar thomhaltóirí, gnólachtaí agus riaracháin
idirbhearta a dhéanamh go leictreonach agus seirbhísí nua a úsáid. Sa Chlár Oibre Digiteach don Eoraip[1]
aithnítear na bacainní reatha roimh fhorbairt dhigiteach san Eoraip agus moltar
reachtaíocht maidir le ríomhshínithe (Príomhghníomhaíocht 3) agus aithint
fhrithpháirteach an ríomhaitheantais agus an ríomh‑fhíordheimhnithe
(Príomhghníomhaíocht 16), lena mbunaítear creat soiléir dlí chun deireadh a
chur le hilroinnt agus easpa idir‑inoibritheachta, saoránacht dhigiteach
a fheabhsú agus cibearchoireacht a chosc. Sa Ghníomh um an Margadh Aonair[2] chun an
ríomh‑mhargadh aonair a bhaint amach, is príomhghníomhaíocht í freisin
reachtaíocht le haithint fhrithpháirteach an ríomhaitheantais agus an ríomh‑fhíordheimhnithe
a áirithiú ar fud an AE agus athbhreithniú a dhéanamh ar an Treoir um
Ríomhshínithe. Sa Treochlár um Chobhsaíocht agus Fás[3], leagtar
béim ar an ról tábhachtach a bhéas ag an gcreat coiteann dlí amach anseo maidir
le ríomh‑aitheantas agus ríomh‑fhíordheimhniú a aithint agus a
glacadh go frithpháirteach thar theorainneacha le haghaidh fhorbairt an
gheilleagair dhigitigh. Tá sé mar aidhm ag an
gcreat dlí atá beartaithe, atá comhdhéanta de 'Rialachán ó Pharlaimint na
hEorpa agus ón gComhairle maidir le ríomhaitheantas agus seirbhísí iontaoibhe
le haghaidh ríomh‑idirbheart sa mhargadh inmheánach', ríomh‑idirbhearta
slána rianúla a chumasú idir gnólachtaí, saoránaigh agus údaráis phoiblí, rud a
mhéadóidh éifeachtacht na seirbhísí príobháideacha agus poiblí ar líne, an
ríomhghnó agus na ríomhthráchtála san AE. Go bunúsach, ní
chumhdaítear ach ríomhshínithe amháin i reachtaíocht an AE atá ann cheana féin,
eadhon Treoir 1999/93/CE maidir le 'creat Comhphobail le haghaidh ríomhshínithe'[4]. Níl aon
chreat cuimsitheach trasteorann agus trasearnála ann ón AE le haghaidh ríomh‑idirbheart
slán, iontaofa agus éasca le húsáid a chuimsíonn ríomh‑fhíordheimhniú ar
aitheantas agus ríomhshínithe. Is é an aidhm atá ann
an reachtaíocht atá ann cheana féin a fheabhsú agus a leathnú le go gcumhdófaí
scéimeanna ríomhaitheantais ar tugadh fógra ina leith agus seirbhísí
riachtanacha eile a bhaineann le ríomhsheirbhísí iontaoibhe a aithint agus
glacadh leo go frithpháirteach ar leibhéal an AE. 2. TORTHAÍ AN CHOMHAIRLIÚCHÁIN LE PÁIRTITHE
LEASMHARA AGUS NA MEASÚNUITHE TIONCHAIR Tá an tionscnamh seo
ann mar thoradh ar chomhairliúcháin fhorleathana le páirtithe leasmhara maidir
le hathbhreithniú ar an gcreat dlí reatha i ndáil le ríomhshínithe, comhairliúcháin
inar bhailigh an Coimisiún aiseolas ó Bhallstáit, ó Pharlaimint na hEorpa agus
ó pháirtithe leasmhara eile[5].
Chomh maith le comhairliúchán poiblí ar líne, eagraíodh 'Painéal Tástála FBM'
chun dearcadh agus riachtanais ar leith na FBManna a aithint agus eagraíodh
comhairliúcháin spriocdhírithe eile le páirtithe leasmhara[6],[7].
Sheol an Coimisiún roinnt staidéar freisin maidir le ríomhaitheantas, ríomh‑fhíordheimhniú
agus ríomhshínithe (eIAS) agus seirbhísí iontaoibhe gaolmhara eile. Bhí sé soiléir sna
comhairliúchán gur chomhaontaigh formhór mór na bpáirtithe leasmhara go raibh
gá le hathbhreithniú a dhéanamh ar an gcreat reatha chun na bearnaí a bhí
fágtha ag an Treoir maidir le ríomhshínithe a líonadh. Measadh go gcuirfeadh sé
seo freagairt níos fearr ar fáil do na dúshláin atá ann mar thoradh ar
fhorbairt thapa na dteicneolaíochtaí nua (go háirithe rochtain mhóibíleach agus
ar líne) agus ar mhéadú ar an domhandú, agus neodracht teicneolaíochta an
chreata dlí a choinneáil ag an am céanna. I gcomhréir lena
bheartas 'Rialáil Níos Fearr', rinne an Coimisiún measúnú tionchair ar na
roghanna beartais. Rinneadh measúnú ar thrí shraith de roghanna beartais: ag
plé le (1) raon feidhme an chreata nua, (2) an ionstraim dlí agus (3) an méid
maoirseachta a bheadh de dhíth[8]
faoi seach. Ba é an rogha beartais dá dtugtar tosaíocht i ndeireadh na dála
deimhneacht dhlíthiúil a fheabhsú, comhordú na maoirseachta náisiúnta a mhéadú,
a áirithiú go ndéanfaí scéimeanna ríomhaitheantais a aithint agus go nglacfaí
leo go frithpháirteach agus seirbhísí iontaoibhe riachtanacha gaolmhara a
chuimsiú. Bhí sé mar chonclúid sa mheasúnú tionchair go mbeadh feabhsuithe
suntasacha ar dheimhneacht dhlíthiúil, ar shlándáil agus ar iontaoibh i ndáil
le ríomh‑idirbhearta trasteorann dá ndéanfaí amhlaidh, agus nach mbeadh
an margadh chomh hilroinnte dá bharr. 3. EILIMINTÍ DLÍ AN TOGRA 3.1 Bunús dlí Tá an togra bunaithe ar Airteagal 114 den
CFAE, a bhaineann le rialacha a ghlacadh chun bacainní reatha roimh fheidhmiú
an mhargaidh inmheánaigh a bhaint. Beidh saoránaigh, gnólachtaí agus riaracháin
in ann leas a bhaint as ríomhaitheantas, ríomh‑fhíordheimhniú,
ríomhshínithe agus seirbhísí iontaoibhe eile a aithint agus glacadh leo go
frithpháirteach thar theorainneacha nuair atá gá leo chun nósanna imeachta
leictreonacha nó ríomh‑idirbhearta a rochtain agus a chur i gcrích. Measadh gurb é
Rialachán an ionstraim dlí is iomchuí. Mar gheall ar infheidhmeacht dhíreach
Rialacháin i gcomhréir le hAirteagal 288 den CFAE, laghdófar ilroinnt dlí
agus tiocfaidh feabhas ar dheimhneacht dhlíthiúil trí shraith comhchuibhithe
rialacha lárnacha a thabhairt isteach a rannchuideoidh le feidhmiú an mhargaidh
inmheánaigh. 3.2 Coimhdeacht agus comhréireacht Le go mbeidh údar le
gníomhaíocht ón AE, ní mór prionsabal na coimhdeachta a urramú: a) Gné
thrasnáisiúnta na faidhbe (tástáil riachtanais) Tá gníomhaíocht ón AE de dhíth i ngeall ar
ghné thrasnáisiúnta a bheith i gceist le eIAS. Ní
bheadh gníomhaíocht inmheánach (i.e. náisiúnta) amháin leordhóthanach chun na
cuspóirí a chomhlíonadh ná na spriocanna a leagtar síos sa Straitéis Eoraip
2020[9]
a bhaint amach. Ina choinne sin, léiríonn taithí
roimhe seo gur chruthaigh bearta náisiúnta bacainní de facto
roimh idir‑inoibritheacht ríomhshínithe, agus go bhfuil an tionchar céanna
á n‑imirt acu faoi láthair maidir le ríomhaitheantas, ríomh‑fhíordheimhniú
agus seirbhísí iontaoibhe gaolmhara. Is gá don
AE, dá bhrí sin, creat cumasúcháin a chruthú chun dul i ngleic le hidir‑inoibritheacht
trasteorann agus chun comhordú na scéimeanna maoirseachta náisiúnta a fheabhsú. Ní féidir dul i ngleic le ríomhaitheantas sa
Rialachán molta sa bhealach ginearálta céanna leis na ríomhsheirbhísí
iontaoibhe eile, áfach, mar gheall gur sainchumas náisiúnta é modhanna
aitheantais a eisiúint. Dá bhrí sin, dírítear go docht ar na gnéithe
trasteorann a bhaineann le ríomhaitheantas sa togra seo. Cruthóidh an Rialachán molta cothrom
iomaíochta do ghnólachtaí a sholáthraíonn seirbhísí iontaoibhe sna cásanna go
mbíonn neamhchinnteacht dlí agus ualach breise ann go minic de thoradh na
ndifríochtaí sa reachtaíocht náisiúnta faoi láthair. Méadóidh oibleagáidí
soiléire ar Bhallstáit maidir le glacadh le seirbhísí iontaoibhe cáilithe an
deimhneacht dhlíthiúil go suntasach, rud a thabharfaidh spreagadh breise do ghnólachtaí
dul thar lear. Mar shampla, beidh cuideachta in ann páirt a ghlacadh go
leictreonach i nglao poiblí ar thairiscintí arna sheoladh ag lucht riaracháin i
mBallstát eile gan bac a chur ar a ríomhshíniú mar thoradh ar cheanglais
náisiúnta ar leith ná ar fhadhbanna ó thaobh idir‑inoibritheachta de. Ar
an gcaoi chéanna, beidh deis ag cuideachta ríomhshíniú a chur le conarthaí le
contrapháirt atá bunaithe i mBallstát eile gan imní a bheith uirthi go mbeidh
ceanglais dhifriúla dlí ann i leith seirbhísí iontaoibhe amhail ríomhshéalaí,
ríomhdhoiciméid nó stampaí ama. Déanfar fógra mainneachtana a sheachadadh ó
Bhallstát amháin go ceann eile le cinnteacht ó thaobh a bhailíochta dlí de sa
dá Bhallstát. Ar deireadh, beidh níos mó iontaoibhe as tráchtáil ar líne nuair
a bheidh modhanna ag siopadóirí le fíorú go bhfuil siad dáiríre tar éis
rochtain a fháil ar shuíomh Gréasáin an díoltóra a theastaigh uathu seachas
suíomh Gréasáin a d'fhéadfadh a bheith bréagach. Déanfar éascú ar go leor seirbhísí a sholáthar
thar theorainneacha sa mhargadh inmheánach le modhanna ríomhaitheantais a
aithnítear go frithpháirteach agus le ríomhshínithe a nglactar leo go
forleathan agus cuirfidh siad ar chumas gnólachtaí dul thar theorainneacha gan
bhacainní a bheith rompu agus iad ag dul i mbun idirghníomhaíochtaí le húdaráis
phoiblí. Sa chleachtas, fágfaidh sé seo go mbeidh feabhsuithe suntasacha ann ó
thaobh éifeachtúlachta de le haghaidh gnólachtaí agus saoránaigh araon agus iad
ag cloí le foirmiúlachtaí riaracháin. Mar shampla, tabharfar deis do mhac léinn
clárú go leictreonach in ollscoil thar lear, beidh saoránach in ann dearbhú
cánach a sheoladh isteach ar líne i mBallstát eile nó beidh othar in ann
rochtain a fháil ar a chuid sonraí sláinte ar líne. Mura mbeidh modhanna ríomhaitheantais
den sórt sin a aithnítear go frithpháirteach, ní bheidh dochtúir in ann
rochtain a fháil ar shonraí liachta an othair atá de dhíth chun cóir leighis a
chur air agus beidh gá na tástálacha saotharlainne atá déanta ag an othar
cheana féin a dhéanamh arís. b) Breisluach
(tástáil éifeachtachta) Níl na cuspóirí a
léirítear thuas á mbaint amach faoi láthair trí chomhordú deonach i measc na
mBallstát, agus níl dóchúlacht réasúnta ann ach oiread go dtarlóidh sé sin
amach anseo. Mar thoradh ar an méid sin tá
dúbailt iarrachtaí, tá caighdeáin dhifriúla á socrú, tá gnéithe trasnáisiúnta
ar na hiarmhairtí a eascraíonn as TFC, agus tá córas riaracháin casta ann chun
comhordú den sórt sin a bhunú ina bhfuil comhaontuithe déthaobhacha agus
iltaobhacha. Lena chois sin, tá
comhordú thar Ballstáit an AE riachtanach chun fadhbanna a shárú ar nós (a)
easpa deimhneachta dlíthiúla de thoradh forálacha náisiúnta ilchineálacha a
eascraíonn as léamha éagsúla ar an Treoir maidir le ríomhshínithe agus (b)
easpa idir‑inoibritheachta na gcóras ríomhshínithe a bunaíodh ar an
leibhéal náisiúnta ós rud é nach gcuirtear caighdeáin theicniúla i bhfeidhm ar
an mbealach céanna. Tá sé níos éifeachtaí an comhordú seo a dhéanamh ar
leibhéal an AE. 3.3 Míniú mionsonraithe ar an togra 3.3.1 CAIBIDIL I – FORÁLACHA
GINEARÁLTA Tugtar sainmhíniú ar ábhar an Rialacháin in Airteagal 1. Tugtar sainmhíniú ar raon feidhme ábhartha an
Rialacháin in Airteagal 2. In Airteagal 3 tá sainmhínithe ar
théarmaí atá in úsáid sa Rialachán. Cé go dtugtar ar aghaidh sainmhínithe
áirithe ón Treoir 1999/93/CE, déantar soiléiriú ar chinn eile, cuirtear
gnéithe breise comhlántacha leo, nó tugtar isteach den chéad uair iad. In Airteagal 4, cinntítear prionsabail an
mhargaidh inmheánaigh i ndáil leis na críocha ina gcuirfear an Rialachán i
bhfeidhm. Luaitear go sainráite nach gcuirfear srianta ar bith ar shaoirse
seirbhísí a sholáthar ná ar shaorchúrsaíocht táirgí. 3.3.2 CAIBIDIL II –
RÍOMHAITHEANTAS Déantar foráil in Airteagal 5 maidir leis
na modhanna ríomhaitheantais a thagann faoi scéim a dtabharfar fógra don
Choimisiún ina leith a aithint agus glacadh leo go frithpháirteach faoi na
coinníollacha a leagtar síos sa Rialachán. Tá córas ríomhaitheantais de chineál
éigean tugtha isteach ag formhór na mBallstát san AE. Tá go leor difríochtaí
eatarthu áfach. Cruthaítear bacainní ós rud é nach bhfuil comhbhonn dlíthiúil
ann a cheanglaíonn ar gach Ballstát modhanna ríomhaitheantais a eisíodh i
mBallstáit eile a aithint agus glacadh leo chun rochtain a fháil ar sheirbhísí ar
líne, chomh maith le hidir‑inoibritheacht trasteorann neamhleor ar
ríomhaitheantas náisiúnta, bacainní a chuireann cosc ar shaoránaigh agus ar
ghnólachtaí leas iomlán a bhaint as an margadh digiteach aonair. Bainfear na
bacainní dlíthiúla seo dá ndéanfaí aon mhodh ríomhaitheantas a thagann faoi
scéim a dtabharfar fógra ina leith faoin Rialachán seo a aithint agus dá
nglacfaí leis go frithpháirteach. Ní chuirfidh an Rialachán de cheangal ar
Bhallstáit scéimeanna ríomhaitheantais a thabhairt isteach ná fógra a thabhairt
ina leith, ach go ndéanfaí ríomhaitheantais ar tugadh fógra ina leith a aithint
agus glacadh leo le haghaidh na seirbhísí ar líne sin lena bhfuil
ríomhaitheantas de dhíth chun rochtain a fháil orthu ar an leibhéal náisiúnta.
D'fhéadfadh sé go spreagfadh an méadú féideartha sna barainneachtaí scála a
chruthaítear trí úsáid thrasteorann na modhanna ríomhaitheantais a dtugtar
fógra ina leith agus na gcóras fíordheimhnithe Ballstáit chun fógra a thabhairt
i leith a scéimeanna ríomhaitheantais. In Airteagal 6, leagtar amach na
cúig choinníoll maidir le fógra a thabhairt i leith scéimeanna
ríomhaitheantais: Féadann Ballstáit fógra a thabhairt maidir
leis na scéimeanna ríomhaitheantais a nglacann siad leo faoina dlínse sna
cásanna go bhfuil ríomhaitheantas ag teastáil le haghaidh seirbhísí poiblí. Tá
ceanglas breise ann nach mór don Bhallstát atá ag tabhairt fógra i leith scéime
na modhanna ríomhaitheantais faoi seach a eisiúint, nó go n‑eiseofaí ar a
shon iad nó faoina fhreagracht, ar a laghad. Ní mór do na Ballstáit nasc gan débhrí a
áirithiú idir na sonraí ríomhaitheantais agus an duine lena mbaineann. Ní
fhágann an oibleagáid seo nach féidir le duine níos mó ná modh ríomhaitheantais
amháin a bheidh aige, ach ní mór go mbeadh nasc acu ar fad leis an duine
céanna. Bíonn iontaofacht ríomhaitheantais ag brath ar
mhodhanna fíordheimhnithe a bheith ar fáil (i.e. an fhéidearthacht bailíocht na
sonraí ríomhaitheantais a sheiceáil). Ceanglaítear ar na Ballstáit atá ag
tabhairt fógra fíordheimhniú ar líne saor in aisce a sholáthar i ndáil le tríú
páirtithe sa Rialachán seo. Ní mór go mbeadh an fhéidearthacht fíordheimhnithe
ar fáil ar bhonn leanúnach. Ní féidir sonraíochtaí teicniúla ar leith, amhail
crua‑earraí nó bogearraí, a bhrú ar na páirtithe a bheadh ag úsáid an
fhíordheimhnithe seo. Ní bhaineann an fhoráil seo le haon cheanglas i ndáil le
húsáideoirí (sealbhóirí) an ríomhaitheantais atá riachtanach ó thaobh na
teicneolaíochta de chun na modhanna ríomhaitheantais a úsáid, ar nós léitheoirí
cártaí. Ní mór do na Ballstáit freagracht a ghlacadh
nach bhfuil débhríocht i gceist leis an nasc (i.e. nach bhfuil na sonraí
aitheantais a luaitear leis an duine sin nasctha le haon duine eile) agus
freagracht a ghlacadh as an bhféidearthacht fiordheimhnithe (i.e. an fhéidearthacht
bailíocht na sonraí ríomhaitheantas a sheiceáil). Ní thagann gnéithe eile den
phróiseas aitheantais ná aon idirbheart lena bhfuil aitheantas de dhíth ina
leith faoi fhreagracht na mBallstát. Tá rialacha in Airteagal 7 maidir le
fógra a thabhairt don Choimisiún i leith scéimeanna ríomhaitheantais. Tá sé mar aidhm le hAirteagal 8 idir‑inoibritheacht
theicniúil na scéimeanna aitheantais ar tugadh fógra ina leith a áirithiú le
cur chuige comhordaithe, lena n‑áirítear gníomhartha tarmligthe. 3.3.3 CAIBIDIL III – SEIRBHÍSÍ
IONTAOIBHE 3.3.3.1 Roinn 1 – Forálacha ginearálta In Airteagal 9 leagtar amach na
prionsabail a bhaineann le dliteanas soláthraithe seirbhísí iontaoibhe
neamhcháilithe agus cáilithe araon. Tógtar ar Airteagal 6 den Treoir 1999/93/CE
ann agus sínítear an teidlíocht go cúiteamh le go gcumhdófar damáiste arna
chruthú ag aon soláthraí seirbhísí iontaoibhe faillíoch as teip maidir le dea‑chleachtas
slándála a chomhlíonadh, teip a mbíonn sárú slándála ann dá bharr a imríonn
tionchar suntasach ar an tseirbhís. Déantar cur síos in Airteagal 10 ar an
meicníocht maidir le seirbhísí iontaoibhe cáilithe, á gcur ar fáil ag soláthraí
atá bunaithe i dtríú tír, a aithint agus glacadh leo. Tógtar ar Airteagal 7
den Treoir 1999/93/CE ann ach ní choinnítear ach an t‑aon rogha
amháin a bhí indéanta go praiticiúil, sé sin aithint den sórt sin a cheadú faoi
chomhaontú idirnáisiúnta idir an tAontas Eorpach agus tríú tíortha nó
eagraíochtaí idirnáisiúnta. Leagtar amach na prionsabail maidir le cosaint
agus íoslaghdú sonraí in Airteagal 11. Tógtar ar Airteagal 8 den Treoir 1999/93/CE
ann. Fágtar go mbeidh rochtain ag daoine faoi
mhíchumas ar sheirbhísí iontaoibhe in Airteagal 12. 3.3.3.2 Roinn 2 – Maoirseacht In Airteagal 13, ceanglaítear ar
Bhallstáit comhlachtaí maoirseachta a bhunú, bunaithe ar Airteagal 3(3)
den Treoir 1999/93/CE, agus déantar soiléiriú agus leathnú ar an gcúram
atá orthu i ndáil le soláthraithe seirbhísí iontaoibhe agus soláthraithe
seirbhísí iontaoibhe cáilithe araon. In Airteagal 14, tugtar isteach
meicníocht shainráite cúnaimh fhrithpháirtigh idir comhlachtaí maoirseachta sna
Ballstáit chun maoirseacht trasteorann na soláthraithe seirbhísí iontaoibhe a
éascú. Tugtar isteach rialacha maidir le comh‑oibríochtaí agus ceart na n‑údarás
maoirseachta a bheith rannpháirteach in oibríochtaí den sórt sin. Tugtar oibleagáid isteach in Airteagal 15
do sholáthraithe seirbhísí iontaoibhe cáilithe agus neamhcháilithe araon chun
bearta oiriúnacha teicniúla agus eagraíochtúla a chur chun feidhme ar mhaithe
le slándáil a ngníomhaíochtaí. Lena chois sin, ní mór na comhlachtaí
maoirseachta inniúla agus údaráis ábhartha eile a chur ar an eolas maidir le
haon sárú slándála. Más iomchuí, cuirfidh siadsan comhlachtaí maoirseachta na
mBallstát eile ar an eolas faoi ina dhiaidh sin agus cuirfidh siad an pobal i
gcoitinne ar an eolas freisin, go díreach nó tríd an soláthraí seirbhísí
iontaoibhe lena mbaineann. Leagtar amach na coinníollacha maidir le
maoirseacht a dhéanamh ar sholáthraithe seirbhísí iontaoibhe cáilithe agus ar
na seirbhísí iontaoibhe cáilithe a sholáthraíonn siad in Airteagal 16.
Leagtar síos dualgas ann go ndéanfadh comhlacht aitheanta neamhspleách
iniúchadh ar na soláthraithe seirbhísí iontaoibhe cáilithe ar bhonn bliantúil
le dearbhú a thabhairt don chomhlacht maoirseachta go bhfuil na hoibleagáidí a
leagtar síos sa Rialachán á gcomhlíonadh acu. Ina theannta sin, tugtar ceart
don chomhlacht maoirseachta iniúchtaí ar an láthair a dhéanamh ar na
soláthraithe seirbhísí iontaoibhe tráth ar bith in Airteagal 16(2). Tugtar
de chumhacht freisin don chomhlacht maoirseachta treoracha ceangailteacha a
eisiúint do na soláthraithe seirbhísí iontaoibhe cáilithe aon teip i ndáil le
hoibleagáid a chomhlíonadh, a thagann chun solais de thoradh iniúchta slándála,
a réiteach ar bhealach comhréireach. Baineann Airteagal 17 leis an
ngníomhaíocht a dhéanfaidh comhlacht maoirseachta ar iarratas ó sholáthraí
seirbhísí iontaoibhe ar mian leis seirbhís iontaoibhe cáilithe a thionscnamh. Déantar foráil in Airteagal 18 maidir le
liostaí iontaofa[10]
a bhunú ina mbeidh faisnéis maidir le soláthraithe seirbhísí iontaoibhe
cáilithe atá faoi réir maoirseachta agus faoi na seirbhísí cáilithe a chuireann
siad ar fáil. Ní mór an fhaisnéis seo a chur ar fáil go poiblí ag baint úsáide
as teimpléad coiteann ar mhaithe le húsáid uathoibrithe na faisnéise a éascú
agus leibhéal oiriúnach sonraí a áirithiú. Leagtar amach na ceanglais nach mór do na
soláthraithe seirbhísí iontaoibhe cáilithe a chomhlíonadh le go dtabharfar an t‑aitheantas
sin dóibh in Airteagal 19. Tarraingítear ar Iarscríbhinn II den Treoir 1999/93/CE
ann. 3.3.3.3 Roinn 3 – Ríomhshíniú Cumhdaítear rialacha a bhaineann le héifeacht
dhlíthiúil ríomhshínithe daoine nádúrtha in Airteagal 20. Déantar
soiléiriú agus fairsingiú ann ar Airteagal 5 den Treoir 1999/93/CE
lena dtugtar isteach oibleagáid shainráite chun an éifeacht dhlíthiúil chéanna
atá ag sínithe lámhscríofa a bhronnadh ar ríomhshínithe cáilithe. Ina theannta
sin, ní mór do Bhallstáit glacadh trasteorann na ríomhshínithe cáilithe a
áirithiú, i gcomhthéacs soláthair seirbhísí poiblí, agus ní fhéadfaidh siad aon
cheanglas breise a thabhairt isteach a d'fhéadfadh bacainní roimh úsáid na
sínithe sin a bheith ann dá bharr. Leagtar amach na ceanglais le haghaidh
deimhnithe um shínithe cáilithe in Airteagal 21. Déantar soiléiriú ann ar Iarscríbhinn I
den Treoir 1999/93/CE agus baintear amach forálacha nach bhfuil ag obair
sa chleachtas (m.sh. srianta maidir le luach an idirbhirt). Leagtar amach na ceanglais le haghaidh
gléasanna um chruthú ríomhshínithe cáilithe in Airteagal 22. Déantar
soiléiriú ann ar na ceanglais maidir le gléasanna slána um chruthú sínithe a
leagtar síos in Airteagal 3(5) den Treoir 1999/93/CE, nach mór
glacadh leo anois mar ghléasanna um chruthú sínithe cáilithe faoin Rialachán
seo. Léirítear go soiléir ann freisin go bhféadfadh raon feidhme ghléas um
chruthú sínithe a bheith i bhfad níos leithne ná rud ina bhfuil sonraí um
chruthú sínithe amháin. Féadfaidh an Coimisiún liosta d'uimhreacha tagartha na
gcaighdeán um cheanglais shlándála ar ghléasanna a bhunú freisin. Ag tógáil ar Airteagal 3(4) den Treoir 1999/93/CE,
tugtar isteach coincheap dheimhniúchán na ngléasanna ríomhshínithe cáilithe in Airteagal 23
le fáil amach an bhfuil siad ag cloí leis na ceanglais shlándála a leagtar síos
in Iarscríbhinn II nó nach bhfuil. Ní mór do gach Ballstáit a aithint go
bhfuil na gléasanna seo ag comhlíonadh na gceanglas sa chás gurb é comhlacht
deimhniúcháin atá ainmnithe ag Ballstát a thugann faoin nós imeachta
deimhniúcháin. Foilseoidh an Coimisiún liosta dearfach de na gléasanna
deimhnithe sin i gcomhréir le hAirteagal 24. Féadfaidh an Coimisiún liosta
a bhunú freisin d'uimhreacha tagartha na gcaighdeán um mheasúnú slándála ar
tháirgí theicneolaíocht na faisnéis dá dtagraítear in Airteagal 23(1). Baineann Airteagal 24 le liosta de
ghléasanna um chruthú ríomhshínithe cáilithe a fhoilseoidh an Coimisiún tar éis
fógra um chomhlíonadh a fháil ó na Ballstáit. In Airteagal 25, tógtar ar na moltaí in Iarscríbhinn IV
de Treoir 1999/93/CE chun ceanglais cheangailteacha a leagan síos maidir
le bailíochtú ar ríomhshínithe cáilithe agus é mar aidhm leis deimhneacht
dhlíthiúil an bhailíochtaithe sin a mhéadú. Leagtar amach na coinníollacha a bhaineann le
seirbhísí bailíochtaithe cáilithe in Airteagal 26. Leagtar amach na coinníollacha maidir le
caomhnú fadtéarmach na ríomhshínithe cáilithe in Airteagal 27. Is féidir
an méid seo a dhéanamh trí úsáid a bhaint as nósanna imeachta agus as
teicneolaíochtaí ar féidir leo iontaofacht na sonraí bailíochtaithe
ríomhshínithe cáilithe a shíneadh amach tar éis an tréimhse lena mbaineann
bailíocht theicniúil leo i gcás ina bhféadfadh sé go mbeidh sé éasca do
chibearchoirpigh iad a bhrionnú. 3.3.3.4 Roinn 4 – Ríomhshéalaí Baineann Airteagal 28 le héifeacht
dhlíthiúil ríomhshéalaí daoine dlítheanacha. Bronntar toimhde dhlíthiúil ar
leith ar ríomhshéala cáilithe a thugann ráthaíocht maidir le foinse agus sláine
na ríomhdhoiciméad lena bhfuil sé nasctha. Leagtar amach na ceanglais do dheimhnithe
cáilithe le haghaidh ríomhshéalaí in Airteagal 29. Leagtar amach na ceanglais le haghaidh liosta
de ghléasanna um chruthú ríomhshéalaí cáilithe in Airteagal 30, agus
ceanglais maidir leis an liosta sin a dheimhniú agus a fhoilsiú. Leagtar amach na coinníollacha maidir le
bailíochtú agus caomhnú ríomhshéalaí cáilithe in Airteagal 31. 3.3.3.5 Roinn 5 – Ríomhstampa ama Baineann Airteagal 32 le héifeacht
dhlíthiúil ríomhstampaí ama. Bronntar toimhde dhlíthiúil ar leith ar
ríomhstampaí ama cáilithe maidir le cinnteacht an ama. Leagtar amach na ceanglais le haghaidh
ríomhstampaí ama cáilithe in Airteagal 33. 3.3.3.6 Roinn 6 – Ríomhdhoiciméid Baineann Airteagal 34 le héifeachtaí
dlíthiúla agus leis na coinníollacha um ghlacadh le ríomhdhoiciméid. Tá toimhde
dhlíthiúil ar leith ann maidir le barántúlacht agus sláine aon ríomhdhoiciméad
a shínítear le ríomhshíniú cáilithe nó a bhfuil ríomhshéala cáilithe air.
Maidir leis na ríomhdhoiciméid a ghlacfar leo, glacfar ar a laghad le
ríomhdhoiciméid arna n‑eisiúint ag na daoine atá inniúil chun na
doiciméid ábhartha a eisiúint agus a mheastar a bheith ina dhoiciméid bhunaidh
nó ina gcóipeanna deimhnithe i gcomhréir leis an dlí náisiúnta sa Bhallstát
tionscnaimh nuair a bheidh doiciméad bunaidh nó cóip dheimhnithe de dhíth ar
mhaithe le seirbhís phoiblí a sholáthar, glacfar leo i mBallstáit eile gan aon
cheanglas breise a bheith ann. 3.3.3.7 Roinn 7 – Ríomhsheirbhísí
seachadta Baineann Airteagal 35 le éifeacht
dhlíthiúil na sonraí a sheoltar nó a fhaightear ag baint úsáide as ríomhsheirbhís
seachadta. Ráthaítear toimhde dhlíthiúil ar leith a bhaineann le sláine na
sonraí a sheoltar nó a fhaightear agus cruinneas an ama a seoladh nó a fuarthas
na sonraí le haghaidh ríomhsheirbhísí seachadta cáilithe. Déantar aithint
fhrithpháirteach na ríomsheirbhísí seachadta cáilithe a áirithiú ar leibhéal an
AE freisin. Leagtar amach na ceanglais le haghaidh
ríomhsheirbhísí seachadta cáilithe in Airteagal 36. 3.3.3.8 Roinn 8 – Fíordheimhniú
suíomhanna gréasáin Tá sé mar aidhm leis an roinn seo ráthaíocht
maidir le barántúlacht shuíomh Gréasáin a áirithiú, i ndáil le húinéir an
tsuímh. In Airteagal 37, leagtar amach na ceanglais le
haghaidh deimhnithe cáilithe um fhíordheimhniú suíomhanna Gréasáin, deimhnithe
is féidir a úsáid chun barántúlacht suímh Gréasáin a ráthú. Tabharfaidh
deimhniú cáilithe um fhíordheimhniú suíomhanna Gréasáin íosmhéid faisnéise
iontaofa maidir leis an suíomh Gréasáin agus maidir le húinéir dlíthiúil a
bheith aige. 3.3.4 CAIBIDIL IV – GNÍOMHARTHA
TARMLIGTHE Tá forálacha caighdeánacha in Airteagal 38
maidir le tarmligean a fheidhmiú i gcomhréir le hAirteagal 290 CFAE
(gníomhartha tarmligthe). Cuireann sé seo ar chumas an reachtóra cumhacht a
tharmligean chuig an gCoimisiún chun gníomhartha neamhreachtacha a ghlacadh a
bhfuil feidhm ghinearálta leo a fhorlíonann nó a leasaíonn gnéithe
neamhriachtanacha áirithe de ghníomh reachtach. 3.3.5 CAIBIDIL IV – GNÍOMHARTHA
CUR CHUN FEIDHME Tá an fhoráil in Airteagal 39 a
chumhdaíonn an nós imeachta Coiste is gá chun cumhachtaí cur chun feidhme a
thabhairt don Choimisiún nuair atá gá le coinníollacha comhionanna chun
gníomhartha Aontais a chur chun feidhme i gcomhréir le hAirteagal 291
CFAE. Tá feidhm leis an nós imeachta scrúdúcháin. 3.3.6 CAIBIDIL VI – FORÁLACHA
CRÍOCHNAITHEACHA Ceanglaítear ar an gCoimisiún meastóireacht a
dhéanamh ar an Rialachán agus a chuid torthaí a thuairisciú in Airteagal 40. Déantar aisghairm ar Threoir 1999/93/CE
in Airteagal 41 agus déantar foráil maidir le aistriú rianúil a dhéanamh
ar an mbonneagar ríomhshínithe atá ann cheana chuig ceanglais nua an
Rialacháin. Leagtar amach dáta theacht i bhfeidhm an
Rialacháin in Airteagal 42. 4. IMPLEACHTAÍ BUISÉADACHA Baineann impleachtaí buiséadacha sonracha an
togra leis na cúraimí a leithdháiltear ar an gCoimisiún Eorpach de réir mar atá
sonraithe sna ráitis airgeadais reachtacha a ghabhann leis an togra seo. Ní ghabhann aon impleachtaí maidir le
caiteachas oibríochtúil leis an togra seo. Cumhdaíonn an ráiteas airgeadais reachtach a
ghabhann leis an togra seo na tionchair bhuiséadacha a bheidh ag an Rialachán
féin. 2012/0146 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir le ríomhaitheantas agus seirbhísí
iontaoibhe le haghaidh ríomh‑idirbheart sa mhargadh inmheánach (Téacs atá ábhartha maidir leis an LEE) TÁ PARLAIMINT NA hEORPA AGUS
COMHAIRLE AN AONTAIS EORPAIGH, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 114 de, Ag féachaint don togra ón gCoimisiún Eorpach, Tar éis dóibh an dréachtghníomh reachtach a
chur chuig na Parlaimintí náisiúnta, Ag féachaint don tuairim ó Choiste Eacnamaíoch
agus Sóisialta na hEorpa[11], Tar éis dul i gcomhairle leis an Maoirseoir
Eorpach ar Chosaint Sonraí[12], Ag gníomhú dóibh i gcomhréir leis an
ngnáthnós imeachta reachtach, De bharr an méid seo a leanas: (1) Tá forbairt eacnamaíoch ag
brath go mór ar iontaoibh a chothú sa timpeallacht ar líne. I ngeall ar easpa
iontaoibhe bíonn drogall ar thomhaltóirí, gnóthais agus riaracháin idirbhearta
a dhéanamh go leictreonach agus seirbhísí nua a úsáid. (2) Tá sé d'aidhm ag an Rialachán
seo iontaoibh as ríomh‑idirbhearta a fheabhsú sa mhargadh inmheánach trí
ríomh‑idirghníomhaíochtaí slána gan uaim a chumasú idir gnólachtaí,
saoránaigh agus údaráis phoiblí, agus ar an dóigh sin méadú ar a éifeachtaí is
atá seirbhísí poiblí agus príobháideacha ar líne, an ríomhghnó agus an
ríomhthráchtáil san Aontas. (3) Cumhdaíodh an chuid is mó dá
mbaineann le ríomhshínithe le Treoir 1999/93/CE ó Pharlaimint na hEorpa
agus ón gComhairle an 13 Nollaig 1999 maidir le creat Comhphobail le
haghaidh ríomhshínithe[13]
ach níor leagadh síos creat cuimsitheach trasteorann agus trasearnála le
haghaidh ríomh‑idirbhearta slána, iontaofa agus éasca le húsáid. Déantar
feabhsú agus leathnú ar acquis na Treorach leis an Rialachán seo. (4) In 'Clár Oibre Digiteach don
Eoraip', d'aithin an Coimisiún ilroinnt an mhargadh dhigitigh, easpa idir‑inoibritheachta
agus méadú ar an gcibearchoireacht bheith ina mórbhacainní roimh fháinne óir na
heacnamaíochta digití[14].
Ina Thuarascáil ar Shaoránacht 2010, leag an Coimisiún béim bhreise ar an ngá
atá leis na príomhfhadhbanna a réiteach a chuireann bac ar shaoránaigh na
hEorpa leas a bhaint as margadh aonair digiteach agus seirbhísí trasteorann
digiteacha[15]. (5) D'iarr an Chomhairle Eorpach
ar an gCoimisiún margadh aonair digiteach a chruthú faoi 2015[16] chun dul
chun cinn tapa a dhéanamh sna príomhréimsí den gheilleagar digiteach agus chun
margadh aonair digiteach[17]
lánchomhtháite a chur chun cinn trí úsáid thrasteorann seirbhísí ar líne a éascú,
le béim ar leith ar ríomhaitheantas agus ríomh‑fhíordheimhniú slán a
éascú. (6) D'iarr an Chomhairle ar an
gCoimisiún an margadh aonair digiteach a láidriú trí dhálaí iomchuí a chruthú i
gcomhair aitheantais fhrithpháirtigh trasteorann do na príomhéascaitheoirí,
amhail ríomhaitheantas, ríomhdhoiciméid, ríomhshínithe agus ríomhsheirbhísí
seachadta agus i gcomhair ríomhsheirbhísí rialtais idir‑inoibritheacha ar
fud an Aontais Eorpaigh[18]. (7) Leag Parlaimint na hEorpa
béim ar chomh tábhachtach agus atá slándáil na ríomhsheirbhísí, go háirithe
ríomhshínithe, agus ar an ngá atá le bonneagar eochrach poiblí a chruthú ar
leibhéal uile‑Eorpach, agus d'iarr sí ar an gCoimisiún tairseach a bhunú
do na húdaráis bhailíochtaithe Eorpacha le hidir‑inoibritheacht trasteorann
ríomhshínithe a áirithiú agus le slándáil idirbheart a dhéantar ar an idirlíon
a mhéadú[19]. (8) I dTreoir 2006/123/CE ó
Pharlaimint na hEorpa agus ón gComhairle an 12 Nollaig 2006 maidir le
seirbhísí sa mhargadh inmheánach[20]
iarrtar ar na Ballstáit 'ionaid ilfhreastail' a bhunú lena áirithiú gur féidir
gach nós imeachta agus foirmiúlacht a bhaineann le rochtain ar ghníomhaíocht
seirbhíse agus ar fheidhmiú na gníomhaíochta seirbhíse sin a chur i gcrích go
héasca, go cianda agus go leictreonach, tríd an ionad ilfhreastail oiriúnach
agus leis na húdaráis oiriúnacha. Bíonn ríomhaitheantas, ríomh‑fhíordheimhniú
agus ríomhshínithe de dhíth i gcás go leor de na seirbhísí ar líne ar féidir
rochtain a fháil orthu trí ionaid ilfhreastail. (9) I bhformhór na gcásanna ní
féidir le soláthraithe seirbhísí ó Bhallstát eile a ríomhaitheantas a úsáid
chun rochtain a fháil ar na seirbhísí sin mar gheall nach n‑aithnítear
agus nach nglactar i mBallstáit eile leis na scéimeanna ríomhaitheantais
náisiúnta na tíre ina bhfuil siad. Fágann an bhacainn leictreonach sin nach
féidir le soláthraithe seirbhísí leas iomlán a bhaint as an margadh inmheánach.
Déanfar éascú ar go leor seirbhísí a sholáthar thar teorainneacha sa mhargadh
inmheánach le modhanna ríomhaitheantais a aithnítear agus a nglactar leo go
frithpháirteach agus cuirfidh siad ar chumas gnólachtaí dul thar teorainneacha
gan bhacainní a bheith rompu agus iad ag dul i mbun idirghníomhaíochta le
húdaráis phoiblí. (10) Bunaíodh líonra d'údaráis
náisiúnta atá freagrach as ríomhsheirbhísí sláinte le Treoir 2011/24/AE ó
Pharlaimint na hEorpa agus ón gComhairle an 9 Márta 2011 maidir le
cearta othar a chur chun feidhme i gcúram sláinte trasteorann[21]. Chun sábháilteacht agus leanúnachas an chúraim shláinte trasteorann a
fheabhsú, ceanglaítear ar an líonra sin treoirlínte a ullmhú maidir le rochtain
thrasteorann ar sonraí sláinte leictreonacha agus ar ríomhsheirbhísí, trí
bhíthin, inter alia, 'bearta coitinn aitheantais agus fíordheimhnithe chun
inaistritheacht sonraí a éascú sa chúram sláinte trasteorann' a chur chun
cinn. Tá sé ríthábhachtach ó thaobh cúram sláinte trasteorann a bhaint amach do
shaoránaigh Eorpacha de ríomhaitheantas agus ríomh‑fhíordheimhniú a
aithint agus glacadh leo go frithpháirteach. Má bhíonn daoine ag taisteal chun
cóir leighis a fháil, ní mór go mbeadh rochtain ar a gcuid sonraí leighis sa
tír ina bhfuil cóir leighis á gcur orthu. Tá creat ríomhaitheantais láidir,
sábháilte, iontaofa de dhíth chuige seo. (11) Is é ceann de chuspóirí an
Rialacháin seo deireadh a chur leis na bacainní atá ann i láthair na huaire
roimh úsáid thrasteorann na modhanna ríomhaitheantais a úsáidtear sna Ballstáit
chun rochtain a fháil ar sheirbhísí poiblí ar a laghad. Níl sé d'aidhm ag an
Rialachán seo idirghabháil a dhéanamh maidir le córais bhainistíochta
ríomhaitheantas agus bonneagar gaolmhar atá bunaithe sna Ballstáit. Is é aidhm
an Rialacháin seo féachaint chuige go mbeidh ríomhaitheantas agus ríomh‑fhíordheimhniú
slán ann nuair atáthar ag fáil rochtana ar sheirbhísí trasteorann ar líne atá á
gcur ar fáil ag na Ballstáit. (12) Ba cheart go leanfadh sé de
bheith de shaoirse ag na Ballstáit, chun críocha ríomhaitheantais, modhanna
rochtana ar sheirbhísí ar líne a úsáid nó a thabhairt isteach. Ba cheart go
mbeidís in ann cinneadh a dhéanamh freisin maidir le baint a bheith ag an
earnáil phríobháideach leis na modhanna sin a sholáthar nó gan baint a bheith
acu leis. Níor cheart oibleagáid a chur ar na Ballstáit fógra a thabhairt i
leith na scéimeanna ríomhaitheantais atá acu. Is faoi na Ballstáit atá sé rogha
a dhéanamh fógra a thabhairt maidir le gach scéim ríomhaitheantais a úsáidtear
ar an leibhéal náisiúnta le rochtain a fháil ar sheirbhísí poiblí ar líne ar a
laghad nó ar sheirbhísí ar leith, fógra a thabhairt maidir le roinnt acu nó gan
fógra a thabhairt i leith aon cheann acu. (13) Is gá coinníollacha áirithe a
leagan síos sa Rialachán i ndáil leis na modhanna ríomhaitheantais sin nach mór
glacadh leo agus conas is ceart fógra a thabhairt i leith na scéimeanna. Ba
cheart go gcabhródh siad sin leis na Ballstáit an iontaoibh is gá as scéimeanna
ríomhaitheantais a chéile a chothú agus na modhanna ríomhaitheantais a thagann
faoina gcuid scéimeanna ar tugadh fógra ina leith a aithint agus glacadh go
frithpháirteach. Ba cheart feidhm bheith leis an bprionsabal maidir le haithint
agus glacadh frithpháirteach má chomhlíonann an Ballstát atá ag tabhairt an
fhógra na coinníollacha maidir le fógra a thabhairt agus má foilsíodh an fógra
in Iris Oifigiúil an Aontais Eorpaigh. Mar sin féin, ba cheart
dlúthbhaint a bheith ag rochtain ar na seirbhísí ar líne sin agus seachadadh
deiridh na seirbhísí chuig an iarrthóir leis an gceart seirbhísí den sórt sin a
fháil faoi na coinníollacha a leagtar amach sa reachtaíocht náisiúnta. (14) Ba cheart go mbeadh Ballstáit
in ann cinneadh a dhéanamh maidir le baint a bheith ag an earnáil
phríobháideach le modhanna ríomhaitheantais a eisiúint agus cead a thabhairt
don earnáil phríobháideach modhanna ríomhaitheantais a úsáid faoi scéim ar
tugadh fógra ina leith chun críocha aitheantais nuair atá gá leis sin le
haghaidh seirbhísí ar líne nó ríomh‑idirbhearta. Dá bhféadfaí modhanna
ríomhaitheantais den sórt sin a úsáid, bheadh an earnáil phríobháideach in ann
dul i muinín an ríomhaitheantais agus an ríomh‑fhíordheimhnithe a
úsáidtear cheana féin go forleathan in go leor Ballstát le haghaidh seirbhísí
poiblí ar a laghad agus b'fhusa do ghnólachtaí agus do shaoránaigh rochtain a
fháil ar a gcuid seirbhísí ar líne thar theorainneacha. D'fhonn úsáid modhanna
ríomhaitheantais den sórt sin thar theorainneacha a éascú san earnáil
phríobháideach, ba cheart an fhéidearthacht fíordheimhnithe a chuireann na
Ballstáit ar fáil bheith ar fáil do na páirtithe is úsáideoirí gan idirdhealú a
dhéanamh idir an earnáil phríobháideach agus an earnáil phoiblí. (15) Chun úsáid thrasteorann a
bhaint as modhanna ríomhaitheantais faoi scéim ar tugadh fógra ina leith,
caithfidh na Ballstáit comhoibriú maidir le hidir‑inoibritheacht
theicniúil a sholáthar. Fágann sé sin nach féidir aon rialacha teicniúla
náisiúnta ar leith a bheith ann a cheanglaíonn ar na páirtithe neamh‑náisiúnta,
mar shampla, crua‑earraí nó bogearraí ar leith a fháil chun an
ríomhaitheantas ar tugadh fógra ina leith a fhíorú agus a bhailíochtú. Tá sé
dosheachanta, áfach, ceanglais theicniúla a bheith ar úsáideoirí, toisc go
mbíonn ceanglais ag baint le sainsonraíochtaí cibé ceadchomhartha (e.g. cárta
cliste) atáthar ag úsáid. (16) Ba cheart do na Ballstáit dul
i mbun comhoibrithe le hidir‑inoibritheacht theicniúil a bhaint amach do
na scéimeanna ríomhaitheantais ar tugadh fógra ina leith, ar mhaithe le
leibhéal ard iontaoibhe agus slándála a chothú a oireann don leibhéal riosca.
Malartú faisnéise agus comhroinnt dea‑chleachtas idir na Ballstáit
féachaint na scéimeanna sin a aithint go frithpháirteach, ba cheart go n‑éascódh
sé comhoibriú den sórt sin. (17) Ba cheart creat ginearálta dlí
a bhunú leis an Rialachán seo freisin maidir le húsáid a bhaint as
ríomhsheirbhísí iontaoibhe. Níor cheart oibleagáid ghinearálta a bhunú iad a úsáid,
áfach. Go háirithe, níor cheart soláthar seirbhísí atá bunaithe ar
chomhaontuithe deonacha faoin dlí príobháideach a chumhdach. Níor cheart
gnéithe a bhaineann le conarthaí a thabhairt i gcrích ná bailíocht na
gconarthaí sin, ná oibleagáidí dlíthiúla eile a chumhdach ach oiread i gcás ina
bhfuil ceanglais foirme forordaithe sa dlí náisiúnta nó i dlí an Aontais. (18) D'fhonn úsáid ghinearálta
thrasteorann ríomhsheirbhísí iontaoibhe a éascú, ba cheart a bheith in ann iad
a úsáid mar fhianaise in imeachtaí dlíthiúla i ngach Ballstát. (19) Ba cheart go mbeadh na
Ballstáit fós in ann cineálacha eile seirbhísí iontaoibhe a shainiú de bhreis
orthu sin atá i liosta dúnta na seirbhísí iontaoibhe dá bhforáiltear sa
Rialachán seo, ar mhaithe lena n‑aithint mar sheirbhísí iontaoibhe
cáilithe ar an leibhéal náisiúnta. (20) Mar gheall ar chomh tapa agus
atá an teicneolaíocht ag athrú, ba cheart cur chuige a ghlacadh faoin Rialachán
a fhágann gur féidir a bheith nuálaíoch. (21) Ba cheart an Rialachán seo a
bheith neodrach ó thaobh teicneolaíochta de. Ba cheart go bhféadfaí na
héifeachtaí dlíthiúla a dheonaítear faoi a bhaint amach le haon mhodh teicniúil
ar choinníoll go ndéantar ceanglais an Rialacháin seo a chomhlíonadh. (22) D'fhonn iontaoibh an phobail
as an margadh inmheánach a neartú agus úsáid seirbhísí agus táirgí iontaoibhe a
chur chun cinn, ba cheart coincheap na seirbhísí iontaoibhe cáilithe agus
coincheap an tsoláthraí cháilithe de sheirbhísí iontaoibhe a thabhairt isteach
d'fhonn ceanglais agus oibleagáidí a chur in iúl chun a áirithiú go mbeidh
leibhéal ard slándála ag cibé seirbhísí nó táirgí iontaoibhe cáilithe a
úsáidtear nó a chuirtear ar fáil. (23) I gcomhréir le hoibleagáidí
Choinbhinsiún na Náisiún Aontaithe ar Chearta Daoine faoi Mhíchumas atá tagtha
i bhfeidhm san AE, ba cheart daoine faoi mhíchumas a bheith in ann úsáid a
bhaint as seirbhísí iontaoibhe agus as táirgí úsáideora deiridh a úsáidtear
chun na seirbhísí sin a sholáthar ar an mbonn céanna le custaiméirí eile. (24) Is rialaitheoir sonraí pearsanta
é soláthraí seirbhísí iontaoibhe agus dá bharr sin ní mór dó na hoibleagáidí a
chomhlíonadh a leagtar amach i dTreoir 95/46/CE ó Pharlaimint na hEorpa
agus ón gComhairle an 24 Deireadh Fómhair 1995 maidir le daoine
aonair a chosaint i ndáil le sonraí pearsanta a phróiseáil agus maidir le
saorghluaiseacht sonraí den sórt sin[22].
Go háirithe, ba cheart bailiú sonraí a íoslaghdú a oiread is féidir, ag cur san
áireamh chuspóir na seirbhísí atáthar ag cur ar fáil. (25) Ba cheart do chomhlachtaí
maoirseachta comhoibriú le húdaráis um chosaint sonraí agus faisnéis a mhalartú
leo lena áirithiú go gcuirfidh soláthraithe seirbhísí an reachtaíocht maidir le
cosaint sonraí i bhfeidhm i gceart. Go háirithe, ba cheart teagmhais slándála
agus sáruithe sonraí pearsanta a bheith ar áireamh sa mhalartú faisnéise. (26) Ba cheart go mbeadh sé de
dhualgas ar gach soláthraí seirbhísí iontaoibhe dea‑chleachtas slándála a
chur i bhfeidhm atá oiriúnach do na rioscaí a bhaineann lena chuid
gníomhaíochtaí chun iontaoibh úsáideoirí as an margadh aonair a mhéadú. (27) Níor cheart go gcuirfeadh
forálacha maidir le hainmneacha bréige a úsáid ar dheimhnithe cosc ar na
Ballstáit aitheantas daoine a éileamh de bhun dhlí an Aontais nó an dlí
náisiúnta. (28) Ba cheart go gcomhlíonfadh gach
Ballstáit ceanglais choiteanna maidir le maoirseacht shár‑riachtanach
chun leibhéal slándála inchomparáide ar sheirbhísí iontaoibhe cáilithe a
áirithiú. Chun cur i bhfeidhm comhsheasmhach na gceanglas sin a éascú ar fud an
Aontais, ba cheart do na Ballstáit nósanna imeachta inchomparáide a ghlacadh
agus faisnéis a mhalartú maidir lena ngníomhaíochtaí maoirseachta agus a ndea‑chleachtais
sa réimse i gceist. (29) Tá sé riachtanach fógra a
thabhairt maidir le sáruithe slándála agus measúnuithe ar rioscaí slándála chun
faisnéis leordhóthanach a sholáthar do na páirtithe lena mbaineann i gcás sárú
slándála nó caillteanais sláine. (30) Ba cheart iarraidh ar
chomhlachtaí maoirseachta faisnéis achoimreach a sholáthar don Choimisiún agus
don Ghníomhaireacht Eorpach um Shlándáil Líonra agus Faisnéise (ENISA) le go
mbeidh sé ar chumas an Choimisiúin agus na mBallstát measúnú a dhéanamh ar
éifeachtacht na meicníochta atáthar ag tabhairt isteach leis an Rialachán seo
chun fógra a thabhairt maidir le sáruithe. (31) Ba cheart iarraidh ar na
comhlachtaí maoirseachta staitisticí a sholáthar faoi úsáid na seirbhísí
iontaoibhe cáilithe le go mbeidh sé ar chumas an Choimisiúin agus na mBallstát
measúnú a dhéanamh ar thionchar an Rialacháin seo. (32) Ba cheart iarraidh ar na comhlachtaí
maoirseachta tuairisciú a dhéanamh ar a gcuid gníomhaíochtaí le go mbeidh sé ar
chumas an Choimisiúin agus na mBallstát measúnú a dhéanamh ar éifeachtacht na
meicníochta maoirseachta feabhsaithe a atáthar ag tabhairt isteach leis an
Rialachán seo. D'éascódh sé sin go mór malartú dea‑chleachtas idir na
comhlachtaí maoirseachta agus d'áiritheodh sé go mbeifí ag fíorú go bhfuil na
ceanglais mhaoirseachta fíor‑riachtanacha á gcur chun feidhme go
comhsheasmhach agus go héifeachtúil i ngach Ballstát. (33) Chun inbhuanaitheacht agus
marthanacht seirbhísí iontaoibhe cáilithe a áirithiú agus le muinín úsáideoirí
as leanúnachas seirbhísí iontaoibhe cáilithe a mhéadú, ba cheart do na
comhlachtaí maoirseachta a áirithiú go ndéanfar na sonraí maidir le soláthraithe
cáilithe de sheirbhísí iontaoibhe a chaomhnú agus go mbeifear in ann rochtain a
fháil orthu fiú mura mbeidh an soláthraí cáilithe de sheirbhísí iontaoibhe ann
a thuilleadh. (34) Chun maoirsiú ar sholáthraithe
cáilithe de sheirbhísí iontaoibhe a éascú, mar shampla nuair atá seirbhísí á
soláthar ag soláthraí i gcríoch Bhallstáit eile nach bhfuil sé faoi réir
maoirseachta ann, nó nuair atá ríomhairí soláthraí lonnaithe i gcríoch
Bhallstáit eile seachas an ceann ina bhfuil sé bunaithe, ba cheart córas um
chúnamh frithpháirteach a bhunú idir comhlachtaí maoirseachta sna Ballstáit. (35) Faoi na soláthraithe seirbhísí
iontaoibhe atá sé na ceanglais a leagtar amach sa Rialachán seo maidir le
seirbhísí iontaoibhe a sholáthar a chomhlíonadh, go háirithe i gcás seirbhísí
iontaoibhe cáilithe. Faoi na comhlachtaí maoirseachta atá sé maoirseacht a
dhéanamh ar an gcaoi a gcomhlíonann soláthraithe seirbhísí iontaoibhe na
ceanglais sin. (36) Ar mhaithe le próiseas
éifeachtúil tionscnaimh a bheith ann, rud ba cheart a bheith mar thoradh air go
gcuirfear soláthraithe cáilithe de sheirbhísí iontaoibhe agus na seirbhísí
iontaoibhe cáilithe a chuireann siad ar fáil ar na liostaí iontaofa, ba cheart
idirghníomhú tosaigh idir soláthraithe cáilithe de sheirbhísí iontaoibhe ionchasacha
agus an comhlacht maoirseachta inniúil a spreagadh, féachaint dícheall cuí a
éascú, sa chaoi go mbeidh soláthar na seirbhísí iontaoibhe cáilithe mar thoradh
air. (37) Is nithe fíor‑riachtanacha
iad na liostaí iontaofa le hiontaoibh a chothú in oibreoirí an mhargaidh toisc
go dtugann siad le fios stádas cáilithe an tsoláthraí seirbhísí tráth na
maoirseachta, ach níl siad réamhriachtanach chun stádas cáilithe a bhaint amach
agus seirbhísí iontaoibhe cáilithe a sholáthar, nithe a thagann as comhlíonadh
cheanglais an Rialacháin seo. (38) Tar éis do sheirbhís
iontaoibhe cháilithe a bheith faoi réir fógra a thabhairt, ní féidir leis an
gcomhlacht seirbhíse poiblí lena mbaineann diúltú an tseirbhís a úsáid chun nós
imeachta nó foirmiúlacht riaracháin a chomhlíonadh, as gan a bheith san áireamh
sna liostaí iontaofa arna mbunú ag na Ballstáit. Chun na críche atá idir
chamáin, is éard is brí le comhlacht seirbhíse poiblí aon údarás poiblí nó
eintiteas eile ar cuireadh de chúram air seirbhísí ríomhrialtais a sholáthar,
amhail tuairisceáin chánach a chur isteach ar líne, iarratas a dhéanamh ar
theastais bhreithe, rannpháirtíocht i nósanna imeachta soláthair poiblí
leictreonacha etc. (39) Cé go bhfuil leibhéal ard
slándála de dhíth chun aithinteas fhrithpháirteach ríomhshínithe a áirithiú, i
gcásanna ar leith, e.g. i gcomhthéacs an Chinnidh ón gCoimisiún 2009/767/CE an
16 Deireadh Fómhair 2009 lena leagtar amach bearta chun úsáid nósanna
imeachta a éascú le ríomh‑mhodhanna trí 'ionad ilfhreastail' i gcomhréir
le Treoir 2006/123/CE ó Pharlaimint na hEorpa agus ón gComhairle maidir le
seirbhísí sa mhargadh inmheánach[23],
ba cheart glacadh le ríomhshínithe ag a bhfuil dearbhú slándála níos ísle ná
sin freisin. (40) Ba cheart go bhféadfadh
sínitheoir gléasanna um chruthú ríomhshínithe cáilithe a chur faoi chúram tríú
páirtí, ar choinníoll go gcuirtear meicníochtaí agus nósanna imeachta
oiriúnacha i bhfeidhm lena áirithiú gur faoi urlámhas an tsínitheora, agus
faoina urlámhas‑sa amháin, a bheidh a chuid sonraí maidir le cruthú
ríomhshínithe féin, agus go gcomhlíonann úsáid an ghléis na ceanglais maidir le
sínithe cáilithe. (41) Le deimhneacht dhlíthiúil
bhailíocht an tsínithe a áirithiú, tá sé fíor‑riachtanach sonraí a
thabhairt maidir leis na comhpháirteanna den ríomhshíniú cáilithe nach mór don
pháirtí is úsáideoir atá ag tabhairt faoin mbailíochtú measúnú a dhéanamh
orthu. Ina theannta sin, ba cheart go tabharfaí spreagadh don earnáil
phríobháideach nó don earnáil phoiblí infheistíocht a dhéanamh sna seirbhísí
bailíochtaithe cáilithe agus na ceanglais a shainiú do sholáthraithe cáilithe
de sheirbhísí iontaoibhe is féidir leo na seirbhísí bailíochtaithe cáilithe sin
a sholáthar do pháirtithe is úsáideoirí nach bhfuil toilteanach nó nach bhfuil
in ann bailíochtú a dhéanamh ar ríomhshínithe cáilithe iad féin. Ba cheart go
bhfágfadh an dá ghné sin go mbeidh bailíochtú ríomhshínithe cáilithe éasca
áisiúil do gach páirtí ar leibhéal an Aontais. (42) I gcás ina bhfuil ríomhshéala
cáilithe ó dhuine dlítheanach de dhíth chun idirbheart a dhéanamh, ba cheart
ríomhshíniú cáilithe ó ionadaí údaraithe an dhuine dhlítheanaigh a bheith chomh
hinghlactha céanna. (43) Ba cheart ríomhshéalaí a
bheith ina bhfhianaise gur eisigh duine dlítheanach ríomhdhoiciméad, chun
deimhneacht a áirithiú maidir le foinse agus sláine an doiciméid. (44) Ba cheart caomhnú fadtéarmach
faisnéise a áirithiú leis an Rialachán seo, i.e. bailíocht dhlíthiúil na
ríomhshínithe agus na ríomhshéalaí thar tréimhsí fada , á ráthú go mbeifear in
ann iad a bhailíochtú beag beann ar athruithe sa teicneolaíocht amach anseo. (45) Ar mhaithe le húsáid
thrasteorann ríomhdhoiciméad a fheabhsú, ba cheart foráil a dhéanamh sa
Rialachán seo maidir le héifeachtaí dlíthiúla ríomhdhoiciméad a mheas arb
ionann iad, ba cheart a mheas, agus doiciméid pháipéir, de réir an mheasúnaithe
riosca agus ar choinníoll go ndéantar barántúlacht agus sláine na ndoiciméad a
áirithiú. Tá sé tábhachtach freisin chun ríomh‑idirbhearta trasteorann sa
mhargadh aonair a fhorbairt a thuilleadh go nglacfaí le ríomhdhoiciméid
bhunaidh nó cóipeanna deimhnithe a eisíonn comhlachtaí inniúla ábhartha i
mBallstát faoina dhlí náisiúnta mar dhoiciméid den sórt sin i mBallstáit eile
freisin. Níor cheart go ndéanfadh an Rialachán difear do cheart na mBallstát
cinneadh a dhéanamh cad is doiciméad bunaidh nó cóip ann ar an leibhéal
náisiúnta, is é an chaoi a n‑áirithíonn sé go bhféadfar iad a úsáid mar
dhoiciméid den sórt sin thar theorainneacha freisin. (46) Mar gheall go mbaineann
údaráis inniúla sna Ballstáit úsáid as formáidí difriúla ríomhshínithe
ardleibhéil faoi láthair chun a gcuid doiciméad a ríomhshíniú, is gá a áirithiú
gur féidir le Ballstáit roinnt formáidí ríomhshínithe ardleibhéil ar a laghad a
láimhseáil go teicniúil nuair a fhaigheann siad doiciméid ríomhshínithe. Ar an
gcaoi chéanna, nuair a bheadh údaráis inniúla sna Ballstáit ag úsáid
ríomhshéalaí ardleibhéil, ba ghá a áirithiú go mbeidís in ann roinnt formáidí
ríomhshéalaí ardleibhéil ar a laghad a láimhseáil. (47) Chomh maith leis an doiciméad
arna eisiúint ag an duine dlítheanach a fhíordheimhniú, is féidir ríomhshéalaí
a úsáid chun aon sócmhainn dhigiteach de chuid an duine dhlítheanaigh a
fhíordheimhniú, e.g. cód bogearraí, freastalaithe. (48) Dá bhféadfaí suíomhanna
gréasáin agus an duine ar leis iad a fhíordheimhniú, bheadh sé níos deacra
suíomhanna gréasáin a fhalsú agus laghdófaí calaois dá bharr. (49) Ar mhaithe le gnéithe
teicniúla mionsonraithe áirithe an Rialacháin seo a chomhlánú ar bhealach
solúbtha tapa, ba cheart an chumhacht chun a ghníomhartha a ghlacadh i
gcomhréir le hAirteagal 290 den Chonradh ar Fheidhmiú an Aontais Eorpaigh
a tharmligean chuig an gCoimisiún i leith: idir‑inoibritheacht an
ríomhaitheantais; bearta slándála atá de cheangal ar sholáthraithe seirbhísí
iontaoibhe; comhlachtaí neamhspleácha aitheanta atá freagrach as iniúchadh a
dhéanamh ar na soláthraithe seirbhíse; liostaí iontaofa; ceanglais a bhaineann
le leibhéil slándála ríomhshínithe; ceanglais deimhnithe cáilithe le haghaidh
ríomhshínithe, a mbailíochtú agus a gcaomhnú; na comhlachtaí atá freagrach as
deimhniúchán gléasanna um chruthú ríomhshínithe cáilithe; na ceanglais a
bhaineann le leibhéil slándála ríomhshéalaí agus deimhnithe incháilaithe do
ríomhshéalaí; idir‑inoibritheacht idir seirbhísí seachadta. Tá sé ríthábhachtach
go ndéanfaidh an Coimisiún comhairliúcháin iomchuí le linn na hoibre
ullmhúcháin, lena n‑áirítear comhairliúchán le saineolaithe. (50) Le linn dó gníomhartha
tarmligthe a ullmhú agus a tharraingt suas, ba cheart don Choimisiún a áirithiú
go ndéanfar na doiciméid ábhartha a chur chuig Parlaimint na hEorpa agus chuig
an gComhairle ar bhealach comhuaineach, tráthúil agus iomchuí. (51) D’fhonn coinníollacha
aonfhoirmeacha a áirithiú le haghaidh cur chun feidhme an Rialacháin seo, ba
cheart cumhachtaí cur chun feidhme a thabhairt don Choimisiún, go háirithe chun
uimhreacha tagartha caighdeán a shonrú, caighdeáin a mbeadh toimhde
géilliúlachta le ceanglais áirithe a leagtar síos sa Rialachán seo nó a
shainítear sna gníomhartha tarmligthe ach iad a úsáid. Ba cheart na cumhachtaí
sin a fheidhmiú i gcomhréir le Rialachán (AE) Uimh. 182/2011 ó Pharlaimint
na hEorpa agus ón gComhairle an 16 Feabhra 2011 lena leagtar síos na
rialacha agus na prionsabail ghinearálta a bhaineann le meicníochtaí lena
rialaíonn na Ballstáit mar a fheidhmíonn an Coimisiún cumhachtaí cur chun
feidhme[24]. (52) Ar mhaithe le deimhneacht
dhlíthiúil agus soiléireacht ba cheart Treoir 1999/93/CE a aisghairm. (53) Le deimhneacht dhlíthiúil a
áirithiú d'oibreoir margaidh atá ag baint úsáide as deimhnithe cáilithe cheana
féin a eisíodh i gcomhréir le Treoir 1999/93/CE, is gá foráil a dhéanamh
maidir le tréimhse leordhóthanach san idirlinn. Is gá freisin modh a chur ar
fáil don Choimisiún chun na gníomhartha cur chun feidhme agus na gníomhartha tarmligthe
a ghlacadh roimh an dáta sin. (54) Ós rud é nach féidir leis na
Ballstáit cuspóirí an Rialacháin seo a ghnóthú go leordhóthanach agus gur
fearr, dá bhrí sin, is féidir iad a ghnóthú ar leibhéal an Aontais i ngeall ar
scála na gníomhaíochta, féadfaidh an tAontas Eorpach bearta a ghlacadh, i
gcomhréir le prionsabal na coimhdeachta atá leagtha amach in Airteagal 5
den Chonradh ar Fheidhmiú an Aontais Eorpaigh. I gcomhréir le prionsabal na
comhréireachta, atá leagtha amach san Airteagal sin, ní théann an Rialachán seo
thar a bhfuil gá leis chun an cuspóir sin a bhaint amach, go háirithe i ndáil
le ról an Choimisiúin mar chomhordaitheoir gníomhaíochtaí náisiúnta. TAR ÉIS AN RIALACHÁN SEO A
GHLACADH: CAIBIDIL
I FORÁLACHA
GINEARÁLTA Airteagal 1 Ábhar 1.
Leagtar síos leis an Rialachán seo rialacha maidir le ríomhaitheantas agus
ríomhsheirbhísí iontaoibhe le haghaidh ríomh‑idirbhearta d'fhonn dea‑fheidhmiú
an mhargaidh inmheánaigh a áirithiú. 2. Leagtar síos leis an Rialachán seo na
coinníollacha faoina n‑aithneoidh agus faoina nglacfaidh na Ballstáit
modhanna ríomhaitheantais daoine nádúrtha nó dlítheanacha a thagann faoi scéim
ríomhaitheantais Ballstáit eile ar tugadh fógra ina leith. 3. Bunaítear leis an Rialachán seo creat
dlí le haghaigh ríomhshínithe, ríomhshéalaí, ríomhstampaí ama, ríomhdhoiciméad,
ríomhsheirbhísí seachadta agus fíordheimhniú suíomhanna gréasáin. 4. Áirithítear leis an Rialachán seo go
dtabharfar cead saorchúrsaíochta sa mhargadh inmheánach do sheirbhísí agus
táirgí iontaoibhe atá i gcomhréir leis an Rialachán seo . Airteagal 2 Raon
feidhme 1. Tá feidhm ag an Rialachán seo maidir le
ríomhaitheantas a dhéanann na Ballstáit agus soláthraithe seirbhísí iontaoibhe
atá bunaithe san Aontas a chur ar fáil, nó a chuirtear ar fáil ar a son nó faoina
bhfreagracht agus tá feidhm aige maidir le soláthraithe seirbhísí iontaoibhe
atá bunaithe san Aontas. 2. Níl feidhm ag an Rialachán seo maidir le
soláthar ríomhsheirbhísí iontaoibhe atá bunaithe ar chomhaontuithe deonacha
faoin dlí príobháideach. 3. Níl feidhm ag an Rialachán seo maidir le
gnéithe a bhaineann le tabhairt i gcrích ná bailíocht conarthaí, ná oibleagáidí
dlíthiúla eile i gcás ina bhfuil ceanglais maidir le foirm forordaithe sa dlí
náisiúnta nó i ndlí an Aontais. Airteagal 3 Sainmhínithe Chun críocha an Rialacháin seo beidh
feidhm ag na sainmhínithe seo a leanas: (1) ciallaíonn 'ríomhaitheantas' an
próiseas arb é atá ann úsáid a bhaint as sonraí aitheantais duine i bhfoirm
leictreonach, ar sonaí iad a léiríonn, gan débhrí, duine nádúrtha nó
dlítheanach; (2) Ciallaíonn 'modh ríomhaitheantais' aonad
ábhartha nó neamhábhartha ina bhfuil na sonraí dá dtagraítear i mír 1 den Airteagal
seo, a mbaintear úsáid as chun rochtain ar líne a fháil ar na seirbhísí dá
dtagraítear dóibh in Airteagal 5; (3) ciallaíonn 'scéim ríomhaitheantais' córas
chun ríomhaitheantas a dhéanamh lena ndéantar modhanna ríomhaitheantais a
eisiúint le daoine dá dtagraítear i mír 1 den Airteagal seo; (4) ciallaíonn 'fíordheimhniú' ríomhphróiseas
a fhágann gur féidir ríomhaitheantas an duine nádúrtha nó dlítheanaigh a
bhailíochtú; nó foinse agus sláine ríomhshonraí a bhailíochtú; (5) ciallaíonn 'sínitheoir' duine
nádúrtha a chruthaíonn ríomhshíniú; (6) ciallaíonn 'ríomhshíniú' sonraí i
bhfoirm leictreonach atá ceangailte de ríomhshonraí eile, nó a bhfuil baint
loighciúil acu leo, agus a úsáideann an sínitheoir le síniú a dhéanamh; (7) ciallaíonn 'ríomhshíniú ardleibhéil'
ríomhshíniú a chomhlíonann na ceanglais seo a leanas: (a)
tá nasc uathúil aige leis an sínitheoir; (b)
is féidir an sínitheoir a aithint leis; (c)
cruthaíodh é ag baint úsáide as sonraí maidir le
cruthú ríomhshínithe is féidir leis an sínitheoir a úsáid agus leibhéal ard
muiníne aige agus é faoina urlámhas eiseach; agus (d)
tá sé nasctha leis na sonraí lena mbaineann sé ar
bhealach a fhágann gur féidir aon athrú iardain a dhéanfaí ar na sonraí a
bhrath; (8) ciallaíonn 'ríomhshíniú cáilithe'
ríomhshíniú ardleibhéil a cruthaíodh le gléas um chruthú ríomhshínithe
cáilithe, agus atá bunaithe ar dheimhniú cáilithe le haghaidh ríomhshínithe; (9) ciallaíonn 'sonraí maidir le cruthú
ríomhshínithe' sonraí uathúla a úsáideann an sínitheoir chun ríomhshíniú a
chruthú; (10) ciallaíonn 'deimhniú' ríomhdhearbhú a
dhéanann sonraí bailíochtaithe ríomhshínithe nó ríomhshéala faoi seach dhuine
nádúrtha nó dlítheanach a nascadh leis an deimhniú agus lena ndearbhaítear
sonraí an duine sin; (11) ciallaíonn 'deimhniú cáilithe le
haghaidh ríomhshínithe' dearbhú a úsáidtear chun ríomhshínithe a láimhseáil,
dearbhú arna eisiúint ag soláthraí cáilithe de sheirbhísí iontaoibhe agus a
chomhlíonann na ceanglais a leagtar síos in Iarscríbhinn I; (12) ciallaíonn 'seirbhís iontaoibhe' aon
ríomhsheirbhís arb é atá inti ríomhshínithe, ríomhshéalaí, ríomhstampaí ama,
ríomhdhoiciméid, ríomhsheirbhísí seachadta, fíordheimhniú suíomhanna gréasáin,
ríomhdheimhnithe, lena n‑áirítear deimhnithe le haghaidh ríomhshínithe
agus ríomhshéalaí, a chruthú, a fhíordheimhniú, a bhailíochtú, a láimhseáil
agus a chaomhnú; (13) ciallaíonn 'seirbhís iontaoibhe
cháilithe' seirbhís iontaoibhe a chomhlíonann na ceanglais is infheidhme dá
bhforáiltear sa Rialachán seo; (14) ciallaíonn 'soláthraí seirbhísí
iontaoibhe' duine nádúrtha nó dlítheanach a chuireann seirbhís iontaoibhe
amháin nó níos mó ar fáil; (15) ciallaíonn 'soláthraí cáilithe de
sheirbhísí iontaoibhe' soláthraí seirbhísí iontaoibhe a chomhlíonann na
ceanglais a leagtar síos sa Rialachán seo; (16) ciallaíonn 'táirge' bogearraí nó
crua‑earraí, nó comhpháirteanna ábhartha díobh, lena bhfuil sé beartaithe
iad a úsáid chun seirbhísí iontaoibhe a sholáthar; (17) ciallaíonn 'gléas um chruthú
ríomhshínithe' bogearraí nó crua‑earraí cumraithe a úsáidtear chun
ríomhshíniú a chruthú; (18) ciallaíonn 'gléas um chruthú
ríomhshínithe cáilithe' gléas um chruthú ríomhshínithe a chomhlíonann na ceanglais
atá leagtha síos in Iarscríbhinn II; (19) ciallaíonn 'cruthaitheoir séala'
duine dlítheanach a chruthaíonn ríomhshéala; (20) ciallaíonn 'ríomshéala' sonraí i
bhfoirm leictreonach atá ceangailte de ríomhshonraí eile, nó a bhfuil baint
loighciúil acu leo, chun foinse agus sláine na sonraí gaolmhara a áirithiú; (21) ciallaíonn 'ríomhshéala ardleibhéil'
ríomhshéala a chomhlíonann na ceanglais seo a leanas: (e)
tá nasc uathúil aige le cruthaitheoir an tséala; (f)
tá sé in ann cruthaitheoir an tséala a aithint; (g)
cruthaíodh é ag baint úsáide as sonraí um chruthú
ríomhshéala is féidir le cruthaitheoir an tséala a úsáid le leibhéal ard
muiníne agus é faoina urlámhas féin chun ríomhshéalaí a chruthú; agus (h)
tá sé nasctha leis na sonraí lena mbaineann sé ar
bhealach a fhágann gur féidir aon athrú iardain a dhéanfaí ar na sonraí a
bhrath; (22) ciallaíonn 'ríomhshéala cáilithe'
ríomhshéala ardleibhéil a cruthaíodh le gléas um chruthú ríomhshéalaí cáilithe,
agus atá bunaithe ar dheimhniú cáilithe le haghaidh ríomhshéalaí; (23) ciallaíonn 'sonraí maidir le cruthú
ríomhshéala' sonraí uathúla a úsáideann cruthaitheoir an ríomhshéala chun
ríomhshéala a chruthú; (24) ciallaíonn 'deimhniú cáilithe le haghaidh
ríomhshéalaí' dearbhú a úsáidtear chun ríomhshéala a láimhseáil, a eisíonn
soláthraí cáilithe de sheirbhísí iontaoibhe agus a chomhlíonann na ceanglais a
leagtar síos in Iarscríbhinn III; (25) ciallaíonn 'ríomhstampa ama' sonraí i bhfoirm
leictreonach a cheanglaíonn ríomhshonraí eile d'am ar leith, agus a shuíonn
trína bhíthin sin fianaise go raibh na sonraí sin ann ag an am sin; (26) ciallaíonn 'ríomhstampa ama cáilithe' ríomhstampa a
chomhlíonann na ceanglais atá leagtha síos in Airteagal 33; (27) ciallaíonn 'ríomhdhoiciméad'
doiciméad d'aon chineál formáide leictreonaí; (28) ciallaíonn 'ríomhsheirbhís
seachadta' seirbhís a fhágann gur féidir sonraí a tharchur le ríomh‑mhodhanna
agus a chuireann fianaise ar fáil maidir le láimhseáil na sonraí a
tarchuireadh, lena n‑áirítear cruthúnas gur seoladh nó go bhfuarthas iad,
agus a dhéanann na sonraí a tarchuireadh a chosaint ar chailliúint, goid,
damáiste agus athrú neamhúdaraithe orthu; (29) ciallaíonn 'ríomhsheirbhís seachadta
cáilithe' ríomhsheirbhís seachadta a chomhlíonann na ceanglais atá leagtha síos
in Airteagal 36; (30) ciallaíonn 'deimhniú cáilithe um
fhíordheimhniú suíomhanna gréasáin' dearbhú a fhágann gur féidir suíomh
gréasáin a fhíordheimhniú agus a dhéanann nasc idir an suíomh gréasáin agus an
duine lena n‑eisítear an deimhniú, dearbhú arna eisiúint ag soláthraí
cáilithe de sheirbhísí iontaoibhe agus a chomhlíonann na ceanglais a leagtar
síos in Iarscríbhinn IV; (31) ciallaíonn 'sonraí bailíochtaithe' sonraí
a úsáidtear chun ríomhshíniú nó ríomhshéala a bhailíochtú. Airteagal 4 Prionsabal
an mhargaidh inmheánaigh 1. Ní chuirfidh soláthraí seirbhísí iontaoibhe
atá bunaithe i mBallstáit eile aon srian ar sholáthar seirbhísí iontaoibhe ar
chríoch Ballstáit ar chúiseanna a thagann faoi na réimsí a chumhdaítear sa
Rialachán seo. 2. Beidh cead saorchúrsaíochta sa mhargadh
inmheánach ag táirgí atá i gcomhréir leis an Rialachán seo. CAIBIDIL
II RÍOMHAITHEANTAS Airteagal 5 Aithint
agus glacadh frithpháirteach I gcás ina gceanglaítear faoin dlí náisiúnta
nó faoin gcleachtas náisiúnta riaracháin ríomhaitheantas a úsáid a úsáideann modh
ríomhaitheantais agus fíordheimhnithe le rochtain a fháil ar sheirbhís ar líne,
aithneofar agus glacfar le haon modh ríomhaitheantais arna eisiúint i mBallstát
eile a thagann faoi scéim atá ar an liosta a fhoilseoidh an Coimisiún de bhun
an nós imeachta dá dtagraítear in Airteagal 7 chun críocha rochtain a
fháil ar an tseirbhís sin. Airteagal 6 Coinníollacha maidir le fógra a thabhairt i leith scéimeanna
ríomhaitheantais 1. Beidh scéimeanna ríomhaitheantais
cáilithe le fógra a thabhairt ina leith de bhun Airteagal 7 má dhéantar
gach ceann de na coinníollacha seo a leanas a chomhlíonadh: (a)
is é an Ballstát atá ag tabhairt an fhógra a
eisíonn na modhanna ríomhaitheantais, nó eisítear ar a shon nó faoina
fhreagracht iad; (b)
is féidir na modhanna ríomhaitheantais a úsáid chun
rochtain a fháil ar sheirbhísí poiblí ar a laghad lena bhfuil ríomhaitheantas
de dhíth sa Bhallstát atá ag tabhairt an fhógra; (c)
áirithíonn an Ballstát atá ag tabhairt an fhógra go
luafar sonraí aitheantais duine gan débhrí leis an duine nádúrtha nó
dlítheanach dá dtagraítear in Airteagal 3 pointe 1; (d)
áireoidh an Ballstát atá ag tabhairt fógra go
mbeidh féidearthacht fíordheimhnithe ar líne ann, tráth ar bith agus saor in
aisce, le go mbeidh aon pháirtí is úsáideoir in ann sonraí faisnéise pearsanta
a fhaightear i bhfoirm leictreonach a bhailíochtú. Ní fhorchuirfidh na
Ballstáit aon saincheanglas teicniúil ar pháirtithe is úsáideoirí atá bunaithe
lasmuigh dá gcríoch agus a bhfuil sé i gceist acu fíordheimhniú den sórt sin a
dhéanamh. I gcás ina ndéantar an scéim ríomhaitheantais ar tugadh fógra ina
leith nó an fhéidearthacht fíordheimhnithe a shárú nó go gcuirtear a slandáil i
scothbhaol, déanfaidh na Ballstáit an scéim ríomhaitheantais ar tugadh fógra
ina leith, an fhéidearthacht fíordheimhnithe nó na codanna díobh ar cuireadh a
slándáil i scothbhaol ar a chur ar fionraí nó déanfar iad a chúlghairm agus
cuirfidh siad na Ballstáit eile agus an Coimisiún ar an eolas faoi de bhun Airteagal 7; (e)
beidh an Ballstát atá ag tabhairt an fhógra
freagrach as: –
(i) sonraí aitheantais duine dá dtagraítear dóibh i
bpointe (c) a lua leis an duine sin gan débhrí, agus –
(ii) an fhéidearthacht fíordheimhnithe dá
dtagraítear di i bpointe (d). 2. Ní dhéanfaidh pointe (e) de mhír 1 dochar
do dhliteanas páirtithe in idirbheart ina n‑úsáidtear modhanna
ríomhaitheantais a thagann faoin scéim ar tugadh fógra ina leith. Airteagal 7
Fógra
a thabhairt 1. Seolfaidh Ballstáit a thugann fógra i leith
scéime ríomhaitheantais an fhaisnéis seo a leanas ar aghaidh go dtí an
Coimisiún gan mhoill míchuí, chomh maith le haon athruithe iardain uirthi: (a)
tuairisc ar an scéim ríomhaitheantais ar tugadh
fógra ina leith; (b)
na húdaráis atá freagrach as an scéim
ríomhaitheantais ar tugadh fógra ina leith; (c)
faisnéis faoin té a bhainistíonn clárú aitheantóirí
daoine gan athbhrí; (d)
tuairisc ar an bhféidearthacht fíordheimhnithe; (e)
socruithe i leith cúlghairme nó fhionraí na scéime
ríomhaitheantais ar tugadh fógra ina leith, na féidearthachta fíordheimhnithe
nó na codanna díobh ar cuireadh a slándáil i mbaol. 2. Sé mhí tar éis theacht i bhfeidhm an
Rialacháin foilseoidh an Coimisiún liosta de na scéimeanna ríomhaitheantais ar
tugadh fógra ina leith de bhun mhír 1 in Iris Oifigiúil an Aontais Eorpaigh
mar aon leis an mbunfhaisnéis ina dtaobh. 3. Má fhaigheann an Coimisiún fógra tar éis na
tréimhse dá dtagraítear i mír 2 dul in éag, leasóidh sé an liosta laistigh
de thrí mhí. 4. Féadfaidh an Coimisiún, trí bhíthin
gníomhartha cur chun feidhme, cúinsí, formáidí agus nósanna imeachta an fhógra
dá dtagraítear i mír 1 agus mír 3 a shainiú. Déanfar na gníomhartha
cur chun feidhme sin a ghlacadh i gcomhréir leis an nós imeachta scrúdúcháin dá
dtagraítear in Airteagal 39(2). Airteagal 8 Comhordú
1. Comhoibreoidh na Ballstáit chun idir‑inoibritheacht
modhanna ríomhaitheantais a thagann faoi scéim ar tugadh fógra ina leith a
áirithiú agus chun a slándáil a fheabhsú. 2. Bunóidh an Coimisiún, trí bhíthin
gníomhartha cur chun feidhme, na rialacha mionsonraithe fíor‑riachtanacha
chun an comhar idir na Ballstáit dá dtagraítear i mír 1 a éascú, d'fhonn
leibhéal ard iontaoibhe agus slándála a chothú atá comhoiriúnach leis an
leibhéal riosca. Bainfidh na gníomhartha cur chun feidhme sin go háirithe le
malartú faisnéise, taithí agus dea‑chleachtas maidir le scéimeanna
ríomhaitheantais, athbhreithniú piaraí ar scéimeanna ríomhaitheantais ar tugadh
fógra ina leith agus scrúdú ar fhorbairtí ábhartha atá ag teacht chun cinn in
earnáil an ríomhaitheantais ag na húdaráis inniúla sna Ballstáit. Déanfar na
gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). 3. Beidh de chumhacht ag an gCoimisiún na
gníomhartha tarmligthe a ghlacadh, i gcomhréir le hAirteagal 38, a
bhaineann le hidir‑inoibritheacht thrasteorann modhanna ríomhaitheantais
a éascú trí bhíthin íoscheanglais theicniúla a leagan síos. CAIBIDIL III SEIRBHÍSÍ IONTAOIBHE Roinn 1 Forálacha ginearálta Airteagal 9 Dliteanas 1. Beidh soláthraí seirbhísí iontaoibhe faoi
dhliteanas as aon damáiste díreach a dhéantar d'aon duine nádúrtha nó
dlítheanach de thoradh gan cloí leis na hoibleagáidí atá leagtha síos in Airteagal 15(1),
ach amháin más féidir leis an soláthraí seirbhísí iontaoibhe a chruthú nach
ndearnadh é sin go faillíoch. 2. Beidh soláthraí cáilithe de sheirbhísí iontaoibhe
faoi dhliteanas as aon damáiste díreach a dhéantar d'aon duine nádúrtha nó
dlítheanach de thoradh mainneachtana na ceanglais atá leagtha síos sa Rialachán
seo, go háirithe in Airteagal 19, a chomhlíonadh ach amháin más féidir
leis an soláthraí cáilithe de sheirbhísí iontaoibhe a chruthú nach ndearnadh é
sin go faillíoch. Airteagal 10 Soláthraithe
seirbhísí iontaoibhe ó thríú tíortha 1. Seirbhísí iontaoibhe cáilithe agus
deimhnithe cáilithe arna soláthar ag soláthraithe cáilithe de sheirbhísí iontaoibhe
atá bunaithe i dtríú tír, glacfar leo mar sheirbhísí iontaoibhe cáilithe agus
mar dheimhnithe cáilithe arna soláthar ag soláthraithe cáilithe de sheirbhísí
iontaoibhe atá bunaithe ar chríoch an Aontais más rud é go n‑aithnítear
na seirbhísí iontaoibhe cáilithe nó na deimhnithe cáilithe de thioscnamh na
tríú tír sin faoi chomhaontú idir an tAontas agus tríú tíortha nó idir an
tAontas agus eagraíochtaí idirnáisiúnta i gcomhréir le hAirteagal 218
CFAE. 2. I dtaca le mír 1, áiritheoidh
comhaontuithe den sórt sin go gcomhlíonfaidh na soláthraithe seirbhísí
iontaoibhe sna tríú tíortha nó na heagraíochtaí idirnáisiúnta na ceanglais is
infheidhme maidir le seirbhísí iontaoibhe cáilithe agus deimhnithe cáilithe
arna soláthar ag soláthraithe cáilithe de sheirbhísí iontaoibhe atá bunaithe ar
chríoch an Aontais, go háirithe i ndáil le sonraí pearsanta a chosaint,
slándáil agus maoirseacht. Airteagal 11 Próiseáil
agus cosaint sonraí 1. Áiritheoidh soláthraithe seirbhísí
iontaoibhe agus comhlachtaí maoirseachta go ndéanfar sonraí pearsanta a
phróiseáil ar bhealach cothrom dleathach i gcomhréir le Treoir 95/46/CE. 2. Próiseálfaidh soláthraithe seirbhísí
iontaoibhe sonraí pearsanta i gcomhréir le Treoir 95/46/CE. Beidh próiseáil den
sórt sin teoranta go docht don íosmhéid sonraí atá de dhíth chun deimhniú a
eisiúint agus a choinneáil ann nó chun seirbhís iontaoibhe a sholáthar. 3. Áiritheoidh soláthraithe seirbhísí
iontaoibhe rúndacht agus sláine na sonraí a bhaineann leis an duine a gcuirtear
an tseirbhís iontaoibhe ar fáil dó. 4. Gan dochar don éifeacht dhlíthiúil a
thugtar d'ainmneacha bréige faoin dlí náisiúnta, ní chuirfidh na Ballstáit cosc
ar sholáthraithe seirbhísí iontaoibhe ainm bréige in ionad ainm an tsínitheora
a úsáid ar dheimhnithe ríomhshínithe. Airteagal 12 Rochtain do dhaoine faoi mhíchumas Seirbhísí
iontaoibhe a sholáthraítear agus táirgí úsáideora deiridh a úsáidtear chun na
seirbhísí sin a sholáthar, féachfar chuige go mbeidh rochtain ag daoine faoi
mhíchumas orthu a mhéad is féidir é. Roinn
2 Maoirseacht Airteagal 13 Comhlacht
maoirseachta 1. Ainmneoidh na Ballstáit comhlacht oiriúnach
atá bunaithe ar a chríoch, nó, le comhaontú frithpháirteach, atá bunaithe i
mBallstát eile faoi fhreagracht an Bhallstáit ainmniúcháin. Tabharfar do
chomhlachtaí maoirseachta gach cumhacht maoirseachta agus imscrúdaithe is gá
chun a gcúraimí a dhéanamh. 2. Beidh an comhlacht maoirseachta freagrach
as na cúraimí seo a leanas a dhéanamh: (a)
faireachán a dhéanamh ar sholáthraithe seirbhísí
iontaoibhe atá bunaithe ar chríoch an Bhallstáit ainmniúcháin lena áirithiú go
ndéanfaidh siad na ceanglais atá leagtha síos in Airteagal 15 a
chomhlíonadh; (b)
maoirseacht a dhéanamh ar sholáthraithe cáilithe de
sheirbhísí iontaoibhe atá bunaithe ar chríoch an Bhallstáit ainmniúcháin agus
ar na seirbhísí iontaoibhe cáilithe a sholáthraíonn siad, lena áirithiú go
gcomhlíonann siad agus na seirbhísí iontaoibhe cáilithe a sholáthraíonn siad na
ceanglais is infheidhme atá leagtha síos sa Rialachán seo; (c)
féachaint chuige go ndéanfar an fhaisnéis agus na
sonraí ábhartha dá dtagraítear i bpointe (g) d'Airteagal 19(2), a thaifead
soláthraithe cáilithe de sheirbhísí iontaoibhe, a chaomhnú agus go mbeidh
rochtain orthu i dtólamh nuair a bheidh deireadh le gníomhaíochtaí an
tsoláthraí cháilithe de sheirbhísí iontaoibhe, go ceann tréimhse oiriúnaí
d'fhonn leanúnachas na seirbhíse a ráthú. 3. Cuirfidh gach comhlacht maoirseachta
tuarascáil bhliantúil maidir le gníomhaíochtaí maoirseachta na bliana féilire
roimhe sin faoi bhráid an Choimisiúin agus na mBallstát roimh dheireadh na
chéad ráithe den bhliain ina dhiaidh sin. Beidh na nithe seo a leanas ar a
laghad inti: (a)
faisnéis maidir lena gníomhaíochtaí maoirseachta; (b)
achoimre ar na fógraí maidir le sárú a fuarthas ó
sholáthraithe seirbhísí iontaoibhe i gcomhréir le hAirteagal 15(2); (c)
staitisticí faoin margadh agus faoi úsáid na
seirbhísí iontaoibhe cáilithe, lena n‑áirítear faisnéis maidir leis na
soláthraithe cáilithe de sheirbhísí iontaoibhe iad féin, na seirbhísí
iontaoibhe cáilithe a sholáthraíonn siad, na táirgí a mbaineann siad úsáid astu
agus tuairisc ghinearálta ar a gcuid custaiméirí. 4. Tabharfaidh na Ballstáit fógra don
Choimisiún agus do na Ballstáit eile maidir le hainmneacha agus seoltaí na
gcomhlachtaí maoirseachta atá ainmnithe acu féin. 5. Tabharfar de chumhacht don Choimisiún, i
gcomhréir le hAirteagal 38, gníomhartha tarmligthe a ghlacadh a bhaineann
leis na nósanna imeachta is infheidhme maidir le sainiú na gcúraimí dá
dtagraítear i mír 2. 6. Féadfaidh an Coimisiún, trí bhíthin
gníomhartha cur chun feidhme, sainiú a dhéanamh ar chúinsí, ar fhormáidí agus
ar nósanna imeachta na tuarascála dá dtagraítear i mír 3. Déanfar na
gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Airteagal 14 Cúnamh
frithpháirteach 1. Comhoibreoidh comhlachtaí maoirseacht
d'fhonn dea‑chleachtas agus faisnéis ábhartha agus cúnamh frithpháirteach
a mhalartú lena chéile, chomh tapa agus is féidir é, le gur féidir
gníomhaíochtaí a dhéanamh ar bhealach comhleanúnach. Cumhdófar sa chúnamh
frithpháirteach, go háirithe, iarratais ar fhaisnéis agus bearta maoirseachta,
amhail iarratais ar chigireachtaí a dhéanamh a bhaineann leis na hiniúchtaí
slándála dá dtagraítear in Airteagail 15, 16 agus 17. 2. Comhlacht maoirseachta lena ndéanfar
iarratas ar chúnamh, ní fhéadfaidh sé é sin a dhiúltú ach amháin más rud é: (a)
nach bhfuil sé inniúil déileáil leis an iarratas;
nó (b)
nach mbeadh sé i gcomhréir leis an Rialachán an t‑iarratas
a chomhlíonadh. 3. I gcás inarb iomchuí, féadfaidh comhlachtaí
maoirseachta comh‑imscrúduithe a dhéanamh a mbeadh baill foirne de chuid
comhlachtaí maoirseachta na Ballstát eile rannpháirteach iontu. Féadfaidh comhlacht maoirseachta an Bhallstáit
ina bhfuil an t‑imscrúdú le déanamh cúraimí inscrúdúcháin a fhorchur ar
bhaill foirne an chomhlachta mhaoirseachta a bhfuil cúnamh á thabhairt dó, i
gcomhréir lena dlí náisiúnta féin. Ní fhéadfar cumhachtaí den sórt sin a
fheidhmiú ach amháin faoi threoir ball foirne ón gcomhlacht maoirseachta óstaigh
agus ina láthair. Beidh baill foirne an chomhlachta mhaoirseachta a bhfuil
cúnamh á thabhairt dó faoi réir dlí náisiúnta an comhlachta mhaoirseachta
óstaigh. Glacfaidh an comhlacht maoirseachta óstach freagracht as gníomhartha
bhaill foirne an chomhlachta mhaoirseachta a bhfuil cúnamh á thabhairt dó. 4. Féadfaidh an Coimisiún, trí bhíthin
gníomhartha cur chun feidhme, sainiú a dhéanamh ar fhormáidí agus ar nósanna
imeachta maidir leis an gcúnamh frithpháirteach dá bhforáiltear san Airteagal seo.
Déanfar na gníomhartha cur chun feidhme sin a ghlacadh i gcomhréir leis an nós
imeachta scrúdúcháin dá dtagraítear in Airteagal 39(2). Airteagal 15 Ceanglais
slándála is infheidhme maidir le soláthraithe seirbhísí iontaoibhe 1. Déanfaidh soláthraithe seirbhísí iontaoibhe
atá bunaithe ar chríoch an Aontais bearta teicniúla agus eagraíochtúla
oiriúnacha chun na baoil do shlándáil na seirbhísí iontaoibhe a chuireann siad
ar fáil a bhainistiú. Ag féachaint do chúrsaí teicneolaíochta, déanfaidh na
bearta seo a áirithiú go mbeidh an leibhéal slándála oiriúnach do mhéid an
bhaoil. Go háirithe, déanfar bearta chun tionchar teagmhas slándála a chosc
agus a laghdú a oiread is féidir agus páirtithe leasmhara a chur ar an eolas
maidir le ainiarsmaí aon teagmhais a tharlódh. Gan dochar d'Airteagal 16(1), féadfaidh
aon soláthraí seirbhísí iontaoibhe tuarascáil ar iniúchadh slándála a rinne
comhlacht neamhspleách aitheanta a chur faoi bhráid an chomhlachta
mhaoirseachta le dearbhú go ndearnadh bearta slándála oiriúnacha. 2. Tabharfaidh soláthraithe seirbhísí
iontaoibhe fógra don chomhlacht maoirseachta inniúil, don chomhlacht náisiúnta
inniúil chun slándála faisnéise agus do thríú páirtithe ábhartha eile amhail
údaráis um chosaint sonraí, gan moill míchuí agus laistigh de 24 uaire an chloig
ar a mhéad tar éis scéal a fháil faoi nuair is féidir sin, maidir le haon sárú
slándála nó teip ó thaobh sláine de a mbeidh tionchar mór aige ar an tseirbhís
iontaoibhe a chuirtear ar fáil agus ar na sonraí pearsanta atá á gcoinneáil
faoin tseirbhís sin. I gcás inarb iomchuí, go háirithe má bhaineann
sárú slándála nó teip ó thaobh sláine de le dhá Bhallstát nó níos mó,
tabharfaidh an comhlacht maoirseachta lena mbaineann fógra do na comhlachtaí
maoirseachta sna Ballstáit eile agus don Ghníomhaireacht Eorpach um Shlándáil
Líonra agus Faisnéise (ENISA). Féadfaidh an comhlacht maoirseachta lena
mbaineann an pobal a chur ar an eolas nó ceangal a chur ar an soláthraí
seirbhísí iontaoibhe é sin a dhéanamh, i gcás ina meastar gur chun leas an
phobail é an sárú a nochtadh. 3. Déanfaidh an comhlacht maoirseachta
achoimre ar na fógraí i leith sáruithe a fuarthas ó na soláthraithe seirbhísí
iontaoibhe a thabhairt do ENISA agus don Choimisiún uair amháin sa bhliain. 4. D'fhonn mír 1 agus mír 2 a chur
chun feidhme, beidh sé de chumhacht ag an gcomhlacht maoirseachta inniúil
treoracha ceangailteacha a eisiúint chuig soláthraithe seirbhísí iontaoibhe. 5. Beidh sé de chumhacht ag an gCoimisiún
gníomhartha tarmligthe a ghlacadh i gcomhréir le hAirteagal 38 a bhaineann
le tuilleadh sonraithe a dhéanamh ar na bearta dá dtagraítear i mír 1. 6. Féadfaidh an Coimisiún, trí bhíthin
gníomhartha cur chun feidhme, sainiú a dhéanamh ar chúinsí, ar fhormáidí agus
ar nósanna imeachta, lena n‑áirítear spriocdhátaí, atá infheidhme chun
críche mhíreanna 1 go 3. Déanfar na gníomhartha cur chun feidhme sin a ghlacadh
i gcomhréir leis an nós imeachta scrúdúcháin dá dtagraítear in Airteagal 39(2). Airteagal 16 Maoirseacht ar sholáthraithe cáilithe de sheirbhísí iontaoibhe 1. Is comhlacht neamhspleách aitheanta a
dhéanfaidh iniúchadh ar sholáthraithe cáilithe de sheirbhísí iontaoibhe uair sa
bhliain chun a dhearbhú go gcomhlíonann siad féin agus na seirbhísí iontaoibhe
cáilithe a chuireann siad ar fáil na ceanglais atá leagtha amach sa Rialachán
seo, agus seolfaidh siad an tuarascáil iniúchta slándála mar aon lena torthaí
ar aghaidh chuig an gcomhlacht maoirseachta. 2. Gan dochar do mhír 1, féadfaidh an
comhlacht maoirseachta iniúchadh a dhéanamh ar na soláthraithe cáilithe de
sheirbhísí iontaoibhe tráth ar bith le dearbhú go bhfuil siad féin agus na
seirbhísí iontaoibhe cáilithe a chuireann siad ar fáil fós ag comhlíonadh na
gceanglais atá leagtha amach sa Rialachán, bíodh sé sin dá stuaim féin nó ar
iarratas ón gCoimisiún. Cuirfidh an comhlacht maoirseachta torthaí a iniúchtaí
in iúl do na húdaráis um chosaint sonraí, i gcás inar cosúil gur sáraíodh
rialacha maidir le cosaint sonraí pearsanta. 3. Beidh sé de chumhacht ag an gcomhlacht
maoirseachta treoracha ceangailteacha a eisiúint do na soláthraithe cáilithe de
sheirbhísí iontaoibhe chun leigheas a chur ar aon mhainneachtain na ceanglais a
chuirtear in iúl sa tuarascáil ar an iniúchadh slándála a chomhlíonadh. 4. Maidir le mír 3, mura réitíonn an
soláthraí cáilithe de sheirbhísí iontaoibhe aon mhainneachtain den sórt sin
laistigh de theorainn ama leagtha síos ag an gcomhlacht maoirseachta, caillfidh
sé a stádas cáilithe agus cuirfidh an comhlacht maoirseachta in iúl don
soláthraí dá réir go n‑athrófar a stádas sna liostaí iontaofa dá
dtagraítear in Airteagal 18. 5. Tabharfar de chumhacht don Choimisiún
gníomhartha tarmligthe a ghlacadh, i gcomhréir le hAirteagal 38, a
bhaineann leis na cúinsí a shainiú ina dtabharfar aitheantas don chomhlacht
neamhspleách a dhéanfaidh an t‑iniúchadh dá dtagraítear i mír 1 den Airteagal
seo agus in Airteagal 15(1) agus in Airteagal 17(1). 6. Féadfaidh an Coimisiún, trí bhíthin
gníomhartha cur chun feidhme, sainiú a dhéanamh ar na cúinsí, na nósanna
imeachta agus ar na fhormáidí atá infheidhme chun críche mhíreanna 1, 2 agus 4.
Déanfar na gníomhartha cur chun feidhme sin a ghlacadh i gcomhréir leis an nós
imeachta scrúdúcháin dá dtagraítear in Airteagal 39(2). Airteagal 17 Seirbhís
iontaoibhe cháilithe a thionscnamh 1. Tabharfaidh
soláthraithe cáilithe de sheirbhísí iontaoibhe fógra don chomhlacht
maoirseachta maidir lena n‑intinn tosú ar sheirbhís iontaoibhe cháilithe
a sholáthar agus cuirfidh said faoina bhráid tuarascáil ar an iniúcadh slándála
arna dhéanamh ag comhlacht neamhspleách aitheanta, mar a foráiltear in Airteagal 16(1). Féadfaidh soláthraithe cáilithe de sheirbhísí
iontaoibhe tosú ar an seirbhís iontaoibhe cháilithe a sholáthar tar éis dóibh
an fógra a thabhairt agus an tuarascáil ar an iniúchadh slándála a chur faoi
bhráid an chomhlachta maoirseachta. 2. Nuair a bheidh na
doiciméid ábhartha curtha faoi bhráid an chomhlachta maoirseachta i gcomhréir
le mír 1, cuirfear na soláthraithe seirbhísí cháilithe ar na liostaí
iontaofa dá dtagraítear in Airteagal 18 a léiríonn go bhfuil an fógra
maidir leis tugtha. 3. Fíoróidh an comhlacht
maoirseachta go bhfuil an soláthraí seirbhíse iontaoibhe cáilithe agus na
seirbhísí iontaoibhe cáilithe atá á soláthar aige ag comhlíonadh cheanglais an
Rialacháin. Léireoidh an comhlacht maoirseachta stádas
cáilithe na soláthraithe seirbhísí cáilithe agus na seirbhísí iontaofa cáilithe
a sholáthraíonn siad sna liostaí iontaofa tar éis cinneadh dearfach an
fhíoraithe, tráth nach déanaí ná aon mhí amháin tar éis an fógraa thabhairt i
gcomhréir le mír 1. Mura gcuirfear an fíorú i gcrích laistigh de
mhí amháin, cuirfidh an comhlacht maoirseachta na cúiseanna leis an mhoill in
iúl don soláthraí seirbhíse iontaoibhe cáilithe agus luafaidh sé an tréimhse a
thógfaidh sé an fíorú a chur i gcrích. 4. Ní féidir leis an
gcomhlacht seirbhíse poiblí lena mbaineann diúltú do sheirbhís iontaoibhe
cháilithe a bhí faoi réir ag an bhfógra dá dtagraítear i mír 1 maidir le
comhlíonadh nós imeachta ná foirmiúlachta riaracháin, toisc nach cuireadh san
áireamh iad sna liostaí dá dtagraítear i mír 3. 5. Féadfaidh an
Coimisiún, trí bhíthin gníomhartha cur chun feidhme, sainiú a dhéanamh ar
chúinsí, ar fhormáidí agus ar nósanna imeachta chun críche mhíreanna 1, 2 agus
3. Glacfar na gníomhartha cur chun feidhme sin i gcomhréir leis an nós imeachta
scrúdúcháin dá dtagraítear in Airteagal 39(2). Airteagal 18 Liostaí
iontaofa 1. Déanfaidh gach Ballstát liostaí iontaofa a
bhunú, a chothabháil agus a fhoilsiú ina mbeidh faisnéis faoi sholáthraithe
cáilithe de sheirbhísí iontaoibhe cáilithe a bhfuil sé inniúil chuige sin chomh
maith le faisnéis faoi na seirbhísí iontaoibhe cáilithe a sholáthraíonn siad. 2. Déanfaidh gach Ballstát liostaí iontaofa
atá ríomhshínithe nó ríomhshéalaithe a bhunú, a chothabháil agus fhoilsiú ar
bhealach slán mar a foráiltear i mír 1, i bhfoirm atá oiriúnach do
phróiseáil uathoibrithe. 3. Cuirfidh na Ballstáit in iúl don
Choimisiún, gan moill mhíchuí, faisnéis faoin gcomhlacht atá freagrach as
liostaí iontaofa náisiúnta a bhunú, a chothabháil agus fhoilsiú, agus
mionsonraí maidir leis an áit ina bhfuil na liostaí sin foilsithe, maidir leis
an deimhniú a úsáideadh chun na liostaí iontaofa a shíniú nó a shéalú agus
maidir le haon athruithe eile uirthi. 4. Déanfaidh an Coimisiún, trí chainéal slán,
an fhaisnéis dá dtagraítear in mír 3 a chur ar fáil don phobal i bhfoirm
ríomhshínithe nó ríomhshéalaithe atá oiriúnach do phróiseáil uathoibrithe. 5. Tabharfar
de chumhacht don Choimisiún gníomhartha tarmligthe a ghlacadh i gcomhréir le hAirteagal 38
a fhad a bhaineann le sainiú na faisnéise dá dtagraítear i mír 1. 6. Féadfaidh an Coimisiún, trí bhíthin
gníomhartha cur chun feidhme, sainiú a dhéanamh ar shonraíochtaí teicniúla agus
formáidí liostaí iontaofa is infheidhme chun críocha mhíreanna 1 go 4. Déanfar
na gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Airteagal 19 Ceanglais
maidir le soláthraithe cáilithe de sheirbhísí iontaoibhe 1. Agus deimhniú cáilithe á eisiúint aige, fíoróidh
soláthraí seirbhíse iontaoibhe cáilithe, ar dhóigheanna cuí agus i gcomhréir
leis an dlí naisiúnta, aitheantas agus, más cuí, saintréithe an duine nádúrtha
nó dhlítheanaigh ar eisíodh an deimhniú incháilithe dó. Is é an soláthraí seirbhíse cáilithe, nó tríú páirtí
údaraithe atá ag feidhmiú faoi fhreagracht an tsoláthraí seirbhíse cháilithe, a
fhíoróidh an fhaisnéis sin: (a)
trí láithreacht fhicisiúil an duine nádúrtha nó
ionadaí údaraithe an duine dlítheanaigh, nó (b)
go cianda, ag úsáid modhanna ríomhaitheantais faoi
scéim ar tugadh fógra maidir léi agus a eisíodh i gcomhréir le pointe (a). 2. Déanfaidh soláthraithe cáilithe de sheirbhísí iontaoibhe
a sholáthraíonn seirbhísí iontaoibhe cáilithe na nithe seo a leanas: (a)
baill foirne a fhostú a bhfuil an saineolas, an
taithí agus na cáilíochtaí cuí acu agus a chuirfidh nósanna imeachta
bainistíochta agus riaracháin i bhfeidhm atá i chomhréir le caighdeáin Eorpacha
nó idirnáisiúnta agus a bhfuil oiliúint chuí faighte acu maidir le rialacha
slándála agus cosanta sonraí pearsanta; (b)
an dliteanais i leith damáistí a ghlacadh trí
acmhainní leordhóthanacha airgeadais a nó scéim chuí árachais dliteanais bheith
acu ; (c)
roimh dul isteach i gcaidreamh conarthach, aon
duine ar mian leis seirbhís iontaoibhe incháilithe a úsáid a chur ar an eolas
go mion faoi na téarmaí agus na coinníollacha maidir le húsáid na seirbhíse
sin; (d)
córais agus táirgí iontaofa a úsáid atá cosanta ar
mhionathruithe agus a áirithíonn slándáil theicniúil agus iontaofacht an
phróisis a láimhseálann siad; (e)
córais iontaofa a úsáid chun sonraí a thugtar dóibh
a stóráil, i bhfoirm infhíoraithe, sa dhóigh is: –
nach bhfuil na sonraí ar fáil don phobal chun
aisghabhála ach sa chás go bhfuarthas cead an duine ar eisíodh na sonraí sin
dó, –
nach féidir ach le daoine údaraithe iontrálacha
agus athruithe a dhéanamh, –
gur féidir fíordheimhniú faisnéise a sheiceáil; (f)
bearta a dhéanamh in aghaidh brionnú agus
gadaíochta sonraí; (g)
taifead a choimeád ar feadh tréimhse chuí ar gach
faisnéis chuí a bhaineann le sonraí arna n‑eisiúint agus arna bhfáil ag
an soláthraí cáilithe de sheirbhíse iontaoibhe , go háirithe ar mhaithe le
fianaise a sholáthar in imeachtaí dlíthiúla. Is féidir an taifeadadh sin a
dhéanamh go leictreonach; (h)
plean foirceanta a bheith acu atá cothrom le dáta
chun leanúnachas seirbhíse a áirithiú i gcomhréir leis na socruithe a dhéanann
an comhlacht meastóireachta faoi phointe (c) d'Airteagal 13(2); (i)
próiseáil dhleathach sonraí pearsanta a áirithiú i
gcomhréir le hAirteagal 11. 3. Maidir le soláthraithe
cáilithe de sheirbhísí iontaoibhe a eisíonn deimhnithe cáilithe, cláróidh siad
cúlghairm an deimhnithe ina mbunachar sonraí deimhnithe laistigh de dheich
nóiméad ó theacht i bhfeidhm don chúlghairm. 4. Maidir le mír 3,
cuirfidh soláthraithe cáilithe de sheirbhísí iontaoibhe a eisíonn deimhnithe
cháilithe, cuirfidh siad ar fáil d'aon pháirtí is úsáideoir faisnéis maidir le
stádas bailíochta nó stádas cúlghairme deimhnithe cáilithe a d'eisigh siad. Cuirfear an fhaisnéis sin ar fáil tráth ar bith
agus i gcás gach deimhnithe ar a laghad, ar bhealach uathoibríoch atá iontaofa,
saor in aisce agus éifeachtúil. 5. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú maidir le córais agus tairgí iontaofa. Measfar go bhfuiltear ag comhlíonadh na gceanglas atá leagtha síos in Airteagal 19,
i gcás ina gcomhlíonann córais agus táirgí iontaofa na caighdeáin sin. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Roinn
3 Ríomhshíniú Airteagal 20 Éifeachtaí
dlíthiúla agus glacadh ríomhshínithe 1. Ní shéanfar ar
ríomhshíniú éifeacht dhlíthiúil ná inghlacthacht mar fhianaise in imeachtaí
dlíthiúla mar gheall ar é bheith i bhfoirm leictreonach amháin. 2. Beidh
ríomhshíniúcáilithe ar aon éifeacht dhlíthiúil le síniúlámhscríofa . 3. Aithneofar agus
glacfar le ríomhshínithe incháilithe i ngach Ballstát. 4. Más ríomhshíniú ag a
bhfuil leibhéal dearbhaithe slándála atá níos ísle ná leibhéal ríomhshínithe
cháilithe atá á lorg, go háirithe más Ballstát atá á lorg chun rochtain a fháil
ar sheirbhís phoiblí ar bhonn measúnú cuí ar na rioscaí a bhaineann le seirbhís
mar í, aithneofar agus glacfar le gach ríomhshíniú atá aon leibhéal dearbhaithe
slándála ar a laghad leis. 5. Ní lorgfaidh na
Ballstáit, chun rochtain trasteorann a fháil ar sheirbhísí ar líne atá á
dtairiscint ag comhlacht poiblí, leibhéal níos airde dearbhaithe slándála ná
leibhéal ríomhshínithe cháilithe. 6. Tabharfar de chumhacht
don Choimisiún gníomhartha tarmligthe a ghlacadh, i gcomhréir le hAirteagal 38,
a bhaineann leis na léibhéil difriúla slándála a shainiú maidir le ríomhshíniú,
dá dtagraítear i mír 4. 7. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú do leibhéil slándála ríomhshínithe. Toimhdeofar go bhfuiltear ag comhlíonadh an leibhéil slándála a
sainíodh i ngníomh tarmligthe a glacadh de bhun míre 6 i gcás ina
gcomhlíonfaidh ríomhshíniú na caighdeáin sin. Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Airteagal 21 Deimhnithe
cáilithe le haghaidh ríomhshíniú 1. Comhlíonfaidh
deimhnithe cáilithe le haghaidh ríomhshínithe na ceanglais atá leagtha síos in Iarscríbhinn I. 2. Ní bheidh deimhnithe
cáilithe le haghaidh riomhshínithe faoi réir aon cheanglas sainordaitheach a
théann thar na ceanglais atá leagtha síos in Iarscríbhinn I. 3. Má chúlghairtear
deimhniú cáilithe le haghaidh ríomhshínithe tar éis a chéadghníomhachtaithe,
caillfidh sé a bhailíocht, agus ní thabharfaidh athnuachan bailíochta ar ais a
stádas in imthosca ar bith. 4. Tabharfar de chumhacht
don Choimisiún gníomhartha tarmligthe a ghlacadh i gcomhréir le hAirteagal 38
a fhad a bhaineann leis na ceanglais atá leagtha síos in Iarscríbhinn I a
shonrú a thuilleadh. 5. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán is infheidhme maidir le deimhnithe cáilithe don ríomhshíniú. Toimhdeofar go bhfuiltear ag comhlíonadh na
gceanglas atá leagtha síos in Iarscríbhinn I, i gcás ina gcomhlíonfaidh
deimhniú cáilithe le haghaidh ríomhshínithe na caighdeáin sin. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Airteagal 22 Ceanglais
maidir le gléasanna um chruthú ríomhshínithe cáilithe 1. Comhlíonfaidh
gléasanna um chruthú ríomhshínithe cáilithe na ceanglais atá leagtha síos in Iarscríbhinn II. 2. Féadfaidh an
Coimisiún, trí bhíthin gníomhartha cur chun feidhme, uimhreacha tagartha caighdeáin
a bhunú is infheidhme maidir le gléasanna um chruthú ríomhshínithe cáilithe. Toimhdeofar go bhfuiltear ag comhlíonadh na
gceanglas atá leagtha síos in Iarscríbhinn II, i gcás ina gcomhlíonfaidh
gléas um chruthú ríomhshínithe cáilithe na ceanglais sin. Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Airteagal 23 Deimhniú
gléasanna um chruthú ríomhshínithe cáilithe 1. Féadfaidh comhlachtaí
iomchuí poiblí nó príobháideacha arna n‑ainmniú chuige sin ag na
Ballstáit gléasanna um chruthú ríomhshínithe cáilithe a dheimhniú ar chuntar go
dtéann siad trí phróiseas meastóireachta slándála arna seoladh i gcomhréir le
ceann de na caighdeáin maidir le measúnú slándála a dhéanamh ar tháirgí
teicneolaíochta faisnéise a luafar i liosta a bhunóidh an Coimisiún trí bhíthin
gníomhartha cur chun feidhme. Déanfar
na gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris Oifigiúil an
Aontais Eorpaigh. 2. Cuirfidh na Ballstáit
in iúl don Choimisiún agus do na Ballstáit eileainmneacha agus seoltaí na
gcomhlachtaí poiblí nó príobháideacha arna n‑ainmniú chuige sin , dá
dtagraítear mír 1. 3. Tabharfar de chumhacht
don Choimisiún gníomhartha tarmligthe a ghlacadh, i gcomhréir le hAirteagal 38,
a fhad a bhaineann le critéir shonracha a bhunú atá le comhlíonadh ag na
comhlachtaí arna n‑ainmniú dá dtagraítear i mír 1. Airteagal 24 Foilsiú
liosta de ghléasanna deimhnithe um chruthú ríomhshínithe cáilithe 1. Cuirfidh na Ballstáit
in iúl don Choimisiún, gan moill míchuí, faisnéis maidir le gléasanna um chruthú
ríomhshínithe cáilithe arna ndeimhniú ag na comhlachtaí dá dtagraítear in Airteagal 23. Cuirfidh siad in iúl don Choimisiún freisin, gan
moill míchuí, faisnéis maidir le gléasanna um chruthú ríomhshínithe nach
ndeimhneofar a thuilleadh. 2. Ar bhonn na faisnéise
arna fáil, bunóidh, cothabhálfaidh agus foilseoidh an Coimisiún liosta de
ghléasanna deimhnithe um chruthú ríomhshínithe cáilithe. 3. Féadfaidh an
Coimisiún, trí bhíthin gníomhartha cur chun feidhme, sainiú a dhéanamh ar
chúinsí, ar fhormáidí agus ar nósanna imeachta infheidhme chun críche mhír 1. Déanfar na gníomhartha cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in Airteagal 39(2). Airteagal 25 Ceanglais maidir le ríomhshínithe cáilithe a bhailíochtú 1. Glacfar le bailíocht
ríomhshínithe cháilithe ar an tuiscint gur féidir a chruthú le hardleibhéal
cinnteachta, am an tsínithe, : (a)
gur deimhniú cáilithe ríomhshínithe atá i gcomhréir
leis na forálacha atá leagtha síos in Iarscríbhinn I atá sa deimhniú atá
ag tacú leis an síniú; (b)
go bhfuil an deimhniú cáilithe atá ag teastáil
barántúil agus bailí; (c)
gur sonraí um bailíochtú ríomhaitheantais a
chomhfhreagraíonn do na sonraí a soláthraíodh do pháirtithe is úsáideoirí; (d)
gur foireann sonraí a léiríonn gan athbhrí an
sínitheoir a soláthraíodh i gceart do pháirtithe is úsáideoirí; (e)
i gcás ina n‑úsáidtear ainm bréige, go
gcuirtear sin in iúl go follasach do pháirtithe is úsáideoirí; (f)
gur gléas um chruthú ríomhshínithe incháilithe a
chruthaigh an ríomhshíniú; (g)
nár cuireadh slándáil na sonraí sínithe i mbaol; (h)
go gcomhlíonfar na ceanglais dá bhforáiltear in mír
7 d'Airteagal 3; (i)
go dtugann an córas a úsáidtear chun an ríomhshíniú
a bhailíochtú toradh an phróisis bhailíochtaithe sin go cruinn don pháirtí is
úsáideoir agus ligeann sé don pháirtí sin aon cheisteanna slándála ábhartha a
d'fhéadfadh bheith ann a bhrath. 2. Tabharfar de chumhacht
don Choimisiún gníomhartha tarmligthe a ghlacadh i gcomhréir le hAirteagal 38
a fhad a bhaineann le tuilleadh sonraithe a dhéanamh ar na ceanglais shonracha
atá leagtha síos i mír 1. 3. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú is infheidhme maidir le ríomhshínithe cáilithe a bhailíochtú. Toimhdeofar go bhfuiltear ag comhlíonadh na
gceanglas atá leagtha síos i mír 1, i gcás ina gcomhlíonfaidh bailíochtú
na ríomhshínithe cáilithe na caighdeáin sin. Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Airteagal 26 Seirbhís
bhailíochtaithe cháilithe le haghaidh ríomhshíniú cáilithe 1. Soláthróidh soláthraí
seirbhísí iontaoibhe cáilithe seirbhís bhailíochtaithe le haghaidh
ríomhshínithe cáilithe, ar soláthraí é: (a)
s sholáthraíonn bailíochtú i gcomhréir le Airteagal 25(1),
agus (b)
a chuireann ar chumas na bpáirtithe atá ag brath ar
torthaí an phróisis bhailíochtaithe a ghlacadh ar bhealach uathoibríoch atá
iontaofa, éifeachtúil agus lena bhfuil ag gabháil ríomhshíniú ardleibhéil nó
ríomhshéala ardleibhéil sholáthraí na seirbhíse bailíochtaithe cáilithe. 2. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeáina bhunú is infheidhme maidir le seirbhís bhailíochtaithe cháilithe dá
dtagraítear i mír 1. Toimhdeofar
go bhfuiltear ag comhlíonadh na gceanglas atá leagtha síos i bpointe (b) de
mhír 1, i gcás ina gcomhlíonfaidh an tseirbhís bhailíochtaithe don ríomhshíniú
cáilithe na caighdeáin sin. Déanfar
na gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris Oifigiúil an
Aontais Eorpaigh. Airteagal 27 Caomhnú
ríomhshínithe cáilithe 1. Is soláthraí seirbhísí
iontaoibhe cáilithe a sholáthróidh seirbhíse caomhnaithe ríomhshínithe cáilithe
ar seirbhís í a úsáideann nósanna imeachta agus teicneolaíochtaí a bhfuil sé ar
a gcumas iontaofacht na sonraí bailíochtaithe ríomhshínithe cáilithe a shíneadh
amach thar an tréimhse bhailíochta theicniúil. 2. Tabharfar de chumhacht
don Choimisiún gníomhartha tarmligthe a ghlacadh i gcomhréir le hAirteagal 38
a fhad a bhaineann leis na ceanglais atá leagtha síos i mír 1 a shonrú a
thuilleadh. 3. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeáin a bhunú is infheidhme maidir le ríomhshínithe incháilithe a
chaomhnú. Toimhdeofar go bhfuiltear
ag comhlíonadh na gceanglas atá leagtha síos i mír 1, i gcás ina
gcomhlíonfaidh na socruithe maidir le caomhnú na ríomhshínithe incháilithe na
caighdeáin sin. Déanfar na
gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris Oifigiúil an
Aontais Eorpaigh. Roinn
4 Ríomhshéalaí Airteagal 28 Éifeachtaí
dlíthiúla ríomhshéalaí 1. Ní shéanfar ar
ríomhshéala éifeacht dhlíthiúil ná inghlacthacht mar fhianaise in imeachtaí
dlíthiúla mar gheall ar é bheith i bhfoirm leictreonach amháin. 2. Beidh toimhde
dhlíthiúil ag an ríomhshéala cáilithe a thugann ráthaíocht maidir le
barántúlacht agus sláine na sonraí lena bhfuil sé nasctha. 3. Aithneofar agus
glacfar le ríomhshéala cáilithe i ngach Ballstát. 4. Más ríomhshíniú ag a
bhfuil leibhéal dearbhaithe slándála atá níos ísle ná leibhéal ríomhshínithe
cháilithe atá á lorg, go háirithe más Ballstát atá á lorg chun rochtain a fháil
ar sheirbhís phoiblí ar bhonn measúnú cuí ar na rioscaí a bhaineann le seirbhís
mar í, aithneofar agus glacfar le gach ríomhshíniú atá aon leibhéal dearbhaithe
slándála ar a laghad leis 5. Ní lorgfaidh na
Ballstáit, chun rochtain trasteorann a fháil ar sheirbhísí ar líne atá á
dtairiscint ag comhlacht poiblí, leibhéal níos airde dearbhaithe slándála ná
leibhéal ríomhshínithe cháilithe. 6. Tabharfar de chumhacht
don Choimisiún gníomhartha tarmligthe a ghlacadh, i gcomhréir le hAirteagal 38,
a fhad a bhaineann leis na léibhéil difriúla de dearbhaithe slándála a shainiú
maidir le ríomhshéalaí, dá dtagraítear i mír 4. 7. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú is infheidhme maidir leis na leibhéal dearbhaithe slándála le
haghaidh ríomhshéalaí. Toimhdeofar go bhfuiltear ag comhlíonadh an leibhéil
slándála a sainíodh i ngníomh tarmligthe ar glacadh de bhun mhír 6 i gcás ina
gcomhlíonfaidh ríomhshíniú na caighdeáin sin. Déanfar na gníomhartha cur chun
feidhme sin a ghlacadh i gcomhréir leis an nós imeachta scrúdúcháin dá
dtagraítear in Airteagal 39(2). Foilseoidh an Coimisiún na gníomhartha sin
in Iris Oifigiúil an Aontais Eorpaigh. Airteagal 29 Ceanglais
maidir le deimhnithe cáilithe le haghaidh ríomhshéalaí 1. Comhlíonfaidh deimhnithe cáilithe le
haghaidh ríomhshéalaí na ceanglais a leagtar síos in Iarscríbhinn III. 2. Ní bheidh deimhnithe cáilithe le haghaidh
riomhshéalaí faoi réir aon cheanglas shainordaitheach de bhreis ar na ceanglais
atá leagtha síos in Iarscríbhinn III. 3. Má chúlghairtear deimhniú cáilithe le
haghaidh ríomhshéala tar éis a chéadghníomhachtaithe, caillfidh sé a
bhailíocht, agus ní thabharfaidh athnuachan bailíochta ar ais a stádas in
imthosca ar bith. 4. Tabharfar de chumhacht don Choimisiún
gníomhartha tarmligthe a ghlacadh i gcomhréir le hAirteagal 38, a fhad a
bhaineann leis na ceanglais atá leagtha síos in Iarscríbhinn III a shonrú
a thuilleadh. 5. Féadfaidh an Coimisiún, trí bhíthin
gníomhartha cur chun feidhme, uimhreacha tagartha caighdeán a bhunú is
infheidhme maidir le deimhnithe cáilithe le haghaidh ríomhshéalaí. Toimhdeofar
go bhfuiltear ag comhlíonadh na gceanglas atá leagtha síos in Iarscríbhinn III,
i gcás ina gcomhlíonfaidh deimhniú cáilithe le haghaidh ríomhshéala na
caighdeáin sin. Déanfar na gníomhartha cur chun feidhme sin a ghlacadh i
gcomhréir leis an nós imeachta scrúdúcháin dá dtagraítear in Airteagal 39(2).
Foilseoidh an Coimisiún na gníomhartha sin in Iris Oifigiúil an
Aontais Eorpaigh. Airteagal 30 Gléasanna um chruthú ríomhshéala cáilithe 1. Beidh feidhm mutatis mutandis ag Airteagal 22
maidir leceanglais maidir le gléasanna um chruthú ríomhshéala cáilithe. 2. Beidh feidhm mutatis mutandis ag Airteagal 23
maidir le deimhniú gléasanna um chruthú ríomhshéala cáilithe. 3. Beidh feidhm mutatis mutandis ag Airteagal 24
maidir le foilsiú liosta de ghléasanna um chruthú ríomhshéala cáilithe
deimhnithe. Airteagal 31 Bailíochtú
agus caomhnú ríomhshéalaí cáilithe Beidh feidhm mutatis mutandis
Airteagail 25, 26 agus 27 maidir le bailíochtú agus ar caomhnú ríomhshéalaí
cáilithe. Roinn
5 Ríomhstampa
ama Airteagal 32 Éifeacht
dhlíthiúil ríomhstampaí ama 1. Ní shéanfar ar ríomhstampa ama éifeacht dhlíthiúil ná
inghlacthacht mar fhianaise in imeachtaí dlíthiúla mar gheall ar é bheith i
bhfoirm leictreonach amháin. 2. Beidh toimhde dhlíthiúil ag an ríomhstampa ama cáilithe
a thugann ráthaíocht maidir leis an am a luann sé agus maidir le barántúlacht
na sonraí lena bhfuil sé nasctha. 3. Aithneofar agus glacfar le ríomhstampaí ama cáilithe i
ngach Ballstát . Airteagal 33 Ceanglais
maidir le ríomhstampaí ama cáilithe 1. Comhlíonfaidh ríomhstampa ama cáilithe na ceanglais seo
a leanas: (a)
tá sé nasctha go cruinn le hAm Uilíoch Lárnach ar
bhealach a chuirfidh bac ar aon fhéidearthacht na sonraí a go dobhraite; (b)
tá sé bunaithe ar fhoinse chruinn ama; (c)
d'eisigh soláthraí seirbhísí iontaoibhe cáilithe é; (d)
síníodh é le ríomhshíniú ardleibhéil nó le
ríomhshéala ardleibhéil an tsoláthraí seirbhísí iontaoibhe cháilithe, nó lena
chothrom. 2. Féadfaidh an Coimisiún, trí bhíthin
gníomhartha cur chun feidhme, uimhreacha tagartha caighdeán a bhunú is
infheidhme maidir le cruinneas an naisc idiram agus sonraí agus maidir le
foinse chruinn ama. Toimhdeofar go
bhfuiltear ag comhlíonadh na gceanglas atá leagtha síos i mír 1, i gcás
ina gcomhlíonfaidh cuinneas an naisc idir am agus sonraí agus foinse chruinn
ama na caighdeáin sin. Déanfar na
gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris Oifigiúil an
Aontais Eorpaigh. Roinn
6 Ríomhdhoiciméid Airteagal 34 Éifeachtaí
dlíthiúla agus glacadh ríomhdhoiciméad 1. Measfar go bhfuil
ríomhdhoiciméad coibhéiseach le doiciméad páipéir agus inghlactha mar fhianaise
in imeachtaí dlíthiúla, ag féacaint dá leibhéal dearbhaithe barántúlachta agus
sláine. 2. Ríomhdhoiciméad lena
ngabhann ríomhshíniú cáilithe nó ríomhshéala cáilithe an duine atá inniúil an
doiciméad sin a eisiúint, beidh toimhde dhlíthiúil aige maidir lena
bharántúlacht agus maidir lena shláine ar chuntar nach bhfuil tréithe
dinimiciúla ann a fhágann gur féidir an doiciméad a athrú go huathoibríoch. 3. Nuair atá doiciméad
bunaidh nó cóip dheimhnithe de dhíth chun seirbhís phoiblí atá á tairiscint ar
líne ag comhlacht poiblí a sholáthar, glacfar i mBallstáit eile gan aon cheanglais
bhreise ar a laghad le ríomhdhoiciméid a eisíonn na daoine atá inniúil chun na
doiciméid sin a eisiúint agus a mheastar a bheith ina dhoiciméid bhunaidh nó
ina gcóipeanna deimhnithe i gcomhréir leis an dlí náisiúnta sa Bhallstát
tionscnaimh. 4. Féadfaidh an
Coimisiún, trí bhíthin gníomhartha cur chun feidhme, formáidí ríomhshínithe
agus ríomhshéalaí a shainiú a nglacfar leo nuair a iarrann Ballstát, chun
seirbhís ar líne a sholáthar atá á tairiscint ag comhlacht poiblí, doiciméad
atá sínithe nó séalaithe dá dtagraítear i mír 2. Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 39(2). Roinn
7 Ríomhsheirbhís
seachadta incháilithe Airteagal 35 Éifeacht
dhlíthiúil ríomhsheirbhíse seachadta 1. Beidh sonraí a seoladh
nó a glacadh trí ríomhsheirbhís seachadta inghlactha mar fhianaise in imeachtaí
dlíthiúla, ó thaobh shláine na sonraí agus chinnteacht an dáta agus an ama a
seoladh na sonraí sin chuig seolaí sonraithe nó ó thaobh chinnteacht an dáta
agus ama a ghlac seolaí sonraithe iad. 2. Beidh toimhde
dhlíthiúil ag sonraí a seoladh nó a glacadh trí ríomhsheirbhís seachadta
cháilithe maidir le sláine na sonraí agus maidir le cruinneas an ama a seoladh
nó a glacadh iad agus atá léirithe ag an gcóras um ríomhsheirbhís seachadta
cháilithe. 3. Tabharfar de chumhacht
don Choimisiún gníomhartha tarmligthe a ghlacadh i gcomhréir le hAirteagal 38
a fhad a bhaineann le meicníochtaí seolta agus glactha sonraí a úsáideann
ríomhsheirbhísí seachadta a shonrú, a úsáidfear féachaint idir‑inoibritheacht
a chothú idir ríomhsheirbhísí seachadta. Airteagal 36 Ceanglais
maidir le ríomhsheirbhísí seachadta cáilithe 1. Comhlíonfaidh
ríomhsheirbhísí seachadta cáilithe na ceanglais seo a leanas: (a)
caithfidh soláthraí seirbhíse iontaoibhe cáilithe
amháin nó níos mó iad a sholáthar; (b)
caithfear a bheith in annan seoltóir, agus más
iomchuí, an seolaí aithint gan débhrí dá mbarr; (c)
caithfidh an próiseas seolta agus glactha sonraí
bheith slánaithe ag ríomhshíniú ardleibhéil nó ag ríomhshéala ardleibhéil de
chuid soláthraí cháilithe de sheirbhísí iontaoibhe cáilithe ar bhealach a
chuirfidh bac ar aon fhéidearthacht na sonraí a n‑athrú go dobhraite; (d)
aon athrú sonraí is gá a dhéanamh ar mhaithe le
seoladh agus glacadh na sonraí, ní foláir é a chur in iúl go follasach do
sheoltóir agus do sheolaí na sonraí; (e)
is gá dáta seolta na sonraí, dáta glactha na sonraí
agus dáta aon athruithe ar na sonraí a léiriú le ríomhstampa ama cáilithe; (f)
más amhlaidh atá na sonraí á n‑aistriú idir
dhá sholáthraí cháilithe de sheirbhísí iontaoibhe cáilithe nó níos mó, beidh
feidhm ag na ceanglais i bpointí (a) go (e) maidir leis na soláthraithe
seirbhísí iontaoibhe cáilithe go léir. 2. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú is infheidhme maidir le próisis seolta agus ghlactha sonraí. Toimhdeofar go bhfuiltear ag comhlíonadh na
gceanglas atá leagtha síos i mír 1, i gcás ina gcomhlíonfaidh próisis
seolta agus ghlactha sonraí na caighdeáin sin. Déanfar na gníomhartha cur chun feidhme sin a ghlacadh i gcomhréir leis
an nós imeachta scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris
Oifigiúil an Aontais Eorpaigh. Roinn
8 Fíordheimhniú
suíomhanna gréasáin Airteagal 37 Ceanglais
maidir le deimhnithe cáilithe um fhíordheimhniú suíomhanna gréasáin 1. Comhlíonfaidh
deimhnithe cáilithe um fhíordheimhniú suíomhanna gréasáin na ceanglais a
leagtar síos in Iarscríbhinn IV. 2. Aithneofar agus
glacfar le, deimhnithe cáilithe fhíordheimhnithe suíomhanna gréasáin i ngach
Ballstát. 3. Tabharfar de chumhacht
don Choimisiún gníomhartha tarmligthe a ghlacadh i gcomhréir le hAirteagal 38,
a fhad a bhaineann leis na ceanglais atá leagtha síos in Iarscríbhinn IV a
shonrú a thuilleadh. 4. Féadfaidh an
Coimisiún, trí bhíthin gníomhartha cur chun feidhme, uimhreacha tagartha
caighdeán a bhunú is infheidhme maidir le deimhnithe cáilithe um fhíordheimhniú
suíomhanna gréasáin. Toimhdeofar go
bhfuiltear ag comhlíonadh na gceanglas atá leagtha síos in Iarscríbhinn IV,
i gcás ina gcomhlíonfaidh deimhniú cáilithe um fhíordheimhniú suíomhanna
gréasáin na caighdeáin sin. Déanfar
na gníomhartha cur chun feidhme sin a ghlacadh i gcomhréir leis an nós imeachta
scrúdúcháin dá dtagraítear in Airteagal 39(2). Foilseoidh an Coimisiún na gníomhartha sin in Iris Oifigiúil an
Aontais Eorpaigh. CAIBIDIL
IV GNÍOMHARTHA
TARMLIGTHE Airteagal 38 An
tarmligean a fheidhmiú 1. Tugtar de chumhacht
don Choimisiún gníomhartha tarmligthe a ghlacadh faoi réir
na gcoinníollacha atá leagtha síos san Airteagal seo. 2. Bronnfar tarmligean na
cumhachta dá dtagraítear in Airteagail 8(3), 13(5), 15(5), 16(5), 18(5),
20(6), 21(4), 23(3), 25(2), 27(2), 28(6), 29(4), 30(2), 31, 35(3) agus 37(3) go
ceann tréimhse éiginnte ó dháta theacht i bhfeidhm an Rialacháin seo. 3. Féadfaidh Parlaimint
na hEorpa nó an Chomhairle tarmligean na gcumhachta dá dtagraítear in Airteagal 8(3),
13(5), 15(5), 16(5), 18(5), 20(6), 21(4), 23(3), 25(2), 27(2), 28(6), 29(4),
30(2), 31, 35(3) agus 37(3) ) a chúlghairm am ar bith. Le Déanfaidh cinneadh chun cúlghairm a dhéanamh deireadh a chur le
tarmligean na cumhachta atá sonraithe sa chinneadh sin. Gabhfaidh éifeacht leis
ón lá tar éis fhoilsiú an chinnidh in Iris Oifigiúil an Aontais Eorpaigh,
nó ar dháta is déanaí a shonrófar sa chinneadh. Ní dhéanfaidh sé difear do
bhailíocht aon ghníomhartha tarmligthe atá i bhfeidhm cheana féin. 4. A luaithe agus a ghlacfaidh sé gníomh
tarmligthe, tabharfaidh an Coimisiún fógra ina thaobh sin do Pharlaimint na
hEorpa agus don Chomhairle an tráth céanna. 5. Ní thiocfaidh gníomh tarmligthe a ghlactar
de bhun Airteagal 8(3), 13(5), 15(5), 16(5), 18(5), 20(6), 21(4), 23(3),
25(2), 27(2), 28(6), 29(4), 30(2), 31, 35(3) ná 37(3) i bhfeidhm ach amháin
mura mbeidh aon agóid curtha in iúl ag Parlaimint na hEorpa nó ag an gComhairle
laistigh de thréimhse dhá mhí tar éis fógra faoin ngníomh sin a thabhairt do
Pharlaimint na hEorpa agus don Chomhairle nó más rud é, roimh dheireadh na
tréimhse sin, go mbeidh Parlaimint na hEorpa agus an Chomhairle araon tar éis a
chur in iúl don Choimisiún nach ndéanfaidh siad aon agóid. Cuirfear dhá mhí
leis an tréimhse sin ar thionscnamh Pharlaimint na hEorpa nó na Comhairle. CAIBIDIL V GNÍOMHARTHA CUR CHUN FEIDHME Airteagal 39 Nós imeachta coiste 1. Beidh coiste de chúnamh ag an gCoimisiún. Coiste
de réir bhrí Rialacháin (AE) Uimh. 182/2011 a bheidh sa choiste sin. 2. I gcás ina ndéanfar tagairt don mhír seo,
beidh feidhm ag Airteagal 5 de Rialachán 182/2011. CAIBIDIL
VI FORÁLACHA
CRÍOCHNAITHEACHA Airteagal 40 Tuarascáil Cuirfidh an Coimisiún tuarascáil chuig
Parlaimint na hEorpa agus chuig an gComhairle faoi chur i bhfeidhm an
Rialacháin seo. Cuirfear an chéad tuarascáil isteach tráth nach déanaí ná
ceithre bliana tar éis theacht i bhfeidhm don Rialacháin seo. Cuirfear isteach
tuarascálacha ina dhiaidh sin gach ceithre bliana. Airteagal 41 Aisghairm
1. Aisghairtear Treoir 1999/93/CE. 2. Déanfar aon tagairtí don Treoir aisghairthe
a fhorléiriú mar thagairtí don Rialachán seo. 3. Gléasanna um chruthú sínithe slána ar
cinneadh a gcomhréireacht i gcomhréir le hAirteagal 3(4) de Threoir 1999/93/CE,
measfar gur gléasanna um chruthú sínithe cáilithe iadfaoin Rialachán seo. 4. Measfar gur deimhnithe incháilithe iad
faoin Rialachán seo deimhnithe incháilithe le haghaidh ríomhshínithe a eisíodh
faoi Threoir 1999/93/CE go dtí go rachaidh siad in éag, ach go ceann
tréimhse nach faide ná cúig bliana ón am atá feidhm leis an Rialachán seo. Airteagal 42 Teacht
i bhfeidhm Tiocfaidh an Rialachán seo i bhfeidhm an
fichiú lá tar éis lá a fhoilsithe in Iris Oifigiúil an
Aontais Eorpaigh. Beidh an Rialachán seo ina cheangal go huile
agus go hiomlán agus infheidhme go díreach i ngach Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle an tUachtarán an
tUachtarán IARSCRÍBHINN I Ceanglais
maidir le deimhnithe cáilithe le haghaidh ríomhshínithe Beidh na nithe seo a leanas sna deimhnithe
cáilithe le haghaidh ríomhshínithe: (a)
nod, ar a laghad i bhfoirm atá oiriúnach do phróiseáil
uathoibrithe, gur eisíodh an deimhniú mar dheimhniú cáilithe le haghaidh
ríomhshínithe; (b)
tacar sonraí a léiríonn gan debhrí an soláthraí
seirbhísí iontaoibhe cáilithe atá ag eisiúnt an deimhnithe cháilithe, lena n‑áirítear
ar a laghad, an Ballstát ina bhfuil an soláthraí bunaithe agus –
i gcás duine dhlítheanaigh: ainm agus uimhir
chlárúcháin mar atá sonraithe sna taifid oifigiúla, –
i gcás duine nádúrtha: ainm an duine; (c)
tacar sonraí a léiríonn gan debhrí an sínitheoir ar
eisíodh an deimhniú dó, lena n‑áirítear ar a laghad ainm an tsínitheora
nó a ainm bréige, a aithneofar amhlaidh; (d)
na sonraí bailíochtaithe le haghaidh ríomhshínithe
a fhreagraíonn do na sonraí maidir le cruthú ríomhshínithe ; (e)
sonraí maidir le tús agus deireadh thréimhse
bhailíochta an deimhnithe; (f)
cód céannachta an deimhnithe a chaithfidh a bheith
uathúil ag an soláthraí cáilithe de sheirbhísí iontaoibhe ; (g)
ríomhshíniú ardleibhéil nó ríomhshéala ardleibhéil
an tsoláthraí cháilithe de sheirbhísí iontaoibhe atá ag déanamh an eisiúna; (h)
an láthair ina bhfuil an deimhniú a thacaíonn leis
an ríomhshíniú ardleibhéil nó leis an ríomhshéala ardleibhéil dá dtagraítear i
bpointe (g) ar fáil saor in aisce ; (i)
an láthair ina bhfuil na seirbhísí maidir le stádas
bailíochta deimhnithe is féidir a úsáid chun fiosruithe a dheanamh faoi stádas
bailíochta an deimhnithe cháilithe; (j)
an láthair ar ghléas um chruthú ríomhshínithe
cáilithe a bhfuil na sonraí um chruthú ríomhaitheantais bainteach le sonraí um
bailíochtú ríomhaitheantais, i bhfoirm atá ar a laghad oiriúnach do phróiseáil
uathoibrithe. IARSCRÍBHINN II Ceanglais
maidir le gléasanna um chruthú ríomhshínithe cáilithe 1. Áiritheoidh gléasanna um chruthú
ríomhshínithe cáilithe, trí bhíthin modhanna iomchuí teicniúlaagus nós
imeachta, an méid seo a leanas: (a)
go bhfuil rúndacht na sonraí maidir le cruthú
ríomhshínithe a úsáidtear i nginiúint ríomhshínithe caomhnaithe ó chontúirt. (b)
nach n‑úsáidtear sonraí maidir le cruthú
ríomhshínithe a úsáidtear i nginiúint ríomhshínithe ach aon uair amháin; (c)
nach féidir na sonraí maidir le cruthú
ríomhshínithe a úsáidtear i nginiúint ríomhshínithe, le cinnteacht réasúnta, a
dhéanamh amach agus go bhfuil an síniú á chosaint ar bhrionnú le teicneolaíocht
atá ar fáil faoi láthair; (d)
gur féidir leis an sínitheoir dlisteanach cosaint a
dhéanamh le hiontaoibh ó úsáid pháirtithe eile ar na sonraí maidir le cruthú
ríomhshínithe a úsáidtear i nginiúint ríomhshínithe. 2. Ní athróidh gléasanna um chruthú
ríomhshínithe cáilithe na sonraí atá le síniú ná ní chuirfidh siad cosc leis na
sonraí sin a chur i láthair an tsínitheora roimh an síniú. 3. Is soláthraithe cáilithe de sheirbhísí
iontaoibhe a ghinfidh nó a bhainisteoidh sonraí maidir le cruthú sonraí
ríomhshínithe thar ceann an tsínitheora. 4. Soláthraithe cáilithe de sheirbhísí
iontaoibhe atá ag bainistiú sonraí maidir le cruthú ríomhshínithe thar ceann an
tsínitheora, féadfaidh siad na sonraí sin a mhacasamhlú chun críocha cúltaca ar
choinníoll go gcomhlíonfar na ceanglais seo a leanas: (a)
caithfidh natacair shonraí macasamhlaithe bheith ar
ar aon leibhéal slándála leis an tacar sonraí bunaidh; (b)
ní rachaidh líon na dtacar sonraí macasamhlaithe
thar an líon is lú atá riachtanach chun leanúnachas na seirbhíse a áirithiú. IARSCRÍBHINN III Ceanglais
maidir le deimhnithe cáilithe le haghaidh ríomhshéalaí Beidh na nithe seo a leanas sna deimhnithe
cáilithe le haghaidh ríomhshéalaí: (a)
comharthú, i bhfoirm atá ar a laghad oiriúnach don
phróiseáil uathoibrithe, gur eisíodh mar dheimhniú cáilithe an deimhniú a
eisíodh do ríomhshéala; (b)
foireann sonraí a léiríonn gan athbhrí an soláthraí
seirbhísí iontaoibhe cáilithe a eisíonn deimhnithe cáilithe lena n‑áirítear
ar a laghad, an Stát ina bhfuil an soláthraí bunaithe agus –
más duine dlítheanach: ainm agus uimhir chlárúcháin
mar atá sonraithe sna taifid oifigiúla, –
más duine nádúrtha: ainm an duine; (c)
foireann sonraí a léiríonn gan athbhrí an duine
dlítheanach ar eisíodh an deimhniú dó lena n‑áirítear ar a laghad ainm
agus uimhir chlárúcháin mar atá sonraithe sna taifid oifigiúla; (d)
sonraí um bailíochtú ríomhshéala a chomhfhreagraíonn
do na sonraí cruthaithe ríomhshéala; (e)
sonraí maidir le tús agus deireadh tréimhse
bhailíochta an deimhnithe; (f)
cód céannachta an deimhnithe a chaithfidh a bheith
uathúil don soláthraí seirbhísí iontaoibhe cáilithe; (g)
ríomhshíniú ardleibhéil nó ríomhshéala ardleibhéil
ón soláthraí seirbhísí iontaoibhe cáilithe a eisíonn; (h)
an láthair ina bhfuil an deimhniú a thacaíonn le
ríomhshíniú ardleibhéil nó leis an ríomhshéala ardleibhéil dá dtagraítear i
bpointe (g) ar fáil saor in aisce ar; (i)
an láthair ina bhfuil na seirbhísí stádais
bhailíochta deimhnithe ar féidir a úsáid chun stádas bailíochta an deimhnithe
cháilithe a fhiosrú; (j)
an láthair ar ghléas um chruthú ríomhshéala
cáilithe a bhfuil na sonraí um chruthú ríomhshéala bainteach le sonraí um
bailíochtú ríomhshéala, le comharthú oiriúnach de seo i bhfoirm atá ar a laghad
oiriúnach don phróiseáil uathoibrithe. IARSCRÍBHINN IV Ceanglais
maidir le deimhnithe cáilithe um fhíordheimhniú suíomhanna gréasáin Beidh na nithe seo a leanas i ndeimhnithe
cáilithe um fhíordheimhniú suíomhanna gréasáin: (a)
comharthú, i bhfoirm atá ar a laghad ar bith
oiriúnach don phróiseáil uathoibrithe, gur eisíodh mar dheimhniú cáilithe an
deimhniú a eisíodh d'fhíordheimhniú suíomhanna gréasáin; (b)
foireann sonraí a léiríonn gan athbhrí an soláthraí
seirbhísí iontaoibhe cáilithe a eisíonn deimhnithe cáilithe lena n‑áirítear
ar a laghad, an Stát ina bhfuil an soláthraí bunaithe agus –
más duine dlítheanach: ainm agus uimhir chlárúcháin mar atá sonraithe sna taifid oifigiúla, –
más duine nádúrtha: ainm an duine; (c)
foireann sonraí a léiríonn gan athbhrí an duine
dlítheanach ar eisíodh an deimhniú dó lena n‑áirítear ar a laghad ainm
agus uimhir chlárúcháin mar atá sonraithe sna taifid oifigiúla; (d)
eilimintí den seoladh, lena n‑áirítear ar a
laghad an chathair agus an Ballstáit lena mbaineann an duine dhlítheanaigh ar
eisíodh an deimhniú dó mar atá sonraithe sna taifid oifigiúla; (e)
ainm fearainn nó ainmneacha fearainn oibrithe ag an
duine dlítheanach ar eisíodh an deimhniú dó (f)
sonraí maidir le tús agus deireadh tréimhse
bhailíochta an deimhnithe; (g)
cód céannachta an deimhnithe a chaithfidh a bheith
uathúil don soláthraí seirbhísí iontaoibhe cáilithe; (h)
ríomhshíniú ardleibhéil nó ríomhshéala ardleibhéil
ón soláthraí seirbhísí iontaoibhe cáilithe a eisíonn; (i)
an láthair ina bhfuil an deimhniú a thacaíonn le
ríomhshíniú ardleibhéil nó leis an ríomhshéala ardleibhéil dá dtagraítear i
bpointe (h) ar fáil saor in aisce ar; (j)
an láthair ina bhfuil na seirbhísí stádais
bhailíochta deimhnithe ar féidir a úsáid chun stádas bailíochta an deimhnithe
cháilithe a fhiosrú. RÁITEAS
AIRGEADAIS REACHTACH 1. LEAGAN AMACH AN TOGRA/TIONSCNAIMH Tugtar mionchuntas sa ráiteas airgeadais seo ar na
ceanglais nach mór a comhlíonadh i dtéarmaí an chaiteachais riaracháin chun an
Rialachán atá beartaithe maidir le seirbhísí ríomhaitheantais agus
iontaoibhe do ríomhidirbhearta sa mhargadh inmheánach a chur chun feidhme. Mar thoradh ar an ngnáthnós imeachta reachtach
agus ar an bplé maidir le glacadh an Rialacháin atá beartaithe ag Parlaimint na
hEorpa agus ag an gComhairle, teastóidh 12 Choibhéis Lánaimseartha (CL) ón
gCoimisiún chun na gníomhartha tarmligthe agus cur chun feidhme lena mbaineann
a réadtiomnú, chun infhaighteacht caighdeán eagraíochtúil agus teicniúil a
áirithiú, chun an fhaisnéis a thabharfaidh na Ballstáit i bhfógraí ina leith a
láimhseáil, go háirithe chun an fhaisnéis a chothú a bhaineann leis na liostaí
iontaofa, chun feasacht na bpáirtithe leasmhara – go háirithe saoránaigh agus
FMBanna ‑ a áirithiú maidir leis na buntáistí a ghabhann le húsáid
ríomhaitheantais, ríomh‑fhíordheimhnithe, ríomhshínithe agus
ríomhsheirbhísí iontaoibhe gaolmhara eile agus chun dul i mbun pléite le tríú
tíortha le súil agus idir‑inoibritheacht a bhaint amach ar an leibhéal
domhanda. 1.1. Teideal an togra/tionscnaimh Togra le haghaidh Rialacháin ón gCoimisiún maidir le ríomhaitheantas
agus seirbhísí iontaoibhe le haghaidh ríomh‑idirbheart sa mhargadh
inmheánach 1.2. Réimsí beartais lena
mbaineann i gcreat ABM/ABB[25]
09 AN tSOCHAÍ FAISNÉISE 1.3. An cineál togra/tionscnaimh ¨ Baineann an
togra/tionscnamh le beart nua ¨ Baineann an
togra/tionscnamh le beart nua a leanann treoirthionscadal/réamhbheart[26] ¨ Baineann an togra/tionscnamh le síneadh ar
bheart atá ann cheana þ Baineann an
togra/tionscnamh le gníomhaíocht a atreoraíodh i dtreo birt nua 1.4. Cuspóirí 1.4.1. Cuspóirí straitéiseacha
ilbhliantúla an Choimisiúin ar a bhfuil an togra/tionscnamh dírithe Is
ionann cuspóirí ginearálta an togra agus beartais ghinearálta an AE a bhaineann
go sonrach leis an togra, ar nós na Straitéise Eoraip 2020. Díríonn sé ar a
áirithiú go dtiontófaí an Eoraip ina gheilleagar atá cliste, inbhuanaithe agus
cuimsitheach agus a tháirgíonn ardleibhéil fostaíochta, táirgíochta, agus
comhtháthú sóisialta. 1.4.2. Cuspóirí sonracha agus na
gníomhaíochtaí ABM/ABB lena mbaineann Iontaoibh
as ríomh‑idirbheartaíochtaí pan‑Eorpacha a fheabhsú agus aitheantas
dlíthiúil trasteorann a áirithiú maidir le ríomhaitheantas, ríomh‑fhíordheimhniú,
ríomhshíniú agus ríomhsheirbhísí iontaoibhe gaolmhara chomh maith le
hardleibhéal cosanta sonraí agus cumhachtú úsáideoirí sa mhargadh aonair (féach
an Clár Oibre Digiteach don Eoraip,
príomhghníomhaíochtaí 3 agus 16). Gníomhaíochtaí ABM/ABB lena mbaineann 09
02 – Creat Rialála don Chlár Oibre Digiteach don Eoraip 1.4.3. An toradh agus an tionchar a
bhfuil súil leis Sonraigh an tionchar a
bheadh ag an togra/tionscnamh ar na tairbhithe/grúpaí ar a bhfuil sé dírithe. Timpeallacht
shoiléir rialála a bhunú do sheirbhísí ríomhaitheantais, ríomh‑fhíordheimhnithe,
ríomhshínithe agus ríomhsheirbhísí iontaoibhe gaolmhara a mhéadódh ar
áisiúlacht, iontaoibh agus muinín as an domhan digiteach don úsáideoir. 1.4.4. Táscairí lena léirítear toradh
agus tionchar Sonraigh na táscairí
lena léirítear an faireachán ar chur chun feidhme an togra/tionscnaimh. 1.
Más ann do sholáthraithe ríomhaitheantais, ríomh‑fhíordheimhnithe,
ríomhshínithe agus ríomhsheirbhísí iontaoibhe gaolmhara a bhfuil gníomhaíochtaí
ar bun acu i roinnt ballstáit den AE. 2.
A mhéid a éiríonn gléasanna idiroibritheach (e.g. léitheoirí cártaí cliste)
idir earnálacha agus tíortha; 3.
Úsáid ríomhaitheantais, ríomh‑fhíordheimhnithe, ríomhshínithe agus
ríomhsheirbhísí iontaoibhe gaolmhara ag gach catagóir den daonra; 4.
An oiread a úsáideann úsáideoirí deiridh ríomhaitheantas, ríomh‑fhíordheimhniú,
ríomhshíniú agus ríomhsheirbhísí iontaoibhe gaolmhara d'idirbhearta náisiúnta
agus d'idirbhearta idirnáisiúnta (trasteorainn); 5.
An méid comhchuibhithe reachtaíochta ríomhaitheantais, ríomh‑fhíordheimhnithe,
ríomhshínithe agus ríomhsheirbhísí iontaoibhe gaolmhara sna Ballstáit; 6.
Scéimeanna ríomhaitheantais oifigiúla ar tugadh fógra don Choimisiún ina leith; 7.
Seirbhísí atá inrochtana trí mheán ríomhaitheantais ar tugadh fógra ina leith
san earnáil phoiblí (e.g. ríomhsheirbhísí rialtais, ríomhsheirbhísí sláinte,
ríomhsheirbhísí dlí, ríomhsheirbhísí soláthair); 8.
Seirbhísí atá inrochtana trí mheán ríomhaitheantais ar tugadh fógra ina leith
san earnáil phoiblí (e.g. baincéireacht ar líne, ríomhsheirbhísí tráchtála, ríomhsheirbhísí
cearrbhachais, logáil isteach ar suíomhanna gréasáin, seirbhísí idirlín atá
níos sábháilte). 1.5. Na forais atá leis an
togra/tionscnamh 1.5.1. Na ceanglais is gá a shásamh
sa ghearrthéarma nó san fhadtéarma Cruthaítear
fadhbanna idir‑inoibritheachta trasteorann de thoradh éagsúlachtaí i gcur
chun feidhme na Treorach ar ríomhshíniú ar an leibhéal náisiúnta de dheasca
léamha éagsúla ag na Ballstáit a chruthaíonn staid i margadh an AE atá
mórdheighilte agus saobhadh sa mhargadh inmheánach. Ina theannta sin, bíonn
easpa iontaoibhe agus muiníne i gcórais leictreonacha a chuireann bac ar
shaoránaigh Eorpacha leas a bhaint as na cineálacha céanna seirbhísí sa saol
digiteach agus a bhaineann siad as an saol fisiciúil. 1.5.2. Luach breise a bhaineann le
rannpháirteachas an AE Bheadh
leasanna soiléire mar thoradh ar bheart a ghlacadh ar leibhéal an AE i
gcomparáid le beart a ghlacadh ar leibhéal na mBallstát. Léirigh an taithí
roimhe seo ní amháin gur neamhleor iad na bearta náisiúnta chun ríomh‑idirbhearta
a dhéanamh trasna teorainneacha, ach mar mhalairt chruthaigh siad bacainní ar
idir‑inoibritheacht ríomhshínithe ar fud an AE, agus tá an tionchar
céanna á imirt acu faoi láthair maidir le ríomhaitheantas, ríomh‑fhíordheimhniú
agus seirbhísí iontaoibhe gaolmhara. 1.5.3. Ceachtanna a foghlaimíodh ó
thaithí eile dá leithéid san am a chuaigh thart Tógann
an togra ar an taithí a fuarthas ó Threoir an ríomhshínithe agus na fadhbanna a
tháinig chun cinn de thoradh ar thrasuí agus cur chun feidhme ilroinnte na
Treorach sin a stop í ó a cuspóirí a bhaint amach. 1.5.4. Comhoiriúnacht d'ionstraimí
ábhartha eile agus sineirgíocht a d'fhéadfadh a bheith ann Tagraítear
don Treoir maidir le ríomhshíniú i roinnt tionscnamh AE eile a bunaíodh chun na
dúshláin a bhaineann le hidir‑inoibritheacht agus saincheisteanna eile a
bhaineann le haithint agus glacadh cineálacha áirithe ríomh‑idirghníomhaíochtaí
a shárú, e.g. an Treoir maidir le Seirbhísí, na Treoracha maidir le Soláthar
Poiblí, an Treoir leasaithe maidir le CBL (ríomhshonraisc) agus an Rialachán um
Thionscnamh Saoránach na hEorpa. Ina
theannta sin, cuirfidh an Rialachán atá beartaithe creat dlí ar fáil a bheidh
ina bhuntáiste ag glacadh na dtreoirthionscadal mórscála (LSPanna) a cuireadh i
bhfeidhm ar leibhéal an AE chun tacú le forbairt meán cumarsáide leictreonach
iontaofa agus idir‑inoibritheach (lena n‑áirítear SPOCS, a
thacaíonn le cur chun feidhme na Treorach um Sheirbhísí; STORK, a thacaíonn le
forbairt agus úsáid ríomhaitheantais idir‑inoibritheacha; PEPPOL, a
thacaíonn le forbairt agus úsáid réiteach ríomhsheirbhísí soláthair idir‑inoibritheacha;
epSOS, a thacaíonn le forbairt agus úsáid réiteach ríomhsheirbhísí sláinte idir‑inoibritheacha;
ríomhsheirbhísí Codex, a thacaíonn le forbairt agus úsáid réiteach
ríomhsheirbhísí dlí idir‑inoibritheacha). 1.6. Fad agus tionchar airgeadais ¨ Togra/tionscnamh a bheidh i bhfeidhm
ar feadh tréimhse teoranta –
¨ Togra/tionscnamh a bheidh i bhfeidhm ón [LL/MM]BBBB go dtí an
[LL/MM]BBBB –
¨ Tionchar airgeadais ó BBBB go BBBB þ Togra/tionscnamh a bheidh i bhfeidhm
ar feadh thréimhse neamhtheoranta 1.7. Modhanna bainistíochta atá
beartaithe[27] þ Bainistíocht dhíreach láraithe ag an gCoimisiún ¨ Bainistíocht indíreach láraithe trí na cúraimí cur chun feidhme a tharmligean chuig: –
¨ gníomhaireachtaí feidhmiúcháin –
¨ comhlachtaí arna mbunú ag na Comhphobail[28] –
¨ comhlachtaí náisiúnta san earnáil phoiblí/comhlachtaí a bhfuil misean
de sheirbhís phoiblí acu –
¨ daoine a bhfuil sé de chúram orthu bearta ar leith a chur chun
feidhme de bhun Theideal V den Chonradh ar an Aontas Eorpach agus atá
sainaitheanta sa ghníomh bunaidh ábhartha de réir bhrí Airteagal 49 den
Rialachán Airgeadais ¨ Bainistíocht chomhroinnte leis na Ballstáit ¨ Bainistíocht dhíláraithe le tríú tíortha ¨ Comhbhainistíocht le
heagraíochtaí idirnáisiúnta (le sonrú) I gcás ina sonraítear
níos mó ná modh bainistíochta amháin, tabhair sonraí sa roinn "Nótaí"
le do thoil. Nótaí [//] 2. BEARTA BAINISTÍOCHTA 2.1. Rialacha faireacháin agus
tuairiscithe Sonraigh cé chomh
minic, agus na coinníollacha. Déanfar
an chéad mheastóireacht 4 bliana tar éis theacht i bhfeidhm an Rialacháin seo.
Tá clásal sonrach sa rialachán ina ndéantar foráil go dtuairisceoidh an
Coimisiún don Pharlaimint agus don Chomhairle maidir lena iarratas. Seolfar
isteach tuarascálacha gach ceithre bliana ina dhiaidh sin . Cuirfear
modheolaíocht an Choimisiúin ar mheastóireacht i bhfeidhm. Déanfar na
meastóireachtaí sin le cúnamh staidéar atá dírithe ar chur chun feidhme na n‑ionstraimí
dlíthiúla, ceistneoirí a chuirfear ar na húdaráis náisiúnta, pléití i measc
saineolaithe, agus le cúnamh ceardlann, suirbhéanna Eurobarometer agus araile. 2.2. Córas bainistíochta agus
rialaithe 2.2.1. Na rioscaí a aithníodh Rinneadh
measúnú tionchair le gabháil leis an togra le haghaidh an Rialacháin. Déanfaidh
an ionstraim dlí nua forail maidir le haitheantas frithpháirteach agus glacadh
an ríomhaitheantais trasteorann, cuirfidh sé feabhas ar an gcreat reatha
ríomhshínithe, neartóidh sé maoirseacht naisiúnta ar sholáthraithe seirbhísí
iontaoibhe agus tabharfaidh sé éifeacht dhlíthiúil agus aitheantas do
sheirbhísí iontaoibhe lena mbaineann. Tugann sé isteach chomh maith úsáid
gníomhartha tarmligthe agus cur chun feidhme mar shásra a áiritheoidh
solúbthacht i ndáil le forbairtí teicneolaíocha. 2.2.2. Modhanna rialaithe atá
beartaithe Clúdóidh
na modhanna rialála atá ann cheana agus atá á gcur i bhfeidhm ag an gCoimisiún
na leithreasuithe breise. 2.3. Bearta chun calaois agus
neamhrialtachtaí a chosc Sonraigh bearta coisctheacha
agus cosanta atá ann cheana nó atá beartaithe. Clúdóidh
na bearta chun calaois a chosc atá ann cheana agus atá á gcur i bhfeidhm ag an
gCoimisiún na leithreasuithe breise. 3. AN TIONCHAR AIRGEADAIS A MHEASTAR A
BHEIDH AG AN TOGRA/TIONSCNAMH 3.1. Ceannteidil an chreata
airgeadais ilbhliantúil agus na línte buiséid ar a n‑imrítear tionchar · Línte caiteachais buiséid atá ann cheana In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Bliain [Tuairisc………………………...……….] || LD/LN ([29]) || ó thíortha CSTE[30] || ó thíortha is iarrthóirí[31] || ó thríú tíortha || de réir bhrí Airteagal 18(1)(aa) den Rialachán Airgeadais 5 || 09. 01 01 01 Caiteachas bainteach le foireann atá fostaithe go gníomhach in Ard‑Stiúrthóireacht na Sochaí Faisnéise agus na Meán Cumarsáide || LN || NÍL || NÍL || NÍL || NÍL 5 || 09. 01 02 01 Foireann sheachtrach || LN || NÍL || NÍL || NÍL || NÍL 3.2. An tionchar a mheastar a
bheidh ar chaiteachas 3.2.1. Achoimre ar an tionchar a
mheastar a bheidh ar chaiteachas Ceannteideal an chreata airgeadais ilbhliantúil: || Uimhir || [Ceannteideal 1 Fás Cliste agus Uilechuimsitheach ……………...……………………………………………………………….] DG: INFSO || || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN Leithreasuithe faoi chomhair oibríochtaí || || || || || || || || Uimhir na líne buiséid || Gealltanais || (1) || 0.000 || 0.000 || 0.000 || 0.000 || 0.000 || 0.000 || 0.000 || 0.000 Íocaíochtaí || (2) || 0.000 || 0.000 || 0.000 || 0.000 || 0.000 || 0.000 || 0.000 || 0.000 Uimhir na líne buiséid || Gealltanais || (1a) || 0.000 || 0.000 || 0.000 || 0.000 || 0.000 || 0.000 || 0.000 || 0.000 Íocaíochtaí || (2a) || 0.000 || 0.000 || 0.000 || 0.000 || 0.000 || 0.000 || 0.000 || 0.000 Leithreasuithe de chineál riaracháin arna maoiniú ó chlúdach clár sonrach[32] || 0.000 || 0.000 || 0.000 || 0.000 || 0.000 || 0.000 || 0.000 || 0.000 Uimhir na líne buiséid || || (3) || 0.000 || 0.000 || 0.000 || 0.000 || 0.000 || 0.000 || 0.000 || 0.000 IOMLÁN Leithreasuithe DO DG INFSO || Gealltanais || =1+1a +3 || 0.000 || 0.000 || 0.000 || 0.000 || 0.000 || 0.000 || 0.000 || 0.000 Íocaíochtaí || =2+2a +3 || 0.000 || 0.000 || 0.000 || 0.000 || 0.000 || 0.000 || 0.000 || 0.000 Ceannteideal an chreata airgeadais ilbhliantúil: || 5 || "Caiteachas riaracháin" EUR milliúin (go dtí an 3ú deachúil) || || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN DG: INFSO Acmhainní daonna || 1,344 || 1,344 || 1,344 || 1,344 || 1,344 || 1,344 || 1,344 || 9,408 Caiteachas riaracháin eile || || || || || || || || IOMLÁN DG INFSO || Leithreasuithe || 1,344 || 1,344 || 1,344 || 1,344 || 1,344 || 1,344 || 1,344 || 9,408 IOMLÁN Leithreasuithe faoi CHEANNTEIDEAL 5 den chreat airgeadais ilbhliantúil || (Iomlán gealltanas = Iomlán íocaíochtaí) || 1,344 || 1,344 || 1,344 || 1,344 || 1,344 || 1,344 || 1,344 || 9,408 EUR milliúin (go dtí an 3ú deachúil) || || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN IOMLÁN leithreasuithe faoi CHEANNTEIDIL 1 go 5 den chreat airgeadais ilbhliantúil || Oibleagáidí || 1,344 || 1,344 || 1,344 || 1,344 || 1,344 || 1,344 || 1,344 || 9,408 Íocaíochtaí || 1,344 || 1,344 || 1,344 || 1,344 || 1,344 || 1,344 || 1,344 || 9,408 3.2.2. An tionchar a mheastar a
bheidh ar leithreasuithe faoi chomhair oibríochtaí –
þ Ní éilíonn an togra/tionscnamh go n‑úsáidfear leithreasuithe
faoi chomhair oibríochtaí –
¨ Éilíonn an togra/tionscnamh go n‑úsáidfear leithreasuithe faoi
chomhair oibríochtaí mar a mhínítear thíos: 3.2.3. An tionchar a mheastar a
bheidh ar leithreasuithe de chineál riaracháin 3.2.3.1. Achoimre –
¨ Ní éilíonn an togra/tionscnamh go n úsáidfear leithreasuithe de
chineál riaracháin –
þ Éilíonn an togra/tionscnamh go n úsáidfear leithreasuithe de chineál
riaracháin mar a mhínítear thíos: EUR milliúin (go dtí
an 3ú deachúil) || Bliain N 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || IOMLÁN CEANNTEIDEAL 5 den chreat airgeadais ilbhliantúil || || || || || || || || Acmhainní daonna || 1,344 || 1,344 || 1,344 || 1,344 || 1,344 || 1,344 || 1,344 || 9,408 Caiteachas riaracháin eile || || || || || || || || Fo‑iomlán CHEANNTEIDEAL 5 den chreat airgeadais ilbhliantúil || 1,344 || 1,344 || 1,344 || 1,344 || 1,344 || 1,344 || 1,344 || 9,408 Fo‑iomlán CHEANNTEIDEAL 5[33] den chreat airgeadais ilbhliantúil || || || || || || || || Acmhainní daonna || || || || || || || || Caiteachas eile de chineál riaracháin || || || || || || || || Fo‑iomlán Lasmuigh de CHEANNTEIDEAL 5 den chreat airgeadais ilbhliantúil || || || || || || || || IOMLÁN || 1,344 || 1,344 || 1,344 || 1,344 || 1,344 || 1,344 || 1,344 || 9,408 3.2.3.2. Na hacmhainní daonna a mheastar
a bheidh riachtanach –
¨ Ní éilíonn an togra/tionscnamh go n‑úsáidfear acmhainní daonna –
þ Éilíonn an togra/tionscnamh go n‑úsáidfear acmhainní daonna mar
a mhínítear thíos: Sloinnfear an meastachán i méideanna iomlána
(nó go dtí an 1ú deachúil ar a mhéad) || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 Poist don phlean bunaíochta (oifigigh agus gníomhairí sealadacha) 09 01 01 01 (Ceanncheathrú agus Oifigí Ionadaíocht an Choimisiúin) || 9 || 9 || 9 || 9 || 9 || 9 || 9 XX 01 01 02 (Toscaireachtaí) || || || || || || || XX 01 05 01 (Taighde indíreach) || || || || || || || 10 01 05 01 (Taighde díreach) || || || || || || || Pearsanra seachtrach (i gcoibhéis lánaimseartha: CL)[34] 09 01 02 01 (CA, INT, SNE ón “ciste iomlánaíoch") || 3 || 3 || 3 || 3 || 3 || 3 || 3 XX 01 02 02 (CA, INT, JED, LA agus SNE sna toscaireachtaí) || || || || || || || XX 01 04 yy [35] || sa Cheanncheathrú[36] || || || || || || || - i dtoscaireachtaí || || || || || || || XX 01 05 02 (CA, INT, SNE - Taighde indíreach) || || || || || || || 10 01 05 02 (CA, INT, SNE – Taighde díreach) || || || || || || || Línte buiséid eile (sonraigh) || || || || || || || IOMLÁN || 12 || 12 || 12 || 12 || 12 || 12 || 12 Comhlíonfar na
riachtanais acmhainní daonna trí fhoireann ón DG a bhfuil bainistíocht na
gníomhaíochta faoina cúram cheana agus/nó atá ath‑imlonnaithe taobh
istigh den DG, mar aon le haon leithdháileadh breise a d'fhéadfaí a thabhairt
don DG atá i mbun bainistíochta faoi chuimsiú an nós imeachta maidir le
leithdháileadh bliantúil i bhfianaise srianta buiséadacha. Cur síos ar na
cúraimí a bheidh le déanamh: Oifigigh agus gníomhairí sealadacha || Na nósanna imeachta reachtach do ghlacadh Pharlaimint na hEorpa agus na Comhairle an Rialacháin atá beartaithe agus na gníomhartha tarmligthe agus cur chun feidhme. Limistéir Thosaíochta 1. Creat reachtach nua ar ríomhsheirbhísí iontaoibhe a bhunú 2. An glacadh le ríomhsheirbhísí iontaoibhe a chothú trí fheasacht na FMBanna agus saoránaigh a mhéadú maidir lena n‑acmhainneacht 3. Athleanúint Treoir 1999/93/CE lena n‑áirítear gnéithe idirnáisiúnta. 4. Giaráil a bhaint as na treoirthionscadail mhórscála chun réadú nithiúil chuspóra an chreata nua reachtaigh a luasghéarú. Pearsanra seachtrach || Idem thuas 3.2.4. Comhoiriúnacht don chreat
airgeadais ilbhliantúil reatha –
þ Tá an togra/tionscnamh comhoiriúnach don chreat airgeadais
ilbhliantúil reatha. –
¨ Beidh athchlárú an cheannteidil ábhartha sa chreat airgeadais
ilbhliantúil ag gabháil leis an togra/tionscnamh seo. Mínigh an cineál athchláraithe a bhfuil gá leis, agus
sonraigh na línte buiséid lena mbaineann agus na méideanna comhfhreagracha. –
¨ Éilíonn an togra/tionscnamh go gcuirfear an ionstraim sholúbthachta i
bhfeidhm nó go ndéanfar athbhreithniú ar an gcreat airgeadais ilbhliantúil[37]. Mínigh an méid a bhfuil gá leis, agus sonraigh na
ceannteidil agus na línte buiséid lena mbaineann agus na méideanna
comhfhreagracha. 3.2.5. Ranníocaíochtaí ó thríú
páirtithe –
þ Ní dhéantar foráil sa togra/tionscnamh maidir le cómhaoiniú le tríú
páirtithe –
¨ Déantar foráil sa togra/tionscnamh maidir le cómhaoiniú atá réamh
mheasta thíos: 3.3. An tionchar a mheastar a bheidh ar
ioncam –
þ Ní bheidh tionchar airgeadais ar bith ag an togra ar ioncam. –
¨ Beidh an tionchar airgeadais seo a leanas ag an togra/tionscnamh: ·
¨ ar acmhainní dílse ·
¨ ar ioncam ilghnéitheach [1] COIM (2010) 245, 19.05.10. [2] COIM(2011) 206 leagan deiridh an 13.4.2011. [3] COIM (2011) 669, 12.10.2011 [4] IO L 13, 19.01.2000, lch 12. [5] Le sonraí a
fháil maidir leis na comhairliúcháin, féach http://ec.europa.eu/information_society/policy/esignature/eu_legislation/revision [6] Eagraíodh ceardlann le páirtithe leasmhara an 10.3.2011 le hionadaithe
ó na hearnálacha príobháideacha agus poiblí agus ón saol acadúil chun plé a
dhéanamh ar na bearta reachtaíochta a bheadh ag teastáil le dul i ngleic leis
na dúshláin amach anseo. Fóram idirghníomhach a bhí i gceist anseo chun
tuairimí a mhalartú agus na seasaimh éagsúla maidir leis na ceisteanna a
ardaíodh sa chomhairliúchán poiblí a thabhairt le fios. Sheol roinnt
eagraíochtaí páipéir a léirigh a seasamh as a stuaim féin freisin. [7] Go háirithe, d'eagraigh Uachtaránacht na Polainne ar an AE cruinniú
leis na Ballstáit maidir le ríomhshínithe i Vársá an 9.11.2011 agus maidir le
ríomhaitheantas in Poznań an 17.11.2011. An 25.1.2012, reáchtáil an
Coimisiún ceardlann le Ballstáit chun na ceisteanna a bhí fós ann maidir le
ríomh-aitheantas, ríomh-fhíordheimhniú agus ríomhshínithe a phlé. [8] Faoin gcéad shraith, rinneadh scrúdú ar cheithre rogha: An Treoir maidir
le ríomhshínithe a aisghairm; gan aon athrú beartais; deimhneacht dhlíthiúil a
fheabhsú, comhordú na maoirseachta náisiúnta a mhéadú agus a áirithiú go
ndéanfaí ríomhaitheantas a aithint agus go nglacfaí leis go frithpháirteach ar
fud an AE; agus ar an gceathrú dul síos, leathnú chun seirbhísí iontaoibhe
gaolmhara áirithe a chuimsiú. Is é a bhí i gceist leis an dara sraith measúnú a
dhéanamh ar fhiúntas coibhéiseach na ndeiseanna i ndáil le rialáil a dhéanamh
le ionstraim nó dhá ionstraim, agus le treoir in áit rialacháin. Rinneadh
scrúdú sa tríú sraith ar na deiseanna a bheadh ann trí scéimeanna maoirseachta
náisiúnta a chur chun feidhme bunaithe ar chomhcheanglais riachtanacha
mhaoirseachta i gcomparáid le córas maoirseachta bunaithe ar an AE. Rinneadh
measúnú ar gach rogha beartais, le cabhair ó ghrúpa inar bailíodh le chéile
gach Ard-Stiúrthóireacht sa Choimisiún a raibh suim acu sa scéal, i ndáil le
chomh héifeachtach agus a bheadh sé na cuspóirí beartais a bhaint amach, an
tionchar eacnamaíoch a bheadh aige ar na páirtithe leasmhara (lena n-áirítear
ar bhuiséad Institiúidí an AE), an tionchar sóisialta agus comhshaol a bheadh
aige agus an tionchar a bheadh aige ar an ualach riaracháin. [9] Teachtaireacht ón gCoimisiún: An Eoraip 2020. Straitéis maidir
le fás cliste, inbhuanaithe agus cuimsitheach, COIM(2010) 2020, 3.3.2010. [10] Beidh an
liosta iontaofa a bunaíodh leis an gCinneadh ón gCoimisiún 2009/767/CE arna
leasú ag an gCinneadh ón gCoimisiún 2010/425/AE mar bhunús le haghaidh Cinneadh
nua ón gCoimisiún maidir le liostaí iontaofa faoin Rialachán seo. [11] IO C , , lch . [12] IO C , , lch . [13] IO L 13, 19.01.2000, lch 12. [14] COM(2010) 245 críochnaitheach/2. [15] Tuarascáil ar Shaorántacht an AE 2010: Baic roimh chearta shaoránaigh
an AE a chealú, COM(2010) 603 críochnaitheach, pointe 2.2.2, lch 13. [16] 4/2/2011: EUCO 2/1/11 [17] 23/10/2011: EUCO 52/1/11 [18] Conclúidí na Comhairle maidir le Plean Gníomhaíochta Eorpach na
ríomhsheirbhísí rialtais 2011-2015, an 3093ú cruinniú den Chomhairle Iompair,
Teileachumarsáide agus Fuinnimh sa Bhruiséil, an 27 Bealtaine 2011. [19] Rún ó Pharlaimint na hEorpa an 21.9.2010 maidir leis an margadh
inmheánach ríomhthráchtála a thabhairt i gcrích, 21.9.10, P7_TA(2010)0320, agus
rún ó Pharlaimint na hEorpa an 15.6.2010 maidir le rialachas idirlín: na chéad
chéimeanna eile, P7_TA(2010)0208. [20] IO L 376, 27.12.06, lch 36. [21] IO L 88, 04.04.11, lch 45. [22] IO L 281, 23.11.95, lch 31. [23] IO L 274, 20.10.09, lch 36. [24] IO L 55, 28.2.11, lch 13. [25] ABM: Bainistiú de réir
gníomhaíochtaí – ABB: Bunú an bhuiséid
de réir gníomhaíochtaí [26] Mar a thagraítear dó in Airteagal 49(6)(a) nó (b) den Rialachán
Airgeadais. [27] Is féidir mionsonraí ar na modhanna bainistíochta agus tagairtí don
Rialachán Airgeadais a fheiceáil ar shuíomh gréasáin BudgWeb: http://www.cc.cec/budg/man/budgmanag/budgmanag_en.html [28] Dá dtagraítear in Airteagal 185 den Rialachán Airgeadais. [29] LD = Leithreasuithe difreáilte / LN = Leithreasuithe neamhdhifreáilte [30] CSTE: Comhlachas Saorthrádála
na hEorpa. [31] Tíortha is iarrthóirí agus, nuair is infheidhme, tíortha ó na Balcáin
Thiar a d'fhéadfadh a bheith ina n-iarrthóirí. [32] Cúnamh agus caiteachas teicniúil agus/nó riaracháin ar mhaithe le cláir
agus/nó gníomhaíochtaí AE (seanlínte "BA"), taighde indíreach,
taighde díreach a chur chun feidhme. [33] Cúnamh agus caiteachas teicniúil agus/nó riaracháin ar mhaithe le cláir
agus/nó gníomhaíochtaí AE (seanlínte "BA"), taighde indíreach,
taighde díreach a chur chun feidhme. [34] CA= Gníomhaire ar conradh; INT=
foireann ghníomhaireachta ("Intérimaire"); JED= "Jeune Expert en Délégation"
(Saineolaí Óg i dToscaireacht); LA=
Gníomhaire Áitiúil; SNE= Saineolaí
Náisiúnta Ar Iasacht; [35] Faoin uasteorainn do phearsanra seachtrach ó leithreasuithe faoi chomhair
oibríochtaí (na seanlínte "BA"). [36] Le haghaidh na gCistí Struchtúracha, an Chiste Eorpaigh Talmhaíochta um
Fhorbairt Tuaithe (CETFT) agus an Chiste Eorpaigh Iascaigh (CEI) go bunúsach. [37] Féach pointí 19 agus 24 den Chomhaontú Idirinstitiúideach.