Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir le córais Eorpacha um loingseoireacht satailíte a chur ar bun agus a shaothrú /* COIM/2011/0814 leagan deireanach - 2011/0392 (COD) */
MEABHRÁN MÍNIÚCHÁIN
1.
COMHTHÉACS AN TOGRA
I Rialachán (CE) Uimh. 683/2008, a
tháinig i bhfeidhm an 25 Iúil 2008, sainítear an creat nua le
haghaidh rialachas poiblí agus mhaoiniú chláir Galileo agus EGNOS[1]. Leithdháiltear orthu leis go háirithe EUR 3405 milliún don tréimhse
ón 1 Eanáir 2007go dtí an 31 Nollaig 2013. Mar a fhoráiltear in Airteagal 22 de
Rialachán (CE) Uimh. 683/2008, an 18 Eanáir 2011[2] ghlac an Coimisiún tuarascáil chuig Parlaimint na hEorpa agus chuig an
gComhairle ar athbhreithniú meántéarmach na gclár Eorpach um loingseoireacht
satailíte. Sa tuarascáil sin tá athbhreithniú mionsonraithe déanta ar oibriú na
gclár ó rinneadh athchóiriú ar a rialachas in 2007, tá meastacháin ar na
costais agus na dúshláin amach anseo leagtha amach inti, go háirithe maidir le
rioscaí, agus tá sracléiriú inti ar thograí sonracha chun dul i ngleic leo, go
háirithe chun riachtanais saothraithe an dá chóras a bunaíodh faoi na cláir a
chur san áireamh. Ina conclúidí a ghlac sí an
31 Márta 2011 tar éis tharchur thuarascáil an Choimisiúin an
18 Eanáir 2011, rinne an Chomhairle, i measc nithe eile, a tacaíocht
do na cláir Eorpacha um loingseoireacht satailíte mar atá siad sainithe i
Rialachán (CE) Uimh. 683/2008 a chur in iúl arís. Thug sí na meastacháin
fhoriomlána costas faoi deara freisin agus thug sí faoi deara go dtíolacfadh an
Coimisiún, ag féachaint don chéad chreat airgeadais ilbhliantúil eile, togra
ina mbeadh athruithe ar an múnla rialachais. Ina leith sin, d'iarr sí ar an
gCoimisiún úsáid na struchtúr atá ann cheana a chuíchóiriú agus a
bharrfheabhsú. Ina rún a ghlac sí an
8 Meitheamh 2011, d'athdhearbhaigh an Pharlaimint freisin a tacaíocht
do na cláir Eorpacha um loingseoireacht satailíte agus mheas sí gur cheart iad
a bheith maoinithe den chuid is mó ag buiséad an Aontais. D'aibhsigh sí an
tábhacht a bhaineann le beartais dhaingne chun costais a theorannú agus rioscaí
a mhaolú a chur chun feidhme. D'iarr sí ar an gCoimisiún tograí reachtacha a
dhéanamh go tapa, agus béim á cur aici go háirithe ar an ngá atá ann le creat
cobhsaí fadtéarmach a sholáthar, go háirithe do shaothrú na gcóras. Ina theachtaireacht ón
29 Meitheamh 2011[3], a bhfuil togra le haghaidh Rialacháin ón gComhairle dar dáta céanna
ag gabháil léi[4], tá sé beartaithe ag an gCoimisiún EUR [7000] milliún a leithdháileadh
ar mhaoiniú na gclár Eorpach um loingseoireacht satailíte sa chéad chreat
airgeadais ilbhliantúil eile lena gcumhdófar an tréimhse 2014-2020. Mar
sin féin sonraítear inti gur gá leanúint de na hiarrachtaí lenar féidir na
costais a theorannú agus gur cheart modhanna nua bainistíochta a phleanáil don
fhadtéarma. Ba cheart a thabhairt faoi deara gur uasteorainn nach féidir a
shárú faoi Airteagal [14 den togra] le haghaidh Rialacháin ón gComhairle
thuasluaite atá sa tsuim EUR [7000] milliún sin, atá i bpraghsanna tairiseacha
2011, agus go gcomhfhreagraíonn sí do EUR [7897] milliún i bpraghsanna reatha. Ba cheart a aibhsiú gur dlúthchuid den saghas
sin clár casta iad éiginnteachtaí, a bhféadfadh sáruithe costas agus moilleanna
teacht astu. Éilíonn siad cur ar bun córais éifeachtaigh bainistíochta rioscaí
agus d'fhéadfadh sé go ndéanfaí cinntí deacra dá mbarr. Sa chaoi sin, EUR 500
milliún san iomlán atá i gcostas breise na céime forbartha, a bhainistíonn an
Ghníomhaireacht Eorpach Spáis. Ar iarraidh na mBallstát, d'aontaigh an
Coimisiún iad a thabhairt ar láimh chun leanúnachas an chláir a ráthú. Is é
bailíochtú an chórais i bhfithis eochair chlár Galileo agus dhéanfadh easpa
maoinithe a leanúint a chur i mbaol, rud lena mbeadh cailliúint feasa ghnó
thionsclaíoch agus trealaimh arna thógáil i bpáirt cheana i gceist. Freagraíonn an Rialachán lena mbaineann an
togra iarrataí na Parlaiminte agus na Comhairle agus cuireann sé na heilimintí
atá sa Teachtaireacht ón gCoimisiún ón 29 Meitheamh 2011 san áireamh
ag an am céanna. Is é an gníomh bunaidh é do na cláir Eorpacha um
loingseoireacht satailíte le linn na tréimhse atá cumhdaithe ag an gcéad chreat
airgeadais ilbhliantúil eile trí fhoráil a dhéanamh go háirithe maidir le
maoiniú agus múnla rialachais na gclár. I bhfianaise thábhacht na n‑athruithe
atá le déanamh ar Rialachán (CE) Uimh. 683/2008, measadh gur gá a mholadh
rialachán nua a chur ina áit seachas é a leasú. Ba cheart a mheabhrú gur tionscadail
suaitheanta de chuid an Aontais iad cláir Galileo agus EGNOS. Tá cur chun cinn
na teicneolaíochta sin, ar bealach cumhachtach í chun teacht as an ngéarchéim,
ag teacht go hiomlán le Straitéis Eoraip 2020 agus le beartais forbartha
inbhuanaithe. Tugann glúin nua seirbhísí ardfheidhmíochta loingseoireachta
satailíte deiseanna suntasacha do na réimsí gníomhaíochta ar fad, lena
gcruthaítear a lán post nua a bhaineann le fairsingiú na margaí a d'fhás 30% in
aghaidh na bliana le blianta beaga anuas. Sa chomthéacs sin, tá an Coimisiún ag
obair d'fhonn éiceachóras feidhmchlár a fhorbairt chun úsáid na seirbhísí a
sholáthraíonn na córais a bharrfheabhsú agus na sochair shoch‑eacnamaíocha
a uasmhéadú. Chuige sin, tá an 24 beart dá dtagraítear ina phlean gníomhaíochta
maidir leis na feidhmchláir GNSS an 14 Meitheamh 2010[5] á gcur chun feidhme aige. Déantar foráil sa phlean sin go háirithe
maidir le maoiniú tionscadal taighde agus forbartha, an rochtain atá ag FBManna
ar mhaoiniú a fheabhsú agus gníomhaíochtaí éagsúla chun cláir Galileo agus
EGNOS a chur chun cinn in earnálacha tosaíochta le haghaidh fáis, nuálaíochta
agus fostaíochta. Ba cheart a thabhairt chun suntais freisin
nach mbaineann na cláir Eorpacha um loingseoireacht satailíte leis na Ballstáit
amháin is mó a bhfuil baint acu le réimse an spáis: tá baint dhíreach acu le
Ballstáit uile an Aontais. Iarrtar ar shaoránaigh uile an Aontais leas a bhaint
as an iliomad seirbhísí a chuireann na bonneagair atá ann ar fáil. Ina theannta
sin, ar fud na hEorpa, imríonn na fiontair bheaga agus mheánmhéide páirt thábhachtach
sna cláir ós rud é gurb é ceann de chuspóirí an Aontais é an rannpháirtíocht is
leithne agus is oscailte is féidir de chuid na ngnóthas ar fad i nósanna
imeachta soláthair phoiblí a chur chun cinn. Iarrtar ar an gCoimisiún dá bhrí sin, i
gcomhthéacs an tionscnaimh shuaitheanta "Beartas tionsclaíoch do ré an
domhandaithe" de chuid Straitéis Eoraip 2020, "beartas
éifeachtach spáis a fhorbairt chun na huirlisí is gá a chur ar fáil chun dul i
ngleic le cuid de na mórdhúshláin dhomhanda agus go háirithe, chun Galileo a
sheachadadh" ("an effective space policy to provide the tools to
address some of the key global challenges and in particular to deliver Galileo").
2.
Torthaí an chomhairliúcháin leis na páirtithe leasmhara agus na
measúnuithe TIONCHAIR
Leanann an togra go leor comhairliúchán
fairsing leis na páirtithe leasmhara agus leis an bpobal. Tá Measúnú Tionchair
ag gabháil leis. Chuathas i gcomhairle leis na páirtithe
leasmhara maidir le gnéithe teicniúla, dlíthiúla nó oibríochtúla éagsúla a
bhaineann leis na cláir amhail soláthar seirbhísí, costas an bhonneagair agus a
shaothraithe, anailís riosca agus múnlaí féideartha rialachais. Rinneadh
ceardlanna téamacha agus comhdhálacha leis na húsáideoirí chomh maith le
meithleacha spriocdhírithe oibre le saineolaithe de chuid na Gníomhaireachta
Eorpaí Spáis, na Gníomhaireachta Eorpaí GNSS agus na mBallstát a eagrú dá bhrí
sin. Rinneadh agallaimh freisin le saineolaithe ó earnáil an spáis agus le
hionadaithe tionscail. Bhí baint ag an bpobal freisin leis na Eorabharaiméadair
idir 2007 agus 2009 chomh maith leis an measúnú tionchair ar an mbeartas
Eorpach spáis. Is léir ón taighde sin ar fad: ·
go dtacaíonn na saoránaigh le forbairt córais
neamhspleáigh um loingseoireacht satailíte agus go n‑aithníonn siad
spleáchas méadaithe sochaithe nua-aimseartha ar sheirbhísí loingseoireachta; ·
gur cheart rialachas cobhsaí a chur ar bun san
fhadtéarma chun bainistíocht éifeachtach na gclár a áirithiú; ·
gur cheart an tseirbhís sábháilteachta beatha (ar a
dtugtar "Safety of Life Service" nó SoL) a chuireann an córas a
bunaíodh faoi chlár Galileo ar fáil a athshainiú i bhfianaise fhorbairt
ionchais na n‑úsáideoirí; ·
sa deireadh, seasann páirtithe leasmhara na
heitlíochta sibhialta ar an ngá atá ann le gealltanas a thabhairt san fhadtéarma
maidir le soláthar sheirbhísí EGNOS. Is réamhchoinníoll an méid sin chun go
rachaidh EGNOS i bhfeidhm ar an margadh i ndáiríre. Ina theannta sin, i bhfianaise an dul chun
cinn atá déanta le déanaí agus na ndúshlán atá le sárú, díríodh sa mheasúnú tionchair
ar leanúint de na cláir a chur chun feidhme agus tugadh aird ar leith ar dhá
phríomhfhadhb: ar thaobh amháin cumraíocht seirbhísí sa todhchaí, ós rud é nach
leor an buiséad arna leithdháileadh don tréimhse 2008-2013 chun bonneagar
an chórais a bunaíodh faoi chlár Galileo a chríochnú agus saothrú EGNOS a
áirithiú; ar an taobh eile sainiú an mhúnla rialachais oibríochtúil agus an
mhaoinithe is gá. I gcás na chéad faidhbe, maidir leis an gcóras
a bunaíodh faoi chlár Galileo, léirigh meastóireacht na roghanna éagsúla gurb é
an ceann is fearr na seirbhísí a sonraíodh ar dtús a choimeád, cé is moite den
tseirbhís SoL. Déanann an réiteach sin, a éilíonn níos lú bonneagair ar an
talamh, costais a laghdú. I gcás EGNOS, tá an córas oibríochtúil cheana
féin agus baineann go leor úsáideoirí leas as a shochair. Thairis sin, nuair a
dearbhaíodh go raibh an tseirbhís SoL oibríochtúil, gheall an Coimisiún go n‑áiritheodh
sé leanúnachas na seirbhíse sin d'úsáideoirí a rinne infheistíochtaí suntasacha
ina dhiaidh sin. Ní féidir deireadh a chur le clár EGNOS sa chomhthéacs sin. I gcás an dara fhadhb, baineadh de thátal as
an measúnú tionchair gur cheart an Coimisiún, agus é ina ionadaí don Aontas, a
bheith freagrach fós as na cláir agus go leanfadh an tAontas amháin dá maoiniú
a áirithiú, mar atá beartaithe ag an gCoimisiún ina Theachtaireacht thuasluaite
ón 29 Meitheamh 2011. Ba cheart an bhainistíocht oibríochtúil a
thabhairt do ghníomhaireacht rialála. Leis sin d'fhéadfaí, ar thaobh amháin, na
sochair shoch‑eacnamaíocha a bhfuiltear ag súil leo ó shaothrú na gcóras
a bharrfheabhsú agus comhsheasmhacht níos fearr le beartais eile an Aontais a
áirithiú agus ar an taobh eile, freagrachtaí airgeadais agus polaitiúla na
bpáirtithe leasmhara éagsúla a shainiú go maith. I ndáil leis sin agus i
bhfianaise chonclúidí thuasluaite na Comhairle ón 31 Márta 2011,
dealraítear gurb é an Ghníomhaireacht Eorpach GNSS a bunaíodh le Rialachán (AE)
Uimh. 912/2010 ó Pharlaimint na hEorpa agus ón gComhairle an 22 Meán Fómhair 2010
chun na cúraimí a bhaineann le hoibriú na gclár a chur i gcrích agus atá ar bun
cheana agus gníomhach i réimse na loingseoireachta satailíte, an réiteach is
ciallmhaire. Bheadh gá le misin agus acmhainní na Gníomhaireachta sin a
athfhoirmiú áfach.
3.
EILIMINTÍ DLÍ AN TOGRA
Fearacht Rialachán (CE) Uimh. 683/2008
agus théacsanna eile acquis an Aontais a bhaineann leis na cláir Eorpacha um
loingseoireacht satailíte, is é bunús dlí thogra an Choimisiúin
Airteagal 172 den Chonradh ar Fheidhmiú an Aontais Eorpaigh, sean‑Airteagal 156
den Chonradh ag bunú an Chomhphobail Eorpaigh. Ina theannta sin, coinníonn sé
foirm Rialacháin ó Pharlaimint na hEorpa agus ón gComhairle ós rud é, dála
Rialachán (CE) Uimh. 683/2008 a bhfuil sé le cur ina áit, go bhfuil raon
feidhme ginearálta aige agus nach mór a ábhar a bheith infheidhme go díreach i
ngach Ballstát. Déanann an togra na cláir agus na córais a
shainiú, na hacmhainní buiséadacha a leithdháilfear orthu a chinneadh agus
múnla a rialachais a shainiú agus, ar mhaithe le hacquis an Aontais a
chuíchóiriú, déanann sé foráil freisin maidir le leasú nó le haisghairm
téacsanna reachtacha eile a bhaineann leis na cláir Eorpacha um loingseoireacht
satailíte. Comhlíonann an togra prionsabail na
coimhdeachta agus na comhréireachta. Téann cuspóir an togra, eadhon córais um
loingseoireacht satailíte a chur ar bun agus a shaothrú, thar acmhainní
airgeadais agus teicniúla aon Bhallstáit aonair agus ní féidir é a bhaint amach
ach trí ghníomhaíocht ar leibhéal an Aontais. Ní théann sé thar a bhfuil riachtanach
chun an cuspóir sin a bhaint amach sa mhéid is go gcomhfhreagraíonn an buiséad
atá beartaithe do na costais mheasta tar éis anailíse fairsinge agus i gcás ina
ndealraíonn sé gurb é an múnla rialachais a úsáidtear an múnla is oiriúnaí.
4.
IMPLEACHT BHUISÉADACH
Mar atá sonraithe i bpointe 2 thuas, leanfaidh
an tAontas amháin de mhaoiniú chláir Galileo agus EGNOS a áirithiú. Ní bheidh a
ranníocaíocht leis na cláir don tréimhse 2014-2020 os cionn EUR [7897]
milliún i bpraghsanna reatha faoi Airteagal [14 den togra] le haghaidh
Rialacháin ón gComhairle atá luaite i bpointe 1 thuas. Cumhdóidh sí trí
phríomhghníomhaíocht, eadhon críochnú chéim imlonnaithe chlár Galileo, céim
saothraithe an chláir sin agus saothrú chóras EGNOS. Áirítear sa cheann
deireanach sin feabhsú leanúnach na seirbhísí a chuireann an córas ar fáil chun
freagairt do na hathruithe ar riachtanais na n‑úsáideoirí. Is toradh iad costais mheasta na gclár ar
anailís fhairsing. Tá siad bunaithe freisin ar thorthaí plé le saineolaithe, go
háirithe saineolaithe de chuid na mBallstát, na Gníomhaireachta Eorpaí Spáis
agus na Gníomhaireachta Eorpaí GNSS. Chuathas i gcomhairle freisin le páirtithe
leasmhara éagsúla, amhail ionadaithe tionsclaíocha earnáil an spáis. Is fíor-riachtanach an saineolas a fuarthas
laistigh den Choimisiún a chothabháil chun leanúnachas na gclár a áirithiú. Dá
bhrí sin, déanfaidh an Coimisiún gníomhairí sealadacha atá fostaithe faoi
láthair a choimeád ar feadh tréimhsí a chinnfear ag brath ar chéimeanna éagsúla
na gclár agus aistreoidh sé baill foirne chuig an nGníomhaireacht Eorpach GNSS.
5.
EILIMINTÍ ROGHNACHA
Ba cheart a aibhsiú go leagtar síos leis an
Rialachán seo, go háirithe, múnla rialachais na gclár agus a maoiniú don
tréimhse 2014-2020. De réir an mhúnla seo, féadfar cúraimí substaintiúla a
bhaineann le saothrú na gcóras a thabhairt don Ghníomhaireacht Eorpach GNSS, ar
gníomhaireacht de chuid an Aontais í de réir bhrí Airteagal 185 de
Rialachán (CE, Euratom) Uimh. 1605/2002 an 25 Meitheamh 2002
maidir leis an Rialachán Airgeadais is infheidhme i dtaca le buiséad ginearálta
na gComhphobal Eorpach. Chuige sin, tá rún ag an gCoimisiún comhaontú tarmligin
amháin nó níos mó a thabhairt i gcrích leis an nGníomhaireacht. I dtuairim an Choimisiúin, is iad
comhaontuithe tarmligin, a n‑áirítear coinníollacha ginearálta
bhainistíocht na gcistí a thugtar don Ghníomhaireacht iontu, lena n‑áirítear
na bearta chun faireachán a dhéanamh ar chostais agus iad a rialú, an modh is
iomchuí don Choimisiún, do Pharlaimint na hEorpa agus don Chomhairle chun a
gcumhachtaí rialaithe a fheidhmiú go hiomlán. Chun go mbeidh léargas iomlán ag Parlaimint na
hEorpa agus ag an gComhairle ar na coinníollacha ina mbeadh ar an
nGníomhaireacht Eorpach GNSS na cúraimí a thabharfar di faoin múnla nua
rialachais a chur i gcrích, go háirithe cúraimí a bhaineann le hacmhainní,
déanfaidh an Coimisiún togra le haghaidh leasú ar Rialachán (AE)
Uimh. 912/2010 agus ar an ráiteas airgeadais a ghabhann leis a thíolacadh
i rith na bliana 2012. Ba cheart a thabhairt faoi deara go ndéanann an buiséad
arna leithdháileadh ar na cláir, arb é EUR [7897] milliún i bpraghsanna reatha
atá ann, costais shaothrú na gcóras a chur san áireamh cheana féin, lena n‑áirítear
costais fheidhmiú na n‑eintiteas a bhfuil orthu saothrú na gcóras a
bhainistiú. Sa chaoi sin, ní bheidh aon chaiteachas buiséadach breise i gceist
mar thoradh ar chur i gcrích, de chuid na Gníomhaireachta, na gcúraimí nua a
thabharfar di. Ina theannta sin, déanfaidh an Coimisiún
meastóireacht ar chomhoiriúnacht Rialachán (AE) Uimh. 912/2010 leis an
múnla nua rialachais maidir le creidiúnú na gcóras. Ba cheart Gníomhaíocht Chomhpháirteach
2004/552/CBES ón gComhairle an 12 Iúil 2004 maidir le gnéithe
shaothrú an chórais Eorpaigh um loingseoireacht satailíte a imríonn tionchar ar
shlándáil an Aontais Eorpaigh[6], a thabhairt cothrom le dáta freisin. Tá simpliú na rialacha ar cheann de spriocanna
lárnacha an chur chuige nua atá beartaithe ag an gCoimisiún maidir le
caiteachas buiséadach an Aontais. Leis an téacs mar atá sé, tugtar isteach
bearta simplithe i dtaca leis an méid seo a leanas go háirithe: –
ailíniú na dtáscairí le cuspóirí na Straitéise
Eoraip 2020; –
tarmligean na ngníomhaíochtaí a bhaineann le
saothrú na gcóras, go háirithe bainistíocht conarthaí leis an nGníomhaireacht
Eorpach GNSS. 2011/0392 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir le córais Eorpacha um loingseoireacht
satailíte a chur ar bun agus a shaothrú TÁ PARLAIMINT NA hEORPA AGUS AN
CHOMHAIRLE, Ag féachaint don Chonradh ar Fheidhmiú an
Aontais Eorpaigh, agus go háirithe Airteagal 172 de, Ag féachaint don togra ón gCoimisiún Eorpach, Tar éis dóibh an dréachtghníomh reachtach a
chur chuig na Parlaimintí náisiúnta, Ag féachaint don tuairim ón gCoiste
Eacnamaíoch agus Sóisialta[7], Ag féachaint don tuairim ó Choiste na Réigiún[8], Ag gníomhú dóibh i gcomhréir leis an ngnáthnós
imeachta reachtach, De bharr an méid seo a leanas: (1)
Is é is aidhm don bheartas Eorpach um
loingseoireacht satailíte dhá chóras loingseoireachta satailíte (dá ngairfear
"córais" anseo feasta) a sholáthar don Aontas, eadhon an córas a
bunaíodh faoi chlár Galileo agus córas EGNOS. Eascraíonn na cláir sin as cláir
Galileo agus EGNOS (dá ngairfear "cláir" anseo feasta) faoi seach. Is
éard atá i ngach bonneagar díobh satailítí agus gréasán de stáisiúin talún. (2)
Is é is aidhm do chlár Galileo an chéad bhonneagar
domhanda loingseoireachta agus suite satailíte atá deartha go sonrach chun
críoch sibhialta a chur ar bun agus a shaothrú. Tá an córas a bunaíodh faoi chlár
Galileo go hiomlán neamhspleách ar chórais eile atá ann cheana nó a d'fhéadfadh
bheith ann. (3)
Is é is aidhm do chlár EGNOS cáilíocht na
gcomharthaí ó na córais dhomhanda um loingseoireacht satailíte atá ann cheana
(dá ngairfear "GNSS" anseo feasta, giorruchán a sheasann do Chóras
Domhanda um Loingseoireacht Satailíte) a fheabhsú. (4)
Thug Parlaimint na hEorpa, an Chomhairle, an Coiste
Eacnamaíoch agus Sóisialta agus Coiste na Réigiún tacaíocht do na cláir i
gcónaí. (5)
Ós rud é go bhfuil a lán forbartha déanta ar na
cláir, as a dtagann córais atá ag céim oibríochtúil, is iomchuí iad a chur ar
bhunús dlí sonrach, bunús dlí ar féidir leis freagairt dá riachtanais, go
háirithe i dtéarmaí rialachais, agus an ceanglas maidir le bainistíocht fhónta
airgeadais a shásamh. (6)
Na córais a chuirtear ar bun faoi na cláir Eorpacha
um loingseoireacht satailíte, is bonneagair iad a chuirtear ar bun mar
ghréasáin thras‑Eorpacha ar leithne i bhfad a n‑úsáid ná
teorainneacha náisiúnta na mBallstát. Thairis sin, rannchuidíonn na seirbhísí a
thairgtear trí na córais sin le gréasáin thras‑Eorpacha a fhorbairt i
réimsí bhonneagair an iompair, na teileachumarsáide agus an fhuinnimh. (7)
Is uirlis de chuid an bheartais thionsclaíoch iad
cláir Galileo agus EGNOS agus is cuid de Straitéis Eoraip 2020 iad, mar
atá léirithe sa Teachtaireacht ón gCoimisiún an 17 Samhain 2010 dar
teideal "Beartas tionsclaíoch do ré an domhandaithe - An t‑iomaíochas
agus an fhorbairt inbhuanaithe a chur chun tosaigh" ("An
integrated industrial policy for the globalisation era: putting competitiveness
and sustainability at centre stage")[9]. Áirítear
iad freisin sa Teachtaireacht a ghlac an Coimisiún an 4 Aibreán 2011
dar teideal "I dtreo straitéise spáis de chuid an Aontais Eorpaigh atá
chun leasa a shaoránaigh" ("Towards a space strategy for the
European Union that benefits its citizens")[10]. Tá a lán
buntáistí do gheilleagar agus do shaoránaigh an Aontais ag na cláir sin, arb é
EUR 130 billiún a luach carnach measta don tréimhse 2014-2034. (8)
I bhfianaise úsáid na loingseoireachta satailíte a
bheith á méadú in a lán réimsí gníomhaíochta, d'fhéadfadh cur isteach ar
sholáthar seirbhísí dochar mór a dhéanamh i sochaí an lae inniu. Ina theannta
sin, de bhrí go bhfuil gné straitéiseach ag baint leo, is bonneagair íogaire
iad córais loingseoireachta satailíte agus d'fhéadfadh sé go mbainfí úsáid
mhailíseach astu. Is féidir leis na nithe thuasluaite tionchar a imirt ar
shlándáil an Aontais agus a Bhallstáit. Ní mór dá bhrí sin na ceanglais
slándála a chur san áireamh le linn dhearadh, chur ar bun agus shaothrú córas a
thig as cláir Galileo agus EGNOS. (9)
Áirítear i gclár Galileo céim sainithe atá
críochnaithe, céim forbartha agus bailíochtaithe ar cheart di a bheith
críochnaithe in 2013, céim imlonnaithe a thosaigh in 2008 agus ar cheart di a
bheith críochnaithe in 2020, agus céim oibrithe ar cheart di tosú de réir a
chéile ó 2014/2015 chun go mbeidh an córas ar fad go hiomlán oibríochtúil in
2020. (10)
Tá clár EGNOS á shaothrú ó dearbhaíodh go raibh a
sheirbhís oscailte agus a sheirbhís ar a dtugtar "Sábháilteacht
Bheatha" ag oibriú i mí Dheireadh Fómhair 2009 agus i mí an Mhárta 2011
faoi seach. (11)
Chun úsáid na seirbhísí a sholáthraítear a
bharrfheabhsú, ba cheart na córais, gréasáin agus seirbhísí a thig as cláir
Galileo agus EGNOS a bheith comhoiriúnach agus idir‑inoibritheach agus, a
mhéid is féidir, le córais eile loingseoireachta satailíte chomh maith le
modhanna traidisiúnta loingseoireachta. (12)
Ós rud é go ndéanann an tAontas maoiniú ar fad na
gclár a ráthú, is iomchuí a fhoráil gurb aigesan a bheidh úinéireacht na
sócmhainní inláimhsithe agus doláimhsithe arna gcruthú nó arna bhforbairt chun
críche faoi na cláir sin. Chun go n‑urramófar go hiomlán na cearta
bunúsacha maoine, ba cheart na socruithe is gá leis na húinéirí atá ann cheana
a leagan síos, go háirithe maidir le codanna fíor‑riachtanacha na
mbonneagar agus a slándáil. Chun go mbainfidh na margaí úsáid as an
loingseoireacht satailíte, ba cheart a áirithiú gur féidir le tríú páirtithe an
úsáid is fearr a bhaint go háirithe as na cearta maoine intleachtúla de chuid
an Aontais a thig as na cláir, go háirithe ar an leibhéal soch‑eacnamaíoch.
(13)
Ba cheart céimeanna imlonnaithe agus oibrithe chlár
Galileo agus céim oibrithe chlár EGNOS a bheith go hiomlán maoinithe ag an
Aontas i bprionsabal. Mar sin féin, i gcomhréir le Rialachán (CE, Euratom)
Uimh. 1605/2002 an 25 Meitheamh 2002 maidir leis an Rialachán
Airgeadais is infheidhme ar bhuiséad ginearálta na gComhphobal Eorpach[11] ("Rialachán Airgeadais"), ba cheart an fhéidearthacht a
bheith ag na Ballstáit cistí breise a thabhairt do na cláir nó ranníocaíocht
chomhchineáil a dhéanamh leo, ar bhonn comhaontuithe iomchuí, chun eilimintí
breise sna cláir a iarrann siad a mhaoiniú, mar shampla ailtireacht na gcóras
nó riachtanais bhreise áirithe a bhaineann le slándáil. Ba cheart freisin go
mbeadh tríú tíortha agus eagraíochtaí idirnáisiúnta in ann rannchuidiú leis na
cláir. (14)
Chun a áirithiú go leanfar leis na cláir, is gá
creat iomchuí airgeadais a chur ar bun chun go mbeidh an tAontas in ann
leanúint leis na cláir a mhaoiniú. Ba cheart freisin an tsuim atá ag teastáil a
shonrú, i rith na tréimhse ón 1 Eanáir 2014 go dtí an
31 Nollaig 2020, chun críochnú chéim imlonnaithe chlár Galileo agus
saothrú na gcóras a mhaoiniú. (15)
[Rinne] Parlaimint na hEorpa agus an
Chomhairle, ar thogra ón gCoimisiún an 29 Meitheamh 2011, [cinneadh]
suim uasta EUR [7897] milliún i bpraghsanna reatha a leithdháileadh do mhaoiniú
na ngníomhaíochtaí a bhfuil baint acu leis na cláir le linn na tréimhse ón
1 Eanáir 2014 go dtí an 31 Nollaig 2020.Ba cheart a shonrú
go gcumhdaíonn na gníomhaíochtaí sin cosaint na gcóras agus a bhfeidhmithe
freisin, lena n‑áirítear le linn lainseáil na satailítí. Chuige sin,
d'fhéadfadh an buiséad arna leithdháileadh ar na cláir ranníocaíocht a mhaoiniú
leis na costais a bhfuil gá leo chun tairbhiú de sheirbhísí atá in ann an
chosaint sin a áirithiú, amhail na cinn a sholáthraíonn an clár um Fhaireachas
ar an Spás (Space Situational Awareness – SSA), agus sin a mhéid is
féidir agus dianbhainistíocht costas á leanúint agus i gcomhlíonadh iomlán na
suime iomláine thuasluaite arna leagan síos in Airteagal [x] de Rialachán
XYZ ón gComhairle lena leagtar síos an creat airgeadais don
tréimhse 2014-2020. Leis an Rialachán seo bunaítear, chun leanúint leis na
cláir, clúdach airgeadais arb é an phríomthagairt é, de réir bhrí phointe [17]
den chomhaontú idirinstitiúideach an xx/yy/201z idir Parlaimint na hEorpa, an
Chomhairle agus an Coimisiún maidir le comhar i gcúrsaí buiséadacha agus
bainistíocht fhónta airgeadais agus de réir bhrí Airteagal 14 [den togra
le haghaidh Rialacháin ón gComhairle an 29 Meitheamh 2011] lena
leagtar síos an creat airgeadais ilbhiantúil don tréimhse 2014-2020[[12]]. (16)
Ba cheart na gníomhaíochtaí dá ndeonófar
leithreasaí buiséadacha de chuid an Aontais arna leithdháileadh ar na cláir don
tréimhse 2014-2020 faoin Rialachán seo a shonrú. Ba cheart na leithreasaí
sin a dheonú go príomha do na gníomhaíochtaí a bhaineann le céim imlonnaithe
chlár Galileo, lena n‑áirítear gníomhaíochtaí bhainistíocht agus
fhaireachán na céime sin, agus na gníomhaíochtaí a bhaineann le saothrú an
chórais a bunaíodh faoi chlár Galileo, lena n‑áirítear
réamhghníomhaíochtaí nó gníomhaíochtaí ullmhúcháin na céime sin, agus chóras
EGNOS. Ba cheart iad a dheonú freisin le haghaidh mhaoiniú gníomhaíochtaí
áirithe eile a bhfuil gá leo chun cuspóirí an chláir a bhainistiú agus a bhaint
amach. (17)
Is tábhachtach a thabhairt faoi deara nach
gcuirtear san áireamh sna costais infheistíochta ná sna costais a bhaineann le
saothrú na gcóras arna meas don tréimhse 2014-2020 na hoibleagáidí
airgeadais gan coinne a bhféadfadh sé go gcaithfidh an tAontas iad a
chomhlíonadh, go háirithe iad siúd a bhaineann le dliteanas neamhchonarthach i
ngeall ar úinéireacht phoiblí na gcóras, go háirithe i gcásanna foiche Dé nó
cliste thubaistigh. Tá anailís shonrach á déanamh ag an gCoimisiún ar na
hoibleagáidí sin. (18)
Ba cheart a thabhairt faoi deara freisin nach
gcumhdaíonn na hacmhainní buiséadacha dá bhforáiltear leis an Rialachán seo
obair arna maoiniú ag na cistí atá sannta don chlár Fís 2020, Creat‑Chlár
um Thaighde agus Nuálaíocht, amhail na cistí a bhaineann le forbairt
feidhmchlár atá díorthaithe ó na córais. Leis an obair sin beifear in ann úsáid
na seirbhísí a sholáthraítear faoi chuimsiú na gclár a bharrfheabhsú, toradh
maith ar na hinfheistíochtaí arna ndéanamh ag an Aontas i ndáil le sochair
shóisialta agus eacnamaíocha a áirithiú agus cur le fios gnó chuideachtaí an
Aontais i dtaobh theicneolaíocht na loingseoireachta satailíte. (19)
Ina theannta sin, ba cheart go bhfaigheadh an
tAontas an t‑ioncam a ghineann na córais chun na hinfheistíochtaí a rinne
sé roimh ré a chúiteamh. D'fhéadfaí foráil a dhéanamh freisin maidir le sásra
comhroinnte ioncaim in aon chonradh a chuirfear i gcrích le cuideachtaí san earnáil
phríobháideach. (20)
Chun costais sa bhreis agus moilleanna a raibh
tionchar acu ar fheidhmiú na gclár sna blianta atá thart a sheachaint, is gá
cur leis na hiarrachtaí chun smacht a fháil ar na rioscaí a d'fhéadfadh costais
sa bhreis a chruthú, mar a d'iarr an Chomhairle agus an Pharlaimint ina
gconclúidí agus a rúin faoi seach an 31 Márta 2011 agus an
8 Meitheamh 2011, agus mar atá léirithe sa Teachtaireacht ón
gCoimisiún chuig Parlaimint na hEorpa agus chuig an gComhairle, chuig Coiste
Eacnamaíoch agus Sóisialta na hEorpa agus chuig Coiste na Réigiún an
29 Meitheamh 2011 dar teideal "Buiséad do Straitéis
Eoraip 2020" ("A Budget for Europe 2020")[13]. (21)
Ciallaíonn dea-rialachas poiblí chláir Galileo agus
EGNOS go ndéantar, ar thaobh amháin, cúraimí a scaradh óna chéile go docht
daingean, go háirithe idir an Coimisiún, an Ghníomhaireacht Eorpach GNSS agus
an Ghníomhaireacht Eorpach Spáis agus, ar an taobh eile, oiriúnú de réir a
chéile an rialachais do riachtanais shaothrú na gcóras. (22)
Ós rud é go ndéanann sé ionadaíocht thar ceann an
Aontais, nach ndéanann i bprionsabal ach maoiniú na gclár a áirithiú agus a
bhfuil úinéireacht na gcóras aige, ba cheart an Coimisiún a bheith freagrach as
feidhmiú na gclár agus ba cheart dó maoirseacht pholaitiúil orthu a ghlacadh
air féin. Dá bhrí sin, ba cheart dó na cistí arna leithdháileadh ar na cláir a
bhainistiú faoin Rialachán seo agus cur chun feidhme ghníomhaíochtaí uile na
gclár a mhaoirsiú agus leithdháileadh soiléir cúraimí a áirithiú, go háirithe
idir an Ghníomhaireacht Eorpach GNSS agus an Ghníomhaireacht Eorpach Spáis.
Chuige sin, ba cheart cúraimí sonracha áirithe liostaithe ar bhealach neamh‑uileghabhálach
a shannadh don Choimisiún, anuas ar na cúraimí a bhaineann leis na freagrachtaí
ginearálta sin agus na cúraimí eile nach mór dó a chur i gcrích de bhua an
Rialacháin seo. Chun acmhainní agus inniúlachtaí na ngeallsealbhóirí éagsúla a
bharrfheabhsú, ba cheart cead a bheith ag an gCoimisiún cúraimí áirithe a
tharmligean trí chomhaontuithe tarmligin, i gcomhréir le Rialachán (CE,
Euratom), Uimh. 1605/2002 agus go háirithe le hAirteagal 54 de. (23)
Bunaíodh an Ghníomhaireacht Eorpach GNSS le
Rialachán (AE) Uimh. 912/2010 ó Pharlaimint na hEorpa agus ón gComhairle
an 22 Meán Fómhair 2010 lena mbunaítear an Ghníomhaireacht Eorpach
GNSS, lena n‑aisghairtear Rialachán (CE) Uimh. 1321/2004 ón
gComhairle maidir le struchtúir bhainistíochta a bhunú do na cláir Eorpacha um
loingseoireacht satailíte agus lena leasaítear Rialachán (CE)
Uimh. 683/2008 ó Pharlaimint na hEorpa agus ón gComhairle[14] chun cuspóirí chláir Galileo agus EGNOS a bhaint amach agus cúraimí
áirithe a bhaineann le feidhmiú na gclár a chur i gcrích. Is gníomhaireacht de
chuid an Aontais í atá, mar chomhlacht de réir bhrí Airteagal 185 de
Rialachán (CE, Euratom) Uimh. 1605/2002, faoi réir na n‑oibleagáidí
is infheidhme maidir le gníomhaireachtaí an Aontais. Ba cheart cúraimí áirithe
a bhaineann le slándáil na gclár, lena hainmniú ionchasach mar údarás inniúil
Seirbhíse Poiblí Rialáilte (PRS) agus lena rannchuidiú le margú na gcóras a
shannadh di. Ba cheart di freisin na cúraimí a fhéadfaidh an Coimisiún a
thabhairt di a chur i gcrích trí chomhaontú amháin nó trí roinnt comhaontuithe
tarmligin lena gcumhdaítear cúraimí éagsúla sonracha eile a bhaineann leis na
cláir, lena n‑áirítear cúraimí a bhaineann le céimeanna saothraithe na
gcóras agus cur chun cinn feidhmchlár agus seirbhísí ar mhargadh na
loingseoireachta satailíte. Chun go mbeidh an Coimisiún, mar ionadaí don
Aontas, in ann a chumhacht iniúchta a fheidhmiú go hiomlán, ba cheart na
coinníollacha ginearálta maidir le bainistiú na gcistí a thabharfar don
Ghníomhaireacht Eorpach GNSS a bheith ar áireamh sna comhaontuithe tarmligin
sin. (24)
Ba cheart don Aontas comhaontú ilbhliantúil
tarmligin a thabhairt i gcrích leis an nGníomhaireacht Eorpach Spáis lena
gcumhdófaí gnéithe teicniúla agus pleanála na gclár. Chun go mbeidh an
Coimisiún, mar ionadaí don Aontas, in ann a chumhacht iniúchta a fheidhmiú go
hiomlán, ba cheart na coinníollacha ginearálta maidir le bainistiú na gcistí a
thabharfar don Ghníomhaireacht Eorpach Spáis a bheith ar áireamh sa chomhaontú
tarmligin. A fhad a bhaineann leis na gníomhaíochtaí a mhaoiníonn an tAontas
amháin, ba cheart do na coinníollacha sin leibhéal iniúchta a ráthú atá
inchomparáide leis an leibhéal a cheanglófaí dá mba gníomhaireacht de chuid an
Aontais í an Gníomhaireacht Eorpach Spáis. (25)
Cuimsíonn an fhreagracht as feidhmiú na gclár go
háirithe an fhreagracht as a slándáil, slándáil na gcóras agus a saothraithe.
Seachas i gcás ina gcuirtear i bhfeidhm Gníomhaíocht Chomhpháirteach
2004/552/CBES an 12 Iúil 2004 maidir le gnéithe shaothrú an chórais
eorpaigh loingseoireachta satailíte a imríonn tionchar ar shlándáil an Aontais
Eorpaigh[15], rud a d'fhéadfaí a oiriúnú más gá d'fhorbairt na gclár, dá rialachas
agus do Chonradh Liospóin, is é an Coimisiún atá freagrach as slándáil, fiú más
rud é go dtugtar cúraimí áirithe slándála don Ghníomhaireacht Eorpach GNSS. Is
faoin gCoimisiún atá sé go háirithe na meicníochtaí a chur ar bun chun comhordú
leormhaith a áirithiú idir na heintitis éagsúla atá freagrach as slándáil. (26)
Ós rud é go bhfuil saineolas sonrach ag an
tSeirbhís Eorpach Gníomhaíochta Seachtraí agus go mbíonn teagmháil rialta aici
le riaracháin tríú tíortha agus le heagraíochtaí idirnáisiúnta, tá sí in inmhe
cuidiú leis an gCoimisiún cúraimí áirithe dá chuid a chur i gcrích ar cúraimí
iad a bhaineann le slándáil na gcóras agus na gclár i réimse an chaidrimh
eachtraigh, i gcomhréir le Cinneadh 2010/427/AE ón gComhairle an
26 Iúil 2010 lena mbunaítear eagrú agus feidhmiú na Seirbhíse Eorpaí
Gníomhaíochta Seachtraí[16] agus go háirithe le mír 2 d'Airteagal 2 de. (27)
Chun cistí an Aontais arna leithdháileadh ar na
cláir a leithdháileadh, arb é atá sa leithdháileadh uasteorainn nach féidir
leis an gCoimisiún a shárú, ní mór nósanna imeachta éifeachtacha soláthair
phoiblí a chur i bhfeidhm agus, go háirithe, conarthaí a chaibidliú sa chaoi is
go ndéantar úsáid optamach acmhainní, seirbhísí sásúla, reáchtáil rianúil na
gclár, dea-bhainistíocht rioscaí agus urraim an sceidil arna bheartú a
áirithiú. Ní mór don údarás conarthach a dhícheall a dhéanamh chun na ceanglais
sin a shásamh. (28)
Ós rud é gurb é an tAontas, i bprionsabal, a
mhaoineoidh na cláir á maoiniú ag an gComhphobal, ba cheart go n‑urramódh
an soláthar poiblí faoi na cláir sin rialacha an Aontais maidir le conarthaí
poiblí agus ba cheart go bhféachfadh siad, go príomha, leis na hacmhainní a
bharrfheabhsú, na costais a rialú agus na rioscaí a mhaolú, chomh maith le
héifeachtúlacht a fheabhsú agus an spleáchas ar sholáthraithe aonair a laghdú.
Ba cheart go saothrófaí iomaíocht oscailte chóir feadh an tslabhra soláthair,
lena dtabharfaí deiseanna cothroma rannpháirtíochta don tionscal ar gach
leibhéal, lena n‑áirítear, go háirithe, d'iontrálaithe nua agus d'fhiontair
bheaga agus mheánmhéide (dá ngairfear "FBManna" anseo feasta), a
áirithiú. Aon mhí-úsáid a d'fhéadfaí a bhaint as ceannasacht nó aon spleáchas
fadtéarmach a d'fhéadfadh a bheith ann ar sholáthraí aonair, ba cheart iad a
sheachaint. Chun rioscaí a bhaineann leis an gclár a mhaolú, spleáchas ar
fhoinsí aonair soláthair a sheachaint agus rialú foriomlán níos fearr ar an
gclár, ar an gcostas agus ar an sceideal a ráthú, ba cheart úsáid a bhaint as
an ilfhoinsiú, nuair is iomchuí. Ba cheart cead a thabhairt do thionscail an
Aontais leas a bhaint as foinsí lonnaithe lasmuigh den Aontas do
chomhpháirteanna agus sheirbhísí áirithe i gcás ina léirítear go bhfuil
buntáistí suntasacha ann i dtéarmaí cáilíochta agus costas, agus aird á
tabhairt, áfach, ar chineál straitéiseach na gclár agus ar cheanglais an
Aontais maidir le slándáil agus rialú onnmhairithe. Ba cheart tairbhe a bhaint
as infheistíochtaí agus as taithí thionsclaíoch agus as inniúlachtaí
tionsclaíocha, lena n‑áirítear iad sin a fuarthas i gcéim sainithe agus i
gcéim forbartha agus bailíochtaithe na gclár, agus é á áirithiú ag an am céanna
nach sáraítear na rialacha maidir le tairiscint iomaíoch. (29)
Is teicneolaíocht nua chasta í an loingseoireacht
satailíte atá á forbairt an t‑am ar fad. Tagann éiginnteacht agus rioscaí
do chonarthaí poiblí arna dtabhairt i gcrích faoi na cláir as an méid sin, a
mhéid is féidir gealltanais fhadtéarmacha maidir le trealamh nó seirbhísí a
bheith i gceist leis na conarthaí sin. Fágann na saintréithe sin gur gá foráil
a dhéanamh maidir le bearta ar leith i ndáil le conarthaí poiblí a bhfuil
feidhm acu sa bhreis ar na rialacha dá bhforáiltear le Rialachán (CE, Euratom)
Uimh. 1605/2002. Sa dóigh sin, ba cheart go bhféadfadh an t‑údarás
conarthach coinníollacha cothroma iomaíochta a ath‑bhunú i gcás ina
bhfuil faisnéis phribhléideach ag cuideachta amháin nó níos mó cheana, roimh
ghlaoch ar thairiscintí, faoi na gníomhaíochtaí a bhaineann leis an nglaoch sin
ar thairiscintí. Ba cheart fiú go bhféadfadh sé conradh a thabhairt i gcrích i
bhfoirm conartha lena bhfuil íocaíochtaí céime i gceist, leasú a thabhairt
isteach sa chonradh, faoi choinníollacha áirithe, i gcomhthéacs a chur i
gcrích, nó fiú leibhéal íosta fochonraitheoireachta a fhorchur. Ar deireadh, i
ngeall ar na héiginnteachtaí teicneolaíocha a bhaineann leis na cláir, ní
féidir i gcónaí praghsanna conarthaí poiblí a thuar go beacht agus is
inmhianaithe dá bhrí sin conarthaí a thabhairt i gcrích i bhfoirm shonrach,
foirm nach sonraíonn praghas seasta agus cinntitheach agus ag an am céanna a
áiríonn clásail chun leasanna airgeadais an Aontais a chosaint. (30)
Ba cheart a dheimhniú, i gcomhréir le mír 3
d'Airteagal 4 den Chonradh ar an Aontas Eorpach, gur cheart do na
Ballstáit staonadh ó bhearta a dhéanamh ar bearta iad a d'fhéadfadh dochar a
dhéanamh do dhea-oibriú na gclár, go háirithe bearta maidir le cearta maoine
intleachtúla agus leanúnachas fheidhmiú na mbonneagar. Ba cheart a
shoiléiriú freisin gur cheart do na Ballstáit lena mbaineann na bearta uile is
gá a dhéanamh chun go n‑ainmneofar stáisiúin talún na gcóras mar
bhonneagair chriticiúla Eorpacha. (31)
I bhfianaise chineál domhanda na gcóras, tá sé
fíor-riachtanach go bhféadfaidh an tAontas comhaontuithe a thabhairt i gcrích
le tríú tíortha agus le heagraíochtaí idirnáisiúnta faoi na cláir i gcomhréir
le hAirteagal 218 den Chonradh ar Fheidhmiú an Aontais Eorpaigh, go
háirithe chun a ndea-fheidhmiú a áirithiú, na seirbhísí a thugtar do
shaoránaigh an Aontais a bharrfheabhsú, riachtanais tríú tíortha agus
eagraíochtaí idirnáisiúnta a shásamh. Is fónta freisin, i gcás inar gá, na
comhaontuithe atá ann cheana a oiriúnú d'fhorbairt na gclár. Le linn ullmhúchán
nó chur chun feidhme na gcomhaontuithe sin, féadfaidh an Coimisiún dul ar
iontaoibh chúnamh na Seirbhíse Eorpaí Gníomhaíochta Seachtraí, na
Gníomhaireachta Eorpaí Spáis agus na Gníomhaireachta Eorpaí GNSS, laistigh de
theorainneacha na gcúraimí a shanntar dóibh faoin Rialachán seo. (32)
Ba cheart a dheimhniú go bhféadfaidh an Coimisiún,
chun cúraimí áirithe neamh‑rialála dá chuid a chur i gcrích agus i gcás
inar gá agus a mhéid is gá, dul ar iontaoibh chúnamh teicniúil páirtithe
seachtracha áirithe. Féadfaidh na heintitis eile a bhfuil baint acu le
rialachas poiblí na gclár tairbhiú den chúnamh teicniúil céanna i gcur i gcrích
na gcúraimí a thugtar dóibh faoin Rialachán seo. (33)
Ba cheart cosaint sonraí pearsanta agus an
tsaoil phríobháidigh a áirithiú i gcomhthéacs na gclár. (34)
Ní mór leasanna airgeadais an Aontais a chosaint
trí bhearta comhréireacha ar feadh thimthriall iomlán an chaiteachais, go
háirithe trí neamhrialtachtaí a chosc agus a bhrath, imscrúduithe a dhéanamh,
cistí a cailleadh, a íocadh nó a úsáideadh go mícheart a aisghabháil agus, más
gá, trí phionóis a chur i bhfeidhm. (35)
Is tábhachtach Parlaimint na hEorpa agus an Chomhairle
a chur ar an eolas go tráthrialta maidir le cur chun feidhme na gclár. Ina
theannta sin, tiocfaidh Parlaimint na hEorpa, an Chomhairle agus an Coimisiún
le chéile i bPainéal Idirinstitiúideach Galileo i gcomhréir le Dearbhú
Comhpháirteach an 9 Iúil 2008 maidir le Painéal Idirinstitiúideach
Galileo. (36)
Ba cheart don Choimisiún meastóireachtaí a dhéanamh
chun éifeachtacht agus éifeachtúlacht na mbeart arna ndéanamh do bhaint amach
chuspóirí na gclár a mheas. (37)
Chun na bearta is gá a shainiú chun comhoiriúnacht
agus idir-inoibritheacht na gcóras le córais eile um loingseoireacht satailíte
agus le modhanna traidisiúnta loingseoireachta a ráthú agus slándáil na gcóras
agus a bhfeidhmithe a áirithiú, ba cheart an chumhacht a thabhairt don
Choimisiún gníomhartha a ghlacadh i gcomhréir le hAirteagal 290 den
Chonradh ar Fheidhmiú an Aontais Eorpaigh i ndáil leis an dá réimse inniúlachta
sin. Tá sé fíorthábhachtach go rachaidh an Coimisiún i mbun comhairliúcháin
iomchuí le linn a chuid oibre ullmhúcháin, lena n‑áirítear comhairliúchán
ar leibhéal na saineolaithe. Ba cheart don Choimisiún a áirithiú, agus
gníomhartha tarmligthe á n‑ullmhú agus á dtarraingt suas aige, go
ndéanfar na doiciméid ábhartha a tharchur an tráth céanna, go tráthúil agus go
hiomchuí chuig Parlaimint na hEorpa agus chuig an gComhairle. (38)
Chun coinníollacha comhionanna a áirithiú le
haghaidh chur chun feidhme an Rialacháin seo, ba cheart cumhachtaí cur chun
feidhme a thabhairt don Choimisiún. Ba cheart na cumhachtaí sin a fheidhmiú i
gcomhréir le Rialachán (AE) Uimh. 182/2011 ó Pharlaimint na hEorpa agus ón
gComhairle an 16 Feabhra 2011 lena leagtar síos na rialacha agus na
prionsabail ghinearálta a bhaineann leis na sásraí maidir le rialú ag na
Ballstáit ar fheidhmiú cumhachtaí cur chun feidhme ag an gCoimisiún[17]. (39)
Ós rud é go n‑éilíonn dea-rialachas poiblí
bainistíocht aonfhoirmeach ar na cláir, luathú na cinnteoireachta agus rochtain
chothrom ar fhaisnéis, ba cheart ionadaithe na Gníomhaireachta Eorpaí GNSS agus
na Gníomhaireachta Eorpaí Spáis a bheith in ann páirt a ghlacadh mar
bhreathnóirí in obair an Choiste um Chláir Eorpacha GNSS a bunaíodh le
hAirteagal 19 de Rialachán (CE) Uimh. 683/2008 ó Pharlaimint na
hEorpa agus ón gComhairle an 9 Iúil 2008 maidir leis na cláir Eorpacha
um loingseoireacht satailíte (EGNOS agus Galileo)[18] a chur
chun feidhme tuilleadh. Ar na cúiseanna céanna, ba cheart ionadaithe tríú
tíortha nó eagraíochtaí idirnáisiúnta a thug comhaontú idirnáisiúnta i gcrích
leis an Aontas a bheith in ann páirt a ghlacadh in obair an Choiste um Chláir
Eorpacha GNSS. Ní fhéadfaidh ionadaithe sin na Gníomhaireachta Eorpaí GNSS, na
Gníomhaireachta Eorpaí Spáis, tríú tíortha agus eagraíochtaí idirnáisiúnta
vótaí a chaitheamh sa choiste. (40)
Ó tharla nach féidir leis na Ballstáit cuspóir an
Rialacháin seo, eadhon córais um loingseoireacht satailíte a chur ar bun agus a
shaothrú, a bhaint amach go leordhóthanach, toisc go dtéann sé thar chumas
airgeadais agus teicniúil aon Bhallstáit aonair, agus gur fearr, dá bhrí sin,
is féidir é a bhaint amach trí ghníomhaíocht ar leibhéal an Aontais, féadfaidh
an tAontas bearta a ghlacadh, i gcomhréir le prionsabal na coimhdeachta a
leagtar amach in Airteagal 5 den Chonradh ar an Aontas Eorpach. I
gcomhréir le prionsabal na comhréireachta, mar a leagtar amach san Airteagal
sin é, ní théann an Rialachán seo thar a bhfuil riachtanach chun an cuspóir sin
a bhaint amach. (41)
Scoir an Comhghnóthas Galileo, a cruthaíodh le
Rialachán (CE) Uimh. 876/2002 ón gComhairle an 21 Bealtaine 2002
lena mbunaítear Comhghnóthas Galileo[19], dá
oibríochtaí an 31 Nollaig 2006 agus faoin am seo tá na nósanna
imeachta a bhain leis an gcuideachta a fhoirceannadh críochnaithe. Ba cheart dá
bhrí sin Rialachán (CE) Uimh. 876/2002 a aisghairm. (42)
I bhfianaise an ghá meastóireacht a dhéanamh ar na
cláir, thábhacht na leasuithe atá le déanamh ar an téacs agus ar mhaithe le
soiléire agus deimhneacht dhlíthiúil, ba cheart Rialachán (CE)
Uimh. 683/2008 a aisghairm, TAR ÉIS AN RIALACHÁN SEO A GHLACADH: CAIBIDIL I FORÁLACHA GINEARÁLTA Airteagal 1 Córais agus cláir Eorpacha um loingseoireacht satailíte 1. Le cláir EGNOS agus Galileo
cumhdófar na gníomhaíochtaí go léir is gá chun an dá chóras Eorpacha um
loingseoireacht satailíte, eadhon an córas a bunaíodh faoi chlár Galileo agus
córas EGNOS a shainiú, a fhorbairt, a bhailíochtú, a thógáil, a shaothrú, a
athnuachan agus a fheabhsú. 2. Is bonneagar uathrialaitheach
domhanda um loingseoireacht satailíte (GNSS) é an córas a bunaíodh faoi chlár
Galileo atá comhdhéanta de chnuasach satailítí agus de ghréasán domhanda
stáisiún talún. 3. Is bonneagar é córas EGNOS a
dhéanann faireachán agus ceartú ar chomharthaí a astaítear ó chórais dhomhanda
um loingseoireacht satailíte atá ann cheana. Cuimsíonn sé stáisiúin talún agus
roinnt trasfhreagróirí atá suiteáilte ar shatailítí geochobhsaí. 4. Is iad cuspóirí sonracha
chlár Galileo a áirithiú go bhféadfar na comharthaí a astóidh an córas arna
bhunú faoin gclár sin a úsáid chun na cúig fheidhm seo a leanas a chomhlíonadh: (a)
seirbhís oscailte a thairiscint (dá ngairtear
"Open Service" nó OS) atá saor in aisce le haghaidh an úsáideora agus
lena soláthraítear faisnéis suite agus sioncrónaithe, le haghaidh feidhmeanna
loingseoireachta satailíte ardtoirte; (b)
seirbhís sábháilteachta beatha (dá ngairtear
"safety-of-life" nó SoL) a thairiscint a dhírítear ar úsáideoirí a
bhfuil an tsábháilteacht riachtanach dóibh; comhlíonann an tseirbhís sin
freisin ceanglais earnálacha áirithe maidir leis an leanúnachas, leis an
infhaighteacht agus leis an gcruinneas agus áirítear teachtaireacht sláine a dhíríonn
aird an úsáideora ar aon loic sa chóras; (c)
seirbhís tráchtála a thairiscint (dá ngairtear
"Commercial Service" nó CS) d'fhonn feidhmeanna a fhorbairt le
haghaidh úsáide gairmiúla nó tráchtála de bharr feidhmíochta feabhsaithe agus
sonraí le breisluach níos mó ná mar a fhaightear tríd an tseirbhís oscailte; (d)
seirbhís atá faoi rialáil phoiblí a thairiscint (dá
ngairtear "Public Regulated Service" nó PRS) atá srianta d'úsáideoirí
atá údaraithe ag rialtais, le haghaidh feidhmeanna íogaire a éilíonn ardleibhéal
leanúnachais seirbhíse; úsáideann an tseirbhís sin comharthaí láidre criptithe; (e)
bheith rannpháirteach sa tseirbhís cuardaigh agus
tarrthála (dá ngairtear "Search and Rescue Support Service" nó SAR)
den chóras COSPAS‑SARSAT trí chomharthaí éigeandála ó rabhcháin a bhrath
agus trí theachtaireachtaí a chur ar ais chucu. 5. Is iad cuspóirí sonracha
chlár EGNOS a áirithiú go bhféadfar na comharthaí a astóidh córas EGNOS a úsáid
chun na trí fheidhm seo a leanas a chomhlíonadh: (a)
seirbhís oscailte a thairiscint (dá ngairtear
"Open Service" nó OS) atá saor in aisce le haghaidh an úsáideora agus
lena soláthraítear faisnéis suite agus sioncrónaithe, le haghaidh feidhmeanna
loingseoireachta satailíte ardtoirte sa limistéar a chumhdaítear leis an
gcóras; (b)
seirbhís do scaipeadh sonraí tráchtála a
thairiscint (dá ngairtear "EGNOS Data Access Service" nó EDAS) chun
feidhmeanna a fhorbairt le haghaidh úsáide gairmiúla nó tráchtála de bharr
feidhmíochta feabhsaithe agus sonraí le breisluach níos mó ná mar a fhaightear
tríd an tseirbhís oscailte; (c)
seirbhís sábháilteachta beatha (dá ngairtear
"safety-of-life" nó SoL) a thairiscint a dhírítear ar úsáideoirí a
bhfuil an tsábháilteacht riachtanach dóibh; comhlíonann an tseirbhís sin go
háirithe ceanglais earnálacha áirithe maidir leis an leanúnachas, leis an
infhaighteacht agus leis an gcruinneas agus áirítear teachtaireacht sláine a
dhíríonn aird an úsáideora ar aon loic sa chóras sa réimse a chumhdaítear. Tá sé mar chuspóir sonrach ag clár EGNOS freisin
cuimsiú geografach a sheirbhísí a leathnú ar fud an Aontais agus, laistigh de
na srianta teicniúla agus ar bhonn comhaontuithe idirnáisiúnta, chuig réigiúin
eile den domhan, go háirithe chuig críocha na dtríú tíortha atá cumhdaithe ag
an aerspás Eorpach aonair. Airteagal 2 Ábhar Leis an Rialachán
seo bunaítear na rialacha maidir le córais a chur ar bun agus a shaothrú faoi
na cláir Eorpacha um loingseoireacht satailíte, go háirithe na rialacha a
bhaineann le rialachas agus ranníocaíocht an Aontais. Airteagal 3 Céimeanna
chlár Galileo Cuimsíonn clár Galileo na céimeanna seo a
leanas: (b)
céim sainithe inar dearadh ailtireacht an chórais
agus inar cinneadh a eilimintí agus ar tháinig deireadh léi in 2001; (c)
céim forbartha agus bailíochtaithe, arb é atá inti,
tógáil agus lainseáil na gcéad shatailítí, cur ar bun na gcéad bhonneagar ar
talamh agus na hoibreacha agus na hoibríochtaí go léir is gá chun an córas i
bhfithis a bhailíochtú; is í an aidhm go dtiocfaidh deireadh leis an gcéim sin
in 2013; (d)
céim imlonnaithe a chomhdhéantar de chur ar bun
agus chosaint na mbonneagar spáis agus na mbonneagar ar talamh uile chomh maith
leis na hoibríochtaí a bhaineann leis an gcur ar bun sin agus a chuimsíonn an
obair ullmhúcháin do chéim an tsaothraithe; is í an aidhm go dtiocfaidh
deireadh leis an gcéim sin, a tosaíodh in 2008, in 2020; (e)
céim saothraithe arb é atá inti bainistíocht an
bhonneagair, cothabháil, feabhsú leanúnach, athnuachan agus cosaint an chórais,
na hoibríochtaí deimhniúcháin agus caighdeánaithe a bhaineann leis an gclár,
soláthar agus margú seirbhísí agus gach gníomhaíocht eile is gá chun an córas a
fhorbairt agus chun oibriú rianúil an chláir a áirithiú; is í an aidhm go
gcuirfear tús de réir a chéile leis an gcéim sin idir 2014 agus 2015, nuair a
sholáthrófar na chéad seirbhísí. Airteagal 4 Saothrú
chóras EGNOS Is é atá i gceist
go príomha le saothrú chóras EGNOS bainistíocht an bhonneagair, cothabháil,
feabhsú leanúnach, athnuachan agus cosaint an chórais, na gníomhaíochtaí
formheasa, deimhniúcháin agus caighdeánaithe a bhaineann leis an gclár, na
heilimintí ar fad a thugann bonn údair d'iontaofacht an chórais agus a
shaothraithe chomh maith le soláthar agus margú seirbhísí. Airteagal 5 Comhoiriúnacht
agus idir-inoibritheacht na gcóras 1.
Beidh na córais, gréasáin agus seirbhísí a thig as
cláir Galileo agus EGNOS comhoiriúnach agus idir-inoibritheach. 2.
Beidh na córais, gréasáin agus seirbhísí a thig as
cláir Galileo agus EGNOS, a mhéid is féidir, comhoiriúnach agus
idir-inoibritheach le córais eile loingseoireachta satailíte chomh maith le modhanna
traidisiúnta loingseoireachta. 3.
Glacfaidh an Coimisiún na ceanglais agus na
caighdeáin chun an chomhoiriúnacht agus an idir-inoibritheacht dá dtagraítear i
mír 2 a áirithiú trí bhíthin gníomhartha tarmligthe, i gcomhréir le
hAirteagal 34. Airteagal 6 Úinéireacht Beidh an tAontas ina úinéir ar na sócmhainní
inláimhsithe agus doláimhsithe go léir arna gcruthú nó arna bhforbairt faoi na
cláir agus, chuige sin, tabharfar comhaontuithe i gcrích le
tríú páirtithe, i gcás inarb iomchuí, maidir le cearta úinéireachta atá
ann cheana. Áiritheoidh an Coimisiún, go háirithe, go
mbainfear an úsáid is fearr as cearta maoine intleachtúla an Aontais. CAIBIDIL II RANNÍOCAÍOCHT AGUS SÁSRAÍ BUISÉADACHA Airteagal 7 Gníomhaíochtaí lena mbaineann 1. Maidir le leithreasaí
buiséadacha an Aontais arna leithdháileadh ar na cláir don tréimhse 2014‑2020
faoin Rialachán seo, deonófar iad chun na nithe seo a leanas a mhaoiniú: a) na gníomhaíochtaí a bhaineann le céim
imlonnaithe chlár Galileo, lena n‑áirítear gníomhaíochtaí chun an chéim
sin a bhainistiú agus faireachán a dhéanamh air; b) na gníomhaíochtaí a bhaineann le saothrú
an chórais a bunaíodh faoi chlár Galileo, lena n‑áirítear
réamhghníomhaíochtaí nó gníomhaíochtaí ullmhúcháin na céime sin; c) na gníomhaíochtaí a bhaineann le saothrú
chóras EGNOS. 2. Féadfaidh leithreasaí
buiséadacha sin an Aontais arna leithdháileadh ar na cláir caiteachas an
Choimisiúin a chumhdach freisin, ar caiteachas é a bhaineann le gníomhaíochtaí
ullmhúcháin, faireacháin, rialaithe, iniúchta agus meastóireachta is gá chun
iad a bhainistiú agus chun a gcuspóirí a bhaint amach, go háirithe caiteachas a
chumhdaíonn: (a)
staidéir agus cruinnithe le saineolaithe; (b)
gníomhaíochtaí faisnéise agus cumarsáide, lena n‑áirítear
an chumarsáid institiúideach faoi thosaíochtaí polaitiúla an Aontais ar
choinníoll go bhfuil baint dhíreach acu le cuspóirí an Rialacháin seo; (c)
gréasáin theicneolaíochtaí na faisnéise
("TF") a bhfuil sé mar aidhm acu faisnéis a phróiseáil nó a mhalartú;
(d)
gach cúnamh eile teicniúil nó riaracháin a
fhaigheann an Coimisiún chun na cláir a bhainistiú. 3. Chun go mbeifear in ann
costais na gclár agus costais chéimeanna éagsúla na gclár a shainaithint go
soiléir, cuirfidh an Coimisiún, i gcomhréir le prionsabal na bainistíochta
trédhearcaí, an Coiste dá dtagraítear in Airteagal 35(1) ar an eolas gach
bliain maidir le leithdháileadh chistí an Aontais ar gach ceann de na
gníomhaíochtaí a shonraítear i mír 1 agus mír 2. Airteagal 8 Maoiniú
chlár Galileo 1. Déanfaidh an tAontas
céimeanna an imlonnaithe agus an tsaothraithe a mhaoiniú, i gcomhréir le
hAirteagal 10(1), gan dochar do mhír 2 agus do mhír 3 den
Airteagal seo. 2. Féadfaidh na Ballstáit cistí
breise a thabhairt do chlár Galileo. Is éard a bheidh san ioncam a thiocfaidh ó
na ranníocaíochtaí sin ioncam sannta i gcomhréir le hAirteagal 18(2) de
Rialachán (CE, Euratom) Uimh. 1605/2002. I gcomhréir le prionsabal na
bainistíochta trédhearcaí, cuirfidh an Coimisiún aon tionchar a d'fhéadfadh a
bheith ag cur i bhfeidhm na míre seo ar chlár Galileo in iúl don Choiste dá
dtagraítear in Airteagal 35(1) den Rialachán seo. 3. Féadfaidh tríú tíortha agus
eagraíochtaí idirnáisiúnta cistí breise a thabhairt do chlár Galileo freisin.
Socrófar na coinníollacha agus na socruithe maidir lena rannpháirtíocht leis na
comhaontuithe dá dtagraítear in Airteagal 28. Airteagal 9 Saothrú
chóras EGNOS a mhaoiniú 1. Áiritheoidh an tAontas
maoiniú shaothrú chóras EGNOS, i gcomhréir le hAirteagal 10(1), gan dochar
do ranníocaíocht ó fhoinsí eile maoiniúcháin, go háirithe iad siúd dá
dtagraítear i mír 2 agus mír 3 den Airteagal seo. 2. Féadfaidh na Ballstáit cistí
breise a thabhairt do chlár EGNOS. Is éard a bheidh san ioncam a thiocfaidh ó
na ranníocaíochtaí sin ioncam sannta i gcomhréir le hAirteagal 18(2) de
Rialachán (CE, Euratom) Uimh. 1605/2002. I gcomhréir le prionsabal na
bainistíochta trédhearcaí, cuirfidh an Coimisiún aon tionchar a d'fhéadfadh a
bheith ag cur i bhfeidhm na míre seo ar chlár EGNOS in iúl don Choiste dá
dtagraítear in Airteagal 35(1) den Rialachán seo. 3. Féadfaidh tríú tíortha agus
eagraíochtaí idirnáisiúnta cistí breise a thabhairt do chlár EGNOS freisin.
Socrófar na coinníollacha agus na socruithe maidir lena rannpháirtíocht leis na
comhaontuithe dá dtagraítear in Airteagal 28. Airteagal 10 Acmhainní 1. EUR [7897] milliún i
bpraghsanna reatha don tréimhse ón 1 Eanáir 2014 go dtí an
31 Nollaig 2020 a bheidh san uasmhéid arna leithdháileadh ag an
Aontas do chur chun feidhme na ngníomhaíochtaí atá sonraithe in
Airteagal 7(1) agus (2). 2. Cuirfear na leithreasaí chun
feidhme i gcomhréir le forálacha an Rialacháin seo agus Rialachán (CE, Euratom)
Uimh. 1605/2002. 3. Leithreasófar na ceangaltais
bhuiséadacha le haghaidh na gclár i dtráthchodanna bliantúla. Airteagal 11 Ioncam arna ghiniúint ag na cláir 1. Baileoidh an tAontas an t‑ioncam
ó shaothrú na gcóras, íocfar isteach i mbuiséad an Aontais é agus sannfar do na
cláir é. Má tharlaíonn gur mó an t‑ioncam ná an t‑ioncam a bheidh
riachtanach chun céimeanna saothraithe na gclár a mhaoiniú, beidh aon oiriúnú ar
phrionsabal an tsannta faoi réir a fhormheasta ag an údarás buiséadach ar bhonn
togra ón gCoimisiún. 2. Féadfar foráil a dhéanamh
maidir le sásra comhroinnte ioncaim leis na conarthaí a chuirfear i gcrích le
cuideachtaí san earnáil phríobháideach. 3. An t‑ús arna ghiniúint
ag íocaíochtaí arna ndéanamh le heintitis atá freagrach as cur chun feidhme an
bhuiséid go hindíreach, sannfar iad do ghníomhaíochtaí atá faoi réir an
chomhaontaithe tarmligin nó an chonradh arna thabhairt i gcrích idir an
Coimisiún agus an t‑eintiteas lena mbaineann. I gcomhréir le prionsabal
na bainistíochta fónta airgeadais, osclóidh na heintitis atá freagrach as cur
chun feidhme an bhuiséid go hindíreach cuntais chun go bhféadfar na cistí agus
an t‑ús comhfhreagrach a shainaithint. CAIBIDIL III RIALACHAS POIBLÍ NA gCLÁR Airteagal 12 Creat ginearálta le haghaidh rialachas na gclár Tá rialachas poiblí na gclár bunaithe ar
scaradh docht daingean cúraimí óna chéile idir na heintitis éagsúla lena
mbaineann, go háirithe idir an Coimisiún, an Ghníomhaireacht Eorpach GNSS agus
an Ghníomhaireacht Eorpach Spáis. Airteagal 13 Ról an Choimisiúin 1. Is é an Coimisiún a bheidh
freagrach as oibriú na gclár. Déanfaidh sé na cistí arna leithdháileadh orthu a
bhainistiú faoin Rialachán seo agus áiritheoidh sé go gcuirfear gníomhaíochtaí
uile na gclár chun feidhme. 2. I dteannta na gcúraimí
ginearálta dá dtagraítear i mír 1 agus i bhforálacha eile an Rialacháin
seo, áirítear na cúraimí sonracha seo a leanas i gcúraimí an Choimisiúin i
gcomhthéacs an Rialacháin seo: (a)
déanfaidh sé leithdháileadh soiléir na gcúraimí
idir na heintitis éagsúla a bhfuil baint acu leis na cláir a áirithiú agus
chuige sin déanfaidh sé, go háirithe trí chomhaontuithe tarmligin, na cúraimí
dá dtagraítear in Airteagal 15(1)(d) agus in Airteagal 16 faoi seach
a thabhairt don Ghníomhaireacht Eorpach GNSS agus don Ghníomhaireacht Eorpach
Spáis; (b)
déanfaidh sé na hionstraimí iomchuí agus na bearta
struchtúracha is gá chun na rioscaí a bhaineann leis na cláir a shainaithint, a
rialú, a mhaolú agus chun faireachán a dhéanamh orthu a chur ar bun, go
háirithe i dtéarmaí costas agus sceidil; (c)
déanfaidh sé, thar ceann an Aontais agus ina réimse
inniúlachta, an caidreamh le tríú tíortha agus le heagraíochtaí idirnáisiúnta a
bhainistiú; (d)
áiritheoidh sé slándáil na gclár agus bunóidh sé
meicníochtaí comhair idir na heintitis éagsúla lena mbaineann. 3. I gcás inar gá d'oibriú
rianúil chéimeanna chlár Galileo agus do shaothrú chóras EGNOS dá dtagraítear
in Airteagal 3 agus Airteagal 4 faoi seach, bunóidh an Coimisiún na
bearta is gá don mhéid seo a leanas: (a)
suíomh bhonneagar talún na gcóras a chinneadh agus
a bhfeidhmiú a chinneadh; (b)
na príomhstaideanna cinnteoireachta le haghaidh
mheastóireacht chur chun feidhme na gclár a chinneadh; (c)
na rioscaí a bhaineann go dlúth le hoibriú na gclár
a laghdú. Déanfar na bearta cur chun feidhme sin a ghlacadh
i gcomhréir leis an nós imeachta scrúdúcháin dá dtagraítear in
Airteagal 35(3). Airteagal 14 Slándáil na gcóras agus a bhfeidhmiú 1. Beidh na córais agus a bhfeidhmiú
sábháilte. 2. Gan dochar
d'Airteagal 15 agus d'Airteagal 17 den Rialachán seo ná
d'Airteagal 8 de Chinneadh 1104/2011/AE ó Pharlaimint na hEorpa agus ón
gComhairle[20], féadfaidh an Coimisiún, trí bhíthin gníomhartha tarmligthe agus i
gcomhréir le hAirteagal 34, na ceanglais agus na caighdeáin a ghlacadh
chun slándáil na gcóras agus a bhfeidhmithe dá dtagraítear i mír 1 a
áirithiú. Chuige sin, déanfaidh sé an gá atá ann leis na ceanglais slándála a
mhaoirsiú agus a chomhtháthú sna cláir uile, chomh maith le tionchar na
gceanglas sin ar oibriú rianúil na gclár, go háirithe i dtéarmaí costas agus
sceidil, a chur san áireamh. 3. Cuideoidh an tSeirbhís
Eorpach Gníomhaíochta Seachtraí leis an gCoimisiún, i gcomhréir le
hAirteagal 2(2) de Chinneadh 2010/427/AE, chun cúraimí a bhaineann leis an
tslándáil i réimse an chaidrimh eachtraigh a chur i gcrích. Sa réimse sin,
cuideoidh sí freisin leis an gCoimisiún faireachán a dhéanamh ar chomhlíonadh
na gcaighdeán íosta comhpháirteach dá bhforáiltear le Cinneadh 1104/2011/AE.
Chuige sin, cuirfear na hacmhainní iomchuí ar fáil di agus tabharfar
idirthréimhsí di chun leanúnachas na gclár a áirithiú agus cuirfear seirbhísí
ar bun. Airteagal 15 Ról na Gníomhaireachta Eorpaí GNSS 1 Chun cuspóirí na gclár a
bhaint amach, rannchuideoidh an Ghníomhaireacht Eorpach GNSS lena gcur chun
feidhme agus cuirfidh sí na cúraimí seo a leanas i gcrích, i gcomhréir leis na
treoirlínte arna leagan síos ag an gCoimisiún: (a)
maidir le slándáil na gclár agus gan dochar
d'Airteagal 14 agus d'Airteagal 17, áiritheoidh sí: (i) ar a dhéanaí go dtí an
30 Meitheamh 2016, deimhniúchán slándála i gcomhréir le Caibidil III
de Rialachán (AE) Uimh. 912/2010; chuige sin, cuirfidh sí tús le cur chun
feidhme nósanna imeachta slándála, déanfaidh sí faireachán orthu agus déanfaidh
sí iniúchtaí slándála córais; (ii) saothrú ionad slándála Galileo, i
gcomhréir leis na ceanglais agus caighdeáin dá dtagraítear in
Airteagal 14(3), chomh maith leis na treoracha arna dtabhairt faoi
Ghníomhaíocht Chomhpháirteach 2004/552/CBES dá dtagraítear in
Airteagal 17; (b)
déanfaidh sí cúraimí údaráis PRS inniúil dá
dtagraítear in Airteagal 5 de Chinneadh Uimh. 1104/2011/AE a chur i
gcrích, má ainmnítear amhlaidh í, agus cuideoidh sí leis an gCoimisiún
faireachán a dhéanamh ar chomhlíonadh na gcaighdeán íosta comhpháirteach i
gcomhréir le hAirteagal 8(6) den Chinneadh sin; (c)
i gcomhthéacs shaothrú na gcóras, rannchuideoidh sí
le margú seirbhísí, lena n‑áirítear tríd an anailís mhargaidh is gá a
dhéanamh; (d)
déanfaidh sí freisin cúraimí sonracha eile a
bhaineann leis na cláir a chur i gcrích, cúraimí a fhéadfaidh an Coimisiún a
thabhairt di trí chomhaontú tarmligin arna ghlacadh ar bhonn cinnidh tarmligin,
i gcomhréir le hAirteagal 54(2)(b) de Rialachán (CE, Euratom)
Uimh. 1605/2002, agus lena n‑áirítear an méid seo a leanas: (i) na gníomhaíochtaí oibríochtúla a
bhaineann le bainistíocht an bhonneagair, cothabháil, feabhsú leanúnach agus
athnuachan na gcóras, na hoibríochtaí deimhniúcháin agus caighdeánaithe a
bhaineann leis na cláir agus le soláthar seirbhísí dá dtagraítear in
Airteagal 3(d) agus in Airteagal 4; (ii) cur chun cinn feidhmeanna agus
seirbhísí ar mhargadh loingseoireachta satailíte. 2. I dteannta na gcúraimí dá
dtagraítear i mír 1 agus laistigh de theorainn a misin, cuirfidh an
Ghníomhaireacht Eorpach GNSS a saineolas teicniúil ar fáil don Choimisiún agus
tabharfaidh sí an fhaisnéis uile is gá dó chun a chúraimí a chur i gcrích faoin
Rialachán seo. 3. Rachfar i gcomhairle leis an
gCoiste dá dtagraítear in Airteagal 35(1), i gcomhréir leis an nós
imeachta comhairliúcháin dá dtagraítear in Airteagal 35(2), maidir leis an
gcinneadh tarmligin dá dtagraítear i mír 1(d) den Airteagal seo. Cuirfear
an Coiste ar an eolas maidir leis na comhaontuithe tarmligin atá le tabhairt i
gcrích ag an Aontas, a mbeidh an Coimisiún ina ionadaí dó, agus an
Ghníomhaireacht Eorpach GNSS. Airteagal 16 Ról na Gníomhaireachta Eorpaí Spáis 1. Tabharfaidh an Coimisiún
comhaontú ilbhliantúil tarmligin i gcrích leis an nGníomhaireacht Eorpach Spáis
ar bhonn cinnidh tarmligin a ghlacfaidh an Coimisiún i gcomhréir le
hAirteagal 54(2) de Rialachán (CE, Euratom) Uimh. 1605/2002. Leis an
gcomhaontú sin cumhdófar cur i gcrích na gcúraimí agus cur chun feidhme an
bhuiséid arna dtarmligean i gcomhthéacs chur chun feidhme na gclár, go háirithe
críochnú an bhonneagair faoi chlár Galileo. 2. A mhéid is gá do chur i
gcrích na gcúraimí agus do chur chun feidhme an bhuiséid a tharmligtear faoi
mhír 1, leagfar síos leis an gcomhaontú tarmligin na coinníollacha ginearálta
maidir le bainistíocht na gcistí a thugtar don Ghníomhaireacht Eorpach Spáis
agus, go háirithe, na gníomhartha a bheidh le cur chun feidhme, an maoiniú
ábhartha, na nósanna imeachta bainistíochta, na bearta faireacháin agus
cigireachta, na bearta is infheidhme i gcás fheidhmiú neamhdhóthanach
conarthaí agus na rialacha maidir le húinéireacht sócmhainní uile inláimhsithe
agus doláimhsithe. Déantar foráil go háirithe leis na bearta
faireacháin agus cigireachta maidir le córas sealadach réamhaisnéise costas,
faisnéis chórasach ón gCoimisiún i dtaobh na gcostas agus, i gcás ina bhfuil
difríocht idir na buiséid bheartaithe agus na costais thabhaithe,
gníomhaíochtaí ceartaitheacha lena ráthaítear cur chun feidhme na mbonneagar
laistigh de theorainn na mbuiséad arna leithdháileadh. 3. Rachfar i gcomhairle leis an
gCoiste dá dtagraítear in Airteagal 35(1), i gcomhréir leis an nós
imeachta comhairliúcháin dá dtagraítear in Airteagal 35(2), maidir leis an
gcinneadh tarmligin dá dtagraítear i mír 1(d) den Airteagal seo. Cuirfear
an Coiste ar an eolas maidir leis an gcomhaontú ilbhliantúil tarmligin atá le
tabhairt i gcrích idir an Coimisiún agus an Ghníomhaireacht Eorpach Spáis. 4. Déanfaidh an Coimisiún an
Coiste dá dtagraítear in Airteagal 35(1) a chur ar an eolas maidir le
torthaí idirmheánacha agus torthaí deiridh na meastóireachta a dhéanfar ar na
glaonna ar thairiscintí agus ar na conarthaí atá le tabhairt i gcrích ag an
nGníomhaireacht Eorpach Spáis le cuideachtaí. CAIBIDIL IV GNÉITHE A BHAINEANN LE SLÁNDÁIL AN AONTAIS NÓ LE SLÁNDÁIL A BHALLSTÁT Airteagal 17 Gníomhaíocht Chomhpháirteach I ngach cás inar féidir le saothrú na gcóras
dochar a dhéanamh do shlándáil an Aontais nó a Bhallstát, beidh feidhm ag na
nósanna imeachta dá bhforáiltear le Gníomhaíocht Chomhpháirteach 2004/552/CBES.
Airteagal 18 Cur i bhfeidhm an Rialacháin maidir le faisnéis rúnaicmithe 1. I dtaca le rialacháin
slándála lena n‑áiritheofar leibhéal cosanta a bheidh coibhéiseach ar a
laghad leis an leibhéal cosanta a ráthaítear le rialacha an Choimisiúin maidir
le slándáil a leagtar amach san Iarscríbhinn a ghabhann le
Cinneadh 2001/844/CE, CEGC, Euratom ón gCoimisiún[21] agus le
rialacha slándála na Comhairle a leagtar amach san Iarscríbhinn a ghabhann le
Cinneadh 2011/292/AE ón gComhairle[22],
áiritheoidh gach Ballstát go mbeidh feidhm acu maidir le gach duine nádúrtha a
bhfuil cónaí air ar a chríoch agus maidir le gach eintiteas dlíthiúil a
bhunaítear ar a chríoch a phléann le faisnéis rúnaicmithe de chuid an Aontais a
bhaineann leis na cláir. 2. Cuirfidh na Ballstáit an
Coimisiún ar an eolas láithreach maidir le glacadh na rialachán slándála
náisiúnta dá dtagraítear i mír 1. 3. Ní fhéadfaidh daoine nádúrtha
a bhfuil cónaí orthu i dtríú tíortha agus eintitis dhlíthiúla a bhunaítear i
dtríú tíortha plé le faisnéis rúnaicmithe de chuid an Aontais a bhaineann leis
na cláir ach amháin i gcás ina mbeidh siad faoi réir na rialachán slándála sna
tíortha sin lena n‑áiritheofar leibhéal cosanta a bheidh coibhéiseach ar
a laghad leis an leibhéal cosanta a ráthaítear le rialacha an Choimisiúin
maidir le slándáil a leagtar amach san Iarscríbhinn a ghabhann le
Cinneadh 2001/844/CE, CEGC, Euratom ón gCoimisiún agus le rialacha
slándála na Comhairle a leagtar amach san Iarscríbhinn a ghabhann le
Cinneadh 2011/292/UE. Meastar go bhfuil rialacháin slándála na
Gníomhaireachta Eorpaí Spáis agus Cinneadh 2011/C 304/05 Ardionadaí an
Aontais do Ghnóthaí Eachtracha agus don Bheartas Slándála[23] coibhéiseach leis na rialacha agus na rialacháin sin. Féadfar
coibhéiseacht na rialachán slándála a chuirtear i bhfeidhm i dtríú tír a
aithint i gcomhaontú leis an tír sin. CAIBIDIL V conarthaí Poiblí ROINN I Forálacha ginearálta is infheidhme maidir le conarthaí poiblí a thugtar
i gcrích mar chuid de chéimeanna imlonnaithe agus saothraithe na gclár Airteagal 19 Prionsabail ghinearálta Maidir le rialacha an Aontais um sholáthar
poiblí dá bhforáiltear le Rialachán (CE, Euratom) Uimh. 1605/2002, go
háirithe rochtain oscailte agus iomaíocht chothrom tríd an slabhra soláthair
tionsclaíoch ar fad, tairiscint ar bhonn faisnéis thrédhearcach thráthúil a
chur ar fáil, na rialacha soláthair phoiblí is infheidhme a chur in iúl go
soiléir, critéir roghnúcháin agus dámhachtana chomh maith le haon fhaisnéis
ábhartha eile a thugann cothrom iomaíochta do gach tairgeoir féideartha, beidh
feidhm acu maidir le conarthaí poiblí a thabharfar i gcrích mar chuid de chéim
imlonnaithe chlár Galileo agus chéimeanna saothraithe na gclár, gan dochar do
bhearta is gá chun leasanna riachtanacha slándála an Aontais nó leasanna
riachtanacha slándála poiblí a chosaint nó chun ceanglais an Aontais um rialú
onnmhairithe a chomhlíonadh. Airteagal 20 Cuspóirí sonracha Le linn an tsoláthair, saothrófar na cuspóirí
seo a leanas: (a) rannpháirtíocht is mó agus is oscailte is
féidir cuideachtaí uile a chur chun cinn ar fud an Aontais, go háirithe
rannpháirtíocht iontrálaithe nua agus FBManna; (b) mí-úsáid fhéideartha ceannasachta agus
spleáchas fadtéarmach ar sholáthraithe aonair a sheachaint; (c) leas a bhaint as infheistíochtaí earnála
poiblí roimhe sin agus as na ceachtanna a foghlaimíodh agus as taithí
tionsclaíoch agus as inniúlachtaí tionsclaíocha chomh maith, lena n‑áirítear
iad sin a fuarthas i gcéim shainiú, fhorbairt agus bhailíochtú agus imlonnaithe
na gclár, agus a áirithiú chomh maith go n‑urramófar na rialacha maidir
le tairiscint iomaíoch. ROINN 2 Forálacha ginearálta is infheidhme maidir le conarthaí poiblí a thugtar
i gcrích mar chuid de chéimeanna imlonnaithe agus saothraithe na gclár Airteagal 21 Dálaí
cothroma iomaíochta a bhunú Ní mór don údarás conarthach na bearta iomchuí
a dhéanamh chun dálaí cothroma iomaíochta a bhunú i gcás ina bhféadfadh
rannpháirtíocht roimhe sin cuideachta i ngníomhaíochtaí a bhfuil baint acu leo
siúd is ábhar don ghlaoch ar thairiscintí: (a)
buntáistí suntasacha a thabhairt don chuideachta
sin i dtéarmaí faisnéise pribhléidí agus imní a chruthú dá bhrí sin i dtaobh
urraim an chaithimh chomhionann; nó (b)
tionchar a imirt ar ghnáthdhálaí na hiomaíochta nó
ar neamhchlaontacht agus oibiachtúlacht na dámhachtana nó chur i gcrích na
gconarthaí. Ní mór nach ndéanfaidh na bearta sin iomaíocht
chóir a shaobhadh, nach ndéanfaidh siad dochar don chaitheamh comhionann ná do
rúndacht na faisnéise arna bailiú i leith na gcuideachtaí, a gcaidrimh gnó agus
a struchtúir costas. Sa chomhthéacs sin, cuirfear san áireamh sna bearta sin
cineál agus mionsonraithe an chonartha bheartaithe. Airteagal 22 Conarthaí
lena bhfuil íocaíochtaí céime i gceist 1. Féadfaidh an t‑údarás
conarthach conradh a dhámhachtain i bhfoirm conartha lena bhfuil íocaíochtaí
céime i gceist. 2. Áirítear i gconradh lena
bhfuil íocaíochtaí céime i gceist céim sheasta a bhfuil ceangaltas buiséadach
ag gabháil léi, agus céim choinníollach amháin nó níos mó. Déantar tagairt sna
doiciméid a bhaineann leis an tairiscint do na heilimintí a bhaineann le
conarthaí lena bhfuil íocaíochtaí céime i gceist. Sainítear iontu go háirithe
ábhar an chonartha, an praghas nó na socruithe chun an praghas a chinneadh agus
na socruithe le haghaidh soláthar seirbhísí ag gach céim. 3. Ní mór oibleagáidí na céime
seasta a bheith ina n‑iomlán comhsheasmhach; is amhlaidh atá freisin i
gcás oibleagáidí gach céime coinníollaí, agus oibleagáidí na gcéimeanna ar fad
roimhe sin á gcur san áireamh. 4. Tá cur i gcrích gach céime
coinníollaí faoi réir chinneadh de chuid an údaráis chonarthaigh, cinneadh a
dtugtar fógra ina leith don chonraitheoir i gcomhréir le coinníollacha an
chonartha. I gcás ina ndearbhaítear céim choinníollach go déanach nó nach
ndearbhaítear í, féadfaidh an conraitheoir, má fhoráiltear amhlaidh sa chonradh
agus faoi na coinníollacha atá leagtha síos ann, tairbhiú de liúntas le go
mbeidh sé in ann fanacht go dtí go ndéanfar an dearbhú nó de liúntas mar
chúiteamh toisc nár cuireadh an chéim i gcrích. Airteagal 23 Conarthaí
costas plus 1. Mar eisceacht, féadfaidh an t‑údarás
conarthach conradh costas plus iomlán nó páirteach a roghnú, laistigh de
theorainn buaicphraghais, sna cúinsí atá leagtha síos i mír 2. Murab ionann agus conradh lena n‑íoctar as
an toradh agus dá socraítear an praghas nó na socruithe chun an praghas a
chinneadh i dtosach sna doiciméid chonarthacha, le conradh costas plus íoctar
as na hacmhainní a úsáideadh agus ní as táirge críochnaithe nó seirbhís
chríochnaithe. Is éard atá sa phraghas atá le híoc aisíocaíocht na gcostas
díreach ar fad arna dtabhú ag an gconraitheoir le linn dó an conradh a chur i
gcrích, amhail caiteachas ar shaothar, ábhar, thomhaltáin, úsáid trealaimh agus
bhonneagair is gá chun an conradh a chur i gcrích. Déantar na costais sin a
mhéadú le suim sheasta lena gcumhdaítear costais indíreacha agus an brabús, nó
le suim lena gcumhdaítear costais indíreacha agus le cúiteamh táille dreasachta
bunaithe ar chomhlíonadh cuspóirí maidir le feidhmíocht agus sceidil seachadta.
2. Féadfaidh an t‑údarás
conarthach conradh costas plus iomlán nó páirteach a roghnú i gcás nach féidir
praghas seasta a shocrú ar bhealach beacht oibiachtúil agus más féidir a
thaispeáint go réasúnta go mbeadh an praghas seasta sin as cuimse ard de bharr
éiginnteachtaí a bhaineann go dlúth le cur i gcrích an chonartha toisc: (a)
go bhfuil eilimintí an‑chasta nó eilimintí a
éilíonn úsáid teicneolaíochta nua sa chonradh, agus dá bhrí sin go bhfuil líon
suntasach rioscaí teicniúla ag baint leis; (b)
nach mór, ar chúiseanna oibríochtúla, tús a chur
láithreach leis na gníomhaíochtaí atá faoi réir an chonartha, cé nach féidir
fós praghas iomlán seasta cinntitheach a shocrú toisc rioscaí suntasacha a
bheith ann nó toisc go mbraitheann cur i gcrích an chonartha i bpáirt ar chur i
gcrích conarthaí eile. 3. Is é buaicphraghas conartha
costas plus iomláin nó pháirtigh an praghas uasta atá iníoctha. Ní fhéadfar é a
shárú ach amháin i gcásanna eisceachtúla a bhfuil call cuí leo faoi réir
chomhaontú an údaráis chonarthaigh roimh ré. 4. Sonrófar an méid seo a leanas
sna doiciméid a bhaineann le conarthaí costas plus iomlána nó páirteacha: (a)
cineál an chonartha, is é sin le rá arb é atá i
gceist leis conradh costas plus iomlán nó páirteach laistigh de theorainn
buaicphraghais; (b)
i gcás conartha costas plus pháirtigh, eilimintí an
chonartha atá faoi réir aisíocaíochta costas; (c)
suim an bhuaicphraghais; (d)
na critéir dámhachtana, lena gcaithfear a bheith in
ann go háirithe creatúlacht an bhuiséid mheasta, na gcostas is inaisíoctha, na
meicníochtaí chun na costais sin a chinneadh, an bhrabúis dá dtagraítear sa
tairiscint a mheas; (e)
an cineál méadaithe dá dtagraítear i mír 1 atá
le cur i bhfeidhm ar na costais; (f)
na rialacha agus na nósanna imeachta lena gcinntear
incháilitheacht na gcostas atá beartaithe ag an tairgeoir chun an conradh a
chur i gcrích, i gcomhréir leis na prionsabail atá leagtha amach i mír 5; (g)
na rialacha cuntasaíochta nach mór do na tairgeoirí
a chomhlíonadh; (h)
i gcás conartha costas plus pháirtigh atá le hathrú
go conradh le praghas seasta cinntitheach, paraméadair an athraithe sin. 5. Níl na costais arna ndearbhú
ag an tairgeoir le linn dó conradh costas plus iomlán nó páirteach a chur i
gcrích incháilithe ach amháin sna cásanna seo a leanas: (a)
tá siad tabhaithe iarbhír i rith fhad an chonartha,
cé is moite de chostais an trealaimh, na mbonneagar agus na sócmhainní seasta
doláimhsithe is gá chun an conradh a chur i gcrích, nithe a fhéadfar a mheas
mar incháilithe i leith iomlán a luacha ceannaigh; (b)
tá tagairt déanta dóibh sa bhuiséad measta a
fhéadfar a athbhreithniú le leasuithe ar an gconradh tosaigh; (c)
tá gá leo chun an conradh a chur i gcrích; (d)
is toradh iad ar chur i gcrích an chonartha agus tá
siad inchurtha ina leith; (e)
is féidir iad a shainaithint agus a fhíorú, tá
taifead orthu i dtaifead cuntasaíochta an chonraitheora agus tá siad cinntithe
i gcomhréir leis na caighdeáin chuntasaíochta dá dtagraítear sna sonraíochtaí
agus sa chonradh; (f)
comhlíonann siad forálacha na reachtaíochta cánaí
agus sóisialta is infheidhme; (g)
ní mhaolaíonn siad ar théarmaí an chonartha; (h)
tá siad réasúnta, tá bonn údair leo agus
comhlíonann siad ceanglais na bainistíochta fónta airgeadais, go háirithe
maidir le barainneacht agus éifeachtúlacht. Tá an conraitheoir freagrach as cuntasaíocht a
chostas, as taifid fhónta chuntasaíochta a choinneáil nó aon doiciméad eile is
gá chun a thaispeáint gur tabhaíodh na costais a n‑iarrann sé
aisíocaíocht ina leith agus go gcomhlíonann siad na prionsabail atá leagtha
amach san Airteagal seo. Meastar nach incháilithe na costais nach féidir leis
an gconraitheoir bonn údair a thabhairt leo agus diúltaítear iad a aisíoc. 6. Cuirfidh an t‑údarás
conarthach na cúraimí seo a leanas i gcrích chun a áirithiú go ndéantar
conarthaí costas plus a chur i gcrích i gceart: (a)
cinnfidh sé an buaicphraghas is réalaí is féidir
agus an tsolúbthacht is gá chun na rioscaí teicniúla a chur san áireamh á
tabhairt ag an am céanna; (b)
athróidh sé conradh costas plus go conradh le
praghas iomlán seasta cinntitheach a luaithe is féidir, le linn chur i gcrích an
chonartha, an praghas seasta cinntitheach sin a shocrú; chuige sin déanfaidh sé
na paraméadair a bhaineann leis an athrú ó chonradh costas plus go conradh le
praghas seasta cinntitheach a chinneadh; (c)
cuirfidh sé bearta faireacháin agus cigireachta
chun feidhme a dhéanann foráil go háirithe maidir le córas chun réamhaisnéis a
dhéanamh i dtaobh an chostais mheasta; (d)
déanfaidh sé prionsabail, uirlisí agus nósanna
imeachta oiriúnacha do chur chun feidhme na gconarthaí a chinneadh, go háirithe
chun incháilitheacht na gcostas arna ndearbhú ag an gconraitheoir nó ag a
fhochonraitheoirí le linn chur i gcrích an chonartha a shainaithint agus a
sheiceáil, agus chun leasuithe ar an gconradh a thabhairt isteach; (e)
seiceálfaidh sé go gcomhlíonann an conraitheoir
agus a fhochonraitheoirí na caighdeáin chuntasaíochta atá sonraithe sa chonradh
agus an oibleagáid doiciméid chuntasaíochta a sholáthar ar cheart dóibh léiriú
fíor cothrom ar na cuntais a thabhairt; (f)
déanfaidh sé a áirithiú go leanúnach, ar feadh chur
i gcrích an chonartha, éifeachtacht na bprionsabal, na n‑uirlisí agus na
nósanna imeachta dá dtagraítear i bpointe (d). Airteagal 24 Leasuithe Féadfar an conradh a athrú le leasú ar
choinníoll go gcomhlíonann an leasú sin na coinníollacha seo a leanas ar fad: (a) ní athraíonn sé ábhar an chonartha; (b) ní chuireann sé as do chothromaíocht
eacnamaíoch an chonartha; (c) ní thugann sé isteach coinníollacha ar
coinníollacha iad, dá mba rud é go raibh siad i ndoiciméid an chonartha ar
dtús, a thabharfadh cead isteach do thairgeoirí seachas iad siúd ar tugadh cead
isteach dóibh ar dtús nó a thabharfadh cead glacadh le tairiscint seachas an
tairiscint ar glacadh léi ar dtús. Airteagal 25 Fochonraitheoireacht 1.
Féadfaidh an t‑údarás conarthach iarraidh ar
gach tairgeoir fochonraitheoireacht a dhéanamh ar chuid den chonradh, ar
leibhéil éagsúla, chuig cuideachtaí nach cuid den ghrúpa lena mbaineann seisean
iad. Sloinntear an chuid íosta fochonraitheoireachta sin mar raon ó chéatadán
íosta go céatadán uasta. Tá an raon sin comhréireach le hábhar agus luach an
chonartha chomh maith le cineál na hearnála gníomhaíochta lena mbaineann, go
háirithe na dálaí iomaíochta agus an acmhainneacht thionsclaíoch arna
mbreathnú. 2.
Féadfaidh an t‑údarás conarthach diúltú do na
fochonraitheoirí roghnaithe ag an iarrthóir ag céim nós imeachta dámhachtana an
phríomhchonartha nó roghnaithe ag an tairgeoir ar glacadh leis do chur i gcrích
an chonartha. Tabharfaidh sé bonn údair i scríbhinn leis an diúltú sin, diúltú
nach féidir leis a bheith bunaithe ach ar na critéir arna gcur i bhfeidhm chun
tairgeoirí a roghnú don phríomhchonradh. CAIBIDIL VI FORÁLACHA ILGHNÉITHEACHA Airteagal 26 Clárú Bunóidh an Coimisiún clár oibre ilbhliantúil
lena leagfar amach na príomhghníomhaíochtaí, an buiséad sealadach agus an
sceideal is gá chun cuspóirí chláir Galileo agus EGNOS, arna leagan síos in
Airteagal 1(4) agus (5), a bhaint amach. Ar bhonn an chláir oibre ilbhliantúil,
glacfaidh an Coimisiún clár oibre bliantúil ina mbeidh an plean chun an clár
ilbhliantúil a chur chun feidhme agus an maoiniú comhfhreagrach. Déanfar na bearta cur chun feidhme sin a
ghlacadh i gcomhréir leis an nós imeachta scrúdúcháin dá dtagraítear in
Airteagal 35(3). Airteagal 27 Gníomhaíochtaí na mBallstát 1. Staonfaidh na Ballstáit ó
bhearta a dhéanamh a d'fhéadfadh dochar a dhéanamh d'oibriú rianúil na gclár,
go háirithe bearta maidir le cearta maoine intleachtúla agus leanúnachas
fheidhmiú na mbonneagar. 2. Déanfaidh na Ballstáit na
bearta ar fad is gá chun go n‑ainmneofar stáisiúin talún na gcóras mar
bhonneagair chriticiúla Eorpacha de réir bhrí Threoir 2008/114/CE ón gComhairle[24]. Airteagal 28 Comhaontuithe idirnáisiúnta Féadfaidh an tAontas comhaontuithe a thabhairt
i gcrích le tríú tíortha agus le heagraíochtaí idirnáisiúnta faoi na cláir, go
háirithe comhaontuithe comhair, i gcomhréir leis an nós imeachta dá
bhforáiltear in Airteagal 218 den Chonradh ar Fheidhmiú an Aontais
Eorpaigh. Airteagal 29 Cúnamh teicniúil Chun na cúraimí teicniúla dá dtagraítear in
Airteagal 13(2) a dhéanamh, féadfaidh an Coimisiún dul ar iontaoibh an
chúnaimh is gá, go háirithe cúnamh shaineolaithe na n‑údarás náisiúnta
atá inniúil i réimse an spáis, saineolaithe neamhspleácha agus comhlachtaí atá
in ann anailís agus tuairimí neamhchlaonta a sholáthar faoi oibriú na gclár. Féadfaidh na heintitis baint acu le rialachas
poiblí na gclár, seachas an Coimisiún, go háirithe an Ghníomhaireacht Eorpach
GNSS agus an Ghníomhaireacht Eorpach Spáis, tairbhiú den chúnamh teicniúil
céanna i gcur i gcrích na gcúraimí a thugtar dóibh faoin Rialachán seo. Airteagal 30 Sonraí pearsanta agus príobháideacht a chosaint 1. Áiritheoidh an Coimisiún go
ndéanfar cosaint sonraí pearsanta agus príobháideachta a ráthú le linn dhearadh
agus chur chun feidhme na gclár agus go ndéanfar cosaintí iomchuí a chomhtháthú
iontu. 2. Gach próiseáil sonraí
pearsanta i gcomhthéacs chur i gcrích na dtascanna agus na ngníomhaíochtaí dá
bhforáiltear leis an Rialachán seo, déanfar í i gcomhréir leis an reachtaíocht
is infheidhme maidir le cosaint sonraí pearsanta, go háirithe Rialachán (CE)
Uimh. 45/2001 ó Pharlaimint na hEorpa agus ón gComhairle[25] agus Treoir 95/46/CE ó Pharlaimint na hEorpa agus ón gComhairle[26]. Airteagal 31 Leasanna airgeadais an Aontais a chosaint 1. Déanfaidh an Coimisiún bearta
iomchuí lena n‑áiritheofar, nuair a chuirtear gníomhaíochtaí arna maoiniú
faoin Rialachán seo chun feidhme, go gcosnófar leasanna airgeadais an Aontais
trí bhearta coisctheacha a chur i bhfeidhm i gcoinne calaoise, éillithe agus
aon ghníomhaíochtaí neamhdhleathacha eile, trí sheiceálacha éifeachtacha a
dhéanamh agus, má bhraitear neamhrialtachtaí, trí mhéideanna a íocadh go
mícheart a ghnóthú agus, i gcás inarb iomchuí, trí phionóis éifeachtacha,
chomhréireacha agus dhíspreagthacha. 2. Beidh cumhacht ag an
gCoimisiún nó ag a ionadaithe agus ag an gCúirt Iniúchóirí, iniúchtaí a
dhéanamh ar bhonn doiciméad agus ar an láthair, ar gach tairbhí deontais, ar
gach conraitheoir agus ar gach fochonraitheoir a fuair cistí de chuid an
Aontais faoin Rialachán seo. Féadfaidh an Oifig Eorpach Frith‑Chalaoise
(OLAF) seiceálacha agus cigireachtaí ar an láthair a dhéanamh ar oibreoirí
eacnamaíocha a mbaineann an cistiú sin go díreach nó go hindíreach leo i
gcomhréir leis na nósanna imeachta atá leagtha síos i Rialachán (Euratom, CE) Uimh. 2185/96
ón gComhairle[27] d’fhonn a shuí ar tharla calaois, éilliú nó aon ghníomhaíocht
neamhdhleathach eile a dhéanfadh difear do leasanna airgeadais an Aontais i
ndáil le comhaontú deontais nó cinneadh deontais nó le conradh a bhaineann le
cistiú an Aontais. Gan dochar don chéad fhomhír agus don dara fomhír,
trí chomhaontuithe idirnáisiúnta le tríú tíortha agus le heagraíochtaí
idirnáisiúnta, trí chomhaontuithe deontais, trí chinntí deontais agus trí
chonarthaí a thig ón Rialachán seo a chur i bhfeidhm, cumhachtófar go sainráite
don Choimisiún, don Chúirt Iniúchóirí agus do OLAF iniúchtaí agus seiceálacha
ar an láthair agus cigireachtaí den sórt sin a dhéanamh. Airteagal 32 Faisnéis a chuirfear chuig Parlaimint na hEorpa agus chuig an
gComhairle Áiritheoidh an
Coimisiún cur chun feidhme an Rialacháin seo. Gach bliain, nuair a thíolacfaidh
sé a réamh‑dhréachtbhuiséad, tíolacfaidh sé tuarascáil do Pharlaimint na
hEorpa agus don Chomhairle maidir le cur chun feidhme na gclár. Airteagal 33 Meastóireacht ar chur i bhfeidhm an Rialacháin seo 1. Ar a dhéanaí an
30 Meitheamh 2018, tíolacfaidh an Coimisiún tuarascáil
mheastóireachta do Pharlaimint na hEorpa agus don Chomhairle d'fhonn cinneadh a
dhéanamh maidir leis na bearta arna ndéanamh de bhun an Rialacháin seo a
athnuachan, a mhodhnú nó a chur ar fionraí, ar bearta iad maidir le: (a)
cuspóirí na mbeart sin a bhaint amach, i dtéarmaí
torthaí agus tionchar araon; (b)
éifeachtacht úsáid acmhainní; (c)
an luach breise Eorpach. Sa mheastóireacht scrúdófar freisin an scóip atá
ann do shimpliú, an chomhsheasmhacht inmheánach agus sheachtrach, ábharthacht
na gcuspóirí ar fad, chomh maith leis an méid a rannchuidíonn na bearta le
tosaíochtaí an Aontais i dtéarmaí fáis chliste, inbhuanaithe agus
uilechuimsithigh. Cuirfear san áireamh inti torthaí na meastóireachtaí maidir
le tionchar fadtéarmach na mbeart roimhe sin. 2. Cuirfear san áireamh sa
mheastóireacht an dul chun cinn atá déanta maidir le cuspóirí chláir Galileo
agus EGNOS atá leagtha síos in Airteagal 1(4) agus (5), ar bhonn na
dtáscairí feidhmíochta seo a leanas: (a)
maidir le Galileo: líon na satailítí oibríochtúla,
leagan an bhonneagair thalúin a úsáideadh agus líon na seirbhísí a
soláthraíodh; (b)
maidir le EGNOS: líon na n‑athruithe ar na
sonraíochtaí seirbhíse a tíolacadh do na húdaráis deimhniúcháin. 3. Déanfaidh na comhlachtaí a
bhfuil baint acu le cur chun feidhme an Rialacháin seo na sonraí agus an
fhaisnéis is gá chun go bhféadfar faireachán agus meastóireacht a dhéanamh ar
na gníomhaíochtaí lena mbaineann a sholáthar don Choimisiún. CAIBIDIL VII TARMLIGEAN AGUS BEARTA CUR CHUN FEIDHME Airteagal 34 An tarmligean a fheidhmiú 1. Is faoi réir na
gcoinníollacha atá leagtha síos san Airteagal seo a thugtar don Choimisiún an
chumhacht chun gníomhartha tarmligthe a ghlacadh. 2. Maidir leis an gcumhacht chun
gníomhartha tarmligthe a ghlacadh, dá dtagraítear in Airteagal 5 agus
Airteagal 14, tabharfar don Choimisiún í go ceann tréimhse neamhchinntithe
ón 1 Eanáir 2014. 3. Féadfaidh Parlaimint na
hEorpa nó an Chomhairle tarmligean na cumhachta dá dtagraítear in
Airteagal 5 agus Airteagal 14 a chúlghairm tráth ar bith. Cuirfidh an
cinneadh maidir le cúlghairm deireadh le tarmligean na gcumhachtaí a shonrófar
ann. Beidh éifeacht ag an gcúlghairm lá tar éis lá fhoilsiú an chinnidh sin in
Iris Oifigiúil an Aontais Eorpaigh nó ar dháta níos déanaí a shonrófar ann. Ní
dhéanfaidh sé difear do bhailíocht na ngníomhartha tarmligthe atá i bhfeidhm
cheana féin. 4. A luaithe a ghlacfaidh sé
gníomh tarmligthe, tabharfaidh an Coimisiún fógra ina leith go comhuaineach do
Pharlaimint na hEorpa agus don Chomhairle. 5. Ní thiocfaidh gníomh
tarmligthe a ghlactar de bhun Airteagal 28 i bhfeidhm ach amháin mura
mbeidh aon agóid curtha in iúl ag Parlaimint na hEorpa nó ag an gComhairle
laistigh de thréimse dhá mhí tar éis fógra faoin ngníomh sin a thabhairt do
Pharlaimint na hEorpa agus don Chomhairle nó más rud é, roimh dheireadh na
tréimhse sin, go mbeidh Parlaimint na hEorpa agus an Chomhairle araon tar éis a
chur in iúl don Choimisiún nach ndéanfaidh siad agóid. Déanfar an tréimhse sin
a fhadú dhá mhí ar thionscnamh Pharlaimint na hEorpa nó na Comhairle. Airteagal 35 An nós imeachta coiste 1. Beidh an An Coiste um Chláir
Eorpacha GNSS (anseo feasta "coiste") a bunaíodh le
hAirteagal 19 de Rialachán (CE) Uimh. 683/2008 de chúnamh ag an
gCoimisiún. Coiste de réir bhrí Rialachán (AE) Uimh. 182/2011 a bheidh sa
Choiste sin. 2. I gcás ina ndéanfar tagairt
don mhír seo, beidh feidhm ag Airteagal 4 de Rialachán (AE)
Uimh. 182/2011. 3. I gcás ina ndéanfar tagairt don
mhír seo, beidh feidhm ag Airteagal 5 de Rialachán (AE)
Uimh. 182/2011. 4. Féadfaidh ionadaithe na
Gníomhaireachta Eorpaí GNSS agus na Gníomhaireachta Eorpaí Spáis páirt a
ghlacadh mar bhreathnóirí in obair an Choiste faoi na coinníollacha a leagtar
síos i rialacha nós imeachta an Choiste. 5. Féadfar foráil a dhéanamh le
comhaontuithe idirnáisiúnta a thabharfaidh an tAontas i gcrích i gcomhréir le
hAirteagal 28 maidir le rannpháirtíocht ionadaithe tríú tíortha nó
eagraíochtaí idirnáisiúnta in obair an Choiste faoi na coinníollacha a leagtar
síos ina rialacha nós imeachta. CAIBIDIL VIII FORÁLACHA CRÍOCHNAITHEACHA Airteagal 36 Aisghairmeacha 1. Beidh Rialachán (CE)
Uimh. 876/2002 aisghairthe ón 1 Eanáir 2014. Leanfaidh aon bheart a
glacadh ar bhonn Rialachán (CE) Uimh. 876/2002 de bheith faoi réir an
Rialacháin sin. 2. Beidh Rialachán (CE)
Uimh. 683/2008 aisghairthe ón 1 Eanáir 2014. Leanfaidh aon bheart a
glacadh ar bhonn Rialachán (CE) Uimh. 683/2008 de bheith faoi réir an
Rialacháin sin. Déanfar tagairtí don
Rialachán aisghairthe a fhorléiriú mar thagairtí don Rialachán seo agus léifear
iad i gcomhréir leis an tábla comhghaoil san Iarscríbhinn. Airteagal 37 Teacht i bhfeidhm Tiocfaidh an Rialachán seo i bhfeidhm an
fichiú lá tar éis lá a fhoilsithe in Iris Oifigiúil an Aontais Eorpaigh. Beidh feidhm aige ón 1 Eanáir 2014. Beidh an Rialachán seo ina cheangal
go huile agus go hiomlán agus beidh sé infheidhme go díreach i ngach Ballstát. Arna dhéanamh sa Bhruiséil, an Thar ceann Pharlaimint na hEorpa Thar
ceann na Comhairle An tUachtarán An
tUachtarán IARSCRÍBHINN Tábla comhghaoil An tseanuimhríocht (Rialachán (CE) Uimh. 683/2008[28]) || An uimhríocht nua (An Rialachán seo) Airteagal 1 || Airteagal 1 Airteagal 2 || Airteagal 2 Airteagal 3 || Airteagal 3 Airteagal 4 || Airteagal 8 Airteagal 5 || Airteagal 4 Airteagal 6 || Airteagal 9 Airteagal 7 || Airteagal 5 Airteagal 8 || Airteagal 6 Airteagal 9 || Airteagal 7 Airteagal 10 || Airteagal 10 Airteagal 11 || Airteagal 11 Airteagal 12(1) Airteagal 12,(2) agus (3) || Airteagal 12 Airteagal 13 Airteagal 13(1) Airteagal 13,(2) agus (3) Airteagal 13(4) || Airteagal 13 Airteagal 14 Airteagal 17 Airteagal 14 || Airteagal 18 Airteagal 15 || Airteagal 26 Airteagal 16 || Airteagal 15 Airteagal 17 || Airteagail 19 go 25 Airteagal 18 || Airteagal 16 Airteagal 19 || Airteagal 35 Airteagal 20 || Airteagal 30 Airteagal 21 || Airteagal 31 Airteagal 22 || Airteagal 32 Airteagal 23 || Airteagal 24 || Airteagal 37 Iarscríbhinn || Airteagal 1 RÁITEAS AIRGEADAIS REACHTACH 1. LEAGAN AMACH AN TOGRA/TIONSCNAIMH 1.1. Teideal an togra/tionscnaimh 1.2. Réimsí
beartais lena mbaineann i gcreat ABM/ABB 1.3. An
cineál togra/tionscnaimh 1.4. Cuspóirí
1.5. Na
forais leis an togra/tionscnamh 1.6. Fad
agus tionchar airgeadais 1.7. Modhanna
bainistíochta atá beartaithe 2. BEARTA BAINISTÍOCHTA 2.1. Rialacha
faireacháin agus tuairiscithe 2.2. Córas
bainistíochta agus rialaithe 2.3. Bearta
chun calaois agus neamhrialtachtaí a chosc 3. AN TIONCHAR AIRGEADAIS A MHEASTAR A
BHEIDH AG AN TOGRA/TIONSCNAMH 3.1. Ceannteidil
an chreata airgeadais ilbhliantúil agus na línte buiséid ar a n‑imrítear
tionchar 3.2. An
tionchar a mheastar a bheidh ar chaiteachas 3.2.1. Achoimre ar an
tionchar a mheastar a bheidh ar chaiteachas 3.2.2. An tionchar a
mheastar a bheidh ar leithreasaí faoi chomhair oibríochtaí 3.2.3. An tionchar a
mheastar a bheidh ar leithreasaí de chineál riaracháin 3.2.4. Comhoiriúnacht don
chreat airgeadais ilbhliantúil reatha 3.2.5. Ranníocaíochtaí ó
thríú páirtithe 3.3. An tionchar a mheastar a
bheidh ar ioncam RÁITEAS
AIRGEADAIS REACHTACH
1.
LEAGAN AMACH AN TOGRA/TIONSCNAIMH
1.1.
Teideal an togra/tionscnaimh
Cláir
Eorpacha um loingseoireacht satailíte – GALILEO agus EGNOS (breis‑seirbhís
na hEorpa um loingseoireacht gheochobhsaí)
1.2.
Réimsí beartais lena mbaineann i gcreat ABM/ABB[29]
Teideal
02: Fiontraíocht Caibidil
02 05: cláir Eorpacha um loingseoireacht satailíte (EGNOS agus GALILEO)
1.3.
An cineál togra/tionscnaimh
Baineann an
togra/tionscnamh le gníomhaíocht nua ¨ Baineann an
togra/tionscnamh le gníomhaíocht nua a leanann
treoirthionscadal/réamhghníomhaíocht[30] þ Baineann an togra/tionscnamh le síneadh ar
ghníomhaíocht atá ann cheana ¨ Baineann an
togra/tionscnamh le gníomhaíocht a atreoraíodh i dtreo gníomhaíochta nua
1.4.
Cuspóirí
1.4.1.
Cuspóirí straitéiseacha ilbhliantúla an Choimisiúin
ar a bhfuil an togra/tionscnamh dírithe
Ba
cheart a mheabhrú gur tionscadail suaitheanta de chuid an Aontais iad na cláir
um loingseoireacht satailíte (“na cláir” anseo feasta). Tagann siad faoi
chuimsiú na Straitéise ‘Eoraip 2020’ agus na mbeartas forbartha
inbhuanaithe. Is éard atá i gceist leis sin seirbhísí loingseoireachta a
sholáthar, forbairtí a dhéanamh in a lán earnálacha gníomhaíochta, nuálaíocht
teicneolaíochta agus méadú iomaíochais a chur chun cinn i ngeilleagar na
hEorpa, fostaíocht, ioncam tráchtála agus sochair shocheacnamaíocha a chruthú. Is
é is cuspóir don togra tacú le láithreacht Eorpach sa spás agus seirbhísí
satailíte a fhorbairt agus, go háirithe, dhá chóras loingseoireachta satailíte
a chur ar fáil. Níos
sonraí fós, is é is aidhm do chlár Galileo córas domhanda loingseoireachta
satailíte na hEorpa a bhunú (“GNSS” anseo feasta). Déanfaidh sé seirbhísí
suite, sioncrónaithe agus loingseoireachta a chur ar fáil d’úsáideoirí ar fud
an domhain le haghaidh feidhmchlár éagsúil, idir iompar, imréiteach urrús
airgeadais, soláthar leictreachais, réamhaisnéis na haimsire agus dolaí
bóthair. Maidir
le EGNOS, is córas Eorpach atá ann a cruthaíodh chun feidhmíocht GPS na Stát
Aontaithe a fheabhsú sa limistéar Eorpach. Feabhsaíonn sé na seirbhísí reatha
loingseoireachta satailíte le go mbeidh siad oiriúnach d’fheidhmchláir atá
critiúil ó thaobh sábháilteachta, amhail feidhmchláir san aeriompar nó chun
aerárthaí a eitilt nó a thuirlingt nó san iompar muirí chun longa a stiúradh
trí chainéil chúnga.
1.4.2.
Cuspóirí sonracha agus na gníomhaíochtaí ABM/ABB
lena mbaineann
Cuspóir sonrach Uimh. 1 Bonneagar agus seirbhísí domhanda loingseoireachta satailíte (Galileo)
a fhorbairt agus a sholáthar idir seo agus 2019 Is
iad cuspóirí sonracha chlár Galileo, mar atá siad sainithe sa togra le haghaidh
rialacháin, a áirithiú go bhféadfar na comharthaí a astóidh an córas arna bhunú
faoin gclár sin a úsáid chun na cúig fheidhm seo a leanas a chomhlíonadh : – seirbhís oscailte a thairiscint (dá ngairtear "Open
Service" nó OS), atá saor in aisce le haghaidh an úsáideora agus lena
soláthraítear faisnéis suite agus sioncrónaithe, le haghaidh feidhmchlár
loingseoireachta satailíte ardtoirte; – seirbhís sábháilteachta beatha
(dá ngairtear "safety-of-life" nó SoL) a thairiscint a dhírítear ar
úsáideoirí a bhfuil an tsábháilteacht riachtanach dóibh; Comhlíonann an
tseirbhís sin freisin ceanglais earnálacha áirithe maidir leis an leanúnachas,
leis an infhaighteacht agus leis an gcruinneas agus áirítear teachtaireacht
sláine a dhíríonn aird an úsáideora ar aon loic sa chóras; tá taighde á
dhéanamh fós ar shainmhíniú nua ar an tseirbhís SoL le go gcomhlíonfar níos
fearr riachtanais úsáideoirí, le go laghdófar an tionchar a bhíonn ag an
tseirbhís seo ar na costais agus le go gcuirfear comhlántacht le seirbhís SoL
EGNOS san áireamh; – seirbhís tráchtála a thairiscint (dá ngairtear
"Commercial Service" nó CS) d'fhonn feidhchláir a fhorbairt le
haghaidh úsáide gairmiúla nó tráchtála de bharr feidhmíochta feabhsaithe agus
sonraí le breisluach níos mó ná mar a fhaightear tríd an tseirbhís oscailte; – seirbhís atá faoi rialáil phoiblí a thairiscint (dá
ngairtear "Public Regulated Service" nó PRS) atá srianta d'úsáideoirí
amháin atá údaraithe ag comhlachtaí rialtais, le haghaidh feidhmchlár íogair a
éilíonn ardleibhéal leanúnachais seirbhíse. Úsáideann an tseirbhís atá
faoi rialáil phoiblí comharthaí láidre criptithe, – bheith rannpháirteach sa
tseirbhís cuardaigh agus tarrthála (dá ngairtear "Search and Rescue
Support Service" nó SAR) den chóras COSPAS‑SARSAT trí chomharthaí
éigeandála a bhrath ó rabhcháin agus trí theachtaireachtaí a chur ar ais chucu. Fochuspóir Uimh. 1: Bonneagar loingseoireachta satailíte a fhorbairt agus luathsheirbhísí
Galileo a sholáthar idir seo agus 2014-2015 Is
é is cuspóir do chlár Galileo na trí chéad trí luathsheirbhís a sholáthar idir
seo agus 2014-2015 (OS, PRS agus SAR) Cuspóir sonrach Uimh. 2 Seirbhísí bunaithe ar shatailítí a sholáthar lena bhféadfar feidhmíocht
GPS a fheabhsú le go gcuimseofar réigiún iomlán na Comhdhála Eorpaí um
Eitlíocht Shibhialta (ECAC) idir seo agus 2020 (EGNOS) Maidir le clár EGNOS, a chomhlánaíonn comharthaí GPS na Stát
Aontaithe le go mbeidh faisnéis suite níos beaichte ar fáil sa limistéar
Eorpach[31], tá sé dírithe ar thrí sheirbhís a sholáthar: — an tseirbhís oscailte
(OS): le haghaidh fhaighteoirí an mhórmhargaidh agus gnáth‑fheidhmchlár
úsáideoirí. Soláthraíonn sí comharthaí faisnéise suite atá ar fáil saor in
aisce. Deimhníodh go raibh sí i bhfeidhm[32] i
nDeireadh Fómhair 2009 agus tá sí in úsáid cheana i roinnt earnálacha ar nós
earnáil na talmhaíochta; — an tseirbhís
sábháilteachta beatha (Safety of Life nó SoL): le haghaidh na bhfeidhmchlár atá
criticiúil ó thaobh shábháilteacht na beatha i réimse an iompair, go háirithe
san eitlíocht shibhialta. Tugann sí ráthú feidhmíochta níos airde agus
cuimsíonn sí córas rabhaidh a bhaineann le sláine. Deimhníodh go raibh sí i
bhfeidhm i Márta 2011 agus tá sí in úsáid cheana in earnálacha an aeriompair
san Eoraip; — an tseirbhís rochtana ar shonraí EGNOS
(EDAS): le haghaidh feidhmchlár feabhsaithe, agus a sholáthraíonn seirbhís
sonraí tráchtála a bhfuil a rochtain faoi rialú (mar shampla, ar an idirlíon nó
ar ghutháin phóca). Fochuspóir Uimh. 2: Na bearta is gá a dhéanamh le go n‑áiritheofar go leanfar de na
hoibríochtaí tar éis 2014 agus cáilíocht na seirbhísí a fheabhsú de réir a
chéile idir seo agus 2020 Gníomhaíochtaí ABM/ABB lena mbaineann Caibidil
02 05: cláir Eorpacha um loingseoireacht satailíte (EGNOS agus GALILEO)
1.4.3.
An toradh agus an tionchar a bhfuil súil leis
Sonraigh an tionchar a
bheadh ag an togra/tionscnamh ar na tairbhithe/grúpaí ar a bhfuil sé dírithe. Seoladh na cláir Eorpacha loingseoireachta satailíte breis
is 10 mbliana ó hin agus ba é an aidhm pholaitiúil a bhí leo córas domhanda a
fhobairt agus a shaothrú lena bhféadfadh an tAontas Eorpach sochair
eacnamaíocha agus straitéiseacha a bhaint as agus seirbhísí loingseoireachta
satailíte a sholáthar a bheidh curtha in oiriúint d’úsáidí sibhialta. Tabharfaidh Galileo agus EGNOS sochair thábhachtacha
shocheacnamaíocha don Aontas Eorpach de bharr na gcúiseanna seo a leanas: i) sochair dhíreacha a thig ón bhfás ar an margadh
iartheachtach GNSS (faighteoirí agus feidhmchláir). Mar shampla, dá mbeadh
faighteoirí GNSS feistithe ar níos mó eitleán, bheadh ioncam breise á ghiniúint
do mhonaróirí na bhfaighteoirí sin; ii) sochair indíreacha a thig ó fhorbairt feidhmchlár nua.
Má thagann laghdú ar fhad eitiltí de bharr loingseoireachta níos fearr, ní
bheidh an truailliú céanna á dhéanamh ag eitleáin agus beidh breis ama ag na
paisinéirí. Thairis sin, féadfar níos mó daoine a shábháil ón mbás i ngeall ar
mhodhanna iompair níos sábháilte agus seirbhísí éigeandála níos éifeachtaí; iii) sochair dhíreacha a thig ón bhfás ar an margadh réamhtheachtach
agus na hiarmhairtí teicneolaíochta in earnálacha eile. Rachaidh
infheistíochtaí a rinneadh in GNSS sa mhargadh réamhtheachtach chun sochair don
tionscal. Mar sin féin, bainfidh earnálacha eile leas as forbairtí nua in
earnáil an spáis. Mar shampla, féadtar ionstraimí a forbraíodh chun
meastóireacht agus faireachán a dhéanamh ar shláinte struchtúrach láinseálaithe
agus umar breosla a úsáid i ngnólachtaí gluaisteán, foirgníochta, fuinnimh agus
fóntais phoiblí. Cé gur córas neamhspleách a bheidh sa chóras a chuirfear i
bhfeidhm faoi chlár Galileo, déanfar a sheirbhísí a fheabhsú ós rud é go mbeidh
sé idir-inoibritheach le córais eile ar nós GPS na Stát Aontaithe agus GLONASS
na Rúise. Dá bhrí sin, féadfar na buntáistí don úsáideoir, don saoránach nó don
gheilleagar i gcoitinne a uasmhéadú tríd an gcomhar le tíortha eile a
sholáthróidh seirbhísí loingseoireachta satailíte.
1.4.4.
Táscairí a léiríonn toradh agus tionchar
Sonraigh na táscairí a
léiríonn faireachán ar chur chun feidhme an togra/tionscnaimh. Cuspóir sonrach Uimh. 1 Is
é is cuspóir do chlár Galileo bonneagar agus seirbhísí domhanda
loingseoireachta satailíte a fhorbairt agus a sholáthar. Chun an cuspóir sin a
ghnóthú, ní mór don bhonneagar a fhorbrófar a chothabháil ar bhonn leanúnach
agus a chomhpháirteanna a thabhairt cothrom le dáta más gá. Táscaire
a bhaineann le bonneagar Galileo: – Líon
carnach de shatailítí i bhfeidhm: 18 satailít faoi 2015, 30 faoi 2019 – Leagan
den bhonneagar talún a úsáidfear: v2 idir seo agus 2015 Táscaire
a bhaineann le soláthar seirbhísí Galileo: – Líon
na seirbhísí curtha i bhfeidhm: trí luathsheirbhís faoi 2015, cúig sheirbhís
faoi 2020 Cuspóir sonrach Uimh. 2 Is
é is aidhm do chlár EGNOS seirbhísí feabhsaithe loingseoireachta satailíte a
chur ar fáil ar fud na hEorpa. Ní mór a bhonneagar a chothabháil ag a leibhéal
oibríochta agus an cuimsiú reatha a mhéadú le go gclúdófar an tAontas Eorpach
ina iomláine le go bhféadfaidh úsáideoirí leas a bhaint as na seirbhísí gan
idirdhealú ar fud an Aontais. Táscairí
a bhaineann le cáilíocht na seirbhíse atá ar fáil agus cuimsiú geografach
EGNOS: – Líon
na n‑athruithe ar na seirbhísí a tíolacadh do na húdaráis deimhniúcháin:
3 sa tréimhse 2014-2020. Áireofar
na hathruithe sin sna doiciméid lena leagtar amach na seirbhísí, doiciméid atá
ar fáil don phobal.
1.5.
Na forais leis an togra/tionscnamh
1.5.1.
Na ceanglais is gá a shásamh sa ghearrthéarma nó
san fhadtéarma
I
ngeall ar an gcumas atá i dteicneolaíochtaí GNSS sonraí suite, luais agus ama
atá iontaofa agus cruinn a sholáthar, tá an‑tábhacht ag baint leo chun
éifeachtúlacht a fheabhsú in a lán réimsí. Tá sé léirithe ag an taithí a
fuarthas ó GPS (Córas Suite Domhanda) na Stát Aontaithe go bhfuil an‑bhuntáiste
ag baint le loingseoireacht satailíte, sa mhéid is go bhfuil sé ar an gcúigiú
seirbhís fóntais phoiblí is tábhachtaí sna Stáit Aontaithe, i ndiaidh uisce,
leictreachais, gáis agus an ghutháin. Tá úsáideoirí míleata agus sibhialta
na SA ag brath go mór ar an GPS. Tuigeann roinnt tíortha eile go bhfuil siad ag
brath air freisin agus tá siad i mbun forbartha ar a gcóras domhanda féin um
loingseoireacht satailíte (GNSS). Níl
aon rogha eile ag úsáideoirí loingseoireachta satailíte san Eoraip, faoi
láthair, ach úsáid a bhaint as comharthaí satailíte GPS na Stát Aontaithe nó
GLONASS chun faisnéis suite agus loingseoireachta a fháil. Dá bhrí sin, tá
geilleagar na hEorpa ag éirí níos spleáiche ar bhonneagar míleata nach bhfuil á
rialú ag an Eoraip agus nach ceapadh ar an gcéad dul síos chun fónamh do
leasanna eacnamaíocha na hEorpa. Thairis sin, léiríonn na córais sin go bhfuil
laigí ag baint leo maidir lena n‑infhaighteacht, go háirithe i gceantair
uirbeacha dlúthdhaonra[33]. Ní thugann siad dóthain cinnteachta, ach an oiread, maidir le
cáilíocht agus leanúnachas seirbhísí d’úsáideoirí sibhialta na hEorpa. Ón
dearcadh polaitiúil, thuig an tAontas Eorpach nuair a bhí GPS ag feidhmiú go
hiomlán go luath sna 1990dí, go raibh gá ag an Eoraip lena córas domhanda féin
um loingseoireacht satailíte[34]. I bhfad sular scaipeadh go forleathan feidhmchláir bunaithe ar GNSS,
ar nós seirbhísí faisnéise suite nó córais loingseoireachta i ngluaisteáin, bhí
sé tuartha ag an gComhairle agus ag an bParlaimint go dtiocfadh méadú ar an ngá
le huirlisí loingseoireachta. Ba neamhspleáchas na hEorpa in ábhar loingseoireachta
satailíte a spreag an iarracht sin. Tá na spriocanna seo a leanas leis an
dearcadh polaitiúil sin: • An
chéad bhonneagar domhanda um loingseoireacht agus suíomh satailíte a bhunú, a
bheidh neamhspleách agus faoi rialú sibhialta, lena ráthófar seirbhísí GNSS gan
bhriseadh agus a thabharfaidh buntáiste straitéiseach don Eoraip. Mar sin féin,
ba léir de réir a chéile, go mbeadh gá idir-inoibritheacht a shaothrú[35] le córais eile, go háirithe le GPS na Stát Aontaithe, le go mbeadh na
seirbhísí is fearr is féidir ar fáil d’úsáideoirí agus chun sochair
shocheacnamaíocha a uasmhéadú; • Solúbthacht
bhonneagar eacnamaíoch na hEorpa a neartú trí chóras cúltaca a chur ar fáil i
gcás go dteipfeadh ar chomharthaí ó chórais eile; • Na
sochair eacnamaíocha indíreacha a uasmhéadú le go bhféadfaidh sochaí shibhialta
na hEorpa brath ar chomharthaí níos beaichte, níos infhaighte agus níos láidre,
trí leas a bhaint as na deiseanna nua a thig ó loingseoireacht satailíte
ardbheachtais ar scála níos mó ná mar atá ar fáil faoi láthair; • Cumas
na hEorpa a léiriú maidir le bonneagar casta spáis ar mhórscála a fhorbairt, a
imlonnú agus a shaothrú.
1.5.2.
Luach breise a bhaineann le rannpháirteachas an AE
Tá
ceart gníomhaíochta an AE bunaithe ar Airteagal 172 den Chonaradh ar
Fheidhmiú an Aontais Eorpaigh agus ar Rialachán GNSS maidir leis na cláir
Eorpacha um loingseoireacht satailíte (EGNOS agus Galileo) a chur chun feidhme
tuilleadh. Na
córais a chuirtear ar bun faoi na cláir Eorpacha um loingseoireacht satailíte,
is bonneagair iad a chuirtear ar bun mar ghréasáin thras‑Eorpacha ar
leithne i bhfad a n‑úsáid ná teorainneacha náisiúnta na mBallstát.
Thairis sin, rannchuidíonn na seirbhísí a thairgtear trí na córais sin le
gréasáin thras‑Eorpacha a fhorbairt i réimsí bhonneagair an iompair, na
teileachumarsáide agus an fhuinnimh. Ní
féidir le Ballstát amháin córais loingseoireachta satailíte a chur ar bun óir
sháródh a leithéid de bheart a inniúlachtaí airgeadais agus teicniúla. Dá bhrí
sin, ní fhéadfar a leithéid de bheart a dhéanamh ach ar leibhéal an AE. Chomh
maith leis sin, foráiltear le Rialachán GNSS go mbeidh an tAontas Eorpach ina
úinéir ar na sócmhainní inláimhsithe agus doláimhsithe go léir a chruthófar nó
a fhorbrófar faoi na cláir. I gcáil úinéara ar na sócmhainní inláimhsithe agus
doláimhsithe go léir, beidh ar an Aontas Eorpach a áirithiú go bhfuil na dálaí
oibriúcháin agus saothraithe uile ar fáil do na córais ón dáta a thiocfaidh an
chéad seirbhís suite isteach in 2014-2015. Dá bhrí sin, is de nádúr Eorpach de
facto rialú na chórais.
1.5.3.
Ceachtanna a foghlaimíodh ó thaithí chosúil roimhe
seo
Cé
gurb í seo an chéad uair don Aontas a bheith ina úinéir leis féin ar bhonneagar
den scála seo agus go mbeidh ar an gCoimisiún clár chomh casta sin a
bhainistiú, áirithíonn an taithí a fuarthas ó 2007 go ndéanfar feabhsuithe
tábhachtacha ar chur chun feidhme Galileo agus EGNOS amach anseo. Mar
atá tuairiscithe sa tuarascáil ar an athbhreithniú meántéarma ar na cláir
Eorpacha um loingseoireacht satailíte[36] a chuir
an Coimisiún faoi bhráid Pharlaimint na hEorpa agus na Comhairle agus sa togra
le haghaidh Rialacháin ó Pharlaimint na hEorpa agus ón gComhairle maidir leis
na cláir Eorpacha um loingseoireacht satailíte a chur chun feidhme tuilleadh,
is féidir na ceachtanna seo a leanas a bhaint as: <Bainistiú
cláir > Tar
éis na cláir a tugadh fúthu in 2008 a athphróifíliú, tá stuchtúr inmheánach
bunaithe ag an gCoimisiún lena bhféadfar na cláir a bhainistiú ag an gcéim ina
bhfuil siad faoi láthair. Tá an‑dul chun cinn déanta ó hin i leith, ach
beidh gá forbairt bhreise a dhéanamh ar bhainistiú na gclár le go bhféadfar
feidhmeanna níos oibríochtúla a bhaineann le saothrú na gcóras a chur ar fáil. Maidir
leis an idirghníomhú idir na páirtithe leasmhara éagsúla, go mór mór an
Ghníomhaireacht Eorpach Spáis agus an Ghníomhaireacht Eorpach GNSS, bhí toradh
maith ar an dáileadh nua inniúlachtaí – gníomhaireacht cur chun feidhme a
ghníomhaíonn thar ceann an AE a dhéanamh den Ghníomhaireacht Eorpach Spáis –
ach beidh gá an dáileadh sin a oiriúnú d’athruithe a dhéanfar ar na cláir agus
do na dúshláin a bhainfidh le saothrú amach anseo. <Rialú
costais agus ionstraimí airgeadais> Is
tionscadail chasta iad Galileo agus EGNOS. Tá a bhforbairt bunaithe den
chuid is mó ar theicneolaíochtaí nua a cruthaíodh go speisialta chun
riachtanais na gclár a shásamh. Tá sé deacair cur chuige amháin a úsáid,
dá bhrí sin, chun na costais a rialú; tá fachtóirí éagsúla ann a imríonn
tionchar ar na costais agus d’fhéadfadh líon an‑ard rioscaí dul chun cinn
rianúil na gclár a chur i mbaol. Go
dtí seo, bhí moilleanna agus costais bhreise i gceist leis na cláir, go
háirithe maidir le breis ceanglas slándála ag na Ballstáit. Mar a tugadh
le fios sa Teachtaireacht ón gCoimisiún dar teideal "Buiséad do Straitéis
‘Eoraip 2020’"[37] agus mar a d’iarr an Chomhairle agus Parlaimint na hEorpa, beidh gá
leanúint de na hiarrachtaí atá á ndéanamh chun na costais a choinneáil faoi
smacht. Tá an riachtanas sin san
áireamh sa chreat nua rialachais agus tá an Coimisiún ag gníomhú, cheana féin,
chun na rioscaí agus na costais a rialú. Déantar
na rioscaí uile a bhaineann leis na cláir a thaifeadadh go lárnach ar chlár ina
liostaítear, ceann ar cheann, na rioscaí sin a bhaineann leis an slabhra
soláthair tionsclaíoch, an Ghníomhaireacht Eorpach Spáis, an Ghníomhaireacht
Eorpach GNSS, fachtóirí seachtracha ar nós an tionchair atá ag údaráis
pholaitiúla agus ceanglais slándála, agus fachtóirí inmheánacha ar nós eagrú na
gclár. Sanntar leibhéal dóchúlachta agus ráta tionchair do gach riosca.
Tá liosta gníomhaíochtaí lena laghdófaí an dóchúlacht sin ar áireamh
freisin i gclár na rioscaí; –
Tá an Coimisiúin i mbun scrúdaithe ar an deis an tseirbhís SoL a athdhearadh
chun an tionchar atá aici ar an gcostas iomlán a laghdú; –
Tá sé i mbun oibre freisin ar bhainistiú éifeachtach na gclár a áirithiú, rud a
sheachnódh diallóga agus lena n‑áiritheofaí go bhforbrófaí clár
rialachais láidir don todhchaí; Tá
an Coimisiún, agus an Ghníomhaireacht Eorpach Spáis, ag cur brú ar lucht
tionscail praghsanna na n‑eilimintí éagsúla de bhonnagar Galileo a
chuimsiú; –
Tá bearta breise á ndéanamh ar leibhéal an chláir chun na costais a rialú, mar
shampla optamú ar fhad an chonartha, córais soláthair nua chun satailítí breise
a cheannach agus dhá fhoinse soláthair le haghaidh láinseálaithe; –
Ar deireadh, tá an Coimisiún i mbun oibre maidir leis an gcomhar idir é agus
saineolaithe (neamhspleácha agus ó Bhallstáit) a neartú chun anailís a dhéanamh
ar cheanglais theicniúla na gcóras, ar a gcostais ghaolmhara agus ar roghanna
eile a d’fhéadfadh a bheith ann. <Ceanglais
slándála> Maidir
leis an tslándáil, ní mór a mheabhrú, cé go bhfuil an Coimisiún freagrach as
bainistíocht agus slándáil na gcóras faoin Rialachán seo, tá dhá shrian air sa
réimse seo: –
Ar an gcéad dul síos, is iad na Ballstáit i ndáiríre a shainíonn na riachtanais
slándála. Bíonn na bagairtí a d’fhéadfadh difear a dhéanamh do shlándáil
bonneagair leochailigh, ar nós bhonnegar na loingseoireachta satailíte, ag
síorathrú. Is gá struchtúr na gcóras a oiriúnú go leanúnach do na hathruithe
sin. Is faoi na Ballstáit atá sé roinnt de na rioscaí sin a iompar. –
Ar an dara dul síos, faoi Rialachán GNSS (CE) Uimh. 683/2008 atá i
bhfeidhm faoi láthair is ar an nGníomhaireacht AE a chuirtear an cúram slándáil
na gcóras a chreidiúnú. Is dea-chleachtas rialachais é feidhm na bainistíochta
a dheighilt ó fheidhm an chreidiúnaithe sa tslí seo, agus is é an nós imeachta
caighdeánach agus ríthábhachtach é don chineál seo tionscadail. Sa
dá chás sin, féadfaidh tionchar suntasach a bheidh ag na roghanna nó na cinntí
a dhéantar ar na costais agus na sceidil a bhaineann leis na cláir. I
bhfianaise an tionchair a bhíonn ag ceanglais slándála ar chostais agus ar
mhoilleanna, cuireann an Coimisiún béim ar an tábhacht le creat rialachais na
gclár a athrú agus breis freagrachtaí a thabhairt do na páirtithe leasmhara
éagsúla (go háirithe trí na conraitheoirí agus trí théarmaí ginearálta na
gcomhaontuithe tarmligin).
1.5.4.
Comhchuibheas agus sineirgíocht a d'fhéadfadh a
bheith ann le hionstraimí ábhartha eile
D’fhéadfaí
sineirgíochtaí a dhéanamh le cláir spáis eile atá nó a bheidh ann, e.g. méadú
ar na codanna úsáideoirí (feidhmchláir don mhargadh iartheachtach) nó cosaint
eilimintí an chórais a bunaíodh faoi chlár Galileo sa spás agus le linn
láinseála. Déanfar
iarracht sineirgíochtaí a bhunú freisin i stiúrthóireachtaí eile sa Choimisiún
Eorpach maidir le taighde agus nuálaíocht. Féadfaidh tionchar a bheith ag na
feidhmchláir agus na teicneolaíochtaí bunaithe ar GNSS i gcórais
loingseoireachta satailíte ar earnálacha éagsúla sa gheilleagar agus sa
tsochaí, ar nós earnálacha na faisnéise, an iompair agus an fhuinnimh. Is
tábhachtach a áirithiú gurb é an Coimisiún a dhéanfaidh comhordú ar chláir
taighde agus nuálaíochta chun an toradh ar infheistíocht a uasmhéadú.
1.6.
Fad agus tionchar airgeadais
¨ Togra/tionscnamh d’fhad teoranta ¨ Togra/tionscnamh in éifeacht ón [] go dtí an [] ¨ Tionchar airgeadais ó 2014 go BBBB þ Togra/tionscnamh d’fhad neamhtheoranta[38] –
Cur chun feidhme le tréimhse thosaigh idir 2008
agus 2020, –
agus feidhm iomlán ina dhiaidh sin.
1.7.
Modhanna bainistíochta atá beartaithe[39]
þ Bainistíocht dhíreach láraithe ag an gCoimisiún þ Bainistíocht indíreach láraithe trí na cúraimí cur chun feidhme a tharmligean chuig: –
¨ gníomhaireachtaí feidhmiúcháin –
þ comhlachtaí arna mbunú ag na Comhphobail[40] –
þ comhlachtaí náisiúnta san earnáil phoiblí/comhlachtaí a bhfuil misean
de sheirbhís phoiblí acu[41] –
þ eagraíocht idirnáisiúnta[42] –
¨ daoine a bhfuil sé de chúram orthu gníomhaíochtaí ar leith a chur
chun feidhme de bhun Theideal V den Chonradh ar an Aontas Eorpach agus atá
sainaitheanta sa ghníomh bunaidh ábhartha de réir bhrí Airteagal 49 den
Rialachán Airgeadais ¨ Bainistíocht chomhpháirteach leis na Ballstáit ¨ Bainistíocht dhíláraithe le tríú tíortha ¨ Comhbhainistíocht le
heagraíochtaí idirnáisiúnta (tabhair sonraí) I gcás ina sonraítear
níos mó ná modh bainistíochta amháin, tabhair sonraí sa roinn "Nótaí"
le do thoil. Nótaí Bunaíodh an
creat rialachais reatha le haghaidh chéim forbartha agus imlonnaithe chlár
Galileo, agus le haghaidh chéadchéim saothraithe EGNOS, i.e. le haghaidh na
tréimhse 2008-2013. Ní mór an creat sin a leasú agus é á chur san áireamh
go leanfaidh céim imlonnaithe Galileo ar aghaidh thar 2013 agus go gcuirfear
tús le céim nua den chlár in 2014, tráth a dhéanfar luathsheirbhísí a
sholáthar. Ba cheart rialú EGNOS a shainmhíniú freisin nuair a bheidh an córas
tagtha go dtí céim na hoibríochta. Maidir le céim
saothraithe Galileo, beidh gá creat rialachais seasmhach, fadtéarmach agus
inbhuanaithe a shainiú. Déanfaidh sé úsáid na struchtúr reatha a optamú agus a
chuíchóiriú agus áiritheoidh sé gur de réir a chéile a dhéanfar an t‑athrú
ó chéim an imlonnaithe go céim an tsaothraithe trína gcosnófar leanúnachas na
seirbhíse. Déanfar an rialachas a oiriúnú freisin do na seirbhísí éagsúla atá
ar fáil, mar go bhfuil ceanglais dhifriúla agus úsáideoirí difriúla i gceist
leo. Beidh an
Coimisiún Eorpach freagrach, den chuid is mó, as maoirseacht pholaitiúil
ghinearálta na gclár. Féadfaidh sé bainistíocht na ngníomhaíochtaí oibríochtúla
a tharmligean chuig an nGníomaireacht Eorpach GNSS agus chuig an
nGníomhaireacht Eorpach Spáis, i gcomhréir lena réimse inniúlachta. Beidh an deis
aige freisin dul i gcomhairle le saineolaithe agus leis na Gníomhaireachtaí
náisiúnta spáis i dtaobh ceisteanna teicniúla sonracha.
2.
BEARTA BAINISTÍOCHTA
2.1.
Rialacha faireacháin agus tuairiscithe
Sonraigh cé chomh
minic agus na coinníollacha. Áiritheoidh an Coimisiún go mbeidh foráil maidir le
maoirseacht agus rialú airgeadais ar áireamh sna conarthaí agus sna
comhaontuithe uile a thabharfar i gcrích faoi chuimsiú chláir GNSS. Beidh fócas
áirithe sna sásraí faireacháin agus meastóireachta uile ar chostas na gclár a
chuimsiú ach na seirbhísí a sholáthar gan mhoilleanna. Ag brath ar an gcás, iarrfar cúnamh ar shaineolaithe
seachtracha teicniúla chun faireachán a dhéanamh ar chur chun feidhme na gclár.
Ar bhonn thorthaí na seiceálacha ar an láthair, áiritheoidh an Coimisiún, nuair
is gá, go ndéanfar scála nó coinníollacha na ranníocaíochta airgeadais a
ceadaíodh i dtosach, agus sceideal na n‑íocaíochtaí, a oiriúnú. Molfaidh an Coimisiún: - creat straitéiseach lena n‑áirítear na
príomhghníomhaíochtaí, an buiséad measta agus an t‑amchlár is gá chun
cuspóirí chláir Galileo agus EGNOS a bhaint amach faoin
30 Meitheamh 2014 ar a dhéanaí; - clár oibre bliantúil ina n‑athrófar an creat
straitéiseach go dtí bearta mionsonraithe agus táscairí a bheartófar faoin
15 Nollaig den bhliain roimhe sin ar a dhéanaí; - tuarascáil bhliantúil ar chur chun feidhme ina ndéanfar
meastóireacht ar chomhlíonadh an chláir oibre bhliantúil a bheartófar faoin
15 Márta den bhliain a leanfaidh an bhliain i gceist ar a dhéanaí; - meastóireacht eatramhach ar chláir Galileo agus EGNOS a
dhíreoidh ar thorthaí cainníochtúla agus cáilíochtúla, faoin
30 Iúil 2018 ar a dhéanaí, ach sách luath chun an chéad chreat
airgeadais ilbhliantúil eile a ullmhú. Sa bhreis ar na bearta caighdeánacha sin, déanfaidh an
Coimisiún, agus é ag feidhmiú a chumhachtaí maoirseachta polaitiúla maidir le
cláir Galileo agus EGNOS, na sásraí faireacháin agus meastóireachta ar an
eintiteas atá i mbun bainistíochta ar an gclár a neartú trí phleananna
bainistíochta bliantúla agus tuarascálacha ar chur chun feidhme a iarraidh air,
trí chruinnithe rialta maidir le dul chun cinn an chláir a eagrú agus iniúchtaí
airgeadais agus teicneolaíochta a dhéanamh. Thairis sin, ba cheart go gcruthódh faireachán na gclár
ceangal leis na Ballstáit, mar shampla trína bheith ag brath ar a n‑inniúlachtaí
teicniúla chun ionchur a thabhairt ar fhaireachán teicniúil na gclár agus
príomhtháscairí feidhmíochta a mholadh ar mhaithe le meastóireacht ar na cláir.
Ar deireadh, cuirfidh an Coimisiún sásra bainistíochta
riosca agus uirlisí oiriúnacha bainistíochta chun feidhme ar mhaithe le costas
na gclár a chuimsiú bunaithe ar mheastacháin costais níos fearr, ar thaithí go
dtí seo a chur san áireamh agus ar chur chun feidhme iarbhír na gcóras.
2.2.
Córas bainistíochta agus rialaithe
2.2.1.
Na rioscaí a aithníodh
Tá
ceist na bainistíochta riosca, ar tugadh suntas don tábhacht a bhaineann léi
nuair a rinneadh an t‑athchóiriú rialachais in 2007, curtha ag croílár a
chuid oibre ag an gCoimisiún. Déantar na rioscaí uile a bhaineann leis na cláir
a thaifeadadh go lárnach ar chlár ina liostaítear, ceann ar cheann, na rioscaí
sin a bhaineann leis an slabhra soláthair tionsclaíoch, an ESA, an
Ghníomhaireacht AE, fachtóirí seachtracha ar nós an tionchair atá ag údaráis
pholaitiúla agus ceanglais slándála, agus fachtóirí inmheánacha ar nós eagrú na
gclár. Sanntar leibhéal dóchúlachta agus ráta tionchair do gach riosca. Tá
liosta gníomhaíochtaí lena laghdófaí an dóchúlacht sin ar áireamh freisin i
gclár na rioscaí. Aicmítear na rioscaí mar seo a leanas: •
Rioscaí teicneolaíochta: úsáideann an loingseoireacht satailíte
teicneolaíochtaí ceannródaíocha nach bhfuil bailíochtaithe fós agus a bhfuil na
sonraíochtaí a bhaineann leo ag síorathrú. •
Rioscaí tionsclaíocha: tá baint ag go leor gníomhaithe tionsclaíocha i dtíortha
éagsúla le bunú an bhonneagair, agus is gá a gcuid oibre a chomhordú go
héifeachtach le go gcruthófar córais atá inmharthana agus lánchomhtháite, go
háirithe maidir le slándáil. •
Riosca an mhargaidh: ní foláir a sheachaint go mbeadh tionchar diúltach ag
feidhmíocht theicniúil níos ísle ná an fheidhmíocht atá geallta ar úsáideoirí
ar fud an domhain agus nach mbeadh an bonneagar á úsáid dá bharr. Thairis sin,
ní mór a áirithiú go mbeidh faighteoirí iontaofa ar fáil ó 2014-2015 le
haghaidh na luathsheirbhísí éagsúla a bheidh á dtairiscint ag Galileo, go
háirithe an tseirbhís PRS. •
Riosca amchláir: chuirfí na deiseanna a d’fhéadfaí a chruthú i mbaol dá mbeadh
aon mhoill ar an gcur chun feidhme agus ba dhócha go gcruthófaí costais
bhreise. •
Riosca rialachais: beidh gá le comhar idir comhlachtaí éagsúla chun na cláir a
rialú, chomh maith le leibhéal oiriúnach cobhsaíochta agus eagraíochta. Lena
chois sin, is gá difríochtaí tuairime idir na gníomhaithe éagsúla, agus go
háirithe idir na Ballstáit, a chur san áireamh maidir le roinnt saincheisteanna
tábhachtacha. Sa chomhthéacs sin, ba cheart go smaoineofaí ar roinnt rioscaí,
go háirithe rioscaí airgeadais agus rioscaí a bhaineann le slándáil, a roinnt
idir na gníomhaithe sin is fearr is féidir leo déileáil leo. •
Riosca a bhaineann le freagracht: fearacht gach bonneagair, d’fhéadfadh an dá
chóras Eorpacha bheith ina gcúis dhíreach nó indíreach le caillteanais airgid
d’úsáideoirí nó do thríú páirtithe. Tugadh le fois san anailís a rinne an
Coimisiún nach soláthraíonn an dlí reatha is infheidhme creat dlíthiúil iomchuí
lena n‑áiritheofaí cothromaíocht idir leasanna na n‑íospartach agus
leasanna úinéirí agus oibreoirí na gcóras Eorpach um loingseoireacht satailíte.
Is gá tionscnaimh iomchuí a dhéanamh, dá bhrí sin, san Eoraip agus ar fud an
domhain chun an cás sin a leigheas faoi 2014. Tá staidéar ina leith sin á
dhéanamh ag an gCoimisiún i gcomhar le comhlachtaí idirnáisiúnta eile.
2.2.2.
Modhanna rialaithe atá beartaithe
Tá
formhór na gcistí faoi bhainistíocht indíreach trí chomhaontuithe tarmligin. Is
tábhachtach a mheabhrú go gcuirtear buiséad an GNSS chun feidhme trí phróiseas
tairisceana. Braitheann modh an rialaithe inmheánaigh ar rialú ex ante
na nósanna imeachta tairisceana (meastóireacht agus roghnú an chonraitheora)
agus ar fhaireachán ar na hidirbhearta a dhéantar faoin gconradh tarmligin agus
faoi na pleananna bainistíochta tionscadal inar sainíodh róil na bpáirtithe
leasmhara uile agus lenar cuireadh nósanna imeachta sonracha chun feidhme
maidir le sreabhadh oibre agus gníomhaíochtaí rialaithe. Baineann sé sin go
háirithe maidir leo seo a leanas: -
Rannpháirtíocht i gcruinnithe rialta (cruinnithe bainistíochta agus teicniúla) -
Go bhfuil tuairisciú ráithiúil ar dhul chun cinn an chláir bunaithe ar bhonn
éigeantach. -
Dualgas tuarascálacha ráithiúla a tharraingt suas ar úsáid cistí comhphobail
ina mbeidh táscairí soiléire úsáide trí chonarthaí a síníodh le páirtithe
tionsclaíochta agus na sócmhainní luacháilte a thabhairt cothrom le dáta. Thairis
sin, i gcás conarthaí, ní athrófar an modh rialaithe: tá sé bunaithe go príomha
ar fheidhmíocht céimeanna teicniúla a bhfuil baint dhlíthiúil acu leis na
híocaíochtaí trí chonradh. Is
iad na cúraimí riaracháin atá ar an gCoimisiún na híocaíochtaí a rinne an
gníomhaire tarmligthe leis an tionscal a leanúint, leis an tuairisciú atá
luaite thuas. Tá gá le foireann íosta idir cúigear agus deichniúr FTE chun cur
chun feidhme riaracháin agus teicniúil na gcomhaontuithe tarmligin a rialú.
Áiritheoidh an Coimisiún nach ndéanfar aon mhaoiniú dúbailte ar eilimintí
áirithe faoin gcreatchlár um thaighde agus nuálaíocht, Fís 2020. Sa
bhreis air sin, mar a tuairiscíodh i mír 1.5.3, tá clár rioscaí forbartha
ag an gCoimisiún chun faireachán a dhéanamh ar eilimintí a d’fhéadfadh tionchar
a imirt ar na cláir. Ar
deireadh, mar a luadh in [Airteagal 29 den Rialachán], beidh fáil ar
chúnamh teicniúil ag na heintitis a bheidh i mbun bainistíochta ar na cláir. I
ngeall ar nádúr teicniúil agus speisialaithe na gclár GNSS, níl súil le haon
athruithe móra ar na seiceálacha a dhéanfar. Tá
súil againn go mbeidh an ráta neamhchomhlíonta cothrom leis an ráta reatha.
Déantar iniúchtaí ex post gach bliain, áfach, chun na hidirbhearta ón
mbliain roimhe sin a sheiceáil. Tá an ráta earráide níos ísle ná 1 % le
haghaidh 2009 (coigeartú airgeadais atá molta mar chéatadán den iomlán íoctha).
Iarrfar an ráta sin a ísliú i bhfianaise moltaí a dhéanfaidh iniúchóirí leis an
nGníomhaireacht Eorpach Spáis. I bhfianaise na gcineál conarthaí atá i gceist,
féadfar an ráta sin a eachtarshuí chuig buiséad iomlán GNSS.
2.3.
Bearta chun calaois agus neamhrialtachtaí a
chosc
Sonraigh bearta
coisctheacha agus cosanta atá ann cheana nó atá beartaithe. Déanfar
foráil leis na comhaontuithe a thiocfaidh as an Rialachán seo, lena n‑áirítear
comhaontuithe a chuirtear i gcrích le tríú tíortha rannpháirteacha agus
eagraíochtaí idirnáisiúnta, maidir le maoirseacht agus rialú airgeadais ag an
gCoimisiún, nó ag aon ionadaí a údaróidh sé, agus maidir le hiniúchtaí ag an
gCúirt Iniúchóirí nó OLAF, ar an láthair más gá.
3.
AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH
3.1.
Ceannteidil an chreata airgeadais ilbhliantúil agus
na línte buiséid ar a n‑imrítear tionchar
· Línte buiséid atá ann cheana In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht || LD/LN ([43]) || ó thíortha an CSTE[44] || ó thíortha is iarrthóirí[45] || ó thríú tíortha [46] || de réir bhrí Airteagal 18(1)(aa) den Rialachán Airgeadais [1] || 02010405 Cláir Eorpacha um loingseoireacht satailíte (EGNOS agus Galileo) — Caiteachas ar bhainistíocht riaracháin || LN || TÁ || NÍL || TÁ || NÍL [1] || 020501 Cláir Eorpacha um loingseoireacht satailíte (EGNOS agus Galileo) || LD || TÁ || NÍL || TÁ || NÍL · Línte nua buiséid atá á n‑iarraidh In ord cheannteidil agus línte buiséid an chreata
airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Uimhir [Ceannteideal……………………………] || LD/LN || ó thíortha an CSTE || ó thíortha is iarrthóirí || ó thríú tíortha || de réir bhrí Airteagal 18(1)(aa) den Rialachán Airgeadais [1] || 020503 Na cláir Eorpacha um loingseoireacht satailíte (EGNOS agus Galileo) a chur i gcrích || LD || TÁ || NÍL || TÁ || NÍL
3.2.
An tionchar a mheastar a bheidh ar chaiteachas
3.2.1.
Achoimre ar an tionchar a mheastar a bheidh ar
chaiteachas
EUR milliúin (go dtí an 3ú deachúil) Ceannteideal an chreata airgeadais ilbhliantúil: || 1 || Fás cliste agus cuimsitheach DG: ENTR || || || Bliain 2014 || Bliain 2015 || Bliain 2016 || Bliain 2017 || Bliain 2018 || Bliain 2019 || Bliain 2020 || Bliain 2021 || Bliain 2022 || Blianta 2023 - 2030 || IOMLÁN Leithreasaí faoi chomhair oibríochtaí || || || || || || || || || || || 020501 || Oibleagáidí || (1) || 1 163,5 || 1 187,5 || 990,25 || 1 010 || 799,75 || 1 049,5 || 1 668 || 0 || 0 || 0 || 7 868,5 Íocaíochtaí || (2) || 1 011,5 || 1 181,5 || 955,25 || 1 011 || 672,75 || 1 010,5 || 898 || 500 || 480 || 148 || 7 868,5 Leithreasaí de chineál riaracháin arna maoiniú ó chiste clár sonrach[47] || || || || || || || || || 02010405 || || (3) || 3,5 || 3,5 || 3,75 || 4 || 4,25 || 4,5 || 5 || 0 || 0 || 0 || 28,5 IOMLÁN leithreasaí i gcomhair DG ENTR || Oibleagáidí || =1+1a +3 || 1 167 || 1 191 || 994 || 1 014 || 804 || 1 054 || 1 673 || 0 || 0 || 0 || 7 897 Íocaíochtaí || =2+2a +3 || 1 015 || 1 185 || 959 || 1 015 || 677 || 1 015 || 903 || 500 || 480 || 148 || 7 897 IOMLÁN leithreasaí faoi chomhair oibríochtaí || Oibleagáidí || (4) || x || || || || || || || Íocaíochtaí || (5) || x || || || || || || || IOMLÁN leithreasaí de chineál riaracháin arna maoiniú ó chiste clár sonrach || (6) || x || || || || || || || IOMLÁN leithreasaí faoi CHEANNTEIDEAL <….> den chreat airgeadais ilbhliantúil || Oibleagáidí || =4+ 6 || x || || || || || || || Íocaíochtaí || =5+ 6 || x || || || || || || || Má tá tionchar ag an togra/tionscnamh ar níos mó ná
ceannteideal amháin: IOMLÁN leithreasaí faoi chomhair oibríochtaí || Oibleagáidí || (4) || || || || || || || || Íocaíochtaí || (5) || || || || || || || || IOMLÁN leithreasaí de chineál riaracháin arna maoiniú ó chiste clár sonrach || (6) || || || || || || || || IOMLÁN leithreasaí faoi CHEANNTEIDIL 1 go 4 den chreat airgeadais ilbhliantúil (Méid tagartha) || Oibleagáidí || =4+ 6 || || || || || || || || Íocaíochtaí || =5+ 6 || || || || || || || || Ceannteideal an chreata airgeadais ilbhliantúil: || 5 || "Caiteachas riaracháin" EUR milliúin (go dtí an 3ú deachúil) || || || 2014 || 2015 || 2016 || 2017 || 2018 || 2019 || 2020 || IOMLÁN DG: ENTR || Acmhainní daonna || 9,773 || 9,773 || 9,773 || 9,773 || 9,392 || 8,884 || 8,884 || 66,252 Caiteachas riaracháin eile || 0,850 || 0,850 || 0,850 || 0,850 || 0,850 || 0,850 || 0,850 || 5,950 IOMLÁN DG ENTR || Leithreasaí || 10,623 || 10,623 || 10,623 || 10,623 || 10,242 || 9,734 || 9,734 || 72,202[48] IOMLÁN leithreasaí faoi CHEANNTEIDEAL 5 den chreat airgeadais ilbhliantúil || (Iomlán oibleagáidí = Iomlán íocaíochtaí) || 10,623 || 10,623 || 10,623 || 10,623 || 10,242 || 9,734 || 9,734 || 72,202 EUR milliúin (go dtí an 3ú deachúil) || || || 2014 || 2015 || 2016 || 2017 || 2018 || 2019 || 2020 || 2021 || 2022 || 2023-2030 || IOMLÁN IOMLÁN leithreasaí faoi CHEANNTEIDIL 1 go 5 den chreat airgeadais ilbhliantúil || Oibleagáidí || 1 177,623 || 1 201,623 || 1 004,623 || 1 024,623 || 814,242 || 1 063,734 || 1 682,734 || 0,000 || 0,000 || 0,000 || 7 969,202 Íocaíochtaí || 1 025,623 || 1 195,623 || 969,623 || 1 025,623 || 687,242 || 1 024,734 || 912,734 || 500,000 || 480,000 || 148,000 || 7 969,202
3.2.2.
An tionchar a mheastar a bheidh ar leithreasaí
faoi chomhair oibríochtaí
¨ Ní éilíonn an togra/tionscnamh go n‑úsáidfear
leithreasaí faoi chomhair oibríochtaí þ Éilíonn an togra/tionscnamh go n‑úsáidfear leithreasaí
faoi chomhair oibríochtaí mar a mhínítear thíos: Leithreasaí faoi chomhair oibleagáidí in EUR milliúin
(go dtí an 3ú deachúil) Sonraigh cuspóirí agus aschuir ò || || || 2014 || 2015 || 2016 || 2017 || 2018 || 2019 || 2020 || IOMLÁN || ASCHUIR Saghas ashuir[49] || Saghas aschuir || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Costas iomlán CUSPÓIR SONRACH Uimh. 1[50] Bonneagar agus seirbhísí domhanda loingseoireachta satailíte (Galileo) a fhorbairt agus a sholáthar || || || || || || || || || || || || || || || || Galileo || 5 servic5 services || N/B || 3 || 930,5 || 3 || 942,5 || 3 || 744,25 || 3 || 763 || 3 || 552,75 || 3/5 || 802,5 || 5 || 1 421 || 5 || 6 156,5 Fo-iomlán chuspóir sonrach Uimh. 1 || || 930,5 || || 942,5 || || 744,25 || || 763 || || 552,75 || || 802,5 || || 1 421 || || 6 156,5 CUSPÓIR SONRACH Uimh. 2[51] Seirbhísí satailíte a sholáthar lena bhfeabhsófar feidhmíocht GPS san Eoraip (EGNOS) || || || || || || || || || || || || || || || || EGNOS || 3 servic5 services || N/B || 3 || 233 || 3 || 245 || 3 || 246 || 3 || 247 || 3 || 247 || 3 || 247 || 3 || 247 || 3 || 1 712 Fo-iomlán chuspóir sonrach Uimh. 2 || || 233 || || 245 || || 246 || || 247 || || 247 || || 247 || || 247 || || 1 712 COSTAS IOMLÁN || N/B || 1 163,5 || N/B || 1 187,5 || N/B || 990,25 || N/B || 1 010 || N/B || 799,75 || N/B || 1 049,5 || N/B || 1 668 || N/B || 7 868,5
3.2.3.
An tionchar a mheastar a bheidh ar leithreasaí
de chineál riaracháin
3.2.3.1.
Achoimre
¨ Ní éilíonn an togra/tionscnamh go n‑úsáidfear
leithreasaí de chineál riaracháin þ Éilíonn an togra/tionscnamh go n‑úsáidfear leithreasaí
de chineál riaracháin mar a mhínítear thíos: EUR milliúin (go dtí
an 3ú deachúil) || 2014 || 2015 || 2016 || 2017 || 2018 || 2019 || 2020 || IOMLÁN CEANNTEIDEAL 5 den chreat airgeadais ilbhliantúil || || || || || || || || Acmhainní daonna || 9,773 || 9,773 || 9,773 || 9,773 || 9,392 || 8,884 || 8,884 || 66,252 Caiteachas riaracháin eile || 0,850 || 0,850 || 0,850 || 0,850 || 0,850 || 0,850 || 0,850 || 5,950 Fo-iomlán CHEANNTEIDEAL 5 den chreat airgeadais ilbhliantúil || 10,623 || 10,623 || 10,623 || 10,623 || 10,242 || 9,734 || 9,734 || 72,202 Lasmuigh de cheannteideal 5[52] den chreat airgeadais ilbhliantúil || || || || || || || || Acmhainní daonna || 0 || 0 || 0 || 0 || 0 || 0 || 0 || 0 Caiteachas eile de chineál riaracháin || 0 || 0 || 0 || 0 || 0 || 0 || 0 || 0 Fo-iomlán lasmuigh de CHEANNTEIDEAL 5 den chreat airgeadais ilbhliantúil || 0 || 0 || 0 || 0 || 0 || 0 || 0 || 0 IOMLÁN || 10,623 || 10,623 || 10,623 || 10,623 || 10,242 || 9,734 || 9,734 || 72,202
3.2.3.2.
Na hacmhainní daonna a mheastar a bheidh
riachtanach
¨ Ní éilíonn an togra/tionscnamh go n‑úsáidfear acmhainní
daonna þ Éilíonn an togra/tionscnamh go n‑úsáidfear acmhainní
daonna mar a mhínítear thíos: Sloinnfear an meastachán i méideanna iomlána
(nó go dtí an 1ú deachúil ar a mhéad) || 2014 || 2015 || 2016 || 2017 || 2018 || 2019 || 2020 Poist don phlean bunaíochta (oifigigh agus gníomhairí sealadacha) 02 01 01 01 (Ceanncheathrú agus Oifigí Ionadaíocht an Choimisiúin) || 63 || 63 || 63 || 63 || 60 || 56 || 56 02 01 01 02 (Toscaireachtaí) || 0 || 0 || 0 || 0 || 0 || 0 || 0 02 01 05 01 (Taighde indíreach) || 0 || 0 || 0 || 0 || 0 || 0 || 0 10 01 05 01 (Taighde díreach) || 0 || 0 || 0 || 0 || 0 || 0 || 0 Pearsanra seachtrach (i gcoibhéis lánaimseartha: FTE[53] 02 01 02 01 (CA, INT, SNE ón "clúdach iomlánaíoch") || 26 || 26 || 26 || 26 || 26 || 26 || 26 02 01 02 02 (CA, INT, JED, LA agus SNE sna toscaireachtaí) || 0 || 0 || 0 || 0 || 0 || 0 || 0 02 01 04 bb [54] || - sa cheanncheathrú[55] || 0 || 0 || 0 || 0 || 0 || 0 || 0 - i dtoscaireachtaí || 0 || 0 || 0 || 0 || 0 || 0 || 0 02 01 05 02 (CA, INT, SNE – Taighde indíreach) || 0 || 0 || 0 || 0 || 0 || 0 || 0 10 01 05 02 (CA, INT, SNE – Taighde díreach) || 0 || 0 || 0 || 0 || 0 || 0 || 0 Línte buiséid eile (sonraigh) || N/B || N/B || N/B || N/B || N/B || N/B || N/B IOMLÁN || 89 || 89 || 89 || 89 || 86 || 82 || 82 Is é XX an réimse beartais nó an teideal
buiséid lena mbaineann. Cur síos ar na
cúraimí a bheidh le déanamh: Comhlíonfar na
riachtanais acmhainní daonna trí fhoireann ón DG a bhfuil bainistíocht na
gníomhaíochta faoina cúram cheana agus/nó atá ath‑imlonnaithe taobh
istigh den DG, mar aon le haon leithdháileadh breise a d'fhéadfaí a thabhairt
don DG atá i mbun bainistíochta faoi chuimsiú an nós imeachta maidir le
leithdháileadh bliantúil i bhfianaise na srianta buiséadacha. Tá sé beartaithe
ag DG ENTR an cur chun feidhme a chur faoi chúram páirteach gníomhaireachta atá
ann cheana. Déanfar na méideanna a choigeartú más gá ag brath ar an toradh a
bheidh ar an seachtrú sin. Oifigigh agus gníomhairí sealadacha || - Maoirseacht ar chur chun feidhme chláir Eorpacha GNSS atá dírithe ar EGNOS agus Galileo a imlonnú agus a shaothrú go héifeachtach agus go comhleanúnach; - Anailís dhlíthiúil agus rialaitheach a chur ar fáil chun tacú leis an bpróiseas ceaptha beartas; - A áirithiú go gcomhlíonfaidh na réitigh atá beartaithe na rialacha is infheidhme; - Bainistíocht airgeadais fhónta a ráthú; - Na gníomhaíochtaí a dhéanamh a theastaíonn chun rialú éifeachtach ar chostas a áirithiú; - Na gníomhaíochtaí a bhaineann le comhar idirnáisiúnta a bhainistiú. Pearsanra seachtrach || Tacú leis na cúraimí a thuairiscítear thuas.
3.2.4.
Comhoiriúnacht don chreat airgeadais
ilbhliantúil reatha
þ Tá an togra/tionscnamh comhoiriúnach don chreat airgeadais
ilbhliantúil 2014-2020, i gcomhréir leis an teachtaireacht ón gCoimisiún
COIM(2011)500, 29 Iúil 2011. ¨ Beidh athchlárú an cheannteidil ábhartha sa chreat airgeadais
ilbhliantúil ag gabháil leis an togra/tionscnamh seo. Mínigh an cineál athchláraithe a bhfuil gá leis, agus
sonraigh na línte buiséid lena mbaineann agus na méideanna comhfhreagracha. –
¨ Éilíonn an togra/tionscnamh go gcuirfear an ionstraim sholúbthachta i
bhfeidhm nó go ndéanfar athbhreithniú ar an gcreat airgeadais ilbhliantúil[56]. Mínigh a bhfuil gá leis, agus sonraigh na ceannteidil
agus na línte buiséid lena mbaineann agus na méideanna comhfhreagracha.
3.2.5.
Ranníocaíochtaí ó thríú páirtithe
–
¨ Ní dhéantar foráil sa togra/tionscnamh maidir le cómhaoiniú le tríú
páirtithe. –
þ Déantar foráil sa togra/tionscnamh maidir le cómhaoiniú atá réamh‑mheasta
thíos: Tá roinnt idirbheartaíochta fós ar siúl leis
an Eilbhéis agus leis an Iorua, ach níor thángthas ar aon chomhaontú foirmiúil
go dtí seo agus ní dhéanfar ceann go luath. Dá bhrí sin, ní féidir aon
ranníocaíocht ó thríú páirtithe a chur san áireamh ag an tráth seo. Ba cheart a
mheabhrú nach ndéanfaidh na tíortha sin na cláir GNSS a chómhaoiniú go díreach
(agus ní bheidh aon leithreasaí breise i gceist trí ioncam a thig ó bhuiséad an
Aontais) ach tabharfaidh siad ranníocaíocht sheachtrach. Leithreasaí in EUR milliúin (go dtí an 3ú deachúil) || 2014 || 2015 || 2016 || 2017 || 2018 || 2019 || 2020 || Iomlán Sonraigh an comhlacht cómhaoinithe || || || || || || || || IOMLÁN leithreasaí cómhaoinithe || || || || || || || ||
3.3.
An tionchar a mheastar a bheidh ar ioncam
–
¨ Níl tionchar airgeadais ar bith ag an togra ar ioncam. Níl súil le haon ioncam roimh an cnuasach a
chríochnú, a mhéid is nach mbeidh feidhmíochtaí na luathsheirbhísí i gcomhréir
leis an méid a mbeadh úsáideoirí féideartha ag súil leis sula n‑imlonnófar
an bonneagar iomlán. Faoin am sin, ba cheart go mbeadh anailís
déanta ar an tslí ina mbainistítear na táillí le go saineofar an t‑eintiteas
a bhaileoidh an t‑ioncam (píobháideach/poiblí), na cineálacha ioncaim
agus méid an ioncaim a bhfuil súil leis. –
þ Tá an tionchar airgeadais seo a leanas ag an togra/tionscnamh: –
¨ ar acmhainní dílse –
þ ar ioncam ilghnéitheach EUR milliúin (go dtí an 3ú deachúil) Líne buiséid ioncaim || Leithreasaí atá ar fáil don bhliain bhuiséadach leanúnach || Tionchar an togra/tionscnaimh[57] 2014 || 2015 || 2016 || 2017 || 2018 || 2019 || 2020 || || p.m. || p.m. || p.m. || p.m. || p.m. || p.m. || p.m. I gcás ioncaim
ilghnéithigh shannta, sonraigh na línte buiséid a n‑imrítear tionchar
orthu. Sonraigh an modh chun an tionchar ar ioncam a
ríomh. [1] IO L 196, 24.7.2008, lch. 1. [2] COIM(2011) 5 críochnaitheach [3] COIM(2011) 500
críochnaitheach. Teachtaireacht ón
gCoimisiún chuig Parlaimint na hEorpa, chuig an gComhairle, chuig Coiste
Eacnamaíoch agus Sóisialta na hEorpa agus chuig Coiste na Réigiún dar teideal
"Buiséad do Straitéis Eoraip 2020" ("A Budget for Europe
2020"). [4] COIM(2011) 398
críochnaitheach. Togra le haghaidh
Rialacháin ón gComhairle lena leagtar síos an creat airgeadais ilbhliantúil don
tréimhse 2014-2020. [5] COM (2010) 308 [6] IO L 246, 20.7.2004, lch. 30. [7] IO C an, lch. . [8] IO C an, lch. . [9] COIM(2010) 614 críochnaitheach/2 [10] COIM(2011) 152 [11] IO L 248, 16. 9.2002, lch. 1. [12] COIM(2011) 398 críochnaitheach. [13] COIM(2011) 500 críochnaitheach. [14] IO L 276, 20.10.2010, lch. 1. [15] IO L 246, 20.7.2004, lch. 30. [16] IO L 201, 3. 8.2010, lch. 30. [17] IO L 55, 28.2.2011, lch. 13. [18] IO
L 196, 24.7.2008, lch.1 [19] IO L 138, 28.5.2002, lch. 1. [20] IO L 287, 4.11.2011, lch. 1. [21] IO L 141, 27.5.2011, lch. 17. [22] IO L 317, 3.12.2001, lch. 1. [23] IO C 304, 15.10.201, lch. 7. [24] IO L 345, 23.12.2008, lch. 75. . [25] IO L 8, 12.1. 2001, lch. 1. [26] IO L 281, 23.11.1995, lch. 31. [27] IO L 292, 15.11.1996, lch. 2. [28] IO L 196, 24.7.2008, lch. 1. [29] ABM: Bainistiú de réir gníomhaíochtaí – ABB: Bunú an bhuiséid de réir gníomhaíochtaí. [30] Mar a thagraítear dó in Airteagal 49(6)(a)
nó (b) den Rialachán Airgeadais. [31] Is é limistéar Eorpach chóras EGNOS
an limistéar a chlúdaíonn 44 Ballstát na Comhdhála Eorpaí um Eitlíocht
Shibhialta (ECAC). [32] Doiciméad lena dtugtar sainmhíniú ar an tseirbhís oscailte EGNOS: http://ec.europa.eu/enterprise/policies/satnav/egnos/files/brochures‑leaflets/egnos‑os‑sdd_en.pdf [33] Staidéir ar an tionchar a bheadh ag
imeacht comharthaí GPS ar sheirbhísí tráchtála agus baile na Ríochta Aontaithe
(2001): http://www.ofcom.org.uk/static/archive/ra/topics/research/topics/other/gpsreport/gps‑report.pdf [34] Rún ón gComhairle maidir le
rannpháirtíocht na hEorpa i bhforbairt córais dhomhanda um loingseoireacht
satailíte (GNSS), 19 Nollaig 1994. [35] Comhaontú Idirnáisiúnta mhí an
Mheithimh 2004 maidir le córais loingseoireachta satailíte Galileo agus GPS
agus a bhfeidhmchláir ghaolmhara a chur chun cinn, a sholáthar agus a úsáid. [36] COIM(2011) 5 críochnaitheach. [37] COIM(2011) 500 críochnaitheach. [38] Cuimsíonn clár Galileo na ceithre
chéim seo a leanas: sainiú, forbairt,
imlonnú agus oibriú. Críochnófar céim
an imlonnaithe in 2019. Beidh céim an
oibrithe iomláin ar siúl ar bhonn leanúnach agus leanfaidh sí ar aghaidh i
ndiaidh 2020, dá bhrí sin, agus leanfaidh oibriú an chórais agus uasghrádú an
chnuasaigh ar aghaidh ar feadh na mblianta le nach gcuirfear isteach ar na
seirbhísí. [39] Is féidir mionsonraí ar na modhanna
bainistíochta agus tagairtí don Rialachán Airgeadais a fheiceáil ar shuíomh
gréasáin DG Budg: http://www.cc.cec/budg/man/budgmanag/budgmanag_en.html [40] Mar a thagraítear dóibh in
Airteagal 185 den Rialachán Airgeadais. Beidh an GSA Eorpach bainteach le rialú na gclár GNSS. [41] Gníomhaireachtaí náisiúnta spáis na
hEorpa. [42] An Ghníomhaireacht Eorpach Spáis. [43] LD – Leithreasaí difreáilte / LN –
Leithreasaí neamhdhifreáilte [44] CSTE: Comhlachas Saorthrádála na hEorpa. Eagrófar idirbheartaíocht leis an Iorua le go mbeidh sí páirteach i
mbuiséad 2014-2020. [45] Tíortha is iarrthóirí agus, nuair is
iomchuí, tíortha a d'fhéadfadh a bheith ina n‑iarrthóirí ó na Balcáin
Thiar. [46] Tá idirbheartaíocht ar siúl leis an
Eilbhéis le go mbeidh sí páirteach i mbuiséad 2014-2020. [47] Cúnamh agus caiteachas teicniúil
agus/nó riaracháin ar mhaithe le cláir agus/nó gníomhaíochtaí AE (seanlínte
“BA”), taighde indíreach, taighde díreach a chur chun feidhme. [48] Déanfar an laghdú ar acmhainní daonna a bhfuil baint
dhíreach aige leis an rialachas nua agus le cúraimí a bhaineann le hoibriú
córas a leithdháileadh ar Ghníomhaireacht Eorpach GNSS, déanfar é a chur i
láthair go mionsonraithe le linn an athbhreithnithe ar Rialachán 912 den
Ghníomhaireacht. Tá súil nach ndéanfar an saineolas teicniúil a chuireann an
Coimisiún ar fáil faoi láthair a aistriú chuig an nGníomhaireacht a mhéid is gá
le go mbeidh sí ina ann na cúraimí atá sannta di a chomhlíonadh. [49] Is ionann aschuir agus táirgí agus
seirbhísí le soláthar (e.g.: líon na malartuithe mac léinn a fhaigheann
maoiniú, iomlán km de bhóithre a rinneadh, etc.). [50] Mar a thuairiscítear i Roinn 1.4.2. “Cuspóirí sonracha...” [51] Mar a thuairiscítear i Roinn 1.4.2. “Cuspóirí sonracha...” [52] Cúnamh agus caiteachas teicniúil
agus/nó riaracháin ar mhaithe le cláir agus/nó gníomhaíochtaí AE (seanlínte
"BA"), taighde indíreach, taighde díreach a chur chun feidhme. [53] CA = Gníomhaire ar conradh; INT = Foireann ghníomhaireachta (“Intérimaire”); JED = "jeune expert en délégation"
(saineolaí óg i dToscaireacht); LA =
gníomhaire áitiúil; SNE = saineolaí náisiúnta ar iasacht. [54] Faoin uasteorainn do phearsanra
seachtrach ó leithreasaí faoi chomhair oibríochtaí (na seanlínte
"BA"). [55] Le haghaidh na gCistí Struchtúracha,
an Chiste Eorpaigh Talmhaíochta um Fhorbairt Tuaithe (CETFT) [56] Féach pointí 19 agus 24 den
Chomhaontú Idirinstitiúideach. [57] A fhad a bhaineann le hacmhainní
dílse traidisiúnta (dleachtanna talmhaíochta, tobhaigh siúcra), ní mór na
méideanna a luaitear a bheith ina nglanmhéideanna, i.e. méideanna comhlána agus
25 % de chostais bhailiúcháin a bheith bainte astu.